#لمولد النبي الأكرم صلى الله عليه وآله
-----------------
حبيبي يامحمد ،، رسول الله المؤيد 
رسول الله المؤيد ،، حبيبي يامحمد
@@@
يالمؤته الوسيله 
موهوب الفضيله 
سِدنه النلتجي له 

والفوز المؤكد
حبيبي يامحمد
@@@@
حبيّته ابجنوني 
لا لا تعذلوني 
ضميته ابعيوني 

بين اضلوعي ورّد
حبيبي يامحمد 
@@@@
سر الله اوحبيبه 
بو النفس النجيبه 
هالساكن في طيبه 

ع العالم تسيّد 
حبيبي يامحمد
@@@
سِيدي اومابداله 
محمود ابخصاله 
ساحرني ابجماله 

في گلبي تخلّد
حبيبي يامحمد
@@@@
المظلل بالغمامه 
المشفّع بالقيامه
صلاة الله اوسلامه

ع الهادي المسدد
حبيبي يامحمد 

@@@
يابو الزهره جينه 
للمولد حيينه
بالفرحه اعتنينه

بالحب المجرّد
حبيبي يامحمد
@@@ 
لو مر بيه طيفك  
جيتك وآنه ضيفك 
روحي اوعله كيفك 

خذها وربي يشهد 
حبيبي يامحمد
@@@@
يالشمس المضيّه 
بالله حن عليّه 
شوگي مو بديّه 

بدموعي تجسد 
حبيبي يامحمد
----------------------
ثامر بوجبارة الاحسائي


‏

#لمولد النبي محمد صلى الله عليه وآله -
------------------

هادينه محمد
هادينه محمد
@@@@@@

ياصاحب السكينه
وساكن المدينه
ابگلبي نگشته اسمك
يابو الروح الحنينه

ما شفتك ابزماني
بس رسمك ابكياني
اتصورتك و هويتك
وابهاذا عالي شاني

وابذكرك تخلد
هادينه محمد
@@@@

أربع حروفه جوهر
بيها اصيح وأفخر
( محمد يا محمد )
بايعته ويّه حيدر


هذا انتمائي واضح
في روحي والجوارح
ما اغير انه ديني
وابهذا كله رابح

حاشه خايب انرد
هادينه محمد
@@@@

بو السادة النجابه
من ننتخي اعله بابه
نبينه كله رحمه
نرد بالاستجابه

كل نعمة الله هوّه
لن خاتم النبوه
لَمنه تحت جناحه
ابحنيّة الأبوّه

بالحب المجرد
هادينه محمد
@@@

يا قضي الحوائج
وللهمومِ فارج
على البرايا نعمه
من الله ذي المعارج

إجتّك الحبايب
يابو الزهرا ابمطالب
والجالك ويطلبك
لا ماترده خايب

بابك حاشه ينسد
هادينه محمد
@@@@

حبيبي كله هيبه
نِفح بالدنيه طيبه
سكن گلب اليحبه
مو بس سكن بطيبه


خَضار الگبه زاهر
ويا محله المناير
هنيئاً من يكتبه
ابسجله طه زاير

بالزهرا انتودد
هادينه محمد
@@@

هلا ابربيع لاول
بيه الهدى تنزل
ابسابع عشر تجلى
وياا هو منّه أجمل

من أشّر ابجلاله
شگ الگمر جماله
هيبة نبوه شايل
ياهو حمل خصاله

مولايه المؤيد
هادينه محمد
@@@


عقد منّ الكواكب
على عرش الله كاتب
خير البريه طه
وصاحب المواهب


الشمس خجّلها نوره
العرش راسم له صوره
والجنة (ت) العليّه
بس وحده من قصوره

وابمجده تفرد
هادينه محمد

--------------------
ثامر بوجبارة

#لمولد النبي الاكرم صلى الله عليه واله وسلم

———————-

صلاوات صلاوات ،، صلِ ياربِ على بو الزهرا
صلِ ياربِ على بو الزهرا
@@
الف صلى الله وسلم ع النبي خير البشر ،، لا اله الا الله
صلِ ع الشعّت انواره سيدي ابسابع عشر ،، لا اله الا الله
سجدت ابخده الشمس وابجبهته حل الگمر ،، لا اله الا الله
منولد كله عطايا يجري من چفه نهر ،، لا اله الا الله

على الكون على الكون ،، شعّت ابلانوار گُبْته الخضره
@@@@

الله يا محله جماله بالوصف كله عذب ،، لا اله الا الله
كلشي بالكون العيونه بلا إراده ينجذب ،، لا اله الا الله
لا تلومون اليحبه حگه لو ذاب اليحب ،، لا اله الا الله
وانه من عشقي المحمد منسلب عقلي سلب ،، لا اله الا الله
بالرواح بالرواح ،، ساكنه ابلرواح ذيچ الحضره

@@@@
الآمنه كلنه نهني ابمولد الهادي البشير ،، لا اله الا الله
ابمحفله نبعث تهاني وننثر اورود وعبير ،، لا اله الا الله
امنيه لو جِنح عدنه فوگ گُبْته لو نطير ،، لا اله الا الله
چه الحمام الليله يمّه للحرم شوگ الچبير ،، لا اله الا الله

بالعيون بالعيون ،، شابحه الطيبه ابشوگ النظره

@@@
مو عجب لملاك تفرح من بزغ نوره العظيم ،، لا اله الا الله
مو عجب عيسى يهني ابمولده موسى الكليم ،، لا اله الا الله
كل نبي ومرسل يتاني مقدم الگلب الرحيم ،، لا اله الا الله
من يلم جنحه الخلايگ رغم ما هوّه يتيم ،، لا اله الا الله

في گلبه في گلبه ،، هاللي ما يعشگ محمد حسره
@@@@
البيت هالليله تبارك مكه صارت صومعه ،، لا اله الا الله
تهبط الاملاك تشتم رحمة الله الواسعه ،، لا اله الا الله
ابليس عض ايد الندامه بالقهر هل مدمعه ،، لا اله الا الله
وكل صنم خر وتهاوه وذر ماشي يجمعه ،، لا اله الا الله

والدنيه والدنيه ،، ابمولد الهادي ابفرح مبتشره

—————————-
ثامر بوجبارة
١٥-٠٣-١٤٤١هـ
١٣-١١-٢٠١٩م

لمولد النبي صلى الله عليه وآله وسلم
--------

بك آمنت ورب البيت يشهد
ياحبيبي ياحبيبي يا محمد
@@@

شسولف بالله عن حسنك
وحسنك سيدي جذّاب

يمن نظره من اعيونك
يطه تأسر الالباب

جمالك كامل امكمل
باحروف الوصف خلّاب

يمن صلى عليك الله
يابو السادة الاطياب

ولك الطير على الأغصان غرّد
ياحبيبي يا حبيبي يامحمد
@@@@
يمن مكه تغنت بيه
بس شمّت شذا عطره

نورك كسّر الاصنام
وايوانه انهدم كسره


يا انشودة الشادي
وللشاعر نبض شعره

بس من ينذكر اسمك
نولي بالصلاه شطره

ولك الآيات في القرآن تشهد
ياحبيبي يا حبيبي يامحمد
@@@@
اسباب الخلگ انته
وانته علّة الايجاد

لولا نورك الباري
لا ما تعبده العُباد

( كُن ) لجلك خلقها الله
وعطفه ع الخلايگ ساد

ويصيلي عليك الكون
ربك يامحمد راد

وإذا بالكون في الازمان ردد
ياحبيبي يا حبيبي يامحمد
@@@@
سبحان الذي سواك
يا أفضل بشر يانور

اسمك تعرفه الاديان
في كل الكتب مذكور

بالالواح وبالانجيل
توراة وصحف وزبور

كل الينكرك چذاب
ابكل شي يحچي مامعذور

وبك الاسلام يا طه تسيّد
ياحبيبي يا حبيبي يامحمد
@@@@

واحنه شيعة الكرار
نرفع بالصلاة اصوات

( اللهم صلِ على ) 
محمد واله السادات

من غير آلك الاطهار
لا ماتنقبل صلوات


ماهمنه حچي العذال
من والوا هبل واللات

صل يا ربي على الهادي الممجد
ياحبيبي يا حبيبي يامحمد
@@@@

شوگي الگُبْتَك الخضره
والطيبة حبيبي اكبير

اتمنى يبو ابراهيم
اوصلك وألگه الخير

باجناح العشگ مولاي
اقصد حضرتك كالطير

كلمن يوفد المثواك
يرفع صوته بالتكبير

ولك الأفراح يا مولاي تعقد
ياحبيبي يا حبيبي يامحمد

----------------------
ثامر بوجبارة الاحسائي

#لمولد النبي الاكرم صلى الله عليه واله وحفيده الامام الصادق عليه السلام - جديد
——————————-
صبح الهدى اتنفس ، بالمولد الأقدس
بانوار ابو الزهره

@@@@
نور القدس مُحياه
ارض وسمه اتصيح ( الله )
( عزَّ ) ( وجلَّ ) السوّاه
حيّاه ربّه حيّاه

نور النبي ضوّه ، نعمه ورزق هوّه
فاح ابشذا عطره
@@@

انفاسه رَوح وريحان
صوته ملك مو انسان
اچفوفه ( ذواتا أفنان )
نظراته لولو ومرجان

لو تيّهت أني ، يم حضرته الگاني
ويم گبته الخضره
@@@
سبحانه بارئ النور
لما تجلى بالطور
من شافه موسى مبهور
وبالجنه أبهر الحور

امن اسمه فلا احله ، ولنّي ابن نخله
ذگته ابحله التمره
@@@
كل اليشوفه يحتار
كل ذرّه من جسمه انوار
حُسنه ابد فلا صار
نور الله كلّه أسرار

منّ الله سبحانه ، وابفضله واحسانه
حبيته عالفطره

@@@

عين الله كون اتحرسه
يحچي الكساء ابقدسه
والزهرا وحيدر نفسه
واسباطه ابروحه وحسّه

ابهذا الخبر انبأ ، هذا الوجود أنشأ
بيهم جرى أمره
@@@

تزهي ابقدومه مكه
ياهو اليشبهه وازكه
إيوان كسره دكّه
وابليس وجهه صكّه

ام القرى ابنوره ، فرحانه مسروره
الرب العلا اتشكره

@@@
من صاحب السكينه
مَلَك اسمه المدينّه
ابنوره سطع جبينه
محبوبي تسحر عينه

من گلبي اكتب له ، اسمه الي قبله
وجهي اتجه شطره
@@@

رسول الله وحبيبه
أنواره كلها هيبه
ابو النفس النجيبه
محبوبي ساكن طيبه

ياليتني جاره ، اتباها بانواره
ويحلا الي ذكره

@@@

جاره إمامي جعفر
حسنه وجماله يسحر
كون الله بيه اتنوّر
للدين ساس وجوهر

جعفر الي مذهب ، منّه فلا اعذب
في مولده البشره

@@@

اهلاً يجد الساده
وابعترته واحفاده
سادات كلها وقاده
والصادق امن اولاده

هادي بعد هادي ، صوت الفرح بادي
بالساده والعتره
————————-
ثامر بوجبارة
١٥-٠٣-١٤٤٧هـ
٠٨-٠٩-٢٠٢٥م

#لشهادة السيدة الزهراء عليها السلام - جديد ١٤٤٧هـ
————————-
يمه انه احسينچ
افتحي لي عينچ
لا اموت امن الحزن

لا تخلص اسنيني
گعدي وحاچيني
ما تسمعيني أون
يمه ، يمه
@@@
عجبه اشوفچ يالعزيزه امدده امغطايه
ليش احچي اوياچ ماتحچين يمه اويايه
فاتح الذرعاني شوفي منّي عالي ابچايه
يمّه محتاج الحنانچ لمّي بيه اهوايه

يمه مدّي اچفوفچ
رغم كل اظروفچ
آنه محتاج الحضن

لا تخلص اسنيني
گعدي وحاچيني
ما تسمعيني أون

يمه ، يمه

@@@@

يمه سجادة صلاتچ تبچي ويه المسبحه
وتنشد اعليچ السنابل تنشد اعليچ الرحه
ابحجرتچ نزلت ملايك بالبواچي نايحه
تنشد الحيطان عنچ غايبه امن البارحه

فاگدات الرحمه
الدار بعدچ ظلمه
حين غمضتي الجفن

لا تخلص اسنيني
گعدي وحاچيني
ما تسمعيني أون
يمه ، يمه

@@@

يمه بالدار اختي زينب تجري منها العبره
ابحجره ما تلگاج حيره اتدورچ ابيا حجره؟!
من تصد للباب تذكر شالجرى امن العصره
الهسه تسمع كسر ضلعج حسره تتبع حسره

تنظر المسماره
بالدمه يتجاره
من حچه ذاكَ( وإن )

لا تخلص اسنيني
گعدي وحاچيني
ما تسمعيني أون
يمه ، يمه

@@@@

بيش اقنع امي ميته وانتي كل العافيه
هاي ساعات التعبّد عجبه اشوفچ غافيه
بارده الدنيه وچوفچ دنيه لاچن دافيه
يمه حاچيني دخيلچ چلمه منچ كافيه

فتحي عينچ يمه
ابعازه روحي الظمه
يمه لأحضانچ احن

لا تخلص اسنيني
گعدي وحاچيني
ما تسمعيني أون
يمه ، يمه

@@@@

يمه ادري اعليچ صعبه ادري ضلعچ منكسر
هاي فاتحت المصاب اليوم عاشور الظهر
كسر ضلعچ يعني باچر تطحن اضلوعي عشر
ونار بابچ نار عاشر زينب اتدوس الجمر

اتدورچ ابهالحاله
وحولها الخيّاله
بعدي ما تلگه الأمن

لا تخلص اسنيني
گعدي وحاچيني
ما تسمعيني أون
يمه ، يمه

@@@@

يالرحمتچ رحمة الله ولنچ انتي ام الحسن
اچفوفچ الكلها محنّه امتدت النه امن الچفن
ابضمّة الأم الحنونه بس وسافه اتراجفن
بچّت السبع العوالي والاملاك الها بچن

والعرش يبچيهم
( ياعلي ) نحّيهم
إخذ فاطم للدفن

لا تخلص اسنيني
گعدي وحاچيني
ما تسمعيني أون
يمه ، يمه

—————————
ثامر بوجبارة
٢٣-٠٥-١٤٤٧هـ
١٥-١١-٢٠٢٥م

تم التعديل في قفلة المقطع الرابع :

( گلبي محتاج الحضن )
الى
( يمه لأحضانچ احن )

ملاحظة :
ورد في بعض المصادر
ان امير المؤمنين عليه السلام انحل السيدة ( شهزنان ) ام الامام السجاد اسم ( فاطمة ) وهو من ضمن الاسماء التي وردت في المصادر للسيدة الجليلة
وذلك لان اسم شهزنان يعني ملكة النساء او سيدة النساء وهذا اللقب مختص بالسيدة الزهراء عليها السلام
————————-

يقول ابن شهر آشوب في ذكر نسب الإمام السجاد (ع) وتسمية أمه:

"وأمه شاه زنان بنت كسرى يزدجرد بن شهريار، ويقال: شهربانويه، وكان أمير المؤمنين (ع) سمّاها مريم، ويقال: سمّاها فاطمة، وكان يزدجرد طلب من ملك الصين أن يبعث إليه بالنجدة..."

ثم يتابع ابن شهر آشوب في نفس الصفحة ذكر القصة المشهورة:

"ولما وردت (ابنة كسرى) المدينة... أراد عمر بيع السبايا، فقال علي (ع): إن بنات الملوك لا يُبعن... ثم قال لها (علي عليه السلام): ما اسمكِ؟ قالت: شاه زنان. قال: لا يقال شاه زنان إلا لابنة محمد (ص) وهي فاطمة، وأنتِ شهربانويه
——————-

يمكنك العثور على هذا النص في المجلد الرابع، صفحة 175 من الطبعة المذكورة، وهي متوفرة في المكتبات الرقمية المتخصصة في التراث الشيعي (مثل المكتبة الشاملة أو مكتبة مدرسة الفقاهة).

وهنا ايضاً

https://www.alshirazi.com/compilations/history/omahat_almasomin/8.htm

بقية قصائد موالد الأقمار الشعبانية يمكن البحث عنها في القناة

لمولد ابي الفضل العباس عليه السلام -
جديد شعبان ١٤٤٧هـ
ملاحظة : بمؤسس تقرأ شعبي ( بامأسس)
————————————

ياهلا بمؤسس اعلوم الرجال
ياهلا بامغرّگ اخته بالدلال
@@@
ياهلا ابعباس سبع الگنطره
من علي الكرار اصله وجوهره
امه في النسوان مو أيّت مره
والكمال ايلوگ له بس الكمال
@@@

اختار حيدر درّه من بين الدرر
من سما أُم الوفه جايب گمر
منولد من چفّه يتجارى نهر
اسمه عباس ونعم گول وفعال

@@
حسنه جذّاب وجماله هاشمي
العالم الشيمه بو فاضل ينتمي
مولده يوم الوفاء العالمي
تفرح ابميلاده اولاد الحلال
@@
گمر متولّد من اشموس الهدى
ياهو في الدنيه يشابه والده
ماخذ اوصافه اذا ايهد عالعده
يگلب اليمنه ابخزرته اعله الشمال
@@@@
فرحت اميلاده زينب خيّته
بين عيناها العقيله خلّته
بيده شد شيلتها سوّه اعمامته
ومن رموش اعيونه لن لبسها شال
@@@@@
من بعيد اترقبه طف كربله
هل هلال المرجله بيه ياهلا
هذا من مي جربته اليروي الفله
هذا ياهو المن زمن شاغل لي بال

@@@@

باچر امگابل شرف باهل الفشل
يبرز الها ابهيبه بن خير العمل
ايسل حسامه هالفحل ابن الفحل
سيفه من جبريل ريشه بالنزال
———————————————
ثامر بوجبارة
٠٣-٠٨-١٤٤٧هـ
٢٣-٠١-٢٠٢٦م

#ليلة مرض أمير المؤمنين عليه السلام - جديد ١٤٤٧هـ
—————————————-

ابابك ايتام الدهر ، اتاني عن جيتك خبر
عودتها ( ياعلي ) ، اتلمها احبابك
اتفز له كلما ينفتح ، ( ياعلي ) بابك
@@@@

ابكل مشاعرنا نفز له ، كلما بابك ينفتح
هسه حيدر يطلع النه ، سالم وطاب الجرح
اتلمنه حوله على العاده ، اجبينك اليضوي الصبح
اتمر على كل راس چفك ، وابحنانك ينمسح
::
اشتگنه كلنه الشوفتك ، لمنه حول اعمامتك
افتح الباب ابعجل ، انضمّد اصوابك

اتفز له كلما ينفتح ، ( ياعلي ) بابك

@@@@

يالحروف اسمك سكينه ، وخطوتك مصدر أمان
يا ابو الكل اليتامى ، ونظرتك نظرة حنان
خبزتك خبزة كرامه ، (كلما ضاق الزمان )
اسمك امن اسم الله اصله ، يعني بيك المستعان
::
نوگف انمد چف الك ، يالله ابمرّة ملك
انحمّل اجناحه حچي ، ونسمع اجوابك

اتفز له كلما ينفتح ، ( ياعلي ) بابك

@@@@

وينك اتنادي يبونا ، ظلك الظل الحنون
جينا يم بابك وگفنا ، والدمع ترس العيون
جبنا ماعون الحوائج ، نقرا لك ( ويطعمونْ )
ابضيگة الدنيا نشوفن ، عينك ابضيّگها
كون
::
شوفتك تشفي الجروح ، لا تخلينا وتروح
اشتگنا يابونا علي ، ايضمنا جلبابك

اتفز له كلما ينفتح ، ( ياعلي ) بابك

@@@@

ارجع ولمنا يخيمه ، لا يرد بينا اليتم
ارجع ابرد الليالي ، وحضنك الدافي يلم
لا زمنّه يحچي تالي ، چانت ايامك حلم
اشتگنا لجناحك يابونا ، خلنه نرجع نبتسم
::
ابدونك اخضرنا يبس ،ما بقى غيرك نفس
كم غصن منّه انكسر ، ذبّله امصابك

اتفز له كلما ينفتح ، ( ياعلي ) بابك

@@@
هاك اخذ تالي عمرنه ، ورد عليك اعمامتك
خلنا نرجع بيها نلتم ، بلچي تبره هامتك
رد شمسنا ابقدرة الله ، المنها واهب قدرتك
ننسج امن اخيوط نورك ، عِمّه بيها رحمتك
::
ياللي ردّيت الشمس ، رد علينا ايام امس
الدنيا مابيها ضوه ، بس على اعتابك

اتفز له كلما ينفتح ، ( ياعلي ) بابك

————————————
ثامر بوجبارة
١٨-٠٩-١٤٤٧هـ
٠٨-٠٣-٢٠٢٦م

بقية قصائد الارشيف عن طريق البحث

#ليلة شهادة أمير المؤمنين عليه السلام - جديد ١٤٤٧هـ

————————————————
ليل ومطر ، لو هيّه دمعات السمه
بلچت عبر ، بيها علي امخضب دمه
مو عجبه تبچي له السحب
موعد رحيله يقترب
@@@@

ودّعتك الله يا علي اتصيح السمه
موكب عزا بيها انصبت له فاطمه
تجري له دمعه والضلوع امهشمه
لو هيه گاعك نشفت وماتت ضمه

خير العمل ، راح اللي بيه المستعان
فگدك ثگَل ، يعني انفگد حضن الحنان


اليفگد علي حاله صعب
موعد رحيله يقترب

@@@@@


من (للمساكينِ )( علي ) من (لليتيم )
من ( للأسير ِ) وبعدك ايلاگي كريم
(للركنِ ) من يابا الحسن من للحطيم
نبأ عظيم وغمّض اعيونه العظيم

من للفرض ، بعدك علي من للصلاه
من للأرض ، من للحمى وانته حماه

ما يهنا للشارب عذب
موعد رحيله يقترب

@@@

فارس (بدر )فارس (احد )فارس (حنين)
يا قالع الباب اللي عجّز اربعين
بس بالغدر بالسيف ادموا له الجبين
يشيل ايده ما يقدر امير المؤمنين

عجبه علي ، ما يگدر يأذّن بعد
ابدمع ايهالي ، له (قل هو الله أحد )

كل السوَر له تنتحب
موعد رحيله يقترب

@@@
(الجبريل ) صاح ابـ (لا فتى )وبس سيفه سيف
والخله ( عزرائيل ) تحت اسلاحه ضيف
والأوّل القرآن تأويله الشريف
فوگ الفراش امصوّب اعياه النزيف

كل الملا ، الأعلى على بابه وگف
ضاگ الفلا ، من هامه من دمه نزف

عرش الله لجله يلتهب
موعد رحيله يقترب

@@@
الگلبه رحيم ونظرته نظرة حنان
واللي ابوجوده زينب اتحس بالأمان
راح الأمان اعليها حل جور الزمان
غمّض عيونه المرتضى وضاگ المكان

ابياهو بعد ، گلب العقيله يصطبر
بوها انفگد ، سمّوها ( يا أم الصبر )

تالي خدرها ينسلب
موعد رحيله يقترب

————————————
ثامر بوجبارة
٢٠-٠٩-١٤٤٧هـ
١٠-٠٣-٢٠٢٦م

يمكن تغير المستهل الى هذا المستهل ليناسب جميع الاوقات حيث ان المستهل الاول كُتب في اجواء كانت ممطرة :

حان السفر ، له هلّت اعيون السمه
بلچت عبر ، بيها علي امخضب دمه
مو عجبه تبچي له السحب
موعد رحيله يقترب