လွယ်လွယ်ဖြတ်မရတဲ့အရာတွေမှာ
သံယောဇဥ်တွေလည်းပါတယ်။

- လိပ်ပြာ

နီးနီးလေး ရှိချင်လို့ဆိုပြီး
ကမ္ဘာကြီးကို ဆွဲကျုံ့ပစ်လည်း
ငါတို့က သူစိမ်းပဲ

မင်းမှာလည်းမခေါ်နိုင် မပြောနိုင်တော့တဲ့
အခြေနေတစ်ခုနဲ့
ငါ့မှာလည်း မခေါ်နိုင်မပြောနိုင်တဲ့
စိတ်ဒဏ်ရာနဲ့။

-လင်းညီ

မဖြစ်နိုင်တဲ့ မျှော်လင့်ချက်တစ်ခုကို
မဖြစ်နိုင်တဲ့ လူတစ်ယောက်ဆီက
မသိနိုင်တဲ့ ကာလတစ်ခုအထိ
စောင့်မျှော်နေမိတာကလည်း
မျှော်လင့်မထားဖူးတဲ့
အကြီးမားဆုံး ဝဋ်ကြွေးတစ်ခုပါပဲ။

• စောသီရိနွယ်
- စောင့်မျှော်ပန်း (၂)

ကျွန်တော် မပန်သာသော ပန်းတော်ဝင်သည်
ထိုက်တန်သူ၏ ဦးခေါင်းထက်၌ စံရသည်ကို
ကျွန်တော့်အတွက် ဝမ်းသာရန်မှ လွဲ၍ အခြား
အကြောင်းမရှိ။

-တက္ကသိုလ်ဘုန်းနိုင်

သည်းသည်းလှုပ်အချစ်မခံချင်ပါဘူးလေ
ကိုယ့်မေတ္တာကို အသိမှတ်
ပြုခဲ့ရင်ပဲကျေနပ်ပါပြီ....


သိုက်စိုးဝေ

တိမ်တွေကို ချစ်တယ်
တောင်တွေကို ချစ်တယ်
အဲလိုပဲ
မြင်ရပြီး မပိုင်ဆိုင်ရတာတွေကို
သိပ်မြတ်နိုးတယ်။

-ခေတ်ထိန်

စကားတွေ ရှည်ရှည်ဝေးဝေးမပြောတော့ဘူး

"ရှိရှိသမျှ ခေါင်းလောင်းအားလုံးထိုးပြီး

ငါ့ကိုယ်ငါ မင်းအတွက် လှူပါတယ်
သံသရာအဆက်ဆက် အပိုင်ယူပါကွယ်"

-ဆန်းကျော်စွာ၀င်း

ချစ်ခြင်းမေတ္တာကိုစိုက်ပျိုးသူကမင်း
နာကျင်မှုကိုရိတ်သိမ်းသူကငါ
ဥုံဖွလို့ပြောတိုင်းသက်သာတဲ့အထဲ
စိတ်ဒါဏ်ရာတော့ဘယ်ပါမလဲ။

-သက်ညှာကြွေ

ပျော်စရာရှားတဲ့ လောကကြီးထဲ
ပျော်စရာရှိတဲ့ လူတစ်ချို့ကိုတော့
အားကျမိပါရဲ့။
ခရီးလမ်းများပေါက်ခဲ့ရင်
ညွှန်ပြပေးစမ်းပါ။

• စောသီရိနွယ်
- ပျောက်ဆုံးနေသောလမ်းချိုး (၂)

ချွဲ

ဆိုင်ကယ်ဘက်မှန်လေးက ကမ္ဘာကြီးတစ်ခု ဆံ့တယ်ပြောရင် ဒီကောင်ရူးနေပြီလို့ ဆိုကြမလား။

ခများမေတ္တာသက်ဝင်နေတဲ့အမျိုးသမီးလေးနဲ့
ဆိုင်ကယ်အတူစီးခွင့်ရတဲ့တစ်နေ့
သူ့မျက်နှာလေးကို ဆိုင်ကယ် ဘက်မှန်ထဲက
ခိုးကြည့်ခွင်ရတဲ့တစ်နေ့ ခများကိုယ်ချင်းစာ တက်ပါလိမ့်မယ်။

ဆရာစိုင်းခမ်းလိတ် စကားငှားသုံးရရင်
တော်ရုံ လောကဓံကို
ကဗျာရေးပြီး ရင်ဆိုင်တယ်။
ဒီထက်ပိုတဲ့ လောကဓံကိုကျ တရားဓမ္မနဲ့ ရင်ဆိုင်မယ်။
အဆိုးဆုံး လောကဓံကိုကြံတော့လည်း မင်းသာအနားမှာရှိရင် ပြီးတာပဲလေဆိုပြီး စိတ်ဖြေတယ်။

အလိုလောဘ မကြီးတော့ဘူး။
ဒီတစ်ဘဝတော့ မင်းအနားမှာနေချင်တယ်။
မင်းခန္ဓကို မင်းလက်ပေါ်မှာပဲသေချင်တယ်။

ဒီဘဝအတွက် လုံလောက်ပြီမို့ နောက်ဘဝမှာ
မင်းရှိမဲ့ ဘုံနဲ့ ကွက်တိကျအောင် ကုသိုလ်တွေ ချိန်ဆလုပ်တယ်။

ဘဝကူးမယ့် ကူးတို့ခ မတ်စေ့မှာ မင်းနာမည်လေး
ထိုးထားလိုက်တော့မယ် ။

-‌ဆန်ကျော်စွာဝင်း

ကြိုးတစ်စ နဲ့
ဝီစကီတစ်ခွက်
ဘယ်ဟာရွေးမလဲ
မမယဉ်။

နာကျဉ်မှုတွေ
အာသာပြေဖို့
နှစ်ခုလုံးကတော့
အသုံး၀င်ပါရဲ့ ။ ။

_ဟန်နွေနစ်

Domino theory အရ
တစ်ခုလဲရင် အားလုံးလဲပြိုရ။

ဝီစကီကြောင့်ဆို ခဏမေ့မယ်
ကြိုးတစ်စသာဆို တစ်ဘဝစာပေါ့
သွေးခြေဥဒဏ်ရာတွေအတွက်
ကျွန်မတော့ တစ်ဘဝစာရွေးချယ်မိမှာပဲ။

_ယဉ်ရွှေငြိမ့်

မင့်းအပြုံးသာ တစ်ကမ္ဘာလို့

မှတ်ယူထားသူမို့ မင်းအတွက်ဆိုရင်
ကောင်းကင်ကိုတောင်
ငါဒူးနဲ့တိုက်ရဲတယ်.......။

မင်းသာ လိုချင်ရင်
တကမ္ဘာလုံးကိုတောင်
ငါ သိမ်းပြနိုင်တယ်။

ငဘိုင်

ကလေးမလေးရေ
အဲ့ဒီညကစမယ်ထင်ပါရဲ့
နံပါတ်မပါတဲ့အံစာတုံးကို
ကြွေခွက်ထဲထည့်ခေါက်သူ‌ပေါ့
ဘ၀မှာကပ်ပါလာတဲ့ကံတရားက
မမြင်ရတော့ အဓိပ္ပာယ်မဲ့လွန်းတယ်။
အကျဉ်းချုပ်လိုက်ရင် အထီးကျန်ပါတယ် ဇီဇဝါ။

-ကြည်စိုး
-အစ်ကိုရဲ့ဇီဇဝါ(၄)