للامام المهدي
—————-
والينه والينه والينه
عجل في ظهورك
عجل في ظهورك
والينه والينه والينه
@@@@
يـــالمولدك تنتظره افـــــاق السمــــــاء
يــــــابُشرة الخـــالق ووعد الانبيـــــاء
يــــارشفه في حلگ الامل سر البقاء
يا دمعة الراجي على اچفوف الدعاء

نادينه نادينه نادينه
والينه والينه والينه
@@@@@
يبن الحسن هاك استمع منه السؤال
وين الوعد هــذا البعد مولانــه طـــال
يــاسيدي چـــــم صايح ايگلك تعــال
شيعــه وتـــأذينه ولا ظل احتمــــــال

ضحينه ضحينه ضحينه
والينه والينه والينه
@@@
بــالناصفه ع العاده نعلگها الشمــوع
وانعلّگ الزينـــه ونـــــزحف لك جموع
والفرحه مخنوگه على مجرى الدموع
يـــاربي ندعي بالفرج يمتى الطلوع

مهدينه مهدينه مهدينه
والينه والينه والينه
@@@@@
يا يوسف الزهرا ويا سَيْد الزمان
انته املنه سيدي وانته الامـــــان
اوغل علينـه النايبه وحقده الجبان
بالله انته وينك سيدي وابيا مكان

ملينه ملينه ملينه
والينه والينه والينه
@@@
كل الخلگ مشتــــــاگه يبن الطيبين
تنتظـــرك اوبيــك الامل لنــــك يقين
بيدك تجينه وتمسح ادموع الحزين
ونسمع شعـــارك يالثارات الحسين

واتجينه واتجينه واتجينه
والينه والينه والينه
@@@@
يبن الحسن صحنه البـــدار البـــدار
طال القتل شيعتكم ابكل الديـــــــار
ذبح اونحر طلق الرصاص وبنفجار
الله يعينك كــم الك بـــالدنيه ثـــــار

ها وينه ها وينه ها وينه
والينه والينه والينه
@@@@@@@@@
رغم القتـل رغم الذبح رغم القيود
شيعتكم او مانرضه للذله سجود
اليوم الوعد هذا عهد كلنه صمود
جندك الـك يـــالمنتظر لمــن تـعود

لبينه لبينه لبينه
والينه والينه والينه
---------------------
ثامر بوجباره الاحسائي

ياقائم ،، ياقائم ،، آل محمد 
ياقائم ،، ياقائم ،، آل محمد 
@@@@
ننتشي هالليله حگنه ، اوننثر ابفرحه الورود 
مولدك مولد سعاده  ، ومبتشر كل الوجود 
والحسان الليله كلها ، اتزينت باحمر خدود 
كلنا ننتظرك يغايب ، سيدي يمتى تعود

ياغائب ،، ياغائب ،، شوق مسهّد
ياقائم ،، ياقائم ،، آل محمد
@@@@@@@

هذي سامره سعيده ،  نشرت اعلام الفرح
والامام العسكري  ، ابمولوده دلاله انشرح
ياهناها الليله نرجس ،  والفكر منها سرح
الله ياحسنه اوجماله  ، يشفي كل گلب انجرح

سامره ،، سامره ،، بالمهدي تسعد 
ياقائم ،، ياقائم ،، آل محمد
@@@
صاحب الطلعه الرشيده ،  للبشر كلها أمل 
سيدي الموعود اشرق ، نوره بن خير العمل
بانت الغرّه الحميده ،  التسجد اعليها القُبل 
اخمسطعش شعبان فرحه ، مايصح بيها الزعل  

انواره ،، انواره ،، عشقٌ مؤبد 
 ياقائم ،، ياقائم ،، آل محمد

@@@
ابمولده الشيعه فرحها، لا ابد ماينوصف
يعجز التعبير عدها ، ومنها يحتار الحرف
شيعي وابوجهه السعاده ،  من فَرحْتَه ينعرف 
ناصفه ابكل عام عاده ، ابشهر شعبان النصف

فرحانه ،، فرحانه ،، سعدٌ تجدد  
ياقائم ،، ياقائم ،، آل محمد  
@@@@@
ياشمس تحجبها غيبه ، كل أملنا ماتطول 
كلنا في ظل انتظارك ، نرتجي امن الله القبول 
سيدي اتشمت علينه ، ابغيبتك حاقد عذول 
نندعي ( ابكن لوليك ) ، هالهضم يمتى يزول 

ياربي ،، ياربي ،، نصرٌ مؤيد
ياقائم ،، ياقائم ،، آل محمد 

----------------------
ثامر بوجباره الاحسائي   
   


‏ من جهاز الـ iPhone الخاص بي

ابمولد الحجه هله
 غايب اونتأمله 
كل أمل عدنه ابدولته ، انعيش بيها آمنين  
@@@

منتصف شعبان عدنه ،عاده  وانزور الحسين 
نقرا چلمات الزياره ، فرحه لاچن بالونين
من دمه تبچي مهجنه ، مو دمع تجري به عين
نوگف اصفوف اوحياره ، نسأله غايبنه وين 

سيدي طال الصبر 
 والعمر من غيره مر
نندعي (ابأمن يجيبُ ) ، وابدعا ذاك الحزين
@@@@

ابمولد الحجه نزورك ، سيدي اوعدنه امل 
ياحسين انته الوسيله ، وانته بن خير العمل  
هالزمن اذانه والله ، كل الم بالشيعه حل 
ابراسك المگطوع بالله ، حَلّفه اوگله العجل 
 
مايخيب اللي ارتجاك 
ساچب الدمعه اجاك

تسعر ابگلبه جمرته ، الماطفت والها سنين
@@@
يمتى يالغايب تجينه ، انعيش كلنا ابْدٓوْلتَك
نهنا بالطلعه الرشيده ، اشتگنا الها اعمامتك
اتصلي فرض الجمعه بينه ، خلفك اوبأمامتك
كافي يامهدينه غيبه ، يمتى تخلص غيبتك 

شللي باگي بالعمر
يمتى مصباحك يطر

طوّل اغيابك علينه ، لا تظن امأيسين 

---------------------
ثامر بوجباره الاحسائي  



‏ من جهاز الـ iPhone الخاص بي

#لمولد مولانا القائم الحجة ابن الحسن عجل الله فرجه
———————————-

يا مهدي يامعشوگي
يا نبضي ابوسط اعروگي
تدريني واشگد شوگي
يا بن الزهرا
@@
يا معشوگي وحبيتك
إيماني من تربيتك
يالگلبي صاير بيتك
فوته اعيوني لك سفره
يابن الزهرا
@@
وحي الله صدرك شايل
يامعدل كل المايل
يامخضّر كل الذبل
خطوات اجدامك خضره
يابن الزهرا
@@@@
يالمولود ابنص شعبان
محفل لك وابكل امچان
والمايفرح لك خسران
وابغيضه ايموت ابحسره
يابن الزهرا
@@@
ابحفلك نشعر لمه انفوت
حتى الماي احله امن التوت
والچكليته امن الياقوت
وانوار المحفل گمره
يابن الزهرا
@@@@
مولايه من نقرا اشعار
والجلوات وايه الآثار
كل شي ذايب يمك صار
لو يسكر شوگ اتعذره
يابن الزهره
@@@

للمحفل جينه ابلا عد
شوكه انخلي ابعين الضد
نفرح بالمولد نسعد
انخلي ابگلب الشك جمره
يابن الزهرا
@@@@@
يالموعود ولمّه اتعود
نفرش لك كل گاع اورود
وانبخر هالدنيه ابعود
كل عاشگ ينثر عطره
يابن الزهرا

—————————-
ثامر بوجبارة الأحسائي


‏ من الـ iPhone الخاص بي

#لمولد مولانا القائم عجل الله فرجه
_____________________________

ابمنتصف شعبان هل المنتظر
عجل الله فرجه
@@@
اخمسطعش شعبان هل الحجه
عجل الله فرجه
بالفرح شمع السعاده انوجه
عجل الله فرجه
ربي ارزقنه زياره وحجه
عجل الله فرجه
يحله هالليله ابمحافلنه السهر
عجل الله فرجه
ابمنتصف شعبان هل المنتظر
عجل الفرجه
@@@
كل مهجنه الليله يم سامره
عجل الله فرجه
ابليلة الميلاد تشتم عطره
عجل الله فرجه
بلچي منّ اعيونه تكسب نظره
عجل الله فرجه
لو عن احواله يوصّلنه خبر
عجل الله فرجه
ابمنتصف شعبان هل المنتظر
عجل الفرجه
@@@
يم ضريح العسكري ابليلة سعِد
عجل الله فرجه
نحضر ابمشموم وابباقة ورد
عجل الله فرجه
ماعلينه من حقد أهل الحقد
عجل الله فرجه
شيعة المهدي ونعلنها فخر
عجل الله فرجه
ابمنتصف شعبان هل المنتظر
عجل الفرجه
@@@
ولو يصح يم جمكران الليله
عجل الله فرجه
ركعتين ازيارته انصلي له
عجل الله فرجه
ومسجد السهله نحن انجي له
عجل الله فرجه
بلچي يمنه سيدي مر وعبر
عجل الله فرجه
ابمنتصف شعبان هل المنتظر
عجل الفرجه
@@@
يملي كل هالدنيه عدله وقسطه
عجل الله فرجه
وبين هاي الناس كلها ايبسطه
عجل الله فرجه
بس يصح قانون نهجه وخطه
عجل الله فرجه

كلمن النهجه يضد خاب وخسر
عجل الله فرجه
ابمنتصف شعبان هل المنتظر
عجل الفرجه
@@@@

يا الهي إحفظ النه القائم
عجل الله فرجه
رده منّ اغيابه يارب سالم
عجل الله فرجه
وبيه قرّ اعيون امه فاطم
عجل الله فرجه
يمته يرجع طوّل اعلينه السفر
عجل الله فرجه
ابمنتصف شعبان هل المنتظر
عجل الفرجه

———————————-
ثامر بوجبارة الأحسائي






‏ من الـ iPhone الخاص بي

#لمولد الحجة ابن الحسن عجل الله فرجه-اضافة

——————————-

هلا بالغالي هلا
غايب ونتأمله
نندعي الرب العلا
عجل الله فرجه
@@@@
بالفرح عيني تصب
ذايبه ابمعشوگي حُب
حگي بالفرحه انطرُب
هذا عگلي امخبله
نندعي الرب العلا
عجل الله فرجه
@@@
مولده مولد فرج
آخر الساده الحجج
كلنه نفديه المهج
ع العهد منبدله
ننديعي الرب العلا
عجل الله فرجه
@@@
مولده ابخامس عشر
شهر شعبان الأغر
ابمولده الكون ابتشر
حسنه سوره امنزله
نندعي الرب العلا
عجل الله فرجه
@@@@
كلها سامره عطر
بيها من حسنه سحر
ورد جوري منتثر
والسماء اتقبله
نندعي الرب العلا
عجل الله فرجه
@@@@
يمه ذوبني العشگ
باسمه دلالي يدگ
لحظه لا مانفترگ
الگلب صاير منزله
نندعي الرب العلا
عجل الله فرجه
@@@@
هاي نرجس بالفرح
العسكري گلبه انشرح
واليهنيهم ربح
هالكرامه امسجله
نندعي الرب العلا
عجل الله فرجه
@@@@
يأذن ابإذنه العرش
طيب ع الدنيه يرش
من ورد خلّه فرش
ابوسط مهده امدللـه
نندعي الرب العلا
عجل الله فرجه
@@@@
هذا يوسف فاطمه
طاهر وما أعظمه
لليضده الحاطمه
الفرج ربي عجله
نندعي الرب العلا
عجل الله فرجه
@@@
يا إلهي هالدعه
من گلبنه تسمعه
كل شملنه تجمعه
اوياه نوصل كربله
نندعي الرب العلا
عجل الله فرجه

——————————
ثامر بوجبارة الأحسائي


‏

دليل التائهين 
أمل للعالمين 
الك منّه السلام 
يوعد المرسلين 
@@@@@ 
ايا مهدي الك عيني تصب مدمعها باهاتي 
تون مخنوگه في صدري وضاجت بيها ريّاتي 
كفايه سيدي اغيابك متى تشفيها علاتي 
تعبت الليالي اوياي وانه انطر صباحاتي 
 
نعيش الاضطرار 
وطول الانتظار
وبس عدنا الدعاء 
ودمعات الحنين
@@@@&
نحبكم يابني هاشم  ونتولّه بني طه
آمنه ابرسول الله وصيته ابحب تبعناها
سفينه للنجاة احسين عدنه وانته مرساها
د خذنه سيدي الشاطي دَوْلْتَك كلنه نحياها 

يقين ابلا حدود 
يغايب من تعود 
وينزاح الظلام
يمهدينه يقين    
 
@@@@@@@
دعاء الندبه كل جمعه على اشفافه المحب ردد
ويتجارى دمع عينه يتاني لحظة الموعد 
على درب الامل واگف وشوگه جاوز الكل حد 
يگلك سيدي عجل ترا جور الزمان اشتد 

تتانيك الجموع 
الك هلت دموع 
وتعّبها الزمان 
تسألك انته وين 
@@@@
الك ثارات تنده لك تريدك سيدي اتجاوب 
ضلع والهامه والمنحر چبد من علته ذايب  
ولك شيعه تنادي ارجع دخيلك بالله يالغايب   
وكل الدنيا محتاجه الك يامنية الطالب 

يمهدينه البدار 
الك بس القرار 
شعارك من تعود 
يا ثار الحسين 

-----------------------
ثامر بوجباره الاحسائي  


‏ من جهاز الـ iPhone الخاص بي

#لمولد الإمام الحسن المجتبى عليه السلام
——————————

الكون اتعطر ،، مسك وعنبر
مبتهجه الأكوان
خسران الليله المايحضر
عدنه گرگيعان
@@@@
هالليله عم الفرح ،، والكل دلاله انشرح ،، مسموح الليله المرح ،، وانطش مشموم وخنّه

مولد مولانه الحسن ،، چن نزلت جنة عدن ،، لليفرح وابلا ثمن ،، ياخذ كل ما يتمنه

( *كلمن يفتح داره وبيته ،، ويوزع حلوه وچكليته ،، هالليلة الزهرا داعيته* )
::
انعلگ زينه ،، وانگر عينه
من جانا فرحان
خسران الليله المايحضر
عدنه گرگيعان
@@@@
موعدها الخامس عشر ،، والهادي بيها ابتشر ،، سبطه الاول گلبه سر ،، باقدومه گرّت عينه

يالزهرا جيبي الولد ،، أذّن باذانه و حمد ،، عقد الامامه عقد ،، خط النيّه بيمينه

( *باحظانه الهادي لم حيدر،،عدهم يجري نهر الكوثر،،فرحه ما نگدر نتصور* )
::
هنّه الزهرا ،، ابطيبه وعطره
في احله رِمْضَان
خسران الليله المايحضر
عدنه گرگيعان
@@@@

ضوّينه الدور ابضوه ،، بالخنّه صار الهوه ،، ،، والشيعة التمت سوه ،، عالعاده باجمل عاده

كل الاطفال انتشت ،، ابصوت البلبل غرّدت ،، عين اليحسدهم عمت ،، اتهني الحسن باعياده

( *كلها تحيي گرگيعانه ،، والشيعه ابتشرت فرحانه ،، ما ننساه وما ينسانه* )
::
عهد اتجدد ،، يابو امحمد
وقّعنه ابإيمان
خسران الليله المايحضر
عدنه گرگيعان

—————————————-
ثامر بوجبارة الأحسائي



‏

لمولد الحسن المجتبى
——————-

والينه ،، والينه ،، والينه
شع اعلينه نوره
@@@

واضح القانون للكل انعرف
كلشي ناقص لو وصل للمنتصف
الا بدر المتجتبى تم انوصف
كامل ابحسنه وبياضه ابكل طرف

حبينه ،،حبينه ،، حبينه
والينه ،، والينه ،، والينه
@@@
اخمسطعش رمضان لاحت وجنته
ياجماله ويا حسنها طلته
ربي بيه ع الكون جاد ابنعمته
يا سلام الله اعله امه الجابته

مر بينه ،، مر بينه ،، مر بينه
والينه ،، والينه ،، والينه
@@@
ابيا علي للدنيه من هل ونزل
يعني يمنة حيدره الروحه عدَل
الليله ما مسموح ياناس الزعل
خل نهني والده خير العمل

گر عينه ،، گر عينه ،، گر عينه
والينه ،، والينه ،، والينه
@@@
ابحظن ابو الحسنين نزلت له السمه
ونزلت الأملاك يمّه هايمه
أنبياء الله جات امسلمه
كلها دگت باب طه وفاطمه

هنينه ،، هنينه ،، هنينه
والينه ،، والينه ،، والينه
@@@@

*ساكن ابدلال واعيون اللي حب*
*يعني ما محتاج لا گبه وذهب*
*موقف العاداك كلش موعجب*
*ذوله احفاد الردي الصف الحطب*

حنينه ،، حنينه ،، حنينه
والينه ،، والينه ،، والينه

———————————
ثامر بوجبارة

-لمولد الإمام الحسن المجتبى عليه السلام

—————————

بالله ياطير الحرم
مر على باب الكرم
للحسن بلغ سلامي
گلبي يمّه عرّجه

@@@
بلغ المولى سلامي
المجتبى سِيدي وإمامي
واحمل احساسي اعله جنحك
وصّل اشواقي وهيامي

سلم اعله المجتبه
ابريشة الحب اكتبه
وانحني عني اعله گبره
واخذ من عمري رجه

@@@@@

خذ نظر عيني الترابه
وارسم ابوسطتها بابه
وحضرته وبيها مناره
لو حلم لو مر سحابه


المهدي واگف ع الگبر
يكتب اعليه ابصبر
هاهنا قبر الحسن
عجل الله فرجه

@@@@@
مولده مولد كرامه
بهجه بعيون الإمامه
سلسلة نور وقداسه
هُم نجاتي بالقيامه

مولده من ينعقد
تحضره الناس الورد
سيدي والجود بيده
والحضر له يبهجه

@@@@
هاشمي ابحسنه وجماله
كلها من طه خصاله
اخمسطعش رمضان فرحه
نور من رب الجلاله

زفته جنة عدن
يا هلا بك يالحسن
نازل امن الجنه آيه
منهج الله منهجه

@@@@
منولد جوده اعله چفّه
امعاهده لا ما يچفّه
ختم من ربه يقيني
ثورة احسين اعله چتفه


نحيي ميلاده فرض
نور الله اعله الارض
سلم الباري وصلى
اعله ( الهداةِ ) حججه
—————————
ثامر بوجبارة الأحسائي









‏

هنينه هنينه،، ع الهادي صلينا 
ضوينه شمعات ،، نرفع صلاوات
واتزينت جنة عدن
في مولد المولى الحسن 
@@@@@@@@
هذا حليف المكرمه ،، صافي السلاله 
اول وليد الفاطمه ،، زاهي جماله
يامحله ثغره ومبسمه ،، ومحله خصاله
خادم اله وابلا ثمن
في مولد المولى الحسن  
////////
هنيالك مولانا علي ،، هاي الكرامه
وصار الامر واضح جلي ،، نهج الامامه
افديه انا ابروحي وهلي ،، عالي مقامه
حبيته وابروحي سكن
في مولد المولى الحسن  
////////////////
للمصطفى اول سبط ،، مولد سعاده
دمه اويا دمه مختلط ،، مالك وداده
وامحبته فرض و شرط ،، مطلب عباده   
محيي الديانه والسنن
في مولد المولى الحسن 
/////////
هذا بومحمد والنعم ،، مالك احساسي
شهم من اوصافه الكرم ،، ساكن انفاسي 
هنيالي في صف الخدم ،، مرتفع راسي
كل المفاخر لي صفن
في مولد المولى الحسن  
////
روحي على جنح العشگ ،، طافت بقيعه
عقدت عهد مانفترگ ،، لا ما تبيعه
لا للغرب لا للشرگ ،، بس نبقى شيعه

بالدنيه نعلنها علن 
في مولد المولى الحسن 

---------------------
ثامر بوجباره الاحسائي

◾ *آه يازينب* ◾

جديد ~ *بمناسبة شهادة الحوراء زينب عليها السلام*
٢٠١٩م - ١٤٤٠هـ

🎤أداء الرادود المبدع | *سيد جعفر المكي* |

🖋كلمات شاعر أهل البيت (ع) | *ثامر بوجبارة الأحسائي* |

🏴 *موكب الإمام الحسن عليه السلام بالهفوف*
حسينية الخواجه

https://youtu.be/bBVDUew9F3U

الليلة الخامسة عشر من شهر شوال

◾ *ذكرى استشهاد عم النبي ص الحمزة عليه السلام* ◾

💽 قصيدة *باب الكعبة*

🎤الرادود الحسيني
| *ملا فتحي الباذر* |

🖋شاعر أهل البيت
| *ثامر بوجبارة الأحسائي* |

🏴 *الحسينية العباسية الكبيرة بالهفوف* 🏴
الأحساء ~ الهفوف
٢٠١٩م - ١٤٤٠هـ

https://youtu.be/EYPs4Ko6iS4

الليلة العاشرة من شهر رمضان المبارك

◾ *ذكرى استشهاد السيدة خديجة عليها السلام* ◾

💽 قصيدة *راحت امي*

🎤الرادود الحسيني
| *ملا محمد بوجبارة* |

🖋شاعر أهل البيت
| *ثامر بوجبارة الأحسائي* |

🏴 *الحسينية العباسية الكبيرة بالهفوف* 🏴
الأحساء ~ الهفوف
٢٠١٩م - ١٤٤٠هـ


https://youtu.be/y4Hm9TiZYKg

{{ *تبقـى صورهـم* }}

📝 كلمات الشاعر/
*ثامر بوجبارة الأحسائي* .
🎙 أداء وألحان الرادود/
*هانـي الشمـلان* .
📀 الهندسة الصوتية والتوزيع/
*هاشم بن رستم* .
🎥 🎞 التصوير والإضاءة والمونتاج والتنفيذ/
*أحمد البوحسن* .
🌟 ساهم في هذا العمل/
*دار الحسين وخيمة زينب* .

*ـ لمشاهدة التصوير والمونتاج عبر اليوتيوب ..*
https://youtu.be/_yBKzrw0zV0

*ـ للتحميل أو التنزيل MB3*
https://drive.google.com/file/d/1-FMuzjm6bHaaAe87n7PdyCfnVbtfnmNc/view?usp=drivesdk

*ـ ويهدى ثواب هذا العمل لروح والدي عبدالكريم بن علي الشملان ..*
*لروحه الفاتحة تسبقها الصلاة على محمد وآل محمد ..*
*ـ كل الشكر والتقدير للأخوة طاقم العمل والمساهمين ..*
*ونسأل من الله القبــول 🤲🏻*

#لمولد الإمام الرضا عليه السلام
——————————
ابثامن اليمه هله
هالحفل باسمه حله
كل أملنه نوصله
مشهد المولى الرضا
@@@
جينه باحساس الفرح
كل گلب باسمه انشرح
منشد ابذكره صدح
*والبِشر عم محفله*
مشهد المولى الرضا
@@@
ألف هنياله الوصل
وناظره ابشوفه اكتحل
عنده احله امن العسل
*اليرتشف من منهله*
مشهد المولى الرضا
@@@
اليوصله ايشوف العجب
گبه تفخر ع الگُبَبَ
امذهبه الابن الذهب
*شمس يمه نازله*
مشهد المولى الرضا
@@@
كل مناراته وهج
ثامن الساده الحج
يمتى ياربي الفرج
*انزوره والهم انجله*
مشهد المولى الرضا
@@@
بقعه من جنة عدن
للعشق مشهد وطن
حگي لو بيها اجن
*بالرضا اجنوني حله*
مشهد المولى الرضا
@@
هوّه ينبوع الكرم
ابعطفه وابأحسانه لم
الحَبَه من عُرب وعجم
*كلها عنده امدللـه*
مشهد المولى الرضا
@@@
ابشوگي گلبي ممتلي
الضامن الجنه علي
اغله من گومي وهلي
*هاذي كل المسأله*
مشهد المولى الرضا
@@
هاذي روحي ابلا ثمن
الگعده في ذاك الصحن
واوصلك يابا الحسن
*والله ذابحني الوله*
مشهد المولى الرضا

————————
ثامر بوجبارة الأحسائي
١٤-٠٧-٢٠١٩م

#لمولد_الامام الرضا_عليه السلام 
-----------------------------
لبّاك گلبي اللهفان ،، مولايه يالرضا
طار وهوه بخريسان ،، مولايه يالرضا 
شَد الگلب شَد 
رحله لمشهد 
مولايه يالرضا
@@@@@

جنة عدن مشهد صفت ،، بين البلادين
كل الشرف لنها حوت ،، فخر السلاطين
من نعتني له سيدي ،، ابشوگ المحبين 
نشتم عطر مرقد علي ،، فاح ابرياحين

يالي سكنت الوجدان ،، مولايه يالرضا 
لباك قلبي اللهفان ،، مولايه يالرضا
@@@@
في مولدك يابا الحسن ،، هالدنيه فرحه 
گلبي اللي بيه آه اوجرح ،، يتداوه جرحه 
شلون اوصفك وصفك ابد ،، ما اوفي شرحه 
كلي خجل لو اوصفك ،، يالعالي صرحه 

حتى الشعر هم خجلان ،، مولايه يالرضا 
لباك قلبي اللهفان ،، مولايه يالرضا
@@@@
يالچفه جود اومرحمه ،، كلك جلاله
من نرتشف من منبعه ،، صافي زلاله 
عطفك شمل ياسيدي ،، حتى الغزاله 
يادرة من آل النبي ،، محله جماله 

يالحبه وسط الشريان ،، مولايه يالرضا
لباك قلبي اللهفان ،، مولايه يالرضا
@@@@@@
من يوصل الحضره اليحب ،، طب الحبيبه 
يسجد على ذيچ العتب ،، يشتمه طيبه 
يقسم عليه ابفاطمه ،، امه النجيبه
خايب ابد لا مايرد ،، چفه الرحيبه 

جيتك امامي ولهان ،، مولايه يالرضا 
لباك قلبي اللهفان ،، مولايه يالرضا

@@@
گاصد الك منّ البعد ،، مولايه تدري 
حاجاتي جايب يالرضا ،، بيديه نذري
لوقصرت يابا الحسن ،، قدمته عذري 
ادري امامي تجبره ،، مولايه كسري
 
انته ملاذ الحيران ،، مولايه يالرضا 
لباك قلبي اللهفان ،، مولايه يالرضا
-----------------------------
ثامر بوجبارة الاحسائي

#لمولد الإمام الرضا عليه السلام
—————————————

ناديتك شوگ ابحلمي ،، بلچت يوصلك علمي ،، واتسجل بيدك اسمي ،، زاير
لو صح بيدي أتعنه ،، لحظه ابگربك اتمنه ،، يمك اشتم الجنه ،، زاير
@@@

مرسومه كل لحظه ابعيني جنة مشهد
والهسه ماناسي هيبة ذاك المرقد
يتمثل گدامي عرشك غايه ومقصد
حبيتك من يوم اعرفتك ربي اليشهد


مشهد جوريّه الليله ،، ابميلادك لبست شيله ،، للكون امست قنديله ،، تزهي
شمس الله نزلت يمك ،، مقصدها اتريد اتشمك ،، صارت لك گبه اتضمك ،، تزهي
@@@@

اوياك امقصر بس اعذرني لو ماجيتك
فت اضلوعي وفوت ابصدري يالحبيتك
مو صوره وراسمها الشاعر گلبي بيتك
ناجيت الباري ابتسبيحي من ناجيتك

يالروحك روح الرحمه ،، بعيوني امشكل رسمه ،، مصباح اليجلي العتمه ،، عرشك
تسبي عقلي انواره ،، أتمنه اصبح جاره،، خادم واخدم زواره ،، عرشك

@@@@

ريتك تقبلني وتحسبني يمك خادم
لو ماتقبلني امن اذنوبي يبن الكاظم
بشر الحافي مثله احسبني وجيتك نادم
سلمتك دفتر اعمالي وانته الحاكم

يالرحمه منّ اسلوبك ،، وجهي وجهته صوبك ،، گلي مغفوره اذنوبك ،، جيتك

يالبابك لا ماينسد ،، ،، من يقصد لك ماينرد ،، مديت الإحسانك يد ،، جيتك

@@@
ابليلة ميلادك يالغالي ابررحي اتصور
سبعة اشواط اسعي وادعي دعوة مضطر
واگعد هالليله واحييها ابصحن الكوثر
واتطوّف مابين اصحونك واشتم عنبر

الدنيه شالت محّاره ،، والعشّاگ البحّاره ،، دانه گبرك بانواره ،، صاير
مشهد هالليلة اتلالي ،، فرحه ابميلاد الوالي ،، يالضامن انت الغالي ،، صاير

——————————
ثامر بوجبارة الأحسائي

#ميمر للامام الرضا عليه السلام
————————

اسمك يبن موسى المهج ماي الها
والروحي عدّل يالرضا مايلها
عن ذكرك الساني ابد مايلهى
وا بعيني جنة مشهدك مولايه ما تتكتر

عن مهجتي ارد اخبرك والجاها
نار البعد ياسيدي وجّاها
عيني الضريحك شابحه والجاها
رغم البعد رغم القهر روحي تشتم العنبر

تعبت حروفي اشما كتب ميمرها
صار ابحلگ من فارگك مي مرها
من غير شوفك هالسعد ميمرها
گلبي على بعدك ترا ياسيدي مايگدر

حبل الصبر لا تعتجب من ينحل
لا ما ألومن هل گلب من ينحل
عندي سؤال وأشكرك من ينحل
يمته امامي اقصدك يم حضرتك يامشّكر

مولايه جنة مشهدك مَوعدنه
صبر البعد يا با الحسن مُو عدنه
مو عِدنه يمك سيدي مو عِدنه
گلب المحب من البعد طول وعرض يتفطر


امسح فؤادي سيدي من ينحب
شيهوّده لو فارگك من ين حُب
صعبه اذا طوّل بعد من ينحب
اي والله حبك بالدمه يا أقرب امن المنحر


———————————-
ثامر بوجبارة الاحسائي

قصائد شهر المحرم

#على لسان حال السيدة رقية في ليلة الحادي عشر - جديد
_________________

بويه يحسين ،، خذني جرح نازف من اجروحك
بويه يحسين ،، خل روحي اتعانق قُدس روحك
خذني ضمه ابروح
بويه يا مذبوح
بويه يحسين
@@@
بويه نزلت دمعتي آني رقيّه
گوم بويه امسحها لا تجرحني هيّه
خوفي لا تتشمت العدوان بيّه
خوفي سوط الشمر يتلوهّ عليّه

دمعي يجري ،، بس لحظه مر ابچفك ابخدي
دمعي يجري ،، *غيرك أبو يحسين ماعندي*
تعّباني النوح
بويه يا مذبوح
بويه يحسين
@@
گوم اليّه الخاطر الله أرد اشوفك
خوفي بويه ما ألاگيك امن اعوفك
والله مشتاگه الحنانك والچفوفك
بويه اعذرك ياللي فجعتني ظروفك

بويه بويه ،، ابجمر المخيم جدمي محروگه
بويه بويه ،، امصابك شلع گلبي من اعروگه
اشبيّه ما مجروح ؟!!
بويه يا مذبوح
بويه يحسين
@@
بويه ما ريدن اعذبك بالتشرحه
خوفي ازيد اجروح كلبك فوگ جرحه
اشسوه عبدالله يبويه حين ذَبْحَه
شالحچالك ناظره يوم اليشبحه

اشحال اخويّه ،، حين اللي صابه حرمله ابسهمه
اشحال اخويّه ،، ترفه رگبته وتسفح ابدمّه

ظامي گلبه ايفوح
بويه يا مذبوح
بويه يحسين
@@
بويّه صرت الوحّدك من راح عباس
منكسر ظهرك تشوفك هاي لرجاس
ظامي وابسيف الشمر غابت الانفاس
وصدرك ابخيل العده ياوسفه ينداس

منين اجيبك ،، باچر ترا العدوان يسبوني
منين اجيبك ،، لو بالسياط اتلوّت امتوني

والدمع مسفوح
بويه يا مذبوح
بويه يحسين
@@@
راح اروحن للسبي ومنّ العده انظام
بوداعة الله الملتقى يابويه بالشام
بالخرابه من عيوني تغفى وتنام
روحي تتلاگه اويه روحك مو بالحلام

منّ أودعك ،، أمشي اويه زينب عمتي مسبيّه
منّ أودعك ،، بالحسره أمشي وگيد بيديّه

أبچي ما مسموح
بويه يا مذبوح
بويه يحسين

——————————
ثامر بوجبارة الأحسائي
٢٤-٠٧-٢٠١٩م
٢١-١١-١٤٤٠هـ