La Brea (2022) Season 2

NBC ရဲ့ အချိန်ခရီးသွား၊ မိသားစုဒရာမာ၊ အက်ရှင်၊ စွန့်စားခန်း၊ သိပ္ပံစိတ်ကူးယဉ်
ဇာတ်လမ်းတွဲ La brea ရဲ့ အတွဲ ၂ ပြန်လာပါပြီဗျ။
ပြီးခဲ့တဲ့ season 1 မှာတော့ ဂျော့ရှ်နဲ့ ရိုင်လီဟာ
အိုင်းဆက်ယတို့နဲ့အတူ ၁၉၈၈ ကိုပါသွားခဲ့ပြီး
ဂေဗင်တို့သုံးယောက်ကတော့ ဘီစီ ၁၀၀၀၀ ကို
ရောက်လာခဲ့ကြပါတယ်။

စကော့နဲ့ အဲဒရစ်ဟာလည်း ဘီစီ ၁၀၀၀၀ မှာရှိနေတဲ့
မိုးမျှော်တိုက်ကြီးကို ရှာလို့တွေ့သွားကြပါတယ်။
season 2 ရောက်တဲ့အခါမှာတော့ ဘီစီ ၁၀၀၀၀ မှာ
အနာဂတ်ကလာတဲ့သူတွေနဲ့ တွန်ဗာမျိုးနွယ်စုတွေအပြင်
အိတ်ဇိုင်းစ်လို့ခေါ်တဲ့ ဝတ်စုံအနက်တွေဝတ်၊ မြင်းတွေစီးပြီး
သံနဲ့လုပ်ထားတဲ့လက်နက်တွေကိုင်ဆောင်ကြတဲ့ လက်ရဲဇက်ရဲ
အဖွဲ့တစ်ဖွဲ့ပါ ထပ်ပြီး ပါလာခဲ့ပါပြီ။
ဒီ season မှာရော အတိတ်နဲ့ အနာဂတ်ရဲ့ဇာတ်လမ်းတွေ ဘယ်လိုရှုပ်ဦးမလဲ၊
ဘီစီ ၁၀၀၀၀ မှာရှိနေတဲ့ ခေတ်လွန် အဆောက်အအုံကြီးကရော ဘာကြီးလဲ၊
ဘယ်သူတွေက ဘာကိစ္စတွေကို ဖုံးကွယ်ထားသေးလဲ၊ season 1 ရဲ့ အရှိန်ကိုရော
ထိန်းထားနိုင်မလားဆိုတာကို အားလုံး မြင်တွေ့ကြရမှာဖြစ်ပါတယ်။

Guillermo del Toro’s Pinocchio (2022)

သစ်သားရုပ်လေး ပီနိုခီရိုကို ဒါရိုက်တာကြီး ဂီရယ်မိုဒီတယ်ရိုရဲ့ဗားရှင်းအနေနဲ့ ထွက်လာပါပြီ။
ဒါဟာ ဂီရယ်မိုရဲ့ ပထမဆုံး ကာတွန်းရုပ်ရှင်ဖြစ်ပါတယ်။
မူလဇာတ်လမ်းတွေနဲ့ ကွဲပြားစွာပဲ ၁၈၀၀ ခုနှစ်ကိုအခြေမခံဘဲ ပထမကမ္ဘာစစ်အပြီး
အီတလီမှာ မူဆိုလီနီအာဏာရချိန် ဖက်ဆစ်အစိုးရ ၁၉၃၀ ဝန်းကျင်ကာလကို အခြေခံထားပါတယ်။
ပုံမှန် Animation မဟပထမကမ္ဘာစစ်အပြီးn အမျိုးအစားမို့လည်း တစ်မျိုးလေး ဆန်းသစ်ပါသေးတယ်။
ပြီးတော့ ဒါရိုက်တာရဲ့ ထုံးစံအတိုင်း ကလေးပုံပြင်တစ်ခုကိုနည်းနည်းပိုမှောင်မိုက်တဲ့ သဘောတရားတွေနဲ့ ပြသထားတာမို့
လူကြီးပရိသတ်တွေကတော့ ပိုခံစားလို့ကလေးပုံပြင်တစ်ခုက
Pan’s Labyrinth ရုပ်ရှင်တုန်းကလည်း စပိန်ပြည်တွင်းစစ်ကိုအခြေခံထားသလို
ဒီဇာတ်လမ်းကလည်း အီတလီရဲ့တကယ့်နိုင်ငံရေးအခြေအနေကို အခြေခံထားတာပါပဲ။
ပြီးတော့ ပန်းပုဆရာ ဂျီပတ်တိုရဲ့ သေဆုံးသွားတဲ့ သားနာမည်ကိုလည်း ကာလို အဖြစ် ထည့်သွင်းပေးထားပါသေးတယ်။
မူရင်း ပီနိုခီရိုပုံပြင်ကိုရေးခဲ့သူ Carlo Collodi ကို ဂုဏ်ပြုတဲ့သဘောဖြစ်မယ်ထင်ပါတယ်။

Fantastic Mr. Fox (2009)

Mr. Foxဟာ သတင်းစာဆရာတစ်ယောက်အဖြစ် အသက်မွေးပြီး သိပ်ချစ်စရာကောင်း အမျိုသမီး နဲ့သားလေး Ashတို့နဲ့အတူ
ဘဝကိုပျော်ရွှင်စွာဖြတ်သန်းနေတယ်အိမ်ထောင်ရက်သားမကျခင်တုန်းတုန်းကMr. Foxဟာ အပေအတေ သူခိုးဖြစ်ခဲ့ပုံရတယ်
တစ်နေ့ သူ့တူဖြစ်သူအိမ်ကိုအလည်လာ ရောက်လာတဲ့ အချိန်မှာ Mister fox ဟာ အရင်ဗီဇတွေပြန်ပေါ်လာပုံရတယ်
သူ့တူရောက်လာတာခြင်းဟာ သူ့အတွက်လက်ထောက်ကောင်းရပြီဆိုး အရင်က ကြက်ခြံ ဘဲခြံတွေကို ဝင်မွှေခဲ့ဘူးတဲ့ စွန့်စားခန်း အချိန်တွေ ပြန်ရအောင်ကြိုးစားပါတော့တယ်အင်မတန် ရက်စက်ပါတယ်ဆိုတဲ့ မွေးမြူရေးခြံပိုင်ရှင် ၃ယောက်နားမှာ အိမ်ဝယ်ပြီး Mister Fox ရဲ့စွန့်စားခန်းတွေနဲ့စတင်သောအခါ
Rating 7.8 ရထားပြီး Comedy Adventure အမျိုးအစား Animation ကားကောင်းလေးဖြစ်ပါတယ်
Animation ကားကောင်းကြိုက်တဲ့သူတွေအတွက် ကားကောင်းလေးတစ်ကားပါ

Magic Arch 3D 2020

ရေနေသတ္တဝါတွေစုပေါင်းပြီးနေထိုင်တဲ့ ရေအောက်မြို့လေးတစ်မြို့မှာ အခြားငါးတွေလိုကိုယ်ခံပညာတွေလေ့ကျင့်ရတာထက်ပတ်ဝန်းကျင်ကိုစူးစမ်းလေ့လာရတာကြိုက်တဲ့ ဒယ်လ်ဖီ ဆိုတဲ့လင်းပိုင်လေးတစ်ကောင်ရှိပါတယ်

တစ်နေ့မှာ ဒယ်လ်ဖီနဲ့သူငယ်ချင်း
ဖြစ်သူငါးလေးဟာ ရေအောက်ထဲထိမြုပ်နေတဲ့ခံတပ်ဟောင်းကြီးတစ်ခုဆီဝင်သွားမိဖို့အကြောင်းဖန်လာပါတယ်

ခံတပ်ကြီးထဲမှာသတ္တဝါတစ်ကောင်ရဲ့နာမည်ကိုပြောလိုက်ရုံနဲ့ ထိုသတ္တဝါပုံပြောင်းသွားစေမယ့် မှော်ဝင်မုခ်ဝတစ်ခုကိုတွေ့ခဲ့ပါတယ်

ဒါပေမယ့်အနီးအနားမှာလည်း ငါးမြို့တော်ကိုသိမ်းချင်တဲ့ငါးရှဉ့်တွေကအဲဒါကိုမြင်သွားကြပါတယ်

တာဝန်သိတဲ့ဒယ်လ်ဖီဟာ မြို့တော်ဝန်ကိုမှော်မုခ်ဝအကြောင်းပြောဖို့ပြန်လာခဲ့ပေမယ့် မြို့အဝင်ဝကအစောင့်တွေဟာ စကားဝှက်မပြောနိုင်တဲ့ဒယ်လ်ဖီ့ကိုဝင်ခွင့်မပေးလို့မုခ်ဝကြီးရှိတဲ့ဆီကိုပြန်သွားတဲ့အခါမှာသူတွေ့လိုက်ရတဲ့မြင်ကွင်းကတော့

ဒီကားလေးက ကြည့်လေကြည့်လေဇာတ်ရှိန်တက်လေလေပါပဲ အစပိုင်းမှာအနည်းငယ်ဇာတ်အေးသလိုရှိပေမယ့်

ဇာတ်လမ်းအလယ်နဲ့နောက်ဆုံးမှာတော့ ရှေ့ကိုဘာဆက်ဖြစ်မယ်မသိပဲစိတ်ဝင်တစားကြည့်ရမှာဖြစ်ပြီး လျှို့ဝှက်ချက်လေးတွေလည်းပါဝင်လို့အပျင်းပြေမှာ

Duma (2005)

ဒီဇာတ်ကားက တိရစ္ဆာန်​လေး​တွေကို ချစ်မြတ်နိုးသူ​တွေ အ​တော်
သ​ဘောကျမယ့် ဇာတ်ကား​လေးပါ။ ဒါ​ပေမဲ့ ခါတိုင်းလို ​ခွေး​လေး၊

​ကြောင်​လေး​တွေရဲ့ ဇတ်လမ်းမျိုးမဟုတ်ဘဲ အိမ်​မွေးတိရစ္ဆာန်​လို

ဖြစ်​နေတဲ့ ချီတာကျားသစ်​လေးတစ်​ကောင်အ​ကြောင်းပါ။ IMDb

7.2နဲ့ RT 95% ရထားပါတယ်။

ဇန်ဆိုတဲ့​ကောင်​လေးရဲ့ အိမ်မှာ ​လသား​လေး အရ​​ရေတည်းက
​​ရောက်ရှိ​နေတဲ့ ဒူးမားဆိုတဲ့ကျားသစ်​လေးကို တစ်အိမ်လုံးဝသူကိုယ်တို
ချစ်ခင်ကြသလို သူကိုယ်တိုင်လည်း အိမ်​မွေးတိ​လေးတစ်​ကောင်
လိုမျိုး အရမ်းယဉ်ပါးတဲ့ ​ကောင်​လေသူတို့​မိသားစုရဲ့အိမလသာ

ဒါ​ပေမဲ့ ဇန်ရဲ့ဖခင်ဖြစ်သူ ဆုံးပါးပြီး​နောက် သူတို့​မိသားစုရဲ့အိမ်ပေါ်​ကို ပြောင်း​​ရွှေ့​နေထိုင်ရချိန်မှာ​​တော့ ဘယ်​လိုပဲ လသားလေးပဲဖြစ်​နေပါ​စေ၊ ကျားသစ်က ကျားသစ်၊ ​သားရဲက သားရဲပဲ
ဖြစ်လို့ ခေါ်ထားဖို့အဆင်မ​ပြေတဲ့ အ​ခြသူကိုယ်တိုင်ါတယ်။
ဒါ​ကြောင့်ပဲ ဇန်က သူကိုယ်တိုင် ဒူးမား​လေးကို ​စ​တွေ့ခဲ့တဲ့​တောထဲ
ပြန်ပို့​ပေးဖို့ ဆုံးဖြတ်လိုက်ပါ​တော့တယ်။ ဒီဇာတ်ကား​​လေးထဲမှာ
ဇန်နဲ့ ကျားသစ်​လေး ဒူးမားတို့ရဲ့ သံ​ယောဇဉ်​​တွေ၊ သူတို့ကြုံရမယ့်
အခက်အခဲ​ပေါင်းများစွာနဲ့ စွန့်စားမှု​တွေကို ကြည့်ရှုခံစားရမှာ

House of the Dragon (2022) (Season -1)

Game of Thrones စီးရီးရဲ့ ခေတ်ကာလ မတိုင်ခင်ဖြစ်ပျက်ခဲ့တဲ့ တာဂေးရီးယန်းအိမ်တော်ဇာတ်လမ်းအကြောင်း စီးရီးအသစ် ထွက်ရှိလာပါပြီ၊ Game of Thrones ကို မကြည့်ဖူးရင်တောင် ဒီကနေ စကြည့်လို့ရပြီး အတော်လေးစိတ်ဝင်စားဖို့ကောင်းပါတယ်

BAC 12000 (အေဂွန်မလာခင် နှစ်ပိုင်း ၁၂၀၀၀) မှာ အနောက်တိုင်းကို ရှေးဦးလူတွေ လာရောက်အခြေချခဲ့ပါတယ်၊ အဲဒီမှာ ယခင်ရှိနေပြီးသားဖြစ်တဲ့ သစ်တောရဲ့ကလေးငယ်များဆိုတဲ့ မျိုးနွယ်တွေနဲ့ လူ့ဘီလူးကြီးတွေနဲ့ တိုက်ပွဲဖြစ်ခဲ့ပါတယ်၊ သစ်တောကလေးငယ်တွေက ရှေးဦးလူတွေကိုအနိုင်ယူဖို့ အဖြူရောင်ခရီးသည်တွေကို ဖန်တီးခဲ့ပါတယ်

စစ်ပွဲအဆုံးမှာ ရှေးဦးလူတွေက အနောက်တိုင်းကို စိုးမိုးပြီး သစ်တောကလေးငယ်တွေက သစ်တောတွေထဲကို ထွက်သွားရပါတော့တယ်၊ 8000 BAC နှစ်ပေါင်းများစွာရှည်ကြာတဲ့ ဆောင်းရာသီကြီးနဲ့အတူ အဖြူရောင်လမ်းလျှောက်သူတွေက သက်ရှိအားလုံးကိုသတ်ဖြတ်ဖို့ ချီတက်လာခဲ့တဲ့အတွက် ရှေးဦးလူတွေနဲ့ သစ်တောကလေးငယ်တွေစုပေါင်းပြီး ပြန်တိုက်ထုတ်ခဲ့ရပါတယ်

တိုက်ပွဲပြင်းထန်လွန်းပြီး သစ်တောမျိုးနွယ်တွေ အားလုံးနီးပါး ပျောက်ကွယ်သွားခဲ့ပါတယ်၊ ရှေးဦးလူတွေထဲက ဘရန်စတာ့ခ်က နံရံကြီးကို အဖြူရောင်လမ်းလျှောက်သူတွေမဖြတ်နိုင်အောင် မှော်ပညာနဲ့ စီရင်တည်ဆောက်ခဲ့ပြီး ဝင်းတားဖဲလ်ကိုလည်း တည်ထောင်ခဲ့ပါတယ်

နံရံကြီးတည်ဆောက်အပြီးမှာ နံရံရဲ့ မြောက်ပိုင်းမှာ ကွဲကျန်နေခဲ့တဲ့ ရှေးဦးလူတွေကတော့ လွတ်လပ်သောမျိုးနွယ်စုဖြစ်လာပြီး အနောက်တိုင်းသားတွေကတော့ သူတို့ကို လူရိုင်းမျိုးနွယ်လို့ပဲ သတ်မှတ်ပါတယ်

5000 BAC အရှေ့တိုင်း အက်ဆော့မှာ ဗလေးရီးရားမျိုးနွယ်တွေက နဂါးတွေကို ထိန်းချုပ်နိုင်ခဲ့ပြီး အင်အားကြီးမားတဲ့အိမ်တော်ဖြစ်လာခဲ့ပါတယ်၊ စစ်ဘုရင်မ နိုင်မဲရီးရားက ဗလေးရီးရားတွေကိုမနိုင်လို့ သူ့လူတွေကို လှေကြီးတွေနဲ့ကယ်ထုတ်ပြီး ဒွန်းမှာ အခြေချခဲ့ရပါတယ်

100 BAC မှာတော့ မီးတောင်ကြီးတွေဆက်တိုက်ပေါက်ကွဲမှုဖြစ်ပြီး ဗလေးရီးရားတိုင်းပြည်ပျက်သုန်းခဲ့ပါတော့တယ်

0 BAC အဲဒီနောက်မှာတော့ အေဂွန်တာဂေးရီးယန်းဟာ အနောက်တိုင်းကိုသိမ်းပိုင်ပြီး ၇ ပြည်ထောင်ကို သံပလ္လင်ကနေ အုပ်စိုးပါတော့တယ်

အေဂွန်သေဆုံးပြီးနောက်မှာတော့ သူ့ရဲ့သား အေးနိစ်တာဂေးရီးယန်းက သံပလ္လင်ကို ပျော့ညံ့စွာပဲ ၅ နှစ်ပဲအုပ်စိုးပြီးသေဆုံးသွားခဲ့ပါတယ်

အေးနိစ်နောက်မှာတော့ အေဂွန်ရဲ့ အမေကွဲညီ မေဂေါ်က သံပလ္လင်ကိုဆက်ခံခဲ့ပါတယ်၊ အရမ်းရက်စက်ကြမ်းကြုတ်လွန်းတာကြောင့် ၆ နှစ်နဲ့ ၆၆ ရက် အုပ်စိုးအပြီးမှာ သံပလ္လင်ပေါ်မှာ သွေးအလိမ်းလိမ်းနဲ့ သေဆုံးနေတာကိုပဲ လူတွေတွေ့ခဲ့ရပါတော့တယ်

ဂျဟဲရစ်ရဲ့ သားနှစ်ယောက်လုံးသေဆုံးခဲ့တာကြောင့် အမွေခံအဖြစ် အကြီးဆုံးမြေးမ ရေးနိစ်တာဂေးရီးယန်း နဲ့ အငယ်မြေးဦး ပထမဗဆဲရစ်တာဂေးရီးယန်းတို့နှစ်ယောက်ထဲက ဗဆဲရစ်ကို ရွေးချယ်ခဲ့ပါတယ်၊ ဗဆဲရစ်ဟာ ရွှေခေတ်ကို နှစ် ၃၀ ဆက်လက်အုပ်ချုပ်ခဲ့ပြီး သူ့ရဲ့ခေတ်အဆုံးမှာတော့ ဟောဒီ နဂါးအိမ်တော်ဇာတ်လမ်းတွဲကြီး စတင်လာပါတော့တယ်

One More Chance (2023)

ဟောင်ကောင် မင်းသားကြီး Chow Yun-fat
နောက်ဆုံးထွက်ထားတဲ့ဇာတ်ကားလေးကိုတင်ဆက်ပေးလိုက်ပါတယ်

တစ်နေကုန် လောင်းကစားဝိုင်းမှာပဲ အချိန်ဖြုန်းလေ့ရှိပြီး
အကြွေးပတ်လည်ဝိုင်းနေတဲ့ အားဟွေးဆီကို
တစ်နေ့မှာတော့ သူ့ရည်းစားဟောင်းဖြစ်သူ လီရှီးဟာ
သားဖြစ်သူ လီရန်ကို ခေါ်ပြီးရောက်လာခဲ့ပါတယ်။

အားဟွေးဟာ လီရန်ရဲ့ ဖခင်အရင်းဖြစ်ကြောင်း၊
လီရန်ကို တစ်လခေါ်ထားပြီး စောင့်ရှောက်ပေးထားဖို့နဲ့
တစ်လပြည့်ရင် ပြန်လာခေါ်မှာဖြစ်ကြောင်း၊
စောင့်ရှောက်စရိတ်အတွက် ဟောင်ကောင်ဒေါ်လာ တစ်သိန်းပေးမှာဖြစ်ကြောင်း
လီရှီးက ပြောပြတဲ့အခါမှာတော့ အားဟွေးဟာ
အကြွေးဆပ်ဖို့ ငွေလိုနေတာဖြစ်လို့ လီရန်ကို လက်ခံထားခဲ့ပါတယ်။

ဒီလိုနဲ့ လီရန်နဲ့ ပြောဆိုဆက်ဆံကြည့်တဲ့အခါ
လီရန်ဟာ သာမန်ကလေးတစ်ယောက်မဟုတ်ဘဲ
အော်တစ်ဇင်ကလေးတစ်ယောက်ဖြစ်ပြီး အထူးလိုအပ်ချက်တွေလည်း
ရှိတာကြောင့် ပြုစုပျိုးထောင်ရာမှာ အခက်အခဲရှိကြောင်း သိသွားခဲ့ပါတယ်

တစ်လပြည့်လို့ ချိန်းဆိုထားတဲ့နေ့မှာ လီရှီးပေါ်မလာတဲ့အခါကျမှ
အားဟွေးတစ်ယောက် လီရှီးက လီရန်ကို
သူ့ဆီမှာ ဘာဖြစ်လို့အပ်ခဲ့လဲဆိုတာ သဘောပေါက်သွားခဲ့ပါတယ်

Kruty 1918 (2019)

ယူကရိန်းကို ကမ္ဘာက လွတ်လပ်တဲ့နိုင်ငံအဖြစ် အသိအမှတ်ပြုဖို့
အသင့်ဖြစ်နေပါပြီ။ ဒါပေမယ့် လွတ်လပ်ရေးလမ်းကြောင်းကို
အနှောင့်အယှက်ပေးနေတဲ့ ရုရှားစစ်တပ်ဟာ ယူကရိန်းမြို့တွေကို
တစ်မြို့ပြီးတစ်မြို့သိမ်းယူရင်း မြို့တော် ကီဗီ ကိုသိမ်းဖို့အထိစီစဉ်
ထားခဲ့ပါတယ်။

နိုင်ငံရဲ့စစ်အင်အားချိနဲ့လာချိန်မှာ ယူကရိန်းမြို့တော်ကီဗီမှာပဲ အကြီး
အကဲတွေဟာ ခြေကုပ်ပြီးခုခံဖို့ပြင်ဆင်လာခဲ့တယ်။

တစ်ဖက်မှာလည်း
စစ်အင်အားလိုအပ်တဲ့အတွက် မြို့တွင်းစည်းရုံးရေးတွေ ဆက်တိုက်
ဆိုသလိုလုပ်နေခဲ့ပါတယ်။ ၁၉၁၈ ခုနှစ်မှာ ရုရှားတွေကိုခုခံတိုက်ခိုက်
ဖို့အတွက် ယူကရိန်းတက္ကသိုလ်ကကျောင်းသားအများစုဟာစစ်ထဲကို
ဝင်ရောက်ခဲ့ပါတယ်။

စစ်ရေးလိုအပ်ချက်အရစစ်ပညာတစ်ပတ်သာ သင်ကြားပြီးရှေ့တန်းကို တက်ကြရမှာဖြစ်တဲ့အတွက်စိုးရိမ်မှုတွေရှိခဲ့ပါတယ်။ ဒါပေမယ့် ကျောင်းသားအင်အားစုဟာ ကရူတီရထားဘူတာရုံမှာ ခြေကုပ်ပြီး ရုရှားစစ်တပ်တွေကို အောင်မြင်စွာခုခံတိုက်ခိုက်နိုင်ခဲ့တဲ့ ဖြစ်ရပ်မှန်ဇာတ်လမ်းကို စိတ်ဝင်စားဖွယ်ရိုက်ကူးထားတဲ့အတွက်ကြောင့်ကြည့်ရှုပေးကြပါဦး။

(ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Tin Myo
Lwin ဖြစ်ပါတယ်)

#Credit

ကလေးတစ်ဖက် လက်မှာချီရင်းလက်နက်ကိုင်
သူပုန်တွေလိုက်လံပစ်သတ်နေတဲ့ကြားက
အသက်ရှင်အောင်ထွက်ပြေးရတဲ့ Joram
ဆိုတဲ့ ကားလေးနဲ့ မိတ်ဆက်ပေးပါရစေ။
IMDB rating 7.4 ရထားပြီး နိုင်ငံတကာ
ရုပ်ရှင်ပွဲတော်တွေမှာ တစ်ကားလုံး ပျင်းရတဲ့အပိုင်း
မရှိလောက်အောင်ကို သည်းထိတ်ရင်ဖိုနဲ့ ကြည့်ခဲ့ရလို့
ချီးကျူးစကားတွေ ဆုတံဆိပ်တွေရခဲ့တဲ့ Joram ကို
B-Town က ဘာသာပြန်တင်ဆက်လိုက်ပါတယ်။ အဓိကဇာတ်ဆောင်အနေနဲ့ မင်းသား Manoj Bajpayee နဲ့ Mohammed Zeeshan Ayyub တို့က ပါဝင်သရုပ်ဆောင်ထားပါတယ်။

ဒက်စ်ရူကတော့ ဂျာကန်ရွာက naxal လက်နက်ကိုင် အဖွဲ့အစည်းရဲ့အဖွဲ့အဝင်ဟောင်းဖြစ်ခဲ့ဖူးပါတယ်။ ဒါပေမယ့် အဖွဲ့ရဲ့လုပ်ရပ်တွေကို စိတ်ကုန်ပြီး မွန်ဘိုင်းသွားပြီး မိသားစုတစ်ခုထူထောင်ကာ ဆောက်လုပ်ရေးအလုပ်သမားအဖြစ်နဲ့ ဘဝကို အခြေချနေထိုင်နေတဲ့သူတစ်ယောက်ပါ။ တစ်နေ့ကျ ဒက်စ်ရူရဲ့ ဇနီးဟာ ရက်ရက်စက်စက်အသတ်ခံလိုက်ရပြီး သတင်းဌာနတွေကလည်း သူ့ကို သူပုန်ဆိုပြီး ကြေညာပစ်ပါတယ်။ ဒက်စ်ရူကိုလည်း လက်နက်ကိုင်အုပ်စုက လိုက်လံသတ်ဖြတ်နေပြီး ဒက်စ်ရူလည်း သုံးလအရွယ်သမီးလေးကို ရင်မှာပိုက်ပြီး မွေးရပ်မြေရွာဆိုရင် လုံခြုံမယ်ထင်ပြီး ဂျာကန်ရွာကို ပြန်ပြေးပါတယ်။ တဖက်မှာလည်း ရဲတွေက ဒက်စ်ရူကို ပိုက်စိပ်တိုက်လိုက်လံရှာဖွေနေပါတယ်။ မွေးရပ်မြေရွာမှာလည်း ဒက်စ်ရူတို့ မလုံခြုံမှန်း သိလိုက်ရတဲ့အခါမှာတော့ ဒက်စ်ရူကို လိုက်ပစ်မှတ်ထားနေကြတဲ့သူတွေက ဘယ်သူတွေလဲ ဘာကြောင့်လိုက်သတ်နေတာလဲ။ ဒက်စ်ရူနဲ့ သူ့ကလေးလည်း လွတ်မြောက်နိုင်ပါ့မလား ဆိုတာကိုတော့ ရင်တမမနဲ့ ကြည့်ရှုပေးကြပါဦး

#Credit

Washington's Armor: The Journey (2022)

IMDB:7.2

အမေရိကန်ပြည်ထောင်စုမှာ သမ္မတ ၄၆ ဆက်အထိရှိခဲ့ပြီး

လက်ရှိထမ်းဆောင်နေတာကတော့ သမ္မတဂျိုးဘိုင်ဒန်ဆိုတာကို

တစ်ကမ္ဘာလုံးနီးပါးသိကြမှာပါ။ အခုဇာတ်ကားကတော့

အမေရိကန်ရဲ့ပထမဆုံးသမ္မတဖြစ်ခဲ့တဲ့ ဂျော့ဂျ်ဝါရှင်တန်ရဲ့ ငယ်စဉ်က

အကြောင်းတွေကို ရိုက်ကူးထားတာဖြစ်ပြီး ဝါရှင်တန်ငယ်စဉ်က

အကြောင်းအရာတွေ၊ သမ္မတမဖြစ်ခင် ၁၇၅၃ ခုနှစ်က အမေရိကန်နဲ့

ပြင်သစ်တို့ကြားက တင်းမာမှုတွေကို ပြန်လည်ရိုက်ကူးထားတဲ့

ဇာတ်ကားဖြစ်လို့ ကြည့်ရှုသင့်တဲ့ဇာတ်ကားကောင်းတစ်ကားပဲဖြစ်ပါတယ်..

Kla Fun (2024)

Kla Fun (2024)ဒီကားလေးကတော့ MMA နဲ့ Drug crime ရောထားတဲ့ကားလေးပါ။ သုံးယောက်ဖက်စပ်လုပ်ကိုင်တဲ့ မူးယစ်ဆေးလုပ်ငန်းရဲ့ ပိုနေကျလမ်းကြောင်းမှာ ပစ္စည်းကဖြတ်အလုခံလိုက်ရပြီး ကားထဲမှာပါလာတဲ့ အတော်ဆုံး racer လည်း သေသွားခဲ့ပါတယ်။ လက်သည်ရှာမရတာကြောင့် အချင်းချင်းသံသယ၀င်နေကြရင်း ဒုတိယအခေါက်ပိုမယ့်အသုတ်မှာ ပိုသေချာစေဖို VIP တွေကို မျှားခေါ်ပြီး အာရုံလွှဖို MMA ပွဲကိုဆုကြေးကြီးကြီးနဲ့ ကျင်းပလိုက်ပါတယ်။ ဒီပွဲမှာ မိခင်ရဲ့ကျန်းမာရေးအတွက် ငွေမလုံလောက်လို မဖြစ်မနေ၀င်ပြိုင်ရမယ့်မွေ့ထိုင်းချန်ပီယံမလေးလည်း ရှိနေပါတယ်။ ဆေးကို ဖြတ်ခုတ်သွားတဲ့ လက်သည်က ဘယ်သူဖြစ်မလဲ...။ လက်ဝှေ့ပွဲညမှာ အားလုံးကစီစဥ်ထားသလိုဖြစ်လာမှာလား ဆိုတာ....။

#Credit

Pindam (2023) အိမ်ကြီးတစ္ဆေ
=======================
IMDb - 8.7/10 ယခုတစ်ခါ တင်ဆက်ပေးချင်တဲ့ ဇာတ်ကားလေးကတော့ နောက်ခံသံကောင်းကောင်း
ရင်တထိတ်ထိတ်နဲ့ ကြည့်ရှုရမယ့် သရဲကားကောင်းလေးတစ်ပုဒ်ပဲဖြစ်ပါတယ်။
အိန္ဒိယရဲ့တစ်ဦးတည်းသောလို့ဆိုနိုင်တဲ့ သရဲနှိမ်နင်းရေးပညာကို နိုင်ငံခြားအထိတောင်သွားရောက်ပြီးတော့ လိုက်စားထားတဲ့ မစ်အန်နာမာ။ သူ့ရဲ့အဖေကလည်း ဒီအလုပ်ကိုပဲ လုပ်ကိုင်ရင်း သူ့အဖေလိုက်နေတဲ့ ဝိညာဥ်တစ်ကောင်ကြောင့် သူ့ရဲ့ညီမနဲ့အမေဖြစ်သူကိုပါ ဆုံးရှုံးလိုက်ရပြီးနောက်မှာတော့ သူ့အဖေကိုယ်တိုင်တောင် အဲဒီဝိညာဥ်ကိုတိုက်ခိုက်ရင်း အသက်ဆုံးရှုံးသွားခဲ့ရပါတယ်။ သူ့အဖေမသေဆုံးခင်မှာ ပညာအမွေတွေပေးခဲ့တဲ့အတွက်ကြောင့်နဲ့ မစ်အန်နာမာက သူ့အဖေတိုက်ခိုက်နေတဲ့ ဝိညာဥ်နောက်ကိုလိုက်ရင်း သရဲအပူးခံရသူ အနှောင့်အယှက်ပေးခံရသူတွေကို ကူညီရင်းနေလာခဲ့ပါတယ်။
အဲဒီနောက်မှာတော့ သူ့ဆီကို လေ့လာဖို့ရောက်လာတဲ့ လော့ခ်နတ်...Read More

Phone Bhoot (2022)
===

Katrina Kaif ရဲ့အသစ်ထွက်တဲ့အိန္ဒိယသရဲဟာသကားလေးကို တင်ဆက်ပေးလိုက်ပါတယ်

ဇာတ်လမ်းအကျဉ်းကတော့မေဂျာနဲ့ဂူလူဟာ အလုပ်မရှိအကိုင်မရှိနဲ့ အမြဲတမ်း သရဲအကြောင်းကိုပဲစိတ်ဝင်စားပြီးတော့
အချိန်ဖြုန်းနေတတ်တဲ့ကောင်လေးနှစ်ယောက်ဖြစ်ပါတယ် ငယ်ငယ်ကတည်းကသရဲအကြောင်းဝိဉာဉ်အကြောင်းကို
စိတ်ဝင်စားပြီးတော့သရဲဖမ်းတဲ့သူတွေ၊ အပနှင်တဲ့သူတွေအဖြစ် အသက်မွေးချင်နေကြတဲ့သူတွေဖြစ်ပါတယ်
ဒီလိုနဲ့တစ်ရက်မှာတော့ဟောလိုးဝင်းပါတီတစ်ခုလုပ်ရင်း မတော်တဆဖြစ်ပြီးမေဂျာနဲ့ဂူလူတို့ဟာသရဲတွေကိုမြင်နိုင်တဲ့အစွမ်းရသွားတဲ့အပြင်
ရာဂီနီဆိုတဲ့သရဲမလေးနဲ့လည်းရင်းနှီးသွားခဲ့ပါတယ် အဲဒီမှာသရဲမလေးရာဂီနီကသူနဲ့အတူပူးပေါင်းပြီးသရဲပူးကပ်ခံရသူတွေ၊ နှောင့်ယှက်ခံရသူတွေကို
ဖြေရှင်းပေးပြီးပိုက်ဆံရှာဖို့အတွက်ကမ်းလှမ်းလာခဲ့ပါတယ် အစကတည်းက ဒီအလုပ်ကိုဝါသနာပါတဲ့၊ ဒီအလုပ်နဲ့
အသက်မွေးချင်နေတဲ့ မေဂျာနဲ့ဂူလူ့အတွက်လည်းအတော်ပဲဖြစ်သွားတာပေါ့...

ကဲ သူတို့သုံးယောက် သရဲနှင်ကြရင်းနဲ့ ဘယ်လိုအလွဲတွေဖြစ်ကြဦးမလဲ၊
မေဂျာနဲ့ ဂူလူ့ဆီကိုရောက်လာတဲ့ သရဲမလေးရာဂီနီရဲ့ ရည်ရွယ်ချက်ကရောသမာရိုးကျဟုတ်ရဲ့လား၊
ဘယ်လိုကြံစည်မှုတွေရှိနေဦးမလဲဆိုတာကို ဇာတ်လမ်းထဲမှာဆက်လက်စောင့်ကြည့်ပေးကြပါဦးနော်

#Credit

The Animal Kingdom (2023)

အပြောင်းအလဲအမြဲဖြစ်နေတဲ့လောကကြီးမှာ

လူသားတွေဟာလည်း သန္ဓေပြောင်းမှု တစ်မျိုးနဲ့ကြုံတွေ့ရပြီး

လူစင်စစ်ကနေ တိရိစ္ဆာန်တစ်ပိုင်း သတ္တဝါကြီးတွေဖြစ်ကုန်ပါတယ်....။

ဒီလိုဖြစ်လာရင်တော့ စစချင်းမှာ လူမှုအသိုင်းအဝိုင်းကရှောင်ဖယ်၊

တိုက်ခိုက်ကြတာ ဓမ္မတာပါပဲ...။

ကံဆိုးပြီး သန္ဓေပြောင်းသွားတဲ့ လူတွေအတွက်တော့

စိတ်မကောင်းစရာပဲပေါ့...။

ဒီလူတွေထဲမှာ ဖရန်ဆွာရဲ့ ဇနီးဖြစ်သူလည်းပါခဲ့ပါတယ်...။

ဇနီးဖြစ်သူ ဒီသန္ဓေပြောင်းရောဂါကနေ ပြန်ကောင်းလာနိုးလာနိုးနဲ့

‌ဆေးကုသမှုခံယူနေရင်းနဲ့ပဲ သားဖြစ်သူပါ ဒီရောဂါနဲ့

ကြုံတွေ့လာရတဲ့အခါ....။

Horror၊ Sci-fi၊ Adventure၊ Dramaစတဲ့ ရုပ်ရှင်အမျိုးအစား

ရသစုံပါဝင်တဲ့အပြင် ဆုတံဆိပ်တွေလည်းရရှိထားတဲ့ကားမို

တင်ဆက်ပေးလိုက်ပါဗျာ...။

Dunki (2023)

Dunki ဆိုတာကတော့ ပန်ဂျာပီဘာသာစကားနဲ့ တစ်နေရာကတစ်နေရာကိုရွှေ့ပြောင်းခြင်းလို့ အဓိပ္ပါယ်ရပါတယ်။ ဒီကားလေးကတော့ အိန္ဒိယမှာ အခက်အခဲအမျိုးမျိုးကြောင့် ယူကေ အင်္ဂလန်ကိုရွှေ့ပြောင်းလုပ်သားအနေနဲ့ သွားရောက်လုပ်ကိုင်ကြတဲ့ အလုပ်သမားလေးတွေရဲ့ဘ၀ကို ဟာသလေးနှောပြီး ရိုက်ကူးထားတာပါ။ ဟာသလေးပါသော်ငြားလည်း ဒရာမာတော့ ရောပါသေးတယ်နော်။

ပန်ဂျပ်ရွာလေးက မန်နူ ဘာလီ ဘန်ဂူတို့ သူငယ်ချင်းသုံးယောက်ဟာ အခက်အခဲကိုယ်စီကြားက အင်္ဂလန်ကိုပြည်၀င်ခွင့်ရဖို့ မျိုးစုံကြိုးစားကြပေမဲ့လည်း ငွေတွေ အလိမ်ခံခဲ့ရပါတယ်။ ဒီလိုနဲ့ မန်နူတို့ဘ၀ထဲကို တထောင့်တနေရာကပါလာကြသူတွေကတော့ ဟာဒီနဲ့ဆူခီပါ..။

ဒီလိုနဲ့…
မန်နူတို့သုံးယောက်ရဲ့ အင်္ဂလန်အိပ်မက်ကို ဘယ်လိုအကောင်အထည်ဖော်ကြမလဲ…

နှလုံးသားနဲ့ ဘ၀ကြားက လွန်ဆွဲပွဲမှာ သူတို့ဘယ်လိုရွေးချယ်မှုတွေ လုပ်သွားကြမလဲ…

အိပ်မက်တွေ ရည်မှန်းချက်တွေက သူတို့အတွက်တကယ်ပြည့်၀ခဲ့ရဲ့လားဆိုတာ….

သေချာတာကတော့ ဒီကားလေးထဲကတချို့ဟာသလေးတွေကတကယ့်ကို အူလှိုက်သည်းလိုက်ရယ်ရတာပါပဲ ။ ပါ၀င်သူတွေကလည်း Shah Ruah Khan.. Taapsee...Vicky Kaushal တို့လိုထိတ်ထိတ်ကြဲတွေကခေါင်းဆောင် ပါ၀င်ထားပြီး ၂၀၂၃ ရဲ့ဟစ်အဖြစ်ဆုံး ဘောလိ၀ုဒ်ကားအဖြစ် တန်း၀င်ခဲ့တာမို့ ကားကောင်းတစ်ကားဖြစ်တာအသေအချာပါပဲ။

IMdM 7.2 ရထားပါတယ်..။ သေချာတာကတော့ Shah Rukh Khan..Taapsee..Vicky တို့နဲ့တင်ကြည့်ရတာအရမ်းတန်နေပါပြီ။ ကြည့်ရှုခံစားပေးကြပါဦး။

Naa Saami Ranga (2024)
===============
"ရွာလူမိုက်"

တေလဂူး အက်ရှင်/ဒရာမာ ဇာတ်ကားကြမ်းကြမ်းလေး တင်ပေးလိုက်ပါတယ် ၂၀၁၉ က
မလေယာလမ် ရုပ်ရှင် Porinju Mariam Jose ကို ပြန်ပြီးရိုက်ထားတာ ဖြစ်ပါတယ်
၂၀၂၄ ရဲ့ ဝင်ငွေအကောင်းဆုံး ၇ ကားမြောက်အိန္ဒိယရုပ်ရှင် ဖြစ်ခဲ့ပြီး တတိယ ဝင်ငွေအများဆုံး တေလဂူးကား ဖြစ်ပါတယ်

ဇာလ်လမ်းအကျဥ်းကတော့ ၁၉၆၃ ရွာတစ်ရွာမှာ ကစ်ရှ်တေယာ ဆိုတဲ့ မိဘမဲ့ကောင်လေးကို အန်ဂျီရဲ့
အမေက မွေးစားခဲ့ပြီး သူတို့နှစ်ယောက် ညီအစ်ကိုရင်းပမာ အတူတူကြီးပြင်းခဲ့ပါတယ်

တစ်နေ့ သူတို့အမေ ဆုံးတော့ အလောင်းမချသေးခင် အကြွေးနဲ့အိမ်လာသိမ်းတဲ့ ကြွေးရှင်ရဲ့ ရန်ကနေ
"ပက်ဒေယာ" ဆိုတဲ့ ကျေးရွာခေါင်းဆောင်က ကယ်တင်ပေးခဲ့တဲ့နေ့ကစပြီး ကစ်ရှ်တေယာ တစ်ယောက်
ရွာသူကြီးကို ကျေးဇူးရှင်တစ်ယောက်လို သဘောထားခဲ့ပါတယ်

ငယ်စဥ်ကလေးဘဝကတည်းက ချစ်ခဲ့ရတဲ့ ကောင်မလေးကိုလည်း အကြောင်းကြောင်းကြောင့်
လက်မထပ်နိုင်သေးပဲ သူကြီးခိုင်းတာမှန်သမျှ ပြဿနာအဝဝကို လူယုံတစ်ယောက်လို ဖြေရှင်းပေးနေရပါတယ်
ဒီလို ကစ်ရှ်တေယာကို အရေးပေးခြင်းအပေါ် သူကြီးရဲ့သားအရင်းတွေက မနာလိုကြပါဘူး

တစ်နေ့တော့ သူချစ်ခင်တွယ်တာတဲ့ သူတွေအပေါ်
အန္တရာယ်ကျရောက်လာတဲ့ အချိန်မှာ မားမားမတ်မတ်ဘယ်လို ကာကွယ်ပေးသွားမလဲ
ဆယ်နှစ်တာချစ်ခဲ့ရတဲ့ ကောင်မလေးနဲ့ရော ကံကြမ္မာက ဆုံဆည်းခွင့်ပေးပါ့မလားဆိုတာကို ဆက်လက်ကြည့်ရှုပေးပါဦး

Attack of the Meth Gator (2023)

ထူးထူးဆန်းဆန်း ဘက်ဂျက်ကားလေးကြည့်ချင်တဲ့

သူတွေအတွက် Attack Of The Meth Gator လို့ခေါ်တဲ့

ဇာတ်ကားလေးကိုတင်ဆက်ပေးလိုက်ပါတယ်။

နိုင်ငံခြားမှာ Meth(မက်သ်) လို့ခေါ်တဲ့မူးယစ်ဆေးတွေကို

လူသုံးများကြပြီး ဒီကားထဲမှာပါတဲ့ မိကျောင်းက အဲ့ဒီမက်သ်တွေ

အများကြီးကို စားလိုက်တဲ့အတွက် ဟိုက်ပြီးတော့ လူတွေ

လိုက်သတ် မက်သ်တွေလိုက်ရှာနေတဲ့ ဇာတ်ကားပဲဖြစ်ပါတယ်။

ဘယ်ကနေဘယ်လိုစဖြစ်တာလည်းဆိုတော့ ဖလော်ရီဒါမှာရှိတဲ့

ကျွန်းတစ်ကျွန်းမှာ မက်သ်တွေကို ကိုယ်တိုင်ချက်လုပ်ပြီး

ရောင်းနေတဲ့ လူနှစ်ယောက်ကို ရဲတွေလိုက်ဖမ်းရာကနေ

ရေကန်ထဲကို ဆင်းပြေးရင်း မိကျောင်းအစားခံလိုက်ရတာ

ဖြစ်ပါတယ်။မိကျောင်းစားထားတဲ့အထဲမှာ မက်သ်တွေပါ ပါပြီး

ထူးထူးဆန်းဆန်း အဲ့ဒါကြောင့်ပဲ မိကျောင်းကြီးက အကောင်ကြီး

လာပြီး ပိုလည်း အားကြီးလာပါတော့တယ်။ဒါပေမယ့် မူးယစ်ဆေး

တွေရဲ့ ထုံးစံအတိုင်းပဲ အဲ့ဒီမိကျောင်းကြီးက မက်သ်တွေကို

ထပ်တောင့်တလာပြီး ကျွန်းပေါ်မှာရောနေရာအနှံ့မှာပါ လိုက်ရှာ

ပါတော့တယ်။အဲ့ဒါကြောင့် ဒီလိုကြီးမားတဲ့ မိကျောင်းကြီးကို

ရှင်းပစ်ဖို့အတွက် ကျွန်းပေါ်ကရဲမှူးက တခြားတစ်နေရာမှာ တာဝန်

ထမ်းဆောင်နေတဲ့ DEA အရာရှိဖြစ်တဲ့ သူ့သားဒန်တေးကိုပြန်ခေါ်

ခဲ့ရပါတော့တယ်။ဒီလိုနဲ့ အဲ့ဒီမိကျောင်းကြီးကို ရှင်းပစ်ဖို့အပြင် ဒီလို

ပြဿနာတွေဖြစ်အောင် ဖန်တီးနေတဲ့ မက်သ်ချက်တဲ့ဓာတ်ခွဲခန်းတွေ

ကိုပါ ဘယ်လိုအမြစ်ဖြတ်သွားမယ်ဆိုတာကို ကြည့်ရှုရမဲ့ဇာတ်ကားပဲ

ဖြစ်ပါတယ်..

Suncoast (2024)

ကားလေးကတော့ အခုနှစ်အစပိုင်းမှာ ထွက်ရှိလာတဲ့ ဟာသဒရာမာကားကောင်းလေးပါပဲ။ သရုပ်ဆောင်အနေနဲ့ဆိုရင် True Detective, Now You See Me, Zombieland တို့နဲ့ လူသိများတဲ့ မင်းသားကြီး Woody Harrelson ပါ၀င်ထားပါတယ်။
ဆန်းကို့စ်ဆိုတာ နာတာရှည်လူနာတွေအတွက် ဆေးရုံပါ။ ဒိုးရစ်ရဲ့အစ်ကိုဖြစ်သူက စကားလည်းမပြောနိုင် အသိစိတ်လည်းမရှိတော့ဘဲ သေဖို့အချိန်ကို ထိုင်စောင့်နေရတဲ့သူပါ။ သူ့အမေကလည်း သူ့အစ်ကိုကိုပဲ ဂရုစိုက်လို့ ဒိုးရစ်က သိပ်အချစ်မခံရသလိုခံစားနေရတဲ့အတွက် အစ်ကိုဖြစ်သူကို မုန်းတီးနေတဲ့သူပါ။ ငယ်ငယ်ကတည်းက နာမကျန်းဖြစ်တဲ့အစ်ကိုကိုပြုစုခဲ့ရတဲ့ ဒိုးရစ်တစ်ယောက် သူလိုချင်တာက သာမန်ဆယ်ကျော်သက်ဘ၀လေးပါပဲတဲ့။ သူ့အမေက သူ့အစ်ကိုကိုအဖော်ပြုပြီး ဆန်းကို့စ်ဆေးရုံမှာ သွားအိပ်တဲ့အခါမှာတော့ ဒိုးရစ် သာမန်ဆယ်ကျော်သက်ဘ၀မှာ ပျော်ဖို့ကြိုးစားပါတော့တယ်။
ဒီကားလေးကတော့ ဒိုးရစ်ဖက်က ခံစားချက်တွေ မိခင်ဖြစ်သူရဲ့ခံစားချက်တွေကို အချိုးညီညီပေါင်းစပ်ပြီး ကွဲပြားတဲ့အမြင်နဲ့ မျဉ်းပြိုင်လိုလူနှစ်ယောက် နောက်ဆုံးမှာဘယ်လိုခံစားချက်တွေနဲ့ ထပ်တူညီသွားမလဲဆိုတာကို မျက်ရည်တွေကြားထဲခံစားရမယ့်ကားလေးပါပဲ

The Perfect Dinner (2022)

တစ်ခါ မိတ်ဆက်ပေးချင်တဲ့ ဇာတ်ကားလေးက အီတာလျံ
အစားအစာတွေနဲ့ ပတ်သတ်ပြီး နာမည်ကြီးတဲ့ အီတလီနိုင်ငံ
နာပိုလီမြို့နဲ့ ရောမမြို့ကို အခြေပြုရိုက်ကူးထားတဲ့
ဟာသ၊ ဒရာမာ ဇာတ်ကားလေးတစ်ကားဖြစ်ပါတယ်။
အီတလီနိုင်ငံ နာပိုလီမြို့မှာ ကမ်မီလိုလို့ ခေါ်တဲ့ မာဖီးယားဂိုဏ်းက
အုပ်စိုးနေပြီး မူးယစ်ဆေးဝါးရောင်းဝယ်မှု နဲ့ တခြားဒုစရိုက်မှု
မျိုးစုံကို လုပ်နေပါတယ်။
ကားမီရဲဆိုတဲ့ ကောင်လေးက ဖခင်ဆုံးပါးပြီးကတည်းက
ခေါင်းကိုင်ဖခင်ဖြစ်တဲ့ ကမ်မီလိုဂိုဏ်းခေါင်းဆောင်က
ကြည့်ရှုစောင့်ရှောက်မှုအောက်မှာ နေခဲ့တာပါ။
နဂိုစိတ်ကောင်းရှိတဲ့ ကားမီရဲက သူ့ပတ်ဝန်းကျင်က မကောင်းမှု
လုပ်သူတွေနဲ့ သဟဇာတမဖြစ်တာ မထူးဆန်းပါဘူး။ တနေ့တော့
သူငယ်ချင်းဟောင်းကို သေနတ်နဲ့ ပစ်သတ်ဖို့ ငြင်းဆန်ခဲ့တဲ့
ကားမီရဲကို အပြစ်ပေးတဲ့အနေနဲ့ ရောမမြို့က ငွေကြေးခဝါချတဲ့
စားသောက်ဆိုင်ကို ဟန်ပြဦးစီးဖို့ လွှတ်လိုက်ပါတယ်။
ဟင်းလျာချက်ပြုတ်မှုမှာ တော်ပေမယ့် ခေါင်းမာပြီး လုပ်ချင်ရာ
လုပ်တတ်တဲ့ စားဖိုမှူး ကွန်ဆွယ်လို ဆိုတဲ့ မိန်းကလေးနဲ့
ရောမမြို့မှာ အမှတ်မထင်တွေ့ဆုံခဲ့ပါတယ်။
မစ်ရှီလင်ကြယ်ပွင့်ရဖို့အထိ ရည်မှန်းချက်ကြီးတဲ့ ကွန်ဆွယ်လိုကို
ကြိုက်မိသွားတဲ့ ကားမီရဲတစ်ယောက် ဘယ်လိုဘယ်ပုံ
ရှေ့ဆက်ကြမလဲ ဆိုတာကို ဟာသလေးတွေနှောပြီး ရိုက်ကူး
တင်ဆက်ထားတာကို ကြည့်ရှုရမှာပါ..

Marry My Husband
(2024)

အားလုံးစောင့်မျှော်နေကြတဲ့ Park Min Youngနဲ့ ဂင်ချားနားလို့ သိကြတဲ့
Lee Yi Kyung တို့ရဲ့ Marry My Husband

နာမည်ကြီး Webtoonကို ပြန်ရိုက်ထားတာဖြစ်ပြီး ဇာတ်လမ်းအကျဉ်းကတော့

ကင်ဆာနဲ့ အသက်လုနေရတဲ့ သေခါနီးအမျိုးသမီးတစ်ယောက်ဟာ
တစ်ရက်မှာတော့ သူငယ်ချင်းအရင်းကြီးနဲ့ သူ့အမျိုးသားတို့ ဖောက်ပြန်နေတာကို လက်ပူးလက်ကြပ်မိသွားခဲ့ပါတယ်။
ပိုဆိုးတာကတော့ အမျိုးသားဖြစ်သူက သူသေသွားရင် ကျန်ခဲ့မယ့် သူ့ရဲ့ အာမခံငွေတွေကို
အပိုင်သိမ်းဖို့ ကြိုတင်ကြံစည်ထားတာကိုပါ သိလိုက်ရပြီး အမျိုးသားဆီကပါ အသတ်ခံလိုက်ရပါတယ်။

ဒါပေမယ့် ပြန်နိုးလာပြီး မျက်လုံးဖွင့်ကြည့်လိုက်တဲ့ အခါမှာတော့ time slip ဖြစ်ပြီး
လွန်ခဲ့တဲ့ 10နှစ်ကို ပြန်ရောက်နေခဲ့ပါတယ်။ သူနဲ့သူ့အမျိုးသားတို့ ရည်းစားဖြစ်နေတဲ့ ကာလကို
ပြန်ရောက်သွားပြီး ဖောက်ပြန်တဲ့သူ့အမျိုးသားနဲ့ သူငယ်ချင်းဖြစ်သူကို
ဘယ်လိုပုံစံနဲ့ လက်စားချေသွားမလဲဆိုတာကို စိတ်၀င်စားဖွယ် ကြည့်ရှုရမှာပဲ ဖြစ်ပါတယ်နော်……

Land of Bad 2024

ဒီကားလေးကတော့ စစ်အက်ရှင်ကကြမ်းကြမ်းကို သဘောကျသူများအကြိုက်တွေ့မယ့်ကားလေးပါ။

စီအိုင်အေအေးဂျင့်တစ်ယောက် ပြန်ပေးဆွဲခံရတာကို ကယ်ဆယ်ဖို့ လေတပ်ကအထူးတပ်သားတစ်စုနဲ့အတူ အတွေ့အကြုံနုသေးတဲ့တပ်သားသစ်လေး ကန်နီပါ ပူးတွဲပါ၀င်ခဲ့ပါတယ်။

ကန်နီတို့အဖွဲ့ဟာ အထက်ကဝေဟင်မြင်ကွင်းနဲ့ အော်ပရေးရှင်းကို ထိန်းချုပ်နေတဲ့ ရီပါ-၁ ရဲ့ အထောက်အကူနဲ့ ဖိလစ်ပိုင်နိုင်ငံရဲ့ နယ်မြေထဲဆင်းသက်ခဲ့ကြတဲ့အချိန် အော်ပရေးရှင်းတန်းလန်းမှာတင် စစ်စတမ်ချို့ယွင်းမှုကြောင့် ခဏတာအဆက်အသွယ်ပြတ်ချိန်..မြေပြင်က သူတို့လူတသိုက်နဲ့ နယ်ခံလူဆိုးတစ်အုပ်ကြား... သူတို့ဘယ်လိုဆက်ပြီး ရုန်းကန်တိုက်ကြမယ်ဆိုတာ....

ဒီကားဟာ စိတ်စင်စားစရာ ခပ်ကြမ်းကြမ်းတရစပ်ရိုက်ချက်တွေ ဝေဟင်မြင်ကွင်းတွေ လက်ရုံးချင်းယှဥ်တိုက်ရမယ့်တိုက်ကွက်တွေ ဖောက်ခွဲရေးအထူးပြုလုပ်ချက်တွေအစုံအလင်နဲ့ မရိုးနိုင်အောင်ရှုစားရမယ့် စစ်အက်ရှင်ကားလေးပါ..။

နောက်ပြီး သရုပ်ဆောင်တွေအနေနဲ့လည်း ဝေဟင်က အော်ပရေတာကြီး ရီပါအဖြစ် မင်းသားကြီး Russell Crowe ....

လူသစ်လေး ကန်နီအဖြစ် Liam Hemsworth... နဲ့

Luke Hamsworth... Milo Ventimiglia ..Ricky Whittle တို့က အထူးတပ်ဖွဲ့၀င်တွေအဖြစ် အသီးသီး ပါ၀င်အားဖြည့်ပေးထားပါတယ်။

IMDB 6.4 ရသမျိုးစုံနဲ့ စိတ်​ကျေနပ်လောက်စရာရှုစားရမယ့် ကားကောင်းတစ်ကားအဖြစ်လည်း Review ကောင်းတွေပိုင်ဆိုင်ထားပါတယ်။ ရှုစားကြည့်ကြပါဦး။