سلمى :انتي شو تعملي
المرضة :عم نجهزها للعملية
سلمى : عملية .... بس نحنا بعد ما دفعنا
ممرضة :يامدام ... المبلغ اندفع
سلمى :مين دفعو
ممرضة:متبرع .... وهلأ من بعد اذنكن ممكن تطلعو لبرا ولا تعطلوني عن عملي .
يوسف ارسل رسالة وكتب فيها حبيبتي مرام انا دفعت للعملية وهلق رايح عالبيت طمنيني على اختك ..وان شاء الله تقوم بخير وسلامة .
دخلت عبير العملية ودامت العملية حوالي الثلاث ساعات .......
خرجو الاطباء وبشرو هم بنجاح العملية
الطبيب : بحب بشركم ان العملية نجت ... وبدنا نصبر فترة ورح نكمل بالعلاج الكيميائي ...وان شاء الله بروح الورم ....وهلق بدنا منكم الدعاء .
كانتا سلمى ومرام في قمت فرحهم وبداو بالدعاء لعبير
اتصلت مرام بيوسف واخبرته بنجاح العملية وكانت تتكلم وهية سعيدة جدا ... وعندما سمع صوتها يوسف وهية سعيده بدأ قلبه يرقص من الفرح ...وذهب وتوضئ وصلى ركعتين شكر لله ...
.................................
في اليوم التالي ....فاقت عبير من البنج وبدأت بتحريك يديها والحمد لله استطاعت تحريكهم
وحاولت انت تحرك قدميها لكنها لم تقدر ...لكن الطبيب قال لهم عندما يتأكدو انها شفيت تماما ...ستيم علاجها من اجل ان ترجع تمشي مرة ثانية على قدميها وكانت العائلة بقمة فرحها ......
وجاء يوسف الى المشفى اطمأن على مرام وعلى اختها وذهب الى جامعته
......................................
وجاء يوم جديد مثل الذي قبله ... احضر يوسف المحاضرات لمرام وكان يلتقي بها في كافيه المشفى
وكان لا يذهب الى المنزل كثيرا ولم يعلم بغياب سلمى
....................................
في اليوم الثالث تحسنت حالة عبير كثيرا رجعت سلمى الى عملها ومرام ايضا رجعت الى جامعتها وبقيت سلام مع عبير في المشفى
.....................................
في الجامعة مرام تبحث عن يوسف في الحديقة الجامعة ..... وقفت مصدومة من مارأته يوسف واقف
مع سليمان وكرم ومها هية لا تعرف اسمائهم لكنها تعرفهم .... وقفت مكانها مصدومة ولا تدري ماذا تفعل .... وبدأت تقول في نفسها معقول هو متفق معهم عليها ...مقعول هو يضحك عليها .... لماذا واقف مع هؤلاء الاشخاص بالذات .....لم تفعل شي سوى بدات ترجع بخطواتها الى الوراء ومن ثم التفت لكي لا احد يرها .لكن كرم رأها
كرم :يوسف
يوسف :شبك
كرم :مرام
يوسف :شبها
كرم :كانت واقفة عم تطلع علينا
يوسف التفت بسرعة ووجد مرام تمشي لحقها ونده عليها
يوسف :مراااام
وقفت مرام مكانها ولم تلتفت اليه ،اقترب يوسف منها ووقف امامها
يوسف :انت ايمت جيتي ع الكلية
مرام ببرود:من اشوي ...
يوسف :ليش هيك عم تحكي معي
مرام :مين هدول الي كنت واقف معهم
يوسف :امممم .... بصراحة ومابدي كذب عليكي هدول رفقاتي
مرام :شو..... رفقاتك !!!
يوسف :اي رفقاتي
مرام :بس هدول .....هداك الشب الاسمر يلي كان يدايقني وهديك البنت كانت عطول تتمسخر علي
يوسف :صح سليمان الي كان يدايقك هو صديقي من زمان وانا اتقاتلت معو عشانك بعد فترة اجا واعتزر مني ..ومها كمان صديقتي وهية كانت تدايقك بحكيها لانها بتغار منك ...اما كرم ماعملك شي وهو كمان صديقي
مرام :طيب ماشي الله يهنيك بأصدقائك ....وهلق عن اذنك
يوسف :ع وين رايحةيامجنونة
مرام : عندي محاضرات
يوسف :ليش بعدك زعلانة .... قلتلك كل القصة
مرام :مااتوقعت يكون عندك هيك اصدقاء بيرفعو الراس واذا كان عندك هيك اصدقاء اصبح انت متلهم
يوسف :والله هم طيبين من الداخل انت مابتعرفيهم
مرام :ولابدي اعرفهم ...وهلق عن اذنك
يوسف :انت ممكن تتخيلي انو خليكي تمشي وانت زعلانة
مرام :يوسف انت عنجد بتحبني ...ولا عم تضحك علي
يوسف :عندك شكّ
مرام :بصراحة بعد ماشفتك واقف مع اصدقائك صار عندي شك
يوسف :والله يامرام انت اول حب بحياتي واخر حب انتي البنت الوحيدة الي بحبها ..لك بحبك...بحبك ...عم تفهمي علي
مرام اطمأن قلبها وابتسمت
يوسف : انت عشقي ...دخيل هالابتسامة شو بحبها ...يلا تعالي لعرفك عليهم
مرام :انت متأكد
يوسف :اي متأكد يلا تعالي . اخذ مرام وذهب اتجاه اصدقائه
يوسف :شباب جبت مرام تتعرف عليكم ...سليمان ....كرم ...... مها ...مرام
الكل تشرفنا بمعرفتك مرام
مرام :وانا بالاكتر
سليمان :انا بعتزر منك ....مشان هديك المرة
مرام :مامشكلة عادي حصل خير
مها :وانا كمان بعتزر
مرام :ولايهمك ...
يوسف :بهالمناسبة عازمكم ع فنجان قهوة بالكافيه
ذهب الجميع وجلسو مع بعض في الكافيه وكانت مها في قمت غيظها من مرام وتقول في نفسها :صاير انيقة وحلوة اكتر من الاول ...هههه بسيطة بكرا انا بفرجيك ....يامرام خانم ....ويوسف طاير عقلو فيها

مابكون اسمي مها اذا مابفرقكم عن بعض ....وانا مها
.............................................
في المساء في منزل يوسف .
جاء سليمان وكرم الى يوسف لكي يسهرو معه طرقو الباب .... نزل يوسف وفتح لهم الباب
سليمان وكرم :مساء الخير
يوسف : مساء النور .... اهلا وسهلا اتفضلو ........ اتفضلو ع الصالون انا طالع ع غرفتي خمس دقايق صلي العشاء وبنزل
سليمان : لحظة طالعين معك نصلي
يوسف :ليش انتو من ايمت بتصلوا
سليمان :من ايام
يوسف :واشلون ارجعتو لعقلكم
سليمان :بصراحة غرنا منك من لما تغيرت من بعد ما اتعرفت على مرام ...والحمد لله الله هدانا
يوسف :الحمدلله .... اصبح يالله نطلع نصلي وبنرجع بندرس مع بعض
طلعو صلو ونزلو على الصالون درسو شوي وبعدها كملو سهرتهم مع بعض
.............................. ....................
في اليوم التالي خرج يوسف من منزله وركب سيارته واتجه الى الموقف الذي يقف به سيارته نزل منه وركب تاكسي وذهب الى حارة مرام واتصل بها ...وبعد لحظات خرجت مرام ....وذهبت معه الى الجامعة ...
مرام انهت محاضراتها ... لكن يوسف مازل بقاعته ...
وهية تمشي بحديقة المدرسة وممسكة كتبها بيدها ...اوقفها صوت من خلفها .... فتاة من الجامعة
الفتاة :لو سمحتي يا أنسة .
التفت مرام .... وجدت فتاة تقف خلفها
مرام :تفضلي ... عايزة شي
الفتاة : يا أنسة وقعت منك هيدي الورقة
مرام :ااااه..... شكرا كتير الك
الفتاة :العفو ....
مرام مسكت الورقة وابتسمت ظنت انها رسالة من يوسف وضعها في احدى كتبها ووقعت منها وهية تمشي... .
ذهبت جلست على المعقد في الحديقة ....وبدأت تقرأ الرسالة ...... ملامح مرام بدأت تتغير .... وبدأت تبكي بصوت مخنوق ....شعربالدنيا دارت بها .......
مرام تكلم نفسها :لا يارب ... معقول الي مكتوب بالورقة .... يارب ..يارب.....انا لازم أتأكد اذا كان هالكلام صح ............
.............................................
*بااااااك********
مرام :قعدت على مقعد وبلشت اقرأ الورقة وانصدمت من المكتوب فيها
ليلى :كملي شو طلع مكتوب بالورقة ....
مرام :هههه مابدي قلك اول شغلة انا اتعبت من الحكي وتاني شغلة جعت اكتير ...بدي اكل واطلع ارتاح والمسا بنكمل حكينا اوكي
ليلى :ياربي منك يامرام ........ماشي
جاء المساء ومرام في غرفتها دخلت عليها ليلى ..
ليلى :بسرعة يالله كملي ....انا رح موت من كتر الفضول ...وانا كمان خليت الماما تعملنا شي نشربو
مرام :ههههه الله يساعدنا عليكي يا مجنونة ....ومن وين بدنا نبلش
ليلى :من عند الرسالة شو مكتوب فيها
مرام :اوكي
..................................
*فلااااااش بااااااك ***
..............
توقعاتكم شو موجود بالرسالة

#مرام
#بقلم_مريم_اليوسف

#الجزء_الرابع

***فلااااااش بااااااك*******
ذهبت جلست على المعقد في الحديقة ....وبدأت تقرأ الرسالة ...... ملامح مرام بدأت تتغير .... وبدأت تبكي بصوت مخنوق ....شعرت بالدنيا دارت بها .......
مرام تكلم نفسها :لا يارب ... معقول الي مكتوب بالورقة .... يارب ..يارب.....انا لازم أتأكد اذا كان هالكلام صح . وقامت من مكانها واتجهت نحو الحمام
ارسلت رسالة الى يوسف كتبت فيها :حبيبي يوسف انا رحت ع المشفى مع ماما لا تنتظرني بحبك . كانت تستند الى الجدار ونزلت على الارض وبدأ تبكي يارب تساعدني واكتشف الحقيقة ويكون كل المكتوب بالورقة كذب ... فتحت الورقة مرة ثانية وبدأت تقرئها لعلها فهمتها غلط ( الرسالة: انت بنت برئية وحبيت حذرك من يوسف هو شخص عم يضحك عليكي لحتى يتسلا معك عم يكذب عليكي هو شب من عائلة مشهورة وعائلة غنية واذا بتحبي تتأكدي راقبيه وبتعرف كل الحقيقة .....المرسل فاعل خير.....)
بدأت تبكي مرة أخرى لان الرسالة واضحة وضوح الشمس .... جاءت رسالة من يوسف :اوكي حبيبتي ..كنت حابب شوفك .... طمنيني عنك وعن اختك باي بحبك موووت .
ذهبت واختبأت خلف شجرة بالقرب من باب الجامعة لكي ترى يوسف عندما يخرج من الجامعة ..... وبالفعل بعد دقائق خرج يوسف من الجامعة .... لحقته لحتى رأته ركب تاكسي ...فذهبت بسرعة وركبت تاكسي وطلبت من السائق ان يلحقه .............................
وبعد فترة وهية تلحقه توقفت التاكسي ونزل منها يوسف ... استغربت مرام من المكان الذي نزل به يوسف هو عبارة عن موقف للسيارات ...دخل يوسف الى الموقف وبعد دقائق خرج يوسف يقود سيارته الفخمة الجميلة ... بدأت مرام تبكي لانها تأكدت من المكتوب في الرسالة ....تابعت خلفه ...يوسف في سيارته جائه اتصال من رولا ابنة خالته وطلبت منه ان تراه وحددت المكان ..وصل الى منزله ....ومرام خلفه في التاكسي ...بدأت تتأمل المنزل الذي يعيش به لا بل هو ليس فقط منزل بل هو قصر او اكثر من قصر من شدة جماله من الخارج فكيف من الداخل ....
مرام :عمو فيك تمشي (لكن لاحظت ان يوسف لم يوقف سيارته بموقف المنزل بل تركها امام المنزل وكأنه سوف يخرج بها ) لا لا عمو خليك شوي ...
وبعد دقائق فتح الباب لكن الذي خرج من المنزل لم يكن يوسف بل هية سلمى
مرام :ماما!!!!! معقول ماما بتشتغل عند اهل يوسف ...وبدأت تبكي من جديد .اخفضت رأسها لكي لا تراها والدتها ...... وابتعدت سلمى ...رفعت مرام رأسها .... وبدأت تمسح دموعها بأناملها الناعمتين ..وتقول بنفسها :لا يامرام لا تبكي انت قوية ...بس ليش ماما عم تشتغل عندهم يارب ... يارب . ..انا لازم انهي كلشي بيني وبين يوسف ويمكن هو عم يضحك علي ومابتفرق معو اذا تركتو او ضليت معو ... وعامل فيها العاشق الولهان الله يسامحك يايوسف .... وانا عم قول من وين جاب مصاري للمشفى ومن وين بيصرف كل هالصرف . تماسكت مرام وعدلت نفسها وصوتها واتصلت بيوسف
يوسف :الو ... اهلا حبيبتي
مرام :شو اخبارك
يوسف :تمام الحمد لله
مرام :يوسف انت هلق وينك
يوسف :بالبيت .. بس ليش عم تسألي
مرام :ولاشي بس حبيت اطمن عليك
يوسف :اممم ... يعني ما اشتقتيلي
مرام :اي كتير ..... يوسف بدي اسألك سؤال محيرني
يوسف :اسألي حبيبتي...شو هو السؤال
مرام : يوسف انت من وين جبت مصاري لعملية اختي عبير
يوسف :ليش عم تسألي هالسؤال
مرام : حابة اعرف اذا ماعندك مانع
يوسف : هو.... انا .....
مرام :انت شو كمل
يوسف : اخدتون من واحد صاحبي .
مرام :يعني دين
يوسف :اي دين وغيرو انسة مرام
مرام :خلص مافي شي بس انا رح دبرلك المصاري ورجعلك اياهم
يوسف :مرام انا مابدي منك شي انا برجعون انت مادخلك
مرام :ماوقتو هالحكي هلق... بكرى بشوفك وبنحكي
يوسف:اوكي حبيبتي .... انا هلق عندي مشوار بعدين بحكيكي
مرام :ع وين رايح بهل المشوار
يوسف بتلبك:ااااه .... طالع شوف واحد صاحبي
مرام :اوكي باي
مازالت مرام تنتظر يوسف بالتاكسي ....خرج يوسف وكان في قمة الاناقة والجمال بعد ان بدل ملابسه كان يرتدي بنطال جينز وتحته بوط وفوقه تيشيرت و جيلي وكان يلبس نظارته الشمسية وبيده موبايله الغالي والموبايل الذي تراه معه على طول ركب سيارته
واتجه نحو احد المطاعم ومرام تلحقه ....نزل من سيارته بكل كبرياء وجاء احد الخدم واخذ منه السيارة دخل المطعم ....كانت بأنتظاره رولا فتاة جميلة ملامحها ناعمةو شعرها البني القصير وتضع نظارتها فوق شعرها ...لكنها ليست اجمل من مرام ..نزلت مرام من التاكسي ووقفت خارج المطعم تشاهد يوسف من خلال الزجاج .... وصل يوسف الى رولا ... مدت يدها رولا لكي تسلم على يوسف وهومد يده وسلم عليها باليد .... لكن بعد ان مد يده لكي يسلم عليها جذبته رولا اليه وقبلته على خده ... احمر وجهو يوسف من الخجل من هذا الموقف ...وبدأ يستغفر ربه في سره ....مرام في الخارج انهارت من البكاء من المنظر الذي شاهدت ....

لم تستحمل المنظر ... وذهبت ووقفت تاكسي وذهبت جلست على البحر وبدأت تبكي مرة اخرى اصبحت وحيدة والشخص الوحيد الذي كان صديقها وحبيبها واباها واخاها خانها ...تكلمت بصوت:يارب ... ليش انا ليش انا بدي استحمل والله يارب ماني قد الحمل يارب الشب الي حبيتو ضحك علي ليش ... يعني اذا معو مصاري بيضحك ع اي بنت ... الناس الاغنياء بيعتبرو الناس الفقراء متل الحشرات وبيلعبو فيهم متل مابدهم واكيد رفقاتو الحقراء هو متفق معهم علي
وكمان ماما طلعت بتشتغل عندهم ...ههههه امي خدامةعند اهل حبيبي وحبيبي طلع مابحبني طلع عم يضحك علي لحتى يتسلى وكمان دفع مصاري مشان عملية اختي ومشان يطلع هو الشهم واكيدبعد فترة بقلي بدو المصاري ... وانا اكيد مارح يكون معي وبصير بدو يستغلني ... وانا متل المجنونة عم انصحو وقلو صلي ويتقرب من الله... يارب ... يارب ..يالله.... يالله بصوت عالي يااااااالله...ودموعها تنزل بغزارة دون توقف. اتصل فيه هلق ولا خليها لبكرى وبواجهو؟؟؟ ... لأ خليني اتصل هلق مشان انزعها عليه مع حبيبت القلب .... ههههه انت مجنونة يامرام اصلا اذا اتصلت مارح يتأثر ولا يعبرني .... احسن الشي واجهو وقلو يصبر علي لحتى امن المبلغ واعطيه اياه
...........................................................
في المشفى وصلت سلمى ولم تجد مرام ... طلبت من سلام ان تذهب الى بيتها واطفالها واتصلت بمرام
سلمى:مرام وينك ...... انت عطريق .... اي منيح .....ليش اتأخرتي ..... كان عندك محاضرات ......ماشي لا تتأخري انا بالمشفى عند اختك تعالي بتاكلي معنا ....
.....................................................
في المطعم
انهى يوسف ورولا الغداء وطلبو العصير
رولا:يوسف انا دعيتك لهون اليوم لحتى اتشكرك
يوسف :ليش بدك تتشكريني ؟؟؟
رولا :لانك رفضت الزواج مني
يوسف :ههههه بتعجبني صراحتك ...بس ليش مبسوطة انا فكرتك زعلانة لاني رفضتك هههه انا البنات بموتو علي هههههه
رولا :ههههه يوسف لاتشوف حالك .... انا بصراحة بحب شخص وهو مقيم بباريس ... اتعرفت عليه وحبينا بعض
يوسف :الله يهنيكي ويتمم عليكي بالخير
رولا :وعم اشكرك لانو الماما كانت جابرتني اني اتزوجك بس لما انت رفضت انا فرحت كتير
يوسف :هههههههه .... انا كمان الزواج عن طريق الاهل مابحبو
رولا :ولا انا ... عنجد شكرا يا يوسف
يوسف :العفو
................................................
بعد ان تكلمت مرام مع نفسهاوافرغت طاقتها ذهبت الى المشفى وهية تتظاهر القوة ...دخلت غرفت اختها قبلت والدتها واختها وجلست معهم... وبدأو يأكلو
مرام :ماما ايمت قلك الدكتور بدنا نطلع عبير من المشفى
سلمى :بعد انهارين
مرام :الحمد لله ... عنجد القعدة بالمشفايات مابتنطاق ابدا ..... وانت عبورة كيفك ...
عبير:الحمد لله ...بخير بس تعبانة من قعدة المشفى
مرام :كلها انهارين وبنرجع ع البيت ورح نمل من بعض.
سلمى في قلبها غصة وفي عينيها دمعة واقفة :الله يخليلي اياكن ويحميكن
مرام وعبير :ويخليكي النا ويديمك فوق راسنا
انتهو من الطعام ذهبت مرام الى منزلها لكي تدرس وسلمى بقيت مع عبير وتنام معها
.......................................................
يوسف انتهى من الغداء وذهب الى المنزل لكي يدرس...
.......................................................
مرام في منزلها
جالسة وافكاراها مشوشة ورأسها يؤلمها قامت وشربت حبة مسكن والدموع لاتفارق عينيها ... واتجهت الى الطاولة الموجودة في زاوية الغرفة وهذه الطاولة هية عبارة عن المطبخ ...وقفت لكي تصنع لنفسها كوب نسكافيه لكنها وجدت جميع الاوعية والكاسات وسخة ... فحملتهم ووضعتهم في المجلى الذي بجوار هذة الطاولة هو عبارة عن مجلى صغير من المعدن وبدأت تجليهم وتنظفهم لكن علقها ليس معها
وبدأت تتذكر يوسف وهو يركب سيارته .... ويجلس مع فتاة غير محجبة وتقبله...........
كانت في يديها كاسة من الزجاج ... كانت تضغط عليه بقوة لكنها لم تنتبه على نفسها إلا عندما انكسرت الكاسه بيديهاودخلت قطعت زجاج كبير بقلب كفها
مرام :اااااااااااااخ ...... "وبسرعة رمت الكاسة المكسورة من يدها لكن قطعة الزجاج بقيت عالقة بقلب كفها والدماء تسيل بغزارة كانت كمية الدماء التي تنزل اكبر من كمية الماء التي تنزل من صنبور الماء ...وخافت كثيرا ...وضعت يدها تحت الماء لكن الدماء لا تتوقف وقطعة الزجاج مازلت مكانها .... كانت خائفة كثير من الزجاجة وكيف تزيلها وهية تؤلمها كثيرا .... تشجعت واغمضت عيناها وبيدها الاخرى مسكت الزجاجة ونزعتها بقوة
مرام :ااااااااااااااااااااااااااااخ خ خ....يارب ... يارب .

كمية الدماء زادت ... وبسرعة اتجهت نحو علبة بن القهوة ... ووضعت على يدها ... لكن كمية الدماء كانت اقوى من البن لانه جرح كبير ويحتاج الى طبيب والى خياط ... لكنها كابرت على نفسها وقالت انه جرح صغير ... احضرت علبة الاسعافات الاولية واخرجت منه شاش ولاسق طبي .... فتحت يدها ووضعت عليها كمية من البن وكبست عليها بالشاش الطبي وقامت بتلزيقها ....توقف نزف الدماء قليلا لكنه لم يتوقف نهائيا .... وعادت جلست مكانها لكن يدها مازالت تؤالمها كثيرا ..... وعيونها لم تتوقف عن البكاء ... جلست على فراشها وضمت وسادتها الى صدرها
..... ومن كثرة البكاء نامت ....
وبعد ساعتين وكان الوقت المغرب .... اسيقظت على صوت موبايلها ....يوسف يتصل ...لم ترد .....ووجدت خمسة رسائل قد ارسلهم لها فتحتهم
_ كيفك حبيبتي .
_ياحلو وينك ليش ماعم ترد
_ مرام شوصاير معك ليش ماعم تردي
_مرام انتي منيحة ... اختك منيحة... طمنيني عنك لا تشغلي بالي
_مرام اذا مابتردي رح اتصل حتى لوكانت امك حدك .
....اتصل مرة ثانية ....
مرام :الو
يوسف :ليش ماعم تردي شغلتي بالي ...
مرام :كنت نايمة
يوسف :اسف زعجتك ... بش خفت يكون صار شي معكن
مرام :لا مافي شي
يوسف :مرام ... انت بخير
مرام :اي بخير
يوسف :ليش كل هالبرود .... واجوبتك مختصرة
مرام :قلتلك كنت نايمة ... ولسه ماصحصحت منيح
يوسف :انت حدا مزعلك
مرام :لا ....
يوسف :قوليلي بصراحة شبك
مرام :راسي واجعني شوي
يوسف :اوكي ....باي
مرام :باي...
يوسف :بح..... لم يكمل كلمة (بحبك) كانت مرام قد اغلقت الموبايل ....
يوسف كان قلق من طريقة مرام بالكلام معه
مرام نظرت الى يدها وجددت قطعت الشاش غارقة بالدماء ... فقامت احضرت البن وقطعة شاش جديدة
وقامت بلف يدها مرة اخرى ومازالت تؤالمها شربت حبة مسكن مرة ثانية وعدلت نومتها وعادت الى النوم
....................................................
في اليوم التالي ...استيقظت مرام على صوت هاتفها مجدد والاتصال ايضا من يوسف
يوسف : صباح الخير ياعمري كيف صرتي ان شاءالله احسن
مرام :صباح النور .... الحمد لله من الله بخير
يوسف :مرام ماألك بالعادة تحكي معي بهل البرود
مرام: انا بالطريقة يلي بتعجبني بحكي فيها
يوسف : انت اكيد صاير معك شي ... احكيلي شو صاير معك
مرام :ماصاير شي .... انت ليش متصل
يوسف:شو هالسؤال ... وحدة بتسأل حبيبها ليش متصل ..... على العموم انا اتصلت لحتى قلك جهزي حالك انا جاي وصلك
مرام :لا تعذب حالك الماما رح توصلني
يوسف :ياربي منك يامرام .... لازم تقعد ونحكي واعرف شبك
مرام :معك حق لازم نقعد ونحكي ....
يوسف :اوكي باي ... بدك شي
مرام :باي ..... ااه لحظة يوسف مافي داعي تجي بالتاكسي فيك تجي بسيارتك ..وقفلت الخط
يوسف انصدم من الذي سمعو ...وعرف انو مرام عرفت حقيقته...رجع اتصل فيها بس ماردت صار يقول بنفسو: كيف عرفت ... اكيد مشان هيك زعلانة ...انا لازم اشرحلها كل الموضوع .....انا الحق علي كان لازم اعترفلا من زمان .
مرام اخرجت قفازين ولبستهم لكي لااحد يرى يدها المجروحة
.................................... ..............
في الجامعة دخلت مرام ....كانت مها تراقبها من بعيد
كانت علامات الحزن تبدو على وجه مرام وفرحت جدا مها بأن خطتها نجحت ...اقترب كرم من مها
كرم: مها شبك ....ليش فرحانة
مها:ولا شي ....ممنوع الواحد يفرح ....تركته ومشت
كرم :الله يساعدنا عليكي .
مرام انتظرت يوسف على مقعد قرب باب الجامعة
بعد قليل وصل يوسف بسيارته الجميلة ..ونزل منها وذهب بأتجاه مرام
مرام بسخرية :هههههه ....سيارتك حلوة ليش ماكنت بتجي فيها
يوسف :مرام ...انا
مرام :لحظة قبل ماتحكي خليني انا احكي ... يوسف انت ليش كذبت علي ..... ليش قلتلي انك شب فقير ...ليش ماقلتلي انك شب غني ....وعندك حبيبية من مستواك ....ليش عم تضحك علي ....ليش لاني فقيرة وما الي سند ...عم تحاول تستغلني ؟؟؟
يوسف :مرام انت فهمانة غلط
مرام :هههههه ... اوكي انافهمانة غلط .... ممكن تقلي وين الغلط
يوسف : مرام انا بحبك
مرام :يوسف بترجاك لاتقول هاي الكلمة عاللسانك مرة تانية ....القصة صارت واضحة ومافي داعي للكذب
يوسف: مرام صح انا كذبت عليكي ...بس والله موضوع حبنا ماكذبت عليكي فيه...
مرام :هههههههه ..... يعني انت الكذب ماشي بدمك ...... والبنت الي كنت قاعد معها امبارح ع الغدا وباستك ع خدك ماهي كمان حبيبتك
يوسف :لا ماحبيبتي .....هاي بنت خالتي
مرام :ههههنه وليش لحتى باستك ...اذا مانها حبيبتك
يوسف :هية طبيعتها هيك
مرام :اااااه......... يعني انتو عندكم بالعيلة بتبوسو بعض عادي ..... طيب ليش كذبت علي وما قلتلي انك شب غني .....بس ماتكون خايف اسرقلك مصاريك

يوسف :لا والله يامرام .....انا اعملت هيك لحتى اتقرب منك .... لانك اذا اعرفتي اني شب غني ماتقبلي تحكي معي
مرام :معك حق ...ومن اليوم انا مارح يكون بيناتنا اي شي
يوسف :انت شو عم تحكي .....عم قلك والله بحبك ليش ماعم تصديقيني
مرام :لانو مابدي صدقك ..... بدي قلك انك تصبر علي فترة وبرجعلك المصاري الي دفعتون مشان اختي
يوسف :انا مابدي مصاري انا بدي اياكي انت
مرام :علاقة مبنية على الكذب بتكون علاقة فاشلة
يوسف :مرام ...انا بحبك ...والله انا بحبك الك ومابحب بنت غيرك ...بترجاكي لا تتركيني
مرام :اتأخرت يايوسف ....لو انك جيت لعندي واعترفتلي يمكن كنت سامحتك ....
يوسف :انت مين خبرك
مرام : اجتني رسالة من فاعل خير....وهلق عن اذنك
يوسف :مرام ....مرام ....وقفي لاتمشي .....بترجاكي يامرام لا تمشي والله انابحبك
مرام لم تستمع اليه واكملت طريقها الى قاعتها .....
يوسف مازال واقف مكانه لا يعرف كيف يعيد حب وثقة مرام به ....ظل جالس مكانه ينتظر مرام حتى تنتهى من محاضراتها .
مرام في القاعة وعلقها ليس معها ...افاقت على صوت الدكتورة سمر ...مرام ...مرام
مرام : نعم يادكتورة اتفضلي
الدكتورة :ليش ماعم تكتبي مع زملائك
مرام :بصراحة ايدي مجروحة وعم توجعني وماعم اقدر امسك القلم ....
اقتربت منها الدكتورة سمر :فرجيني ايدك
خلعت مرام القفاز ... واذا بالشاشة الملفوف على يدها كلها حمراء من الدم
الدكتورة :من شو ايدك انجرحك
مرام :انكسر الكاسة بأيدي
الدكتورة :رحتي ع الدكتور
مرام :لأ
الدكتورة :قومي هلق روحي ع اقرب مركز صحي شوفي ايدك شبها وبكرا بتاخدي محاضراتك من زوملائك
مرام :اوكي .... حاضر دكتورة
لبست مرام القفاز وخرجت من القاعة وهية تدعي ربها انا لاترى يوسف في طريقها ..... لكن يوسف لم يتحرك من مكانه وكان في انتظارها ..... رأته مرام لكنها كملت طريقها وتجاهلته
يوسف قام ومشى خلفها
يوسف :مرام .... لحظة
مرام :خير شوبدك
يوسف :ع وين رايحة
مرام :مادخلك
يوسف :انا ماعم علي صوتي عليكي لانو الحق معك ...بس انت كتير زودتيها
مرام : يوسف خلص انت صرت ماضي ...ومافي شي بيربطنا مع بعض
يوسف :ماعكيفك ...وانا الي بدي اياه باخدو ولو كلفني حياتي
مرام:هههههه ....وشوبدك تاخد
يوسف :بدي اخدك انت
مرام :خلص حاج مسخرة بكفي لهون
تركته ومشت بسرعة لكنه هو ركض خلفها ومسكها من يدها المجروحة بقوه
مرام :ااأاااااااااااخ . وسحبت يدها من يده بسرعة...ونزلت دمعة من عينيها من الوجع
يوسف في صدمة لماذا مرام صرخت؟؟ .....مابها يدها؟؟ نظر الى يده وجد عليها اثر دماء ...اقترب منها ومسك زرعها ...ونزع القفاز عن يدها وجد يدها ملفوفة بالشاش والشاش غارق بالدماء
مرام :اتركني انت شو عم تعمل
يوسف بلهفة :مرام شبها ايدك
مرام : ماشبها شي اتركني . حاولت ان تسحب يدها من يده لكنها لم تستطيع لانه هو اقوى منها
سحب يوسف مرام الى المقعد الذي بجواره جلس عليه وجعل مرام تجلس بجانبه ومع كل مقاومة مرام ان تفلت منه لكن كل محاولته فشلت ....يوسف نزع الشاش عن يدها وتفاجئ بكبر الجرح الذي بيدها
يوسف :اشلون جرحتي ايدك
مرام : انت مادخلك واتركني
يوسف بصوت عالي :انا قلتلك اشلون جرحتي ايدك
مرام بتمرد ولكي تغيظ يوسف :كنت عم حاول انتحر
يوسف :انت مجنونة بدك تنتحري .... مافكرتي فيني
مافكرتك بأخرتك ....ليش لحتى تنتحري؟؟؟
مرام :ليش اكتير بهمك امري
يوسف :انت الشخص الوحيد الي بهمني بهل الحياة
يلله قومي
مرام :عوين
يوسف :ع المشفى مشان الدكتور يشوف ايدك
مرام :مابدي روح معك
يوسف : ليش انت عنيدة .....بس انا عنيد اكتر منك ورح اخدك غصب عنك
اخرج من جيبه منديل ورقي ووضعه على يد مرام ...واخذها غصب عنها وركبها بسيارته
واقفل الباب ....اخذها الى المشفى دخلو الى قسم الطوارئ جاء طبيب ورأى الجرح
الطبيب :شلون جرحتي ايدك
مرام :انكسرت كاسة بأيدي
يوسف بهمس :عاسأس كنت بدك تنتحري هههه
مرام تبسمت ضاحكة ولم ترد
بدأ الطبيب ينظف الجرح
مرام :ااااااخ .... ماعم استحمل دكتور عم توجعني
الطبيب :في قطعة زجاج عالقة بالجرح ......استحملي اشوي لحتى نشيلها .... بداء الطبيب بنزع الزجاجة
وطلب من يوسف ان يمسكها ويهديها
مرام جالسة على كرسي ويوسف جالس بجانبها
مرام بدأت تتألم ...طلب الطبيب من ممرضة ان تساعده .... جاءت ممرضة ومسكت يد مرام لكي لاتحركها ...لم يستحمل يوسف منظر مرام وهية تتألم ضمها الى صدره لكي تبكي على صدره وهية لم تقاومه بل كانت بحاجته ...نسيت نفسها في حضنه ونسيت وجعها كانت تشتم رائحة عطره الجميلة كانت الرائحة تدخل الى قلبها وتدغدغ حواسها

الطبيب :انتهينا
يوسف :حبيبتي مروم ..... خلص الدكتور
مرام :ااااه ....
يوسف همس بأذنها :شو كنت فرحاني بحضني ههههه وماحسيتي ع الدكتور لما طلع الزجاجةههههه هاد تأسيري الخاص
الطبيب :هلق رح نخدرلك ايدك وبعدها بدنا نخيطها .
انتهى الطبيب من خياط الجرح وخرج يوسف ومرام
ركبت معه دون ان تمانع او تقاوم
مشو قليلا توقف يوسف
مرام :ليش وقفت
يوسف :مرام انا بحبك .... يترجاكي لا تتركيني
مرام لم ترد عليه
نظر الى مرام واقترب منها
مرام :يوسف ...يوسف ..
لم يرد يوسف عليها بل اقترب منها اكثر ..وهية تحاول ان تبعد لكنها اتلتصقت بالكرسي ....اصبح انفاسهم تتعانق مع بعض والعيون تنظر لبعض
يوسف بهمس وشفتيه قريبة من شفتيها :بحبك
هذه الكلمة دخلت الى قلب مرام مثل الصاعقة وكأنها اول مرة تسمعها وفرحت كثيرا وتلقائيا ردت عليه... مرام :انا كمان بحبك
عندما سمع هذه الكلمة اقترب منها وقبلها قبلة حارة تحمل الكثير من الحب والشوق ....ومرام اندمجت معه وكان قلبها يسيطر على عقلها وعلى كل حواسها ........
***باااااك********
ليلى :باسك ...باسك ؟؟؟
مرام بخجل :ههههه اي باسني
ليلى :وانا مفكرتك صاحبة دين وبتخافي من الله
مرام"هههههه اخرسي.......اغلطنا كانا طايشين...وبعدين انا بخاف من الله كتير منيح
ليلى : عنجد قصتك متل الافلام يعني امك بتشتغل عند حبيبك وهو عنجد طلع بحبك وما عم يضحك عليكي ......طيب هو وينو هلق بس مايكون مات لاسمح الله
مرام :لا ما مات بعدو عايش وليش مانو معي جايتك بالقصة
ليلى :اي كملي من عند البوسة
مرام :ههههههه اوكي
***فلااااااااش بااااااااك********
رجع يوسف الى مكانه واستفاقت مرام من الحلم الذي كانت تعيشيه الى الشعور بالذنب
يوسف :مرام انا اسف .... بس ما استحملت جمالك والحب الي بقلبي هنن الي دفعوني ....مرام انا بحبك
مرام وهية خجلة من نفسها :يوسف نحنا اغلطنا ...لانو نحنا مالبعض
يوسف : نحنا لبعض ومحدا رح ياخدك مني
مرام:لا تنسى انت وين وانا وين
يوسف :كل هيدا الحكي انا مابهمني ..... الشيء الوحيد يلي بهمني هو انت
مرام :اهلك اكيد مارح يقبلو فيني
يوسف :ههههههه ... اهلي قبلو فيكي قبل ما يعرفوكي
مرام :ما افهمت؟؟؟ ....
يوسف :انا قلتلا لماما اني بحب وحدة امورة وحبابة وبتجنن وبسيطة ...ومانها من عيلة مشهورة
مرام :وشو قالتلك امك ؟؟؟
يوسف :قالتلي ما بتاخد غير بنت خالتك
مرام :شوووو
يوسف :عم امزح معك هههههه...قالتلي المهم البنت تكون محترمة واني كون بحبها ...والوضع المادي ابدا ما بهمنا
مرام : عائلتك عيلة بتجنن
يوسف :وانت كمان رح تصير من هالعيلة ....
مرام :يوسف انت عنجد بتحبني ....
يوسف :لك انا اتخطيت مرحلة الحب والعشق من زمان
لك انا مهوس فيكي الله بيشهد علي شوفي بقلبي ... بحبك يا مرومتي
.................................................
ذهبت مرام الى المشفى وكانت هناك سلمى
سلمى :مرام شبها ايدك
مرام :ماما جرحتها امبارح بالكاسة .... ورحت ع الدكتور وقطبتها
سلمى بلهفة :ياحبيبتي ... عم توجعك ...وكام قطبة فيها
مرام :لاتخافي ماما ....لا ماعم توجعني .... وخيطوها اربع قطب
سلمى :سلامت قلبلك بس ليش ماخبرتيني
مرام :ماحبيت اشغلك بالك
سلمى :الله يرضى عليكن
......................................................
في اليوم التالي جاء يوسف واخذ مرام معه الى الجامعة دخلو الى الجامعة واكملو بطريقهم الى الكافيه
مرام :ليش رايحين ع الكافيه ...انا عندي محاضرات
يوسف :هلق بتعرفي
دخلو الكافيه وكانت الاضواء مطفية
مرام :يعني الكهربا مقطوعة ولا شو
يوسف مسكها من يدها سحبها الى الداخل واشتعلت الاضواء ....مرام واقفة مصدومة من زهول المنظر الذي امامها ... الكافيه كله مزين بالورود والبالونات الحمراء والشموع كانو جميع الزملاء موجودين بالكافيه ...وفي الوسط موجود قالب كاتو كبير مكتوب عليه ILOVE YOU MARAM
يوسف :Surprise... مفاجأة
مرام وضعت يدها على فمها وبدات تبكي ..... اقترب منها يوسف ومسح لها دموعها
يوسف : ليش عم تبكي ...ماوقت البكي هلق لازم تفرحي بهل المفاجاة ....عجبتك
مرام :كل هيدا الشي الي
يوسف :اي الك .... حلو
هزت رأسها بأيجابية
مرام كتير حلو بس شو المناسبة
يوسف : ضروري يكون في مناسبة .... بدي اعترفلك بحبي قدام الجميع مشان هيك اعملت كل هيدا ومشان شوف ضحكتك الحلوة ....وانا لو بقدملك عمري قليل عليكي . مسك يديها ورفعهم اليه وقبلهم ...
يوسف :مرام انا بحبك
مرام :وانا بحبك ياروحي ..واقتربت منه وضمته
وهو رفعها عن الارض وبدا يدور بها
والجميع كان يصفق لهم ومع اصوات الصفير والهتافات ....والجميع كانو فرحين من اجل يوسف ومرام .. الا شخص واحد وهو مها كانت في قمت غضبها وغيظها من الذي يحصل وايضا لفشل خطتها

...اقترب يوسف ومرام من الكاتو وقطعوه ووزعوه على الجميع .... وبدأ يوسف يطعم مرام بيده وكانو يعيشون اجمل اللحظات وكأنهم في عالم أخر
مرام :يوسف اكيد بهل المناسبة رح يكون في Cadeau (هدية)
يوسف : ههههه اكيد مقعول ماجيب لحبيبت قلبي احلا هدية ... اخرج من جيبه علبة صغيرة وفيها سنسلتين وقلب مقسوم الى نصفين وضع كل نصف في سلسلة والبس كل شخص منهم السلسلة للآخر ....
................................................
اوصل يوسف مرام الى باب المشفى واكمل طريقه الى منزله ..دخلت مرام الى المشفى وكانت والدتها قد انهت جميع المعملات لكي تخرج عبير من المشفى
.........................................................
بعد مرور اسبوع ...مرام مع يوسف تعيش احلا ايام حياتها ..سلمى لم يتغير عليها شيء سوى انها تتعب من قلبها وحالتها تسوء يوم بعد يوم ....عبير على حالها ويتنظرون مرور شهر لكي تعمل التحاليل والصور ويتأكدو من ان الورم قد ذهب .... كرم سوف يسافر مع عائلته الى امريكيا وسوف يكمل دراسته هناك ....
سليمان تعرف على شابة جميلة ومهذبة اسمها نسمة وبدأ يحبها ..... مها تفكر بخطة جديدة لكي تبعدهم عن بعض مرة ثانية لكن هذه المرة سوف تكون الخطة محكمة
..........................................................
يوم الاحد والجميع في عطلة
سلمى :يابنات انا اليوم رح اتأخر اليوم عيد ميلاد الباشا يوسف .....مرام ديري بالك ع اختك
مرام :عنجد اليوم عيد ميلاد يوسف
سلمى :اي اليوم عيد ميلاد يوسف بس انت ليش متفاجأة
مرام :لا مافي شي ...بس سؤال......ماما خليني روح معك وبساعدك
سلمى :.........................
......................................................
انتظرونا بالحلقة الخامسة ...
توقعاتكم هل مرام سوف تذهب مع والدتها الى حفلة عيد ميلاد يوسف

#مرام
#بقلم_مريم_اليوسف

#الجزء_الخامس

يوم الاحد والجميع في عطلة
سلمى :يابنات انا اليوم رح اتأخر اليوم عيد ميلاد الباشا يوسف .....مرام ديري بالك ع اختك
مرام :عنجد اليوم عيد ميلاد يوسف
سلمى :اي اليوم عيد ميلاد يوسف بس انت ليش متفاجأة
مرام :لا مافي شي ...بس سؤال......ماما خليني روح معك وبساعدك
سلمى :انت عم تحكي جد
مرام :اي والله جد تاخديني معك ....حابي شوف هالقصر يلي عم تشتغلي فيه ...وحابي اتفرج على العيد الميلاد
سلمى:لأ مافي ضلي عند اختك ....
مرام :الله يخليكي ياماما خديني معك ....وكمان اليوم بكون في شغل كتير بروح وبساعدك
سلمى :لا انت مابتفهمي .... وبعدين المدام منار يمكن ما ترضى.....خليكي عند اختك واهتمي فيها
مرام :ماما عبير اكتر وقتها بتضل نايمة وانا شوبدي سوي لحالي
سلمى :اقعدي ادرسي
مرام :ماما بس هالمرة والله كتير ضايجة ..... طيب دقي لمدام منار واسأليها .... حبابي ...حبابي
سلمى: خلص خلص رح دقلها واذا ماعندها مانع باخدك معي
مرام :yas ....yes....yes...اوكي يلله دقيلا
دقت سلمى للمدام منار
ردت منار :اي سلمى قوليلي ليش عم تتصلي
سلمى :بصراحة يامدام انا قلت اليوم رح يكون في شغل كتير واذا ماعندك مانع بدي جيب بنتي مرام معي .
منار :لا تهكلي هم الشغل ...بس اكيد جيبي بنتك مرام معك حابة اتعرف عليها وبتحضر معنا عيد ميلاد يوسف
سلمى : اوكي ..... انا مسافة الطريق وبكون عندك مشان نلحق التجهيزات ....اقفلت الخط
سلمى :جهزي حالك مرام بسرعة
مرام :ثواني وبكون جاهزة ..... بس ماما شو اخد معي لحتى البسو بالحفلة
سلمى : ههههه انت مجنونة اكيد مارح تحضري الحفلة ..انت شغلتك بالمطبخ وبس .....
حزنت مرام قليلا لكن قالت في عقلها المهم ان ترى يوسف وتعايده في عيد ميلاده ....لبست مرام ملابسها وخرجو من منزلها واتجهو نحو قصر عائلة يوسف
وهم في الطريق
مرام :ماما مالازم تاخدي هدية معك ليوسف
سلمى :اي والله معك حق .... هلق بنوقف حد محل هداية وبنشتري هدية ...
اقتربو من محل لبيع الهدايا لكن مرام قالت لوالدتها انها هية سوف تنزل تحضر هدية وامها تبقى في التاكسي .... نزلت مرام واشترت هدية لامها ساعة يد لتعطيها ليوسف ...وهية اشترت علاقة مفاتيح من الفضة كان يوجد جميع الاحرف واختارت واحدة محفور عليها حرفM لكي يتذكرها دائما ....
وصلو الى القصر ...دخلت مرام وكانت عيونها تنتقل من مكان لاخر وهية تتفحص هذا القصر الجميل بل هو اجمل من الجمال ...واكملو طريقهم الى المطبخ وايضا المطبخ كان رائع جدا كانت الجدران ملبسة بالسراميك الفضي وبداخله لون ذهبي وكانو يعكسون الضوء وكأنه محل مجوهرات من شدة جماله .....كانت تتفحص كل شيء ....
دخلت منار وبناتها الى المطبخ لكي يختاور الاكل الذي سوف يقدموه في الحفلة ويطلبوه من سلمى
دخلو وتفاجئو بمرام
منار :صباح الخير يا سلمى .... اكيد هيدي بنتك مرام
سلمى :صباح النور يامدام ...اي صح هيدي بنتي مرام
اقتربت منار من مرام وقبلتها :كيفك ياحبيبتي
مرام :الحمد لله بخير ...كيفك انت ياطنط
منار:الحمد لله .... مشاء الله عنك على هالجمال
مرام بخجل :هيدا جمال عيونك ياطنط
منار :هدول بناتي سارة ويارا ....يابنات هيدي مرام بنت سلمى .... و عندي شب اسمو يوسف هو اليوم عيد ميلادو
مرام :الله يخليلك اياهن ويحميهن
منار :ع فكرة يوسف بحب امك اكتير وامك كمان بتحبو ههههه
سلمى :ههههههه اي والله القلوب عند بعضها
اقتربو منها وسلمو عليها .... وجلسوا ... وبدأو يخططو في انواع الاكل والمشروبات التي سوف يقدموها في الحفلة ...لكن كانت اعين سارة ويارا لاتفارقا مرام في حركاتها وطريقة كلامها .....اتنهو وخرجو الى غرفة الجلوس .....
منار :ليش هيك كنتو عن تطلعو ع مرام ....المخلوقة اتلبكت من نظراتكن
يارا :بصراحة هالبنت بتجنن ... شو هالجمال اذا هية هيك بتجنن كيف اذا ظبطت حالها ...بتطلع ملكة جمال
سارة :اي والله معك حق يا اختي ...حتى طريقة كلامها بتجنن بتحكي بكل ركازة...... بتعرفي حاسة حالي غرت منها
منار :هههههههه............ معكن حق البنت حلوة الله يبعتلها ايام حلوة متلها
يارا :اي والله باين عليها معترة بحياتها ... مظبوط متل ما قالو مستحيل تكمل مع الواحد
سارة :شو رأيكن ناخدها معنا ع الكوافير نعملها ميكب ....ولفة لحجابها ....
منار :اي ليش لأ
يارا :اوكي .... وهية مقاسها نفس مقاسي بجبلها شي فستان من عندي بتلبسو
منار :الله يرضى عليكن
سارة :ماما معقول يوسف ينعجب فيها
منار : ياريت بنت حلوة وذكية متلها وياحرام يتيمة بنكسب فيها حسنة واحسن منها مارح نلاقي ..... بس بدنا اخوكن يوافق

يارا :والله اذا يوسف بيتزوجها بعيش كل حياتو مبسوط
منار :المهم هلق كل وحدة تروح ع شغلها وانا رايحة قول لسلمى تجهز القهوة ليوسف وقلها مشان مرام تروح معكن ع الكوافير
دخلت منار المطبخ ووجدت سلمى ومرام يتعاونون في الطبخ
منار :سلمى من بعد اذنك جهزي القهوة ليوسف ...لانو هو بحبها من ايدك
جلست منار على الكرسي في المطبخ وسلمى تعد القهوة ...ومرام تجلس مقابل منار على الطاولة وتفرم بعض الخضراوات وبعض الخدم تنظف المطبخ والبعض الاخر يجهزون الفيلا للحفلة
منار : مرام بناتي حبوكي اكتير
مرام :تحبهم العافية يارب ... وانا كمان حبيتهم من كل قلبي
منار:بدون ياخدوكي معون ع الكوافير مشان تعملي ميكب مشان الحلفة شو رأيك
مرام : انااا !! لا اسفة يا طنط بس مابقدر انا جيت ساعد الماما وبس وبعدين هيك حفلات مانها من مستوانا ....شكرا الك غمرتيني بلطفك
منار : انا ماعم اخد اذنك عم اطلب منك طلب ولا تاكلي هم البنات رح يدبرولك كلشي بس انت عليكي توافقي .... وبعدين ليش مانك من مستوانا ...ليش ماكلنا بني ادمين ومن لحم ودم محدا احسن من حدا وكلنا نفس المستوى
مرام :انا مابعرف قولي لماما اذا ماعندها مانع انا كمان ماعندي مانع
سلمى واقفة تحرك القهوة
منار:شو ياسلمى ....موافقة انو مرام تحضر الحفلة
سلمى :بس يامدام
قاطعتها منار:بس شو ...بدك تزعليني منك
سلمى:ما عاش الي بزعلك ..... خلص متل مابدك اعملي انا تحت امرك ....
منار:اوكي .....مرام جهزي حالك ع الساعة ٣ رايحين البنات بتروحي معهن
سلمى:مدام القهوة جهزت ....انا طالعة وديها ليوسف
منار:لا انت انتبهي للأكل واستعجلي شوي .... هاتيها انا بوديها
مرام :طنط اذا بتحبي انا باخدها عنك مشان ماعذبك
منار :اوكي حبيبتي خديها فوق تاني غرفة على اليمين ...دقي الباب بهدوء اذا رد عليكي ادخلي واذا ما رد بكون نايم ادخلي بهدوء حطي القهوة على الطاولة واطلعي لانو يوسف مابحب حدا يفيقو بحب يفيق لحالو ...
مرام :حاضر ياطنط
منار في سرها :ان شاء الله يكون فايق ويشوف هالقمر.
مرام كانت سعيدة جدا انها سوف تأخذ القهوة ليوسف ...وتشاهد غرفته .....
وصلت مرام ومعها القهوة الى غرفة يوسف طرقت الباب بهدوء ... لكن لايوجد هناك رد .... فتحت الباب بهدوءودخلت واغلقته خلفها .... ووقفت مزهولة من جمال غرفته كانت جدرانها بيضاء ويدخلها لمعة زرقاء وكان يوجد بداخلها حمام..... والسرير والخزانة والمرأة مصنوعين من افخم انواع الخشب وكانو بأجمل تصميم وعلى الطاولة المرأة موجود انواع كثير من العطورات ومصففات الشعر .... ومن جمال الغرفة نسيت يوسف ... وبعدها فاقت من شرودهاواقتربت ووضعت القهوة على الطاولة
.ذهبت وجلست جنب يوسف على السرير كان يغطي جميع جسده حتى وجهه مغطى اقتربت منه ورفعت الغطاء عن وجهه وكان جميل جدا وهو نائم وبدأت تلعب بشعره لكي يفيق
مرام بصوت ناعم :يوسف ... يايوسف ... ياحبيبي
يوسف وهو نصف نائم :ماما ... اتركيني نام شوي بتعرفيني مابحب حدا يفيقني ....وبعدين اليوم ... الاحد ... خلص انت هلق روحي وانا بعدين بلحقك
مرام وهية تقرصه من خده :يلله قوم انا ماني امك انا مرام ...
تبسم وهو نائم وظن انه يحلم واكمل نومه ولم يرد
مرام :ليش انت نومك تقيل .... لك قوم انا مرام
يوسف وهو مغمض عينه :مرام شو جابها لعندي اكيد انا عم احلم
مرام :انت مانك عم تحلم انا حقيقة ... فتح عيونك وشوف .........اوكي يا يوسف انا رايحة ..... ما الحق عليك الحق علي انا قلت بدي اعملك مفاجأة .
قامت لكي تمشي لكنه مد يده من تحت الغطاء و مسكها من يدها ....وفتح عينينه بصدمة :مرام !!!!!!! انت شو عم تعملي هون ... وكيف دخلتي لهون
تنهض يوسف وكان عاري الصدر
مرام انصدمت من هذا المنظر :ياااااااخ
ووضعت يدها على عيناها ودارت ظهرها ليوسف
مرام :لك انت كيف بتنام هيك .....قوم البس شي استر حالك فيه
يوسف وهو يتناول التشيرت من جانبه بسرعة :هههههه ...اخجلتي انا بنام هيك على طول ...بس انت الحق عليكي داخلي على غرفتي متل الحرامية ....دقي الباب قبل ما تدخلي.... خلص فتحي عيونك البست ....قوليلي كيف جيتي لهون....
مرام مع ابتسامه عريضة :امك دلتني ع غرفتك وانا جيت
يوسف :لحظة انا اكيد عم احلم ....(بدأيفرك عيناه بيديه وفتحهم مرة ثاني) لا انا ماني عم احلم انت حقيقة
عنجد بلا مزح قوليلي كيف دخلتي لهون
مرام :لك ماما بتكون سلمى ....وانا جيت معها اليوم لحتى ساعدها مشان عيد ميلاك يا استاذ.... بس انا زعلانة منك ليش ماخبرتني انو اليوم عيدك ميلادك
يوسف :لحظة ... لحظة ... امك بتكون الخالة سلمى؟؟
مرام :اي ماما بتكون سلمى .....

يوسف :وليش ماخبرتيني
مرام :ما صار مناسبة قلك
يوسف:وانت من ايمت بتعرفي انو امك بتشتغل عنا
مرام :من يوم يلي اكتشفت فيه حقيقتك
يوسف :ااااااااه ....هلق افهمت ...وانا عم قول ليش بحبها للخالة سلمى ههههههه...طلعت امها لحبيبتي
مرام :حبيت اعملك اياها مفاجئة ....
يوسف : بتعرفي احلا مفاجئة بشوفها بحياتي
مرام : عم تتمسخر يعني
يوسف :لا والله ماعم اتمسخر عم احكي جد
مرام :بالمناسبة كل عام وانت بخير (واخرجت من جيبها علبة صغيرة واعطته اياها )اتفضل هيدي هديتك
يوسف اخذ الهدية وفتحها وجد العلاقة ومحفور عليها حرف M :بتعرفي هيدي احلا هدية بشوفها بحياتي وبوعدك حافظ عليها طول عمري ..... وهاد اجمل عيد ميلاد بحياتي لانك انت فيه
مرام :وليش ماخبرتني.... انو اليوم عيد ميلادك.
يوسف :بصراحة كنت بدي خبرك ونسيت ...
مرام :انا اتأخرت وهلق الماما بينشغل بالها علي .... اشراب القهوة حطيتها ع الطاولة باي . ومشت لكن يوسف قام من تخته بسرعة كانت تفتح الباب لكنه ضغط عليه واغلقه ...اصبحت مرام امامه ومتجهة نحو الباب
مرام :يوسف انت شو عم تعمل بعد هيك بدي اطلع .
يوسف مازال واضع يده على الباب .... التفت اليه مرام واصبح ظهرها للباب واصبحت هية ويوسف متقابلين نظرت الى يوسف وجدته ينظر اليها بكل حب ...خجلت من نظراته وخفضت نظرها الى الارض
مرام :يوسف بعدلي بدي اطلع هلق حدا من اهلك بيجي . يوسف لم يرد ومازل ينظر اليها وهية تتكلم ....تحركت مرام لكي تبتعد من امامه لكنه وضع يده الثانية على الجدار وصارت مرام ومحاصرة بين يديه. مرام :يوسف حاج تطلع علي هيك انا بخجل
يوسف :يقبرني يلي بيخجل
احمر وجه مرام اكتر :يوسف بعدلي بدي اطلع
يوسف :لا ما رح بعدلك .... انت مفكرة اذا دخلتي غرفتي رح تطلعي بهالبساطة متل مابقولو دخول الحمام ما متل خروجه
مرام :بترجاك اهلك كلهم بالبيت ويمكن حدا يجي والله بننفضح
يوسف :عجبتك غرفتي قصدي غرفتنا
مرام :اي عجبتني بس هلق بعدلي ..... الله يخليك
يوسف :عطيني بوسة بخليكي تطلعي
مرام :لا مافي هديك المرة بالسيارة بوستني وضميري لليوم عم يعزبني ...مابدي اغلط مرة تانية .
وضع ابهامه على شفتيها وبدأ يلمسهم
يوسف :شفايفك اكتير ناعمين متل الحرير ....... مرام انت الي ومحدا بالحياة بقدر ياخدك مني افهمتي
مرام :والله افهمت انا الك...... بس بعد عن طريقي انا طولت عندك بالغرفة هلق ماما بتطلع وبتدور علي
يوسف :رح بعدلك بس بعد ما ....(واقترب منها وطبع على خدها قبلة رقيقة) هلق فيكي تروحي ..... بس لحظة لحتى شوف اذا في حدا برات الغرفة
اخرج يوسف رأسه من الباب ووجد الممر فارغ
يوسف: هلق فيكي تروحي ....
فتحت مرام الباب لكي تخرج التفت اليه وقالت له :بحبك . وذهبت مسرعة
يوسف بداء يضحك :ههههه وانا كمان بحبك ياروحو ليوسف ..
نزلت مرام الى والدتها وسألتها لماذا تأخرت وقالت لها انها ضاعت بين الغرف
شرب يوسف قهوته والبسمة لاتفارق شفتيه وكأنه كان في حلم قام وبدل ملابسه ونزل الطابق السفلي ...
دخل الى المطبخ وسلم على سلمى وكانت عيناه تطارد مرام وهية تلبكت من نظراته
سلمى: كل عام وانت بخير ياحبيبي ...واخرجت الهديه واعطته اياها
يوسف :وانت بخير .... ليش معزبي حالك
سلمى:عذابك راحة ياحبيبي
سلمى:بعرفك بنتي مرام
يوسف :بعرفها مرام زميلتي بالجامعة
مرام انصدمت من يوسف ....ولكن قالت في سرها هكذا افضل
سلمى : عنجد ماكنت بعرف
يوسف :وانا كمان ما كنت بعرف انها بنتك
خرج يوسف من المطبخ واتجه نحو الصالة كانت تزين وكانت والدته تشرف على الزينة
يوسف :صباح الخير ياماما
منار :صباح النور ياعمري وكل سنة وانت سالم
يوسف وهو يقبل يدها :وانت سالمة ...الله يخليك فوق راسنا ياست الكل
منار :الله يرضى عليك ويفرحني فيك ......يوسف شفت بنتها لسملى مرام
يوسف :اي شفتها ماما انا بعرفها لمرام هية زميلتي بالجامعة
منار : اااااه ...عنجد وشلون علاقتك انت واياها
يوسف :منيحة ... بس انت ليش عم تسألي
منار :بصراحة هل البنت دابت بقلبي متل السكرة واخواتك سارة ويارا حبوها كتير
يوسف :اي شو يعني ...واذا حبيتوها ...شو اعملكن
منار :اتجوزها
يوسف فرح كثيرا لكنه لم يظهر هذا الشيء لوالدته :بفكر بالموضوع .... هية البنت حلوة ومؤدبة ...خلص ولا يهمك مابتكوني غير رضيانة ياست الكل
منار :تقبر قلبي ....على فكرة يارا وسارة رح ياخدوها معهن على الكوافير تظبط حالها معهن ...
يوسف :عنجد اي كتير منيح ....
منار :صح انت روح اعزم رفقاتك
يوسف :اوكي هلق بتصل فيهم .....
اتصل يوسف بأصدقائه سليمان وكرم ومها وبعض الاصدقاء ...
مها وجدتها فرصة لكي تتقرب من يوسف وتبرز جمالها. الساعة الثالثة اخذت سارة ويارا مرام معهم وكانت يارا قد احضرت لمرام فستان من عندها ....

الساعة السادسة مساء قد بدأت الحفلة ...سلمى ذهبت الى منزلها وطمنتها منار ان اولادها سوف يوصلون مرام الى المنزل ...ويوسف يجهز نفسه في غرفته لبس قميص وتحته بنطال جينز وفتح ازار القميص من عند صدره وكان يلبس السنسلة التي فيها نصف القلب التي احضرمثلها لمرام .ونزل الى الصالة وبدأت المعازيم تأتي وكان يوسف يبحث عن مرام بعيونه....وفجأة دخلت مرام واخوته الى الصالة وقد دخلو من باب المطبخ ولم يأتو من الباب الرأيسي لكي لايلفتو الانظار ذهبت سارة ويارا اتجاه والدتهن الواقفة على الباب لاستقبال الضيوف .....يوسف واقف مصدوم من جمال مرام كانت رأئعة الجمال كانت ترتدي فتسان طويل للأرض لونه سكري وعلى صدره ستراس ذهبي ومن تحت شيفون منفوش قليلا وكان يوجد على اسفل ظهره ببيونة كبيرة وكانت ترتدي حجاب يليق بالملابس ...وبعض الميكب الخفيف الذي يظهر جمالها ...كانت الاجمل بدون منازع ....مرام واقفة لوحدها متوترة بين الضيوف والجميع ينظر اليها باستغراب ...ويتسألون عن هذه الفتاة الجميلة ....ورفعت نظرها لكي تبحث عن يوسف ...لكنها وجدته واقف بعيد عنها ويحدق بها
...يوسف فاق من شروده وذهب اتجاهها
يوسف :انت شو عاملة بحالك ....
مرام :طالعة حلوة
يوسف : لك موبس حلوة بتجنني .....بس انا هيك مابقبل هلق بتروحي وبتغير تيابك.
مرام :ليش؟؟؟!!!
يوسف :هاد الجمال الي وبس ...ومابدي حدا يشوفك
مرام :ههههه انت اكيد عم تمزح
يوسف :لا انا اكيد ما عم امزح ....هلق ارجعي البسي تيابك يلي كنتي لابستيهن وانزلي .....انت هيك ملفتي للأنظار
مرام : اخوتك كمان لابسين حلو وطالعين كتير حلوين وملفتين للأنظار
يوسف :اخواتي كل وحدة عندا زوجها وما الي كلمة عليهن ....انا بس الي كلمة ع زوجتي المستقبلية
مرام :وانت كمان طالع كتير حلو ...اصبح انت كمان روح غير اتيابك
يوسف : ههههه الشب غير البنت
مرام بدلع : حباب يايوسف بس مرقها اليوم وبوعدك بعد مانتزوج البس على زوقك ...واذا بتحب بلبس نقاب
يوسف ببتسامة كلها حب : اوكي رح مرقها اليوم بس مشان تعرفي اشقد بحبك ....وعلى فكرة عجبتني فكرة النقاب هههههه
مرام :هههههههههه
عند الباب تقف منار وسارة ويارا يستقبلون الضيوف
يارا :ماما سارة ليكو يوسف واقف مع مرام وباين عليهم مبسوطين
منار : مرام طلعت صديقتو ليوسف بالكلية
سارة :اي قالتلنا مرام عند الكوافيره انهاصديقتو
يارا :بتعرفو مرام احلا وحدة موجودة بالحفلة ويوسف احلا واحد ....طالعين كتير حلوين مع بعض
منار :اي والله ان شاء الله اخوكن يحبها ....والله البنت بتنحب ..
يوسف مع مرام ...وبعد قليل دخل سليمان وكرم ومها
مها انصدمت من مرام ولم تتوقع وجودها ....اقتربو من يوسف وعايدوه وسلمو على مرام
كرم :شو هيدا يامرام طالعة بتجنني
يوسف بغضب : كرم احترم حالك احسن ما اطلع بروحك ....عم تتغزل فيها وهية معي
كرم :ههههه شبك يازلمة ..مرام متل اختي ....
مها بأبتسامة مصتنعة :منورة يامرام
مرام :منورة بوجودك
جاء جميع الضيوف وتناولو العشاء ...واطفؤا الشموع وبهذه الليلة اكمل يوسف ٢٣من عمره....وقطعو الكاتو وكانت مرام بجانب يوسف والجميع يسال يوسف عنها ويقول لهم انها صديقته بالجامعة ....وانتهت الحفلة وذهب الجميع الى منازلهم وبقيت مرام ..
يوسف :ماما انا بوصل مرام
منار :اوكي .... حبيبي دير بالك عليها
يوسف : اوكي .....يالله مرام لنروح
ومشي يوسف هو ومرام وركبو السيارة وانطلقو
يوسف :عجبتك الحفلة
مرام :كتير انبسطت
يوسف :انا هيدا اجمل عيد ميلاد بحياتي بمر علي لانك معي "وهو يقود السيارة مسك يد مرام وقربها من شفتيه وقبلها ....بحبك كتير ...بموت فيكي
مرام :وانا كمان بحبك ياروحي
.................................................
بعد عدة ايام عند انتهاء الدوام في الجامعة مرام مع يوسف بالسيارة ..
مرام :يوسف ع وين رايحين ما من هون طريق بيتنا
يوسف :بعرف بدي اخدك عالملاهي ...وبعدين بدنا نروح نتغدا
مرام :بس ...انا ....
يوسف :انت شو مابتحبي الملاهي
مرام :اي بحبها
يوسف : لكن خلص اسكتي ....من يوم عيد ميلادي ماقعدت معك منيح
....ذهبو الى الملاهي وبدأو يلعبو بالالعاب ....وكانت مرام سعيدة جدا ....لانها منذ زمن لم تذهب الى الملاهي ...لعبو بالدولاب والسيارات وبجميع الالعاب
.....وبعدها ذهبو الى مطعم فخم ....
يوسف :انبسطي بالمشوار
مرام :اكتر مابتتصور ....عنجد شكرا يا يوسف على كل لحظة حلوة عم تعيشني اياها
يوسف :انا لازم اتشكرك ...من اول مادخلتي حياتي غيرتها وصرت انسان تاني .....صح اتذكرت ماما حبتك كتير وطلبت مني اني اتزوجك
مرام :انت عم تحكي جد
يوسف :والله جد

مرام :شو قلتلها
يوسف :قلتلها مابتكون غير رضيانة
...........................................................
في المساء مرام في منزلها تحكي لعبير عن يوسف وانها سعيدة جدا معه ....وعبير كانت سعيدة جدا لاختها .....
........................................................
يوسف يجلس مع عائلته وكانت عندهم سارة وزوجها
يوسف :وين كنت محمود ...ليش ماجيت على حفلة عيد ميلاي
محمود:كنت مسافر كان عندي حالة مستعجلة
يوسف :كنت بدي عرفك على مرام ...اجت على عيد ميلادي
محمود :مرام ماغيرها
يوسف:اي مرام ماغيرها
سارة :محمود انت بتعرف مرام
محمود :ههههه لأ بس اخوكي صارعني فيها مرام ومرام
منار :ماني عم افهم عليكم ...احكو بوضوح
محمود : بصراحة يامرت عمو يوسف بحبها لمرام ...ومن زمان ...وهية الي غيرتو للأحسن
منار :ومابتقلي يايوسف
يوسف : ماكنت متأكد من مشاعري ولا من مشاعرها
وما انت قلتيلي اتزوجها انا موافق اتزوجها هههه
منار :الف حمد وشكر الك يارب
يوسف :محمود مرام طلعت بنت الطباخة سلمى يلي بتشتغل عنا
محمود :عنجد
يوسف :اي والله متل ماعم قلك
محمود :سبحان الله شو الدنيا صغيري
منار : حبيبي محمد شو رأيك
محمد :حبيبتي اذا انت وابنك مبسوطين انا شوبدي احسن من هيك والبنت ماشاءالله عنها ماناقصها شي
منار : اصبح انا رح افتح الموضوع مع سلمى وشوف شو رأيها
................................................................
مكالمة هاتفية
شخص ١:شو صار معك بعد مالحقت البنت الي شفناها بالمطعم ....شو اعرفت عنها
شخص ٢: انا الحقتها واعرفت بيتها ٢٤ساعة وبتكون كل المعلومات عندك يا استاذ
شخص ١:اوكي ....
...................................................................
بعد عدة ايام مرام في احدى الصيدليات تشتري الدواء لاختها ...وهية خارج اصتدمت بفتاة
مرام :سورري ...ماكان قصدي
الفتاة :لا عادي ولا يهمك حصل خير .نزلت مرام الى الارض لكي تشيل الدواء من على الارض ...نزلت معها الفتاة .مرام :لاتعذبي حالك انا عم شليون
فتاة : عازبك راحة .... بدي ساعدك لانو انا كمان ماكنت منتبهة قدامي .الفتاة وهية تحمل علبة دواء استغربت من الدواء وبدأت تتفحصها ...مرام انهت لم الدواء ووقفت وبقيت علبة الدواء التي بيد الفتاة
مرام :لو سمحتي ممكن تعطيني اياها
الفتاة :هيدا الدوا الك
مرام :لا لأختي الصغيرة .....بس انت ليش مستغربة
الفتاة :هيدا دوا للامراض السرطانية
مرام :للأسف صح ...اختي الصغير مريضة بهيدا المرض
الفتاة :ياحرام الله يشفيها
مرام :شكرا الك.......بس انت كيف اعرفتي انت صيدلانية ....ولا دكتورة
الفتاة :بصراحة لاهي ولاهي اختي بتشتغل بجمعية خيرية وهيدي الجميعية مختصة بأمراض السرطان وبتأمن العلاج والدواء .......صح انتو كيف بتأمنو تكاليف العلاج ؟
مرام : عم ندبر حالنا ...الله ساترها
الفتاة :شو رأيك احكيلك مع اختي وبتسجل اختك بالجميعية وبتصير تكاليف العلاج كلها على حساب الجمعية
مرام بفرح :عنجد ...والله ياريت
الفتاة :لكن انا بحكي مع اختي وباخدلك موعد عندها بالجمعية وانت بتروحي لعندها
مرام :اوكي اتفقنا وانا رح خبر امي وهلق عن اذنك
الفتاة :لحظة لحظة ...كيف بدي اوصلك ما اعرفت لاسمك ولا عنوانك ولا رقمك
مرام :ااااه ...انامرام وانت
الفتاة :نيرمين ...تشرفت بمعرفتك يامرام
مرام :وانا بالاكتر..
نيرمين :اكتبلي رقمك وعنوانك على ورقة وانا بخبر اختي تاخدلك موعد بالجمعية
مرام كتبت رقمها وعنوانها واعطتهم لنيرمين ...و كانت مرام فرحة جدا لانها وجدت حل لمصروف العلاج وانه سوف يوفرو قليلا .....
........................................................
في منزل عائلة يوسف سلمى تقدم القهوة لمنار
منار :سلمى اقعدي اشوي عايزتك بموضوع مهم
قعدت سلمى وهية مستغربة :شو هو الموضوع المهم يامدام قوليلي
منار :بصراحة هنن موضوعين ما بس موضوع واحد
سلمى :عم اسمعك اتفضلي
منار :الاول بدي قلك انو يوسف وبنتك مرام بحبو بعض
سلمى :انت شو عم تقولي يامدام اكيد في سوء تفاهم .او يمكن يكون صح بس انا بوعدك انو مرام تبعد عم ابنك نهائيأ ....لا تواخذينا مشان الله بنت طايشة وصغيري سامحينا يامدام وبوعدك هالشي مارح يتكرر
منار :لحظة ....لحظة ....انتي افهمتي الموضع غلط ...انا قصدي انهم بحبو بعض وانا حابي اجمعهم بالحلال انت شو رأيك
سلمى : قصدك انت بدك مرام ليوسف
منار :اي صح وانت وافقي وبنروح براسنا لعنكم وبنطلبها رسمي ...شو قلتي
سلمى :يامدام انت متأكدة ....بصراحة الفرق بيناتنا كبير ونحنا مانا من مستواكم و....
قاطعتها منار :شو يعني مانكن من مستوانا ما كلنا ولاد تسعة اشهر وكلنا من لحم ودم ومحدا زايد عن حدا شي واذا قصدك عالمصاري المصاري وسخ الدنيا وبالاخير كلنا مرجوعنا على القبر ومحدا رح ياخدمعو شي ...الولاد بحبو بعضهم ليش لحتى مانجمعهم بالحلال ونرضيهم ونرضي ربنا ..

سلمى : بس انت مين قلك انهم بحبو بعضهم
منار :يوسف اجا وقلي انو هو بحب مرام واعترفلا بحبو وهي كمان بتحبو
سلمى :بس ليش مرام ماخبرتني .....معقول تعمل هيك شي من ورا ضهري
منار :انت بتعرفي الشباب وكلنا مرقنا بهل التجربة والبنات بشكل عام بتخاف تخبر اهلها ....بس بدي منك توعديني انك ما تعصبي عليها
سلمى :خلص ولا يهمك مارح حكيها شي
منار :شو قلتلي ...موافقة؟؟؟
سلمى :اكيد موافقة انا مارح لاقي شب احسن من يوسف لبنتي وانا كمان بحبو كتير ليوسف وبعتبرو متل ابني ....وايمت ماحبيتو تشرفونا اهلا وسهلا
منار :رح نزوركن بعد مانرجع من باريس لانو خلال يومين رح نسافر
سلمى :رح تروحو على باريس
منار :اي صح بدنا نسافروهيدا هو الخبر التاني محمد عندو شغل هنيك شي شهرين ولما نرجع بدي اعمل خطبة ليوسف ومرام ماصار متلها بالبلد كلها..كنت حابي اعملها قبل ما نسافر بس مافي وقت ....وكمان انت بتعتبري حالك بأجازة لمدة شهرين بتضلي مع بناتك وبتشبعي منهن
سلمى :الله يسرلكن وترجعو بخير وسلامة ....طيب مالازم اجي مشان يوسف
منار :لأ لا تشغلي بالك اصلا يوسف مارح يقعد بالبيت ورح يقضيها بالمطاعم ...وهو كمان يمكن يلحقنا لما يخلص امتحانات
سلمى :اوكي متل مابدك يا مدام منار ..
منار :صح انا ماقلتلك انك رح تبطلي تشتغلي عنا
سلمى :ليش يامدام انا اعملت شي غلط
منار :هههههه اكيد لأ بس انت مابترضي على حالك تشتغلي عند بيت احمى بنتك ماهيك ....
سلمى :كيف بدنا نعيش يامدام عدم المؤاخذة انا مارح اقبل انكم تصرفوعلينا
منار : ومين قال انو رح نصرف عليكن ....مرام يلي رح تصرف عليكم ....
سلمى :ما افهمت عليكي
منار :قصدي انو الولاد رح يضلو مخطوبين لحتى يخلصو دراستون وانت وقتها بتضلي عم تشتغلي عنا ...ولحتى تتخرج مرام رح تشتغل مع يوسف بشركتنا ومرام اكيد هية يلي رح تصرف عليكن ...لانو نحنا مابحاجت راتبها ...وهية جوزها رح يصرف عليها ...افهمت هلق علي
سلمى :اي افهمت ...والله يكتر خيركن ....انتو جماعة بتتقلو بالدهب ....وهلق عن اذنك
ذهبت سلمى الى المطبخ وهية سعيدة جدا لان الدنيا بدأت تضحك لهم ...وتقول بنفسها اطلب منها مصاري مشان عمليتي ..ولا عمهل بعد معي شهر وانا كتير مرتاحة على الدوا .وان شاء الله يكون راح هالمرض مني .....
......................................................
مرام دخلت الى منزلها وهية سعيدة جدا وجدت سلام وعبيرسلمت عليهم وجلست
مرام :بدي خبركن خبر حلو
عبير :شو هو مرام
سلام :احكي يا بنتي بركي بنفرح شوي
مرام :انا وراجعة من الجامعة مريت على الصيدلية يلي بنجيب منها دوا لعبير ....وهنيك قالبت بنت وشافت الدوا معي ...وسألتني مين مريض عنا وقلتلا اختي ...هية قالتلي انو اختها بتشتغل بجمعية خيرية بأمنو العلاج لناس المرضانين بهاد المرض وقالتلي انها رح تساعدنا
سلام :اي والله هيدا خبر حلو ....هلق امك رح تفرح كتير بهل الخبر
مرام :اي والله رح تفرح كتير .....وانت عبير مانك فرحانة
عبير :كتير ...لانو عطول بحس انو الماما عم تتعذب لحتى تأمنلي حق الدوا
مرام :الحمد لله الله عم يفتحا بوجهنا ....وانا متفائلة بالجاي ....الف حمد وشكر الك يارب
سلام :اي والله ...الحمد لله على كل حال ...... انا هلق بدي روح بدكن شي يابنات قبل ماروح
مرام :سلامتك يا خالة ....عم نعذبك معنا
سلام :لا تحكي هيك الناس لبعضها وانا بحبها كتير لعبير وبحب ضل معها على طول
عبير :وانا كمان بحبك كتير يا خالة سلام .....
ذهبت سلام وبقيت مرام وعبير لوحدهن
عبير :مرام انت رح تخبري يوسف انو في وحدة رح تساعدنا بالعلاج
مرام :شو هالسؤال الغريب
عبير :ماهو قلك انك ماتخبي عليه شي وبدو يعرف كلشي بحياتك
مرام: مانو موضوع مهم لحتى خبر يوسف فيه وبعدين اذا قلتلو بفكرني شحادة ....ومارح يسمح انو اختي تتعالج على حساب جمعية وبصير هو بدو يساعدنا وانا مابدي اياه يساعدنا فالافضل انو مايخبر شي
عبير:معك حق ....هيك افضل ....المهم احكيلي شو صار معك اليوم انت ويوسف
وقعدت مرام تحكي لاختها مغامارتها مع يوسف وكانو سعداء جدا
........................................................
مكالمة هاتفية
شخص١: اي قلي شو صار معك
شخص ٢ : اعرفت عنها كلشي من يوم الي خلقت لليوم اسمها مرام العبد عندها ام واخت الام مريضة بمرض القلب بس بناتها مابيعرفو بمرضها واختها مريضة بمرض السرطان ابوها متوفي من خمس سنين ...وبتحب شب اسمو يوسف ...بكون ابن محمد عبد الرحيم رجل الاعمال المشهور
شخص ١:شو اسم امها واختها
شخص ٢:الام سلمى العبد والاخت عبير
شخص ١:يعني الام والبنت من نفس العيلة
شخص ٢:مابعرف يمكن

شخص١: شو وضعهم المادي
شخص٢: بصراحة وضهن فيك تقول تحت خط الفقر ...صح نسيت قلك يا استاذ الام بتشتغل خادمة عند اهلو ليوسف حبيب مرام .....
شخص١: هههه شو هالعيلة الغريبة ....طيب ماعندهم قرايبين
شخص٢:عندهم بس حسب ما اعرفت انو امها لمرام هربت مع ابوها واهاليهم تبرو منهم من زمان
شخص ١:امممم ....ماقلتي شو اسم ابوها
شخص٢:جابر
شخص ١: وين بتروح وين بتجي مرام
شخص٢: مابتروح ع محل من الجامعة للبيت وبالعكس واوقات مع يوسف ....واوقات بتروح بتقعد على البحر ..
شخص١:اي شكرا الك ....بدي كل المعلومات عن مرام بملف ويكونو عندي بكرا
شخص٢:انت بتأمر يا استاذ
............................................................
يوسف وسليمان وكرم في المطار يودعو كرم هو واهله
يوسف :رح نشتقلك اكتير
كرم والدموع في عينيه :وانا كمان رح اشتقلكم كتير ...ديرو بالكم على حالكم
سليمان :لا تبكي انت زلمي والزلم مابتبكي بدنا اياك على طول تضل قوي ودير بالك على حالك
كرم :ان شاء الله...وانتو كمان ديرو بالكن على بعضكم ...سليمان دير بالك على نسمة لانها بنت حبابي ومحترمة ولاتضيعها من ايدك
سليمان :انت لا تخاف ونحنا اصلا حددنا موعد الخطبة ...بس ياريتك ضليت معنا وتحضر خطبتي
كرم : ان شاء الله الف مبروك ...وانا رح ضل معكن على تواصل لاتخافو وانت كمان يوسف ايمت خطبتك انت ومرام
يوسف :قريبا ان شاء الله ...عقبالك انتي بس مارح نقبل تتجوز انت بيعد عنا ....
كرم :اكيد انا مارح اتزوج غير بنت بلدي ...وانا قلبي حاسسني اني مارح طول وارجع لانو حاسس الوضع مارح يعجبني بس رحت مشان البابا ما يزعل مني..
يوسف :الله يسرلك يارب
عائلت كرم تنده عليه ليكي يركبو بالطيارة ...تعانقو الاصدقاء والدموع في اعينهم مثل المطر وذهب كرم
....... رجع يوسف وسليمان الى المنازلهم
.............................................................
بعد يومين سافرت عائلة يوشف الى باريس وسلمى في اجازتها ...موبايل مرام يرن
مرام :الو مين معي
نيرمين :مرحبا مرام انا نيرمين
مرام :هلا كيفك
نيرمين :الحمد لله ...دقيتلك لخبرك مشان موضوع الجمعية......الجمعية بهل الفترة في عليها زحمة واختي ما غضرت تاخدلك موعد ....بس انا اترجيتها كتير لحتى تساعدك وهية قبلت وحكت مع صاحب الجمعية وهو قبل يساعدك
مرام : شكرا كتير الك وايمت روح على الجمعية
نيرمين :بصراحة المقابلة مارح تكون بالجمعية رح تكون بشي مكان عام وانا رح كون معك ..وهو رح ياخد المعومات والتحاليل والصور
مرام :اممم .... وايمت رح نقابلو
نيرمين انا احكيت معو وهو بكرا فاضي ورح نقابلو بالكافيه *الساعة ٤ العصر شو رأيك
مرام :اوكي ماشي شكرا كتير الك
نيرمين :العفو هيدا واجبي بس المهم لاتنسي التحاليل والصور
مرام :اوكي ...سلام
نيرمين :سلام
سلمى :مرام مين كان عم يحكي معك
مرام :هيدي البنت يلي قلتلك عنها بدها تساعدنا
سلمى :الف حمد وشكر الك يارب
مرام :انا قلبي مانو مطمن
سلمى :خير في شي
مرام :لا لا مافي شي لا تشغلي بالك بس يمكن انا مشوشة عشان الامتحانات
في المساء والجميع نائم استيقظت مرام مرعوبة وبدأت تصرخ فاقت سلمى على صوتها
سلمى :مرام حبيبتي شبك
مرام :كابوس ياماما كابوس
سلمى :بسم الله عليكي ....شو شفتي خبيرني
مرام : ماما شفتة افعى كبيرة عم تلحقني وبدها تلدغني وانا اهرب منها وهية تلحقني
سلمى :استهدي بالرحمن وأقرأي المعوذات وارجعي نامي لاتخافي هاد كابوس
بدأت مرام تقرأ بضع السور من القرأن وعادت الى النوم
..................................
في اليوم التالي مرام عائدة من الجامعة مع يوسف بسيارته الى المنزل
مرام :حبيبي انا فرحانة كتير لانو علاقتنا صارت واضحة عند الجميع و امي كتير مبسوطة لانو انا واياك رح نتزوج
يوسف :وانا كمان فرحان كتير ....بس مقهور من ماما وبابا لانهم سافرو لو ماسافرو كنا هلق خطبنا
مرام:عسى ان تكرهو شيئا وهو خيرا لكم
يوسف :الحمد لله ...بس انت قوليلي شو عم تاكلي لحتى صايرة حلوة كتير
مرام :هههه عم اكل عسل ياعسل
يوسف : انت العسل واطيب عسل الله لايحرمني منك
يانحلتي الصغيرة هههههه
مرام : ههههه هلق انا اطلعت نحلة
يوسف : النحلة بتعطي العسل وانا لما بكون معك بحس بوقتي كلو عسل.... مرام انا لما بكون معك بشتقلك و لما ببعد عنك بضل مقهور لحتى ارجع شوفك يترجاكي لا تتركيني
مرام :بعمري مارح اتركك ياعمري
.............................. .................
الساعة٤ذهبت مرام الى الكافيه الذي سوف تلتقي به مع نريمين وكان قلبها منقبض كثيرا ولا تعرف السبب
دخلت من باب الكافيه وبدأت تبحث عن نيرمين ووجدتها تجلس مع شخص وقتربت منهم وجلست
وبعدها قامت نيرمين
يتبع .....
........................
توقعاتكم

#مرام
#بقلم_مريم_اليوسف

#الجزء_الساس

الساعة٤ذهبت مرام الى الكافيه الذي سوف تلتقي به مع نريمين وكان قلبها منقبض كثيرا ولا تعرف السبب
دخلت من باب الكافيه وبدأت تبحث عن نيرمين ووجدتها تجلس مع شخص وقتربت منهم وجلست
وتعرفت على مدير الجمعية اسمه وائل ..وتحدثو قليلا وبدأت مرام تحكي لهم عن مرض اختها وعن وضعها وبدأت تريهم الصور والتحاليل ....وبعدها بقليل ذهبت نيرمين الى الحمام وبقيت مرام ووائل جاليسين مع بعض لوحدهم تلبكت كثير مرام لانها بقيت لوحدها لكن وائل شخص محترم ولم يكلمها اي شيء ...وبعد لحظات عادت نيرمين
وائل :مرام بدنا صور وتحاليل جديدة ...وحتى تعملوهم بتعطيهم لنيرمين وهية بتعطيني اياهم
مرام :ماشي ....شكرا كتير الك
وائل :العفو هيدا واجبنا ...والله يقدرنا على فعل الخير وهلق عند اذنكن بدي امشي عندي شغل
مرام :اذنك معك
بقيت مرام ونيرمين مع بعض يتحدثون عن انفسهم ووبدأو يتقربو من بعض
.................................................
يوسف في منزله جائه اتصال رقم غريب
يوسف :الو ...مين
مجهول :مامهم مين انا...انا بدي حزرك من مرام هيدي وحدة عم تستغلك مشان مصاريك
يوسف : انت واحد كذاب مابسمحلك تحكي عن خطيبتي هيك ...وبعدين مين حضرتك
مجهول :انا فاعل خير ...بدي قلك مرام وحدة مصلحجية ومابهمها غير المصاري ومستعدي تعمل اي شي مشان تحصل على المصاري لانها ملت من حياة الفقر ...وعم تمشي بطريق غلط انا حبيت حزرك وانت عليك الباقي
يوسف :ههههههه مفكر انا ممكن صدق واحد متلك وكذب حبيبتي ...واذا رح تتصل على رقمي رح تندم
وسكر الخط ..
عاود الاتصال
يوسف :انت شوبدك مابتفهم
مجهول :بدي قلك شغلة وسكر مرام مانها بالبيت وقاعدة هية وشب بمكان عام بس مارح قلك وين المكان ..وهلق سلام
واغلق الهاتف وكان يوسف حائر من هذا الشخص وماذا يريد منه ومن حبيبته بدأ يقول بنفسه :مين هيدا وشوبدو مني ومن مرام اكيد عم يكذب مرام احسن بنت بشوفها بحياتي ومستحيل تفكر بهل الطريقة وانا ماممكن صدق واحد متل هيدا بدو يفرقنا عن بعض ....احسن الشي دق ع مرام واطمن عليها
موبايل مرام يرن وهية مازلت جالسةمع نيرمين ...وخافت ان يسألها اين هية وتكذب عليه وهية لاتحب الكذب ... تشجعت وردت
يوسف :كيفك حبيبتي
مرام :مشتاقتلك انت كيفك
يوسف :مشتقلك كتير ...شو عم تعملي
مرام :اااااه ...انا ....انا بل الب--ي---ت
يوسف :مرام شبك ليش متلبكة عم اسألك شو عم تعملي ...
مرام :انا بالبيت عم ادرس
يوسف بدأ يشك بالموضوع :مرام انا جاي عالحارة لعنكم اطلعي لبرا بدي شوفك مشتقلك
مرام :لا لاااا....لاتجي هلق ماني فاضي بدي اتحمم بعد شوي تعال انا بدقلك وبطلع بشوفك
يوسف : مرام انت عم تخبي عني شي
مرام :انا لا لا مافي شي شوبدي خبي عنك
يوسف :اوكي ماشي حتى تخلصي دقيلي حابب شوفك لاني مشتقلك كتير
مرام :وانا اكمان مشتاقتلك ...بحبك
اغلقت مرام الهاتف
مرام :انا بعتذر منك ...بس بدي قوم امشي
نيرمين :ولا يهمك عادي ..وانا كمان اتأخرت على بيتنا بدي امشي تشرفت بمعرفتك يامرام
مرام:وانا كمان تشرفت بمعرفتك ...
نيرمين:على فكرة انا حابي اعملك زيارة اذا ماعندك مانع
مرام :اهلا وسهلا فيكي ايمت ماجيتي بتنوري والعنوان معك
يوسف بدأ يشك بأن مرام تكذب عليه وانها تخفي شيئا ما وذهب ووقف بحارتها ولايعرف ماذا ينتظر هل ينتظر اتصال من مرام ام ينتظر مرام حتى تأتي الى منزلها .....وبعد نص ساعة من الانتظار تأتي مرام وتنصدم بوجود يوسف ينتظرها ....وقفت مكانها مصدومة وان امرها قد انكشف ...وهنا يوسف كان غاضب جدا عندما رأها ليست في المنزل وانهاكذبت عليه وبدأ يصدق كلام الشخص المجهول ...واشار الى مرام ان تأتي وتركب بالسيارة ....جائت مرام وهية متوترة جدا ولاتعرف ماذا سوف تقول ليوسف ..ركبت السيارة
مرام :يوسف اناا
يوسف بصوت غاضب :اخرسي ولا كلمة هلق بدك تقوليلي وين كنتي ومع مين
مرام :ليش عم تصرخ علي شو المشكلة اذا اطلعت من البيت خمس دقايق
يوسف :مرام لاتكذبي انا صرلي نص ساعة واقف وعم استناكي وين كنتي ومع مين مابدي لالف ولا دوران
مرام :يوسف انت عم تشك فيني
يوسف :مرام وين كنتي
مرام نفرزت من تعامله معها وردت عليه :مادخلك
يوسف :شوقلتي انسة مرام ارجعي قولي شو قلتي
مرام :قلت مادخلك فيني
يوسف مسك ذراع مرام بقوة :دخلني فيكي وغصب عنك ....انا هلق بكون بمثابة خطيبك وبدك تقوليلي وين كنتي ومع مين
مرام :خلص اتركلي ايد عم توجعني
ترك يوسف يد مرام :وهاي تركت ايدك قوليلي وين كنت
مرام خطرت على بالها كذبة : رح احكي بس وعدني انك ماتزعل
يوسف :خلص مارح ازعل احكي
مرام :بصراحة كنت عم قابل دكتور عبير بكافيترا قربية من هون

يوسف :ليش كنت عم تقابليه وشوبدو منك وليش بالكافتيرا وليش ماخبرتني كنت رحت معك
مرام :اول شغلة هو دقلي وقال بدو يقابلني مشان موضوع عبير وتاني شغلة ماحبيت خبرك مشان ماعذبك وطلب مني تحاليل وصور عبير ومشان تتأكد التحاليل هدول هنن معي خود شوفون
"اخرجت من حقيبتها الصور والتحاليل واعطتهم ليوسف
يوسف :طيب ليش خبيتي عني
مرام :لانو بعرف ردت فعلك ورح تعملي مشكلة اذا قلتلك انو انا والدكتور قاعدين بالكافيه
يوسف : خلص هالمرة سماح بس مرة تاني اذا بتكذبي علي مارح مرقلك اياها
مرام :حاضر استاذ يوسف ....وهلق مابدك تنزل معي عالبيت تسلم عالماما وعلى عبير ...
يوسف :اكيد بدي انزل بس بالاول بدي جيب هدية لاختك عبير ماحلو اول لقاء وماجبلها شي ...صح عبير شو بتحب؟؟
مرام :بتحب العاب البنات ...يعني بتحب العرايس
يوسف :اوكي يلله لنروح انا واياكي نجبلا هدية وبنرجع
مرام :اوكي ...
ذهبو الى محل الالعاب واشترو لعبة لعبير وعادو الى المنزل مرام
طرقو الباب فتحت سلمى الباب وتفاجأت بيوسف
سلمى :ياميت اهلا وسهلا بحبيب قلبي يوسف نورت بيتنا الصغير
يوسف : منور بأصحابه ...كيفك خالة سلمى
سلمى :الحمد لله بخير تفضل ادخل
دخل يوسف ومعه مرام
مرام :ماما شو رأيك بهل المفاجأة
سلمى :حلوة كتير ...بس يعني انتو كنتو مع بعضكم ؟؟
مرام : لا التقينا بالحارة ....يوسف هيدي هية اختي عبير
يوسف : مرحبا ياعبير كيفك ياحلوة
عبير :هلا الحمد لله انا بخير وانت كيفك
يوسف :الحمد لله ..بتعرفي قالتلي مرام انك كتير حلوة بس ماتوقعتك بهل الجمال
عبير :شكرا الك هيدا من زوقك
يوسف :اتفضلي هيدي الهدية الك
عبير :ليش معذب حالك مابدي غير سلامتك
يوسف :عزابك راحة ...انت متل اختي الصغير
عبير : مرام خطيبك كتير حلو
مرام :ههههه بس هو لسه ماصار خطيبي
يوسف : بس رح يصير خطيبك وزوجك كمان
سلمى :الله يخليكم لبعض ...شو بتحبو تشربو
يوسف :اي شي من ايدك طيب ياحماتي ههههه
مرام وعبير :ههههههههه
سلمى :تكرم عيونك ياحبيبي
اعدت سلمى القهوة وجلسو يشربون القهوة وعبير تلعب بعروستها......
يوسف : مرت عمو من بعد اذنك اذا بتسمحيلي اخد مرام معي
مرام :انا ع وين !!؟؟
سلمى :عوين يا ابني بدك تاخدها
يوسف :بصراح انا اليوم عامل سهرة باليخت عالبحر وبدي مرام تكون معي
سلمى :بس يا ابني انتو لسه مافي شي رسمي بيناتكم ومافيني خليكم تضلو لحالكم
يوسف :بصراحة نحنا مالحالنا في رفقاتي شباب وبنات والبنات لحالهن والشباب لحالهم ومارح نعمل شي سهرة بسيطة ...وهية معي لاتخافي عليها شو قلتي
سلمى :والله مابعرف ...شو يامرام تروحي ؟؟
مرام :مابعرف ياماما اذا ماعندك مانع بروح
سلمى :ماشي بس مابتطولو
يوسف : بصراحة بدنا نطول لانو المكان بعيد يعني بدنا ننام باليخت يعني بكرا الضهر بنجي ...شو قلتي مرت عمو ما انت بتحبيني وبتوثقي فيني بعدين انا تربايتك
سلمى :خلص ماشي بس انتبه عليها منيح هية بأمانتك
يوسف :مرام بعيوني ومابدي حدا يوصيني فيها
سلمى :الله يرضى عليكم ويخليكم
يوسف :يالله حبيبتي قومي جهزي حالك
مرام :انا ماني مصدقة عنجد رايحين
يوسف :اي رايحين خلصينا قومي جهزي حالك مشان نلحق نعمل بعض التجهيزات
مرام:اوكي ...بس شو اخد معي
يوسف :بس خدي معك بجامة مشان تنامي فيها
مرام :اوكي لحظة ببدل تيابي وبجيب البجامة ...يوسف انت فيكي تروح تنتظرني بالسيارة
يوسف :اوكي رح انطرك ...يالله سلام مرت عمو ...باي عبير
سلمى :الله معك ..عبير:باي يوسف
جهزت مرام نفسها وودعت والدتها وذهبت مع يوسف
مرام :منين طلعت قصة اليخت هيدي
يوسف :هههه حبيت اعملك مفاجاة ...وقلت بما انو بكرا عطلة بنروح عاليخت وعزمت الشباب والصبايا
مرام :فكرة حلوة ....المهم انو كون معك
وصلو على اليخت وجاء سليمان وخطيبته نسمة ومها ونادر ونور
مرام :حلو كتير هاليخت ....يوسف هيدا الك
يوسف :انت الحلوة يا حلوة ...اي هيدا اليخت النا الي والك ..
سليمان :اي شو هالمفاجأة الحلوة هيدي يايوسف صرلنا زمان ماقعدنا هيك قعدة
يوسف : خلص ولا يهمك رح نعمل هيك سهرات على طول المهم تكون حبيبتي قلبي مرام معي
مها بأبتسامة مصتنعة : الله يخليكن لبعض
يوسف :تسلمي يامها وان شاء الله عقبالك لما تلاقي شريك حياتك
مها :ميرسي .وتقول في نفسها :هههه وحياتك يايوسف انا يلي رح كون شريكة حياتك ومارح خلي وحدة متل مرام تاخد مكاني انا لازم كون مكانها واتنعم بأموال يوسف ههههه بسيطة كلها يومين هههه
سليمان : ياريت كرم معنا كنا افرحنا كتير
يوسف :اي والله معك حق
نادر:ياشباب الاكل جاهز تعالو نتعشى
نور :انا جعت كتير ...يلا جاي
نسمة :حبيبي سليمان تعالى اقعد جمبي

جلسو جميعا على طاولة العشاء يوسف جلس بجانب مرام وسليمان بجانب نسمة ونور ومها جلسو بجانب بعض وبجانب مها جلس نادر
وبدأ يوسف يطعمي مرام بيده وكانت مها مغتاظة جدا منهم ......
بعد العشاء قامت البنات وبدأو يجهزو للسهرة والشباب بدؤ يجهزو الاراكيل ...وضعو عل الطاولة مكسرات وحلويات ومشروبات وفواكة وشغلو شاشة العرض على فيلم رومنسي جلست مرام بحضن يوسف ووضعت على نفسها غطاء لان الجو كان بارد ....انتهى الفيلم وبعدها بدأو يتسامرون ويمزحون ويضحكون مع بعض ومرام كانت متضايقة من دخان الاركيلة فستأذنت وذهبت الى الخارج لكي تشتم هواء نقي ...وهية واقفة تتأمل البحر جاء يوسف وضمها من الخلف
يوسف :عجبتك السهرة حبيبتي
مرام :كتير حلوة انا اول مرة بحياتي بسهرة متل هيدي السهرة
يوسف :انا كنت حابب اسهر انا واياكي لحالنا
مرام :وانا كمان بتمنى ضل معك على طول
يوسف :تقبري قلبي مااحلاكي
مرام :بحبك ياقلبي
كانت مرام واقفة بين الحضان يوسف وبعدها التفت اليه ووضعت رأسها على صدره وحاوطت يديها خصره
مرام :يوسف انا بحس معك بالامان اول مرة بحس متل هالاحساس
رفع يوسف وجه مرام وكان وجهها بين كفيه :انت يلي بتحسسني بهيدا الشعور انا لما بضمك بحس وكأني مالك الدنيا ومافيها ...انت عمري وروحي وحياتي انت شمعة حياتي يلي ضوتلي حياتي ومستقبلي ......
واقترب منها وقبلها على جبينها
مرام علق شيء برجلها فرفعت رجلها لكي تعرف ماهذا الشيء عندما رفعتهاوجدت شريط ملتف على رجلها رفعت رجلها اكثر لكي توصل للشريط لكن الشريط كان مثبت باليخت وشدها الى الاسفل حينها مرام لم تتحكم بنفسها وانقلبت الى البحر حاول يوسف ان يمسكها لكنه لم يلحقها ....وقعت مرام الى البحر وبدأت تصيح وتتطبش بالماء لانها لاتعرف السباحة وكادت ان تغرق
مرام :يوسف ....يايوووووووسف ...ساعدني
بسرعة البرق يوسف قفز ورأئها وامسكها
يوسف :حبيبتي انا معك لاتخافي رح طلعك من هون ...اهدي اهدي انا معك
مرام :يوسف انا خايفي بسرعة طلعني مابعرف اسبح
والمي بارد
يوسف :خلص ولا يهمك انا معك رح نطلع بس اصبري اشوي .......سليمان ...سيمان ....نادر.
جاء الجميع على صوت يوسف وتفاجئو بيوسف ومرام واقعين بالبحر وبدأو يضحكو عليهم
سليمان :ههههههههه انتو شو نزلكم ع البحر
يوسف :حاج تتضحك وقعت مرام وانا نزلت واراها لحتى انقزها
نادر :ياعم المنقذ انت هههههههههه
يوسف :بسرعة نزلولنا السلم بدنا نطلع جلدنا من البرد
سليمان :هههههه لحظة رح نزلو ههههه بس شو منظركم تحفة
انزل السلم وطلعت مرام ولحقها يوسف والبنات جابو منشفة لمرام ووضعوها عليها وكذالك الامر ليوسف
مرام وهية ترتجف من البرد :اححححححح ....بررررررررد ...يوسف انا كتير بردانة
نسمة :قومي خدي شاور المي سخنة بتدفي حالك وغيري تيابك
يوسف :اي حبيبتي قومي ....بس خليلي مي سخنة لانو انا كمان بدي اتحمم
مرام :ههههه اوكي ...انا قايمة
قامت مرام اخذت شاور وبدلت ملابسها لاكنها مازلت باردة وايضا دخل يوسف اخذ شاور وبدل ملابسه
جاء وقت النوم والبنات في غرفة والشباب في غرف وكان هناك غرفةاخرى فيها سرير فقط
يوسف :هيدي الغرف بتنام فيها مرام
مرام :حبيبي مافي داعي بنام مع البنات
يوسف :انا قلت بتنامي بهيدي الغرفة يعني هيدي الغرفة وتاني مرة لاتعتضري على كلام خطيبك
الجميع :خطيبا!!!!!!!!!!!؟؟؟؟؟؟؟؟؟؟
يوسف :شبكن ليش مستغربين اي خطيبا ....هههه صح ماقلتلكن انو انا ومرام عن قريب رح نخطب رسمي لحتى يجو اهلي من السفر
الجميع : ان شاء الله الف مبروك
يوسف ومرام :الله يبارك بعمركم وعقبالكم جميع
دخلت مرام ونامت بالغرفة التي قال لها يوسف ان تنام بها ......عند الساعة الثانية بعد منتصف الليل الجميع نائم ومرام نائمة وهية ترتجف من البرد كان تضع منشفة على شعرها المبلل دخل يوسف لعندها واقترب منها وبدأ يتأمل ملامحها وهية نائمة ووجدها ترتجف من البرد قام ونام جنبها واخذها في حضنه في هذه اللحظة اسيقظت ونقزت لأن احد يقترب منها
مرام بفزع :مين انت
وضع يوسف يده على فمها :مرام هششش انا يوسف جاي نام جنبك ...شفتك بردانة جيت لحتى دفيكي
مرام تحاول ان تتكلم لاكنها لاتستطيع لان يوسف يضع يده على فمها
يوسف : شو عم تقولي مرام ماعم افهم عليكي
بدأت توأشر بأن يشيل يده عن فمها ...فهم يوسف ورفع يده
مرام :انت مجنون بدك تفضحنا وبعدين غلط انك تنام جنبي حرام
يوسف :هشششش مابدي اسمع ولا كلمة ...وبعدين لا ماحرام انا اول ما اخطبك رح اكتب الكتاب دغري وانا من هلق بعتبرك زوجتي
مرام :لسه ماصرت زوجتك ...وهلق قوم روح على سريرك
يوسف لم يرد عليها ...اقترب منها اكثر وضمها الى صدره ونزع المنشفة عن شعرها وكان اول مرة يرى شعرها كان لونه اسود طويل ناعم مثل الحرير وبدأ ينقل اصابعه بين شعرها

مرام :يوسف ...اتركني وقوم ع غرفتك
يوسف اسكتها بقبلة على شفتيها ...وهية تحاول وتقاوم ان تبعده عنها لكن بدو جدوى ....بعد دقائق ابتعد عنها
مرام نزلت دمعة من عينها :يوسف بترجاك لا تغلط مابدنا نغضب رب العالمين
يوسف : حبيتي مرام ليش عم تبكي ....خلص ياعمري لاتبكي وبعدين انا مابعمل هيك بس بدي كون قريب منك ونام جنبك انا من اول يوم اتعرفت عليكي وانا بتمنى انك تنامي بحضني ...وحياتك عندي اني مارح اتخطى الحدود وهلق تعالي لعندي لحتى ننام
مسح لها دموعها واقتربت منه ونامت على صدره
مرام :يوسف انا بحبك
يوسف :وانا كمان بحبك ياعمرو ليوسف
ونامو في حضن بعض حتى اشرقت الشمس
..........................................................
******باااااااااك *********
مرام :وكانت اجمل ليلة بقضيها معو ...ههههه وكأنو قلبنا كان حاسسنا انو هيدي الليلة هية ليلة الوداع
ليلى :ليش شو صار بعدها
مرام : هههه صار كتير بس ماتاني يوم بعدها بشي يومين
ليلى :امممم طيب شو صار تاني انهار لما كنتو باليخت
مرام :فاق يوسف بكير ورجع نام بسريرو ...وانا كان طاير علقي من الفرح وكنت متأكدة انو رح نتزوج وانو الي عم يصير بيناتنا حلال ...... وبعدها بقينا باليخت للظهر وارجعنا عالبيت ....وانا على باب البيت دقتلي نيرمين وقال بدها تجي تزورني ...وانا وقتها كنت متل الهبلة وفكرتها عنجد بدها تساعدنا وافرحت كتير وقلتلا عم استناكي ...اجت وقضينا وقت حلو مع بعض .... ومر كام يوم وعلاقتي انا و نيرمين كانت اكتر من اخوات كنا نطلع ونفوت مع بعض
ليلى : والدكتور يلي كان مع نيرمين ماكان طالب منكم صور وتحاليل جديدة
مرام والدمعة في عينها :صح اعملنا الصور والتحاليل وتفاجأنا انو الورم رجع متل ماكان ....والدكتور يلي عملا العملية حددلها موعد لعملية تانية بعد اسبوع
ليلى : وانت شو اعملتي بوقتها
مرام :دقيت لنيرمين وقلتا عشان عملية عبير مشان تشوف الجمعية اذا بتقدر تساعدنا
..................................................... ......
****فلااااااااش باااااااااك**********
في احد المقاهي
مرام جالسة تنتظر نيرمين ....وبعد دقائق تصل نيرمين ويجلسون مع بعض قليلا ثم تخرج نيرمين مبلغ الف دولار وتعطيهم لمرام
نيرمين :اتفضلي مرام هدول الف دولار أمنتهم الجمعية ..والباقي رح تأمنهم يوم العملية
مرام :شكرا كتير الك مابعرف كيف بدي اتشكرك...انت عنجد الله بعتلنا اياكي من السما
نيرمين :هههههه مالهل الدرجة وانا كمان ما اعملت شي ولا دفعت شي من جبيبتي ...وعلى فكرة اختي سالي بتسلم عليكي وقالتلي حابي تشوفك
مرام :وانا كمان حابة اتعرف عليها واتشكرها
نيرمين : بكرا اختى عندها عطلة ...شو رأيك تجي تعمليلنا زيارة
مرام :اكيد بتشرف اني روح زوركن
نيرمين :يعني بكرا مر اخدك معي
مرام : اوكي ...بس ايو ساعة
نيرمين :ع الساعة ٣ بعد مابتخلصي من جامعتك بمر لعنكن ع البيت وباخدك معي ....وهلق خدي هدول المصريات ...
مرام :شكرا الك كتير
...................................................
اتصل الرقم المجهول مرة ثانية مع يوسف
يوسف :الو مين
مجهول :شو نسيت صوتي
يوسف :هاد انت خير شوبدك وليش متصل
مجهول :ههههههه اتصلت مشان أعرف حبيبتك او خطيبتك شو كذبت عليك هديك المرة لما خبرتك انها قاعدة مع شب ....
يوسف :حبيبتي مابتكذب وانت بتخرس خالص وعلى هالرقم لاتتصل مرة تاني ...وسكر الخط
عاود الاتصل عدة مرات لكن يوسف كان يفصل الخط ولا يرد عليه
يوسف يقول بنفسه :معقول هيدا عم يحكي صح ومرام عم تلعب من ورا ضهري ....لالا مرام مابتكذب علي ....بس مين هيدا الشخص وليش عم يحاول يخليني شك بمرام انا لازم اعرف مين هيدا وعدمو حياتو ....
عاود المجهول الاتصال ...رد عليه يوسف
يوسف :انت شوبدك بدك مصاري مثلا
مجهول :هههههه لا انا مابدي مصاري بس بدي حزرك وقلك انو المي عم تمشي من تحتك ومانك عرفان ...بدي قلك حقيقة مرام ...مرام بتشتغل مع نيرمين
يوسف :نيرمين ؟؟؟؟مين نيرمين
مجهول :ههههه رح قلك مين نيرمين....بتتذكر من سنة كان معكم بالجامعة بنت اسمها نيرمين ...كانت تحرض البنات مشان يشتغلو معها بالدعارة وكانت صديقتك كمان وانت بتعرفها منيح بس انفضحت بالجامعة والكل عرف حقيقتها وتم طردها
يوسف :اي اي اتذكرتها .....بس شو دخل نيرمين بمرام ...
مجهول :هههه انت لانو قلبك طيب كان لازم تعرف حقيقة مرام من اول يوم بالجامعة ...مرام من زمان بتشتغل مع نيرمين قبل ما تدخل الجامعة ودخلت عأساس انها بنت فقيرة ومعترة مشان شي حدا يشفق عليها وتصير تسحب منو مصاري لحتى دخلت انت بحياتها ومرام من اول يوم بالجامعة بتعرف انك غني ومعك مصاري كتير لانو نيرمين خبرتها بكلشي

يوسف :انت واحد كذاب مزال بتعرف اني معي مصاري ليش ماكشفت حقيقتي من الاول
مجهول :قلتلك قلبك طيب ماصدقتني ....ماقالتلك انها كشفت حقيقتك غير لما اتأكدت انك حبيتها ..افهمت هلق
يوسف:مرام هية وعيلتها عم يضحكو علينا
مجهول :بصراحة اهلها حرام مابيعرفو شو عم تخبص بنتهم .....
يوسف :ههههه مفكر انو انا ممكن صدق واحد متلك اصلا مرام ولايوم طلبت مني شي
مجهول :هههههه ....والخمسة الاف دولار ...والمشاوير والهدايا كل هدول نسيتهم
يوسف :الخمسة الاف دولار انا دفعتون لعملية اختها
مجهول :اصلا هية كان معها اجار العملية بس عملت قدامك هالتمثلية مشان تكسب خمسه الاف دولار ....يعني الشغلة مكسب
يوسف : انا كيف بدي صدقك ....يعني مامعك دليل
مجهول :ههههههه بكرا بكونو عندك الصور ...بس بدي اطلب منك انك ماتبين لمرام انك اعرفت شي لحتى تمسكها بالجرم المشهود ....وبدي قلك لاتزعل مشان هيك بنت انت ميت بنت بتتمناك ...وهلق سلام
واغلق الهاتف .....
......................................
مها ونيرمين وياسر الذي كان يتكلم مع يوسف
مها :برافو عليك يا ياسر
ياسر :عجبك التمثيل
مها :كتير حلو هههههه وانت يانيرمين شو صار معك
نيرمين :بكرا رح جيبها لهون ع البيت
مها :اوكي كتير منيح....بس مين يلي رح ينام معها
نيرمين :انا بقول وائل لانو وائل كان معنا هديك المرة ...يعني مبين بالصور يلي رح نبعتهم ليوسف
ياسر:خدو هدول كمان الصور يلي صورتهم اليوم وانت عم تعطيها مصاري لمرام
مها :كتير منيح .....
ياسر:وانا شو رح يكون دوري
نيرمين :انت عأساس بتشتغل معنا هون بالبيت وقال انت عم تسرب الاخبار ليوسف مشان اذا سألك يوسف مين انت بتقلو انك بتشتغل بالبيت وحزنت عليه وبدك تحذره من الاعيب مرام
......................................................
يوسف بعد ان اغلق الهاتف كان حائر جدا ولا يعرف ماذا يفعل هل يصدق المتصل ام يصدق قلبه بأن مرام تحبه ولم تخونه ويقول بنفسه :يارب يكون هيدا الكلام كذب ...معقول مرام تطلع وحدة ملعبة وعم تستغلني ...بس والله انا حبيتها من كل قلبي ....لكن ليش وافقت تتزوجني .....معقول مرام بنت ليل ......لا لا مرام مانها هيك ابدا وهيدا واحد كذاب ......وبعدين مين هيدا وشو مصلحتو يحكي هيك ...انا رح ارجع اتصل فيه
...............................................
موبايل ياسر يرن
ياسر :يابنات يوسف عم يتصل
مها :رد عليه وافتاح مكبر الصوت
فتح الهاتف ياسر
ياسر :الو خير شو بدك
يوسف :بدي اعرف مين انت وشو مصلحتك
ياسر :انا اسمي ياسر وبشتغل بالبيت عند نيرمين ....ومصلحتي انا مابدي منك شي بس ازعلت عليك لانو على طول بسمع مرام عم تتمسخر على حبك وبتقعد هية ونيرمين وبصيرو يضحكو عليك وبتقول مرام الاهبل صدق اني بحبو وهو ميت علي ومتل مابقلو بيعمل
يوسف : مرام كانت بدا تتزوجني عنجد ...
ياسر :ههههه اكيد رح توافق وحدة بصرلها بنك مصاري وبتقول لأ
يوسف :مرام بنت ولا لأ
ياسر :ههههه عم قلك بنت ليل بتقلي اذا بنت ولا لأ اكيد مانها بنت
يوسف :لكن كيف كانت بدها تتزوج وهية بتعرف حالها انها مانها بنت
ياسر :هههههه ليلة الدخلة كانت بدا تقلك انها وهية صغيرة صار معها حادث وانت اكيد رح تصدقها او بتعمل عملية وبيرجع كلشي طبيعي
يوسف :انت واحد كذاب وماني مصدقك
ياسر :اوكي .... انا كنت بدي ابعتلك الصور بكرا بس مشان تصدق رح ابعتلك اياهم اليوم
يوسف :اوكي ...ناطرك
.................................................
مرام دخلت الى منزلها وهية سعيدة لأن تأمن معها المال للعملية ...وكانت عبير تبكي
مرام :شبك حبيتي ليش عم تبكي
عبير :.........
مرام :عبورة ياحلوة انت ليش عم تبكي ردي علي
عبير :.............
مرام :ماما شبها عبير
سلمى وهية تبكي ايضا :اختك من لما عرفت انو الورم رجع متل ماكان وهية رافضة تحكي معنا ورافضة تاكل ....وانا من الصبح عم حاول معها
مرام :لا حول ولا قوة الا بالله العلي العظيم
اقتربت مرام من عبير وضمتها :خلص حبيبتي لا تبكي بعد بكرا بتعملي العملية وبأذن الله مابضل فيكي شي
عبير بصوت مخنوق من البكاء :انتو عم تكذبو علي صايرة عاملي عمليتين وكل مرة بتقولولي نفس الحكي انا خلص بعرف انو بدي موت حاج تعذبوني بالعمليات والجرعات فوق الموتي عصة قبر ...مشان الله حاج تعذبوني
بدأت مرام وسلمى يبكون بكاء شديد
...........................................
وصلت الصور الى قصر يوسف ....
طرق احد الخدم الباب على يوسف
يوسف :ادخل
الخادم :استاذ يوسف هلق وصل هاد الظرف قال هيدا الك
يوسف قام بلهفة اخد الظرف :شكرا الك فيك تروح
فتح يوسف الظرف كانو عدة صور صورة فيها مرام ووائل يجلسون مع بعض وصورة مثلها كانت تجلس معهم نيرمين وصورة اخرة مرام ونيرمين لوحدهم ..وصورة فيها نيرمين تعطي لمرام مال