IMDB (8.7/10)

Grimm တွေဟာ သာမန်လူမျက်စိနဲ့မမြင်နိုင်တဲ့ လူယောင်ဆောင်နေတဲ့ သဘာဝလွန်အကောင် ဝက်ခ်ဆန်(Wesen)တွေကို မြင်နိုင်တဲ့ အမြင်စွမ်းအားတွေကို ပိုင်ဆိုင်ထားကြသူများဖြစ်ပါတယ် ။

ဇာတ်လမ်းအစမှာ မင်းသားက ရဲဆိုတော့ လူသတ်မှုတစ်ခုနဲ့စထားတယ် ။ ရဲအဖြစ်နဲ့ အမှုတွေလိုက်စုံစမ်းရင်းတစ်ချို့လူတွေရဲ့ လူပုံသဏ္ဍန် မဟုတ်တာတွေကို ဖျတ်ခနဲမြင်မြင်နေရရာကနေ လူအယောင်‌ဆောင်ထားတဲ့ သဘာ၀လွန်မကောင်း‌ဆိုးဝါးတွေကို ဘယ်လိုမျိုး တိုက်ခိုက်နှိမ်နင်းမလဲဆိုတာကတော့...

Supernatural လိုစီးရီးမျိုးကြိုက်တတ်တဲ့လူအတွက်ကတော့ တကယ့်ရှယ်ပါပဲ ...

၁၉၇၀ခုနှစ် ဂျပန်နိုင်ငံမှာ စတင်ထားပြီးတော့ ယာကူဇာတွေဟာ ဆာမူရိုင်းတွေကို အမြစ်ဖြတ်ချေမှုန်းရာကနေ ကျောင်းသားလေးတစ်ယောက် ကျန်ရှိလို့နေခဲ့ပါတယ်။ အဲဒီကျောင်းသားလေးကတော့ အိုဂျီလို့ခေါ်ပြီး ဂျပန်အတွက် တိုက်ပွဲဝင်ပြီးတော့ ကျဆုံးသွားတဲ့ အိန္ဒိယနိုင်ငံသားတစ်ဦးရဲ့ သားဖြစ်ပြီး ဆာမူရိုင်းမာစတာကြီးမှ ခေါ်ယူမွေးစားထားသူဖြစ်ပါတယ်။

သူဟာ အသက်ဘေးကနေ လွတ်မြောက်ခဲ့ပြီးတော့ ဂျပန်ကို စီးပွားလာရှာပြီး အိန္ဒိယမှာ ဆိပ်ကမ်းဆောက်ဖို့ ပြန်မဲ့ ဆတ်ယာဒါဒါဆိုတဲ့သူရဲ့လက်အောက်မှာ စစ်သည်တော်တစ်ဦးအနေနဲ့ မွမ်ဘိုင်းကို ပြန်လာခဲ့ပါတော့တယ်။

အိုဂျီဟာ မလိုလားတဲ့အဖြစ်အပျက်တစ်ခုကြောင့် မွမ်ဘိုင်းမြို့ကနေ ဆယ်နှစ်လောက် ရှောင်တိမ်းနေရင်း အေးချမ်းစွာနေထိုင်လျှက်ရှိပါတယ်။ ဒါပေမဲ့ ဆတ်ယာဒါဒါရဲ့ ဆိပ်ကမ်းထဲကို တရားမဝင်ပစ္စည်းတွေ တင်ဆောင်ထားတဲ့ ကွန်တိန်နာတွေ ချရာကနေ ပြဿနာတွေက စတင်လာပါတော့တယ်။

ဂျင်မီတစ်ယောက် ကွန်တိန်နာထဲက တရားမဝင်ပစ္စည်းတွေကို လိုချင်ဇောနဲ့ ဆတ်ယာဒါဒါ့အသက်ကို ထိခိုက်ဖို့လုပ်လာခဲ့တဲ့အချိန်မှာတော့ အိုဂျီကို ဆတ်ယာဒါဒါ့လူတွေဟာ အိုဂျီကို ရှာဖွေဆက်သွယ်ကြပါတော့တယ်။

တစ်ဖက်မှာလည်း အိုဂျီတစ်ယောက် ရာဇဝတ်ဂိုဏ်းခေါင်းဆောင်ဖြစ်သူ အိုမီကနေ မိသားစုကို ခြိမ်းခြောက်လာတဲ့အတွက် သူချစ်တဲ့ မိသားစုကို ဘယ်လိုပုံစံနဲ့ ကာကွယ်သွားမလဲ ..........
ဆတ်ယာဒါဒါရဲ့ ကိစ္စကိုရော အိုဂျီတစ်ယောက် ဘယ်လို ကူညီဖြေရှင်းပေးသွားမလဲ ...... ဆိုတာတွေကို ခပ်မိုက်မိုက် ဖိုက်တင်ခန်းတွေနဲ့အတူ ကြည့်ရှုရမဲ့ အက်ရှင်ဇာတ်ကားကောင်းလေးဖြစ်ပါတယ်။

Tears of the Sun ဆိုတဲ့ စစ်ကားဟာ ကျွန်တော်တို့
ကလေး ဘ၀ကထဲက ထွက်ရှိပြီး ဘာသာစကားနားမလည်
စာတန်းမထိုးဘဲနဲ့ ကြည့်ခဲ့ရတာပါ…..
သို့ပေမယ့် Bruce Willis ခေါင်းဆောင်တဲ့ Navy SEAL အဖွဲ့ဟာအန္တရယ်များလွန်းလှတဲ့ ပြည်တွင်းစစ်ကြားမှာ ကယ်ဆယ်ရေးသွားလုပ်ရတဲ့ အထူးစစ်ဆင်ရေးတစ်ခုဆိုတာကို
ကျွန်တော်တို့ သိခဲ့ကြတယ်….

ဟော်လီးဝုဒ်ရဲ့ နာမည်ကြီး All-star A list တွေကြည့်ပါဝင်ထားတဲ့ ရုပ်ရှင်ကားကြီးထွက်လာပါပြီ.. Austin Butler, Bad Bunny , Zoe Kravitz, Matt Smith ..ပါတဲ့ Cast တွေနဲ့တင် အရမ်းကောင်းနေပြီး Rating လည်း 7.3 လောက်ရထားပါတယ်...

ဇာတ်လမ်းကတော့ရိုးရှင်းပါတယ်... ငယ်ငယ်က ဘေ့စ်ဘောအားကစားမှာ ပါရမီပါခဲ့ပေမဲ့ အက်ဆီးဒင့်တစ်ခုကြောင့် ဘဝလမ်းပျောက်ပြီး အသက်နည်းနည်းရလာတော့ ဘားတစ်ခုမှာ အဖျော်ဆရာလုပ်ပြီး ဘဝကိုအေးဆေးဖြတ်သန်းနေခဲ့တဲ့ ဟန့်ခ်သွန်ဆင်ဆိုတဲ့ လူတစ်ယောက်ရှိတယ်...

သူ့ဆီကို တစ်နေ့ သူငယ်ချင်းဟောင်း ရက်စ်မိုင်နာဆိုသူက အလောတကြီးရောက်လာပြီး ကြောင်တစ်ကောင်နဲ့ သော့တစ်ချောင်းကိုပေးသွားပါတယ် ပြီးတော့ လန်ဒန်က အဖေဖြစ်သူရဲ့နောက်ဆုံးအချိန်ရောက်နေလို့ ပြန်ရမှာဆိုပြီး ဟန့်ခ်ကို ကြောင်နဲ့ သော့ကိုပါအပ်သွားတယ

လူတွေကြားမှာ သိုဝှယ်ဖုံးကွက်ပြီးနေတဲ့ စုန်းမလေး ..

Mayfair Witches စဆုံး (မြန်မာစာတန်းထိုး)

ရိုဝင်မှာ ပြဿနာတစ်ခုရှိနေခဲ့ပြီးအဲဒါကတော့ ဒေါသထွက်လာချိန်တိုင်း သူ့ရဲ့စိတ်နဲ့ တစ်ဖက်လူကိုသတ်မိနေတဲ့ ကိစ္စပါ။ ရိုဝင်ကိုယ်တိုင်ကလည်း မကောင်းတဲ့အစွမ်းပိုင်ရှင် မကောင်းဆိုးဝါးတစ်ဦးအဖြစ် စတင်တွေးမိလာပါတယ်။

တစ်ချိန်တည်းမှာပဲ ရိုဝင်ဟာသူ့ကိုယ်သူ မွေးစားသမီးမှန်းသိနေလို့ဒီအစွမ်းဟာ သူ့မိဘအရင်းတွေဆီက ဆက်ခံခဲ့တာလား၊ သူ့ရဲ့မိဘအရင်းအချာတွေက ဘယ်သူတွေဖြစ်မလဲဆိုတာကို သိချင်လာပြီးအပူတပြင်းရှာဖွေရင်း မျိုးဆက်အဆင့်ဆင့် လက်ဆင့်ကမ်းလာတဲ့ကျိန်စာတစ်ခုနဲ့ အလွန်နီးစပ်တဲ့ အခြေအနေတစ်ခုကို ရောက်ရှိသွားပါတော့တယ်။

ရိုဝင်ရဲ့မကောင်းတဲ့စိတ်စွမ်းအင်က ဘယ်လိုကြောင့်ဖြစ်လာတာလဲ၊သူ့မိဘအရင်းတွေက ဘယ်သူတွေဖြစ်မလဲ၊ ဘာကိစ္စကြောင့် သူ့ကိုစွန့်ပစ်ခဲ့တာလဲ၊ သူတို့ကြုံခဲ့ရတဲ့ကျိန်စာက ဘယ်လောက်ဆိုးရွားလဲထိုကျိန်စာဆိုးကို ရိုဝင်တစ်ယောက် ဘယ်လိုရင်ဆိုင်သွားမလဲဆိုတာ
Crd

TRON: Legacy (2010)

IMDb – 6.8/10, Rotten 🍅 – 81%

Tron : Legacy (2010)ကတော့ ၂၀၁၀ ထွက် သိပ္ပံစိတ်ကူးယဉ်ကားကောင်းလေးတစ်ကားဖြစ်ပါတယ်။

ဇာတ်ညွှန်း Kevin Flynn ဟာ နည်းပညာအတော်လေးတော်တဲ့လူတစ်ယောက်ဖြစ်ပါတယ်။ သူဟာ Digital World တစ်ခုကို ဒီဆောက်နိုင်တဲ့ Coding ဆရာကြီးဆိုလည်းမမှားပါဘူး။ သူ့မှာ သားလေးတစ်ယောက်ရှိပါတယ်။နာမည်က Sam Flynn။ Kevin က Sam ကိုပြောနေကြတစ်ခုရှိတယ်။

အဲဒါက သူ Digital World မှာ Tron လို့ခေါ်တဲ့ Digital လူသားတစ်ယောက်ကို ဖန်တီးထားတယ်။ သူနဲ့လည်းအရမ်းကိုခင်တဲ့အကြောင်းတွေပြောပြခဲ့ပါတယ်။ ကလေးပဲရှိသေးတဲ့ Sam အဖို့ ဒါဟာတကယ်ကိုကြီးမားတဲ့ စိတ်ကူးယဉ်ဇာတ်လမ်းတစ်ခုဖြစ်ခဲ့ပါတယ်။ တစ်ရက်မှာတော့ Kevin ဟာ ပျောက်ချင်းမလှပျောက်သွားပြီး Sam တစ်ယောက်တည်း လူ့လောကမှာကျန်ခဲ့ပါတယ်။

Sam အရွယ်ရောက်လာတဲ့အခါမှာ သူ့အဖေပြောပြခဲ့တဲ့ Tron ဇာတ်လမ်းဟာ တကယ်မဖြစ်နိုင်မှန်း နားလည်ခဲ့ပါတယ်။ ဒါပေမဲ့ တကယ်ဖြစ်နိုင်ခဲ့ရင်ရော...

IMDb – 6.1/10, Rotten 🍅 - 82%

(ဝတ်လစ်စလစ် အခန်းတချိုပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။)

ဒီကားက လူ ၄ ယောက်ထဲနဲ့ ရိုက်ထားပေမဲ့ အတော်လေးကြမ်းတဲ့ Psychology Horror ကားလိုပြောရမယ်။ဇာတ်လမ်းစထဲက ဘယ်သူက လူကောင်းလူဆိုးသိနေပေမဲ့...လူတွေရဲ့ စိတ်ထဲက လျှိဝှက်ချက်တွေ မသိစိတ်တွေ မျက်ကွယ်ရာတွေ မလုံခြုံမှုတွေကို အသက်ရှူကြပ်ချင်စရာကောင်းအောင် ရိုက်ပြထားတယ်။

ဇာတ်လမ်းမှာ Sage နဲ့ Diego ဆိုတဲ့ လင်မယားက Romantic အားလပ်ရက်ခရီးထွက်လာရင်း အရိုးရေကန်ဆိုတဲ့ ခြံကျယ်ကြီးထဲက ဇိမ်ခံအိမ်ကြီးမှာ တစ်ပတ်တာငှားလိုက်ကြတယ်။ ဖြစ်ချင်တော့ ဒီအိမ်ကို Will နဲ့ Cin ဆိုတဲ့ စုံတွဲကလည်း မကြာခင် ရောက်လာပြီး ဘွတ်ကင်လုပ်ပြီးသားဖြစ်နေတဲ့အတွက်...အိမ်ရှင်အမှားဖြစ်နေတဲ့အတွက် ညှိနှိင်းပြီး ပေါင်းနေကြဖို သဘောတူလိုက်ကြတယ်

Tooth Fairy ( 2010 )

ဒဲရစ် သွန်မဆင်ဆိုတဲ့ ဟော့ကီးသမားကတော့ ပရိသတ်တွေကြားမှာ သွားနတ်သားလိုနာမည်ပြောင်ရထားပြီး fantasy တွေကိုလည်း bullshit လိုတွေးထားသူတစ်ယောက်ပါ၊ ကလေးတွေနဲ့တွေ့ရင်လည်း ကျွန်တော်က နာမည်ကြီး ဟော့ကီးကစားသမားဖြစ်ချင်တာဗျဆိုရင် မင်းထက်တော်တဲ့ကောင်တွေအများကြီးရှိသေးတယ်၊ ဘဝမှာအများကြီးမျှော်လင့်မထားနဲ့ ဆိုပြီး ပြောတတ်တဲ့သူမျိုးပေါ့။
ဒီလို ဘုလကန့်ဂွစာလူ၊ Fantasy တွေကိုမယုံတဲ့သူကိုအပြစ်ပေးဖိုဆိုပြီး ဆင့်ခေါ်စာရောက်လာခဲ့ပါတယ်၊ fantasy တွေကိုမယုံတဲ့သူ့ခမျာ Fantasy Land ဖြစ်တဲ့နတ်သူငယ်တိုင်းပြည်ကိုရောက်သွားပါတော့တယ်။
Family/Comedy ကားဖြစ်ပြီးတော့ အိပ်မက်တွေကိုဆက်လက်ရှင်သန်နေစေဖို မဖြစ်နိုင်ဘူးဆိုတာ အတွေးသပ်သပ်ဖြစ်ပြီး ဘဝမှာ မဖြစ်နိုင်တာတွေလည်း ဖြစ်လာနိုင်တယ်ဆိုတာ ပြောပြထားတဲ့ကားကောင်းလေးတစ်ကားပါ။

Keep Dreaming! လူသားဆန်ပါ။ လူသားဆိုတာ အိပ်မက်တွေနဲ့ကင်းလိုမရနိုင်ပါ…။

Liaison (2023)

နိုင်ငံရေးအရှုပ်အထွေး စပိုင် အက်ရှင် ဆိုက်ဘာတိုက်ခိုက်မှု…..
ဒီလိုဇာတ်လမ်းသွားကိုစိတ်ဝင်စားသူတွေအတွက် အသစ်စက်စက်စီးရီး Liaison ပါ။
ဇာတ်လမ်းအစမှာ ဘရစ်တိန်မှာ ဆိုက်ဘာတိုက်ခိုက်ခံရမှုအရိပ်အယောင်တွေစတွေ့ရပါတယ်။
ဆိုက်ဘာတိုက်ခိုက်မှုဆိုတော့ ခြိမ်းခြောက်တာတွေအပေးအယူလုပ်တာတွေလုပ်မနေပဲ ခပ်မြန်မြန်ပဲဖြစ်လာပါတယ်။
ဟက်ခံရတာကတော့လန်ဒန်ကသိမ်းရေကာတာပါ။
မုန်တိုင်းကြီးချိန်မှာရေကာတာတွေ ဖွင့်မရအောင်ဟက်ခဲ့တာကြောင့် လန်ဒန်တစ်မြို့လုံးရေကြီးသွားခဲ့ပါတယ်။
ဒါက ဟက်တာလား ဆော့ဖ်ဝဲလ်အမှားအယွင်းလား သူတို့စစ်ဆေးစဥ်မှာပဲ
ဘရစ်တိန်ကိုဆိုက်ဘာတိုက်ခိုက်မယ့်အချက်အလက်တွေကို သိထားတယ်လို့ပြောတဲ့
ဆီးရီးရားဟက်ကာနှစ်ယောက်က ပြင်သစ်မှာနိုင်ငံရေးခိုလှုံခွင့်တောင်းလာပါတယ်။
ဒီဟက်ကာနှစ်ယောက်ကို ရဖို့ ဆီးရီးရား၊ ဗြိတိန် နဲ့ ပြင်သစ် သုံးနိုင်ငံလုံးက
အပြိုင်အဆိုင်ကြိုးပမ်းကြရင်းဆက်ဖြစ်လာမယ့်နိုင်ငံရေး အရှုပ်အထွေးတွေကိုဆက်ကြည့်ရမှာပါ။
အဲ့ဒါအပြင် ဒီပြဿနာထဲမှာ ပါဝင်နေတဲ့ အရာရှိတွေရဲ့ အတိတ်ကအရိပ်တွေ အဆက်ဟောင်းတွေလဲ ပြန်လည်အသက်ဝင်လာတာကြောင့်
နိုင်ငံရေးနဲ့ကိုယ်ရေးကိုယ်တာကြားလွန်ဆွဲမှုတွေ သက်ရောက်မှုတွေကိုလဲကြည့်ကြရဦးမယ့် နိုင်ငံရေးဒရာမာစီးရီးကောင်းတစ်ခုပါပဲ။

Backdrops



Synopsis of Maldivas (2022)
Maldivas (2022)

Netflix ရဲ့Mystery ဆန်ဆန် ပေါ်တူဂီ စကားပြော
ဘရာဇီး စီးရီးလေးတစ်ခု တင်ဆက်ပေးလိုက်ပါတယ်



Maldivas ဆိုတာ လူချမ်းသာတွေ နေကြတဲ့ တန်ဖိုးကြီး ကွန်ဒို တိုက်ခန်းတွဲပါ

ထိတ်လန့်စရာ ဖြစ်ရပ်ဆိုးကြောင့် သမီးဖြစ်သူနဲ့ အဆက်အသွယ်ဖြတ်ထားတဲ့ ပက်ထရီဆီယာ…

Maldivas ရဲ့ ဘုရင်မလို့ တင်စားခေါ်ဝေါ်ကြတဲ့
ပလတ်စတစ်ဆာဂျင် ဗစ်တာဟူဂိုးရဲ့ဇနီးဖြစ်သူ ပြီးပြည့်စုံတဲ့ ဘဝပိုင်ရှင် မီလာနီ….

တွဲဖက် အဆိုတော် ကော်အာနဲ့ လက်ထပ်ထားတဲ့
အောင်မြင်တဲ့ အဆိုတော် လုပ်ငန်းရှင် ရေဇာ…

ခင်ပွန်းသည်က အဂတိလိုက်စားမှုနဲ့ အိမ်မှာ အကျယ်ချုပ်ကျခံထားရတဲ့
ကလေးနှစ်ယောက် အမေ ကတ်….

သူတို့တွေက အဲဒီကွန်ဒိုရဲ့ လူသိများသူတွေပါ

တစ်နေ့တော့ အဲဒီကွန်ဒိုမှာ ထူးခြားဆန်းကြယ်တဲ့ မီးလောင်မှုဖြစ်ပြီး
အားလုံးက တစ်ကောင်ကြွက်လို့ ထင်ထားကြတဲ့
ပက်ထရစ်ဆီယာ သေဆုံးသွားခဲ့ပါတယ်

တိုက်တိုက်ဆိုင်ဆိုင်ပဲ ပက်ထရီဆီယာ သေဆုံးသွားပြီးတဲ့နောက်မှာ
Maldivas ကွန်ဒိုကို သူ့သမီးဖြစ်သူ လဇ် လိုဘာတို ရောက်ရှိလာပြီး
အမေဖြစ်သူရဲ့ သေဆုံးမှုကို စုံစမ်းပါတော့တယ်

Maldivas ရဲ့ လူသိများတဲ့ သူတွေက ဒီမီးလောင်မှုနဲ့ ဘယ်လိုပတ်သက်နေလဲ
သူတို့ တစ်ဦးချင်းစီမှာရော ဘာလျှို့ဝှက်ချက်တွေရှိနေလဲ ဆိုတာတွေကို
အပိုင်း ၇ ပိုင်း ရှိတဲ့ ဒီစီးရီးလေးမှာ အဖြေရှာကြည့်ကြရမှာပါ

Butterfly (2025)

စပိုင် နဲ့ စပိုင်ချင်း ကျုံးကြတဲ့ အက်ရှင်ဇာတ်လမ်းတွဲအသစ်ပါ။ အစအဆုံး ကြမ်းပါတယ်။ မျက်နှာသစ်မင်းသမီးတွေထဲမှာ အတော်ကိုလှတဲ့ Reina Hardesty ပါဝင်ထားပြီး မင်းသားကြီး Daniel Dae Kim အပြင် The Haunted Palace, Flower of Evil တိုထဲက မင်းသား Kim Ji Hoon လည်း ပါဝင်သရုပ်ဆောင် ထားပါတယ်။ကတ်ဒစ်ဆိုတဲ့ ပုဂ္ဂလိက စပိုင်အဖွဲ့ဟာ နိုင်ငံလျှို့ဝှက်ချက် ရောင်းစားတာတွေ၊ နိုင်ငံရေးပုဂ္ဂိုလ်တွေကိုလုပ်ကြံတာတွေ စစ်ဆင်ရေးအကြီးစားတွေလုပ်နိုင်တဲ့ ကြောက်စရာ အဖွဲ့ကြီးဖြစ်ပါတယ်။ အဲဒီ အဖွဲ့ရဲ့အတော်ဆုံးလုပ်ကြံရေးသမားကတော့ ရီဘက်ကာဆိုတဲ့ မိန်းမငယ်လေးပါပဲ။

တစ်နေ့မှာတော့ ရုရှားသံအမတ်တစ်ယောက်ကိုလုပ်ကြံပြီးချိန်မှာပဲ ရီဘက်ကာနောက်ကို လူတစ်ယောက်က လိုက်လာပါတယ်။ အဲဒီလူက လွန်ခဲ့တဲ့ ၉ နှစ်ကတည်းက သေပြီလို့ ထင်နေကြတဲ့ ရီဘက်ကာရဲ့အဖေ ဒေးဗစ်ဖြစ်နေပြီး ကတ်ဒစ်ကို စတည်ထောင်ခဲ့တဲ့ စောင်ကြမ်းဘဲကြီးလည်းဖြစ်နေပါတယ်။ သူတို့သားအဖနဲ့ လက်ရှိ ကတ်ဒစ်စပိုင်အဖွဲ့တို့ ဘာတွေဆက်ဖြစ်ကြမလဲဆိုတာ ကြည့်ရမှာပါ။

အပန်းဖြေနိုင်မယ့် ပေါ့ပါ့ပါးပါး အချစ်ဟာသလေးတွေ မျှော်နေသူတွေအတွက် IMDb 7.5 ရရှိထားတဲ့ comedy, romance Netflix စီးရီးလေးလာပါပြီ



မမကြီးတွေ မောင်လေးတွေကို ကြိုက်မိပြီး ဘယ်လောက်ထိ လိုက်ဆိုးဖူးလဲ။

ဆိုဖီဆိုတဲ့ အမျိုးသမီးဟာ ကလေး ၂ ယောက်အမေဖြစ်ပြီး အကြံပေးတဲ့အလုပ်ကို လုပ်ကိုင်သူဖြစ်ပါတယ်။

တစ်နေ့ ဆိုဖီဟာ ပုံနှိပ်တိုက်ဟောင်းတစ်ခုကို ပြန်ပြီး ခေတ်မီအောင် ပြုပြင်ဖို့အတွက် တာ၀န်ကျလာပါတယ်။

ပုံနှိပ်တိုက်ကို ရောက်တဲ့အခါမှာ မက်စ်လို့ခေါ်တဲ့ ကောင်လေးတစ်ယောက်နဲ့ တွေ့ပြီး ဇာတ်လမ်းလေးတွေဖြစ်လာပါတော့တယ် …..

comedy romance ဆိုပေမယ့် ပေါ့ပျက်ပျက်မဟုတ်ဘဲ သူ့ဇာတ်ကြောင်းလေးနဲ့သူမို့ ကြည့်ရတာ တန်ပြီး အပန်းပြေစေမှာပါ

Synopsis of Defending Jacob (2020) Season 1 [COMPLETE]
ဇာတ်လမ်းကတော့ Defending Jacob ဆိုတဲ့ စကားအတိုင်းပဲ ဂျေကော့ဘ်အတွက် ခုခံကာကွယ်ပေးရမှာပါ။

ဂျေကော့ဘ် ဆိုတာကတော့ အန်ဒရူးဘာဘာဆိုတဲ့ ခရိုင်ရှေ့နေတစ်ယောက်ရဲ့သားပါ။



ခရိုင်ရှေ့နေက သူ့သားအတွက် ဘာလို့ သူက ရှေ့နေလိုက်ပေးရတာလဲ?

သူ့သားကရော ဘာတွေ လုပ်ခဲ့လို့လဲ?

ဇာတ်လမ်းအကျဉ်းကတော့ ဒီလိုပါ။

အလယ်တန်းကျောင်းသားလေး ဘန်ရစ်ဖ်ကင်အသတ်ခံရတဲ့အမှုကို အန်ဒီတစ်ယောက် စုံစမ်းရပါတယ်။

ဒါပေမယ့် မမျှော်လင့်ဘဲ သားဖြစ်သူဂျေကော့ဘ်ကို တရားခံအဖြစ် စွပ်စွဲခံရတဲ့အခါမှာတော့ ….

တကယ့်တရားခံအစစ်က ဘယ်သူလဲ?????

သူ့သားကရော ဘန် ရစ်ဖ်ကင်ကို တကယ်သတ်ခဲ့တာလားဆိုတာကတော့????

ဧပြီလ ၂၄ ရက်နေ့မှာ Apple TV+ ကနေ ထုတ်လွှင့်ပြသခဲ့ပြီး လက်ရှိမှာ ၄ ပိုင်း ပြသပြီးဖြစ်ပါတယ်။

နောက်အပတ်တွေမှာတော့ အပတ်စဉ် သောကြာနေ့တိုင်း ထုတ်လွှင့်ပြသပေးသွားမှာပါ။

စုစုပေါင်း အပိုင်း ၈ ပိုင်း ပါဝင်ပါတယ်။ William Landay ရဲ့ ဝတ္ထုကို အခြေခံပြီး ရိုက်ကူးထားတာပါ။

ပါဝင်ထားတဲ့ ခေါင်းဆောင်မင်းသား ၂ လက်ကတော့ ပျိုမေတို့ အသည်းကျော်ဖြစ်တဲ့ Captain America ကြီး နဲ့ IT ထဲက မင်းသားလေးပါပဲ။

ဂျေကော့ဘ်အနေနဲ့ Jaeden Martell က သရုပ်ဆောင်ထားပြီး ဂျေကော့ဘ်ရဲ့အဖေ အန်ဒရူး အနေနဲ့က Chris Evans က သရုပ်ဆောင်ထားတာပါ။

IMDb – 8.5/10 ရရှိထားပြီး Rotten Tomatoes မှာတော့ Audience Score – 96% ရရှိထားပါတယ်။

အပတ်စဉ် မပြတ်တမ်း ကြည့်ရှူအားပေးရမယ့် ဇာတ်လမ်းတွဲတစ်ခု တိုးလာပြီပဲ ဖြစ်ပါတယ်။

Zombieကားမှ Zombieကားဆိုပြီး Zombieကားတိုင်းကို ဘယ်နိုင်ငံကထွက်ထွက် မလွတ်တမ်းကြည့်ရှုတတ်တဲ့ Kassလိုပရိသတ်အကြီးစားတွေရှိလားရှင့်။ ရှိတယ်ဆိုရင်တော့ သုံးနှစ်ကျော်လောက်စောင့်ဆိုင်းခဲ့ရတဲ့ Zomvivorထွက်ရှိလို့လာပါပြီရှင်။ZeeNunewအပါအဝင်MaxNat,TutorYim,Jimmy,Tommy,Poppy,Mark,Net,James,Parkတို့လို DMD actorအများစုက Main roleအနေနဲ့ပါဝင်ထားတဲ့အပြင် ဗန်ပိုင်းယားသခင်ကြီးBounနဲ့ ကိုကိုBossတို့အပြင် တခြားသရုပ်ဆောင်အများစုလည်း အဓိကပါဝင်ထားပြီး အဘဆရာတို့အတွဲKengNampingကလည်း ပါဝင်သရုပ်ဆောင်ထားတာမလို့ ကြည့်လို့ကောင်းနေမှာတော့မလွဲပါပဲနော်။အမည်မသိဗိုင်းရပ်စ်တစ်ခုက မြို့အနှံ့ပျံ့နှံ့သွားပြီး မြို့နေပြည်သူလူထုတစ်ရပ်လုံး ဇွန်ဘီတွေအဖြစ်ပြောင်းလဲသွားတဲ့အခါ....။ အသက်ရှင်ကျန်သူ ကျောင်းသားတစ်စုက ကျောင်းမှာ ဒုက္ခသည်တွေအဖြစ်နဲ့သောင်တင်နေရင်းကနေ ဇွန်ဘီတွေရဲ့အန္တရာယ်ကနေ လွတ်မြောက်အောင် သက်စွန့်ဆံဖျားရှင်သန်ရုန်းကန်ကြပုံကို ပရိသတ်အချစ်တော်မင်းသားမင်းသမီးတွေ အမြောက်အများနဲ့ ရိုက်ကူးထားတဲ့ ဒီဇာတ်လမ်းလေးကို Kassနဲ့အတူ B&B Myanmarမှာ ကြည့်ရှုလိုက်ကြရအောင်လားရှင်

Knuckles (2024)

Sonic the Hedgehog ထဲက နက်ကယ်လေးရဲ့ spin-off series ဖြစ်ပြီး ဒီနှစ်ကုန်ပိုင်းလောက် ထွက်ရှိမယ့် Sonic 3 မတိုင်ခင် အလွမ်းပြေအနေနဲ့ ကြည့်ရှုနိုင်ဖို့ ပူပူနွေးနွေးတင်ဆက်ပေးလိုက်ပါတယ်။

ဒီ miniseries လေးမှာတော့ Sonic ရဲ့ ဘော်ဒါကြီး ဂွကျသူ အနီရောင် အီခစ်ဒ်နာလေး နက်ကယ်က ဝိတ်ကို အီခစ်ဒ်နာ စစ်သည်တော်ကောင်းတစ်ယောက်ဖြစ်အောင် လေ့ကျင့်ပေးမှာပဲဖြစ်ပါတယ်။ ဝိတ်အဖြစ် Adam Pally နဲ့ နက်ကယ်အဖြစ် Idris Elba ကပဲ အသံသရုပ်ဆောင်ထားတာဖြစ်ပြီး အပိုင်း ၆ ပိုင်းထွက်ရှိထားပါတယ်။

နက်ကယ်က ကမ္ဘာမြေကြီးနဲ့ လိုက်လျောညီထွေဖြစ်အောင် ကြိုးစားနေရင်းနဲ့ ဝိတ်ကို အစ်ခစ်ဒ်နာ စစ်သည်တော်ကောင်းတစ်ယောက်ဖြစ်အောင် လေ့ကျင့်ပေးလိုက်ပါဆိုတဲ့ သူ့အကြီးအကဲရဲ့စကားကို လိုက်နာရင်း မစ်ရှင်အသစ်ကို ပြီးမြောက်အောင် လုပ်ဖို့ ကြိုးစားခဲ့ပါတယ်။
ဒါပေမဲ့ ကိစ္စတွေက ထင်သလိုမဖြစ်ဘဲ နက်ကယ့်ရဲ့အစွမ်းတွေကိုယူပြီး
ရောင်းစားချင်တဲ့ အေးဂျင့်အဖွဲ့က သူတို့ကို ဒုက္ခပေးဖို့ ကြိုးစားလာရာမှာတော့..
၆ ပိုင်းပေမဲ့ တစ်ပိုင်းကို နာရီဝက်လောက်ပဲမို့ ပေါ့ပေါ့ပါးပါးနဲ့ ရှုစားလိုက်ကြပါဦး။

The Brothers Sun (2024)
==================

နက်ဖလစ်ရဲ့ အက်ရှင်ဟာသကား ဇာတ်လမ်းတွဲအသစ်တစ်ခု
လာပါပြီ။ အပိုင်းရှစ်ပိုင်းပါဝင်ပြီး မင်းသမီး မစ်ရှဲယိုပါဝင်ထား
ပါတယ်။ ဇာတ်လမ်းရော အက်ရှင်ရော မိုက်တာမို့ မလွတ်တမ်း
ကြည့်ရမဲ့ စီးရီးပါပဲ။

ဇာတ်လမ်းအကျဉ်း –
ထိုင်ဝမ်ရဲ့ အကြီးဆုံး ထရိုင်းရက် တရုတ်ရာဇဝတ်ဂိုဏ်းခေါင်း
ဆောင် အစ်ကိုကြီးစွန်းမှာ မိန်းမတစ်ယောက်နဲ့ သားနှစ်ယောက်
ရှိတယ်။ သားအကြီး ချားစ် က သူ့လက်ရုံးနေနဲ့ လူမိုက်ခေါင်း
ဆောင်ဖြစ်လာတယ်။ သားအငယ် ဘရုစ်နဲ့ သူ့မိန်းမက လော့စ်
အန်ဂျလိမှာ သာမန်လူတွေအနေနဲ့ ဇာတ်မြှပ်နေတယ်။ ဘရုစ်က
သူ့အဖေနဲ့အစ်ကိုဟာ လူဆိုးဂိုဏ်းခေါင်းဆောင်ကြီးတွေမှန်းမ
သိပါဘူး။ တစ်နေ့မှာ အစ်ကိုကြီးစွန်း လုပ်ကြံခံရပြီး ကိုမာဝင်
သွားတယ်။ ချားစ်က သူ့အမေနဲ့သူ့ညီကို ကာကွယ်ဖို့ လော့စ်အန်
ဂျလိကို တက်လာချိန်မှာပဲလုပ်ကြံတဲ့သူတွေဆက်တိုက်လိုက်
လာပြီး မိသားစုသုံးယောက် ရင်ဆိုင်ရပါတော့တယ်။ ဘရုစ်လည်း
သူ့အမေနဲ့သူ့အစ်ကို ပွဲကြမ်းနေတာတွေနောက်ကို အူကြောင်
ကြောင်လိုက်ရင်း ဘာဆက်ဖြစ်မလဲဆိုတာ ကြည့်ရမှာပါ။

Yakamoz S-245(2022) ဇာတ်လမ်းတွဲအညွှန်း

***********



အပိုင်း (၁ မှ ၇)ထိ စ/ဆုံး

Netflix ကနေ အသစ်ထွက်ရှိလာတဲ့ သဘောဝဘေးနဲ့ဆိုင်တာမျိုးတွေသဘောကျတဲ့သူတွေအတွက်

စီးရီးသစ် လာပါပြီ။

ကျွန်တော်တို့ကမ္ဘာကို အလင်းဓာတ်ပေးနေတဲ့ နေမင်းကြီးဟာ

နေ့စဥ်နေ့တိုင်း သစ္စာမပြတ်ဘဲ မနက်ဆိုထွက်လာပြီးအလင်းပေး၊ ညဆိုရင် ပြန်ဝင်သွားပြီး အနားယူတယ်လို့ တင်စားကြသတဲ့။

နေလုံးကြီးဟာ ကမ္ဘာမြေကြီးရဲ့မိတ်ဆွေအဖြစ် ဒီလိုမျိုးပဲ နေထိုင်လာခဲ့တာဟာ

နှစ်ပေါင်းဘီလီယံနဲ့ ချီနေခဲ့ပါပြီ။ ဒါပေမဲ့ ဒီလိုမျိုးအကြီးမားဆုံးသော မိတ်ဆွေကြီးက တစ်နေ့မှာ အန္တရာယ်ပြုလာမယ် ဆိုရင်ရော???

အဏ္ဏဝါဗေဒပညာရှင် အာမန်ဟာ သုတေသန မစ်ရှင်တစ်ခုအတွက်

ရေငုပ်သင်္ဘောပေါ်ကို ရောက်လာခဲ့ပါတယ်။ အာမန်တစ်ယောက် ရေငုပ်သင်္ဘောထဲရှိနေချိန်မှာ

ကမ္ဘာမြေပေါ်ကလူတွေဟာ နေရောင်ခြည်ကြောင့် စတင်သေဆုံးလာခဲ့ပါတယ်။

ဒါကြောင့် အသက်ရှင်လွတ်မြောက်ရေးအတွက် ကမ္ဘာမြေပေါ်မှ

ာ ဘာတွေဖြစ်နေလဲဆိုတာကို အာမန်နဲ့ သူရဲ့သိပ္ပံပညာရှင်တွေ အဖြေရှာရတော့မှာပါ။

ဒါ့အပြင် စစ်တပ်ရဲ့ မစ်ရှင်အစစ်က ဘာလဲဆိုတာကိုပါ ရှာဖွေရမှာဖြစ်ပြီး အဲဒါကရော အခုလို ဖြစ်ရပ်တွေနဲ့ ပတ်သက်နေမလား???

အမှန်တရားကို ရှာဖွေနေရင်းပဲ အာမန်နဲ့ ရေတပ်ရဲ့ဒုဗိုလ်မှူး အူမွတ် တို့ကြားမှာပါ တင်းမာမှုတွေရှိလာခဲ့ပါတယ်။

ကမ္ဘာကြီးကို ကယ်တင်ဖို့အတွက် အာမန်တို့အဖွဲ့က ဘယ်လိုကြိုးပမ်းကြမလဲဆိုတာကို စိတ်ဝင်စားဖွယ် ခံစားရမှာဖြစ်ပါတယ်။

You Would Do It Too (2024)
Original title: Tú también lo harías
IMDB – 6.8/10

၉၁၁ ကို ဖုန်းဝင်လာတယ်၊ ဘယ်သူလဲ မပြောဘူး အသံတချို့သာ ကြားနေရတယ်၊
“ပစ်လေ ပစ်လိုက်ပါ” “မင်းခေါင်းကို ပစ်ဖောက်ခွဲပစ်မယ်” “ဒီဖက်ကို လမ်းပြောင်းလိုက်စမ်း”
စသဖြင့် သံသယဖြစ်စရာများနဲ့ ဖုန်းဝင်ရောက်လာမှုကြောင့်
သဲလွန်စတွေနဲ့အတူ ရဲတွေ ခြေရာခံခဲ့တယ်။



အဲဒီမှာ လေဆိပ်နဲ့ မြို့ထဲတစ်နေရာ ပြေးဆွဲတဲ့ ဘတ်စ်ကားတစ်စီးကို
နေရာတစ်ခုမှာ ရပ်ထားတာတွေ့တယ်။

အထဲမှာက ကျားမ အရွယ်စုံ လူပေါင်းစုံ ၆ ယောက် ရှိနေတယ်။
သေဆုံးနေတဲ့လူက ၃ ယောက်။ ပဟေဠိဆန်ဆန် ပျောက်ဆုံးနေတဲ့လူတစ်ယောက်က ရှိနေသေးတယ်။
ဘာတွေဖြစ်ခဲ့တာလဲ ဘာကြောင့်လဲဆိုပြီး ဒီလိုမေးခွန်းပေါင်းများစွာနဲ့ ခက်ခဲနက်နဲတဲ့
အမှုကြီးကို စုံထောက်ဖြစ်သူ ဖရန်ဂါဇာနဲ့ ဇာတ်လမ်းရှိဖူးသူ အရာရှိ
ရေဘက္ကာတို့ ဘယ်လိုဖြေရှင်းကြမလဲဆိုတာကို စိတ်လှုပ်ရှားဖွယ်
ကြည့်ရှုရမယ့် Disney Plus ကနေ တင်ဆက်ပေးထားတဲ့ စပိန်စီးရီးတစ်ခုပဲ ဖြစ်ပါတယ်။

Money Heist ထဲမှာ မော်စကိုနေရာက ဘဲကြီးလည်း ပါဝင် သရုပ်ဆောင်ထားပါသေးတယ်ဗျာ။

Say Nothing (2024)
IMDb Rating (8.4) / Rotten Tomatoes (93%)
 
ဒီတစ်ခေါက်မှာတော့ IMDB 8.4/10, Rt 93% ရရှိထားတဲ့ သမိုင်းဖြစ်ရပ်မှန်ကို အခြေခံပြီး ရိုက်ကူးထားတဲ့ စီးရီးကောင်းလေးတစ်ခုနဲ့ မိတ်ဆက်ပေးချင်ပါတယ်။
တိကျတဲ့ သမိုင်းအထောက်အထားတွေကို နက်နဲတဲ့ လူ့သဘောနဲ့ ရောယှက်ထားတဲ့ ဒီစီးရီးက တစ်ချိန်က နာမည်ကျော်ခဲ့တဲ့ မြောက်အိုင်ယာလန်သမိုင်းက Troubles လို့ခေါ်တဲ့ ၁၉၆၀ နှောင်းပိုင်းနဲ့ ၁၉၉၀ ကြားက
ပဋိပက္ခအချိန်ကာလကို နောက်ခံယူ ပုံဖော်ထားတာဖြစ်ပြီး ကောင်းမွန်တဲ့ review တွေ အများအပြား ရရှိထားတာပါ။
ဒိုလောစ်က အကြမ်းဖက်မှုကို ဆန့်ကျင်ပြီး ငြိမ်းချမ်းစွာ ဆန္ဒပြရေးကိုသာ အားသန်တဲ့ ရီပတ်ဘလစ်ကန် အမျိုးသမီးလေးတစ်ယောက်ပါ။
ငယ်စဉ်ကတည်းက အိုင်အာအေအဖွဲ့ဝင်ဖြစ်တဲ့ အဖေဖြစ်သူရဲ့ သစ္စာတော်ခံ၊ အနစ်နာခံ၊ စတေးခဲ့တဲ့အတိတ်ဇာတ်ကြောင်းတွေကို နတ်သမီးပုံပြင်တွေအစား ညီမဖြစ်သူနဲ့အတူ နားထောင်ရင်း ကြီးပြင်းခဲ့ရသူပေါ့လေ။
ဒီလိုနဲ့ အကြမ်းမဖက်ရေးကိုသာ လိုလားတဲ့ ဒိုလောစ်တို့ ညီအစ်မက အိုင်အာအေရဲ့ အမျိုးသမီးတွေကို ပတ်တီးစည်း၊ လက်ဖက်ရည်ဖျော်ရုံ၊ အရန်အဖွဲ့ဝင်တွေ အဖြစ်ပဲ အသုံးချတဲ့ရိုးရာကိုရိုက်ချိုးပြီး
အရေးပါတဲ့ အရေးတော်ပုံတွေမှာ အမျိုးသားတွေနဲ့ အတူ ရွတ်ရွတ်ချွံ တိုက်ခိုက်ခွင့်ရတဲ့အထိ ဘယ်လိုကြိုးစားအားထုတ်ခဲ့လဲဆိုတာတွေနဲ့ ပဟေဠိဆန်တဲ့ ခေါင်းဆောင်တစ်ယောက်ဖြစ်တဲ့ ဂျယ်ရီအက်ဒမ်စ်ရဲ့ အခန်းကဏ္ဍတွေအပြင်၊
ဒိုလောစ်တို့ညီအစ်မရဲ့ အိုင်ယာလန်ပြည်ထောင်စု ပေါင်းစည်းရေးအတွက် အနစ်နာခံဆောင်ရွက်ပုံတွေကို ရင်သပ်ရှုမောဖွယ် ကြည့်ရှုနိုင်မှာပဲဖြစ်ပါတယ်။
ချစ်ခြင်းမေတ္တာ၊ သစ္စာစောင့်သိခြင်းနဲ့ အနစ်နာခံမှုတွေကို ပုံဖော်ထားပြီး နိုင်ငံရေးအရ ရုန်းကန်လှုပ်ရှားရမှုတွေကို မီးမောင်းထိုးပြထားလို့ သမိုင်းဒရမ်မာကြိုက်နှစ်သက်တဲ့ ပရိသတ်များ အကြိုက်တွေ့စေမှာပါ။
ထပ်ပြောရင် spoiler ဖြစ်သွားမှာစိုးလို့ review ကို ဒီမှာတင်ရပ်လိုက်ပါတော့မယ်။ လန်ဒန်ရဲ့သမိုင်းဝင်ဖြစ်ရပ်တွေပါ ပါဝင်တာမို့ စိတ်ဝင်စားဖွယ် ကြည့်ရှုလိုက်ကြပါဦးနော်။

မိုဆတ်ဂျွန်ဆင်ဟာ တောက်ပတဲ့အနာဂတ်နဲ့အလားအလာကောင်းတွေနဲ့ကျောင်းသားအားကစားသမားလူမည်းလူငယ်တစ်ယောက်ပါ။
သူတို့နေထိုင်ရာရပ်ကွက်ဟာ ဆင်းရဲသားရပ်ကွက်ပီပီမူးယစ်ဂိုဏ်းဝင်တွေ၊ဒုစရိုက်သမားတွေဒွေးရောယှက်တင် ကျက်စားနေတဲ့နေရာပါပဲ။
သူကတော့ မကြာခင်မှာပညာသင်ဆုနဲ့မြို့ကြီးမှာကောလိပ်တက်ဖို့သွားရတော့မှာဖြစ်ပြီး အဲ့ဒီလိုမသွားခင် တစ်ညနေမှာ
သူတို့အိမ်နားက မူးယစ်ဆေးရောင်းတဲ့ဂိုဏ်းကို ရဲတပ်ဖွဲ့ကဝင်စီးတဲ့အချိန်နဲ့တိုးပြီး ရုန်းရင်းဆန်ခတ်ဖြစ်ရပ်တွေကြားမှာ
သူ့ကြောင့် ရဲတစ်ယောက်သေဆုံးသွားတဲ့အဖြစ်ကိုကြုံခဲ့ရပါတယ်။

Black life matters movement လိုဖြစ်စဉ်မျိုးတွေကြောင့် ရဲတပ်ဖွဲ့ကိုလူတွေမျက်မုန်းကျိုးနေကြတဲ့အချိန်၊ ရဲတပ်ဖွဲ့ထဲကလူတွေကလည်း
ဒီလိုကိစ္စတွေနဲ့ပတ်သက်ပြီး သူတို့ဘက်ကဂုဏ်သိက္ခာကိုပြန်အဖတ်ဆည်ရမယ့်အခြေအနေတွေရှိတာကြောင့် မိုဆတ် ကိုစံပြအနေနဲ့တရားစီရင်ဖို့ အသေအလဲကြိုးစားကြတော့မှာဖြစ်ပါတယ်။အဲ့ဒီအချိန်မှာ သူ့ဘက်ကရပ်တည်ပေးမယ့်သူကတော့ ဖရန်ကလင်ရောဘတ်ဆိုတဲ့ အငြိမ်းစားယူကာနီးရှေ့နေတစ်ဦးဖြစ်ပြီး

သူတို့ရဲ့ရပ်ကွက်သူရပ်ကွက်သားတွေအပေါ် တရားရေးစနစ်ရဲ့ဘက်လိုက်မှု၊မျက်ကွယ်ပြုမှုတွေကို တိုက်ဖျက်ဖို့ကြိုးစားနေတဲ့သူဖြစ်ပါတယ်။
ရောဘတ်ကိုယ်တိုင်ကလည်း ကင်ဆာရောဂါကြောင့် ဘ၀ဆုံးတော့မယ့်အခြေအနေကြုံနေရတဲ့အတွက် သူ့ရှေ့နေသက်တမ်းတစ်လျှောက်နောက်ဆုံးအနေနဲ့အပြောင်းအလဲလေးတစ်ခု

အရာထင်အောင်ကြိုးစားသွားမှာပါပဲ။တစ်ဖက်မှာတော့ တရားရေးစနစ်ရဲ့အထက်စီး အတွင်းစည်းက လူဖြူလူများစုအင်အားကြီးတဲ့ အုပ်စုတစ်ခုဖြစ်ပြီး၊ တစ်ဖက်ကတော့ မွေးရာပါလူမည်းဖြစ်နေရုံနဲ့အဖိနှိပ်ခံ၊ဩဇာကင်းမဲ့တဲ့ လူနည်းစုဖြစ်နေပါတယ်။ သူတို့နှစ်ဘက်ရဲ့အားပြိုင်မှုကိုသရုပ်ဆောင်အင်အားကောင်းကောင်းနဲ့ရှုစားကြရမယ့် Crime/Drama ဇာတ်လမ်းတွဲကောင်းတစ်ခုဖြစ်ပါတယ်

အစ်ရှာဝုဒ် ဝီလီယမ်ဆိုတဲ့ လူငယ်လေးက ပထဝီဝင်ဆိုင်ရာ

ဘွဲ့ယူစာတမ်းအတွက် တောတောင်ထဲက သစ်သားအိမ်လေးတစ်လုံးမှာ

တစ်ယောက်တည်းနေထိုင်ပြီး သုတေသနပြုနေတုန်း ခလောက်မြွေ

တစ်ကောင် ကိုက်တာကို ခံလိုက်ရပါတယ်။

သွားစရာဆေးရုံရယ်လို့ နီးနီးနားနားမရှိတဲ့အတွက် သူ့ဘာသာသူပဲ

ဒဏ်ရာကိုကုရင်းကနေ သုံးပတ်လောက် မေ့မြောနေခဲ့ပေမဲ့

အသက်ရှင်ကျန်ခဲ့ပါတယ်…

ဒါပေမဲ့ တောတောင်ထဲကနေ မြို့ထဲသွားတဲ့အခါမှာတော့ ကပ်ရောဂါ

အသစ်စိုက်ပြီး လူသူမရှိတော့တဲ့ ကမ္ဘာကြီးနဲ့ပဲ ကြုံလိုက်ရပါတယ်…

အဲဒီလိုကနေ သူ့မိဘအိမ်ပြန်တဲ့အခါမှာလည်း သူ့အဖေနဲ့အမေကို

မတွေ့ရဘဲ ဟိုတယ်တစ်ခုမှာနေနေတဲ့ ယောက်ျားတစ်ယောက်နဲ့

မိန်းမတစ်ယောက်ကိုသာ တွေ့ရပါတယ်…

သူ့သဘောအရတော့ လက်မလျှော့ဘဲ ရှင်ကျန်သူတွေကို လိုက်ရှာရင်း

လူထုအသိုင်းအဝိုင်းတစ်ခုကို ပြန်ထူထောင်ချင်ပေမဲ့ သူတွေ့ခဲ့သမျှ

လူတွေက သေဖို့ကို စိတ်ဆုံးဖြတ်ထားတာနဲ့ လက်မြှောက်အရှုံးပေးချင်တဲ့

သူတွေနဲ့ဆိုတော့ နောက်ထပ်ရှင်ကျန်သူတွေကို ရှာမယ်လို့စိတ်ဆုံးဖြတ်ချက်

ချပြီး ဟိုတယ်ကနေ ထွက်လာပါတယ်…

သွားတဲ့လမ်းတစ်လျှောက်မှာ ရှင်ကျန်ရစ်တဲ့ ခွေးလေးတစ်ကောင်နဲ့တွေ့ပြီး

အိမ်ပြန်ခေါ်လာလိုက်ပါတယ်…

သူနဲ့ခွေးတစ်ကောင်အတူပေါင်းပြီး ရှင်ကျန်ရစ်သူတွေကို ဘယ်လိုရှာဖွေကြမလဲ

သူမျှော်လင့်ထားသလို လူသားမျိုးနွယ်ကို ပြန်တိုးများလာအောင်

လုပ်နိုင်ပါ့မလားဆိုတာကိုတော့ ဒီ Serie မှာ စောင့်ကြည့်ရမှာ ဖြစ်ပါတယ်…