ناز ائدیر بولبوله گول بیر بئله، معناسی نه دیر؟
بولبولون بس گولو سئومکده تمناسی نه دیر؟
عاشیق هر جؤره دؤزور، بلکه ده، بیر حکمتی وار؟!
بو ایشین فیکر ائله، گؤر اصلی معماسی نه دیر؟
اولدورور، گونده دیریلدیر منی اؤز جانانیم
کئچمیشین ایندی منه معجزِ عیساسی نه دیر؟
بولبولون کی، بو قدر ناله سی دونیانی توتور
کیمسه بیلمیر هله، قلبینده کی سئوداسی نه دیر؟
من اولان یئرده منیم تک اولابیلمز مجنون
سن اولان یئرده اونون سئودیگی لیلاسی نه دیر؟
قویما اینجیتسین ایپک کؤینک او نازک بدنین
هانی گولده بو لطافت؟ اونون اعضاسی نه دیر؟
سن ده، واحید، وطنین گوللرینین عاشیقیسن
سن کی وارسان، چمنین بولبولِ شیداسی نه دیر؟


#علی_آغا_واحید