⚡️Rossiya Tergov qo’mitasi raisi: Markaziy Osiyolik 10 ming muhojir Ukrainadagi harbiy operatsiyaga yuborildi

RF Tergov qo’mitasi raisi
Aleksandr Bastrikinning aytishicha, Rossiyada yaqinda Rossiya federatsiyasi fuqaroligini olgan va harbiy ro’yxatga olinmagan 30 mingdan ortiq muhojirlar aniqlangan.

“Ulardan 10 mingga yaqini maxsus harbiy operatsiya zonasiga allaqachon yuborilgan”, deydi RF vakili.

Unga ko’ra, bu “hiyla” (migrantlarni urushga yuborish) RFga migrantlarning oqimini pasaytirishga yordam beradi.

Ma’lumot uchun. Hozirgi kunda Rossiyada 10 mlndan ortiq mehnat muhojirlari bor. Tahlillarga ko’ra, ular Rossiya iqtisodining 5-10% ta’minlaydilar.

Eslatma: Chet davlatlarning harbiylashgan tuzilmalariga yollanish jinoiy javobgarlikka sabab bo’ladi.

Savol: Rossiya rasmiylarining bayonoti qanday maqsadga ega?

Strategic Focus: Central Asia - LIVE

Tolibon elitasining etnik tarkibi va legitimlik

Yaqin Sharq tadqiqot instituti (MERI) yaqinda Tolibon rahbariyatining etnik tarkibi to’g’risida keng qamrovli hisobotni e’lon qildi. Unga ko’ra, amirlikning 1137 nafar yuqori martabali amaldorlaridan faqat 87 tasi tojik, o'zbek va xazar millatiga mansub.

Bir qator siyosiy arboblar va ekspertlarning ta’kidlashicha, bu 87 kishi Tolibon qarorlariga real ta’sir ko’rsatolmaydi va o’z etnik guruhlarini vakili hisoblanmaydi.

Sobiq deputat Abdul Zohir Salangi aytishicha, Toliblar rejimiga qo’shilgan tojiklar aksar tojiklarning madaniy va tarixiy o’ziga xosligini aks ettirmaydi. Qolaversa, bu shaxslar tojik xalqining asl vakillari ham emas, balki Tolibonga xizmat qilayotgan askarlardir. Salangi, shuningdek, Tolibon hukumati nafaqat pashtun bo’lmagan xalqlarni, balki Pashtun aholisining aksariyatini ham ezib, huquqlarini va siyosiy mavqeini yo’qqa chiqarayotganini aytdi.

Tolibon bilan tinchlik muzokaralari olib borgan guruhning a’zosi Habiba Sarabi xazarlarning Tolibon hokimyatida vakilligi nomutanosib past ekanligini ta’kidlamoqda. Bundan tashqari, mavjud rejimdagi xazarlar o’z jamoatlarining manfaatlarini munosib himoya qila olmasligi va Tolibon hukmronligi ostida qattiq repressiyalarga duch kelayotganiga urg’u berilmoqda.

Afg'oniston Milliy Islomiy harakati rahbarining o’rinbosari Abdulla Qarluq o’zbeklar borasida yuqoridagi fikrlarni takrorladi. U Tolibon safidagi bir necha o’zbeklar guruh bilan mafkuraviy jihatdan uyg’unlashganini, o’qimishli va malakali o’zbeklar esa chetda qolayotganini ta’kidladi.

Hisobotga ko’ra, Tolibon rahbarlarining etnik tarkibi 1137 yuqori martabali amaldorlarning 891 tasi pashtun. Qolgan amaldorlar qatoriga 53 tojik, 28 o’zbek va 6 xazar kiradi. Ayni vaqtda, etnik kamchilik vakillaridan eng katta lavozimlarni tojik Nuruddin Aziziy (savdo va sanoat vaziri) va o’zbek Abdul Salam Hanafiy egallamoqdalar (bosh vazir o’rinbosari).

Shunday qilib, pashtun bo’lmagan etnik guruh vakillari Tolibon hukumatida uncha katta rolga egamasligini ko’ryapmiz.

Hududlararo tahlil shuni ko’rsatdiki, asosiy rahbarlik lavozimlarni Qandahor va Paktiyaliklar egallagan (ikkalasida ham aksar aholi pushtunlar). Hukumatda, shuningdek, pashay, baluch va turkman vakillari ham kichik ta’sirga ega joylarni olganlar.

Umuman olganda, pushtunlashtirish siyosati davom etayotgan davrda hukumatda milliy ozchiliklar yuqori lavozimlarni egallashi dargumon. Va aynan shu sabab jahon hamjamiyati toliblar legitimligini savol ostiga qo’yishni davom etadi. Taxminlarga ko’ra, bu holatning davom etishi ichki ijtimoiy-siyosiy vaziyatni yanada chigallashtiradi.

Savol: 1. Afg’onistonda real inklyuziv rejim o’rnatilganmi?

2. O’z kuchi bilan hokimyatni egallagan Tolibon uni boshqalar bilan baham ko’rishi kerakmi?

Strategic Focus: Central Asia - LIVE

🇺🇸Bayden va Tramp birinchi saylovoldi debatlarini o’tkazdilar.

Asosiy bayonotlar:

— Trampning aytishicha, Ukraina Rossiya bilan mojaroda yutqazmoqda. U noyabrdagi saylovlarda g’alaba qozonsa, mojaroni tezda hal qilishga va’da berdi.

— Agar Bayden saylovda g’alaba qozonsa, AQShdan “hech narsa qolmaydi”, deb hisoblaydi Tramp. Uning fikricha, amaldagi prezident AQShni uchinchi jahon urushiga tortmoqda. Tramp Baydenni “Amerika tarixidagi eng yomon prezident” deb atadi.

— Tramp Baydenga “aqliy”imtihonidan o'’ishni taklif qildi va uni o’zi ikkita marta shu imtihonni topshirganini aytdi.

— Bayden raqibini “omadsiz va luzer” deb atadi.

— Bayden o’zini Amerika qo’shinlari o’z mamlakatidan tashqarida o’lmaydigan AQSh prezidenti deb atadi (aslida bunday emas).

— Bayden Trampni prezidentlikdan keyin iqtisoddagi tartibsizlikni qoldirganlikda aybladi.

— Bayden Kreml Ukrainada g‘alaba qozonsa, Rossiya Belarusga tahdid qilishini aytdi va jahon urushi istiqbollari haqida gapirdi.

Strategic Focus: Central Asia - LIVE

📣📣Germaniya Bundestagi stipendiyasi IPSga hujjat topshirishga hozirmisiz?📣📣
Shartlar o’sha-o’sha: nemis tilini juda yaxshi darajada bilish, universitetni tamomlagan bo’lish, Germaniya siyosati, tarixi va jamiyati haqida xabardor bo’lish va stipendiya berilish vaqti yoshingiz 30 yoshdan oshmasligi. Bu va boshqa qiziqarli ma’lumotlar haqida ayni damda Germaniya Bundestagida amaliyot o’tayotgan yoshlar tayyorlagan videodan bilib olishingiz mumkin!
Ariza topshirish oxirgi muddati 31 uyil.
📣📣Вы готовы подать заявку на парламентскую стипендию Бундестага IPS?📣📣
Условия те же: очень хорошие знания немецкого языка, законченное университетское образование, знания в области немецкой политики, истории и общества, и возраст до 30 лет на момент предоставления стипендии. Эту и другую интересную информацию Вы можете узнать в видеоролике, подготовленном нашими узбекскими стипендиатами в Бундестаге!
Последний срок подачи заявок 31 июля.
 

⚡️🇮🇱🇮🇷 Netanyaxu: Eron Yaqin Sharqni egallamoqda

Sionist rejim bosh vaziri Eron bilan bog’liq so’nggi bayonotlarida Eron Yaqin Sharqni o’z qo’liga olayotganini da’vo qildi.

Netanyaxu aytishicha, bu maqsad amalga oshishiga yaqin va bu faqat vaqt masalasidir.

Strategic Focus: Central Asia - LIVE

📡 AQShning Markaziy Osiyodagi siyosati: Bayden vs Tramp

Jo Bayden va Donald Tramp o’rtasidagi teledebatlar AQSh tashqi siyosati masalasiga yana bir bor e’tibor qaratdi. 2024 yilgi prezidentlik saylovlari arafasida ikkala tomon ham xalqaro munosabatlarga, shu jumladan Markaziy Osiyoning strategik muhim mintaqasiga o’z qarashlarini taqdim etdilar. AQShning mintaqadagi siyosati Oq uyni kim egallashiga qarab sezilarli darajada o’zgarishi mumkin.

Ko'p vektorli diplomatiyasi va xalqaro institutlarni qo’llab-quvvatlashi bilan tanilgan Jo Bayden ma’muriyati ko’p tomonlama tashkilotlar va iqtisodiy tashabbuslar orqali Markaziy Osiyo respublikalari bilan aloqalarni mustahkamlash yo’lini davom etishi mumkin. Bayden allaqachon infratuzilmani rivojlantirish, iqtisodiy hamkorlik va mintaqadagi iqlim o’zgarishiga qarshi kurashishga qaratilgan loyihalarni qo’llab-quvvatlashga tayyorligini namoyish etgan edi. C5+1 formatdagi yuqori darajadagi uchrashuvlar Bayden ma’muriyatining AQSh uchun strategik ahamiyatga ega bo’lgan hududlar bilan hamkorlikni kuchaytirish niyatidan dalolat beradi.

Bayden qayta saylangan taqdirda, Markaziy Osiyo mamlakatlarida fuqarolik jamiyati va inson huquqlarini qo’llab-quvvatlash siyosatini davom ettirishni kutish mumkin. Ushbu strategiya iqtisodiy yordamni ham, mintaqa hukumatlariga inson huquqlari va demokratik islohotlar bilan bog’liq vaziyatni yaxshilash uchun diplomatik bosimni ham o’z ichiga olishi mumkin. Shunday qilib, Baydenning siyosati global muammolarni hal qilishda AQShning muhim hamkori bo’lishi mumkin bo’lgan barqaror va gullab-yashnayotgan mintaqani shakllantirishga intiladi.

Boshqa tomondan, Donald Tramp o’zining oldindan aytib bo’lmaydiganligi va ikki tomonlama bitimlarga e’tibor qaratgani bilan mashhur bo’lib, Markaziy Osiyodagi alohida davlatlar bilan xavfsizlik va savdo aloqalarini mustahkamlashga e’tibor qaratadi. Tramp ma’muriyati AQSh energiya xavfsizligini ta’minlash va Amerikaning iqtisodiy manfaatlarini ilgari surish maqsadida Qozog’iston va O’zbekiston kabi mintaqaning asosiy davlatlari bilan katta shartnomalar tuzishga e'tibor qaratadi.

Tramp, ehtimol, AQShning ko’p tomonlama tashkilotlarda ishtirokini kamaytirishga intiladi va munosabatlarning pragmatik jihatlariga e’tibor qaratib, inson huquqlari masalalariga kamroq urg’u beradi. Uning yondashuvi Amerika strategik manfaatlarini qo’llab-quvvatlash evaziga harbiy hamkorlikni kuchaytirish va mintaqadagi mamlakatlarga qurol sotishni o’z ichiga olishi mumkin. Bunday siyosat AQShning Markaziy Osiyodagi ta’sirini kuchaytirishi mumkin, ammo bu keskinlik va beqarorlik xavfini oshiradi.

Bayden va Tramp o’rtasidagi teledebatlar ularning xalqaro siyosatga yondashuvlarida aniq farqni ko’rsatdi. Bayden xalqaro hamkorlikni mustahkamlash va global tartibni saqlashni qo’llab-quvvatladi, Tramp esa milliy manfaatlar va ikki tomonlama kelishuvlarga e’tibor qaratdi. Ushbu farqlar kelgusi yillarda AQShning Markaziy Osiyo siyosatini shakllantirishda hal qiluvchi ahamiyatga ega bo’ladi.

2024 yilgi prezidentlik saylovlarida Bayden va Tramp o’rtasidagi tanlov Markaziy Osiyo mamlakatlarini qiyin dilemmaga olib keladi. Baydenning demokratik islohotlarga yo’naltirilgan tashqi siyosati bosim va aralashuv sifatida qabul qilinishi mumkin, Trampning pragmatik yondashuvi esa mahalliy hokimyatlarni kuchaytirishi va beqarorlik uchun sharoit yaratishi mumkin. Saylov natijalaridan qat’i nazar, AQShning mintaqadagi siyosati munozarali va qiyin bo’lib qoladi, barqaror va o’zaro manfaatli hamkorlikka erishish uchun muvozanatli va strategik yondashuv talab etiladi. Manba.

Strategic Focus: Central Asia - LIVE

Aliyev Isroil va Turkiya o’rtasida

Bokudan kelgan ma’lumotlarga ko’ra, Ozarbayjon va Isroil o’rtasidagi qurol-yarog’ va neft yetkazib berishga asoslangan munosabatlar Turkiyaning G’azo mojarosi tufayli kuchayib borayotgan bosimi bois xavf ostida qolgan.

Ozarbayjon, aholisi aksar qismi musulmon bo’lishiga qaramay, Isroilning G’azodagi harbiy harakatlari uchun unga nisbatan hech qanday qarshi chiqishlar qilmadi. Bu vaziyat Bokuni boshqa musulmon davlatlaridan ajratib turadi.

Ta’kidlanishicha, so’nggi yillarda Isroil va Ozarbayjon o’rtasidagi munosabatlar mustahkamlandi. Isroil Ozarbayjon neftining asosiy xaridoriga aylandi (Boku va Astana Tel-Avivning 60% neftini yetkazib beradi). O’z navbatida, Isroil tomonidan taqdim etilgan qurol-yarog’ Ozarbayjonning 2020-yilda Tog’li Qorabog’ urushida g’alaba qozonishida muhim rol o’ynadi. Moddiy manfaatlardan tashqari, mamlakatlarni geosiyosiy maqsadlar, ayniqsa Eron yo’nalishida, birlashtiradi.

Ma’lumot uchun. Ozarbayjonda 7-16 ming kishidan iborat kichik yahudiylar jamoati mavjud. Qizig’i ular son jihatdan kam bo’lsada, siyosiy mavqe borasida katta ta’sirga ega.

Diplomatlar aytishicha, Turkiya va Isroil o’rtasida G’azo tufayli keskinlik kuchayib borayotgan bir paytda, Ozarbayjon qiyin vaziyatga tushib qoldi. Ozarbayjonning asosiy ittifoqchisi bo’lgan Turkiya Bokudan Isroilga nisbatan qattiqroq pozitsiyani talab qilyapti. Tahlilchilarning fikricha, bu bosim Ozarbayjon va Isroil o’rtasidagi barqaror munosabatlarga tahdid solishi mumkin.

Ozarbayjon Isroilning harbiy va razvedka masalalarida, xususan Armaniston bilan ziddiyat va Eron bilan to’qnashuvda qo’llab-quvvatlashini qadrlasa-da, Turkiyaning bosimi, shubhasiz, Bokuni o’z pozitsiyasini qayta ko’rib chiqishga majbur qiladi.

Hozirgi vaqtda Ozarbayjon manfaatlar to’qnashuvidan qochish va Isroil bilan yaqin, ammo “sokin” munosabatlarini davom ettirish uchun G’azoda tezroq sulh tuzilishiga umid qilyapti.

Yuqoridagilardan kelib chiqqan holda, Aliyevning keyingi qadamlarini turli ssenariylarda taxmin qilish mumkin:

1. Muvozanatni saqlash: Hech bir tomon bilan munosabatlarga tahdid solmagan holda Aliyev Isroil va Turkiya o’rtasida balansni saqlab qolishga harakat qiladi. Bunga rasmiy Boku G’azodagi mojaroni hal qilish bo’yicha diplomatik sa’y-harakatlarda faol ishtirok etishi va tinch yo’l bilan hal qilish muhimligini ta’kidlashi kiradi.

2. Isroilning jimgina qo'llab-quvvatlashi: Turkiyaning bosimiga qaramay, Ozarbayjon Isroilni, ayniqsa harbiy va razvedka masalalarida jimgina qo’llab-quvvatlashda davom etadi. Bu kontekstda Aliyev Isroildan olingan strategik imtiyozlarni saqlab qoladi va Turkiya bilan ochiq mojaroni oldini olishga maksimal harakat qiladi.

3. Turkiyaga imtiyozlar: Anqara bosimi ostida Aliyev Turkiya tomon ramziy qadamlar qo’yadi mumkin, masalan, Isroil bilan mavjud strategik va iqtisodiy aloqalarni to’xtatmasdan Isroilning G’azodagi harakatlarini qattiqroq qoralaydi.

4. Faol vositachilik: Ozarbayjon o’zini Turkiya va Isroil o’rtasida vositachi sifatida taklif qiladi, bu esa keskinlikni yumshatish va xalqaro maydonda Bokuni muhim o’yinchi sifatida mavqeini kuchaytirishi mumkin.

Savol: 1. Boku Tel-Aviv bilan aloqalarni qay tarzda davom ettiradi?

2. Turkiya Ozarbayjonga qarshi qanday choralar ko’rishi mumkin?

Strategic Focus: Central Asia - LIVE

Kreml Krutoyni tayinlash orqali Minskdagi ta’sirini kuchaytirdi

Minskdan kelgan ma’lumotlarga ko’ra, Dmitriy Krutoyning (avvalroq Belorusiyaning Moskvadagi elchisi lavozimini egallagan) Lukashenko ma’muriyati rahbari lavozimiga tayinlanishi Kremlning faol qo’llab-quvvatlashi bilan sodir bo’lgan.

Aytishlaricha, Krutoy nafaqat Moskvaning “qo’g’richog’i”, balki Viktor Lukashenkoga (katta o’g’il) yaqin odam. Aynan shu omillar tufayli Aleksandr Lukashenko uning tayinlanishiga jiddiy qarshilik ko’rsatgan.

Mish-mishlarga ko’ra, prezident Lukashenko Minskda “Moskva partiyasi”ning kuchayishidan qo’rqib, katta o’g’li va rossiyaparast kuchlarning mavqeini oshirishini istamagan.

Bu fonda Minskdagi tahlilchilar quyidagilarni taxmin qilyaptilar:

1. Viktor Lukashenkoning mavqeini mustahkamlanishi: Krutoy tomonidan qo'llab-quvvatlanadigan Viktor Lukashenko Belorussiyada rossiyaparast qanotning norasmiy rahbari bo’lishi mumkin. Uning Rossiyaning nufuzli Qodirovlar va Patrushevlar bilan yaqin aloqalari uning ta’sirini yanada kuchaytiradi.

2. Aleksandr Lukashenko bilan ziddiyat: Aleksandr Lukashenko kichik o’g’li Nikolayga tayanganiga va Natalya Kochanova (Belarus parlamenti rahbari) hamda Natalya Petkevichning (Prezident ma’muriyati rahbari o’rinbosari) qo’llab-quvvatlashiga qaramay, mamlakat ichida tobora kuchayib borayotgan qarshilikka duch kelmoqda. Uning tashqi ishlar vaziri Aleynikka (Minskdagi ekspertlarga ko’ra, ishonch yo’qotgan sabab vazifasidan ozod etilgan) ishonmasligi va Kreml bilan murakkab munosabatlari uning vaziyatni nazorat qilish qobiliyatini susaytirishi mumkin.

3. Rossiya tomonidan harbiy bosim: Belorussiyada taktik yadro qurolini himoya qilish bahonasida Rossiya razvedka maxsus bo’linmalari va Vagner xususiy harbiy kompaniyasi faoliyatlarini muvofiqlashtirish orqali o’z harbiy ishtirokini oshiradi. Yaqin orada Belarus hududidan Kiyevga yangi front ochish uchun foydalanish rejalari ishlab chiqilishi mumkin, bu esa mamlakatdagi siyosiy beqarorlikni yanada kuchaytiradi.

4. Viktor Lukashenkoga hokimiyatni topshirish ehtimoli: Aleksandr Lukashenkoning kasalligi va uning zaiflashgan pozitsiyalari haqidagi mish-mishlar fonida “turkman variantini” amalga oshirish imkoniyati muhokama qilinmoqda, unda hokimiyat bu yil Viktor Lukashenkoga o’tkazilishi mumkin. Ushbu voqea Belarusning ko’p vektorli siyosatining tugashini va uning Rossiya ta’siriga to’liq singib ketishini anglatadi.

Umuman olganda, Belorussiyadagi vaziyat juda beqaror bo’lib qolmoqda va mamlakatning kelajagi ichki hokimiyat uchun kurash va Rossiyaning tashqi bosimiga tobora bog’liq bo’lib qolyapti.

Strategic Focus: Central Asia - LIVE

Hindiston TIV rahbari Qatarga tashrif buyurdi

Tashrif davomida Hindiston tashqi ishlar vaziri o’z hamkasbi Shayx Muhammad bin Asbdurahmon Ol Soniy bilan uchrashadi (u ayni vaqtda amirlikning bosh vaziri ham hisoblanadi).

Hindiston tashqi ishlar vazirligi press-relizda ushbu tashrif Qatar va Hindistonga “ikki tomonlama munosabatlarning turli jihatlarini, shu jumladan siyosat, savdo, investitsiyalar, energetika, xavfsizlik va madaniyat sohasidagi munosabatlarni ko'rib chiqishga” imkon berishini aytilgan.

Endi Qatar va Hindiston o’rtasidagi munosabatlar haqida bir nechta faktlarga to’xtalsak.

- Qatarda 800 mingga yaqin hind jamoasi, bu Doha aholisining + 30 foizini tashkil etadi.

- Hindiston Qatarga 1,96 milliard dollarlik tovarlarni eksport qildi, amirlikdan esa 16,8 milliard dollarga import qildi.Qatarning Hindistonga eksportini asosan, suyultirilgan tabiiy gaz, neft-kimyo, plastmassa va alyuminiy tashkil etadi. Hindistonning Qatarga eksporti esa don, mis mahsulotlari, temir, po’lat, meva-sabzavotlar, ziravorlar va qayta ishlangan oziq-ovqat mahsulotlaridan iborat.

- Hindiston TIV ma’lumotlariga ko’ra, mamlakat Qatarning eng yirik uchta eksport hamkorlaridan biri hisoblanadi. Amirlik, shuningdek, Hindistonga eng yirik tabiiy gaz yetkazib beruvchisidir (umumiy gaz importning 48%).

- Qatarda Hindistonning 15 mingga yaqin kompaniyasi ishlaydi.

- Hindiston bosh vaziri N. Modi Qatarga 2016-yil va 2024-yil fevral oyida tashrif buyurgan.

Strategic Focus: Central Asia - LIVE

⚡️Fransiyadagi parlament saylovlarida Marin Le Penning o‘ta o‘ng partiyasi g‘alaba qozondi.

Makronning partiyasi uchinchi o‘rinda joylashdi.
—
⚡️Ультраправая партия Марин Ле Пен побеждает на парламентских выборах во Франции.

Партия Макрона - на третьем месте.

Strategic Focus: Central Asia - LIVE

🟥 Makroiqtisodiy va hududiy tadqiqotlar instituti ilmiy-tadqiqotchilarni ishga taklif qiladi.

✅ Batafsil

Aloqa:
☎️ +99855 520-00-17 (139)
📧 HR@imrs.uz

📲 "Telefon huquqiga" suyanmang, nomzodlar faqat meritokratiya tamoyillari asosida ko'rib chiqiladi. Yangi O'zbekistonni birgalikda quramiz!