ستندم حين ترى أناسًا كانوا في مثل سنك وظروفك، شمروا على ساعد الجد، ووضعوا على أكتافهم سلاح العزم، وفي قلوبهم زاد الهمة، وتركوا التفاهات الشبكية - التي تشغل بها يومك وليلتك الآن - وراء ظهورهم.

‏قد وصلوا إلى مبتغاهم، ونالوا مرادهم، وترى أنك لا تزال في مكانك لا تبرحه!

تسلمك تفاهة إلى أختها، وتخنق الغفلة أنفاسك!

استيقظ؛ فالعمر قصير!

- البشير عاصم المراكشي.

إنسان بيحاول يجاهد نفسه، والشيطان، والدنيا، والهوى...
نسأل الله أن يكلّل مسعانا بالوصول، ويهدينا، ويستعملنا، ويثبّتنا على الحق دائمًا يا رب. 🤲🏻

ادعولي بالتوفيق والسداد، وإن ربنا يعدّي الفترة دي على خير. 🤍

الحمد لله الذي بنعمته تتم الصالحات. 💌
قُرئت الفاتحة على قدرٍ كتبه الله لي. 🤲🏻
اللهم اجعله خيرًا، وبارك لنا، وأتمّه على خير، وازرع في قلبي الطمأنينة والسكون. 🫂🤍🤍🤍

2025 كانت سنة مليانة تعب وكسر خاطر وابتلاءات، بس قلبي دايمًا كان معلّق بعوض ربنا.
وجت أول يوم في 2026…
بدأت أشوف أول لمحة من عوضه الجميل.
يا رب عوّضنا عن صبرنا، وارزقنا راحة البال، واجبر خواطرنا جبرًا يليق بلُطفك. 🤲🏻🫂🤍🤍🤍

السلام عليكم ورحمة الله وبركاته، عساكم بخير يا رفاااق. 🎀🤍

فكرة المحتوى اللي هقدمه إن شاء الله:
المحتوى هيكون عبارة عن مشاركة كل اللي أتعلمه وأنتفع به، سواء في حياتي الدنيوية أو الدينية.

يعني مثلاً:
لو سمعت بودكاست واستفدت منه، هلخص أهم النقاط في بوست.
نفس الفكرة مع كتاب قريته، أو معلومة أو فكرة لها أثر نافع.

📌 المحتوى هيشمل:
- تلخيصات بودكاست وكتب
- معلومات دينية نافعة
- تنمية ذاتية والعناية بالنفس
- معلومات نفسية وتربوية
- ترشيحات نافعة في مجالات مختلفة

إن شاء الله يكون محتوى هادف ونافع للجميع، بالتوفيق لي ولكم. 🫂🤍

الخير موجود في مصر؟!

الخير موجود في مصر، بس إحنا اللي بقينا نردد كلام أي حد ونمشي ورا اللي ماشي من غير ما ندور ونشوف الحقيقة بنفسنا.
مصر ذُكرت في القرآن كتير بدلالات عظيمة، وربنا سبحانه وتعالى ذكرها بالاسم في مواضع مختلفة، وده دليل على مكانتها.

وحتى لو عندنا مشاكل في الاقتصاد والتعليم وإلخ، ده مش معناه إن مفيش خير، ولا إننا أسوأ مكان في العالم، بالعكس!
مصر من أكتر الدول اللي بييجي ليها طلاب من بلاد متقدمة علشان يدرسوا في جامعاتها، وده دليل إن التعليم فيها مش وحش زي ما بنوهم لنفسنا.
إحنا بنحلم نسافر بره ندرس، وهما بيسيبوا بلادهم وييجوا يدرسوا هنا!

وكمان، رغم كل الظروف اللي بنعدي بيها، إحنا مش عايشين في حروب ولا تحت القصف، ومفيش عندنا طوائف دينية بتحارب بعض زي بلاد كتير حوالينا.
عندنا أمان واستقرار مش موجود في دول تانية كتير، ودي نعمة ناس كتير بتتمناها.
الخير مش بس فلوس واقتصاد، الخير في الأمان، في الدين، في راحة البال، في إنك تقدر تعيش وتتحرك في بلدك من غير ما تخاف.

وفي الآخر، مصر مكانها ثابت ومذكورة في القرآن، وده كفاية لوحده علشان نعرف قيمتها، المشكلة مش في البلد، المشكلة في نظرتنا ليها.

ومن الآيات اللي ذكرت مصر:

1. {اهْبِطُوا مِصْرًا فَإِنَّ لَكُمْ مَا سَأَلْتُمْ} (البقرة: 61)

ربنا بيذكر مصر كمكان فيه خير كتير، وأرض معطاءة.


2. {وَأَوْحَيْنَا إِلَىٰ مُوسَىٰ وَأَخِيهِ أَن تَبَوَّآ لِقَوْمِكُمَا بِمِصْرَ بُيُوتًا} (يونس: 87)

ده أمر من ربنا لنبيه موسى إنهم يسكنوا في مصر.


3. {ادْخُلُوا مِصْرَ إِن شَاءَ اللَّهُ آمِنِينَ} (يوسف: 99)

سيدنا يوسف استقبل أهله في مصر بالأمان، وده دليل على إن مصر كانت بلد الأمن والاستقرار.


4. {وَنُمَكِّنَ لَهُمْ فِي الْأَرْضِ وَنُرِيَ فِرْعَوْنَ وَهَامَانَ وَجُنُودَهُمَا مِنْهُم مَّا كَانُوا يَحْذَرُونَ} (القصص: 6)

إشارة لقوة مصر وأهميتها حتى في الصراعات الكبرى اللي كانت فيها.


5. {كَذَٰلِكَ وَأَوْرَثْنَاهَا قَوْمًا آخَرِينَ} (الدخان: 28)

بعد هلاك فرعون، مصر فضلت قائمة، واتبدلت الأمم اللي فيها.


يعني الخير في مصر مش كلام، ده شهادة ربانية، لكن إحنا اللي بقينا نردد كلام أي حد بدون تفكير.
الخير حوالينا، بس محتاجين نبص بعيون الحق.
فبدل ما نهدم بلدنا بالكلام السلبي، خلينا نشوف إزاي نقدر نكون جزء من الحل ونبني مستقبل أحسن، لأن البلد دي بلدنا وإحنا المسؤولين عن شكلها الجاي.


عارفة، يمكن يكون في ناس بتتصرف غلط، بس ده مش معناه إن الخير اختفى.
إحنا بجد أحسن من ناس كتير في بلاد تانية، وده مش كلامي، ده بشهادة اللي بييجوا من بره مصر.
في دول متقدمة جدًا، الناس بتمشي في الشارع كأنهم مش شايفين بعض، ولو حد وقع أو اتأذى، ممكن محدش يبص عليه.
إنما إحنا؟ حتى لو مش عارفين بعض، لو حد احتاج مساعدة هيلاقي ألف إيد تتمد له، وده مش موجود في كل حتة.

إحنا عندنا دفء وترابط وعِشرة مش موجودة في دول كتير، وعندنا ناس قلبها على بعض، وده أكبر دليل إن الخير لسه فينا.
ومهما كان عندنا مشاكل، الروح اللي عندنا مميزة، ودي حاجة نتمسك بيها بدل ما نركز بس على السلبيات.

يعني إحنا مش مثاليين، بس عندنا حاجات حلوة تستحق إننا نحافظ عليها ونفتخر بيها.
فبدل ما نركز على العيوب بس، خلينا نشوف الحاجات اللي بتميزنا ونشتغل على تحسين الباقي، لأن البلد دي بلدنا، وإحنا اللي بنرسم شكلها بإيدينا.

صباحُ الخير يا غوالي. 🌞
تذكير:
ألمُ السَّعيِ أهونُ عليكِ من ألمِ المكوثِ في نَفس المكانِ، والبَقاءِ علىٰ ذَات الحالِ. 📚

ابدأي يومك بأذكار الصباح وورد من القرآن، وانطلقي على إنجاز مهامك ومذاكرتك. 🫵🏻💪🏻🤍🤍🤍