«...
አንት የከንፈር ወዳጅ
በግዜ ሳመኝ
ጤፍ አበጥራለሁ
የሰው ግዙ ነኝ

የሰው ግዙ ሆኖ
የሰው ግዙ መውደድ
እሳት በገለባ
እፍ ብሎ ማንደድ!
...
🙄»

ቀጥሉት🤔

https://t.me/Gazetaw

የኔው ሲቀጠል ደግሞ እንዲ ሄዶ'ል

ግዞት ከሌለበት ከሰራ ዓለሜ ና፣
ጓዝ ጉዝጓዙ ፍቅር ከልቤ መዲና ።
መንደድ ቢሉ ማየል ከሳተገሞራ ፣
ክሱት ገጽህ ገዢ ደብርህ ከተራራ፣
አንተን አነግሳለሁ ሲሸ'ኙ ከተራ።

✍🏽ቲኑ ከምናብ ዓለም
02/07/18

ያኑረን!!!

ዘዋሪቴ ዘወርዋራ ተሽከርክረሽ ለኪሳራ
ዜማ ቅኔው ተኳኩሎ ከብስባሽ ሲያንሰራራ
የኔ ነፍሥስ
ከሱ እቅፍ ከጎኑስር ሲያሳብበኝ ስጎመራ
ውሉደ ፍቅር በሥሥቱ ያስመለጠኝ ከመከራ
ያስከበረኝ በሙሃባ ማተብ ልቡን ለኔ አጥልቆ
ሲሰራራኝ ሲያበጃጀኝ እኔነቴን ከ'ርሱ አርቆ'
ከወሰደኝ ምን እንዳልሆን
ከወሰድኩት ምን እንዳይሆን

02/07/18


https://t.me/tinasview
እናውራበትን?

ውድቅ እንበል እስኪ ስብር ከመንበሩ
መኖር ማዳመቂያ ስንት ገባ ግብሩ
ሞትስ ለከርታታ ልቡን ላስገበረ
ያበጠው በመንገድ ሳይደርስ ከሰረ
እንጃ ምን ሊሳመር ምን ሊዘከር ኖሯል
ሽሽት ከራስ ጉያ ከሰው በላይ ከብሯል

04/07/18
ካስገመገሙን ስር
ትህትና ከልብ ሰፈር

https://t.me/Tinasview23
https://t.me/Tinasview23
https://t.me/Tinasview23

አንድ ለቅዳሜ

ከዘመናት እልፍኝ ከታጨቀ ዶሴ
ምን ላገኝ ልመለሰ ከነግሳንግሴ
ኧረ ቀስ
ዳና እየታደነ ምናብ ካልረቀቀ
አላፊ ታስሶ ትልም ካልፀደቀ
ከክታብ ቀሳስሞ እውነት ካልተኖረ
ወደፊት ተንዶ ዛሬ ተቀበረ

ሞሾ እናውርድለት
05/07/18
ትህትና ከሃሳብ ሰፈር

የሙሾ ግዳቹን በዚህ https://t.me/tinasview አድርሱ


https://t.me/Tinasview23
https://t.me/Tinasview23
https://t.me/Tinasview23

ለመኖር ሚሮጥ ሰው ላለመኖር ከቆመ ጋ መላተም የለበትም ወይ ያስቀረዋል ወይ ደግሞ እንቅፋት ነው ሚሆነው። እና ምን ያድርግ ካላቹ የራሱን ሂወት ይኑር ያኔ ምናልባት ለመሞት የቆመው ይንቀሳቀሳል ወይ ደሞ እራሱ ለመኖር ሚሮጠው ይቆማል።
በሰው ከመገፋት በራስ መንገድ መንደረደር የበለጠ ያራምዳል፣ አልያም አፅንቶ ያቆማል።

17/07/18
ትህትና ከምናብ ሰማይ ስር
https://t.me/Tinasview23?direct

እንዲህ ያለ ነገር አይቻለሁ ዓመት በዞረ ቁጥር 😍ያጓጓኛል እያንዳንዱ እለት የተደጎሰ መዝገብ ነው ሰፊና ጥልቅ የተለየ ስጦታ። ትርጉም እንዲሰጠኝ ደጋግሜ ማጣጣም እፈልጋለሁ እናም ያን ለማድረግ ከራሴጋ እሆናለሁ ያንን ሳደርግ የቀኑን ዑደት ሳሰላስል ያተረፍኩትን እዘራና ደግሜ አበቅለዋለሁ።
የጎደለውን ለአምላክና ለነገ አስረክባለሁ።
አሁን ደግሞ ከእለታታ ወደ ዓመት ዳሰሳ ሊቀየር 4 ቀናት ቀርተውታል።
ተመስገን ተመስገን ተመስገን!!!✍🏽❤️❤️❤️
21/07/18
ትህትና
ለራስ የተከተበ ከሰከነ ህሊና ጋር

https://t.me/Tinasview23
https://t.me/Tinasview23
https://t.me/Tinasview23

እግዚያብሔር ይመስገን
ለዚህ ደርሰናል
ሲነጋ 1 እንጨምራለን
የፍሬ ዘመን ያድርግልኝ
አሜን
24/07/26
ማስተዋሉን ያብዛልኝ።

ቅምምም ማለት ልብን ማሰናዳት
ነገን እየጓጉ ሰርክ ደጅ ጥናት
እኖራልሁ ብሎ አርቆ መመኘት
ውልደትን መርቆ ወደሞት መጠጋት
እወድሻልሁኝ የኔ ልበ ቀና
ስርዝ ድልዝ ለበስ ያሳለፍነው ዳና
ዞረው ሲሳሳሙ አርብና ልደትሽ
ሲገርመኝ ይውላል የተሳለው መልክሽ
ከገጽ ቅብ በላይ ይታየኛ ልብሽ
እወድሻለሁ የኔ ልብ የኔ ጀግና
24/07/18
ከመጎምራት ክፍል
ለራስ የተከተበ
🙏🏽✍🏽❤️❤️❤️

ስለሁሉም እግዚያብሔርን አመሰግናለሁ
ለሚመጣው እርሱ ያውቃል
መልካም ልደት ለኔ
25/07/18

love you all😍
25/07/18

ጥያቄ አለኝ
ግጥሞቼን በድምጽ ላጋራቹ ወይ ነው?
ሃሳባችሁን በዚህ
https://t.me/tinasview
አሳውቁኝ
ወይም በኢሞጂ ግለጹልኝ
አመሰግናለሁ

መልካም አመሰግናለሁ
አሁን በሁልት መንገድ እንደአዲስ እንጀምራለን
እንድጽፈው ምትፈልጉትንም ሃሳብ ማጋራት ትችላላችሁ
መልካም ጊዜ

ጥያቄ
ከራስ ለመራራቅ ከሰው ለመኖር
አስመስሎ ማለፍ ይሰራል ወይ ፍቅር?
ወይስ
መስሎ ተመሳስሎ ከራስ እየራቁ
እስኪገለጥ ድረስ በቁም እያለቁ
ነፍስን ሲኦል ልኮ መኖር ሲሳቀቁ?
እህ
06/08/2018
ትህትና

በመቆየት ውስጥ የምናቤን ሃገር ምሰራት ምዳስሳት ምኖርባት ነኝ።
ነኝ ነው ይሆናል አምናለሁ ማመን ብቻ አይደለም ሆኖም አለና ለው፣
በመንገዴ ከመጡት ከሄዱትም የተቀዳ ወዝ አለብኝ ያሁኑ ደግሞ ከጉጉትም በላይ ነው
ለምን
እየደረስኩት ነው እየደረስኩበት
መታደል አይደል ምናብን መኖር
እሰይ ተመስገን ነው። ወዝ ላበረከታቹልኝ በሙሉ አመሰግናለሁ
8/8/18

ስላንተ
አልደርስም ካልኩበት ስበህ
አልቆምም ካልኩበት ተክለህ
ስድህ እንዳልነበር ክንፍን ያስበቀልከኝ
ከጎንህ አጉድለህ ሙሉ ያደረከኝ
ያ'ላተ መኖርን ወደህ አስጀመ/ረሳኽኝ
እወድሃለሁ
19/08/18
https://t.me/tinasview

ነገን ማጨላለም
ሲያሻው ከደመና ሲያሻው ከሰው ላብጋ እየተሰወረ
እንባዬን አድርቆ ከእግዜሩ ሰማይ ስር ዝናብ ተቀመረ
ጋራው ሲናፍቀኝ የወረደው ልቤ ከገፄ ተላኮ ሸንተረር ወቀረ
እጠጋበት የለኝ ሰው መሆን ሲረክስ ከርሞ ከነገ ስር እየተቀበረ
ምናብ ብቻ ትርፌ ምናልባት የሚያስብል ሰው ሰው የሸተተ ባገኝ እንደራሴ
ነገን ሲያጨልመው ከድቅድቁ ውላጅ አጥንት ሳይንተራስ ካፈር ሳይታገል የሚዘጋ ዶሴ
ይመጣንደሁ ለኔ እጠብቀዋለሁ ከሰማይ ዳር ዳሩ ከምድር ከርስ ሰጥሜ
ጎኔን አስደግፌ ከሸንተረሬ ስር ሲቃ ካየለበት ማየሰብ ቢያቀምሰኝ ልድን ከህመሜ

20/08/18
ትህትና ከምናብ ዓለም
https://t.me/Tinasview23

አጀብ አጀባ
አምነሽ ነበር አሉኝ ሁሉን እኩል ሰፍረሽ ከስንዴ ከንክርዳድ ገለባ ሲከብሽ
መንገድ እንጂ ሰውስ ያለ ግፊት አይከብድ አይቆረቁር አይንሳፈፍ ውልሽ
እናሳ እንዴት ነው አጀባው ሲደራ ማንን ማንን ሰደርሽ
ከቁናሽ ማን ሞላ ማን ፍሬውን ሰጠሽ

22/08/2018
ትህትናዊ ዕይታ

ሰውም እንደ ምድር ከርሞ ይታረሳል
ክምር ጉልጓል አፈር ለሞት ይሰለፋል
ስንት ነፍስ ይርከፍከፍ ለዚች ምድር ማራሻ
አንድ አንድ ሲገበር ዘመን መሳለሚያ ዙፋንን ሟሟሻ
ክንፍ አብቅይ ነፍስ ሆይ ብረሪ ምጠቂ
በስጋ ደም ጸበል እንዳትጠመቂ
መርቀቅ ግብርሽ ይሁን ከፍ በይ ካፈሩ ከብስባሽ ተራ
አጋድመው ሲፈጁ ውሉደ አራዊት፤ እንደራሴ ሁኚን በአምላክ ስፍራ።

11/09/2018
ትህትና ከህዝብ ሰፈር

ስጋት ላባ ሰራች ሥስት ክንፍ ወለደ
ተወርዋሪ ቀስቴ ከሳት ተዋደደ
ሲምዘገዘግ ሄዶ ደመና ቀደደ
ንፋስ ያሳረገው ፍቅር ተገመደ
እሰይ ደግ አረግን በላባ ከነፍን
አሹ አበጃጀን ተሳስረን ወደቅን
አፈር ተንተርሰን ዘርን አበቀልን
29/10/2026
ያኑረን እንድንበር

ትህትና ከመኖር ዓለም