የ3D ቴክኖሎጂ በተለያዩ ዘርፎች ላይ የሚኖረው ጠቀሜታ
=====================
የሳይንስና ቴክኖሎጂ አቅም የትምህርት ዘርፉን ለመደገፍና ለማበልፀግ ጥቅም ላይ ከመዋሉ ባለፈ ለብዙ አገራት የተሻለ የኢኮኖሚ ዕድገት ደረጃ ላይ መገኘት የሳይንስና ቴክኖሎጂው ዘርፉ የተጫወተው ሚና እጅግ በጣም ከፍተኛ ነው። የ3D ፕሪንቲንግ ቴክኖሎጂ በዚህ የልማት ሂደት ውስጥ ትልቅ ቦታ የሚሰጠው ሲሆን በተለያዩ የሙያ ዘርፎች ላይ ጥቅም ላይ መዋሉ ደግሞ ይበልጥ ተመራጭ ያደርገዋል፡ ያደጉ ሀገራት በዚህ ዘርፍ ላይ ብዙ እርምጃ የተራመዱ ሲሆኑ ገና በማደግ ላይ ሀገራትም ዘርፉን በመጠቀም የተሻለ የኢኮኖሚ እድገት ማስመዝገብ እንደሚችሉ ይጠቀሳል፡፡ ይህ የቴክኖሎጂ አይነት በከፍተኛ ሁኔታ ጥቅም ላይ ከሚውልባቸው ዘርፎች መካከል ጥቂቶቹን እንመልከት፡፡
የግብርና ቁሶችን ለማምረት (3D Printed Agricultural Tools) የ3D ፕሪንቲንግ ቴክኖሎጂ የአገራቱ አርሶ አደሮች በራሳቸው የተለያዩ የግብርና ምርቶችን በማምረት እንዲጠቀሙ እና ራሳቸውንም ከተለያዩ ወጪዎች በመታደግ የኢኮኖሚ አቅማቸውን ማሳደግ እንዲችሉ ዕድልን ይከፍታል። አሁን በታዳጊ አገራት አርሶ አደሮች የተለያዩ በእጅ የተሠሩ ቁሳቁሶችን በመጠቀም ላይ ይገኛሉ። በተጨማሪም ጊዜው ደግሞ አምራቹ ኃይል/ወጣቱ ከገጠር ወደ ከተማ በተለያዩ ምክንያቶች እየተመመ ያለበት ሁኔታ ላይ ይገኛል። ይህ ደግሞ የተቀሩት ህዝቦች የማምረት አቅማቸው የደከመ በመሆኑና ሌላ ተጨማሪ አቅም እንደሚያስፈልጋቸው ያመለክታል። የዕለት ተዕለት ተግባራቸውን ለማከናወን እነዚህ አርሶ አደሮች የተሻሻሉ እና በአይነታቸው አዲስ የሆኑ የዚህ ቴክኖሎጂ ግኝቶችን ይፈልጋሉ። ይህም ለማረስ፣ ለማጨድ፣ ለማረም፣ ለመዝራት፣ ምግባቸውን ለመስራት እንዲሁም ለሌሎች ተግባራት የሚረዷቸው ይሆናል። እነዚህ አገራት የተሻሻሉ እና ተመሳሳይ የሆኑ የፈጠራ ግኝቶችን እንደየዘርፉ አስፈላጊነት በማምረት ለሰፊው ማህበረሰብ ማድረስ ይችላሉ ማለት ነው።
ታዳሽ የኃይል አማራጭን በማምረት ረገድ (Low Energy Solutions) ታዳሽ የኃይል አማራጭን ከማምረት አንፃር ደግሞ በታዳጊ አገራት ውስጥ እንዴት ተጨማሪም ሆነ የአደጋ ግዜ ታዳሽ ኃይሎችን በዚህ ቴክኖሎጂ አማካኝነት መፍጠር እንደሚቻል ያሳያል። ለምሳሌ በ2010 በሀይቲ አገር በመሬት መንቀጥቀጥ አማካኝነት የተፈጠረውን ችግር ለመታደግ የኃይል መቋርጥ ችግሩን ከባድ ሊያደርገው ይችል የነበረ ሲሆን በዚህ አደጋ ግዜም የታደጋት የሀይል አማራጭ የተገኘውም በ3-ማዕዘን የተመረተው ታዳሽ ሀይል ነበር። ይህ ጥናት እስካሁንም በጥናት እና ሙከራ ላይ ያለ ሲሆን ሲጠናቀቅም የኃይል እጥረት በብዛት ለሚታይባቸው ታዳጊ አገራትም ጥሩ መፍትሔን ይዞ ይመጣል ተብሎ ይጠበቃል።
በውሃ እና የግል ንፅህና ላይ (Water and Sanitation) የ3 ዲ ቴክኖሎጂ በታዳጊ አገሮች ውስጥ በተደጋጋሚ የዝናብ ውሃን ለማቆር የሚረዱ ፕላስቲኮችን ለማምረት ያገለግላል። በተጨማሪም የተለያዩ የውሀ ማጣሪያና ማፅጃ ፕላስቲኮችን ለማምረት ይረዳሉ። ይህም ቁሱ ቆሻሻውን ውሀ እስከ 85º C በማሞቅ በእንፋሎቱ አማካኝነት ተጣርቶና ተከማችቶ ንፁህ ውሀን መፍጠር ወደሚችልበት ደረጃ ላይ ይደርሳል። ይህ ሂደት ደግሞ የውሃ ብክለት/ንፅህና ችግርን የመቅረፍ አቅም አለው። በተጨማሪም ይህ የ3D ፕሪንቲንግ ቴክኖሎጂ የተለያዩ የንፅህና መጠበቂያ ሳሙናዎችን ማስቀመጫ እና የመፀዳጃ ቤት መገልገያ ቁሶችን በዝቅተኛ ዋጋ በማቅረብ አስተዋፅኦ አላቸው።
https://www.makerbot.com/.../top-5-3d-printing-application/

የዘመነ የመአድን ስራ ለከፍተኛ ሀብት
**********************
ዲጂታላይዜሽን ወይም ስራን ማዘመን በተለይ ለአምራች ኢንዱስትሪዎች ድካምን በመቀነስ ምርታማነትን የሚያሳድግ ከፍተኛ ጥቅም ያለው አሰራር ነው፡፡ እንደ አለም ኢኮኖሚክ ፎረም መረጃ ከሆነ የዘመነ የማእድን ፍለጋ እና አጠቃላይ ስራ በአለማችን ውስጥ በአመት እስከ 321 ቢሊዮን የአሜሪካን ዶላር ያስገኛል፡፡
የተቋማት ዲጂታል ሽግግር በአለማችን ውስጥ ከፍተኛ እድገት እንዲመዘገብ አስተዋጽኦ እያበረከተ ይገኛል፡፡ ይሁን እንጂ እንደ ድንጋይና ሌሎች ማእድናት ላይ ያለው ዘመናዊ አሰራር አሁንም ተጨማሪ መሻሻሎች የሚፈልገ ነው፡፡ በዘርፉ አንድ በቻይናና በኖሮይ ትብብር የሚሰራ ፕሮጀክት ተስፋ ሰጭ ነገሮችን ይዞ እንደመጣ ተነግሯል፡፡ በተለይም የማእድን (በተለይ ከድንጋይና ከብረት ጋር የተያያዙ) ሙያተኞችንና በዲጂታላይዜሽን ዘርፍ ላይ የተሰማሩ ሰዎችን በጥምረት እንዲሰሩ በማድረግ ከዘርፉ ሊገኝ የሚገባውን ከፍተኛ ጥቅም ሀገራት ማግኘት እንደሚችሉ የመረጃ ምንጫችን ሲንትፍ ኢንደስትሪን እና የምርምር ተቋምን ዋቢ አድርጎ የሰራው ዘገባ ያመለክታል፡፡
እንደሚታወቀው ቻይናና ኖሮይ በከፍተኛ ሁኔታ በማዕድን ቁፋሮ ዙሪያ እየሰሩ እና ውጤትም ያስገኙ ሀገራት ናቸው፡፡ የሁለቱ ሀገራት ጥምረትም በዘርፉ ያለውን የዘመናዊነት ችግር ለመቅረፍ ያለመ እንደሆነ ታውቋል፡፡ ኖሮይ ለጸሐይ ሐይል መሰብሰቢያ ፓኔልና ለኤሌክትሮኒክስ እቃዎች ምርት ዋነኛ ግብዓት የሆነውን ሲልከንና ለብረት ምርት ከፍተኛ ግብዓት የሆነውን ማንጋኔዝ በማምረት ትታወቃለች፡፡ ቻይና ደግሞ በወርቅ ምርቷ ቀዳሚ ሀገር ናት፡፡ ይሁን እንጂ ሁለቱም ሀገራት ዘርፉን በማዘመን ረገድ ወደኋላ የቀሩ ነበሩ፡፡
የማእድን ዘርፉን ማዘመን ከሚሰጣቸው ጥቅሞች ውስጥ ከፍተኛ የሀይል ብክነት ቅነሳ፣ ውጤታማና ደህንነቱ የተጠበቀ አሰራር፣ የተሸለ የጥሬ እቃ አጠቃቀም፣ ስኬታማ የማእድናት ፍለጋ እና በኢንዱስትሪዎች፣ በመንግስትና በምርምር ተቋማት መካከል የተሸለ ግንኙነት መፍጠር ያስችላል፡፡
ምንጭ techxplore
ተጨማሪ ንባብ https://techxplore.com/news/2021-06-digitalization-goldmine-real.html

TECHIN seminar
=========
የቴክኢን ሴሚናር መርሃ-ግብራችን ነገ ሐሙስ የሚመለስ ሲሆን በዚህ ሳምንቱ የቴክኢን ሴሚናርም “Robots, Automation and Smart Systems” በሚል ርዕስ በአቶ በኩረፅዮን ፀጋዬ ገለፃ አቅራቢነት የሚመራ ውይይት የሚከናወን ይሆናል፡፡
ስፍራ፡ 4 ኪሎ በሚገኘው የቴክኖሎጂ እና ኢኖቬሽን ኢንስቲትዩት መሰብሰቢያ አዳራሽ
ቀን፡ ነገ ሐሙስ ሴኔ 10፤ 2013 ዓ.ም
ሰዓት፡ ከጠዋቱ 3፡30 ጀምሮ
TECHIN seminar will be back this week, @TECHINhall. For this session Mr. Bekuretsion Tsegaye will discuss Robots, Automation and Smart Systems.
Starting time: 9:30 AM
You are invited to join us tomorrow @TECHINhall
#TECHIN
#weeklyseminar

በ DOC File እና በ DOCX File መካከል ያለው ልዩነት
******************************
በኮምፒውተር የተለያዩ የጽሁፍ ስራዎችን ለመስራት ስናስብ በብዛት የምንጠቀምባቸው መጻፊያዎች DOC እና DOCX የሚባሉት ናቸው፡፡ ሁለቱም የማይክሮሶፍ ወርድ ዶክመንት ክፍሎች ሲሆኑ የተለያዩ ምስሎችን፣ የተለያዩ ቴብሎችን እና ቻርቶችን ለመጻፍ ያገለግላሉ፡፡ ለመሆኑ በሁለቱ መካከል ያለው ልዩነት ምንድን ነው?
ከብዙ ጊዜ ጀምሮ ማይክሮሶፍት ዎርድ DOC የሚባለውን የመጻፊያ ስርዓት ዋና መገልገያ (default) አድጎት ቆይቷል፡፡ እስከ 2006 ድረስ DOC በምዝገባና በፈቃድ ጥቅም ላይ የሚውል ነበር፡፡ ከዚያ በኋላም የተለያዩ መሻሻሎች ተደርገውበታል፡፡ አሁን ላይ እንደ LibreOffice Writer፣ OpenOffice Writer፣ KingSoft Writer የመሰሉ በነጻ የቀረቡና በክፍያ አገልግሎት የሚሰጡ መጠቀሚያዎችን አካትቶ ቀርቧል፡፡ እነዚህ ፐሮግራሞች የ DOC ፋይሎችን ለመክፈትና ለማስተካከል ጥቅም ላይ ይውላሉ፡፡
በሌላ በኩል DOCX የተባለው የመጻፊያ ፕሮግራም የ DOC ተከታይ ሆኖ በማይክሮሶፍት ወርድ የቀረበ ነው፡፡ በ2007 ተሻሽሎ በቀረበው የወርድ ወይም የመጻፊያ ፕሮግራም ቀዳሚ መጠቀሚያ ሆኖ የቀረበው DOCX ነው፡፡ ይህም የሆነው ማይክሮሶፍት ወርድ እንደ ኦፕን ኦፊስና ODF ካሉ ነጻና ክፍት መጠቀሚያዎቸ በገጠመው ፉክክር ምክንያት ነው፡፡
በ DOCX ውስጥ ያለው የኮድ መስሪያ በ XML የተሰራ ሲሆን በዚህ ፕሮግራም ያለችው X ይህንን የምታመለክት ናት፡፡ ይህ ኮዲንግ ሲስተም አዳዲስ መገለጫዎችን ጥቅም ላይ ያዋለ ነው፡፡ ከዚህም በተጨማሪ እንደ PPTX እና XLSX ያሉ ፎርማቶች ላይ ለውጥ አድርጓል፡፡ አሁን ላይ በሁለቱ መካከል ይህ ነው የሚባል ትልቅ ልዩነት ባይኖርም በጣም ትናንሽ ፋይሎችን ለመፍጠር DOCX የተሻለ አማራጭ እንደሆነ ይነገራል፡፡
ምንጭ fossbytes
ተጨማሪ ንባብ https://fossbytes.com/doc-vs-docx-file-difference-use/?fbclid=IwAR0Ulwx0C94ZgsWpxCSYj3uBnMI61aLjss_t-IS1kPexjQnl8yOmlH__O3s

የክላውድ አንቲቫይረስ ሶፍትዌር
**********************
ከዚህ በፊት ኮምፒውተር ተጠቃሚ ብንሆንም ባንሆንም ለመጀመሪያ ጊዜ ኮምፒውተር ስንገዛ ከምንሰማቸው ነገሮች ውስጥ የኮምፒውተር ቫይረስ አንደኛው ነው፡፡ ችግሩ በላፕቶፕና በዴስክቶፕ ብቻ ያልተገደበ በመሆኑ ታብሌትም ሆነ ስማርት ስልክ ስንገዛ እንደ ማልዌር ቫይረሶች፣ ዋርሞችና ትሮጃኖች ሳንሰማ አንቀርም፡፡ እነዚህ በኮምፒውተር ጥቃትና የተለያዩ ወንጀሎችን የሚሰሩ ሀከሮች የግለሰቦችንና የተቀቋማትን መረጃዎች ለመስረቅ እንዲሁም ለማጥፋት የሚጠቀሙባቸው ፕሮግራሞች ናቸው፡፡

ከእንደዚህ አይነት አደጋዎች ራስን ለመጠበቅ የደህንነት መጠበቂያ ሶፍትዌር ወይም መተግበሪያ መጠቀም አስፈላጊ ነው፡፡ እስካሁን የተለያዩ አንቲ ቫይረሶች ጥቅም ላይ የዋሉ ሲሆን ከጊዜ ወዲህ የተሻለ ደህንነትን ማስጠበቅ የሚያስችል የሆነው የክላውድ አንቲቫይረስ ምርት ነው፡፡ ይህም ከሌሎቹ መደበኛ የሆኑ አንቲቫይረሶች የሚለየው በኮምፒውተራችን ወይም በስልካችን የሚጫን ሳይሆን በበይነ መረብ አማካኝነት የሚሰራ በመሆኑ ነው፡፡

ይህ የአንቲ ቫይረስ ሶፍትዌር ክሊያንትና ዌብ አገልግሎቶችን በጥምረት የሚያሰራ ነው፡፡ ክሊያንት የሚባለው በኮምፒውተራችን ላይ የሚሰራ አነስተኛ ፕሮግራም ሲሆን ኮምፒውተራችን በማልዌር (በኮምፒውተር ቫይረስ) መጠቃትና አለመጠቃቱን የሚያስስ ነው፡፡ ይህም ከመደበኛ የአንቲቫይረስ ፕሮግራሞች ያነሰ የፕሮሰሲንግ ሀይል የሚጠቀም በመሆኑ ተመራጭ ያደርገዋል፡፡ ከዚህም በተጨማሪ የተሻለ የመከላከል ብቃት ያለውና በየጊዜው እድሳት እንድናደርግ የማይጠይቅ ነው፡፡

ክላውድ አንቲቫይረስ ካሉት ብዙ ጥቅሞች በተቃራኒው የተወሰኑ እጥረቶች እንዳሉበትም ሙያተኞች ያናገራሉ፡፡ ከእነዚህም ውስጥ ሁልጊዜ የኢንተርኔት አገልግሎት መፈለጉ፣ በደካማ ኢንተርኔት በተገቢ መልኩ የማይሰራ መሆኑና አንዳንድ የማልዌር ፍለጋዎች ጊዜ የሚወስዱ መሆናቸው ይጠቀሳሉ፡፡
ምንጭ howstuffworks
ተጨማሪ ንባብ https://computer.howstuffworks.com/cloud-computing/cloud- antivirus.htm

ኢትዮጵያ በ2021 የቴክኖሎጂ ፈር-ቀዳጅ ከሆኑ 100 ሀገራት ዝርዝር ውስጥ ተካተተች
********************************************
ኢትዮጵያ በታሪኳ ለመጀመሪያ ጊዜ የአውሮፓውያኑ 2021 የቴክኖሎጂ ፈር-ቀዳጅ ከሆኑ ሀገራት ዝርዝር ውስጥ ገብታለች። የዓለም ምጣኔ ኃብት ጉባዔ በዓለም ላይ 100 በቴክኖሎጂ ፈር-ቀዳጅ የሆኑ ድርጅቶችን ሲመርጥ ኢትዮጵያን አንዷ አድርጓታል።
ኢትዮጵያ የተወከለችው ካምብሪጂ ኢንደስትሪስ በተባለ ተቋም አማካኝነት ሲሆን የአየር ንብረት ለውጥን ለመቆጣጠር በሚደረገው ጥረት ቆሻሻን ወደ ኃይል ምንጭነት ለመቀየር የሚያስችሉ ዘላቂ የከተማ መሰረተ ልማቶችን እያለማ መሆኑ ተጠቁሟል።
በዚህ አመት ሳይበር ሴክዩሪቲ፣ ሮቦቲክስ እና ሌሎች ሰው ሰራሽ አስተውህሎትን (የአርቴፊሻል ኢንተለጀንስን) በመጠቀም በጤና እንክብካቤ እና የፋይናንስ ተደራሽነትን ለመሙላት የተጠቀሙ በሚል ዝርዝሩን ይፋ ተደርጓል።
ኢትዮጵያ፣ ዝምባብዌ እና ኤልሳልቫዶር ለመጀመሪያ ጊዜ በዚህ ዘርፍ ስማቸው የተካተተ ሲሆን ከተመረጡት ኩባንያዎች ውስጥ 30 በመቶ በላይ የሚሆኑት በሴቶች የሚመሩ ናቸው። በዚህ ዘርፍ ከአፍሪካ ኢትዮጵያን ጨምሮ ዝምባብዌ፣ ናይጄሪያ፣ ኬንያ እና ጋና ተካተዋል።
ከ40 በላይ ተቋማትን በማስመረጥ ቀዳሚዋ ሀገር አሜሪካ ስትሆን እስራኤል፣ እንግሊዝ፣ ጃፓን፣ ፈረንሳይ፣ ጀርመን እና ቻይና የቴክኖሎጂ ተቋሞቻቸውን አስመርጠዋል ሲል የዘገበው EBC ነው።

የክላዉድ ኮምፒዩቲንግ ጥቅሞችና የአገልግሎት አይነት
ክላዉድ ኮምፒዩቲንግ ከሌሎች በአንድ ስፍራ ላይ ከተሰባሰቡ ሰርቨሮችና የማከማቻ መሳሪያዎች በተሻለ ተደራሽ የሆነና ፍጥነት ያለው አገልግሎት ለማግኘት ያስችላል። አስተማማኝ የሆነ በቀጥታ የሚገኝ የዲጂታል ፋይሎች ስብስብ እንዲኖር እና ይህም ሉላዊነትን ከማሳለጥ አንፃር የበኩሉን ድርሻ ይወጣል። አብዛኛዉን ጊዜ ትላልቅ የማከማቻ መሳሪያዎች ሳይኖራቸው በኢንተርኔት አማካኝነት በተንቀሳቃሽ ስልክ ወይም ኢንተርኔት ካፌ ለሚጠቀሙ ተገልጋዮች እርዳታ ያቀርባል።
ድረ-ገፅን መሰረት ካደረጉ የሃርድዌር (Hardware) መሳሪያዎች መረጃዎችን በቀላሉ ለማግኘት ከማስቻሉም ባለፈ የመተግበሪዎችን ወይም (Software) መዋለ ንዋይ እንዲሁም የድጋፍ ወጪዎችን ለመቀነስ፣ ተደራሽነትን ለማስፋት፣ የኢንፎርሜሽን ነፃነትን ለማስጠበቅ እንዲሁም የቴክኖሎጂ ሽግግርን ለማቀላጠፍ በእጅጉ ይረዳል።
የክላዉድ ኮምፒዩቲንግ አይነቶች ክላዉዶችን በተለያየ መልኩ ሊስተናገዱባቸዉና ሊገለገሉባቸው የሚያስችል ሲሆን፤ የተጠቃሚዉን ፍላጎት መሰረት በማድረግ ሊገለገሉባቸው የሚችሉ የክላዉድ አይነቶች በተያየ መልኩ ይገኛሉ። ለምሳሌ የግል ክላዉድ ለተወሰነ ቡድን ወይም ድርጅት የሚሰጥና አገልግሎቱም ለተወሰነው ቡድን ወይም ድርጅት የተገደበ የክላውድ ስርዓት ሲሆን በዚህ ሂድት ውስጥ እንደ eBay ያሉ ፕላትፎርሞች እንደምሳሌ ይጠቀሳሉ፡፡
በአንጻሩ የሕዝብ ክላዉድ ማንኛዉም ደንበኛ የበይነ መረብና የክላዉድ ምህዳር አገልግሎት ማግኘት እስከቻለ ድረስ ለመጠቀም ክፍት የሆነ ስርዓት ሲሆን እንደ Amazaon፣ Google Apps፣ Windows Azure ማሳያ ምሳሌዎች ናቸው፡፡ በሌላ በኩል ሃይብሪድ ወይም ድብልቅ ክላዉድ ተብሎ የሚጠቀሰው የክላውድ አይነት ቢያንስ ሁለት የክላዉድ ውህዶች የጋራ የሚፈጥሩት የክላዉድ አይነት ሲሆን፤ ዉህደቱም የግል፣ የህዝብ፣ ወይም የተመሳሳይ ክላዉድ ቅልቅል ሊሆን ይችላል። በዚህ ሂደት ውስጥ እንደ IBM እና Juniper ያሉ ፕላትፎርሞች እንደምሳሌ ሊጠቀሱ ይችላሉ፡፡
https://cloud.illinois.edu/types-of-cloud-computing-private-public-and-hybrid-clouds/

ሮቦቲክስ ቴክኖሎጂ፣ አውቶሜሽንና ስማርት ሲስተም ለኢንዱስትሪዉ ዘርፍ እድገት
****************************************
በቴክኖሎጂና ኢኖቬሽን ኢንስቲትዩት የስልጠናና ድጋፍ ዳይሬክቶሬት በዛሬዉ እለት በሮቦቲክስ፣ አዉቶሜሽንና ስማርት ሲስተም በሚል ርእስ ሴሚናር ተካሄደ፡፡ በሴሚናሩም የኢንስቲትዩቱ አባላት የተሳተፉ ሲሆን በተመረጡት ርዕሰ ጉዳዮች ዙሪያ የመነሻ ሀሳብ በረዳት መምህር በኩረጽዮን ጸጋዬ አማካኝነት ቀርቧል፡፡ ረዳት መምህሩ በገለጻቸው ወቅት አንዳሉት በሮቦቲክስ ቴክኖሎጂና አዉቶሜሽን ላይ ትኩረት ሰቶ መስራት ለኢንዱስትሪዉ ዘርፍ ለዉጥ ከፍተኛ ድርሻ እንዳለው ለተሳታፊዎች አስገንዝበዋል፡፡

ከዚህም በተጨማሪ ሮቦቲክስ ቴክኖሎጂ፣ አውቶሜሽንና ስማርት ሲስተም ላይ ትኩረት ሰጥተው የሚሰሩ ሶስት የስልጠና ቡድኖች ተዋቅረው ወደ ስራ መገባቱን አቅራቢው አመላክተዋል፡፡ እነዚህ የስልጠና ቡድኖች በዋነኛነት የተሰማሩት በጥገና፣ ምርትን ሊያሻሽሉ በሚችሉ ማሽነሪዎች ላይ ትኩረት ሰቶ በመስራትና አዳዲስ ተመራቂ ወጣቶች ተነሳሽነት ኖሯቸዉ ወደ ስራ በመስገባት ላይ መሆኑም ተገልጧል፡፡

ይህንንም በማድረግ ሀገራችን ለማሽነሪ ጥገናና ለልዩ ልዩ መሰል ተግባራት የምታወጣውን የውጭ ምዛሬ ማስቀረት እደሚቻል ታምኖበታል፡፡ ስለሆነም ወደ ፊት ይህ ስራ የበለጠ ፍሬያማና ዉጤታማና እንዲሆን ከተፈለገ በስልጠና፤ በሰዉ ሀይልና በግብዓት ረገድ ከቴክኖሎጂና ኢኖቬሽን ኢንስቲትዩት ጋር በጋራ መስራት አስፈላጊ መሆኑ ተገልጿል፡፡

በቀረበውም የመነሻ ሀሳብ ዙሪያ ከተሳታፊዎች የተለያዩ ሀሳቦች ተነስተው ውይይት ተካሂዶባቸዋል፡፡

ባዮቴክኖሎጂን ለግብርናው እድገት ጥቅም ላይ ማዋል
===========================
ከቴክኖሎጂ አቅርቦት አንፃር የአገራችን የምርምር ፖሊሲ አቅጣጫ በአጭር ጊዜ ለሀገራችን የሚስማሙ ቴክኖሎጅዎችን ከሌሎች ሀገራት አፈላልጎ በማምጣትና በማላመድ ከሀገራችን ሥነ ምህዳርና ማህበራዊ ኢኮኖሚያዊ ሁኔታ ጋር አጣጥሞ መጠቀምን ቅድሚያ የሚሰጥ ሲሆን ጎን ለጎን ደግሞ የምርምር አቅማችንን በአስተማማኝ ደረጃ በመገንባት በራስ አቅም ቴክኖሎጂን ማመንጨትና የቴክኖሎጂ ባለቤት መሆን ነው።
ስለሆነም በየጊዜው እያደገና እየተለዋወጠ የሚሄደውን የግብርና ምርት ፍላጎት ለማሟላት ልማቱ ይህንን ያገናዘበ ሆኖ ጥራት ያለው ከፍተኛ ምርት በቀጣይነት እንዲኖር በራስ አቅም የላቀ ቴክኖሎጂ የመፍጠር ብቃት በማጎልበት ተወዳዳሪነትን ማረጋገጥ የሚያስችል መሰረት መገንባት ያስፈልጋል። በየጊዜው የሚከሰት የአየር ንብረት ለውጥን ጨምሮ በርካታ የልማት ማነቆዎች መፍትሄ በመስጠት ቀጣይነት ያለው በዓለም ገበያ ተመራጭ የሆነ የግብርናና የአግሮ-ኢንደስትሪው ምርት ማቅረብ ፈታኝ ቢሆንም እንደ ባዮቴክኖሎጂ የተሻሻለና ዘመናዊ ቴክኖሎጂዎችን በመጠቀም የምርምርንና የልማቱን አሰራር በአስተማማኝ ሁኔታ ማጠናከር ወሳኝ የመፍትሄ አቅጣጫ ሆኖ ይታያል።
ባዮቴክኖሎጂ በአለም አቀፍ ደረጃ በተለይ በግብርናው ክፍለ ኢኮኖሚ በምግብ አቅርቦት፣ ለኢንደስትሪው ጥሬ ዕቃ በማቅርብ፣ ለገበያ የሚሆን ምርት በማቀበል እጅግ ከፍተኛና ፈጣን ውጤት እየተመዘገበበት ያለ መስክ ሲሆን በተለይም ያደጉ ሀገራትም ይህን ቴክኖሎጂ በመጠቀም የመጪውን ዘመን የግብርናው ዘርፍ የቴክኖሎጂ አቅርቦት ከአሁኑ በማሟላት ላይ ይገኛሉ፡፡ የግብርና ባዮቴክኖሎጂ ጥልቀት ያለውን የሥነ-ህይወታዊ ሂደቶችንና ባህሪያታቸዉን በሳይንስ መሠረታዊ ትንታኔ ላይ ተመርኩዞ እጅግ ዘመናዊ የሆኑ የመረጃ መገኛና መተንተኛ ቴክኖሎጂዎችን በመጠቀም ሰብልን፤ እንሰሳትንና ደቂቅ ዘአካላት ለማጥናት፤ ለመረዳትና ለማበልፀግ የዝርያውን የውርስ ሂደት ወይም መስተጋብር በዘረመል ደረጃ ባሉ መረጃዎች በመተንተን ወደ ውጤት ለማድረስና በጥራት ላይ የተመሰረተ ምርትና ምርታማነትን በመጨመር ልማትን ለማፋጠን በእጅጉ የሚያግዝ ዘርፍ ነው።
የሰብልና እንስሳት ምርትና ምርታማነት እንደዚሁም የበሽታና የአየር ለውጥ ተጽኖዎች የመቋቋም ችሎታ ከማሻሻል አኳያ፣ የምርት ጥራትና የገበያ ተወዳዳሪነት ከማሳደግ አንጻር እንደዚሁም የምግብ ዋስትናን ለማረጋገጥ የግብርና ባዮቴክኖሎጂ ሊኖረው የሚችለው ሀገራዊ ጠቀሜታ እጅግ ከፍተኛ ነው፡፡ ከዚህ በመለስ ደግሞ ማንኛውም የቴክኖሎጂ ፈጠራዎች እንደሚሰጡት ትሩፋት ሁሉ መጠነኛ ጉዳት ሊኖራቸው ስለሚችል የአጠቃቀም ሁኔታን ይበልጥ በማሻሻል እና ተሞክሮዎችን በመቀመር የቴክኖሎጂውን ፍሬ በበልሃት መጠቀም ግድ ይላል፡፡ ታዲያ ባዮቴክኖሎጂ ምርታማነትን ይበልጥ የሚያሳድግ እና ወቅቱን የዋጀ ቴክኖሎጂ መሆኑን ለማህበረሰቡ ግንዛቤ መፍጠር በአጠቃቀም ሂደቱ ላይ ቅድሚያ የሚሰጠው ተግባር ነው፡፡ Theconversation

የጂ.አይ.ኤስ ቴክኖሎጂ ዘርፈ ብዙ ግልጋሎት
======================
ጂዮግራፊካል ኢንፎርሜሽን ሲስተም ኋላቀር ወይም የተለመደውን የአሰራር ስርዓት በመቀየር ወደ ተሻሻለና ዘመናዊ የመረጃ አሰጣጥ በመለወጥ ከፍተኛ የሆነ አስተዋፅዖ በማበርከት ላይ ይገኛል። በብዛት አገልግሎት እየሰጠ ከሚገኝባቸው ዘርፎች መካከል የሚከተሉትን ማንሳት ይቻላል።
የተፈጥሮ ጋዝን ለመፈለግ- ብዙ የሳይንስ ሊቃውንት የተፈጥሮ ጋዝ ከረጅም ዘመናት በፊት በባሕር ውስጥ የሚገኙ ጥቃቅን ዕፅዋትን ጨምሮ ከእንስሳት ቅሪተ አካላትና ከዕፅዋት ብስባሽ ስብስብ እንደሚገኝ ያምናሉ። ታዲያ የጋዝ ክምችቶች ያሉበትን ቦታ ለማወቅ እንዲረዳቸው ጂዮግራፊካል ኢንፎርሜሽን ሲስተምን በመጠቀም ግሎባል ፖዚሽኒንግ ሲስተም (ጂ.ፒ.ኤስ) ከሚባለው አቅጣጫ ጠቋሚ መሣሪያ ጋር በማገናኘትና በኮምፒውተሮች በመታገዝ የተፈጥሮ ጋዝ የሚገኝበትን ስፍራ ይበልጥ ትክክለኛ በሆነ መንገድ ለመገመት ችለዋል።
የጉዞ አቅጣጫን ለማወቅ- በአሁኑ ጊዜ ብዙ የመኪና አሽከርካሪዎችና አውሮፕላን አብራሪዎች እንዲሁም የመርከብ ካፒቴኖች ከግሎባል ፖዚሽኒንግ ሲስተም (GPS) ጋር ግንኙነት ባላቸው የጂዮግራፊካል ኢንፎርሜሽን ሲስተም ሶፍትዌር በመታገዝ የመንገዳቸውን አቅጣጫ ለማወቅ አስችሏቸዋል። የአንድን ቦታ አድራሻ ለማወቅ ቢያስፈልግ የቦታውን ስም በመፃፍ ብቻ የት አካባቢ እንዳለ በጥቂት ሴኮንዶች ውስጥ ማወቅ የሚቻል ሲሆን ይህ የሚሆነው ግን የምንፈልገው ቦታ በትክክል ጂ.አይ.ኤስ ሲስተም ላይ ከተመዘገበ ብቻ ነው።
ለንግድ ሥራ አገልግሎት- ጂ.አይ.ኤስ በእለት ተዕለት እንቅስቃሴ ውስጥ በምናከናውናቸው የግብይት ልውውጥና አገልግሎቶች አዎንታዊ ተፅዕኖ እያሳደረ መጥቷል። በመሆኑም የግብይት ስርዓቱ የተስተካከለና ተዓማኒነት ያለው እንዲሆን በማድረግ የንግድ ድርጅቶች ያሉበትን ቦታ ከማወቅ ጀምሮ እስከሚሰጡት አገልግሎት ድረስ ሰዎች ባሉበት ቦታ ሆነው መረጃን ማግኘት እንዲችሉ የሚያደርግ ሲሆን ጊዜን፣ ጉልበትንና የሀብት ብክነትን ይቀንሳል።
ለደህንነት አገልግሎት- የደህንነት መሪዎች መረጃዎችን ከየትና እንዴት ያገኛሉ የሚሉትን ጥያቄዎች ለመመለስ ጂዮግራፊካል ኢንፎርሜሽን ሲስተም ቀዳሚውን ቦታ ይይዛል። በዚህም ምክንያት የጦር ሀይል አስተዳዳሪዎች በቀላሉ ጠላትን ለመቆጣጠር፣ በየትኛው አካባቢ ጠላትን ለማሸነፍ አመቺ እንደሆነ ለመለየት፣ የጠላትን መረጃ ወስዶ ለመጠቀም እና ለመሰለል በመጨረሻም የተጣሩ ፣የተሻሻሉ፣ ፈጣንና በአነስተኛ ወጪ ብዙ መረጃዎችን ለማግኘት ያስችላል።
ምንጭ፡ geoinfolink
ተጨማሪ https://geoinfolink.blogspot.com/.../application-of-gis...