رأيكن بالقصة🧚‍♀👇
@Stories_3_bot
.

education02333 الاحتراق النفسي ومستويات لدى معلمي التعليم العام بمدينة مكة المكرمة في ضوء مقياس ماسلك العرب.pdf

#سلسلة_بعد_منتصف_الليل..

أستيقظت تِلك الليلة عطشة..
ذهبت إلى المطبخ لارتوي... مررتُ بسرعه أمام مرآة كبيرة... في الحائط لمحت شيء أسود اللون... ماهذا !

توقفت بمنتصف الطريق التفت لخلفي لم ارى شيء... خطوت بخطوات ثقيلة لاشاهد أن صنبور الماء مفتوحاََ في المطبخ !

جمدت ارتعشت وعيناي متعلقه بصنبور الماء الى أن بدأت المياه بلاختفاء القليل والقليل... الآن توقفت..

جمدت في مكاني لا أستطيع الرجوع ولا التقدم الكل نائم..
الان قد انفتح البراد وبدأ احد بفتح احد الاكياس... صرخت وصرخت لكن صوتي لا يُسمع وكأن احدٍ ما وضع صوتي في
" الكتم " ..

استيقظت من نومي مذعورة قلبي يخفق بقوة... لا اتجرأ على ذهاب وشرب ماء من المطبخ تجمدت في سريري... الى الصباح المشؤؤم...!

تالا الحلبوني
بأنتظار ارائكم

وهي قصة قصيرة لـ يلي مابيحبوا قصص الرعب☹️👊🏻
قصة بعنوان: #ياريت
.............
قراءة ممتعة🦋💙#

#ياريت_بقلم_كندا بكري ✨
الجزء الاول
امي الله يخليكي وافقي بئا....
بنتي مية مرة صرنا حاكين بهالموضوع بعدك صغيرة لسا على هالقصص.....
لا ما صغيرة كل رفقاتي عملو حساب الن عالفيس الا انا لك صرت مسخرة بيناتن....
بس طبقي ال 18سنة بتعمليه لسا كل يلي عمرك 16سنة لاحقة على هالشي .....
حاولت كتير اقنع امي باني اعمل حساب عالفيسبوك متل رفقاتي بس هي ما قبلت لانو اعتبرتني انو بعدني صغيرة و انو الفيس بدو ناس ناضجة وواعية تعرف تميز بين الشي يلي لازم نتابعه و الشي يلي لازم نتجاهله بس انا ما رديت عليها و قررت اعمل حساب عالفيس و عيش المغامرات يلي بيحكولي عنها رفقاتي بالمدرسة و اتعرف على شباب و بنات من كل الدول لهيك طلبت من رفيقتي الفيسبوكية رغد تعملي حساب باسم لولو الدلوعة و ضفلي رفقات كتير عليه و تنزلي اياه على موبايلي و تخفيه بحال امي مسكت الموبايل ما تنتبه انو تطبيق الفيس و المسنجر عندي....
الفيسبوك تماما متل المخدرات اذا اخدت منه جرعتين بتصير مدمن عليه و بدك اكتر و هيك انا صار فيني موبايلي ما ينزل من ايدي ما بس ادمان عالفيس و كرمال اذا اجتني مسج عالمسنجر رد بسرعة و ما تكشفني امي و اانضميت لكروبات و صفحات كتيرة و صرت اعرف شغلات بحياتي ما كنت اعرفها و شفت صور و مقاطع فيديو ما شفتها من قبل و ما من المفروض شوفها بهالعمر و صار عندي حب اطلاع و استكشاف اكتر و كل هالشي كنا نحكي عليه انا و رفقاتي بالمدرسة و نعمل دعوات و منشن لبعض و خاصة انو كلنا فايتين باسماء وهمية يعني ما حدا رح يعرف انو عم نتابع هيك شي لمرة ضافني شب اسمه زير النساء و حكاني عالخاص و انا انعجبت بطريقة حكيه و كان واضح انو شاب كبير وناضج و طلب مني ابعتله صورتي بس انا ما قبلت وهو فورا بعتلي صورته شب طويل و عريض و عندو سحر و جاذبية لا توصف و انا طار عقلي فيه و تاني يوم وقت رحت عالمدرسة قلتلن لرفقاتي تعو اتفرجو عالشب يلي حكاني مبارح و متل اي بنت كنت عم افتخر بهالشي و وقت شافوه رفقاتي طار عقلن فيه و قلولي نيالك على هالشب اللقطة و استمريت احكي معه 3شهور و كان شب محترم كتير معي و انا حبيته فورا و صرت احكي معه بالساعات بالليل و بعدين بلش يطلب يشوفني بس انا رفضت بداية لانو خفت حدا يشوفني من عيلتي انا و اياه بس بعدين اقنعني انو يشوفني بمنطقة معزولة شوي و ما فيها حدا و اتفقت انا و اياه على موعد و قلي اذا بتحبي جيبي معك رفيقتك و خبرتا لرفيقتي رغد و قبلت فورا .....
كنت ناطرة الموعد بالساعة وباليوم لانو هيدا اول شاب بحبه و بحكي معه يعني اول تجربة بحياتي و اول مرة بدق قلبي فيه لشب و اجا هاليوم يلي كنت ناطرته ......
رجعت من المدرسة و تحممت و لبست فورا و قلتلها للماما انا رايحة عند رفيقتي رغد ادرس كالعادة و برجع على فترة الغدا و بعدها مريت على رفيقتي رغد و اخدنا تكسي و قلناله للشوفير على هالمنطقة اذا بتريد التفت الشوفير لعنا و قلنا متاكدين عمو قلناله اي طبعا طلعنا على المنطقة يلي اتفقنا عليها و كانت المنطقة فعلا معزولة شوي عن البلد بس هالشي بناءا على طلبي لهيك ما خفت و وقفت انا و رغد ناطرينه لسامي بس سامي ما اجا و يلي اجا كان شي تاني اجت سيارة فان سودا نزلو منها 3شباب طوال و اعراض و طلعونا بالغصب بالسيارة انا و رغد و بلشنا نبكي و نصرخ بس ما حدا سمعنا و عرفنا ب لحظتها انو انخطفنا و فتنا بالمجهول ......
ــــــــــــــــــــــــــــــــــــــــــــــــــــــــــــــــــ
الجزء التاني
المجهول ...حتى كلمة مجهول ما انصفت الشي يلي مرينا فيه نحن فتنا عالجحيم و برجلينا كمان بقينا بحدود الساعتين بالفان السودا و عيونا مغطاية بمنديل و تمنا مسكر بشريط لاصق يعني ما قدرنا نشوف لوين اخدينا بقينا بحدود الساعتين وطول الطريق و نحن بحالة من البكا و الخوف و الهستيريا ما عارفة اذا هن من طرف سامي او سامي واحد منن ما كنت عارفة شي كنت ضايعة بس .....
بعد ساعتين نزلونا من السيارة و شحطونا متل الحيوانات و مشينا بحدود ربع ساعة و هنا مغطين على عيوننا لوقت فوتونا على بيت قامولنا الغطا عن عيونا .....
بيت كبير من طابقين اقرب للفيلا ديكور فخم كتير صالون كبير و فيه بار و طاولة اكل كبيرة و فيه بنات كتير بنات لبسن شبه عاري كنت عم اطلع بالبيت شوي و برغد شوي كنا مصدومين و منهارين عالاخير بعدين الشب يلي كان معنا قلها لوحدة من البنات قليلو للمعلم وصلت البضاعة و شي نظيف و مرتب ....مين البضاعة نحن البضاعة نحن شو عم نعمل هون و ليش جابونا لهون ...نزل رجال من الطابق التاني عمره بحدود الخمسين سنة ضخم كتير و ملامحه قاسية و لابس قميص ازرق و كرافيت اسود و بنطلون اسود قرب علينا و تفحصنا بعيونه و علامات الرضى واضحة عليه وقلن للبنات يلي كانو واقفين عم يتفرجو علينا خدون لعند ام البراء خليها تزبطن و تفهمن .....

اخدونا لعند ام البراء يلي كانت مرة

اربعينية و مرة طيبة كتير و استغربت كتير ليش موجودة بهالمكان قربت ام البراء علينا و قلتلنا اهلا و سهلا فيكن يلا سبقوني عالحمام قلتلها و انا عم ابكي ما متحركة محل نحن ليش هون و شو بدكن منا و وينو سامي يلي انا كنت على اساس شوفه قلتلي طولي بالك يا بنتي و طلبت من باقي البنات يطلعو من الغرفة لتقعد معنا و تحكينا على انفراد و بدات حكيها بانو انتو من سوء حظكن صرتو هون بس خلص ما عنكن خيار تاني الا تنصاعو لاوامر المعلم و تنسو العالم الخارجي تماما قلنالها و شو بدو مننا المعلم قلتلنا رح قلكن بصراحة لانو شكلكن لهلا ما فهمته حبيباتي انتو هلا ببيت دعارة .......شووووو صابتني انا حالة هستيرية و صرت صرخ و ابكي و طلعت من الغرفة ركض لباب البيت الرئيسي يلي ما كان فيه غيره و كان مقفل بلشت خبط عالباب و قلن طلعوني من هون يا حقراء بدي ارجع على بيتي اجت لعندي ام البراء و صارت تهديني و تقلي خلص وطي صوتك هلا بيسمعك المعلم ابو رائد و بينزل من مكتبه بس انا ما رديت عليها و ضليت متابعة بالصراخ و التخبيط اما رغد وقفت مصدومة و عم تبكي و ما عارفة شو تتصرف ......
نزل المعلم معصب على صوتي و حملني على ضهره صار راسي تحت و رجلي فوق و فوتني على الغرفة و بلش ضرب فيني بعد 8كفوف تقريبا غبت عن الوعي و ما حسيت الا على ام البراء عم تفيقني بالمي فتحت عيوني و شفته لابو رائد قدامي قربت على ام االبراء و انا عم ابكي و قلتلها اذا بتريدي قليله يطلع برا انا خايفة كتير منه برمت وجها ام البراء لعنده و قلتله خلص انا بحل الموضوع قلها بكرا بدي اياها جاهزة هي و رفيقتها و طلع من الغرفة....
سجن كبير و حيطان بتخنق و بتطبق عالصدر كانو ما عاد في هوا لاتنفسه و اصوات ضحك كتير لبنات ما بيشبهو بنات عالمي يلي كنت عايشة فيه ......
بعد ما وعيت من الضرب و الصدمة قلتلها لام البراء انا كنت رايحة شوف شب اسمه سامي قاطعتني بالحكي و قلتلي سامي هو عميل سري للمعلم مهمته يستدرج البنات و يوعدن بمحل و بعدين باقي الشباب بجيبوكن لهون....
معقول في ناس هيك هدول اشبه بعصابات المافيا يلي كنا نسمع سمع عنها او نشوفها بالافلام و ما كنا مصدقين انو موجودة فعلا و بيناتنا كمان حسيت حالي بكابوس و دعيت ربي لفيق منه و لاقي حالي ببيتي و بين اهلي و مع امي ...امي يلي ما بعرف هلا شو رح تعمل بعد ما تحس على غيابي و تكتشف انو كذبت عليها....
ــــــــــــــــــــــــــــــــــــــــــــــــــــــــــــ
الجزء التالت
انا انضحك علي و تم استدراجي لشبكة دعارة كبيرة و كل هالشي بس لانو عملت حساب عالفيسبوك و استخدمته بطريقة خاطئة معقول خطأ صغير يقضي على حياتي و يدمرها و انا بعدني بعمر الورد طب و مستقبلي و احلامي هدول كلن تبخرو بالهوا .....
قلتلي ام البراء يلي قومي بنتي خلينا نبلش قلتلها ولله يا خالته انا ما تبعيت هيك قصص الله يخليكي هربيني من هون و بوعدك ما احكي عن الشي يلي شفته هون للشرطة و اطلبي المبلغ يلي بدك اياه قلتلي مابقدر ابو رائد بيقتلني بارضي و انت ما عندك حل الا تقبلي بوضعك الجديد و انت ما اول وحدة اطلعي على البنات يلي حواليكي معظمن اجو بنفس طريقتك و ليكن تعودو و تاقلمو و انت هيك بكرا كمان قلتلها انا مستحيل صير متل اي وحدة فين حتى لو ابو رائد بدو يموتني قلتلي لا ابو رائد بخليكي تشتهي الموت بس ما بموتك ......
حاولت تقنعني ام البراء بكلامها و قوم معها بس انا رفضت و بقيت بتختي و حتى رفيقتي رغد ما عاد شفتها هداك اليوم و وصل الخبر لعند ابو رائد اني انا بعدني رافضة اتحرك و اسمع كلامها لام البراء لهيك رجع زارني بالغرفة المسا و فات و هو معصب و هجم علي و مسكني من ايدي و لزقني بالحيط انا قلتلو فورا لو بتموتني ما رح فوت بهيك شغلة و مستحيل اتوسخ بدي موت نظيفة طلع القداحة من جيبته وشغلها و قربها على وجهي و قلي انا ما بموتك انا بشوهك و بحرقلك هالوجه الحلو و اوعا تفكري اني عالجك او اعطيكي مسكنات لوجعك لااا بتركك تتوجعي لتشتهي الموت و بالاخير بزتك بالمطبخ مع الخدم بعدين بعد عني و قلي هاي اخر تنبيه الك المرة الجاية ما رح زور غرفتك الا و انا جاي احرقك......

انهرت بالارض انا و عم ابكي شو جابني لهون شو علقني مع ناس ما بتخاف الله و ما عندها رحمة مع ناس بتعبد المصاري و مستعدة تعمل كل شي كرمالها فاتت عندي صبية بعد ما طلع ابو رائد كان اسمها ناريمان هالصبية صارت رفيقتي بعدين بحكم انو انا و اياها غرفتنا مع بعض و قلتلي معظمنا كنا قبلك هيك و ليكنا هلا متل ما شايفة قلتلي قومي معي بدي فرجيكي شي قلتلا لوين قلتلي عالمطبخ قمت و ياريت ما قمت قلتلي شايفة هديك البنت انا طلعت لمحل ما اشرتلي شفت بنت منظرها مرعب وجهها مشوه و كانو عقلها ما معا قلتلها شبا قلتلي هاي تنحت متلك هﻹ و ما قبلت تشتغل شوفي شو عمل فيها ابو رائد و انا وقت سمعت هالشي تشنجت معدتي و ركضت استفرغ بسرعة و بعدا رجعت على تختي و انا اعصابي تلفانة عالاخر و نمت لتاني يوم......
صحيت تاني يوم لشوف حالي بن

فس المطرح و بنفس الكابوس و لقيت جنبي ناريمان قلتلي صباح الخير يلا قومي عالفطور عنا شغل كتير اليوم قلتلها شو هالشغل؟؟؟ قلتلي اليوم في حفلة استقبال عنا قلتلها مين ليش بدنا نستقبل ؟؟؟قلتلي الزباين 😐قلتلها يبعتلك حمى على هالصباح يلي بسد النفس صارت تضحك و قلتلي بتموني قلتلها كل اديش بتنعمل هيك استقبالات؟؟؟ قلتلي حسب الشخصيات بس تقريبا كل 5ايام و تابعت حكيها كونك جديدة رح خبرك كيف بتصير الامور المسا بينعمل عشا كبير للضيوف يلي بتجي و كلن هدول من الطبقة الراقية و الغنية كتير لانو ابو رائد ما بيتعامل الا مع هالمستوى و بعدين نحن الصبايا منفوت لنكفي السهرة معن و اخرة السهرة كل واحد بيختار وحدة ليقضي باقي الليلة معها و انت و حظك يا ...قلتلها خلص خلص ما تكملي لعيتيلي نفسي و قمت غسلت وجهي و رحنا عالمطبخ لنفطر و كانو هنيك كل البنات يلي بالفيلا وصرت دور على رغد للقيتها و حسيتها انو
ماسكة اعصابها و اقوى مني قعدت جنبا على طاولة الاكل وصرنا نحكي بالهمس قلتلها شو بدنا نعمل؟؟؟ لازم نلاقي مخرج من هالمصيبة لازم نهرب و انا عم احكي معا شافتني الطباخة و قلتلي قومي غيري محلك و قمت من جنب رغد قبل ما نكمل الحديث و نتفق على شي و بعد ما خلصنا فطور اخدونا على غرفة تياب كتير كبيرة لتختار كل وحدة شو بدها تلبس لليلة و هالشي كان روتيني قبل كل حفلة استقبال.....
اجت لعندي ام البراء و اختارتلي فستان احمر قصير قلتلها انا بحياتي ما لبست هيك شي قلتلي فوتي قيسيه ما في وقت و بعد ما اختارت كل بنت فستان الها رحنا على غرفة تانية بتشبه صالون التجميل و كان هنيك كوافيرة اسمها هناء و بنات بساعدوها و بلشو يجهزونا من الالف للياء كانو عرسان و بدنا ننصمد على البرزة الليلة و كانو في بنات معنا يضحكو و لا كانو هالشي مضايقن و قلتلها لناريمان هدول شو وضعن ؟؟؟! قلتلي هدول هن بالاساس هيك يعني هالشي ما جديد علين و اجو برغبتن لهون بس ما مرغوبين كتير مع انو عندن خبرة بهالمجال قلتلها طيب بتاريخ هالبيت ما اجت وحدة قدرت تهرب من هون ؟؟؟؟ قلتلي مستحيل ما اجت و لا رح تجي لانو حراسة و رقابة شديدة قلتلها طيب مكتبه لابو رائد وين صاير بهالبيت يلي حاسسته مدينة ما بيت؟؟ ضحكت و قلتلي فوق بالطابق التاني بس ما اي حدا بيقدر يطلع و يفوت لعنده باستثناء ام البراء و الطباخة و الشوفير و كام واحد لسا ...
بعد ما لبست و جهزت حالي قلتلها لناريمان اذا سالوكي عني قليلن انا بالمطبخ او اي محل قلتلي ليش وين رايحة ؟قلتلها لعند مكتب ابو رائد قلتلي يا مجنونةما حدا بيسترجي يطلع لعنده مين مفكرة حالك قلتلها ما دخلك اعملي يلي قلتلك عليه وغطي على غيابي طلعت على الطابق التاني محل ما دلتني ناريمان ما كنت بشبه حالي ابدا بعد ما لبست الفستان و تمكيجت و عملت شعري كيرلي يعني يلي بشوفني بقول عمري 20سنة ما 16سنة الفستان ابرز مفاتني كتير و المكياج اعطاني عمر اكبر بس بقيت من جوا بنت ال16سنة ..
دقيت الباب و اجا صوته من جوا تفضل شديت حالي و فتت كان قاعد و عم يدخن سيجار و يشرب كاس اطلع علي من تحت لفوق قلي مين انت و شو قوة هالقلب يلي عندك لتفوتي لعندي مابتعرفي انو ممنوع؟! قربت لعندو و قلتلو بعرف ممنوع و كل ممنوع مرغوب انا امل البنت الجديدة قلي اي تذكرتك بس شكلك متغير شو بدك ؟قربت

لعندو اكتر و قمت السيجارة من تمه و طفيتا بكف ايدي و هو ساكت و مصدوم من الشي يلي عملته قلي انت مجنونة!!! قلتله شايف هالحرق يلي بكف ايدي و حتى انا مستعدة كمان احرق حالي قدامك و بهاللحظة و هالشي اهون علي من الشي يلي عم تطلبه مني اجا ليقاطع حديثي بس انا كملت انا بقيانة هون لانو اصلا ما في مهرب و انا مستعدة ابقى هادية و ما اعملك مشاكل و اشتغل عندك بس مو بطريقتك بطريقتي انا يلي بدي ضل بنت فيها و حافظ على حالي و شرفي و ما خلي حدا يلمسني قلي مو ملاحظة انك واثقة من حالك زيادة عن اللزوم و متوقعة اني اقبل فورا انا هون يلي بأمر و انت بتنفذي بس قلتله بنفذ ايه بس برضاي مو غصب عني انا فيني قول للرجال يلي بدي نام معه انو انا مريضة مرض معدي و خوفه و هيك بطفشلك زباينك و بنزعلك سمعتك بانك عم تجيب بضاعة مضروبة و غير هيك فيني اعملك ثورة بالبيت و احزاب و مشاكل بين البنات يعني بصير نقمة عليك اكتر من نعمة قلي عم تهدديني؟! قلتله لا انا مين اصلا لهددك و انت باشارة وحدة منك بتمسحني مسح قلي شو بدك من الاخر وبلا كترة حكي؟؟ قلتلو انا مستعدة اشتغل استعراضية بس مو اكتر و بقعد مع ضيوفك و بسلين و بسايرن بس ما بفوت مع حدا فين على غرفة نوم قلي طلبك صعب كتير و ما بدخلي مصاري قلتله جربني اسبوع بس و اذا ما عجبك الوضع وقتا بتصرف متل ما بدك.......
ــــــــــــــــــــــــــــــــــــــــــــــ
ــالجزء الرابع:

نزلت من عند ابو رائد و بوجهي عالمطبخ لعند ام فؤاد حتى تلفلي ايدي و تحطلي مرهم حروق عليها و رغم اني كنت موجوعة بس كنت مبسوطة من طرف ابو رائد يلي وافق اني اشتغل استعراضية بس اسبوع بحجة انو اتعو

د على الجو قبل الشغل و قلي انت بنت و جديدة يعني سعرك اغلى من الباقي بس ضمنيا انا كنت مقررة بهالاسبوع انو لاقي طريقة لاهرب فيها من الشي يلي انا وقعت فيه بغبائي رغم انو كل الطرق مسدودة بوجهي ......
صارت الساعة 111بعد ما خلصو الضيوف عشاهن و بلشت بنت ورا التانية تطلع و انا بقيت اخر وحدة من البنات لطلعت على صالون الاستقبال و انا حاطة ببالي اني ما رح كون الضحية طلعت و القيت نظرة سريعة على كل الرجال يلي كانت موجودة و معظمها رجال بعمر الاربعين و الخمسين سنة و انا متاكدة انو معظمها متزوجة و عندها اولاد و كل رجال و بحضنه وحدة شفت رجال لحاله قاعد عم يدخن ويشرب و على ما يبدو لسا ما طلعت البنت يلي تعبي راسه و تعجبه قلت هيدا هو طلبي رحت بوجهي لعنده و قعدت جنبه و بدات احكي معه قلتلو ما اضيق العيش لولا فسحة الامل قلي عفوا!!!!

صرت اضحك و تابعت حكيي انا فسحة الامل انا اسمي امل قلي تشرفنا كانك جديدة انت هون؟؟ قلتلو اي ما شايفني عم اضوي و المع ضحك و قلي اهلين فيكي قلتلو انت يلي عنا و انت يلي اهلا و سهلا فيك ضحك و كملت حكيي معه قلتلو انا جديدة بس ما للاستعمال قلي اوف لكن لشو قلتله للفرجة بس ضحك و قلي ابو رائد من ايمت بجيب بضاعة للفرجة قلتلو وقت بتكون غالية كتيرة و ما حدا بيقدر على سعرها بتصير للمشاهدة بس اطلع علي نظرة اعجاب و تابع حكيه و مين قلك اني ما بقدر على سعرها ؟قلتلو انا ما بنشرى بالمال و قطعت حديثي معه و قلتلو عن اذنك برجع بعد شوي و قمت و عيونو علي و ناديتها لناريمان و سالتها عن الرجال يلي كنت قاعدة معه شو وضعه و شو بتعرف عنه بما انو هي الها سنتين هون قلتلي هيدا ابو مازن مال ما بتاكلها النيران و الو كلمته عند ابو رائد لانو بمرقله شغل كتير مامزبوط بس مأنف كتير و شايف حاله و ما بيعجبه مين ما كان قلتلها طيب روحي كفي شغلك و رجعت زبطت حالي و طلعت عالصالون و حسيته ناطرني لاطلع و عيونو علي قلت بيني و بين حالي علقت الصنارة و مشي الحال و تابعت طريقي لعنده و انا عم اطلع بعيونه لانو العيون لغة و سحر و رجعت قعدت جنبه قلي ما قلتيلي اذا ما بتنشري بالمال بشو بتنشري ؟ قلتلو المال ملعب ابو رائد و بيندفع لابو رائد اما انا الكلام و الحب و الحنان ملعبي قلي حلو و شي فريد من نوعه و تابعت حديثي انا ما بحب كون متاحة للكل انا بحب كون لواحد بس و ما اي واحد قلي و شو مواصفاته لهل الواحد ؟ و قبل ما جاوبه نزل ابو رائد من مكتبه و اجا سلم على ابو مازن و قلو ليش ما كسبناك على العشا معنا الليلة قله كان عندي عشا عمل لهيك ما جينا و طلع علي ابو رائد نظرة سريعة و وقت انتبه عليه ابو مازن قله شو يا جايبلنا نخب اول هالمرة قلو ولو ابو مازن المهم رضاك علينا انت معلمنا و تابع ابو رائد طريقه لباقي الضيوف يسالن اذا ناقصن شي او ما عاجبن شي و رجع قعد ابو مازن يلي كان مشدود للحكي معي قلي اييه وين كنا ؟اديش عمرك انت ؟قلتله 20سنة بس من جوا طفلة عمري 13سنة ضحك و قلي واضح هالشي(و انا كذبت عليه بالعمر حتى ما يستصغرني)تابعت حديثي معه و قلتله حدا قبلي قلك انو بعيونك جاذبية وسحر بأسرو اي حدا بشوفن قلي لا ما حدا قلي بس بجوز هالشي بيرجع للشخص يلي شايفه قدامي اذا كان جاذبيته طاغية على عيوني ضحكت بصوت عالي و التفت علي ابو رائد يلي كان بعده موجود و اكيد قال بينه و بين حاله هاي نفسها يلي كانت بحالة هستيريا مبارح بس ما بيعرف انو جواتي شياطين عم تخطط و قعدت مع ابو مازن بحدود الساعة و نص حكينا فيهن مواضيع كتيرة و سالني عن ايدي الملفوفة بشاشة بيضا و بعد ساعة و نص قلتلو يلا عن اذنك و تصبح على خير قلي وووين مبسوطين و لسا السهرة باولها قلتلو تعبانة المرة الجاية منسهر اكتر قلي و هيك عالناشف قلتلو للمرة الجاية منقرر و رحت فورا ......
تحممت و غيرت تيابي و نمت بتختي و بلشت ابكي و ابكي و طول الليل و انا عم ابكي و اتذكر اهلي و بيتي و مدرستي يلي اشتقتلن كتير و امي و ابوي يلي بكونو هلا خربو الدنيا علي انا شو عملت بحالي و شو عملت باهلي بقيت طول الليل انا و ابكي و نمت على وجه الصبح لفيق تاني يوم كالعادة على الفطور الجماعي ....
حاولت كتير اتقرب من الطباخة ام فؤاد و ساعدها كتير مع انو هي ما بحاجة لانو في ناس تحت ايدها لهيك صرت اقضي معظم وقتي معا عم نتحدث و عم امدحها باكلها و بحجة عم اتعلم منها لانو نفسا عالاكل طيب لرابع يوم فتت عندها و انا عم ابكي قلتلي شبك قلتلا راسي عم يجعني ما عم نام الي 3ايام ما نايمة دخيل الله بدي حب منوم اذا بضل عهالحالة يا بجن يا بموت و بكرا عنا حفلة استقبال لازم كون مرتاحة الله يخليكي ام فؤاد قليلو لشوفير يجبلي حب منوم قلتلي هلا ليجي بقله و قليله يكون عياره تقيل حتى نام بسرعة .......

تاني يوم اعطتني الطباخة حب المنوم يلي جبلي اياه الشوفير و اخدته فورا و خبيته بغرفتي و وقت موعد حفلة الاستقبال كالعادة طلعناواخترنا الفساتين يلي بدنا نلبسن و انا لبست فستان اسود طويل ليعطيني عمر اكبر من عمري

و كنت عاقدة آمالي على ابو مازن انو يجي الليلة ليشوفني و وقت اجا موعد الحفلة انا اتاخرت لاطلع و طلبت من ناريمان تشفلي اذا اجا ابو مازن بعد شوي فاتت عندي ناريمان و قلتلي اجا و قاعد كالعادة عم يشرب و يدخن و عيونه عم دور عليكي قلتلها منيح يلا روحي خلصت مهمتك و عديت للعشرة و طلعت و ما رحت فورا لعنده قعدت مع رجال تاني كان من حصة صبية اسما نور يلي كانت مرضانة و مكربة و مشلوحة بالتخت قعدت معه و بلشنا نتحدث و نضحك بدون ما التفت عليه بعدين اجت صبية تانية قلتلي بقلك ابو مازن انت من حصته برمت وجهي عليه و ابتسمت و قمت قعدت جنبه و بلشنا نتحدث كالعادة بالالغاز بس انا قلتله شو رايك نكمل حديثنا بغرفتي انبسط كتير و تحمس عالموضوع قلتله اسبقني اول غرفة عاليمين لاحقتك و اول ما شفته فات على الغرفة اخدت الكاس يلي عم يشرب فيه و حطتله فيه حب منوم و اخدتله اياه عالغرفة قلتله انشالله كون ما طولت عليك كنت عم حطلك تلج انا عزمتك على الغرفة لناخد راحتنا بالحكي ما كرمال شي تاني و بلشنا نحكي و هو يشرب لحتى بلش ينعس و نام و ما حس على شي اخدت موبايله فورا و حاولت افتحه و لحسن الحظ كان على بصمة الاصبع فتحته و انا عم ارجف و ابكي و دقيت لاهلي فورا ردت علي امي و بس سمعت صوتي بلشت تبكي و تصرخ امل وينك يا امي خربنا الدنيا عليكي قلتلا امي طولي بالك ما معي وقت و بخاف حدا يسمعني اسمعي شو بدي احكي انا انخطفت و يلي خطفني شب تعرفت عليه عالفيسبوك حسابه اسمه زير النساء احفظيه منيح و انا ما بعرف حالي وين هلا بس اذا عملتوله كمين و حكيتوه بانكن بنت صبية رح يعطيكن موعد و يستدرجكن لهون محل ما انا موجودة لا تنسي اسمه زير النساء حاطط صورة شب عارض ازياء و اوعا يا امي ترجعي دقي لهيدا الرقم يلي عم حكيكي منه و الا بتموتيني فورا ناطرتكن ما طولو علي بحبك باي ....سكرت فورا و مسحت رقم اهلي و خفت كتير انو امي ترجع دق و بعدا فورا بلشت شلحه تيابه لابو مازن لاوهمه انو انا قضيت الليله معه و بعد 3ساعات فيقته قلتله قوم يلا لازم تروح على بيتك صار وجه الصبح قلي كيف نمت انا هيك قلتله ههههه بس كمان ما تكون نسيت شو عملت و هزتلو براسي لتيابه و تابعت حكيي معه قلتلو انت عشر رجال برجال واحد و هو صدق و قدرت وصله الفكرة يلي بدي اياها و قام لبس و اتصل بشوفيره ليجي ياخده لانو كان دايخ و نعسان لسا ......
نطرت على اعصابي و انا عم ادعي لربي انو كون قدرت فهم امي كيف تتصرف و كيف توصلي و يجو باسرع وقت لياخدوني و يفكو اسري واسر البنات يلي معي و ما الن ذنب و رغبة بهالشي و خاصة رفيقتي رغد يلي ضيعت حالها و بعد 5ايام اجت حفلة الاستقبال التانية و لبست و طلعت لاستقبل ابو مازن يلي صار يجي مخصوص كرمالي و اعتذرت منه و قلتلو انو انا بفترة البريود و تاني يوم من حفلة الاستقبال اجت دفعة بنات جديدة و بعد نص ساعة بس سمعنا سيارات الشرطة محاصرة المكان و دفشو الباب و اقتحمو الفيلا و اعتقلونا فورا و انا و طالعة شفت اهلي ركضو علي فورا و قلوله للشرطي هاي بنتنا امل المخطوفة فك الكلابش عن ايدي و حضنتن لاهلي و بوستن و بكينا كتير و بعدين رحنا على مركز الشرطة حتى ياخدو اقوالي و شكرني المحقق كتير على هالخطوة الجريئة و خاصة انو كانو الن فترة عم يلاحقو هالعصابة و ما قدرو يمسكوها و سالت امي كيف قدرو يوصولو

قلتلي عملنا كمين متل ما قلتي و كمان الرقم يلي اعطيتينا اياه ساعدنا كتير عرفنا صاحبو و اتبعنا بس اعتمدنا على الكمين حتى نتاكد اكتر .....
رجعت لاهلي و لبيتي و رجعت اول فترة داوم عند دكتور نفسي ما بس كرمالي و كرمال رفيقتي رغد يلي كان ضررها اكتر مني بكتير هلا بقول يا ريت يا ريت سمعت كلام امي لانو هي الوحيدة يلي بتعرف مصلحتي و بتخاف علي اكتر من حالي و ما كنت فتت بهالتجربة البشعة ابدا لانو بقيت بذاكرتي لهلا و خلتني افقد الثقة بالناس...
انتهت.
ملاحظة طبعا هالشي يعتبر نقد بناء انو بنت 16سنة يطلع منها كل هالشي اكيد انا يلي كتبت كل هالقصة و كل هالحبكة و كل هالافكار منتبهة على هيك موضوع و ما فاتني ابدا بس الرسالة يلي بدي وصلها اولا للامهات بانو ما يسمحو لبناتن دون سن ال 16سنة يعملو حساب عالفيس لانو هالظاهرة منتشرة لهيك اخترت السن صغير و تانيا رسالتي للبنات بانو حتى لو وقعت البنت بهيك مصيبة و ما ضروري عن طريق الفيس ما لازم تستسلم للامر الواقع و ممكن تخلص حالها بهيك حلول او دوري على حلول تانية و لاتنسو انو البنت ببداية قصتي شافت مقاطع فيديو و فاتت على كروبات اكبر من عمرها
#ياريت_بقلم_كندا بكري ✨🖤

بداية القصة 🤍🦋

رأيكن بالقصة🧚‍♀👇
@Stories_3_bot
.

قصة اليوم: #كنتنا_الغالية
.............
قراءة ممتعة🦋💙"

كنتنا_الغالية
بقلم_جمايكا
#سلسلة_حكايتي_معاه

الجزء الاول.. الجزء الثاني... الثالث. انتهت على نفس الصورة.. تحت 👇

سارة :- المفروض ماترفضو لان هاد عرسي وبدي اياه منظم..

ريهام :- اي عرسك بس مافيكي تجبرينا ع لبس مانو محتشم وموحدة اللون لالنا.. وبعدين هاد لامي معلش يعني شلون بدها تلبسو ست بعمرها لفوق الركبة..

سارة :- رح يجو ع فرحي ضيوف كثير واكابر ومابدي اخجل قدامن..

ريهام:- معلش وضحي اكثر من شو بدك تخجلي بدك تخجلي منا..

زينة :- اي والله هاد يلي باقي ع فكرة نحنا شبعانين وناس بخير بس بنحب البساطة لو بدنا نظهر خيرنا ونتكبر ع الناس مشان الطبقات والمستويات لعملنا وخجلتي من حالك قدامنا خدي تيابك واتركينا بحالنا واهتمي بتفاصيلك انتي لعرسك.. ومرقي هاليوم ع خير اذا سمحتي

سارة :- يعني ماقبلتو

زينة :- اي ماقبلنا

سارة : بدكن تركبو راسكن متل خيكن..

زينة :- خينا.. اي الحمد لله طلع عم يرفض هالشي..

ريهام :- ليكو اجا

زياد :- سارة انتي ماعم تفهمي واصريتي تجي لهون

سارة :- هلق انا ماعدت افهم طيب اتفضل محبسك وماعاد بدي اتزوجك اذا اهلك بقيو ع عقلن و ما نظمو حالنا بعرسنا هاد عرسي وبدي اياه يطلع متل مابدي واللي ماعجبو ليك الحيطان بكل مكان..

زياد :- لحظة لمين عم تحكي الحيطان بكل مكان

سارة :- للي ماعجبو كلامي

زياد:- سارة انتي وعيانة شو عم تحكي

سارة :- والله متل ما سمعت..

زياد :- سارة انتي طالق

امي :- ابني روق شو عم تحكي امور بتنحل بسهولة وبالتراضي بدون طلاق

زياد :- خلص امي اخدت قراري....

سارة :- هيك ببساطة زياد هيك تنتهي كل شي بينا كرمال ترضي اهلك اي رح تشوف شو رح اعمل..

بعد مرور سنة..

اتخيلي ياريهام من بعد هاداك اليوم ماشفنا اخي هيك فرحان قولك الصبية يلي الح عليها لنروح نخطبها بنت طيوبة متلنا...

ريهام :- الله اعلم..

قبل ساعات..

فتح باب البيت وماكان قادر ياخد نفس.. عم ينادي يااامو لك يا زينة يا ريهام يااابي لقيتا لقيتا..

لك اخي شو هي يلي لقيتا.. خد نفس خد نفس..
.
ملكة جمال.. اميرة.. ياسمينة بكل الاوصاف مافيني اوصفها لك امي عليها شعر لاخر ضهرا عيونا وسااع وشفافا يامحمد.. عليها رموووش.. وصلت لعندي بتقلي اخي.. ممكن تفسح الطريق..

لك امي قومي..

.. لك ابني بس فهمني مين هاي.. ووين قوم

.. انتي مو بدك اتزوجيني

.. وحفينا وحفيت رجلينا وماكان يعجبك حضرتك اي عروس.

.. وانا لقيتا

.. وين لقيتا هاي بكل امريكا والوطن العربي ماعجبتك عروس..

.. هو هيك امي لا هي من امريكا ولا الوطن العربي.

زياد ابني شارب شي.. مرضان سخنان.. انت تعبان ياروحي..

زياد:- اااخ يامو سخنان من بعد شافتا بردي عليه بردي..

.. اسم الله عليك يا اخي والله مانك هيك..

زياد :- لو تشوفيها ياريهام رح تحبيها من كل قلبك..
.
زينة،:- اخي عم يحب شو حلو هالاحساس.

امي :- بنت شو عم تحكي

زينة :- انا ماحكيت شي بس شكل اخي وهو عم يحكي حلو.

ريهام :-طيب اخي اذا عجبتك قلنا وين ساكنة لنروح نخطبها لالك

زياد :- امي قومي البسي لنروح ع بيتن

امي :- هلق نروح نخطبها

زياد :- اي اي

امي :-مابصير لازم ناخد موعد معهن نتصل عليهن

زياد :- بدك تروحي تخطبيها ولا اروح لحالي

امي :- يووه شلون بدك تخطبها بدونا وين عاداتنا وتقاليدنا بس خلينا ننطر بيك وناخد موافقتو لنروح نخطبها..

زياد :- يالله ماعندي صبر انا رايح اجهز حالي واروح ع الحلاق.. جهزو حالكن لا تتاخرو قبل 6..

امي :- بنات انتو شايفين يلي عم شوفوا

ريهام :- معقول هاد اخي يلي رافض الزواج..

زينة :- رح البس فستان قصير واروح الصالون اخيرا ملينا من الكبت..

امي :- بس كيف رح نروح للعالم بدون اذن والله يعتبرونا بلا ذوق

زينة :- نحنا بنروح وبناخد معنا كادو وبكيت ورد وبنعتذر اول شي حبو يستقبلونا اهلا وسهلا ماحبو خلص الحق ع اخي بالاخير..
..
بالساعة 6 مساءا

زياد :- بنات دخيلكن كيف طالع

امي :- لك امي اسم الله عليك بتاخد العقل.. يالا دق الجرس..

زياد :- متوتر.

امي :- سمي بالله

زياد :- ريهام زينة مابعرف شو قلن..

امي :- ياعمري لا تقول شي بس دق الباب..

زينة :- كأن شامة ريحة بخووور ياعيني شكلن بيعرفوا انك جاي لهيك عم يبخرو البيت ياعم انت ياحلوو..

زياد :- زينة شعشنتك جوا بطليها اي ياعمري هاتي بوسي من راسك بحبكن ياخواتي.. جاهزات اتبسمو.. اتبسمي امي رح دق الجرس....لا انطرو بعدني متوتر

زينة :- ييييي انا رح دق

زياد :- لك زينة:-

زينة :- عم يفتحو عم يفتحوو

( وهون كانت المفاجئة انفتح الباب..

زينة :- هندية

ريهام :- زياد

زياد : السلامو عليكم اي هاف ابويمنت تو ماري ميس دبيكا..

( لدي موعد للزواج من الانسة دبيكا)..

#زينة :- دبيكا. 😮

ريهام :- وهنود

.. تفضل للصالون.. اخي..

زينة :- مين هاي

زياد :- الشغالة

زينة :- اخي بدك تتزوج هندية

زياد :- باكستانية مسلمة

ريهام :- بيتن بيشبه بيوت الافلام الهندية..

زياد :- انتبهو بيحكو عربي عاشو بدبي

امي :- مسلمين امي

زياد :- اي اكيد مانك شايفة يامو الايات القرءانية بكل مكان

امي :- وين امها ماحد استقبلنا لهلق

زياد :- لا تستعجلي امي..

زينة :- ليكن اجو

زينة :- شو هالجيش كل هاد عيلتا

زياد :- زينة وطي صوتك رح تفضحينا.. السلام عليكم..

.. وعليكم السلام ابني زياد اهلا وسهلا أخبرتنا إبنتي دبيكا عن حضورك اعرفك بالعائلة الكريمة ابي صبر وامي عائشة زوجتي باروانا.. و اخت زوجتي الخالة ريهنا.... واولادي السبعة شكور سفين.. عبدالله شاري يونس براهيم زريف.. لدي شاب اخر لكن مسافر للوطن

وبناتي الخمسة.. والعم فيجاي ومنتصر والعمة أروج..

زياد:- اتشرفت فيكم ابي صابر هذه امي واختي زينة وريهام ابي اعتذر منك لم يحضر اليوم لكن ان شاء الله بالزيارة القادمة يحضر..

صابر :- تفضلو..

( العيلة الكريمة بعد ما رحبت فينا اتوزعت بكل مكان وبلشو مراسم الاستقبال... كانو بيحكو العربية الفصحى واحيانا لغة بين بعضن مانفهمها واحيانا انجليزي.. كانت عاداتهن حلوة قائمة على العائلة والاحترام وخاصة للجد والجدة.. بعدا بربع ساعة استقبلتنا عروسة اخي يلي كانت اشبه ببطلات الافلام الهندية جميلة جمال خيالي عيون خضرا واسعة وشعرا حرير طويل وملامح وجها طفولية.. بشرتا سمراء صافية.. وطولة وجسما.. فعلا متل ماوصفها اخي ملكة جمال.. قربت لعند امي وانحنت وبوست ايديها.. كانت كلا خجل عيونا مارفعت من ارضا.. بقيت واقفة وراسها بالارض لعند ما سمح لالها الجد تقعد معنا كان اخي ماعم يحسن يكمش حالو من فرحتو وماقبلان يرفع عيونو عنها.. كانت امي تقرصوا لينتبه لحديث ابوها وعمها بس اخي صار بعالم تاني..

امي :- من عاداتنا السورية بنحب نجي نشوف العروس بالزيارة الاولى والعروس عجبتنا ماشاء الله عليها، ونحنا ناطرين ردكن اذا العروس عجبها العريس لنرجع بزيارة تانية مع والد زياد..

صابر :- طبعا هذه من عاداتنا ايضا سوف نأخد برأي ابنتنا..

( كانت زيارة مليئة بالنظرات،. والجدة يلي كانت عم توجه كلام بالزواج وعيونها على اختي ريهام كرمال ابنن..

انتهت زيارتنا ولولا الخجل اخي ماكان بدو ينهيها..

زياد :- امي بكير كان تركتينا شوي

امي :- لك امي مابصير ماشفت الجدة شخرت وهي قاعدة. والاولاد ملو وبلشو ينسحبو واحد وواحد..

زينة:- والله الحلويات شي طيب

ريهام :- هاد يلي عم تفكري بس فيه بطنك

زينة :- زياد شفت ريهام كيف تلونت من حكت ستن ههههه

ريهام :- بنت اخرسي

زياد :- بس زينة.. امانة يا بنات شو رايكن..

ريهام :- والله يا اخي حرام تاخد راينا بتظلمها لان ماشاء الله جمالا مابيتوصف وكلا ادب ماحكت كلمتين ع بعضن..

زياد :- امي شو رايك

امي :- والله حبيتا من كل قلبي بس والله كنت حاطة جوز بالشنتة بدي شوف سنانها قوايا ولا شو

زياد :- سنانها 🤔 عم تمزحي امي ماهيك

امي :- هههه اي امي عم امزح بس والله عاداتهن بتجنن..

زينة :- الله رح يطلع لالنا عرس فيو رقص وطبل متل الهنود 😂😂.. والبس الساري الهندي.. وزخارش وخارف وملمع ومبرقع ومورد الله يا اخي بكرة بتشوف ابنك لابس ع راسو طاقية هندوستاني هندوستاني..

زياد :- باكستنانيين مسلمين...يا زينة..

زينة: 🤣🤣.. كانو خواصري رح يطقو من كتر ما ضحكت بقلبي ع ستها وهي عم تشخر.. بتسحب مممممممممممم وبتعطي فشششششششش بتحسب ممممممم وبتعطي فشششسشس..

ريهام :- منيح ما فضحتينا..

#امي:- والله انا حبيت امها كثير خيرات الله فرق بينا وبين ام سارة..

ريهام :- امي..

امي :- اي الله يقطعك يا لساني.. زياد انطر ابني.

زياد :- فوتو ع البيت طالع اتمشى شوي..

...

..

بعد مرور اشهر..

ابي :- وينو زياد

ريهام :- قاعد مع خطيبتو بالحديقة

امي :- في شي ابو زياد

ابي :- دقلي من شوي ابوها لدبيكا

امي :- اي وشو بدو.. زينة شوفي مين ع الباب..

ابي :- ا طلب نروح ع باكستان مشان بدهن نعمل العرس هنيك.. مشان قرايبهن..

.. زينة :- امي ابي.. مممم سارة على الباب..

امي :- سارة 😮

يتبع..

😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍


الجزء الثاني..

امي :- ايوه وشو بدا لتجي بهيك وقت

زينة :- والله مابعرف يامو عم تقلي بدا تحكي مع زياد

امي :- قليلا مانو هون ولا اقلك انا بدي احكيها..

ركضت امي لتحكي معها قبل ما اخي زياد يشوفها وينتزع مراقو وعيشتو بعد ما سدقنا انو رجع متل الاول..

سارة :- خالتو ام زياد كيفك بدي احكي مع زياد كلمتين اذا سمحتي خليني ..

امي :- بس زياد مانو هون

سارة :- بلا شفتو من شي شوي مرق البيت

امي :- بس هو مانو فارغ مشغول روحي انتي وانا بخبرو ليحكيكي

سارة :- مارح يقبل بدي اشوفو واحكيه وجه لوجه

امي :- سارة بلاها مشاكل هلق روحي انتي وانا بخبرو

سارة :- شفت ع بروفيلو انو خطب

زينة :-طبعا ومبسوط وطاير عقلو بخطيبتو الله يهنيه فيها.. بس انتي بعدي عنو وعنا..

امي :- اسكتي زينة

زينة :- لاء مارح اسكت لانها خربت حياة اخي وراجعة لتخربها بعد ماشافتو مبسوط
.
سارة :- بس انا ماخربتا هو يلي تركني..

زينة :- وانتي ركبتي راسك وعندتي وبدك تمشي كلمتك عليه وعلينا ليكا شو استفدتي غير الطلاق.. ع العموم الحكي هاد حكيناه لالك كثير وقت كنا نجي لعند بابك لنفهم وانتي بعدك راكبة راسك بس يالا اجا ع راسك..

سارة :- بس انا ماكنت بدي طلاق

زينة :- لو ماكنتي بدك طلاق ماوصلت حياتك لهون بس انتي اصريتي تكسري خاطر اخي وخاطرنا..

سارة :- 😭

زينة :- على فكرة مارح يفيدك البكي هلق، بكتينا وبكيتي قبلك امي.. اذا سمحتي سارة روحي

امي :- طيب فوتي اقعدي بغرفة ريهام

زينة :- امي..

امي:- زينة خلص شو بدنا نعمل فوتيها لجوا

زينة :- لك امي رح تقوم الدني وتقعد اذا شافت خطيبتو وجودها..

امي :- بنتي والله ماهان عليه شوفها عم تبكي

زينة :- بس هان عليها وقت اتصلتي تترجيها وعملت حالا انو ما معها خبر.. ع العموم امي بنصحك لا تخبري زياد

امي :- اعمليا كاسة ليمون

زينة : اي تكرمي امي..

ابي :- شبك زينة راحت سارة

زينة :- لا يابابا لان امي فوتتا ع غرفة ريهام الله يستر هلق شو رح يصير

ابي :- ليش فوتتها شو في

امي :- مافي شي ابو زياد بس البنت شكلا تعبانة يعني قلوبنا مانها من حجر

ابي :- واذا شافا زياد

امي:- زياد مبسوط مع خطيبتو وما اعتقد رح تنزعلو مراقو

ابي :- وشو بدها

امي :- بدها تحكي معو

ابي :- بشو

امي :- والله مابعرف

ابي :- طيب فهميها مشان حياتها معو تنساه خلص لان رح يبلش حياة جديدة..

زياد :- امي عن مين بتحكو

ابي :- هاي سارة بدها تحكي معك

زياد :- وين، وشو بدا ?

ابي :- امك دخلتا ع غرفة ريهام ماحبت تشوفها دبيكا

زياد :- اه ريهام وينا

امي :- ريهام عندا دورة تدربية وطلعت

زياد :_ وزينة

امي : عم تعمل كاسة ليمون

زياد :- طيب فيكي امي تخبريها تروح تقعد مع دبيكا او اقعدو معها انتو لا تخلوها تجي لهون..

امي :- اي بصير

زياد :- انا فايت احكي مع سارة

امي :- زياد

زياد :- وانا كنت بدي حاكيها من زمان..

...

مرق شي ساعة وماعرفنا شو عم يدور بين سارة وزياد حاولت اتسمع كانو عم يصرخوا ويتخانقو وصوت بكائها العالي.. بعدها انفتح الباب وهربت ع الحديقة كرمال اخي مايشوفني.. وشفتا وهي طالعة وووبعدها اجا اخي قعد معنا شوي.. عم يتصنع الضحكة كان عم يحاول يهرب من سؤالنا ومن نظراتنا..

زياد :- فينا نمشي دبيكا

دبيكا :- نعم بالطبع

زياد :- البسي جاكيتك لان الجو شوي بارد برا

دبيكا :- امي ابي اودعكم الان .. زينة عزيزتي ضميني شكرا على شراب الليمون.

زينة :_ صحة وهنا

امي :- ماشربتي العصير للي بالغرفة

زينة :- لاء مابتستاهل

امي :- ما اقواكي..

زياد :- يالا امي بشوفكن بعد ساعة..

امي :- الله معك. زينة تعي لهون شفتك رحتي لهونيك شو سمعتي..

زينة :- كانو عم يصرخوا ويعاتبو بعض ان شاء الله امي ماتنزعلنا بفرحتنا هالدبة

امي :- اااااه ياربي الله يمشي هالايام على خير..

ريهام :- مساء الخير

امي :- وهاي ريهام اجت

ريهام :- بتعرفو مين شفت اليوم

امي :- مين

ريهام :- سارة من شوي مارقة من الشارع وقفتني

امي :- اي وشو بدا

ريهام :- عم تقلي شو صار لو قبلتو ليه كسرتو قلبي انا وخيك بس كل شي بتصلح هيك خيك وعدني.

..

بس ماعرفت شو بتقصد اخي وعدها ليكون عم تتواصل مع زياد

زينة :- لاء يا اختي الغالية ما بتتواصل لان سارة قابلتو فيس تو فيس..

ريهام :- شه هالحكي متي وكيف عرفتو

زينة :- اجت لهون والله

ريهام :- لااااء هاي مزحة اكيد

زينة :- لا والله مو مزح.. اسالي امك

ريهام :- ماما.. بس هلق شفت دبيكا بالسيارة هي وزياد قابلتن سوا

امي :- لاء كانت دبيكا معنا وهو وهي قعدو بالغرفة..

زينة :- والله بدا تخرب فرحتنا

ابي :- ماتفكرو كثير مارح تخرب فرحتكن ولا شي، زياد عاقل وفهمان وبيعرف بالاصول..

زينة :- بكرها لهاي المخلوقة انا بكرها..

ابي :- يا زينة روقي

زينة :-ماهو الحق ع امي هي يلي فوتتها لهون

ابي :- اعملينا فنجاة قهوة زينة..

زينة :- اي تكرم بابا..

مرقت الساعة ورجع زياد اجتمعنا كلنا حواليه لنعرف شو صار..

امي :- امي شو بدا منك سارة طمنا

زياد :- نرجع لبعض

امي :- شو هالحكي بعقلا فيو شي انت رح تتزوج

زياد :- حكيت معها

زينة : اي اخي قلعا من حياتك والله صرماية دبيكا واهلا بيسوها..

زياد :- لا تحكي هيك زينة

زينة :- لاء بدي احكي

زياد :- قلت لا تحكي لان بدي رجعها

امي :- شوووووو

ابي :- لك ابني قطعنا مهر وعرسك بعد ايام شو عم تحكي

ريهام :- يا اخي ياحبيبي فكر منيح

زياد :- انا اخد قراري

امي :- لك ابني وبنت الناس

زياد :- كمان رح اضل على ذمتي

امي :- مافي زوجة بترضا بهالشي

زياد :- بس دبيكا قبلت

امي :- لاء فعلا جنيتو شو عم تحكي عروس بعدا ما اتزوجت وقبلت بضرة.. ابني ليكون كسرت خاطر البنت..

زياد :- البنت واهلا موافقين

زينة :- وكمان اهلا يا حبيبي من يلي جاي

ابي :- ابني فهمني شو صار معك

زياد :- انا يابي بدي اياها بس لو ماعملت يلي عملتو وهي ماكان ذنبها كانت امها غاصبتا يا نعمل يلي بدها اياه يا تجبرها تتركني. امها بتعرفو بتحب المظاهر

زينة :- وانت سدقتا لهاي الكذابة

زياد :- زينة اخرسي ولا تحكي حرف هاي حياتي مانها حياتك.. اذا سمحتي لا تدخلي.. انا بدي اياها وبحبها وكنت ناطر الوقت كلو لتجي.. ودبيكا واهلا شرحتلن الوضع ومارفضو بس طلبو اعدل بينهن.. مابدهن الطلاق لان شي مانو محبب عندن..

ابي :- اي وشو بدك تعمل مع اهل سارة

زياد :- رح اجبرها تتزوج بدون الفزلكة تبعت امها..

امي :- واذا رفضت امها..

زياد :- ما اعتقد ترفض..

.. بقيت طول حديثهن ساكتة لان اخي سكتني وماحبيت ادخل بشي بس قلبي دليلي انو سارة مصيبة كبيرة لاخي بس تركتو للزمن.. اتصل قدامنا عليها وحطلا شروط وهي وافقت واعتذرت ع اساس ع التلفون منا ومن امي..وحكى اخي مع امها وقالت متل مابدك المهم بنتي تكون راضية..

بالسهرة ماهان عليه دبيكا وبعتلا احكيها كانت ع طول تضحك معنا وترسل صور وفساتين..

زينة :- دبيكا انتي منيحة

دبيكا :- نوعا ما

زينة :- ليه رفعتي صورتك انتي وزياد من هون..

دبيكا :- أعجبتني هذة الوردة وقمت بتغيرها

زينة:- بس انتي مابتغيرها حتى لو عجبك شي

دبيكا :- زياد هل هو بخير

زينة :- ماعم يحكيكي

دبيكا :- قال انه مشغول حاليا، انا لا اشعر انني بخير

زينة:- ليه وافقتي

دبيكا :- هل هي جميلة

زينة :- مابتصل لربع جمالك

دبيكا :- يحبها اليس كذالك

زينة :- مو اكثر منك بس هي صارت تترجاه وتبكي

دبيكا :- هو قال انه يحبها

زينة :- انتي لا تزعلي نحنا هون كلنا بنحبك ومابدنا نخسرك وهي رح تطلع من حياتك

دبيكا :- انا احبه جدا ولا اريد خسارته

زينة :- وحياة عيونك لتنقلع من حياتك بس صبرك

دبيكا :- لم افهم

زينة :- سوف تذهب من حياتك

دبيكا :- متى هل قال زياد ذلك

زينة :- لا انا بس قلت

دبيكا :- 😢.

زينة :- لا تبكي، المهم قلتي رح ترسلي لالي فيديو لرقصة باكستانية نتعلمها..

دبيكا :- لا اشعر بخير اريد ان انام. لقد اتصلت مرارا على زياد ولكن خط الهاتف مشغول.

زينة :- بكون عم يحاكي رفيقو لا تقلقي اي..

دبيكا :- اعتقد انه يحاكي زوجته القديمة...سوف اذهب للنوم اعتني بنفسك..

..

بعد الساعة 2 ليلا..

دبيكا :- زينة هل مازلت متواجدة..

زينة :- اي سهرانة عم ادرس شوي فيكي شي..

دبيكا :- مازال خط الهاتف مشغول

زينة :-، 😢 انطري شوي وبحكيكي اي..

( ما قدرت اصبر وطلعت على غرفة اخي دقيت الباب..

زياد :- مين

زينة :- فيني فوت

زياد :- بحكيكي بعدين سارة نامي انتي هلق وبنحكي الصبح.. تصبحي على خير .. فوتي زينة شو مفيقك هلق

زينة :- انت زعلان مني..

زياد :- لاء بس فكرتك زعلانة مني..

زينة :- شوف هالرسائل..

زياد :- بعرف كانت عم ادق

زينة :- طيب اخي بهون عليك تكسر خاطرها

زياد :- ماعرفان شو اتصرف متل المشتت صاير

زينة :- يعني معلش اخي اتحملني بتعرفني لساني شوي سليط اذا من اول يوم رجعت فيه سارة ما فصلت التلفون معها واهملتا لدبيكا شلون من تزوجو.

زياد :- لاء لان في حديث طويل اتناقشت فيه بكرة بحاكيها لدبيكا

زينة؛:- حاكيها هلق وفهمها اكيد المخلوقة زعلانة من يلي صار مالحقت تفرح لقت هالصدمة بوجهها.. حاكيها بعدا فايقة

زياد :- يالا رح احكيها

زينة:- ماشي اخي بدك شي..

زياد :- لا تصبحي على خير..

..

امي :- زينة بعدك صاحية ماما في شي

زينة :- والله امي كنت بخير لعند ما فوتيها للهانم لتحكي مع زياد انقلب حال البيت الله لا يسامحنا ليكها المخلوقة دبيكا رح تموت قهر..

امي :- خيك منيح ومارح يقصر..

زينة :- طيب مازالو بحبها ليش مارجعها بدون مايخطب مرة تانية ويكسر خاطر دبيكا..

امي :- لا تقلقي رح انحاول قد مافينا نرضيها ورح تكون العروس الاولى ونعمل عرسها ونسافر ونفرح ونفرحها..

زينة :- الله كريم..

مرقت الايام وكانو اهلي ع طول يعزمو دبيكا واهلا ويرحبو فيهن.. وامي ماكانت تقصر هي وابي بالهدايا لالها.. وبتجهيز شقتها يلي اهلها فرشوها كلا ع نظام حياتهن..

وهون بلشت ايام الفرح يلي مدت على ايام.. قبل لنسافر وعملنا حنة عروس على الطريقة الباكستانية..

امي :- ريهام حطيتو كل شي بالشنت امي

زينة :- ريهام فوق بس اي كل شي تمام ..

زياد :- يالا امي السيارة ناطرتنا للمطار

زينة :- ريهام يالا رح نطلع اذا اتاخرتي رح تبقي هون

ريهام :- لاااء انطرووو بس شوي..

..

كانو اهل دبيكا سابقينا كلن بأيام، ومتلهفين بروحتنا لهونيك على قد ماشرحت دبيكا عن عاداتهن الحلوة. وسافرنا..

كان الاستقبال حافل وعبارة عن عرس.. كانو الستات من قرايب دبيكا ناطرينا.. كان لبساهن حلو ومزخرش متل التوب الهندي بس مستور.. وجمالهن ماشاء الله لا يوصف.. فتنا لبيت اشبه بالقصر.. بالبداية كان ساحة البيت ستات عم تشتغل بطواجن اكل كبيرة كثير.. وستات عم تعجن وتخبز ع فرن الطابون..وقلايات ضخمة عم يحمى عليها الزيت.. والصغار بكل مكان. الجدات كانو في بداية الاستقبال.. وجدات كثير ماكنا بنعرفهن..

بيتهن كان على الطراز الباكستاني الحديث كان مرتب وواسع.. وبلشت الاهازيج الباكستانية يلي مافهمنا منا شي وبلشو ينزلو بالارض سفرات الاكل.. كنت حاسة حالي عم مثل بفيلم هندي.. اكلنا الاكل الطيب عبارة عن كتلة بهارات مقلية 🤣.. .. اخدتنا دبيكا لنلبس الزي التقليدي الخاص بالحفلة قبل الزواج..

وبعدا اجتمعو القرايب وبلشو يصفقو ويغنوا ودربكات وطبل ومزامير.. وهون استقبلنا عريسنا الهندي.. قصدي اخي يلي كان لابس لباس باكستاني ازرق بيقولوا عنو الباشتو.. وع راسو قبعة علاء الدين وشوي ويحمل المصباح السحري.. اجتمعو اخوتها وبلشو يدورو حولين اخي ويصفقو ع الطبل ويرشو مصاري عليه.. وتروح مجموعة وترجع مجموعة يرقصو معو وينقطوه لعند ماراحو كلن وصار وقت لنام لان بكرة العرس.. فقنا على صوت الاهازيج والمزامير من تاني..

ريهام :- امي شفتي دبيكا

امي :- اخدوها خبوها قال هيك العادات ماحد يشوفها

ريهام :- ونحنا شو رح نعمل

امي :- جابو صناديق بالغرف لالنا فيها تياب شفتوهن

زينة :- يااااي رايحة شوفهن..

امي :- قال اليوم مافينا نشوفا لدبيكا

زينة :- شلون هيك

امي :- لان العرس بكرة لازم باليوم الثالث بنشوفها ..

زينة :- طيب شو رح نعمل

امي :- هاد اليوم لزياد 😂😂😍😍..

بعد ساعتين اجا اخي يلي كان كمان لبس جديد اسود مزخرف وكان محاط بالجدات بايديهن صحون ورد... وبلشو يدعو ادعية الرجال وبكل كلمة امين ترش جدة منهن الورد على اخي وعلينا..

كانت عادات حلوة.. وخاصة بالاكل.. وبهاد اليوم ماشفنا دبيكا..
تالت يوم وهو يلي لازم نروح ع الفندق يلي رح يقيم فيه العرس المفصول الرجال عن الستات فيه.. وهالمرة نحنا لبسنا متل مابدنا وما تقيدنا بالزي الباكستاني لان عروستنا كانت تاركة هالشي لالنا.. بلشت امي وامها والخالات نستقبل ضيوفهن الراقيين بصالة الفرح.. وانا واختي كنا مشغولين بالبث المباشر لقرايبنا بسوريا..

زينة :- اختي هاي سارة عم ادق ع الواتس

ريهام :- ان شاء الله ما تنكد ع سمانا شو بدا هلق.. بس ماتتصل ع زياد وتنزع ليلتو

زينة :- اخي تلفونو مع امي رح رد عليها.. الو

سارة :- زينة كيفك

زينة :- اهلين خير في شي

سارة :- عم اتصل على زياد ماعم يرد

زينة :- زياد راح ع الصين مع عروستو بشهر عسل..

سارة :- ممممم

زينة :- بنصحك لا تتصلي لان تلفونو مع ماما.. ومافي الا تلفون عروستنا دبيكا معو

سارة :- زينة هو اتزوج

زينة :- يييي بعدك عم تحلمي.. لك بدو يصير عندن كمان اولاد..

سارة :- ليه هيك عم تحكي

زينة :- والله اقلك شي من الاخر اطلعي من حياتنا.. ومن حياة اخي..

سارة :- زينة استني. انا قطعت تذكرة وبدي اجي لعندكن

زينة :- لااا جد انتي مجنونة

سارة :- انا اخدت حتى العنوان من بطاقة الدعوة يلي ناشرتا دبيكا

زينة :- لا فعلا انتي مجنونة ومخك ضرب اذا بتفكري تجي لهون راسك بدي افصلا عن جسمك . يالا طيري.

سارة :- زينة افهمي انا بس خطيبة اخوكي انا الاساس ليش ماعم تفهمو من متى صارت هالمخلوقة احسن من بنت بلدك زينة..... ..

..