قصة جديدة: #مرام

قراءة ممتعة🫶🏼

#مرام
#بقلم_مريم_اليوسف

#الجزء_الاول
(ملاحظة يلي بيسرقا وبشيل اسمي عنها او بحط اسمو الله لا يسامحو من هلق عم قلكم 😊😊)

مرام العيسى صاحبة شركة من اكبر الشركات العيسى للتجارة والسياحة في اللبنان والشريق الاوسط.
طرق باب المكتب
مرام:ادخل
السكرتيرة:استاذة مرام صار وقت الاجتماع
مرام: اجتماع ؟؟؟ اجتماع شو
السكرتيرة : اجتماع مع شركة عبد الرحيم ...
مرام:لحظة ..... شركة عبد الرحيم مين
السكرتيرة : هيدي الشركة لمحمد عبد الرحيم ابو يوسف
مرام:.............. ومين حضر من هيدي الشركة ليحضر الاجتماع
السكرتيرة:يوسف عبد الرحيم ابن محمد عبد الرحيم هو مستلم الشركة من والدو وحابب يتعرف عليكي شخصيا
مرام :ومين رتب هيدا الاجتماع
السكرتيرة :الاستاذ الاحمد
مرام: ياربي منك يا احمد .....بتلغي الاجتماع
السكرتيرة: بس يا استاذة
مرام:انا قلت الاجتماع بيلتغى
السكرتيرة: ممكن يعتبروها اهانة .... ويوسف عبد الرحيم شخصية معروفة
مرام:...اممم...... طيب .... بتقولي انها صاحبة الشركة صار عندها وضع طارق ومتطرة اتأجل الاجتماع وعطيهم موعد بعد اسبوع لحتى شوف شو بدي اعمل بهل المصيبة
السكرتيرة :حاضرة استاذة مرام .
طلعت السكرتيرة ومرام قعدت ع الكرسي وحست قلبها صار يشعل بنار فتحت درج المكتب وطلعت حبة مهدء وضغط وشربتها وطلعت من الشركة اجت سيارتها
الى باب الشركة نزل منها الشوفير فتحلها باب السيارة
ركبت وراحت ع فيلاتها و دخلت ع غرفتها بدلت ملابسها وراحت اتوضت وصلت لانها كانت تعتبر الصلاة الشيء الوحيد في حياتها الذي يهديها وينسيها الحياة ....وهية عم تسجد عيونها بدأت بزف الدموع ع سجادة الصلاة انتهت من صلاتها ....قامت ووقفت على النافذةغرفتها كانت تتطل على البحر وبعد وقت قليل يطرق باب غرفتها
مرام : ادخل (دخلت الخادمة عليا ...ومرام كانت تعتربها مثل والدتها بالظبط .عليا امراة فقيرة عندها شاب وفتاة بأعمار العشرينات...الشاب موظف في شركة مرام اسمه غسان والفتاة اسمها ليلى تدرس في كلية طب ...يسكنون في ملحق الفيلا )
عليا :حبيبتي مرام ليش جاي بكير
مرام :مافي شي ياخاله ...شوية تعب
عليا :ياحبيبيت قلبي سلامتك ...جبلك دكتور
مرام :هههه ....لا لا مافي داعي للدكتور
دخلت ليلى :مرام حبيبتي كيف يا اختي الكبيري
مرام :اجت الغليظةهههه ....مشتاقتلك يا اختي الصغيري
ليلى:وكيف تنازلت جالالة الملكة مرام واجت عالبيت
مرام :ههههه .... ياندلة ما انا عطول يا بالشغل يا البيت ....بس انت يلي مابتقعدي بتضلي من مكان لمكان مع اصحابك وكل مابسأل عنك مابلاقيكي
ليلى:ههههههه الله يسامحك يامرام ...متل مابدك
عليا :انا طالعة جهز الغدا
ليلى :مرام انت زعلانة ؟؟؟
مرام :لا مافي شي لاتشغلي بالك
ليلى :مرام ليش انت هيك؟؟؟ بتقوليلي انت يا ليلى اختي طيب الاخوات مابيفتحو قلبون لبعض .... انا مابعرف عنك شي غير انك مرام صاحب الاعمال وبس .... انت بنت اكتير غامضة ...صح انت بتضحكي وبتمزحي بس مبين في بقلبك وجع ....احكيلي شوفي بقلبك لاتضلي حابسي بقلبك.....احكيلي شوفي بقلبك فضفضي ارتاحي
مرام تسمع كلام ليلى والدموع على خدها ولم ترد
ليلى :انا اسفة اذازعجتك وهلق عن اذنك عندي دراسة . مشت ليلى لكن مرام اوقفتها
مرام :ليلى .......... انت عنجد بدك تسمعي قصتي
ليلى بفرح :ياريت
مرام :اقعدي لاحكيلك ...بس مشان تعرفي انك متل اختي واعز .....وذهبت مرام بذاكرتها الى سبع سنين مضت عام ٢٠١٠.
وبدأت تحكي لها .
....................................................
*فلاااااش بااااك*
..قبل سبع سنين ..
في غرفة صغيرة من حارة عشوائية تسكن فيها مرام وامها سلمى واختها عبير
سلمى :مرام يلله قومي رح تتأخري ع جامعتك اليوم هو اول يوم دوام الك فيها
مرام:حاضر يا امي .قامت مرام غسلت وجهها وفطرت مع اختها وامهااكلت القليل من الطعام وبدلت ملابسها وذهبت الى الجامعة .وقفت امام الكلية تقول في نفسها مالذي ينتظرني هل هو عالم مشرق ام عالم مظلم .... ياالله تساعدني وتكون معي لان امي واختي مستقبلهم متوقف علي واملهم كبير ان انجح واتفوق واتوظف واصرف عليهم واتكفل بعلاج اختي قرة عيني
دخلت مرام الجامعةوهي متفائلة من القادم
وبدأت حياتها في الجامعة كانت مرام متفوقة جدا ومثابرة.......... وتمر الايام ومرام متابعة في دراستها، كانت بسيطة جدا وكانت وحيدة لا احد يقترب منها ،بسبب وضعها المادي بعكس باقي طلاب الجامعة كانوا يعيشون احلا ايام حياتهم وكانو يلبسون اجمل الملابس واغلاها ويركبون احلا السيارات . مرام كان عندها فقط بعض الملابس القديمة . كانت مرام تعاني كثير من مدايقت زوملائها بسبب شكلها وملابسها وكانو يسموها بالشرشوحة ومرام كانت لاتهتم لما يقولون لكنها تحس بغصة في قلبها بسبب كلامهم الجارح وكانت تبحث عن احد تشكي له همومها ولكن لايوجد احد يسمع همومها

وبعد الجامعة تذهب وتمشي بالشوارع او تجلس على البحر حتى تحس انها اصبحت جيدة لكي لايعرفو امها واختها بالوجع الذي بداخلها وترجع الى البيت وابتسامتها العريضة التي تخفي تحتها الف وجع .ومنهم اختها عبير صاحبة العشرة اعموام المقعدة في الفراش بسبب مرض السرطان في عامودها الفقير واباها المتوفي من خمس سنوات وامها التي تعمل في المنازل من اجل لقمة العيش التي لاتكفي لشيء ومن نظرات زوملائها وسخريتهم منها ومصروفها ومصروف الطرقات .....
....................
.......في الجامعة......
سليمان:وينو هيدا الصايع يوسف صرلو فترة ما اجا ع الجامعة .
كرم:اي شو بهمو اذا الجامعة كلها على حسابو ....
(مرت مرام من امامهم )
سليمان: بدي اعرف هيك عالم شو بجيها ع الجامعة شوبده يطلع منها تروح تشتغلا شي شغلة تعيش منها .
كرم:ههههه .... يمكن تطلع بيوم من الايام دكتورة او مهندسة اوصاحبة اعمال .(وصارو يضحكو بسخرية)
مها قربت منهم :ع شو عم تضحكو
سليمان:ع هالاشكال الي عنا بالجامعة
مها :ههههه معكن حق ...... واحلا شغلة فيها انها واثقة من نفسها ..... لازم هيك اشكال يمنعوهم من الدراسة بهيك جامعات .... المهم وينو يوسف ماعم يجي ع الكلية ليش
كرم: مابعرف اذا كل الجامعة ع حسابو بيجي وقت بده وبروح وقت بده
....................................................................مرام رجعت بيتها
مرام :السلام عليكم
عبير :وعليكم السلام
مرام :كيفها اختي الحلوة الامورة
عبير :مشتاقة لاختها اكتير
قربت مرام لجنب اختها واخذتها بحضنها
مرام :وانا كمان اشتقتلك ياروح اختك .... وينها الماما
عبير :بعد ما اجت ...
مرام :الله يعطيها العافية ..... اي حبيبتي عبير عم تاخدي دواكي
عبير : الحمد لله عم اخده كله بس الجرعات عم تعذبني
مرام :اصبري .......قال الله تعالى(وبشر الصابرين)
عبير :الحمد لله ع كل حال
وصلت سلمى من الشغل وكان جسمها تعبان جدا
سلمى :كيف حالكن يا بنات
مرام وعبير :بخير ياماما ..... الله يعطيكي العافية
سلمى :الله يعافي قلبكن
جهزو الغدا .... وقعدوا اكلو .....
....................................................................
في الفيلا عند يوسف
يوسف صاحي من النوم الساعة الثانية ظهرا
يوسف :صباح الخير
منار ام يوسف :صباح النور ياحبيبي .... بس الوقت الضهر مانو الصبح
يوسف :سووري ياماما اتأخرت بالنومة .... بس طولت بالسهرة امبارح
منار:بيك عصب علي اليوم وقال بكرا بدك تفيق بكير وتروح ع جامعتك
يوسف :حاضر ياماما..... بكرا ان شاء الله بروح ع الجامعة .
...................................................................
تاني انهار في الجامعة
مرام داخلة من بوابة الجامعة اصطدمت بمها وهية داخلة
مها :انتي مابتشوفي قدامك
مرام :انا اسفة ماكان قصدي
مها:الله يلعنك وسختيلي تيابي
مرام:عفوا بأيش وسختلك تيابك
مها :انت مابتوقفي ع المراي قبل ماتجي ... روحي شوفي حالك .... والبسي شي يليق عليكي
مرام:لبسي عاجبني وماني متطرة غيرو مشان اي حدا واذا منظري ماعاجبك فيكي لما تشوفيني تبرمي وجهك لتاني جهة ...... (ومشت)
مها عصبت ومشت اتجاه سليمان وكرم
سليمان :ليش هيك معصبي
مها:من هاي الحشرة الي دخلت
كرم:عن مين عم تحكي مين الحشرة
مها:لك شرشوحة الجامعة ..... انسيتوها
كرم:ليش شو عملتلك
مها :وانا داخلة من باب الكلية خبطت فيني .... وحاسة جسمي صار يحكني ..... ييي ع القرف
سليمان :طولي بالك الك علينا انطفشها من الجامعة بس طولي بالك علينا اشوي
كرم :شرف البرنس يوسف
يوسف :صباح الخير ..كيف حالكم جميع
مها :تمام وانت كيف حالك وين هالغيبة
كرم :صباح النور.....وجهك ولا ضوء القمر
سليمان: اهلا كيفك يوسف
يوسف: انا الحمد لله بخير ....كنت عم عيش حياتي بالطول والعرض ....بس الوالد اصر علي مشان انزل ع الجامعة..... احكولي شوفي شي جديد هاي السنة في وجوه حسنة
سيلمان:والله مافي ولا وحدة بتدخل الدماغ ... بنات السنة الماضية كانو احلا
كرم:في وحدة وممكن تعجبك .
يوسف :ومين بتكون
كرم :مرام ..... "صار يضحك بسخرية
وسليمان ومها صارو يضحوا
يوسف :لك شوفي مين هاي مرام
مها :وهيه عم تضحك شرشوحة السنة
يوسف : تضربو فكرت شي وحدة بس مزال قلتلو شرشوحة افهمت قصدكم .....
سليمان :صحيح شرشوحة بس خلقتها حلوة
مها :لا مانها حلوة ابدا
كرم :ليش الكذب البنت حلوة وكتير
مها :احلا مني
كرم وسيلمان اتطلعو ببعضن وضحكو
سليمان :هلق هية مانها احلا منك بس اذا بتلبس متلك بتصير احلا منك
مها نرفزت وعصبت كتير منهم :بسيطة انا بفرجيكم انتو واياها .... ومشت
يوسف :اي احكولي شو قصتها الشرشوحة

سليمان :بنت فقيرة تيابها مشرشحين متلها يعني بدك تقول متل المتسولين
يوسف :اف لهل الدرجة في ناس فقيرة
سليمان: كذابة هية بتكون هيك لابسة مشان شي حدا يشفق عليها
كرم :خلصونا ماضل غير سيرة هالشرشوحة تحكو عنها قومو خلينا نحضر المحاضرة .
ذهبو كلهم ليحضرو المحاضرة
................... . ........ .........
في البيت عند مرام
مرام فتحت الباب ودخلت
كانت جارتهم قاعدة مع اختها عبير
مرام :كيف حالكن ياحلوين
عبير وسلام :الحمد لله بخير انت كيفك يا مرام ليش راجعة قبل وقتك
مرام :المحاضرات مانهم ضروريات اليوم
وبنفسها تقول ياريت لو اغضر احكيلكن كلشي في بقلبي بس اختي يلي فيها مكفيها والخالة سلام مانقصها كمان.... يارب بس بدي حدا اشكيلو كلشي بقلبي وهمي .سلام :مرام ....مرام....وين شاردة
مرام :اااااه ....لا مافي شي ..... خالة سلام اذا بتحبي فيكي تروحي ع بيتكم انا هون رح ضل مع عبير ....
سلام :ماشي يابنتي ..... انا لكن لقوم اطبخ لولادي هلق بيجو من المدرسة باي يابنات
مرام وعبير :الله معك
مرام:اي ياحلو شو بدنا نعمل انا واياكي هلق .....امم شو رايك نطبخ اكلة طيبة النا ولماما
عبير :موافقة....... بس انا
مرام :شو انت كملي
عبير :مابقدر قوم ساعدك
مرام:مين قال انك رح تقومي ولا عم تتهربي مشان ماتساعديني رح قوم جبلك البندورة تقطعيها ماشي
عبير بفرح:ماشي ....
طبخو وجهزو الغدا كانت والدتهم قد وصلت من شغلها واتفاجأت ببناتها مجهزين الغدا وعم ينتظروها
سلمى:شو هيدا يابنات تسلم ايديكن ..... مرام انت من ايمت هون
مرام :من الساعة عشرة ...
سلمى:كأنك جاي بكير .....
مرام :ماما مافي محاضرات مهمة اليوم
سلمى :الله يكون معك يابنتي ... ويوفقك
وكملو غداهم .ومر انهارهم مع بعض
.وقامت كل وحدة ع فراشها وهو عبارة عن فراش على الارض وكل واحدة منهن بدأت تتذكر مأستها
مرام كانت تتمنى ان تكون مكان اختها وتنتظر موتها
سلمى كانت خائفة على ابنتها عبير ان تصحى يوم من الايام وتجدها قد فارقت الحياة وخائفة على ابنتها مرام من الايام الصعبة التي تواجهاه
عبير كان قلبها ميت وكانت تنتظر موتها بفارغ الصبر لكي تريح امها من مصاريف علاجها وتريح نفسها من العذاب والوجع .
...................................................................
الدنيا ليلت يوسف واصحابه بالكازينو
يوسف :مها انت ليش ماعم تحكي معنا
مها :من تصرفات اصدقائك عم يقولو عن الشرشوحة احلا مني
يوسف :انا لحد الان ماشفتها لهيدي البنت صرعتونا فيها
مها:بلالك هالشوفة
سليمان:شبك مها كنا بنمزح معك وحتى اسألي كرم
كرم :صح كنا عم نمزح معك
مها :بس بصارحة انا ملاقيتها حلوة ومع اشوية تظبيطات بتطلعة حلوة كتير
يوسف :والله ماعم افهم عليكي ساعة مانك طايقتيها وساعة بتقولي انها حلوة
مها :قصدي لازم نطفشها من الجامعة وممكن شي شب يحبها ويصرف عليها وتظبط حالا بتطلع احلا بنت بالجامعة ووقتها رح يصير الي منافس
يوسف :انت برنسيسة الجامعة ومافي حدا بنافسك
مهابدلع :عنجد يا يوسف ... انت هيك شايف
يوسف :انت احلا بنت شفتها بحياتي
مها:يعني انت بتحبني يا يوسف
يوسف :انت مين مابحبك
مها: رح تساعدني طفشها من الجامعة
يوسف :اكيد رح ساعدك
مها:ميرسي كتير يا يوسف ... يلا قوم خلينا نرقص
قامو وراحو يرقصو
كرم:هالبنت ماهضمتها
سليمان:لمين ....قصدك مها
كرم :ومين غيرها ... مفكرا حالها ملكة جمال العالم
مع انه هاي الشرشوحة احلا منها
سليمان:هههههه يضربو هنن الجوز
رجعو مها ويوسف من الرقص وقعدوا مع سليمان وكرم مشان يفكرو بخطة تخليها لمرام تطفش من الجامعة .
....................................................................
تاني انهار بالجامعة مرام قاعدة ع مقعد بالحديقة عم تقلب بكتاب ماسكته بأيدها قرب منها سليمان
سليمان : انت عفكرة حلوة بس بدك اشوي تظبيطات
مرام:عفوا ..... انت عم تحكيني الي
سليمان :اي ومين غيرك ....
مرام:احترم نفسك .... وانقلع من هون
سليمان:ههههه ... اسمعي مني .... وبعملك احلا اميرة بكل الكلية ...
مرام:اذا انت مارح تروح من هون انا قايمة
"لمت اغرضها وقامت بدها تمشي مسكها من ايدها"
سليمان: وقفي عندك انا ماخلصت كلامي معك
مرام:وانا مابدي اسمع ......"سحبت ايدها من ايده ومشت وهو راح ووقف امامها "
مرام: باين عليك انك مارح تفهم "شالت ايدها وضربتو كف والطلاب صارو يتطلعو ع سليمان ويضحكو عليه وهو كتير انقهر وشال ايدو بدو يضربها .... بس في حدا مسك ايدو قبل مايلمسها "
سليمان :يوسف ...
يوسف :اي شوبدك منها ماعيب عليك بدك تضربها قدام العالم
سليمان :وانت شو دخلك انا بضرب مين مابدي

يوسف :شو الشغلة سايبة .... هاي الجامعة الها حرمتها
وبلش يوسف وسليمان يتقاتلو والتمو عليهم الطلاب وصارو يبعدوهم عن بعضهم .... سليمان راح طلع من الجامعة ..ومرام واقفة محلها مصدومة ...يوسف قرب من مرام
يوسف:انت .....بخير
مرام :.انا....اسفة .... ماكان في داعي تتدخل ...
يوسف :اخلاقي مابتسمحلي شوف بنت عم تنهان وما اتدخل
مرام :انا بجد اسفة ....وخايفة يجيك وجع راس من هالشغلة ..... لانه باين عليه شب مدعوم
يوسف :انت لا تهتمي ..... هلق ممكن اعزمك ع فنجان قهوة بالكافيه
مرام :انا اسفة ..... ماعندي وقت ..... وشكرا مرة تانية لانك ساعدتني ..
يوسف:..عراحتك ..... العفو هاد واجبنا
"مشت مرام ... حضرت محاضراتها ورجعت ع بيتها "
....................................................................
في الكازينو
سليمان :شو يا يوسف
يوسف :شو شو
سليمان:شلون لقيتها
يوسف :متل ماقلت اميرة بس ناقصها تظبيط
سليمان:وشو صار معك بعد مارحت
يوسف:عزمتا ع فنجان قهوة .... ورفضت
سليمان:معقول رفضت ..... ع القليلة لازم ماتخجلك لانك ساعدتها ..
يوسف :هههههه ... انا اتوقعت انها ترفض .... بنت متلها اكيد طول عمرها عايشة بالفقر وبتخاف من الحولها ......وبتخاف من المعهم مصاري
سليمان:وشو رح تعمل هلق ....
يوسف :بعد يومين بترجع بتعمل معها نفس الفصل وبتدايقها .... وانا رح اجي وكون المنقذ .....وكمان خطرتلي فكرة انه اعمل حالي فقير بس مو لمستواها اعلى منها بشوي يعني فوق خط الفقر .
سليمان :فكره حلوة .......
وصلت مها وكرم
مها :سلام ....
يوسف :اهلا بالبرنسيسة
سليمان :اهلا
مها :اي شو هالتمثيل الحلو .... فكرتو حقيقة
يوسف :عجبناكي ....
مها :كتير .....بس قلي شو صار بعدين
وحكالها شو صار معهم وشو رح يعملو كمان
....................................................................
في بيت مرام
مرام شاردة وتفكر وتقول في نفسها:الكل عم يتمسخر ع شكلي وع تيابي لازم يصير معي مصاري بأي طريقة وبدي اشتغل واصرف على حالي
سلمى :مرام ....مرام...
مرام :نعم ...ماما ....شوفي
سلمى :وين كنتي شاردة
مرام :ماما عم فكر اشتغل
سلمى :ليش بدك تشتغل .... المصروف ماعم يكفيكي
مرام:بلى عم يكفيني .... بس لازم نزيد الدخل عالبيت...
سلمى :انا رح اشتغل اضافي في بيوت تانية
مرام :لا ماما انا بدي اشتغل مشان ساعدك بالمصروف وتخفيفي عن نفسك اشوي
سلمى :انا مرتاحة بشغلي وانت اهتمي لدراستك... ماقلتي بدك تصريى مهندسة.... والمهندسة بدها دراسة
مرام :ان شاء الله
..................................................................
تاني انهار في الجامعة
مرام ماشية وفي يديها بعض الاوراق تنظر اليهم.......وفجأة اصتدمت مع يوسف
مرام:انا اسفة ما انتبهت (نظرت اليه )هيدا انت ...عنجد لا تواخذني
يوسف:لا عادي ولا يهمك انا كمان كنت ماشي وما انتبهت .... انا كمان اسف
"نزلت مرام تلم الاوراق ونزل معها يوسف "
مرام :لا تعذب حالك .... انا بلمهم
يوسف :لازم ساعدك .... انا السبب انك وقعتهيم
"لمو الاوراق ووقفوا"
مرام :شكرا الك كتير .... هلق عن اذنك
يوسف :ازنك معك ......
يوسف عم يقول بنفسه ..... كمان اليوم مامشي الحال ...... امم بسيطة
................................................................
مر يومين والعلاقة بين مرام ويوسف سلام فقط
مرام قاعدة ع مقعد في الحديقة عم تراجع بعض المواد.....اقترب منها سليمان
سليمان:شو ياحلو ....كيف حالك اليوم
مرام :..............
سليمان :انا عم احكي معك ......
مرام :.................
قامت مرام وبدها تمشي مسكها سليمان من ذراعها
مرام :اتركني بحال سبيلي
سليمان :واذا ما تركتك شو رح تعملي
مرام:بترجاك اتركني مابدي اعمل مشاكل
سليمان :ههههههه .... انت بدك تعملي مشاكل ..... عملي شو ناطرة ......شو ياقطة وين مخالبك
ولا فكرتي نسيت الكف .....انا مارح حل عنك لحتى اخد حقي
مرام :انا اسفة ع الكف بس اتركني بحالي
سليمان:مفكرة رح اقبل اعتذراك
مرام :شو المطلوب ......
سليمان :بسامحك بشرط انك تصيري صاحبتي ونطلع ونفوت مع بعض ونفرفش ..... انت ناقصك مصاري
وانا ناقصني بنت...اتسلى معها
مرام بغضب :ان شاء الله عمرك ما تقبلو للأعتزار ... مافشرت ياكلب روح دور ع بنت متلك قذرة تطلع وتفوت معها
"بهاللحظة اجا يوسف "
يوسف :شو عم يصير هون ....
سليمان :هههههههه اجا المنقذ
يوسف :سليمان شيل ايدك عنها
سليمان :واذا ما شلتها شو رح تعمل
يوسف شال ايده وضربه بوكس لسليمان
يوسف :اعرفت شو رح اعمل
سليمان ويوسف علقو مع بعض وفكوهم التلاميذ

انتصر يوسف ع سليمان بهذة المعركة .... مشي سليمان وهو عم يتوعد انه راجع يخربها عليهم
مرام :انت منيح
يوسف :اي منيح ... المهم انت فيكي شي
مرام :لا الحمد لله بخير ..... عنجد مابعرف كيف بدي اتشكرك
يوسف :ممكن اقبل شكرك اذا اقبلتي تشربي معي فنجان قهوة بالكافيه
مرام :بس.....
يوسف :بلا بس .... شو موافقة
مرام :اي موافقة ....... بس هلق عندي محاضرة مهمة بحضرها وبعد ساعة بقابلك بالكافيه
يوسف :تمام .... ناطرك ....وشكرا لانك قبلتي عزيمتي
"ومشيوا كل واحد ع محاضرتو "
..................................................................
في الكافيه مرام داخلة من الباب وكانت اول مرة بتدخله .........كان في تلاميذ كتير بيضحو وبيمزحوا
وعكل طاولة موجود شاب وبنت قاعدين مع بعض او شباب مع بعضن او بنات مع بعضن .... هية داخلة كل الموجودين صارو يتطلعوا عليها....... بدات همسات السخرية عليهاوالضحك ..... اتطلعت عليهم كانو يلبسون اغلى الملابس واجملها وملابس فاضحا على عكسها كانت مرتدية بنطلون جينز وقميص طويل لحد ركبتها مع حجاب وكانت ملابسها موديل قديم جدا ..... واخيرا وصلت الى اقرب طاولة للباب وجلست عندها
دخل يوسف من باب الكافيه واتجه نحوها وجلس معها والكل كان في استغراب تام ان يوسف اهم شخصية في الكلية يجلس مع بنت زيها ..... ..
يوسف: السلام عليكم .... اتأخرت عليكي
مرام :وعليكم السلام .....لا انا بعدني واصلة
يوسف:انا مابعرف اسمك لحد الان ممكن تقوليلي شو اسمك
مرام:طبعا ...... اسمي مرام العبد ..(للتوضيح عائلة مرام الحقيقية العبد لكن العسيى اسم مستعار)
يوسف :انا اسمي يوسف عبد الرحيم
مرام :تشرفت بمعرفتك
يوسف:الله يزيدك شوف ..... وانا كمان اتشرفت
مرام :شكرا الك .....
"لحظة صمت "
يوسف :مرام احكيلك عن حالك اشوي ....عن اخواتك ...امك ...بيك .....وضعكن
مرام : انا عندي اخت وام بس ....اختي مريضة بمرض السرطان ..... وامي بتشتغل وبتصرف علينا ...وابي متوفي من خمس سنين
يوسف :الله يرحمو
مرام :شكرا
يوسف :امك شو عم تشتغل
مرام سكتت ولم ترد
يوسف :انا اسف اذا هالسؤال فيه احراج
مرام :لا عادي ... امي بتشتغل ببيوت الناس
يوسف :انا عنجد اسف عالسؤال
مرام :لا عادي هيدا هو واقعنا .... مافي داعي للخجل
.....ايه انت احكيلي عن حالك
يوسف :ااااه ...انا
مرام :اي انت ...
يوسف :انا عندي اختين متجوزين وانا ...وامي وبيي الحمد لله صحتهم جيدة ... ووضعنا المادي ماشي حالو .... بابا موظف بشركة والحمد لله مستورة
مرام :بس ... تيابك بتقول غير هيك
يوسف :شبها تيابي ... وشو بتقول
مرام:تيابك مبينه كتير غالية
يوسف :ههههههه .... هدول التياب لابن خالتي ساكن بالسعودية تيابو القديمة بيبعتلي اياهم
يوسف :وهلق خلصنا تعارف شو تشربي
مرام :اي شيء بتجيبه
يوسف :تمام ...اناقايم جيب نسكفيه
قام يوسف وراح جاب نسكفيه وقعود يشربو ويدردشو مع بعض
.................................................................
مها وكرم وسليمان واقفين عم يراقبو مرام ويوسف من خارج الكافيتريا
مها :باينتها غمزت السنارة
كرم :كلامك صح .....
سليمان:ههههه ....ايه وبعدين شو رح تعملي انسة مها
مها :مابعرف ..... بس لازم يوسف يتقرب اكتر من مرام ويخليها تتعلق فيه وتحبو ....
كرم :وفرضا يوسف حبها
مها ضحتك بسخرية:هههههه ...مجنون اذا بحب وحدة متلها ...مانكن شايفين شكلها ..ههههه
كرم :انا قلبي مانو مرتاح
سليمان:خليك ع جنب انت وقلبك
كرم :ههههههه ...بكرا بنشوف وبتقولو كرم قال ....
مشي كرم ولحقو سليمان ومها مشيت ع بيتها
............................................
مرام ويوسف خلصو قعدتهم ومرام مشيت ع بيتها ويوسف كمان
مرام وهية رايحة ع بيتها حست بتفائل اتجاه يوسف وانه رح يصير عندها صديق ...
وصلت على بيتها كانت امها واختها عم ينتظروها على الغدا قعدت تغدت معن .... وتحدثو شوي وقامت لدراستها ...
..................................................................
في الكازينو يوسف ومهاوكرم سليمان
مها :برافو عليك يا يوسف وقعتها
يوسف :هههههه مشان تعرفي انو انا اذا قلت شغلة بدي نفزها
سليمان :وشو بدك تعملي هلق انسه مها
مها:مابعرف بس لازم نعملها فضيحة بالجامعة وتتطلع من الجامعة
يوسف :وبعد ما تبطل ..... وين بدا تروح
مها :بتغير اختصاصها وتسجل بكلية تانية ....هههههه وبعدين اخر همي وعمرها ما تتعلم
يوسف :صعبت علي كتير
مها :بس ماتكون حبيتها
يوسف :...انا .....لاااا....خلص البدك اياه اعمليه.....بس انا عم اعمل متل مابدك ...شورح يتطلعي بالاخير من هالشغلة

مها :هههههههههه .... ولا يهمك حسابك عندي .
يوسف :بس انا مابحاجة مصاري .....
مها :ومين قال انه حسابك مصاري ... قوم معي
يوسف :ع وين ...
مها :هههههه ...قوم بدي اسهر معك لحالنا عندي بالبيت ..... سهرة اخر رواق شو رأيك
يوسف : ههههه قشطة ...يلله قومي
"مشي يوسف ومها وذهبو الى منزل مها يقضوا الليلة مع بعض "
كرم :معقول الي اسمعته انا ؟؟؟؟؟
سليمان :وليش مستغرب ....
كرم :من مها ... اول مرة بعرف انها بتعمل علاقات مع شباب
سليمان:ههههه حبيبي انت وين عايش .... هيدي هية مها من يوم يومها وهية هيك .... وهلق المهم عندها انها تطفش مرام من الجامعة ......وبعدين يوسف مابيعمل علاقات مع بنات بيسهر وبس
كرم :معقول هيك هية بتفكر
سليمان:انت جديد معنا ... مها من اول يوم دخلت الجامعة صاحبتنا انا ويوسف وطبعا نص الشباب
وكانت كل ماتدخل بنت حلوة ع الجامعة كنا نتطفشها
بأمر منها مقابل كم ليلة نقضيها معها .....بس يوسف هاي اول مرة بدو يطفش بنت
كرم:معقول ....
سليمان :واكتر ...... المهم انا اتعبت وبدي روح ع ببتنا نام .... سلام
كرم:سلام ...
....................................................................
تاني انهار في الجامعة
مرام دخلت الجامعة والتقت بيوسف ع الباب ودخلو مع بعض وصارو يدردشو مع بعض
يوسف :مرام .... شو عم تدرسي
مرام :هندسة
يوسف:هههه بعرف هندسة .... بس هندسة شو
مرام :هندسة معمارية
يوسف :حلو اكتير ....
مرام :وانت هندسة شو
يوسف :هندسة معلومات وكومبيوتر
مرام :الله يوفقك وتكون بأعلى المراتب
يوسف :ويوفقك كمان ...
مرام :شكرا .....
.....وتابعوا مشي.......
....................................................................
ومر اكتر من اسبوعين ع صداقة يوسف ومرام ....
وهنن قاعدين بالكافيه
يوسف :شبك مرام ..... ليش عطول بحسك مهمومة
مرام : لا مافي شي لا تشغل بالك
يوسف :كيف يعني مافي شي ..... ومن اول ما تعرفت عليكي وبحس في بقلبك هم
مرام:مابدي وجعلك راسك ماناقصك هموم ..... من بعد اذنك بدي قوم امشي ......
يوسف وقف ومسكلها ايدها
يوسف :لحظة مرام ..... ما نحنا اصدقاء شاركيني همومك ....
مرام :ماناقصك وجع راس
يوسف :لا مارح يوجعني راسي اقعدي واحكيلي .....
جلست مرام ....
مرام :بصراحة انا اكتير مدايقة ..... وحاسي حالي رح اختنق
يوسف:شو صاير معك في حدا عم يدايقك
مرام : القصة انو انا كتير مجروحة من جوا .... كل يوم بسمع اهانات الزملاء علي وعلى شكلي ........ وبتمنى لما روح ع البيت اقعد بحضن امي وابكي بحضنها ..... بس مابقدر .....لانو امي قلبها مجروح اكتر ..... وانا عم شوفها كل يوم عم تدبل مثل الوردة .... من تعبها في خدمة البيوت ...... وع مصروف علاج اختي ......ومصروف البيت ...ومصرفي ومصروف الطرقات ....
يوسف :ومصروف الكلية ...
مرام : الناس يلي بتشتغل عندهم امي متكفلين بمصروف جامعتي ...... الله يعطيهم ع قد نيتهم
يوسف :آمين .... مرام انت بحاجة مصاري
مرام :لا... لا ... انت افهمتني غلط .....انا ما احكيتلك مشان تشفق ع حالتي ... انا مابحب الشفقة من حدا ..
بس بتمنى لو اقدر اشتغل واصرف ع امي واختي ... وما خليهن يعتاذو حدا ....
يوسف :ان شاء الله بتتخرجي وبتلاقي وظيفة ومابتخليهن يحتاجو حدا .........
مرام :آمين
يوسف: مرام بدي اسألك سؤال
مرام : تفضل اسأل
يوسف :انتو ما عندكم اقراباء ... اعمام ... اخوال
مرام :اكيد عنا ..... بس مابيحكو معنا ..... واكيد رح تسألني عن السبب .....امي وابي كانو يحبو بعضهم ...
بس اهاليهم كانو مختلفين مع بعض وكانو رافضين زواج امي وابي .... فهربو من الضيعة واجو لهون وتزوجو ... واهاليهم تبرأو منهم ....
يوسف :امممم ..... افهمت عليكي ....
"موبايل يوسف يرن "
يوسف :ايوا اي ماما ..... هلق لا ماعندي محاضرات .....جاي .... مشوار الطريق ....سكر الخط
يوسف :بعترز بدي قوم امشي ....
مرام :لا ... عادي انا اصلا عندي محاضرة هلق ....
قام يوسف يمشي .....
مرام :يوسف
يوسف :اي احكي في شي
مرام : شكراااا
يوسف :ليش عم تتشكريني
مرام :اول مرة بحكي يلي بقلبي .... عنجد كتير ارتحت .... شكرا كتير ...
يوسف :مرام ...نحنا مامجرد اصدقاء .... نحنا علاقتنا اكبر من هيك .... وانا بالخدمة كل ما حسيتي حالك مدايقة وبدك تحكي .... انا موجود
ابتسمت مرام ابتسامة سحرت يوسف
مرام :شكرا
يوسف فاق من شروده :العفو .... سلام
مرام :سلام
مشي يوسف ..... ركب بسيارته ... وشرد ....صار يكلم نفسه :اصحى يا يوسف .... وحدة شرشوحة ... بس ماتكون عم تحبها ..... هههه لا لأ معقول حب وحدة متلها ..... اف كمان كنت كتير مقهور منها ومن حديثها مليت تروح وتدورعلى شغل اشرفلها من الدراسة والسخرية....لكن ليش حسيت قلبك فرح لماابتسمت ....

لا عادي انا بحب كل البنات بس مرام اكيد لا ..... مها احلا منها وتيابهاا اجمل وبتلبيلي كل رغباتي .... خلص خليني حاليا مع مها لحتى دور ع بنت محترمة ومن مستوانا وبتجوزها ..... اااه صح ماما حكتني
رح شوف شو بدها .....
....................................................................
في منزل عبد الرحيم ..
يوسف :مرحبا ماما
منار :اهلا يا حبيبي ..... انت جوعان لخبر سلمى تحضرلك الاكل ....
يوسف :لا لا .... ماني جوعان
دخلت سلمى والدة مرام الى الغرفة التي يجلس فيها منار ويوسف
سلمى : كيف حالك يا ابني يا يوسف
يوسف :الحمد لله ... كيفك ياخالتي سلمى
سلمى :الحمد لله ..... حضرلك الاكل مشان تاكل
يوسف :تسلم ايدك .... بس من بعد اذنك بدي فنجان قهوة
سلمى :انت بتأمر يا ابني خمس دقائق وبتكون جاهزة
يوسف: تسلم ايدك ....
ذهبت سلمى الى المطبخ ... اعدت فنجان قهوة ليوسف ... واخذته ليوسف .....واستأذنت لكي تذهب الى منزلها .....
خرجت سلمى وهية تمشي ع الطريق ..... تعبت فجأة واغشي عليها ووقعت في منتصف الطريق .....
..........

يتبع .......

انتظرونا في الحلقة الثانية
لنعرف ماهية قصة مرام

#مرام
#بقلم_مريم_اليوسف

#الجزء_الثاني

((البعض عم يسأل انو نص بالعامية ونص بالفصحة .. للتوضيح السرد بالفصحة والحوار بالعامية ... لانو نشرتا مرة بكروب مختلط من كل الدول العربية ومافهمو علي القصص بالعامية ))

يوسف وهو عم يشرب القهوة قال :ماما شوهو الموضوع الي كنتي عايزتيني فيه
منار :اليوم بيت خالتك جايين ع البلد
يوسف :اهلا وسهلا فيهم ماهم بيجو ع البلد كتير وين المهم بهالموضوع
منار :بصراحة انا دعيتهم مشان بنت خالتك رولا
يوسف :شبها رولا
منار :بدي اخطبلك اياها
يوسف كان عم يشرب شفة قهوة لما سمع ما قالت امه بصق القهوة ووقع الفنجان من يده وانكسر
منار :شبك شو صرلك
يوسف :ماما انت شو عم تحكي انا بدي اخطب
منار :اي انت ليش شو ناقصك وبعدين احلا من بنت خالتلك مارح تلاقي وانا حكيت بيك بالموضوع وهو ماعنده مانع ...... قلي انت شو رأيك
يوسف :انا ........ بصراحة موضوع الخطبة كله مابدماغي .
منار :طيب فكر ع مهلك
يوسف :ليش لأ بنفكر ........طيب ماما انا شي انهارين برد عليكي خبر
منار :ماشي يا ابني الله يهدي بالك
يوسف :سلام ...... انا رايح شوف رفقاتي
منار :الله معك .
.................................................................
عندما خرجت سلمى وهية تمشي ع الطريق ..... تعبت فجأة واغشي عليها ووقعت في منتصف الطريق ............
رأوها بعض المارة واسعفوها الى اقرب مشفى .........
استيقظت سلمى نظرت حولها وجدت نفسها في غرفة في احدى المستشفيات .....دخل الطبيب
الطبيب :الحمد لله ع سلامتك
سلمى :شكرا ... الك ....دكتور كيف وصلت لهون
الطبيب: اغمى عليكي في الطريق في ناس وصلوكي لهون
سلمى : امم ..... ممكن انا امشي حاليا
الطبيب : ليش مستعجلة ... مابدك تعرفي شو معك
سلمى : يمكن من قلت الغذاء اغمى علي
الطبيب :غلط .... انت عندك مشكلة بالقلب ولازم تعملي عملية
سلمى :شووووو ..... اناااا...... لاما بقدر اعمل العملية وما قتها ......
الطبيب :مستحيل .... ضروري العملية لازم تعمليها
سلمى :واذا ما اعملتها ..... شو رح يصير فيني
الطبيب:ممكن تموتي .... بعيد الشر عنك
سلمى :مووووت..... لا انا مابقدر خلي بناتي لحالهن بهل الدنيا ........ بس يا دكتور انا حاليا مامعي تكاليف العملية ..... ممكن اجلها .......
الطبيب :ممكن .... بس رح يكون في خطر ع حياتك ...معك مهلة ثلاثة اشهر .... وبعد الثلاتة اشهر انا مابتحمل مسؤولية ......انا هلق رح اكتبلك ع دوا بتابعيه .....وحاولي انك ما تزعلي .....
سلمى :شكرا كتير الك ...... وهلق فيني روح ع بيتنا بناتي عم ينتظروني
الطبيب:...عمهل ساعةلنراقب حالتك .......وبرجع بقلك ثلاثة اشهر مو اكتر
سلمى :اكيد .... اذا الله راد
"خرج الطبيب ..... وانتظرت سلمى ساعة في المشفى وبعدها قامت وذهبت الى منزلها "
....................................................................
في منزل مرام
دخلت سلمى ..... وجددت مرام تنتظرها
سلمى :السلام عليكم يابنات
مرام وعبير:وعليكم السلام ياماما
مرام:امي .... ليش اتأخرتي انشغل بالنا عليكي كتير
سلمى: ...معليش يابنات كان في شغل كتيرعند المدام منار ...."قربت منها مرام وحضنتها وقالت :الله يعطيكي العافية ياست الكل .... بس ليش ما دقيتي ع تلفون البيت انشغل بالنا عليكي كتير ..
سلمى:اااه...... والله يابنتي راح عن بالي .... ان شاء الله المرة الجاي بدقلكن ......صح حبيبتي مرام ع سيرت الاتصال .... لازم اشتريلك موبايل ....
مرام :لا ماما .... انا مابدي موبايل .
سلمى : ياحبيبتي ....لازم نضل على تواصل انت بالجامعة واختك بالبيت وانا بالشغل مشان اذا صار شي مع حدا مننا نكون ع تواصل
مرام:حاضر ياماما متل مابدك بصير المهم هلق تعالي لنتغدى انا سخنت الاكل يلي بالفريزة
"قعدو اكلو ....وبعد ماخلصو قامت مرام ع دراستها ...وعبير شربت دواها ونامت وسلمى اخدت الجليات تجليهم ....وسرحت بتفكيرها كيف بدها تأمن مصروف العملية ...... وهية مستحيل تكسر نفسها لمدام منار وقالت بنفسها :المدام منار افضالها كتيرة علينا متكفلة بجامعة مرام ونصف علاج عبير .... وبتعطيني اكتر ما بستاهل .
نظرت الى السقف وتنهدت وقالت يالله مالي غيرك يا ارحم الراحمين اسألك ان تخرجني من هذه المحنة ....
وتحمي لي بناتي ولا تحرمني منهن ولا تحرمهن مني ...اآااامين
...................................................................
في اليوم التالي ذهبت مرام مع والدتها الى محل الاتصالات واشترت موبايل لمرام ...تابعت مرام الى جامعتها وسلمى اكملت الى منزل يوسف.
....................................................................

في منزل يوسف
دخلت سلمى الى المطبخ لكي تجهز الفطور للجميع فهيا كانت مسؤولة عن الطعام في المنزل ....احضرت الفطور ووضعته على الطاولة نزل يوسف من غرفته
واقترب من سلمى وقبلها على جبينها
يوسف :صباح الخير الى احلا خالة في الدنيا كلها
ابتسمت سلمى :صباح النور ياحبيبي
يوسف : الله ....شوهالسفرة الحلوة هيدي
سلمى : انت الحلو ياروحي ان شاء الله تعجبك
يوسف :انت كلشي من ايديك طيب .مسك يدها وقبلها
سلمى :تسلم ياحبيبي . يوسف :انا بعتبرك مثل والدتي وبحبك كتير . سلمى :وانا كمان يا ابني بعتبرك متل ابني واكثر . نزلت منار ومحمدوجلسوا على الطاولة وبدأو بالفطار تركتهم سلمى واتجهت نحو المطبخ . انهى يوسف طعامه وقام وذهب الى الجامعة
..... وصل الى الجامعة ووضع سيارته في مكان بعيد عن الجامعة لكي لا تنتبه مرام الى سيارته ..
...................................................................
في الجامعة .
دخل يوسف من باب الجامعة ووجد مرام تجلس على مقعد في الحديقة ذهب من خلفها ووضع يديه على عيناها .
مرام نقزت ورفعت يديها لتنزل يديه عن عينيها
يوسف :احزري مين انا
مرام ابتسمت وازاحت يديه عن عينها :صحيح انك واحد غليظ .
تقدم يوسف وجلس جنبها :صباح الخير
مرام :اهلا صباح النور .... كأنك اليوم متأخر
يوسف :لا ... اول محاضرة مانها مهمة
نظرت مرام الى ساعتها
مرام :رح تبدأ محاضرتي بشوفك عند انتهاء الدوام باي .يوسف :اوكي باي . قامت وذهبت الى قاعتها
يوسف مازال جالس مكانه يراقبها وهية ذهبة الى القاعة يتأملها ويتأمل طولها المتوسط ليست طولية ولا قصيرة طولها مناسب جدا وجسمها الممشوق مثل عارضات الازياء والى ملابسلها القديمة لكن الجمال ليس في الملابس الجمال هو الجمال داخلي وجمال الروح وايضا مرام جميلة اي ان مرام تحمل كل صفات الفتاة المثالية فقط ينقصها المال وبعض الملابس وتصبح اميرة بكل معنى الكلمة .
صوت افاقه من شروده
مها :يوسف ...يوسف ...
يوسف :ااااه . "نظر الى مها " اهلا مها اقعدي
مها :وين كنت شارد ...
يوسف :ولا شي انت كيفك ...
مها :انا مشتاقتلك وينك ماعم تبين
يوسف : ليش اخترعو الموبايل اذا اشتقتيلي ليش ما دقيتي
مها :عم انطرك لحتى تدق قلت يمكن انت تشتقلي
يوسف :انا دائما مشتقلك بس مابقدر دقلك قدام اهلي
مها :المهم وين صرت بموضوعنا
يوسف :موضوع شو
مها :لك موضوع مرام
يوسف :اممممم ...خلص ولا يهمك الخطة ماشية صح كل يوم عم اتقرب منها اكتر
مها :بدك اتطول لحتى توقعا بحبك ...مشان ناخدلكن كم صورة مع بعض ونفضحا .
يوسف :عن قريب بتكون معك الصور .... انا هلق بدي قوم احضر محاضرة الساعة عشرة
مها :ليش انت من ايمت بتحضر محاضرات
يوسف :من اليوم .... وهلق عن اذنك .قام تركها قاعدة لوحدها ومشي اتجاه قاعته
مها قاعدة محلها من الصدمة اول مرة من ثلاثة سنوات بعاملها بهل البرود كان يجن لما يشوفها واقفة مع شب
اقترب منها سليمان وجلس جانبها
سليمان :صباحو
مها :صباحو
سليمان:شبك ليش وجهك مابيتفسر
مها :يوسف ..
سليمان :شبو يوسف
مها :متغير كتير .... معد عبرني متل الاول .... معقول عم يحبها لمرام
سليمان :ليش لأ البنت حلوة وبتنحب ... وبعدين كل شباب بالجامعة بتتمنى تحكي معها بس لانهم شافو يوسف عم يقعد معها معد اتجرأو لانهم بيعرفو منيح مين هو يوسف وشو بيعمل
مها :انت اكيد عم تمزح
سليمان : ههههه هلق بوضوع شباب الجامعة عم احكي صح بس بموضوع يوسف يحب مرام ما بظن يوسف مابحب حدا يوسف عصفور طيار مابحب يرتبط بأي بنت ووقت يقرر يتزوج مارح يختار وحدة متلك او متل مرام بياخد وحدة محترمة ومن مستواه المادي
مها بغضب:ليش شبني انا
سليمان :انت عسلامتك بس كل انهار من حضن شب لحضن شب تاني وبدك حدا يتزوجك
مها :انت قليل الادب
سليمان :هههههه متل مابدك
مها :انا هلق شوبدي اعمل يوسف رح يروح من بين ادي
سليمان :ليش مهتمة بموضوع يوسف لهل الدرجة
مها :انا اكتشفت اني بحبو
سليمان :شووووو .... رح تخليني صدق
مها :انا عم احكي عنجد ....والله بحبو
سليمان :اصبح لازم تتحركي لانو العصفور رح يطير
مها :شو بدي اعمل ...انصحني
سليمان :اول شغلة غيري اللوك تبعك صرلك زمان ع نفس اللوك وثانيا تتقربي من يوسف اكتر وتبطلي كل علاقتك مع الشباب والنقطة الثالثة والاهم مرام لازم تخلي يوسف بسرعة ينفذ الخطة .(للتوضيح الخطة هية يوسف يخلي مرام تحبه ويتعمق الحب ويخلي حدا يصورهم وهو عم يبوسها وهو ماسك ايدها وهو عم يعطيها مصاري وينشرو الصور بالجامعة ويشوهو صورة مرام بالجامعة وبهل الحالة مرام بتخجل من حالها وبتترك الكلية وبتروح وبتسجل وبكلية غيرها ).

قامت مها وهية غاضبة جدا وخرجت من الجامعة لكي تنفذ ما قاله لها سليمان وهية تمشي اصتدمت بكرم لكنها لم تتكلم معه واكملت طريقها .. وصل كرم الى سليمان ووقف امامه
كرم :شبها مها معصبي
سليمان : اتركها بحالها بنت مجنونة .
كرم :عندي الك خبر حلو .... بتتذكر البنتين يلي شفناهن امبارح
سليمان : البنات الحلوين بنات السنة الثانية
كرم :اي هدول هنن .... اقدرت احكي مع وحدة منهن واليوم المسا عزمتها الها ولصديقتها نسهر مع بعض قلت بجي بقلك مشان تسهر معنا
سليمان :هاد هو كرم البعرفو برافو عليك .
....................................................................
في منزل سلمى
عبير وسلام جالسين مع بعض
سلام تجلس مع عبير لكي تعتني بها الى حين ترجع والدتها او اختها مرام
عبير جلسة تشاهد التلفاز وشاهدت على التلفاز اطفال جالسين في صف في المدرسة ويتعلمون وبدأت تبكي اقتربت منها سلام واخذت من يدها ريموت الكنترول وغيرت القناة وضمتها على صدرها
الخالةسلامة:خلص حبيبتي لا تبكي بكرا اذا الله راد بتشفي وبترجعي تمشي ع اجريكي وبتروحي على المدرسة
عبير :مستحيل .... مافي حدا شفي من هاد المرض
الخالة سلام :انت اكرم من الله .... الله كريم وقادر على كل شيء
عبير :ممكن ارجع متل اول يرجع يطلع شعري وامشي عل رجلي ..
سلام :بأذان الله ... رب العالمين ماعنده الا جبران الخواطر بس انت لا تفقدي الامل برب العالمين
عبير :والنعم بالله .... الحمد لله على كل حال
....................................................................
في الجامعة
انتهت مرام جميع محاضراتها واتجهت نحو الكافيه لكي تقابل يوسف ... جلست قليلا وبعدها جاء يوسف
تقدم يوسف وجلس على الكرسي المقابل لمرام
مرام :كيف كانت محاضراتك
يوسف :تمام ... الحمد لله
مرام :يوسف بدي اسألك انت كم دارس سنة
يوسف : بظن قلتلك قبل هلق انا بالسنة الثالثة
مرام :قصدي مع اعادة السنوات
يوسف ضحك:هية سنة واحدة عدتها رسبت في السنة التانية ..... المهم انت كيفك اليوم كأنك حليانة
مرام :عفوا انت عم تتغزل فيني
يوسف ضحك :لا ما نحنا اصدقاء ممنوع هاد الحكي بين الاصدقاء
مرام :هههه ... عم امزح معك ... الله يحلي ايامك .
موبايل مرام يرن .اخرجته وردت على امها سألتها اذا كانت خلصت محاضرات واطمنت عليها واقفلت الخط
يوسف بصدمة :انت معك موبايل ؟؟؟
مرام :اليوم امي اشترتلي اياه
يوسف :مبرووك
مرام :الله يبارك فيك يارب
يوسف :مابدك تعطيني رقمك
مرام :اكيد انت صديقي الوحيد
يوسف :بس صديق...
مرام :ما افمهت عليك
يوسف :خلص مافي شي يلا هاتي الرقم
مرام :سجل عندك**********
يوسف :تقومي تمشي لوصلك
مرام :لا شكرا بروح لحالي
قامت وذهبت الى منزلها وبعدها بفترة خرج يوسف من الكلية لكي لا تراه مرام يركب سيارة ...
..................................................................
بعد مرور اسبوع...
علاقة مرام ويوسف علاقة صداقة قوية وبدأت مشاعرهم تتحرك اتجاه بعض. سليمان وكرم كل يوم من بنت لبنت .... مها مختفية منذ اسبوع لا احد يعرف عنها اي شيء . يوسف كان ياتي بالتكسي الى الجامعة لكي لاتراه مرام .وسلمى بدأت حالتها تسوء
...................................................................
في منزل مرام
عبير :مرام موبيلك برن مكتوب يوسف
مرام :جاي ...لحظة
جاءت مرام بسرعة وردت على يوسف
يوسف :صباحو ياحلو
مرام :هلا صباحو
يوسف :وينك انت صرلي ساعة عم دور عليكي ليش ماجيتي ع الكلية
مرام :مارح اجي مافي محاضرات مهمة وبدي ضل مع اختي
يوسف :عراحتك بس بكرا اكيد بدي شوفك
مرام :اكيد ...
يوسف :سلميلي ع اختك ...باي
مرام :باي
عبير :اختي مين هاد يوسف
مرام :هاد صديقة بالكلية وبسلم عليكي
عبير : الله يسلمك ويسلمو .... اختى احكيلي عنو
جلست مرام وحكت لها قصة يوسف وكيف تعرفت عليه وانه هو صديقها الوحيد
عبير:مرام انت بتحبيه ؟؟
مرام:انا لا هو مجرد صديق
عبير :لأ انت بتحبيه لما كنتي عم تحكيلي عنو كانت عيونك عم تلمع
مرام :اختي عندك للسر محل
عبير :اكيد طبعا ... يلله احكيلي شوفي بقلبك
مرام :انا عم اشعر تجاهو بشعور حلو بس مابعرف اذا كان هالشعور هو الحب
عبير : وهو ... مابتعرفي شو هو شعوره
مرام :هو دائما بحكيني كلام حلو ....بس مابعرف شعوره
عبير :اعترفيله بمشاعرك
مرام :انا ...لا لا مستحيل انا عندي كرامة واذا اعترفته بمشاعري بخسر كرامتي لنفسي واذا هو بحبني هو لازم يعترف
عبير :ان شاء الله يكون بحبك
مرام :يارب ... بس لا تخبري امي
عبير: لا اكيد مارح خبرها بشيء
....................................................................

يوسف كان منزعج جدا لانه لم يرى مرام واحتار بحاله وبدأ يشعر ان الكلية كلها ظلمة ... ذهب وجلس بالكافيه وطلب فنجان قهوة ..... ورأسه كاد ان ينفجر بالتفكير ولا يجد اجابات لأسئلة كثيرة في رأسه ...
اخرج موبايله واتصل بصهره زوج اخته ... محمود طبيب نفسي ....
يوسف :السلام عليكم ....كيفك ياصهر
محمود :اهلا يوسف ... كيفك وكيف خطرنا على بالك
يوسف :انتو على طول بالبال وبالقلب ....كيفها اختي والولاد
محمود :بسلمو عليك .... اختك اليوم زايرة عندكم
يوسف :عنجد .... انا هلق بالكلية حتى روح على البيت بشوفها هية والولاد والله اكتير اشتقتلون
محمود :قلي يوسف ليش متصل
يوسف :بدي اسألك سؤال
محمود :اتفضل اسأل عم اسمعك
يوسف : هلق كلشي يجي لعندك بكون مجنون
محمود :هههه اكيد لا ... نحنا العرب عنا نظرة لطبيب النفسي نظرة طبيب مجانين ...بس لأ غلط الطبيب النفسي شخص بساعد الناس يلي بتعاني من مشاكل نفسية في حياتها يلي محتارة بحياتها مش عارفة تحدد هدفها بالحياة اشخاص بحاجة الى صديق الطبيب بكون الصديق ناس بتشوف كل حياتها ظلمة الطبيب بفرجيها الجانب المشرق بالحياة و.....و.....و....
يوسف : بس .... بسسسسس سألتك سؤال ماقلتلك حدثني عن الطبيب النفسي
محمود :هههههه ... انت قلي عندك مشكلة
يوسف :انا لا لا الحمد لله بس بدي اقعد معك في شغلة وبدي اياك تنصحني شو اعمل
محمود :اوكي ... اليوم الساعة خمسة فاضي
يوسف :اي فاضي
محمود :تعال لعندي ع البيت بنقعد انا واياك لحالنا
يوسف :بالبيت بكون احسن لانو مابحب جو العيادات
محمود :هههه متل مابدك ناطرك ع الخمسة سلام
يوسف :سلام .
.................................................................
عباب الجامعة يوسف خارج منها لانه لايريد ان يظل بها من دون مرام اصطدم بشخص
يوسف :انا اسف I m sorry ما انتبهت
الشخص لم يرد...
رفع النظارة الشمسية ونظر الى الفتاة التي تقف امامه
يوسف :يا أنسة .... اسمعتيني
نذعت النظارة عن عيونها ووضعتها فوق رأسها
مها :ما اعرفتني يا يوسف
يوسف :مها!!!
مها:اي مها ليش مستغرب
يوسف :شوعاملي بحالك
مها : غيرت اللوك حلو .(مها قصت شعرها وصبغته لون اشقر غيرت موديلا ملابسها أي اصبحت فتاة مختلفة تماما عن مها القديمةوكانت رائعة الجمال )
يوسف من غير اهتمام : اي حلو
مها :بس حلو
يوسف : شوبدي قلك اكتر من هيك
مها :يوسف ليش عم تعاملني هيك
يوسف :ما افهمت وضحي اكتر
مها :يعني عم تتجاهلني
يوسف :لا عادي انا ماعم اتجاهلك
مها :مابس عم تتجاهلني ماعم تفكر فيني نهائيا ... انا صرلي اسبوع غايبة عن الكلية وما سألت عني
يوسف :وليش لحتى اسأل عنك
مها :يوسف نحنا لازم نقعد مع بعض في موضوع لازم احكيه معك
يوسف :اوكي بس هلق عندي مشوار بكرا بشوفك باي
مها :باي
اكملت مها طريقها الى الكافيه وكان الجميع ينظر اليها نظرات اعجاب حتى وصلت الى كرم وسليمان جالسين على طاولة كانو يلعبون بهواتفهم ولم يروها
مها :هاي
رفعو ابصارهم
كرم وسليمان: ها....
مها :شبكن ليش سكتو كأنكم شايفين عفريت
كرم وسليمان بصوت مزدوج :مهاااا !!!
مها:اي مها ....حلو اللوك
كرم : لك مابس حلو لك بشّل طالعة بتجنني وين كنت مخباي كل هالجمال
سليمان : رووووووعة .... انت بالفعل رائعة
مها :ههههه خجلتوني
كرم : اقعدي ليش بعدك واقفة
جلست على الكرسي
مها :هلق انا عنجد طالعة حلوة ولا عم تجاملوني
سليمان :ليش لحتى نجاملك .... عنجد طالعة اكتير حلوة
مها :بس يوسف ما انتبهلي بالمرة
كرم :شوبدك فيه انت ليش بهمك رأيو
مها :اكيد بهمني رأيو انا غيرت حالي كرمالو
كرم :انا مافهمان شي
سليمان :بكون احسن انا بعدين بفهمك ... المهم هلق خلينا بموضوع يوسف ... مها انت عم تحكي جد
مها :اي عم احكي جد حاسسيتو كتير متغير
كرم : مظبوط يوسف معد مشي معنا ولاعم نطلع سهرات متل اول ولاعم يحكي معنا طول وقته مع مرام
مها :مرام ... مرام... مرام ... منين طلعتي هاي عأساس يوسف بدو يطفهشا كأنو كذب الكذبة وصدقها
سليمان : انا حاسس انو بحبها
مها : لازم نقعد مع يوسف ونحكي ونعرف بشو عم يفكر
....................................................................
الساعة الخامسة في منزل محمود
طرق الباب يوسف وفتح له محمود الباب
يوسف :سلام
محمود :هلا هلا اتفضل ادخل
دخل يوسف وجلس على الاريكة
محمود :انا داخل اعمل شي نشربه خود راحتك البيت بيتك
دخل محمود أعدّ كوبين من النسكافيه وخرج جلس بجوار يوسف ... تكلمو قليلا بمواضيع الدراسة والعمل والحياة اليومية ......
محمود :يوسف قلي شوكنت بدي تحكيلي
يوسف : بدي احكي بس مابعرف من وين بدي بلش

محمود :بلش من اي نقطة بتحبها وترك الباقي علي المهم اعرف شو هو الموضوع وانا بعدها بصير اسألك
يوسف :بس انا ماني مريض ولا تعاملي على هالاساس
محمود :اكيد انت مانك مريض انا عم اسمعك كصديق ما عم اسمعك كطبيب .... المهم يلله احكي
يوسف :رح احكيلك من عند مها
محمود :عم اسمعك
يوسف :مها صديقة قديمة بالجامعة وهية بنت بصراحة مانها ظابطة يعني بنت ماعندها حدود بالحياة كلش عندها مسموح بتسهر بملاهي ليلية بتطلع مع شباب والخ..... كانت تغار كتير اذا اجت شي بنت حلوة عالجامعة وكانت تطلب من اي شب يعمل شي قصة مشان تطفش البنت من الجامعة وبتعرف هيدي الجامعة تكالفيها غالية ويلي بيدرس فيها بكون وضعو المادي كتير منيح يعني البنات لما يكرهو الجامعة ويطفشو منها ماكانت تفرق معهن .
محمود :هية ليش عم تعمل هيك
يوسف :لانها بتغار كتير وبدها تكون هية الوحيدة البرنسيسة بالجامعة
محمود :كمل
يوسف :هاي السنة دخلت بنت فقيرة على الجامعة اسمها مرام امها بتشتغل خادمة واختها مريضة والناس يلي بتشتغل عندهم امها هم المتكفلين بمصاريف جامعتها مرام بنت كتير حلوة بس الفقر يلي هية فيه مابيظهر جمالها يعني تيابها القديمة مابتبين جمالها يعني اذا لبست تياب جديدة بتصير ملكة جمال
محمود :بس الجمال ماجمال التياب والبنت جمالها بسترتها وعفتها واخلاقها
يوسف :بعرف يلي عم تحكيه كتير منيح بس هيك الناس بتفكر وبهمها المظهر الخارجي مها لما شافت مرام اشقد انها بنت حلوة وخافت اذا صار مع مرام مصاري تظبط حالها وتصير حلوة ساعتها بصير الها منافس
محمود :ومها طلبت منك انك اتطفشها مظبوط
يوسف :صح وانا هيدي اول مرة بشترك بهيك شغلة
محمود :ليش انت ؟ليش ما اختارت واحد غيرك؟؟
يوسف :لانو انا مابتعرفني مرام اما باقي الشباب شافتهم مع مها واذا حدا قرب منها بتعرف انو مها باعتته
محمود :انت عامل علاقات مع بنات او مع مها
يوسف :اعوذ بالله صح انا بسهر معها وبنروح الكازينو بس اكتر شي كاسة بيرا وبوسة وانا اصلا مابعرف غير هل المغضوبة مها
محمود : الحمد لله طمنتني، طيب شلون بدك اتطفشها؟؟
يوسف:انو اكسرلا قلبا وقول بالجامعة انها بنت من شب لشب وبما انها فقيرة قول انها كانت عم تستغليني لانو انا معي مصاري ساعتها هية بتخجل ع حالها وبتترك الكلية
محمود :اممممم .... طيب يلي قبلها معهن مصاري وبيقدرو يدبرو حالهن مرام كيف بدا اتدبر حالها ؟
يوسف :تغير اختصاصها وتسجل بجامعة تانية واكيد الناس يلي متكفلة بدراستها اكيد مارح تتركها
محمود :امممم ....كمل
يوسف :انا اتقربت من مرام وصرت صديقها .... واقتربت اكتر لحتى ......
محمود :كمل ليش سكتت ....
يوسف :.......
محمود :حبيتها
يوسف :لا انا ماقلت هيك ... بس....
محمود :بس شو
يوسف :بصراحة في شعور بداخلي كتير حلو لما بكون معها وبرتاح .... معقول كل هيدا يكون اعجاب مثلا
محمود :اعجاب ولا حب
يوسف : بصراحة مابعرف حدد شعوري شو هو
محمود :يوسف انت بتحبها
يوسف :كيف اعرفت!!!
محمود :اول شغلة لما كنت عم تحكي عنها من اشوي عيونك صارو يبرقو والابتسامة بتنرسم ع وجهك لما بينذكر اسمها والدليل ليك الابتسامة الي ع وجهك .
يوسف لاحظ على نفسه انه كان مبتسم فضحكو هما الاثنين .
يوسف :كمل وبعدين
محمود : يوسف تخيل معي انها ماشية مع شب من الجامعة غمض عيونك واتخيل وحاول تعيشه
يوسف غمض عيونه
محمود تخيل معي مرام ماشية ....وفي حدا مسك ايدها ....... هيدا الحدا شب وكملو طريقهم
يوسف بدأت تظهر على وجهه علامات الغضب
محمود :انسى كل هيدا وركز معي مرة ثانية انت واقف ....اجت مرام من وراك وضمتك وقالتلك بحبك .
يوسف رجعت الابتسامة لوجهو
محمود :التفت لعندها .....
يوسف :كمل ليش سكتت وبعد ما التفت
محمود :انت هلق كمل شو رح ترد عليها
يوسف :طيب ارجاع عيد الموقف مشان انسجم معو مرة تانيه ولانو عجبني ههههه
محمود: هههههه اوكي ..انت واقف .... اجت مرام من ورا ضهرك وضمتك وقالتلك بحبك يا يوسف .... انت هلق التفت لعندها واتطلع بعيونها
بدء يتخيل يوسف التفت لعندها واتطلع بعيونها وقال وانا كمان بحبك قالها بقلبو
يوسف غارق بحلمو
محمود عم يهمس بأذنو بس يوسف ماحاسس فيه:
ما اسمعت قلي شو قلت .يوسف عم يسمع صوت محمود على انه صوت مرام
يوسف :قلت انو بحبك ... بحبك ....بحببببببك .بصوت عالي
صحي من حلمه يوسف وصار يتطلع حواليه لقى محمود قاعد جنبه وعم يضحك
محمود :وقلتلي مابتحبها .هههههههههههه
يوسف بفرح :اي انا بحبها بحبها وحاسس حالي رح طير من الفرح .... انت عنجد انسان رائع عنجد طلعت
الحب يلي بقلبي عنجد حاسس حالي انولدت من جديد شكرا .... شكرا كتير الك

محمود :العفو هاد واجبي .... اي بس قلي شو رح تعمل بموضوع مها
يوسف :مها تروح تنباع بالعزا انا بدي اعترف لمرام بحبي ونبه ع مها اذا بتقترب من مرام رح تكون ايامها سودة مرام من اليوم صار مسؤولة مني
محمود :لحظة لحظة ليش انت كتير متفائل مثلا مرام ما بتحبك
يوسف :ما عكيفها امامها خيارين يا انا يا انا ههههههه
محمود :مجنون ...هههههههههه
يوسف :ااااه ... نسيت في مشكلة
محمود :شو هية .
يوسف :مرام مفكرتني فقير ... انا لازم اعترفلا وما كذب عليها
محمود :كلامك صح .... بس بالاول اعترفلها انك بتحبها وبعد فترة اعترفلها انك غني والغنى لله عز وجل وانك اعملت هيك مشان تتقرب منها
يوسف :وقلا اني كنت بدي اضحك عليها
محمود :اصحك لا .... بتخسرها للأبد
يوسف :اوكي .... يلله هلق باي
محمود :عوين رايح يا مجنون
يوسف :هههه مابعرف بس لازم روح ... بس عوين مابعرف
محمود :ماشي الله معك .
...................... ........................
ذهب يوسف الى منزله ودخل وسلم على اخته سارة ولعب مع اولاد اخته جلس يوسف واخته وامه في الحديقة وكان الجو جميل جدا لانهم كانو في فصل الخريف والجو كان معتدل رائع جاء احد الخدم وقدم لهم العصير
يوسف :اختي انا كنت عند زوجك
سارة : انت كنت عند محمود ؟؟!!!!
يوسف :اي كنت عندو .... اشتقتلو ورحت لعندو
سارة : تشتقلك العافية يا خيي بس مابعرف حاسي في شي مو طبيعي
يوسف :هههههه لا اطمني مافي شي بس كنت ضايج رحت لعنكم مالقيتك قعدت محمود شوي وجيت لهون .
منار :يوسف شو صار معك قلتلي انهارين صرلك جمعة مافكرت بموضوع زواجك
يوسف :اي فكرت
منار :يعني حدد موعد مع بيت خالتك مشان نروح نخطبلك رولا
يوسف :انا قلتلك فكرت ... ماقلت وافقت على رولا
منار :شو قصدك
يوسف :قصدي ... انا مابدي رولا لاني ما بحبها .... وانا كمان بحب بنت معي بالجامعة بالسنة الاولة بنت كتير طيوبة وحبابة
منار :ومين بتكون هاي البنت
يوسف :بنت اكتير برئية ... هية مانها من عيلة معروفة ولا حتى اهلها اغنياء بنت كتير بسيطة وحلوة وعاجبتني كتير وبدي اخطبها واتزوجها
منار :انت متأكد
يوسف :متأكد وكتير
منار :بس ما تكون طمعانة فيك
يوسف :بشو بدها تطمع هية مفكرتني شب فقير
منار :متل مابدك ياابني بس كنت حابي تاخد بنت خالتك .... ونحنا بحياتنا ما نظرنا للشخص اذا كان معو مصاري او لأ المهم تكون بنت مرباي وبنت محترمة
والاهم انك انت بتحبها .... الله يهنيك يا ابني ويسرلك طريقك
قام يوسف من مكانه وأنحنا امام والدته وقبل يدها
يوسف :الله يخليلي اياكي ياحلا واطيب ام بالدني كلها وما يحرمني منك
منار :الله يرضى عليك يا ابني المهم انت تكون مبسوط .... اي وايمت بدك تعرفنا عليها
يوسف :بصراحة ما هلق ع مهل حتى يصير الوقت مناسب بجيبها وبعرفها عليكي .
................................................................
اتصل يوسف بأصدقائه كرم وسليمان ومها وواعدهم في مطعم مشهور
"في المطعم "
وصل الجميع وجلسو بأنتظار يوسف وبعد دقائق وصل يوسف سلم عليهم وجلس معهم ....طلب العشاء
وبدأو يتناولو العشاء وعندما انتهو طلب لهم الفواكه وبعض الحلويات كانو في استغراب من تصرفات يوسف لانهم من فترة لم يجلسو مثل اليوم
سليمان :قلنا يوسف شو سبب هالعزيمة
يوسف :ليش هاي اول مرة بعزمكم ع العشا اوعلى الغدا
كرم :ما اول مرة بس صرلنا زمان ما اجتمعنا هيك
يوسف بدون مقدمات :انا رح اعترف لمرام اني بحبها
مها بفرح :يعني عن قريب رح نخلص منها
يوسف :انا قلت رح اعترف لمرام اني بحبها ... وكلامي واضح
سليمان :انت شو عم يصير معك ..... وضح اكتر
يوسف :بدك اوضح من هيك عم قول بدي اعترفلا بحبي
كرم :يعني انت حبيتها عنجد ؟؟
يوسف :اي حبيتها وبدي كمل معها
مها كانت في يدها الشوكة عندما سمعت ما قال يوسف وقعت على الطاولة من الصدمة
مها :بوس ايدك يا يوسف احكي بوضوح ومن الاول قلبي رح يوقف
يوسف :انا اكتشفت اني بحبها لمرام وبدي اعترفلا وبدي اخطبها وبدي اياها شريكة حياتي عندك مانع أنسة مها
مها :والخطة
يوسف :عن اي خطة عم تحكي عم قلك بدي كمل حياتي مع مرام وانت عم تقوليلي الخطة مرام من اليوم بتخصني إلي وبس ويلي بقرب منها رح يكون عدو الي افهمتي انسة مها ... واذا عندك اعتراض احكي عم اسمعك
مها بصدمة :لا ماعندي اي اعتراض الله يهنيكم مع بعض
يوسف :هيدا هو الحكي يلي بدي اسمعو
سليمان :مبروك
يوسف :شكرا
كرم :مبروك
يوسف :شكرا ... احلا رفقة والله
كرم :بدك تقلها انك غني وابن حسب ونسب
يوسف :حاليا لا بكرا بدي اعترفلا بحبي ولحتى اعرف شو مشاعرها بعدين بقلها اني عملت هيك لحتى اتقرب منها وساعتها اكيد رح تسامحني

مها :عن اذنكم انا بدي امشي باي
الكل :باي
سليمان :عفكرة انت جرحتها لمها
يوسف : ما افمهت ليش لحتى اجرحها
سليمان :مها بتحبك
يوسف :قصدك بتحب مصرياتي ... المهم شيلني منها انا حاليا مبسوط ومابدي حدا يزعجني
كرم :بما انك مبسوط قوم لنروح ع شي كازينو
يوسف :بعطيكم مصاري روحو انتو انا معد بدي روح ع هيك اماكن
سليمان:اصبح هات ٢٠٠ دولار
عطاهم ٢٠٠ دولا وذهبو يسهرو ويوسف دفع حساب العشا وذهب الى منزله لكي يسهر مع عائلته ويدرس قليلا .
..................................................................
في اليو التالي يوسف ذهب باكرا الى الجامعة لكي ينتظر مرام واحضر لها وردة حمراء وكان ينتظرها عباب الكلية .... اقترب باص من باب الكلية ونزلت منه مرام نظرت امامها وجدّت يوسف واقف وينظر تجاهها وهو يبستم ابتسمت مرام واقتربت منه
مرام وهية مبتسمة :صباح التفائل هههه شو صاير معك شي لحتى واقف وعم تبتسم .... ناطر حدا
يوسف :ياصباح الفل والياسمين والزنبق .... اول شغلة متفائل بهل الوجه متل القمر وتاني شغلة صح ناطر حدا وهالحدا هو انت
مرام :اناااا !!
يوسف اي انت
مرام :ههههه مجنون ... يلله لندخل بنحكي جوا
وقف يوسف امامها ... وقفت مرام ونظرت اليه نظرات تعجب
مرام :انت شو عم يصير معك
يوسف : عم يصير انو اليوم بدي اخطفك
مرام :شووووو؟؟؟
مسكها من ايدها وسحبها اتجاه الطريق
مرام :يوسف ... يا يوسف ... لحظة اسمعني ... عوين اخدني .... يا يوسف بترجاك اسمعني .... لك يا يوسف عندي محاضرات كتير مهمة اليوم ... ومافي حدا بحكي معو يعطيني اياها
وقف يوسف :اول شغلة المحاضرات انا رح جبلك اياهن بكرا الصبح رح يكونو عندك وتاني شغلة بدي اخدك مشوار وبدي اقضي اليوم كلو معك
مرام :ليش ... ما انا كل انهار عم شوفك بالكلية
يوسف :انا امبارح ما شفتك وبتعرفي اني كنت رح جن لاني ماشفتك وبعدين انا عطول بشوفك بالجامعة هل المرة بدي شوفك برات الجامعة
مرام :وليش كنت رح تجن
يوسف انت ليش يبتحكي كتير ... اسكتي اشوي بعدين بجاوبك ع كل الاسئلة
ذهب يوسف واوقف تاكسي وذهب هو ومرام .
....................................................................
في الكافيه جالسة مها وسليمان اقترب منهم كرم وجلس
كرم :بتعرفو مين شفت عباب الكلية
مها :مين ..
كرم :يوسف كان ماسك ايد مرام وراحو ركبو بتكسي وكان يوسف كتير فرحان
لم ترد مها
سلميان :مها انت بدك تسكتي لمرام .. يعني هيك بهل السهولة رح تتركيلها ليوسف
مها :هو اختارها والله ينهيهم مع بعض
قامت وذهبت
سليمان :انا قلبي مانو مطمن من اتجاه مها اكيد بدها تعمل شي فصل ناقص
كرم : ما بيطلع بأيدها شي ... بكرا بتدور ع شخص جديد وبتنسى يوسف
سليمان :انت هيك بتفكر .... انا بعرف مها كتير منيح ومستحيل تسكت .
كرم :الله يستر احسن الشي
................................................................
يوسف في التاكسي: مرام انت فاطرة
مرام :لا
يوسف :كتير منيح .... لو سمحت نزلنا عند هيداك المحل
نزلو من التكسي امام مطعم فخم
مرام :نحنا شو عم نعمل هون
يوسف :بدنا نفطر
مرام :بهيدا المطعم ؟؟؟
يوسف : اي بهيدا المطعم
مرام :بس هيدا المطعم مبين عليه كتير غالي
يوسف :انت شوبدك بكل هالحكي تعالي
مسكها من ايدها ودخلو الى المطعم كان مطعم جميل جدا من الداخل ومرام اول مرة تدخل مثل هذا المكان وتجلس فيه كانت تشاهد مثله فقط في التلفاز
مرام :يوسف قوم نطلع من هون انا ماني مرتاحة ويمكن الاكل كتير غالي هون منين بدنا ندفع انا ما معي مصاري كتير يادوب يكفو اجار الطريق مابدنا ننفضح
يوسف :ومين قال انك رح تدفعي شي انا عازمك وتاني شغلة حاج تحكي خلص انا قلت بدنا نفطر هو يعني هون
مرام :انت واحد عنيد
اجا الكرسون :تفضلو شو بتحبو تفطرو
طلب يوسف فطور وطلب اكتير اصناف ... ومرام كانت بصدمة
جاء الفطار قبل ما يبدأو بالاكل
يوسف :مرام انا جبتك اليوم بدي اعترفك بشغلة
مرام :شو هية
فتح يوسف جاكيته واخرج من الجيب الداخلي الوردة الحمراء وامسكها بيده ووجهها اتجاه مرام
يوسف :مرام بتقبلي تكوني حبيبتي
مرام :!!!!!!!؟؟؟؟؟؟؟
يوسف :مرام انت عم تسمعيني
مرام هزت رأسها بأيجابية
يوسف مسك بيده الاخرة يد مرام
يوسف :مرام انا بحبك .... بحبك
يتبع .......

#مرام
#بقلم_مريم_اليوسف

#الجزء_الثالث

(القصة من ٢١ جزء يعني طويلة مشان يلي مابدو لا يكملا ... ورح حاول نزل اكترر عدد ممكن من الاجزاء باليوم )

يوسف :مرام انا بحبك ... بحبك بجنون
مرام قلبها بدأ يدق بسرعة ولا تعرف ماذا تقول
يوسف :مرام قولي اي شي ... بس لا تسكتي ... انتي مابتحبني متل ما بحبك
مرام :.............
يوسف سحب يده من فوق يدها ووضع الوردة على الطاولة
يوسف :انا اسف يمكن استعجلت بس ما اقدرت خبي مشاعري اكتر .... انت حرة ومن حقك ترفضي ...خلص انسي كل الحكي الي قلتو وخلينا نفطر ونرجع ع الجامعة . مسك الشوكة والسكين وبدأ يأكل
مرام مازالت صامتة وهية ترى الحزن بعينيه وتقول بنفسها هو عنجد بحبني، انا بحبو وبحبو كثير بس انا خايفة اتعلق فيه ويجي شي يوم واخسره خايفة من مشاعره ماتكون حقيقية اتجاهي وبعد فترة يتركني خايفة اغلط واغضب رب العالمين ....
نظر اليها يوسف وهية مازالت صامتة
يوسف :مرام يلا كلي بدنا نرجع ع الكلية .
مرام :يوسف..
يوسف :مرام انا اسف خلص اعتبري حالك ما اسمعتي كلشي احكيته . كان يتكلم وعيونه بدت حزينة وكأن في قلبه غصة مرام لاحظت عليه انه انجرح واذا قالت له انها مترددة سوف تجرح نفسها ايضا لكن هية تحبه وتحبه جدا وقررت ان تتكلم ومهما كانت النتائج المهم ان تكون مع حبيبها .
مدت يدها مرام واخذت الوردة وقربتها من انفها وبدأت تشتم رائحتها
مرام : حلوة كتير ريحتها ممكن احتفظ فيها
يوسف :اكيد هيدي اجت ع اسمك
مرام :شكرا . وبدأت تأكل
مرام :يوسف انت عنجد حبيتني
يوسف :مرام بترجاكي سكري ع الموضوع
مرام :انا بترجاك جاوب على سؤالي
يوسف : اي حبيتك وحبيتك كتير
مرام :ليش حبيتني .... ليش انا في كتير بنات ليش انا
يوسف :لانك اجمل بنت شفتها بحياتي
مرام :انت حبيتني لاني حلوة في بنات كتير احلا مني
يوسف :انا ما قصدي الجمال الخارج فقط انا بقصد الجمال الخارجي والداخلي انت طيوبة كتير وحنونة وعقلك كبير وراكزة وبنت مجتهدة
مرام :هههه معقول كل هدول الصفات فيني انا
يوسف :اي واكتر ..
مرام :طيب انت ما اسمعت شو ردي
يوسف :اذا بدك تقولي لأ لاتحكي
مرام :لازم احكي مشان تعرف بشو بشعر تجاهك ومشان المستقبل كيف رح يكون تعاملنا مع بعض
يوسف وقف :انا رايح على الحمام
مرام : يوسف انا بحبك
يوسف كان يتحرك لكي يمشي اتجاه الحمام عندما سمع ماقالته مرام توقف مكانه والتفت اتجاه مرام
يوسف : انت احكيتي شي
مرام مع ابتسامة جميلة :اي قلت بحبك
جلس يوسف على كرسيه بسرعة وامسك يديها :عنجد انت بتحبيني
مرام :اي بحبك وبحبك كتير ..
رفع يديها وبدأ يقبلهم :مرام انا بعشقك انت حبي وجنوني وعشقي وغرامي وهيامي
مرام احمر وجهها من الخجل واخفضت نظرها اتجاه الارض ،وضع يده تحت ذقنها ورفع وجهها المحمر
يوسف :انا بعشق خجلك ...
مرام :انت ما كنت بدك تروح على الحمام ههههههه
يوسف :هههههههه
مرام :يوسف ...
يوسف :ياعمرو ليوسف ... قولي حبيبتي
مرام : بس انا مترددة
يوسف :من شو مترددة
مرام :من الزمن ... خايفي كون عم اغضب رب العالمين
يوسف :بس نحنا ماعم نعمل شي غلط ......انا بوعدك انو مارح اتزوج غيرك واذا ما كنتي من نصيبي مارح اتجوز ابدا .... في شي غيرو انسة مرام
مرام :اي في ....انك تصير تصلي
يوسف :بوعدك يا مرام من اليوم بدي بلش صلاة
مرام :بدك توعدني واذا اجا شي يوم وبعدنا عن بعض ما تترك الصلاة .... لانو انت عم تصلي مشان نفسك ما مشاني
يوسف :بوعدك ... وبوعدك انو هاليوم مارح يجي ونبعد عن بعض
مرام :بأذن رب العالمين ... يوسف انت بتعرف تصلي
يوسف :اي الحمد لله كنت صلي وانا صغير كنت قطع ما عطول صلي .... مع انو البابا بضل يبهدلني مشان صلي ... واوقات بروح معوعصلاة الجمعة
مرام :الحمد لله .... لانو اذا مابتعرف كنت رح تعذبني معك وانا علمك
يوسف :هههههه ... انت بدك تعلميني لك انا بعلم الأكبر منك
مرام :بركاتك شيخنا ...هههههه
يوسف :دخيل هالضحكة ما اجملها .... يلله تقومي نروح
مرام :بالله والاكل كل هيدا نتركو ونروح بدنا ندفع حقو بلاوي .... بدي اكل واشبع
يوسف :ههههه اي كلي مية صحة وهنا
كملو فطورهم وهم بكامل الرومنسية والغزل .... وبعدها ذهبو وجلسو على البحر
..............................................................
سلمى في منزل عائلة يوسف
واقفة سلمى تعدّ الغداء وفجأة بدأ نفسها يضيق وقلبها يؤلمها ذهبت بسرعة الى حقيبتها اخرجت منها الدواء وشربته وجلست على الكرسي لكي ترتاح قليلا ....
تقول في نفسها يالله مالي غيرك اسألك ان تشيفيني من دون عمليات يالله ليس لي سواك
دخلت منار المطبخ ووجدت سلمى تجلس على الكرسي وتضع يدها على صدرها ولون وجهها اصفر وتتنفس بصعوبة اقتربت منها

منار :شبك يا سلمى انت منيحة
سلمى :اي الحمد لله بس اتعبت فجأة
منار :رح اطلبلك الدكتور
سلمى :لا .. لا مافي داعي من حوالي اسبوعين رحت ع الدكتور وطمني وقلي معي فقر دم
منار :لازم تتغذي
سلمى: الحمد لله عم اتغذا والدكتور عطاني دوا عم اتحسن عليه ...
منار : اي الحمد لله .....اي قوليلي شو طابختيلنا اليوم
سلمى :كل الي طلبتيهن يا مدام كلو جاهز
منار :اي كتير منيح لانو جاي لعنا اليوم سارة ويارا يتغدو معنا
سلمى :يا ميت اهلا وسهلا فيهن .... اعملت لكل شخص الصنف يلي بفضلو اعملت ليارا المحاشي ولسارة رز بالدجاج وللباشامحمد الكفتة وليوسف حبيب قلبي ملوخية
منار :ههههه بس يوسف حبيب قلبك
سلمى : هههه والله كلهم بحبهم بس يوسف الو معزة خاصة بقلبي
منار :الله يعطيكي العافية
سلمى :شكرا
خرجت منار من المطبخ ذهبت سلمى الى هاتف المنزل واتصلت بمرام وقالت لها انها سوف تتأخر وقالت لها ان لا تتأخر على اختها عبير
...........................................................
مها تقود سيارتها وهية في قمة غيظها وتفكر بطريق تبعدهم عن بعض وتقول بنفسها ماهية الطريقة ...لازم اتحرك يوسف الي وبس مارح اسمح لهيدي الشرشوحة تاخده مني والشغلة صارت تحدي بيني وبينك يا شرشوحة خانم ... وحدة متلها تتغلب علي ... بسيطة الايام جاي بس هلق خليهم ينبسطو مع بعض اشوي ... وبعدها رح عرفها مين بكون يوسف باشا الشب المليونير يلي عم يدعي الفقر ..هههههه
.......................... ..............................
عبير جالسة تشاهد التلفاز وبجانبها الخالة سلام تفرم بعض الخضار لكي تأخذهم وتطبخهم لاطفالها
عبير حملت الريمونت كونترول لي تقلب القناة لكنها وجددت صعوبة في تحريك يديها .... لكنها كابرت على نفسها ولم تهتم بالموضوع وبدأت تحركهم يمين وشمال اعلى واسفل وجدت نفسها اصبحت جيدة وعادت حركت يديها مثل ما كانت .
..........................................................
في كافيه الجامعة
كرم :سليمان شبك في شي زاعجك
سليمان :بصراحة مزعوج من حالي ... كل هالفترة ماشين متل مابتقلنا مها وما اعملنا اي شي لنفسنا وبصراحة انا مبسوط كتير من يوسف وبصراحة غيران منو
كرم :ليش غيران منو
يوسف :شب ملتزم بحياتو ماعمل علاقة مع ولا بنت بعكسنا وبرغم من كل محاولات مها ولا مرة قرب منها
وكتير متحسن بدراستو ولا تنسى ابوه وكل املاكو ليوسف .. في عندو اختين بنات بس اكيد مارح يورثو متل يوسف يعني يوسف هو الوريث الوحيد
ولا تنسى انه لقى حب حياتو لقى جوهرة عنجد مرام جوهرة بكل معنى الكلمة ...ومرام غيرتو للأحسن
كرم :اي والله كلامك كلو صح نحنا لازم نتغير ونتوب لرب العالمين ونهتم لدرستنا
سليمان :كلامك صح وانا من اليوم بدي بطل سهر وبدي بلش صلي وابعد عن كل البنات وبدي دور على بنت محترمة كمل معها حياتي
كرم :بتعرف انو في شي بداخلي اتغير للأحسن
سليمان :نحنا الله مأنعم علينا بأكبر نعمة وهية نعمة الاسلام ونحنا ما مقدرين هل النعمة
كرم :معقول رب العالمين يسامحنا
سليمان :ان الله غفور رحيم
كرم :اصبح يلله قوم لنحضر محاضرة الساعة واحدة
..........................................................
مرام ويوسف مازالو جالسين على البحر ويأكلون المثلجات
مرام :انا لازم روح ع البيت ماما رح تتأخر وبدي ضل عند اختي
يوسف :ماشي حبيبتي قومي لوصلك
مرام لاتريد يوسف ان يوصلها لكي لايرى الحارة التي تعيش فيها لانه هو اكيد وضعه افضل من وضعها ولديه منزل افضل من منزلها
مرام :لا شكرا انا بروح لحالي مابدي عذبك بس انت وقفلي تكسي
يوسف بغضب :انت مجنونة كيف بدي خليكي تروحي لحالك انت من اليوم صرتي مسؤليتي وانا بدي وصلك كل يوم وبدي جيبك من بيتكن كمان افهمتي
مرام :بس يا يوسف انا ..
يوسف : خلص مرام ولا كلمة انا الي بدي قولو بدو يتنفذ افهمتي
مرام :اذا من هلق عم تتحكم فيني كيف بعد ما نتزوج
يوسف :ههههه وقتهابحبسك ومابخلي مخلوق يشوفك ... انت جوهرتي الثمينة
مرام :ههههه مجنون
يوسف : يالله امشي قدامي لوقفلك تاكسي وصلك وبعدين انا بروح ع بيتنا
ركبو تاكسي ...... قبل مايوصول ع الحارة
مرام :وقف هون ... هون بيتنا
يوسف :اي واحد هو بيتكن
مرام :ما هون بس هيدي هية الحارة.... لقدام ما بتدخل التاكسي
يوسف :عراحتك
نزلت مرام ونزل يوسف معها تقدمت عدّة خطوات الى الامام
يوسف :مرام
التفت مرام الى يوسف
يوسف: رح اشتقلك
احمر وجهها من الخجل وذهبت مسرعة
يوسف بصوت عالي :مرااااام .. انا بحببببببك
لم تلتفت مرام بل تابعت مشيها بسرعة وهية تضحك ضحكت فرح
ركب يوسف التاكسي وذهب الى الموقف الذي يوقف به سيارته ركب سيارته وذهب الى منزله

............................................................
في منزل يوسف يجلس الجميع على طاولة الطعام دخل يوسف عليهم والقى السلام
منار :حبيبي يوسف تعال بسرعة الغدا رح يبرد ولا تنسى في ملوخية حضرتها سلمى لعيونك
يوسف :الله ... ملوخية تسلم ايدك يا خالة سلمى
.... انتو اتغدو انا طالع اتوضى وصلي الضهر وبنزل قبل ما يأذن العصر
الجميع كان في صدمة
محمود بضحك :ومن ايمت بتصلي استاذ يوسف
يوسف :من اليوم ...(وغمزه لمحمود ) بركاتك شيخي
هههههه .
محمود :يعني مشي حالك
يوسف : ههههه ..... ما قلتلك مافي خيار ثالث ياانا يا انا
محمود :هههههههه
الجميع مستغرب من الحوار الذي يدور بين محمود ويوسف ولا احد يفهم شيء
منار:ليش عم تحكو بالالغاز
يوسف :خلص مافي شي انا طالع غير تيابي وصلي وبكون البابا وصل
ذهب يوسف بدل ملابسه وصلى الظهر ونزل على سفرة الطعام كان والده يجلس في مقدمة الطاولة ذهب اتجاه والده وقبل يده
يوسف :كيف حالك يا بابا
محمد :الله يرضى عليك يا ابني ... بس كأنك متغير
يوسف :اي والله متغير للأحسن
محمد :الله يهديك يا ابني
جلس يوسف بجانب محمود زوج اخته
قدمت سلمى الطعام للجميع وذهبت الى المطبخ
كان جالس على الطاولة يارا وزوجها عمر ومحمود وسارة واولادهم محمد وميس ويوسف ومنار ومحمد ابو يوسف
محمود بهمس :شو صار معك
يوسف بفرح :هههههه مابدي قلك
محمود :بسيطة يايوسف بس بعد فترة ماتجي لعندي وتشتكيلي
يوسف :هههههههه ... بعد الاكل بحكيلك كلشي
محمود:ماشي
سارة :بشو عم تتهامسو انت واياه
محمود :مافي شي حبيبتي كملي اكلك بقلك بعد الغدا.
انتهو من الطعام وذهبو الي الحديقة استأذن يوسف واخذ محمود الى غرفته
يارا :ماما شبو يوسف كأنو متغير كتير ... وبعدين من ايمت هالصحبة هو ومحمود
منار :والله ما بعرف ياماما .... سارة مابتعرفي شبو اخوكي وزوجك
سارة :لاوالله ياماما مابعرف .... ومحمود مابيحكيلي شي
محمد اخذ عمر وذهبو الى المكتب لكي يتكلمو قليلا عن العمل لان عمر يعمل مع ابو يوسف بالشركة
منار :ماما يارا شو صار معك بموضوع الحمل
يارا :مابعرف ياماما وبعدين ماصرلنا زمان متزوجين كلها خمسة اشهر
منار :ماشي بس من هون لشهر اذا ماصار حمل انا رح اخدك ع دكتور كتير شاطر
يارا :ان شاء الله ...... صح ماما انا جبت اشويت تياب عطيهم لسلمى ماقلتيلي عندها بنت صبية
انا معد بدي اياهن لانو عمر ماعاجبو لبسي وقال بدو اياني البس شي طويل للأرض ... وممنوع البس بناطلين وبلوزات وكنزات ... مع انو لبسي طولي ..بس ماعاجبو
منار :متل مابدو زوجك اعملي وبعدين انت بتطلعي احلا باللبس الطويل ...... وين التياب خليني قوم اعطيهم لسلمى لانو بدها تروح ع بيتها
يارا :بغرفتي فوق .
طلعت منار ع غرفت يارا واخرجت الملابس ونزلت الى سلمى
منار :الله يعطيكي العافية يا سلمى عزبناكي اليوم
سلمى :عزابكم راحة ....هيدا واجبنا
منار : سلمى ليكي هدول التياب ليارا ...مابدها اياهم خديهم لبنتك مرام ... هنن اكترهم جداد ومانهم ملبوسين ... واذا ماعجبوكي لا تاخديهم
سلمى :يامدام مابدي غير سلامتكم
منار : الله يسلمك .... انا مابدي احرجك بس اذا مابدك اياهن خلص اتركيهم
سلمى : لا رح اخدهم الله يكتر خيركم
منار :خير الله
في غرفة يوسف يجلس ويحكي لمحمود ماحصل معه وكان سعيد جدا ....
............................................................
وصلت سلمى الى المنزل وجددت عبير نائمة ومرام تدرس سلمت عليها وجلست
مرام :ماما شوفي بالاكياس
سلمى :تياب الك
مرام :الي!!!
سلمى اي الك المدام منار عطتني اياهن
قامت مرام وفتحت الاكياس وجددت جميع الملابس جميلا جدا وبعضها بعدها في اكياسها والبعض الاخر ملبوسة لبسة واحدة فرحت كثيرا بهذة الملابس
...............................................................
في اليوم التالي اسيقظت مرام ولبست من الملابس الجديدة وفطرت مع امها واختها وذهبت الجامعة ووالدتها ذهبت الى منزل عائلة يوسف
كانت مرام في كامل الاناقة والجمال .وذهبت باكرا الى الجامعة لكي تحصل على المحاضرات من احد الزملاء
........................................................
في الجامعة
مرام تدخل من الباب وبدأ الموبايل يرن
مرام :الو
يوسف :صباح الخير حبيتي
مرام :صباح النور ياعمري
يوسف :جهزي حالك انا رح مر اخدك معي
مرام :ههه بس انا صرت بالجامعة
يوسف بغضب: ما قلتلك انا باخدك وبجيبك
مرام :بس يا يوسف انا مابدي عزبك ومابدي خسرك كل يوم اجار التكاسي ... عم اجي بالباص
يوسف :انت ليش ما بتسمعي الكلمة... وانت مادخلك شو بصرف .... هل المرة رحتي من غيري بس تاني مرة مابمرقلك اياها ... افهمتي

مرام :حاضر
يوسف :بحبك
مرام :ههههه وانا كمان
يوسف :وانت شو
مرام :ههههه.... بحبك
يوسف :انا مشوار الطريق وبكون عندك
مرام :ناطرتك
ركب سيارته يوسف ووصل الى الموقف الذي يضع به سيارته وذهب اخذ تاكسي واكمل طريقه اتجاه الجامعة
مرام وقفت مع زميل من زملائها اسمه انس هو شب مهزب ومجتهد ولا يهتم بمواضيع البنات
مرام :صباح الخير انس
انس :اهلا مرام صباح النور
مرام :انت امبارح حضرت المحاضرات
انس :اي حضرتون .... انت ليش ماجيتي مالك بالعادة تغيبي
مرام :بصراحة ... كان عندي شغل بالبيت
انس :الله يعطيكي العافية
مرام :الله يعافيك .... بس اذا ممكن تعطيني دفتر محاضراتك انسخهم وبرجعلك اياهم
صوت غاضب من خلفها
يوسف :لأ ما ممكن
التفت مرام الى يوسف :يوسف انت شو عم يصير معك
يوسف لم يرد عليها :سورري يا انس بعتزر منك بس فيك تمشي
انس :اوكي ... باي
يوسف مسك ذراع مرام بقوة :ممكن تفهميني شو عم تعملي انسة مرام
مرام بغضب :انت بدك تقلي شو عم تعمل ...وانا بعدين عم جيب محاضرات امبارح يلي روحتهم علي
يوسف :وانا ماقلتلك انا بجبلك اياهم
مرام :اتفضل روح جيبهم
اخذ يوسف بعض الاوراق من بين كتبه واعطاهم لمرام
يوسف :اتفضلي ...هيدي محاضراتك
مرام بصدمة :وانت كيف جبتهم
يوسف :هيدا شي مابخصك وتاني مرة اذا بشوفك واقفة مع شب بدي اعمل مصيبة
مرام :هه شوبدك تعمل تضربني مثلا
يوسف :انتي لأ ما بضربك ... بس بضرب الشب يلي واقفة معو ...... واذا مانك مصدقة وقفي مع شي حدا وجربي
مرام بغيظ :مجنون وبتعملا
تركته واقف لوحده ومشت ...... لكنه هو منعها ومسك يدها مرة ثانية
يوسف :انت كيف بتمشي من قدامي وبدون ما اسمحلك
مرام سحبت يده ونظرت اليه بتحدي :انا حاسي حالية جارية عندك وانت عم تتملكني ..... وبعدين مين انت لحتى تمشي كلمتك علي .... انت واحد اناني
يوسف :انت الانانية ....لما بتوقفي مع شي شب انا قلبي بيشعل بنار ..... وانت مابتحسي فيني وبعدين انت مسؤولي مني واذا بدك اي شي بتطلبيه مني افهمتي
مرام :ههههه لهل الدرجة .... ماصرلك بالقصر غير من امبارح العصر لحتى تتحكم فيني .......ههههههههه بتعرف ظبط المثل علينا لسه امبارح اعترفنا بحبنا لبعض هههههههه
يوسف :الله يساعدني على جنانك هههههههههه ....وبعدين انا كلشي بالنسبة لألك وبتحكم فيكي متل مابدي افهمتي يا اميرتي
مرام :حاضر افهمت يا اميري
يوسف: صح انت شو عاملي بحالك شو هالجمال والاناقة
مرام :حلو
يوسف :انت الحلو ياحلو ..... بس انا مابستحمل شوفك بهالجمال وكل الشباب يشوفوكي انا بغار
مرام :بس ماتقلي روحي غيريه
يوسف :ههههه ...لا مارح قلك غيريه كتير حلو يلا روحي احضري محاضراتك وحتى تخلصي عازمك ع الكيك
مرام :اوكي باي .....وشكرا عالمحاضرات
يوسف :العفو.... باي
.................................................................
بعد مرور يومين في كافيه الجامعة
يوسف :مرام بتعرفي انو كل يوم عم حبك اكتر من اليوم الي قبلو
مرام : وانا كمان .... يوم عن يوم عم اتعلق فيك اكتر ولما بكون معك بنسى الدنيا وما فيها
يوسف :الله يخليلي اياكي
مرام :ويخليلي اياك
تلفون مرام يرن
مرام :اي خالة سلام ..... شوووو ..... ايمت صار معها هيك ..... وهية شو عم تعمل هلق ...... عم تبكي.....خبرتي الماما ...... يالله انا مشوار الطريق وبكون عندك
يوسف :خير شبك
مرام وهية عم تبكي :اختي المريضة .... ماعم تغضر تحرك ايدها ..خايفي يكون المرض عم ينتشر .....
يوسف :خلص حبيبتي طولي بالك ان شاء الله رح تكون بخير ....وانت لاتبكي وكوني قوية قدمها
مرام :يارب مالي غيرك
يوسف :قومي انا رايح معك
مرام :لا حبيبي مافي داعي مابدي عزبك
يوسف :معقول خليكي لحالك بهل المحنة يالله قومي انا رايح معك .
وصلو ع المشفى ولقوا الخالة سلام وبعض الجيران واقفين ع الباب الغرفة يلي فيها عبير
قبل ما يوصلو قالت مرام ليوسف ينزل ينطرها بالكافيه مشان الجيران...... ويوسف ما اعترض ونزل
وصلت مرام :خالة سلام طمنيني شو صار معها
سلام :هية من يومين عم تلاقي صعوبة بحركة ايدها
مرام :ليش ماخبرتونا
سلام :هية تقلي لانها ما عم تتحرك عم ينملو ..... اليوم حاولت كتير بس ماغضرت تحركهن وصارت تبكي وبعدها دقيلتلك وجبتها لهون
مرام :ماخبرتوها لماما
سلام :لا ....وبعدين لسه بدها ساعة وبتخلص شغلها حتى تخلص بنخبرها
خرج الطبيب من غرفة عبير اقتربت منه مرام وسلام
مرام :طمنا دكتور
الطبيب :بصراحة الوضع ما بطمن الورم عم يكبر وهاد هو سبب عدم تحرك يديها ... احتمال يصير معها شلل كامل
مرام وهية تبكي بغزارة :بترجاك يا دكتور تساعدها

الطبيب:رح نساعدها انت هلق اهدي وكوني قوية رح نعملها عملية مستعجلة نستأصل الورم ورح يكون معنا افضل الطباء بس انتولازم تروحو على قسم المحاسبة وتدفعو تكاليف العملية
مرام :اشقد بتكلف العملية
الطبيب :يابنتي انا بعرف وضعكم .العملية بتكلف ١٥ الف دولار انا رح احكي مع ادارة المشفى وممكن تنزلكن خمسة الاف وانا رح اتبرعلكم بخمسة وبضل عليكم خمسة وصدقيني يا بنتي اكتر من هيك مابقدر ساعدكم ...
مرام :شكرا كتير الك يادكتور وهالفضل مارح انسالك اياه بحياتي ..... بس ايمت رح تبلشو بالعملية
الطبيب :لحتى يندفع المبلغ وبدي قلك كل ما استعجلنا بكون احسن ...... وهلق عن اذنكم
مرام داقت بها الدنيا من وين بدها تجيب خمسة الاف قالت بنفسها رح دق للماما وهية بتقول للناس يلي بتشتغل عندهم وهم اكيد بساعدوها .مسكت موبايلها بدها تدق لامها ،دق يوسف ردت عليه
مرام وهية عم تبكي :اي يوسف قلي
يوسف :ليش عم تبكي شو صار مع اختك
مرام عم تبكي كتير ماقدرت تحكي
يوسف :انزلي لعندي بسرعة احسن ما اطلع انا لعندك
مرام :ماشي نازلة
نزلت مرام لعند يوسف وكانت عيونها حمرا كتير من كثرة البكاء اقتربت منه وانهارت بالبكاء هو لم يستحمل دموعها اقترب منها واخذها في حضنه وبدأ يطبطب على كتفها .... مرام شعرت بأمان في حضنه لكنها انتبهت على نفسها وابتعدت عنه
يوسف :حبيتي الله يخليكي حاج تبكي مابستحمل شوف دموعك .... احكيلي شو قلك الدكتور
مرام بصوت متقطش من كثرة البكاء :قال الدكتور ان الورم عم ....يكبر....ويمكن يصيبها شلل كامل ......وقال بدها .... عملية بسرعة ....
يوسف :شو عم تستنوا
مرام : بدنا ندبر خمسة الاف دولار تكاليف العملية ....انا رح اتصلي بأمي ..... الناس يلي يتشتغل عندهم .... اكيد بساعدوها ......
يوسف : اتصلي فيها بس لاتقوليلا عن موضوع المصاري انا رح دبرهم ....ولاتخليها تكسر نفسها لحدا
مرام :انت .... من وين بدك .... تجيب ....مصاري ....انت حالك على قده ...
يوسف :انت لا تهتمي .....انا رح دربهم وكمان خلال ساعة ...وانا طالع لعند الدكتور وخليه يجهز للعملية
مرام :لا يا يوسف .... انا مابقبل
يوسف :محدا طلب رأيك ....يالله هلق اتصلي بأمك وخبريها بس لاتخبريها بموضوع المصاري ... واذا سألتك قوليلها متبرع
مرام:يا يوسف ...بترجاك ..لا تعمل هيك ....
يوسف اقترب منها ومسح لها دموعها :خلص اسكتي ....المهم هلق حياةاختك ....وهدول المصاري رح اعتربهم دين ....ماشي
هزت رأسها بأيجابية
اتصلت مرام واخبرت امها لكي تأتي الى المشفى وقالت لها ان اختها تعبت قليلا
ذهب يوسف الى الطبيب طرق الباب ودخل
يوسف :السلام عليكم
الطبيب :اهلا يا ابني ... اتفضل شو بتريد
يوسف : انا بكون يوسف محمد عبد الرحيم
وقف الطبيب على قدميه وسلم على يوسف بحرارة :اهلا استاذ يوسف .... كيف حال الوالد ..
يوسف :الحمد لله بخير ...دكتور انا جاي بخصوص عبير ...انا رح ادفع التكاليف ...بس بدي اطلب منك تستعجل بالعملية .....بس تمهلني نص ساعة لحتى جيب المبلغ ....وانت تبلش بتجهيزات العملية
واذا بتحب بترك هويتي عندك
الطبيب :لا خلص يا ابني انت كلامك ثقة والوالد الله يحفظه رجل اعمال مشهور .....ولايهمك انا رح اتصل بالاطباء الي رح يأشرفو على العملية ومن هون لساعة رح نبلش بالعملية .
يوسف :شكرا كتير الك
طلع يوسف من المشفى وذهب اتجاه شركة والده .
....غرفة العمليات بدأت تجهز ....
........................................................
في شركة محمد عبد الرحيم طرق يوسف الباب على والده ودخل
يوسف :السلام عليكم
محمد :اهلا ...اهلا ..بالباشا الصغير
يوسف :كيفك بابا
محمد :بخير .......قلي يايوسف شوبدك ما الك بالعادة تجي ع الشركة
يوسف :بابا...... بدي خمسة الاف دولار
محمد : خمسة الاف!!!!! شوبدك تعمل فيهم
يوسف :لشخص عزيز علي ....بدو يعمل عملية
محمد :وانت عم تسألني يا ابني المصاري كلها عحسابك .....وهلق اكبرت بعيني اكتر
يوسف اقترب من والده وقبل يده ووضعها على رأسه :تربايتك يابابا
محمد :الحمد لله اعرفت ربي ..الله يرضى عليك ياابني.
قام محمد من مكانه واتجه نحو الخزنة وفتحها واخرج منها خمسة الالف دولار واعطاها ليوسف
ذهب يوسف اتجاه المشفى بسرعة
............................................................
وصلت سلمى الى المشفى وكانت مرام باستقبالها وحكت لها ما حصل .... سلمى لم تحتمل الخبر وبدأ قلبها يؤالمها وبدأت تشعر بالدوار جلست على الكرسي خارج الغرفة اقتربت منها مرام بلهفة:ماما انت بخير
سلمى:اي بخير لا تشغلي بالك .اخرجت من حقيبتها وشربت حبة الدواء ...بعد دقائق بدأ يخف الوجع وتماسكت لكي تبقى قوية وتقف جنب ابنتها دخلو الى عبير كانت نائمة بعد دقائق دخلت الممرضة لكي تجهز عبير للعملية