*🕸️ الحــب الاســـير 《04》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏

الولد بصوت هامس : عبد الرحمن دكه المدرسه مع علي ي خالد.
خالد عاين لي صحبو ولي بيان وقال : ااا احتمال يكون ف الفصل التاني م عارف لاني ف الحصه م انتبهته للجا منو والم جا .. انتي عايزاو لي؟
بيان ضيقت عيونها وهي بتعاين للولدين : احسن تقولو الحقيقه.
_ي زوله عبدو دكه المدرسه مع علي صحبو.
خالد التفت على صحبو بعد م قال جملتو الاخيره .. بيان عيونها بقت كبيره وهي بتقول : مشو وين؟؟؟؟؟
الولد رفع كتفو بمعنى م عارف.
بيان ب سرعه نزلت تحت وطلعت التلفون من الشنطه واتصلت على عبد الرحمن🙆.

_____
ف الكافي.....
دنيا : عبودي ارح نتصور.
عبودي وهو بطلع تلفونو : ظابط.
وقف ورفع التلفون ودنيا وقفت جنبو لحظات ويد عبد الرحمن الضخمه اخترقت خصرها وب يدو التانيه ماسك يدها ..دنيا اتوترت لكن عملت الموضوع عادي.. علي عاين ل عبودي بعدم رضى وهو بعضو شفتو السفلى وقبل منو.. واتصورو كم صوره وقبل يدخل التلفون نغمة تلفونو علت ..عاين للمتصل وقبل على علي ب سرعه وقال : علي ي علي.
علي التفت عليو ب جسمو وقال : مالك؟
عبودي اشر على التلفون وقال : بيان بتدق لي.
علي ببرود : اها ويعني؟
_ويعني؟؟؟؟
_اي عادي .. حتكون مفتكراك ف البيت.. رد عادي.
عبودي اخد نفس وفتح الخط.
عبودي : الووو..
_وبترد كمان؟؟؟ .. يعني واثق من نفسك.
_ف شنو مالك؟
_انت وين؟؟
_كيف وين؟ .. اكيد ف البيت يعني حكون وين؟
بيان بنفاذ صبر : ممكن تبطل كذب لاني فالمدرسه وقالو لي عبد الرحمن دكه المدرسه مع علي.
عبد الرحمن استسلم للواقع وقال : د منو الكلب د والله م اخليو.
بيان ب صوت عالي : خمسه دقايق .. خمسه دقايق ي عبد الرحمن وتكون قدامي.
تيت تيت.
جدعت التلفون ف الشنطه بعد م قفلت الخط.
__

عبد الرحمن قام ومشى ل علي : اخرب بيتك ياخ م كان ارد.. طلعت فالمدرسة.
علي وقف ب سرعه وقال : انت جادي؟
عبودي قبل على دنيا ولمياء وقال : لازم نرجع المدرسه .. انتو ذاتكم ارح نرجعكم.
علي : خليهم برجعهم انا امشي انت.
_كيف اخليك؟ .. عارفين انك معاي.
_بتتجازف ي صحبي.. انت اطلع عشان م يتمو ليك الناقصه.
عبودي : كويس .. يلا.
وطلع ب سرعه.
دنيا وهي بتقعد : خلينا شويه .. لسه باقي تلاته ساعات لنهايه الدوام.
لمياء : لالالالالا م بقعد ولا دقيقه.
علي : ايوا احسن ترجعو .. ان شاء الله تقعدو ف المدرسه ساي... المهم م تقعدو براكم وانا لازم ارجع.
لمياء : حترجع المدرسه؟
علي : اي .
لمياء : انت من الاول جيت المدرسه لي.. كان تطلع من بيتكم تجي هنا طوالي.
علي : لمن تجي داخله من بوابه المدرسه بكتبوك حضور ولمن تغيبي بتصلو على اهلك عشان يعرفو لي غايبه.
_عشان يكتبوك حضور يعني مشيت المدرسه؟
_اي😂.
دنيا وهي بتقيف : طيب يلا.

____
عند عبودي وصل المدرسه ونط بالحيطه ووقف ف الحوش لحدي م شاف بيان قاعده ف كافتيريا المدرسه .. مشى عليها بأبتسامه استهبال وقال : لو كنتي كلمتيني انك جايه كان عزمتك فته فول مظظظبطه.

بيان قامت عليو😂 : د شنوو؟؟ ماشاء الله تبارك الله وكمان ب كل نفس مفتوحه جاي؟؟؟؟ نحنا دافعين ليك خساره قروششش؟؟؟ ابوي التعبان ليل ونهار عشانك وانت ماشاء الله وين؟ لافي مع اصحابك؟؟ .... الخخخ🌚.
وجرتو من يدو ودخلت مكتب الوكيل قعدت عبد الرحمن وقعدت عاينت للوكيل واخدت نفس وقالت : د عبد الرحمن اخوي .. وماشاء الله عليو كان داكي المدرسه مع صحبو.. عليك الله العقاب البتشوفو مناسب اعملو.
الوكيل قبل على عبودي وقلع النظاره وضغط على عمود انفو وقال : مع علي كنت صح؟
عبودي : لا داعي لذكر الاسماء.
بيان حمرت ليو .. الوكيل طلع ورقه من الدرج وقال : بغض النظر عن المشاكل والكلام الفي الحصص والتصرفات الم صحيحه البعملها فالمدرسة د درجتو ف اختبار الفزياء.
بيان شالت الورقه وعاينت لعبودي وقالت : اطلع برا انتظرني.
عبودي طلع قعد فالمسطبه ربع ساعه حتى بيان جات طالعه .. عاينت ليو وب حِده قالت : ارح قدامي.
عبودي من غير م بتكلم طلع معاها وقفو ركشه واتحركو على بيت خالتها هند.

هند : خالة بيات اخت امها الوحيده بتحب بيان وعبد الرحمن شديد وبتحترمهم جداً .. راجلها مغترب وعندها تلاته بنات .. اكبر وحده ايلاف شغاله ف شركه.. البعدها اريج .. ف تانيه جامعه الاحفاد.. بتقرا علم نفس.. واخر وحده أية في تانيه ثانوي.
وصلو وسلمو وقعدو ف الهول.
بيان وهي بتقلع الطرحه : خالتي وين؟
اريج : حسسي بتجي مشت للجيران هنا قريب.
ايلاف جات داخله ب العصير وختتو ف التربيزه الزجاجيه وقالت : اها ي عبودي كيف ماشي مع القرايه؟!
بيان طلعت ورقه الاختبار وقالت : شوفي اتفضل شوفي ود خالتك جايب لي كم .. اتنين من خمسين ... قادره تتخيلي.. انا طبعاً جايباو ليكم يقعد معاكم اسبوع كد عشان تشرحي ليو ي ايلاف لاني والله تعبته خلااااااص قلته الرروب من الولد د.
عبد الرحمن ب صوت عالي : اهاااا قلتييي لي امورك شنو ي اريج.
اريج وايلاف :😂😂😂.
بيان : صحي ضميرك د شويه ياخ..خلي عندك دم.
عبودي : والماشي ف جسمي د شنو كركدي؟
اريج وايلاف : 😂😂😂😂😂😂😂😂😂😂😂😂.
بيان وهي بتتجاهلو : اية وين م شايفاها؟
اريج وهي بتمسح دموع الضحكك : مع امي.
(اية .. 15 سنه .. حلبيه وعيونها واسسعه وحولها رموش كثيفه .. حواجب مرسومه .. فم مكتنز شفايف زهريه .. شعرها تحت اكتافها ب شويه .. شخصيتها هاديه نوعاً ما .. م بتميل ل اي زول ثقتها ف الناس محدوده .. بتحترم امها وابوها واخواتها جداً ..لمن تقوم عصبيه شديد.. لكن جميله وجزابه ب معنى الكلمه)
الباب فتح وجو هند واية داخلين .. هند سلمت على بيان ب شوق وقرصت عبودي ف خدو وقالت : انت ناسي عندك خالة ولا شنو م بتجينا؟!
عبودي : معقوووله خالتو هند ينسوها؟ د كلام د؟ وضحك وحضنها وقعدو كلهم وبدت الونسه.. عبودي عاين ل اية وقال : بايت معاك ف السرير انا؟ ..م بتسلمي مالك؟
بيان : اتكلم كويس ي ولد😳.
هند : خليو عادي د زي اختو😂.
اية ابتسمت ب خجل وسلمت على عبودي ب اطراف اصابعها وطوالي طلعت اوضتها .. عبودي كان متعود على حركاتها د.. م بتتكلم معاو كتير.. لمن يجي بتقوم.. م بتاكل معاو ف سفره وحده ..
هز راسو ب عدم رضى..
بيان اتغدت معاهم وطلعت خلت ليهم عبودي.
_

اول م وصلت البيت فتحت الباب ودخلت عاينت لي اوضة النوم المضلمه وقالت : عزوز؟
لمن م سمعت رد اتحركت ناحيه الاوضه وفتحت الابجوره لقتو نايم ومتغطي وشو معرق ..فتح عيونو ببطئ شديد وعاين ليها.. قعدت جنبو بأستغراب وعاينت ل عيونو الواقعه وقالت بأهتمام : عزوز مالك؟
من غير تردد ختت يدها ف جبهتو لقتها دااافيه ب سرعه وقفت وقفلت المكيف والمروحه وقبل م تغير هدومها مشت المطبخ وجات شايله كوره فيها مويه بااارده وقطعه قماش ختتها جنبو ورفعت القطعه البارده ف جبهتو .. عزوز عقد حواجبو من بروده القطعه .. بيان بقلق : خليتك كويس مالك؟ .. وجيت متين؟ .. كان تتصل علي تكلمني انك عيان.
عزوز فتخ عيونو ببطئ وقال : م تخافي حاجه عارضه بكره بقوم زي الحصان.
بيان اخدت نفس وقالت : د كلو ب سببي لو م اتعابطنا بالمويه وفي المكيف م كان حصل د كلو اوف.
_قلته ليك انا كويس.. ارقدي نومي.
_لالا م نعسانه .. دقيقة اعمل ليك عصير ليمون.
عزوز هز راسو وهي قامت عملت عصير ليمون ب النعناع وجات ختتو ف التربيزه الزجاجيه الجنبو وجرت كرسي وكل شويه بتغير ليو الكمادات لحدي م نام .. من التعب هي زاتها نامت وم عرفت مر كم من الوقت لحدي م نغمت تلفون عزوز علت بيان شالت التلفون ب سرعه وطلعت بره عشان عزوز م يصحى .. قفلت الباب وقلبت عيونها ب ملل لمن لقتها سلمى اخت عزوز ردت ب صوت واطي.
بيان : الو.
سلمى : عزوز وين؟
_نايم.
_صحيو.. لاني عندي عرس صحبتي بعد الساعه 8 وعايزاو يوديني.

_والله عزوز تعبان وم بقدر اصحيو اتصرفي خلي اي زول يوديك.
_اسمعي.. اديني عزوز م تكتري كلام.
_وانا قلته عزوز تعبان وعيان وم بصحيو من النوم.
_د اخوي قبل م يبقى راجلك.
_وبقى راجلي وحبيبي واخوي وكلو .. شوفي راجلك الطلقك د ب وين....
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‏
*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《05》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
بيان قفل الخط وابتسمت ب سخريه وعملت التلفون صامت ورجعت ل عزوز لقتو بتكلم كلام م مفهوم وعاقد حواجبو وجسمو معرق.
شالت كبايه العصير وقالت : عزوز .. اشرب د وحتتحسن .. عزوز بصعوبه قعد وبدا يشرب وبيان ماسكه ليو الكبايه ومبتسمه.

_____

وقف براااحه واتجه ناحيه باب الاوضه بعد م اتأكد انو كلهم نايمين .. فتح الباب ونزل من السلم ب هدوء واول م وصل جنب باب الشقه سمع صوت وراهو بناديهو ب اسمو التفت ب سرعه واخد نفس بعد م شافها .. عاين ليها ب ابتسامه وجا عليها : ي حلوه مالك صاحيه؟
اية بأستغراب : انت ماشي وين ي عبودي الوقت د .. الساعه ماشه على وحده صباحاً.
عبودي قلب عيونو ب ملل وقال : مشوار صغيرررر.. انتي بس امشي نومي وخلي تلفونك جنبك عشان اتصل عليك تجي تفتحي لي الباب زول يعرف ماف طيب ;)
اية هزت راسها ب عدم رضى.
عبودي عاين ليها ورفع حاجبو : وانتي من متين بتتكلمي معاي؟ .. مش عامله صامت؟ .. زي القاتل ليك زول.. اسمعي امشي اتخمدي وانا بتصرف اجي راجع كيف .. يلا.
م سمع قالت شنو وطوالي طلع وشال معاو مفتاح البيت وطلع التلفون واتصل.
_ي علي .. انت وين؟
_الحفله حتبدا اسي .. دنيا ولمياء لسه م جو.
_دنيا بتجي قالت لي انها كلمت محمد اخوها انها عايزه تقرا مع لمياء وهي بترجعها بليل لانو القرايه كتيره .. المهم بجازفوها ي صحبي.
_وانت عملته شنو مع بيان.
_بحكي ليك خليني اصلك.
_قدام.

__

عزوز غطى في نوم عمييق وهي قامت اخدت دش وقعدت في الكرسي وهي بتراقب عزوز ب نظراتها ومره تعمل ليو كمادات ومره تقيس درجه حرارة جسمو لحدي م حست ب النعاس "م تنومي ي بيان خليك صاحيه لحدي م عزوز يتحسن "
قالت الكلام مع نفسها وشالت التلفون عشان تشغل نفسها بيو شويه .. واثناء فتحها للواتس شافت اية انلاين ورسلت ليها..

"مالك صاحيه ي اية امشي نومي"

"صحيت عايزه اشرب مويه وتاني م جاني نوم😅"
"لالا حاولي تنومي .. وعبودي صاحي ماسك التلفون ولا نايم ولا بقرا؟"

"ولا هذا ولا ذاك"

"كيف يعني؟"

اية بعد تفكير طويييييل : "والله ي بيان طلع"

بيان طلعت من الواتس واتصلت على عبودي.

_____

في جهه عبودي وصل ولاقى دنيا ولمياء وعلي كلهم قعدو يتونسو ..عبودي حكي ليهم الحصل مع بيان.. بعدها الحفله بدت .. لمياء واقفه بعيد ومبتسمه وهي بتصور في عبودي ودنيا مع بعض.
دنيا بأبتسامه ل لمياء : اخر صوره ي لِيلي.
عبودي كان لابس تيشيرت ابيض وشورت جنز فوق الرُكبه وجنبو دنيا لابسه فستان اسود طوييل وعامله شعرها كيرلي.. لمياء : اها اصور؟
عبودي وهو بلف ذراعو حول ذراع دنيا : انجزي.
وفي الاثناء د نغمه تلفون عبودي علت.. علي التفت عليو ب سرعه وهو بقول : كتمت ي عبدو كتمت.
عبودي طلع التلفون وعملو صامت بعد م شاف المتصل بيان وودعهم ب سرعه وقبل م يطلع قال : علي وصل دنيا ولمياء بيت لمياء وم تتأخرو اطلعو اسي طوالي.
علي : كويس كويس.. انت اجري😂.
عبودي رجع البيت كُدر😂.. وتلب ب الحوش وطلع مفتاح البيت فتح الباب وقفلو وطيران فوووق اترمى في السرير وعمل فيها نايم ..

___

بيان لمن عبودي م رده عفاريتها قامت واتصلت على ايلاف بعد جرسين ردت.
_ايلاف.
ايلاف ب صوت نعسان : اا بيان!؟ مالك؟
_اسفه عشان صحيتك.. عليك الله شوفي لي عبودي د وين.
_كيف وين نايم طبعاً.
_انتي اتأكدي لي عليك الله.
ايلاف وهي بتقوم من السرير : حاضر بشوفو وبرجع ليك....قفلت الخط من بيان وطلعت من اوضتها دخلت اوضه عبودي فتحت الباب لقتو نايم عاينت ليو مسافه وقالت : عبودي..عبد الرحمن... هو نايم ماله بيان د ياربي.... عبودي كان سامع كلامها وهو مبتسم ب انتصار.
ايلاف قالت جملتها وهي بترفع التلفون بتتصل على بيان.
_عبودي نايم .. هندا قدامي نايم ي بت.
_اديني ليو صحيو.
_واي منك.. كويس.
ايلاف قربت من عبودي وصحتو.
عبودي فتح عيونو : امممممم.
_هاك بيان ف التلفون.
عبودي شال التلفون وب صوت خشن نعسان قال : الوو.
_انت ي ولد عايز تجنني.. شوف ضاربه ليك كم مره.
_انتي العايزه تجننيني تدقي لي وقت زي د لي؟
_اية قالت لي انت طلعته ..م عارفه ... احتمال تكون غلطت .. اه خلاص تصبح على خير.
عبودي سكت مسافه وقال : اية؟؟ .. اممم اي احتمال تكون غلطانه.. يلا.
عبودي بعد قفل من بيان مده ل ايلاف التلفون وقال : اظن حلمانه بي طلعته من البيت مشيت حفله.
ايلاف : غايتو بيان د.
طلعت وقفلت الباب عبودي ضرب السرير ب يدو وقال : اية د م حتشوف خير نهائي.
وجرا البطانيه ونام....

___

الصباح فتحت عيونها م لقت عزوز قامت دخلت الحمام اخدت دش واتسوكت وطلعت لقتو داخل الاوضه ولابس قميص ازرق وبنطلون اسود واسبورت ابيض وماسك كبايه الشاي .. اول م شافها خت الكبايه ف الكوميدينا وقرب منها حضنها وقال : صباح الخير حببتي💕.
بيان حست ب سعاده لمن شافتو كويس شديد ومبسوط وقالت : صباح النور كيف اصبحته؟
عزوز بعد منها وقال : الحمد لله💕وشكراً ليك لانك امبارح م خليتيني والله كنت تعبان تعب .. شوفتك نايمه وتعبانه قلته م اصحيك لانك امبارح م نمتي كويس.
بيان بأبتسامه وهي بتعاين للقميص : اي والله كنت تعبانه .. والقميص كويتو انت؟
عزوز ضحك وهو بعاين للقميص وقال : قلته اجرب والحمد لله م اتحرق😂.
_بجد مكوتك حلوه تاني حتكوي لي😌.
_لالا شكراً د جات صدفه😅.
_اتأخرته انت صح؟
_اي مفترض اطلع بعد د كنت منتظرك تصحي.. وعملته ليك الشاي كمان😌.
_لالا انت بقيت كويس شديد شديد زياده عن اللزوم😂😂.
عزوز ضحك وباس بيان ف راسها وطلع .. وهي فتحت التلفزيون وقعدت تشرب الشاي💕...
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏
*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

تصبحون على م تتمنون💜✨

ذات ليلةٍ
سأكتبُ في دفتري أنني وأخيرًا
وصلتُ
لِما تمنيت وحلمت
وطمحت،
صاروا -إنجازاتي الخرافية-
كُلهم معي
الآن،
بين ذراعيَّ حيث المكان هنا آمنٌ
ليعيشوا معي مدى الحياة.

- علياء ياسر💜

°°
‏ما أبالي على أي حال أصبحت، على ما أحب أو على ما أكره، لأني لا أدري الخير فيما أحب أو فيما أكره.

عمر بن الخطاب 🪄

ماذا لو خيروك بين اتنين

التذكرة الاولى قطر 🇶🇦
التذكرة التانيه مكه المكرمه 🇸🇦

خيار واحد فقط ☝

قطر خاايفه من العين شان كده اكتفتت بي التنظيم والاداء وحسن الضياافه🙂🔥🙂

مستمتعه منك 👌😅❤️

ابداااها كيف واقول شنو ✨❤️هو ياتو كلاااام حيوصفا؟ شايلانا تسعه شهور صبر وحنيه حد الاكتفاء 😍انسااانه م ذي اي زول خصاها ربنا بالأمان واعطاها لينا قلب عطوف للبحسها والبعرفا 😍✨لولاها م كان الوجود والدنيا زااته هي كيف تكون😍😍😍✨❤️امي يا نبع الحنان ❤️✨ياربي دايما اسعدها❤️🌸💛

شكل الإصابة الخطيرة للاعب المنتخب السعودي ياسر الشهراني 💔