ولمولد مولاي امير المؤمنين عليه السلام 

--------------
حيدر فرحه حيدر نور
حيدر منجاة و دستور 
هذا يقيني 
ياعاذليني 
@@@@@@@
مسترّه بيـــــه ام القرى ،، والكعبـــه تتباهـــا
وضوت قنــــاديل الفرح ،، لـــن نوره جٓوّاهـــا 
زمزم تجود اعله الخلگ ،، من فاضت ابماها   
والوادي عطّر مبسمــه ،، وصلــى على طـــه

فرحـــانه بالجنه الحور 
حيدر فرحـه حيدر نور 
حيدر منجاة و دستور 
هذا يقيني 
ياعاذليني  
@@@@
ابفرحه نهني بت أسـد ،، وانعلّگ الزينـــــه 
نحيي مجالس للحفــل ،، من كل كتر جينه 
هنياله طه المصطفـــى ،، شيعه اوتباهينــه
للباري نسجد له شكر ،، ع الهادي صلينه 

طشّينه بالفرحه ازهور
حيدر فرحه حيدر نور 
حيدر منجاة و دستور 
هذا يقيني 
ياعاذليني  
@@@@@
نرفع سلام امن المهــج ،، وانهني بوطــالب
شيخ الهواشــــم والده ،، اشما عتب عاتب 
شيعة علي وابكل فخر ،، رغم عن الناصب
ماهَمّنـــــــا كيد العدا ،، ماهمّنا الخـــايب

نشوه اوفرحه ابكل الدور 
حيدر فرحه حيدر نور  
حيدر منجاة و دستور 
هذا يقيني 
ياعاذليني 
@@@@@@
باب المدينه والعلـــم ،، كل الفخر سِيْدي 
يوم الولاده احسبــه ،، يـــوم السعد عيدي 
ياللابسه ثوب الجهل ،، من عندي شتريدي  
منّه تعلمت الابــــــا ،، بيـــه حطمت گيدي

حيدر بيت الله المعمور
حيدر فرحه حيدر نور 
حيدر منجاة و دستور 
هذا يقيني 
ياعاذليني  
@@@@@@@@
هالليله صك وجه هُبـــل ،، خــرّ الكفر صرحـــه 
دين النبي بي مبتشـــر ،، هـــم يعلن الفرحـــه
شرع الله من لاح الولي ،، هسه اكتمل صبحـه
نهج العقيده ابمـولــــده ،، صار ابعلي  شرحه  

طاح الظلم طاح الجور 
حيدر فرحه حيدر نور 
حيدر منجاة و دستور 
هذا يقيني 
ياعاذليني  
@@@@
محزونه عُبّـــــاد الوثن ،، تصفج على الهامه 
مخذوله لنها ابمولده ،، واتهابــــه صمصامه 
مرعوبه من فارس مضر ،، من خطوة اقدامه
وابليس متشايط قهر ،، ويعض على ابهامـه

كل طاغي گلبه مجمور 
حيدر فرحه حيدر نور 
حيدر منجاة و دستور 
هذا يقيني 
ياعاذليني 

-------------------
ثامر بوجباره الاحسائي

موشح لشهادة السيدة زينب عليها السلام
-----------------------------
انا العقيله بغربتي لا تعوفوني
اعتب عليكم يخوتي لا تعوفوني
@@@@@

دگيت صدرك بوالفضل انت چفالي
چتالك انا بوليته وامسى جمّـــــالي
ترضاها خوي انسبي وانولي تالي
امشي على كور العدا ماتشوفوني
///////////

عفتوني مره يخوتي وگلبي عاذركم
وهسه بديار الغرب روحي تنطركم
كلكم شهامه ومرجله والنعم منكم
ماعندي ريب وما اشك انتو تلفوني
///////////

انـــا العقيله بت علي فــــــاطمه امي
جدي النبي المصطفى هاشمي دمي
كل الفخر ليّه صفه والفخر بسمـــــي
انا العفيفه والخلگ كله من دوني
/////////////

حره ومن منبت طهر والشرف نبعــي
حتى ولو دهري قسى واخوتي انعي
اوطي على كل المحن والصبر طبعي
عبر الزمن ام الصبر آنا سموني
//////////////

جتني جيوش امن الكفر حاطوا ابـــگبري
كتبوا على الحضره ارحلي واجهلوا قدري
مايدروا هالشام اصبحت طوعي وابأمري
لو يزحفون الحضرتي مايهموني
//////////

آنـــــــا أميرة هالبلد والامر بيدي
مانـــــــي اسيره عزتي حطمت گيدي
لو آمر القاع اتحچي أُمْري شتريدي
هزت عباتي زلزله زعلي بعيوني

---------------------
ثامر بوجباره الاحسائي

#لشهادة الحوراء زينب عليها السلام

———————————————

لا تگلّلولي نعشها شالته الناس
لا تگولوا ما إجاها الليله عباس
بيها ما يرضه العقل
مايجيها بو الفضل
آه يزينب
@@@@@

كلمن اتگرب منيته ابلايا ريبه
يكون عنده أُمنيه ابگربه حبيبه
ايچفنه وبالمدفن ايعلّي نحيبه
ياهو لبسها الچفن هاي الغريبه

ياهو غمض عينها من فاضت الروح
ياهو جاب اضماد لفّاه اعله لجروح
من ايديها تنسبل
مايجيها بو الفضل
آه يزينب

@@@@
شلون زينب تنحمل فوق المحامل
هاي مرتين اشعجب وابلايا كافل
ياهو بالله يعدلّه لو صار مايل
ما تگللولي ،، چاوين ابو فاضل

ذيچ مرّه ابكربله فوگ المهازيل
وهاي مره اعله النعش بيد الحماميل
ع النعش من تنحمل
مايجيها بو الفضل
آه يزينب

@@@@

اشلون خلاها الزمن تحتار حيره
ميته لا يمها اهلها ولا عشيره
وينه اخوها بو الفضل هالكله غيره
وين حيدر يحضر الدفن الاميره

ياعلي عوف النجف مر الكفلها
لا تعوفوها الوحدها ابلا اهلها
هالوضع لا موسهل
مايجيها بو الفضل
آه يزينب

@@@@@

منهو يمسح عن وجها اغبار عاشر
من يشيل امن الگلب ختم الحوافر
ياهو منّ امتونها ايداوي المناحر
ياهو يروي كل عطش أظمه المشاعر

ياهو من اعيونها يمحي الدواوين
وكل دمعها ايصب صور لوهلته العين
كل مآسيها تهل
مايجيها بو الفضل
آه يزينب
@@@@
آه يا أُم الصبر آا يالعقيله
آه يالعمرچ گظه اهمومن ثجيله
الشكوّه لله بالحسين و نشتكي له
إحنه غير احسين ماعدنه وسيله

اشتگنه يارب للزيارة ودمعة العين
اشتگنه ننعى يمها واويلي على احسين
يمته ينعاد الوصل
مايجيها بو الفضل
آه يزينب

———————————
ثامر بوجبارة الأحسائي

شهادة الحوراء زينب عليها السلام
------------------------------


مصحف احزانچ يزينب هسه ختمه كامله
من سِوَر گلب التعذب هالزمــــــــان ايرتله
يقرا آيــات 
كلها آهات 
هالزمان يرتله
@@@
آ  يزينب ،، ياللي من زغرچ تحملتي الاذيه
آ  يزينب ،، يالسنينچ شمعه ذابت بالرزيه
آ  يزينب ،، لـــو دره أيوب عنّچ يالابيّــــــه 
آ  يزينب ،، صارت آهاته ابفؤاده زينبيّه

چـــــا بقه خجلان يمچ يلتمس منّــــچ عذر 
يگول بالله سامحيني ماعلى صبرچ صبر 
يجري دمعات 
كلها آهـــــات 
هالزمان يرتله 
@@@
هذا متنچ ،، ازرگ ابآلامه واجروحه اوعذابه 
هذا متنچ ،، ذوّب اسياط العدا ابصبر اوصلابه
هذا متنچ ،، صاير الراوي اوجراحاته  كتابه
هذا متنچ ،، كل جرح يحچي عن احسين اومصابه

والرماد اللي ابخدودچ هوّه قصه الوحّده 
يحچي عن حرگ المخيم ساعة الهجموا العدا
ماكو خيمات 
كلها آهـــــات 
هالزمان يرتله   
@@@
من عيونچ ،، تعتجب يعقوب عينه وي دموعه
من عيونچ ،، غاب عنه يوسفه اويدري ابرجوعه
من عيونچ ،،شافت احسين العدا طحنت ضلوعه
من عيونچ ،، سهم طب عين الگمر واخفى سطوعه 

ابيّضت اعيونه اعله يوسف بس من افراگه قهر 
شلون حال الهاشميّه الخوها مگطوع النحر
تبدي ونّات 
كلها آهـــــات 
هالزمان يرتله    
@@@@
يالغريبه ،، من مشيتي ع الهزيله اويه الاجانب  
يالغريبه ،، رحتي خليتي الاهل فوگ  الترايب 
يالغريبه ،، من سمعتي الشامت ايسب الحبايب 
يالغريبه ،، قصتچ ويّه السبي منّ العجايب

من مشيتي خطوه خطوه ينعصر گلبچ حزن
صورة ارض الغاضريّه الغيبت كل الحِسن  
والفرح مات 
كلها آهـــــات 
هالزمان يرتله   
@@@@
هذي شامچ ،، يالدخلتيها سبيّه اعله المطايه
هذي شامچ ،، يالاميره امحرّگه اعليها العبايه
هذي شامچ ،، من رجفتي للطغاة اعروش بايه
هذي شامچ ،، هسه بيها انكتبت اعليچ النهايه 

مرّه مسبيّه اجيتي إلها بگيود الحقد
مرّه مشخوصه يزينب بيها مرسوم اللحد
بيها شِمّات 
كلها آهـــــات 
هالزمان يرتله    

@@@
من رحيلچ ،، كملت الختمه اوكمل مصحف عذابچ
من رحيلچ ،، غمّضت عين الصبر گبره ابرحابچ
من رحيلچ ،، صلّت احزانچ وقِبْلتها اعله بابچ 
من رحيلچ ،، هسه شباچ القهر ناح المصابچ

 ناحت الدنيه يزينب من رحلتي امعذبه 
هذا بو فاضل اجالچ بالعزيّه اوموكبه
ابگلبه حسرات 
كلها آهـــــات 
هالزمان يرتله    
--------------------
ثامر بوجبارة الاحسائي

لشهادة السيدة زينب عليها السلام 
------------------------------

يبويه ،،تنده له العقيله 
يبويه ،، تحچي اوتشتكي له
بويه مشتاگه الحنانك تمسح ابچفك عليّه 
هسه بالشام اوغريبه گرّبت منّي المنيّه
يبويه ،، تحچي اوتشتكي له
@@@@
اتعودت ليليّه اصفن افكر اوبفكاري حيره 
بيّه ترجع ذكرياتي من چنت وآنه زغيره
عايشه ابعزي اودلالي حولي أهلي والعشيره
امدللـه مابين أخوتي صايره عدهم أميره 

بعدكم ،، عذبني زماني 
بعدكم ،، بالدنيه اعاني 

هسه راحوا اللي احبهم والچنت عدهم حبيبه
مالهم رجعه إليّه  راحوا خلوني غريبه 

يبويه ،، عمري في رحيله 
يبويه ،، تحچي اوتشتكي له
@@@
انصبَّت اعليه المصايب بويه آذتني تراها 
شفت من عصروها امي من ورا الباب الاذاها 
واسمعت من طگ ضلعها اومن سگط منهاضناها
وارتعت من شاهدتها طايحه اوتنزف دماها 

شفتها ،، مسمار ابصدرها 
شفتها ،، والطاغي سطرها 

مانسيت امي تعاني من ألم كسرة ضلعها  
ومانسيت امتون زرگه امن الضرب يصعب وضعها 

يبويه ،، هذي امي الجليله 
يبويه ،، تحچي اوتشتكي له
 @@@@

دوريتك بويه بالطف چِنِت أتمنه تجيني 
من وگع فوگ الوطيه خويه هم وگعت سنيني 
ياللي بامرك هاشمس رديتها د ارحم ونيني     
بالله نحيها انتخيتك بويه عن جسمه احسيني

تدوسه ،، يبويه الاعوجيّه 
تدوسه ،، ياحامي الحميّه 

واركظت من تلّي صوبه من شفت شمر اعله صدره 
ورّم امتوني يبويه من گلت له لا تنحره 

يبويه ،، باسياطه الثجيله 
يبويه ،، تحچي اوتشتكي له
@@@@
ترضى مسبيه خذوني بويّه رافجت الاجانب
والشمر يحچي ابشماته وآنه من فوگ المراچب 
وين خوّانچ يزينب بالله شاتحمل مصايب
عذبتني الغاضريه دهري راواني العجايب  
 
سبيّه ،، يابويه خذوني 
سبيّه ،، وادموعي ابعيوني 

چافلي ع الشاطي عفته امگطعه منه چفوفه 
هامته مفضوخه خويه بو الفضل ريتك تشوفه 

يبويه ،، من فوگ الهزيله
يبويه ،، تحچي اوتشتكي له
@@@@
بويه عوف ارض النجف هالشام يمك مو بعيده
بالله لا تتركني بويه وآنه بالحاله الشديده
گرّبت ساعة منتي موتي ابحضنك اريده 
لحظه بس ارجع إليه امنحني هاللحظه السعيده 

إليّه ،، إرجع بس ثواني 
إليّه ،، تالي موتن اني 

ياعلي هالشام بيها صارت اقسى ذكرياتي 
بيها شتموني أميّه وهسه رديت المماتي

يبويه ،، صرت آنه عليله 
يبويه ،، تحچي اوتشتكي له

-------------------------
ثامر بوجبارة الاحسائي

لشهادة السيدة زينب عليها السلام
يمه زينب 


يمه زينب ،، ها تراني ،، يمچ اني ،، شاهدت كل الجرى
نار تلهب ،، بالمخيم ،، گلبي أعظم ،، وابضلوعي موجره
            ******************
آنه بعيوني شفت كل ماجرى وصار
آنه يـــازينب شفت بِعْبـاتچ النـــــار
من ركضتي خلفچ انه واعثر امـرار
تنزف ادمومي محل نشبة البمسمار

وضعي يصعب ،، هاچ اسمعي ،، آه يضلعي ،، وألمتني الخاصره
//////////////////////////
لما صحتي يـاشمر  (خلي ابن امـي)
لا تنحره نحــــي سيفك هذا دمــــــي 
گلبه ضامي والسهم في چبده مرمي 
سوطه بمتونچ تلوّه وزاد همـــــــــــي 

دمعي ينصب ،، يالغريبه ،، بالمصيبه ،،انتي اعظم صابره
///////////////////
من وصلتي للجسد و اگعدتي يمــــه
آنــــه يمـــچ من ندهتـــــي آه ييمـــه
واحضرت لمن رفعتي بحسره جسمه
ودي بس يـــايمه لـــــو مره أضمـــه

ابچي و انحب ،، من بچيتي ،، و انحنيتي ،، وقبليتي منحره
//////////////////////////
صدره لمن داسته الخيل وتدهسه
من اجاله الفاجر ابجرمه ورجسه
كل ضلع يتكسر ابصدري احسه 
ليت هالكون انطفى نوره وشمسه

يُمه شحسب ،، نوبه يَمه ،، نوبه اشمه ،،نوبه ادور خنصره
///////////////////
من مشيتــــي للسبي ويّه الضعينه
مـن شفت چفـــــچ گيود امكبلينــــه
گمت ادور بو الفضل ما ادري وينه
مـــايجيها من كفلهـــا امن المدينــه

احچي واعتب ،، يا اخوها ،، من سبوها ،، شنهو تبدي المعذره
/////////////////////
يمه في ســـاعة ممـــاتچ يـــالغريبه
مو بعيده آنـــه تــــرا يمچ گريبـــــه
من بدايـــــة خطـــة الموت الرهيبـــه
من كسر ضلعي الى هاي المصيبه

آه يزينب ،، شلون بيَّه ،، ابهالرزيه ،، عيني تبقه ساهره
/////////////////////
لا تگولين ابغربتـــــــي ما اجتنــــي
جيتـــــچ ابوگت المنيــــه العذبتنـــي
لازمه ابإيدي ضلوعي شوفي متني
كل مصــــــايبكم ييمــــه آلمتنــــــي 

ونّه اجذب ،، حسره كلي ،، والي مثلي ،، شنهو يجبر خاطره

----------------------
ثامر  بوجباره الاحسائي



‏ من جهاز الـ iPhone الخاص بي

مقطع شعبي ومقطع فصيح
---------------------------

كل الحنايــا تصيح ،،لبيكِ يازينب
هذا ندانا الصريح ،، لبيكِ يازينب
يعلو النداء ،، بالكبرياء
لبيكِ يازينب
@@
زينب يــــــــاريحانة حيدر
هاچ الروح او هاچ المنحر
زينب يعنـي الخط الاحمر
تبگين انتـــي السر الاكبر

صحنا فداء الضريح ،، لبيكِ يازينب
هذا ندانـــا الصريح ،، لبيكِ يازينب
يعلو النداء ،، بالكبرياء
لبيك يازينب
@@@
قد قلــدها الحر ضميره
علق بــــالحوراء مصيره
زينب لبينـــــــاكِ شعيره
تبقين على الشام اميره

تبرق بيض الصفيح ،، لبيكِ يازينب
هذا ندانــا الصريح ،، لبيكِ يازينب
يعلو النداء ،، بالكبرياء
لبيك يازينب
@@@
من عزم العبـــــاس اتحزم
يحرسني اسم الله الاعظم
بصرار الكـــــــــــرار اتكلم
زينب افديهــا ابروح او دم

لن يثنينـــــا القبيح ،، لبيكِ يازينب
هذا ندانا الصريح ،، لبيكِ يازينب
يعلو النداء ،، بالكبرياء
لبيك يازينب
@@@@@
يـــــــــاعبد الـــذّل فلا تــقرب
احذر من غضبي ان اغضب
إنـــــــــــي بركـــــــانٌ يتلهّب
فأنــــــا الجنديُ لهــــا زينب

صنمٌ وبـــــكَ نُطيح ،، لبيكِ يازينب
هذا ندانا الصريح ،، لبيكِ يازينب
يعلو النداء ،، بالكبرياء
لبيك يازينب

@@@@@
گبرچ بين اعيون الشيعه
يـــــازينب هيهات انبيعه
في يومچ جددنــه البيعه
واجب امرچ كلنه انطيعه

ولــــــه من يستبيح ،، لبيكِ يازينب
هذا ندانا الصريح ،، لبيكِ يازينب
يعلو النداء ،، بالكبرياء
لبيك يازينب
@@@@@@
يــــازينبنـــا قرّي عينـــا
جندٌ فوق الارض مشينا
قد اقسمنا نوفي الدينـا
بضمير حيـــــيٍ لبينــــا

قسمٌ بِــدْم الذبيــح ،، لبيكِ يازينب
هذا ندانا الصريح ،، لبيكِ يازينب
يعلو النداء ،، بالكبرياء
لبيك يازينب

@@@@@
عدنه من حيدرنه الچـاره
اعطــــانه درعه اوفقّــاره
ندري ماتجهل اخبــــاره
اتعلمنه من حامي جاره

وبه النهج الصحيح ،، لبيكِ يازينب
هذا ندانـا الصريح ،، لبيكِ يازينب
يعلو النداء ،، بالكبرياء
لبيك يازينب
---------------------
ثامر بوجبارة الاحسائي

أبوذيات مهدوية

يمن ميلادك ابفرحه فلك دار
بزغ نورك على الدنيا فلا اكدار
اذا تنشد عن اعيوني فلك دار
يمهدي ابطلتك هاي البهيّه
———————————
ثامر بوجبارة الأحسائي

———————-

يمهدي ابياوكت ملگاك چاوين
علينه اهموم چ الجمرات چاوين
لو انصبت على الجلمود چا ون
صبرنا و الصبر راد المنيّه
———————————
ثامر بوجبارة الأحسائي

—————-


طحن بيه الزمن هاون ورحّاه
أجر أحّاه من گلبي وره آحّاه
ابد ماشوف لا سلوّه وراحه
والي غايب بعد مارد اليه

ثامر بوجبارة

————-

عزف نــــاي الحزن بالآه ميروح
كسرته اردود گلت ايروح ميروح
ادور لليروي احشـــاي مي روح
اناطر رجعت الغايب اليّه
———————————
ثامر بوجبارة الأحسائي

————-

ألقائم ......

عجيبه من ادورك وانته يمّي 
حبيبي وشط نجاتي وانته يمّي 
أحس گلبي تعالت وَنْتَه يمّي
يالگرب من وريدي وروحي ليّه 
-------------------------
ثامر بوجبارة الأحسائي 

—————

أذوب ابلا حرگ نار ولهبها 
زماني هالجسى ابروحي ولها ابها 
لو المحبوب يرجع لي لاهبها 
شني روحي اذا مارد إليّه 
----------------------------
ثامر بوجباره




عليّه يـــابس ازمـــــــاني ولا يلين
شمس ماشوف بس ظلمه وليلين
يدگ بيّه وعلى احبـــابي ولي لين
هشم يالمهدي كل اعظامي بيه
————————————-
ثامر بوجبارة الأحسائي

المهدي .....

للامام المهدي
—————-
والينه والينه والينه
عجل في ظهورك
عجل في ظهورك
والينه والينه والينه
@@@@
يـــالمولدك تنتظره افـــــاق السمــــــاء
يــــــابُشرة الخـــالق ووعد الانبيـــــاء
يــــارشفه في حلگ الامل سر البقاء
يا دمعة الراجي على اچفوف الدعاء

نادينه نادينه نادينه
والينه والينه والينه
@@@@@
يبن الحسن هاك استمع منه السؤال
وين الوعد هــذا البعد مولانــه طـــال
يــاسيدي چـــــم صايح ايگلك تعــال
شيعــه وتـــأذينه ولا ظل احتمــــــال

ضحينه ضحينه ضحينه
والينه والينه والينه
@@@
بــالناصفه ع العاده نعلگها الشمــوع
وانعلّگ الزينـــه ونـــــزحف لك جموع
والفرحه مخنوگه على مجرى الدموع
يـــاربي ندعي بالفرج يمتى الطلوع

مهدينه مهدينه مهدينه
والينه والينه والينه
@@@@@
يا يوسف الزهرا ويا سَيْد الزمان
انته املنه سيدي وانته الامـــــان
اوغل علينـه النايبه وحقده الجبان
بالله انته وينك سيدي وابيا مكان

ملينه ملينه ملينه
والينه والينه والينه
@@@
كل الخلگ مشتــــــاگه يبن الطيبين
تنتظـــرك اوبيــك الامل لنــــك يقين
بيدك تجينه وتمسح ادموع الحزين
ونسمع شعـــارك يالثارات الحسين

واتجينه واتجينه واتجينه
والينه والينه والينه
@@@@
يبن الحسن صحنه البـــدار البـــدار
طال القتل شيعتكم ابكل الديـــــــار
ذبح اونحر طلق الرصاص وبنفجار
الله يعينك كــم الك بـــالدنيه ثـــــار

ها وينه ها وينه ها وينه
والينه والينه والينه
@@@@@@@@@
رغم القتـل رغم الذبح رغم القيود
شيعتكم او مانرضه للذله سجود
اليوم الوعد هذا عهد كلنه صمود
جندك الـك يـــالمنتظر لمــن تـعود

لبينه لبينه لبينه
والينه والينه والينه
---------------------
ثامر بوجباره الاحسائي

ياقائم ،، ياقائم ،، آل محمد 
ياقائم ،، ياقائم ،، آل محمد 
@@@@
ننتشي هالليله حگنه ، اوننثر ابفرحه الورود 
مولدك مولد سعاده  ، ومبتشر كل الوجود 
والحسان الليله كلها ، اتزينت باحمر خدود 
كلنا ننتظرك يغايب ، سيدي يمتى تعود

ياغائب ،، ياغائب ،، شوق مسهّد
ياقائم ،، ياقائم ،، آل محمد
@@@@@@@

هذي سامره سعيده ،  نشرت اعلام الفرح
والامام العسكري  ، ابمولوده دلاله انشرح
ياهناها الليله نرجس ،  والفكر منها سرح
الله ياحسنه اوجماله  ، يشفي كل گلب انجرح

سامره ،، سامره ،، بالمهدي تسعد 
ياقائم ،، ياقائم ،، آل محمد
@@@
صاحب الطلعه الرشيده ،  للبشر كلها أمل 
سيدي الموعود اشرق ، نوره بن خير العمل
بانت الغرّه الحميده ،  التسجد اعليها القُبل 
اخمسطعش شعبان فرحه ، مايصح بيها الزعل  

انواره ،، انواره ،، عشقٌ مؤبد 
 ياقائم ،، ياقائم ،، آل محمد

@@@
ابمولده الشيعه فرحها، لا ابد ماينوصف
يعجز التعبير عدها ، ومنها يحتار الحرف
شيعي وابوجهه السعاده ،  من فَرحْتَه ينعرف 
ناصفه ابكل عام عاده ، ابشهر شعبان النصف

فرحانه ،، فرحانه ،، سعدٌ تجدد  
ياقائم ،، ياقائم ،، آل محمد  
@@@@@
ياشمس تحجبها غيبه ، كل أملنا ماتطول 
كلنا في ظل انتظارك ، نرتجي امن الله القبول 
سيدي اتشمت علينه ، ابغيبتك حاقد عذول 
نندعي ( ابكن لوليك ) ، هالهضم يمتى يزول 

ياربي ،، ياربي ،، نصرٌ مؤيد
ياقائم ،، ياقائم ،، آل محمد 

----------------------
ثامر بوجباره الاحسائي   
   


‏ من جهاز الـ iPhone الخاص بي

ابمولد الحجه هله
 غايب اونتأمله 
كل أمل عدنه ابدولته ، انعيش بيها آمنين  
@@@

منتصف شعبان عدنه ،عاده  وانزور الحسين 
نقرا چلمات الزياره ، فرحه لاچن بالونين
من دمه تبچي مهجنه ، مو دمع تجري به عين
نوگف اصفوف اوحياره ، نسأله غايبنه وين 

سيدي طال الصبر 
 والعمر من غيره مر
نندعي (ابأمن يجيبُ ) ، وابدعا ذاك الحزين
@@@@

ابمولد الحجه نزورك ، سيدي اوعدنه امل 
ياحسين انته الوسيله ، وانته بن خير العمل  
هالزمن اذانه والله ، كل الم بالشيعه حل 
ابراسك المگطوع بالله ، حَلّفه اوگله العجل 
 
مايخيب اللي ارتجاك 
ساچب الدمعه اجاك

تسعر ابگلبه جمرته ، الماطفت والها سنين
@@@
يمتى يالغايب تجينه ، انعيش كلنا ابْدٓوْلتَك
نهنا بالطلعه الرشيده ، اشتگنا الها اعمامتك
اتصلي فرض الجمعه بينه ، خلفك اوبأمامتك
كافي يامهدينه غيبه ، يمتى تخلص غيبتك 

شللي باگي بالعمر
يمتى مصباحك يطر

طوّل اغيابك علينه ، لا تظن امأيسين 

---------------------
ثامر بوجباره الاحسائي  



‏ من جهاز الـ iPhone الخاص بي

#لمولد مولانا القائم الحجة ابن الحسن عجل الله فرجه
———————————-

يا مهدي يامعشوگي
يا نبضي ابوسط اعروگي
تدريني واشگد شوگي
يا بن الزهرا
@@
يا معشوگي وحبيتك
إيماني من تربيتك
يالگلبي صاير بيتك
فوته اعيوني لك سفره
يابن الزهرا
@@
وحي الله صدرك شايل
يامعدل كل المايل
يامخضّر كل الذبل
خطوات اجدامك خضره
يابن الزهرا
@@@@
يالمولود ابنص شعبان
محفل لك وابكل امچان
والمايفرح لك خسران
وابغيضه ايموت ابحسره
يابن الزهرا
@@@
ابحفلك نشعر لمه انفوت
حتى الماي احله امن التوت
والچكليته امن الياقوت
وانوار المحفل گمره
يابن الزهرا
@@@@
مولايه من نقرا اشعار
والجلوات وايه الآثار
كل شي ذايب يمك صار
لو يسكر شوگ اتعذره
يابن الزهره
@@@

للمحفل جينه ابلا عد
شوكه انخلي ابعين الضد
نفرح بالمولد نسعد
انخلي ابگلب الشك جمره
يابن الزهرا
@@@@@
يالموعود ولمّه اتعود
نفرش لك كل گاع اورود
وانبخر هالدنيه ابعود
كل عاشگ ينثر عطره
يابن الزهرا

—————————-
ثامر بوجبارة الأحسائي


‏ من الـ iPhone الخاص بي

#لمولد مولانا القائم عجل الله فرجه
_____________________________

ابمنتصف شعبان هل المنتظر
عجل الله فرجه
@@@
اخمسطعش شعبان هل الحجه
عجل الله فرجه
بالفرح شمع السعاده انوجه
عجل الله فرجه
ربي ارزقنه زياره وحجه
عجل الله فرجه
يحله هالليله ابمحافلنه السهر
عجل الله فرجه
ابمنتصف شعبان هل المنتظر
عجل الفرجه
@@@
كل مهجنه الليله يم سامره
عجل الله فرجه
ابليلة الميلاد تشتم عطره
عجل الله فرجه
بلچي منّ اعيونه تكسب نظره
عجل الله فرجه
لو عن احواله يوصّلنه خبر
عجل الله فرجه
ابمنتصف شعبان هل المنتظر
عجل الفرجه
@@@
يم ضريح العسكري ابليلة سعِد
عجل الله فرجه
نحضر ابمشموم وابباقة ورد
عجل الله فرجه
ماعلينه من حقد أهل الحقد
عجل الله فرجه
شيعة المهدي ونعلنها فخر
عجل الله فرجه
ابمنتصف شعبان هل المنتظر
عجل الفرجه
@@@
ولو يصح يم جمكران الليله
عجل الله فرجه
ركعتين ازيارته انصلي له
عجل الله فرجه
ومسجد السهله نحن انجي له
عجل الله فرجه
بلچي يمنه سيدي مر وعبر
عجل الله فرجه
ابمنتصف شعبان هل المنتظر
عجل الفرجه
@@@
يملي كل هالدنيه عدله وقسطه
عجل الله فرجه
وبين هاي الناس كلها ايبسطه
عجل الله فرجه
بس يصح قانون نهجه وخطه
عجل الله فرجه

كلمن النهجه يضد خاب وخسر
عجل الله فرجه
ابمنتصف شعبان هل المنتظر
عجل الفرجه
@@@@

يا الهي إحفظ النه القائم
عجل الله فرجه
رده منّ اغيابه يارب سالم
عجل الله فرجه
وبيه قرّ اعيون امه فاطم
عجل الله فرجه
يمته يرجع طوّل اعلينه السفر
عجل الله فرجه
ابمنتصف شعبان هل المنتظر
عجل الفرجه

———————————-
ثامر بوجبارة الأحسائي






‏ من الـ iPhone الخاص بي

#لمولد الحجة ابن الحسن عجل الله فرجه-اضافة

——————————-

هلا بالغالي هلا
غايب ونتأمله
نندعي الرب العلا
عجل الله فرجه
@@@@
بالفرح عيني تصب
ذايبه ابمعشوگي حُب
حگي بالفرحه انطرُب
هذا عگلي امخبله
نندعي الرب العلا
عجل الله فرجه
@@@
مولده مولد فرج
آخر الساده الحجج
كلنه نفديه المهج
ع العهد منبدله
ننديعي الرب العلا
عجل الله فرجه
@@@
مولده ابخامس عشر
شهر شعبان الأغر
ابمولده الكون ابتشر
حسنه سوره امنزله
نندعي الرب العلا
عجل الله فرجه
@@@@
كلها سامره عطر
بيها من حسنه سحر
ورد جوري منتثر
والسماء اتقبله
نندعي الرب العلا
عجل الله فرجه
@@@@
يمه ذوبني العشگ
باسمه دلالي يدگ
لحظه لا مانفترگ
الگلب صاير منزله
نندعي الرب العلا
عجل الله فرجه
@@@@
هاي نرجس بالفرح
العسكري گلبه انشرح
واليهنيهم ربح
هالكرامه امسجله
نندعي الرب العلا
عجل الله فرجه
@@@@
يأذن ابإذنه العرش
طيب ع الدنيه يرش
من ورد خلّه فرش
ابوسط مهده امدللـه
نندعي الرب العلا
عجل الله فرجه
@@@@
هذا يوسف فاطمه
طاهر وما أعظمه
لليضده الحاطمه
الفرج ربي عجله
نندعي الرب العلا
عجل الله فرجه
@@@
يا إلهي هالدعه
من گلبنه تسمعه
كل شملنه تجمعه
اوياه نوصل كربله
نندعي الرب العلا
عجل الله فرجه

——————————
ثامر بوجبارة الأحسائي


‏

دليل التائهين 
أمل للعالمين 
الك منّه السلام 
يوعد المرسلين 
@@@@@ 
ايا مهدي الك عيني تصب مدمعها باهاتي 
تون مخنوگه في صدري وضاجت بيها ريّاتي 
كفايه سيدي اغيابك متى تشفيها علاتي 
تعبت الليالي اوياي وانه انطر صباحاتي 
 
نعيش الاضطرار 
وطول الانتظار
وبس عدنا الدعاء 
ودمعات الحنين
@@@@&
نحبكم يابني هاشم  ونتولّه بني طه
آمنه ابرسول الله وصيته ابحب تبعناها
سفينه للنجاة احسين عدنه وانته مرساها
د خذنه سيدي الشاطي دَوْلْتَك كلنه نحياها 

يقين ابلا حدود 
يغايب من تعود 
وينزاح الظلام
يمهدينه يقين    
 
@@@@@@@
دعاء الندبه كل جمعه على اشفافه المحب ردد
ويتجارى دمع عينه يتاني لحظة الموعد 
على درب الامل واگف وشوگه جاوز الكل حد 
يگلك سيدي عجل ترا جور الزمان اشتد 

تتانيك الجموع 
الك هلت دموع 
وتعّبها الزمان 
تسألك انته وين 
@@@@
الك ثارات تنده لك تريدك سيدي اتجاوب 
ضلع والهامه والمنحر چبد من علته ذايب  
ولك شيعه تنادي ارجع دخيلك بالله يالغايب   
وكل الدنيا محتاجه الك يامنية الطالب 

يمهدينه البدار 
الك بس القرار 
شعارك من تعود 
يا ثار الحسين 

-----------------------
ثامر بوجباره الاحسائي  


‏ من جهاز الـ iPhone الخاص بي

#لمولد الإمام الحسن المجتبى عليه السلام
——————————

الكون اتعطر ،، مسك وعنبر
مبتهجه الأكوان
خسران الليله المايحضر
عدنه گرگيعان
@@@@
هالليله عم الفرح ،، والكل دلاله انشرح ،، مسموح الليله المرح ،، وانطش مشموم وخنّه

مولد مولانه الحسن ،، چن نزلت جنة عدن ،، لليفرح وابلا ثمن ،، ياخذ كل ما يتمنه

( *كلمن يفتح داره وبيته ،، ويوزع حلوه وچكليته ،، هالليلة الزهرا داعيته* )
::
انعلگ زينه ،، وانگر عينه
من جانا فرحان
خسران الليله المايحضر
عدنه گرگيعان
@@@@
موعدها الخامس عشر ،، والهادي بيها ابتشر ،، سبطه الاول گلبه سر ،، باقدومه گرّت عينه

يالزهرا جيبي الولد ،، أذّن باذانه و حمد ،، عقد الامامه عقد ،، خط النيّه بيمينه

( *باحظانه الهادي لم حيدر،،عدهم يجري نهر الكوثر،،فرحه ما نگدر نتصور* )
::
هنّه الزهرا ،، ابطيبه وعطره
في احله رِمْضَان
خسران الليله المايحضر
عدنه گرگيعان
@@@@

ضوّينه الدور ابضوه ،، بالخنّه صار الهوه ،، ،، والشيعة التمت سوه ،، عالعاده باجمل عاده

كل الاطفال انتشت ،، ابصوت البلبل غرّدت ،، عين اليحسدهم عمت ،، اتهني الحسن باعياده

( *كلها تحيي گرگيعانه ،، والشيعه ابتشرت فرحانه ،، ما ننساه وما ينسانه* )
::
عهد اتجدد ،، يابو امحمد
وقّعنه ابإيمان
خسران الليله المايحضر
عدنه گرگيعان

—————————————-
ثامر بوجبارة الأحسائي



‏

لمولد الحسن المجتبى
——————-

والينه ،، والينه ،، والينه
شع اعلينه نوره
@@@

واضح القانون للكل انعرف
كلشي ناقص لو وصل للمنتصف
الا بدر المتجتبى تم انوصف
كامل ابحسنه وبياضه ابكل طرف

حبينه ،،حبينه ،، حبينه
والينه ،، والينه ،، والينه
@@@
اخمسطعش رمضان لاحت وجنته
ياجماله ويا حسنها طلته
ربي بيه ع الكون جاد ابنعمته
يا سلام الله اعله امه الجابته

مر بينه ،، مر بينه ،، مر بينه
والينه ،، والينه ،، والينه
@@@
ابيا علي للدنيه من هل ونزل
يعني يمنة حيدره الروحه عدَل
الليله ما مسموح ياناس الزعل
خل نهني والده خير العمل

گر عينه ،، گر عينه ،، گر عينه
والينه ،، والينه ،، والينه
@@@
ابحظن ابو الحسنين نزلت له السمه
ونزلت الأملاك يمّه هايمه
أنبياء الله جات امسلمه
كلها دگت باب طه وفاطمه

هنينه ،، هنينه ،، هنينه
والينه ،، والينه ،، والينه
@@@@

*ساكن ابدلال واعيون اللي حب*
*يعني ما محتاج لا گبه وذهب*
*موقف العاداك كلش موعجب*
*ذوله احفاد الردي الصف الحطب*

حنينه ،، حنينه ،، حنينه
والينه ،، والينه ،، والينه

———————————
ثامر بوجبارة

-لمولد الإمام الحسن المجتبى عليه السلام

—————————

بالله ياطير الحرم
مر على باب الكرم
للحسن بلغ سلامي
گلبي يمّه عرّجه

@@@
بلغ المولى سلامي
المجتبى سِيدي وإمامي
واحمل احساسي اعله جنحك
وصّل اشواقي وهيامي

سلم اعله المجتبه
ابريشة الحب اكتبه
وانحني عني اعله گبره
واخذ من عمري رجه

@@@@@

خذ نظر عيني الترابه
وارسم ابوسطتها بابه
وحضرته وبيها مناره
لو حلم لو مر سحابه


المهدي واگف ع الگبر
يكتب اعليه ابصبر
هاهنا قبر الحسن
عجل الله فرجه

@@@@@
مولده مولد كرامه
بهجه بعيون الإمامه
سلسلة نور وقداسه
هُم نجاتي بالقيامه

مولده من ينعقد
تحضره الناس الورد
سيدي والجود بيده
والحضر له يبهجه

@@@@
هاشمي ابحسنه وجماله
كلها من طه خصاله
اخمسطعش رمضان فرحه
نور من رب الجلاله

زفته جنة عدن
يا هلا بك يالحسن
نازل امن الجنه آيه
منهج الله منهجه

@@@@
منولد جوده اعله چفّه
امعاهده لا ما يچفّه
ختم من ربه يقيني
ثورة احسين اعله چتفه


نحيي ميلاده فرض
نور الله اعله الارض
سلم الباري وصلى
اعله ( الهداةِ ) حججه
—————————
ثامر بوجبارة الأحسائي









‏

هنينه هنينه،، ع الهادي صلينا 
ضوينه شمعات ،، نرفع صلاوات
واتزينت جنة عدن
في مولد المولى الحسن 
@@@@@@@@
هذا حليف المكرمه ،، صافي السلاله 
اول وليد الفاطمه ،، زاهي جماله
يامحله ثغره ومبسمه ،، ومحله خصاله
خادم اله وابلا ثمن
في مولد المولى الحسن  
////////
هنيالك مولانا علي ،، هاي الكرامه
وصار الامر واضح جلي ،، نهج الامامه
افديه انا ابروحي وهلي ،، عالي مقامه
حبيته وابروحي سكن
في مولد المولى الحسن  
////////////////
للمصطفى اول سبط ،، مولد سعاده
دمه اويا دمه مختلط ،، مالك وداده
وامحبته فرض و شرط ،، مطلب عباده   
محيي الديانه والسنن
في مولد المولى الحسن 
/////////
هذا بومحمد والنعم ،، مالك احساسي
شهم من اوصافه الكرم ،، ساكن انفاسي 
هنيالي في صف الخدم ،، مرتفع راسي
كل المفاخر لي صفن
في مولد المولى الحسن  
////
روحي على جنح العشگ ،، طافت بقيعه
عقدت عهد مانفترگ ،، لا ما تبيعه
لا للغرب لا للشرگ ،، بس نبقى شيعه

بالدنيه نعلنها علن 
في مولد المولى الحسن 

---------------------
ثامر بوجباره الاحسائي

◾ *آه يازينب* ◾

جديد ~ *بمناسبة شهادة الحوراء زينب عليها السلام*
٢٠١٩م - ١٤٤٠هـ

🎤أداء الرادود المبدع | *سيد جعفر المكي* |

🖋كلمات شاعر أهل البيت (ع) | *ثامر بوجبارة الأحسائي* |

🏴 *موكب الإمام الحسن عليه السلام بالهفوف*
حسينية الخواجه

https://youtu.be/bBVDUew9F3U

الليلة الخامسة عشر من شهر شوال

◾ *ذكرى استشهاد عم النبي ص الحمزة عليه السلام* ◾

💽 قصيدة *باب الكعبة*

🎤الرادود الحسيني
| *ملا فتحي الباذر* |

🖋شاعر أهل البيت
| *ثامر بوجبارة الأحسائي* |

🏴 *الحسينية العباسية الكبيرة بالهفوف* 🏴
الأحساء ~ الهفوف
٢٠١٩م - ١٤٤٠هـ

https://youtu.be/EYPs4Ko6iS4