የተከበራችሁ ተመልካቾቻችን live ላይ ነን እየደወላችሁ ተሳተፉ ...
0997282923
0911407499
https://www.youtube.com/live/FuU0KGz6YNQ?si=XRwMY5aVV4QDnuxJ

#አስቸኳይ_የፀሎት_ጥሪ😭🙏 ሌላ ካንሰር ተገኘባት😭

( ✍️ አቤል ደመላሽ )

በጣም አሳዛኝ ነገር ተሰምቷል።

እህታችን የምስራች ጨጓራዋ አከባቢ ከነበረው 4ኛ ደረጃ ካንሰር በተዓምራት ተፈውሳ እግዚአብሔርን እያመሰገንን መቆየታችን ይታወሳል ከጊዜያት በኋላ ቼካፕ ስታደርግ ጀርባዋ አከባቢ ሶስተኛው አጥንት ላይ እና ሳንባዋ ላይ ካንሰ ር ተገኝቶባታል።

ከባድ ሳል ታክሎበት በፍጥነት ፅኑ ሕሙማን ክፍል እንድትገባ ተደርጓል።

አሁንም ተስፋዋ እግዚአብሔር ነውና ጣልቃ እንዲገባላት ሁላችሁም እንድትፀልዩላት ጥሪ አናቀርባለን።

( ሁላችሁም ለሌሎች እንዲደርስ ሼር አድርጉ🥺) 🙏🙏🙏

"የወንጌል ሰባኪን ሥራ ስሩ - ወንጌልን ስበኩ አትፍሩ" ሪቨረንድ ፍራንክሊን ግርሃም

የቢሊ ግርሃም አሶሴሽን ፕሬዝደንት ፍራንክሊን ግራሃም በበርሊን የአውሮፓ የወንጌል ስርጭት ኮንግረስ ከመዘጋቱ በፊት ለተሰብሳቢዎች "የወንጌል ሰባኪን ሥራ ስሩ - ወንጌልን ስበኩ አትፍሩ" ሲሉ መልዕክታቸውን አስተላልፈዋል።

እሳቸው ንግግራቸውን ሲቀጥሉ “አትደራደር፤ በርታ አገልግሎትህን ፈጽም፣ መከራ እንደሚኖር እናውቃለን፣ ፈተናዎች እንደሚኖሩ እናውቃለን፣ አንዳንድ ግጭቶችም እንዳሉ እናውቃለን፣ ነገር #ግን እንበርታ #እና እንደሚመለስ የምናውቀውን አዳኛችንን እንስበክ ብለዋል።

ኮንግረሱ እንደተጠናቀቀ ከ1,000 ለሚበልጡ የክርስቲያን መሪዎች በመጸለይ አብረውን እንዲጸልዩ #ጥሪ በማቅረብ ወደ ትውልድ አገራቸው ሲሄዱ የኢየሱስ ክርስቶስን ወንጌል ለሚያገኟቸው #ሁሉ በድፍረት ለማወጅ #እግዚአብሔር ኃይል እንዲሰጣቸው ጸልየዋል።

በዮሐንስ ግርማ

ካምብሪጅ አካዳሚ ሁለተኛ ቅርንጫፉን በሐዋሳ ከፈተ

"Hawassa International School" የኢትዮጵያ ወንጌላዊያን አብያተ ክርስቲያናት ህብረት ፕሬዝደንት መጋቢ ጻድቁ አብዶ፡ የሐዋሳ ከተማ ከንቲባ መኩሪያ ማርሻዬ፡ የአዲስ አበባ ሃይማኖት ተቋማት ጉባኤ ዋና ጸሃፊ መጋቢ ታምራት አበጋዝ፡ የሲዳማ ክልል ከፍተኛ አመራሮች እና ሌሎችም ጥሪ የተደረገላቸው የአብያተ ክርስቲያናት እና ቢዝነስ መሪዎች በተገኙበት በድምቀት ተመርቋል።

ግንባታው 8 ወራት የፈጀ ሲሆን፡ 300 ሚሊዮን ብር ወጪ ተደርጎበታል ተብሏል። ትምህርት ቤቱ በሙሉ አቅሙ ከ2ሺህ በላይ ተማሪዎችን ማስተማር ይችላል።

በቄስ ዶ/ር ገመቺስ ደስታ የተቋቋመው ካምብሪጅ አካዳሚ ኢትዮጵያ የመማር ማስተማር ካሪኩለሙን በኢንግሊዝ ሃገር መልኩ የሚሰጥ ነው።
ካምብሪጅ አካዳሚ በአዲስ አበባ ቀድሞ በከፈተው ትምህርት ቤት ተቀባይነት ማግኘቱ ይታወሳል።

የ#2028 የአለም አቀፍ የአናባብቲስት አዘጋጅ #መሠረተ ክርስቶስ ቤተክርስቲያን #ኢትዮጵያ 🇪🇹🇪🇹

የመሠረተ ክርስቶስ ቤተክርስቲያን በየስድስት አመቱ የሚካሄደውንና በመላው አለም የሚገኙ የአናባብቲስት ቤተሰቦች የሚሳተፉበትን ጉባኤ እኤአ በ2028 በኢትዮጵያ እንድታዘጋጅ ከአመታት በፊት ተመርጣ በዝግጅት ላይ ትገኛለች።

ሰሞኑን በጀርመን በተካሄደው የሜኖናይት አለም አቀፍ ኮንፍረንስ 100ኛ አመት ክብረበዓል ላይ የተገኙት የመሰረተ ክርስቶስ ቤተክርስቲያን መሪዎች የበዓሉን ታዳሚዎችና በመላው አለም የሚገኙ የአናባብቲስት ቤተሰቦች ከሶስት አመት በኋላ በኢትዮጵያ በሚደረገው ጉባኤ ላይ እንዲገኙ በቤተክርስቲያኒቱ ፕሬዝደንት መጋቢ ደሳለኝ አበበ በኩል በይፋ ግብዣ አቅርበዋል።

የመሠረተ ክርስቶስ ቤተክርስቲያን ይህን አለም አቀፍ ጉባኤ በደማቅ ሁኔታ ለማዘጋጀት ሀገር አቀፍ የአማካሪ ኮሚቴ ሰይማ በመንቀሳቀስ ላይ ትገኛለች።

በካዉንስሉ ፕሬዝደንት የተፃፈዉ "የመሪ ባሕሪያት መሰረታዉያን" የተሰኘዉ መፅሐፍ ተመረቀ።

በኢትዮጵያ ወንጌል አማኞች አብያተ ክርስቲያናት ካዉንስል ፕሬዝደንት በዶ/ር ጣሰዉ ገብሬ የተፃፈዉ እና በ2 ክፍሎች እና በ4 ምዕራፎች ተከፋፍሎ በ200 ገፆች የተዋቀረዉ መፅሐፍ የአብያተ ክርስቲያናት መሪዎች ፣ የፀሐፊዉ ወዳጆች እና ጥሪ የተደረገላዉ እንግዶች በተገኙበት በዘፀዓት አፖስቶሊክ ሪፎርሜሽን ቤተክርስቲያን በድምቀት ተመርቋል።

በመድረኩ ዶ/ር ወርቁ የመፅሐፉን ዳሰሳ ያቀረቡ ሲሆን በንግግራቸው ዶ/ር ጣሰው መሪነት በብሉይ እና በአዲስ ኪዳን መጠቀሱን አንስተዉ ባለአደራነት ፤ ጥበብ እና የእግዚአብሔር ቃል የጎደለዉ መሪ ለተቋማት መውደቅ ለአመራት ክፍተት እንደሚፈጠር በመጥቀስ ይሞግታሉ ሲል አንስቷል።

ፖስተር ፃዲቁ አብዱ በበኩላቸው በመሪነት ደረጃ ላሉት ብቻ ሳይሆን ወደ መሪነት ለማደግ ለሚሄዱትም ጠቃሚ የሆነ መጽሀፍ በመሆኑ ሁሉም ሊያነቡት እንደሚገባ መክርዋል።

የመጽሀፊ አዘጋጅ ዶ/ር ጣሰዉ ገብሬ መፅሐፍ ቅዱሳችን እራሱ መሪነትን በየአዉዱ በመከፋፈል የሚያስቀምጥ መሆኑን በመጥቀስ ለአንድ መሪ ባሕሪ መሰራት እና የመሪዎች የበሃሪ ተግዳሮት መስተዋሉ ይህንንም ችግር ለመቀነስ የበኩላቸውን አስተዋጽዖ ለማበርከት መጽሀፉን እንዳዘጋጁት ተናግረዋል።

ዶ/ር ጣሰዉ ገብሬ ይህ 3ኛ መፅሐፋቸዉ ሲሆን ከዚህ ቀደም "የመሪ ፈተናዎች ፤ስህተቶች እና መፍትሄዎቹ" እንዲሁም "ክዋኔ የትግበራ ክህሎት" የተሰኙ ሁለት መፅሐፍትን በ2013 ዓ.ም ለንባብ ማብቃታቸዉ ይታወሳል።

በመድረኩ ቄስ ዶ/ር ለሊሳ ዳንኤል የእግዚአብሔርን ቃል በማካፈል አቤኔዘር ለገሰ በበኩል ዝማሬ በማቅረብ አገልግለዋል።

የክርስቲያን ዜና በስፍራው ተገኝተን መረሃ ግብሩን ተከታትለን ዝርዝሩን ወደ እናንተ አቀረብንላችሁ።

በዮሐንስ ግርማ

19 ነብሳት #ወደ #ጌታ መንግስት ተጨምረዋል።

#በኢትዮጵያ ቃለ ሕይወት ምዕራብ ደቡብ ቀጣና ቦንጋ ዙሪያ ሕብረት በቦባ ገጫ ቃ/ሕ/ቤ/ያን #እና ከሁለቱ ተከላ ጣቢያ በጌታ አምኖ የደህንነት ትምህርት እየተማሩ የቆዩ የውሃ ጥምቀት ወስዷል።

#በክርስቶስ #ኢየሱስ አምኖ በቤተክርስቲያን የሚሰጠውን የደህንነት ትምህርት በመማር #በቁጥር 19 የሚሆኑ ሰዎች የውሃ ጥምቀት ስነ-ስርዓት ወስዷል።

መረጃውን ከስፍራው The Christian News - የክርስቲያን ዜና አደረሱን!!!

ለመጋቢ እና ዘማሪ ተስፋዬ ጋቢሶ እውቅና ተሰጣቸው።

እውቅና የሰጣቸው ተቋም የኢቫንጄሊካል ቴዎሎጂካል ኮሌጅ ሲሆን "አዎን ይሆናል" በሚል በሁለት ቋንቋዎች የተዘጋጀው የመዝሙር ስንዱቅ መጽሐፍ በተመረቀበት ወቅት ነው።

በቀድሞ የወንጌላውያን ቴዎሎጂ ኮሌጅ ተማሪ በሆነው አቶ ጥበበ አክሊል የተዘጋጀው የፓስተር ተስፋዬ ጋቢሶ ቁጥር 8 የመዝሙር ስንዱቅ መጽሀፍ በትላንትናው እለት በETC ተመርቋል።

በመድረኩ ይህንን መጽሐፉ ማዘጋጀት ያስፈለገበት አላማ በኢትዮጵያ ወንጌላውያን አብያተክርስቲያናት አገልጋዮች ዘንድ ያለውን መንፈሳዊ ምልከታ፣ አስተምህሮና አቋም ማጥናት ለሚፈልጉ የውጪ ዜግነት ያላቸው የስነ መለኮት ተመራማሪዎች ጥቅም ላይ እንዲወል ታስቦ የተዘጋጀ መሆኑ ተገልጿል።

በትርጉም ስራው ላይም ፓስተር ተስፋዬ ጋቢሶን ጨምሮ 4 የተለያዩ ሰዎች የተሳተፉ ሲሆን አቶ ጥበበ አክሊሉ በስንዱቅ 8 የተዘመሩ 13 መዝሙሮችን በእንግሊዘኛ እና ፈረንሳይኛ በመተርጎም ለአንባብያን አቅርበዋል።

ወንድም ጥበበ አክለዉ ላለፉት 35 ዓመታት በመዝሙሮቹ ብዙ ሰለተባረኩባቸው የሌላ ሀገር ቋንቋ ተናጋሪ የሆኑ ሰዎች ተጠቃሚ እንዲሆኑ በፈረንሳይኛና በእንግሊዝኛ ለመተርጎም ጥረት ማድረጋቸዉን አንስተዉ የተተረጎሙት መዝሙሮች በሌላ ቋንቋ መዘመር ሊያሰቸግር ይቻላል ግን የመዝሙሮቹን መልዕክቶች በማጥናት አትራፊ መሆን እንደሚችል ገልጸዋል።

መጋቢ ተስፋዬ በበኩላችው መንፈሳዊ ዝማሬ ፣በአምልኮ ፣በወንጌል ሥርጭት አማኞችን በማስተማር ረገድ የራሱ ድርሻ እንዳለው ጠቅሰው በሀገራችን የተዘመሩ መዝሙሮች መጽሐፍ ቅዱሳዊና ሥነ-መለኮታዊ ይዘት ካሰተዋሉ በኋላ በዜማ እንኳን ቢቀር ቃላቱ በወጪ ሀገር ቋንቋ ቢተረጎም ለአንባቢያን እንዳች መልዕክት ሊያስተላልፋ ይችላል ብለዋል።

መፅሐፍ ለETC ሙሉ በሙሉ ተሰጥቷል።

በቤተልሔም ደረጀ

💍✨ የመጨረሻው ዝግጅት : የአጮኝነት ስልጠና✨💍

🔹ውስን ስፍራ፦ ለ20 ጥንዶች ብቻ!
ለምዝገባ የቀረን 3 #ቀን ብቻ ነው
ፈጥናችሁ ተመዝገቡ!

በቃልኪዳን የጋብቻን ጉዞ ከመጀመራችሁ ፊት በቂ ቅድመ-ዝግጅት ማድረግ ብልህነት ነው። "የመጨረሻውን ዝግጅት " ለማድረግ በዚህ የእጮኛሞች ስልጠና ተሳተፉ እና ለዘላቂና ጣፋጭ ትዳር መሰረት ለመጣል የሚረዷችሁን ግብዓቶች ሸምቱ።

📅 ቀን፦ግንቦት 30/June 7
📍 ቦታ፦ አለም ጋለሪ ገርጂ ታክሲ ተራ
💰 መመዝገቢያ Fee፦ለጥንዶች 1200፣ ለአንድ ሰዉ 650ብር ብቻ!

በነገ ህይወታችሁ ላይ ዛሬ ለመዝራት ቦታ ሳያልቅባችሁ ተመዝገቡ!

ወዳጅ ቤተሰብ! ስፖንሰር በማድረግ ለሠርጋቸው ስጦታ በመስጠት ለነገ ህይወታቸው የየድርሻችሁን ተወጡ።

አገልጋዮች ፦
👉ጌቱና ማህደር፦ የሰማይ ፋሚሊ አዘጋጆች
https://www.youtube.com/watch?v=Y6CushnHTrg

👉ሳሮን ውድነህ፦  የጋብቻ አስተማሪ እና አማካሪ
https://t.me/+LZGZsvB8OWA0OTFk

ለመመዝገብ፦https://forms.gle/EKtmd52XMHF1612CA

ለበለጠ መረጃ፦ 0911136520/0911642595

💍✨ የመጨረሻው ዝግጅት : የአጮኝነት ስልጠና✨💍
🔹ቀድመው ለደውሉልን 5 ጥንዶች በነፃ ስፖንሰር እናደርጋለን!
ለምዝገባ የቀረን 1 ቀን ብቻ ነው
ፈጥናችሁ ተመዝገቡ!

በቃልኪዳን የጋብቻን ጉዞ ከመጀመራችሁ ፊት በቂ ቅድመ-ዝግጅት ማድረግ ብልህነት ነው። "የመጨረሻውን ዝግጅት " ለማድረግ በዚህ የእጮኛሞች ስልጠና ተሳተፉ እና ለዘላቂና ጣፋጭ ትዳር መሰረት ለመጣል የሚረዷችሁን ግብዓቶች ሸምቱ።

📅 ቀን፦ግንቦት 30/June 7
📍 ቦታ፦ አለም ጋለሪ ገርጂ ታክሲ ተራ
💰 መመዝገቢያ Fee፦ለጥንዶች 1200፣ ለአንድ ሰዉ 650ብር ብቻ!

በነገ ህይወታችሁ ላይ ዛሬ ለመዝራት ቦታ ሳያልቅባችሁ ተመዝገቡ!

ወዳጅ ቤተሰብ! ስፖንሰር በማድረግ ለሠርጋቸው ስጦታ በመስጠት ለነገ ህይወታቸው የየድርሻችሁን ተወጡ።

አገልጋዮች ፦
👉ጌቱና ማህደር፦ የሰማይ ፋሚሊ አዘጋጆች
https://www.youtube.com/watch?v=Y6CushnHTrg

👉ሳሮን ውድነህ፦  የጋብቻ አስተማሪ እና አማካሪ
https://t.me/+LZGZsvB8OWA0OTFk

ለመመዝገብ፦https://forms.gle/EKtmd52XMHF1612CA

ለበለጠ መረጃ፦ 0911136520/0911642595

በቀል በቀለኛውን ያጠፋል።

የኤዶም የበቀል ታሪክ አሁን እንደ ሀገር እና እንደ ማህበረሰብ  እንዲሁም እንደቤተክርስቲያን ለገባንበት ቀውስ መውጫ አቅጣጫ የሚያመለክት ነው።

ትንቢተ አብድዩ ላይ ትኩረት ያደረገ ፓስተር ጻዲቁ አብዶ ላለፊት 17 ዓመታት ያስተማሩት እና የሰበኩትም ታሪክ በመጽሐፍ መልክ ተሰንዶ መጣ።

"በቀል በቀለኛዉን ያጠፋዋል" ድንቅ መጽሀፍ በአድዋ መታሰቢያ ሙዝየም እንደሚመረቅ ታውቋል። ዛሬ 8:00 ሰዓት ጋዜጣዊ መግለጫ የሚሰጥ ሲሆን ዝርዝር መረጃውን ይዘን የምንመለስ ይሆናል።

#የእግዚአብሔር ክብር የኪዳኑ ታቦት" የሚል መጠሪያ ያለው እና በሐዋሪያው ዳንኤል መኮንን የተጻፈው መጽሐፍ ሊመረቅ ነው።

ሰኔ 2 2017ዓ.ም በአድዋ ሙዚየም የሚመረቀውን መጽሐፍ አስመልክቶ በዛሬው እለት ለክርስቲያን ሚዲያዎች ጋዜጣዊ መግለጫ ተሰጥቷል።

በመግለጫው በ10 ምዕራፍ እና በ310 ገጾች የተዋቀረው #ይህ መጽሐፍ ሰኔ 2 ሰኞ አድዋ መታሰቢያ ሙዚየም በ11:00 ሰዓት የአብያተ ክርስቲያናት መሪዎች እና ጥሪ የሚደረግላቸው እንግዶች በተገኙበት እንደሚመረቅ ተገልጿል።

ሐዋሪያው ዳንኤል #በኢትዮጵያ ወንጌላውያን አብያተክርስቲያናት ባለፉት 55 የአገልግሎት አመታት በኦሎምፒያ መሰረተ ክርስቶስ ቤተክርስቲያንን ጨምሮ ፤ በጅማ ፤ በአሜሪካ እና አውሮፓ የአገልግሎት ዘመናቸው ያሳለፉት በመጽሃፉ ውስጥ በማካተት የህይወት ተሞክሮ እና ምስክርነትን በማጣመር የተዘጋጀ እንደሆነ በመግለጫው ተጠቅሷል።

#ክርስቲያን ከክብር ጋር እንዲገናኝ፤ በእግዚአብሔር ክብር ውስጥ እንዲገኝ እና ናፍቆት እንዲኖረው የተጻፈ እንደሆነም የተገለጸ ሲሆን አዲሱ ትውልድ የእግዚአብሔርን ክብር ናፍቆት መሙላት ላይ የተፈለገው ተጽዕኖ እንዲያሳርፍ የተዘጋጀ እንደሆነ ተጠቅሷል።

መጽሐፉ #ሙሉ በሙሉ የሽያጩ ገቢው ለአዋሬ ወንጌል ብርሃን አ/አቀፍ ቤ/ክ ግንባታ እንደሚውልም ተገልጿል።

The Christian News - የክርስቲያን ዜና በስፍራው ተገኝተን ዝርዝሩን አቀረብንላቹ ተጨማሪ የቪዲዬ ዘገባ ይዘን የምንመለስ ይሆናል።

ግንቦት 28/2017 ዓ.ም

በኦቦሌሳ አዶላ

የኢትዮጵያ ወጣት ክርስቲያን ማህበር አርቲስት ሸዋፈራው ደሳለኝን የክብር አምባሳደር አድርጎ መረጠ።

አርቲስት ሽዋፈራሁ ደሳለኝ እንዲህ አይነት ወጣቶች ላይ የሚሰራ እና ከ20 ዓመታት በላይ የዘለቀ ከፍተኛ ፍሬ በማምጣት በጎ ተፅእኖ በመፍጠር እየተንቀሳቀሰ ካለ ተቋም ጋር በመስራቴ እኔም እድለኛ ነኝ ብሏል።
የአምባሳደርነት ስምምነቱ ለ2 አመት ይቆያል።

የኢትዬጲያ ወጣት ክርስቲያ ማህበር /E.Y.C.A  21ኛ ዓመት የወጣቶች ምስጋና በዓል ''ታሪክ ሰሪ ትውልድ" በሚል መሪ ቃል ሃምሌ 5 ቀን 2017 በሚሊኒየም አዳራሽ ይካሄዳል።

ማህበሩ ያለፉትን 20 ዓመታት ወጣቱን ማዕከል ያደረገ ከፍተኛ መንፈሳዊ፣ ማህበራዊ፣ ኢኮኖሚያዊ ጉዳዮች ላይ ሲሰራ የቆየ ሲሆን ለብዙ ነፍሳቶች በክርስቶስ አምነው መዳን ምክንያት መሆኑን በመግለጫዉ ተጠቅሷል።

ከ450 ተማሪዎች በላይ የሙሉ ነፃ የትምህርት ዕድል ተጠቃሚዎች እንዲሆኑ በተለያዩ ዩኒቨርሲቲዎች፣ ኮሌጆችና የሞያ ተቋማት እንዲያገኙ መደረጉ የተጠቀሰ ሲሆን በተለያዩ ማረሚያ ቤቶችና ዩኒቨርስቲዎች በመንቀሳቀስ ማህበራዊ ግዴታውን ሲወጣ ቆይቷል።

በመግለጫዉ በሃምሌ 5 በሚሊኒየም አዳራሽ፡ 2025 ''ታሪክ ሰሪ ትውልድ'' በሚል መሪ ቃል ታላቅ የምስጋና በዓል እና የወንጌል መልዕክት ፕሮግራም መዘጋጀቱ ተነግሯል።

አርቲስት ሸዋፈራሁ ይህ ጉዳይ የሁሉም ሰው በመሆኑ በከፍተኛ ችግር ያለውን ህዝባችንን መርዳት እና ትውልዳችንን በወንጌል መታደግ ስራ ላይ  ነፃ አገልግሎት በመስጠት ሁሉም ባለው ነገርና አቅም ድጋፍ እንዲያደርግ ጥሪ አቅርቧል።

ማህበሩ ያለፉትን 20 ዓመታት ወጣቱን ማዕከል ያደረገ ከፍተኛ መንፈሳዊ፣ ማህበራዊ፣ ኢኮኖሚያዊ ጉዳዮች ላይ ሲሰራ የቆየ ሲሆን ለብዙ ነፍሳቶች በክርስቶስ አምነው መዳን ምክንያት እንደሆነ ተነስቷል።