🔻 بۆ نەهێشتنی بەکارهێنانی دەسەڵاتی شەخسی، بافڵ تاڵەبانی هۆشداریی دەداتە بەرپرسانی حزبی

#پردمیدیا

بەپێی بڕیارێکی فەرمی کە ئیمزای بافڵ تاڵەبانی، سەرۆکی یەکێتیی نیشتمانیی کوردستانی لەسەرە، هۆشداریی توند دەدرێتە تەواوی بەرپرسانی حزبی و دامەزراوەکانی ئەو حزبە.

لە بەڵگەنامەکەدا جەخت کراوەتەوە کە هەر بەرپرسێکی حزبی پۆست و دەسەڵاتەکەی بۆ دەستبەسەرداگرتن یان وەرگرتنی زەوی و موڵکی گشتی بەکاربهێنێت، دەستبەجێ ڕووبەڕووی لێپرسینەوەی توندی یاسایی و حزبی دەکرێتەوە.

🔻 شێخ نەهرۆ کەسنەزانی: هێرشکردنە سەر نووسینگەی سەرۆکوەزیران بەتەواوی ڕەتکراوەیە

#پردمیدیا

شێخ نەهرۆ کەسنەزانی سەبارەت بە هێرشکردنە سەر نووسینگەی مەسرور بارزانی، سەرۆکی وەزیرانی هەرێمی کوردستان هەڵوێستی خۆی ڕاگەیاند و ئاماژەی بەوە کرد کە ئەم جۆرە هێرشانە بەتەواوی ڕەتکراوەن.

ناوبراو داوای لە حکومەتی عێراق کرد کە پابەندییە دەستوورییەکانی خۆی لە پاراستنی دامەزراوە فەرمییەکاندا بە تەواوی جێبەجێ بکات.

🔻 پەیمانی ئەمنی و هۆشداریی جەنگ لە ئەردۆغانەوە

#پردمیدیا

🔶 رەجەب تەیب ئەردۆغان، سەرۆککۆماری تورکیا لە دیدارێکی تایبەتدا لەگەڵ کەناڵی جەزیرە ڕایگەیاند:

🔹 یەکێتیی ئەوروپا ماوەی ٥٣ ساڵە تورکیا وەرناگرێت و پلانیشی نییە لە داهاتوویەکی نزیکدا ئەندامێتییەکەی قبوڵ بکات، بۆیە ئەو دۆسیەیە چیتر لە پێشینەی کارەکانی ئەنقەرەدا نییە.

🔹 ئەگەر تورکیا نەبێتە ئەندام، ئەوا ئەوروپا خۆی زیانمەند دەبێت نەک تورکیا. هەروەها پەیماننامەی بەرگریی سێقۆڵی نێوان تورکیا، سعودیە و پاکستان بە هەمان شێوەی مادەی پێنجی پەیماننامەی ناتۆ کار دەکات، بە جۆرێک هەر هێرشێک بڕواتە سەر هەر یەکێک لەو سێ وڵاتە، وڵاتانی دیکە پابەند دەبن بە بەرگریکردن لێی.

🔹 سەرۆککۆماری تورکیا ڕوونی کردەوە کە وڵاتەکەی خوازیاری جەنگ نییە و بانگەشەی ئاشتی دەکات، بەڵام ئەگەر لایەنێک بە مەبەستی جەنگ هێرش بکاتە سەر تورکیا، ئەوا سڵ لە بەرەنگاربوونەوە ناکەنەوە و پاشەکشە ناکەن.

🔻 ئەنجامدەرانی هێرشە درۆنییەکەی سەر نووسینگەی مەسرور بارزانی ئاشکرا دەکرێن

#پردمیدیا

نووسینگەی ڕاگەیاندنی سەرۆکوەزیرانی عێراق ڕایگەیاند کە بە فەرمانی عەلی زەیدی، سەرۆکوەزیرانی عێراق، لیژنەیەکی تایبەتی لێکۆڵینەوە بۆ دیاریکردنی سەرچاوە و شوێنی هەڵدانی ئەو درۆنانە پێکهێنراوە کە ئاڕاستەی نووسینگەی مەسرور بارزانی، سەرۆکوەزیرانی هەرێم و شوێنی حەوانەی بەڕێوەبەری ئاژانسی پاراستن کرابوون.

لە ڕاگەیەندراوەکەدا جەخت لەوە کراوەتەوە کە لە زووترین کاتدا ئەنجامی لێکۆڵینەوەکان بۆ ڕای گشتی بڵاودەکرێنەوە و تەواوی ئەو لایەنانەی لەپشت هێرشەکەوە بوون ئاشکرا دەکرێن، تاوەکو ڕێکاری پێویستی یاسایی و ئەمنییان بەرامبەر بگیریتە بەر.

🔻دەستگیرکردنی بەرپرسێکی هەواڵگریی نوجەبا هاوکاتی ئاڵۆزییەکانی چەککردنی گرووپە چەکدارەکان

#پردمیدیا

دەزگای دژەتیرۆری عێراق بە فەرمانی ڕاستەوخۆی عەلی زەیدی، سەرۆکوەزیرانی عێراق، (عەباس حسێن مەتاڕ) بەڕێوەبەری لقی هەواڵگریی گرووپی نوجەبای لە ناو ماڵەکەیدا لە شاری ناسڕییە دەستگیرکرد.

ئەم جووڵە ئەمنییە لەکاتێکدایە کە بڕیارە تاوەکو 30ی ئەیلول پرۆسەی چەککردنی گرووپەکانی حەشدی شەعبی و گروپە وابەستەکان بە ئێرانەوە لەلایەن حکومەتەوە جێبەجێ بکرێت، بەڵام بەشێک لەو گرووپانە ئامادەییان بۆ ڕادەستکردنی چەکەکانیان دەرنەبڕیوە و دژایەتی بڕیارەکەی زەیدی دەکەن.

🔴 بەڤیدیۆ..

ئەمە ڤیدیۆ کەمێک پێش ئێستای ئاگرێکی گەورەی کۆگای سوتەمەنی بەنزینە لەتانجەرۆ سلێمانی

🔴 ڤیدیۆی دووەم....

کۆگایەکی بەنزین بەهۆی تەقینەوەی تانکەرێکی سوتەمەنیەوە ئاگری گرتووە لە تانجەرۆی سلێمانی

🔴 تادێت ئاگرەکەی تانجەرۆ فراوانتر دەبێت

🔻 ترەمپ
هەرای ناوەتەوەو سۆشیاڵ میدیای تەنیوە

#پردمیدیا

تڕەمپ بە بڵاوکردنەوەی نەخشەی گەرووی هورمز لە تۆڕی کۆمەڵایەتیی تروس سۆشیال هەرا دەنێتەوە

دۆناڵد تڕەمپ لە ڕێگەی هەژماری تایبەتی خۆی لە تۆڕی کۆمەڵایەتیی "تروس سۆشیال" نەخشەیەکی گەرووی هورمزی بڵاوکردەوە و لەگەڵ وێنەکەدا دەستەواژەی "خاکی نوێی ئەمریکا"ی نووسیوە.

ئەم پۆستەی تڕەمپ شەپۆلێکی فراوان کاردانەوەی لەسەر ئاستی میدیا جیهانییەکان و سۆشیال میدیا بەدوای خۆیدا هێناوە، بە تایبەت کە گەرووی هورمز یەکێکە لە گرنگترین و هەستیارترین ڕێڕەوە ئاوییەکانی جیهان بۆ گواستنەوەی نەوت و وزە، ئەم دەستەواژەیەی سەرۆکی ئەمریکاش وەک ئاماژەیەکی ئاڵۆز و جێی سەرنج سەیر دەکرێت.

🔻 هاتووچۆی سلێمانی ئاگادارییەکی بەپەلە ئاڕاستەی شۆفێران و هاووڵاتییان دەکات

#پردمیدیا

بەڕێوەبەرایەتی هاتووچۆی پارێزگای سلێمانی ئاگادارییەکی بەپەلەی ئاڕاستەی شۆفێران و هاووڵاتییان کرد و تێیدا داوایان لێدەکات لە کاتی ڕوودانی هەر حاڵەتێکی ئاگرکەوتنەوەدا، بە هیچ شێوەیەک نزیکی شوێنی ڕووداوەکە نەبنەوە.

لە ئاگادارییەکەی هاتووچۆی سلێمانیدا هاتووە، پێویستە هاووڵاتییان تا بۆیان دەکرێت خۆیان لە شوێنی ئاگرکەوتنەوەکان بەدوور بگرن، ئەوەش بە مەبەستی پاراستنی سەلامەتی گیانی خۆیان و دەستەبەرکردنی کارئاسانی بۆ تیمەکانی بەرگری شارستانی و دامەزراوە فریاگوزارییەکانی دیکە.

بەڕێوەبەرایەتییەکە جەختیشی کردۆتەوە کە دوورکەوتنەوەی هاووڵاتییان ڕێگە خۆش دەکات تا تیمە پەیوەندیدارەکان بتوانن لە خێراترین کاتدا ڕووداوەکان کۆنترۆڵ بکەن و ڕێگری لە تەشەنەسەندنی ئاگرەکە بگرن.

🔻 کاردانەوەی نوری مالیکی بەرامبەر دەستدرێژیکردنە سەر نووسینگەی سەرۆکی حکومەتی هەرێم

#پردمیدیا

نوری مالیکی، سەرۆکی هاوپەیمانی دەوڵەتی یاسا، ڕایگەیاند کە دەستدرێژیکردنە سەر نووسینگەی مەسرور بارزانی، سەرۆکی حکومەتی هەرێمی کوردستان، کارێکی ڕەتکراوە و ئیدانەکراوە.

مالیکی لە هەژماری فەرمیی خۆی لە تۆڕی کۆمەڵایەتیی "ئێکس" ئاماژەی بەوە کردووە کە هەر دەستدرێژییەک ئاسایشی هەرێم، سەقامگیری و دامودەزگاکانی عێراق بکاتە ئامانج بە هیچ جۆرێک قبوڵکراو نییە، لەگەڵ جەختکردنەوە لەسەر ئەوەی ئەم جۆرە کردەوانە لەلایەن هەر لایەنێکەوە ئەنجام درابن ڕەتکراوەن.

سەرۆکی هاوپەیمانی دەوڵەتی یاسا داوای کردووە لە ڕێگەی لێکۆڵینەوە فەرمییەکانەوە وردەکارییەکانی ڕووداوەکە ئاشکرا بکرێن و لێپرسینەوەی یاسایی لە بەرپرسیاران بکارێت، بە ئامانجی پاراستنی ئاسایش، سەروەری و یەکپارچەیی عێراق.

🔻 بەڕێوەبەری بانکی سەیدسادق بە چەقۆ بریندار کرا و ڕەوانەی سلێمانی کرا

#پردمیدیا

بەپێی زانیارییەکان، بەڵێن ئەحمەد، بەڕێوەبەری بانکی سەیدسادق، لەلایەن کارمەندێکی هەمان بانکەوە بە چەقۆ هێرشی کراوەتە سەر و بریندار کراوە.

رووداوەکە لە کاتی دەوامدا ڕوویداوە و تێیدا کارمەندەکە چەقۆی لە قۆڵی بەڕێوەبەرەکە داوە. بەهۆی قورسی و قوڵی برینەکەیەوە، ناوبراو بۆ وەرگرتنی چارەسەری پزیشکی بەپەلە ڕەوانەی نەخۆشخانەکانی شاری سلێمانی کراوە.

تاوەکو ئێستا لایەنە فەرمییەکان وردەکاری زیاتریان لەسەر هۆکاری سەرەکی ئەم گرژییە بڵاونەکردووەتەوە.

🔻 بەڤیدیۆ...

بەهۆی هێرشێکی ئاسمانی بۆ سەر بنکەیەکی پۆلیس لە شاری غەززە، لانیکەم شەش کەس کوژران، کە یەکێکیان فاتن ئەلسەحەر، بەڕێوەبەری پۆلیسی ژنانە

🔻 بەڤیدیۆ..

ئەو لێدانە سەختەی بووە هۆکاری دۆڕانی نامۆ فازیل

🔴 بــــــــــــــەپـــــــــــەلە...

بریندارێکی ئاگرەکەی تانجەرۆی سلێمانی گیانی لە دەستدا

#پردمیدیا

ئەفشین فەرەجی، كه‌ له‌ ئاگركه‌وتنه‌وه‌كه‌ی كۆگای سوته‌مه‌نییه‌كه‌ی ناوچەی تانجه‌رۆ له‌ سلێمانی برینداربوو، سه‌ره‌ڕای هه‌وڵی پزیشكه‌کان به‌هۆی سه‌ختی برینه‌كه‌یه‌وه گیانی له‌ده‌ستدا و کۆچی دوایی کرد.

ناوبراو كه‌ خه‌ڵكی رۆژهەڵاتی کوردستانه‌، یه‌كێك بوو لەو (22) كه‌سه‌ بریندارەی كه‌ له‌و رووداوه‌ دڵهەژێنەدا بەسەختی بریندار بوو بوو.

به‌گوێره‌ی ئاماره‌ فه‌رمییه‌كانی به‌رگری شارستانی سلێمانی، له‌و ئاگره‌دا نزیکەی 3 ملیۆن لیتر گاز و بەنزین سوتاون و زیانە مادییەکانی تەنها لەڕووی ژمارەییەوە بە نزیکەی 3 ملیۆن دۆلار خەمڵێنراون، ئەمەش سەرەڕای زیانە گەورە و مەترسیدارەکانی ژینگە کە بەر ناوچەکە کەوتوون.

بڕیارەکانی عێراق بەشێکە لەو شەڕەی کە دژی هەرێم دەکرێت
#پردمیدیا

سیروان بارزانی، خاوەنی کۆمپانیای کۆڕەک تیلیکۆم ڕایگەیاند: بڕیارەکانی دەستەی ڕاگەیاندن و پەیوەندییەکانی عێراق دژی کۆمپانیاکەی بڕیارێکی «نایاسایی، بێبنەما و لایەنگیر»ە، بۆیە پێیان وایە،
بڕیارەکانی بەشێکن لە شەڕێکی ئابووری و سیاسی و ئەمنی دژی هەرێمی کوردستان.

ئاماژەی بەوەشکردوە، کە بڕیارەکانی کۆمسیۆن بە ڕوونی لایەنگیریی ڕکابەرەکانی کۆڕەک دەکەن و ڕیکلامیان بۆ دەکەن، ئاماژەش بەوە دەکات کە لایەنێکی سیاسی کۆمسیۆنەکەی قۆرخ کردووە.

ئەم لێدوانەی سیروان بارزانی دوای ئەوە هات کە دەستەی ڕاگەیاندن و پەیوەندییەکانی عێراق داوای لە بەکارهێنەرانی ئەو هێڵە کرد، ڕێوشوێنی پێویست بگرنەبەر بۆ پاراستنی هەژمارە دیجیتاڵییەکانیان، ئەگەر هاتوو ژمارەی کۆڕەکیان بۆ پشتڕاستکردنەوە یان چونەژوورەوەی ئەپڵیکەیشن و سۆشیاڵ میدیا بەکارهێناوە، ئەوەش وەک ڕێکارێکی خۆپارێزی لە ئەگەری ڕاوەستانی خزمەتگوزاری نامەکان.

سوتانی بارهەڵگرێک لەسەر ڕێگای دەربەندیخان - کەلار

#پردمیدیا

لە ڕووداوێکی ئاگرکەوتنەوەدا لەسەر ڕێگای سەرەکی (دەربەندیخان - کەلار)، بارهەڵگرێک ئاگر دەگرێت. خۆشبەختانە ڕووداوەکە هیچ زیانێکی گیانی لێنەکەوتووە و تەنها زیانی مادی هەبووە.

تیمەکانی بەرگری شارستانی دەربەندیخان دەستبەجێ گەیشتوونەتە شوێنی ڕووداوەکە و توانیویانە کۆنتڕۆڵی ئاگرەکە بکەن و ڕێگری لە پەرەسەندنی بکەن.

بەرگری شارستانی دەربەندیخان داوا لە هاووڵاتییان دەکات کە لە کاتی ڕوودانی هەر حاڵەتێکی لەم شێوەیەدا، لە پێناو کەمکردنەوەی زیانەکان و خێرا گەیشتنی تیمەکان، ڕاستەوخۆ پەیوەندی بەم ژمارە گەرمانەوە بکەن:

115 (ژمارەی فریاکەوتنی خێرا)

07701506021

🔻 مەسرور بارزانی پشتیوانی لە هەنگاوەکانی عەلی زەیدی دەکات

#پردمیدیا

مەسرور بارزانی، سەرۆکوەزیرانی هەرێم، لە چاوپێکەوتنێکدا لەگەڵ ماڵپەڕی ئەلمۆنیتۆر، عەلی زەیدی بە کەسێکی ڕاستگۆ وەسف کرد و پشتیوانیی خۆی بۆ هەنگاوەکانی لە ڕووبەڕووبوونەوەی گەندەڵی، سەروەریی یاسا و چەکداماڵینی گرووپە چەکدارەکان دەربڕی.

سەبارەت بە دیاریکردنی وادەی 30ی ئەیلول بۆ چەکداماڵینی گرووپە چەکدارەکان، هیوای خواست پێش ئەو وادەیە پابەند بن و جەختی لەوە کردەوە کە پێویستە حکومەت ئەرکی خۆی لە پاراستنی هاوڵاتییان و سەروەریی وڵاتدا جێبەجێ بکات.

لە کۆتاییدا، پشتیوانیی خۆی بۆ هەوڵەکانی ئیدارەی دۆناڵد ترەمپ بۆ سەقامگیریی ناوچەکە دەربڕی و بە پێویستی زانی هاوکاری لەگەڵ کۆمپانیا ئەمریکییەکان، بەتایبەت لە کەرتی نەوتدا، بەردەوام بێت.