أولا المفروض بتكوني عارفه اساسيات البرمجة بشكل عام ، طب زي ايه ؟؟
عندك اول حاجه لغه برمجه محترمه مش low اوي ومش high اوي وفيها شويه المبادئ الاساسيه الي في اي لغه برمجه طب ايه هي اللغه دي ؟ من تفضيلي وتجربتي يعني ممكن cpp ليه؟ علشان فيها كل الي قولناه فوق ده وبتدعم الoop وكده
فدلوقتي بعد ما عرفنا اللغه الي هنبدأ بيها ونتعلم بيها الاساسيات الي هي المبادئ الاساسية زي الloops زي الcontrol flow وزي وزي.. وبعد ما تتقني الاجزاء دي تدربي عليها بأنك تحلي مشاكل بسيطه وتعملي ابلكيشنز بسيطه، بعدها تدرسي Data structures دي شويه مبادئ كده بتعلمك ازاي تخزني البيانات وتتعاملي معاها بشكل كويس جوا الابلكيشن بتاعك بحيث توفري فالميموري وتوفري وقت لانك معاها بتدرسي اشهر الAlgorithms زي الحاجات الخاصة بالsort والsearch وهكذا!
بعد الجزء ده تتعلمي oop .. طب يعني ايه؟ دي نقدر نعتبرها طريقة للبرمجة وطريقة للتفكير فالمشروع وبتتبنى على شوية مبادئ أساسية بتوفر علينا كتيررررر واحنا ماشييين فالبرنامج بتاعنا.. طيب بعد ما نخلص اعمل ايه؟ التطبيق التطبيق التطبيق ثم التطبيق، المفروض تطبقي على كل الي اتعلمتيه الفتره الي فاتت وتجمعي مابينهم وفيه شويه حاجات هتتعلميها وانتي ماشيه وهتعرفيها لوحدك بمجرد البدايه فالموضوع ده ( يعني حاجات مجبتش سيريتها )
طيب بعد كده هتكوني شبه عندك اساس برمجي كويس تقدري تطوري نفسك بناءا عليه، طبعا فيه حاجات كتير جدا مقولتهاش زي الDatabases وحواراتها وزي مثلا الOS والكلام ده، بس دلوقتي لازم افهمك حاجه!
موضوع المواقع وكده بينقسم لقسمين اولهم وهو الFront وده الواجهه بتاعت الموقع! وفيه قسم تاني اسمه الBack وده الجزء الي فيه كل اللوجيك والمنطق وده الي بيتعامل مع البيانات وبيعمل عليها عمليات وكده، ف الي قولتلك عليه فوق ممكن يدخلك جزء الFront الي هو الواجههه وانك تبرمجي الواجهه وكده وعلشان تدخليه المفروض تتعلمي شويه حاجات بتكون اسهل عليكي جدا لانك واخده اساسيات كويسه وعندك شويه مفاهيم لا بأس بها ، طيب زي ايه الحاجات الي هتعلمها؟ زي مثلا html و css ( ودول ملهمش علاقه اوي بالي درستيه فوق علشان هما مش لغات برمجه بس حاجات مش صعبه للدرجه ) وبعدها لغة اسمها Javascript وتعملي مشاريع عليهم التلاته مع شويه حاجات هتعرفيها بعدين.. وبعدها بتتعلمي كام حاجه كده بتساعدك فالشغل وبتطور الابلكيشنز إلي بتطلعيها ( زي React او Angular )
بعدهها ممكن تتعلمي شويه حاجات تانيه على الي عندك وتقدري تدخلي جزء الBack وتكوني بتمسكي الموقع من a to z تخلصيه، الموضوع مليان تفاصيل وفيه حاجات كتير مقولتهاش بس مش هقدر اقولها او اغطيها كلها هنا، اول حاجه وهي الاساسيات وبعد كده ابدا دور بس حبيت اديك لمحة كده على الموضوع بشكل عام

موضوع منحة رواد مصر الرقمية دي انا كنت عملت عنها فيديو سريع كده ممكن ابقى احدثه ونغطي كل التفاصيل ان شاء الله بعدين، بس فالعموم الاجابة لا مش بيحتاجو انجليزي بطلاقه والكلام ده

تدريب صيفي مكثف ومجاني ومعتمد من وزارة الاتصالات..

https://www.facebook.com/share/v/1Ae4UZVBp6/?mibextid=wwXIfr

الحالة

_

الفريلانسرز يجمعوا هنا😆

البداية😂

ده غير ان رفاهيه تعلم البرمجة ك مهارة ونشتغل بيها فوقت فراغنا مبقتش موجودة😆، شغل انك تخطف ساعه فاليوم تتعلم فيها وكده مبقاش يأكل عيش -للاسف-

أول مشروع برمجي كبير ( نسبياً ) اعمله ك تطبيق على الي بتعلمه بقالي شهور وبتقنيات dotnet، المشروع كان جزء من الرود ماب الي بذاكرها بقالي سنتين مع د محمد أبوهدهود وباختصار شديد هو سيستيم مصغر بيحاكي اداره المرور مثلا ان الاشخاص يقدمو على رخص ويدفعو فلوس التقديم وبعدين ياخدو مواعيد الاختبارات ويمشو فيها ولو عدوها كلها ياخدو رخصتهم وفيه حتت حجز الرخص او سحبها ومش هتطلع الا لو دفع رسوم المخالفة وكذلك نقطة الرخص الدولية وان فيه سبع انواع المستخدم يقدر يقدم عليهم وهكذا، التفاصيل هتلاقيها في بوست لينكد ان.. سيبولي رأيكم واقتراحاتكم ♥️


https://www.linkedin.com/posts/omar-abouelkhier-eg_%D9%88%D8%A8%D8%B9%D8%AF-%D9%85%D8%B9%D8%A7%D9%86%D8%A7%D9%87-%D8%B9%D9%84%D9%89-%D9%85%D8%AF%D8%A7%D8%B1-30-%D9%8A%D9%88%D9%85-%D9%82%D8%AF%D8%B1%D8%AA-%D8%A3%D8%B7%D9%88%D8%B1-activity-7364272948217565184-0Rax?utm_medium=ios_app&rcm=ACoAAFCtVo0B8zJtYpZQBIGRjGjuMH7GhfgF1b4&utm_source=social_share_send&utm_campaign=copy_link

عايز اصور كام تطبيق عملي كده على برمجة بوتات التيليجرام ك تكملة للشرح!
اقترحوا افكار أعملها

حد بيشتري جروبات قديمة؟
الي بيشتريهم يبعتلي برايڤت
والي عنده يبعتلي برايڤت

على مدار الأسبوعين اللي فاتوا كنت بدرس كورس T-SQL، واكتشفت إن كان فايتني عالم مختلف تمامًا عن اللي كنت بتعامل معاه في قواعد البيانات!

أنا في الأول كنت فاكر إن SQL مجرد شوية INSERT و SELECT وخلاص، وكنت ببني الـ Applications بتاعتي على الأساس ده.

لكن لما وصلت للكورس رقم 21 على منصة Programming Advices وعرفت ان مايكروسوفت طورت SQL وخليتها لغة برمجة بدل ما هي مجرد لغه استعلامات حسيت إن الموضوع هيكون مفيد جدًا وهيوفر وقت ومجهود كبير بالنسبالي.

وحبيت آخدكم في رحلة قصيرة تعرفوا فيها معايا إيه اللي اتعلمته وايه الي ممكن تتعلموه انتوا كمان لو مهتمين!


لينك البوست كامل على لينكدان:

https://www.linkedin.com/posts/omar-abouelkhier-eg_certificate-activity-7367610898884009985-wy4o?utm_source=social_share_send&utm_medium=member_desktop_web&rcm=ACoAAFCtVo0B8zJtYpZQBIGRjGjuMH7GhfgF1b4

الناس بيجيلها مسدجات بتفرحها وحاجات كده..

الي بيجيلي:

بما إني بدأت أدرس تراك ASP.NET Core بشكل احترافي أكتر، كان طبيعي أغير نوعية الكورسات اللي بذاكر منها (بعد ما كنت مركز الفترة اللي فاتت على كورسات Programming Advices).
فقولت أشارك معاكم أول بأول الكورسات اللي هبدأ أذاكر منها..

أول موضوع حسيت إنه لازم أكون قوي فيه هو LINQ (Language Integrated Query).
السبب ببساطة إنه بيوفّر وقت كبير جدًا وبيفرق في الأداء لما تكون فاهمه صح. والـ LINQ معمول أصلا علشان يسهل التعامل مع البيانات في .NET، ومينفعش تكون مش عارفه كويس.

بعد ما دورت، لقيت كورس م. محمد الهلالي على يوتيوب، وبصراحة عجبني جدًا (خلصت نصه لحد دلوقتي).

ودي أهم الحاجات اللي شدتني ليه..

- لينك البوست كامل على لينكد ان

الحمدلله خلصت الكورس من يومين وكان مفيد جدا ليا ودخلت على EF Core بذاكرها من كورس م عصام عبدالنبي هيتكتب عنه بوست قريب بإذن الله -فيه كلام كتير-

مش مبرر انك تقصر في صحتك ونفسيتك وفعلاقاتك الاجتماعية، بس بتقعد تقول ها هانت!

وتنغمس اكتر واكتر والله اعلم هتبدأ تعيش امتى وتدي لكل حاجه حقها.!

هو بصراحه هتشوف عائد ده جدا بس بتحس انه بقى ادمان فاهم؟

كلمتين مهمين.
الد اعداء اي انسان هو التفكير في ان كل حاجه هتمشي زي منا عاوز wishful thinking.
يعني في ابسط مثال. افتراض اني لوحاولت اتعلم موضوع هقراه واتعلمه بدون مشقه. تقوم سعادتك تبدا تقرا او تتفرج علي فيديو. تلاقيه بيستخدم معلومات او Concepts انت مش عارفها تحاول تعرفها تلاقيها صعبة وعميقه. تزهق و تقول شكلها مش نافعه.
دا بسبب انك افترضت الطريق ممهد و one way. في الحقيقة مفيش حاجه كده. استعد دايما ان كل حاجه بتعملها iterative و كل دوره بتوضح و تحسن اللي قبلها لحد متوصل للمطلوب.
مفيش حاجه بتيجي سهله الا ادوار البرد.غير كده لازم جهد و استمرار و تكرار.
محدش بيكتسب قيمه و لا وزن علشان جرب tutorial في 3 ساعات. محدش بيبقي expert علشان قرا كتاب و لا حتي عشره.
Iterations
Iterations
Iterations
ما الدنيا الا endless Loop كبير.


م محمد حماد