የቦረና እና አካባቢው ሲኖዶስ ምስረታ ተከናወነ።

የኢ/ወ/ቤ/መካነ ኢየሱስ 21ኛ የቤተክርስቲያኒቱ ዓቢይ ጉባኤ እንዲመሰረቱ ከተወሰኑ ሲኖዶሶች አንዱ የሆነው የቦረና እና አካባቢው ሲኖዶስ የምስረታ ጉባኤ እና ኮንፈረንስ ከጥር 04-07: 2015ዓ.ም በያቤሎ ከተማ ተካሂዷል።

በተደረገው የሲኖዶሱ ምስረታ ጉባኤም የሲኖዶሱ መሪዎች ምርጫ የተደረገ ሲሆን:

1. ቄስ ጋልጋሎ ቃሬ- የሲኖዶሱ ፕረዚዳንት:
2. ቄስ ጋልጋሎ ዳዳቻ: ምክትል ፕረዚዳንት:
3. አቶ ተከተል ንጋቱ አቃቤ ንዋይ በመሆን ተመርጠዋል።

የኢትዮጵያ ወንጌላውያን አብያተ ክርስቲያናት ኀብረት ከአጋር አባላቱ ጋር በዓመት ሁለት ጊዜ ሊያደርግ ካቀደው ስብሰባ የመጀመሪያውን አካሄደ፡፡

ሁለት መቶ የሚጠጉ አጋር አባላት በተገኙበት በዚህ ስብስባ የኅብረቱ ኘሬዚዳንት ፓ/ር ፃድቁ አብዶ በእግዚአብሔር ቤት ውስጥ እንዴት መኖር እደሚገባ የሚያስገነዝብና የሚያሳስብ መልእክት ያቀረቡ ሲሆን፣የኅብረቱ ሚሽንና ቲዎሎጂ መምሪያ ዳይሬክተር ፓ/ር ደረጀ ታፈሰ፣ ኅብረቱ ከአጋር ቤተ እምነቶች ጋር በዓመት ሁለት ጊዜ ሊያካሂድ ካቀደው ስብሰባ ይህ አንደኛው መሆኑን ጠቅሰው፣ መተያየትና አብሮ በጋራ መጸለይ የክርስቶስን አካል ይበልጥ የሚያስተሳስርና አንዱ ለሌላው እንዲያስብ የሚያበረታታ በመሆኑ እንዲህ ዓይነቱን መተያየት ደጋግሞ ማድረግ ተገቢ እንደሆነ አስገንዝበዋል፡፡

ኅብረቱ እንደ አውሮፓ አቆጣጠር እስከ 2030 የአስር ዓመት የአገልግሎት ፍኖተ ካርታ ቀርጾ በተግባር ላይ እያዋለ መሆኑን የገለጡት ፓ/ር ደረጀ በሦስት ዐበይት ነጥቦች ማለትም፣ በተሃድሶ፣ በመንፈሳዊ መነቃቃት እንዲሁም በእርቅና ሰላም ጉዳዮች ላይ ትኩረት የተደረገ መሆኑን ገልጸው፣ ያለንበት መንፈሳዊ ዐውድ ተሃድሶ ጠሪ መሆኑን፣ መንፈሳዊ መነቃቃትም በእጅጉ እንደሚያስፈልግ፣ ከመቼውም ጊዜ ይልቅም በሰላምና እርቅ ዙሪያ አብዝቶ መጸለይና አብዝቶ መሥራት ከእያንዳንዱ ምዕመን እንደሚጠበቅ አስገንዝበዋል፡፡

በመጨረሻም ከተሰብሳቢዎቹ የተለያዩ ጥያቄዎች ከተነሱና ምላሽ ከተሰጠባቸው በኋላ ከዚህ ቀደም ሲያገለግሉ በነበሩ ኮሚቴዎች ምትክ አዲስ ምርጫ ተካሂዷል
1. ፓ/ር ወርቅነህ አላሮ
2. ፓ/ር ካሱ ቱሉ
3. ፓ/ር ብዙአየሁ መኮንን
4. እ/ት ፀዳሽ ተፈራ
5. ፓ/ር ፀጋዬ ተንኮሉ የአጋር ቤተእምነቶችን በኮሚቴነት እንዲያገለግሉ ተመርጠው፣ ስብሰባው በጸሎት ተጠናቋል።

#የ5_ዓመቱ_ህጻን_ሰባኪ

አነጋጋሪው እና ብዙዎች በየአቅጣጫው የአድናቆት መልዕክት እየላኩለት የሚገኘው ህጻኑ ሰባኪ እየተባለ የሚጠራው ታዳጊ ከሰሞኑ አንድ ሾው ላይ ቀርቦ ሲሰብ እና ሲዘምር ተስተውሏል።

ይህ ታዳጊ ሙሉ ስሙ ሉቃስ ቲልማን ይባላል። ነዋሪነቱ ደግሞ ከቤተሰቦቹ ጋር በሚንቺንግሃም ሲሆን 4 ወንድሞችም አሉት።

ታዲያ ይህ ህጻን ከሰሞኑ በታዋቂዋ ጄኒፌር ሀድሰንስ ቴሌቪዥኝ ሾው ላይ ቀርቦ ሲሰብክ እና ተወዳጁን "Take Me to the Water" የተሰኘውን ዝማሬ ዘምሯል።

በዝግጅቱ ላይ ከመጽሐፍ ቅዱስ የምትወደው ጥቅስ የትኛው ነው ተብሎ ተጠይቆ ዮሐንስ 3:16 እንደሆነ ተናግሯል።

ታዳጊው ከሰሞኑ በፈረንጆቹ Dec 29 የራሱን የመጫወቻ አሻንጉሊት ሲያጠምቅ የሚያሳይ ቪዲዮ በእናቱ አማካኝነት በማህበራዊ ትስስር ገጽ ከተለቀቀ በኋላ በሚሊዮን የሚቆጠሩ ተመልካችን እና ተወዳጅነትን አግኝቶ ስንብቷል።

ታዲያ ዝናን ያገኘው ታዳጊ በታዋቂው የቴሌቪዥን ሾው ላይ ከቤተሰቦቹ ጋር በመጋበዝ ተወዳጅ ቃለ መጠይቅ አድርጓል።

በቃለ መጠይቁ ከ2 ዓመቱ ጀመሮ አባቱን አጥምቀኝ እያለ ይጠይቅ እንደነበረም ተናግሯል። አባቱ ሰባኪ ሲሆን ባለፉት 20 አመታት 20 ሚሊዮን ሰዎችን የሰበከ እንደሆነ ጠቅሶ ታዳጊው ልጁ ግን በአንድ ሾው 20 ሚሊዮኖችን እንደደረሰ ተናግሯል።

@CBN

ለክርስትና እጅግ አስቸጋሪ የሆኑ ሃገራት ስም ዝርዝር ይፋ ሆነ። በሪፖርቱ መሰረት ሀገራችን ኢትዮጵያ ከ50 ሀገራት መካከል 39ኛ ስፍራን ይዛለች።

በየአመቱ ለክርስትና አስቸጋሪ የሆኑ ሀገራትን ስም ዝርዝር ይፋ የሚያደርገው ኦፕን ዶርስ የተሰኘ ተቋም በቅርቡ የያዝነውን የፈረንጆቹ 2023ዓ.ም ሪፖርት ይፋ አድርጓል።

ተቋሙ ይፋ እንዳደረገው ሪፖርት ከሆነ በተጠናቀቀው የፈረንጆቹ 2022 ከ5,600 በላይ ክርስቲያኖች በእምነታቸው ምክንያት እንደተገደሉ የጠቀመ ሲሆን ከ2,100 በላይ ቤተክርስቲያኖች ደግሞ በደረሰባቸው ጥቃት ከፊሉ ሲወድሞ ከፊሎ ሙሉ በሙሉ ተዘግተዋል።

ከ124,000 በላይ ክርስቲያኖች በእምነታቸው ምክንያት ከቤታቸው በኃይል የተፈናቀሉ ሲሆን ወደ 15,000 የሚጠጉት ደግሞ ስደተኞች እንደሆኑ አስነብቧል።

በዘንድሮው አመት ሪፖርት ሰሜን ኮርያ ለክርስትና እጅግ አስቸጋሪ በመባል በ1ኛ ስፍራ ስትቀመጥ ጎረቤት ሀገር ሶማሊያ በ2ኛ ደረጃ እጅግ አስቸጋሪ በመባል ተቀምጣለች።

የመን ፤ ጎረቤት ሀገር ኤርትራ እና ሊቢያ ከ3 እስከ 5ኛ ስፍራን ይዘዋል። ባሳለፍነው አመት የ1ኛ ስፍራን ይዛ የነበረችው አፍጋኒስታን ከፍተኛ መሻሻልን በማሳየት በ9ኛ ደረጃ ላይ የተቀመጠች ሲሆን ናይጄሪያ ፤ ፓኪስታን ፤ ኢራን ፤ አፍጋኒስታን እና ጎረቤት ሀገር ሱዳን ከስድስኛ እስከ አስረኛ ደረጃን በመያዝ ለክርስትና እጅግ አስቸጋሪ ሀገራት ተርታን እየመሩ ተቀምጠዋል።

ሀገራችን ኢትዮጵያ በዘንድሮው አመት 39ኛ ደረጃ ላይ የተቀመጠች ሲሆን ከ2022 ሪፖርት 1 ደረጃን ብቻ አሻሽላለች።

በ2022 3ኛ 6ኛ እና 13ኛ ስፍራ የነበሩት የኢትዮጵያ ጎረቤት ሀገራት ሶማሊያ ኤርትራ እና ሱራን በዘንድሮው አመት 2ኛ 4ኛ እና 10ኛ ደረጃ ላይ ተቀምጧል።