هند. ياعمري انت وين كنت كتير اشتقتلك وين كنت قلي وين خوفتني كتير عليك
صايرمعك شي
اشرف احكي شبك
لك اشرف ليش ساكت

اشرف. بتحبيني
هند. هلأ هيك عم تسألني
رجعت ضمتو بقوة اكتر من الاول

اشرف. وهوا حاطط ايدو ع شعرها لو تعرفي اديش اشتقتلك
هند. وانا كمان بس قلي وين كنت وليش موبايلك مسكر

اشرف. بكرا بحكيلك هلأ روحي ع البيت بلا ماحدا يعرف انك هون
هند. لا مابدي روح قلي وين كنت
اشرف. لك هلأ حدا بينتبه انك عندي
هند. كلهن نايمين وتعبانين مارح يحسو ومالي رايحة لتحكيلي

اشرف. لك هند كرماااا الله روحي
هند. عم قلك مالي رايحة ومابهمني لوكلهن شافوني معك
اشرف. لك ارجعي مشاني انا مو مشانهن

قربت منو ومسكتلو ايديه

هند. كيف مافهمت عليك
اشرف. ولا رح تفهمي علي

بعدها عنو

اشرف. انا وياكي لحالنا مانك خايفة مني متل هديك المره

هند. لا هديك المره كنت بخاف منك لاني ماكنت بعرفك منيح بس هلأ غير

اشرف. هههههه بلكي عملتلك شي
هند. مابتعمل
اشرف. ههههههه كيف قدرت ابعد عنك كل هالفترة مابعرف

هند. لك والله طق قلبي قد مابكيت وانت بعيد
اشرف. كل هالقد بتحبيني ع فكرة مبين عليكي كتير نحفانة ومتغيرة

هند. واكتر من هيك بحبك

راح اشرف وقعد ع الارض ونزل راسو وحط ايدو ع شعرو

قربت منو وقعدت جنبو ع الارض

اشرف. هههههه لك قومي روحي خلص بوعدك بكرا احكيلك كل شي

هند. هلأ احكيلي لك والله ماحدا رح يعرف اني هون

اشرف. ياربي دخيلك ع هالبلوة بأخر الليل هههههههه
هند. انا بلوة

اشرف. اي .. اتطلع فيها وقلا ريحة عطرك بتجنن بتاخد العقل
شو عم بخبص انا لو اني ما اجيت مو كان احسنلي

عصب وقلا
اشرف. هند لأخر مره عم قلك قوووومي ارجعي ع البيت وهلأ بدون ولا كلمة

هند. طيب رايحة المره هديك كنت تترجاني لتشوفني

اشرف. هند استتي

يتبع...
الجزء الحادي عشر

#ياورد_مين_علمك_تجرح_الكاتبة_روان_الشبلاق

الجزء الحادي عشر

اشرف. هند استني
هند. شو بدك
اشرف. بدي شوف بلكي في حدا
مافي حدا يلا نزلي بسرعة
هند. تصبح ع خير
اشرف. وانتي بخير

بس وصلت بعتلا ع الواتس

اشرف. 😘😘😘😘
هند. هيك بتقلعني مابدي احكي معك

اشرف. وانا مابدي احكي معك بس بدي قلك اذا بتعيديها وبتجي لعندي ع البيت بهاد الوقت بدي موتك

هند. اصلا من حالي مابقا روح لعندك بعد هالتقليعة

اشرف. ولا قلك مو بس بهاد الوقت وبكل وقت ممنوع تجي لعندي فاهمةةةة

هند. الحق عليي اصلا اني رحت لعندك بس شو اعمل لقلبي الشرشوح والله كنت خايفة عليك ومامسدئة ايمتا شوفك

اشرف. عأساس مابدك تحكي معي ههههههه
هند. اي كنت رح سكر ومااابدي احكي معك
اشرف. مابدك تعرفي وين كنت
هند. وين
اشرف. ههههههه شايفة انك كذابة
هند. باي

اشرف. خلص رح قلك
هند. قول
اشرف. كنت عند مرتي الاولى 😛

هند. لا الاولى ولا التانية ولا الالف انت ملكي انا وبس

اشرف.كيف يعني ملكك
عند. يعني كل شي بسمتك صوتك عيونك ضحكتك
كلك ع بعضك الي
وعيونك اذا بطلعو ع بنت غيري يا ويلك

اشرف. بتغاري
هند. حبيبي الي وبس عمري وحياتي وروحي وبدي غار عليك وممنوع بنت تقرب منك فهمت
لاني بعرفك مابتترك بنت من شرك

اشرف. لك لو كنت بعرف بدك تسمعيني كل هالحكي الحلو كنت من زمان غبت فترة ورجعت هههههههه

هند. صحيح وين كنت
اشرف. رحت استأجرت بيت قريب من بيت حبيبتي الي بتسلا معا بس وحياتك انتي رح اتزوجك يعني هديك بس تسلاية

هند. انت بتحبني انا وبس ومافي غيري بنت تانية بحياتك

اشرف. بتعرفي اصلا بس انتي الي تعبتيني لهيك حبيتك
اما قبل ما اعرفك كانو البنات هنن يجو يطبقوني
بس هلأ معد اعطيتهن وجه

هند. كذذذذذذاب
اشرف. لك والله العظيم وحتى في وحده من بنات عمتي لهلأ بتحبني بس انا مابحبها

هند. كمان كذاب
اشرف. تسطفلي لا تسدئي نسيتي دعاء بنت عمك شو عملت بس شافتني 😎

هند. اصلا بسببك فكروني غيرانة منها لاني مارقصت بخطبتها وكنت متل الغبية عم ابكي عليك

اشرف. ليش انخطبت
هند. اي اليوم كانت خطبتها
اشرف. له له له 😱

هند. شو في
اشرف. لك خسرت وحده من معجباتي وانتي عم تسأليني شو في
بس هي حلوة كتير عنجد ياخسارة

هند. شوو لك لاتخليني اجي هلأ وموتك

اشرف. جربي تعي وشوفي كيف انا الي بدي موتك هالمرة

اشرف. تاري البنات مابينعطو وجه عنجد
هند. اسمعو مين بيحكي

اشرف. انابحكي عنك وين راح الخجل اول مره حكيتي معي ماعرفتي تحكي كلمتين ع بعض هلأ شو مابسكتك
الكاتبة_روان_الشبلاق
هند. ماشي يا اشرف لكن كمل سهرتك لحالك ومابقا احكي معك

اشرف. انتي الخسرانة لانو بكرا كنت رح جيب امي وخالتي يطلبوكي

هند. عنجد بتحكي
اشرف. لا عن مزح هههههه يلا نامي وتاني مره لاتحكي شي مانك قدو

هند. رح ردلك ياها تصبح ع خير 😘
اشرف. وانتي بخير 😍

اشرف. هلأ تأكدت انك بتحبيني متل ما انا بحبك ومافيكي تعيش بدوني
قلبك طيب كتير ومارح تطول زعلتك مني بس تعرفي

تاني يوم الصبح بكير راح اشرف ع بيت اهلو لقا امو وخالتو عم يشربو قهوة
سلم عليهن وعاتبتو امو لانو ماسأل عنها

ام شريف. طيب وموبايلك ليش مسكرو هيك بتشغل بالنا
اشرف. كان عطلان
ام شريف. يعني ماكنت بتقدر تطل لو خمس دقايق علينا تطمنا

اشرف. خلص ولو امي
ام شريف. خلص قلتلي لك شو الواحد بدو يحكي معك انت الوحيد بين اخوتك الي ناسي انو انا امك لا بتسأل ولابتهتم

اشرف. دافعي عني يا مريومة ليش ساكتة
ام شريف. مريومة ها لك هي خالتك استحي ع حالك لك كل واحد بعمرك صار اب وانت لساتك مولدن وطايش وكل يوم حاببلي بنت شكل
ومو عارف تستقر

مريم. ههههههه خليه يعيش حياتو
ام شريف. يعيش حياتو ويبهدلنا ماسمعتي شو قال انو لسا مابدو يانا نخبر اهلها للبنت

مريم. يسطفل بدبر حالو
ام شريف. لاتدافعي عنو بلكي البنت بعد ماخطبو مارضيت تتزوجو وفسخت الخطبة

اشرف. مابتعملها انا متأكد
ام شريف. ان شاء الله بيكشفوك يا اشرف بس يسألو عليك ساعتها هنن بقررو يا اي يا لا

اشرف. له يا امي هي الدعوة الواحد مابيدعيها لعدوو كيف طاوعك قلبك لك انا ابنك
مريم. ههههههه

ام شريف. لا كملت معي
اشرف. يلا انا بدي روح جهزو حالكن بعد الظهر بدي مر اخدكن

ام شريف. طيب خبرهن بالاول مو احسن لا نروح بدون موعد
اشرف. لا خلص متل ماقلتلكن عأساس الشغلة صدفة انو جايين لعندي وحبيتو تتعرفو عليهن
وبتعجبكن البنت وفورا بتطلبوها والمسا بردولكم خبر انهم موافقين

ام شريف. والفجر الخطبة من مرة
اشرف. ههههههه ياعيني عليكي يا امي
ماتخافي هند بتعرف رح قوللها انكن جايين

مريم. مين هند
اشرف. البنت اسما هند
ام شريف. متفقين انت وياها كمان
اشرف. لا لسا مامعها خبر هلأ رايح قوللها
وماتنسو انا استأجرت هنيك مشان شغلي وهيك يعني انتو دبروها

مريم. اي خلص روح انت
اشرف. يلا سلام
مريم. الله معك

ام شريف. لا والله مالي رضيانة عن الي بدو يعملو
مريم. انا حاسة فيه هو خايف انو مايرضو يزوجو ياها لانو بس سألو عنو رح الناس تقول الحكي الي قالتو تهاني انو مابيجيه اولاد

ام شريف. طيب وبعدين ما بالاخر بدو ينكشف
مريم. مابعرف هو هيك بدو وانا ماقدرت اكسر بخاطرو
ام شريف. اخ منو هالشب

راح اشرف واخد سيارة شريف ورايح ع الشقة
بعتتلو هند

هند. صباح الخير
اشرف. بعتلا صوت صباح النور حبيبتي اذا فيكي تتصلي اتصال بكون احسن لاني سايق السيارة

هند. طيب ولا يهمك بعدين بنحكي
اشرف. انا رح وصل عشر دقايق وبحكي معك باي

وصل اشرف وهي كانت واقفة ع باب بيتهم طلع اشرف
وبنفس الوقت كان نازل عصام شافها واقفة ع الباب

عصام. فوتي ع البيت ولك

فاتت هند وسكرت الباب وماعطتو قيمة لعصام

اشرف. سلام
عصام. اهلين

دخل اشرف ع بيتو
اشرف. العمى بقلبك شو حيوان

بعتلا اشرف
اشرف. مين هاد اللوح
هند. هاد ابن عمي
اشرف. ليش سكتيلو
هند. مابدي اعمل مشاكل معو لانو حيوان

اشرف. اي مبين عليه هالشي
هند. ههههه
اشرف. اليوم بعد الظهر امي وخالتي رح يجو عليكم وحابين يشوفوكي بس ماتبيني قدام امك انك بتعرفي خليها ع اساس انو صدفة حبو يتعرفو عليكن واذا عجبتيهن بيطلبنك 🙊
اوك حبيبتي

هند. بالله شو رح قول لأمك خلي ابنك الك مابدي ياه لانو شايف حالو ومو مسدء ومليح مني اذا بقبل فيك

اشرف. هههههههه اي حاجتك بقا قاتلة حالك علي
هند. مو صحيح هالحكي

اشرف. لسا مانسيت مين غامرت بحياتا مبارح واجت لعندي بنص الليل كرمال تشوفني وضمتني كمان 😉😍

هند. عملت هيك لاني كنت نعسانة ومو حاسة ع حالي 😰😅

اشرف. يلا باي يا حلوة
هند. لك دقيقة .. عنجد جايين امك وخالتك
اشرف. اي والله
هند. امممم

اشرف. بدي قلك انو ماتعملي حالك خجلانة وهيك لانو بيعرفو بقصتنا ههههههه
هند. يي لك كيف رح واجهن .. بس انتبه انو مايحكو قدام امي

اشرف. لا مارح يحكو شي
هند. اي
اشرف. شو عم تعملي
هند. واقفة ع البلكون
اشرف. اي لكن شوفيني وانا نازل .. باي
هند. باي

نزل اشرف ولقا تحت دعاء
وحكت معو وهند جن جنانها

دعاء. هاي اشرف
اشرف. هاي !! ع كلا هلا
دعاء. ههههه كيفك
اشرف. تمام .. مبروك الخطبة
دعاء. الله يبارك فيك

رن موبايلو لأشرف وكانت هند
فصل عليها وضحك

اشرف. ههههههه
دعاء. يلا عن اذنك خطيبي بغار علي مابهون عليه اوقف مع شب ..باي
اشرف. باي

اشرف. هههههههه شو القصة اليوم ضحكت كتير
لك عأساس انا الي وقفتا لأحكي معا ال خطيبي بغار لسا ماصرلكم كم ساعة خاطبين هههههههه بس يلا مليح انو شافتها هند وقت وقفتني

طلعت دعاء ولقتها هند ع الباب حاطة ايديها ع خصرها تهز برجلها

دعاء. هاي هند
هند. شو يااا متطورة كل الي بيخطبو متلك بصيرو يحكو هاي

دعاء. بلا غلاظة عند هالصبح
هند. شفتك واقفة مع اشرف شو حكيتو
دعاء. هوا حب يباركلي بالخطبة عندك مانع
هند. بس انتي الي وقفتيه وحكيتي معو
دعاء. وانتي شو دخلك
هند. مادخلني

فاتت هند وسكرت الباب
بعتت لأشرف

هند. بسيطة يا نسونجي
يا ابو عيون زايغه
اشرف. ياويل قلبي محلا الغيرة
هند. يعني عم تجاكرني
اشرف. لا انتي شفتي بعينك انو هيي الي وقفتني
هند. وليش لترد عليها
اشرف. له ياهند شو مافي ثقة
هند. لا كتير واثقة منك اذا قدام عيني وهيك بتعمل كيف لما بتكون لحالك

اشرف. والله مابحب غيرك
هند. بس بتتطلع ع غيري
اشرف. لا
هند. طيب وين رايح هلأ
اشرف. والله مابعرف ماشي بهالسيارة وين بتوديني الله اعلم

هند. طيب يلا باي
اشرف. باي

بعد ساعتين دء باب البيت فتحت هند

هند. صفاء
صفاء. اي صفاء ليش استغربتي
هند. شو جابك
صفاء. جاية لودعكن
هند. ليش وين رايحة
صفاء. طيب بعدي خليني فوت
هند. فوتي

صفاء. مرحبا امي كيفك
ام محمد. اهلا وسهلا الحمدلله انتي كيفك شو اخبارك

ام محمد. والله اليوم مبسوطة ومروقة
صفاء. ههههه خير ان شاء الله
ام محمد. هي اختك جاييها عقل الرحمن ونظفت البيت كلو ماخلت شي من الصبح وهي تشتغل

هند. مشان تعرفي انو وقت بدي اشتغل بشتغل من حالي ماضروري كل شوي تنكشيني

ام محمد. ياريت تظلي هيك ليش انا بكره بالعكس احب ما ع قلبي
هند. اي مشان تعرفي قيمتي

صفاء. ومن ايمتا هند خانم
هند. الحقيني ع المطبخ بقلك من ايمتا

راحو ع المطبخ

صفاء. يي لك عنجد شو صايرلك المطبخ عم يلمع لمع
هند. لك بعد شوي بدهن يجو امو وخالتو لأشرف بس امي مابتعرف لهيك نظفت البيت

صفاء. ايواااااا وانا قول لحالي مافي بالعادة وكمان ذاربيتها من نية لأمي هلأ بفرجيكي
امي .. امي

هند. لا ياهبلة لك امي مابتعرف هلأ بنكشف امانة لا تقوليلها حتى هنن جايين عأساس انو صدفة لانو هيك اشرف بدو

صفاء. والله ورح تنخطبي يا هنووود ماتروحي تلبسي لكن

هند. مو لحتى خلص المطبخ ظل بدو شوي بس
يي موبايلي عم يرن
هاد اشرف
روحي لهيها لأمي خليني رد

هند. الو
اشرف. كيفك حبيبتي
هند. تمام
اشرف. شو عم تعملي
هند. عم بشتغل
اشرف. طب نحنا هلأ طلعنا من البيت
هند. ولي لكن لروح البس شكلي متل اللفاية
اشرف. هههههه حلوة كيف ماكنتي وبتجنني

هند. يي لك عم تحكي قدامهن
اشرف. اي
هند. لك انت عنجد مابتستحي هلأ شو رح يقولو عني
اشرف. ههههههه يلا باي
هند. باي

هند. صفاء صفاء
صفاء. شبك
هند. تعي ع الغرفة بدي ياكي
صفاء. يلا جاية

ام محمد. يعني جاية لتودعينا
صفاء. اي بدي ابقا ساعتين وبعدين روح ظب شنتايتي لانو بكرا الصبح بدي اطلع ع حلب
ام محمد. الله يسرلك يا بنتي

راحت صفاء لعند هند ع الغرفة

هند. حلو هاد الي لبستو
صفاء. اي بياخد العقل
هند. وشو البس معو هي ولا هي
صفاء. انا هلأ زعلانة لا تاخدي رئيي بشي

هند. خير مشان شو زعلانة
صفاء. بلكي صار نصيب هيك مارح احضر خطبتك لان بدي روح بكرا ع حلب
هند. بتأجلي حلب كم يوم
صفاء. لا انتي بتأجلي خطبتك كم يوم

هند بلا شووو اي بلا ماتحضريها بتحضري العرس
صفاء. تضربي ( ملاحظة تم تغيير كلمة تذربي الا تضربي بناءا ع طلبكم ) تضربي ال صرتي مخطوبة وعم نتخانئ

هند. طيب قومي ساعديني رح يوصلو
صفاء. هوا رح يجي معهن
هند. مابعرف بدو يوصلهن ويا بيطلعو ع بيتو يا بيجو لهون بس ع هوا حكيو انو جايين لهون فورا بس هو مارح يجي معهن

صفاء. خسارة كنا شفنا عريس الهنا
هند. حاطط صورتو ع الواتس افتحي موبايلي وشوفيها

صفاء. شو مسميتو ماعم لاقي اسم اشرف
هند. مجنونة انتي بدك ياني سميه اشرف سميتو صفاء 2

صفاء. يعدمني ياكي ع اسمي
هند. مو عاجبك
صفاء. لك حاطط صورة ورد
هند. لك امبلا صورتو بتكوني انتي مخربطة

صفاء. ها شوفي
هند. اي والله بكون اليوم غيرها لانو مبارح كانت موجودة
صفاء. يلا بالاخر رح نتعرف عليه شو بدو يطير

دخلت ام محمد ع الغرفة

ام محمد. شو وين رايحة ليش كل هالاهتمام
هند. مو رايحة ع مكان يعني مابصير بعد كل التعب الي تعبتو البس وزبط حالي

صفاء. احم احم ههههههه
هند. اخرسي اي تعبت شو يعني
ام محمد. شو في انتي وياها
صفاء. امي هي هند

هند. الباب الباب عم يندء قومو بسرعة افتحو

ام محمد. شبك يعني مين بدو يكون غير حدا من بيت عمك

راحت دعاء تفتح

دعاء. اهلين مرت عمي تفضلي اهلا وسهلا
ام عصام. كيفك صفاء
صفاء. تمام انتي كيفك
ام عصام. الحمدلله .. ليش ما اجيتي ع خطبة دعاء
صفاء. والله ماصرلي كانت بنت حماي بالمشفى وضليت عندها

ام عصام. وينا امك
صفاء. بالغرفة دقيقة لناديلها

هند. شو و
صفاء. امي قومي بسرعة اجت مرت عمي ههههه
هند. تضربي

طلعو قعدو معها

ام عصام. اي شو هالحلا ياهند ماتبلي الله يبعتلك عريس حلو متلك
هند. تسلمي مرت عمي

اشرف. وصلنا يلا نزلو الطابق التاني
ام شريف. بس نتصل فيك بتجي تاخدنا لا تسكر موبايلك
اشرف. من هالعين ومن هالعين
مريم. هههههه الله عليك

راح اشرف وهنن طلعو ودقو الباب
هند فاتت ع غرفتها

صفاء. ماما قومي افتحي انا موبايلي عم يرن

فتحت ام محمد

ام شريف. السلام عليكم اسفين ع الازعاج
ام محمد. وعليكم السلام لا والله مافي ازعاج تفضلو اهلا وسهلا
ام شريف. اهلا فيكي

دخلو وسلمو ع ام عصام وع صفاء
ام شريف. ياحبيبتي شو اسمك انتي
صفاء. اسمي صفاء
ام شريف. معليش كاسة مي لانو تعبت من طلعة الدرج
صفاء. اي ولو تكرمي خالتي
ام شريف. الله يكرمك

ام شريف. اكيد عم تسئلو مين نحنا
ام محمد. اهلا وسهلا فيكن بس والله ماعرفتكن

اجت صفاء وجابت المي

ام شريف. يسلمو ايديكي حبيبتي
صفاء. الله يسلمك

هند. شو بكونو عم يحكو ياربي بدي اطلع اففف

ام شريف. بتحاكي مريم بصوت واطي .. وينا البنت بدنا نشوفا
مريم. لك اسكتي شوي

ام شريف. انا جاية لعند ابني اشرف ساكن فوقكن بس مالقيتو بالبيت قلت بستناه عندكم احسن ما اجي مشوار تاني اذا ماعندكم مانع

ام محمد. ميت اهلا وسهلا البيت بيتكم يعني انتي امو لأشرف
ام شريف. انا امو وهي اختي خالتو

ام هصام. اهلا وسهلا فيكم
ام شريف. تسلمي يارب
ام شريف. بس مايكون عم يزعجم ابني

ام محمد. لا والله.. الله يخليكم ياه والله انو شب مافي منو ادب واخلاق استأجر عندنا وماشفنا منو شي بيزعج

ام شريف في نفسها والله مبين انو المي ماشية من تحتك

ام شريف. تسلمي الله يخليلك اولادك

صفاء بس حست انو امها رح تطلب منها تعمل قهوة

صفاء. امي زوجي عم يتصل رح احكي معو
ام محمد. لكن نادي لهند خليها تعمللنا قهوة
صفاء. اي يلا

دخلت صفاء ع الغرفة لعند هند

صفاء. حماتك مبينة محترمة حبيتها يلا اطلعي خلصينا

هند. مابدي
صفاء. لك شو مابدي اطلعي عم يستنو قهوتك
هند. يييي مابدي امانة والله خجلانة شو رح قول

صفاء. بالاول روحي سلمي عليهن وبعدين روحي اعملي قهوة
هند. بدي موتو لأشرف
صفاء. هلأ اطلعي وبعدين بتموتيه

طلعت هند وهي متلبكة

هند. ا ا ا مرحبا

وراحت سلمت عليهن بالأيد

ام شريف. ماشاء الله اللهم صل على سيدنا محمد
مريم. ماشاء الله عليكي قمر

هند. تسلمي

راحت هند ع المطبخ لتعمل قهوة وكان قلبها رح يوقف

ام شريف. هدول التنتين بناتك ماشاء الله
ام محمد. اي هي بنتي لكبيرة صفاء وهديك الي طلعت هلأ لصغيرة هند

ام شريف. ماشاء الله عليهن الله يخليلك ياهن يارب
ام محمد. الله يسلمك

ام شريف. بتحكي مع مريم شايفة هالأشرف ما اقواه بيطلع منو زوقو حلو هالمره مو متل تهاني
مريم. اي والله بنت متل القمر ماشاء الله عليها الله يجعلها من نصيبو
باين انو بتحبو كتير وامها محترمة والله
ام شريف. اي والله اكابر

ام شريف. كم عمرها ماشاء الله لصغيرة
ام محمد. حوالي 19
ام شريف. العمر كلو يارب

دخلت هند وضيفت قهوة

ام شريف. ان شاء الله بيسلمو هالأيدين
مريم. يسلم دياتك
هند. تسلمو

ام شريف. مابدك تزوجيها
ام محمد. والله ليجي النصيب الله اعلم وين نصيبها

ام شريف. والله اني حبيتها من كل قلبي ومابتمناها الا لأبني اشرف بصراحة

ام محمد. تسلمي يارب كلك زوء
بنتشرف والله اشرف مافي منو الله يخليلك ياه

بس بلشو حكي دخلت هند ع غرفتها

ام شريف. يعني ماعندك مانع انو تزوجيها

حكت ام شريف مع ام محمد وطلبتها لابنها اشرف

بالغرفة هند عم تراسل اشرف

اشرف. لك لسا ماخلصو حكي
هند. لسا بتعرف بدي اطلع قول لأمك بدي اطلب ايد حبيبي منك وبدي جواب هلأ ومابصير ترفضي لانو ابنك بس الي وممنوع يكون لغيري

اشرف. اي اطلعي قوليلها مشان تكبري بعينها
هند. بطلع شو يعني بتخوفني
اشرف. ههههههه ليش مين بيقدرلك انتي

هند. طقيت بدي اعرف شو عم يحكو
اشرف. اطلعي اقعدي معهم وصوريلي ياهم فيديو وابعثيه خليني شوفهم ههههههه
هند. اي بصير
#الكاتبة_روان_الشبلاق

ام شريف. يعني ايمتا ان شاء الله بترديلنا خبر
ام محمد. لنسأل البنت ونسأل عمها
ام شريف. خير ان شاء الله بس حاولي ماتتأخري علينا لانو ابني مستعجل بس بدو يتزوج
ام محمد. لا مارح اتأخر

ام شريف. يعني اليوم ناطرة جوابك
ام محمد. ان شاء الله

ام شريف. والله انها دخلت لقلبي من اول ماشفتها
واذا صار نصيب رح تنبسط مع اشرف وصرتو بتعرفو شو دارس وشو بيشتغل وكم عمرو و وين ساكن وهي رقم موبايلي

ام محمد. الله يقدم الي فيه الخير
ام شريف. امين يارب

طلعو ام شريف ومريم من عندهم

مريم. نسينا نتصل بأشرف يجي ياخدنا
ام شريف. هلأ بنتصل فيه خلينا نمشي شوي بين مايجي

مريم. شو رأيك بالبنت
ام شريف. اي ياهيك البنات يا بلا سبحان الي خلقها شو حلوة وامورة ولا امها دخيل قلبها
والله مالي نفس اقوم من عندهم

مريم. وانا متلك حبيتها وحبيت امها
ام شريف. اخ بس
خايفة من اشرف بعمتلو انو يخسرها
مريم. اي والله البنت مابتتعوض وامها بسيطة مو متل مرتو الاولى

ام شريف. احكي معو انتي وخلينا نخبرهم مزال القصة بأولها
مريم. رح حاول معو وياريت انو يوافق

في بيت هند

ام عصام. الف مبروك ياهند هي دعوتي مستجابة كانت
هند. على شو عم تباركيلي بلكي ما وافقت

ام عصام. شو رأيك ام محمد بأمو للشب
ام محمد. محترمة هي وخالتو وبيدخلو للقلب
ام عصام. وشو رأيك بالشب انا مابعرفو كتير

ام محمد. الشب محترم ومابيشكي من شي بس حتى نسأل عمامها ونسألها هي اذا بدها ياه ولا لأ

هند.ليكني قدامك اسأليني
صفاء. هههههههه
ام محمد. هههه انقلعي من وجهي بلا بياختك

ام عصام. انا بنصحك انو توافقو شفتي امو بتنحب والله ولسانها بنقط عسل وفهمانة

ام عصام في نفسها اذا وافقت بتروح من طريقي احسن ما ابتلا فيها لابني عصام

ام محمد. اي والله ع كلا الله يقدم الي فيه الخير

ام عصام. يلا لكن خليني روح اطبخ غدا
ام محمد. تغدي هون
ام عصام. لا الله يسلمك

راحت ام عصام

ام محمد. بصوت عالي هند تعي لهون تعي تعي

يتبع...
الجزء الثاني عشر

#ياورد_مين_علمك_تجرح_الكاتبة_روان_الشبلاق

الجزء الثاني عشر

هند. نعم ماما
ام محمد. بتعرفيهن للنسوان الي اجو
هند. لا من وين بدي اعرفهن
ام محمد. اكيد مابتعرفيهن
هند. لا والله لو بعرفهن ليش لكذب عليكي كنت قلتلك انو بعرفهن
صفاء. امي ليش عم تسألي

ام محمد. طيب واشرف من ايمتا بتعرفيه
هند. شو كيف يعني
ام محمد. لاتكذبي علي واحكي الحقيقة انتي بتعرفي انهن جايين يطلبوكي وانو جيتهن مو صدفة لهيك احكي بدون كذب
هند. ماما شو عم تحكي كيف بدي اعرف يعني
ام محمد. اتطلعي فيني لشوف شايفيتني صغيرة ومابفهم حتى تكذبي علي
عم بسألك احكي الحقيقة

صفاء. امي ليش
ام محمد. هس ولا حرف خليها هي تحكي
هند. شو بدي احكي والله مافي شي
ام محمد. تنضيف البيت هيك فجأة ودخلت عليكي لقيتك عم تزبطي بحالك وبس دق باب البيت تلبكتي وكأنك عرفانة مين جايي

صفاء. خلص هند احكي اكيد امي مارح تزعل منك
ام محمد. احكي لشوف
هند. اي انا معي خبر انهن جايين
ام محمد. مين خبرك
هند. ا ا اشرف هو يلي خبرني
ام محمد. وليش ما اجيتي حكيتيلي
هند. خفت انو تزعلي مني

ام محمد. من ايمتا بتحكي معو وكم ومره شفتيه و وين كنتي تشوفيه
هند. من وقت استأجر عنا ماكنت شوفو الا وهوا طالع او وهوا نازل
ام محمد. يعني ماحكيتي معو ولا مره
هند. امبلا حكيت معو ع الموبايل
ام محمد. ليش اعطيتيه رقمك
هند. انتي قلتيلي اعطيه ياه
ام محمد. طيب وكيف هيك بتحكي معو بدون علمي انا هيك ربيتك

هند. والله يا امي ماحكيت معو شي غلط وهوا من اول مره قال بدو يبعت امو تجي تخطبني بس انا قلتلو بكير لأنو ماكان الي يومين بعرفو
ام محمد. ماخفتي انو يكون عم يكذب عليكي
هند. لا ماما اشرف كتير منيح ولا مره غلط معي بالحكي وانا تأكدت من انو منيح لأنو كان كل يوم يقلي بدو يبعت امو وانا ما ارضى

ام محمد. وشو كنتو تحكو
هند. حكي عادي يعني عرفت كل شي عنو
اممحمد. لهيك المره هديك كنتي تحكي عنو بالمنيح وهوا ماكان ببيتو لهيك انتي جنيتي بدك تعرفي وينو وقلتيلي اطلعي لعندو وما بعرف شو كانت الحجة وكنت اسألك شو فيكي يا هند ليش هيك زعلانة ومابتقعدي معنا ما كنتي تردي طلعت الشغلة بسببو
مزبوط حكيي ولا لا ؟

هند. اي مزبوط
ام محمد. لك انتي مافيكي عقل ماخفتيي انو عمك او اولادو يعرفو والله كانو قطعوكي تقطيع
وانا لو كشفتك قبل ماتجي امو كنت موتك بس هلأ عرفت انو طالب الحلال

هند. يعني موافقة
ام محمد. انت بتحبيه
هند. ا ا ا
ام محمد. شو اااا جاوبي خلصيني
هند. اي بحبو وبدي ياه
ام محمد. ما اقوا عينك يعني مابتقولي لا
هند. ماما والله اشرف منيح وهو ماكان بدو انو نحكي مع بعض بدون شي رسمي بينا بس انا ماكنت وافق لأنو كنت حابة اتعرف عليه بالأول

ام محمد. وبلكي انا ما وافقت عليه
هند. ليش بس انا بحبو وبدي ياه
ام محمد. امو ماعجبتني لهيك انسي الموضوع ولا بقا تحكي معو
هند. لك امي ليش والله امو باين انها منيحة بعدين شو بدي منها انا يعني رح نسكن ببيت لوحدنا
ام محمد. ومخططين وين تسكنو كمان بس يافرحة ماتمت

صفاء. اذا هي بدها ياه وهوا بدو ياها زوجوهم واخلصو منهم
ام محمد. انا قلت لا يعني لا وهلأ رح اتصل بأمو واعتذر منها
هند. انا بحبو ومارح اتزوج غيرو
ام محمد. عمرك ماتتزوجي المهم هوا لا
هند. طيب ليش اعطيني سبب
ام محمد. من ايمتا انتي بتناقشيني مابكفي خبيتي عني وماحكيتك شي
لهيك عم قلك بتنسيه ورجلك اذا بتطالعيها برات البيت بدي اكسرها

صارت تبكي هند
وامها ماسكة الضحكة لانو بدها تجننها شوي

ام محمد. ابكي لتشبعي لأنو انا ماعندي بنات تحب وتتمعشق
هند. هي بعت امو وطلبني شو يعمل كمان لحتى توافقي
ام محمد. مارح وافق
صفاء. خلص هند لاتبكي هلأ امي علانة منك بس تروق انا بوعدك اني اقنعها ومارح تكونو غير لبعض

ام محمد. لا تقنعيني ولا شي لأنو الشب هاد ماحبيتو
هند. من شوي قلتي ماحبيتي امو وبعدين المهم انا بحبو
ام محمد. خلص اسكتي صرعتيني ليش شبو عصام ابن عمك واحسن من الغريب

هند. والله بموت حالي وماباخد عصام ومارح اخد غير اشرف لأني بحبو وهو ماغلط بشي

ام محمد. عصام يعني عصام
هند. امانة يا امي الله يوفقك فكري مشااااان الله والله غير تحبي لأشرف بس تشوفيه

ام محمد. هههههههه لك عم امزح معك يا مجنونة بس انتي دغري سدئتي
هند. يعني موافقة ؟
ام محمد. اي لأنك حرقتيلي قلبي وانتي تبكي كل هالقد بتحبيه
هند. اي بحبو كتير والله العظيم بحبو
ام محمد. المسا بنسأل عمك وبنشوف شو بقول
هند. الله يخليلي ياكي يا احلا ام بالدنيا
ام محمد. بس بشرط كل يوم بدي تنضيف للبيت متل ماعملتي اليوم
هند. اي مو تكرم عينك غالي والطلب رخيص
ام محمد. هههههه
صفاء. ههههههه امي حرقتيلنا اعصابنا وطلعتي عم تمزحي

ام محمد. والله امو دخلت لقلبي وحبيتها كتير وان شاء الله ربنا بيختارلهم الخير
صفاء. امين يارب
يلا امي انا بدي روح يالله يمداني ضب التياب والاغراض الي لازميني بدك شي مني قبل ماروح

ابو عصام. اذا الشب منيح انا كمان ماعندي مانع بس عادي يعني بتسكنوها بالأجارات
ام محمد. لا هو عندو بيت ملك عمرو جديد هوا بيشتغل ببنك وعن طريق البنك عمر البيت بس قالت امو هون اقرب ع شغلو لهيك استأجر

ابو عصام. ايوا
هوا انا بشوف كتير تقريبا وباين شب كويس بس لازم نسأل عنو
ام محمد. اي اكيد اسأل
ابو عصام.بس مين بدي اسأل والمشكلة مابعرف من انا عيلة هوا

ام عصام. لك صحيح هوا موظف بالبنك قالت امو ليش ما بتسأل عنو ابو خالد صاحبك كمان هوا موظف هنيك
ابو عصام. اي والله صحيح بس كيف بدي اعرف عيلتو
ام عصام. بكون مكتوب ع عقد الايجار
ابو عصام. اي صحيح روحي جيبيلي ياه

ام عصام. تفضل
ابو عصام. اسم عيلتو ال..... يلا لكن خليني اتصل بأبو خالد واسألو

اتصل ابو عصام بصاحبو وسئلو عن اشرف
ام محمد. اي شو قلك
ابو عصام. طلع بيعرفو وال انو الشب محترم وابن حلال ومحبوب من الكل بالبنك بس ال مابيعرف معلومات شخصية عنو وال انو الشب مابيتعوض

ام محمد. اي الحمدلله
لسا بدك تسأل حدا ولا شو
ام عصام. هي الزلما عطاكم كل المعلومات عنو وقاللكم ابن حلال شو بعد بدكم تعرفو خلص وافقو واتكلو ع الله

ابو عصام. شو رأيك ام محمد
ام محمد. الي بتشوفو انت مناسب اعملو بس لو تسأل عليه كمان
ام عصام. يعني شو الي كمان بدك تعرفيه خلص وافقي ولا توقفي بنصيب البنت
ام محمد. انا موافقة بس
ابو عصام. خلص اذا صارلي كمان بسأل عنو بس يعني ابو خالد ماخلا كلمة مليحة ما قالها عنو
ام محمد. خلص لكن الله يقدم الي فيه الخير
ابو عصام. ايمتا بدك ترديلهم خبر
ام محمد. امو قالت اليوم لانو مستعجلين كتير
يعني شو قوللها

ابو عصام. قوليلها موافقين واتفقي انتي معها وانا بس يصيرلي بسأل عنو اكتر من هيك
ام محمد. اي خير ان شاء الله

في بيت هند عم تحكي مع اشرف
#الكاتبة_روان_الشبلاق

ام محمد. لا سلامتك ياحبيبتي الله يسرلك ويحميكي
صفاء. وانتي هند بدك شي
هند. لا سلامتك رح نشتقلك
صفاء. كلو اسبوع مابطول

طلعت صفاء مشان تروح وطلعت وراها امها

صفاء. يعني انتي موافقة امي
ام محمد. ماشفتي كيف قاتلة حالها لتتزوجو
صفاء. اي بتحبو كتير وكانت تخبرني اول بأول شو بصير معها لهيك خليها تاخد الي بتحبو احسن ماتاخد واحد مابدها ياه وع الحالتين اذا ماوافقتو مستحيل تنساه وهو باين ابن حلال لهيك بعت امو لتطلبها

ام محمد. اي خير ان شاء الله
بدي خبر عمك ونردلهم خبر لأنو امو مستعجلة كتير
صفاء. بس يا خوفي عمي مايوافق
ام محمد. عمك ما الو كلمة الكلمة لمرتو اصلا
صفاء. ههههههه اي والله صدقتي
يلا بدك شي خليني روح بلا ما اتأخر
ام محمد. ظلك اتصلي فينا وطمنينا عنك
صفاء. ان شاء الله يلا باي
ام محمد. الله معك ياعمري

دخلت ام محمد ع البيت وركدت عليها هند وضمتها وصارت تبوس فيها

هند. لك بحبك بحبك يا اخلى واغلى ام بالدنيا
ام محمد. ههههههه لك بكفي خلص رح زوجك ياه
هند. ههههههه

_الكاتبة_روان_الشبلاق
ام محمد. بس هي اذا وافق عمك
هند. المهم انتي ياست الحبايب وافقتي

في بيت اهلو لاشرف

اشرف. ما كنت متفقين انو تتصلو فيني وروح اخدكن
مريم. طلعنا من عند الجماعة ونسينا لهيك اخدنا تكسي
اشرف. طيب اي شو صار
ام شريف. قصدك شو رح يصير بس يعرفو
اشرف. يي علينا امي
خالتي احكيلي شو صار
مريم. لك انت من وين لقيت هي البنت ماشاء الله عليها متل القمر

ام شريف. زوءك حلو وامها فهمانة لو تشوف الاستقبال الي استقبلتنا ياه بس والله يا ابني انا بحكي مشانك خايف انك تخسرها واذا بدك بروح معك انا وبنخبرهم انك كنت متزوج وبوعدك ماخليهم يزعلو منك

اشرف. والله فاهم عليكي بس خلص بوعدك بعد الخطبة والله غير خبرها
ام شريف. ليش مو هلأ يعني
مريم. يا اشرف امك معها حق
اشرف. خلص بعد الخطبة انا بتصرف انتو لا تهكلو هم
ام شريف. ال بعد الخطبة وبلكي ما وافقو اصلا شو رح تعمل
اشرف. رح بوافقو واذا ما وافقو بتزوجها غصبن عنهم

في بيت ابو عصام

ام عصام. هند بنت اخوك جاييها عريس
ابو عصام. شو هالحكي
ام عصام. اي متل ماعم قلك ولو تعرف مين
ابو عصام. مين ؟
ام عصام. المستأجر الي عنا اشرف اليوم امو شافت هند وعجبتها وطلبتها من امها وقالت اليوم بدها جواب

ابو عصام. ايوااا وشو رئي امها للبنت
ام عصام. يي قاتلة حالها لتزوجها يمكن غيرانين من دعاء وبس بدهم يزوجوها
ابو عصام. يعني موافقة امها
ام عصام. هيك مبين عليها
انت شو رأيك ؟

ابو عصام. بنسأل عليه واذا الشب منيح ليش لأ
ام عصام. هي صرلو شهر ساكن عنا وماشفنا منو شي الا كل الاحترام لهيك اذا سألتك قول موافق لأنو امو للشب اليوم بدها الجواب

ابو عصام. اف ليش مستعجلين ليش بنلحق نسأل عنو
ام عصام. ليش كم يوم بدك تضل تسأل
خلص اليوم قول موافق مبدئياً وبعدين اسأل ع مهلك
ابو عصام. المشكلة انو هالكم يوم عليي ضغط شغل ومو وقت عرسان هلأ

دء باب بيتهم وكانت ام محمد

ام عصام. هي اكيد ام محمد جاية تخبرك قوللها موافق وبعدين بتسأل عنو ماش
ابو عصام. لك اي صرعتينا روحي افتحي

ام عصام. اهلا وسهلا ام محمد تفضلي

في بيت هند قاعدة بغرفتها فتحت الواتس وشافت رسائل اشرف
اتصلت فيه

اشرف. لك وينك لهلأ والله جننتيني بدي اعرف شو صار
هند. ههههههه
اشرف. لك هلأ وقت ضحكك احكي خلصيني
هند. امممممم
اشرف. ماشي ياهند لا تحكي بس اجي بفرجيكي
هند. وليش هيك معصب

اشرف. يا حبيبتي ياعمري ياعيوني ياحياتي ياقلبي انتي والله ماني معصب هاا شوفي كيف مروق بس احكيلي ولا تخليني ع اعصابي
هند. هي مشان تتعلم تقلعني من عندك مبارح
اشرف. معاد اعيدها وحياة عيونك

هند. كذااب لأنك قلت لا بقا تجي لعندي واذا اجيتي بموتك
اشرف. طيب انا اسف وتعي ايمتا مابدك منيح هيك
هند. امممم يمكن
اشرف. وهلأ احكيلي امك شو قالت واحكي كل شي
هند. شو رأيك بالليل بنحكي لأنو هلأ ماني فاضية

اشرف. هند والله عصبتيني عنجد
هند. ههههه خلص حبيبي انا اسفة رح احكيلك بس حبيت اعمل فيك متل ماعملت امي فيني

اشرف. اي يلا احكي
هند. ما انا اليوم لبست ونضفت البيت وخليتو يلمع وبعد اجت امك وخالتك انا تلبكت كتير وامي شكت فيني وكشفتني وعرفت كل شي
واكلت بهدلة صغيرة بس انا قلتلها انو انت ماكنت تقبل تحكي معي الا لتخطبني وانا ما وافق الا حتى نتعرف ع بعض
يعني عملتك البطل قدام امي
وقلتلها اني ما بشوفك الا وانت طالع ع بيتك وظلت ساعة تحقق معي شو كنا نحكي وكيف تعرفنا وكللل شي
بس انا ماخبرتا شي

اشرف. طيب شو قالت بس عرفت
هند. بالاول قالت مو موافقة صرت ابكي انا واترجاها
طلعت عم تمزح معي وقالت انو موافقة وهلأ طلعت تسأل عم
اشرف. لك اي ها هاد خبر بينسمع لك بحببببببببك
هند. هههههه وانا بحبك

في بيت ابو عصام حكتلو ام محمد انها موافقة مبدئيا

اشرف. لك يلا شو صار رجعت امك
هند. لا لسا ولا تضلك تنق لأنو انا مستعجلة اكتر منك وطقيت بدي اعرف شو عم يحكو
اشرف. بس تجي امك فورا بتخبريني شوو قالت
هند. اي ماشي.. ها ليكو الباب عم ينفتح اكيد اجت بعدين بحكي معك
اشرف. لا تطولي ناطرك
هند. اي حبيبي يلا باي
اشرف. باي

هند. ماما شو قال عمي
ام محمد. عمك ماعندو مانع
هند. يعني وافق
ام محمد. اي وافق

هند. طيب خدي الموبايل تتصلي فيهم وتخبريهم
ام محمد. لا ريحي حالك مو هلأ
هند. بس هنن بدهن جواب اليوم
ام محمد. يي علينا خلص لك هند روحي اعمليلي فنجان قهوة وتعي
هند. تكرم عينك

راحت هند تعمل قهوة ورن موبايلها

ام محمد. هي صفاء شو بدها
الو
الو

اشرف بس سمع صوت انصدم

ام محمد. الو .. الو يا صفاء سامعيتني.. الو

فصل اشرف

اشرف. ههههه مسجليتني صفاء

هند. تفضلي القهوة
ام محمد. صفاء اتصلت فيكي بس ماطلع صوت يمكن التغطية ضعيفة ارجعي اتصلي فيها

شافت هند الموبايل وطلع اشرف

هند. لا مو هلأ بعدين بحكي معها هلأ قوليلي شو بدك مني
ام محمد. بدي اسألك عن اشرف اذا مقتنعة فيه ولا لأ

هند. اي
ام محمد. انتي متأكدة هاد زواج مو لعبة
هند. اي امي متأكدة واحسن من اشرف ما رح يجيني
ام محمد. لكن اتصليلي ع رقم امو خليني احكي معها
وخبرها

حكت ام محمد مع ام شريف
وحددو موعد انو يزوروهم بكرا المسا

هند. هيييييي
ام محمد. الي بيسمعك بقول انك عايشة مع مرت اب ظالمة وبس بدك تخلصي منها

هند. له يا امي الله يسامحك بس والله من فرحتي
ام محمد. الله يسعدك يابنتي والله كل همي بهالحياة انو شوفكم مبسوطين ومرتاحين
هند. الله يخليلي ياكي يارب

في بيت اهلو لأشرف

ام شريف. انبسطت هلأ وهي الجماعة وافقو
اشرف. لك هاد احلا خبر بسمعو بحياتي

يتبع...
الجزء الثالث عشر

#ياورد_مين_علمك_تجرح

الجزء الثالث عشر

هند. مساء الخير
اشرف. مسالنور .. هلأ تذكرتي تحاكيني
هند. والله ماصارلي احكي لانو ايا شي بعملو رح تشك فيني امي

اشرف. وليش مسجليتني صفاء
هند. هههههههه شو بدي سميه لكن
اشرف. ليش مين صفاء
هند. صفاء ع اسم اختي
اشرف. اي

هند. وينك انت
اشرف. سايق السيارة يعني ياريت اذا بتسكري وبس اوصل بحكي معك
هند. جايب لهون
اشرف. اي رح وصل بس خمس دقايق
هند. طب يلا باي
اشرف. باي

ام محمد. هند انا طالعة ع بيت عمك شوي مابطول
هند. ليش
ام محمد. هيك بدون سبب
هند. طيب ماشي

طلعت ام محمد وسكرت الباب
طلع بوجهها اشرف اتطلعو ببعض
اشرف تلبك بس شافها

اشرف. مساء الخير
ام محمد. اهلين يا ابني مسا لنور
اشرف. كيفك خالتي
ام محمد. الحمدلله بخير

اشرف. خير لازمك شي بدك شي من تحت
ام محمد. لا والله بس طالعة لفوق
اشرف. ايوا

طلعو مع بعض ع الدرج

في بيت هند عم تراسل اشرف تشوفو وصل ولا لا بس مارد عليها
بعد شوي كمان اتصلت فيه مارد عليها

هند. لك شو قصتو هاد قلي خمس دقايق وصرلو ساعة وشوي طيب ليش مايرد ع موبايلو

بعد عشر دقايق اتصل فيها اشرف

هند. وينك لهلأ هيك الخمس دقايق
اشرف. اسف بس والله انشغلت وماصارلي رد عليكي
هند. ولا يهمك اجيت لهون ولا بعدك
اشرف. هي وصلتي
شو عم تعملي

هند. ولشي مليت امي طلعت لعند بيت عمي وانا كنت ناطرتك
اشرف. شو حاسة انو هيك بكرا جايين لعندكم ورح تصيري خطيبتي وامسك ايدك قدام كل العالم

هند. والله مبسوطة كتيررر ومامسدئة ايمتا يصير هالشي حاسة كل شي عم يصير متل الحلم وانو حبيبي رح يصير الي وبس

اشرف. انا من هلأ الك وبس انا بموت فيكي بحبك وبعشقك بجنون انتي حياتي كلها من اول ماشفتك دخل شي حلو لحياتي غيرها لك انتي احلا شي بدنيتي

هند. لو قلتلك اني بحبك الحب شوي عليك هههههه
اشرف. هههههههه
بتذكري اول مره شفتك فيها كمان كنتي عم تغني
هند. ليش بقدر انسا
اشرف. بتحبي اليسا
هند. اي كتير بحب اغانيها كلهن
وانت مين بتحب

اشرف.زيديني عشقا زيديني
هند. امممم
اشرف. يعني ماعرفتي
هند. لك امبلا عرفت كاظم الساهر
اشرف. برافو عليكي شطورة ههههههه

هند. لك اجت امي بعدين بحكي معك .. باي
اشرف. باي

هند. ماما والله طولتي كتير مليت وانا لحالي عأساس ما تتأخري
ام محمد. هي اجيت شو بدك
هند. شبكي ليش زعلانة
ام محمد. مالي زعلانة

هند. شو حكيتو هنيك
ام محمد. ماحكينا بشي
ليش شايلة الموبايل بأيدك كنتي تحكي معو ماهيك

هند. لا يعني اي بس خبرتو انك وافقتي
ام محمد. انتي بتعرفي كل شي عنو
هند. اي حكالي كل شي
ام محمد. شو الشي الي بخليكي تكرهيه وتبطلي تحبيه
هند. مافي شي بالدنيا بخليني اكرهو انا بحبو كتير ومستحيل اتزوج غيرو
بس ليش عم تسألي

ام محمد. لا ولشي

باليوم الثااني

اشرف. صباح الخير
هند. صباح النور
اشرف. مبارح ضليت استناكي لتحكي معي
هند. اي كنت بدي احكي معك بس وقت اجت امي من بيت عمي ظلينا نحكي سوا واخذنا الوقت وبس خلصنا كنت نعسانة كتير والوقت كان متأخر ماحبيت ازعجك

ام محمد. تسلمي يارب
شو بدنا نعمل لتنين بحبو بعض ومابنقدر نوقف بطريقهم
ام شريف. اي والله
ام محمد. هوا وعدني انو يخبرها بعد الخطبة
ام شريف. وانا هيك قلي
هو مشكلتو انو تعذب مع مرتو الاولى كتير حبها بالجامعة والناس كلها قالتلو عيلة مو منيحة لا تعلق معهم وهوا ما اقتنع متل الي كانت ساحريتو
وقالو بدهم مأخر مليون ونص نحنا ما وافقنا ضل ورانا لحتى تقنعنا بحجة انو شو مفكريني رح طلقها انا وياها رح نبقى مع بعض طول العمر وبنحب بعض ومن هالحكي
حطنا تحت الامر الواقع يا بتزوجوني ياها يا بعمري مابتزوج
وافقنا بعد شهرين بلشت المشاكل بينهم وكلو من امها وبعد سنة عرفو انو مابجيها اولاد ومع هيك هوا كان قبلان ومامشي الحال وعاشو مع بعض بالأسم متزوجين بالاخر اتفقو هنن الاتنين ع الطلاق لانو لاهي كانت مرتاحة ولا هوا راحت ع بيت اهلها بس ماطلقها فورا لانو ماكان معو مليون ونص وكان ماخد من البنك مصاري وعمر بيت واشترا سيارة ولحد هلأ ما خلص سداد
بيس اتعرف ع هند راح فوراً باع السيارة واخوتو ساعدوه شوي وطلقها ودفع المأخر وهي كل القصة

ام محمد. ايوا طيب بس ماكان في سبب مقنع للطلاق يعني مشكلة الاولاد بيلتقالها حل
ام شريف. مشكلة الاولاد كانت اخر همهم ولا فكرو فيها بس الله اعلم شو كان يصير بينهم لأنو قد ماكنا نعرف بضل في شي مابنعرفو
ام محمد. اي والله صدقتي
ام شريف. لساتنا ع موعدنا اليوم المسا
ام محمد. اي اكيد ان شاء الله اهلا وسهلا فيكم ايمتا ما اجيتو

في بيت ابو عصام

دعاء. شو يااا طبقتيه لأشرف والله كنت حاسة انو في بينكم شي لأنو بس كنتي تشوفيني واقفة معو يطير عقلك
هند. اي انا وياه بنحب بعض عندك مانع
دعاء. لا تتهني
يلا بلكي بنعمل عرسنا بيوم واحد
هند. ليش لساتكم ماحددتو موعد العرس
دعاء. لا لسا

هند. مرتاحة معو
دعاء. اي كتير وطلباتي كلا اوامر وجبلي اسواره دهب كتير غالية وكل يوم والتالني هدية شكل
هند. انا ماقصدت شو بجبلك هدايا بس انو هيك كان في بنت قبلك بحياتو
دعاء. وانتي قلتيها كان اما هلأمافي الا انا وبس
هند. اي منيح

اشرف. بدك تروحي ع مكان اليوم
هند. مابعرف لسا مافكرت
اشرف. طيب وين مابدك تروحي انا بوصلك ماااشي
هند. بصفتك شو هههههه
اشرف. مابكفي اني حبيبك
هند. بكفي وزيادة
اشرف. انا هلأ بدي انزل اطلعي خليني شوفك
هند. لك لا امي فوراً رح تنتبه
اشرف. دبريها ولو
هند. لا خلص ما انت اليوم رح تجي مع اهلك وبتشوفني
اشرف. متل مابدك

هند. ماما .. ماما في رقم غريب عم يتصل خدي ردي
ام محمد. الو .. هلا .. الحمدلله انتي كيفك .. ايوا .. اي .. لا ما بتأخر

هند. مين هي
ام محمد. وحده ما بتعرفيها
هند. طيب وين بدك تروحي
ام محمد. بدي روح اشرب عندها فنجان قهوة
هند. طيب انا شو اعمل مشان اليوم
ام محمد. اعملي شو مابدك وحلي عني خليني بدل تيابي

اشرف. لك ليش ماعم تردي كأنك صرتي تقلي حالك علي
هند. هههههه لا ماهيك بس اتصل فيني رقم غريب واعطيت امي ترد طلعت وحده بتعرفها
اشرف. ايوا
هند. وين بدك تروح هلأ
اشرف. لعند وليد
هند. مين وليد
اشرف. مابتعرفيه
هاد الي كنت عندو اول مره شفتك فيها
هند. ايوا
اشرف. يلا بدك شي بحكي معك بس افضا
هند. لا سلامتك
اشرف. باي
هند. باي

ام محمد. يلا يا هند تعي سكري الباب انا رايحة
هند. عادي روح ع بيت عمي
ام محمد. اي روحي .. يلا سلام
هند. الله معك

طلعت ام محمد والتقت هي واشرف تحت وسلمو ع بعض

اشرف. اطلعي خالتي خليني وصلك
ام محمد. لا مابدي عذبك هلأ باخد تكسي
اشرف. لا الله يسامحك يلا اطلعي

طلعت معو ام محمد

اشرف. وين مشوارك
ام محمد. نزلني بشارع ال....
اشرف. تكرم عينك
ام محمد. الله يكرمك
حبيت تصرفك مبارح ولو ماقلتلي ماكنت بعرف شو رح يصير هيك ع الاقل انا بوقف معك
اشرف. الله يخليكي
والله كل يوم امي بتتصل فيني الف مره بتقلي خبرهن بس انا ماكنت وافق كنت خايف انو اخسرها او انو تهاني تعملي مشاكل
ومتل ماقلتلك مبارح فكرت كتير وترددت بالأخر قلت انو انتي لازم تعرفي

ام محمد. اي بس ظل هند لازم تخبرها
اشرف. لك المشكلة تأخرت كتير كان لازم من الاول تعرف بس خلص متل ماوعدتك بعد الخطبة رح خبرها
ام محمد. اي ان شاء الله
اشرف. هي وصلنا بس قوليلي وين بالزبط خليني وصلك احسن ماتمشي
ام محمد. لا هون منيح عذبتك معي
اشرف. لا ولو
ام محمد. يلا السلام عليكم
اشرف. وعليكم السلام

اشرف وصلها وراح وهي راحت ع بيت رفيقتها لام شريف لانو هي الي حكت معها وتواعدن هون

ام محمد. خير شو في
ام شريف. والله مو عارفة كيف بدي بلش خايفة انو تزعلي
ام محمد. بخصوص شو بدك تحاكيني
ام شريف. بخصوص اشرف ابني اشرف

ام محمد. تفضلي احكي
ام شريف. اشرف بحبها كتير لبنتك هند وفي شغلة انو هوا كان يعني
ام محمد. بدك تقوليلي انو هوا كان متزوج ؟
ام شريف. اي اي كيف عرفتي

ام محمد. مبارح هوا شافني وخبرني
ام شريف. ايوا الحمدلله شال عني هم كبير والله كنت خايفة انو بس تعرفو شو رح تقولو عنا بس منيح خبركم قبل مايصير شي وهلأ القرار الكم
ام محمد. والله انا حبيتو لأشرف متل ابني

ام شريف. الله يسلمك والله يا ام محمد انو من وقت خبرني قلتلو لازم تخبرهم مابصير هيك وهوا مايرضا مو مشان شي بس خايف من مرتو تعملو مشاكل لأنو كل ماكان يتعرف ع بنت تروح هي وتخرب عليه
واخر بنت اتفقو ع الخطبة وكل شي راحت مرتو وقالت انو مابجيه اولاد واكدنالهم انو هوا مافيه شي انو من مرتو بس والله ما وافقو وبعدا صار مشاكل مع اهل مرتو وكبرت بينهم
بس هوا والله ماخبا ع البنت الا لأنو بحبها وهلأ هوا منبه علي ماقول شي بس انا والله مابرضاها لبناتي لهيك قلت بجي بخبرك
بس ماكنت متوقعة انو حاكيلك
وتأكدي انو والله العظيم انو اذا وافقتو هند رح تكون متل بناتي واعز واشرف بحبها كتير ومستعد يعمل ايا شي كرمالها و وين ماسألتو عنو كلهم رح يمدحو فيه مو لانو ابني بحك هيك بس والله مافي منو

ام محمد. ع سلامتو اشرف ماشفنا منو الا كل خير بس المشكلة انو مو راضي يخبر هند الا بعد الخطبة قلتلو خليني انا خبرها واترك الموضوع علي والله مارضي ال هوا حابب انو يخبرها
هوا خايف من ردة فعلها لأنو سائلها وقايليتلو مستحيل اخد واحد كاين متزوج قبلي
قلتلو هاد حكي هي بتحبك واكيد مارح يكون عندها مشكلة

ام شريف. والله قلتلو متلك
ام محمد. انا حبيتكم من كل قلبي و والله كبرتو بعيني يعني بالأول اشرف ماقبل يكذب علي وهلأ انتي
ام شريف. الله شاهد يا ام محمد انو وقت زرتك بالبيت ماكان الي نفس اطلع من عندك ع قد ماحبيتك وقلت هالمرة ابني عرف يختار

دعاء. لنشوف حبيب القلب اشرف شو رح يصير يجبلك هدايا بس تخطبو اكيد رح يجبلك وردة او دبدوب او علبة بارفان
هند. ليش شبهن الي عديتيهن
دعاء. هدول هدايا الشب البخيل
هند. لا وحياتك هدول احلا من الذهب وبعدين اشرف لسا ماصار خطيبي وشوفي شو جبلي

دعاء. واووووو عنجد هوا جابو
هند. اي
دعاء. بياخد العقل بدي قول لخطيبي يعملي متلو اسمي واسمو
هند. انا مابتهمني الهدايا وشو بجبلي كل الي بهمني اني بحبو وبحبني
دعاء. اي سدئتك
هند. هي مشكلتك حبيتي تسئي سدئي مابدك تسطفلي
انا بدي روح باي
دعاء. باي

نزلت هند وشافت اشرف ع بيفتح باب شقتو راحت لعندو

اشرف. هاا هي انتي
هند. اي انا شو مو عاجبك
اشرف. لا عاجبني وكتير كمان لأني من الصبح اترجاكي بدي شوفك
هند. طيب بعد بدي فوت مابدي حدا يشوفني واقفة معك
اشرف. لا اسف مابفوت حدا ع بيتي
وخصوصي اذا كانو صبايا حلوين
هند. بلا غلاظة بعد بدي قلك شي
اشرف. قولي هون
هند. مابدي بددددي فوت
اشرف. اااااااسف ممنوع الدخول يلا ع بيتكم
هند. ماشي يا اشرف سدئني غير اليوم حطلك بقهوتك ملح

اشرف. هههههههه اذا بس هيك عقوبتك موافق
هند. ملح الليمون مو ملح
اشرف. لك لو حاطايتلي فيها سم رح اشربها من تحت ايديكي
هند. اي بنشوف يلااا باي
اشرف. باي

المسا هند لبست وجهزت حالا وناطرينهن ليجو
اشرف قاللها بيدقلها قبل مايوصل

في بيت ابو عصام

ابو عصام. يلا يا ام عصام الجماعة رح يوصلو

فتحو باب البيت بدهم يطلعو لقو عصام جايي

ابو عصام. اهلين عصام خير ليش جايي مو عأساس للخميس
عصام. جايي نام هون وبكرا الصبح طالع

ام عصام. اي اهلا وسهلا مشي معنا لبيت عمك هلأ جايين جماعة يطلبوها لهند

عصام. شووو عنجد
ام عصام. اي عنجد ليش تفاجئت
عصام. لمين
ام عصام. للمستأجر الي عنا
عصام. طيب وهي موافقة
ام عصام. قاتلة حالها مو بس موافقة

ابو عصام. ليش بتسأل
عصام. لا ولشي
ابو عصام. لك ليش احكي
عصام. كنت حابب انو تكون الي بس يبدو انا تأخرت

ام عصام. شو مالقيت غير هند
عصام. ليش من شو بتشكي
ام عصام. اي الحمدلله
خلص راحت عليك

ابو عصام. لا ماراحت ولا شي اليوم بس يروحو الجماعة بنسألها
ام عصام. لا تسألها لاني مو موافقة
ابو عصام. موضروري انتي توافقي المهم ابنك موافق

في بيت هند

هند. ماما امانة شوفي ناقصني شي
ام محمد. الف مره الواحد بيسأل لك ماناقصك شي وحلوة خلص اسكتي

هند. هي اشرف عم يتصل ماما طلعو ياربس والله خايفة ومتلبكة مابعرف شو اعمل
ام محمد. لك اهدي شبكي هي لو مابتعرفيه وحاكية معو بتعملي اكتر من هيك
ها هي بيت عمك وصلو روحي افتحي

هند. اهلا وسهلا تفضلو
ام عصام. طالعة بتجنني غير يطير عقلو فيكي اشرف
هند. تسلمي تفضلي

بعد عشر دقايق وصل اشرف ومعو امو وخالتو واخوه شريف
فتحتلهم ام محمد وسلمو ع الكل

قعدو وحكو شوي وهند كانت بالمطبخ اشرف فتح موبايلو وصار يراسلها

اشرف. يلا بقا اطلعي
هند. هههه مابدي خجلانة
اشرف. اي سدئتك
هند. جكر بحكيك هاد ماني طالعة
اشرف. طيب اسف بس ياحبيبتي ايمتا ناوية تطلعي
هند. ههههه كمان شوي ورح اطلع
اشرف. اي استعجلي شوي
هي امك انتبهت اني عم احكي معك اكيد
وعمك ومرتو بكونو يحكو علي لأني تاركهم وماسك الموبايل ههههههه

هند. اي قول لحالك هاد وقت الحكي
اشرف. اياها غرفتك
هند. الي بابها مرسوم عليه
اشرف. ايواا طيب يلا اطلعي
هند. رح حطلك كاسة مي بحد فنجان القهوة مشان بس تشردء
اشرف. له ياعمري بهون عليكي بحبيبك اكيد مابتعمليها ورح تحطي سكر لأني بحبها حلوة
هند. هلأ بتشوف اني بعملها ولا لأ

اشرف. رح طق بدي دخن
هند. ماتدخن مين ماسكك
اشرف. هلأ عمك بصير يحكي علي
هند. هههههه
اشرف. يلا باي
هند. باي

دخلت هند وضيفتهم القهوة وبس صارت عند اشرف

هند. تفضل
اشرف. بصوت واطي ياووويل قلبي لك ان شاء الله بيسلمو هالديات ( ب ح ب ك )
هند. ههه الله يسلمك

حكو واتفقو ع كل شي وحددو موعد الخطبة بعد بكرا
وراح اشرف واهلو
بقي عندهم عمها ومرتو

ابو عصام. شو رأيك بالشب يا هند
هند. منيح عمي
ابو عصام. اي الف مبروك بس تصرفو ماعجبني
هند. ليش شبو
ابو عصام. طول الوقت ماسك الموبايل وماشالو من ايدو

هند. اي عادي عمي بكون مضطر يحكي مع حدا
ابو عصام. لو انك صبرتي شوي كنا اخذناكي لعصام
اليوم زعل كتير بس عرف

هند. كلو نصيب
هند في نفسها اي الحمدلله لحقت حالي

ابو عصام. بس ليش مستعجلين كتير حتى لمحو انو العرس بعد الخطبة بفترة قصيرة

ام محمد. مابعرف والله بس كنت حابة لو يأجلو الخطبة اسبوع مشان اختها تحظرها

ابو عصام. مو مشكلة بتحظر العرس
ام محمد. اي
هند. ماما انا فايتة ع غرفتي بدك شي
ام محمد. اي بدي روحي بدلي تيابك وتعي نظفي المطبخ
هند. مو هلأ لبكرا
ام محمد. نسيتي شو قلتي مبارح
هند. لا مانسيت بس لبكرا
ام محمد. لا روحي هلأ وكمان اعملي لعمك شاي
هند. ومافي طلبات تانية
ام محمد. لك روحي بقا

راحت هند تشتغل واشرف يبعتلها بس مو صايرلها ترد

بس خلصت راسلت اختها وخبرتها بس قالتلها اختها انو مابتقدر تحظر الخطبة

اشرف. لك مع مين عم تحكي وانا صرلي ساعتين احكي وماتردي علي

هند. مع اختي وماصرلي خمس دقايق فاتحة
اشرف. شكلك من هلأ مليتي مني
هند. ههههه لا والله
وينك انت

اشرف. ببيت اهلي
هند. شايف انو انت الي مليت مني لهيك صرت تنام ببيت اهلك حتى ماتشوفني
اشرف. لك اليوم كنتي بتجنني حلوة كتير
امي طول الطريق ماسكتت وهي تحكي عنك
شو عملتي فيها اه

هند. هههههه لك انا مين مايشوفني بحبني مو متلك بتنفش بحالك ع الفاضي

اشرف. هههههههه والله ضحكتيني ال مين مايشوفني بحبني
هند. اي ليش انت ماحبيتني
اشرف. حبيتك وعشقتك بجنون

تاني يوم راحت هند اختارت فستان الخطبة وجهزو كل شي

يوم الخطبة اتصل اشرف بهند

اشرف. جهزي حالك رح اجي اخدك ع الكوافيرة
هند. لا حبيبي بلا ماتجي لانو دعاء بدها تروح معي واخوها بدو يوصلنا

اشرف. اخوها الي التقيت فيه هديك المره
هند. اي هوا
اشرف. لا انا رح اجي
هند. لك هلأ بيزعلو خلص بس خلص بتصل فيك وبتجي انت
اشرف. متل مابدك

وصلهم عصام ع الكوافيرة
وبعد 4 ساعات اتصل فيها اشرف

اشرف. حبيبتي مطولة صرلك 4 ساعات
هند. لا بدي بعد نص ساعة
اشرف. رح اطلع وامشي ع مهلي بتكوني خلصتي
هند اي متل مابدم

ولبست هند وطلعت بتجنن احلا من دعاء وقت انخطبت بكتير
وصل اشرف وطلعو معو بالسيارة وبس شافها ماظل فيه عقل من كتر ماكانت حلوة

هند. اشرف يعني هيك بدك تظل تطلع فيني وماتشوف قدامك

اشرف. لك اخ ياريت اليوم العرس مو الخطبة كنت اخذتك دغري ع البيت وخلي الناس كلا تستنا ونحنا بنكون ببيتنا و

دعاء. احم احم نحن هنا
هند. ههههههه
اشرف. ههههههه انا مو راضي احكي شي لانو انتي هنا
دعاء. هي هيك ماحكيت شي لو ماحكيت انا الله اعلم انت لوين كنت وصلت

اشرف. هههههه عنجد انا ساكت مشانك
دعاء. لكن نزلني وخذ راحتك بالحكي ههههههه
اشرف. لا ولو عم امزح لاحقين ع الحكي

صارت الخطبة والكل فرحانين واكتر شي اشرف وهند

قاعدين وماسكين ايدين بعض

اشرف. هند مين هديك البنت الي لابسة زهر
هند. ليش عم تسأل
اشرف. ولشي بس سؤال
هند. اي ليش هالسؤال
اشرف. لك والله هيك بدي اعرف مين هي

هند. ليش شايفها من قبل
اشرف. لا هي اول مره
هند. لكن ليش عم تطلع عليها
اشرف. لك ماعم طلع
هند. امبلا شفتك ماعم تشيل عيونك عن البنات
وماخليت وحده ماطلعت فيها انا شفتك بس مارضيت احكي شي

اشرف. ها كل هاد لأني سئلتك بس مين هي
يعني شو رأيك ابقا حاطك راسي بالارض مشان ماشوف حدا
هند. اي ياريت لانك عم تبتسم للكل
وهنن مافيهن وحده حلوة

اشرف. لك لا في هديك الي سألتك عنها
هند. هلأ بدك تقلي من وين بتعرفها
ومبين عليها عم تتمايع قدامك لحتى تلفتلك انتباهك
قلي من وين بتعرفها

اشرف. مابعرفها بس هلأ كتير عجبتني
هند. شو الي عجبك فيها
اشرف. كل شي
هند. اي خد لكن

قرصتو بأيدو

اشرف. لك اخ هلأ هيك ماشي
هند. بتستاهل واذا بتطلع عليها مره تانية والله بعضك قدام الكل
اشرف. خلص التوبة وشو مابتلقي مزح هههههه
هند. اي مابحب المزح
وليش كنت عم تسأل عليها

اشرف. ماضروري تعرفي
هند. اصلا مابهمني

اجت بنت وسلمت ع اشرف بأيدو وباركتلو

لمى. الف مبروك اشرف
اشرف. الله يبارك فيكي
لمى. هالمرة عرفت تنقي
اشرف. اه .. اي

اشرف. ولي رحنا ماننكشف
هند. اشرف مين هي
اشرف. هي بنت عمتي
هند. وليش ساعة ظلت ماسكة ايدك

اشرف. لانها بتحبني
هند. ماشاء الله انت كل البنات بحبوك
اشرف. اي لكن
هند عنجد مين
اشرف. قوليلي مين الي سألتك عنها بقلك مين هي

هند. هديك بنت عمتي
اشرف. وانا هي بنت عمتي
هند. لك عنجد مين
اشرف. والله بنت عمتي
هند. ماحبيتا
اشرف. ولا انا

هند. لك اشرف خلص بقا
اشرف. قولي لحالك هالحكي بدل ما تتغزل فيني عم تحاسبني ع مين اتطلعت

هند. طيب قوم نرقص
اشرف. مابدي مابعرف
هند. بس شوي
اشرف. والله مابعرف

هند. اف ياه بطلت اتجوز هههههه
اشرف. وانا بطلت اذا من هلأ عم بتحاسبيني ع كل شي كيف بعد مانتزوج

هند. لكن خلينا نترك من هلأ
اشرف. موافق هلأ بختار ايا بنت وبخطبها وانت بتتحسري

هند. اي لكن اترك ايدي
اشرف. بتركها شو بتخوفيني
هند. هههههه لك لا
خلص موافقة بعيني الله عليك
اشرف. لك تسلميلي شو قمر
هند. بحبككك

اشرف. دعينى انظر الى عينيكِ

لارى جمال الكون فيها

واهفو الى لمسة يديكِ

فتاخذنى الى ضواحيها

واعتصر التوت من شفتيك

واسرق الشعر من قوافيها

واكتب قصيدة على خديكِ

ماكتب بشر يوما مافيها

خلصت الخطبة وظل اشرف سهران عندهم للساعة 3 وهنن ضحك ومزح وماسكتو ابدا
وبعدين رجع ع بيتو
وكان احلا يوم بحياتهم انبسطو كتير

يتبع...
الجزء الرابع عشر

#ياورد_مين_علمك_تجرح_الكاتبة_روان_الشبلاق

الجزء الرابع عشر

مرق اول كم يوم من الخطبة وقضوها عزايم يوم عند اهلو ويوم عند اهلها ويوم عند عمها ويوم عند خالتو مريم

اشرف حاسس حالو مالك الكون كلو
وهند مجننيتو بغيرتها

بالليل في بيت هند

هند. ماما انا رايحة جهز حالي اشرف هلأ جايي
ام محمد. اي

وصل اشرف ودخل لعندهم وقعد مع امها طلعت هند من غرفتها

هند. حبيبي بس استناني خمس دقايق
اشرف. بستناكي ليش ورايي

ام محمد. اشرف صار لازم انو تخبرها انت وعدتني بعد الخطبة وهي الكن كم يوم خاطبين
صارحها واكيد مارح تزعل منك
واذا يعني مو حابب انت تخبرها انا بحكي معها وبقوللها

اشرف. لا خلص اليوم اكيد رح بحكيلها كل شي
ام محمد. اي ياريت
اشرف. بس شو مشان العرس يعني انا بدي اقل من شهر وكون متزوج

ام محمد. ايمتا يعني
اشرف. يعني بعد اسبوع
ام محمد. هي ليش كل هالقد مستعجل هيك مابكون الكم اسبوعين خاطبين

اشرف. اي مافي داعي تكول الخطبة اكتر من هيك
ام محمد. اليوم بس تخبرها حددو موعد انت وياها ايمتا مابدكم انا ماعندي مانع

طلعت هند

هند. هي صرت جاهزة يلا قوم
اشرف. وين
هند. نروح نتمشا
اشرف. بالله شو
هند. لك يلا قوم بقا
اشرف. مجنونة انتي لك الجو بارد

هند. معليش انا مو بردانة
اشرف. انا بردان
هند. لاتجنني بدك تقوم غصبن عنك
اشرف. بالسيارة باخدك وين مابدك
هند. شو يعني ما بتمشي ولا خطوة كلوة بالسيارة شو ناسي انك بعت سيارتك

اشرف. بشتري بدالها
هند. من وين بدك تشتري عليك ديون كتير
اشرف. هلأ شغلتك هالشغلة انتي عليكي انو تركبي سيارة ومامهم لمين بتكون
هند. طيب يلا خلينا نروح نتمشى

اشرف. امشي معي

مسكها من ايدها واخدها ع البلكون

ام محمد. هههههه لساهم بأول عمرهم وحياتهم حلوة الله يهنيهم

اشرف. شايفة الجو كيف بارد
هند. اي رغم هيك بدي روح
اشرف. يمكن انتي لسا مابتعرفي اني مابحب التمشاية واني مامستعد امشي خطوة بدون سيارة

هند. اي مابعرف بس يلا بقا
اشرف. هي صرتي تعرفي
بدك بالسيارة بنروح غير هيك لا
نزلو لتحت وركبو بالسيارة

هند. يعني ماصار الا الي بدك ياه
اشرف. مو احسن مانتعب حالنا بعدين شوفي فيها مكيف بندفي حالنا
مو متل المشي بنتجمد

هند. ههههههه يعني بكل موقف بدل ما ازعل منك بتضحكني
اشرف. هههههه وين بدك نروح
هند. وين مابدك

اشرف. تروحي ع بيتنا هنيك بقعد لوحدنا ماحدا بيزعجنا
هند. لا شكرا
اشرف. ههههههه بتوفري

هند. عنجد وين رايحين
اشرف. رايحين نتعشا بالمطعم
هند. بس بلكي تأخرنا انا قلت لماما انو مالنا مطولين
بلكي زعلت
اشرف. لا مارح تزعل انا حكيت معها

وصلو ع المطعم وطلب اشرف العشا

في بيت ام محمد كانت هند مخلية موبايلا بالبيت مشان اذا امها بدها شي
رن الموبايل وكانت صفاء
ردت امها

ام محمد. اهلين صفاء
صفاء. كيفك امي اشتقتلك كتيرر
ام محمد. الحمدلله بخير انتي كيفك شو اخبارك
صفاء. الحمدلله

ام محمد. مطولة بحلب
صفاء. ههههه لا انا راجعة ع الطريق بدي ساعة وبوصل
ام محمد. عنجد
صفاء. اي

ام محمد. الف الحمدلله ع سلامتك لكن تعي لعنا لا تروحي ع بيتك
صفاء. لا بكرا بجي عليكم اليوم تعبانة وبدي ارتاح
ام محمد. لك تعي اليوم مشان تتعرفي ع خطيب اختك

صفاء. هيك قولتك
ام محمد. اي ناطرتك
صفاء. ماشي.. باي
ام محمد. الله معك

بالمطعم

اشرف. لك ليش ما اكلتي
هند. اكلت
اشرف. هلأ هاد اكلك
هند. اي
اشرف. طيب شو تشربي
هند. متل مابدك
اشرف. كلو متل مابدي يعني مافي شي محدد
هند. لا ههههه

ام محمد. رح اتصل فيهم ولا لا خليهم يمكن اشرف يكون عم يحكي معها

هند. اشرف قوم خلينا نتمشا شوي يعني ليش كل شي بحبو انا انت ما بتحبو
اشرف. مين قال هالحكي

هند. اي مبين مافي شي قلتلك عنو وكان رأيك من رأيي
اشرف. طيب امشي امري لله
هند. اي شايف هيك ما احلاك
طلعو من المطعم وراحو يتمشو

اتطلع فيها اشرف وضحك

اشرف. مبسوطة هلأ
هند. اي كتير

كان اشرف كل مايشوف شي حلو او بدو يقوللها اتطلعي ع شي ( يخزها ) ينكشها بكوعو ع خصرها

اشرف. شوفي هاد البيت ما احلاه من برا
هند. اخ لك مو هيك وجعتني
اشرف. اسف
هند. اي حلو الله يهني صحابو فيه

اشرف. يلا بكفي خلينا نرجع
هند. لك هلأ مشينا
اشرف. اي بكفي هيك
هند. لا مابكفي

اشرف. شايفة هاد المطعم كنت
هند. اشرف شبك والله عم توجعني احكيلي حكي بدون ماتستخدم كوعك لانو حفرتلي خصري
يعني مفكر حالك ماشي مع واحد من صحابك

اشرف. ههههههه لك مو بقصدي هي نسيتيني شو كنت بدي احكي
هند. بتستاهل

رجع نكشها اشرف بس مو بقصدو هي عادة فيه كل مابيمشي مع حدا

اشرف. اتطلعي وراكي
هند. اي لا بقا يعني انت مستقصد هالشي مابقا بدي امشي جنبك
اشرف. ههههههه والله مو بقصدي مابحس ع حالي وقت اعملها

هند. تاني مره انتبه
اشرف. خلص بوعدك عد للعشرة قبل ما حرك ايدي
هلأ المهم اتطلعي وراكي وشوفي بعدنا كتير ماهيك

هند. خلص خلينا نرجع لانو رح تضل كل شوي تقلي بدك ترجع
اشرف. لا اذا زعلتي بنمشي كمان شوي
هند. مابدي امشي لحالك
اشرف. والله غير تمشي خلص انا اااسف معد احكي انتي بس تملي قوليلي خلينا نرجع
هند. اي
#الكاتبة_روان_الشبلاق
هند. ايدك باردة ليش
اشرف. لأنك مو ماسكيتها منيح
هند. هههههه
اشرف.تسلملي هالضحكة
هند. انت امممم شو اكتر شي بتحبو

اشرف. انتي
وانتي شو بتحبي
هند. اااانت بحبك انت وبس

هند. وشو اكتر شي بتكرهو
اشرف. المشي

وقفت هند واتطلعت فيه وزورتو

اشرف. شو .. والله ما لأنو عم نمشي بس عنجد بكره المشي
هند. يعني مانك مستقصد تجاوب هيك
اشرف. لا يعني انتي سألتيني وانا جاوبتك

هند. بتحب الشعر
اشرف. اي كتير .. وانتي
هند. اي

اشرف مشغول بالو انو كيف بدو يخبرها واذا رح تزعل ولا لأ

اشرف. هند بدي قلك شي
هند. قول حبيبي
اشرف. انا .. انا كنت متزوج قبل ما اخطبك

تركتلو ايدو هند ومشيت لحالا

اشرف. هند لك هند
هند. شو بدك
اشرف. زعلتي ماهيك
هند. اي زعلت يعني ما ملاحظ انو كتير صرت قايلي هيك ليش يعني كل مانكون لوحدنا بتقلي نفس الجملة

اشرف. يعني مانك مسدئة

هند. من وقت خبرتك عن دعاء انو انخطبت لواحد كاين متزوج وانو انا مابحب هيك صرت كل ماتشوفني تقلي هند انا كنت متزوج
حتى لو مزح لا بقا تقولا

اشرف. طيب اسف حقك علي
هند. هي اخر مره ماشي
اشرف. اي
هند. يلا خلينا نرجع

اشرف في نفسه احسن شي خلي امها تخبرها

هند. زعلت مني ماهيك
اشرف. لا ليش حتى ازعل
هند. انا اسفة لأني عصبت
اشرف. لاحبيبتي انا الي اسف لاني دايئتك

مشيو وهما ساكتين
وصلو لعند السيارة
وفتحلها اشرف الباب

اشرف. تفضلي يا اميرتي
هند. يسلمو ايديك
اشرف. الله يسلمك
بدك شي قبل مانرجع ع البيت
هند. لا سلامتك

في بيت ام محمد دق الباب فتحت كانت صفاء وسلمت عليها
صفاء. وين هند اشتقتلا
ام محمد. طلعت مع خطيبها ومابقا الا يوصلو
صفاء. انا رح بدل تيابي لكن
ام محمد. اي

بالسيارة

اشرف.حبيبتي عندك مانع اذا كان العرس قريب
هند. اديش يعني
اشرف. اسبوع
هند. ههههه ليش مستعجل
اشرف. يعني اسبوعين خطبة بكفي ماهيك

هند. مابعرف بس انو لسا ماجهزت كل شي
اشرف. اي مو ضروري كل شي هلأ بعد العرس جهزي ع مهلك

هند. بخاف قلك اي وماما ماتوافق
اشرف. انا سألتها وقالت اتفق انت وهند وانا ماعندي مانع هلأ نحنا اليوم الاربعا شو رأيك مو الجمعة هي الي وراها

هند. اي موافقة
اشرف. يوم عرسنا رح يكون ب 2 / 25 منيح
هند. اي كتير منيح
اشرف. لك بحبك ومامسدء ايمتا تصير مرتي وتنوري بيتك يا احلى عروس

في بيت ام محمد بالمطبخ

صفاء. اتصلي فيهم مابقدر استنا كتير

دء باب البيت

ام محمد. ها ليكهم اجو روحي افتحيلهم هلأ القهوة بتغلي

راحت صفاء وفتحت الباب وشافت اشرف وهند

اشرف انصدم بس شافها وهي كمان بس مالحقت تحكي شي لانو هند ضمتها وسلمت عليها

هند. يا الله منك ليش ما قلتيلي انك جاية
بعرفك ع اشرف خطيبي وحبيبي
اشرف هي صفاء اختي الاكبر مني

اشرف. اااا صفاء
صفاء. هههههه لك كيفك طلعنا بنعرف بعض
شو هالصدفة زوج جارتي يصير زوج اختي ههههه
ماخطرلي انو تكون انت مع انو قالتلي اسمك اشرف

هند. لك لحظة لحظة اسكتي شوي
صفاء. شبك

اشرف ساكت ومو عارف شو يحكي

هند. ليش عم تقولي زوج جارتي يصير زوج اختي يعني بتحكي عن حدا تاني

صفاء. لك يا هبلة اشرف هاد هو نفس اشرف زوج جارتي الي حكيتلك عنها وخلت زو

طلعت ام محمد

هند. لك شو عم تخبصي يعني كنتي نايمة قبل ماتجي ولهلأ لساتك عم تحلمي
انتي بتعرفيه لأشرف

صفاء. لك اي وهو بيعرفني شبك اشرف قوللها انو بنعرف بعض من قبل ههههه

اشرف. صفاء هند لسا مابتعرف انو انا كنت متزوج

هند. شوووو لك شو الي عم بسمعو

اشرف. حبيبتي انا كنت متزوج
هند. ماعم سدء كذذذاب ليش هيك عم تحكي
امي سامعة اشرف شو بيحكي وبخبص

صفاء. ليش لهلأ مو مخبرها كيف يعني خاطبين ومابتعرف

اشرف. هند انا كنت بدي خبرك بس
هند. ماما سامعة شو عم يحكو شبكي ليش ساكتة

ام محمد. اهدي شوي خليني فهمك
هند. احكي والله سامعتك

ام محمد. اشرف كان متزوج وماحب يخبرك لانو

هند. صارت تبكي لانو شووو لانو شوو
ام محمد. لانو ماصارلو
هند. هيك لك اشرف طول الوقت هاد كلو وماصارلك
ليش ماخبرتني ليش خبيت عني انا شو عملتلك قلي شوو

اشرف. لاتبكي ياعمري هلأ بحكيلك كل شي
هند. بس ماما انتي كيف كيف عرفتي لك ليش ماخبرتوني كلكم كنتو بتعرفو وكذبتو علي

ام محمد. مدامك عم تبكي مارح تفهمي علي اهدي شوي واسمعي شو رح قلك
اشرف خبرني وكان خايف يقلك وتزعلي منو لانو كنتي قايليتلو مابتاخدي واحد متزوج من قبل

هند. ليش هلأ مازعلت كل هالقد انا غبية ومابفهم لك انت كنت عم تحكي عنجد وانا مابفهم انااا مابفهم

صفاء. يعني مابعرف كيف هيك خاطبين وهند مامعها خبر

هند. اسألي ماما اقرب الناس مني خبت عني
والي عامل حالو بحبني كمان خبا عني وماكان حتى ناوي يخبرني لو ما انتي كشفتيه

اشرف. لا تحكي هيك والله بحبك بس
هند. بتحبني لكن
ام محمد. كان بدو يقلك وهوا عمل هيك لانو مرتو كانت كل ماتعرف انو بدو يخطب تخرب عليه

هند. طيب انا شو علاقتي بمرتو لك مرتو مرتو حبيبي طلع متزوج ههه
لك انت شو

اشرف. والله كنت رح قلك
هند. ايمتا لك ايمتا بعد مانتزوح لك اليوم حددنا موعد العرس وانت عم تقلي بدي خبرك

اشرف. انا مابعرف كيف حبيتك وخبيت عنك بالاول خفت انو بس تعرفي ماتقبلي فيني ومابعرف كيف هيك صار كنت كل ما اجي لقلك انتي تاخدي الموضوع مزح

هند. اي اول شي قلت مارح تقبل فيني بخليها تحبني وبعدين بخبرها
وبس حبيتك خفت انو ادعس ع قلبي وما وافق كمان
وخطبنا وماخبرتني
قلت لحالك لنتزوج بكون اضمن شي ماهيك بس هي انكشفت ومارح سامحك

اشرف. لا تحكي هيك
ام محمد. يابنتي اشرف مافي منو وبحبك كتير وانتي بتحبيه وهوا كان غلطو انو ماخبرك من الاول بس اسمعيه مانو هداك الذنب لكبير لانو انا كنت بعرف

هند. والله مارح تحسو قد ما حكيتلكم لك والله كسرلي قلبي

راحت ع غرفتها وهي تبكي كانت بدها تقفل الباب بس لحقها وماخلاها
دخل معها وقفل الباب

هند. اعطيني المفتاح واطلع لبرا
اشرف. بدك تسمعيني
هند. عم قلك اطلع لبرا
اشرف. حبيبتي اسمعيني وبعدين اعنلي شو مابدك

هند. لك لا تقول حبيبتي اطلع من هون مابدي شوفك
اشرف. مارح اطلع
هند. لا تخليني اغلط عليك اطلع احسنلك
اشرف. اغلطي اعملي فيني شو مابدك بس سامحيني

هند. الله لا يسامحك

الجزء الخامس عشر الاخير

#ياورد_مين_علمك_تجرح_الكاتبة_روان_الشبلاق

الجزء الخامس عشر الاخير

اشرف جن بس سمع هي الكلمة قرب منها وضمها بقوة غصبن عنها وحط ايدو ع شعرها

هند. اتركني لك بعد عني

ماخلاها تتركو وبقي ضامها وهي تبكي ع صدرو
كان زعلان كتير عليها وهي تبكي

اشرف. لك اقسم بالله بحبك والله العظيم انتي اغلا شي بحياتي انتي دنيتي كلا

سمعت حكيو وصارت تشهأ من البكي

اشرف. والله مابفرقني عنك غير الموت ورح اعمل شو مابدك بس سامحيني
سامعيتني ياعمري

بعدها عنو ومسح دموعها

اشرف. هالعيون الحلوين ما لازم يبكو

تركتو يحكي وراحت نامت بتختا وتغطت وهي تبكي
راح قعد جنبها وصار يحاكيها

في الصالة

صفاء حكت لأمها كل شي عن اشرف واديشو منيح وانو مرتو هي الي مو منيحة معو

صفاء. عنجد امي اشرف شب مابيتعوض وقد ماحكيتلك عن تهاني كيف كانت تعملو ما رح تسدئي

ام محمد. انتي كيف بتعرفي كل هالشي
صفاء. هي كانت تخبرني كل شي وتعترف وقالتلي انو كل مايروح يخطب بنت تروح تحكي عليه قدام اهلها وتقول مابيجيه اولاد
وهي كانت قايليتلي انو الدكتور قاللها هي مابتجيب اولاد بس قاللها مع الوقت والعلاج في امل

ام محمد. لكن ليش اتطلقو
صفاء. هي مابدها ياه ماكانت مقدرة النعمة الي عايشة فيها
ع هوا حكيها انو بأخر فترة كان مو ملحق بين شغلو بالبنك وبين بيتو الي كان عم يعمرو
يعني طول الوقت كان مشغول واعترفت انو تعب كتير حتى جهز البيت
وحط ديون كتير ع حالو بس لجهزو مشان يسكنو فيه بس هي مارضيت صارت تنكد عليه عيشتو مشان هوا يطلقها لانو اذا هيا طلبت الطلاق ما بيطلعلها شي

وطبعا كل هاد بمساعدة امها ضلت وراه لعوفتو حالو بالاخر باع سيارتو الي كان يحلم انو يشتريها ودفع المأخر

كنت شوفو كتير كل مايجي معها ع بيت اهلها وشوف كيف بعاملوه
راتبو كلو كان لأمها وماتخلي معو شي بحجة بدها تياب ومابعرف شو

وبس كنت اسألها شو بتعملي بالمصاري الي بتاخديها منو بتقول بخبيها مع امي

ام محمد. بنات الحرام بيعملن اكتر من هيك
صفاء. ولا مره خطرلي انو اشرف يكون زوج هند
عنجد رح تعيش معو ملكة

ام محمد. والله حكيك ريحني كتير بس ماكنت متوقعة ردت فعلها هيك لهالمجنونة

صفاء. عادي بيرجعو يتصالحو
بس ماتكون غلطت عليه ام لسان طويل لاني بعرفها بس تنجن

صفاء. هوا ما لازم خبا عنها
يعني اذا خايف انو يوصل الخبر لتهاني وتخرب عليه
كان فيه يخبركم انتو ع الاقل

ام محمد. لك خبرني وامو كمان خبرتني بس صاير حديث بينهم واختك قايليتلو ماباخد واحد متزوج لهيك هوا خبا عنها وكل يوم يقول رح خبرها ومايخبرها لحد اليوم

صفاء. اي هيا كانت بتحكي هيك لانو مابتعرف انو كان متزوج لو خبرها بيختلف الحكي اكيد

ام محمد. شو نعمل هاد الي صار
صفاء. بدنا نعرف شو عم يحكو
ام محمد. اتركيهم بلكي بيتفاهمو

بالغرفة لساها متغطية بالحرام وماحكت معو

اشرف. حبيبتي بكفي تبكي
طيب انا شو ذنبي كل ما اجي لخبرك تاخدي القصة مزح
هلأ رح تقولي انو حتى لو خبرتني شو الفائدة ونحنا مخطوبين
بس بدي قلك بتتذكري اول مره طلعنا مع بعض وقلتلك في شي بدي خبرك ياه
وقتا كنت بدي احكيلك كل شي وقلك انو اذا موافقة ببعت اهلي يطلبوكي
بس مابعرف كيف انفتح موضوع دعاء بنت عمك وقلتي انتي مستحيل اقبل بواحد متزوج
بس سمعت هيك خفت انو ترفضي واخسرك
ورجعت سألتك اكتر من مره وتقولي مستحيل
وقلتلك تخيلي انو انا متزوج وطلقت مرتي شو بتعملي بتقبلي فيني
قلتيلي ببساطة بتركك
لهيك انا كنت خايف
وكمان في اسباب تانية انتي ما بتعرفيها
قومي غسلي وجهك وبحكيلك كل شي

قامت هند

هند. اذا خلصت حكيك فيك تطلع لبرا لانو بدي نام ومابدي اسمع منك شي
وانت قلتها انو قلتلك ببساطة بتركك ليش ما انسحبت من الاول ليش خليتني اتعلق فيك

اشرف. لاني بحبك
هند. طيب اطلع لبرا ومعاد بدي شوفك
اشرف. مارح اطلع مزالك زعلانة

هند. مالي زعلانة ها شوفني مبسوطة كتير الدنيا مو واسعتني من الفرح

قرب منها وحط ايدو ع كتفها
وشالتلو ياها

اشرف. حقك تزعلي مني
بس تأكدي انو لو مابحبك ماكنت عملت هيك
هند. وانا مابحبك
اشرف. كذابة بتحبيني وبتموتي علي
هند. كنت
اشرف. ولازلتي
هند. اعطيني المفتاح بدي اطلع
اشرف. مافي طلعة
هند. يا اما اطلع انت او انا بطلع
اشرف. ياعيووووني انتي قلبك طيب سامحيني
هند. بتطلع لبرا والا
لشرف. والا شو معليش احكي شوو مابدك
هند. والله بغلط عليك اطلع احسن ماتسمع شي كلمة تزعلك

اشرف. موافق مو بس زعليني موتيني متل ماكنتي تقولي
هند. يا الله ما ابرد دمك لك والله صرت بكرهك ليش ماعم تسدء

اشرف. هاد الحكي مو من قلبك وانا بعرف
هند.الحق علي الي عم ناقش واحد متلك

اشرف. ههههه رجعتي نمتي
طيب ما امك كانت بتعرف انا خبرتا حتى ماتزعلي
وصفاء اختك انا بعرفها كتير منيح وروحي اسأليها عني شو مابدك
واسأليها ليش طلقت مرتي
واسأليها اذا بحياتي زعلتا ولا لا مع انو كنت بكرهها بس ماكنت زعلها
بقا كيف انتي حبيبتي بدي اقبل بزعلك
هي انا عندك اعملي فيني شو مابدك
بس والله انا ااااااسف اسف
لك هند ردي
طيب بتذكري وقت اجيتي لعند بالليل وكنتي مشتاقيتلي
وكنتي بدك تعرفي وين كنت انا
اذا بدك هلأ بقلك
لك ردي بكلمة وحده
كرمالي احكي شي
لك رررردي

في الصالة اجت دعاء وسألت عن هند خبروها كل شي

اشرف. طيب رح قلك وين كنت بوقتا قلت لأمي تجي تطلبلي ياكي بس بدون ماتخبركم اني متزوج وهي ما وافقت

لهيك رحت ع بيتي كم يوم وماكان بدي احكي مع حدا
وبس وصلتني رسالتك اجيت فورا وكنت ناوي اني قلك بس ماقدرت
كان البعد اهون علي من اني اسمع كلمة منك انو مابدك ياني
ياحبيبتي يا قلبي مشان الله ردي
طيب انا رح اطلع هلأ بس راجعلك رح اتركك ترتاحي وتفكري وخلي صفاء تحكيلك كل شي هي بتعرف

قرب منها ورفع الحرام عنها كانت عم تبكي باسها
اشرف. بحبك

طلع اشرف من عندها بس اخد المفتاح معو

هند. في نفسها وانا بحبك
وانا بحبك كتيررر

صفاء. شو صار اشرف
اشرف. لساها زعلانة ومو راضية تحكي معي
صفاء. ولا يهمك هلأ انا بحكي معها
بس ماتكون غلطت عليك اختي وبعرفها ههههه

اشرف. ههههه لا بس هددت بأنها تغلط بالكس كتير كانت هادية

دعاء. شو اشرف الله يسمعنا الاخبار الحلوة ههههه

اتطلعو فيها اشرف وصفاء

دعاء. شبكن عم امزح عنجد مابصير الي عملتو لازم خبرتا

صفاء. اقعد خليني اعملك قهوة
اشرف. لا بدي روح شوي بلكي تكون هديت وبرجع
صفاء. متل مابدك
اشرف. امانة ماتنسي حاكيها
صفاء. ولا يهمك
اشرف. يلا سلام
صفاء. الله معك

دخلت دعاء لعند هند وشالت لحرام عنها شافتها عم تبكي

دعاء. يي هند شبك لاتبكي القصة مالة مستاهلة
هوا صحيح خدعك وكذب عليكي بس سامحيه
هند عم بحكي معك ردي علي
لك ردي
اي تسطفلي لا تردي

دخلت صفاء لعند هند
ورجعت دعاء ع بيتهم

صفاء. هند حبيبتي ليش كل هالزعل اشرف بحبك لوتشوفي كيف طلع من هون وهوا زعلان وبيحرق القلب
خلص سامحيه
رح احكيلك قصتو واكيد رح تعذريه

حكتلها صفاء قصة اشرف بس ماحكت هند ولا كلمة وماردت عليها

في بيت ابو عصام قاعدين بالصالة ام عصام وعصام

دعاء. نسيت خبركم انو هند خطيبها طلع متزوج وهلأ اكتشفو الحقيقة وياحرام هند حالتها بتبكي

عصام. يعني ماكانو بيعرفو انو متزوج
دعاء. لا كذب عليهم وهلأ هند ماعم توقف بكي
ام عصام. انتي متأكدة
دعاء. يعني بدي احكي من حالي

ام عصام. ليش من الاول ماخبرتينا
دعاء. كنت بدي خبركم بس حكيت مع رفيقتي وضلت ساعة تحكي
ام عصام. يعني هند زعلانة
دعاء. اي دخلت لعندها ع الغرفة لقيتها تبكي من كل قلبها

ام عصام. انا رايحة شوف شو القصة
عصام. وانا رايح معك

في غرفة هند

صفاء. والله لو بحكي مع حيط كان رد علي
هلأ رح ييجي اشرق لا تظلك معقدة بوجهو حرام عليكي

هند. كلمة وحده مافي غيرها قوليلو مابدي ياه

رجع اشرف وطلع ع الدرج
وعصام كمان كان نازل دخلت ام عصام
وصل اشرف التقا هوا وعصام قدام بيتها لهند

عصام كان جاي خصوصي ليشوف اشرف

اشرف. السلام عليكم

ماحس الا وانو عصام ذاربو بوكس ع تمو

عصام. هيك بتعمل ببنت عمي يا كلب