ਹਰ ਕੋਈ ਵਿਦਵਾਨ ਸ਼ੋਸ਼ਲ ਮੀਡੀਆ 'ਤੇ
ਵੇਖੋ ਪਿਆ ਘਮਸਾਨ ਸ਼ੋਸ਼ਲ ਮੀਡੀਆ 'ਤੇ

ਰਲਕੇ ਖੇਡਣ ਨਵੀਆਂ ਚਾਲਾਂ
ਇੱਕ ਦੂਜੇ ਨੂੰ ਕੱਢਕੇ ਗਾਲਾਂ
ਬਣ ਬਹਿੰਦੇ ਭਲਵਾਨ
ਸ਼ੋਸ਼ਲ ਮੀਡੀਆ 'ਤੇ

ਸੰਗ ਸ਼ਰਮ ਦਾ ਮੁੱਲ ਨਾ ਕੋਈ
ਜੀਹਨੇ ਲਾਹਕੇ ਸੁੱਟਤੀ ਲੋਈ
ਓਸ ਨੂੰ ਕਹਿਣ ਮਹਾਨ
ਸ਼ੋਸ਼ਲ ਮੀਡੀਆ 'ਤੇ

ਸੱਚ ਨਾਲੋਂ ਵੱਧ ਝੂਠ ਹੈ ਵਿਕਦਾ
ਬੰਦਾ ਸਿਰੇ ਦਾ ਊਤ ਹੈ ਵਿਕਦਾ
ਸਿਆਣੇ ਦਾ ਨੁਕਸਾਨ
ਸ਼ੋਸ਼ਲ ਮੀਡੀਆ 'ਤੇ

ਨਾ ਕੋਈ ਰੋਕੇ, ਨਾ ਕੋਈ ਟੋਕੇ
ਹਰ ਕੋਈ ਲੈਕ-ਵਿਊ ਦੀ ਸੋਚੇ
ਸਿਆਣਿਆਂ ਦੇ ਕਮਲੇ ਪ੍ਰਧਾਨ
ਸ਼ੋਸ਼ਲ ਮੀਡੀਆ 'ਤੇ

ਬਜ਼ੁਰਗ ਸਿਆਣੇ ਬਹਿ ਕੇ ਪਾਸੇ
ਵੇਖਣ ਹੁੰਦੇ ਅਜਬ ਤਮਾਸ਼ੇ
ਹੋਇਆ ਕਮਲਾ ਫਿਰੇ ਜਹਾਨ
ਸ਼ੋਸ਼ਲ ਮੀਡੀਆ 'ਤੇ

ਹਰ ਕੋਈ ਵਿਦਵਾਨ ਸ਼ੋਸ਼ਲ ਮੀਡੀਆ 'ਤੇ
ਵੇਖੋ ਪਿਆ ਘਮਸਾਨ ਸ਼ੋਸ਼ਲ ਮੀਡੀਆ 'ਤੇ

(ਜਸਵਿੰਦਰ)