🔹 នារសៀលថ្ងៃទី ៨ ខែ មេសា ឆ្នាំ ២០២៦ មជ្ឈមណ្ឌលបណ្តុះធុរកិច្ចថ្មី "តេជោ" (ម.ធ.ត.) បានរៀបចំប្រារព្ធពិធីសូត្រមន្តចម្រើនព្រះបរិត្ត ប្រសិទ្ធពរជ័យ សិរីមង្គលទទួលអំណរឆ្នាំថ្មី ឆ្នាំមមី អដ្ឋស័ក ព.ស. ២៥៧០។ ពិធីនេះប្រព្រឹត្តទៅក្រោមអធិបតីភាព ឯកឧត្តមបណ្ឌិត តាំង ងួនលី នាយកប្រតិបត្តិ ម.ធ.ត. ដើម្បីប្រសិទ្ធពរជ័យ សិរីសួស្តី ជ័យមង្គល ជូនដល់ថ្នាក់ដឹកនាំ មន្ត្រី និង បុគ្គលិកនៃម.ធ.ត.ទាំងអស់។ ទន្ទឹមនឹងនេះ ក្រុមការងារ ម.ធ.ត. ក៏បានចូលរួមលេងល្បែងប្រជាប្រិយខ្មែរ ដើម្បីបង្កើននូវភាពស្និទ្ធស្នាល និងសាមគ្គីភាព ក៏ដូចជាចូលរួមចំណែកថែរក្សា និងលើកស្ទួយវប្បធម៌ប្រពៃណីជាតិ ក្នុងឱកាសអបអរសាទរបុណ្យចូលឆ្នាំថ្មីប្រពៃណីជាតិខ្មែរយើងផងដែរ។
🔵 បណ្តាញប្រព័ន្ធផ្សព្វផ្សាយសង្គម៖ https://bit.ly/TSC_Social_Media

[English Below]
✨ គណៈប្រតិភូនៃមជ្ឈមណ្ឌលបណ្តុះធុរកិច្ចថ្មី “តេជោ” (ម.ធ.ត.) រួមមានតំណាងភ្នាក់ងារអនុវត្តគម្រោង (NPEE), អង្គភាពគ្រប់គ្រងគម្រោង (PMU) និង សហគ្រិនដែលជាម្ចាស់ជ័យលាភីចំនួន ៣ រូប នៃកម្មវិធីពន្លឿនអាជីវកម្ម GCIP Cambodia រដូវកាលទី ៣ ដូចជា៖ ក្រុមហ៊ុន ANON (Cambodia), ក្រុមហ៊ុន SUDRAIN និង ក្រុមហ៊ុន Ecobatt Energy Investment International បានចូលរួមទិវាបច្ចេកវិទ្យាស្អាតឆ្នាំ ២០២៦, រៀបចំដោយអង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO) ដែលមានរយៈពេល ៥ ថ្ងៃចាប់ពីថ្ងៃទី ៧ ដល់ ថ្ងៃទី ១០ ខែ មេសា ឆ្នាំ ២០២៦ នៅរដ្ឋធានីវីយេន សាធារណរដ្ឋអូទ្រីស ។

🔹លោកស្រី ហ៊ុយ ចន្ថារី អ្នកគ្រប់គ្រងគម្រោង GCIP Cambodia នៃ ម.ធ.ត. ត្រូវបានអញ្ជើញចូលរួមជាវាគ្មិនកិត្តិយសសម្រាប់កិច្ចពិភាក្សា ស្ដីពីបរិយាបន្នជាយុទ្ធសាស្ត្រឧស្សាហកម្ម​៖ តួអង្គមានឥទ្ធិពលក្នុងការផ្លាស់ប្តូរបៃតង និង កញ្ញា វន ថារី នាយិកាក្រុមហ៊ុន SUDRAIN ក៏បានអញ្ជើញចូលរួមក្នុងកិច្ចសន្ទនា ដែលផ្តោតលើការចែករំលែកអំពីដំណើរចាប់ផ្ដើមសហគ្រាស រួមជាមួយនឹងម្ចាស់សហគ្រាសមកពីតំបន់ផ្សេងៗគ្នាដែលមានគោលដៅរួម ក្នុងការបង្កើតដំណោះស្រាយប្រកបដោយភាពច្នៃប្រឌិត ដើម្បីដោះស្រាយអាកាសធាតុ និង បញ្ហាបរិស្ថានផងដែរ។

លើសពីនេះ គណៈប្រតិភូទាំង ៥ រូបបានបន្តចូលរួមក្នុងកិច្ចពិភាក្សាបន្ថែមទៀតយ៉ាងសកម្ម ក្នុងការផ្លាស់ប្ដូរបទពិសោធន៍ ចំណេះដឹងថ្មីៗ និង ឧត្តមានុវត្តន៍ ជាមួយតួអង្គជាច្រើន និង ពាក់ព័ន្ធក្នុងប្រព័ន្ធអេកូឡូស៊ី។
🔵 បណ្តាញប្រព័ន្ធផ្សព្វផ្សាយសង្គម៖ https://bit.ly/TSC_Social_Media​

✨Delegates from the Techo Startup Center (TSC), including representatives of the National Project Executing Entity (NPEE), Project Management Unit (PMU), and founders of the three winning SMEs from the GCIP Cambodia Accelerator Program Cohort 3 namely ANON Cambodia, SUDRIAN, and ECOBATT ENERGY INVESTMENT INTERNATIONAL, are attending Cleantech Days 2026, organized by the United Nations Industrial Development Organization (UNIDO) in Vienna, Austria, from 7 to 10 April 2026.

🔹Ms. Huy Chanthary, Project Team Leader of the GCIP Cambodia project at TSC, was invited as a guest speaker for the panel discussion on the Inclusion as Industrial Strategy: Who Powers the Green Transition, and Ms. Vorn Thary, CEO of SUDRIAN, was invited to join the Introductory Session, a conversational arrangement featuring inspiring stories from entrepreneurs across different regions who share the common goal of developing innovative solutions to respond to climate and environmental challenges.

Furthermore, the five delegates continued to actively take part in other panel discussions to exchange experiences, knowledge, and best practices with key actors and relevant stakeholders across the ecosystem.
🔵 Official social media channels: https://bit.ly/TSC_Social_Media
#CLEANTECH #DAYS #GCIPCAMBODIA #CAMBODIA #UNIDO #GEF #Techostartupcenter #Cleantech #startups #SMEs