🔖لە نێوان ڕاپەڕین، پەرەسەندن و دیپلۆماسیدا

ئێران لە چەقی گرژییە جیهانییەکاندا


🌐 بلاگ ژیانەوە
✍️هێلێنا باوەرنفایند

📚باوەرنفایند، هێلێنا (٢٠٢٦): لە نێوان ڕاپەڕین، پەرەسەندن و دیپلۆماسیدا، ئێران لە چەقی گرژییە جیهانییەکاندا. بلاگی ژیانەوە؛ ناوەندی لێکۆڵینەوەی کوردستان – تیشک.

سیاسەتی نێودەوڵەتی لە ساڵی ۲۰۲٦دا لە قۆناغی سەرلەنوێ ڕێکخستنەوەی جیۆپۆلیتیکیدایە – و لە چەقی ئەم هاوکێشەیەشدا کۆماری ئیسلامیی ئێران وەستاوە. لە نێوان ڕاپەڕینێکی ناوخۆیی، هەڕەشەی ململانێی سەربازی لەگەڵ ویلایەتە یەکگرتووەکانی ئەمریکا و هەوڵە دیپلۆماسییەکان بۆ لێکتێگەیشتن، نەخشەیەکی ئاڵۆز و فرەڕەهەند دەردەکەوێت کە هاوسەنگیی هێزی جیهانی دەخاتە بەردەم ئاڵنگارییەکی گەورە.

خۆپیشاندانەکان وەک بزوێنەری قەیرانێکی سیاسیی گەورەتر

ئەوەی لە کانوونی یەکەمی ۲۰۲٥دا وەک ناڕەزایەتییەکی ئابووری دەستی پێکرد، کاتێک بازرگانانی بازاڕی گەورەی تاران دوکانەکانیان داخست، ئێستا بووەتە بزووتنەوەیەکی جەماوەریی بەرفراوان لە سەرانسەری وڵاتدا. نرخەکان لە ئێران بە شێوەیەکی خێرا بەرز بوونەتەوە، بەهای ڕیاڵ بە توندی دابەزیوە و نائومێدیی کۆمەڵایەتی گەیشتووەتە هەموو چین و توێژەکانی کۆمەڵگە.

بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🌐 Web 📷 Instagram 🌐 Whatsapp 💬 Telegram 💬 Facebook 💬X 📺 Youtube

🔖کرماشان، مێژوو و ناسنامە

🌐 بلاگ ژیانەوە
✍️سدیق بابایی
📚بابایی، سدیق(٢٠٢٦): کرماشان، مێژوو و ناسنامە. بلاگی ژیانەوە؛ ناوەندی لێکۆڵینەوەی کوردستان – تیشک.

ئەم مەڵبەندە بەگوێرەی تۆمارە مێژووییەکان و ئاسەوارە بەجێماوەکان، پێگەیەکی تایبەت و گرنگی لە پانتایی کوردستان و وڵاتی ئێراندا بە گشتی هەیە. ئەگەر بەسەر مێژووی هەرە کۆندا تێپەڕین و تەنیا ئاسەوارەکانی سەردەمی ماد لە هەرسین، بەردەنووسی بێستوون و تاقوەسان وەک پێوەر (مەحەک) وەربگرین، تێدەگەین هەرکام لەوانە گێڕەرەوەی داستان و تایبەتمەندیی جیاوازی دەسەڵاتدارانی سەردەمە کۆنەکانن لەم مەڵبەندەدا.

بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🌐 Web 📷 Instagram 🌐 Whatsapp 💬 Telegram 💬 Facebook 💬X 📺 Youtube

🔖هێرشکردنە سەر ئێران

ئایا ڕۆژانی پێنجشەممە مێژوو دەنووسرێت؟


🌐 بلاگ ژیانەوە
✍️هێلێنا باوەرنفایند

📚باوەرنفایند، هێلێنا (٢٠٢٦):هێرشکردنە سەر ئێران، ئایا ڕۆژانی پێنجشەممە مێژوو دەنووسرێت؟. بلاگی ژیانەوە؛ ناوەندی لێکۆڵینەوەی کوردستان – تیشک.

هەندێک ڕستە هەن وەک ڕاپۆرتی کەشوهەوا وان، تەنیا جیاوازییان ئەوەیە لەبری پەستانی نزم، فڕۆکەهەڵگریان تێدایە. “هێرشکردنە سەر ئێران” یەکێکە لەو ڕستانە. وەک بەرەی توندوتیژی هەورەبرووسکەیەک بەسەر کەنداوی فارسەوە وەستاوە و بەو لەسەرخۆییەی شرۆڤەکارێکی بۆرسە پێشکەش دەکرێت. مرۆڤ دەزانێت: بارودۆخەکە پڕ لە هەژان دەبێت. بەڵام کەی بە وردی؟ ئەوەیان دیسان تەنیا “ئەو” دەیزانێت.

ئەمجارەیان، وەک دەگوترێت، هەموو شتێک جیاواز دەبێت. نەک وەک ئەو شەڕەی پێی دەگوترا “شەڕی دوازدە ڕۆژە”، کە لە ئەرشیفی مێژووی سەربازیدا لە شوێنێک لە نێوان “دەستێوەردانی کورتخایەن” و “دەرچەکە لە کوێ بوو؟” پۆلێن کراوە. نەخێر، ئەمجارە هێزی دەریایی ڕۆڵی سەرەکی دەگێڕێت. دەریا دەبێتە شانۆ، فڕۆکەهەڵگرەکان دەبنە کەرەستەی نمایش، و لە شوێنێک لە پشتەوە موشەکی کەناراوەکان خۆیان حەشار داوە، کە دیارە بڕیاریان داوە مێژوو بنووسنەوە – ئەویش بە پیتە گەورەکان.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🌐 Web 📷 Instagram 🌐 Whatsapp 💬 Telegram 💬 Facebook 💬X 📺 Youtube

🔖ئێران – جووڵێنەرە سیاسییەکان، گرژیی ئەتنیکی و، ڕێگای بەرەو بەڕێوەبەریی بەردەوام


🌐 بلاگ ژیانەوە
✍️ناوەندی توێژینەوەی ئاجێندا نێکسوس

وەرگێڕان: کەماڵ حەسەنپوور

📚ناوەندی توێژینەوەی ئاجێندا نێکسوس(٢٠٢٦): ئێران – جووڵێنەرە سیاسییەکان، گرژیی ئەتنیکی و، ڕێگای بەرەو بەڕێوەبەریی بەردەوام. بلاگی ژیانەوە؛ ناوەندی لێکۆڵینەوەی کوردستان – تیشک.

ئێران خەریکی ئەزموون کردنی قەیرانێکی قووڵی سیاسی و کۆمەڵایەتییە کە بە خۆپیشاندانی بەرفراوان دژی هەرەسهێنانی ئابووری، سەرکوتی سیستەماتیک و، سنووردار کردنی ئازادییە مەدەنییەکان دەناسرێتەوە. لە کاتێکدا کە هێندێک لایەن خوازیاری گەڕانەوەی پاشایەتی پەهلەوی بە هۆی کەسایەتی وەک ڕەزا پەهلەوین، ئەو جووڵانەوانە تا ڕادەیەکی زۆر لە لایەن تاقمە فارس زمانەکانەوە پشتگیریی دەکرێن، بەرەوڕووی بەرهەڵستکاریی بەرچاو لە لایەن ڕێژەی بەرچاوی دانیشتووانی ئەتنیکی،. لە ناویاندا ئازەربایجانییەکان، کوردەکان، بەلوچەکان و عەڕەبەکان دەبنەوە.

ناڕەزایەتییە مێژووییەکان، بە تایبەت لە باشووری ئازەربایجان، بووەتە هۆی برینی قووڵ. میراتی سەرکوت، لە ناویاندا سەرکوتی توندوتیژانەی دەستپێشخەرییە دێموکڕاتیکەکانی ناوڕاستەکانی سەدەی بیستەم، بەردەوام دیاریکەری متمانەی سیاسی و پەیوەندییەکانی نێوان ئەتنیکەکانە. خۆپیشاندانەکانی هەنووکە، کە تەنیا لە جانیوەری ٢٠٢٦ کوژرانی هەزاران کەسی لێ کەوتەوە، چڕبوونی ناڕەزایەتی جەماوەریی و هەروەها ناسەقامگیر بوونی گۆڕەپانی سیاسیی ئێران ئاشکرا دەکات.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🌐 Web 📷 Instagram 🌐 Whatsapp 💬 Telegram 💬 Facebook 💬X 📺 Youtube

✉️کوشتاری خەڵک لە ٤٦ ساڵدا


🌐 بلاگ ژیانەوە
✍️شەهلا دەباغی


📖 دەباغی، شەهلا(٢٠٢٦): کوشتاری خەڵک لە ٤٦ ساڵدا. بلاگی ژیانەوە؛ ناوەندی لێکۆڵینەوەی کوردستان – تیشک.

ڕاپۆرتەکان، بەڵگە و فیلمی کوشتاری دەیان هەزار ئینسان لە گەنج و لاو، پیر و منداڵ، چەندین ئەندامی بنەماڵە پێکەوە، ژن و پیاو، لە ماوەی تەنیا چەند ڕۆژێکدا، قەتڵوعامی بەکۆمەڵ و توندوتیژیی سیستماتیکی لە ڕادەبەدەری ڕژیمی ئیسلامیی ئێرانی نیشان دا. ئایا ئەم کوشتارە نوێ و بێ پێشینەیە؟ ناوی دروستی ئەم تاوانە چییە: کوشتاری خەڵک/جینۆساید یا کوشتاری بە کۆمەڵ؟

ئێمەی کورد لەگەڵ چەمکی “قەتڵوعام” نائاشنا نین. ڕەنگە ناسیاوترین کوشتار لە مێژووی خەڵکی ڕۆژهەڵات ئەو کوشتارە بێ کە بە کوشتاری ساڵی عرووسان ناسراوە. ئەم کوشتارە لە دوای شەڕی جیهانی یەکەم کاتێک ڕووسیە و عوسمانییەکان کوردستانی ئێمەیان داگیرکرد لە نێوان ١٩١٥ هەتا ١٩١٦ ڕووی دا. بە ڕەوایەتی کۆنەساڵان و نافەرمی کە زار بە زار بە ئێمە گەیشتووە ڕووسەکان لە ناوچەی موکریان، میاندواو، بۆکان، سەردەشت، ورمێ، نەغەدە، سابڵاخ، گوندەکانی کانی سپی، حەسەنلو و زۆر گوندیتر قەتڵوعامێکی گەورەیان کرد و قاتوقڕی و برسێتی ئەم ناوچانەی داگرت.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️بژاردە زمانییەکان لە گوتاری سیاسیدا(مافی زمانی بە نموونە)


🌐 بلاگ ژیانەوە
✍️ڕەحیم سورخی


📖 سورخی، ڕەحیم(٢٠٢٦):بژاردە زمانییەکان لە گوتاری سیاسیدا(مافی زمانی بە نموونە). بلاگی ژیانەوە؛ ناوەندی لێکۆڵینەوەی کوردستان – تیشک.

بۆ بەڕێوە بردنی سیاسەتی زمانی لە ئێران دەیان دامەزراوەی ئەکادیمی دامەزراون. هەموو ئەم دامەزراوانە چەندین دەیەیە خزمەتی ستاندارد کردن، پەرەپێدان و فێرکردنی یەک زمان دەکەن لە ئێراندا. ئەمە دەربڕی ئەو ڕاستییە یە کە زمانی بەناو نیشتمانی وڵاتی ئێران کە فارسییە، نەک هەر بابەتی توێژینەوە ئەکادیمییەکان، بەڵکوو بە ڕەسمیش ناسراوە و لە ڕێی سیاسەتە زمانییەکانەوە بە هێز کراوە و لە بوارەکانی یاسا، پەروەرە و فێرکردن، بەڕێوەبردنی گشتییەوە پێگە، هێز و کاریگەریی ئەو زمانە بەسەر زمانەکانی دیکەدا زاڵ کراوە. ئەمەش بۆ ئەوە بووە کە زمانی کوردی و زمانە پەراوێزخراوەکانی دیکەی نەتەوە بێ دەسەڵاتەکان لە ئێراندا، بەکارهێنانێکی لاواز و کەم کەڵکیان هەبێت. سیاسەتە زمانییەکانی حکومەتە یەک لەدوای یەکەکەکانی ئێران لە پێکهاتنی دەوڵەتی مۆدێرنەوە، هەوڵیان داوە، زمانی نەتەوە پەراوێزخراوەکان بۆ بوارە تایبەتەکانی وەک خێزان و کۆمەڵ سنووردار بکەن و بەم شێوەیە لە بایەخیان بخەن. هەر بۆیە، زۆربەی ئاخێوەرانی زمانە کەم دەسەڵاتەکانی وەک کوردی لە ئەنجامدا بۆ پێشکەوتن و دەست ڕاگەیین بە پلە بەرزە پیشەیی، زانستی و کارگێڕییەکان بەرەو زمانی زاڵ دەچن و زمانی خۆیان دەگۆڕن. کەوابوو لە ئەنجامی پلەبەندییەکی زمانییەوە، کولتوور و زمانی یەک نەتەوە زاڵکراوە و نایەکسانییەکی کۆمەڵایەتیی مێژووییشی لێکەوتووەتەوە. ئاخێوەرانی زمانەکانی دیکەش هەر وەک زمانەکەیان کەوتوونەتە پلەبەندییەک لە پێگەی سیاسی، کۆمەڵایەتی، پیشەیی، زانستی و بە گشتی خراونەتەوە پەراوێزەوە. هەر بۆیە، بواری مافە زمانییەکان وەڵامێکە بۆ ئەم پێڤاژۆیە کە زمانەکان و ئاخێوەرەکانیان دەخاتە دۆخێکی نایەکسانەوە.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️لە نێوان سەربەخۆیی و فیدراڵیزم دا

مافی چارەی خۆنووسین و واقیعی سیاسی و پرسی کورد لە ڕۆژهەڵاتی کوردستان


🌐 بلاگ ژیانەوە
✍️چۆمان زرێبار


📖 زرێبار، چۆمان(٢٠٢٦):لە نێوان سەربەخۆیی و فیدراڵیزم دا. بلاگی ژیانەوە؛ ناوەندی لێکۆڵینەوەی کوردستان – تیشک.

پوختە

ئەم وتارە باس لەوە دەکات کە گوتاری سەربەخۆیی بۆ نەتەوەی کورد بە گشتی، و بە تایبەتی لە ڕۆژهەڵاتی کوردستان دا (لە واقیعی داسەپاوی ژینگەی سیاسیی ئێستا، واتە پارچەپارچەبوونی کوردستان) لە ڕووی فەلسەفییەوە ڕەوا و لە ڕووی سیاسییەوە پێویستە، تەنانەت ئەگەر فیدراڵیزم نوێنەرایەتیی ئامانجێکی سیاسیی دەستبەجێتر و واقیعبینانەتریش بکات. ئەم وتارە بە پشتبەستن بە ڕوانستەکانی مافی چارەی خۆنووسین و یاسای نێودەوڵەتی و پێشهاتە سیاسییە بەراوردییەکان، پێداگری لەسەر ئەوە دەکات کە سەربەخۆیی و فیدراڵیزم نابێت وەک دوو ئامانجی دژبەیەک سەیر بکرێن، بەڵکوو وەک ڕەهەندی تەواوکەری ستراتیژیی دووانە مامەڵەیان لەگەڵدا بکرێت: یەکێکیان نۆرماتیڤ و درێژخایەن، ئەوی دیکەیان پراگماتیک و نزیکخایەن. زیندووکردنەوەی گوتاری سەربەخۆیی لای ڕۆشنبیران و نوخبەی سیاسیی کورد، نەک تەنیا وەک بانگەشەیەکی ئاکاری لەسەر بنەمای فەلسەفی، بەڵکوو وەک ئامرازێکی ستراتیژی لە گۆڕانکارییە دەستوورییەکانی داهاتووی ئێران دا، جەوهەری و پێویستە.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️جەنگی ڕێڕەوەکان؛ خوێندنەوەیەکی جیۆپۆلیتیکی بۆ ململانێی ئەمریکا و ئیسرائیل لەگەڵ ئێران


🌐 بلاگ ژیانەوە
✍️ئیسماعیل هەورامی

📖 هەورامی، ئیسماعیل(٢٠٢٦):جەنگی ڕێڕەوەکان؛ خوێندنەوەیەکی جیۆپۆلیتیکی بۆ ململانێی ئەمریکا و ئیسرائیل لەگەڵ ئێران. بلاگی ژیانەوە؛ ناوەندی لێکۆڵینەوەی کوردستان – تیشک.

زۆربەی شیکەرەوە سیاسییەکان و ناوەندە میدیاییەکان وا ڕاهاتوون جەوهەری ململانێی نێوان بلۆکی ڕۆژئاوا و ئیسرائیل لەگەڵ کۆماری ئیسلامیی ئێران، تەنیا لە چوارچێوەی هەڕەشە سەربازییەکان، بەرنامەی ئەتۆمی و پەرەپێدانی مووشەکی بالیستیدا کورت بکەنەوە؛ کەچی ئەگەر بە وردی لە نەخشەی گۆڕانکارییە ئابوورییە جیهانییەکان بڕوانین، تێدەگەین ڕەگی کێشەکە زۆر قووڵترە و پەیوەندیی بە “جەنگی ڕێڕەوە ستراتیژییەکان”ەوە هەیە. لە ڕاستیدا، ڕاگەیاندنی کریدۆری ئابووریی “هیندستان-ڕۆژهەڵاتی ناوەڕاست-ئەورووپا” کە بە (IMEC) ناسراوە، لە پەراوێزی لووتکەی گرووپی ٢٠ لە نیودەلهی (٢٠٢٣)، وەرچەرخانێکی مێژوویی بوو کە سەلماندی ململانێکە لەسەر کۆنترۆڵکردنی شادەماری بازرگانیی نێوان کیشوەرەکانە، نەک تەنیا کڵاوە ئەتۆمییەکان.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️هێڵی سوور و چەند سەرنجێک


🌐 بلاگ ژیانەوە
✍️چۆمان زرێبار


📖 زرێبار، چۆمان(٢٠٢٦):هێڵی سوور و چەند سەرنجێک. بلاگی ژیانەوە؛ ناوەندی لێکۆڵینەوەی کوردستان – تیشک.

لە مێژووی ئەدەبیاتی سیاسیی هاوچەرخی کورددا، زۆر جار وشەی «هێڵی سوور» بەکار هاتووە؛ بەڵام ئەوەی کەمتر بینیومانە، پاراستنی ئەو هێڵانە بووە. لە دوای داڕمانی ئیمپراتۆریی عوسمانی و سەپاندنی سنوورەکان بەپێی پەیماننامەی لۆزان، کورد بەبێ ویستی خۆی دابەش کرا لەنێوان چوار وڵاتی دەستکرددا. ئەو هیوایەی کە لە پەیماننامەی سێڤەردا هەبوو، لە قەبارەی هاوکێشە نێودەوڵەتییەکاندا بەتەواوی سڕایەوە.

لەو کاتەوە تا ئێستا، کورد خەباتی کردووە، قوربانیی داوە، دەستکەوتی بەدەست هێناوە — بەڵام هەر لە هەمان کاتدا، زۆر جار مافەکانی لەناو “تەوافوقە سیاسییەکاندا” گەڕاوەتەوە بۆ خاڵی دەستپێک.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️رووژهەڵاتن لە یەکەوگرتن


🌐 بلاگ ژیانەوە
✍️ئارکان دادگەر


📖 دادگەر، ئارکان(٢٠٢٦):رووژهەڵاتن لە یەکەوگرتن. بلاگی ژیانەوە؛ ناوەندی لێکۆڵینەوەی کوردستان – تیشک.

ئەمان چەن ساڵە چمان وەر چەو گشت وا بۊە، چمان ڕەسینەسەو ک مدوو ئەو ئاژاوە خستنە چە بۊە. ئێمڕوو چالاکەیل و لایەنگرەیل ڕاسگانی فرەتر لە یەکەوگرتن ئۊشن، کەسەیلێ ک هاتێ تا دۊەکە دژایەتی هزبی داشتن، ئێمڕوو دەس لە ئێ گەپە هێز دانە و تەنیا وە ئامانج سەرەکی نووڕن. هەرسەی لە ئێ ناوە بڕێگ هەن هێمان نەتۊەنستنە وە ئێ شێوە بڕەسن، مدووێ فرەتر گرژهەڵاتن و ئیدئۆلۆژی پارێزیە، وەنە ئەر ڕووژێگ لە چووڵی خوەێان هۊەردەو بوون ڕەسنەو ک تەنیا شێوە ئەڕای ڕەسین وە ئامانج سەرەکی، یەکەوگرتنە.

لە ئێ ناوە ڕووژهەڵات کوردستان ئێ دەرفەتە دێرێد تا ئاڵادار ئێ یەکەوگرتنە بوود. هاتێ لە باوەڕ ئەودۊای بەشەیل کوردستان، لە مژار نەتەوەخوازی و پێناسەپارێزی، ڕووژهەڵات مەنۊدە جیا! هەرسەی هاتێ ئێ بەشە لە کوردستان وە جۊلە جۊل هاتۊن، ئەمان وە دەس پڕ هاتنە، هاتنە ک بۊشن تەنیا ڕێ ئەڕای سەرکەفتن نیشتمان کورد، یەکەوگرتنە.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️مژدە بۆ خوێنەران؛ ١٧هـەمین کتێبی پڕۆژەی تیشک بڵاو دەکرێتەوە

🌐خۆشحاڵین بە ئاگاداری خوێنەرانی هێژا و ئۆگرانی کتێب بگەیەنین، کە نوێترین بەرهەمی پڕۆژەی کتێبی تیشک (ژمارە ١٧) بە ناونیشانی:
"بارودۆخی کوردستانی موکریان، سابڵاغ و ورمێ لە ساڵانی ١٩١٢ - ١٩١٥"
ئامادەی چاپ و بڵاوکردنەوەیە.
ئەم کتێبە لە ئامادەکردن و وەرگێڕانی (مەنسوور سدقی)یە و پشت بە ڕاپۆرتە مێژووییەکانی کۆنسولخانەی ڕووسیا دەبەستێت.

هاوکات ئەم کتێبە وەک بەرهەمەکانی تری ناوەند لەژێر:
ISBN 978-3-68939-038-9
eISBN 978-3-68939-039-6
ISSN 3052-2242
لە ئارشیڤی گشتیی ئاڵمان تۆمار دەکرێن و بە ژمارەی پێناسی Digital Object Identifier (DOI ) لەژێر کۆدی DOI 10.69939/TISHK0017 لەبەردەستدا دەبێت.

تێبینی:

🔍- لە چەند ڕۆژی داهاتوودا لینکی داگرتنی وەشانی دیجیتاڵی و زانیاریی وردتر لە ماڵپەڕ و پلاتفۆرمەکانمان بڵاو دەکرێتەوە
- پێگەی فەرمی ئەلکترۆنیی ناوەند لە ئارشیڤی گشتیی ئاڵمان: https://d-nb.info/1357982372



🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️کاتێک سیاسەت دەبێتە چیرۆکی بازاڕ


🌐 بلاگ ژیانەوە
✍️پەرویز شێخی


📖 شێخی، پەرویز(٢٠٢٦):کاتێک سیاسەت دەبێتە چیرۆکی بازاڕ. بلاگی ژیانەوە؛ ناوەندی لێکۆڵینەوەی کوردستان – تیشک.

لە جەرگەی هەناوی سیاسیی کوردستاندا، سنووری نێوان ستراتیژی شاردراوە و تاسەی شەقام بۆ زانین تێکچووە. کاتێک خەڵک بەردەوام گوشار دەخەنە سەر ئەوەی کە سەرکردایەتییەکان بێنە ناو قەرەباڵغی و وردەکاریی هەنگاوەکانیان ببیستن، داوایەک دەخەنە ڕوو کە لە ڕواڵەتدا مافە، بەڵام لە بنەڕەتدا کونکردنی دیواری پاراستنی نەتەوەی بێدەوڵەتی کوردە. ڕاستییە تاڵەکە ئەوەیە کە بەگشتی کاتێک سیاسەت بگاتە گوێی خەڵک، ئیتر نێوی سیاسەت نییە و دەبێتە گوتارێکی بازاڕی.

ئەم مەترسییە ڕێک لە حیزبەکانی ڕۆژهەڵاتی کوردستاندا دەگاتە لوتکە. حیزبی ڕۆژهەڵاتی کە لە نێوان ئاڵۆزیی ناوچەکە و چاوی بێڕەحمی نەیاراندایە، نابێت سیاسەت بکاتە چیرۆک، بەڵکوو دەبێت لە پشت پەردەی نەگوتراوەکانەوە بڕیار بدات. کاتێک کادری باڵای سیاسیی ئەم حیزبانە لە ژێر گوشاری کاتیی شەقامدا، پەنا دەبەنە بەر گێڕانەوەی وردەکارییەکان، لە ڕاستیدا خەریکی داماڵینی هێزی کوردن لەبەردەم چاوی بێبەزەیی دەزگا جەهەنەمییەکان و نەخشەداڕێژەرانی دژەکورددا.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️زمانی دایکی؛ ئەو ماڵەی ناسنامە و مێژوومانی تێدا دەپارێزین


🌐 بلاگ ژیانەوە
✍️ئەشکان باوەڕ


📖باوەڕ، ئەشکان(٢٠٢٦):زمانی دایکی؛ ئەو ماڵەی ناسنامە و مێژوومانی تێدا دەپارێزین. بلاگی ژیانەوە؛ ناوەندی لێکۆڵینەوەی کوردستان – تیشک.

“زمان تەنیا ئامرازێکی پەیوەندی نییە، بەڵکوو ئەو ئاوێنەیەیە کە مێژوو و کولتوور و جیهانبینیی نەتەوەیەکی تێدا دەدرەوشێتەوە.”

ڕۆژی ٢ی ڕەشەمە (٢١ی شوبات)، وەک ڕۆژی جیهانیی زمانی دایکی، تەنیا بۆنەیەک نییە بۆ یادکردنەوە، بەڵکوو زەنگێکی ئاگادارکردنەوەیە بۆ ئەوەی بزانین زمانەکەی ئێمە، گرنگترین سەرمایەی نەتەوەییمانە. زمانی دایکی ئەو ماڵە گەرمەیە کە پێش ئەوەی فێری ڕۆیشتن ببین، تێیدا فێری بیرکردنەوە و هەستکردن بووین.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️ئاگادارییەک بۆ خوێنەران

بە بۆنەی ڕۆژی جیهانیی زمانی دایک، وێڕای پیرۆزبایی ئەم بۆنەیە لە کوردستانیانی هێژا، ئۆگرانی کتێب ئاگادار دەکەینەوە کە فایلی دیجیتاڵیی نوێترین بەرهەمی پڕۆژەی تیشک (ژمارە ١٧) بە ناونیشانی:

"بارودۆخی کوردستانی موکریان، سابڵاغ و ورمێ لە ساڵانی ١٩١٢ - ١٩١٥"

لەسەر ماڵپەڕی ناوەندی لێکۆڵینەوەی کوردستان - تیشک، دانراوە. ئەم کتێبە لە ئامادەکردن و وەرگێڕانی (مەنسوور سدقی) یە و پشت بە ڕاپۆرتە مێژووییەکانی کۆنسولخانەی ڕووسیا دەبەستێت.

بۆ خوێندنەوە و داگرتنی کتێبەکە، لێرە کرتە بکەن.



🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️ئێسقانی زمان


🌐 بلاگ ژیانەوە
✍️دانا حەمید


📖حەمید، دانا(٢٠٢٦):ئیسقانی زمان. بلاگی ژیانەوە؛ ناوەندی لێکۆڵینەوەی کوردستان – تیشک.

نزیکەی شەش ساڵ لەمەوبەر، لە وەرزی بەهاردا، لەناو بازاڕی سلێمانی، لە چایخانەی جمهوری دانیشتبووم، کە یەکێک بوو لەو چایخانانەی کە ٢٤ کاتژمێر کراوە بوو، بەڵام بەداخەوە ئێستا کراوە بە کەبابخانە، ئەو جوانی و قەرەباڵغییەی جارانی نەماوە. دانیشتبووم چام دەخواردەوە، پیاوێکی قۆز و سەروڕیش سپی، لە تەنیشتمەوە دانیشت و سڵاوی کرد، منیش وەڵامی سڵاوەکەیم دایەوە، پاشان کەوتینە دەمەتەقێی پچڕ پچڕ دەربارەی هەندێک بابەتی جیاواز و دوایی هاتە سەر باسی زمان و ڕستەیەکی کورت و پوختی وت: کە لە دەربڕیندا سادە بەڵام لە ناوەڕۆکدا قووڵ و پڕ واتا بوو. تێڕوانینی منی بۆ زمان لەو کاتەدا کەمێک وروژاند و وتی: «زمان ئێسقانی هەیە». ئەم دەربڕینە سادەیە، کە لە زاری مامۆستایەکی خانەنشینەوە دەرچوو، وێنەیەکی بێهاوتای بۆ سروشتی ڕاستەقینەی زمانی کوردی کێشا.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️ڕەچاوکردنی مافی مرۆڤی زمانی وەک ڕێکارێک بۆ سیاسەتی زمانی


🌐 بلاگ ژیانەوە
✍️ڕەحیم سورخی


📖 سورخی، ڕەحیم(٢٠٢٦):ڕەچاوکردنی مافی مرۆڤی زمانی وەک ڕێکارێک بۆ سیاسەتی زمانی. بلاگی ژیانەوە؛ ناوەندی لێکۆڵینەوەی کوردستان – تیشک.

لە زۆربەی ناوچەکانی جیهاندا، زمانەکان لە پلەبەندییەکی ڕێژەییدا لەپاڵ یەکدا دەژین و پەیوەندییەکی “زاڵ-پەراوێز”لە نێوان ئاخێوەرانیاندا هەیە. بابەتی مافی مرۆڤی زمانی لەو شوێنانەدا بەرجەستە دەبێت کە فرەچەشنییەکی نەتەوەیی، زمانی و کولتوورییان تێدایە. بەڕێوەبردنی ئەم فرەچەشنییە زمانییە لە ڕووی کۆمەڵایەتی و سیاسییەوە، دەبێت بە جۆرێک بێت کە بنەماکانی “کارایی” و “دادپەروەری” تێدا بەدی بکرێت. هەر بۆیە، ئەم کارە پێشوەختە پێویستی بە سیستەمێکی سیاسیی دیمۆکرات هەیە تا بتوانێت سیاسەتی گشتی لەسەر بنەمای یەکسانی بنیاد بنێت و سیاسەتە زمانییەکان بەرێتە پێشەوە. لەم چوارچێوەیەدا، داڕشتنی یاسایەکی ڕوون و ڕاشکاو لە دەستووردا بۆ مسۆگەرکردنی پێکەوەژیانی زمانەکان و گەرەنتیی مافی زمانیی تاک و کۆمەڵەکان، پێویستە.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️یەکگرتن لەسەر سنووری مێژوو: ساتێکی چارەنووسساز بۆ مافی دیاریکردنی چارەنووس


🌐 بلاگ ژیانەوە
✍️چۆمان زرێبار


📖 زرێبار، چۆمان(٢٠٢٦):یەکگرتن لەسەر سنووری مێژوو: ساتێکی چارەنووسساز بۆ مافی دیاریکردنی چارەنووس. بلاگی ژیانەوە؛ ناوەندی لێکۆڵینەوەی کوردستان – تیشک.

ڕاگەیاندنی هاوپەیمانیی پێنج حیزبی کوردستانی ڕۆژهەڵات، گۆڕانکارییەکی گرنگە لە ژیانی سیاسیی گەلی کورد لە ڕۆژهەڵات و لە ئێرانیشدا. ئەم هاوپەیمانییە لە کاتێکدا پێکهاتووە کە سیستەمی دەسەڵات لە تاران بەگشتی، چ لە ئاستی ناوخۆیی و چ لە ئاستی دەرەکی، ناسەقامگیرە و ئەگەری هەر ڕووداوێکی وەک داڕمانی ئەم سیستەمە لە ئارادایە؛ ئەمەش هاوکات دەرفەت و مەترسیش دروست دەکات. لە کاتی لاوازیی ڕێژیمدا، دوو ئاراستەی سەرەکی بەتایبەت بۆ ڕۆژهەڵات دەردەکەون: دەرفەتی نوێ بۆ کورد و سەرجەم نەتەوە بندەستەکان و کەمینە ئایینییەکان و هەموو ئەو خەڵکەی ئێران کە دژ بەم ڕێژیمە خەبات دەکەن، و هەروەها مەترسیی ئەوەی کە دەسەڵات لە دیکتاتۆرێکەوە بۆ دیکتاتۆرێکی تر، و بۆ گەلی کورد لە داگیرکەرێکەوە بۆ داگیرکەرێکی تر بگوازرێتەوە.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️بۆچی وەفاتی محەمەد بۆزئەرسلان لای کوردی باشوور دەنگدانەوەی نەبوو؟


🌐 بلاگ ژیانەوە
✍️بێوار ڕەسوول


📖 ڕەسوول، بێوار (٢٠٢٦): بۆچی وەفاتی محەمەد بۆزئەرسلان لای کوردی باشوور دەنگدانەوەی نەبوو؟ بلاگی ژیانەوە؛ ناوەندی لێکۆڵینەوەی کوردستان – تیشک.

بوونی دوو ئەلفوبێ بۆ نەتەوەیەک، کارێکی کردووە کە ئێمە لە ڕووی فەرهەنگییەوە لە یەک داببڕێین. کوردی باکوور، ئاگای لە کوردی باشوور نییە و بەرهەمی یەکدیش ناخوێننەوە. بە تایبەت کوردی باکوور ئەوەندە لە ئێمە دابڕاون، بۆیان زەحمەتە ئەم پیتە عەرەبییانە فێر بن، تەنانەت ناتوانن ناونیشانی کتێبەکانی ئێمە بخوێننەوە کە بە لێشاو لە باشوور چاپ دەکرێن و دەخرێنە بازاڕەوە. لێرەدا بە ڕوونی دیارە، بێجگە لە بەربەستە جوگرافی و سیاسی و جیاوازییە لەهجەیییەکان، بوونی دوو ئەلفوبێ بۆ نووسین جارێکی دی کوردی زیاتر لە یەک دابڕیەوە.   

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

✉️لە نێوان هەڕەشە و دیپلۆماسی: واشنتۆن و تاران لەبەردەم خولێکی نوێی گفتوگۆکاندا


🌐 بلاگ ژیانەوە
✍️هێلینا باوەرنفایند


📖 باوەرنفایند، هێلینا (٢٠٢٦):لە نێوان هەڕەشە و دیپلۆماسی: واشنتۆن و تاران لەبەردەم خولێکی نوێی گفتوگۆکاندا. بلاگی ژیانەوە؛ ناوەندی لێکۆڵینەوەی کوردستان – تیشک.

لیڤین کە لە تۆڕی کۆمەڵایەتیی “X” (توییتەری پێشوو) ملیۆنان شوێنکەوتووی هەیە، لە بابەتەکەیدا دەڵێت هەر ڕێککەوتنێک لەگەڵ کۆماری ئیسلامی “بێبەهایە”، چونکە تاران بە شێوەیەکی سیستماتیک کات دەکوژێت و لە پابەندبوونەکان لادەدات. بڵاوکردنەوەی ئەم بابەتە لە کاتێکی سیاسیی هەستیاردا دێت؛ چونکە بۆ ڕۆژی پێنجشەممەی داهاتوو لە جنێف، خولێکی تری گفتوگۆکان لە نێوان ویلایەتە یەکگرتووەکان و ئێران ڕاگەیەندراوە.

🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube

🔖سێگۆشەی ململانێ: نەوت، دەسەڵات و پەراوێزخستن

💻 زنجیرە سمینارەکانی تیشک

ناوەندی لێکۆڵینەوەی کوردستان-تیشک، لە درێژەی زنجیرە سمینارەکانی ساڵی ٢٠٢٦دا، ڕۆژی یشەممە ڕێکەوتی ٩ی ڕەشەمەی ٢٧٢٦ی کوردی (٢٠٢٦/٠٢/٢٨)، نۆزدەیەمین سمیناری خۆی لەژێر ناونیشانی: “سێگۆشەی ململانێ: نەوت، دەسەڵات و پەراوێزخستن”، لەگەڵ د. محەممەد ئەقدەم، بەڕێوەدەبات.


لەم سێمینارەدا تیشک دەخرێتە سەر لێکۆڵینەوەیەکی هاوبەشی د. محەمەد م. ئەقدەم (زانکۆی ژنێڤ)، پڕۆفیسۆر حەمید عەلی (ناوەندی دەوحە بۆ خوێندنی باڵا) و پڕۆفیسۆر شاهجەهان بوهیان (زانکۆی ئەمریکی لە قاهیرە). دەرئەنجامەکانی ئەم لێکۆڵینەوەیە لە ساڵی ٢٠٢٥ لە گۆڤاری زانستی «بەرگری و ئابووریی ئاشتی» (Defence and Peace Economics) بڵاو کراوەتەوە.

سێمینارەکە بە ڕوونی دەپەرژێتە سەر بارودۆخی کوردستان و هەلومەرجە سیاسی و کۆمەڵایەتی-ئابوورییەکانی ئێران لە ئێستادا. چوارچێوە تیۆرییەکە و دەرئەنجامە کردەییەکان بە شێوەیەکی ڕەخنەییانە لەسەر ڕۆژهەڵاتی کوردستان، بەتایبەتی لەسەر بابەتەکانی پەراوێزخستنی سیاسی، پەرەسەندنی نایەکسانی، بەڕێوەبردنی سەرچاوەکان و توندوتیژیی دەوڵەت هەڵدەسەنگێندرێن.

سیمینارەکە لەلایەن سیاوەش محەمەدی، خوێندکاری ماستەر لە بواری ئابووری و کۆمەڵگە لە ئاسیا لە زانکۆی بۆن، بەڕێوە دەبرێت.
سمیناری سێگۆشەی ململانێ: نەوت، دەسەڵات و پەراوێزخستن ڕۆژی شەممە ڕێکەوتی ٩ی ڕەشەمەی ٢٧٢٦ی کوردی (٢٠٢٦/٠٢/٢٨)،)، کاتژمێر ٢٠:٣٠ بەکاتی کرماشان و ٢٠:٠٠ بەکاتی هەولێر (٢٠:٠٠ بەکاتی بەرلین)، بە زمانی کوردی بەڕێوەدەچێت.

ئەم سمینارە هاوکات لەسەر پلاتفۆرمی زووم و تۆڕەکۆمەڵایەتیەکانی ناوەندیش بە شێوەی ڕاستەوخۆ بڵاو دەکرێتەوە و دەتوانن لە ڕێی بەکارهێنانی بەستەری تایبەتی، بەشداری سمینارەکە بن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات

🌐 Web 📷 Instagram 🌐 Whatsapp 💬 Telegram 💬 Facebook 💬X 📺 Youtube

✉️شیکردنەوەیەک بۆ ئاخاوتنەکەی ترامپ لەسەر دۆسییەی ئێران


🌐 بلاگ ژیانەوە
✍️ڕەحیم سورخی


📖 سورخی، ڕەحیم (٢٠٢٦):شیکردنەوەیەک بۆ ئاخاوتنەکەی ترامپ لەسەر دۆسییەی ئێران. بلاگی ژیانەوە؛ ناوەندی لێکۆڵینەوەی کوردستان – تیشک.

ھەڵبەت ئەم شێوە لە ڕیزبەندیکردنی زمانی و خستنەڕووی دۆسیەی ئێران، بە بەراورد لەگەڵ ڕیزکردنی ئەو ھەوڵانەش کە لە پێناو ئاشتیدا داونی(ھیند و پاکستان، ئۆکراین و ڕووسیە، و غەززە و …) و لەلایکی تریشەوە، لێدانی قاسم سلێمانی، گرتنی مۆدۆرۆ و کوشتنی سەرۆکی مافیای مێکزیک، دەتوانێت واتای ئەوە بێت، ترامپ سەرکەوتنەکانی ئەم دوواییانەی و ئەو ھەوڵانەی بۆ ئاشتی ھەیبوون، کردووەتە تایەکی تەرازووی بەڵگاندنەکەی کە لەگەڵ تای پاساوی لێدانی ئێران ھاوسەنگی بکات.


🔍بۆ خوێندنەوەی درێژەی بابەت لێرە کرتە بکەن.

#گۆڤاری_تیشک #ناوەندی_لێکۆڵینەوەی_کوردستان_تیشک #کوردستان #تیشک #گۆڤار #ڕۆژهەڵات


🔍 Web 📷 Instagram 🌐 Whatsapp ✉️ Telegram 🎮 Facebook 🐣X 📹 Youtube