#手足投稿 #頻友心聲

月夕行動點解失敗？
先用最善意既方式理解
行動admin係想突破瓶頸
比抗爭者快過popo到現場做野
所以先用最後通知時間同地點去解決

但點解依招唔work失敗？
1. 雙方無信任基礎
admin事前亦無建立權威(軍威）
就算想參與既人都會問
「點肯定方法work？點肯定唔係老點？」
尤其是admin要人等得愈耐
就愈無法令人信服

2. 實際操作難。
動漫或打機就可以開外掛既主角
一人指揮所有人點做點做就贏
但現實要考慮好多現場因素
無團隊級既「指揮部」
一邊收集情報一邊分析一邊下指令好難work

3. 短時間內指令多變
抗爭者根本無所適從
無信任基礎就更唔會切實執行

4. 大台指揮前線並無先例
運動一開波就無大台
有經驗既抗爭者已慣左自發行動
即使有私group策畫行動
模式亦係互聯配合多於直接由上而下指揮

要進步就要回到原本目標思考：
「想抗爭者快過popo到現場做行動
所以事前唔公布地點」
但除左遍地開花分散地點外
依個目標基本上無可能達成
因為如同612 reminder所講警察機動性太強
人唔夠多做唔到遍地開花
就算比你克服到上述4點有效指揮到前線
但地點仲係一兩個好快比popo追到

其實依個問題一早出現
去年10月理大一戰重挫後
前線勇武人唔夠、Popo投入更多機動力
街頭抗爭就開始變左被大圍捕無咩還擊之力
出黎係為左畫面保持抗爭熱度為主
其實係前線既小朋友都好坦白咁講：
出黎就算被捕都可以保住政治能量

大家諗返最基本既問題
革命唔到街頭抗爭仲有咩用？
點解仲繼續佔領點解仲堵路？
目標係為左癱瘓或干擾社會運作
提升政府管治成本逼佢妥協
根據依個目標，就算有人「送頭」
但只要每次出黎足夠令政府管治成本提高
令popo疲於奔命，就算有一定效果
雖然我方付出代價亦大但抗爭往往就係咁
畢竟政府popo擁有龐大資源
我地既目標係增加依個效果同時減少我方損耗

be water 最理想自然係路就堵左
Popo黎到，啲人已經走晒
不斷流水行動轉移地點玩死popo
但現實好難做到依點
月夕行動係初嘗試但明顯失敗
其實而家人唔夠，其中一個方法係
公海講到果日果段時間邊度好多人
Popo大量扎營部署但最後一條友都無出現
狼來了多幾次，就黎一次真
等對家無所適從
但依樣要成功就需要抗爭者好有默契
行動小組互相配合傾好先得
唔係咁易
而家最緊要從小做好
一點一點去克服
大家共勉