የብፁዕ ወቅዱስ ዶ/ር አቡነ ጳውሎስ ቀዳማዊ ፓትርያርክ 14 ኛ ዓመት መታሰቢያ በዓል ተከበረ።


የብፁዕ ወቅዱስ ዶ/ር አቡነ ጳውሎስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት፣ የዓለም አቢያተ ክርስቲያናት ምክር ቤት ፕሬዚዳንት፣ የዓለም ሃይማኖቶች ለሰላም የክብር ፕሬዚዳንትና የዓለም የሰላም አምባሳደር የነበሩ 14ኛ ዓመት በዓለ ዕረፍት መታሰቢያ በዓል ዛሬ እሑድ ነሐሴ 10 ቀን 2018 ዓ.,ም በመላው ኢትዮጵያ ገዳማትና አድባራት በሊቃውንተ ቤተ ክርስቲያን ፣ በካህናትና በምእመናን በተገኙበት በጸሎት ታስቦ ውሏል።

የቅዱስነታቸው ክቡር ሥጋቸው ባረፈበት ቦታ በመንበረ ጸባዖት ቅድስት ሥላሴ ካቴድራል ብፁዓን አበው ሊቃነ ጳጳሳት፣የመንበረ ፓትርያርክ ጠቅላይ ቤተ ክህነት የመምሪያ ኃላፊዎች፣ የአዲስ አበባ ሀገረ ስብከት የመምሪያ ኃላፊዎችና አስተዳዳሪዎች፣ ሊቃውንተ ቤተ ክርስቲያን፣ ካህናትና ምእመናን በተገኙበት በጸሎተ ፍትሐትና በዝማሬ ተከብሯል።