جواد: لا ستي شو نتخانق ... هي تسترجي بسس
حنين:هههههه بالله؟
جواد: والله
حنين: جواد ...بس نجيب االاغراض ونرجع خدنا شي مكان
جواد: الوقت بكون متاخر ...
حنين: عادي
ام جابر : اي خدها مش غلط .. اكسبوا هالايام قببل الزواج
جواد: مابدي
حنين: يلااا كرمالي ...
مديت راسي من بين الكرسين وقرصته ع خده بخفه
ماقدر مايضحك ...كنت عارفه انو زعلان مني عشان هيك حبيت الطف الجو ...
ام جابر: خلص خدها حرام ..بتوصلني عالبيت وبتاخدها
حنين: لا بتيجي معنا
ام جابر: شو بدو يجبني معكم؟ انتو خطاب اطلعوا واتهنوا حبيبتي ....
جواد:بس كرمال ستي ...
حنين: بالله؟
جواد؛ والله ...
وصلنا البيت واخدت كل اغراضي كان جواد بالصالون عم ينطرنا ويدخن ... اخر اشي بس اجينا نخلص وهي ام جابر بتضب معي وقع بايدها بالغلط جاكيت جواد يييي ييي يافضيحتي قدامه هلا شو بدو يحكي علي
ام جابر بصوت عالي؛ لكككك جواد هي جاكيتك الي كان ضايع ...وقلبنا الغرفه عليه
اجا جواد ركاض عنا وشافه ..صار يضحك وحكالي: جاكيتي شو بعمل عندك ياحراميه؟ ..دفعت حقه كتير
حنين: انا؟ لا لاا مش اانا ...انووو يعني ي
ام جابر: ههههههه شو عم يعمل عندك؟
جواد: ستي حرام بكون ناطط بالغلط مع اواعيها هاتيه لهون ....
حنين:انا سابقتكمم تحت ...
تركتهم ونزلت انطرهم باالسياره وجواد وسته فارطين ضحك ..خمس دقايق كانوا مخلصين ونازلين ييييي ياخزوتييييي ....
اخدنا الاواعي ورجعنا عالبيت نزلت ام جابر وانا نزلت قعدت من قدام ...
حنين: يلااا
جواد: لوين؟
حنين: شو لوين؟
جواد: مافي روحه
حنين: يلاااا كتيير ماله وزهقانه
جواد: باخدك بس بشرط
حنين:موافقه
جواد: قبل لتعرفي شو هو الشرط؟
حنين: شو مايكون موافقه
جواد: ههههه متاكده؟
حنين: اه المهم اطلع ...
جواد: تمام ..واشر ع خده وكمل حكي ...اعطيني بوسة
حنين؛ بالله ؟ مابدي
جواد: حره انتي يلا معك ثواني تقرري والا رح انزل
حنين: ماازنخك ..طيب ماشي ...
غمضت عيوني وقربت شوي شوي وبسته من خده بسرعه
حنين: يلااا
جواد؛ هههههه لازم يعني شحده نشحدها منك
طنشته ومشي بالسياره ...
حنين: جواد ...
جواد: نعم؟
حنين: بعرف انك كتير انقهرت مني االيوم بس مش بايدي والله .. حقك علي
جواد: ماشي بس هالمره وياريت مايتكرر هاد الاسلوب تاني مره
حنين: حاضر ..
مسكت ايده وبستها (كتير بحبك)
وقف السياره وصفن فيي
جواد: شو قلتي؟
حنين: انا بحبك ...
جواد: لكككك ريتك قلبييي
وشغل السياره وحط اغنية اخيرا قالها قال احبك قالها
وانا طول الطريق مبسوطة معه يالله شو حلو يكون عندك حدا سند ....
......................
رن الجواال وردت ام جواد
ام جواد: الوو
ام يارا: كيفك ام جواد؟
ام جواد: اهلاا ام يارا الحمدلله وانتي
ام يارا: الحمدلله بدي افتح معك موضوع
ام جواد: خير ان شاءالله
ام يارا: بصراحه بدنا ناخد منكم موعد نيجي نشوف بنتك جنى لابننا محمد
ام جواد: يامية اهلا وسهلا بتشرفونا باي وقت بتحبوا
ام يارا: اهلين فيك ... بدنا نجيب الشب بالمره شو رايك؟
ام جواد: االي بريحكم ...
ام يارا: خلص منيح ع اتفاقنا بكره بعد العشا
ام جواد؛ اهلا وسهلا بتنوروا
سكرت الخط وهي مبتسمه راحت اتجاه غرفة ابو جواد وفاتت
ام جواد: ابو جواد اتصلت ام يارا
ابو جواد: بعرف شو بدهم
ام جواد: بتعرف؟
ابو جواد: اه بعرف بدهم ييجوا يشوفوا جنى لمحمد
ام جواد:وليش ماخبرتني
ابو جواد: هي الي صار ..روحي خبري جنى عشان يكون عندها علم
ام جواد: هيني رايحه...
خرجت من الغرفه وفاتتت عند بناتها كانوا عالجوال
ام جواد: جنى بكره جاييك خطاب
جنى: مين؟
ام جواد: محمد اخو يارا
جنى: طيب
ام جواد: عشان تجهزيلي حالك بكره بعد لعشا
جنى: ان شاءلله
ام جواد:الله يجعلك نصيبه يارب
جنى: ليش ؟
ام جواد: لانه ابوك كان نفسه يناسبهم بس شفتي جواد ويارا شو عملوا ....
جنى :وبالاخر انا بطلع بالوجه
ام جواد؛ زي ماحكيتلك عشان يكون عندك علم ماتتاخري بالدوام عشان تلحقي تجهزي حالك
جنى: ماشي ...
خرجت امهم ....
جود: شو جنى مش مبسوطة؟
جنى : مابعرف عادي
جود: والله بقولوا انووشخصيه بعد مارجع من السفر
جنى : شو بهمني الشخصصيه المهم العقل
جود: بكره بتشوفي وبتحكمي
جنى : هو هيك ....
تاني يوم بعد العشا كانت عم تزبط حالها...لابسه فستان طويل لون ابيض وشال خمري وحطت شوية مكياج ونطرتهم ليجوا .. عشر دقايق كانوا واصلين استقبلوهم اهلها واخوتها كلهم......
كان ابو جواد وابو يارا كتير مبسوطين وبدعوا يارب يصير نصيب ...
فاتت تعمل قهوه وهي متوتره وايديها برجفوا وجود بالمطبخ عم تهدي فيها..شوي وفاتت امها تستعجلها
جنى : امي مابدي اخرج خلص

ام جواد: لك بلا هبل امشي خلصيني امسكي الصينية مزبوط وارفعي ظهرك واخرجي احكي السلام عليكم
جود: هههههه قلبي معك جنى ..
غمضت عيونها ومسكت الصينيه وخرجت ورا امها والقت السلام ...صارت تقدم بالقهوه ووصلت عنده رفع نظره عليها وابتسم ... كتير خجلت ماصدقت تخلص وراحت قعدت بحد امها ... طول وقته بطلع عليها وهي تسرق نظرات كل شوي ...كان شكله كتير حلو وعاجبها
صحيت عصوت ابوها بحكيلها تقوم هي واياه يقعدوا يحكوا ويتعرفوا عبعض ...قامت وهو قام وراها فاتوا عغرفة القعده وقعدوا
محمد: كيفك؟
جنى: الحمدلله انت
محمد: الحمدلله.. رح احكيلك عن حالي ..انا محمد عمري ٣٠ سنة تغربت ٧ سنين وهلا رجعت وبدي افتح مشروعي الخاص هون وازا حابه تسالي اي اشي اسالي
جنى : انا جنى عمري ٢٤ سنه ودارسه اداره واعمال وحاليا بشتغل بمركز ...
محمد: بتعرفي اني من اول ماشفتك عجبتيني
جنى : ههههه انا؟ وين شفتني
محمد: يوم عرس اختي يارا كنتي مع اخوك جواد وامك
جنى : هههههه ليش انا ماشفتك ؟
محمد: هههههه مابعرف
جنى : يعني انت بس شفت

الجزء التاسع
ام وائل دوبها جاي
حنين:صباح الخير ...
ام وائل:يسعد صباحك كيف صرتي ؟
حنين:ليش شبني انا
ام وائل:حرارتك وصلت ال٤٠
حنين:انا ؟
ام وائل:اه
حنين:وشو صار؟
ام وائل:والله مابعرف لما اجيت الصبح فتحتلي ام جابر يادوب حكتلي هيك كانت نصها غفيانه ماحبيت اخد واعطي معها لانها تعبانه كانت ...فوتي عالصالون رح اعمل قهوه ..وام جواد بدها تنزل حكتلي
تركتها وفتت عالصالون ونا قاعده بنفتح باب ستي كان جواد وامه ...
جواد:حنين!! كيف صرتي؟
حنين:الحمدلله
ام جواد:الحمدلله والله خفنا عليك امبارح ...
حنين:مع اني مش متزكره اشي
جواد: اي ومابتتزكري الساعه ٦ ونص الصبح لما طلعتي والدنيا هوا مش طبيعي ..انت شو بتهيالك؟
حنين:عادي شو يعني؟
جود: يارب تعطيني الصبر ..
ام جواد؛ اهدوا عساعة الصبح ....
كان لابس لبس الشغل ريتو يؤبر قلبي محلاه وحاطط عطر ...
فاتوا وقعدنا ...
جواد: حنين ...العرس مش باقيله كتير معك بس ٣ ايام تجهزي فيهم اد ماتقدري من جهازك والي مابتقدروا عليه لبعد الزواج ..
حنين:ماشي
جواد: واي اشي بنقص عليكم بتحكولي
هزيت راسي ....فكرة انو مش ضايل غير كم يوم وبصير انا وياه عايشين مع بعض مش قادره استوعبها والله وهو بحكي معي بحسو بدو يقتلني...
شربنا القهوه وهو طلع عشغله وانا طلعت مع ام جواد عالسوق ضلينا للمغرب بس نجيب اغراض والحمدلله انجزنا شوي ...كتير تعبنا مش شوي... هيك لمدة ٣ ايام وخلال هالايام ماشفت جواد وهالشي كان مريحني كتير مش شوي
بالنسبه لجنى وافقت بس اتفقوا مايصير خطبة لبعد عرسنا .....ياربي التوتر ... صحيت يوم العرس عصوت ام جابر افطرت كم لقمه ونزلوا جود وجنى عشان يجوا معي عالصالون كان جواد برا عم ينطرنا خلصنا وطلعنا عنده فتحت الباب وفتت انا واياهم
حنين:صباح الخير
جواد:لككك احلى صباحححح
مسك ايدي وباسها
جنى:احمم نحن هنا
جواد:مرتي وحر فيها
جود:يااي..
شغل السياره ومشينا وطول الطريق ونا ساكته واعصابي متوتره وكتير خايفه ..ياريت امي وابي معي بهالفرحه والله حاسه حالي لحالي ...كل اشي ناقص بدونهم حاسه حالي مقطوعه من شجره .. حاولت ماابكي بس نزلوا دموعي ..
انتبه علي جواد
جواد: حنين شبك
اطلعت فيه بطرف عيني وحكيت
حنين: جواد انا خايفه
جواد: من شو؟
حنين: منك ومن هاالزواج وحاسه حالي لحالي لا اهل ولا ام ولا اب ولا حدا ... انت متخيل الشعور ..جواد خلينا ناجل كل العرس كرمال الله كتير متوتره
مسك ايدي وباسها
جواد: لاتخافي رح حطك بين عيوني واكون سندك بوعدك
جنى: لككك حنين هلا بنبكي معك شو هاد يا
جود: لككك شبكمم اليوم عرس اخي المفروض نضحك مش نبكي ...
حنين: حقكم علي والله
جود :عم نمزح ولك
جواد: حنين لاتفكري كتير ... هدي حالك وازا بدك منلغي ام العرس كله
جنى: بالله؟ احنا بنستنى عرس اخونا بالنتفه واخر اشي تلغيه؟ لا ماحزرتوا بدنا نرقص وننبسط كمان
جواد: انت اسكتي والتهي بخطبتك
جود: ههههههه صفيتوا كلكم خاطبين وانا لا
حنين؛ هههههههههههه
ضلوا يحكوا ويتناغشوا علي لحتى روقت وبس وصلنا نزلوا جنى وجود واجيت انزل بس مسكني جواد
جواد: حنين .. كوني منيحه واتاكدي انو كل اشي حييكون تمام ماشي؟
هزيت راسي ورحت معهم ...
فتنا االصالون وبلشوا فينا مكياج وشعر ... انا كنت بقسم والمرافقات بقسم...كانت تعاملهم كتير منيح ومريح غيرولي نفسيتي وتحسنت ...
بس خلصنا وجهزت وقفت واطلعت بحالي
شو هاد انا عمري مااتمكيجت هيك عنجد طالعه بجنن ضحكت ضحكة طويله ...طالعه ملكه مع البدله هلا بس يشوفني جواد حينجلط من جمالي ..
..................
تركتها نزلت عالصالون ورحت بس كل بالي وتفكيري عندها...كنت اضل اتصل واطمن عليها وشكله خف التوتر عندها ..انا كنت عارف انها مدايقه من عدم وجود حدا من اهلها وعيلتها عندها واالاشي هاد مش سهل بالمره حسبي الله فيهم بس يارب اقدر اعوضها عنهم كلهم واكون سندك واهلك وعيلتك وكل اشي حلو يارب
ابتسمت لما شفت اسمها عالشاشه رفعت الخط
جواد: اه ياعمري
حنين: انا جاهزه يلاا
جواد: مسافة الطريق..
سكرت االخط وطلعت عالصالون وكل مااقرب خطوه دقات قلبي تصير مليون اكيد طالعه بتجنن ..ماصدقت اوصل حسيت الدقيقه عباره عن ساعه ...
اتصلت بجاد عشان يروح ياخد جنى وجود لاني رح اطلع مع حنين نعمل جلسة تصوير ونروح عالقاعه وخبرت جنى وجود انه جاد حياخدهم مش انا
وصلت الصالون واول مافتت كانت لافهه وجهها ومش شايف اشي غير ظهرها والبدله ...
مشيت لعندها بخطوات بطيئه وهما عم يصورونا مسكت كتفها ولفت لعندي بابتسامه ... ماتوقعتها تطلع بهاالجمال ابدا ... ابتسمت ابتسامه كبيره وقربت لعندها بستها من جبينها وهمستلها وفي دمعه بعيوني

(بوعدك اكون سندك وعوض قلبك الحلو)
مسكتها ولفيت فيها والي هناك صاروا يصوتوا ويزلغطوا من الفرحه ...نزلتها ومسكت ايدها ...وتوجهنا عجلسة التصوير ...بلشنا نعمل شو ماتحكيلنا المصوره وحسيتها كتير طايره من الفرح ومبسوطة وانا هاد الي بدي اياه ... توترها خف كتير مشش شوي ... ساعه كامله واحنا نتصور وحنين وحركاتها ونغاشتها قتلوني ...
خلصنا وتوجهنا للقاعه وااول مانزلنا خليتها تغطي عن وجها قدام الزلام واستلمتنا الدبكه من السياره لحد اللوج جوا ... خلصوا الدبكه وخرجوا... قامت عن وجهها وراسها واشتغلوا الاغاني بلشنا نرقص ومبسوطين انا واياها ومش حاسين بحدا حوالينا ع ضحك ورقص ...
وقت السلو انطفت الاضويه مسكت خصرها وقربتها لعندي...وبلشنا رقص ... كنت حاسسها مبسوطة وطايره
جواد: كيف العرس والتزيين والتنسيق؟
حنين: بجننوا ماعمري توقعت يكون عرسي هيك
جواد: معي انا اتوقعي كل اشي
حنين: جواد ... انت عوض قلبييي الحلو
جواد:وانت كل حياتي ...
ضلينا نرقص ومبسوطين
العرس تم متل مابدنا واكتر ...
............................................
مشيت معصبه منه وهو لاحقها
قيس: يارا استنيييييي
يارا: بعد عنييييييي لاتحكي معي
قيس: لك استننننيييي يا مجنونة
لفت لعنده وهي عم تبكي وضربته ع ايده
يارا:هلا بدي ارجع عند اهلي احجزي الطياره
قيس: لكككككككك مجنونه انتتتتت؟
يارا: اه مجنونه هلا بدك تحكيلي مين هاييييي؟
قيس: لككككك وربيي مابعرفها اجت بدها تحكي مكالمه من جوالي عشان جوالها طافي بس ماقبلت اعطيها
يارا: وليش هيك كانت قريبه منك؟
قيس: شو عرفني روحي اساليها الها
يارا: مابدي اسال حدا بدي اروح عالبيت
قيس: يارا بربك لاتنزعيلنا شهر العسل
يارا: خلص قيس لاعاد تحكي معي
قيس: استغفر الله العظيم
تركها وخبط الباب ونزل وهو معصب اما هي ضبت اغراضها كلهم وحطت اجر ع اجر ورنت ع اخوها وهي عم تبكي
يارا: محمدددد تعال خدني هلاا هلا
محمد: يارا!!! شبك عم تبكي شو صايرلك
يارا: انا ماعاد بدي قيسسسسيس خليه يتهنى معها
محمد: لك ماعك افهم عليك شو صايرلك ووين قيس؟
يارا: طلع من شوي ... تعال خدني هلا
محمد: شو صاير؟
يارا: خرجت شفت في عنده بنت وقريبه منه كتير مش شوي ..
محمد: طيب طيب راجعلك بس شوي ..
سكر الخط محمد وراح اتصل عقيس..
كان قيس عالشط قاعد ومش طايق حاله منها ومن صغر عقلها رن جواله وكان محمد
قيس: اه محمد
محمد: لك قيس شو صاير بينكم؟
قيس: رنت عليك حكتلك؟
محمد: حكتلي بس مافهمت ولاحرف منها
اتنهد قيس وحكا: محمد هاي اختك ياا اما مجنونة ياامت مجنونه
محمد: ليش ؟
قيس: لك كنت قاعد بامان الله بتيجي بنت مابعرفها ولابتعرفني قربت لعندي وصارت تحكيلي اعطيها جوالي تحكي مكالمه عشان جوالها طافي بس انا رفضت وبقيت واقفه عندي تترجاني...بخرجة اختك شافت هاالمنظر وجنت ..هيني تركتها فوق جانه وبدها ترجع ..بربك يازلمه هاد شهر عسل؟
محمد: ههههههههه بربي الله يعينك ...
قيس: شو بدي اعمل؟
محمد: روح راضيها بكلمتين اختي هبله وبنضحك عليها بكلمتين
قيس: مابدي هلا تقعد تصرخ وتعيط مش ناقصني واالله
محمد: ههههه بدك تتحمل هي النسوان وعقلهم
قيس: لك ماتوقعتها بهالجنان...سيبك مني المهم ريته الف مبارك الخطبه ياارب
محمد: الله يبارك فيك
قيس: المفروض نكون معك بهالمناسبه انا واختك بس هينا بشهر العسل الي كان من الاخر
محمد: ههههههههههههههه طب خلص روح راضيها يلاا
قيس: رايح بس ادعيلي
محمد: الله يقويك على اعدائك ههههههه
سكر الخط ونفخ بقوه(لك بربيييي ولاحبه شو هالمره هاي هو انا بدي اقضي حياتي اراضي فيها ؟ مش عيشه هاي)
طلع لعندها وفات كانت اعده وحاطه اجر عاجر وشنتتها معها غمض عيونه واتنهد
راح لعندها قعد وحط ايده عكتفها
قيس: يارا ..حبيبتي عمري حياتي
يارا: لاتحكي معي
قيس: ازا ماحكيت معك مع مين بدي احكي
يارا: مع هديك البنت
مسك وجهها ولفهه عليه وحكا :لكك ياعمري يايارا حدا بكون عنده هالوجه الحلو والجمال وبروح بطلع ع وحده قرده متل هديك...بعدين نسيتي اديش تعبت لاخدتك ... بدك اياني افرط فيكي بهالسهوله؟ انت عندي بالدنيا كلها ومستحيل اطلع عغيرك
يارا بدموع: قيس انا والله بغار عليك وبخاف تيجي شي ووحده وتخطفك مني
قيس: لاتخافي ... وحياة عيونك ماشايف غيرك
يارا بابتسامه: عنجد؟
قييس:عنجد وحياتك...ضبي الشنته وقومي ننزل مشوار حلو ...خلينا نخلص هاليومين بذكرى حلوه
هزت راسها وقامت معه ...
.................
االنا شهر متزوجين جواد كان كتير منيح معي وحنون وماشفت منه اشي ويوم عن يوم اتعلق فيه اكتر ..كتير حبيته مش شوي ..... جنى خطبت وتمت امور االخطبه ... طبعا الوضع لايخلوا من الطوش بيني وبينه بس عادي يعني ..بيوم كنت عالجوال فجاه برن جوالي كانت ايه الي معي بالشغل باركتلي وانبسطتلي كتير وسالتني ايمتا بدي ارجع اداوم حكيتلها لسا مابعرف...كنت ماله كتير ونزلت اجيب اغراض للبيت وخبرت مرة عمي اني رايحه وحكتلي مااتاخر...بعد ماشريت الاغراض وكل اشي وقبل لاوصل

شارع البيت الي ساكنين فيه بيجي لعندي شب بوقف قدامي وقتها ارتعبت كتير مشش شوي كان معترض طريقي
حنين: ممكن تبعد عن طريقي ؟
الشب: لا
صرت امشي يمين يمشي يمين..اروح شمال يروح شمال اخر اشي ماوعيت عليه غير ضمني بقوه ...حاولت ادفشه عالفاضي بعدها فجاه اختفى وراح اجري بطلوا يحملوني من الرعبه مين هاد وليش هيك عمل؟ معقول بعرفني؟ بس انا مابعرفه مالازم احكي لجواد ابدا ولا حتى لمرة عمي طلعت بدون مااميل عمرة عمي مسحت وجهي وهديت حالي ...العصر كنت اعده عم اطبخ قبل مايرجع من الشغل وطيت عالطبخه وفتت اعمل دوش سريع ...مجرد ماخلصت ولبست اواعي سمعته فايت وخبط الباب ...غريبه ليش خبط الباب خرجت لعنده
وحاولت ابين طبيعيه ...ماوعيت عليه غير ساحبني من ايدي ومفوتني الغرفه ...كان منظره مش طبيعي ومعصب كتير مش شوي ...
معقول عرف؟ كيف عرف ومين حكاله ...بطلت قادره اوقف من الرعبه ...
جواد: اقعدي قدامي اشوف
قعدني عاالتخت وانحنى باتجاهي ماوعيت عليه غير ماسك شعري وشاده بكل قوته
نزلوا دموعي : لكككك اخ شعري
جواد: معك بس ٣ ثواني تحكيلي مين هاد االي كان ضامك وضاممتيه بنص الشارع
حنين:جج ججواد شو عم تحكي مااعم افهم عليك
طبق ايده بقوه عوجهي حسيته غرز اظافره بخدودي
وصار يصرخخخخ بصوت هز الدار
جواد: ميننن هااااااااد الكلبببببببببببببب؟
صرت ابكي وارجف: والله مابعرفه واالله
جواد: احكي مين احسن مااطلع بروحك لكك وصلت فيك االحقاره هيك؟
حنين:لككككك جواد والله والله مابعرفه هو فجاه اعترض طريقي وماوعيت عليه غير ضمني حاولت ابعده مابعد .........
جواد بصراخ: لكككك انا جووووووواددد يوصلني رساله مكتوب فيها ضبها لمرتكككككككككككك؟
صرت ابكي واشهق: جواددددد ولله انا مو هيك لاتتصرف تصرف تندم عليه بعدين ...هاالمره مارح اسامحك
ماكان سامعني ولاشايفني ... ماوعيت عليه غير هاجم علي وعم يضرب فيي وعبطنيييييي وعوجهي وانا اصرخخخخ ليش هيكككك بعمل وشو اعد بصيرررر ليش اتحول لوحشششششش؟؟؟؟؟ليششش شوفيييي؟
بعدها ماوعيت غير ع دم بنزل مني صرت اصرخخخخخ دمممممممممممممممم
وااغمى علي
..........
كنت اعد بالشركه لما وصلني مسج من رقم خاص فتحته كانت حنين واقفه بالشارع مع شب وضاممها وكان مكتوب تحتها ضبها لمرتك قربت الصوره حتى اتاكد كانت هييي...وصلت النار لراسيييييييي وطلعت ركاض من لمكتب متل المجنون بلمح البصر كنت فايت عالبيت ..خبطت الباب خبط واول ماشفتها سحبتها من ايدها وقعدتها عالتخت حاولت افهم منها مين هاد ماكانت تحكي كانت خايفه وكانها بتعرفه وقتها انعمى عقلبييي وماكنت شايف غير صورتها هي واياه ...
لككك توصل فيها لهالدرجة؟ نزلت فيها ضرب عكل مكان بجسمها وهي تصرخ اخر اشي شفت دم عم ينزل منها واغمى عليها .....ليش هيك عملتتتت شو اعد بصير ؟؟؟؟ ياربيييييييي.... رنيت عامي وبسرعه طلعت
فاتت متل المجنونه وصارت تصرخ: لككككك جواد شو عامل فيها الله اكبر عليك...
حملتها متل المجنون عالسياره مع امي وركاض عالمستشفى... امي معصبه مني وانا مش عارف شو اعد بصير معي خايف عليها كتير مش شوي بس بنفس الوقت خانتنيييييييي....وبنص الشارع ... قعدت عااالكرسي وحطيت راسي بين ايدي
جواد: اميييييي ليششش هيك اعد بصيرررررر
ام جواد: لك الله يكسر ايديك ياجواد بسسسس ليش تضربهاا؟؟؟؟ لك الزلمه مابمد ايده عمره.... انت خذلتها.....انت المفروض تكون امانها وملجأنا وسندها وين وعدك الهاااااااا وينننننننن؟ انت مش ابني الي انا ربيته .....
جواد؛ اميييييييييي هاي الي عم اتدافعي عنها خانتني بنص الشارع كمان
طلت الجوال وفرجيتها الصوره
ام جواد: لككككك قبل اي اشي الواحد بفهم وبسمع بعدين بضرب.... انت اكيد لاسمعت منها ولاشي نزلت فيها ضرب ...هاي ماالها حدا بالدنيا غيرنا هيك بتتقاوى عليها ؟
نزلوا دموعي عالي صار طيب والله شفتها بعيونييييي والله .... عشر دقايق وخرجوا الممرضين قامت امي لعندهم
ام جواد: طمنوني
الممرضه: تعرضت لنزيف حاد الله سترها وقدرنا ننقذها بس الجنين الي ببطنها العوض بسلامتكم
بس سمعت هيك حسيت بتقل على قلبيي
صرت ابكي واقول(انا قتلت ابني بايديييي)
ام جواد: انبسطت؟؟ انت هيك دايما بتعصب قبل لاتسمع وهي اخرتها ابنك راح ...
غمضت عيونو وصرت ابكي مقهور بس صحصحت شوي خرجوها عغرفه عاديه ....شوي وفتنا كانت عم تطلع بالسقف وصفنانه ودموعها عم ينزلوا بدون صوت
قربت عندها امي وضمتها وصارت تواسيها وتبكي معها ماكان عندها اي ردة فعل بس صفنانه بالسقف ...قربت عندها بخطوات بطيئه وطلبت من امي تتركني معها بس طلعت امي قعدت عند راسها عالارض وصرت ابكي
جواد: لك ريتها انكسرت ايديييي ولا مديتها عليككك ريتني متتتتت ولا ضربتك

كانت صفنانه بس...صرت امسح عشعرها وابكي
جواد: حنين.... ردي علي ...كرمال الله تردي علييي
لفت وجهها شوي شوي لعندي ودموعها بنزلوا
صرت امسحلها فيهم :لاتبكي ..بس تقومي اضربيني اقتليني اعملي الي بدك اياه فيي .. بس لاتسكتي
حكت بس كلمه وحده : طلقني
جواد: مستحيل طلقك انت روحي وعمري كل حياتي والله بدونك بموت
حنين:حكيلتلك اسمعني لانه هالمره مارح اسامحك
جواد: ماتسامحيني حقك ...بس ماتتركيني
حنين : ليش هيك تعمل؟
جواد:وحياة عيونك لاعرف كل اشي
حنين: مابهمني ...
غضمت عيونها والدموع لسا بتنزل منهم
شو بدي اعمل ياربييي ليش هيك اعد بصير
سندت راسي عحفة التخت وضليت مغمض عيوني انا واحد حقير وكلب ...خمس دقايق عهالحال بعدها فاتت امي وشافتني بهالحاله نزلت لعندي تصحيني مفكرتني نايم ..
فتحت عيوني ووقفت
ام جواد: خلص روح عالبيت ....
جواد: مابدي اروح بدي ابقى عند حنين
ام جواد: اخخخخخ بس
.........................
كنت حامل وراح الجنين!! هههه يلا منيح هيك فش اشي بربطني فيه ... ليش هيك تعمل ياجواد والله العظيم اني بحبك ... بس انت هالمره كسرتني من جوا دمرتني اول مافات عندي هو وامه كانوا دموعه عوجهه بعدها اجا قعد عندي عاالارض وصار يبكي ...اول مره بشوفه هيك ضعيف وببكي وبهالحاله ...وجعني قلبي عليه رغم الي عملو فيي الا انو مااهان علي اشوف منظره هيك نزلوا دموعي وحكيتله: طلقني
مارد علي وضل اعد وحاطط راسه عالتخت ومغمض ...
لحد مافاتتت امه وقام حكالها بدي ابقى عندها
هههههه والله بطلت فاهمته لهالمخلوق ساعه حنون ساعه مجنون ...اخخخ بس ياريتني ماوافقت عليه
ضليت لتاني يوم بالمستشفى طول الليل جواد عندي ونايم عندي عالتخت ووجهه كله دموع وام جواد عالكنباي صحيت ع ١ بالليل عطشانه كتير
حنين: بدييي ميييي..
صحي علي بسرعه قام وعبالي كاسة مي ..لفيت وجهيي بدون م احكي معه ومااخدتها
جواد: حنين خديها
حنين:.......
جواد: طيب انا رح حطها وانت بتاخديها
حطلي اياها عندي واخدتها شربتها دفعه وحده
جواد: كيف حاسة حالك؟
حنين: ........
مسك وجهي وحط اصبعه الابهام عوجهي وصار يحركه بحنيه ونظراته كلها ندم
جواد: لو اضل احكيلك اسف من هون لاموت قليل
حنين:هاالمره غير كل مره
جواد: حقك بكل اشي بدك تعمليه انا بكره رح اشوف مين صاحب الرقم وافهم كل اشي
جواد:رقم شو ؟
طال جواله وفرجاني الرقم وفرجاه شو باعتله
كان رقم خاص كنت حاسه انو حدا بعرفني عامل هالقصه والفلم
حنين: انا متاكده انو حدا بعرفني مليون بالميه حتى عمل معي هالفصل
جواد: والله بس امسكه الا اطلع بروحو
حنين: مابهمني والله انت قتلت جواتي كل اشي حلو
جواد: لاتحكي هيك
طنشته وتمدتت رجع تمدد عندي ولفني كنت ميته خوف منه وبرجف وكل مااغمض بتزكر منظره وهو هاجم علي وبضربني زادت رجفتي منه وصرت ابكي
جواد: حنين....لاتخافي مني والله مارح ااذيكي واضربك بكفي ترجفي وتبكي
حنين: انا بس اطلع مباشره رح اطلب الطلاق
حط اصبعه عتمي وحكا : هشششش الطلاق انسيكي منه مفهوم؟
حنين: ولا بدك اياني اعيش طول عمري معك على اعصابي ؟ الي بضرب مره ومرتين بضرب عشره
جواد: حنين مابدي منك تسامحيني بس ماتتركيني والله بموت
حنين: جواد انا تعبت والله ...
جواد: سلامتك من التعب حطي راسك ونامي واصحك تفكري بالطلاق
غمضت عيوني وحاولت انام بس لساتني برجف منه وخايفه اخر اشي صار يمرر ايده بشعري بحنيه وضل يعمل هيك لغفيت
صحيت تاني يوم وكان وضعي منيح وقعت عورقة الخروج وطلعنا
كان جووااد ماسكني من جهه وامه من جهه وانا بمشي شوي شوي .....
طلعنا بالسياره وطول الطريق ساكتين
حكيت لام جواد: خالتو بعد اذنك انا بدي انزل عند ام جواد
ام جواد: متل مابدك
جواد: مارح تنزل غير عندي وانا الي رح اهتم فيها
حنين: مابدي ...
طنشنا وكمل سواقه واول ماوصلنا وقف السياره ونزل اجا باتجاهي وحملني .... صرت اضربه عشان ينزلني بس هو مطنش كان يطلع كل خطوتين مع بعض فات عالبيت وخبط االباب وترك امه تحت المجنون...ضل حاملني لوصلت التخت انحنى وحطني فيه وغطاني
اجيت اقوم بس وقفلي ...
حنين: انا مستحيل ابقى بهاي الدار ازا بقيت دقيقه هون بكون بدون كرامه
طنشني وراح مابعرف لوين سكر علي باب الغرفه بالمفتاح ... وانا كنت ميته تعب ووجع بعدها ماصحيت ع اشي ..... بعد ساعتين صحيت ع ايد جواد بتخبط وجهي عالخفيف وبصحي فيي
جواد: حنين قومي يللااااا
فتحت عيوني شوي شوي كان ماسك صينيه فيهاصحن شوربه وفيها قطعة جاج ...
وفي كاسة مي وحبة دوا
جواد: يلاا قومي كلي واشربي الدوا
حنين:لاتفكر ازا بتعمل هيك انو رح اضل معك ومارح اتطلق
طنشني ورفع الحرام عني وجاب مخده حطها ورا ظهري وقعد قبالي عطرف التخت مسك المعلقه وبلش بدو يطعميني ..

سكرت تمي مابدي اكل...
جواد: يلااا حنين ... برحمة امك وستك
حنين: ليش تحلفنييييي فيهم؟
جواد؛ يلا بللا كتير حكي
فتحت تمي وصار يطعميني بايده مع اني من جوا مش طايقته بالمره بسس كان يهتم فيي بس خلصت الشوربا حطلي حبة الدوا بايدي واعطاني كاسة المي
شربت الدوا ورجعت اتمددت راح عالمطبخ وانا متمدده سامعته بجلي هههههه وبعدها كان يحكي مكالمه
شوي واجا عندي
جواد: هاي ستي بدها تطلع تطمن عليك هي وعيلتي بس حكيتلهم اني عامل منع زياره عنا من هون لاشعار اخر بلاش يخطفوكي ووتروحي تتخبي واقعد ادور عليك
اطلعت فيه وجحرته وماحكيت معه ولا حتى بدي احكي معه .... وقف عالشباك ورن مكالمه عصاحبه
جواد: اه عمر ...اسمع بدي منك طلبين ... اول طلب بدي ابعتلك هالرقم الخاص تعرفلي مين صاحبه
... مش صعبه عليك جبلي اياه من تحت الارض .
لا لا بعدين بحكيلك ... وتاني طلب بدي تاخدلي اجازه شهر كامل ...ههههههه لا لااااا طيب ماشي باي
ياحبيبي هاد بدو يقعد عندي شهر كامل ويحبسني بالدار والله بحس حالي مابعرفه ...طبعا ماقبل يستقبل حدا من اهله عشان مااروح معهم ..غمضت عيوني وسحبتها نومه لل١٠ بالليل وشكله الدوا هاد فيه منوم
صحيت الدنيا عتمه وهدووووء رهيب قمت شوي شوي صرت امشي للمطبخ شغلت الضو وصرت اعمل قهوه
وينه هاد ؟ لاروح اشوفه عبين ماتغلى القهوه خرجت عالصالون لقيته نايم كشف والدنيا برد رحت عالغرفه جبت حرام واجيت اغطيه قام فتح عيونه ...
حنين:بسم الله
جواد: شو كم الساعه
حنين: ١٠
جواد: ليش قمتي بدك اشي ؟
لويت تمي وحكيت: لااا قمت اعمل قهوه
جواد؛ احسبي حسابي...
تركته ورحت عالمطبخ اعمل القهوه شوي واجا عالمطبخ
جواد: هاتي عنك انا بعملها
حنين:.........
جواد: طنشي مش مشكله المهم انك هون
بعدت عنه عشان يعمل القهوه وخرجت عالصالون قعدت عالكنباي ومديت اجري اخخخ حاسه بوجع لسا ببطني ... اخخخ
صرت اان بصوت واطي ماكان سامعني .....
............
تركتني وخرجت بدون ماتحكي اشي رحت اعمل القهوه الي والها بركي شربناها مغ بعض والله معها حق بكل اشي بس مارح اتركها واسمحلها تروح وتختفي من حياتي حتى لو عحساب كرامتي .. اخدت اجازه شهر كامل عشان اهتم فيها واخدها شهر عسل بس ماحكيتلها ...اخدت القهوه وطلعت عالصالون شفتها عالكنباي حاطه ايدها عبطنها وبتان بصوت يادوب مسموع ركضت لعندها وحطيت االقهوه
قربت لعندها : انت منيحه؟
حنين: مممممم ااخخ
جواد: شو بوجعك؟
حنين: مش قادره بطنييي بطني بتقطع
جواد: انا قايم اجبلك الدوا
رحت ركاض جبتلها حبة الدوا وكاسة مي وخرجت اعطيتها اياهم اخدتهم بسرعه وشربت الحبه... سندت راسها لورا وغمضت عيونها ....
قربت عندها وصرت امسح عشعرها
جواد:انت منيحة؟
ماكانت ترد من الوجع
جواد: هلا بخف الوجع
ضليت امسحلها عراسها واقرئلها قران لحد مافتحت عيونها وصحصحت شوي ..
جواد: احسن؟
هزت راسها بدون ماتحكي اشي
اعطيتها فنجان القهوه وصارت تشرب فيه وانا نفس الشي ..... بعدها ماوعيت عليها غير بسابع نومه من الدوا ....مددتها عالكنباي وتمددت عندها وغطيتها ورحت بسابع نومه
صحيت الصبح عصوت رنة جواالي كانت امي
رديت عليها ونا نصي نايم
جواد:اي امي
ام جواد: شو وضعكم؟ وكيفها لحنين؟
جواد: لاتاكلي همها منيحه ...
ام جواد؛ جواد اترركها تنزل عندي او عند ستك
جواد: امي ... مابدي ولامخلوق يجي عندي هاي الفتره
ام جواد: هلا هيك؟ انا وستك كتير زعلانين
جواد: ماتزعلوا .. انا بديش تلتقوا بحنين لاني متاكده رح تضل معكم وماتقبل ترجع عالبيت .. خليني احل مشاكلي لحالي واحكي لستي ماتزعل واحكيلها حنين منيحه
جواد: والله رح تجبلي الجلطه.... دير باالك عليها واصحك تمد ايدك عليها
جواد؛ طيب ماشي يلا باي
سكرت االخط وقمت كانت لساها نايمه ...تركتها وقمت اعمل قهوه الي والها .. غليتها واخدتها عالصالون
قربت عندها وصرت اضربها كفوف خفيفه حتى تصحى لك شو هاد صايبها خبل .. نشف ريقتي لصحيت..
فتحت عيونها شوي شوي
جواد: صباحو يلا قومي اشربي قهوه
حنين: انا ليش نايمه هون؟
جواد: غفيتي هون وماحبيت اصحيك
اعطيتها فنجان القهوه
حنين: حلمت حلم غريب كتير
جواد: خير اللهم اجعله خير
حنين : حلمت انو ستي اجت بالمنام بتحكيلي كريممم ياحنين كريم ..سالتها ماله ماردت علي وراحت
جواد: عادي الحلم مش اشي بخوف
هزت راسها وصارت تشرب قهوه وهي ساكته وصفنانه ابصر بشو عم تفكر ..
خلصت القهوه واعطيتها الدوا وخليتها تاكل ...
عند ادان الظهر كانت متمدده بالغرفه..رحت عالبرندا شغلت سيجاره ورنيت ع عمر
جواد: اه عمر طمني عرفته
عمر: اه هللا لسا بدي ارن عليك اخبرك
جواد: كتير منيح هات احكيلي مين صاحب الرقم؟

عمر: كريم ...
جواد: شووووووو؟
عمر: مين هاد؟
جواد: استناني شوي وبكون عندك ...
سكرت الخط ورنيت عجود حكيتلها تطلع بدون علم حد وبس اجت اعطيتها مواعيد الادويه لحنين وخبرتها ازا صار اشي ترنلي
جاد: جود هي المفتاح رح احطه امانه معك وازا امي او اي حد اجا احكيله انو جواد حابسني واخد المفتاح تمام؟
جود: ماشي بس وين رايح؟
جواد:مشوار مهم ... جود مابدي احلفك...مش تفتحي لحد.. او تخلي حنين تخرج انا رح احطه عندك عشان ازا لاسمح الله صار ماصار تعرفوا تخرجوا
جود : طيب وعد اخي خلص روح واتوكل ع الله
طلعت من البيت بلمح البصر مباشره عالمكتب عند عمر فتحت الباب وفتت
جواد: عم

الجزء العاشر والاخير
كنت بالغرفه وجواد خرج عالبرنده وسمعته عم يحكي جوال مع حدا وبعد شوي سمعت صوت الباب خبط شككله طلع.... فجاه لقيت جود فايته عندي لك هاي كيف فاتت وهو اخوها مانع حد يطلع عندي؟
حنين: جود؟ لك كيف طلعتي واخوك مانع اي حد منكم يجي عندي؟
ركضضت لعندي وضمتني : الحمدلله عسلامتك والله لنربيلك اياه لجواد
حنين: ههه الله يسلمك ماحكيتيلي كيف صرتي هون؟
جود: جواد بعت وراي
حنين: جواد؟ ليش بعت وراكي؟
جود: مابعرف رن علي حكالي اجي عندك عنده مشوار ضروري ومستعجل
اجيت اقوم وحكيت: منيح عتقني وطلع ... قمت حتى اخرج بس كان الباب مقفل
جود: لك حنين وين نازله؟
حنين: بدي انزل عند ام جابر
جود: كيف رح تنزلي مهو جواد حابسنا وماخد المفتاح
حنين: لككككك اخوكي اخرته رح يجلطني والله
جود: طولي بالك
حنين: انا خلص رح اتطلق من اخوكي
جود: شوو رح تعملي بحالك ووين رح تروحي؟
حنين:لاتخافي علي برجع عالشغل وبستاجر بيت انا تعبت من اخوكي والله
جود: لك وحدي الله ..
مسكتني وقعدنا بالصالون حوالي ساعتين كاملين او اكتر حتى بقينا نحكي وعملتلي قهوه وبعدها عملتلي اكل وخلتني اشرب الدوا هههه جواد موصيها عليي
كنا اعدين فجاه بنفتح الباب وبفوت جواد ووجهه مابتفسر وامه كانت ووراه بس شفته هيك اتزكرت يوم م اجا معصب مني وضربني ... قمت وصرت امشي عالغرفه بسرعه استغربوا مني ...
اما هو لحقني وفات وراي
قعدت عالتخت وحطيت ايدي عوجهيي : بعد عنيييييي بعدددددد لاتضربني ... صرت ارجف وابكي ...
قعد حدي عالتخت وحط ايده عراسي بحنيه
جواد: حنين اهدي مابدي اضربك
حنين: جواد بعد عني
كنت بس ارجف حط ايده تحت دقني ورفعلي وجهي ونزلي ايدي عن وجهي ..

غمضتهم بخوف ....
جواد: حنين اهدي واطلعي فيي بدي احكي معك
ماكنتت ارد عليه ....كانت امه واخته واقفين عالباب ... ضمني لصدره بحنيه وصار يمسح عشعري ...مابكزب عليكم حسيت بحنيته وقدرت شوي احس بشوية حنان .... ضل يمسح عشعري ويهدي فيي لحد ماهديت
جواد: انا مابدي اضربك والله ...ريتها تنكسر ايدي هداك االيوم ولا مديتها عليك
ماكنت ارد عليه ...
بعدني عنه شوي وحكالي : بتعرفي مين ورا كل الي صار ؟
حنين: مابهمني ..الي بهمني هلا اني اطلق واخلص من القلق والخوف الي انا عايشه في بسببك
طنشنيي وكمل حكي: كريم والي مابتتسمى خالتك هما ورا كل اشي وهما الي بعتوا الشب وخلوه يعمل هيك وصوروكي وبعتولي الصوره ...بدك تعرفي ليش؟ لانهم مابحبوكي وبس عرفوا انك تزوجتيني جنت خالتك وقررت تطلقك لانها مابدها اياك تكوني مبسوطة بحياتك بدها اياك تضلك تعاني لانك بنظرها قتلتي توأمها.... عرفتي ليش؟ بعتته عشان تبعدنا عن بعض وتوصلنا لهاي االحاله الي احنا فيها ...
كنت مصدومه بكل حرف عم يحكيه وحاسسته عم بنغز بقلبيييي ...بعدت عنه ووقمت وقفت مش عارفه شو اعمل وشو بصير معي... كله ورا بعضه مش عارفه شو اتحمل لاتحمل بالزبط ... كنت مفكره اانو ازا بعدت عنهم رح ارتاح بس طلعوا ماشيين وراي وورا اخباري ونا معيش خبر ...شو المفروض مني اعمل هلا؟
قربت لعندي ام جواد وجود : انت منيحه؟
بعدت عنهم ووقفت عند الخزانه ... وصرت اقيم كل الاواعي واحطهم عالتخت ... بدي ابعد عنه وعن قرايبي وعن كل العالم بدي اختفييييي.... المفروض هو يكون معي ضد قرايبي بس هو عند اول موقف صدقهم ووقف ضدي.....
قرب لعندي ومسك ايديي بقوه وبعدني عن الخزانه
جواد: شو عم تعملي ؟
حنين: بدي اروح خلص.....بكفيييي.... بكفييييييي انا تعبت منك ومنهم ومن كل حدا بعرفه الي بكون لحاله بهالدنيا لازم يضل لحاله لانه حتى لو اجا يوم وكان في حدا معه هالحدا رح يقلب عليه ... صدقني هيك اريح الي والك ...
كنت احكي وابكي ... وجود وامها عم يبكوا معي وواقفين يطلعوا علينا ...
بعدت ايديي عنه بقوه ورحت وقفت عند التخت وصرت اصرخ وابكي واضرب حالي كفوف كنت منهاره كتير مش شوي.... انا بحبه لجواد وبموت فيه ومش قادره ابعد عنه بسس الي عمله معي مش قليل وبدي ابعد ...بدي ادعس عقلبي وامشي ...
قربوا لعندي يهدوني بس انا كنت ابعدهم عني واصرخ ..سمعت صوت الجرس برن راحت جود تشوف مين ...شوي وفاتت ام جابر عصوتنا ...اتفاجأت بمنظرنا
قربت لعندي بس انا بعدت وكنت بحاله هستيريه
قعدت بارض الغرفه وصرت ابكي واصرخ
(اتركوني ابعدوا عني انا مابدي حدااا....انا لحاليييي وينك ياستييييييييييي وين تركتيني )
قرب لعندي جواد وبلمح البصر رفعني عن الارض وحملني صرت اضربه عصدره عشان ينزلني بس طنشني ....حطني عالتخت ومسك وجهي بايده وهو عم ببكي ...وركز نظره بنظري
جواد: حنين ....اهدي ولاتبكي مش منيح الحاله النفسية لوضعك ووضع بطنك

حنين: مابدي اهدى...مابدي ...الله ياخدني وارتاح واريحكمممم ....راحت جود عالمطبخ جابت كاسة مي واعطتها لجواد..صار يحط ع ايده ويغسلي وجهي بالمي البارده ..ضل يعمل هيك مره ومرتين وتلاته لحد ماهديت .... مابعرف بعدها كيف غفيت ......
صحيت ع ادان المغرب وشكلي سحبتها نومه طويله
فتحت عيوني لقيت جواد عندي نايم وضامنني لعنده اجيت بدي اقوم بس حسيته رجع مسكني ...
حنين: جواد بعد بدي اقوم
فتح عيونه وقام تجلس
جواد: كيف صرتي؟
حنين: منيحه ..
جواد: احكيلي شو الي بريحك وبعملك اياه
حنين: بدي اتطلق
جواد: هيك بتكوني مرتاحه؟
حنين: اه كتير
جواد: متاكده؟
حنين: اه
جواد: طيب ماشي متل مابدك ...اانا رح ارن ع امي وجود يردوا يطلعوا ويضبولك اواعيك بالشنته ..لانك مش قادره
حنين: لا انا بضبهم
طنشني ومسك جواله ورن ع امه وجود وطلعوت بلشوا يضبوا باواعي وانا بالتخت مش قادره اقوم ...قبل ليبشلوا جواد اكد عليهم ماياخدوا كل اواعي لانه بدو يخلي اواعي للضره الجديده لانه مش حمل يضل يشتري اواعي وفي اواعي عندي جداد مالبستهم
خرج برا وتركهم ... وهما يضبوا وانا اعده صفنانه بالتخت ..استغربت كيف جواد الي كان رافض بهالسهوله يطلقني صار بدو يطلق بس هيك احسن خلص ...خلصوا ضبضبة اواعيي بالشنته كان ضابين نص الاواعي والنص التاني عطلب جواد كان بالخزانه
ام جواد: حنين هي شنتتك رح اخرجلك اياها برا
هزيت راسي وخرجوا بعد شوي فات جواد
جواد: بتمنى هيك تكوني مرتاحه ست حنين
ابتسمت وهزيت راسي
جواد: كتير منيح ....بما انك رح تطلقي بكره رح ناخدك عالمستشفى نتطمن على حالتك وبعدها بيوم بنروح عالمحكمه نتطلق
حنين: طيب ماشي ...
جواد: قومي عالصالون هي اجت ستي وجنى كمان بدهم يشربوا عندنا قهوه ....قبل لاتطلقي
قمت عندهم وكانت جود عم تعمل القهوه قعدت عندهم وضميت ام جابر وطلبت منها ماتزعل مني لاني رح اتطلق .. ماعلقت ولا حكت اشي ..
قضينا سهره حلوة معهم وطلع عمي وجاد وكل شي كان تمام ...
تاني يوم صحيت ورحت عالمستشفى وحكولي وضعك منيح ...
جواد: هيك بقدر اطلقك وانا مرتاح بكره من ال ٧ بتجهزيلي حالك نطلع عالمحكمه عشان نخلص
حنين: طيب ماشي
ام جواد:رح نشتقلك
حنين: لاتخافي مرة عمو ح اضل عتواصل معكم
هزت راسها ومشينا بالسياره ..
بس وصلنا فتنا عند ام جابر شربنا معها القهوه وخلتني اتغدى عندها ...بقيت طول اليوم عندها وجنى جود اجوا بعد دوامهم قعدنا وانبسطنا ..
بالليل نزلوا كل بيت عمي وجاد وابوه يسهروا وجواد كان معهم ... كنت اعده معهم
اجا جواد وقعد عندي وحط ايده عكتفي وقربني عنده قدام الكل... انحرجت منه ومن تصرفاته
حنين: لك شو عم تعمل جواد ...
جواد: بدي اشبع منك قبل لانتطلق
حنين: بعد عني خلص
جواد: ماحزرتي
حنين: ماازنخك
جاد: لك جواد خف عالمخلوقه عيب احنا هون
جواد: مادخلكم هاي مرتي وها هي بوسه
قرب لعندي وباسني عخدي قدام الكل
وجهي صار احمر منه ومن حركاته المراهقه
ام جواد: مش ع اساس بدك تطلقها
جواد: مزبوط بدي اطلقها بكره بس ليوم لساها عذمتي ومرتي وحلالي
ام جابر: ههههههه اخ منك ياجواد
ابو جواد: بكره لاتتاخروا عموعد المحكمه
جواد: ولايهمك بستنى ع احر من الجمر
جنى: هيك ياحنين؟ والله رح نستفقدك
حنين: وانا كمان
جود: حنين ماتطولي علينا امانه زورينا
حنين: اكيد ..
شبو جواد شو صايرله مش ع اساس بدوش يطلقني؟ شو هالتغيير المفاجئ ؟ معقول حاطط عينه عوحده تانيه قبل لايطلقني ؟ ومبسوط ..ع اساس بقدرش اعيش بدونك بس عنجد الزلام مالهوش امان لك رايح عالطلاق متل الي رايح عحفله ومبسوط...
ضلينا لل ١٠ ...بلشوا يطلعوا كلهم بقيت انا وجواد ..
جواد؛ يلا حنين
حنين: مابدي بدي انام عند ام جابر
جواد: يارب تصبرني بسسسس
سحبني من ايدي بقوه وطلعنا عالبيت فات وسكر الباب وسندني عليه
حنين: ليش هيكككككك عملت ؟ بديش انام هون بدي انام تحت
جواد: هاي اخر ليله النا هون بدي تكون معك مش بعيده عني ...
مسكني من خصري وقربني عنده وباسني عجبيني
جواد: بحبك يامرتي الهبله
بعدت عنه وحكيت : جواد انا رح ابطل مرتك خلصص بكفييي
رجع مسكني من خصري وقربني عنده وضمنييي
حط كل وجهه بشعري وطنشني ....
بقي طول الليل معي ومانعني اقوم اتحرك ونام وهو ضاممني ...ال عامل حاله بحبني وهو مستعجل عطلاقنا....بس والله بحبه وبحب حنيته وحركاته ...
مابعرف كيف غفيت صحيت تاني يوم عصوت جواد عم يصحي فيي مستعجل ..سحبني من ايدي وقمت رحت غسلت وجهي وبلشت البس
جواد: البسي اشي منيح برا برد
حنين: مادخلك فيي كيف مابدي بلبس
جواد: لاتجننيني
حنين:صح رح نتطلق ؟ مادخلك فيي تمام؟
جواد: بس نتطلق بتشلحي الجاكيت او الي دفيتي حالك فيه منيح؟

صرت اضحك من كلامه وضحك عضحكتي ..لبست منيح وطلعنا كانت الساعه ٧ ونص
نزلنا عند مرة عمي سلمت عليها وضميتها كانت مبتسمه
حنين: مرة عمو ماتزعلي مني حاولت ابقى معه بس ماقدرت ابنك مجنون وصعب الوحده تتعايش معه
ام جواد: هههههه ولا يهمك ..فعلا مجنون
رحت سلمت عجنى وجود وعمي وجاد
ودعتهم ونزلت عند ام جابر وام وائل فحتنا االباب وفتنا
جواد: ستيييي... تعي ودعيها يلاااا
خرجت ام جابر وام وائل لعندي مبتسمين سلمت علي ام وائل بعدها ام جابر : حنين .. بتمنى تبلشي حياه بعيده عن كل زعل وحزن
باستني وضمتني لعندها ودعتهم واخدت شنتتي وخرجنا......
طلعنا بالسياره وطول الوقت ساكتين ...عالطريق نزل جاب كاستين قهوه واجا اعطاني اياها
جواد؛ خدي اتدللي لاخر نفس وانت عذمتي
حنين: مجنون والله
جواد: اشربيها عشان تصحصحي
حنين: لاتخاف مصحصحه بدونها
جواد: لاااا هلا رح تنعسي
حنين: ليش بدي انعس؟
جواد:من كلمة الطلاق الي رح تسمعيها
حنين: اه والله؟
اخدتها وشربت ونا مش عاجبني جواد وحكيه ...لاحظت انو الطريق مش طريق محكمه ومشينا مسافة كتير طويلة استغربت
حنين: جواد لوين ماخدني؟
جواد: .......
حنين: جواد لاتلعب باعصابي كرمال الله
جواد: لك خلص اهدي يالطيف شو بتسالي
حنين: لوين ماخدني؟
جواد: بدي اخطفك
حنين: لك جواد بلا مزحك وين ماخدني
بلشت اتوتر وخايفه لك هاد وين بدو ياخدني ولحالنا كمان؟والله لو يقتلني ماحد بعرف ....
طول الطربق وانا اساله وهو مطنش ...لحد ماوصلنا عاالمطار اتفاجأت كتير مش شوي شو عم يصير؟ بعد شوي رن ع صاحبه دقايق وكان عمر صاحبه جاي
جواد: دير بالك عالسياره منيح
عمر: ماشي تروحوا وترجعوا بالسلامه
سلمه السياره وراح عمر
قرب لعندي بابتسامه ومسكك ايدي و ومسك شنتتي وجرها وراه
حنين: جواددد فهمني وين رايحين؟
انا مستحيل اروح معك لمكان
طنشني وضل ساحبني لطلعنا بالطياره اخدنا كل واحد مكانه وانا مش قادره اعرف شو بصير
حنين: جواد فهمني لوين ماخدني؟
جواد:مازهقتي من هالسؤال؟
حنين: مابدي اروح مكان رجعني... احنا ع اساس رايحين عالمحكمه بالاخر بتغدرني
جواد: لك انت مجنونه صدقتي اني رح اطلقك؟
حنين: شو يعني؟
جواد: يعني مارح اطلقك وهاي الشنته الي اهلي ضبوها شنتة سفر مش طلاق
حنين: عشان هيك كانوا كلهم الصبح مبتسمين ويحكولي رح نشتقلك
جواد: صحيح
حنين: لككك بربييييييييييي انك واحد مجنون
قرب عندي وطبع بوسة سريعه عخدي وحكا: مجنون فيكي حبيبتي ...وبوعدك بدل البيبي الي راح نجيب عشره
حنين: مين قال اني بدي اجيب ولاد انا رح اطلق
جواد: اي خلص عادي اسكتي ولا تسمعيني صوتك
سكتتت وانا من جوا مصدومه منه ومن اهله كيف هيك طب كيف عملي جواز سفر بدون م اروح انا اعمله؟
هههه نسيت انوو بتشغل شرطي واي اشي بقدر يعمله يعني شغل واسطات .. مابكزب عليكم كنت كتير مبسوطة مش شوي غمضت عيوني وابتسمت مشاعر فرحه اجتاحتني... بقيت مغمضه عيوني .....
حسيت عليه عم يمرر اصابع ايده عوجهي بحنيه كبيره ماوعيت عحالي غير فتحت عيوني ومسكت ايده وبستها
جواد: ههههههههه بحبك حنين واالله بس اعطيني هاي االفرصه وبوعدك كلشي يتغير
ابتسمت وماجاوبته ع اشي ...
طبعا طلع جواد ماخدني عشهر عسل وهلا استوعبت ليش اخد اجازه شهر من الشغل ... طبعا اخدني ع اكتر من مكان بشهر العسل وكان كتير منيح معي وحنون ومازعلني ب اشي ورجعت ورطت وتعلقت بحبه لك اخ منك ياجواد ....كان احلى شهر بحياتي والله ...بعيد عن كل العالم والناس انعزلنا فتره منيحه
بس خلص الشهر رجعنا عاالبيت واستقبلونا استقبال غير شكل وبلشنا نوزع بالهدايا والاشياء كنت كتير مبسوطة قربت لعندي ام جواد وحكتلي: هالمره ازا جواد بمد ايده عليك رح اطرده برا بيته والبيت انت حتبقي فيه
جاد:لا وحياتك انا الي رح اطرده واربيه
حنين: هههههههههه خرجه بستاهل
جواد: حسابك بالبيت ...
قعدنا عند ام جابر تحت شربنا قهوه والكل كان مبسوط عضحك ونغاشه ومزح ... كنت احسهم عيلتي الي انحرمت منها طول عمري ... كانوا معي وبصفي قبل ابنهم ... طلعنا عالبيت واول مافتت الغرفه اتفاجأت من التزيين والشموع والبلايلين ...
حنين؛ شو هاد؟
جواد: هههههههه وصيت جنى وجود يعملوها
ابتسمت وحسيت انو ربنا عوض قلبي بهيك انسان وبحمد الله اني مااتطلقت وبعدت عنه ... ماكان بدي اعطيه فرصة بس هو مااعطاني مجال اهرب من حياته
مرت الايام والاشهر وجنى اتزوجت وجود خطبت
بيوم كنت اعده وجواد عم يتحمم واول ماخرج حط عطر وقعد عالتخت ماوعيت غير معدتي قلبت
حنين: جوااااااد قوم من عندي ريحتك مش زاكيه
جواد: لككك شبك هلا خارج من االحمام وحاطط عطر
حنين: جواددددددد كرمال الله مش قادره روح

تركته وفتت عالحمام استفرغ
دق الباب علي وفتحه : حنين انتي منيحه؟
حنين: مابعرف
راح رن ع امه وشوي اجت حكالها شو صاير معي
ضحكت وطلبت منه يروح يجيب فحص حمل
راح بلمح البصر واجا مستعجل اعطوني اياه ورحت افحص...كنت كتير ارجف مش شوي ...
شوي وطلعوا خطين دمعوا عيوني مشاعر كتير مخربشه خوف وتوتر وفرحه ...
خرجت وفرجيته لمرة عمي
شوي وصارت تزلغط نزلوا دموعي
ماوعيت غير عجواد حملني وصار يلف فيي ويبوسني من الفرحه ...
خبرنا الكل وانبسطوا ...تاني يوم رحنا عالمركز نعمل فحص دم واتاكد الحمل ...كان الكل يهتم فيي ومبسوط وبلشوا يجيبوا اواعي للبيبي
مر تاني شهر ورحت افحص بتفاجأ انهم توام االي معي يافرحتي ههههههههه
وهيك مرت الايام والاشهر وانا ع اعصابي وخايفه يصير فيي زي امي بس الدكتوره كانت تطمني انو وضعي طبيعي .... فترة الحمل كانت صعبه كتير مش شوي عالكل وعلي غير التعب لحد يوم الولاده
فوتوني لجوا حتى اولد وانا بس اعيط وجواد وامه يهدوا فيي اخر اشي بنجوني وماوعيت ع اشي ....
اول مافتحت عيوني كان جواد عندي
خبرني والدموع بعيونه انو اجانا احلى ولد وبنت
سميناهم محمد وجوان ...
مرت ايام حلوة وايام صعبه علينا بس الحمدلله كانت عيلتي هي احلى عوض انحرمت منه

رايكم؟

بداية القصة 🤍🌸
@Stories_3

رأيكن بالقصة🧚‍♀👇
@Stories_3_bot
لاتنسو التفاعل 🔥❤️‍🔥
@Stories_3