ان قال كبوة جواد نقول كبوة جواد
وان قال طيحت جمل قلنا جمل ماعليه

من يجادل واحد ماهوب قانع
كنه يحط العلاج بفم ميت

يلي تقول السماء كيف ماتمطر
حنا نقول القيامه كيف ماقامت

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره مازال
تجدد غلاه الذاكره لاتناسيته

سلوم البدو حق الضيافة ثلاث ايام
وانا لي سنه اكرم طيوفك واقلطها

ما مشيت الا وانا عندي قناعه
من تردى بالوصل صعب يتسنع

اكثر ما يرهق الساكت سواليف عقله
يشكي لنفسه من جروحه وهو ساكت

يالله بحظٍ يطيب العمر من طيبه
‏يجبر كسور الزمن و يشيل عثراته .

بيني وبين الحظ قومه وطيحه
لاقلت هانت قال ماهوب الحين

صرت الغريب الي على ارضه غريب
ادور الراحه ولا لي فيها جواب

إن جيتني مشتاق جيتك تراحيب
وإن جيتني ضميان جيتك سحابة

‏اثر المبادي تزعِل الناس منا
‏والناس وشهي لو تضيع المبادي

بنفوسنا رغبه وبوجيهنا دم
لوتبسط الحاجه لنا راحتيها

ان وافـقت بـالعز قـلنا لهـا تـم
وان بان فيها ضعفنا مانبيها

على العموم اللي تخاويه منا
خاوه ولا تستر على ماتواجه

لاحد يحاسبني ع النقص والزود
محد شرالي فرحتي.. من حلاله ..

كل عسر لا دارت الدنيا يلين
وكل ضيق يلقى بامر الله سعه

سيبدأ الناس في كرهك، عندما لا يستطيعون التحكم بك.