🇺🇿🤝🇯🇵

6-8-mart kunlari 🇺🇿tashqi ishlar vaziri Baxtiyor Saidov boshchiligidagi delegatsiya rasmiy tashrif bilan Yaponiya poytaxti Tokioda bo‘ldi.

O‘zbekiston TIV rahbari Yaponiya Bosh vaziri Fumio Kisida tomonidan qabul qilindi. Suhbatda siyosiy muloqotdan tortib, madaniy almashinuvlargacha bo‘lgan keng ko‘lamli ikki tomonlama masalalar qamrab olindi.

🇯🇵tashqi ishlar vaziri Yoko Kamikava bilan bo‘lib o‘tgan uchrashuv davomida O‘zbekiston va Yaponiya tashqi ishlar vazirliklari o‘rtasida 2024-2025-yillarga mo‘ljallangan hamkorlik dasturi ham imzolandi.

Ikki mamlakat o‘rtasida iqtisodiy sohani yanada rivojlantirish tashrifdan ko‘zlangan asosiy maqsadlardan bo‘ldi. Xususan, tashrif doirasida Tokioda O‘zbekiston-Yaponiya biznes-forumi bo‘lib o‘tdi. Unda 300 ga yaqin ishbilarmon doiralar, davlat idoralari va hududlar vakillari ko‘plab sohalarda istiqbolli qo‘shma loyihalarni amalga oshirish orqali iqtisodiy aloqalarni kengaytirish yo‘llarini muhokama qilish imkoniyatiga ega bo‘ldi.

Yaponiya yer resurslari, infratuzilma, transport va turizm vaziri Sayto Tetsuo, ta’lim, madaniyat, sport, fan va texnologiyalar vaziri Moriyama Masaxito, adliya vaziri Koizumi Ryuji, iqtisodiyot, savdo va sanoat vaziri Ken Saito, Yaponiya parlamentidagi O‘zbekiston bilan do‘stlik ligasi raisi Taro Aso bilan bo‘lib o‘tgan alohida uchrashuvlarda barcha sohalarda aloqalarimizni rivojlantirishda foydalanilmagan imkoniyatlarga erishish yo‘lida faol hamkorlikni ilgari surishga kelishib olindi.

Ishbilarmon doira vakillari bilan bo‘lib o‘tgan muloqotlarda o‘zaro savdo va iqtisodiy hamkorlik hajmini oshirish bo‘yicha yangi loyihalarni ro‘yobga chiqarish muhimligi qayd etildi.

Bir soʻz bilan aytganda, O‘zbekiston delegatsiyasining “kunchiqar yurt”ga tashrifi ikki tomonlama munosabatlarni rivojlantirish yo‘lida muhim muzokaralar va uchrashuvlarga boy bo‘ldi.

👉@TIVmatbuot