"ဂီတဟာ မိသားစုကို စုစည်းပေးခဲ့သလို... အချိန်တစ်ခုမှာတော့ သူတို့ကြားကို ဝေးကွာသွားစေခဲ့ပြန်တယ်"
မိသားစုရဲ့ အရာရာဖြစ်တဲ့ အမေ ဆုံးပါးသွားပြီးနောက် အားလုံး ဝမ်းနည်းပူဆွေးကာ လမ်းပျောက်နေကြတဲ့အချိန်...

ဘဝကို အသည်းအသန် ရုန်းကန်နေရတဲ့ ဂီတသမားဟောင်း အဖေတစ်ယောက်။

ကိုယ်ပိုင်ကမ္ဘာလေးထဲမှာပဲ ပိတ်လှောင်နေတတ်တဲ့ အော်တစ်ဇင်သမီးလေး
ကံကြမ္မာကို နာကျည်းပြီး အားလုံးအပေါ် ဒေါသထွက်နေတဲ့ ဆယ်ကျော်သက်သားလေး
ပြိုလဲနေတဲ့ မိသားစုအပေါ် ကံကြမ္မာဆိုးက ထပ်မံရိုက်ခတ်လိုက်တာကတော့ အဖေဖြစ်သူမှာ နောက်ဆုံးဆင့် ကင်ဆာဝေဒနာ ခံစားနေရတယ်ဆိုတာ သိလိုက်ရချိန်ပါပဲ။ ဒီလိုနဲ့ သမီးဖြစ်သူ "ခင်" ရဲ့ ထူးခြားတဲ့ အဆိုအသံကို တိုက်တိုက်ဆိုင်ဆိုင် ရှာဖွေတွေ့ရှိသွားတဲ့အခါ... မိသားစုကို ကယ်တင်ဖို့အတွက် မောင်နှမနှစ်ယောက်ဟာ ဖခင်ဖြစ်သူ ရေးစပ်ထားတာမပြီးဆုံးသေးတဲ့ သီချင်းလေးနဲ့အတူ နိုင်ငံတော်အဆင့် သီချင်းဆိုပြိုင်ပွဲကြီးဆီကို ခြေလှမ်းလှမ်းခဲ့ကြပါတယ်။

ဒီသီချင်းသံစဉ်တွေက သူတို့ရဲ့ ပြိုကွဲနေတဲ့ နှလုံးသားတွေကို ပြန်လည်ဆက်စပ်ပေးနိုင်မလား? ရှင်သန်ခြင်းရဲ့ အဓိပ္ပာယ်ကို ဂီတနဲ့အတူ ဘယ်လိုရှာဖွေမလဲဆိုတာ... အတူတူ စောင့်မျှော်ကြည့်ရှုလိုက်ကြရအောင်။

ဇာတ်လမ်းအကျဉ်း

ဇာတ်လမ်းလေးကတော့ မွေးလာကတည်းက မြင်းနဲ့တူတဲ့ မျက်နှာပေါက်၊ ထိုးထွက်နေတဲ့ သွားတွေကြောင့် လူတကာရဲ့ လှောင်ပြောင် ကဲ့ရဲ့မှုကို ခံနေရတဲ့ "ကဲရောင်" (Kaew) ဆိုတဲ့ မိန်းကလေးကနေ စတင်ထားပါတယ်။ ရုပ်သာဆိုးပေမယ့် ကလောင်းဟာ စိတ်ထားဖြူစင်ပြီး ခွန်အားကြီးမားတဲ့အပြင် ထူးခြားတဲ့ မှော်အစွမ်းတွေလည်း ရှိသူပါ။
တစ်နေ့မှာတော့ တိုင်းပြည်က မင်းသားချော "ပင်ထုန်" (Phra Pin Thong) လွှင့်လိုက်တဲ့ စွန်ဟာ ကလောင်းဆီကို ပြုတ်ကျလာပါတော့တယ်။ ကဲရောင်က အဲဒီစွန်ကို ပြန်ပေးဖို့အတွက် "မင်းသား ကိုယ့်ကို လက်ထပ်ရမယ်" လို့ ရဲရဲဝံ့ဝံ့ တောင်းဆိုရာကနေ ဇာတ်လမ်းစပါတော့တယ်။ မင်းသားက ရုပ်ဆိုးလွန်းတဲ့ ကဲရောင်ကို လုံးဝသဘောမကျဘဲ အမြဲရှောင်ပြေး၊ နှိမ်ချဆက်ဆံရာကနေ ကလောင်းကရော မင်းသားကိုဆက်ချစ်နိုင်မလား ?မင်းသားကရောသူ့ကိုပြန်ချစ်လာမှာလား?ဒီဟာသအချစ်ဇာတ်လမ်းလေးကို ကြည့်လိုက်ရအောင်!!

ကင် အဖြစ် Hearth Chindanai Dechawaleekul
တောင်ဆော အဖြစ် Folk Touch Inthirat

ပင်လယ်ကြီးကိုမှကြောက်တတ်ပါပြီဆိုတဲ့တောင်ဆော...
အချစ်ကိုမှရူးသွပ်ပါပြီရဲ့ဆိုတဲ့ ကင်တစ်ယောက်.... ချစ်ရတဲ့သူက သူ့ကို မှတ်ဉာဏ်ထဲမှာမရှိတော့တဲ့အချိန်

တောင်ဆောအတွက်တော့ ကမ္ဘာကြီးတစ်ခုလုံးမှာအရာအားလုံးဟာ … တဖြည်းဖြည်း မေ့လျော့သွားနေတဲ့အချိန်ပေါ့။ အတူရှိခဲ့တဲ့မှတ်ဉာဏ်တွေ၊ အချစ်တွေ၊ အမှတ်တရတွေ… တစ်ခုချင်းစီ လွင့်ပျောက်သွားနေတယ်
ဒါပေမယ့်…သူတို့နှစ်ယောက်ရဲ့ နှလုံးသားထဲမှာတော့ အချစ်ဆိုတဲ့ အရာတစ်ခုက မပျောက်ဘဲနဲ့ တည်ရှိနေတာပေါ့
အချိန်က သူတို့ကို ခွဲခွာဖို့ ကြိုးစားပေမယ့်…
ကမ္ဘာကြီးက သူတို့ရဲ့ အမှတ်တရတွေကို ဖျက်ဆီးနေပစ်ဖို့ကြိုးစားပေမယ့်…
သူတို့နှစ်ယောက်ကတော့— မေ့လျော့မှုဆိုတဲ့အရာကြီးကို အံတုပြီးတော့ တစ်ယောက်နဲ့တစ်ယောက် ဆက်လက်ပြီးမှတ်မိဖို့ ကြိုးစားနေကြတယ်။
ဒီလိုနဲ့ နှစ်ယောက်ကြားထားရှိခဲ့တဲ့ သံယောဇဉ်ကြိုးကို ပြန်ပြီးတော့ မှတ်မိနိုင်ပါ့မလား.... ဒီအတိုင်းပဲ ဆက်လက်တည်ရှိသွားမလားဆိုတာကို
အပတ်စဉ် တနင်္ဂနွေနေ့တိုင်း တင်ဆက်ပေးတော့မှာဖြစ်ပါတယ်

မွတ်အဖြစ် Namtarn Pichukkana Wongsaratta
တီးအဖြစ် march chutavuth Pattarakampol

မွတ်ဟာ ဆယ်ကျော်သက်ဘဝတုန်းက စိတ်ကူးယဉ်ပုံပြင်ဆန်တဲ့ အချစ်ရေးဘဝကို အိပ်မက်မက်ခဲ့သူဖြစ်ပြီးတော့ အဲဒီအိပ်မက်ဟာလည်း ခင်ပွန်းဖြစ်သူရဲ့ ဖောက်ပြန်မှုကြောင့် အစိတ်စိတ်အမွှာမွှာ ကြေမွပျက်စီးသွားခဲ့ရပါတော့တယ်။သူမယောက်ျားနဲ့ကွဲပြီးနောက်မှာတော့ အသက် (၃၀) ကျော် အရွယ် နှလုံးသားတံခါးပိတ်ထားတဲ့ တကိုယ်တော်မိခင်တစ်ယောက်အနေနဲ့ ခင်ပွန်းဟောင်းရဲ့ ကုမ္ပဏီနဲ့ ပြိုင်ဘက်ဖြစ်တဲ့ ခရီးသွားလုပ်ငန်းတစ်ခုမှာ ပါတနာတစ်ဦးအဖြစ် ဝင်ရောက်လုပ်ကိုင်ခဲ့ပါတယ်

တစ်နေ့မှာတော့ နိုင်ငံတကာ အဆင့်မီ ကြယ်ငါးပွင့်ဟိုတယ်ကြီးတစ်ခုနဲ့ ပရောဂျက်တစ်ခု ချိတ်ဆက်ဖို့ ကြိုးစားရင်း အသက် (၂၆) နှစ်အရွယ် ချောမောခန့်ညားပြီး ပျိုတိုင်းကြိုက်တဲ့ နှင်းဆီခိုင် CEO တစ်ဦးဖြစ်တဲ့ ခွန်တီဂျေ/တီး နဲ့ တွေ့ဆုံတဲ့အခါမှာတော့ သူမရဲ့ဘဝဟာရှုပ်ထွေးလာပါတော့တယ်

မွတ် နဲ့ တီးတို့ဟာ အလုပ်သဘောအရ မလွဲမရှောင်သာ တွဲဖက်လုပ်ကိုင်ကြရင်းနဲ့ တစ်ဦးနဲ့တစ်ဦး စရိုက်ချင်းမတူလို့ အမြဲတမ်း စကားများရန်ဖြစ်နေခဲ့ကြပေမဲ့ အချိန်ကြာလာတာနဲ့အမျှ တစ်ဦးအကြောင်းတစ်ဦး ပိုသိလာပြီး သူတို့ကြားမှာ သံယောဇဉ်တွေ စတင် ဖြစ်ပေါ်လာခဲ့ကြရင်း သူတို့ရဲ့ စီးပွားရေးအရဆက်ဆံရေးဟာလည်း သူငယ်ချင်းဘောင်ကို ကျော်လွန်လို့လာခဲ့ပါတော့တယ်

မွတ်သာ တီးရဲ့အချစ်ကိုလက်ခံလိုက်ခဲ့ရင် သူ့ရဲ့အသက်မွေးလမ်းကြောင်းအလုပ်ကို ထိခိုက်လာနိုင်ရုံတင်မကဘဲ ကိုယ်ထက်ငယ်တဲ့သူတွဲတာဖြစ်တာကြောင့် လူအမြင်ကပ်ခံရပြီး လူပြောခံရုံတင်မကဘဲ ထပ်ပြီးနာကျင်ခံစားရနိုင်ခြေလည်းရှိနေပါတယ်

စိတ်ကူးယဥ်ပုံပြင်တိုင်းဟာ ပျော်ရွှင်စရာကောင်းတဲ့ အဆုံးသတ်တွေ မရှိတတ်ဘူးဆိုတဲ့အတိုင်း သူတို့နှစ်ဦးရဲ့ ဇာတ်လမ်းကရော ပျော်ရွှင်စွာနဲ့အဆုံးသတ်နိုင်ပါ့မလားဆိုတာကို အချစ် အမုန်း အလွမ်း ကြေကွဲစရာရသမျိုးစုံနဲ့ကြည့်ရှုရမှာမလို့ လာရောက်ကြည့်ရှုကြဖို့ဖိတ်ခေါ်လိုက်ပါတယ်

ရည်းစားဟောင်းတွေကို စက်ဝိုင်းပုံစံ မုအွန်နေကြတဲ့ gl ပရိသတ်တို့ အစောင့်ဆိုင်းရဆုံး girl rules ဟာဆိုရင်ဖြင့် ယနေ့မှာတော့ ထွက်ရှိလို့လာပါပြီ။

GMM ရဲ့ ထိပ်တန်း GL CP တွေဖြစ်တဲ့ Milk-Love Namtam-Film View-Mimတို့ အပြိုင်ကြဲထားတဲ့အပြင် ဇာတ်ကောင်တွေရဲ့ ရှုပ်ထွေးလှတဲ့ Relationship တွေကြောင့် ပရိသတ်တွေကြားမှာ စိတ်ဝင်စားမှု မြင့်တက်နေတဲ့ ကားလေးပါ။

ပရင်အဖြစ် Namtan Tipnaree
ဘမ်ဘီးအဖြစ် Film Rachanun
ရှာရှာအဖြစ် Milk Pansa Vosbein
ဂိုယာအဖြစ် Love Pattranite
မင်အဖြစ် View Benyapa Jeenprasom
ပရယ်အိုအဖြစ် Mim Rattanawadee

ဇာတ်လမ်းအစမှာတော့ ပရင်နဲ့မင်တို့ သူငယ်ချင်းနှစ်ယောက် ကြော်ငြာကုမ္ပဏီတစ်ခုကို အတူတူ ဦးစီးလုပ်ကိုင်နေကြရာကနေ စတင်ပါတယ်။ အရာအားလုံး အေးအေးဆေးဆေး ဖြစ်နေချိန်မှာပဲ ပရင်ရဲ့ ရည်းစားဟောင်းဖြစ်သူ ဘမ်ဘီး ရုတ်တရက် ပြန်ပေါ်လာပြီး အချစ်ဟောင်းကို ပြန်ဆက်ချင်တယ်လို့ ဆိုလာတဲ့အခါမှာတော့ သူတို့ရဲ့ သူငယ်ချင်းအသိုင်းအဝိုင်းလေးထဲမှာ မုန်တိုင်းစတင် တိုက်ခတ်ပါတော့တယ်။

ဒီအရှုပ်အထွေးက ဒီလောက်နဲ့ မပြီးသေးပါဘူး။ သူတို့ရဲ့ အချစ်ရေး ကွန်ရက်ထဲကို ထပ်ပြီး ဝင်ရောက်လာသူတွေကတော့…

ပရင်မ်နဲ့ ပိုပြီး နက်ရှိုင်းတဲ့ ဆက်ဆံရေးကို လိုချင်နေတဲ့ စတိုင်လစ် ကောင်မလေး ဂိုယာ

ဆွဲဆောင်မှု အပြည့်ရှိပြီး ပွေရှုပ်တတ်တဲ့ မော်ဒယ်မလေး ရှာရှာ

ဂျယ်လီပေတံဖြစ်နေတဲ့ မင်အမြဲသွားနေကျ ဘားက တိမ်ထူဓာတ်ပုံဆရာမလေး ပရယ်အိုတို့ပဲ ဖြစ်ပါတယ်။

မိန်းကလေးတွေချည်းပဲ စုနေတဲ့ ဒီအသိုင်းအဝိုင်းလေးထဲမှာ... အချစ်၊ သံယောဇဉ်၊ မနာလိုမှုနဲ့ ရှုပ်ထွေးလှတဲ့ ဆက်ဆံရေးတွေကို ဘယ်လိုတွေ မြိုင်မြိုင်ဆိုင်ဆိုင် ဒရာမာခင်းပြသွားမလဲဆိုတာ ရင်ခုန်စိတ်လှုပ်ရှားဖွယ် ကြည့်ရှုရမဲ့အပြင် အပိုင်း (၁၂) ပိုင်းပဲ ပါဝင်တဲ့ Standard Series ဖြစ်လို့ အချစ်ရေး အရှုပ်အထွေး Drama တွေကို သဘောကျတဲ့သူတွေ လုံးဝ လက်မလွှတ်သင့်တဲ့ စီးရီးသစ်လေးမို့ အခုပဲ ရှုစားလိုက်ကြပါဦး။

အွမ် အဖြစ် Pupe Kessarin
မင့် အဖြစ် Pinkploy Paparwadee
ရတ်ဒေါင် အဖြစ်Jean Chertinnara
ထနွန် အဖြစ် Thanwa Suriyajak
 
အွမ်, မင့် နှင့် ရတ်ဒေါင် တို့ဟာ စိတ်သဘောထားခြင်း မတူညီကွဲပြားကြတဲ့ သူငယ်ချင်းကောင်းတွေဖြစ်ကြပါတယ်။ သူတို့ဘဝမှာ မဖြေရှင်းနိုင်တဲ့ မိသားစုပြသာနာတွေ ပြည့်နှက်နေပေ့မယ်လဲ တစ်ယောက်အစားတစ်ယောက် သေပေးနိုင်တဲ့ ခင်မင်မှု တစ်ခုသည်သာ သူတို့ဘဝရဲ့ အားထားရာဖြစ်လာခဲ့သည်။ “ထာဝစဉ် အမြဲ သူငယ်ချင်းကောင်း”တွေ ဖြစ်သွားကြမယ်လို့ ကတိသစ္စာဆိုထားကြတဲ့သူတွေလဲဖြစ်တယ်။

တစ်နေ့သော် ကြော်ငြာကုမ္ပဏီပိုင်ရှင် ထနွန် ဘန်ကောက်မြို့ရဲ့ ဆူညံသံနဲ့ဝေးရာ ဖူးခက်ဆီသို့ အလည်ထွက်ရာ ကျောင်းပိတ်တုန်းနေရပ်ဆီကိုပြန်လာတဲ့ အွမ်နဲ့တွေ့ဆုံပြီး ခင်မင်သွားခဲ့ကြသည်။ အွမ်ကနေတစ်ဆင့် မင့်နဲ့ဒေါင်တို့ ခွန်ထနွန်နဲ့သိလာခဲ့သည်။ မြင်မြင်ချင်းမှာ ခွန်ထနွန် ကိုသဘောကျနေမိတဲ့ မင့်နဲ့ဒေါင်တို့ခံစားချက်ကို သိနေသော အွမ်သည် မိမိနှလုံးသား တောင်းဆိုအသံကိုမျိူသိမ့်ပြီး ခင်မင်မှုမပျက်ပြားသွားအောင် ကြိုးစားနေရှာသည်။

သို့သော် မင့်နဲ့ဒေါင်တို့ရဲ့ ခွန်ထနွန် အပေါ်ထားရှိတဲ့ ခံစားချက်တွေဟာ တစ်ဖြည်းဖြည်းနဲ့ ပြင်းပြလာရာ အွမ်ရဲ့ကြိုးစားမှုဟာ အရာမရောက်ပဲအခက်တွေ့နေခဲ့သည်။တစ်နေ့မှာ မင့်နဲ့ဒေါ။သ င်တို့ နားလည်မှုယူဖို့လုပ်ကြရင်းနဲ့ မတော်တဆမှုကြောင့် ဒေါင်ဆုံးပါးသွားခဲ့ရသည်။ ဒီလိုနဲ့ အသက်ကိုတောင်ရင်းပြီး ခင်မင်ကြတဲ့ ရင်းနှီးမှုဟာလမ်းဆုံးကိုရောက်လာတော့သည်။ အက်ကွဲသွားသောဖန်စဟာ ပြန်စပ်လို့မရနိုင်သလို
လောင်မြိုက်နေသောအငြိုးဟာလဲ အနိုင်ရခြင်းနဲ့ အဆုံးသတ်မှဖြစ်တော့မည်။

အွမ်ဟာ မိမိသူငယ်ချင်း ဒေါင်အတွက် မင့်ကို လက်စားချေနိုင်ဖို့ ခွန်ထနွန်ကို အသုံးချပါလေရော့။ ကြင်နာမှု, တွယ်တာမှု နှင့် ခင်မင်မှုနဲ့ဖွဲ့သော သူငယ်ချင်းကနေ အမုန်း, အတ္တ နဲ့ အငြိုးနဲ့ ဖွဲ့သောရန်ဖက်တွေ ဖြစ်လာခဲ့သည်။ ဤလက်စားချေပွဲမှာ ဘယ်သူက အနိုင်ရသွားမလဲ... ဘယ်လိုမျိူးနဲ့အဆုံးသတ်သွားမှာလဲ ဆိုတာကို အပတ်စဉ် တနင်္လာနေ့နဲ့ အင်္ဂါနေ့တို့မှာ တင်ဆက်ပေးသွားမှာဖြစ်လို့ ဒီဒရာမဇာတ်လမ်းတွဲကို စောင့်မျှော်ကြည့်ရှူလိုက်ရအောင်နော်...

လှပကျော့ရှင်းပြီး ချမ်းသာကြွယ်ဝသော မိသားစုမှ ဆင်းသက်လာသည့် Shen ဟူသော အမျိုးသမီးငယ်တစ်ဦး၏ ဘဝမှ စတင်ပါသည်။ သူမသည် အလားအလာရှိသော အစိုးရအရာရှိတစ်ဦးဖြစ်သူ Phoem နှင့် လက်ထပ်ခဲ့ပြီး ၎င်းတို့၏ အိမ်ထောင်ရေးသည် အစပိုင်းတွင် ပန်းခင်းသော လမ်းတစ်ခုကဲ့သို့ သာယာဖြောင့်ဖြူးနေခဲ့သည်။ သို့သော် ကံကြမ္မာ၏ စနောက်မှုကြောင့် Phoem သည် နိုင်ငံရပ်ခြားသို့ တာဝန်ဖြင့် ထွက်ခွာသွားရသောအခါ Shen ၏ ပျော်ရွှင်မှုများသည်လည်း လိုက်ပါပျောက်ကွယ်သွားခဲ့ရသည်။ခင်ပွန်းသည် မရှိသည့်အတောအတွင်း Shen သည် အိမ်တော်ကြီးထဲတွင် အကျဉ်းသားတစ်ဦးကဲ့သို့ ဖြစ်နေခဲ့သည်။ သူမ၏ ယောက္ခမဖြစ်သူ Phanni ထံမှ ရက်စက်သော စကားလုံးများ၊ စိတ်ပိုင်းဆိုင်ရာ ဖိနှိပ်မှုများကို နေ့စဉ်နှင့်အမျှ ခါးစည်းခံခဲ့ရသည်။ သူမအတွက် တစ်ခုတည်းသော မျှော်လင့်ချက်မှာ ခင်ပွန်းဖြစ်သူ ပြန်လာမည့်ရက်ကိုသာ ဖြစ်သည်။ သို့သော် နှစ်ပေါင်းများစွာ စောင့်စားပြီးနောက် Phoem ပြန်လာသောအခါတွင်မူ သူမ မျှော်လင့်ထားသည့် နွေးထွေးမှုများကို မရရှိခဲ့ပါ။ Phoem သည် ယခင်ကကဲ့သို့ ချစ်ခင်မြတ်နိုးတတ်သူ မဟုတ်တော့ဘဲ အေးစက်စက်နှင့် လူစိမ်းတစ်ဦးကဲ့သို့ ဖြစ်နေခဲ့သည်။ထိုသို့သော အထီးကျန်မှုနှင့် စိတ်ဒဏ်ရာများကြားတွင် Shen ၏ ဘဝထဲသို့ Tone ဟူသော အမျိုးသားတစ်ဦး ရောက်ရှိလာခဲ့သည်။ သူသည် Shen ၏ ကားမောင်းသမားသာ ဖြစ်သော်လည်း သူမ၏ စိတ်အနာတရများကို နားလည်ပေးနိုင်သူ၊ သူမကို လူသားတစ်ဦးကဲ့သို့ တန်ဖိုးထားပေးသူ ဖြစ်လာခဲ့သည်။ Shen သည် ခင်ပွန်းဖြစ်သူအပေါ် ထားရှိရမည့် သစ္စာတရားနှင့် Tone ထံမှ ရရှိသော နွေးထွေးမှုကြားတွင် ပြင်းထန်စွာ ဝေခွဲမရဖြစ်ကာ စိတ်ပိုင်းဆိုင်ရာ ပဋိပက္ခများစွာကို ရင်ဆိုင်ခဲ့ရသည်။

ပန် အဖြစ် Great Warintorn Panhakarn
ဖိုင် အဖြစ် Pie Rinrada Kaewbuasai
Channel 3 ရဲ့ထိပ်တန်းမင်းသားမင်းသမီးတွေဖြစ်ကြတဲ့ PGreat နဲ့ Rinrada တို့ရဲ့ အချစ်ဒရမ်မာ ဇာတ်ကားလေးပဲဖြစ်ပါတယ်။
ဖိုင် ကတော့အချစ်ကို အရာအားလုံးထပ်ပိုပြီးတော့ ယုံကြည်တဲ့ကောင်မလေးတစ်ယောက်ပါ။
ဒါပေမယ့်… ဘဝမှာ အချစ်ဉီးကပေးတဲ့ ဒဏ်ရာကို ခံစားလိုက်ရတဲ့အချိန်မှာတော့... သူ့ကိုယ်သူ ဘယ်တော့မှထပ်မချစ်နိုင်တော့ဘူးလို့ ယုံကြည်နေခဲ့သူတစ်ယောက်ပေါ့။
အဲဒီအချိန်မှာပဲ… သူမရဲ့ဘဝထဲကို ဝင်လာတဲ့ သူတစ်ယောက်က နာကျင်ခံစားရတဲ့ဝေဒနာကို ပြေပျောက်အောင်ကုသပေးမယ့် ပန်ပဲဖြစ်ပါတယ်။ဒီလိုနဲ့ပဲ ဖိုင်တစ်ယောက် ဘဝသစ်တစ်ခုကို စတင်ဖို့ဆုံးဖြတ်ခဲ့တယ်။
ပန်နဲ့လက်ထပ်ပြီးဘဝကိုပျော်ပျော်ရွှင်ရွှင်ဖြတ်သန်းတော့မယ့်ဆဲဆဲမှာပဲ သူ့ပျော်ရွှင်မှုတွေဟာ ကြာကြာမခံလိုက်ပါဘူး။ ရည်စားဟောင်းက ခင်ပွန်းရဲ့ အရင်းနှီးဆုံးသူငယ်ချင်းအနေနဲ့ ဖိုင်ရဲ့ဘဝထဲကိုပြန်ရောက်လာတဲ့အချိန်မှာတော့
ဒဏ်ရာဟောင်းကို တူးဆွလိုက်သလိုဖြစ်သွားပါတော့တယ်။
သူမ မမေ့နိုင်သေးတဲ့ ခံစားချက်တွေ…
သူမ မသိသေးတဲ့ အမှန်တရားတွေ…နဲ့ ရည်းစားဟောင်း ဝင်းဆီကအမှန်တရားတွေကို နားထောင်ပေးမှာလား...
အချစ်… လိမ်ညာမှု… နဲ့ မုန်းတီးမှုတွေကြားမှာ…
သူတို့ သုံးယောက်ရဲ့ ဘဝတွေက… လွဲချော်သွားတော့မှာလား…
နောက်ဆုံးမှာ… သူမရွေးချယ်မယ့် အချစ်က ဘယ်သူဖြစ်မလဲဆိုတာကို အပတ်စဉ် တနင်္လာနေ့ နဲ့ အင်္ဂါနေ့တိုင်းမှာ Ash Channel ကနေတင်ဆက်ပေးတော့မှာမလို့ စောင့်မျှော်ကြည့်ရှုအားပေးကြပါဉီးရှင်....

ဇာတ်လမ်းအကျဉ်း
ဒီဇာတ်လမ်းဟာ စိတ်ထားနူးညံ့ပြီး ကြံ့ခိုင်တဲ့ အမျိုးသမီးတစ်ယောက်ရဲ့ ဘဝခရီးလမ်းနဲ့ မေတ္တာတရားအကြောင်းကို အဓိကထား ရိုက်ကူးထားတာပါ။ သူမဟာ ဘဝရဲ့ ကံကြမ္မာအလှည့်အပြောင်းတွေကြောင့် ခက်ခဲကြမ်းတမ်းတဲ့ လောကဓံတွေကို ရင်ဆိုင်ရပြီး ကြီးမားတဲ့ ပေးဆပ်မှုတွေ၊ ကွဲကွာမှုတွေနဲ့ ကြုံတွေ့ရပါတယ်။
ဇာတ်လမ်းအညွှန်းအရ အမျိုးသမီးတစ်ယောက်ရဲ့ တိုက်ပွဲလို့ တင်စားထားပြီး ကြည့်ရှုသူတွေကို မျက်ရည်ကျစေမယ့် အလွမ်းအဆွေး ဒရာမာဇာတ်ကားကောင်းတစ်ကား ဖြစ်တဲ့အတွက် ကြည့်လိုက်ရအောင်!!!!

ဇာတ်လမ်းအကျဉ်း
ဒီဇာတ်လမ်းဟာ စိတ်ထားနူးညံ့ပြီး ကြံ့ခိုင်တဲ့ အမျိုးသမီးတစ်ယောက်ရဲ့ ဘဝခရီးလမ်းနဲ့ မေတ္တာတရားအကြောင်းကို အဓိကထား ရိုက်ကူးထားတာပါ။ သူမဟာ ဘဝရဲ့ ကံကြမ္မာအလှည့်အပြောင်းတွေကြောင့် ခက်ခဲကြမ်းတမ်းတဲ့ လောကဓံတွေကို ရင်ဆိုင်ရပြီး ကြီးမားတဲ့ ပေးဆပ်မှုတွေ၊ ကွဲကွာမှုတွေနဲ့ ကြုံတွေ့ရပါတယ်။
ဇာတ်လမ်းအညွှန်းအရ အမျိုးသမီးတစ်ယောက်ရဲ့ တိုက်ပွဲလို့ တင်စားထားပြီး ကြည့်ရှုသူတွေကို မျက်ရည်ကျစေမယ့် အလွမ်းအဆွေး ဒရာမာဇာတ်ကားကောင်းတစ်ကား ဖြစ်တဲ့အတွက် ကြည့်လိုက်ရအောင်!!!!

ဇာတ်လမ်းအကျဉ်း
ဒီဇာတ်လမ်းဟာ စိတ်ထားနူးညံ့ပြီး ကြံ့ခိုင်တဲ့ အမျိုးသမီးတစ်ယောက်ရဲ့ ဘဝခရီးလမ်းနဲ့ မေတ္တာတရားအကြောင်းကို အဓိကထား ရိုက်ကူးထားတာပါ။ သူမဟာ ဘဝရဲ့ ကံကြမ္မာအလှည့်အပြောင်းတွေကြောင့် ခက်ခဲကြမ်းတမ်းတဲ့ လောကဓံတွေကို ရင်ဆိုင်ရပြီး ကြီးမားတဲ့ ပေးဆပ်မှုတွေ၊ ကွဲကွာမှုတွေနဲ့ ကြုံတွေ့ရပါတယ်။
ဇာတ်လမ်းအညွှန်းအရ အမျိုးသမီးတစ်ယောက်ရဲ့ တိုက်ပွဲလို့ တင်စားထားပြီး ကြည့်ရှုသူတွေကို မျက်ရည်ကျစေမယ့် အလွမ်းအဆွေး ဒရာမာဇာတ်ကားကောင်းတစ်ကား ဖြစ်တဲ့အတွက် ကြည့်လိုက်ရအောင်!!!!

ချိုင်ယာအဖြစ် Ben Santiraj Kulnoppakiet
ပူနာအဖြစ် Jayda Saranya Chunhasartတို့၂ယောက်က main roleတွေအနေနဲ့ပါဝင်သရုပ်ဆောင်ထားကြပါတယ်။

<ဇာတ်လမ်းအကျဉ်း>

ဒီဇာတ်လမ်းကတော့ ဂီတ၊အချစ်နဲ့ စုံထောက်အက်ရှင်တွေကို စိတ်လှုပ်ရှားဖွယ်ပေါင်းစပ်ရိုက်ကူးထားတဲ့ဇာတ်လမ်းတစ်ကားဖြစ်ပါတယ်။

ပူနာဟာ ထူးချွန်ပြီး အသံပါဝါကောင်းလှတဲ့တောသူမလေးဖြစ်ပြီး သူမရဲ့တစ်ခုတည်းသောအိပ်မက်က နာမည်ကြီးအဆိုတော်တစ်ယောက်ဖြစ်လာဖို့ပါပဲ။

ဒါပေမယ့်လည်း သူမရဲ့ဘဝက ထင်သလောက်မချောမွေ့ခဲ့ပါဘူး အတိတ်မှာတုန်းက သူမရဲ့မိဘ၂ပါးကလည်း ပဟေဠိဆန်ဆန်သေဆုံးသွားခဲ့လို့ အဲ့သေဆုံးမှုနောက်ကွယ်က မမျှတမှုတွေနဲ့လျှို့ဝှက်ချက်များစွာရှိနေခဲ့တာကို ပူနာတစ်ယောက်သိသွားပါတော့တယ်။

သူမဟာ အဆိုတော်တစ်ယောက်ဖြစ်ဖို့ကြိုးစားရင်း တစ်ဖက်မှာလည်း မိဘတွေသေဆုံးရခြင်းရဲ့အမှန်တရားကို ဖော်ထုတ်ဖို့ကြိုးစားပါတော့တယ် အမှန်တရားကိုလိုက်စုံစမ်းနေချိန်အတွင်းမှာ တာဝန်သိတတ်ပြီး ထက်မြက်တဲ့ရဲအရာရှိတစ်ယောက်နဲ့ မမျှော်လင့်ဘဲဆုံတွေ့ခဲ့ပါတယ် အဲ့ရဲအရာရှိကလည်း သူမရဲ့မိဘတွေအမှုနဲ့ဆက်နွှယ်နေတဲ့ ဒေသတွင်းမသမာမှုတွေနဲ့ ရာဇဝတ်ဂိုဏ်းတွေကို လိုက်နှိမ်နင်းနေတဲ့လူဖြစ်နေပါရော။

ဒီလိုနဲ့ပဲ ပူနာရဲ့အသံစွမ်းရည်နဲ့ ဂီတအိပ်မက်တွေဟာ ရဲအရာရှိရဲ့ စုံထောက်စွမ်းရည်နဲ့ပေါင်းစပ်သွားတဲ့အခါ သူတို့နှစ်ယောက်သား အမှန်တရားကိုဖော်ထုတ်ဖို့မဟာမိတ်တွေဖြစ်လာကြပါတော့တယ်။

နောက်ဆုံးမှာတော့ ပူနာတစ်ယောက်အန္တရာယ်တွေကြားက‌နေ သူမရဲ့အိပ်မက်ဖြစ်တဲ့ စင်မြင့်ထက်ကအဆိုတော်စတားတစ်ယောက်ဖြစ်လာနိုင်မလား၊ရဲအရာရှိနဲ့အတူ မိဘတွေကိုသတ်သွားတဲ့ တရားခံအစစ်အမှန်ကို ဥပဒေရှေ့မှောက်ကိုပို့ပြီး ကလဲ့စားချေနိုင်မလားဆိုတာကိုတော့ အပတ်စဉ်တနင်္လာနေ့မှသောကြာနေ့အတွင်း ရင်ခုန်စိတ်လှုပ်ရှားဖွယ်လာရောက်ကြည့်ရှုအားပေးနိုင်ပါပြီ။

ထိုင်းနိုင်ငံရဲ့ ဆီလုံမြို့ရဲ့ တိတ်ဆိတ်တဲ့ညတွေမှာ ဖုံးကွယ်ထားတဲ့ အချစ်ဇာတ်လမ်းတစ်ပုဒ် ပေါ်ပေါက်လာပါတော့မယ်။ မိသားစုရဲ့ မျှော်လင့်ချက်တွေကြားမှာ ရုန်းကန်နေရတဲ့ ရဲအရာရှိ ခရစ် (Krit) ဟာ သူ့ရဲ့ လျှို့ဝှက်ထားတဲ့ လိင်စိတ်ခံယူချက်နဲ့ အတိတ်က အချစ်ဒဏ်ရာတွေကို ရင်ဆိုင်နေရသူပါ။ တစ်ဖက်မှာတော့ မိသားစုရဲ့ ပစ်ပယ်ခြင်းကို ခံထားရပြီး ညီမဖြစ်သူရဲ့ ကလေးကို ပြုစုစောင့်ရှောက်နေရတဲ့ ဝါယု (Wayu) ဆိုတဲ့ လူငယ်လေးတစ်ဦး။ ကံကြမ္မာရဲ့ ဖန်တီးမှုကြောင့် သူတို့နှစ်ဦး ဆုံတွေ့ကြတဲ့အခါ လူမှုအသိုင်းအဝိုင်းရဲ့ ဖိအားတွေ၊ မိသားစုရဲ့ ကန့်သတ်မှုတွေနဲ့ အတားအဆီးများစွာကို ကျော်ဖြတ်ပြီး သူတို့ရဲ့ တားမြစ်ထားတဲ့ အချစ်ကို ဘယ်လိုပုံစံမျိုးနဲ့ ထိန်းသိမ်းသွားမလဲဆိုတာကို ရင်ခုန်စွာနဲ့ စောင့်မျှော်ကြည့်ရှုရမယ့် ဇာတ်လမ်းတစ်ပုဒ်ပဲ ဖြစ်ပါတယ်။