📝ЎЛИМГА ДАВО ЙЎҚ!

Луқмони ҳаким тоғда гиёҳ териб юрса, бир гиёҳ;
-Эй, Ҳаким!... Мен юрак дардига давоман, - дебди.
Луқмони ҳаким шу гиёҳни уйига олиб келиб қайнатиб дори таёрлабди. Эртасига бир бола келиб, "менинг онамни юраги хуруж қилиб қолди" дебди.
Луқмони ҳаким уша доридан берибди...

Бир неча кундан кейин кўчада Луқмони ҳаким бояги болани кўриб қолибди. Бола Луқмони ҳакимни олдига келиб:
-Сен ёлғончи экансан, сени гиёҳинг онамга фойда бермади? Онам ўша куниёқ оламдан кўз юмди, - дебди.

Ўша куни Луқмони ҳаким кайфияти йўқ аҳволда яна тоққа гиёх тергани борибди. Тоғда учраган ўша гиёҳ;
Мен юрак дардига давоман, - деби яна...
Луқмони ҳаким;
Эй, гиёҳ! Сен ёлғончи экансан, мени беморимга шифо бўла олмадинг, - деса, гиёҳ:
Эй, Луқмон! Мен ўлимга эмас , юракка давоман. Ўлим эса Аллоҳнинг қўлида! деб жавоб берган экан.

Азизлар, ўлим ҳақдир, ундан ҳеч бир жонзот қочиб қутула олмаган, вақти соати етса, барчамиз Аллоҳга қайтурмиз.

✍ Telegram.me/TAQDIR ⏳

🌸Ассалому алейкум🌸
#Шанба_тонги.
Қадрдонларим...
Бошланаётган кунингиз хайрли ва барокатли ўтсин!

🎙Ўқиб эштирди: Дилим

Дўстларингизга ҳам улашинг!👇
https://telegram.me/joinchat/P1XkWFyzhysEexRv

​​Туққанман - истаганимни қиламан!

Бола қаршисида ҳаётдан безган она тураркан бола ҳар доим хавотирда яшайди. Анормал муносабатда бўладиган она гарчи боланинг олдида қилмишларидан пушаймон бўлса-да, бундан қутула олмайди. Кечқурун беозор ва ширин уйқуда ётган боласига қараб раҳми келади. “Эртага боламга бақирмайман, урмайман, сўкмайман, сабр билан тилини топаман, яхши она бўламан” дейди. Аммо эртанги кунлар ҳам шу тарзда кечаверади. Яна “жонивор” га айланаверади. Аслида онанинг ғазаби ва зўравонлигининг илдизи қаерда, сабаби нима ?
Бола – жазо билан тарбия қилинмайди. Ҳайвонларни жазо билан тарбия қилиш мумкиндир. Аммо болаларни эмас!
Аслида онанинг бу чарчоқлари ва ҳаётга истаксиз қарашлари ортида мутлақо бошқа сабаблари бордир. Сабаблар моддий ҳолат билан боғлиқ бўлиши мумкин. Унинг елкасидаги ташвишлар кўплигидан ёки турмуш ўртоғининг ҳиёнати ёки бефарқлигидан бўлиши мумкин, қайнонасининг зулми, оилада унинг доимий камситилиши ва ҳоказо...
Онанинг асл муаммолари илдизи топилиб тузатилмагунча унинг “оналик фаолияти” ана шундай давом этаверади.
Дастурхонга овқат тўккан болага бор ғазабини сочаётган ёки уни аямай ураётган онанинг ҳаракатлари остида аслида бошқа сабаб бўлиши мумкин.
Портлайдиган “манзил “ эса афсуски болалардир. Улар бизга исён этолмайди, қўл кўтара олмайди, ҳақорат қилолмайди. Уймиздан кетолмайди. Жимгина бизнинг “заҳар”ларимизни ютаверадилар... Бошини эгиб маҳзун ҳаёллари гирдобида қолаверадилар. Пиқиллаб йиғлайди... Юзларини кўз ёшлари ювган ҳолда сассиз ўтираверади. Қўлидаги айиқчасининг бағрига яширингиси келади. Бурчакларга беркиниб соатларча қолиб кетади... Улар катталарга ўхшаб иккиюзлилик қилолмайдилар... Улар дунёни соф ҳолда кўрадилар... Секин- секин улғайиб ЎЗИМИЗга ўхшашни бошлайдилар...
Бола онага оиддир. Уни она дунёга келтирди. Жонидан жон “ясади”. Балки шунинг учундир кўпчилик оналар боласига истаганимни қила оламан деб хато ўйлайдилар.Чунки дунёдаги ҳеч бир инсон бошқа бир инсоннинг моли ёки ашёси эмасдир. Аллоҳнинг яратган бандалари, фарзанд- эса берилган омонатдир. “Бу менинг болам истаганимни қиламан” дейишга ҳаққи йўқдир. Фарзанд ота- онаси орқали дунёга келди, аммо унинг яшашга ва истакларини билдиришга ҳаққи бор. Ҳеч бир ота- онанинг боласининг болалик ҳаётини зулматга, “жаҳаннамга” айлантиришга ҳаққи йўқдир. У жисман сизга тегишли бўлиши мумкин. Аммо унинг руҳи сизники эмас!

"Оналик мақоми" Н.Ҳолмуҳаммад

✍ Telegram.me/TAQDIR ⏳

Бугун келинлик либосини кийган қизингизда (ёки ўғлингизда) оила ҳаёти, оила масъулиятига доир тушунча йўқ экан, бунга ёшлар эмас, сиз – ота ва она сабабчи.
Энг ачинарлиси – ўзга хонадонга келин бўлиб тушган қизларининг бошларига ёғилаёттан ташвиш тошларининг сабабини тўғри тушунишга уринмайдилар, бу аламларда ўзларининг катта айблари борлигини тан олишни истамайдилар. Ҳамонки одам айбини тан олмас экан, аҳволнинг яхшиланишига умид йўқ. Бир оиладаги тўйдан кейинги шодликлар узоққа чўзилмади. Асаъсаю дабдаба билан куёвга узатилган тўнғич қиз юраги зардобга тўла ҳолда ота уйига қайтиб келди. Албатта, ота ва онанинг "Нима бўлди?" деган биринчи саволигаёқ қиз куёвнинг хонадонини қора бўёққа чаплаб беради. Ота ва она шунда "Нима учун шундай бўлди, бу можародан сенинг қанчалик айбинг бор?" деган саволга жавоб топишга уринмайди. Она: "Ўзим ҳам билардим, фалончи мақтайвериб, ҳоли-жонимга куймади”, деб, ота "Кўнглим сезувди-я..”- деб гап бошлайди ва муҳокама шу тарзда – лаънат ўқлари бир томонга қаратиб отилганча давом этаверади. Бугун ҳам, эртага ҳам, ҳафта ўтиб ҳам мавзу ўзгармайди, уларнинг "Қуда томон ярамас" деган фикрлари қатъийлашиб бораверади. Қизлари эса бир жабрдийда, унда ҳеч қандай айб йўқ... Бу оиланинг бўйи етган яна икки қизи бор. Каттасининг турмуши бузилиб қайтгач, иккинчисига келаётган совчиларнинг қадами узилди. Ота-онанинг ақли бўлганида барча айбни қудалардан изламай, ўзларидан ҳам қидириб кўрардилар. Тарбияда йўл қўйган хатоларини англагач, кейинги икки қизнинг ахлоқ-одобига назар ташлаган бўлардилар. Агар улар ҳам опалари каби беодоб, бетгачопар, ялқов бўлишса, тўйдан кейинги тақдирлари ҳам аянчли тарзда такрорланадими?!

(с) Тоҳир Малик "Тенг тенги билан бахтлидир" китобидан

✍ Telegram.me/TAQDIR ⏳

Боласи борлар диққатига огоҳ бўлинг... Видеони кўринг. 👇

📝АЧЧИҚ ҲАҚИҚАТЛАР.

1. Негадир доим кўнглимизни оғритгандан эмас - кўнглимизга қарайдиган инсонлардан аламимизни оламиз...

2. Бизни севганларга
озор берамизу - севмаган инсонларга поёндоз бўламиз...

3. Тўғри йўл кўрсатганни ёмон кўрамизу - эгри йўлга бошлаганни ортидан доим қолмаймиз...

4. Яхши кўрган яқинларимизга, касал биродарларимизга вақтимиз йўғу, етти ёт бегонаникига ошга боришга ҳар хар доим вақт топамиз...

5. Оиласи ночорроқ синглимизга ҳар хил бахоналар билан ёрдам бермаймизу лекин - халқни кўзига қозон - қозон ош қилиб зиёфат берамиз...

6. Ота - онамизни ҳафтада бир бора кўриб келишга фурсат йўқ - аммо улфатлар билан ўтиришга ҳар доим ҳам тайёрмиз...

7. Аёлимизга бир неча калима ширин сўзимизни аяймизу - лекин кўчадаги аёлларга гўзал калималар орасидан гўзалларини аямаймиз.

8.Озгина пулимизни йўкотиб қўйсак қанча асабимиз бузилиб хафа бўламизу - аммо хеч кандай бойликка сотиб олиб бўлмайдиган вақтимизни арзимаган кишилар,бекорчи бўш нарсаларга сарфлаётганимизга ачинмаймиз

✍ Telegram.me/TAQDIR ⏳

📚ИБРАТЛИ ҲИКОЯ ВА ҲАЁТИЙ ВОҚЕАЛАР ФАҚАТ БИЗДА📚

• Чин дустликни фақат китоблардан топасиз.
Хаётда эса хамма ниқобда...

✍ Telegram.me/TAQDIR ⏳

•Агар инсонларнинг кўзларига қараб, уларнинг кўнгилларида нима борлигини била олганимизда эди, кўп дўстларимиздан айрилган бўлар эдик!

✍ Telegram.me/TAQDIR⏳

📹 "Эрлари ҳорижга ишлашга кетган икки овсин"(Ҳаётий воқеа асосида)

Яқинларингиз ҳам улашинг!👇
https://telegram.me/joinchat/P1XkWFyzhysEexRv

Қўлингизда бир стакан сувни кўтариб турганингизни кўз олдингизга келтиринг.

Агар уни 1 дақиқа ушлаб турсангиз, ҳеч бир оғирлиги йўқ. Агар бир соат тутиб турсангиз қўлингиз толиқишни бошлайди. Агар бир кун тутиб турсангиз қўлингиз ҳиссизлашади ва фалаж бўлади.

Аслида стаканнинг оғирлиги ўзгаргани йўқ, аммо қанча кўп кўтарганингиз сари шунча кўп оғирликни ҳис қиласиз ва бу сизга зарар беришни бошлайди.

Стресс, ваҳима ва тушкунлик ҳам шундай.

Бир он ўйлаш – бу нормал ҳолат. Кун давомида ўйлаш азоб беради.
Узок вакт ўйлайверсангиз, сизни фалаж қилади.

Етар, бас энди стаканни ташланг!

✍ Telegram.me/TAQDIR ⏳