للشاعر ادريس الشيخي

امير الشعراء بوبكر بوحوية :-

الشاعر أحمد البهيجي المغربي:

الشاعر خالد المعداني:

للشاعر :- سعد بواخويدم

ماينشدو امغير لصحاب والصاحب ابقي لتجارة.
وما ياسلوا ليش لحباب اللي يعرفو في اقدارة.
وماينشدوا وين غياب ولايدوروا في اخباره.
ولاياسلوا بيش مصاب الخاطر وما له ادباره.

ولا ينشدوا بأي سلهاب يمسي امودر نهاره.
ولا ياسلوا ليش لجداب اطاول وغابن امطاره.
وابقي الوطن منبوته اتراب من شين فعلنا ولحجاره.
ونواطير خلنه خراب وماعاد فيه انخضاره.

الله الله ما كان حلاب في ارقاب وطن داير بطاره.
وقزاح وسط قرضاب ويبان جلها بنحماره.
وتمير طاغي اخياب وفالدر شيحا امراره.
وقرقاص طايب اطياب وما اطل فاحن عطاره.

وكشان داير عراب ومذاح والدر قاره.
وخرمبا ولسلس ضباب غزير نبت في نسمة اشقاره.
خطرها إلا خاوا لشعاب ملي يقسموا في اشباره.
من خوف قول نهاب بالشعر رانا عصاره.

ولا المال حد لطلاب نين نشحتوا في امياره.
احنا اسبابنا بس منشاب لهلب وفايح اكتاره.
واللي عاش بالقول سباب عليه ينقدع بنخساره.
وعيشة ابن ادم سراب واللي يقرض الحي عاره.

والوقت غر شين غلاب ياللي تفهموا بالايشاره.
وما ينشدوا اصحاب للباب كنهم ايدوروا سكاره.
وعلي صغرهم ليش شياب وناسيين قولت ايساره.
وين راح سمح لطناب اوين خيلنا والكباره.

اوين سيلها كان زعاب وعقاربه ايديرن شراره.
وعجاج دار بالعرض قلاب من مساربه لاقراره.
ويام قوتنا كان بأسباب وكانن نواجع عماره.
وكان حرثنا غير ابدواب ورضي الكل باللي امتاره.

الشاعر رواف جاد المولى الرفادي .
قصيدة: ماينشدو غير الاصحاب.

في وصف البادية و الصحراء والاجواء التي " تكّيف الرأس" حيث جاءَ الشاعران بأبياتٍ تصف وصف دقيق لهذه الاجواء :

الليل والقمر والدير بوبرقاية ..
امناة خاطري عنده ابهن هوايا ..
ويبقا معاك نداوي سليم جناح ف حوزة رباوي..
وكروزر كيف م ترافق البجاوي ..
لها تنكين بنزينه ملايا ..
بها تطمان م خشوش الفجاوي ..
فريده نوع في لون القطايا ..
كيف ادوس ترقابك سماوي ..
ركوبه عز ديما هي منايا ..
امغير القل يمنع ف شهاوي ..
يطمع فيك عفنين الرباية ..

الليل الدافي ، فيه القمر سطاش ضيه صافي ..
ونكبر النار ونار عجرم طافي...
وين ما هفا نعزق عليه اشوايا...
في عجرمه يالاه بيها سافي ...
دفينة لذيدة فيه وتشوهايا ...
رفيقك الي يالاك ماهو جافي ...
ولد بيت من غادي كريم سجايا ...
حتى انكان في لفظي ضعيف قوافي..
ما ننسحب من جملة الغناية ..
الليل اوجوه ..
في ابساط خالي فيت صيده عوا ..
عشابيب لمسنه ابماه تروّا ..
كمين هود متخايل نبات اوروده ..
ما نزردوا فيه اوحود في هوندايا ..
ايريدن اكروزر واتية مشدودة ..
جديدة ان فاجاتك اتقول قطايا ..
اوسيدها اسطى عارف الوطن احدوده ..
خبير غير فارس موخفيف روايا ..
ابغيضه امنين ايدوس عل المهدوده ..
اتجيك طايشه كي شبهه الشلايا ..

الشاعر : منعم شحات الفاخري .

الشاعر ادريس الشيخي رحمة الله علية..

الدنيا كواينه اكثر من افراحها
غرورة اللي متكسيبها عريان
ماتحوش غير السو داخل امراحها
خوان دهرها ما عندهاش امان
ﻻ تفرحو ياجانيين اربحها
وراكم الهول وساعة الميزان
اساع تندمو يوم حشرة اروحها
يومآ الخافي عالعيون ايبان
يوم اﻷم تذهب عارضيع امتعها
علي عد مو مذكور فالقرأن
يوم حشر يظايق عليك بياحها
ﻻ واسطا ﻻ زور ﻻ بهتان
يومآ جهنم نادمين اتباعها
ويقولو امهلنا نعملو لحسان
يوم امرها فيد حاكم اريحها
ﻻ ملك وﻻ رايس وﻻ سلطان
الصالح اللي صالح ومن صلاحها
هو اللي يفك عضاه مالنيران