الموقع شغال ..

اقولها ازاي ان مش كل مشاكلنا بتتحل بالألجوريزمز الي خدناها فالمنهج،
مشاكلنا فالحياه اكبر من كده والله😂

وبما اننا جبنا سيرة الخوارزميات فتعالو نشرح يعني ايه خوارزمية!

الخوارزمية (Algorithm) هي مجموعة خطوات مرتبة بنمشي عليها علشان نحل مشكلة معينة أو ننفذ مهمة معينة.

أنا ك عمر عايز أروح الجامعة. فإيه اللي بيحصل؟
بصحى، أصلي، أفطر، ألبس، أركب مواصلات… وهكذا.

لو كتبنا الخطوات دي بصورة منظمة أكتر:

1- أصحى من النوم
2- أصلي
3- آكل حاجة
4- ألبس وأنا بشرب القهوة
5- أنزل وأمشي لأول مواصلة
6- أركب أول مواصلة
7- أنزل وأمشي للمواصلة التانية
8- أركب المواصلة التانية
9- أنزل وأمشي لبوابة الجامعة
10- أدخل الجامعة

الخطوات دي ماشية بترتيب منطقي وهدفها محدد وهو اني "أروح الجامعة" ، وده هو معنى الخوارزمية يعني خطوات تساعدني أوصل لنتيجة معينة بطريقة واضحة.

وبالمناسبة! كلمة خوارزمية متسمية على اسم العالم المسلم الخوارزمي، اللي كان من أوائل الناس اللي نظموا طرق الحل وعملوا قواعد منهجية واضحة للمسائل
الرياضية.

وفي البرمجة فيه خوارزميات جاهزة الناس قبلنا اشتغلوا عليها واعتبروها حلول ثابتة لمشاكل معيّنة.
الفكرة إننا مش محتاجين نعيد اختراع العجلة كل مرة، لأن كل خوارزمية ليها استخدام معين، وبتقدم أداء مختلف على حسب الحالة اللي بنستخدمها فيها.

عشان كده بنذاكر الخوارزميات دي، ونتعلم امتى نختار كل واحدة فيهم، وازاي نطبقها في البرامج بتاعتنا علشان نطلع بأفضل أداء ممكن.
ومع الوقت بنفهم ان اختيار الخوارزمية الصح هو اللي بيخلي البرنامج أسرع وأكفأ

الموضوع اكبر من كده بكتير بس حاولت ابسطه بقدر الامكان علشان كل الناس تفهمه

الناس قبل اختراع Git 😆

ده بجد

مهم اوي في ظل الlayoffs الي بتحصل اليومين دول وكله بيردد جملة "السبب فده هو الAI"

انا من اعتقادي الشخصي اكيددد اكيد الAI عامل من العوامل، ولكن لو جينا فكرنا
ما طبيعي ده يحصل
انا لو عندي حد مستواه مش اوي ومش بيطور ومش بيواكب فبديهي امشيه من الشركة (وده الي عارفينه من قبل الAI)، وده غير نقطة انتاجية المهندسين الي اتضاعفت اضعاف زمان بسبب الأدوات دي ومعظمنا مفكر ان التطور ده حصل للناس الي عندهم خبره وسينيورز والكلام ده، لا ده حصل كمان للناس الفريش والجوينيورز!
حاليا اصلا الجونيور مننا يقدر يطلع شغل كويس جدا على مستواه (في حالة لو هو كان مذاكر كويس ومدرك الصورة كاملة للSDLC)

نفي خبر وفاة د محمد أبوهدهود (الحمدلله)

للبيع 🚨

متاح تشانل يوتيوب 43 ألف مشترك ، لسه مفعله ربح.

للتواصل: @Dev3mora

قناتي تيليجرام التابعة لقناة اليوتيوب "عموره تك" اتقفلت ، كان فيها 5000 شخص

ان شاء الله هعمل واحده جديده وانزلكم اللينك

قناتي الجديدة (التابعة لشروحات قناتي فيوتيوب)

https://t.me/Dv3moraTech