ጀርመን በዓለማችን የመጀመሪያውን አሽከርካሪ አልባ ባቡር ለአገልግሎት አበቃች
=================
የጀርመኑ ባቡር አገልግሎት ሰጪ ኩባንያ ዶቼ ባሀን ከሲመንስ የቴክኖሎጂ ኩባንያ ጋር በመተባበር በዓለማችን የመጀመሪያው የሆነውን ያለ አሽከርካሪ የሚንቀሳቀስ ባቡርን ትናንት ይፋ አድርገዋል፡፡ በጀርመኗ ሀምቡርግ ከተማ ይፋ የተደረገው አሽከርካሪ አልባ ባቡሩ ከሌሎች ባቡሮች አንፃር በሰዓቱ የሚገኝና ኃይልን ቆጣቢ ስለመሆኑም ተነግሮለታል፡፡
ከዚህ ቀደም እንደ ፓሪስ ያሉ ጥቂት ከተሞች ያለ ሰው በራሳቸው የሚንቀሳቀሱ ፈጣን ባቡሮችን ይዘው መጥተዋል፤ የተለያዩ ኤርፖርቶችም እንዲሁ አሽከርካሪ አልባ ባቡሮች አሏቸው፡፡ ነገር ግን የሀምቡርጉን ባቡር የዓለማችን የመጀመሪያው አሽከርካሪ አልባ ባቡር ያሰኘው የተለየ መሰረተ ልማትን ሳይፈልግ ቀድሞ በተዘረጉት ሀዲዶች ላይ መንቀሳቀስ መቻሉ ነው፡፡ በዚህ ረገድ የፓሪሱም ሆነ የኤርፖርት ባቡሮቹ (Monorail) ለየት ተብሎ በተዘጋጀላቸው አንድ ነጠላ ሀዲድ ላይ ብቻ ነው መንቀሳቀስ የሚችሉት፡፡
የዚህ አሽከርካሪ አልባ ባቡር ዝርጋታ የሀምቡርግን ፈጣን የከተማ ባቡር ስርዓት የማዘመን ፕሮጀክት አካል ነው፡፡ በዚህም መሰረት ሌሎች አራት አሽከርካሪ አሽከርካሪ አልባ ባቡሮች የከተማዋ ሰሜናዊ ፈጣን ባቡር መስመርን የሚቀላቀሉ ሲሆን አሁን በስራ ላይ ያለውን የባቡር መሰረተ ልማት ተጠቅመውም በቀጣዩ ወር ስራ እንደሚጀምሩ ተገልጿል፡፡
የሲመንስ ዋና ስራ አስፈፃሚ ሮላንድ ቦች አዲሶቹ ባቡሮች በ30 በመቶ የበለጡ ተሳፋሪዎችን የሚያስተናግዱ፣ ሰዓታቸውን በተሻለ ጠብቀው የሚያጓጉዙና የኃይል ፍጆታቸውም በ30 በመቶ ያነሰ መሆኑን ተናግረዋል፡፡ ባቡሮቹ በዲጂታል ቴክኖሎጂ አማካኝነት ቁጥጥር የሚደረግባቸው እና ያለ አሽከርካሪ የሚንቀሳቀሱ ቢሆኑም ታድያ ተሳፋሪዎች ባሉበት ጊዜ ሁሉ ግን ጉዞውን የሚቆጣጠሩ አሽከርካሪዎች በውስጣቸው ይኖራቸዋል፡፡
ምንጭ፤ ቴክስፕሎር
ለተጨማሪ፤ https://techxplore.com/news/2021-10-germany-unveils-self-driving.html
=================
የጀርመኑ ባቡር አገልግሎት ሰጪ ኩባንያ ዶቼ ባሀን ከሲመንስ የቴክኖሎጂ ኩባንያ ጋር በመተባበር በዓለማችን የመጀመሪያው የሆነውን ያለ አሽከርካሪ የሚንቀሳቀስ ባቡርን ትናንት ይፋ አድርገዋል፡፡ በጀርመኗ ሀምቡርግ ከተማ ይፋ የተደረገው አሽከርካሪ አልባ ባቡሩ ከሌሎች ባቡሮች አንፃር በሰዓቱ የሚገኝና ኃይልን ቆጣቢ ስለመሆኑም ተነግሮለታል፡፡
ከዚህ ቀደም እንደ ፓሪስ ያሉ ጥቂት ከተሞች ያለ ሰው በራሳቸው የሚንቀሳቀሱ ፈጣን ባቡሮችን ይዘው መጥተዋል፤ የተለያዩ ኤርፖርቶችም እንዲሁ አሽከርካሪ አልባ ባቡሮች አሏቸው፡፡ ነገር ግን የሀምቡርጉን ባቡር የዓለማችን የመጀመሪያው አሽከርካሪ አልባ ባቡር ያሰኘው የተለየ መሰረተ ልማትን ሳይፈልግ ቀድሞ በተዘረጉት ሀዲዶች ላይ መንቀሳቀስ መቻሉ ነው፡፡ በዚህ ረገድ የፓሪሱም ሆነ የኤርፖርት ባቡሮቹ (Monorail) ለየት ተብሎ በተዘጋጀላቸው አንድ ነጠላ ሀዲድ ላይ ብቻ ነው መንቀሳቀስ የሚችሉት፡፡
የዚህ አሽከርካሪ አልባ ባቡር ዝርጋታ የሀምቡርግን ፈጣን የከተማ ባቡር ስርዓት የማዘመን ፕሮጀክት አካል ነው፡፡ በዚህም መሰረት ሌሎች አራት አሽከርካሪ አሽከርካሪ አልባ ባቡሮች የከተማዋ ሰሜናዊ ፈጣን ባቡር መስመርን የሚቀላቀሉ ሲሆን አሁን በስራ ላይ ያለውን የባቡር መሰረተ ልማት ተጠቅመውም በቀጣዩ ወር ስራ እንደሚጀምሩ ተገልጿል፡፡
የሲመንስ ዋና ስራ አስፈፃሚ ሮላንድ ቦች አዲሶቹ ባቡሮች በ30 በመቶ የበለጡ ተሳፋሪዎችን የሚያስተናግዱ፣ ሰዓታቸውን በተሻለ ጠብቀው የሚያጓጉዙና የኃይል ፍጆታቸውም በ30 በመቶ ያነሰ መሆኑን ተናግረዋል፡፡ ባቡሮቹ በዲጂታል ቴክኖሎጂ አማካኝነት ቁጥጥር የሚደረግባቸው እና ያለ አሽከርካሪ የሚንቀሳቀሱ ቢሆኑም ታድያ ተሳፋሪዎች ባሉበት ጊዜ ሁሉ ግን ጉዞውን የሚቆጣጠሩ አሽከርካሪዎች በውስጣቸው ይኖራቸዋል፡፡
ምንጭ፤ ቴክስፕሎር
ለተጨማሪ፤ https://techxplore.com/news/2021-10-germany-unveils-self-driving.html
Tech Xplore
Germany unveils first self-driving train
German rail operator Deutsche Bahn and industrial group Siemens on Monday unveiled the world's first automated, driverless train in the city of Hamburg, billing it as more punctual and energy efficient ...
ጎግል ከፍተኛ የሳይበር ስጋት ላለባቸው 10 ሺ ተጠቃሚዎች የደህንነት ቁልፍ ሊሰጥ ነው
==========================
በሳይበር ምህዳሩ ዘርፍ ከፍተኛ ተከታይ ያላቸው ግለሰቦች እና ተቋማት በሃከሮች ዋና ኢላማ እየተደረጉ ከመምጣታቸው አንጻር ጎግል በብዙ ሺ ለሚቆጠሩ ለእነዚህ ተጠቃሚዎቹ የማስጠንቀቂያ መልዕክት እና አድቫንስ ፐሮቴክሽን ፕሮግራም (APP) የተባለውን የቅርብ ጊዜ የደህንነት ሲስተም እንዲተገብሩ ሲያሳስብ መቆየቱ ይታወቃል፡፡ ይሁንና በቅርብ ወራት ውስጥ ከፍተኛ ተከታይ ባላቸው የፖለቲካ መሪዎች፣ የሰብኣዊ መብት አክቲቪስቶች እና ሌሎች ከፍተኛ የሳይበር ስጋት ባለባቸው አካላት ላይ እየደረሰ ያለው ከፍተኛ የሳይበር ወንጀል፤ ሌሎች የደህንነት አሰራረሮችን ለመተግበር እያስገደደው እንደመጣ ያስታወቀው ጎግል አሁን ላይ 10ሺ ለሚጠጉ ከፍተኛ የሳይበር ስጋት ላለባቸው ተጠቃሚዎች አዲስ የደህንነት ቁልፍ ሊሰጥ መሆኑን ይፋ አድርጓል፡፡
በ2021 ብቻ ውስብስብ የሳይበር ጥቃት እየተፈፀማባቸው የሚገኙ እና የሃገር መንግስታት ድጋፍ የሚደርጉላቸው ሃከሮች የሚሞክሩትን የሳይበር ጥቃት ለማክሸፍ አድቫንስ ፐሮቴክሽን ፕሮግራም የተባለውን የደህንነት ስርዓት ተጠቃሚዎች እንዲተግበሩ ጎግል ሲሳስብ ቆይቷል፡፡ ይሁንና ይህንን ሳያደርጉ የቆዩና በመስከረም ወር የማጣራት ሂደት ብቻ ከፍተኛ የሳይበር ሙከራ በተደረገባቸው 14 ሺ በላይ የጂሜል ተጠቃሚዎች የማስጠንቀቂያ መልክት መላኩን የተናገሩት በድርጅቱ ውስጥ የስጋት ትንተና ቡድን ሃላፊ የሆኑት ሚስተር ሃንትሊ ከፍተኛ የሳይበር ስጋት ላለባቸው አካላት የኦንላይን አጠቃቀማቸው ላይ የሚታየውን ተጋላጭነት በፍጥነት እንዲሞሉ ተዳጋገሚ ማሳሰቢያ መቅረቡን ተናግረዋል፡፡
ጎግል አሁን ላይ ከፍተኛ የሳይበር ስጋት ላለባቸው 10 ሺ ተጠቃሚዎች የሚያቀርበው የደህንነት ቁልፍ በኮምፒውተራቸው ላይ በሚሰኩ የሃርድዌር ዩኤስቢ መሳሪዎች አማካኝነት የሚሰሩ ሲሆን በዋናነት የተጠቃሚዎችን አካውንት ለመጥለፍ የሚያስችሉ የተለያዩ የሳይበር ጥቃቶችን በሚገባ ለመከላከል የሚግዝ ነው፡፡ ታይታን ብሎ የሰየመውን የድህንነት ቁልፉ ለተጠቃሚዎች ለማሰራጨት ጎግል ከብዙ የቴክኖሎጂ ድጅቶች ጋር እየሰራ መሆኑን ያስታወቀ ሲሆን ከዚህ በፊት ከከቀረቡት ባለሁለት ደረጃ ማረጋገጫ (two-factor authentication) አሰራሮች በተጨማሪ ከፍተኛ የሳይበር ስጋት ላለባቸው 10 ሺ ተጠቃሚዎች የቀረበው ይህ የደህንነት ቁልፍ እየተባባሰ የመጠውን የሳይበር ወንጀል ለመከላከል በእጅጉ እንደሚያግዝ ታምኖበታል፡፡
https://www.techradar.com/news/google-will-give-free-security-keys-to-high-risk-users
==========================
በሳይበር ምህዳሩ ዘርፍ ከፍተኛ ተከታይ ያላቸው ግለሰቦች እና ተቋማት በሃከሮች ዋና ኢላማ እየተደረጉ ከመምጣታቸው አንጻር ጎግል በብዙ ሺ ለሚቆጠሩ ለእነዚህ ተጠቃሚዎቹ የማስጠንቀቂያ መልዕክት እና አድቫንስ ፐሮቴክሽን ፕሮግራም (APP) የተባለውን የቅርብ ጊዜ የደህንነት ሲስተም እንዲተገብሩ ሲያሳስብ መቆየቱ ይታወቃል፡፡ ይሁንና በቅርብ ወራት ውስጥ ከፍተኛ ተከታይ ባላቸው የፖለቲካ መሪዎች፣ የሰብኣዊ መብት አክቲቪስቶች እና ሌሎች ከፍተኛ የሳይበር ስጋት ባለባቸው አካላት ላይ እየደረሰ ያለው ከፍተኛ የሳይበር ወንጀል፤ ሌሎች የደህንነት አሰራረሮችን ለመተግበር እያስገደደው እንደመጣ ያስታወቀው ጎግል አሁን ላይ 10ሺ ለሚጠጉ ከፍተኛ የሳይበር ስጋት ላለባቸው ተጠቃሚዎች አዲስ የደህንነት ቁልፍ ሊሰጥ መሆኑን ይፋ አድርጓል፡፡
በ2021 ብቻ ውስብስብ የሳይበር ጥቃት እየተፈፀማባቸው የሚገኙ እና የሃገር መንግስታት ድጋፍ የሚደርጉላቸው ሃከሮች የሚሞክሩትን የሳይበር ጥቃት ለማክሸፍ አድቫንስ ፐሮቴክሽን ፕሮግራም የተባለውን የደህንነት ስርዓት ተጠቃሚዎች እንዲተግበሩ ጎግል ሲሳስብ ቆይቷል፡፡ ይሁንና ይህንን ሳያደርጉ የቆዩና በመስከረም ወር የማጣራት ሂደት ብቻ ከፍተኛ የሳይበር ሙከራ በተደረገባቸው 14 ሺ በላይ የጂሜል ተጠቃሚዎች የማስጠንቀቂያ መልክት መላኩን የተናገሩት በድርጅቱ ውስጥ የስጋት ትንተና ቡድን ሃላፊ የሆኑት ሚስተር ሃንትሊ ከፍተኛ የሳይበር ስጋት ላለባቸው አካላት የኦንላይን አጠቃቀማቸው ላይ የሚታየውን ተጋላጭነት በፍጥነት እንዲሞሉ ተዳጋገሚ ማሳሰቢያ መቅረቡን ተናግረዋል፡፡
ጎግል አሁን ላይ ከፍተኛ የሳይበር ስጋት ላለባቸው 10 ሺ ተጠቃሚዎች የሚያቀርበው የደህንነት ቁልፍ በኮምፒውተራቸው ላይ በሚሰኩ የሃርድዌር ዩኤስቢ መሳሪዎች አማካኝነት የሚሰሩ ሲሆን በዋናነት የተጠቃሚዎችን አካውንት ለመጥለፍ የሚያስችሉ የተለያዩ የሳይበር ጥቃቶችን በሚገባ ለመከላከል የሚግዝ ነው፡፡ ታይታን ብሎ የሰየመውን የድህንነት ቁልፉ ለተጠቃሚዎች ለማሰራጨት ጎግል ከብዙ የቴክኖሎጂ ድጅቶች ጋር እየሰራ መሆኑን ያስታወቀ ሲሆን ከዚህ በፊት ከከቀረቡት ባለሁለት ደረጃ ማረጋገጫ (two-factor authentication) አሰራሮች በተጨማሪ ከፍተኛ የሳይበር ስጋት ላለባቸው 10 ሺ ተጠቃሚዎች የቀረበው ይህ የደህንነት ቁልፍ እየተባባሰ የመጠውን የሳይበር ወንጀል ለመከላከል በእጅጉ እንደሚያግዝ ታምኖበታል፡፡
https://www.techradar.com/news/google-will-give-free-security-keys-to-high-risk-users
TechRadar
Google will give free security keys to 'high risk' users
Search giant plans to distribute 10,000 security keys throughout 2021
አዲስ ዓይነት የአውሮፕላን ነዳጅ ተሰራ
===============
ተመራማሪዎች የግብርና ተረፈ ምርትን በመጠቀም በዓይነቱ ልዩ የሆነ የአውሮፕላን ነዳጅ ሰሩ፡፡ ለተፈጥሮ በተሻለ ተስማሚ ነው የተባለለት አዲሱ ነዳጅ አሴቶን እና አልኮልን በማቀላቀል የተሰራ ነው፡፡
የተሻሻሉ ባዮፊውሎች ለከባቢ ተስማሚ ከሆነ ባዮማስ የሚመረቱና ከሌሎች ነዳጆች አንፃር አነስተኛ የበካይ ጋዝ ልቀት ያላቸው ነዳጆች ናቸው፡፡ ምንም እንኳን በዚህ ረገድ አዲሱ ነዳጅ የተሻሻሉ ባዮፊውሎችን አስመልክቶ የተቀመጡ ደረጃዎችን ሙሉ በሙሉ ባያሟላም ለደረጃዎቹ የቀረበና ጥቂት ስራዎች ከተሰሩበትም ተግባር ላይ መዋል የሚችል ነው፡፡
ከግብርና እና ምግብ የሚመነጩ ተረፈ ምርቶች አንዳንድ የተፈጥሮ ተስማሚነት መስፈርቶችን አሟልተው ከተገኙ ለተሻሻለ ባዮፊውል ምርት ግብዓት ሆነው ማገልገል ይችላሉ፡፡ ይህ የባዮጀት ፊውል ፕሮጀክትም ከተፈጥሮ ግብዓቶች የሚመረት የአውሮፕላን ባዮፊውል ነዳጅ ዋጋ እና የምርት ሰንሰለትን በመመርመር ላይ ይገኛል፡፡ የዚህ ፕሮጀክት ውጤት ታድያ ከፍተኛ ርጥበት ያላቸው የግብርና እና ምግብ ተረፈ ምርቶችን ወደተሻሻለ የአውሮፕላን ባዮፊውል ምርትነት በመውሰድ የገበያ ሰንሰለትን ለመዘርጋት ሊረዳ ይችላል ተብሎለታል፡፡
በጥናቱ ጥቅም ላይ የዋሉት ግብዓቶች ድንችን ከማቀነባበር ስራ የተገኙ ፈሳሽ ተረፈ ምርቶች ናቸው፡፡ ግብዓቶቹን በመጠቀም አሴቶን፣ ቡታኖል እና ኢታኖልን ወይም በሌላ አጠራር ኤቢኢ ፈርመንቴሽን ሲሰራ ቆይቷል፡፡ እነዚህ ፈሳሽ ውጋጆች ለኬሚካላዊ ለውጥ ወይም ፈርመንቴሽን የተመቹ ቢሆንም ያን ያህል ጥቅም ሳይሰጡ የቆዩ ናቸው፡፡
በዚህ ፕሮጀክት ላይ የነዚህ ሦስት ምርቶች ውህድ ከሃይድሮጅን ጋር ከተቀላቀሉ እና ኬሚካላዊ ንጠላ (Fractionation) ከተደረገባቸው በኋላ ወደ ሀይድሮ ካርበንነት ሊለወጡ ችለዋል፡፡ በጥናቱ ላይ በተደረጉ ሙከራዎች ነዳጁን በግብርና ተረፈ ምርት አማካኝነት ሙሉ ለሙሉ ወደ ምርት ማስገባት እንደሚቻል የታየ ሲሆን በተፈጥሮ ላይ ሊያደርስ ስለሚችለው ተፅዕንዖ እንዲሁም ምጣኔ ሐብታዊ ሁናቴው ዳሰሳ ተደርጎበታል፡፡
በዚህ ጥናት ላይ ነዳጁን ለማምረት ጥቅም ላይ የዋለው የድንች ማቀነባበርያ ተረፈ ምርት ይሁን እንጂ ወደፊት ለገበያ የሚበቃ ነዳጅን ለማምረት ግን ከሌሎች የግብርና ምርቶችም የሚወጣ ተረፈ ምርትን በስፋት መጠቀም ያስፈልጋል፡፡
ምንጭ፤ ቴክስፕሎር
ለተጨማሪ፤ https://techxplore.com/news/2021-10-kerosene-bio-based-side-streams.html
===============
ተመራማሪዎች የግብርና ተረፈ ምርትን በመጠቀም በዓይነቱ ልዩ የሆነ የአውሮፕላን ነዳጅ ሰሩ፡፡ ለተፈጥሮ በተሻለ ተስማሚ ነው የተባለለት አዲሱ ነዳጅ አሴቶን እና አልኮልን በማቀላቀል የተሰራ ነው፡፡
የተሻሻሉ ባዮፊውሎች ለከባቢ ተስማሚ ከሆነ ባዮማስ የሚመረቱና ከሌሎች ነዳጆች አንፃር አነስተኛ የበካይ ጋዝ ልቀት ያላቸው ነዳጆች ናቸው፡፡ ምንም እንኳን በዚህ ረገድ አዲሱ ነዳጅ የተሻሻሉ ባዮፊውሎችን አስመልክቶ የተቀመጡ ደረጃዎችን ሙሉ በሙሉ ባያሟላም ለደረጃዎቹ የቀረበና ጥቂት ስራዎች ከተሰሩበትም ተግባር ላይ መዋል የሚችል ነው፡፡
ከግብርና እና ምግብ የሚመነጩ ተረፈ ምርቶች አንዳንድ የተፈጥሮ ተስማሚነት መስፈርቶችን አሟልተው ከተገኙ ለተሻሻለ ባዮፊውል ምርት ግብዓት ሆነው ማገልገል ይችላሉ፡፡ ይህ የባዮጀት ፊውል ፕሮጀክትም ከተፈጥሮ ግብዓቶች የሚመረት የአውሮፕላን ባዮፊውል ነዳጅ ዋጋ እና የምርት ሰንሰለትን በመመርመር ላይ ይገኛል፡፡ የዚህ ፕሮጀክት ውጤት ታድያ ከፍተኛ ርጥበት ያላቸው የግብርና እና ምግብ ተረፈ ምርቶችን ወደተሻሻለ የአውሮፕላን ባዮፊውል ምርትነት በመውሰድ የገበያ ሰንሰለትን ለመዘርጋት ሊረዳ ይችላል ተብሎለታል፡፡
በጥናቱ ጥቅም ላይ የዋሉት ግብዓቶች ድንችን ከማቀነባበር ስራ የተገኙ ፈሳሽ ተረፈ ምርቶች ናቸው፡፡ ግብዓቶቹን በመጠቀም አሴቶን፣ ቡታኖል እና ኢታኖልን ወይም በሌላ አጠራር ኤቢኢ ፈርመንቴሽን ሲሰራ ቆይቷል፡፡ እነዚህ ፈሳሽ ውጋጆች ለኬሚካላዊ ለውጥ ወይም ፈርመንቴሽን የተመቹ ቢሆንም ያን ያህል ጥቅም ሳይሰጡ የቆዩ ናቸው፡፡
በዚህ ፕሮጀክት ላይ የነዚህ ሦስት ምርቶች ውህድ ከሃይድሮጅን ጋር ከተቀላቀሉ እና ኬሚካላዊ ንጠላ (Fractionation) ከተደረገባቸው በኋላ ወደ ሀይድሮ ካርበንነት ሊለወጡ ችለዋል፡፡ በጥናቱ ላይ በተደረጉ ሙከራዎች ነዳጁን በግብርና ተረፈ ምርት አማካኝነት ሙሉ ለሙሉ ወደ ምርት ማስገባት እንደሚቻል የታየ ሲሆን በተፈጥሮ ላይ ሊያደርስ ስለሚችለው ተፅዕንዖ እንዲሁም ምጣኔ ሐብታዊ ሁናቴው ዳሰሳ ተደርጎበታል፡፡
በዚህ ጥናት ላይ ነዳጁን ለማምረት ጥቅም ላይ የዋለው የድንች ማቀነባበርያ ተረፈ ምርት ይሁን እንጂ ወደፊት ለገበያ የሚበቃ ነዳጅን ለማምረት ግን ከሌሎች የግብርና ምርቶችም የሚወጣ ተረፈ ምርትን በስፋት መጠቀም ያስፈልጋል፡፡
ምንጭ፤ ቴክስፕሎር
ለተጨማሪ፤ https://techxplore.com/news/2021-10-kerosene-bio-based-side-streams.html
Tech Xplore
Producing kerosene from bio-based side streams
Wageningen University & Research and its partners have developed a new type of aviation fuel that is produced using bio-based waste streams from the agriculture industry.
በክሊኒካዊ ሙከራው ከፍተኛ ውጤት ያስመዘገበው የካንሰር መድሃኒት
***********************************************
በተለምዶ አባ ጨጓሬ እያል ከምንጠራው የትል ዝርያ ከሚገኝ ፈንገስ የተለያዩ ሙከራዎችን አልፎ በተደረገለት ክሊኒካዊ ሙከራ ትልቅ ውጤት ያስመዘገበ የካንሰር መድሃኒት መገኘቱ ተነገረ፡፡ መድሃኒቱ በአባ ጨጓሬው ጥገኛ ሆኖ ከሚኖረው ሂማላያን የተሰኘ ፈንገስ የተዘጋጀ ሲሆን በተደረገው የደረጃ አንድ ክሊኒካዊ ሙከራ የካንሰር ህዋሳትን መግደል የሚችል መሆኑ ታውቋል፡፡ ይህም ውጤታማ የካንሰር መድሃኒት ለማዘጋጀት ለሚደረገው ጥረት ትልቅ መሰረት እንደሆነ ተመራማሪዎቹ ተናግረዋል፡፡
መድሃኒቱ ኮርዲሴፒን ከተባለ በአባ ጨጓሬ ጥገኛ ሆኖ በሚኖረው ፈንገስ የሚመረት ውህድ የተሰራ መሆኑን ግኝቱ በተገለጸበት የክሊኒካል ካንሰር ምርምር መጽሔት ላይ የወጣው መረጃ ያመለክታል፡፡ አሁን ላይ ትልክ ተስፋ ከተጣለባቸው የካንሰር መድሃኒቶች መካከል የተካተተው በሌላ ስሙ 3'-dA በሚል የተሰየመው መድሃኒት ለዘመናት በቻይና ባህላዊ ህክምና ውስጥ ጥቅም ላይ ከሚውሉ መድሃኒቶች ጋር ተመሳሳይ ባህሪ ያለው ነው፡፡
መድሃኒቱ በሙከራ ሂረት ውስጥ ካስመዘገበው ውጤት በተቃራኒው ጉድለቶችም ታይተውበታል፡፡ ከእነዚህም ዋነኛው በደም ስር ውስጥ በሚያደርገው ጉዞ የካንሰር ህዋሳትን እንዳያገኝ አዴኖሲን ዲያሜናስ (ADA) በተሰኘ ኢንዛይም ጥቃት የሚደርስበት መሆኑ ነው፡፡ በዚህም ጥቃት የተነሳ ራሱን ችሎ ወደካንሰር ህዋሳት መድረስ የማይችል በመሆኑ hENT1 የተሰኛ ድጋፍ ሰጭ ኒውክሎሳይድ ያስፈልገዋል፡፡
ይህንን ችግር ለመሻገርም ተመራማሪዎቹ ፕሮታይድ የተሰኘ ቴክኖሎጂን መጠቀም መርጠዋል፡፡ ይህ ቴክኖሎጂ በድሃኒቱ በደም ስር ውስጥ ወደ ካንሰር ህዋሳት በሚያደርገው ጉዙ ከሚደርስበት ጥቃት የሚከላከል ጋሻ ነው፡፡ በማሻሻያውም የተገኘው መድሃኒት የአዴኖሲን ዲያሜናስ (ADA) ጥቃት መቋቋም የሚችል በመሆኑ NUC-7738 የሚል ስያሜ ተሰጥጾታል፡፡
መድሃኒቱ በዋናነት የካንሰር ህዋሳት በደም ውስጥ እንዳይራቡ የሚያደርግና ሞታቸውን የሚያፋጥን በመሆኑ ተመራጭነቱና ተፈላጊነቱ ከፍተኛ ሊሆን እንደሚችል ተገምቷል፡፡ አሁን ላይ ተመራማሪዎቹ የመድሃኒቱን ሁለተኛ ዙር ሙከራ ለማድረግ ከሚመለከተው አካል ፈቃድ እየተጠባበቁ ይገኛሉ፡፡
ምንጭ iflscience
ተጨማሪ ንባብ https://www.iflscience.com/health-and-medicine/anticancer-drug-derived-from-caterpillar-fungus-shows-huge-potential-in-clinical-trial/?fbclid=IwAR3oQu8pimSLMVGaQK0Ke-35031d6UlbbA2bhlrozrLXdwfGzyCGDJPL84w
***********************************************
በተለምዶ አባ ጨጓሬ እያል ከምንጠራው የትል ዝርያ ከሚገኝ ፈንገስ የተለያዩ ሙከራዎችን አልፎ በተደረገለት ክሊኒካዊ ሙከራ ትልቅ ውጤት ያስመዘገበ የካንሰር መድሃኒት መገኘቱ ተነገረ፡፡ መድሃኒቱ በአባ ጨጓሬው ጥገኛ ሆኖ ከሚኖረው ሂማላያን የተሰኘ ፈንገስ የተዘጋጀ ሲሆን በተደረገው የደረጃ አንድ ክሊኒካዊ ሙከራ የካንሰር ህዋሳትን መግደል የሚችል መሆኑ ታውቋል፡፡ ይህም ውጤታማ የካንሰር መድሃኒት ለማዘጋጀት ለሚደረገው ጥረት ትልቅ መሰረት እንደሆነ ተመራማሪዎቹ ተናግረዋል፡፡
መድሃኒቱ ኮርዲሴፒን ከተባለ በአባ ጨጓሬ ጥገኛ ሆኖ በሚኖረው ፈንገስ የሚመረት ውህድ የተሰራ መሆኑን ግኝቱ በተገለጸበት የክሊኒካል ካንሰር ምርምር መጽሔት ላይ የወጣው መረጃ ያመለክታል፡፡ አሁን ላይ ትልክ ተስፋ ከተጣለባቸው የካንሰር መድሃኒቶች መካከል የተካተተው በሌላ ስሙ 3'-dA በሚል የተሰየመው መድሃኒት ለዘመናት በቻይና ባህላዊ ህክምና ውስጥ ጥቅም ላይ ከሚውሉ መድሃኒቶች ጋር ተመሳሳይ ባህሪ ያለው ነው፡፡
መድሃኒቱ በሙከራ ሂረት ውስጥ ካስመዘገበው ውጤት በተቃራኒው ጉድለቶችም ታይተውበታል፡፡ ከእነዚህም ዋነኛው በደም ስር ውስጥ በሚያደርገው ጉዞ የካንሰር ህዋሳትን እንዳያገኝ አዴኖሲን ዲያሜናስ (ADA) በተሰኘ ኢንዛይም ጥቃት የሚደርስበት መሆኑ ነው፡፡ በዚህም ጥቃት የተነሳ ራሱን ችሎ ወደካንሰር ህዋሳት መድረስ የማይችል በመሆኑ hENT1 የተሰኛ ድጋፍ ሰጭ ኒውክሎሳይድ ያስፈልገዋል፡፡
ይህንን ችግር ለመሻገርም ተመራማሪዎቹ ፕሮታይድ የተሰኘ ቴክኖሎጂን መጠቀም መርጠዋል፡፡ ይህ ቴክኖሎጂ በድሃኒቱ በደም ስር ውስጥ ወደ ካንሰር ህዋሳት በሚያደርገው ጉዙ ከሚደርስበት ጥቃት የሚከላከል ጋሻ ነው፡፡ በማሻሻያውም የተገኘው መድሃኒት የአዴኖሲን ዲያሜናስ (ADA) ጥቃት መቋቋም የሚችል በመሆኑ NUC-7738 የሚል ስያሜ ተሰጥጾታል፡፡
መድሃኒቱ በዋናነት የካንሰር ህዋሳት በደም ውስጥ እንዳይራቡ የሚያደርግና ሞታቸውን የሚያፋጥን በመሆኑ ተመራጭነቱና ተፈላጊነቱ ከፍተኛ ሊሆን እንደሚችል ተገምቷል፡፡ አሁን ላይ ተመራማሪዎቹ የመድሃኒቱን ሁለተኛ ዙር ሙከራ ለማድረግ ከሚመለከተው አካል ፈቃድ እየተጠባበቁ ይገኛሉ፡፡
ምንጭ iflscience
ተጨማሪ ንባብ https://www.iflscience.com/health-and-medicine/anticancer-drug-derived-from-caterpillar-fungus-shows-huge-potential-in-clinical-trial/?fbclid=IwAR3oQu8pimSLMVGaQK0Ke-35031d6UlbbA2bhlrozrLXdwfGzyCGDJPL84w
IFLScience
Anti-Cancer Drug Derived From "Caterpillar Fungus" Shows Huge Potential In Clinical Trial
A molecule found in a parasitic Himalayan fungus has been found to kill tumor cells in a Phase I clinical trial, raising hopes that it may provide a founda
ሁለት ጭንቅላት እና ስድስት እግሮች ያሏት ኤሊ ተወለደች
=================
ከሁለት ሳምንታት በፊት በአሜሪካኗ የማሳቹሴትስ ግዛት ሁለት አንገት እና ጭንቅላት ያላት ኤሊ ተወልዷለች፡፡ ይህች መገኛው በአሜሪካን እና ቤርሙባ ከሆነ የዳይመንድባክ ቴራፒን ዝርያ የሆነችው ኤሊ ከሁለት ጭንቃላት በተጨማሪ ስድስት እግሮች ያላት መሆኗ ይበልጥ ትኩረትን እንድትስብ አድርጓታል፡፡
የኤሊዋ ሁለት ጭንቅላቶች ለየብቻቸው የሚንቀሳቀሱ ሲሆን ሁለቱን የሰውነት ክፍሎቿን ይመግቡላት ዘንድም ሁለት የምግብ ስርዓቶችን (gastrointestinal) ይዛ ነው የተፈለፈለችው፡፡
በግዛቱ ውስጥ የመጥፋት አደጋ ላይ ናቸው ከሚባሉ እንስሳት መካከል ከሆነው የኤሊ ዝርያ የተገኘችው ኤሊዋ አሁን ላይ በመልካም ጤንነት ላይ እንደምትገኝና ትላትል እና ሌሎች የቀረቡላት ምግቦችን እየተመገበች ስለመሆኑ አሁን የምትገኝበት በርድዜይ ኬፕ ዱርጥበቃ ማዕከል ባለሙያዎች ተናግረዋል፡፡
ኤሊዋ በቅድሚያ ከእንቁላሏ የተፈለፈለችበት ቦታ ለደህንነቷ መልካም የሚባል ባለመሆኑ ነው ወደ ማዕከሉ የተዛወረችው፡፡ የማዕከሉ እንስሳት ሀኪም ፒርላ ፓቴል ከሌሎች ባልደረቦቻቸው ጋር ሆነው ጤናዋን እየተከታተሏት ይገኛሉ፤ ኤሊዋንም በልጅነት ዕድሜያቸው እውቅናን አግኝተው በነበሩት መንትያ አሜሪካዊያን ተዋንያን ሜሪ ኬት እና አሽሊ ኦልሰን ስም ሰይመዋታል፡፡ ሀኪሞቹ በቀጣይም ስለ ኤሊዋ የደም ዝውውር ስርዓት የበለጠ ለመረዳት የሲቲ ስካን ምልከታን ለማድረግ አቅደዋል፡፡
ምንጭ፤ አሶሼትድ ፕረስ
ለተጨማሪ፤ https://apnews.com/article/oddities-massachusetts-turtles-wildlife-animals-3911b338a119295d443c3d909266dd96
=================
ከሁለት ሳምንታት በፊት በአሜሪካኗ የማሳቹሴትስ ግዛት ሁለት አንገት እና ጭንቅላት ያላት ኤሊ ተወልዷለች፡፡ ይህች መገኛው በአሜሪካን እና ቤርሙባ ከሆነ የዳይመንድባክ ቴራፒን ዝርያ የሆነችው ኤሊ ከሁለት ጭንቃላት በተጨማሪ ስድስት እግሮች ያላት መሆኗ ይበልጥ ትኩረትን እንድትስብ አድርጓታል፡፡
የኤሊዋ ሁለት ጭንቅላቶች ለየብቻቸው የሚንቀሳቀሱ ሲሆን ሁለቱን የሰውነት ክፍሎቿን ይመግቡላት ዘንድም ሁለት የምግብ ስርዓቶችን (gastrointestinal) ይዛ ነው የተፈለፈለችው፡፡
በግዛቱ ውስጥ የመጥፋት አደጋ ላይ ናቸው ከሚባሉ እንስሳት መካከል ከሆነው የኤሊ ዝርያ የተገኘችው ኤሊዋ አሁን ላይ በመልካም ጤንነት ላይ እንደምትገኝና ትላትል እና ሌሎች የቀረቡላት ምግቦችን እየተመገበች ስለመሆኑ አሁን የምትገኝበት በርድዜይ ኬፕ ዱርጥበቃ ማዕከል ባለሙያዎች ተናግረዋል፡፡
ኤሊዋ በቅድሚያ ከእንቁላሏ የተፈለፈለችበት ቦታ ለደህንነቷ መልካም የሚባል ባለመሆኑ ነው ወደ ማዕከሉ የተዛወረችው፡፡ የማዕከሉ እንስሳት ሀኪም ፒርላ ፓቴል ከሌሎች ባልደረቦቻቸው ጋር ሆነው ጤናዋን እየተከታተሏት ይገኛሉ፤ ኤሊዋንም በልጅነት ዕድሜያቸው እውቅናን አግኝተው በነበሩት መንትያ አሜሪካዊያን ተዋንያን ሜሪ ኬት እና አሽሊ ኦልሰን ስም ሰይመዋታል፡፡ ሀኪሞቹ በቀጣይም ስለ ኤሊዋ የደም ዝውውር ስርዓት የበለጠ ለመረዳት የሲቲ ስካን ምልከታን ለማድረግ አቅደዋል፡፡
ምንጭ፤ አሶሼትድ ፕረስ
ለተጨማሪ፤ https://apnews.com/article/oddities-massachusetts-turtles-wildlife-animals-3911b338a119295d443c3d909266dd96
AP News
2-headed baby turtle thrives at Massachusetts animal refuge
A rare two-headed diamondback terrapin turtle is alive and kicking — with all six of its legs — at the Birdsey Cape Wildlife Center in Massachusetts.
ሃብልን የሚተካው የስፔስ ቴሌስኮፕ የመጨረሻውን ሙከራ ሊያደርግ ነው
=====================
በሰው ልጆች የጠፈር ምርምር ታሪክ ውስጥ ትልቅ ቦታ ያለው የሃብል ቴሌስኮፕ ወደ ጠፈር የመጠቀው እ.ኤ.አ በ1990 ሲሆን ጋሊሊዮ ከሰራት የመጀመሪያዋ ቴሌስኮፕ ቀጥሎም ለጠፈር ሳይንስ ምጥቀት ትልቁን ድርሻ ያበረከተ ግኝት ተደርጎ ይወሰዳል፡፡ መረጃዎች እንደሚሳዩት ሀብልን በመጠቀም ብቻ እስከዛሬ ከ14,000 በላይ ሳይንሳዊ ጥናቶች በተለያየ ዘርፍ ተደርገውና ታትመው ለአንባቢዎች የቀረቡ ሲሆን፤ ይህም በሳይንሱ ዓለም በየትኛውም ዘርፍ ለሚደረጉ ጥናቶች ትልቅ መረጃን በማቀበልና በተለይም ለህዋ ሳይንስ እድገት ትልቁን አበርክቶት በበዋወጣት በዘርፉ ከተፈጠሩ ቴክኖሎጀዎች ከፊት ለፊት እንዲቀመጥ ያደርገዋል፡
ለ31 ዓመታት ዩኒቨረስን በመቃኘትና በትንሹ 1.2 ሚልዩን የሚሆኑ የጠፈር እይታዎች (observations) በማድረግ ለህዋ ምርምሩ ትልቅ ሚና የተጫወተው ሃብል የስፔስ ቴሌስኮፕ ከቅርብ ዓመታት ወዲህ እየጋጠሙት ባሉ ቴክኒካል ችግሮች እና ዘመናዊው የህዋ ምርምር የሚፈልገውን ልዩ ልዩ የቴክኖሎጂ ግብዓት ያካተተ ባለመሆኑ አሁን በመሰራት ላይ ካሉት እንደ ጀምስ ዌብ ካሉ ሱፐር ቴሌስኮፖች አነስተኛ አገልግሎት እንዲኖረው ደርጉታል፡፡ ሃብል እሱን ተክቶ እየመጣ ካለው ጀምስ ዌብ የስፔስ ቴሌስኮፕ አንጻር በብዙ ዘርፎች አነስተኛ ደረጃ ላይ ሊቀመጥ ቢችልም በየጊዜው በሚደረጉለት ጥገናዎችና ማሻሻያዎች ቀድሞ ሲሰራ የነበረውን በአነስተኛ ሞገድ የጠፈር እይታዎች የማካሄድ እና ልዩ ልዩ መረጃዎችን የመሰብሰብ ስራውን ሊቀጥል ይችላል፡፡
በ10 ቢሊዮን ዶላር ወጪ ግንባተው ተጠናቆ ወደመጨረሻው ምዕራፍ የተሸጋገረው ጀምስ ዌብ ሱፐር ቴሌስኮፕ ሃብል ሲሰጠው የነበረውን አገልግሎት ከማቅረብ ባለፈ በአዳዲስ ቴክኖሎጂዎች በመታገዝ የህዋ ምርምር ዘርፉንና አጠቃላይ ሳይንሳዊ ጥናቶችን ይበልጥ የመሻሻል አቅም እንደሚኖረው ይነገርለታል፡፡ ወደምህዋር በገቡ የስፔስ ቴሌስኮፕች ታሪክ 6.5 ሜትር ርዝመት በመያዝ ግዙፍ የአስትሮኖሚካል ሚረር ወይም መስታዎት ካላቸው ቴሌስኮፕች ከቀዳሚዎቹ ተርታ የሚሰለፈው ይህ ቴሌስኮፕ በተለይም በረጅም የሞገድ ርዝመት እስከዛሬ ሊደረስባቸው ያልቻሉ የጠፈር እይታዎችን በማከናወን አዳዲስ እውነታዎችን ሊገልጥ መቻሉ ጀምስ ዌብን ለየት እንዲል ያደርገዋል፡፡
አሁን ላይ ይህ የስፔስ ቴሌስኮፕ በታህሳስ ወር ለሚያደርገው ወደ ህዋ የመወንጨፍ ፕሮግራም ደቡብ አሜሪካ በሚገኘው ፍሬንች ጊያና ማረፊውን ያደረገ ሲሆን ወደ ህዋ ከመጓዙ በፊት በሚኖሩት ጥቂት ሳምንታት የመጨረሻውን ፍተሻና አጠቀላይ የማጣራት ሂደት ኮርዋ ስፔስፖርት በተባለው የአውሮፓ ኩባንያ የሚደረግለት ይሆናል፡፡ በካናዳ፣ በአሜሪካና በአውሮፓ የስፔስ ኤጀንሲዎች ትብብር አጠቃላይ ስራው ሲከናወን ቆይቶ ወደመጨረሻው ምዕራፍ የተሸጋገረው ጀምስ ዌብ ሱፐር ቴሌስኮፕ ከሃብል የጠፈር እይታዎች ከ10 እስከ መቶ አጥፍ የላቀ ኦብዘርቬሽን በማድረግ ከ13 ቢሊዮን የብርሃን ዓመት ርቀት ላይ የሚታዩ ብርሃኖችን የመለየት አቅም አንደሚኖረው ታምኖበታል፡፡
ቢቢሲ
https://www.bbc.com/news/science-environment-58888302
=====================
በሰው ልጆች የጠፈር ምርምር ታሪክ ውስጥ ትልቅ ቦታ ያለው የሃብል ቴሌስኮፕ ወደ ጠፈር የመጠቀው እ.ኤ.አ በ1990 ሲሆን ጋሊሊዮ ከሰራት የመጀመሪያዋ ቴሌስኮፕ ቀጥሎም ለጠፈር ሳይንስ ምጥቀት ትልቁን ድርሻ ያበረከተ ግኝት ተደርጎ ይወሰዳል፡፡ መረጃዎች እንደሚሳዩት ሀብልን በመጠቀም ብቻ እስከዛሬ ከ14,000 በላይ ሳይንሳዊ ጥናቶች በተለያየ ዘርፍ ተደርገውና ታትመው ለአንባቢዎች የቀረቡ ሲሆን፤ ይህም በሳይንሱ ዓለም በየትኛውም ዘርፍ ለሚደረጉ ጥናቶች ትልቅ መረጃን በማቀበልና በተለይም ለህዋ ሳይንስ እድገት ትልቁን አበርክቶት በበዋወጣት በዘርፉ ከተፈጠሩ ቴክኖሎጀዎች ከፊት ለፊት እንዲቀመጥ ያደርገዋል፡
ለ31 ዓመታት ዩኒቨረስን በመቃኘትና በትንሹ 1.2 ሚልዩን የሚሆኑ የጠፈር እይታዎች (observations) በማድረግ ለህዋ ምርምሩ ትልቅ ሚና የተጫወተው ሃብል የስፔስ ቴሌስኮፕ ከቅርብ ዓመታት ወዲህ እየጋጠሙት ባሉ ቴክኒካል ችግሮች እና ዘመናዊው የህዋ ምርምር የሚፈልገውን ልዩ ልዩ የቴክኖሎጂ ግብዓት ያካተተ ባለመሆኑ አሁን በመሰራት ላይ ካሉት እንደ ጀምስ ዌብ ካሉ ሱፐር ቴሌስኮፖች አነስተኛ አገልግሎት እንዲኖረው ደርጉታል፡፡ ሃብል እሱን ተክቶ እየመጣ ካለው ጀምስ ዌብ የስፔስ ቴሌስኮፕ አንጻር በብዙ ዘርፎች አነስተኛ ደረጃ ላይ ሊቀመጥ ቢችልም በየጊዜው በሚደረጉለት ጥገናዎችና ማሻሻያዎች ቀድሞ ሲሰራ የነበረውን በአነስተኛ ሞገድ የጠፈር እይታዎች የማካሄድ እና ልዩ ልዩ መረጃዎችን የመሰብሰብ ስራውን ሊቀጥል ይችላል፡፡
በ10 ቢሊዮን ዶላር ወጪ ግንባተው ተጠናቆ ወደመጨረሻው ምዕራፍ የተሸጋገረው ጀምስ ዌብ ሱፐር ቴሌስኮፕ ሃብል ሲሰጠው የነበረውን አገልግሎት ከማቅረብ ባለፈ በአዳዲስ ቴክኖሎጂዎች በመታገዝ የህዋ ምርምር ዘርፉንና አጠቃላይ ሳይንሳዊ ጥናቶችን ይበልጥ የመሻሻል አቅም እንደሚኖረው ይነገርለታል፡፡ ወደምህዋር በገቡ የስፔስ ቴሌስኮፕች ታሪክ 6.5 ሜትር ርዝመት በመያዝ ግዙፍ የአስትሮኖሚካል ሚረር ወይም መስታዎት ካላቸው ቴሌስኮፕች ከቀዳሚዎቹ ተርታ የሚሰለፈው ይህ ቴሌስኮፕ በተለይም በረጅም የሞገድ ርዝመት እስከዛሬ ሊደረስባቸው ያልቻሉ የጠፈር እይታዎችን በማከናወን አዳዲስ እውነታዎችን ሊገልጥ መቻሉ ጀምስ ዌብን ለየት እንዲል ያደርገዋል፡፡
አሁን ላይ ይህ የስፔስ ቴሌስኮፕ በታህሳስ ወር ለሚያደርገው ወደ ህዋ የመወንጨፍ ፕሮግራም ደቡብ አሜሪካ በሚገኘው ፍሬንች ጊያና ማረፊውን ያደረገ ሲሆን ወደ ህዋ ከመጓዙ በፊት በሚኖሩት ጥቂት ሳምንታት የመጨረሻውን ፍተሻና አጠቀላይ የማጣራት ሂደት ኮርዋ ስፔስፖርት በተባለው የአውሮፓ ኩባንያ የሚደረግለት ይሆናል፡፡ በካናዳ፣ በአሜሪካና በአውሮፓ የስፔስ ኤጀንሲዎች ትብብር አጠቃላይ ስራው ሲከናወን ቆይቶ ወደመጨረሻው ምዕራፍ የተሸጋገረው ጀምስ ዌብ ሱፐር ቴሌስኮፕ ከሃብል የጠፈር እይታዎች ከ10 እስከ መቶ አጥፍ የላቀ ኦብዘርቬሽን በማድረግ ከ13 ቢሊዮን የብርሃን ዓመት ርቀት ላይ የሚታዩ ብርሃኖችን የመለየት አቅም አንደሚኖረው ታምኖበታል፡፡
ቢቢሲ
https://www.bbc.com/news/science-environment-58888302
BBC News
James Webb super-telescope arrives at launch site
The successor to the Hubble Space Telescope reaches French Guiana to prepare for a December launch.
ለአይነ ስውራን የቀረበ ዘመናዊ መሪ ወይም ኬን
********************************
ተመራማሪዎች የእይታ ችግር ያለባቸውን ሰዎች በእንቅስቃሴ የሚያግዝ ዘመናዊ ዘንግ ወይም ኬን ሰርተው አቀረቡ፡፡ በተለምዶ ነጩ ምርኩዝ በመባል የሚታወቀው ይህ አይነስውራን ከቦታ ቦታ ለመንቀሳቀስ የሚጠቀሙበት ዘንግ ተጠቃሚዎቹ የሚኖራቸውን እንቅስቃሴ የተሸለ ቀላል እንዲሆን ያደርገዋል፡፡ መደበኛው ዘንግ ከመሬት ጋር ሲጋጭ የሚኖረውን ድምጽ በመከተል አንድ አይነስውር በቀላሉ ከቦታ ቦታ መንቀሳቀስ ይችላል፡፡
ሳንፎርድ ዩኒቨርሲቲ ይህንን መደበኛ ዘንግ እጅግ በማሻሻል አይነ ስውራን ከደህንነት ስጋት ነጻ ሆነው እንደፈለጉ እንዲንቀሳቀሱ በሚያስችል መልክ የሮቦት ቴክኖሎጂ አክሎበት ማቅረቡ ተነግሯል፡፡ ከራስ ነድ መኪኖች ቴክኖሎጂ ጋር ተጣምሮ የተሰራው ይህ ዘንግ በ400 ዶላር የቀረበ ሲሆን ተጠቃሚዎች እንደሚኖሩበትና እንደሚንቀሳቀሱበት አካባቢ ምቹ የሆነ ድጋፍን የሚሰጥ ነው ተብሏል፡፡
ስማርት ዘንጉ በመንገድ ላይ ወይም በየትኛውም አካባቢ የሚኖሩ እንቅፋቶችን በመለየት በቤት ውስጥም ሆነ ከቤት ውጭ ለመንቀሳቀስ ምቹ የሆኑ ቦታወችን በመምረጥ መጓዝ የሚያስችል ነው፡፡ በዘርፉ ሌሎች ሴንሰር የተገጠመላቸው መሪ ዘንጎች ያሉ ቢሆንም ከአጠቃላይ ክብደታቸው እና ከሚያወጡት ዋጋ አንጻር ተፈላጊነታቸው አነስተኛ ነው፡፡ በሌላ በኩል ከቴክኖሎጂ አንጻር እጥረት ያለባቸው በመሆኑ ማለትም ሴንሰሩ ከተጠቃሚው ፊት ለፊት ያለን ነገር ብቻ የሚያሳውቅ በመሆኑ ይህ ተሻሽሎ የቀረበው መሪ ዘንግ እጅግ ተመራጭ ሊሆን እንደሚችል ይገመታል፡፡
ከዚህ በፊት የነበረው ሴንሰር የተገጠመለት መሪ ዘንግ ወይም ኬን 50 ፓውንድ የሚመዝንና እስከ ስድስት ሺህ ዶላር የሚያወጣ ሲሆን የሄኛው ግን 3 ፓውንድ የሚመዝንና 400 ዶላር ብቻ የተቆረጠለት ነው፡፡ ተመራማሪዎቹ አሻሽለው ያቀረቡት መሪ ዘንግ በአለማችን ላሉ ከ250 ሚሊዮን በላይ ለሚሆኑ የእይታ ችግር ላለባቸው ሰዎች ጥቅም ይሰጣል ብለው ተስፋ አድርገዋል፡፡
ምንጭ techxplore
ተጨማሪ ንባብ https://techxplore.com/news/2021-10-self-navigating-smart-cane.html
********************************
ተመራማሪዎች የእይታ ችግር ያለባቸውን ሰዎች በእንቅስቃሴ የሚያግዝ ዘመናዊ ዘንግ ወይም ኬን ሰርተው አቀረቡ፡፡ በተለምዶ ነጩ ምርኩዝ በመባል የሚታወቀው ይህ አይነስውራን ከቦታ ቦታ ለመንቀሳቀስ የሚጠቀሙበት ዘንግ ተጠቃሚዎቹ የሚኖራቸውን እንቅስቃሴ የተሸለ ቀላል እንዲሆን ያደርገዋል፡፡ መደበኛው ዘንግ ከመሬት ጋር ሲጋጭ የሚኖረውን ድምጽ በመከተል አንድ አይነስውር በቀላሉ ከቦታ ቦታ መንቀሳቀስ ይችላል፡፡
ሳንፎርድ ዩኒቨርሲቲ ይህንን መደበኛ ዘንግ እጅግ በማሻሻል አይነ ስውራን ከደህንነት ስጋት ነጻ ሆነው እንደፈለጉ እንዲንቀሳቀሱ በሚያስችል መልክ የሮቦት ቴክኖሎጂ አክሎበት ማቅረቡ ተነግሯል፡፡ ከራስ ነድ መኪኖች ቴክኖሎጂ ጋር ተጣምሮ የተሰራው ይህ ዘንግ በ400 ዶላር የቀረበ ሲሆን ተጠቃሚዎች እንደሚኖሩበትና እንደሚንቀሳቀሱበት አካባቢ ምቹ የሆነ ድጋፍን የሚሰጥ ነው ተብሏል፡፡
ስማርት ዘንጉ በመንገድ ላይ ወይም በየትኛውም አካባቢ የሚኖሩ እንቅፋቶችን በመለየት በቤት ውስጥም ሆነ ከቤት ውጭ ለመንቀሳቀስ ምቹ የሆኑ ቦታወችን በመምረጥ መጓዝ የሚያስችል ነው፡፡ በዘርፉ ሌሎች ሴንሰር የተገጠመላቸው መሪ ዘንጎች ያሉ ቢሆንም ከአጠቃላይ ክብደታቸው እና ከሚያወጡት ዋጋ አንጻር ተፈላጊነታቸው አነስተኛ ነው፡፡ በሌላ በኩል ከቴክኖሎጂ አንጻር እጥረት ያለባቸው በመሆኑ ማለትም ሴንሰሩ ከተጠቃሚው ፊት ለፊት ያለን ነገር ብቻ የሚያሳውቅ በመሆኑ ይህ ተሻሽሎ የቀረበው መሪ ዘንግ እጅግ ተመራጭ ሊሆን እንደሚችል ይገመታል፡፡
ከዚህ በፊት የነበረው ሴንሰር የተገጠመለት መሪ ዘንግ ወይም ኬን 50 ፓውንድ የሚመዝንና እስከ ስድስት ሺህ ዶላር የሚያወጣ ሲሆን የሄኛው ግን 3 ፓውንድ የሚመዝንና 400 ዶላር ብቻ የተቆረጠለት ነው፡፡ ተመራማሪዎቹ አሻሽለው ያቀረቡት መሪ ዘንግ በአለማችን ላሉ ከ250 ሚሊዮን በላይ ለሚሆኑ የእይታ ችግር ላለባቸው ሰዎች ጥቅም ይሰጣል ብለው ተስፋ አድርገዋል፡፡
ምንጭ techxplore
ተጨማሪ ንባብ https://techxplore.com/news/2021-10-self-navigating-smart-cane.html
Tech Xplore
Researchers build $400 self-navigating smart cane
Most know the white cane as a simple-but-crucial tool that assists people with visual impairments in making their way through the world. Researchers at Stanford University have now introduced an affordable ...
ቻይና ተመራማሪዎቿን ለስድስት ወራት ቆይታ ወደ ሕዋ ልትልክ ነው
===============
ቻይና ሦስት የሕዋ ተመራማሪዎቿን ለ6 ወራት ቆይታ ወደ ሕዋ በመላክ በሀገሪቱ የጠፈር ምርምር ጣብያ ላይ ለማሳረፍ እየተዘጋጀች መሆኑ ተዘገበ፡፡ ይህም ተመራማሪዎቹን በሀገሪቱ ታሪክ ሕዋ ላይ ረጅም ጊዜ በመቆየት ቀዳሚዎቹ ያደርጋቸዋል ተብሎለታል፡፡ መጪው ቅዳሜ የሀገሪቱ ሰሜን ምዕራባዊ ክፍል ከሆነው የጎቢ በረሃ ከሚገኘው ጂዩኳን የሳተላይት ማምጠቂያ ጣብያ የሚነሱት ተመራማሪዎቹ ሾንቾ-13 በተባለችው መንኮራኩር አማካኝነት ነው ወደ ሕዋ የሚያመሩት፡፡
ወደ ሕዋ ከሚያመሩት ተመራማሪዎች ውስጥ መንኮራኩሯን የሚያበሯት ዣይ ዚገንግ የተባሉት የ55 ዓመት ጠፈርተኛ ከዚህ ቀደም ስፔስዋክ በማከናወን በታሪክ የመጀመሪያው ቻይናዊነት ክብርን የተቀዳጁ ናቸው፡፡ የ41 ዓመቷ እንስት የሕዋ ተመራማሪ ዋንግ ያፒንግ በበኩላቸው በተልዕኮው ላይ ብቸኛዋ ሴት ሲሆኑ ከዚህ ቀደምም ወደ ቻይና የሙከራ ሕዋ ምርምር ጣብያ ካቀኑት ቀዳሚዎቹ ተመራማሪዎች መካከል ናቸው፡፡ ሌላኛው የጉዞው አካል ዪ ጎንፉ የተባሉት የ41 ዓመት ተመራማሪ ግን ወደ ሕዋ ሲያመሩ ይህ ለመጀመሪያ ጊዜያቸው ነው፡፡
የቻይና ህዋ ምርምር ኤጀንሲ ምክትል ዳይሬክተሩ ሊን ሺጀን በሰጡት መግለጫ መንኮራኩሯንም ሆነ ሌሎች ስራዎችን የተመለከቱ ሙከራና ቅድመ ዝግጅቶች የተጠናቀቁ ሲሆን ተመራማሪዎቹ በሕዋ ላይ ቆይታቸው የሀገሪቱን የጠፈር ምርምር ጣብያ የማስፋፋት ስራ አካል የሆኑ ቁሳቁሶችን እንደሚገጣጥሙና የህክምና ሙከራዎችንም እንደሚያከናውኑ ገልፀዋል፡፡
የቻይና ሕዋ ምርምር ስራን የሚመራው የሀገሪቱ ጦር ኃይል የጠፈር ምርምር ጣብያውን ሙሉ ለሙሉ ለአገልግሎት ብቁ የሚያደርጉ ሰዎችን በቀጣይ ሁለት ዓመታት ውስጥ እየላከ እንደሚቆይ አስታውቋል፡፡ ሾንቾ-13 ታድያ ወደ ጣብያው ለማምራት አምስተኛዋ መንኮራኩር ትሆናለች፡፡ በቀጣይም ሞንቲየን እና ዌሸን የተሰኙ ሁለት አካላት ሾንቾ-14 የተባለችውን መንኮራኩር በተጠቀም ወደ ጣብያው እንደሚላኩ ሲጠበቅ ሁለቱ አካላት ተደምረው የጣብያውን ጠቅላላ ክብደት ወደ 60 ቶን ያደርሱታል፡፡
ነገር ግን የቻይናው ጣብያ ከአውሮፓውያኑ 1998 አንስቶ በስራ ላይ ካለውና 450 ቶን ከሚመዝነው ዓለም አቀፉ የጠፈር ምርምር ጣብያ ጋር ሲነፃጸር አነስተኛ ሊባል የሚችል ነው፡፡ አሜሪካን የቻይናን ሕዋ ምርምር ሚስጥራዊነት እና ከጦር ኃይሉ ጋር ያለውን ትስስር በመጥቀስ ቻይናን በዚህ ዓለም አቀፍ የትብብር ጣብያ ላይ ተሳታፊ እንዳትሆን ማድረጓ ይታወሳል፡፡ ቻይና በበኩሏ እ.አ.አ ከ1990ዎቹ ጅማሮ አንስቶ የራሷን ጠፈር ምርምር ጣብያ ለመገንባት ስትጥር ቆይታለች፡፡ አሁንም ቢሆን በሁለቱ ሀገራት መካከል የሕዋ ምርምር ትብብር መፍጠር ቀላል የማይባል እና በሕግጋት የታጠረ ሆኖ ቢቀጥልም በአንፃሩ ቻይና ከአሜሪካን ውጪ ከአውሮፓውያን ጋር አብራ በመስራት ላይ ትገኛለች፡፡
ሀገሪቱ ከጊዜ ወደ ጊዜ የሕዋ ምርምር ስራዋን በፍጥነት እያሳደገች የምትገኝ ሲሆን ከአውሮፓውያኑ 2003 አንስቶም 14 ያህል የሕዋ ተመራማሪዎቿን ወደ ሕዋ ልካለች፡፡ የራሷ በሆነ የጠፈር አካል ላይ ተመራማሪዎቿን በማሳረፍም ከሶቭየት ህብረት እና አሜሪካን ቀጥሎ ሦስተኛዋ ሀገር ናት፡፡ ከዚህም በተጨማሪ በቅርቡ ለመድረስ አስቸጋሪ ነው ከሚባለው የጨረቃ ክፍል ላይ አለቶችን ይዛ በመምጣት ትልቅ እርምጃን የተራመደችው ቻይና በያዝነው የአውሮፓውያን ዓመትም ቲኤንወን-1 የተባለ አሳሿን ማርስ ላይ አሳርፋ በዚያ ሕይወት ስለመኖሩ ምርመራ እያደረገች ትገኛለች፡፡
ምንጭ፤ አሶሼትድ ፕረስ
ለተጨማሪ፤ https://apnews.com/article/technology-science-business-china-mars-21b73a2b27b84ef1b38d9caba6980911
===============
ቻይና ሦስት የሕዋ ተመራማሪዎቿን ለ6 ወራት ቆይታ ወደ ሕዋ በመላክ በሀገሪቱ የጠፈር ምርምር ጣብያ ላይ ለማሳረፍ እየተዘጋጀች መሆኑ ተዘገበ፡፡ ይህም ተመራማሪዎቹን በሀገሪቱ ታሪክ ሕዋ ላይ ረጅም ጊዜ በመቆየት ቀዳሚዎቹ ያደርጋቸዋል ተብሎለታል፡፡ መጪው ቅዳሜ የሀገሪቱ ሰሜን ምዕራባዊ ክፍል ከሆነው የጎቢ በረሃ ከሚገኘው ጂዩኳን የሳተላይት ማምጠቂያ ጣብያ የሚነሱት ተመራማሪዎቹ ሾንቾ-13 በተባለችው መንኮራኩር አማካኝነት ነው ወደ ሕዋ የሚያመሩት፡፡
ወደ ሕዋ ከሚያመሩት ተመራማሪዎች ውስጥ መንኮራኩሯን የሚያበሯት ዣይ ዚገንግ የተባሉት የ55 ዓመት ጠፈርተኛ ከዚህ ቀደም ስፔስዋክ በማከናወን በታሪክ የመጀመሪያው ቻይናዊነት ክብርን የተቀዳጁ ናቸው፡፡ የ41 ዓመቷ እንስት የሕዋ ተመራማሪ ዋንግ ያፒንግ በበኩላቸው በተልዕኮው ላይ ብቸኛዋ ሴት ሲሆኑ ከዚህ ቀደምም ወደ ቻይና የሙከራ ሕዋ ምርምር ጣብያ ካቀኑት ቀዳሚዎቹ ተመራማሪዎች መካከል ናቸው፡፡ ሌላኛው የጉዞው አካል ዪ ጎንፉ የተባሉት የ41 ዓመት ተመራማሪ ግን ወደ ሕዋ ሲያመሩ ይህ ለመጀመሪያ ጊዜያቸው ነው፡፡
የቻይና ህዋ ምርምር ኤጀንሲ ምክትል ዳይሬክተሩ ሊን ሺጀን በሰጡት መግለጫ መንኮራኩሯንም ሆነ ሌሎች ስራዎችን የተመለከቱ ሙከራና ቅድመ ዝግጅቶች የተጠናቀቁ ሲሆን ተመራማሪዎቹ በሕዋ ላይ ቆይታቸው የሀገሪቱን የጠፈር ምርምር ጣብያ የማስፋፋት ስራ አካል የሆኑ ቁሳቁሶችን እንደሚገጣጥሙና የህክምና ሙከራዎችንም እንደሚያከናውኑ ገልፀዋል፡፡
የቻይና ሕዋ ምርምር ስራን የሚመራው የሀገሪቱ ጦር ኃይል የጠፈር ምርምር ጣብያውን ሙሉ ለሙሉ ለአገልግሎት ብቁ የሚያደርጉ ሰዎችን በቀጣይ ሁለት ዓመታት ውስጥ እየላከ እንደሚቆይ አስታውቋል፡፡ ሾንቾ-13 ታድያ ወደ ጣብያው ለማምራት አምስተኛዋ መንኮራኩር ትሆናለች፡፡ በቀጣይም ሞንቲየን እና ዌሸን የተሰኙ ሁለት አካላት ሾንቾ-14 የተባለችውን መንኮራኩር በተጠቀም ወደ ጣብያው እንደሚላኩ ሲጠበቅ ሁለቱ አካላት ተደምረው የጣብያውን ጠቅላላ ክብደት ወደ 60 ቶን ያደርሱታል፡፡
ነገር ግን የቻይናው ጣብያ ከአውሮፓውያኑ 1998 አንስቶ በስራ ላይ ካለውና 450 ቶን ከሚመዝነው ዓለም አቀፉ የጠፈር ምርምር ጣብያ ጋር ሲነፃጸር አነስተኛ ሊባል የሚችል ነው፡፡ አሜሪካን የቻይናን ሕዋ ምርምር ሚስጥራዊነት እና ከጦር ኃይሉ ጋር ያለውን ትስስር በመጥቀስ ቻይናን በዚህ ዓለም አቀፍ የትብብር ጣብያ ላይ ተሳታፊ እንዳትሆን ማድረጓ ይታወሳል፡፡ ቻይና በበኩሏ እ.አ.አ ከ1990ዎቹ ጅማሮ አንስቶ የራሷን ጠፈር ምርምር ጣብያ ለመገንባት ስትጥር ቆይታለች፡፡ አሁንም ቢሆን በሁለቱ ሀገራት መካከል የሕዋ ምርምር ትብብር መፍጠር ቀላል የማይባል እና በሕግጋት የታጠረ ሆኖ ቢቀጥልም በአንፃሩ ቻይና ከአሜሪካን ውጪ ከአውሮፓውያን ጋር አብራ በመስራት ላይ ትገኛለች፡፡
ሀገሪቱ ከጊዜ ወደ ጊዜ የሕዋ ምርምር ስራዋን በፍጥነት እያሳደገች የምትገኝ ሲሆን ከአውሮፓውያኑ 2003 አንስቶም 14 ያህል የሕዋ ተመራማሪዎቿን ወደ ሕዋ ልካለች፡፡ የራሷ በሆነ የጠፈር አካል ላይ ተመራማሪዎቿን በማሳረፍም ከሶቭየት ህብረት እና አሜሪካን ቀጥሎ ሦስተኛዋ ሀገር ናት፡፡ ከዚህም በተጨማሪ በቅርቡ ለመድረስ አስቸጋሪ ነው ከሚባለው የጨረቃ ክፍል ላይ አለቶችን ይዛ በመምጣት ትልቅ እርምጃን የተራመደችው ቻይና በያዝነው የአውሮፓውያን ዓመትም ቲኤንወን-1 የተባለ አሳሿን ማርስ ላይ አሳርፋ በዚያ ሕይወት ስለመኖሩ ምርመራ እያደረገች ትገኛለች፡፡
ምንጭ፤ አሶሼትድ ፕረስ
ለተጨማሪ፤ https://apnews.com/article/technology-science-business-china-mars-21b73a2b27b84ef1b38d9caba6980911
AP News
China set to send 3 astronauts on longest crewed mission yet
China is preparing to send three astronauts to live on its space station for six months — a new milestone for a program that has advanced rapidly in recent years.
የዓለማችን የኤሌክትሮኒክስ ቆሻሻ ከታላቁ የቻይና ግንብ የበለጠ ክብደት ይኖረዋል
===========================
በ2021 የአገልግሎት ዘመናቸውን ጨርሰው እንደ ቆሻሻ የሚጣሉ የኤሌክትሮኒክስ መሳርያዎች 57 ሚሊዮን ቶን በመመዘን ከግዙፉ የቻይና ግንብ የሚበልጥ ክብደት እንደሚኖራቸው WEEE የተባለው አለም አቀፍ ተቋም አስታውቀዋል፡፡ ከአካባቢ ጥበቃ ጋር በተያያዘ ትልቅ ችግር እየሆነ በመጣው የኤሌክትሮኒክስ ወጋጅ ላይ ትኩረቱን አድርጎ የሚሰራው ዌስት ኤሌክትሪካል ኤንድ ኤሌክትሪካል ኢኩፕመንት (WEEE) የተባለው አለምአቀፍ ተቋም በፈንጆቹ 2021 ጥቅም ላይ ውሎ የሚጣለው የኤሌክትሮኒክስ ቆሻሻ እስካዘሬ ከነበረው ከፍተኛ ጭማሪ እንደሚያሳይ ግምቱን አስቀምጧል፡፡
ከዚህ በፊት በተሰሩ ጥናቶችና ትንበያዎች በየዓመቱ ከ40 እስከ 45 ሚሊዮን ቶን የሚደርስ የኤሌክትሮኒክስ መሳርያ ውጋጅ (e-waste) በአለማችን ጥቅም ላይ ውሎ ይጣል የነበረ ሲሆን ይህ አሃዝ በየዓመቱ ከፍተኛ ጭማሪ በመሳየት ላይ ይገኛል፡፡ የኤሌክትሮኒክስ መሳርያዎች የአገልግሎት ዘመናቸውን ጨርሰው እንደቆሻሻ በሚጣሉበት ጊዜ አግባብነት ያለው የአወጋገድ ስርዓት ካልተበጀላቸው አልያም ዳግም ጥቅም ላይ የሚለውሉበት ሂደት ከሌላቸው በአፈር እና በከርሰ ምድር ውሃ ላይ ጎጂ ውጤቶችን ሊያስከትሉ እንደሚችሉ የሚነገር ሲሆን ከዚህ ባለፍም በአየር ብክለት ምጣኔ ላይ የራሳቸው አስታዋፅኦ ይኖራቸዋል፡፡
በዚህ አለምአቀፍ ተቋም የተሰረው ኢዲስ ጥናት እንደሚያሳው የአገልግሎት ዘመናቸውን ጨርሰው እንደ ቆሻሻ የሚጣሉ የኤሌክትሮኒክስ መሳርያዎች መልሰው ጥቅም ላይ የሚውሉበት ሂደት ቢፈጠር ከፍተኝ ጥቅም የሚሰጡ ቢሆንም እስካሁን በአለማችን መልሶ ግልጋሎት ላይ የሚውለው የኤሌክትሮኒክስ ወጋጅ ከ20 በመቶ የማይበልጥ አይደለም፡፡ ለአብነት ከኤሌክትሮኒክስ ቆሻሻ ውስጥ በዋናነት የሚቀመጠው ስማርትፎን በቀጣዩ ምዕተ ዓመት ከፍተኛ እጥረት ይኖርባቸዋል የሚባሉትን እንደ አርሴኒክ፣ ጋሊየም፣ ታንታለም እና ካድሚየም ያሉ ግብዓቶችን ይዞ የሚገኝ ቢሆንም፤ ይህ ቁስ ዳግም ጥቅም ላይ የሚውልበት ሂደት ባለመፈጠሩ ወደፊት ከፍተኛ እጥረት ሊኖርባቸው የሚችሉ መሰል ግብዓቶችን ለማዳን አስቸጋሪ ያደርገዋል፡፡
እነዚህ ከላይ የተጠቀሱት ግብኣቶች መልሰው ጥቅም ላይ ቢውሉ ከፍተኛ ጥቅም ቢያስገኙም፤ አሁን ባለው አሰራር የኤሌክትሮኒክስ ቆሻሻን በስፋት ጥቅም ላይ የማዋል ሁኔታ በመዋቅርም ይሁን በሰዎች የአኗኗር ሁኔታ ባለመኖሩ እነዚህ ቁሶች በአፈሮቻችን ላይ የሚለቋቸው መርዛማ ኬሚካሎች የእፅዋትን የአስተዳደግ ሂደት በመበከል እና በከርሰ ምድር ውሃ ላይ ጥፋት በማስከተል ህይወታቸውን በዚህ ላይ ለመሰረቱት የተለያዩ እንስሳት አደጋን ያመጣሉ፡፡ ይህ የስነ ምህዳር መዛባት አደጋ በእንስሳትና በእፅዋት የሚያበቃ ቢመስልም በጊዜ ሂደት በምግብ አቅርቦት ሰንሰለት እና በሌሎች ተያያዥ ምክንያቶች ወደሰዎች ማምራቱ የሚቀር አይደለም፡፡ ይህን አለም አቀፍ ችግር በሚቻለው አቅም ለመቅረፍ እና የወደፊቱን የሰዎች ጤናማ ህይወት በበጎ ለማረጋገጥ አንዲህ ያሉ ቁሶች ዳግም ጥቅም ላይ የሚለውሉበት ሂደት ማበጀቱ በብዘዎች የሚደገፍ ጉዳይ ነው፡፡ምንጭ፡
ቢቢሲ
https://www.bbc.com/news/science-environment-58885143
===========================
በ2021 የአገልግሎት ዘመናቸውን ጨርሰው እንደ ቆሻሻ የሚጣሉ የኤሌክትሮኒክስ መሳርያዎች 57 ሚሊዮን ቶን በመመዘን ከግዙፉ የቻይና ግንብ የሚበልጥ ክብደት እንደሚኖራቸው WEEE የተባለው አለም አቀፍ ተቋም አስታውቀዋል፡፡ ከአካባቢ ጥበቃ ጋር በተያያዘ ትልቅ ችግር እየሆነ በመጣው የኤሌክትሮኒክስ ወጋጅ ላይ ትኩረቱን አድርጎ የሚሰራው ዌስት ኤሌክትሪካል ኤንድ ኤሌክትሪካል ኢኩፕመንት (WEEE) የተባለው አለምአቀፍ ተቋም በፈንጆቹ 2021 ጥቅም ላይ ውሎ የሚጣለው የኤሌክትሮኒክስ ቆሻሻ እስካዘሬ ከነበረው ከፍተኛ ጭማሪ እንደሚያሳይ ግምቱን አስቀምጧል፡፡
ከዚህ በፊት በተሰሩ ጥናቶችና ትንበያዎች በየዓመቱ ከ40 እስከ 45 ሚሊዮን ቶን የሚደርስ የኤሌክትሮኒክስ መሳርያ ውጋጅ (e-waste) በአለማችን ጥቅም ላይ ውሎ ይጣል የነበረ ሲሆን ይህ አሃዝ በየዓመቱ ከፍተኛ ጭማሪ በመሳየት ላይ ይገኛል፡፡ የኤሌክትሮኒክስ መሳርያዎች የአገልግሎት ዘመናቸውን ጨርሰው እንደቆሻሻ በሚጣሉበት ጊዜ አግባብነት ያለው የአወጋገድ ስርዓት ካልተበጀላቸው አልያም ዳግም ጥቅም ላይ የሚለውሉበት ሂደት ከሌላቸው በአፈር እና በከርሰ ምድር ውሃ ላይ ጎጂ ውጤቶችን ሊያስከትሉ እንደሚችሉ የሚነገር ሲሆን ከዚህ ባለፍም በአየር ብክለት ምጣኔ ላይ የራሳቸው አስታዋፅኦ ይኖራቸዋል፡፡
በዚህ አለምአቀፍ ተቋም የተሰረው ኢዲስ ጥናት እንደሚያሳው የአገልግሎት ዘመናቸውን ጨርሰው እንደ ቆሻሻ የሚጣሉ የኤሌክትሮኒክስ መሳርያዎች መልሰው ጥቅም ላይ የሚውሉበት ሂደት ቢፈጠር ከፍተኝ ጥቅም የሚሰጡ ቢሆንም እስካሁን በአለማችን መልሶ ግልጋሎት ላይ የሚውለው የኤሌክትሮኒክስ ወጋጅ ከ20 በመቶ የማይበልጥ አይደለም፡፡ ለአብነት ከኤሌክትሮኒክስ ቆሻሻ ውስጥ በዋናነት የሚቀመጠው ስማርትፎን በቀጣዩ ምዕተ ዓመት ከፍተኛ እጥረት ይኖርባቸዋል የሚባሉትን እንደ አርሴኒክ፣ ጋሊየም፣ ታንታለም እና ካድሚየም ያሉ ግብዓቶችን ይዞ የሚገኝ ቢሆንም፤ ይህ ቁስ ዳግም ጥቅም ላይ የሚውልበት ሂደት ባለመፈጠሩ ወደፊት ከፍተኛ እጥረት ሊኖርባቸው የሚችሉ መሰል ግብዓቶችን ለማዳን አስቸጋሪ ያደርገዋል፡፡
እነዚህ ከላይ የተጠቀሱት ግብኣቶች መልሰው ጥቅም ላይ ቢውሉ ከፍተኛ ጥቅም ቢያስገኙም፤ አሁን ባለው አሰራር የኤሌክትሮኒክስ ቆሻሻን በስፋት ጥቅም ላይ የማዋል ሁኔታ በመዋቅርም ይሁን በሰዎች የአኗኗር ሁኔታ ባለመኖሩ እነዚህ ቁሶች በአፈሮቻችን ላይ የሚለቋቸው መርዛማ ኬሚካሎች የእፅዋትን የአስተዳደግ ሂደት በመበከል እና በከርሰ ምድር ውሃ ላይ ጥፋት በማስከተል ህይወታቸውን በዚህ ላይ ለመሰረቱት የተለያዩ እንስሳት አደጋን ያመጣሉ፡፡ ይህ የስነ ምህዳር መዛባት አደጋ በእንስሳትና በእፅዋት የሚያበቃ ቢመስልም በጊዜ ሂደት በምግብ አቅርቦት ሰንሰለት እና በሌሎች ተያያዥ ምክንያቶች ወደሰዎች ማምራቱ የሚቀር አይደለም፡፡ ይህን አለም አቀፍ ችግር በሚቻለው አቅም ለመቅረፍ እና የወደፊቱን የሰዎች ጤናማ ህይወት በበጎ ለማረጋገጥ አንዲህ ያሉ ቁሶች ዳግም ጥቅም ላይ የሚለውሉበት ሂደት ማበጀቱ በብዘዎች የሚደገፍ ጉዳይ ነው፡፡ምንጭ፡
ቢቢሲ
https://www.bbc.com/news/science-environment-58885143
BBC News
Waste electronics will weigh more than the Great Wall of China
Discarded waste like mobile phones and TVs in 2021 could weigh more than 57 million tonnes.
የዳሳሽ ማቴሪያሎች ጥቅምና አተገባበር
======================
ዳሳሽ ማቴሪያል (Sensor material) ማለት የዳሳሽ መዋቅራዊ ዘዴ ያለዉ ሆኖ የአከባቢን ሁኔታ ለምሳሌ የሙቀትን፤ የክብደትን፡ የግፊትን ስሜት ተረድቶ መልስ መስጠት የሚችል ማቴሪያል ነዉ፡፡ የዳሳሽ ማቴሪያል መዋቅር በዉስጡ የብርሀንና የእሳት ሙቀት መለኪያ፡ በሞተር የሚንቀሳቀሱና ኤሌክትሮኒክስን የያዘ ክፍል አለዉ፡፡ ይህ ዘዴ የአከባቢን ሁኔታ ተረድቶ መልስ መስጠት የሚችል አቅም እንዲላበስ ተደርጎ የሚሰራ ሲሆን በተለያዩ ኢንዱስትሪዎች ውስጥ ሰፊ አተገባበሮችን ሊወጣ ይችላል፡፡
ዳሳሽ ማቴሪያሎች ወጥነት ያላቸው ከመሆን ይልቅ ብዙውን ጊዜ ጥንቅር ማቴሪያሎች ሆነው ሊገኙ ይችላሉ፡፡ ጥንቅር ማቴሪያል ማለት ደግሞ ሁለትና ከዚያ በላይ በሆኑ ቁሶች የተሰራ ማቴሪያል ማለት ነዉ፡፡ እነዚህ ዳሳሽ ማቴሪያሎች ከተለመዱ የማቴሪያል አይነቶች በበለጠ መንገድ ጠቀሜታ ያላቸው ሲሆን የራሳቸው የሆነ የአከባቢዉን ሁኔታ መቆጣጠር የሚችሉበት ዘዴ አላቸው፡፡ ለመሳሌ ያህል ክብደታቸዉ አነስተኛ መሆን፡ በቀላሉ በዝገት የማይጠቁና የተሰሩበት መዋቅር ጠንካራና ሊቆይ የሚችል በመሆኑ ነዉ፡፡ ባለንበት በ21ኛዉ መቶ ክፍለ ዘመን ለብዙ አገልግሎት ይዉላሉ፡፡
በማቴሪያል ሳይንስ ዘርፉ ይበልጥ ተቀባይነት እያገኘ የመጣው ይህ ዘርፍ ለአብነት በመኪና ማምረቻ ኢንዱስትሪ ዉስጥ ዳሳሽ ማቴሪያልን በከፍተኛ ሁኔታ ጥቅም ላይ የሚውል ሲሆን ለምሳሌ በመኪና ማምረቻ ዘርፍ ዉስጥ በማይክሮ ኤሌክትሮ መካኒካል ሲስተም ዉስጥ እንደ ስሜት ተረጂ ክፍል ሆኖ በማገልገል ኤርባግንና አንቲ ሎክ ያሉ የመኪና ማቆሚያ ዘዴዎችን ለመተግበርና ይበልጥ ውጤታማ ለማድረግ በሰፊው ሊያገለግል ይችላል፡፡
በዚህ ዘመን ከፍተኛ የሆነ የዳሳሽ ማቴሪያል ተፈላጊነት በገቢያ ዉስጥ በስፋት የሚገኝ ሲሆን ከመኪና ማምረቻ ዘርፉ በተጨማሪ በአዉሮፕላን የማምረትና የመገጣጠም ሂደት፣ የሰርጓጅ መርከብ፣ በባር ሃዲድ ግንባታ እና የመሳሰሉት ኢንዱስትሪዎች ዘመናዊ ዳሳሽ መሳሪያን በመጠቀም በዘርፉ ያለዉን የቴክኖሎጂ አቅም ማሳደግ ተችሏል፡፡ አሁንም ቢሆን በተለያየ የስራ ዘርፍች ላይ ምርምር በማድረግ የዳሳሽ ማቴሪያሎችን የበለጠ ተግባራዊነት መረዳት ይቻላል፡፡ ከዚህ ባለፈ ለምሳሌ ያህል በፒዞ ኤሌክትሪክ ፋይበር ጥንቅርና ቅርጻቸዉን በሚያስታዉሱ ፖሊመር ማቴሪያሎች ላይ ሰፊ ምርመሮችን እንዲደረጉ በማስቻል በህክምናዉ ዘርፍ ሳይቀር ወደፊት ብዙ ግኝቶች ሊያስገኝ ይቻላል ተብሎ ይጠበቃል፡፡
https://www.sciencedirect.com/.../enginee.../sensor-material
======================
ዳሳሽ ማቴሪያል (Sensor material) ማለት የዳሳሽ መዋቅራዊ ዘዴ ያለዉ ሆኖ የአከባቢን ሁኔታ ለምሳሌ የሙቀትን፤ የክብደትን፡ የግፊትን ስሜት ተረድቶ መልስ መስጠት የሚችል ማቴሪያል ነዉ፡፡ የዳሳሽ ማቴሪያል መዋቅር በዉስጡ የብርሀንና የእሳት ሙቀት መለኪያ፡ በሞተር የሚንቀሳቀሱና ኤሌክትሮኒክስን የያዘ ክፍል አለዉ፡፡ ይህ ዘዴ የአከባቢን ሁኔታ ተረድቶ መልስ መስጠት የሚችል አቅም እንዲላበስ ተደርጎ የሚሰራ ሲሆን በተለያዩ ኢንዱስትሪዎች ውስጥ ሰፊ አተገባበሮችን ሊወጣ ይችላል፡፡
ዳሳሽ ማቴሪያሎች ወጥነት ያላቸው ከመሆን ይልቅ ብዙውን ጊዜ ጥንቅር ማቴሪያሎች ሆነው ሊገኙ ይችላሉ፡፡ ጥንቅር ማቴሪያል ማለት ደግሞ ሁለትና ከዚያ በላይ በሆኑ ቁሶች የተሰራ ማቴሪያል ማለት ነዉ፡፡ እነዚህ ዳሳሽ ማቴሪያሎች ከተለመዱ የማቴሪያል አይነቶች በበለጠ መንገድ ጠቀሜታ ያላቸው ሲሆን የራሳቸው የሆነ የአከባቢዉን ሁኔታ መቆጣጠር የሚችሉበት ዘዴ አላቸው፡፡ ለመሳሌ ያህል ክብደታቸዉ አነስተኛ መሆን፡ በቀላሉ በዝገት የማይጠቁና የተሰሩበት መዋቅር ጠንካራና ሊቆይ የሚችል በመሆኑ ነዉ፡፡ ባለንበት በ21ኛዉ መቶ ክፍለ ዘመን ለብዙ አገልግሎት ይዉላሉ፡፡
በማቴሪያል ሳይንስ ዘርፉ ይበልጥ ተቀባይነት እያገኘ የመጣው ይህ ዘርፍ ለአብነት በመኪና ማምረቻ ኢንዱስትሪ ዉስጥ ዳሳሽ ማቴሪያልን በከፍተኛ ሁኔታ ጥቅም ላይ የሚውል ሲሆን ለምሳሌ በመኪና ማምረቻ ዘርፍ ዉስጥ በማይክሮ ኤሌክትሮ መካኒካል ሲስተም ዉስጥ እንደ ስሜት ተረጂ ክፍል ሆኖ በማገልገል ኤርባግንና አንቲ ሎክ ያሉ የመኪና ማቆሚያ ዘዴዎችን ለመተግበርና ይበልጥ ውጤታማ ለማድረግ በሰፊው ሊያገለግል ይችላል፡፡
በዚህ ዘመን ከፍተኛ የሆነ የዳሳሽ ማቴሪያል ተፈላጊነት በገቢያ ዉስጥ በስፋት የሚገኝ ሲሆን ከመኪና ማምረቻ ዘርፉ በተጨማሪ በአዉሮፕላን የማምረትና የመገጣጠም ሂደት፣ የሰርጓጅ መርከብ፣ በባር ሃዲድ ግንባታ እና የመሳሰሉት ኢንዱስትሪዎች ዘመናዊ ዳሳሽ መሳሪያን በመጠቀም በዘርፉ ያለዉን የቴክኖሎጂ አቅም ማሳደግ ተችሏል፡፡ አሁንም ቢሆን በተለያየ የስራ ዘርፍች ላይ ምርምር በማድረግ የዳሳሽ ማቴሪያሎችን የበለጠ ተግባራዊነት መረዳት ይቻላል፡፡ ከዚህ ባለፈ ለምሳሌ ያህል በፒዞ ኤሌክትሪክ ፋይበር ጥንቅርና ቅርጻቸዉን በሚያስታዉሱ ፖሊመር ማቴሪያሎች ላይ ሰፊ ምርመሮችን እንዲደረጉ በማስቻል በህክምናዉ ዘርፍ ሳይቀር ወደፊት ብዙ ግኝቶች ሊያስገኝ ይቻላል ተብሎ ይጠበቃል፡፡
https://www.sciencedirect.com/.../enginee.../sensor-material