Վարել մի արկածախնդիր քաղաքականություն, Հայաստանի և Արցախի գլխին բերել համազգային աղետ, փակել Արցախի հայկականության էջը ու խորհրդարանի ամբիոնից հայտարարել, թե «1996-ից ԼՂ հարց գոյություն չի ունեցել»՝ ավելին է, քան սովորական ցինիզմը: Media Post Factum-ի անդրադարձը:

Ֆուտբոլի Եվրոպայի առաջնության եզրափակիչ փուլի ուղեգիր Հայաստանը կարող է ձեռք բերել միայն տեսականորեն: Դրա համար մեր տղաները նախ այսօր պետք է հաղթեն Ուելսի հավաքականին, ապա մի քանի օրից, մրցակցի հարկի տակ, երկու գնդակի առաքելությամբ պետք է առավելության հասնեն խորվաթների նկատմամբ: Գրեթե անլուծելի խնդիր է, սրանով հանդերձ՝ շատ կարևոր է, որ Հայաստանի հավաքականը այսօր հաղթի Ուելսին: Սա կարող է իրական հնարավորություն ստեղծել՝ խմբում գոնե երրորդ տեղը զբաղեցնելու համար:

Լավ խաղ, բայց...

Հայաստանի հավաքականը, հատկապես երկրորդ խաղակեսում, ուներ բացահայտ առավելություն և կարող էր հաղթել Ուելսի թիմին: Ցավոք, խաղն ավարտվեց ոչ-ոքի 1:1 հաշվով:
Հայաստանը գործնականում կորցրեց եզրափակչի ուղեգիր նվաճելու հնարավորությունը. նման հրաշք կարող է տեղի ունենալ եթե այսօր Խորվաթիայի հավաքականը միավորներ կորցնի Ռիգայում, եթե դրանից հետո Հայաստանի հավաքականը հյուրընկալվելիս պարտադիր հաղթի Խորվաթիային ու եթե Ուելսի հավաքականը վերջին տուրում, սեփական հարկի տակ, պարտադիր պարտվի Թուրքիայի ընտրանուն:
Ինչպես տեսնում եք, «եթե»-ները չափազանց շատ են ու Հայաստանի հավաքականն, ըստ ամենայնի, նույնիսկ 3-րդ հորիզոնականում չի հանգրվանի՝ բավարարվելով խմբային նախավերջին տեղով:

Դե, ֆուտբոլում էլ հրաշքներ չեն լինում. խորվաթները հաղթեցին լատվիացիներին՝ մեր հավաքականին զրկելով ուղեգիր նվաճելու անգամ տեսական հնարավորություններից:

Gallup սոցիոլոգիական ծառայության վերջին հետազոտության արդյունքների համաձայն, ամերիկացիների 63 տոկոսը կողմ է արտահայտվել երրորդ ուժի ի հայտ գալու օգտին։ Սա, իհարկե, չի նշանակում, որ մյուս տարվա ընտրություններում «երրորդ ուժի» թեկնածուն հաղթանակի շանս ունի, բայց կարող ենք ենթադրել, որ 2024-ի ընտրությունները նշանային կդառնան ԱՄՆ-ում ավելի խորքային գործընթացների մեկնարկի տեսանկյունից:

Ֆրանսիայի հավաքականի և ՊՍԺ-ի հարձակվող Կիլիան Մբապեն ֆուտբոլային նոր ռեկորդ է սահմանել՝ ընդամենը 24 տարեկանում դառնալով 300 գոլի հեղինակ:

Ուելսի հավաքականի երկրպագուների թեման հայտնվել է նաև միջազգային մամուլում: Մեր ոստիկանությունը նույնպես ծանուցում է, որ 32 ուելսցու բերման է ենթարկել: Հեռու եմ այն մտքից, թե օտարեկրացիները վեր են օրենքից և չեն կարող բերման ենթարկվել օրինախախտումների դեպքում: Մյուս կողմից, երբ Հայաստանի իշխանությունը քաղաքական նկատառումներով խրախուսում է «մենթական բեսպրեդելը», պետք է հաշտվի այն փաստի հետ, որ դրա թիրախում կարող են ոչ միայն մեր ընդդիմադիրները հայտնվել, այլ նաև օտարեկրացիները: Երկրորդ դեպքում՝ միջազգային աղմուկը, սկանդալը, երկրի հեղինակության անկումն անխուսափելի են:

Երևանը ՀԱՊԿ դաշնակիցներին խնդրել է օրակարգից հանել Հայաստանին օգնության մասին փաստաթուղթը, Լուկաշենկոյի հետ հանդիպմանը հայտարարել է կազմակերպության գլխավոր քարտուղար Իմանգալի Տասմագամբետովը։ Թե բա՝ արտաքին քաղաքական վեկտոր չենք փոխում, արտաքին քաղաքականության դիվերսիֆիկացիա ենք անում:
Կատարյալ արկածախնդրություն. Նիկոլ Փաշինյանի «թեթև ձեռքով» Ռուսաստանի ու ՀԱՊԿ-ի վրայից հանվում է Հայաստանի անվտանգության ապահովման բեռը՝ դրանից բխող բոլոր անբարենպաստ հետևանքներով:

«Հայելի» ակումբում խոսել ենք հիմնականում արտաքին քաղաքական հարցերի շուրջ:

Գառնիկ Իսագուլյանի հետ նաև խորքային հարցեր ենք քննարկել, որոնք վերաբերում են քաղաքական համակարգի որակին, հասարակության մտածողությանը:

Դեկտեմբերի վերջին ՀՖՖ նախագահի ընտրություններ են: Եթե դրանց արդյունքում ՀՖՖ-ում իշխանությունը պահպանի Արմեն Մելիքբեկյան- Արմեն Նիկողոսյան զույգը, որը վայելում է Փաշինյանի անվերապահ աջակցությունը, վախենամ մենք չունենանք անգամ ազգային նորմալ առաջնություն: Media Post Factum-ի անդրադարձը:

● Ամենամեծ վնասը հայերին պատճառել են նրանք, ովքեր հրահրել են Հայաստանին և օգուտ քաղել կռիվներից։ Արևմտյան երկրներից ուղարկված ոչ մի զենք չի կարող փոխարինել կայուն խաղաղությանը։
Ռեջեփ Էրդողան

■ Ճշմարիտ խոսքեր են, եթե նույնիսկ դրանց հեղինակը Էրդողանն է: Չեն կարող լինել և չկան «փրկիչներ»՝ հյուսիսում կամ Արևմուտքում, Հայաստանի պետականության լինելիությունը պայմանավորված է առաջին հերթին հայ-ռուսական և հայ-թուրքական հարաբերությունների որակից:

Հետխորհրդային երկրներից Ուկրաինան, Մոլդովան, Ղազախստանն իրական շանսեր ունեին՝ նվաճելու ֆուտբոլի Եվրոպայի 2024թ-ի առաջնության ուղեգրեր, բայց բախտը նրանց չժպտաց: Հետխորհրդային տարածքը Եվրոպայի առաջնությունում բացակա է լինելու:

«Մենք գործում ենք, երբ արդեն ուշ է: Մենք գործում ենք, երբ ողբերգությունն արդեն տեղի է ունեցել»,- այս կարծիքն է արտահայտել կանադացի պահպանողական սենատոր Լեո Հուսակոսը՝ խոսելով արևմտյան կառավարությունների մասին:
Միանգամայն դիպուկ դիտարկում է, որը ճիշտ էր 100 տարի առաջ և ճիշտ է հիմա:
Իհարկե, մեծ է հավանականությունը, որ մեր հաստիքային արևմտամետները Հուսակոսին կհռչակեն «Պուտինի գործակալ» «տիտղոսով»:

Live News-ին տված հարցազրույցում անդրադարձել եմ տարածաշրջանային նոր իրողություններին, Հայաստանի առաջնահերթություններին:

Երևանի ավագանու նիստերն աստիճանաբար վերահաստատում են աքսիոմատիկ ճշմարտությունը, որ քաղաքային իշխանության լեգիտիմությունը խիստ խոցելի է՝ այն պատճառով, որ կառավարող կոալիցիան չունի մեծամասնություն:

Գոնե լռեք

Այն, ինչ այսօր տեղի ունեցավ Երևանի ավագանու նիստում՝ սովորական խուլիգանություն է, որը, սակայն գործող իշխանության և, այսպես կոչված, տիտղոսային ընդդիմության հարաբերությունների բանաձևն է:
Այս իշխանության, նրա արբանյակների քաղաքական էպիկրիզը, արժեքային սնանկությունը, բարոյական նկարագիրը վաղուց հայտնի են:
Ցավն այլ տեղ է, որ «այլընտրանքի» կարգավիճակում հանդես է գալիս սովորական խուժանը՝ փողոցային բառապաշարով:
Նման «այլընտրանքը» Փաշինյանի իշխանության թթվածին է, որովհետև Նիկոլ Փաշինյանին, Տիգրան Ավինյանին, մյուսներին ազատում է իրական պատասխանատվությունից:
Ես ընդդիմադիր գործիչ եմ ու ակտիվ հարցազրույցներով, հրապարակային տեսակետներով փորձում եմ այլընտրանքային քաղաքական բովանդակություն ձևակերպել, փորձում եմ հանրությանը հույս ներշնչել, որ «Ազգակործան պատուհասը» մեր երկրին պարտադրված դատավճիռ չէ:
«Խլեշով» այս իշխանությանը չես «փչացնի», որովհետև «փչացած» բանը նորից «ինքնահաստատվելու» կարիք չունի:
Բայց Երևանի ավագանու «ընդդիմադիր» անդամների խուլիգանությունը, «խլեշը» վարկաբեկում են իրական ընդդիմադիր խոսքը, արժեզրկում են իմ, քաղաքական խոսք ունեցող մյուս ընդդիմադիրների ջանքերը:
Նիկոլն ու նրա թիմը կործանել են Արցախը, կոնին դրած է Հայաստանի ճակատագիրը, «տիտղոսով» ընդդիմադիր ոմանք «փոխլրացնում» են իշխանության ջանքերը:
Գոնե լռեք, թույլ տվեք իրական ընդդիմության կայացումը, առանց այն էլ՝ իմ պես մտածողների ռեսուրսները խիստ սահմանափակ են: Հա, սահմանափակ են՝ իշխանության լակոտների ու «խլեշակիր» ընդդիմադիրներ դեմ երկու ճակատով պայքարելու համար: