မှော်ဆန်ဆန် လျှို့ဝှက်ချက်တွေ ဖုံးလွှမ်းနေတဲ့ တက္ကသိုလ်ကျောင်းတော်ကြီးရဲ့ အရိပ်မှောင်ထဲမှာ... လူတွေလိုချင်တဲ့ အလိုရမ္မတ်မှန်သမျှကို ကြီးမားတဲ့ ပေးဆပ်မှုတစ်ခုခုနဲ့ လဲလှယ်ပြီး ဖြည့်ဆည်းပေးနိုင်တဲ့ အစွမ်းရှိသူ၊ ဆွဲဆောင်မှုပြင်းပြီး နားလည်ရခက်တဲ့ လူငယ်လေး ဂျိန်း ပတ်ထရစ် (Jane Patrick) ရှိနေပါတယ်။ လူတိုင်းက သူ့ကို အန္တရာယ်ကောင်လို ကြောက်ရွံ့ပြီး ဝေးဝေးကရှောင်ကြပေမဲ့၊ မကြောက်မရွံ့ဘဲ ရဲရဲဝံ့ဝံ့ ချဉ်းကပ်လာခဲ့သူကတော့ ချောမောထက်မြက်တဲ့ ဘောလုံးသမားလေး ဂျင်နာလီ (Jennalee) ပဲ ဖြစ်ပါတယ်။
အများအမြင်မှာ အေးစက်လှတဲ့ ဂျိန်း ပတ်ထရစ် ရဲ့ ရင်ထဲက နူးညံ့မှုကို တစ်ဦးတည်းသောသူအဖြစ် မြင်တွေ့ခွင့်ရလာတဲ့ ဂျင်နာလီ တစ်ယောက် သူတို့နှစ်ဦးကြားက သံယောဇဉ် နက်ရှိုင်းလာတာနဲ့အမျှ... အသက်ရှူမှားလောက်မယ့် စုန်းပြာပုဏ္ဏားဆန်တဲ့ အချစ်၊ အမုန်း၊ အန္တရာယ်တွေကြားထဲ တားဆီးမရဘဲ တိုးဝင်မိရင်း ကြီးမားတဲ့ သဘာဝလွန် လျှို့ဝှက်ချက်တွေကို အတူတူ ဖော်ထုတ်သွားကြမယ့် အချစ်မိုးမှောင် ဇာတ်လမ်းတစ်ပုဒ် ဖြစ်ပါတယ်။

ဆန်ဆူအက်အဖြစ် Aof Chanapol Sataya
နူနာအဖြစ် PP Phatchaya Phiansamoe
‌ဘုန်းဘုန်းဆူအာအဖြစ် Tide Ekkapun Bunluerit

ချန်ဆူအက်ဟာ လူမိုက်ဂိုဏ်းတခုက ခိုးယူသွားတဲ့တန်ဖိုးကြီးစိန်တလုံးအား ပြန်လည်ရယူရန်အတွက် တာဝန်ပေးခိုင်းစေခံခဲ့သူဖြစ်ပြီးတော့ အဲဒီစစ်ဆင်ရေးကို ဆောင်ရွက်နေစဉ်အတွင်းမှာပဲ မတော်တဆမှုဖြစ်ခါ တောင်အောက်ကိုပြုတ်ကျသွားပြီး တောင်ခြေမှာရှိတဲ့ဦးဇင်းတပါးဖြစ်သူ ဘုန်းဘုန်းဆူအာရဲ့ ကယ်တင်ပေးတာကိုခံထားခဲ့ရပါတယ်

ချန်ဆူအက်ဟာ မတော်တဆမှုဖြစ်ထားတာကြောင့်အတိတ်မေ့နေခဲ့ပြီးတော့ သူကိုယ်တိုင်ကရဲဆိုတာကိုပါမေ့နေခဲ့ကာ လူမိုက်ဂိုဏ်းများကလည်း သူတို့ခိုးယူလာတဲ့စိန်ကိုပြန်ယူရန်အတွက် ချန်တူအက်ကို အန္တရာယ်လာပေးကပါတော့တယ် ထိုအချိန်မှာပဲ ရဲတပ်ဖွဲ့ကလည်း စိန်တုံးပြန်လည်ရယူရန်စစ်ဆင်ရေးတာဝန်ပေးခံလိုက်ရတဲ့ ချန်ဆူအက်တယောက်ပြန်မလာတဲ့အတွက် စိန်တုံးကို လူမိုက်ဂိုဏ်းဆီကနေရယူကာ အပိုင်သိမ်းသွားပြီလို့ထင်မှတ်နေကြပါတယ်

ချန်ဆူအက်ကို လူမိုက်ဂိုဏ်းတခုက ခဏခဏတိုက်ခိုက်နေကြသဖြင့် စုံထောက်ဖြစ်သူ နူနာနဲ့တိုင်ပင်ကြတာ ရဲစခန်းကိုပဲ တိုင်ကြားဖို့ဆုံးဖြတ်လိုက်ကြပါတော့တယ် ကျားကြောက်လို့ ရှင်ကြီးခိုး ရှင်ကြီးကျားထက်ဆိုးဆိုသလိုမျိုး ချန်ဆူအက်ကိုမယုံကြည်တဲ့ရဲဌာနဟာ ဖမ်းဆီးကာစစ်ဆေးမေးပြန်ပါတော့တယ်

အဖမ်းခံရလိုက်တဲ့အခါမှာ နူနာမှ ပြန်လည်လွတ်အောင်အောင်ကူညီပေးလိုက်သဖြင့် လွတ်လာကြသော်လည်း ချန်ဆူအက်နဲ့ နူနာအပြင် ဆရာတော်ဆူအာကိုပါ တန်ဖိုးကြီးစိန်ကိုခိုးယူတယ်လို့ မတရားစွပ်စွဲပြီး ဖမ်းဝရမ်းထုတ်ခံလိုက်ပါတော့တယ်

သူတို့သုံးယောက် မတရားဖမ်းဆီးခံရမည့်ဘေးမှ လွတ်မြောက်ဖို့အတွက် ရဲတပ်ဖွဲ့ရဲ့လိုက်လံဖမ်းဆီးမှုများကြားမှ ထွက်ပြေးတိမ်းရှောင်ကြပုံတွေ အပြစ်မရှိကြောင်းသက်သေပြရန်အတွက် အန္တရာယ်များအကြားမှ သက် သေများကို ရှာဖွေကြပုံ နောက်ကွယ်မှ ကြိုးကိုင်နေသည့် အာဏာရှိသူများနှင့် ရာဇဝတ်ဂိုဏ်းများကို ရင်ဆိုင်ကြပုံတွေကို ဟာသနှောကြည့်ရှုရမှာမလို့ တနင်္လာနေ့မှသောကြာနေ့အထိ လာရောက်ကြည့်ရှုကြဖို့ ဖိတ်ခေါ်လိုက်ပါတယ်

ရန်း အဖြစ် Ling Ling
နင်း အဖြစ် Orm Kornaphat

CH3ရဲ့ power GL Cpဖြစ်တဲ့ Ling_Ormကတော့ တတိယမြောက်ဇာတ်လမ်းတွဲနဲ့အတူ ပရိသတ်ရှေ့မှောက်ကို ပြန်ရောက်လာပါပြီ

ဒီတစ်ခါမှာတော့ အရိုအချိုတွေလည်းပါသလို အလောင်အမြိုက်လေးတွေလည်းပါတာဆိုတော့ မတူညီတဲ့ပုံစံနဲ့ပွဲထွက်လာမှာဖြစ်ပါတယ်။

ဇာတ်လမ်းအကျဉ်းလေးကတော့... ဆွဲဆောင်မှုရှိပြီး ထက်မြက်တဲ့ ရှေ့နေမလေးနဲ့ Gen-Z သူဌေးသမီးလေးတိုဟာ အကြောင်းအမျိုးမျိုးနဲ့ မိသားစုတွေရဲ့ ဖိအားပေးမှုတွေကြောင့် သူတိုရဲ့ အိမ်ထောင်ရေးကို လမ်းခွဲပြီး အဆုံးသတ်ခဲ့ကြပါတယ်။

ဒါပေမဲ့ ကံကြမ္မာက သူတိုနှစ်ယောက်ကို ဒီအတိုင်း အလွတ်မပေးခဲ့ပါဘူး။

စီးပွားရေးအရ အရေးကြီးတဲ့ သဘောတူညီမှုတစ်ခုကြောင့် သူတိုနှစ်ယောက်ဟာ မဖြစ်မနေ ပြန်လည်ပေါင်းဖက်ရပြီး "ပျော်ရွှင်နေတဲ့ ဇနီးမောင်နှံ" အဖြစ် ပတ်ဝန်းကျင်ကို ဟန်ဆောင်ကြရတဲ့အခါ...။

ဟန်ဆောင်ပေါင်းသင်းနေရတဲ့ အတုအယောင် ဆက်ဆံရေးကြားထဲကနေ အရင်က တိမ်မြုပ်နေတဲ့ ခံစားချက်ဟောင်းတွေ ပြန်လည်နိုးထလာပါတော့တယ်။

တစ်ဖက်မှာ အချစ်မီးတောက်လေးတွေ ပြန်လည်တောက်လောင်လာသလို၊ တခြားတစ်ဖက်မှာလည်း အရင်က ဖုံးကွယ်ထားခဲ့တဲ့ နာကျင်စရာ ဒဏ်ရာဟောင်းတွေက ပြန်လည်ပေါ်ထွက်လာတဲ့အခါ...။

သူတိုနှစ်ယောက်ရဲ့ ပျက်စီးသွားတဲ့ အိမ်ထောင်ရေးက ဒုတိယအခွင့်အရေးတစ်ခု ထပ်ရနိုင်မလား... ဒါမှမဟုတ် တချိုအမာရွတ်တွေက ဘယ်တော့မှ ပျောက်ကင်းသွားမှာ မဟုတ်တော့ဘူးလား ဆိုတာကိုတော့.,,,

ဒီသောကြာနေ့ကစပြီး လတ်လတ်ဆတ်ဆတ် ထွက်ရှိလာတဲ့ (၁၂) ပိုင်းပါ စီးရီးသစ်လေးဖြစ်လို GL ဖန်တွေအတွက်တော့ အပတ်စဉ် စောင့်ကြည့်ရမယ့် ကားကောင်းလေးအဖြစ် တင်ဆက်ပေးလိုက်ပါတယ်ခင်ဗျာ။

အဆင်လည်းငမ်းရင်း ဆယ်ကျော်သက်ဘဝလေးကိုအဝအပြည့်ခံစားရမဲ့ဇာတ်ကားကောင်းလေးလာပါပြီ..

Main Role တွေအနေနဲ့
ဖျူး အဖြစ် Boongkee Surasee Manoonpanich
ထီ အဖြစ် Prommy Poonyawee Suwanvaree
ဖရိန်း အဖြစ် Shane Thanatpong Thaveesapmanee
ဘွတ် အဖြစ် PeemKrit Krittapas Panitpongsathorn
ဒါ့အပြင် Support Role တွေရော Guest Role တွေရောအများကြီးပါဝင်ထားပါတယ်

ဇာတ်လမ်းအကျဉ်း

ဖျူး ဟာ သူ့ရည်းစား ဂျင် ဖောက်ပြန်နေတာကို မြင်လိုက်ရပြီးနောက် နှလုံးသားကွဲအက်ကာ စိတ်ဒဏ်ရာရသွားခဲ့ပါတယ်။ ဒီလိုနဲ့ စိတ်ညစ်ညစ်နဲ့ အရက်မူးနေတဲ့ ညတစ်ညမှာ ကျောင်းက နာမည်ကြီးပြီး ရုပ်ချောတဲ့ ကောင်လေး ထီ နဲ့ မထင်မှတ်ဘဲအတူရှိခဲ့ကြပြီး သူတို့နှစ်ယောက်ရဲ့ ဆက်ဆံရေးကသူငယ်ချင်းအဆင့်ထက် ပိုသွားခဲ့ပါတယ်။

ထီ က ဖျူး အပေါ် တကယ်မြတ်နိုးတဲ့ အချစ်တွေ ရှိလာခဲ့ပေမဲ့ ဖျူး ကတော့ အတိတ်က ရည်းစားဟောင်းကို အပြတ်မဖြတ်နိုင်သေးဘဲ ဝေခွဲမရဖြစ်နေတာကြောင့် သူတို့နှစ်ယောက်ကြားမှာ သံသယနဲ့ နာကျင်မှုတွေ ရှိလာခဲ့ပါတယ်။

တစ်ချိန်တည်းမှာပဲ ကျောင်းရဲ့ လူဆိုးလေး ဖရိန်း က စံပြကျောင်းသားနဲ့ အတန်းခေါင်းဆောင်ဖြစ်တဲ့ ဘွတ် ရဲ့ လျှို့ဝှက်ချက်တစ်ခုကို သိသွားခဲ့ပါတယ်။ သူတို့နှစ်ယောက်ရဲ့ ဆက်ဆံရေးဟာ အမှားတစ်ခုကနေ စတင်ခဲ့ပေမဲ့ နောက်ပိုင်းမှာတော့ တစ်ယောက်ကိုတစ်ယောက် နားလည်ပေးပြီး ဖုံးကွယ်ထားစရာမလိုတဲ့ စစ်မှန်တဲ့အချစ်ကို ရှာဖွေတွေ့ရှိသွားခဲ့ကြပါတယ်။

အခြားတစ်ဖက်မှာလည်း ဖျူး ကို အမြဲအားကျအတုယူရတဲ့ ညီလေး ရော့ထန် နဲ့ ကျောင်းရဲ့ အကအဖွဲ့ခေါင်းဆောင် နိုင်း တို့ဟာ အပြန်အလှန် ရန်ဖြစ်စနောက်ရာကနေ ရိုးသားဖြူစင်တဲ့ အချစ်တစ်ခုကို တည်ဆောက်နိုင်ခဲ့ကြသလို ဖျူး ရဲ့ သူငယ်ချင်း လွတ်မို ကလည်း အခြားကျောင်းက အကအဖွဲ့ခေါင်းဆောင်ကောင်လေး ယော့ နဲ့ ရေမြေခြား ချစ်ဇာတ်လမ်းတစ်ပုဒ်ကို ပန်းခြံလေးထဲမှာ ပျိုးထောင်ခဲ့ကြပါတယ်။

ဒါ့အပြင် ဖျူး ရဲ့ အစ်မဖြစ်သူ ဖင်း ကလည်း သူမအပေါ် ရိုးရိုးသားသားနဲ့ အချစ်ကို ဖွင့်ပြောလာတဲ့ ညီမလေး ရိုင်မိုင် ကြောင့် နှလုံးသား တံခါးပွင့်သွားခဲ့ပါတယ်
ဒီလိုဆယ်ကျော်သက်အရွယ်ရဲ့ ချစ်ခြင်း မုန်းခြင်း သဝန်တိုမှုတွေ နာကျင်မှုတွေကိုအဆင်တွေလည်းငမ်းရင်း အပြည့်အဝခံစားရမဲ့ဇာတ်ကားလေးကို တင်ဆက်ပေးနေပြီဖြစ်လို့အခုပဲ ကြည့်ရှုလိုက်ရအောင်ဗျို့

နီရန်အဖြစ် Keen Suvijak Piyanopharoj

ချီဝါ ပန်ချီဝါအဖြစ် Sea Dechchart Tasilpတို့ကအဓိကပါဝင်သရုပ်ဆောင်ထားပါတယ်။

<ဇာတ်လမ်းအကျဉ်း>

ကျောင်းရဲ့ဂျူဒိုကစားသမားဖြစ်ပြီး အရာရာကိုအေးဆေးဖြတ်သန်းတတ်တဲ့နီရန်ဟာ ထူးခြားတဲ့အတွေးအခေါ်နဲ့ဆက်သွယ်ပြောဆိုပုံရှိတဲ့ နက္ခတ္တဗေဒကလပ်ရဲ့ဉာဏ်ကြီးရှင်ချီဝါနဲ့ဆုံတွေ့ခဲ့ပါတယ်။

သူတို့နစ်ဦးသားရဲ့ဆက်ဆံရေးကတော့ နီရန်နက္ခတ္တဗေဒကလပ်ထဲဝင်ပြီးပြီးချင်းမှာပဲအစပျိုးလာပါတော့တယ် ချီဝါဟာ‌လည်း ကျောင်းမှာချောမောလွန်းလို့နာမည်တစ်ခုရထားသူဖြစ်ပြီး နီရန်ကလည်း ဂျူဒိုပြိုင်ပွဲအတွက် လေ့ကျင့်ရေးကိုအာရုံစိုက်နေရတဲ့ကောင်လေးတစ်ယောက်ပါ။

ဒီလိုနဲ့ နီရန်နက္ခတ္တဗေဒကလပ်ထဲဝင်ပြီးနောက်ပိုင်းမှာ ချီဝါဘက်က နီရန်ကို သူ့ရဲ့ကိုယ်ပိုင်ဟန်နဲ့စ,ပိုးလာတဲ့အခါ နီရန်က သူ့ရဲ့ခံစားချက်တွေကိုပြန်လည်မေးခွန်းထုတ်လာပါတော့တယ်။

GMMကအငယ်လေးတွေဖြစ်ကြတဲ့ မှန်ကြောင်ချီဝါနဲ့အစ်ကိုကြီးနီရန်တို့ရဲ့ အသည်းယားစရာကျောင်းသားဇာတ်လမ်းလေးတစ်ပုဒ်ကို အပတ်စဉ်သောကြာနေ့တိုင်း လာရောက်ကြည့်ရှုနိုင်ပါပြီနော်။

အချစ်တစ်ခုမှာ တကယ်နာကျင်စေတဲ့အရာက ချစ်ရသူရဲ့ထွက်ခွာသွားခြင်းလား… ဒါမှမဟုတ် ကိုယ့်စိတ်ထဲက မယုံကြည်မှုတွေနဲ့ ကိုယ်တိုင်ဖန်တီးထားတဲ့အတွေးတွေကြောင့် အချစ်ကို ဆုံးရှုံးရခြင်းလား

အနုပညာလောကမှာ အောင်မြင်ကျော်ကြားလိုသည့် ''ဂျန်ယူ'' ဟာ မန်နေဂျာရဲ့အကူအညီဖြင့် နာမည်ရလာခဲ့သော်လည်း ကျော်ကြားမှုကိုထိန်းသိမ်းရန်အတွက် ချစ်သူကို လူသိရှင်ကြားမဖော်ပြနိုင်ခဲ့ပါ

သူမဟာ လူတိုင်းရဲ့မျက်လုံးထဲမှာ ပြည့်စုံတဲ့သူတစ်ယောက်ဖြစ်ချင်ခဲ့သူပါ
ချစ်သူကပေးတဲ့ အမှန်တကယ်နွေးထွေးတဲ့အချစ်ထက် ပတ်ဝန်းကျင်က သူတို့အပေါ် ဘယ်လိုမြင်မလဲဆိုတာကို ပိုအရေးထားမိခဲ့ပါတယ်

သူမကိုအားနည်းချက်တွေနဲ့အတူ လက်ခံပေးတဲ့သူတစ်ယောက်ရှိနေခဲ့ပေမယ့် သံသယတွေ၊ မျှော်လင့်ချက်တွေကြားမှာ အဲဒီအချစ်ကို ကိုယ်တိုင်ပဲဝေးကွာသွားစေခဲ့ပါတယ်

နောက်ဆုံးမှာ အောင်မြင်မှုနဲ့လူအများရဲ့အာရုံစိုက်မှုနောက်ကိုနောက်လိုက်ရင်း ဘဝကဘယ်လိုပျက်စီးသွားမလဲ

ကိုယ်ချစ်ရတဲ့သူကရော ကိုယ့်အနားမှာနေပေးနိုင်သေးဦးမလားဆိုတာကို ဆက်လက်ကြည့်ရှုကြလိုက်ရအောင်ရှင့်

လီအစ်အဖြစ် Yujeen Aeiyapol Lekpittaya

ဖတ်တာအဖြစ်
Yugene Yannawat Intarapaen

လီအစ်ရဲ့ အကြီးမားဆုံး အိမ်မက်ကတော့ အမိုက်စား Indie Rock အဆိုတော်တယောက်ဖြစ်လာဖို့ပါ ဒါပေမဲ့ စာမကြိုးစားဘဲ ဂီတကိုပဲရူးသွပ်နေခဲ့တာကြောင့် အမေဖြစ်သူက သူ့ကို တနိုင်ငံလုံးရဲ့စည်းကမ်းအကြီးဆုံးကျောင်းတွေထဲကတကျောင်းကို ပို့လိုက်ပါတော့တယ် အဲဒီကျောင်းဟာ ဒီနှစ်မှကျောင်းသားတွေကို ပထမဆုံးအကြိမ် စတင်လက်ခံတာ ဖြစ်နေခဲ့ပါတယ်

မိန်းကလေးတွေနဲ့ ပြည့်နှက်နေတဲ့ ကျောင်းသစ်ကြီးမှာ ပထမဆုံးအကြိမ် တက်ရောက်ရတဲ့ လီအစ်ဟာ အချစ်ရေးကိစ္စတွေကြောင့် သူငယ်ချင်းသံယောဇဉ်ကို ဖျက်စီးမိမှာစိုးပြီး အချစ်ရေးနဲ့ ပတ်သက်ရင် ပြဿနာမတက်စေဖို့အတွက် "ကျောင်းမှာ ဘယ်တော့မှ ရည်းစားမထားရ" ဆိုတဲ့ စည်းမျဉ်းတစ်ခုကို ချမှတ်ထားပါတယ်

ဒါပေမဲ့ ကျောင်းရောက်ပြီးမကြာခင်မှာပဲ စာဂျပိုး ဖတ်တာနဲ့ အဆောင်တခန်းတည်းအတူနေရကာ တယောက်နဲ့တယောက်အဆင်မပြေတွေဖြစ်ခဲ့ကြပါတယ် ဒါပေမဲ့လည်း မတည့်အတူနေမမြင်ချောင်းကြည့်ဆိုတဲ့စကားအတိုင်း တယောက်နဲ့တယောက် မတူညီတဲ့စရိုက်တွေကြောင့် စကားများမှုတွေရှိခဲ့ပေမဲ့ အိုးချင်းထားအိုးချင်းထိဆိုသလို တခန်းတည်းတူတူနေထိုင်လာကြရင်းနဲ့မှ သူတို့နှစ်ယောက်ကြားမှာ သံယောဇဉ်ဟာ မသိမသာတွယ်လာခဲ့ကြပါတယ်

ဒီလိုနဲ့ ရင်းနှီးမှုတွေ တိုးလာချိန်မှာတော့ လီအစ်တစ်ယောက် သူကိုယ်တိုင်သတ်မှတ်ထားတဲ့ စည်းမျဉ်းကို ဆက်ထိန်းထားနိုင်မလား ဒါမှမဟုတ် နှလုံးသားရဲ့ စိန်ခေါ်မှုကိုပဲ လက်ခံလိုက်မလားဆိုတာကို ဟာသဆန်ဆန် ရိုမန်တစ်ဆန်ဆန် ကြည့်ရှုရမယ့် ကျောင်းသားအချစ်ဇာတ်လမ်းလေးမလို့ သောကြာနေ့ညတိုင်း Ash Channel မှာလာရောက်ကြည့်ရှုကြဖို့ဖိတ်ခေါ်လိုက်ပါတယ်

ထိုင်းစီးရီး An Affair of Life ဇာတ်လမ်းကတော့ မိသားစုဘဝ၊ အချစ်ရေး၊ မျှော်လင့်ချက်ပျက်ဆုံးရမှုတွေနဲ့ ခက်ခဲတဲ့ဘဝစမ်းသပ်မှုတွေကို ရင်ဆိုင်ကျော်ဖြတ်ရတဲ့ အမျိုးသမီးတစ်ဦးရဲ့ ကြေကွဲစရာနဲ့ ရုန်းကန်လှုပ်ရှားရမှုတွေကို အဓိကထား ရိုက်ကူးထားပြီး၊ ဘဝရဲ့ အပြောင်းအလဲတွေနဲ့ ကြုံတွေ့လာရတဲ့အခါ လူသားတွေရဲ့ ခံစားချက်၊ ရုန်းကန်မှုနဲ့ အချိန်တန်ရင် အရာရာဟာ နောက်ကြောင်းပြန်လှည့်လို့မရဘဲ အကုန်လွန်မြောက်သွားတတ်တယ်ဆိုတဲ့ သဘောတရားကို ပုံဖော်တင်ဆက်ထားတဲ့ ဒရာမာဇာတ်လမ်းတစ်ပုဒ် ဖြစ်ပါတယ်။

တိတ်ဆိတ်အေးချမ်းနေတဲ့ ဝါရီဖာ့ဆို့ပ် မြို့ငယ်လေးမှာ အရာအားလုံးက ပုံမှန်အတိုင်းပဲ ထင်ရပေမယ့်… အဲဒီအေးချမ်းမှုရဲ့အောက်မှာတော့ ဘယ်သူမှမသိသေးတဲ့ လျှို့ဝှက်ချက်အမှောင်တွေ ဖုံးကွယ်နေပါတယ်

လွန်ခဲ့တဲ့နှစ်တွေက အမျိုးသမီးတစ်ဦး ရုတ်တရက်ပျောက်ဆုံးသွားခဲ့တဲ့ ဖြစ်ရပ်တစ်ခုကနေစပြီး မထင်မှတ်ထားတဲ့ လူသတ်မှုတွေ တစ်ခုပြီးတစ်ခု ဖြစ်ပေါ်လာခဲ့ပါတယ် ဖြစ်ရပ်တိုင်းက အတိတ်နဲ့ နည်းနည်းချင်းစီ ဆက်နွယ်နေပြီး ဖုံးကွယ်ထားခဲ့တဲ့ အမှန်တရားကို ဖော်ထုတ်ဖို့ ကြိုးစားလာကြတဲ့အခါ…

ဘယ်သူက တရားခံလဲ...
ဘယ်သူက အမှန်တရားကို ဖုံးကွယ်ထားတာလဲ...
နှစ်တွေကြာအောင် မြှုပ်နှံထားခဲ့တဲ့ လျှို့ဝှက်ချက်က ဘာလဲ....

အေးချမ်းနေတဲ့ ရေပြင်အောက်မှာ ဘာတွေရှိနေမှန်း မသိနိုင်သလို…
ဒီဇာတ်လမ်းတစ်လျှောက်မှာလည်း လျှို့ဝှက်ချက်၊ လူသတ်မှုနဲ့ အတိတ်ရဲ့အမှန်တရား တွေကို တဖြည်းဖြည်းချင်း ဘယ်လိုဖော်ထုတ်သွားမလဲ‌ဆိုတာကို အတူတူဆက်ကြည့်ကြလိုက်ရအောင်

Kay အဖြစ် Dew Jirawat Sutivanichsak
Phat အဖြစ် Tee Teeradech Vitheepanich

ဇာတ်လမ်းကတော့ Kay ဆိုတဲ့ နာမည်ကြီး မန်ဂါစာအုပ် ရေးဆွဲတဲ့ အနုပညာရှင်ကောင်လေးဆီကနေ စတာပါ

တစ်ရက်မှာတော့ မြို့ထဲမှာ ကွင်းဆက်လူသတ်မှု တွေ ဖြစ်ပွားလာခဲ့တယ်

ထူးဆန်းတာက အသတ်ခံရတဲ့သူတွေရဲ့ ကိုယ်ရေးရာဇဝင် အသတ်ခံရတဲ့ ပုံစံတွေနဲ့ လူသတ်မှုဖြစ်တဲ့ နေရာတွေအားလုံးက Kay အရင်တုန်းက ရေးဖူးခဲ့တဲ့ မန်ဂါစာအုပ်ထဲက အခန်းတွေနဲ့ အကုန်လုံး ထပ်တူကျနေတာပါပဲ

ဒီလိုနဲ့ လူသတ်မှုကို လိုက်လံစုံစမ်းနေတဲ့ ရဲအရာရှိ Phat က Kay ကို သံသယရှိပြီး စောင့်ကြည့်ရင်းကနေ... သူတို့နှစ်ယောက် အခြေအနေအရ ကြုံကြိုက်ပြီး အမှုမှန်ကို ဖော်ထုတ်ဖို့ လူသတ်သမားကို ဖမ်းဖို့ အတူတူ ပူးပေါင်းလိုက်ရပါတော့တယ်

အမှုလိုက်ရင်းနဲ့ သူစိမ်းနှစ်ယောက်ကြားမှာ ယုံကြည်မှုတွေ သံယောဇဉ်တွေ တဖြည်းဖြည်း တိုးလာပေမဲ့ အမှုထဲကို ပိုပြီး နက်နက်ရှိုင်းရှိုင်း တူးဆွလေလေ အတိတ်က လျှို့ဝှက်ချက်တွေ ပေါ်လာလေလေ ဖြစ်ပြီး သူတို့နှစ်ယောက်ရဲ့ ဆက်ဆံရေးကို လှုပ်ခတ်လာစေခဲ့တယ်

သဲလွန်စတွေ ပေါ်လာတာနဲ့အမျှ သူတို့ရဲ့ သံယောဇဉ်က စိန်ခေါ်မှုတွေ ကြုံလာရပြီး "သူတို့နှစ်ယောက် အတူတူ ရှေ့ဆက်နိုင်မလား" ဒါမှမဟုတ် "လူသတ်သမားရဲ့ နောက်ထပ် သားကောင်တွေပဲ ဖြစ်သွားမလား" ဆိုတာ ရင်သပ်ရှုမော စောင့်ကြည့်ရမယ့် ဇာတ်လမ်းတွဲလေးပဲ ဖြစ်ပါတယ်ရှင်

ဒီလို စိတ်လှုပ်ရှားစရာတွေနဲ့ ပြည့်နှက်နေတဲ့ Mr.Kill ဆိုတဲ့ bl series လေးကို အပတ်စဉ်အင်္ဂါနေ့တိုင်းမှာ တင်ဆက်ပေးတော့မှာဖြစ်တဲ့အတွက် စောင့်မျှော်ကြည့်ရှူ အားပေးကြပါဦးရှင်

ပျိုရီးမမဘွနဲ့ တူ တူမတွေပဲ ထိန်းမယ်ဆိုပြီး လေကျယ်ထားတဲ့ ကျွန်းပိုင်ရှင် မမဖိုင်တစ်ယောက် မယကဂိုဏ်းဝင်ဖြစ်မဲ့နေ့လေးကို ရောက်ရှိလာပါပြီရှင်။

ဖိုင်အဖြစ် Namneung Milin Watinthanakit
ကဖောင်အဖြစ် Noey Kanteera Wadcharathadsanakul

"အဖေ့ရဲ့ သမုဒယအဖော် ဒုတိယကတော်လို့ ထင်ခဲ့တဲ့ မိန်းကလေးက အသည်းနှလုံး ဖြစ်လာတယ်တဲ့လား..."

Thai GL Mega Projectကြီးဖြစ်တဲ့ 4E ကို နှုတ်ဆက်ရတော့မဲ့ နောက်ဆုံးအတွဲလေးအလှည့်ကို ရောက်ရှိလာပါပြီ။ နံပါတ်လေးအတွဲကတော့ မီးဆိုတဲ့အတိုင်းပဲ မတည့်အတူနေ ကြောင်နဲ့ကြွက် Enemies to Lovers Vibe အပြည့်နဲ့ ထွက်ရှိလာမှာဖြစ်ပါတယ်။

ဇာတ်လမ်းကတော့ ဖိုင်နဲ့ ကဖောင်ဆိုတဲ့ ငယ်သူငယ်ချင်း ရန်ဘက်နှစ်ယောက် ပြန်ဆုံတွေ့ရာကနေ စတင်ပါတယ်။

ပြဿနာက ဖိုင်ရဲ့အဖေက ကဖောင်ကို ရုတ်တရက်အိမ်ခေါ်လာပြီး တစ်အိမ်လုံးကလူတွေကို ဖိုင်နဲ့တန်းတူဆက်ဆံဖို့ အမိန့်ပေးချိန်မှာ ကဖောင်ကို သူ့အဖေရဲ့ မယားငယ်၊ မိသားစုပိုင်ဆိုင်မှုတွေကို လာမက်မောတဲ့ သိုက်တူးသမားလို့ အထင်လွဲသွားရာကနေ စတာပါပဲ။

"ငွေမက်တဲ့မိန်းမ" ဆိုတဲ့ အထင်အမြင်လွဲမှားမှုတွေနဲ့အတူ ဖိုင်တစ်ယောက် ကဖောင်ကို တွေ့ရာနေရာတိုင်းမှာ ဒုက္ခပေးဖို့၊ နှိပ်စက်ဖို့ ကြံစည်ပါတော့တယ်။

ဒါပေမဲ့ ကဖောင်ကလည်း အချဉ်မဟုတ်တော့ အပြန်အလှန် အချေအတင်တွေနဲ့ ချကြရင်းကနေ... မဆုံးနိုင်တဲ့ ရန်ပွဲတွေကြားမှာ မငြင်းဆန်နိုင်တဲ့ ဆွဲဆောင်မှုတွေ၊ သံယောဇဉ်တွေ တဖြည်းဖြည်း ဖြစ်တည်လာတဲ့အခါ…

ရန်သူတွေကနေ တစ်ယောက်မရှိရင် မဖြစ်တဲ့သူတွေဖြစ်လာချိန်မှာ... ဖိုင်တစ်ယောက် သူ့ရဲ့ မိသားစုအပေါ် ထားရမယ့် တာဝန်ဝတ္တရားနဲ့ သူ့နှလုံးသားကို ဖမ်းစားသွားတဲ့ မိန်းကလေး ဒီအရာနှစ်ခုကြားမှာ ဘယ်အရာကို ရွေးချယ်မလဲ... အချစ်အတွက် ဘာတွေစတေးရမလဲ ဆိုတာကို ရင်ခုန်စိတ်လှုပ်ရှားဖွယ် လက်မလွတ်တမ်း ရှုစားလိုက်ကြပါဦးနော်။

ထိုင်းစီးရီး An Affair of Life ဇာတ်လမ်းကတော့ မိသားစုဘဝ၊ အချစ်ရေး၊ မျှော်လင့်ချက်ပျက်ဆုံးရမှုတွေနဲ့ ခက်ခဲတဲ့ဘဝစမ်းသပ်မှုတွေကို ရင်ဆိုင်ကျော်ဖြတ်ရတဲ့ အမျိုးသမီးတစ်ဦးရဲ့ ကြေကွဲစရာနဲ့ ရုန်းကန်လှုပ်ရှားရမှုတွေကို အဓိကထား ရိုက်ကူးထားပြီး၊ ဘဝရဲ့ အပြောင်းအလဲတွေနဲ့ ကြုံတွေ့လာရတဲ့အခါ လူသားတွေရဲ့ ခံစားချက်၊ ရုန်းကန်မှုနဲ့ အချိန်တန်ရင် အရာရာဟာ နောက်ကြောင်းပြန်လှည့်လို့မရဘဲ အကုန်လွန်မြောက်သွားတတ်တယ်ဆိုတဲ့ သဘောတရားကို ပုံဖော်တင်ဆက်ထားတဲ့ ဒရာမာဇာတ်လမ်းတစ်ပုဒ် ဖြစ်ပါတယ်။

ခယ်ဒါရွန် အဖြစ် Tubtim Anyarin Terathananpat
နစ်ချန် အဖြစ် New Wongsakorn Paramatthakorn

ဇာတ်လမ်းအကျဉ်း

ဂျင်လာ ဆိုတဲ့ သတင်းထောက်မလေးဟာ နာမည်ကြီး အိမ်ခြံမြေလုပ်ငန်းရဲ့ အမွေခံဖြစ်သူ ခယ်ဒါရွန် ဆိုတဲ့ အမျိုးသမီးကို အင်တာဗျူးဖို့ သွားခဲ့ရင်း သူ့ဘဝဟာ မမျှော်လင့်တဲ့အပြောင်းအလဲကြီးဖြစ်ခဲ့တယ်

ပြင်ပလူတွေအမြင်မှာတော့ ခယ်ဒါရွန် ဟာ ဂုဏ်သရေရှိပြီး ပညာအရည်အချင်း အဆင့်အတန်းမြင့်မားကာ အလုပ်အကိုင်ရှိပြီး နစ်ချန် လို့ခေါ်တဲ့ ချစ်တတ်တဲ့ ခင်ပွန်းတစ်ယောက်ပါရှိတဲ့ ပြီးပြည့်စုံတဲ့ အမျိုးသမီးတစ်ယောက်ပေါ့


ဒါပေမဲ့ စီမံကိန်းတစ်ခုကို သွားကြည့်ရင်း ရဟတ်ယာဉ်မတော်တဆမှု ဖြစ်သွားတဲ့အခါမှာတော့ အရာအားလုံး ပြောင်းပြန်ဖြစ်သွားပါတော့တယ်

ဂျင်လာ သတိရလာတဲ့အချိန်မှာ မထင်မှတ်ဘဲ ခယ်ဒါရွန် ရဲ့ ခန္ဓာကိုယ်ဖြစ်နေတာကို သိလိုက်ရတယ် စိတ်ဝိညာဉ်ချင်းလဲတာမျိုး မဟုတ်ဘဲ ခယ်ဒါရွန် ရဲ့ယောက်ျားဖြစ်သူ နစ်ချန် ရဲ့ ရည်ရွယ်ချက်ရှိရှိလုပ်ဆောင်မှုတစ်ခုကြောင့် ဖြစ်ပါတယ်

ဂျင်လာ က ဒီလိုဟန်ဆောင်ဖို့ သဘောမတူချင်ပေမဲ့ အယ်လ်ဇိုင်းမားရောဂါဖြစ်နေတဲ့ သူ့အဒေါ်ရဲ့ လုံခြုံရေးအတွက်ကြောင့် ခယ်ဒါရွန် ရဲ့ အဘိုးမကွယ်လွန်ခင်အထိ ခယ်ဒါရွန် အဖြစ် ဟန်ဆောင်နေပေးဖို့ သဘောတူလိုက်ရတယ်

ဒီလိုနဲ့ ဟန်ဆောင်နေထိုင်ရင်းနဲ့မှ... အပြင်ပန်းမှာ သဘောကောင်းပါတယ်ဆိုတဲ့ ခယ်ဒါရွန် ရဲ့ နောက်ကွယ်က တုန်လှုပ်စရာ လျှို့ဝှက်ချက်တွေကို ဂျင်လာ တစ်ယောက် စပြီး သိလာရပါတော့တယ်

ဇာတ်လမ်းလေးက လျှို့ဝှက်ချက်တွေနဲ့ စိတ်ဝင်စားဖို့ကောင်းလို့ စောင့်ကြည့်ရကျိုး နပ်မယ့်ကားလေးကားလေးဖြစ်တဲ့အတွက် အပတ်စဉ် စနေ တနင်္ဂနွေနေ့တိုင်းမှာ စောင့်မျှော်ကြည့်ရှူအားပေးကြပါဦးလို့ ဖိတ်ခေါ်လိုက်ရပါတယ်ရှင်

ယူတို့မောင်လေး williamest ရဲ့ဇာတ်ကားသစ်လေးလာပြီဗျို့

ဒင် အဖြစ် William Jakrapatr Kaewpanpong
မော့ အဖြစ် Est Supha Sangaworawong

ဇာတ်လမ်းအကျဉ်း

ဒင် ဟာ ကြည့်ကောင်း၊ စမတ်ကျပြီး ပါတီပွဲတွေနဲ့ အပျော်အပါးကိုပဲ မက်သူဖြစ်တာကြောင့် ဘယ်သူနဲ့မှ အတည်မတွဲဘဲ လွတ်လွတ်လပ်လပ် နေတတ်သူပါ။

တစ်နေ့မှာတော့ သူငယ်ချင်းဖြစ်သူ တန် က ပန် ဆိုတဲ့ကောင်လေးကို လိုက်ချင်ပေမဲ့ ပန် က အနုပညာရှင် မော့ ကို စိတ်ဝင်စားနေတာကြောင့် ဒင် ဆီမှာ အကူအညီလာတောင်းခဲ့ပါတယ်။

တန် ရဲ့တောင်းဆိုမှုကြောင့် ဒင် ဟာ ပန် နားကနေ မို့ ထွက်သွားအောင် မော့ ကို သွားရောက်မြှူဆွယ်ပေးဖို့ တာဝန်ယူလိုက်ပါတယ်။

စစချင်းမှာ သာမန်စနောက် မြှူဆွယ်ရုံပဲလို့ ထင်ထားပေမဲ့ သူ့ကို လုံးဝဂရုမစိုက်ဘဲ အေးစက်လွန်းတဲ့ မော့ ရဲ့ တုံ့ပြန်မှုတွေကြောင့် ဒင် ရဲ့ အနိုင်လိုချင်စိတ်တွေ နိုးထလာခဲ့ပါတယ်။

မော့ ရဲ့ စိတ်ကို ရအောင်ယူဖို့ နည်းလမ်းပေါင်းစုံနဲ့ ကြိုးစားရင်းကနေ နောက်ဆုံးမှာတော့ အနိုင်လိုချင်ရုံ သာမန်စိန်ခေါ်မှု မဟုတ်တော့ဘဲ မို့ အပေါ် တကယ်ကို ရူးရူးမူးမူး ချစ်မိသွားတဲ့အခါ...

သံယောဇဉ်ကနေ အချစ်စစ်ကိုပြောင်းလဲသွားတဲ့ ပေါ့ပေါ့ပါးပါးရိုမန့်ကားလေးကို အပတ်စဉ် စနေနေ့တိုင်း တင်ဆက်ပေးတော့မှာဖြစ်လို့ စောင့်ကြည့်ပေးကြပါအုန်းရှင့်

ဆန့်အဖြစ် Ice Panuwat Premmaneenan
ဖွန် အဖြစ် Oom Eisaya Hosuwan
ယွမ် အဖြစ် Oom Eisaya Hosuwan
ဖရန့် အဖြစ် Prima Bhunjaroeun
ပွန် အဖြစ် Peterpan Tadsapon Wiwitawan
ဘောနပ် အဖြစ် Cine Phatrakorn Bussarakwadee

ဘဝဆိုတာ...လူတိုင်း မက်မောကြတဲ့ အိပ်မက်တွေနဲ့ စတင်ပေမယ့်...
တကယ့်လက်တွေ့ဘဝမှာတော့ အချစ်၊ ငွေကြေးနဲ့ တာဝန်ဝတ္တရားတွေကြား
နေ့စဉ် ရုန်းကန်လှုပ်ရှားနေရတဲ့ ခရီးတစ်ခုပါ။

Running of Love and Money ကတော့ အရွယ်ရောက်လာတဲ့ လူငယ်သူငယ်ချင်းတစ်စုရဲ့
အချစ်၊ မိတ်ဆွေသံယောဇဉ်၊ အလုပ်အကိုင်နဲ့ ဘဝရပ်တည်ရေးအတွက် ကြိုးစားရုန်းကန်ရတဲ့ အဖြစ်အပျက်တွေကို ရင်ထဲထိအောင် ပုံဖော်ထားတဲ့ စိတ်ခံစားမှုအပြည့်ရှိတဲ့
ထိုင်းဒရာမာဇာတ်လမ်းတွဲတစ်ခုပဲက ဖြစ်ပါတယ်။

သူတို့တစ်ယောက်ချင်းစီမှာ မတူညီတဲ့ အိပ်မက်တွေရှိတယ်။
အောင်မြင်ချင်တဲ့ ဆန္ဒတွေရှိတယ်။ ဒါပေမယ့်...
အောင်မြင်မှုဆီ သွားတဲ့လမ်းက ထင်ထားသလောက် မလွယ်ကူခဲ့ပါဘူး။

တချို့က အချစ်ကို ရွေးချယ်ရတယ်။ တချို့က အနာဂတ်ကို ရွေးချယ်ရတယ်။
တချို့ကတော့...မိသားစုတာဝန်တွေအတွက်
ကိုယ့်ရဲ့အိပ်မက်တွေကိုတောင် စွန့်လွှတ်ရတဲ့ အခြေအနေတွေနဲ့ ရင်ဆိုင်ကြရတယ်။

တစ်ခါတစ်ရံ...
ငွေကြေးဆိုတာ အိပ်မက်တွေကို အကောင်အထည်ဖော်ပေးနိုင်သလို...
တစ်ခါတစ်ရံမှာတော့ အချစ်နဲ့ မိတ်ဆွေသံယောဇဉ်တွေကိုတောင်
ကွဲကွာသွားစေနိုင်ပါတယ်။

အောင်မြင်မှုရဖို့ သူတို့ ဘယ်လောက်ထိ ပေးဆပ်ရမလဲ...
အချစ်ကို ကာကွယ်ဖို့ ဘယ်လိုဆုံးဖြတ်ချက်တွေ ချမှတ်ရမလဲ...
သူငယ်ချင်းသံယောဇဉ်တွေက အခက်အခဲတွေကို ကျော်ဖြတ်နိုင်ပါ့မလား...

ဒီဇာတ်လမ်းတွဲဟာ ခေတ်သစ်ထိုင်းလူငယ်တွေရဲ့
အလုပ်အကိုင်၊ အချစ်ရေး၊ မိသားစုတာဝန်နဲ့ အနာဂတ်အတွက်
ရုန်းကန်ကြိုးစားနေတဲ့ ဘဝအစစ်အမှန်တွေကို
စိတ်ခံစားမှုအပြည့်နဲ့ တင်ဆက်ထားတာပဲဖြစ်ပါတယ်။

ရယ်မောစရာ အခိုက်အတန့်တွေရှိသလို...
မျက်ရည်ကျစေမယ့် အချိန်တွေလည်း ရှိမယ်။
နှလုံးသားကို နွေးထွေးစေမယ့် မိတ်ဆွေသံယောဇဉ်တွေလည်း ပါဝင်နေပါတယ်။

အချစ်နဲ့ အိပ်မက်ကြား...ငွေကြေးနဲ့ ဘဝရပ်တည်မှုကြား...သူတို့ရဲ့ ရွေးချယ်မှုက
သူတို့ရဲ့ အနာဂတ်ကို ဘယ်လိုပြောင်းလဲသွားစေမလဲ... ဆိုတာကို အပတ်စဉ် စနေနဲ့ တနင်္ဂနွေနေ့တိုင်း တင်ဆက်‌ပေးတော့မှာပဲဖြစ်ပါတယ်။

မင်းသား ထင်နာကွန် ဝါရာကူဝါထင် အဖြစ် Ongsa Ttuchh
ဖို့ ဖို့ထီ မန်ခွန်ဖက် အဖြစ် Inn Jakkrasin

ငယ်စဉ်ကလေးဘဝကတည်းက ခွဲလို့မရလောက်အောင်ကို ရင်းနှီးကြတဲ့ မင်းသားလေး ထင်နာကွန်နဲ့ အထိန်းတော်ကြီးရဲ့သားဖြစ်သူ ဖို့

နန်းတော်ရိုးမကြီးရဲ့အရိပ်အောက်မှာ သူတို့နှစ်ဦးရဲ့ အပြစ်ကင်းစင်တဲ့ ပထမဦးဆုံးအချစ်ပန်းလေးဟာ တိတ်တဆိတ် ဖူးပွင့်ခဲ့ဖူးပေမယ့် တင်းကျပ်လှတဲ့ ရှေးရိုးစဉ်လာထုံးတမ်းတွေ ကြီးမားလှတဲ့အဆင့်အတန်း ကွာဟမှုတွေနဲ့ တာဝန်ဝတ္တရားတွေကြားမှာ ဖူးပွင့်ခဲ့ရတဲ့အချစ်ပန်းလေးဟာ အကြင်နာကင်းမဲ့စွာနဲ့ စောစီးစွာပဲခြွေယူခံခဲ့ရပါတယ်

နှစ်တွေအတော်ကြာလာတဲ့အချိန်…. တစ်ယောက်ကတော့ တိုင်းပြည်နဲ့ ထီးနန်းရဲ့မျှော်လင့်ချက်တွေကို မဖြစ်မနေ ထမ်းပိုးထားရတဲ့ တာဝန်သိမင်းသားလေးတစ်ပါးဖြစ်လာခဲ့ပြီး အခြားတစ်ယောက်ကတော့ နန်းတော်တံခါးပြင်ပက လွတ်လပ်တဲ့သာမန်ဘဝကို တောင့်တနေခဲ့သူအဖြစ် မတူညီစွာရှင်သန်ခဲ့ကြရင်း

တိုင်းပြည်ရဲ့လှိုင်းထန်လှတဲ့ သမိုင်းဝင် အချိုးအကွေ့တစ်ခုမှာ ကံကြမ္မာက သူတို့နှစ်ဦးကို မျက်နှာချင်းဆိုင် ပြန်လည်ဆုံတွေ့စေတဲ့အခါ အဆင့်အတန်းခွဲခြားမှု ဂုဏ်သိက္ခာနဲ့ရေးဆွဲထားတဲ့ စည်းမျဉ်းတွေ ကြီးစိုးနေတဲ့ ဒီလောကကြီးမှာ သူတို့နှစ်ဦးရဲ့အချစ်ဟာ တိုင်းပြည်က လုံးဝခွင့်မပြုနိုင်တဲ့ တစ်ခုတည်းသောအရာဖြစ်နေခဲ့ပါတယ်

ရှင်သန်ခွင့်မရှိပါဘူးလို့ ပြဋ္ဌာန်းထားတဲ့ ဒီမြေပြင်ပေါ်မှာ……
သူတို့ရဲ့အချစ်တွေဟာ တကယ်ပဲ အမြစ်တွယ် ရှင်သန်ခွင့် ရနိုင်ပါ့မလား...
တာဝန်လား အချစ်လား…
ထီးနန်းရဲ့တာဝန်ဝတ္တရားနဲ့ ကိုယ်ပိုင်နှလုံးသားရဲ့အားပြိုင်မှုကြားမှာ ဘယ်အရာက ရှင်သန်ကျန်ရစ်နေခဲ့မလဲ….

အဆင့်တန်းကွာခြားလှတဲ့လူနှစ်ဦးကြားက ဘဝအတွက်ရုန်းကန်မှုတွေ တင်းမာမှုတွေကို အချစ် အလွမ်း အဆွေးအပြည့်နဲ့ ခံစားချက်ပေါင်းများစွာကို တစ်ခါတည်းခံစားနိုင်မယ့် ဇာတ်လမ်းကောင်းလေးတစ်ခုမို့ အပတ်စဉ် စနေနေ့တိုင်း စောင့်မျှော်ကြည့်ရှူလိုက်တော့နော်