ጎግል ክሮም በቆዩ የኮምፒውተር ፕሮሰሰሮች ላይ መስራት ሊያቆም ነው
--------------------------------------
በአለማችን ላይ በአሁን ወቅት በብሮውዘር የቴክኖሎጂ ዘርፍ በቀዳሚነት የሚሰለፈው ጎግል ክሮም እንደአውሮፓውያኑ ከ2005 በፊት ተሰርተው አሁንም በማገልገል ላይ በሚገኙ የኮምፒውተር ፕሮሰሰሮች ላይ መስራቱን አንደሚያቆም ተነግሯል፡፡ የ Chromium አበልጻጊ ቡድን ከሰሞኑ እንዳስታወቀው x86 CPUs የተሰኘው የቀድሞው ፕሮሰሰር በጎግል ክሮም ላይ ተቀባይነት እንደማይኖረው እና ብሮውዘሩ በቀጣይ ይዞት በሚመጣው ማዘመኛ የትኛውም የኮምፒውተር ፕሮሰሰር ቢያንስ አንኳን (Supplemental Streaming SIMD Extensions 3) SSE3 የተባለውን ሲስተም የማይቀበል ከሆነ ብሮውዘሩ ለመስራት አንደሚቸገር ተነግሯል፡፡
እንደመረጃው ከሆነ ከቴክኖሎጂው ማደግ ጋር ተያይዞ ብዙ ተጠቃሚዎች ዘመናዊ ሃርድዌሮችን ስራ ላይ የሚያውሉ በመሆናቸው ብዙ ተጎጂዎች ይኖራሉ ተብሎ ባይታሰብም ከ15 ዓመት በላይ እድሜ ባላቸው ኮምፒውተሮች ላይ አሁንም ክሮምን የሚጠቀሙ ሰዎች ግን ግልጋሎቱን ላያገኙ እንደሚችሉ ተገልጿል፡፡ የ Chromium አበልጻጊ ቡድን ይዞት ወጣ በተባለው ሰነድ ላይ ከጉዳዩ ጋር ተያያዥ የሆኑ ወስብስብ መረጃዎች በስፋት የተለቀቁ ቢሆንም ከአሁን በኋላ ጎግል ክሮም አንዲሰራ SSE3 ሊደግፍ የሚችል ፕሮሰሰር የግድ አስፈላጊ እንደሚሆን ተነስቷል፡፡
ረዥም ግዜ የቆዩ የኮምፒውተር ፕሮሰሰሮች በጊዜ ሂደት በአንዳንድ ሶፍትዌሮች ላይ ተቀባይነት እንዳይኖራችው የማድረጉ ነገር ትልቅ ምከንያት የሚቀርብበት ባይሆንም አንዳንድ የኮምፒውተር ባለሙያዎች እንደሚሉት ከሆነ ግን ችግሩ ከእድሜ ጋር የተያያዘ ሊሆን ይችላል፡፡ አሁን ላይ አንደሚገለፀው እንደአውሮፓውያኑ ከ2000 እስከ 2005 ባሉት አመታት የነበሩት የኮምፒውተር ፕሮሰሰሮች በአዳዲስ ቴክኖሎጂዎች እየተተኩ በመምጣታቸው አነዚህን ሃርድዌሮች የሚጠቀሙ ሰዎች በቁጥር እያነሱ መተዋል፡፡ ከዚህም ባለፈ የኮምፒውተር ፕሮሰሰር አማካይ የሕይወት ዘመን ከ7-10 ዓመት በመሆኑም በአዳደስ መልኩ ከሚበለፅጉት ሶፍትዌሮች ጋር በፍጹም ሊጣጣም ወይም (compatible) ሊሆን አይችልም፡፡ ከዚህ አንፃር ተሻሽለው የቀረቡ የሃርድዌር አማራጮችን በአንድም ይሁን በሌላ መልኩ ጥቅም ላይ ማዋል እጅግ አስፈላጊ ይሆናል፡፡
በዚህ ዘገባ እንደተገለፀው ረዥም ግዜ በቆዩ የኮምፒውተር ፕሮሰሰሮች የሚገለገሉ ተጠቃሚዎች ከዚህ በኋላ የጎግል ክሮም በሃርድዌራቸው ላይ ድጋፍ እንደማይኖረው የሚያሳይ የማስጠንቀቂያ መልእክት የሚደርሳቸው ሲሆን፤ አዲስ ማዘመኛ ያላቸው እንደ Chrome 89 ያሉ ብሮውዘሮች ደግሞ ቆየት ባሉ ሃርድዌሮች ላይ መጫን እንደማይችሉም ተገልጿል፡፡
ምንጭ፡ Techradar እና tomsguide

ለወጣት ጋዜጠኞች የወጣ የዘገባ ውድድር ዕድል
=======================
ዕድሜያቸው ከ35 ዓመት በታች የሆኑና በዘላቂ ልማት፣ ታዳሽ ኃይል እና የአየር ንብረት ጉዳዮች ላይ ፍላጎት ያላቸው ኢትዮጵያውያን ጋዜጠኞችን የሚያሳትፍ ውድድር በጀርመን ልማት ትብብር (GIZ) አማካኝነት ተሰናድቷል፡፡ በውድድሩ የሚመረጡ አምስት ጋዜጠኞች “Decentralized Energy Solutions in Rural Ethiopia” በሚል ርዕስ በሚዘጋጀው በዓይነቱ የመጀመሪያ የሆነ ውድድርን እንዲዘግቡ የሚደረግ ሲሆን ውድድሩን አስመልክቶ ምርጥ ዘገባ የሰራ አሸናፊ ጋዜጠኛ ተሸላሚ የሚሆን ይሆናል፡፡ ስለሆነም ተከትለው የተቀመጡትን መስፈርቶች ማሟላት የምትችሉ ሁሉ በውድድሩ መመዝገብ ትችላላችሁ፡፡ ምዝገባው የሚከናወነው ከታች በተቀመጠው የድረ-ገፅ ሊንክ አማካኝነት ሲሆን ምዝገባው ከረቡህ የካቲት 10 (17 February) በፊት የሚጠናቀቅ ይሆናል፡፡
የውድድር መስፈርቶች፡-
• ዕድሜያችሁ ከ35 ዓመት በታች የሆነ
• ከዚህ ቀደም ጋዜጦች ላይ ፅሁፎችን ያወጣችሁ እንዲሁም በፎቶግራፍ፣ ዶክመንተሪ፣ አጫጭር ፊልም፣ ጦማሪነት እና የመሳሰሉት ላይ ልምድ ያላችሁና ለዚህም ማስረጃ ማቅረብ የምትችሉ
• በኃይል፣ ሳይንስ፣ ቴክኖሎጂ፣ ወይም ዘላቂ ልማት ላይ ሪፖርቶችን የሰራችሁ
• ጥሩ የአማርኛ እና እንግሊዝኛ ብሎም ሌሎች የሀገር ውስጥ ቋንቋዎች ችሎታ ያላችሁ
• ኢትዮጵያ ውስጥ የምትኖሩ
የመመዝገቢያ ሊንክ፤ https://www.energy-cooperation.et/.../application-form-yj/
የተመረጡ ጋዜጠኞች በአርብ የካቲት 12 (19 February) መልዕክት የሚደርሳቸው ሲሆን የመጀመርያው ቨርቹዋል ወርክሾፕ በየካቲት 16 2013 ዓ.ም ይጀመራል፡፡
ተጨማሪ መረጃ ለማግኘት ይህን የኢሜይል አድራሻ ይጠቀሙ፤energy-cooperatio-et@giz.de

የተሳትፎ ጥሪ፤ የዲጂታል ቴክኖሎጂ ሲምፖዚየም
===================
የቴክኖሎጂና ኢኖቬሽን ኢንስቲትዩት ከባለድርሻ አካላት ጋር በመተባበር የዲጂታል ቴክኖሎጂ ሲምፖዚየም ለማዘጋጀት ይፈልጋል። ስለሆነም በግብርና ዲጂታል ቴክኖሎጂ፣ በፋይናንስ ዲጂታል ቴክኖሎጂ፣ በጤና ዲጂታል ቴክኖሎጂ እንዲሁም የቢሮዎችን አሰራር ስርዓት የሚያዘምኑ የዲጂታል ቴክኖሎጂ ውጤቶች ያላችሁ እና በዚሁ መስክ ላይ የተሰማራችሁ የግል፣ የመንግስት፣ የትምህርትና የምርምር ተቋማት ወይንም ግለሰቦች በዚህ የዲጂታል ቴክኖሎጂ ሲምፖዚየም እንዲካፈሉ ተጋብዘዋል።
ለምዝገባው የሚያስፈልጉ ነገሮች፡-
• ከ500 ቃላት ያልበለጠ ማብራርያ
• ከ150 ቃላት ያልበለጠ ስለ እርስዎ እና የፈጠራ ክንውንዎ የሚገልፅ ማብራርያ
• ከ1-3 የሚሆኑ ስለስራዎ የሚገልፁ ምስሎች (ከ1 ሜ.ባ ያልበለጠ) እና የቪዲዮ ሊንክ (ከተቻለ)
• የግንኙነት አድራሻ (ስም፣ የኢሜይል አድራሻ፣ ስልክ ቁጥር)፣ ሲቪ እንዲሁም የድረ-ገፅ፣ ትዊተር እና ኢንስታግራም አድራሻ
ስለሆነም ከዚህ በታች ባለው ማስፈንጠሪያ በመጠቀም መመዝገብ የምትችሉ መሆኑን እናሳውቃለን።
የመመዝገቢያ ገፅ፤ https://forms.gle/uLXgtzHVHZ79yabb8
የመመዝገቢያ ጊዜ፤ ከየካቲት 3 እስከ የካቲት 8 2013 ብቻ የሚቆይ ይሆናል።
ለተጨማሪ መረጃ 4 ኪሎ ከፓርላማ የትራፊክ መብራት ወደ ፒያሳ/ቸርችል ጎዳና በሚወስደው መንገድ 150 ሜትር ተጉዘው በሚያገኙት ዋና ቢሮዋችን ወይንም በኢ-ሜይል አድራሻ smd-team@techin.gov.et መጠቀም ይችላሉ

የተጣሉ የአፍና አፍንጫ መሸፈኛ ጭንብሎችን ለመንገድ ስራ
******************************
ብዙዎቻችን ከአፍና አፍንጫ መሸፈኛ ጭንብል ጋር የተዋወቅነው የኮቪድ 19 ወረርሽኝ ከተከሰተ ወዲህ ነው፡፡ ጭንብሎች ከአፍና አፍንጫ የሚወጡ በአይን የማይታዩ ቫይረሶችን ይዞ ስለሚያስቀር ቫይረስ ወደሌላ ሰው እንዳይዛመት በእጅጉ ይረዳሉ፡፡ ከኮቪድ በፊት ጭንብሎች በብዛት ጥቅም ላይ የሚውሉት በህክምና ተቋማት ስለነበር በተሻለ የአወጋገድ ስርዓት ያልፋሉ፡፡ በዚህም አካባቢን የመበከል እድላቸው አነስተኛ ነው፡፡
ኮቪድ ከተከሰተ ወዲህ ግን ጭንብሎችን መጠቀም እጅግ አስፈላጊ በመሆኑ አብዛኛው በተለይ በከተሞች የሚኖር ሰው ይህን ልምድ አዳብሯል ማለት ይቻላል፡፡ እዚህ ላይ አንድ ችግር አለ ይኸውም ጭንብሎች አገልግሎት ከሰጡ በኋላ የሚወገዱበት መንገድ ነው፡፡ ጥናቶች እንደሚያመለክቱት ኮቪድ ከተከሰተ ጀምሮ 6.8 ቢሊዮን ጭንብሎች በየቀኑ ይጣላሉ፡፡ ይህ ቁጥሩ እጅግ ከፍተኛ የሆነ ጭብል መልሶ ለመጠቀም የማይመች በመሆኑ ለተባባሰው ማጭድ አታውሰው እንዲባል በአካባቢ ብክለት ጉዳይ ተጨማሪ ፈተና መሆኑ አልቀረም፡፡
በ RMIT ዩኒቨርሲቲ የሚገኙ ተመራማሪዎች ችግሩን በመመልከት አገልግሎት የሰጡ ጭንብሎችን በመሰብሰብ ወደ መንገድ መስሪያ ግብዓትነት ለመለወጥ የሚያስችል ስልት መቀየሳቸው ተሰምቷል፡፡ በየቀኑ ወደ 7 ቢሊዮን የሚጠጋ ጭንብል መፍትሔ የማይሰጠው ከሆነ አለማቀፍ የጤና ቀውሱ ወደ አለማቀፍ የቆሻሻ ቀውስ ሊያመራ እንደሚችን የመረጃ ምንጫችን ያለውን ስጋት አስነብቧል፡፡ ለዚህም ይመስላል ተመራማሪዎች ምድራችን በጭንብል ከመሸፈኗ በፊት መፍትሔዎችን እያፈላለጉ ያሉት፡፡
ጭንብሎች በተለይ ሰርጂካል የሚባሉት የሚሰሩበት ቁስ አነስተኛ በመሆኑ በቀላሉ ተሰብስበው ሊቃጠሉ ይችላሉ፡፡ ነገር ግን ተመራማሪዎቹ እነዚህ ውጋጆች ያልታወቀ ጥቅም እንዳላቸው እየተናገሩ ነው፡፡ የመንገድ ስራ በአብዛኛው አራት ደረጃዎች ያሉት ነው፡፡ ከእነዚህ የመጨረሻው የአስፋልት ስራ ሲሆን ሌሌቹ ቀሪዎቹ ግን በለተያዩ አማራጮች ሊሰሩ ይችላሉ፡፡ እንደ ተመራማሪዎቹ ሀሳብ ከሆነ አንደኛው መንገድ የተለያዩ ጥቅም ላይ የቃሉ ቁሶችን መልሶ መጠቀም ነው፡፡
93 ቶን ወይም 3 ሚሊዮን ማስኮችን 1በመቶ በ99 በመቶ በሆነ ጥምረት ከሌላ የመንገድ ስራ ግብዓት (RDA) ጋር በማዋሃድ 1ኪሎ ሜትር መንገድን መስራት እንደሚቻል ተመራማሪዎቹ ማረጋገጫ ሰጥተዋል፡፡
በዚህ ዘዴ የተሰራው መንገድ መደበኛ ጥራቱን የጠበቀና ጭንብል በግብዓትነት ጥቅም ላይ መዋሉ እንኳን አይታወቅም፡፡ ጭብሎች ተሰብስበው ጥቅም ላይ ከመዋላቸው በፊት በማይክሮዌቭ አማካኝነት ስለሚጸዱ ምንም አይነት ስጋት አያሳድሩም፡፡
ኮቪድ 19 የወቅቱ አለማቀፍ ወረርሽኝ ቢሆንም የመጨረሻው ግን አይደለም፡፡ ስለዚህ በወረርሽኞች ወቅት የሚኖርን ብክለት በተለያዩ ፈጠራዎች በመታገዝ መፍትሔ መስጠት አስፈላጊ ነው፡፡ በዚህ ረገድ የ RMIT ዩኒቨርሲቲ ተመራማሪዎች የሰሩት ስራ በጣም አበረታች ነው፡፡
ምንጭ: Technology.org

ቴክ-ሳይንስ ሪቪው፤ ነገ ይጠብቁን
በነገው የቴክ ሳይንስ መሰናዶዋችን ላለፉት ፭ ተከታታይ ሳምንታት ወደ እናንተው ያደረስናቸው ዝግጅቶቻችንን በሪቪው መልሰን የምንቃኛቸው ይሆናል፡፡
በዚህም በዓብይ፤ ፕሮግራም ስለ ግብርናና ባዮ ቴክኖሎጂ፣ የማጃንግ ባዮስፌር ሪዘርቭ እና አዳማ የግብርና መሳርያዎች ኢንዱስትሪ ላይ የተሰሩት ፕሮግራሞች
በተመራማሪዎች ታሪክ፤ ፕ/ር ማስረሻ ፈጠነ እና ፕ/ር ሽብሩ ተድላ
በተቋማት፤ የኢትዮጵያ የደረጃዎች ኤጀንሲ እንዲሁም የኢትዮጵያ ጨረራ መከላከያ ባለስልጣን
በተጨማሪም የብላቴናት እና የቴክኖሎጂ ታሪክ ዝግቶቻችን ሰዓታቸው እንደተጠበቀ ወደ እናንተው ይደርሳሉ
የዩትዩብ ቻናላችንን (https://www.youtube.com/channel/UC6jvUOLRSkVEQtc5Annfwvg) ሰብስክራይብ ማድረጉን እንዳይረሱ፤ ከዓመታት በፊት ከተላለፈው የመጀመሪየው ክፍል አንስቶ ያሉትን ሁሉንም የቴክ-ሳይንስ ፕሮግራሞች አንድ በአንድ መመልከትና ለእርስዎም ሆነ ቤተሰብዎ ዕውቀትን መገብየት ይችሉበታልና፡፡

የኢትዮጵያን ኤሌክትሪክ ኃይል ተደራሽነት የሚያሻሽል ሀሳብ አልዎት? እነሆ የውድድር ጥሪ
=========================
የኢትዮ-ጀርመን የኃይል ትብብር ባልተማከለ የኃይል አቅርቦት መፍትሄዎች ላይ እየሰሩ ያሉና ይህ ሀሳባቸውን ወደ ቢዝነስ መለወጥ የሚፈልጉ ኢትዮጵያውያን የፈጠራ ባለሙያ፣ ስታርታፕ፣ ተማሪ እና አጥኚዎችን ለማወዳደር ይፈልጋል፡፡ “Decentralised Energy Solutions in Ethiopia” በሚል ርዕስ የሚከናወነው ዝግጅቱ በኢትዮጵያ ውስጥ ያለውን የኤሌክትሪክ ኃይል እጥረት ዘላቂ በሆነ መልኩ መፍታት የሚችሉ እንዲሁም በስፋትና ተመጣጣኝ ዋጋ ወደ ህብረተሰቡ የሚሰራጩ ያልተማከሉ መፍትሄዎችን የሚጠይቅ ነው፡፡ ፕሮፖዛሎቹ በነዚህ ላይ ብቻ የተገደቡ ባይሆንም በቴክኖሎጂያዊ ፈጠራዎች፣ አዳዲስ የቢዝበነስ እና ፋይናንስ መንገዶች፣ የማህበረሰብ አቀፍ ተሳትፎ ስትራቴጂ፣ ዲጂታላይዜሽን፣ እንዲሁም በዳታ እና ኃይል አስተዳደር ላይ ያተኮሩ ሊሆኑ ይችላሉ፡፡ ለውድድሩ የሚቀርቡት ፕሮፖዛሎች በ4 መሰረታዊ ጉዳዮች ላይ ማለትም፤ በከባቢና አየር ንብረት ለውጥ፣ ኢኖቬሽን፣ ምጣኔ-ሐብታዊ የስኬት አቅም፣ እንዲሁም ፆታና ማሕበራዊ ተፅዕንዖ ላይ በመመርኮዝ ዳኝነት ይሰጥባቸዋል፡፡ ለ10ሩ ተመራጭ ተሳታፊዎች የምስክር ወረቀት ብሎም የስልጠና፣ ትስስር እና ቢቢዝነስ ነክ ድጋፍ የሚበረከትላቸው ሲሆን ከ1-3ኛ ደረጃ ይዘው ለሚያጠናቅቁ ተሳታፊዎች የገንዘብ ሽልማት ያገኛሉ፡፡
በውድድሩ ለመሳተፍ የሚያስፍልጉ ነገሮች፤
• አመልካቾች በኢትዮጵያ ተግባራዊ ሊሆን በሚችል መፍትሄ ላይ እየሰሩ ያሉ ኢትዮጵያውያን መሆን አለባቸው
• ፕሮፐዛሎቹ በኢትዮጵያ ያለውን የኤሌክትሪክ ኃይል ችግር በመቅረፍ እና የብሄራዊ የኤሌክትሪክ ኃይል የማዳረስ ስትራቴጂን በማሳካት ደረጃ ግልፅ ጠቀሜታ ያላቸው መሆን አለባቸው
• ተሳታፊዎች ከጀርመንም ሆነ አውሮፓ ህብረት ከመጡ አጋሮች ጋራ በጋራ መስራት ይችላሉ
• ኮቪድ-19ኝን አስመልክቶ የመፍትሄ ሀሳቦችን የሚያካትቱ እንዲሁም በሴት አመልካቾች የሚቀርቡ ፕሮፖዛሎች ይበረታታሉ
የምዝገባ ቀን፤ ተሳታፊዎች ከየካቲት 21 (February 28) በፊት በተቀመጠው ሊንክ አማካኝነት መመዝገብ አለባቸው
የመመዝገቢያ ሊንክ፤ https://www.energy-cooperation.et/newsroom/competition/

በአንታርክቲካ በረዶ ስር ልዩ ፍጥረታት ተገኛተዋል
******************************
ለፍጥረታት ህይወት የማይስማሙ አካባቢዎች ከሚባሉት ውስጥ በበረዶ የተሸፈነው የአለማችን አንዱ አህጉር አንታርክቲካ ነው፡፡ ለብዙ ጊዜያት ካለው ቅዝቃዜ የተነሳ በዚህ አህጉር ብዙ ፍጥረታት ይኖራሉ ተብሎ አይገመትም ነበር፡፡ ይሁን እንጂ አሁን የወጣ አዲስ መረጃ እንደሚያመለክተው በቀዝቃዛማው አህጉር ያልተጠበቀ ልዩ ፍጥረት በበረዶ ንጣፎች ውስጥ እንደተገኘ አመልክቷል፡፡ መረጃውም ሌሎች እስካሁን ያልታወቁ ፍጥረታት በአካባቢው እንዳሉ የሚያመላክት መሆኑን የመረጃ ምንጫችን ያመለክታል፡፡
በጥናቱ ወቅት ተመራማሪዎቹ የበረዶ ግግሩን 900 ሜትር ጠልቀው የቆፈሩ ሲሆን ክፍት ከሆነው ውቅያኖስ 260 ኪሎሜትር ያክል ርቀት ባለው አካባቢ ከዜሮ በታች 2.2 ዲግሪ ሙቀት ውስጥ ፍጥረታት ተገኝተዋል፡፡ የብሪትሽ አንታርክቲክ ጥናት መሪ ዶክተር ሁው ግሪፍዝ ግኝቱ ያልተጠበቀና በቀዝቃዛው አለም ውስጥ የተለያዩና ያልታወቁ ፍጥረታ እንዳሉ የሚያሳይና ስለ አካባቢው እስካሁን ያለውን እሳቤ የሚቀይር እንደሆነ ተናግረዋል፡፡
ተመራማሪዎቹ ስለ ግኝቱ ሲናገሩ ከመልስ ይልቅ ብዙ ጥያቄዎችን ይዞ የመጣ እንደሆነ ሲናገሩ በማሳያነትም ፍጥረታቱ በዚህ ጥልቀት ውስጥ እንዴት ሊገቡ ቻሉ፣ ምን ይመገባሉ፣ ለምን ያክል ጊዜ በዚህ ቦታ ቆዩ የሚሉና የመሳሰሉ ከፍጥረታቱ ህልውና ጋር የተያያዙ ጥያቄዎችን አቅርበዋል፡፡
በአሁን ጊዜ ያለው መረጃ እንደሚያመለክተው በቀዝቃዛ ቦታዎች ከፀሐይና ከውቅያኖስ አካባቢ እየራቅን በሄድን ቁጥር የህይወት ዋስትናም በዚያው ልክ እየቀነሰ ይሄዳል፡፡ ከዚህ በፊት የተደረጉ ጥናቶች እንደ አሳዎች፣ ትላ ትሎች፣ ጀልፊሽ እና ከሪል ያሉ ዝርያዎች በእነዚህ አካባቢዎች መኖራቸውን አሳውቀዋል፡፡
ምንጭ SciTechDaily

የአይንን ብርሃን ማጣትና የአየር ብክለት
*************************
በአየር ብክለት ምክንያት የሚመጣ የአይን በሽታ የአይናችንን ብርሃን ላይመለስ እንደሚያሳጣን አንድ ጥናት አመለከተ፡፡ ጥናቱ የአየር ብክለት በብዙ መንገዶች የሰው ልጆችን አኗኗር እየጎዳ እንደሆነ ያረጋገጠ ነው፡፡ የአየር ብክለት በዓለማችን ውስጥ የሚኖሩ የሁሉም ፍጥረታት ችግር እየሆነ መምጣቱ የማይካድ ነው፡፡ እንደ አለም ጤና ድርጅት መረጃ ከሆነ 90 በመቶ የሚሆነው የአለማችን ህዝብ የሚኖረው ጤናማ ባልሆነ የአየር ንብረት ውስጥ ነው፡፡
ለአየር ንብረት መበከል መንስኤ ናቸው ተብለው የሚታመንባቸው እንደ ጥቃቅን ብናኞች፣ ናይትሮጅን ዳይ ኦክሳይድ፣ ሳልፈር ዳይ ኦክሳይድ እና ሌሎች ከመኪናዎች፣ ከግዙፍ ኢንዱስትሪዎቻና ከማገዶ እንጨት የሚወጡ ጭሶች ናቸው፡፡ PM2.5 እየተባሉ የሚጠሩት ጥቃቅን ብናኞች ዋናውን ድርሻ ይወስዳሉ፡፡ እነዚህ መጠናቸው ከ2.5 ማይክሮ ሜትር የሆኑ ጥቃቅን የፕላስቲክ ብናኞች በሰውነታችን ሰርገው ወደ ሳንባና የደም ቧንቧዎች የመግባት አቅም አላቸው፡፡ ይህም ሰውነታችን የተለያዩ በሽታዎችን እንዲያዳብር እንደሚያደርገው ይታመናል፡፡
ጥቃቅን ብናኞቹ የሰዎችን የማየት አቅም የሚያዳክሙና የአተነፋፈስ ስርዓት የሚያዛቡ እንደሆኑ በጥናቱ ተረጋግጧል፡፡ ጥናቱ (AMD) እየተባለ የሚጠራውን ከእድሜ መግፋት ጋር ተያይዞ የሚመጣውን የአይን ብርሃን ማጣትን ለማጥናት ታስቦ የተዘጋጀ ነው፡፡ በሽታው ከአይናችን ጀርባ አካባቢ ካሉ የደም ስሮች ጋር ቀጥተኛ ግንኙነት ያለው ነው፡፡ የበሽታው ዋነኛ መንስኤዎች በመባል የሚታወቁት ዘርና ማጨስ ናቸው፡፡
በጥናቱም በእንግሊዝ የሚኖሩ በሺዎች የሚቆጠሩ ሰዎች የተሳተፉ ሲሆን በቤታቸው አካባቢ ያለው የአየር ሁኔታ መረጃ በጥናቱ ጥቅም ላይ ውሏል፡፡ በዚህም ከ2006 ጀምሮ 116 ሺህ የሚደርሱ ሰዎች መረጃዎችን የሰጡ ሲሆን ከእነዚህ መካከል 52 ሺህ የሚጠጉ ሰዎች የአይን ምርመራ አድርገዋል፡፡ የጥናቱ ውጤትም በአካባቢያቸው ከፍያለ መጠን ላለው ብናኝ የተጋለጡ ሰዎች ለአይን መድከም ብሎም ለአይን ብርሃን ማጣት የመጋለጥ እድላቸውደ ከፍተኛ መሆኑን አረጋግጧል፡፡
ምንጭ Science Alert

ምድራችን ከተሞችን መሸከም እያቃታት ነው
**********************
የአለማችን ከተሞች ከእድገታቸው ጋር ተያይዞ እየጨመረ የመጣው ግዝፈታቸው የምድራችንን የመሸከም አቅም እየተፈታተነው እንደሆነ አንድ ጥናት አመለከተ፡፡ ለወትሮው በአለማቀፍ የሙቀት መጠን መጨመር ምክንያት እየጨመረ የመጣው የባህር ጠለል ከፍታ ለአንዳንድ የአለማችን ከተሞች በውሃ የመዋጥ ምክንያት ነበር፡፡ የአሜሪካ ጊኦሎጂካል ጥናት ኤጀንሲ የስነ-ምድር ተመራማሪ የሆነው ቶም ፓርሰንስ የሳንፍራንሲስኮን ሁኔታ ያጠና ሲሆን በውጤቱም የግዙፋን ከተሞች መስፋፋት ገፀ-ምድርን እየተጫነው እንደሆነ አሳይቷል፡፡
ከጥናቱ ውጤት የተገኘው መረጃ እንደሚያመለክተው ከሆነ ሳንፍራንሲስኮ እድገቷ በጨመረ ቁጥር እስከ 80 ሚሊ ሜትር ድረስ ወደታች እየሰመጠች ትገኛለች፡፡ አካባቢው በባህር ጠለል ከፍታ መጨመር ምክንያት እስከ 2050 ድረስ 300 ሚሊ ሜትር የመስመጥ አደጋ እንደተጋረጠበት ጥናቶች ያመለክታሉ፡፡ 7.75 የሚደርስ የህዝብ ቁጥር ያላት ሳንፍራንሲስኮ ያሏት ህንጻዎች ክብደት ተሰልቶ 1.6 ትሪሊዮን ኪሎግራም እንደምትመዝን ጥናቱ አመልክቷል፡፡
ይህ ክብደት ከተማዋ የተገነባችበትን ተፈጥሯዊ ቅርፀ ምድር እንዲታጠፍ እንደሚያደርገው ተገምቷል፡፡ ከላይ የተገለጸው ክብደት ከህንጻ ውጭ ያሉ ሌሎች መሰረተ ልማቶችንና መገልገያዎችን እንዲሁም ህዝቡን የማይጨምር በመሆኑ የስጥመት መጠኑ ከ80 ሚሊ ሜትር ከፍ ሊል እንደሚችል በጥናቱ ተካትቶ ቀርቧል፡፡ ከከተሞች ክብደት በተጨማሪ የከርሰ ምድር ውሃ አጠቃቀምና የቴክቶኒክ አለታማ ንጣፎች መንሸራተትና ቦታቸውን መልቀቅ ሌሎች ለምድር መስመጥ ስጋቶች እንደሆኑ ተመራማሪዎቹ አክለው አሳውቀዋል፡፡
ምንጭ፡ Science Alert