-
‏يا الله: لا تجْعل العمْر يضْيع في ريِّ حديقةٍ لا تزهِر ، وطَرق بابٍ لا يفتح في المَتاهَة وفي قلوبٍ لا نَصل إليها ولاَ نعود 💙

انا رحيلي رحيل أموات ،أن ذهب لم يعد مطلقاً 💚

" ‏لو كان خيراً لبقي "🌸
كلمات تجعلك تطمئن بعدم التفكير بأي شيء فقدته في حياتك

اهتم بنفسك ففي الغالب الجميع حكايه وتنتهي💙😴

.
‏
‏اللهم ازرع في أرواحنا
‏ طمأنينة لاتُغادرنا أبدًا 💙✨

من الجميل أن تبتسم .. ولكن من الذوق أن لا تُظهر الفرح أمام شخص حزين 🌹

‏الكُل يلومك على تغيْرك و إنطِفاء نورك ويعَاقبونكْ عليّه ولا أحَد يبحث عنّ سبب ما أنتّ عليه الآن..

بس تعرفوا .. احياناً بيكون حزننا مسألة شخصية فعلاً ومهما الواحد حاول إنه يشارك مع حد تاني بالفيه جوا م بيعرف لأنه ببساطة عارف إن مافي واحد ح يفهم 🖤.

عمومًا مف حاجة اسمها سند أو ضهر، في حاجة اسمها "إذا استعنت فاستعن بالله".. 🧡!

يارب مكة مع من نحب وسجدةٌ في فجرها دُعائُها رضوانك وختامهُا جنتك..آمين🧡!

مساء الخيررر💜✨

*🕸️ الحــب الاســـير 《01》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏في بيت بتكون من غرفه نوم وحده وفيها حمام..وصاله كبيره ومطبخ.. عايشين هم الاتنين ومتزوجين عن قصه حب دامت خمسه سنين..متزوجين ليهم اربعه شهور.. ناس بسيطين وعلى قدر حالهم.
عبد العزيز(عزوز) : عمرو 24 اسمر طولو 180 جسمو رياضي .. عندو لحيه شبابيه خفيفه م جميل شديد شكلو عادي.. بعد اتخرج من الجامعه وكان بقرا اداره اعمال اشتغل مع ود خالتو محمد ف مصنع ب مرتب بسيط ومكفيهم الاتنين🌸 ..بخاف على اسرتو وممكن يعمل اي شي في سبيل حمايتهم.. وراجل ب معنى الكلمه🌸.

بيان : عمرها  24..طولها سبعين سنتيمتر ..لونها فاتح شكلها بسيط شعرها بوصل لحدي اكتافها.. وضعيفه لكن عندها جسم.. هي رداحه وم بترضى ف نفسها .. واهم شي عندها عزة نفسها.. امها اتوفت قبل سنتين وكانت عايشه مع ابوها واخوها عبد الرحمن.. بيان بتحب عزوز ل درجه بعيده شديد والمواقف بتثبت ليها حبو واحترامو ليها🌸.
بيان البت الوحيده عندها اخو واحد اسمو( عبد الرحمن) : ممتحن تالته علمي هندسيه... عبد الرحمن زيو زي اي شاب مراهق ف سنو .. طوييل وضعيف لونو قمحي مايل للاسمر .. شعرو كتيير(شعر الاولاد البكون ملفلف زي الليفه واريتو كان ناعم🌚💔).. عندو شنب خفييف وتفاحه ادم وملامحو جميله.
___

الساعه 10 صباحاً كانت ف الحمام بتتكلم مع روحها وهي بتجدع الهدوم ف الغساله ب زهج..
_والله الليله اخليهو بندم اليوم القال لي غسلي فيهو هدومي.
وشالت القمصان البيضاء مع السوداء مع الازرق والاحمر والاصفر وكلهم دخلتهم ف الغساله مع صابون وايد ومويه شويه ودورتها😂.
وهي طالعه من الحمام صادفتو داخل الاوضه وقعد ف السرير ماسك تلفونو ومنتبه معاهو شديد.. قعدت جنبو وب نظره مكر قالت : هه😏.
عاين ليها وتاني رجع ينتبه ف التلفون .. لكن اتذكر حاجه وقال : غسلتي لي هدومي عشان بكره عندي مشوار مهم؟!
وهي بتقوم : اي ف الغساله... وطوالي طلعت تجهز الفطور... فجأه وهي خاته البيض ف النار سمعت : بياااااااااااااااااااان.
اتخلعت وجرت لقتو ف الحمام ماسك قميص الشغل الكان لونو ابيض لكن هسي بقى زي الوان😂😂.
عاينت ليو ب حميره كد : هي انت ف شنو .. سمعته الناس كلهم اسمي بيان.
عزوز جدع القميص ف الارض وقال : لأ ..مستحيل.
بيان وهي كاتمه الضحكه : مع وايد للغسيل مفيش مستحيل و فكت الضحكه وقامت جااريه جريييي😂😂.
وهو بعد استوعب الحصل ب سرعه طلع هدومو كلها ف جردل فيو مويه عشان اللون م يلصق فيها وشال الحزام وطلع من الاوضه يفتش فيها😂😂😂.
وهي تحت السفره الفي الصاله وكل م تتذكر الموقف تضحك .. فجأه سمعتو طالع من الاوضه طوالي اتحشرت كويس وهو بناديها.
عزوز : وقسماً بالله ي بيان لو م طلعتي م حأرحمك.. الليله حتدقي حتدقي.
وهي طبعا اتعودت يحلف ساي وفي النهايه م بعمل ليها شي.. عشان كد طوالي طلعت وهي ميته بالضحك.

عزوز عاين ليها وجا عليها : افتحي يدك.
_ابيت😂😂😂.
رفع الحزام فوق وقال : حتفتحي يدك ولا اضربك ف اي مكان؟؟
_انا قلته ليك جيب لي بت شغاله عشان انا م بقدر على شغل البيت براي.
_جبته وانتي طفشتيها.
_طفشتها انت د.
_اي م عايز مره ف البيت غيرك.. وانتي عارفاها لبسها كيف يعني انا م اخد راحتي ف بيتي؟
_انا قلته ليك م تطلع من الاوضه والاكل بجيك لحدي عندك.
_د بيتي امشي مكان عايز.. اسي م عايز كلام كتير افتحي يدك.
_😂😂😂😂😂.
عزوز وهو كاتم الضحكه لانو ضحكتها بتضحكو : يخ م بهظر معاك ي زوله.
_شامي الريحه د؟؟ .. د ريحه حبي ليك❤.
_شامي ريحه بيض محروق بس.
بيان فتحت عيونها كبااار واتذكرت البيض وجرت قفلت النار وفتحت المويه ف الطوه.
وهو جا داخل بضحك فيها : من يومك روشه.
عاينت ليو ب غيظ : ماف ليك فطور يلا.
_م عايز اصلا الليله ف عزومه ف البيت الكبير(بيت عيلة امو خالاتو وخيلانو ب اولادهم بتجمعو كل جمعه ..).
بيان وهي بتغسل يدها : بجد؟
_اي اجهزي.
_ظابط.

بيان لبست عبايه خليجيه ولفت حجابها بطريقه حلوه💕.. وعزوز لبس جلابيه الجمعه لونها ابيض واتعطر ولبس شبط وطلعو.

____
نتعرف على اهل عزوز شويه..
أخو عزوز الكبير(شهاب) : باشمهندس عمرو 26..طولو 185.. هادي ورزين وكلامو قليل.. معضل وعندو غمازات بلبس نظارات.. بشبه عزوز شديد..كان متزوج حب حياتو بيسان عاش معاها سنه بس للاسف اكتشفو انو عقيم واهلها طلقوها منو واتزوجت وسافرت مع راجلها💔 .. وهو عايش ف نفسيات بسبب الموضوع د وبحاول يشغل نفسو ب شغلو كتير.
اختو البعد شهاب طوالي(سلمى) : 25.. سمراء جميله وشعرها طويييل..متزوجه وعندها بت عمرها اربعه سنين.. سلمى عكس اخوانها بتحب روحها شديد ومتسلبطه وبتكره بيان.
أمو(مريم) : مره طيبه وبتحب اولادها شديد وبتحترمهم راجلها متوفي ليو خمسه سنين.
ولد خالة عزوز : محمد عمرو 27 سنه.. عندو مصنع ومشغل عزوز معاهو.. محمد معروف ب عصبتو وانو زول صعب.. عندو اختو اسمها دنيا لونها فاتح وجميله جداً ف تالته ثانوي عمرها 16.. امهم اللي هي خالة عزوز اسمها دلال راجلها معرس ومسافر قاعد مع مرتو.
_
وصلو بيت كبيرر زي القصر بس ماشاء الله وف نجيله برا💕 وكان مليان ب الاهل..
بيان طلعت مع البنات الاوضه فوق وقعدت ماسكه التلفون.. جات دنيا قعدت معاها.
دنيا : كيفك وكيف ابوك وعبد الرحمن.
بيان بأبتسامه : كويسين الحمد لله وكيف انتي مع القرايه.
_الحمد لله والله من الاول كد م قدرته على تالته د😂.
_كانت احلى ايام.. عشان اتعرفته على عزوز😌.
_اتعرفتو على بعض كيف انتي وعبد العزيز.
_من تالته ثانوي كان معاي ف المدرسه وبشوفني  وانا راجعه من المدرسه وقال عايزيني وصحبتي اصرت علي لانو ولد كويس شديد ومؤدب..وبعدها دخلنا الجامعه مع بعض لكن بعد امي اتوفت ربته وم قدرته اواصل وعزوز كمل قرايتو واتخرج وطوالي اتقدم لي.
_وم ناويه تتمي قرايتك؟
_عزوز م اظن يقبل.
سمعو صوت مريم بتناديهم للفطور ونزلو..

بعد المغرب وهم بشربو الشاي كلهم تحت ف الصاله عزوز قاعد جنب بيان وخالاتو قاعدين وبناتهم..عزوز استاذن من بيان ماشي وجاي وقام .. لمن عزوز اتأخر قامت تفتشو .. دخلت المطبخ لقتو ب الجلابيه البيضا واقف بشرب من الكُلر.. براحه وقفت ب وراهو ولبعتو ف ظهرو وهي بتقول : عزوزززز😂.
حضنتو من ورا وقالت : اتأخرنا ارح نرجع البيت بعد د.. وعايزه اتصل على عبد الرحمن لانو الليله كان عندو اختبار فيزياء .. فجأه بقى بكح واتشرق ب المويه بيان رفعت راسها عاينت وب خوف رجعت ل ورا وهي بتقول : اا اسفه ....مع...معليش ي شهاب ....ك كنت قايلاك عزوز😳😳😳.
وب سرعه الريححح جرتتت😂😂قعدت ف الصاله وهي بترجف بعد مسافه جا عزوز لقاها م طبيعيه قال ليها : هي ف شنو بترجفي كد؟
_ها.. لالا ماف شي.
عزوز وهو بقيف : نرجع بعد د ..يلا ي جماعه نتلاقه ف ساعه خير.
مريم : اقعدو شويه عليك الله.
_اتأخرنا والله يوم تاني.. يلا.

عزوز وبيان رجعو البيت بيان اخدت حمام وطلعت ل عزوز قميص جديد وكوتو تسوي شنو عاد كلهم م نافعين😂.
عزوز اخد دش ورقد وهي قفلت النور وفتحت الابجوره وقعدت جنبو عشان تسمع كلمتو المعتاده : غني لي عشان انوم❤.
بيان : غنيتي البحبها ماف غيرها.
_اي عايزها عشان بحس بيها بتمثلك.
بيان اخدت نفس وقالت : انا واخي .. واخي.. شوقُ يدفعني لأراها امي ذكرى لا انساها .. طيفُ .. انقى من زبد الايام ابقى.. امي.. امي.. امي.. همساتها احلى من نااااااي🍃.. سكنت قلبي كلماتها باتت نجواي.. تضيئ دربي.. لا تنسى اخاك.. ترعاهو يداك.. لا تنسى اخاك.. ترعاهو يداك.. لو سرقت منا الايام قلباً معطاءً بساام.. لن نستسلم للآلام.. لا تنسى اخاااك.. ترعاهو يداك.. لا تنسى اخاك ترعاهو يدااااك.

بيان سمعت صوت شخير عزوز عرفتو نام😂.. رقدت وختت راسها ف كتفو وهي بتفكر ف شهاب وحيكون قال عنها شنو.. وبقت تنبذ ف روحها لحدي م نامت..
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏

*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《02》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏
الساعه 5 صباحاً فاتحه النور وشايله الشبشب(السفنجه🌚) وبتغني : كان في الشجره تلاته عصافير.. جات الكديسه وشالت نصهم.. وجاء الحرامي وشالهم كلهم .. مشيت لي ماما قالت مهملى.. مشيت ل بابا قالي مهملى.. الضربه الاولى جات ف جنبتي... وطااااخ ب الشبشب ف كِليه عزوز😂..والضربه التانيه جات ف ركبتي ..وطااخ ب الشبشب ف ركبت عزوز .. والضربه التالته جات في... عزوز رفع راسو من المخده : خلاص قمته والله قمته😩.
بيان : د مشوارك المهم صح?!
عزوز قعد ف السرير : م هسي الساعه 6 ي بيان باقي ساعه كامله.
_والله د مشكلتك انت م حددته لي زمن.. م مشكله ارح نشرب الشاي.
عزوز ب تعب قام اتسوك ودخل المطبخ لقاها عامله الشاي ب البسكويت ومنتظراهو.. كانت لابسه تيشيرت ابيض.. وعامله شعرها ضغيره وحده.. وبنطلون بيجي.
قعد وعاين ليها : م بحب البسكويت عايز كيك.
بيان وهي بتكب ليو الشاي : ماف كاكاو وانت م بتاكل كيك الا ب الشكلاته.
_انا وجاي بجيب معاي بعدين.
_حتتأخر؟!
_بجي بعد العصر كد.
_ظابط.
بيان بتشرب ف الشاب وعزوز بعاين ليها بأبتسامه .. لمن انتبهت ليهو هزت كتفها ب معنى ف شنو؟
عزوز : بقيتي سمحه كد مالك؟!
_من يومي مكلمه السماحه😌.
_شوف البت.. الراس م يكبر.
بيان ضحكت وسكتت مسافه وقالت : تتذكر.. ايام الجامعه لمن كان في وحده قالت معجبه بيك وبتاع.. وانت اصلا م حاولته تعاين ليها.. لحدي الان مستغربه من الحاجه د والله.. مع انها سمحه وعندها قروش واي شي.. لكن انت كنت وفي شديد لي❤.

عزوز ابتسم وهو بعاين للكبايه قال : لاني م بحب المظاهر ي بيان.. اتربيت كد.. على انو الجوهر اهم من المظهر.. انتي اكتر وحده وقفتي معاي وحتى انك محترمه ومأدبه وم فيك عيب.. د اكتر حاجات حبيتها فيك .. انتي م بهمك د عندو ولا د م عندو م بهمك قروش م بتهمك اشكال زوله فاهمه وواعيه حتى لمن تمشي عيونك بتكون ف الارض .. عارفه اي ولد بحب بت عشان شكلها او جسمها او قروشها د لمن يجي يعرس حيختار البتصون نفسها وبيتها وبضمن لي اولادو وبناتو تربيه كويسه.. حتى اسلوبك ف الكلام لمن اجي للنقاشات بلقاك اسلوبك حلو وبستفيد منو.. وغير د انتي م كنتي عايزاني اشوف شكلك كيف ولا حتى ملابسك كيف ولا حتى جسمك كيف ولا قروشك ولا اي شي.. كنتي بتظهري لي الجانب الانا عايزو جانب الام الحتكون ام مثاليه ل اولادي بعدين حقيقي ليك اطلالة و هيبة و هالة غريبة .. انتي بسيطه وشكلك بسيط لكن جواك مظهر حلو شديد... انا حقيقي بشكر ربنا عليك ي بياني❤.
عزوز قام وباس بيان في يدها وقال : اهم شي راسك م يكبر بس.
بيان ضحكت ونزلت راسها بخجل.
عزوز ضحك وطلع ..بيان غسلت العده وطلعت الصاله لمن سمعت الباب بخبط ..جاتها جارتهم حنان(مره مسكينه وراجلها طلقها ومشى م جايب ليها خبر وعندها بت صغيره عمرها  سنتين .. حنان شغاله ف كوفير بتمشي وتخلي بنتها عند بيان.)
حنان : والله ي بيانن عارفه روحي تعبتك بس اسوي شنو.
بيان : حنان انا اقول ليك بتك د بحبها شديد وهي زاتها م بتبكي وهاديه.. كل مره تعتزري لي بطلي العواره.
_تسلمي يارب.. يلا في امان الله.
بيان قفلت الباب وشالت البت الصغيره(امنيه)قعدتها جنب التلفزيون وجات غنيه الحديقه السريه ف اسبيستون.
بيان وقفت قدام امنيه وقعدت تغني.
_في يومٍ همست ف اذني من يمسح عن قلبي حزني يرجعني خضراء اللون اعشاشاً للاطيار.....
امنيه تضحك وتصفق وبيان تتراقص قدامها وهي متخيله روحها ف المسرح والناس بعاينو ليها💃.
الوقت مرا ب سرعه وحنان جات ساقت امنيه وبيان اخدت دش وجهزت هدومها وهدوم عزوز.

______

_يلا ي عبدو .. نتلاقه بكره.. تعال بدري ي فرده عك الله.
_ي اصلي م بتوصيني جاي بدري اصلا اهم شي يكون معاك ال😉.
_قدااااام ي صحبي.. اصلا كد كد عندنا دبل فيزياء من صباح الرحمن.
_ظطط ي اصلي.

طلع من المدرسه وقف مسااافه لحدي م لقى مواصلات وركب.. ربع ساعه ووصل البيت.. دخل اخد دش وطوالي مسك التلفون وضرب... جرس طويييل بعدها الخط فتح.
_شنو لكن... جادعه التلفون د وين؟
_كنت جنب محمد اخوي وم قدرته ارد.
_ايوااا.
_بكره جاهز؟!
_د كلامك.. انا م عندي مشكلة.. المشكله فيك انتي كيف حتقدري تطلعي؟
_عادي بقدر مش معاك علي؟
_اي معاي
_وانا معاي صحبتي لمياء.
_قدااام ي زوله.
(زح التلفون من اضانو شويه لمن سمع صوت ضيوف جو)
_كدي دقيقه ي دنيا برجع ليك.
_طيب.
قفل الخط وطلع لقى اختو في وشو ابتسم ب استهبال وقال : اوووو يخ وين يااا .. مشتاقين عديييل.
بيان ضحكت وحضنتو : بالاكتر ي عبد الرحمن والله.. كيف انت؟
_في نعمه.. عزوز وين؟
في اللحظه د جا عزوز داخل سلم عليهو سلام رجال وقعدو كلهم في الهول.
عزوز : خال محمد وين؟
عبد الرحمن وهو برجع شعرو لي ورا : والله الحاج د من جيت من المدرسه م شايفو.... اها ي بيون قلتي لي اتذكرتينا ياادوووب؟؟
بيان : اول شي م تقول لي بيون😑.
_عايزاني اقول ليك زيتون زي م ابوي بقول ليك؟!
عزوز ضحك ب صوت عالي والاتنين ضربو يدين بعض.
بيان ضربت عزوز في ضهرو : م تضحك ليو ماف شي بضحك.
عبد الرحمن : والله انت اصلي ابن اصليه ي صحبي😂.

"السلااااام عليكم.. منورين والله"
بيان وهي بتقيف : هي ابوي.. نورك عاكس ياخ💕
سلمت عليهو وباست راسو.. وعزوز وعبد الرحمن نفس الشي.
محمد ابو بيان : متين جيتو؟!... انا قبل شويه طلعته لي جارنا متوكل د.
عزوز : والله هسي جينا ي عمي م اخدنا نص ساعه.
محمد : اها ي عزوز كيف ماشي مع شغل المصنع؟!
عزوز : والله ي عمي كويس.. قبيل مشيت اشيل الاوراق القلتها لي.
بيان لمن لقتهم بتونسو قبلت على عبد الرحمن: اها ي عبودي.. اختبار الفيزياء كان كيف؟!
عبودي بأبتسامه : ماشي الحال.
بيان : اشتغلته كويس يعني؟!
_عملته العلي غايتو.
_لو في حاجه م فاهمها كلم ايلاف بت خالتو هند تشرحها ليك.. ماشاء الله عليها شاااطره في الفيزياء.
_ماشي ليهم بعد بكره.
_ايواا .. خلاص تمام... يلا انا اقوم اعمل الغدا.
عبد الرحمن : اي عليك الله انا جعان شديد.

كلهم قضو اليوم ونسه وضحك وعبد الرحمن يشاغل في عزوز والاتنين بغيظو بيان ومحمد يضحك.. لحدي بعد العشاء هم بتونسو💕.. بعدها بيان وعزوز استأذنو منهم وطلعو.. اول م وصلو بيان اخدت دش وفتحت التلفزيون.. عزوز جا طالع من المطبخ شايل فنجان قهوه وقعد وهو منتبه مع التلفزيون.

بيان ضحكت وقالت : تتذكر امبارح لمن مشينا لي ناس حبوبتك وانت قلته لي ماشي وجاي واتأخرته؟
عزوز وهو بخت الفنجان في التربيزه الزجاجيه : اها!!
بيان ضحكت ب توتر وقالت : دخلته المطبخ افتش فيك لقيت راجل واقف جنب الكولر ولابس جلابيه وانا على اساس انو د انت قمته...
عزوز ابتسم وشال الفنجان وقال : اها وعملتي ليو شنو؟
_قمته ضربتو في ظهرو وح وحضنتو.
عزوز من الخلعه القهوه ادفقت فيو😂.. وبيان ضحكت ب صوت عالي😂😂.
عزوز وقف ب سرعه ودخل المطبخ رشا مويه فيهو عشان القهوه سخنى وجا طالع وهو بعاين لي بيان ب طرف عيونو.
بيان ب استهبال : لكن الحمد لله طلع شهاب م زول تاني .. وانا هسي م عارفه زاتو حعاين ليو تاني كيف.
عزوز ضحك وقال : عادي حيتفهم الموقف ي عميانه😂😂.
_م عارفه ياخ.
عزوز وهو يقلع التيشيرت بتاعو : انتي عارفه شهاب ي بيان.. م بهتم ب التفاصيل كتير.. شهاب اتغير .. عايش نفسيات ب سبب الموضوع الانتي عارفاو.. احساس صعب والله.. انا هسي لو محلو م كنت حقدر اتحمل حاجه زي د والله انا م عارف هو حتى صابر كيف.. مرتو الكان بحبها وعافر عشان تكون من نصيبو م عاشت معاو غير سنه وبعدها اهلها رفضو تقعد معاهو بحجه انو عايزين شفع لانها بتهم الوحيده وم راعو لانو عقيم والموضوع د حيأثر معاو وم راعو ل انهم بحبو بعض واتزوجو عن حب.. شهاب د في يوم من الايام ربنا حيعوضو وعوض جميل❤.. ادعي ليو ي بيان عليك الله دايماً.
_والله دايماً بدعي ربنا يديهو بت الحلال العتعوضو عن د كلو وحتى لو ما بالاطفال ربنا بعوضو بحاجات كتيره.. شوف هسي ماشاء الله باشمهندش كبييرر وبسافر امريكا وامورو واااضحه.
_فعلاً والله💕.

_____

اليوم التاني عزوز طلع الشغل وبيان بعد نضفت البيت اتصلت على صحبتها الوحيده (ياسمين)..بعد السلام وكيف تمام الحمد لله اخبارك ومشتاقين وبتاع...
بيان : والله ي ياسمين انا م عارفه خالد د م عايز يعمل العرس في اقرب وقت لي كل مره بتأجلو كد لي؟!.. نفسي اقششششر في عرس صحبتي يعني م ممكن.
ياسمين بضحك : عرسنا حيكون هين ولا هين ي زوله د حيكون عرس اسطوره عدييل😂.
_مهو انا مستنيه الاسطوره د ..انتي وراجلك شابكننا اسطوره اسطوره.. م ممكن مخطوبه ليك سنه كامله .. انا حأولد وانتي لسه.
_ي زوله اصلا كد كد حعرس وهو مره وحده في العمر خليني استمتع بيو ياخ.. وبعدين ظروف شغل خالد صعبه فهمتي يعني ما باليد حيله.
_خلاص تمام ي زوله منتظرين ومن هسي وريتك ي صحبتي الحبسه حتكون في بيتي.
_اصلا ي بت انا عندي كم بيان وريني بس😉💕.
بيان ضرخت ب فرحه وقالت : yas💃.
_غايتو انتي لسه في جنك د.. م عارفه عزوز مستحملك كيف.
_وكمان الليله عامله ليو برنامج ظريف لمن يجي من الشغل .. برسل ليك الفيديوهات.
_عارفاك مجنونه.. ظابط بنتظرك.
_يلا خلاص اقفلي.
_بااي😂.
_البضحك شنو؟
_الناس لمن يجو يقفلو من زول بقولو يلا ل بعدين او خلاص برجع ليك او اي شي لكن انتي يلا خلاص اقفلي.
بيان ضحكت وقالت : الزول يكون واضح😂.
_الله يهديك بس.
_حصل سمعتي صوت بوري الطياره؟؟
_لالا ..وهو الطياره عندها بوري!؟
_طيب اسمعيهو.
تيت تيت.
بيان ضحكت في نفسها وقامت اخدت دش ولبست شورت جينز وتيشيرت ورفعت شعرها كعكه وملت الجردل مويه وكبتو ف الصاله وجابت صابون سائل برضو دفقتو كلو.. يعني البيت كلو بقى غرقان ب مويه صابون والهدف من د كلو تخلي البيت بزحلق😂.. وقفت ف الصاله ومسحت وشها ب يدها المليانه صابون وقالت : كد البرنامج بدا ي عزوز ي حبي😈... وفجأه لقت روحها اتزحلقت من الصاله للمطبخ من غير م تحس😂 وبعد صعوبه طلعت الصاله ومسكت الكرسي عشان م تزوغ تاني.
عزوز بعد صلى العصر دخل البيت قفل الباب بالمفتاح وعايز يمشي برررددلللببب وقع😂.
بيان جات داخله وهي بتضحك فيهو.
رفع راسو : اخخخخ.. دششنو؟؟؟؟؟؟
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‏
*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《03》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​
عزوز رفع راسو : اخخخخ .. د شنو؟؟؟
بيان جات جاريه لمن وقعت وهو قعد يضحك فيها ويضربها ب خفه : ي حيوانه عملتي شنو انتي ف البيت د؟؟؟
بيان : د برنامج عشان الزهج الحاصل د ياخ.
عزوز رفع يدينو وقال : اللهم ان كان هذا سحراً ف ابطلهُ.
_سحر في عينك.....ارح نلعب شويه ياخ.
عزوز وهو بحاول يقوم : هدوم الشغل ي أذى.
عزوز مشى على ركبتو وهو بحاول يدخل الاوضه عشان السراميك بزحلق شديد.... وبيان جابت التلفون وعملت فيديو وقعدت منتظراهو.. م عرفت مر كم من الوقت حتى جا ڤووو متزحلق فيها😂... كان لابس شورت وفلينه بيضا...
بيان : البخش المطبخ اول هو الفائز😏.
_لعبتي مع الزول الغلط.. وطوالي رجع على الحيطه ولزا روحو شديد لحدي م وصل باب المطبخ... بيان قالت لااااا وعملت نفس حركتو وعايزه تخش مسكها من يدها ولزاها هناااااك😂...
المهم مره يلعبو ومره بتشاكلو ومره هي تضربو ومره تضحك لحدي اذان العشاء بعدها عزوز قال : خلاص كفايه تخلف حمشي الصلاة.. امشي واجي ي بيان القى البيت زي ماهو.
بيان غزت يدها ف نصها : بالله عليك؟؟؟... اللِعب معاي منو؟؟.. ولا على كيفك تنضف غصباً عنك كمان... شوف د بالله.
_خلاص م تردحي لي فهمته😂.
عزوز دخل الحمام اخد دش وطلع المساحه وقال : انا الصاله لحدي هنا واشر ب يدو...وانتي الباقي.
_كتير عليك د.
_لا ولا يهمك... بس اطلعي لي ف الكنبه.
بيان وهي بتقعد ف الكنبه : حاضر.
بقت مراقباهو ب نظراتها وهو بمسح ب اتقان :)
وهي من التعب نامت.. عزوز بعد خلص مسح وشو ب يدو وقال : اها مسحتها كلها تاني اقدري افتحي خشمك .. حبي ..عاين ليها لقاها نايمه قرب منها وابتسم ب شر ودخل المطبخ شال مويه بااارده ووقف قدامها وكشح في وشها المويه😂😭.. وهي وقفت تصرخ : ي غبي ي حيوان.... ياخ انت م عندك دم د شنو المتخلف د..عوير انت؟؟ عوير؟؟

بتكشح فيني المويه كد لي؟؟؟ وقعدت تبكي ودخلت الاوضه😭.
وهو بحاول يكتم الضحك دخل ليها لقاها ركبت في السرير واتغطت... فتح الدولاب طلع ليها بجامه نوم وختاها جنبها وقال : م ينفع تنومي وهدومك مليانه مويه قومي استحمي.
بيان من تحت البطانيه : م عايزه.
عزوز : نؤ نؤ نؤ ... وزح البطانيه وشالها ووقفها جنب باب الحمام وقال : خلافاتنا ب جهه وصحتك ب جهه تانيه💕.
بيان عاينت ليو ب طرف عينها وشالت ملابسها ودخلت وهو شال المصلايه وصلى .... طلعت لقتو راقد ف السرير وخالف رجلو وماسك التلفون..شالت المصلايه هي برضو صلت ورقدت جنبو وقبلت الجهه التانيه.
عزوز وهو بعاين ف التلفون قال : شوفي صحبي خاتي ف الاستوري شنو.. كاتب ((اجمل م قيل ف الغيرة : عندما نظر سيدنا علي بن أبي طالب إلى زوجته فاطمة الزهراء بنت الرسول صلى الله عليه وسلم وهي تستاك بعود من الأراك فقال :
حظيت ي عود الاراك بثفرها اما خفت ي عود الاراك اراكَ لو كنت من اهل القتال قتلتك ما فاز مني ي سواكُ سواكا💘)).
بيان ابتسمت وقامت وقبلت عليهو ب جسمها وقالت : كلام جميل💕.
عزوز وهو بزح ليها جنبو : تعالي❤.
بيان قعدت جنبو وقالت : عندي فكره ظااابطه حتخلينا نضحك.
عزوز ابتسم وقال : جنك ضحك.. اها شنو؟
بيان شالت تلفونو وخرفت رقم ودخل معاها واول م ردت المره بيان قالت : السلام عليكم.
المره: وعليكم السلام .. منو معاي؟!
بيان عاينت ل عزوز وغيرت نبره صوتها وقالت : معاك اخت الساحر أُم عَايذ😈.
_شنو؟؟؟
بيان بنفس نبره الصوت المخيفه : معااااك اخت الساحره ام عايذ.
المره : بسم الله الرحمن الرحيم د كلام شنو؟؟
بيان : لا م تقولي بسم الله وصرخت صرخه مخيفه كد نظام اختفت عشان قلنا اسم ربنا🌚😂.
المره طوالي قفلت الخط وهنا عزوز وبيان اتفقعو ضحكككككك... ساعه هم بضحكو وكل م يوقفو بتذكرو الموقف يضحكو😂.
عزوز شال التلفون وقال : اجرب😂.. برضو نفس الشي كتب رقم واتصل وطلع شاب.
عزوز ب صوت تخين : السلام عليكم.
_وعليكم.. منوو؟
عزوز عاين لي بيان وقال : اقول اخو الساحره صح؟
بيان عضت السبابه وهي بتأشر ليهو يعني الخط فاتح.
الشاب : الوووو.
بيان خطفت التلفون وقالت : اااا معاك اخت الساحره...
الشاب : ياا** م ناقصك انا والله.
عزوز عقد حواجبو ب اندهاش من بشاعه الرد وشال التلفون وطلع برا وقفل الباب عشان بيان م تسمع الكلام الحيتقال ربنا يستر😂.
بيان بقت متوتره وبتفرك يدينها لحدي م عزوز جا داخل عاين ليها وابتسم وقال : يلا النوم كفايه سهر.
_نوم؟ .. لا م نعسانه.
عزوز وهو برقد : والكان نايم ف الكنبه د منو ي ربي؟
قلبت عيونها ب ملل وقالت : اوك.. طيب بكره عايزه امشي ل عبد الرحمن ف المدرسه اشوفو ماشي كيف مع القرايه!
_خلاص بوصلك وبمشي الشغل.
بيان وهي بتقفل النور : اوك.
عزوز رقد ف حضنها وقال : اها غني.
بيان وهي بتمسح على شعرو : جبته ليك غنيه جديده.
غمض عيونو وهو مستمتع ب صوتها العذب وهي بتغني (زي ما نسيتني خلاص علمني انساااكَ.. علمني انسى هواك وانسى الحزن داااكَ)
🌸🌸🌸🌸🌸
الصباح...
ف المدرسه واثناء الحصص وقف هو ومعاهو صحبو الشايل التلفون وقال : حنط.. شوف لي لو في زول ي علي.
علي عاين يمين وشمال وقال : ي مان ماف زول ياخ انجزز.
عبودي نط ونزل على الظلط وعلي ب وراو والاتنين فكوها جريه وحده لحدي المكان الاتفقو يتلاقو فيو.
علي وهو بشيل انفاسو : من الخوف وصلنا كُدر😂.
عبودي وجه نظرو للتلفون وقال : م حاسي ب رجليني والله...... ارح ندخل الكافي د وننتظرهم ظابط!
_ظابط ...يلا.
الاتنين دخلو وحجزو طاوله فيها اربعه كراسي... علي اتلفت حولينو وقال :  مالهم اتأخرو كد.... ادق ليهم؟!
عبودي رجع ل ورا ف الكرسي وقال : نديهم نص ساعه كد لو م جو ندق.
عبودي اخد نفس وقال : اها وانت حنكته مع ليماء ولا لسه؟
علي بأبتسامه : لسه والله.
_كدي دق ليهم.
علي شال التلفون واتصل على لمياء بعد مسافه ردت
_الوو
_لمياء .. اها انتو وين؟!
_وصلنا خلاص.
_اوك.. تمام
_يلا.
علي قفل الخط وقال : خلاص وصلو.
عبودي هز راسو وعلي قام عشان يطلب.
وقفت بنت لابسه عبايه والطرحه ف كتفها وشعرها بُني عاملاهو جمايكتين واصله لحدي نص ظهرها... عيونها سوداء واسعه وانفها حاد.. خشمها صغير ولون بشرتها قمحيه💕 قاده تلاته قدات ف اضانها والحلقان زي بعض💕... رجعت خصلات شعرها ل ورا لمن سمعت صحبتها بتقول : قاعدين جوا يلا ندخل.
واول م دخلت عيونها وقعت على الولد الماسك التلفون ابتسمت ومشت عليهو وهو لمن شافها وقف.
عبودي صافحها بأبتسامه وقال : مالكم اتأخرتو كد!!
دنيا وهي بتقعد : د لمياء بحنس فيها ساعه وهي بتقول لي خايفه.
عبودي ضحك وعاين ل لمياء القالت ليو : وين علي؟
وف اللحظه د علي جا وقال : اصلا مستحيل تجو بدري.
لمياء : كنت خايفه والله م متعوده اطلع وقت دوام المدرسه.
دنيا وهي بترجع شعرتها ل ورا : خوافه بس.
لمياء : الله يديني رفع الشجاعه العندك د.
عبودي : مافي داعي للمجازفات تاني د اول واخر مره.
دنيا : اوك.

______

_ي بت م تطلعي .. لو كانت عروس كان جهزت.
بيان وهي بتفك رباط الجزمه ب زهج : ي عزوز ياخ الرباط د معايز يتربط لي.
عزوز وهو بقعد جنبها ف الارض : انتي اصلا من متين بتعرفي تربطي رباط الجزمه؟
_بعرف بس ربطه الفيونكه د م بعرف ليها .. امي كانت بتعملها لي وانت جيت يعني م لقيت وقت واتعلمتها.
عزوز بعد ربطو قال : م تتعودي كد حاولي اتعلمي تربطيو.
بيان وقفت وهي بتعاين ل الربطه ب رضى وقالت : شوكراً .. انت معاي اتعلم اربطو لي؟
_انا م دايم ليك.
بيان مسكت من يدو وهي بتطلع قالت : ربنا يخليك لي.. يلا عشان م نتأخر.
_يلا طيب.

في المدرسه ...
عزوز وصل بيان ومشى الشغل وهي دخلت مكتب الوكيل سلمت وسألت من فصل علمي هندسيه💕..
الوكيل : الطابق التاني على يدك اليمين.
_تسلم.
طلعت من المكتب ركبت السلم وهي طالعه لقاها ولد وقفتو.
بيان : لو سمحته بسأل من عبد الرحمن محمد لو معاكم ف الفصل؟
الولد مرر يدو ف راسو وقال : والله.. عبد الرحمن د جا قبيل الصباح لكن تاني م لاقيتو.
_كيف؟ .. م دخل معاكم الحصه؟
ف ولد جا وقف ورا الولد وقال : ف شنو ي خالد واقف هنا؟
خالد التفت عليو : بتسأل من عبدو .. شفتو؟
الولد بصوت هامس : عبد الرحمن دكه المدرسه مع علي...
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏

*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍