يمكن دي من أصعب الكلمات اللي أكتبها هنا… ❤️

بعد فترة طويلة قضيتها وسطكم في القناة، جه الوقت إني أقولكم إني هبعد عن المكان شوية، مش علشان حبيت أمشي، ولكن علشان داخل على مرحلة جديدة في حياتي؛ جامعة، شغل، ومسؤوليات أكتر، ووقتي مش هيبقى زي الأول.

القناة دي كانت جزء كبير من يومي، قضيت فيها وقت ومجهود وذكريات كتير، والأجمل من كل ده الناس اللي عرفتهم هنا، واللي دعموني وشجعوني وخلّوني أكمل حتى في أصعب الأوقات.

بشكر كل شخص كان موجود من البداية، وكل حد قرأ كلمة ليا، تفاعل معايا، اختلف معايا، أو حتى شجعني بكلمة بسيطة.

مش هقول وداع نهائي… هقول إن دي مجرد نهاية مرحلة وبداية مرحلة جديدة.

شكرًا من القلب على كل حاجة، وإن شاء الله الأيام الجاية تكون أحسن لينا كلنا. ❤️

— Marwan Ezzat