ኮሮናን ለመከላከል ሲባል የሰዎችን እንቅስቃሴ መረጃ ይፋ እንደሚያደርግ ጎግል አስታውቋል
========================
የኮሮና ቫይረስ ስርጭትን ከሚከላከሉ መንገዶች ውስጥ ዋነኛው ከሰዎች ጋራ ያለ ርቀርን መጠበቅ ነው፡፡ ይህ ግን በሁሉም ዘንድ እኩል ሲተገበር አናየውም፡፡ ታድያ መንግስታት ዜጎቻቸው በምን ያህል የአካላዊ ርቀታቸውን መጠበቅ አሰለመጠበቃቸውን እንዲያውቁ በማሰብ የተጠቃሚዎቹን እንቅስቃሴ ይፋ እንደሚያደርግ ጎግል አስታውቋል፡፡ መረጃው በ131 ሀገራት ያሉ ተጠቃሚዎቹን የእንቅስቃሴ መረጃ በልዩ ድረ-ገፅ ላይ ይፋ የሚደረግ ሲሆን ሰዎች መቼና የት ተገኝተው እንደነበረ ያሳያል፡፡ መረጃዎቹ ሰዎች እንደ ገበያ ማዕከል፣ ሱቅ፣ ቤቶች እና ፓርኮች ባሉ ስፍራዎች የሚያደርጉት ምልልስ በምን ያህል መጠን እንደጨመረና እንደቀነሰ በመቶኛ አስልቶ የሚያቀርብ ይሆናል፡፡ ለምሳሌ ከሰሞኑን በፈረንሳይ ሰዎች ወደ ምግብ ቤት፣ ካፌ፣ ገበያ ማዕከላት፣ ቤተ-መዘክሮች እና መዝናኛፓርኮች ያደረጉት ጉዞ በ88 በመቶ መቀነሱን መረጃው አመላክቷል፡፡ ወደ አቅራቢያ ገበያዎች የሚደረጉት ጉዞዎች ቀድሞ በ40 በመቶ ያደጉ ቢሆንም የኋላ ኋላ ግን በሰባ በመቶ ወርደዋል፡፡ በቢሮ አካባቢ የሚደረጉ እንቅስቃሴዎችም እንዲሁ በ56 በመቶ ቀንሷል፡፡
መረጃዎቹ በዓለም ዙርያ ከአንድ ቢሊዮን በላይ የሞባይል ተጠቃሚዎች ባሉት የጎግል ማፕ አገልግሎት አማካኝነት የሚሰበሰብ ነው፡፡ ይህም በዓለም ላይ ካለ ማንኛውም ስርዓት በላይ የሰዎችን መረጃ አጥርቶ የሚያቀርብ እንደሆነ ይነገርለታል፡፡ መረጃዎቹ ግን የግንኙነት ዝርዝር፣ መገኛ እና እንቅስቃሴን የመሰሉ የግለሰቦችን ማንነት ይፋ የሚያደርጉ መረጃዎችን እንደማይሰጡ የተገለፀ ሲሆን የግለሰቦቹን ማንነት እንዳይታታወቅ የሚረዱ ስልቶችንም በግብዓትነት መያዙ ተነግሮለታል፡፡
የቻይና፣ ሲንጋፖር እና እስራኤልን ጨምሮ የተለያዩ የዓለም መንግስታት የኮቪድ-19 ስርጭትን ለመግታት ያግዝ ዘንድ በዜጎቻቸው ላይ የኤሌክትሮኒክስ ክትትል እንዲደረግ አዘዋል፡፡ በአውሮፓና አሜሪካን የሚገኙ የቴክኖሎጂ ተቋማትም የተጠቃሚዎቻቸውን ማንነት በሚሰውር መልኩ የስማርት ስልኮችን መረጃ ቫይረሱን ለመከላከል እያዋሉት ይገኛሉ፡፡ ግለሰበዊ ነፃነትን የሚጋፋ መረጃ ስብሰባን አጥብቃ የምትቃወመው ጀርመን እንኳን ቫይረሱን ለመቆጣጠር የሚያስችል የስማርት ስልክ መተግበሪያ ወደስራ ለማስገባት እያሰበች ትገኛለች፡፡
ሆኖም ይህ አይነት አሰራር ከትችት አላመለጠም፡፡ የተለያዩ የመብት ተሟጋቾች ይህ ዘዴ ኮሮናን ምክንያት በማድረግ አምባገነን መንግስታት የገለልተኞችን ድምፅ ለማፈን እና መንግስታዊ ስለላን ለማጠናከር እየተጠቀሙበት መሆኑን ቅሬታ እያሰሙ ናቸው፡፡ ዲሞክራሲያዊ በሚባሉ ሀገራት ዘንድም ይህ ዘዴ የሰዎችን ግለሰበዊ ነፃነት በዘላቂነት እንደሚጎዳ ተፈርቷል፡፡
ምንጭ፡ Bloomberg እና Tech Xplore
========================
የኮሮና ቫይረስ ስርጭትን ከሚከላከሉ መንገዶች ውስጥ ዋነኛው ከሰዎች ጋራ ያለ ርቀርን መጠበቅ ነው፡፡ ይህ ግን በሁሉም ዘንድ እኩል ሲተገበር አናየውም፡፡ ታድያ መንግስታት ዜጎቻቸው በምን ያህል የአካላዊ ርቀታቸውን መጠበቅ አሰለመጠበቃቸውን እንዲያውቁ በማሰብ የተጠቃሚዎቹን እንቅስቃሴ ይፋ እንደሚያደርግ ጎግል አስታውቋል፡፡ መረጃው በ131 ሀገራት ያሉ ተጠቃሚዎቹን የእንቅስቃሴ መረጃ በልዩ ድረ-ገፅ ላይ ይፋ የሚደረግ ሲሆን ሰዎች መቼና የት ተገኝተው እንደነበረ ያሳያል፡፡ መረጃዎቹ ሰዎች እንደ ገበያ ማዕከል፣ ሱቅ፣ ቤቶች እና ፓርኮች ባሉ ስፍራዎች የሚያደርጉት ምልልስ በምን ያህል መጠን እንደጨመረና እንደቀነሰ በመቶኛ አስልቶ የሚያቀርብ ይሆናል፡፡ ለምሳሌ ከሰሞኑን በፈረንሳይ ሰዎች ወደ ምግብ ቤት፣ ካፌ፣ ገበያ ማዕከላት፣ ቤተ-መዘክሮች እና መዝናኛፓርኮች ያደረጉት ጉዞ በ88 በመቶ መቀነሱን መረጃው አመላክቷል፡፡ ወደ አቅራቢያ ገበያዎች የሚደረጉት ጉዞዎች ቀድሞ በ40 በመቶ ያደጉ ቢሆንም የኋላ ኋላ ግን በሰባ በመቶ ወርደዋል፡፡ በቢሮ አካባቢ የሚደረጉ እንቅስቃሴዎችም እንዲሁ በ56 በመቶ ቀንሷል፡፡
መረጃዎቹ በዓለም ዙርያ ከአንድ ቢሊዮን በላይ የሞባይል ተጠቃሚዎች ባሉት የጎግል ማፕ አገልግሎት አማካኝነት የሚሰበሰብ ነው፡፡ ይህም በዓለም ላይ ካለ ማንኛውም ስርዓት በላይ የሰዎችን መረጃ አጥርቶ የሚያቀርብ እንደሆነ ይነገርለታል፡፡ መረጃዎቹ ግን የግንኙነት ዝርዝር፣ መገኛ እና እንቅስቃሴን የመሰሉ የግለሰቦችን ማንነት ይፋ የሚያደርጉ መረጃዎችን እንደማይሰጡ የተገለፀ ሲሆን የግለሰቦቹን ማንነት እንዳይታታወቅ የሚረዱ ስልቶችንም በግብዓትነት መያዙ ተነግሮለታል፡፡
የቻይና፣ ሲንጋፖር እና እስራኤልን ጨምሮ የተለያዩ የዓለም መንግስታት የኮቪድ-19 ስርጭትን ለመግታት ያግዝ ዘንድ በዜጎቻቸው ላይ የኤሌክትሮኒክስ ክትትል እንዲደረግ አዘዋል፡፡ በአውሮፓና አሜሪካን የሚገኙ የቴክኖሎጂ ተቋማትም የተጠቃሚዎቻቸውን ማንነት በሚሰውር መልኩ የስማርት ስልኮችን መረጃ ቫይረሱን ለመከላከል እያዋሉት ይገኛሉ፡፡ ግለሰበዊ ነፃነትን የሚጋፋ መረጃ ስብሰባን አጥብቃ የምትቃወመው ጀርመን እንኳን ቫይረሱን ለመቆጣጠር የሚያስችል የስማርት ስልክ መተግበሪያ ወደስራ ለማስገባት እያሰበች ትገኛለች፡፡
ሆኖም ይህ አይነት አሰራር ከትችት አላመለጠም፡፡ የተለያዩ የመብት ተሟጋቾች ይህ ዘዴ ኮሮናን ምክንያት በማድረግ አምባገነን መንግስታት የገለልተኞችን ድምፅ ለማፈን እና መንግስታዊ ስለላን ለማጠናከር እየተጠቀሙበት መሆኑን ቅሬታ እያሰሙ ናቸው፡፡ ዲሞክራሲያዊ በሚባሉ ሀገራት ዘንድም ይህ ዘዴ የሰዎችን ግለሰበዊ ነፃነት በዘላቂነት እንደሚጎዳ ተፈርቷል፡፡
ምንጭ፡ Bloomberg እና Tech Xplore
ቅዳሜ በ10 ሰዓት ይጠብቁን!!!
===================
የቴክ-ሳይንስ የቴሌቪዥን ፕሮግራማችን በምዕራፍ 2 ክፍል 5 ዝግጅቱ ነገ ቅዳሜ ከቀኑ አስር ሰዓት ጀምሮ ወደ እናንተ ይደርሳል፡፡ በዚህ ሳምንቱም ፕሮግራማችን እንደወትሮው ሁሉ ከልዩ ልዩ ሳይንስ እና ቴክኖሎጂ እንዲሁም ኢኖቬሽንን የተመለከቱ ዜናዎች፣ መረጃዎች፣ ታሪኮች፣ ትንታኔዎችቻችን ጋራ እንጠብቆታለን፡፡ ቻናሎን በ # MOE # TV ላይ በማድረግ በውብ ዝግጅቶቻችን እየተዝናኑ የሳይንስ እውቀቶን ያሳድጉ፤
በነገው መሰናዷችን
• በአብይ ፕሮግራም ውሽውሽ የሻይ ቅጠል እርሻ
• በተቋማት ታሪክ የባዮቴክኖሎጂ ኢኒስቲትዩት
• በብላቴናት ፕሮግራም ስካቫተር ስለሰራው የኮንሶ ታዲጊ
• በቴክኖሎጂ ታሪክ ስለፕሌን እና ሌሎችም አጓጊ ዝግጅቶች አንጠብቃችኋለን
===================
የቴክ-ሳይንስ የቴሌቪዥን ፕሮግራማችን በምዕራፍ 2 ክፍል 5 ዝግጅቱ ነገ ቅዳሜ ከቀኑ አስር ሰዓት ጀምሮ ወደ እናንተ ይደርሳል፡፡ በዚህ ሳምንቱም ፕሮግራማችን እንደወትሮው ሁሉ ከልዩ ልዩ ሳይንስ እና ቴክኖሎጂ እንዲሁም ኢኖቬሽንን የተመለከቱ ዜናዎች፣ መረጃዎች፣ ታሪኮች፣ ትንታኔዎችቻችን ጋራ እንጠብቆታለን፡፡ ቻናሎን በ # MOE # TV ላይ በማድረግ በውብ ዝግጅቶቻችን እየተዝናኑ የሳይንስ እውቀቶን ያሳድጉ፤
በነገው መሰናዷችን
• በአብይ ፕሮግራም ውሽውሽ የሻይ ቅጠል እርሻ
• በተቋማት ታሪክ የባዮቴክኖሎጂ ኢኒስቲትዩት
• በብላቴናት ፕሮግራም ስካቫተር ስለሰራው የኮንሶ ታዲጊ
• በቴክኖሎጂ ታሪክ ስለፕሌን እና ሌሎችም አጓጊ ዝግጅቶች አንጠብቃችኋለን
ክፍት የስራ ቦታ ማስታወቂያ
===================
የቴክኖሎጂና ኢኖቬሽን ኢኒስቲትዩት ከዚህ ቀጥሎ ባሉት የስራ መደቦች በቋሚነት አመልካቾችን አወዳድሮ ለመቅጠር ይፈልጋል፡፡ በዚሁ መሰረት መስፈርቱን የምታሟሉ አመልካቾች ይህ ማስታወቂያ ከወጣበት ቀን ጀምሮ ባሉት 10 ተከታታይ የስራ ቀናት ውስጥ የተቋሙን ድህረ ገፅ በመጠቀም በ Online techin.gov.et/announcement/ ላይ እንድትመዘገቡ እናስታውቃለን፡፡
===================
የቴክኖሎጂና ኢኖቬሽን ኢኒስቲትዩት ከዚህ ቀጥሎ ባሉት የስራ መደቦች በቋሚነት አመልካቾችን አወዳድሮ ለመቅጠር ይፈልጋል፡፡ በዚሁ መሰረት መስፈርቱን የምታሟሉ አመልካቾች ይህ ማስታወቂያ ከወጣበት ቀን ጀምሮ ባሉት 10 ተከታታይ የስራ ቀናት ውስጥ የተቋሙን ድህረ ገፅ በመጠቀም በ Online techin.gov.et/announcement/ ላይ እንድትመዘገቡ እናስታውቃለን፡፡
ሌላኛው ቀውስ
==========
የኮሮና ቫይረስ ስርጭትን ከመግታት ጋራ ተያይዞ ብዙ ሰዎች በቤታቸው እንዲቆዩ እየተገደዱ ይገኛሉ፡፡ ትምህርት እና ስራን ጨምሮ በብዙ ሀገራት የተለያዩ ተቋማት በጊዜያዊነት ስራቸውን አቁመው ይገኛሉ፡፡ ምንም እንኳን ቤት የመቆየቱ ነገር እጅጉን የሚመከከር እና ቫይረሱንም ለመዋጋት ዋነኛው መፍትሄ ቢሆንም በተለያዩ ሰዎች ላይ የስነ-ልቦና ተፅዕንዖ ሊያሳድርም ይችላል፡፡ ለአንዳንድ ሰዎች ይህ ከሰዎች ጋራ መራራቅ ምግብ ካለመብላት እስከሚስተካከል ድረስ ተፅዕንዖው ጎልቶ ሊወጣ እንደሚችልም የስነ-ልቦና ባለሙያዎች ይናገራሉ፡፡
ዓለማችን ከገባችበት የኮሮና ቀውስ ጋራ ተያይዞ በዚህ ወቅት ይህን ሁኔታ ለማረጋገጥ ጥናቶችን መስራት አዳጋች ነው፡፡ ሆኖም በቅርብ የተሰራ አንድ ጥናት የአውሮፓውያኑ 2000 ከገባ በኋላ ተቀስቅሰው የነበሩትን የሳርስ፣ H1N1 ፍሉ፣ ኢቦላ እና ሌሎችም ተላላፊ በሽታዎችን ተከትለው በተደረጉ የለይቶ ማቆያ እርምጃዎች ወቅት የተሰሩ 24 ጥናቶችን አገላብጦ ማሳያውን ይዞ መጥቷል፡፡ በውጤቱም እራሳቸውን የለዩ አልያም ለይቶ ማቆያ ውስጥ የገቡ ብዙ ታማሚዎች የአጭር ጊዜም ሆነ ዘላቂ የአዕምሮ ጤና ጉዳት እንደገጠማቸው ሲረጋገጥ ጭንቀት፣ የስሜት መዳከም፣ የእንቅልፍ እጦት ከነዚህ የጤና ችግሮች መካከል ተገኝተውበታል፡፡ ለምሳሌ በኢንፍሉዌንዛ ወረርሺኝ ምክንያት ተለይተው እንዲቆዩ ተደርገው ከነበሩ 2760 ሰዎች መካከል 34 በመቶው ወይም 938ቱ ከፍተኛ የስነ-ልቦና መጨነቅ አጋጥሟቸዋል፡፡ ይህም በተለምዶ ከሚያጋጥመው የ12 በመቶ በአንፃራዊነት ከፍ ያለ ነው፡፡ ሌላው በአውሮፓውያኑ 2003 የሳርስ ወረርሺኝ በተከሰተበት ወቅት 549 የሆስፒታል ሰራተኞችን አካሎ የተጠና ጥናት ደግሞ፤ ተለይተው እንዲቆዩ የተደረጉ አልያም ከፍተኛ ሰጋት ባለበት ሁኔታ ውስጥ ሲሰሩ ከነበሩት ሰዎች መካከል ግማሽ ያህሉ ከወረርሺኙ መከሰት ሶስት ዓመታት በኋላ ሲታይ ስጋት ባልነበረበት ሁኔታ ውስጥ ሲሰሩ ከቆዩት አንፃር የአልኮል ሱሰኝነታቸው ከፍ ያለ ሆኖ ተገኝቷል፡፡
በለይቶ ማቆያ ጊዜያት ውስጥ እንዳንድ ሁናቴዎች የሰዎችን በአዕምሮ ጤና መታወክ ሊጨምሩ እንደሚችሉ ይገለፃል፡፡ ከነዚህም ውስጥ የለይቶ ማቆያው ጊዜ ከ10 ቀናት ያለፈ ሲሆን፣ ስለ ለይቶ ማቆያው እፈላጊነት በቂ መረጃ ሳይሰጥ ሲቀር እንዲሁም የአስፈላጊ ቁሳቁሶች እና የቴሌኮምዩኒኬሽን አገልግሎት ተደራሽነት አናሳ መሆን ነው፡፡
ከለይቶ ማቆያም ባሻገር ከሰዎች ጋራ ያለው አካላዊ ርቀት እና በየጊዜው አለመገናኘትም የራሳቸው ተፅዕንዖ ሊኖራቸው ይችላል፡፡ በ2015 3.4 ሚሊዮን ተሳታፊዎችን አካቶ የተሰራ አንድ ጥናት ብቸኝነት የሚሰማቸው ሰዎች በ26 በመቶ ቀድሞ የመሞት ዕድል እንዳላቸው ሲያረጋግጥ ከማህበራዊ ግንኙነቶች የራቁት በ29 በመቶ በብቸኝነት የሚኖሩት ደግሞ 32 በመቶ ቀድሞ የመሞት ዕድል እንዳላቸው አሳይቷል፡፡ ታድያ በእንደዚህ አይነት የመራራቅ ወቅቶች ወትሮውንም ከዕድሜያቸው መግፋት ጋር ተያይዞ የማህበራዊ ግንኙነታቸው የቀነሱ ሰዎች እና በህክምና ሳብያ በየሆስፒታሉ አልጋ የያዙ ታማሚዎች ይበልጥ ሊጎዱ ይችላሉ፡፡
ሆኖም ከላይ የተቀመጡ የጥናት ውጤቶች እንዳሉ ሆነው በነዚህ ወቅቶች የሚደረጉ ግንኙነቶች መቀነስ ሁሉንም በእኩል ይጎዳል ማለት አይደለም፡፡ አንዳንዶች ከቤት ላለመውጣታቸው ምስጋና ይግባና ከቤተሰቦቻቸው ጋራ ያላቸው ትስስር እንዲጠብቅና የማህበራዊ ትስስር ደረጃቸውም እንዲያድግ ሲሆን ሌሎች ደግሞ በስልክና በበይነ-መረብ የሚፈጥሯቸው ትስስሮች ተጎጂነታቸውን በእጅጉ ሲቀነሰው ይታያል፡፡ መሰል ቴክኖሎጂ አመጣሽ ግንኙነት ከፍ ሲልም በርቀት የአዕምሮ ጤና ህክምናዎችን እንዲከወኑ ሊያደርጉም ይችላሉ፤ የማታ ማታ የግንባር ህክምና እንደሚያስፈልግ ቢቀመጥም፡፡
ምንጭ፡- Science News
==========
የኮሮና ቫይረስ ስርጭትን ከመግታት ጋራ ተያይዞ ብዙ ሰዎች በቤታቸው እንዲቆዩ እየተገደዱ ይገኛሉ፡፡ ትምህርት እና ስራን ጨምሮ በብዙ ሀገራት የተለያዩ ተቋማት በጊዜያዊነት ስራቸውን አቁመው ይገኛሉ፡፡ ምንም እንኳን ቤት የመቆየቱ ነገር እጅጉን የሚመከከር እና ቫይረሱንም ለመዋጋት ዋነኛው መፍትሄ ቢሆንም በተለያዩ ሰዎች ላይ የስነ-ልቦና ተፅዕንዖ ሊያሳድርም ይችላል፡፡ ለአንዳንድ ሰዎች ይህ ከሰዎች ጋራ መራራቅ ምግብ ካለመብላት እስከሚስተካከል ድረስ ተፅዕንዖው ጎልቶ ሊወጣ እንደሚችልም የስነ-ልቦና ባለሙያዎች ይናገራሉ፡፡
ዓለማችን ከገባችበት የኮሮና ቀውስ ጋራ ተያይዞ በዚህ ወቅት ይህን ሁኔታ ለማረጋገጥ ጥናቶችን መስራት አዳጋች ነው፡፡ ሆኖም በቅርብ የተሰራ አንድ ጥናት የአውሮፓውያኑ 2000 ከገባ በኋላ ተቀስቅሰው የነበሩትን የሳርስ፣ H1N1 ፍሉ፣ ኢቦላ እና ሌሎችም ተላላፊ በሽታዎችን ተከትለው በተደረጉ የለይቶ ማቆያ እርምጃዎች ወቅት የተሰሩ 24 ጥናቶችን አገላብጦ ማሳያውን ይዞ መጥቷል፡፡ በውጤቱም እራሳቸውን የለዩ አልያም ለይቶ ማቆያ ውስጥ የገቡ ብዙ ታማሚዎች የአጭር ጊዜም ሆነ ዘላቂ የአዕምሮ ጤና ጉዳት እንደገጠማቸው ሲረጋገጥ ጭንቀት፣ የስሜት መዳከም፣ የእንቅልፍ እጦት ከነዚህ የጤና ችግሮች መካከል ተገኝተውበታል፡፡ ለምሳሌ በኢንፍሉዌንዛ ወረርሺኝ ምክንያት ተለይተው እንዲቆዩ ተደርገው ከነበሩ 2760 ሰዎች መካከል 34 በመቶው ወይም 938ቱ ከፍተኛ የስነ-ልቦና መጨነቅ አጋጥሟቸዋል፡፡ ይህም በተለምዶ ከሚያጋጥመው የ12 በመቶ በአንፃራዊነት ከፍ ያለ ነው፡፡ ሌላው በአውሮፓውያኑ 2003 የሳርስ ወረርሺኝ በተከሰተበት ወቅት 549 የሆስፒታል ሰራተኞችን አካሎ የተጠና ጥናት ደግሞ፤ ተለይተው እንዲቆዩ የተደረጉ አልያም ከፍተኛ ሰጋት ባለበት ሁኔታ ውስጥ ሲሰሩ ከነበሩት ሰዎች መካከል ግማሽ ያህሉ ከወረርሺኙ መከሰት ሶስት ዓመታት በኋላ ሲታይ ስጋት ባልነበረበት ሁኔታ ውስጥ ሲሰሩ ከቆዩት አንፃር የአልኮል ሱሰኝነታቸው ከፍ ያለ ሆኖ ተገኝቷል፡፡
በለይቶ ማቆያ ጊዜያት ውስጥ እንዳንድ ሁናቴዎች የሰዎችን በአዕምሮ ጤና መታወክ ሊጨምሩ እንደሚችሉ ይገለፃል፡፡ ከነዚህም ውስጥ የለይቶ ማቆያው ጊዜ ከ10 ቀናት ያለፈ ሲሆን፣ ስለ ለይቶ ማቆያው እፈላጊነት በቂ መረጃ ሳይሰጥ ሲቀር እንዲሁም የአስፈላጊ ቁሳቁሶች እና የቴሌኮምዩኒኬሽን አገልግሎት ተደራሽነት አናሳ መሆን ነው፡፡
ከለይቶ ማቆያም ባሻገር ከሰዎች ጋራ ያለው አካላዊ ርቀት እና በየጊዜው አለመገናኘትም የራሳቸው ተፅዕንዖ ሊኖራቸው ይችላል፡፡ በ2015 3.4 ሚሊዮን ተሳታፊዎችን አካቶ የተሰራ አንድ ጥናት ብቸኝነት የሚሰማቸው ሰዎች በ26 በመቶ ቀድሞ የመሞት ዕድል እንዳላቸው ሲያረጋግጥ ከማህበራዊ ግንኙነቶች የራቁት በ29 በመቶ በብቸኝነት የሚኖሩት ደግሞ 32 በመቶ ቀድሞ የመሞት ዕድል እንዳላቸው አሳይቷል፡፡ ታድያ በእንደዚህ አይነት የመራራቅ ወቅቶች ወትሮውንም ከዕድሜያቸው መግፋት ጋር ተያይዞ የማህበራዊ ግንኙነታቸው የቀነሱ ሰዎች እና በህክምና ሳብያ በየሆስፒታሉ አልጋ የያዙ ታማሚዎች ይበልጥ ሊጎዱ ይችላሉ፡፡
ሆኖም ከላይ የተቀመጡ የጥናት ውጤቶች እንዳሉ ሆነው በነዚህ ወቅቶች የሚደረጉ ግንኙነቶች መቀነስ ሁሉንም በእኩል ይጎዳል ማለት አይደለም፡፡ አንዳንዶች ከቤት ላለመውጣታቸው ምስጋና ይግባና ከቤተሰቦቻቸው ጋራ ያላቸው ትስስር እንዲጠብቅና የማህበራዊ ትስስር ደረጃቸውም እንዲያድግ ሲሆን ሌሎች ደግሞ በስልክና በበይነ-መረብ የሚፈጥሯቸው ትስስሮች ተጎጂነታቸውን በእጅጉ ሲቀነሰው ይታያል፡፡ መሰል ቴክኖሎጂ አመጣሽ ግንኙነት ከፍ ሲልም በርቀት የአዕምሮ ጤና ህክምናዎችን እንዲከወኑ ሊያደርጉም ይችላሉ፤ የማታ ማታ የግንባር ህክምና እንደሚያስፈልግ ቢቀመጥም፡፡
ምንጭ፡- Science News
ጨረቃ በውበቷ የምትሞሸርባቸው ዕለታት
=======================
ፈረንጆቹ ግዙፍ ጨረቃ ወይም Supermoon ይሉታል፤ ጨረቃ ሙሉ ሆና የምትታይበት ጊዜ ወደ ምድር ከምትቀርበበት ጋራ ሲገጥም የሚከሰት ውብ ክስተት ነው፡፡ ይህም ጨረቃን ከተለምዶው ጊዜ በተለየ ደደምቃና ወደኛም ቀርባ አንድትታየን ያደርጋል፤ ምንም እንኳን ልዩነቱን በባዶ አይን ለመመልከት አስቸጋሪ ቢሆንም፡፡ የዚህ ወር ሱፐርሙን ዛሬ ወይም ነገ መጋቢት 30 እንደሚከሰት ይጠበቃል፤ ይህችም በምዕራቡ ዓለም ሮዝ ጨረቃ ተበላ ስትጠራ በሌሎች አካባቢዎች ደግሞ በሌላ ስያሜ ትጠራለች፡፡
ይህ እንዴት ይፈጠራል?
ጨረቃ ምድርን የምትዞረው ፍፁም በተስተካከለ ክብ ምህዋር ላይ ሆና አይደለም (ሁለተኛውን ምስል ይመልከቱ)፡፡ ይልቁንም ከምድር የሚኖራት የ382,900 ኪ.ሜ አማካኝ ርቀት የጨረቃ ወራት (Lunar Month) መለዋወጥን ተከትሎ ሊያንስ ወይም ሊጨምር ይችላል፡፡ ለዚህ በዋነኝነት የሚቀመጠው ምክንያት ጨረቃን የሚስቡ እና ማዕበለኛ የሆኑ ብዙ ኃይሎች መኖር ነው፡፡ የፀሐይ፣ መሬት እና ሌሎች ፕላኔቶች የስበት ኃይል በጨረቃችን ምህዋር ላይ የራሳቸውን ተፅዕኖ ያሳድራሉ፡፡ እነዚህ የስበት ኃይሎች ጨረቃን በሚስቡበት እና በሚገፉበት ሰዓት ለእኛም ቀርባ አልያም ርቃ የምትታየን ይሆናል፡፡
ሱፐርሙን እንዲከሰት ታድያ ሁለት አባይት ነገሮች መሟላት ይኖርባቸዋል፡፡ በመጀመሪያ ዕለቱ ጨረቃ ምድርን በምትዞርባቸው 27 ቀናት ውስጥ በጣም የምትቀርብበት መሆን አለበት፡፡ በመቀጠልም ጨረቃ ሙሉ ገጿ መታየት መቻል አለባት፤ ይህም በየ 29.5 ቀናት ልዩነት የሚከሰት ነው፡፡ ምድር ፀሐይን በምትዞርበት ወቅት ጨረቃም ምድርን የምትዞርበት ምህዋር እየተቀያየረ በመምጣቱ ሳብያ ይህን ክስተት ሁሌ ማግኘት ያስቸግራል፤ በዓመት ለተወሰኑ ቀናት ብቻ እናየዋለን፡፡
በሱፐርሙን ወቅት ጨረቃ ብርሃኗ ከቀድሞው በ30 በመቶ ግዝፈቷ ደግሞ በ14 በመቶ ጨምራ ትታየናለች፡፡ ሁሌም ጨረቃን በአስተውሎት የማንመለከት ከሆነ ይህን ልዩነት በባዶ አይናችን ማስተዋል ይከብደናል፡፡ አንዳንዴ ግን ለአድማስ በጣም ከቀረበች ጨረቃዋ በተለየ ገዝፋ ልትታየን ትችላለች፡፡ አዕምሮአችንን ይህን ሁነት የሚገነዘብበት አኳሀን ግን የተለየ መልክ አለው፡፡ ጨረቃዋ ወደ አድማስ ስትጠጋ ለአይናችን ገዝፋ ትታያለች፤ ሁናቴው ጨረቃዊ ማስመሰል ወይም Moon Illusion ተብሎ ይጠራል፡፡ የሳይንሱ ዓለም ጠበብቶች ይህ የሚሆነው አዕምሮአችን ጨረቃን ከሚያያቸው ህንፃና ሌሎች ነገሮቸ ጋራ ለማነፃፀር ዕድል ስለሚያገኝ አልያም አዕምሮአችን በጎን በአድማስ በኩል ያሉ ነገሮችን በላይ በሰማይ ላይ ከሚታዩት በላቀ አግዝፎ እንዲያይ የሚያደርገው ትሰስርን ፈጥሮ ሊሆን በመቻሉ ነው ሲሉ ግምታቸውን ያስቀምጣሉ፡፡
ይህ በእንዲህ እንዳለ ግን ሁነቱ ብዙም ትኩረት ሳይሰጠው ለብዙ አመታት ቆይቷል፤ በፅንሰ ሐሳባዊ መነሻውም ከህዋ ምርምር (Astronomy) ሳይሆን በህዋ ላይ ያሉ ነገሮችን እንቅስቃሴ በመመልከት ነገሮች ከሚተነበዩበት የከኮኮብ ቆጠራ (Astrology) ዘርፍ ነው፡፡ ከአውሮፓውያኑ 2004 ጀምሮ በተደረገ ምልከታ መሰረት እስከ 2011 ድረስ Supermoon ብለው ጎግል የሚያደርጉ ሰዎች ቁጥር እንብዛም ነበር፡፡ ከዚህም ባሻገር ሁነቱ በሁሉም ስፍራዎች እኩል ትኩረት አይሰጠውም፤ በአንዳንድ የዓለማችን ሀገራት በተለይም በሰሜን አሜሪካን እና ደደቡብ ምስራቅ እሲያ ይበልጥ ታዋቂ ሆኖ እናገኘዋለን፡፡ ከአራት ዓመታት በኋላ በ2016 ግን በከፍተኛ ሁኔታ ጉግል ይደረግ ጀመር፡፡ ለዚህ ዋነኛው ምክንያት የነበረው በዚያ ዓመት ከ69 ዓመታት በኋላ በመጠኑ የላቀ ሱፐርሙን በመታየቱ ነበር፡፡ በዚህ ወቅት ጨረቃ ከምድር ያላትን ርቀት ወደ 356,508 ኪ.ሜ አጥብባ ነበር፡፡
ከዚህኛው ሱፐርሙን በተጨማሪ ሌሎች አስደናቂ ሱፐርሙኖችን ታዝበናል፡፡ ባለፈው ዓመት ወርሀ ጥር የፀሐይ ግርዶሽ እና ሱፐርሙን በአንድ ላይ ታይተው አልፈዋል፡፡ በዚህ ክስተት ወቅት ጨረቃ ቀይ ቡናማ ቀለምን ተላብሳ ነበር፡፡ ሌሎችም ከ2016ቱ ሱፐርሙን ከ100 ኪ.ሜ በላይ ጨረቃ ለመሬት የቀረበችበት የ1912ቱ ሱፐርሙን ሲጠቀስ ከ14 ዓመታተ በኋላ በ2034 የሚታየው ደግሞ ከሁለቱም የላቀ እንደሚሆን ይጠበቃል፡፡
ምንጭ፡ space.com
=======================
ፈረንጆቹ ግዙፍ ጨረቃ ወይም Supermoon ይሉታል፤ ጨረቃ ሙሉ ሆና የምትታይበት ጊዜ ወደ ምድር ከምትቀርበበት ጋራ ሲገጥም የሚከሰት ውብ ክስተት ነው፡፡ ይህም ጨረቃን ከተለምዶው ጊዜ በተለየ ደደምቃና ወደኛም ቀርባ አንድትታየን ያደርጋል፤ ምንም እንኳን ልዩነቱን በባዶ አይን ለመመልከት አስቸጋሪ ቢሆንም፡፡ የዚህ ወር ሱፐርሙን ዛሬ ወይም ነገ መጋቢት 30 እንደሚከሰት ይጠበቃል፤ ይህችም በምዕራቡ ዓለም ሮዝ ጨረቃ ተበላ ስትጠራ በሌሎች አካባቢዎች ደግሞ በሌላ ስያሜ ትጠራለች፡፡
ይህ እንዴት ይፈጠራል?
ጨረቃ ምድርን የምትዞረው ፍፁም በተስተካከለ ክብ ምህዋር ላይ ሆና አይደለም (ሁለተኛውን ምስል ይመልከቱ)፡፡ ይልቁንም ከምድር የሚኖራት የ382,900 ኪ.ሜ አማካኝ ርቀት የጨረቃ ወራት (Lunar Month) መለዋወጥን ተከትሎ ሊያንስ ወይም ሊጨምር ይችላል፡፡ ለዚህ በዋነኝነት የሚቀመጠው ምክንያት ጨረቃን የሚስቡ እና ማዕበለኛ የሆኑ ብዙ ኃይሎች መኖር ነው፡፡ የፀሐይ፣ መሬት እና ሌሎች ፕላኔቶች የስበት ኃይል በጨረቃችን ምህዋር ላይ የራሳቸውን ተፅዕኖ ያሳድራሉ፡፡ እነዚህ የስበት ኃይሎች ጨረቃን በሚስቡበት እና በሚገፉበት ሰዓት ለእኛም ቀርባ አልያም ርቃ የምትታየን ይሆናል፡፡
ሱፐርሙን እንዲከሰት ታድያ ሁለት አባይት ነገሮች መሟላት ይኖርባቸዋል፡፡ በመጀመሪያ ዕለቱ ጨረቃ ምድርን በምትዞርባቸው 27 ቀናት ውስጥ በጣም የምትቀርብበት መሆን አለበት፡፡ በመቀጠልም ጨረቃ ሙሉ ገጿ መታየት መቻል አለባት፤ ይህም በየ 29.5 ቀናት ልዩነት የሚከሰት ነው፡፡ ምድር ፀሐይን በምትዞርበት ወቅት ጨረቃም ምድርን የምትዞርበት ምህዋር እየተቀያየረ በመምጣቱ ሳብያ ይህን ክስተት ሁሌ ማግኘት ያስቸግራል፤ በዓመት ለተወሰኑ ቀናት ብቻ እናየዋለን፡፡
በሱፐርሙን ወቅት ጨረቃ ብርሃኗ ከቀድሞው በ30 በመቶ ግዝፈቷ ደግሞ በ14 በመቶ ጨምራ ትታየናለች፡፡ ሁሌም ጨረቃን በአስተውሎት የማንመለከት ከሆነ ይህን ልዩነት በባዶ አይናችን ማስተዋል ይከብደናል፡፡ አንዳንዴ ግን ለአድማስ በጣም ከቀረበች ጨረቃዋ በተለየ ገዝፋ ልትታየን ትችላለች፡፡ አዕምሮአችንን ይህን ሁነት የሚገነዘብበት አኳሀን ግን የተለየ መልክ አለው፡፡ ጨረቃዋ ወደ አድማስ ስትጠጋ ለአይናችን ገዝፋ ትታያለች፤ ሁናቴው ጨረቃዊ ማስመሰል ወይም Moon Illusion ተብሎ ይጠራል፡፡ የሳይንሱ ዓለም ጠበብቶች ይህ የሚሆነው አዕምሮአችን ጨረቃን ከሚያያቸው ህንፃና ሌሎች ነገሮቸ ጋራ ለማነፃፀር ዕድል ስለሚያገኝ አልያም አዕምሮአችን በጎን በአድማስ በኩል ያሉ ነገሮችን በላይ በሰማይ ላይ ከሚታዩት በላቀ አግዝፎ እንዲያይ የሚያደርገው ትሰስርን ፈጥሮ ሊሆን በመቻሉ ነው ሲሉ ግምታቸውን ያስቀምጣሉ፡፡
ይህ በእንዲህ እንዳለ ግን ሁነቱ ብዙም ትኩረት ሳይሰጠው ለብዙ አመታት ቆይቷል፤ በፅንሰ ሐሳባዊ መነሻውም ከህዋ ምርምር (Astronomy) ሳይሆን በህዋ ላይ ያሉ ነገሮችን እንቅስቃሴ በመመልከት ነገሮች ከሚተነበዩበት የከኮኮብ ቆጠራ (Astrology) ዘርፍ ነው፡፡ ከአውሮፓውያኑ 2004 ጀምሮ በተደረገ ምልከታ መሰረት እስከ 2011 ድረስ Supermoon ብለው ጎግል የሚያደርጉ ሰዎች ቁጥር እንብዛም ነበር፡፡ ከዚህም ባሻገር ሁነቱ በሁሉም ስፍራዎች እኩል ትኩረት አይሰጠውም፤ በአንዳንድ የዓለማችን ሀገራት በተለይም በሰሜን አሜሪካን እና ደደቡብ ምስራቅ እሲያ ይበልጥ ታዋቂ ሆኖ እናገኘዋለን፡፡ ከአራት ዓመታት በኋላ በ2016 ግን በከፍተኛ ሁኔታ ጉግል ይደረግ ጀመር፡፡ ለዚህ ዋነኛው ምክንያት የነበረው በዚያ ዓመት ከ69 ዓመታት በኋላ በመጠኑ የላቀ ሱፐርሙን በመታየቱ ነበር፡፡ በዚህ ወቅት ጨረቃ ከምድር ያላትን ርቀት ወደ 356,508 ኪ.ሜ አጥብባ ነበር፡፡
ከዚህኛው ሱፐርሙን በተጨማሪ ሌሎች አስደናቂ ሱፐርሙኖችን ታዝበናል፡፡ ባለፈው ዓመት ወርሀ ጥር የፀሐይ ግርዶሽ እና ሱፐርሙን በአንድ ላይ ታይተው አልፈዋል፡፡ በዚህ ክስተት ወቅት ጨረቃ ቀይ ቡናማ ቀለምን ተላብሳ ነበር፡፡ ሌሎችም ከ2016ቱ ሱፐርሙን ከ100 ኪ.ሜ በላይ ጨረቃ ለመሬት የቀረበችበት የ1912ቱ ሱፐርሙን ሲጠቀስ ከ14 ዓመታተ በኋላ በ2034 የሚታየው ደግሞ ከሁለቱም የላቀ እንደሚሆን ይጠበቃል፡፡
ምንጭ፡ space.com
ሰበር ዜና
ቻይና የኮሮና ቫይረስ የመጀመሪያዎቹን ሁለት የህመም ደረጃዎች ለማከም የተጠቀመችባቸውን የባህል መድሃኒቶች ለኢትዮጵያ በድጋፍ መልክ ልትሰጥ ነው፡፡
የኢኖቬሽንና ቴክኖሎጂ ሚኒስቴርና የጤና ሚኒስቴር ከቻይና የባህል ሃኪሞችና ተመራማሪዎች ጋር ቫይረሱን መቆጣጠር በሚቻልበት ሁኔታ ላይ በቪዲዮ ኮንፈረንስ ተወያይተዋል፡፡
ቻይና የባህላዊ መድሃኒቶችን በመጠቀም ስኬታማ በሆነ መልኩ የኮሮና ቫይረስን መቆጣጠር የቻለችባቸው መንገዶችን ለኢትዮጵያ ለማጋራት ፍቃደኛ መሆኗን ገልፃለች፡፡
በተለይ የቫይረሱ ህመም የመጀመሪያዎቹ ሁለት ደረጃዎችን ለማከም የተጠቀመችባቸውን ሁለት የመድሃኒቶች ዓይነቶች ለኢትዮጵያ በድጎማ መልክ ለመስጠት ተስማምታለች፡፡
ረጅም እድሜ ያስቆጠረውን የኢትዮጵያ የባህል ህክምና ተቋማዊ በሆነ መልኩ ወደ ስራ እንዲገባ ለማድረግ የሚደረገውን ጥረትም በቴክኖሎጂ፣ በቁሳቁስ እና በሙያም እደግፋለሁ ብላለች፡፡
የኢኖቬሽንና ቴክኖሎጂ ሚኒስትር አብርሃም በላይ (ዶ/ር ኢንጂ.) የኮሮናን ቫይረስ ለመከላከል በሚደረገው ጥረት ውስጥ እንደ ሀገር ከተጀመሩ ስራዎች ጎንለጎን የቻይና ድጋፍ ትልቅ አስተዋፅኦ እንደሚኖረው ተናግረዋል፡፡
የኢትዮጵያ የባህላዊ መድሃኒቶችም ህጋዊ ማዕቀፍ ኖሯቸው ወደ ስራ እንዲገቡ የተጀመረው ጥረት እንዲሳካም የቻይናን ልምድ ኢትዮጵያ ትፈልጋለች ብለዋል፡፡
ቻይና የኮሮና ቫይረስ የመጀመሪያዎቹን ሁለት የህመም ደረጃዎች ለማከም የተጠቀመችባቸውን የባህል መድሃኒቶች ለኢትዮጵያ በድጋፍ መልክ ልትሰጥ ነው፡፡
የኢኖቬሽንና ቴክኖሎጂ ሚኒስቴርና የጤና ሚኒስቴር ከቻይና የባህል ሃኪሞችና ተመራማሪዎች ጋር ቫይረሱን መቆጣጠር በሚቻልበት ሁኔታ ላይ በቪዲዮ ኮንፈረንስ ተወያይተዋል፡፡
ቻይና የባህላዊ መድሃኒቶችን በመጠቀም ስኬታማ በሆነ መልኩ የኮሮና ቫይረስን መቆጣጠር የቻለችባቸው መንገዶችን ለኢትዮጵያ ለማጋራት ፍቃደኛ መሆኗን ገልፃለች፡፡
በተለይ የቫይረሱ ህመም የመጀመሪያዎቹ ሁለት ደረጃዎችን ለማከም የተጠቀመችባቸውን ሁለት የመድሃኒቶች ዓይነቶች ለኢትዮጵያ በድጎማ መልክ ለመስጠት ተስማምታለች፡፡
ረጅም እድሜ ያስቆጠረውን የኢትዮጵያ የባህል ህክምና ተቋማዊ በሆነ መልኩ ወደ ስራ እንዲገባ ለማድረግ የሚደረገውን ጥረትም በቴክኖሎጂ፣ በቁሳቁስ እና በሙያም እደግፋለሁ ብላለች፡፡
የኢኖቬሽንና ቴክኖሎጂ ሚኒስትር አብርሃም በላይ (ዶ/ር ኢንጂ.) የኮሮናን ቫይረስ ለመከላከል በሚደረገው ጥረት ውስጥ እንደ ሀገር ከተጀመሩ ስራዎች ጎንለጎን የቻይና ድጋፍ ትልቅ አስተዋፅኦ እንደሚኖረው ተናግረዋል፡፡
የኢትዮጵያ የባህላዊ መድሃኒቶችም ህጋዊ ማዕቀፍ ኖሯቸው ወደ ስራ እንዲገቡ የተጀመረው ጥረት እንዲሳካም የቻይናን ልምድ ኢትዮጵያ ትፈልጋለች ብለዋል፡፡
የኢኖቬሽን እና ቴክኖሎጂ ሚኒስቴር ከማስተር ካርድ ጋራ ለመስራት የሚያስችለውን የመግባቢያ ስምምነት ተፈራርሟል
==================
ትናንት የተፈራረሙት ስምምነት ማስተር ካርድ እና የኢኖቬሽንና ቴክኖሎጂ ሚኒስቴር በኢትዮጵያ የዲጂታል ትራንስፎርሜሽን ዙርያ በጋራ እንዲሰሩ የሚያስችላቸው ነው፡፡ በቪዲዮ ኮንፈረንስ አማካኝነት በተካሄደው ስነ-ስርዓቱ ላይ ስምምነቱን የተፈራረሙት የኢኖቬሽንና ቴክኖሎጂ ሚኒስቴር ሚንስትር ዴኤታ አቶ ሲሳይ ቶላ እና በኢትዮጵያ የማስተር ካርድ ተወካይ አቶ አለማየው ናቸው፡፡
ከዚህ ቀደም የኢትዮጵያን የዲጂታል ትራንስፎርሜሽን ስትራቴጂ በማዘጋጀት ረገድ ማስተር ካርድ ከፍተኛ የሰው ኃይልና ቴክኒክ ድጋፍ ያደረገ ሲሆን ይህ ስምምነት ድጋፉ በትግበራ ረገድም እንዲቀጥል የሚያደርገው ይሆናል፡፡
ዲጂታሊዜሽን ስራው የመንግስትን አገልግሎት አሰጣጥ በመቀየር ለዜጎች የሚሰጣቸውን አገልግሎች ለማሻሻል እና መልካም አስተዳደርን ለማስፈን ከሚኖረው ከፍተኛ አስተዋፅዖ ባሻገር በሚፈለገው መልኩ ከለማም ከፍተኛ የሆነ ሐብትና የስራ ዕድል የሚፈጥር መሆኑን ክቡር ሚንስትር ደኤታው ገልፀዋል፡፡
አቶ አለማየሁ በበኩላቸው ተቋማቸው በአፍሪካ ለቀረፀው ፕሮጀክት ኢትዮጵያም ቁልፍ ተካፋይ መሆኗን ጠቅሰው በናሽናል ዲጂታሊዜሽን ፕላኑ ላይ ከተቀመጡት የትኩረት መስኮች ውስጥ የትኛውን ወደ ስራ ዕድል ምንጭነት መቀየር በሚቻልበት ሁኔታና ሊሎችም ስራዎች ላይ ከሚኒስቴር መስሪያ ቤቱ ጋራ የጋራ ስራ እያከናወኑ መሆናቸውን አስቀምጠዋል፡፡
የዲጂታል ትራንስፎርሜሽን ስትራቴጂው በአሁኑ ሰዓት የተጠናቀቀ ሲሆን በመጪዎቹ ሳምንታት ውስጥ ለሚኒስትሮች ምክር ቤት አቅርቦ የማፀደቅና በፍጥነት ወደ ተግባር እንዲገባ እየተሰራ ይገኛል፡፡ ተግባር ላይ ሲውልም የስራ ዕድሎችን በመፍጠር ለሀራችን ምጣኔ ሐብት ጉልህ ድርሻን እንደሚያበረክት ይጠበቃል፡፡
==================
ትናንት የተፈራረሙት ስምምነት ማስተር ካርድ እና የኢኖቬሽንና ቴክኖሎጂ ሚኒስቴር በኢትዮጵያ የዲጂታል ትራንስፎርሜሽን ዙርያ በጋራ እንዲሰሩ የሚያስችላቸው ነው፡፡ በቪዲዮ ኮንፈረንስ አማካኝነት በተካሄደው ስነ-ስርዓቱ ላይ ስምምነቱን የተፈራረሙት የኢኖቬሽንና ቴክኖሎጂ ሚኒስቴር ሚንስትር ዴኤታ አቶ ሲሳይ ቶላ እና በኢትዮጵያ የማስተር ካርድ ተወካይ አቶ አለማየው ናቸው፡፡
ከዚህ ቀደም የኢትዮጵያን የዲጂታል ትራንስፎርሜሽን ስትራቴጂ በማዘጋጀት ረገድ ማስተር ካርድ ከፍተኛ የሰው ኃይልና ቴክኒክ ድጋፍ ያደረገ ሲሆን ይህ ስምምነት ድጋፉ በትግበራ ረገድም እንዲቀጥል የሚያደርገው ይሆናል፡፡
ዲጂታሊዜሽን ስራው የመንግስትን አገልግሎት አሰጣጥ በመቀየር ለዜጎች የሚሰጣቸውን አገልግሎች ለማሻሻል እና መልካም አስተዳደርን ለማስፈን ከሚኖረው ከፍተኛ አስተዋፅዖ ባሻገር በሚፈለገው መልኩ ከለማም ከፍተኛ የሆነ ሐብትና የስራ ዕድል የሚፈጥር መሆኑን ክቡር ሚንስትር ደኤታው ገልፀዋል፡፡
አቶ አለማየሁ በበኩላቸው ተቋማቸው በአፍሪካ ለቀረፀው ፕሮጀክት ኢትዮጵያም ቁልፍ ተካፋይ መሆኗን ጠቅሰው በናሽናል ዲጂታሊዜሽን ፕላኑ ላይ ከተቀመጡት የትኩረት መስኮች ውስጥ የትኛውን ወደ ስራ ዕድል ምንጭነት መቀየር በሚቻልበት ሁኔታና ሊሎችም ስራዎች ላይ ከሚኒስቴር መስሪያ ቤቱ ጋራ የጋራ ስራ እያከናወኑ መሆናቸውን አስቀምጠዋል፡፡
የዲጂታል ትራንስፎርሜሽን ስትራቴጂው በአሁኑ ሰዓት የተጠናቀቀ ሲሆን በመጪዎቹ ሳምንታት ውስጥ ለሚኒስትሮች ምክር ቤት አቅርቦ የማፀደቅና በፍጥነት ወደ ተግባር እንዲገባ እየተሰራ ይገኛል፡፡ ተግባር ላይ ሲውልም የስራ ዕድሎችን በመፍጠር ለሀራችን ምጣኔ ሐብት ጉልህ ድርሻን እንደሚያበረክት ይጠበቃል፡፡