عاصم: شو ابن اخي لسا البنت ماصارت خطيبتك وبلشت بدك تفرض شخصيتك عليها😅
قصي: لا عمي مجرد سؤال عم اسألو لاعم افرض شخصيتي ولاشي🙂
وائل بهمس لبسمة: ياحبيبي هاد ابن عمك صدق حالو صار بدو يتدخل بحياتا 🙄 لجنى
بسمة(بسخرية): هههه 🙄قال يعني هو كمان مسؤول عنها ، مااغلظو ولو
وائل: ع فكرة انتي اغلظ لسا😂
بسمة: وانت اغلظ منا تنيناتنا😏
وائل: اي ولو عم امزح، بس انتي تقوليلي منسون 😏 وابو نضارة
بسمة: اي لانك فعلا منسون 😏 وضررريييب ،
____
ببيت فتون
فتون: شوماما بلاقيك مبسوط اليوم
ايمن: مبسوط وبس ، لك طاير عقلي من الفرح
فتون: ان شالله ع طول بس شو السبب فرحني معك ياقلبي
اطلع فيها بحماس وبلشو يلمعو عيونو
ايمن: اليوم شفتا
فتون: لمين؟؟
ايمن: للبنت يلي طرطشتا بالميات😂😂😂😍😍
فتون: اه ، نشالله ماتكون بهدلتك ،
ايمن: هلق هي كانت لسا مدايقة ،بس انا اعتزرت. منها وحزري شو
فتون: شو
ايمن : عزمتا على فنجان قهوة ، وقعدنا حكينا شوي
فتون: جد؟
ايمن: اي😍
فتون: ايمونة حبيبي كانك مهتم بالبنت زيادة
ايمن: اي وشوفيها ماما ، البنت عجبتني ورتحتلا وحابب اتعرف عليها
فتون: بس حبيبي انا خايفة عليك
ايمن: اي لاتخافي ولاشي ،مو كل اصابعك متل بعض ،شبك ام ايمن خليني كملك
فتون: طيب كمل ياروحي
ايمن: 😍 اسمها بسمة وبتدرس فنون وهي اخر سنة الها😍 لو تشوفيها قديش لطيفة ، بتجنن ماما بتجنن
لما سمعت اسم بسمة تزكرت سامر
وصفنت شوي
وهو كان عم يحكي وهي مو منتبهة
ايمن: ماما انتي معي؟
فاقت من صفنتها وقالتلو
فتون: اي ماما معك كمل
ايمن: وقلتلا ازا بتحب ساعدها بشي انا جاهز ، وقالتلي انو اي😍 يعني رح شوفها كل يوم من هلق ورايح ، يالله ياامي بتطير العقل ، انا شفت كتير بنات بس بجمالها ولطافتها ماشفت
كل شي فيها حلو ، عيونا وجها ، ولاشعرها ياويلي بيشل 😍
فتون(بضحك): لك ابني شو صرلك جنيت حبيبي😂 شو بعمرك ماشايف بنات
ايمن؛ شايف بس مو بجمالا
فتون: طيب صلي عالنبي قول ماشالله ليقوم يصرلا شي للبنت من عينك 😂🙄
ايمن: الله يسامحك ماما هلق انا بدي صيبا بالعين
فتون: لك امي العين الها حق ، الك ساعة بتمدح فيها ، بلكي طرقتا عين للبنت
ايمن: لا بعيد الشر ان شالله انا ولاهي 🙁
فتون: لك بعيد الشر شو هالحكي ،ماما ايمن مابعرفك خفيف هيك ،لك لسا هي تاني مرة بتشوفا للبنت بهالسرعة حبيتا
ايمن: من اول مااجت عيني بعينها عشقتها منيح هيك ، وقولي عني شو مابدك😒🙂
فتون: طيب بلكي البنت مخطوبة
ايمن: مانا لابسة محبس😌
فتون: بلكي حابة
ايمن(بعصبية): امي حاج تسكريا بوجهي 😐😑خليني فرحان
فتون: ههههه طيب طيب ، الله يهديك بس
---------------------
يتبع..

تكملة البارت ٣
بصباح اليوم التاني
بالجنينة
اجا على مقعدو ولقاها قاعدة مستنيتو ولافة رجل ع رجل
وائل: صباح الخير
غريس: صباح الخيرات
وائل: شو بلاقيكي سابقتيني اليوم
غريس: اي اي ، كان بدي اتشكرك عالروايتين😍😍
وائل: افف ليش خلصتيهن
غريس: اي خلصتهن
وائل: بهالسرعة😳
غريس: لكك اييي قراتن من الجلدة للجلدة
وائل: حلو ونشالله عجبوكي ،انسة غريس
غريس: بيجننو ، يعطيك العافية مبدع انت ،
وائل: شكرا هاد من زوقك يابطة
غريس(بعصبية): شوهي بطة شايفني سمينة 😠
وائل:هههه لك لا مو هيك ، بس هاد يلي طلع معي بعدين في احلا من البطة؟
غريس: اي ماعجبتني 🙂
وائل: طيب وزة
غريس: كمان مو حلوة😠
وائل: طب شو بدي قلك حيرتيني
غريس: الي اسم 🙂 ليش الالقاب
وائل: انا مافيني بلا الالقاب ، تخيلي عندي بنت عمي ، مسميها فارة الطحين
استغربت وبلشت تضحك
غريس: يبعتلك 😂😂 لك ليش هالاسم
وائل: اي لانو جد فارة الطحين ، بتنكش المشاكل من تحت الارض ، وعشق قلبها الفتن 😁🙂
وبتضل بتناقرني
غريس: اي وهيك بكون اسمها فارة الطحين😂😂
وائل: اي طبعا، 😂
غريس: وليي يامحلا البطة جمب هي😂😂
وائل: شفتي شفتي😂،
غيرت تعابير وجها وبلشت تحكي بجدية
غريس: بدي اسالك
وائل: تفضلي بطة
غريس: اختك نقتلت قتل ؟
وائل(بغصة): اي للااسف
غريس: طيب كيف هيك ، ماعرفتو مين يلي قتلها؟
وائل: الي عرفناه انو هي شبكة تجارة اعضاء خطفوها واخذو اعضائها وقتلوها وبعد فترة في شخص لقا جثتها بمكب نفايات💔
غريس(بحزن)؛ الله يرحمها يارب انا اسفة بضل بزكرك فيها
وائل: مانسيتا لتزكريني فيها هي طول الوقت بالبال والقلب
غريس: قلتلي المرة الماضية انها بتشبهني
وائل: اي كتير ، وقت عم شوفك عم حسها كانو هي قدامي
غريس: افف كل هالقد ، طيب ازا عندك صورة الها فرجيني ياها تشوقت شوفا
وائل: اي طبعا عندي ،تكرمي
طالع موبايلو وحط على صورة الها
كانت فعلا بتشبها كتير
اخدت الموبايل منو وصارت تتاملها لاحظت الشبه الفظيع بينها وبين اختو
غريس: يااا😳 ، الي قال انو الله بيخلق من الشبه اربعين ماغلط ، مو معقول كانها انا قبل كم سنة
وائل: شفتي انها بتشبهك
غريس: 😂😂 بتعرف صرت شك انو اهلي اهلي 😂😂💔
وائل: 😆😆 يعني معقول تكوني اختي 😂😂
غريس(بمزح): 😂 كانك متأثر بالافلام الهندية
وائل:😂💔💔اي والله كنت احضر كتير
غيرت لهجتا واطلعت فيه بجدية
غريس: ياسيدي الله يرحما وياخدلا حقها ويصبركن ع غيابها
وائل: تسلميلي يارب😊 ويخليكي لااهلك
غريس: شوبدك تعطيني اقرا
وائل: لك يخرب بيتك ماجبتلك شي معي
غريس: ليش 🙂
وائل: شو بعرفني😂 بدك تخلصيهن بسرعة ماكنت حاسب هالحساب
غريس: طيب ايمت بدك تجبلي
وائل: ايمت مابدك جاهز انا
غريس: طيب ميرسي وائل نصر الدين
وائل: العفو غريس خانم🙂
كانت والغيوم عم تتجمع بالسما
في غيمة كبيرة وسودة
ونسمات الهوا عالية
اطلع وائل عالسما وابتسم
وائل: ليكي هديك الغيمة مااحلاها
غريس: سودة شو الحلو فيها
وائل: الحلو فيها انو مليانة مطر ،
وخير
غريس: بهي معك حق ، بس نحن البشر دوم منحكم عالشي من شكلو البراني
وائل: انتي لحالك انا ماني هيك😁
غريس: بالله شو🙄
وائل: اي والله
صفنت فيه لثواني
بدون ماتحكي،وباالاخر
غريس: وائل انت مرتبط؟
وائل(بنظرة استفهام): سؤالك غريب ، بس رح جاوبك
غريس: تفضل
وائل: لا ماني مرتبط ،
غريس: معقول شب بعمرك وبمكانتك مو مرتبط
وائل: اي شو. الغريب يعني
غريس: الغريب انو عندك معجبات كتير معقول قلبك مادق لولا وحدة منهن
وائل: اي معقول
غريس: مو معقول شو مسطم😂😂
وائل: لك لامسطم ولاشي ، بس عم استنا البنت الي تعبيلي راسي.
غريس: اي شوهي اركيلة لتعبيلك راسك😂😂
وائل: مو هيك😂 بس انو كيف بدي اشرحلك🤔
انو هي البنت يلي قلبي يلهفلا. . ارتاح الها لحديثها حس بالحرية معها وماخاف من شي ابدا ، حس انو نهاري ناقص بدونها ، البنت يلي لما اطلع فيها حس بالامان ،
بلش يطلع فيها بطريقة غريبة وعيونو بلشو يلمعو وهو عم يشرحلا
وائل: فهمتي عليي كيف؟
غريس: فهمت 😁 الله ينولك مرادك
وائل: تسلمي بطة
غريس: طيب من قبل ماحبيت؟
وائل: مبلا حبيت بس من زماان كتير
غريس: ايمتا يعني
وائل: بالبكلوريا 😂تخيلي
غريس: اف ولهلق ماحبيت
وائل: هلق حبيت وماحبيت
غريس: وكيف هي 🤔
وائل: يعنيي مجرد اعجاب بس ،وماستمرت العلاقة ،
غريس: طيب ليش تركتو انت وتبع البكلوريا
وائل: ازا بقلك مابتصدقي😨😢
غريس: بصدق قول
وائل: الغبية سرقتلي قلمي وقت الامتحان😂😟😟
اطلعت فيه بصدمة وقالتلو
غريس: كانو احيانا بتحل عليك الزناخة بربك ولو🙄🙄😳

وائل: 😂😂 سامحيني ورتانها من اخي
غريس: هلق جد ليش تركتو
وائل(بخيبة): هي تركتني مو انا تركتا
غريس: اف ليش
وائل: لك انا كنت شب طايش ومن بنت لبنت ،
مع اني كنت بحبا والله ، بس مدري ليش دائما هاملها ، ملت بالاخير وتركتني ، حاولت كتير رجعها لاني جد كنت حبها من قلبي بس ماكانت ترجع
المسكينة تحملتني كتير، بس وحياة امي لما تركتني حسيت بقيمتها ، وصرت اترجاها لنرجع بس ماكانت ترجع بس بالاخر ستسلمت ، لانو جد انا مابستاهلها توجعت كتير بسببي ، هي وين وانا وين ،
غريس: طيب وهي وينها هلق ؟
وائل: تزوجت وصار عندها بنت وصبي ، وياحزرك شو سمت ابنها 😌
غريس(بمسخرة): وائل😏😅 اكيد
وائل: اي😌 على قد ماكانت تحبني ماقدرت تنساني ، من شي سنتين شفتها ، وطلبت منها تسامحني ، مدري حسيتها غصت اول ماشافتني
غريس: كل هالقد مأثر فيها
وائل: اي والله الظاهر كتير مأثر
غريس: ذكرتني بغنية مأثر فيي وبعيني
وائل: ع فكرة غنيتي المفضلة
غريس: جد؟
وائل: اي ،
غريس: شو رايك غنيلك ياها
وائل : ياريت والله😍
صفنت بالجو وبلشت تغني شوي شوي
غريس: مأثر فيي وبعيني شوي شوي عليي
ساكن فيي وحواليي وبقلبي وبروحي ،
لامابدي منك وردة بدي بالحنية
كانت حبات المطر الربيعي عم تنزل
وهي عم تغني ،
وصوتها اختلط بصوت المطر والرعد
كان وائل صافن فيها وعم يراقبها
وعم يحس بشي غريب
ماعم يقدر يوصفو ،
خلصت الغنية ،
وقالتلو
غريس: شوف المطر مااحلاه 😍
وائل: مو احلا من صوتك
غريس(باابتسامة): عنجد عجبك؟
وائل: بجنن ،
غريس : يالله الجو شلل شو رايك نمشي تحت المطر 😍
وائل: اي اكيد مابقول لا 😊
قامت ومدتلو ايدها
غريس: يلا قبل مايوقف
عطاها ايدو بحنية ومشي معها تحت المطر
كانت متل الطفلة معو ، عم تركض تحت المطر وتضحك،
وكان هو عم يتأمل بساطتها وبرائتها وعفويتا
ويبتسم بدون مايحس
كان في شي عم يشدو الها متل المغناطيس
وقفت بعيد عنو وفتحت ايديها تحت المطر وهي عم تضحك
غريس: وائل نصر الدين ليش واقف مكانك تعال
كان متبسمر باارضو وماعم يشبع تأمل فيها
غريس: يلا تعال شبك جمدت
راح لعندها وعطاها الجاكيت يلي لابسو ، وغطاها فيه ،
وائل: حاجتك بقا خلينا نروح هلق بتمرضي
غريس: بشرفك ولو بالعكس هالمطرات دوا
وائل: لادوا ولاشي تعي معي لوصلك ع بيتك.
غريس: هههه لك شو انا بنت صغيرة لتوصلني ،
وائل: لانو ازا ماوصلتك رح تضلي هون يلا معي ، عالسيارة
غريس: وسيارة كمان مابدي بدي ضل عم امشي
وائل: لك بس بقا يابنت حاج مشينا ، تعي معي لوصلك
غريس: مابدي 🙁
وائل: بلا عناد يلا تعي معي ،
غريس:طيب خلص روح انت ازا بدك
وائل: لامابروح ازا ماوصلتك ،
غريس(بااستسلام): ياالله منك ،
وائل: يلا معي عالسيارة
___
بالقصر
تهاني: شو ليش مارحت عالمجلة اليوم
زيد: مالي نفس 🙂
تهاني: ليش ماما فيك شي؟
زيد: اي فيني🙂
تهاني(بقلق): ولي على قلبي ،شبك ياماما شوعم يوجعك
زيد: شو عم يوجعني؟ عم يوجعني رشا 🙂 عرفتي شوعم يوجعني
تهاني(بعصبية): هييي علينا زيد مابقا نخلص من هالسيرة لسا رشا رشا
زيد: امي لك مشان الله حسي فيني انا ابنك ابنك لك انا بحبا للبنت مو باايدي بحبا بعشقا ،، وبدي ياها ، بدال ماتساعديني عم توقفي بوجهي
تهاني: لك ياامي والله انا ماعندي مشكلة مع البنت بالعكس البنت كتير محترمة، بس انا مشكلتي انها مابتجيب ولاد 😪😪
زيد: لك امي ، لاتجننيني بموت حالي ها ، لك هي شو ذنبها ، لك هاد شغل الله ،
تهاني: ياامي بعرف شغل الله لااعتراض ع حكمو ، بس انا بدي احفاد. مو معقول زوجك ياها واقعد اتحسر انو ماعندي احفاد
زيد: يالله بس امي الي بسمعك بيقول انا وحيد ،لك عندك جنى ووائل خلي يخلفو لحتى يعبولك البيت ،
تهاني: حتى لو خلفو ، بضل بيحترق قلبي على ولد الك
زيد: طيب وشو الحل
تهاني: الحل انك تنساها
زيد: لاهي مستحيلة مااما ، انا يابقنعكن برشا يااما مارح اتزوج يعني هيك هيك مارح تشوفي ولادي 🙂
تهاني: زيد لاتجننني ،رشا مو الك فهام بقا
زيد: لا الي ووالله ازا بتروح لغيري مابسامحكن منيح 😐💔
تهاني: بالله
زيد: اي والله
تهاني: لك ياابني ياعمري انت ، والله لو اضمن انها بتجيب ولاد عشرين بالمية لزوجك ياها، بس المخلوقة عاقر. وهي اطلقت لهالسبب هاد
زيد: طيب ياامي شو بيضمنلك ازا تزوجت غيرها يجيني ولاد منها ، شو بيضمنلك اطلع انا مابجيب ولاد🙂 انتي بتعلمي بالغيب؟
تهاني: لامعاذ الله ، شوهالحكي امي تف من تمك
زيد: مابدي تف يارب ازا مابتجوزها اطلع مابجيب ولاد هيك بس جكر
تهاني(بصراخ): لك بلا جنان شو هالدعاوي
زيد: حتى تعرفي قديش محروق قلبي

تهاني: لك سلامة قلبك ياروحي ،والله حاسة فيك بس مابيطلع باايدي شي ،
زيد: لا مالك حاسة فيني ، لوحاسة فيني كنتي رحتي خطبتيلي ياها باايدك
تهاني: لك اخ منك اخ بقلك تيس بتقلي حلبو لك زيد لاتضيق خلقي
زيد: امي طيب بلكي هي مافيها شي وجوزها تاهمها هالتهمة
زيد: لاتسرح بخيالك كتير مافي هيك شي
زيد: طيب شو عرفك ، طيب فرضي تجوزتها وبعد كم شهر طلعت حامل
تهاني: اي حاج تحلم.
زيد: لك امي ليش عم احلم انتي اكرم من الله
تهاني: لا ، بس الواحد يفكر بالمنطق
زيد: طب عم تسكريا بوجهي من كل النواحي
تهاني: زيد لاتعصبني خلص هالبنت بتنساها وبس
انتفض من مكانه
بقهر وقلا
زيد: اي لا مارح انساها، حطي ببالك واحد غيري كان اخدها خطيفة ، بس انا ماعم اعمل هيك لاني مابدي زعلكن انا بدي اخدها براضاتكن ، وبالاخر رح ترضو ورح اتزوجها ، مافي مجال تاني🙂
تهاني: لك شو معنى هالحكي عرفان حالك شو عم تخبص انت
زيد: اي عرفان وكتير
تهاني(بعصبية): زيددد روح من خلقتي ، مابدي سمعك كلمتين سم بدنك ،نقلع
زيد: انتو هاد الشاطرين فيه ،كل مابدي افتح هالموضوع زيد نقلع
تهاني: عم قللللك روح من وجهي
زيد: اي رايح ، بس برجع بزكرك انا يابتجوز الي بحبا ، يااما رح ضل اعزب
طلع من عندها وهو مزعوج
وسكرب الباب بقوة
تهاني(بعصبية): لك شو هالولد هاد رح يجبلي الجلطة ، شو اعمل بحالي انا .
_____
قدام بيت رشا
كانت راجعة من المجلة
وعم تقرب ناح بيتها
في شب واقف من بعيد كان عم يراقبها
حمل تلفونو واتصل
مجهول: ليكها اجت بس شفتني قربت ناحها بتشوف شغلك ،
وسكر التلفون وراح لعندها
مجهول: مرحبا ياخانم
كانت مستغربة منو لاانها لااول مرة بتشوفو
رشا؛ ياهلا؟؟
مجهول: انا اسمي خالد بدرس صحافة واعلام ،سنة اولى
وانا بقرا مقالاتك وكتير بحب طريقتك واسلوبك ،
وحابب اقعد معك لااستفيد من خبرتك ازا مافيها احراج
رشا: اي اهلا وسهلا ، بس انت شايف الوقت مناسب هلق؟ ماشايف المطر !
خالد: مبلا شايف ، فهمتيني غلط انا ماقصدي هلق ، ممكن اخد رقمك ، ووقت يكون الوقت مناسب ، بتصل فيكي ، وباخد منك موعد
رشا: اي مافي مشكلة ، سجل عندك
طالع موبايلو وصار يكتب الرقم
وفي حدا من بعيد كان حامل موبايلو
وعم يصورهن
خالد: شكرا استاذة رشا
رشا: ولو اهلا وسهلا ،
___
بالقصر
الساعة ٩ بالليل
اليوم عيد ميلاد بسمة وسكان القصر حبو يعملولا مفاجأة
كانو الكل مجتمعين حد المسبح
الخدم عم يجهزو الطاولة
وولاد عمها عم يعلقو الزينة
زيد؛ هلق قلة ناس يزينو بهالقصر. لحتى نحن عم نزين
نور: يااجدب ازا نحن زينالها المكان احلا😏 بتلاقيلها طعمة اكتر بتحس بمحبتنا الها
زيد(بمسخرة): ايووواافحمتيني يافصعونة
نور: ماانت من يوم يومك مفحم شو الجديد😂
كان بلال باايدو قطعة زينة وقعت من ايدو وفرط ضحك
كان ضحكتو عالية والها صدى
اما زيد فكان عم يطلع بنور هي النظرة😐
زيد: بلال يقطع عمرك عهالضحكة ، وانتي فصعونة عم تتمسخري ع سماري ما ، لك اي يصحلك واحد متلي. في احلا من السمر يامكيودة 😐
نور:😂😂 اي ولو عم نلطف جو
زيد: تضربي شو سقيلة 😒
ميرا: لك شتغلو بقا خلونا نخلص
زيد: اجت السيدة ملعقة تعطينا اوامر ،
ميرا: تضرب يعني شو بصير ازا ستعجلتو هلق بتجي بسمة
نور: اي لامن هالناحية اطمني
بلال: لك صح نور وين بسمة
نور: اتفقت انا ورفيقتا انو تلهيا عندها
لبين مانخلص
زيد: صايرة عم تشغلي مخك لك نور مابك شي
نور: لكن شايفني متلك بلا مخ 😏😂
بلال: ههههههه قوية هي
قرب لعندها ومسكلا خصلة من شعرها
زيد: شوقلتي وليه😒
نور: 😂😂تركني بربك لاتخربلي شعراتي
زيد: انا بلا مخ 😏
نور: 😂😂
زيد: احكي انا بلا مخ😏
نور: مابعرف😂 اسألهن
زيد: شباب انا بلا مخ ؟
ميرا: الصراحة اي 😜😝
زيد: حتى انتي وليه شم قرين
ميرا: 😜
بلال: فعلا بلا مخ😂
زيد: يخرب بيتكن كلكن عليي ، وائل تعا حكيلك كلمة دافع عني ،
التفت لعند وائل لقاه قاعد ورافع راسو للسما وصافن ،
قرب لعندو وهو مستغرب
وقف قدامو وبلش يلوح باايدو
زيد: وائل😳
وائل: ....
زيد: ولاه بشو صافن😳😳
ووائل بدنيا تانية
قرب لعندو وشال النضارات من ع عيونو
قطعلو صفنتو
وعصبه
وائل: زيد يقطع عمرك اي
زيد: ولاك تافه😳😳 بشو صافن
وائل: وانت شو دخلك 😒
زيد: انا شو دخلني😳 اضربك؟
وائل: زيد بلا غلاظة يرضا عليك تركني مروق 🙂
زيد: ايوا وشو الي مروقك كل هالقد
وائل: لك مافي شي شو بدو يكون في
من بعيد بلال : الله اعلم ابن العم هاد اخوك وائل عشقان
زيد:😳؟شوو
وائل: الله اعلم يابلال بدي اضربك الله اعلم
زيد: عنجد عشقان ولا🙄🙄

وائل: زيد حل عني انت كمان
بلال: مبلا عشقان 😂
وائل: اه والله وشلون استنتجت استاذ بلال اني عشقان؟
بلال: شفتك لما جيت😉 اليوم وتيابك مبللة بمية المطر ، كنت عم تمشي تحت المطر ياضرسان
وائل(متلبك): اي واذا مشيت تحت المطر بكون عشقان تضرب مااغباك
زيد: كنت عم تمشي تحت المطر؟
وائل: اي كنت عم امشي شوفيا انت كمان😒
زيد: 😳مع مين
وائل: لحالي 😐
زيد: بدون كذب😏

واخيرا تدخلت ميرا
وقفت وصارت تشوبر باايديها وتدبل بعيونا وتحكي بمياعة😂
ميرا: اي بتكون شي معجبة اجت لعندو وقالتلو
مرحبا مو انت وائل نصر الدين ،ياااي انا كتير معجبة برواياتك والشغلات الي بتكتبا ، وكتير بحبك.، بلييييز ممكن ناخد سيلفي ماتخجلني
كانو عم يراقبوها وفارطين ضحك على حركاتا 😂الي بتمثل كتير بنات لما يشوفو حدا مشهور
ميرا: وبعد مااخدو السيلفي ، بلشت الدنيا تمطر ،
بتكون قربت لعندو ودبلتلو بعيونا
ياي متر (مطر)
مسيو وائل بليييز خلينا نمشي سوا تحت المتر ماتخجلني، 😂😂قام وائل داب وماحب يخجلها بتعرفو قلبو كبير 😂😂ومشيو سوا ،ماضروري يكون عشقان ولو
زيد: اي واهم شي المتر😂😂😂
وائل:😂😂😂لك يبعتلك حمى ياميرا، نضبي وليه سيدة ملعقة
ميرا: ييي نشالله عدويني😐😂
نور: خلصونا هلق شتغلو قربت توصل بسمة
وائل: على سيرة بسمة جبتلا هدية😂 غير شكل😂
الكل: شو هي؟‘
وائل: هلق بتعرفو ،
، يلا خلونا نخلص
بلشو يجهزو كل الزينة
وخلال نص ساعة خلصو
والمكان صار كتير حلو
ورد وزينة وبوالين بكل مكان
وعالطاولة انواع كتيرة من الحلويات
قالب الكيك شوكولاه
ومحطوط عليه موديل ريشة والوان
وفوقو شمعة رقم٢١
الكل كانو مجتمعين
وعم يستنو بسمة توصل
ماعدا قصي وجنى
الاضواء بالقصر كلها مطفاية
وصلت بسمة ومعها رفيقتها
وكانت مستغربة ليه مافي ضو
بسمة: ييي مقطوعة الكهربا يعني. ليش مافي ضو🙄
رفيقتها: شبعرفني ادخلي هلق
شغلت ضو موبايلا
وعند ماوصلت لمكان الحفل
اشتغلت الاضواء
والموسيقى
وبلحظتها تذكرت انو اليوم عيد ميلادها
الكل: كل سنة وانتي سالمة بيسة
بسمة(بفرح): يامحتالين وانا عم قول ليش مافي كهربا😊
زيد: مابعرفك خرفانة هالقد، نسيانة انو اليوم عيد ميلادك
بسمة: اي والله😁😍
وائل(بحماس: يلا تعي حاج تدللي خلصينا بدنا ناكل كيك
زيد: ابو كرش😂😏هاد يلي هامك .
احتفلو وقطعو الكاتو
وبلشت الفقرة الاحلا فقرة توزيع الهدايا
كانو واقفين قريب من بسمة
قرب سامر لعند بسمة واطلع بالكل
سامر: لحظة انا بدي بلش قبل الكل 🙂 انا ابوها😒
الكل: تفضل
قرب لعندها وباس راسها وطالع من جيبتو مفتاح
سامر: كل سنة وانتي سالمة حبيبة بابا ، قد ماتقلت الهدية مابتعادل غلاوتك عندي انتي واخواتك لا والله
بسمة: يخليلي ياك ياحبيبي بس مفتاح شو هاد بابا؟
سامر: حزري😁😎
صفنت شوي واطلعت فيه وهي مصدومة وفرحانة
بسمة: مرسم؟ 😍😍
سامر: برافو بابا😊 هاد مفتاح مرسمك
يلي رح تصيري ترسمي فيه وتعلقي رسوماتك وفنونك يافنانة
قربت لعندو وضمتو وهي فرحانة
بسمة: دخيل قلبك شو بحبك شكرا الك بابا😍😍😍
سامر: مبسوطة !
بسمة: كتيرر لك تقبر قلبي ،بتعرف شو اول لوحة رح علقها 😍
سامر: شوو
بسمة: صورتك 😍
سامر: حبيبة قلبي ،
واجا دور امها
طالعت هديتا وعطتها ياها
وضمتها
ليليان: كل سنة وانتي سالمة ياقلبي
بسمة: وانتي سالمة ياروحي 😍 الله يخليلي ياكي
فتحت هدية امها واذا بتكون ساعة بتشبه الساعة يلي كانت مع بلال ،
اول ماشافها نصدم وتغيرت تعابير وجهو
بسمة: شكرا ماما بتجنن😍
ليليان: حبيبتي مافي شي من قيمتك
نور: يلا مين الي بعدو انا صار عندي فضول اعرف الهدايا
وائل: لحظة لحظة دوري انا
سامر: هات لشوف اتحفنا صهري😂😂
بسمة: بابا 😠😳 حتى هلق؟
راح لعند بسمة وعطاها الهدية
وائل: كل سنة وانتي سالمة فارة ان شالله العمر كلو تضلي مملية هالقصر وعم تعملي مشاكل
بسمة: شكرا ابو نضارة 😁
ضحك وعطاها الهدية تبعو
فتحتها وتفاجأت انو كانت الهدية نضارة متل يلي هو بيلبسها
الكل فرطو ضحك
حتى هي
وائل: ان شالله تكون عجبتك😂😂
بسمة: مااتفهك😂😂
وائل: هاي جبتلك ياها مشان ماتضلي تتمسخري ع نضاراتي
بسمة: شكرا 😂😂😂 الك يامنسون
زيد: لبسيها امانة 😂
وائل: لا والله ماحدا بلبسك ياها غيري
قرب لعندها وحطلها ياها
كانت لابقتلا كتير
وائل: والله لبقتلك
اطلعت بحالها بالمراية كانت كتير لابقة ع شكل وجها ،
بسمة: اول مرة بشوف حالي بالنضارة الطبية😍 شكرا ابو نضارة
وائل: بس هي مانها طبية متل يلي معي ،هي عادية
بسمة: بس كتير حبيت شكلي فيا😍
وائل: معناها لابقا تتمسخري عليي😏

بسمة: والله لابقتلك النضارة😂 بس انا هيك بحب ازعجك
وائل: مكيودة😏
عاصم: لا اليوم بسمة رضيانة على ابني خلص معناها صار لازم نفرح فيكن
بسمة:عمووو حتى انت😳
عاصم: لك شبك لك عمو ابني شو ناقصو😂😂 بتضلي بتكسري بخاطرو
وائل: شايف بابا شايف ، لك مو بالاول انا لاارضا فيها😏😒
بسمة: دخيلك ارضا فيني بموت حالي ازا مارضيت 😏🙂
الست نجوى : لك بس بقا ياولاد مابتوفرو مناسبة لتتناقرو فيا
بسمة: قولي لابو نضارة😏
وائل:انا ماعملت شي 😒
اجت الست نجوى لعند بسمة
وطالعت اسوارة دهب كتير تقيلة
ولبستها ياها
نجوى: من وقت ماصار عندي اربع حفيدات بنات
جمعت كل صيغتي من وقت كنت ببيت اهلي لوقت ماتزوجت ،
قسمت لكل وحدة فيكن كم قطعة
وخبيتهن ،
وهي الاسوارة بالذات حبيت اعطيكي ياها
بتعرفي ليش ؟
بسمة وهي عم تتصفن بجمال الاسوارة : ليش تيتة
نجوى: لانها هدية من امي بعيد ميلادي ال٢١
وانتي، من لما جيتي عالدنيا بحسك بتشبهيا لاامي كتير ،ومالقيت انسب من هالهدية الك
صح هي قديمة بس كتير الها معزة بقلبي
بسمة: بتجنن تيتة شكراااا 😍😍🙁🙁
الكل عطوها الهدايا
واجا دور بلال كان كتير متلبك ومدايق بنفس الوقت
بلال: كل سنة وانتي سالمة بيسة ان شالله عقبال المليون ،
بسمة: تسلم بلولة
طالع الساعة وعطاها ياها
بلال: ماكنت بعرف انو مرت عمو جابتلك ساعة كنت غيرت الهدية
بسمة: هههه شو هالصدفة هي بس بتعرف بتجنن😍😍
بلال: عنجد عجبتك يعني؟
بسمة: اكيد عجبتني بتجنن شكرا بلال😍😍
بلال(بقلبه): بس حتى لوعجبتك اكيد مارح تتركي الساعة يلي جابتها امك ، وتلبسي الساعة تبعي. يلعن حظي 😐
_____
ببيت غريس
كانت غريس متسطحة بتختها ومتغطية
ومقضيتها تعطيس وسعلة
دخلت لعندها امها
كريستين: ماما غريس شبك
غريس: مافيني شي امي
كريستين: كيف مافيكي شي صوت سعلتك واصل لعندي
غريس: تعبانة شوي
دخلت لعندها وسكرت الباب وقعدت جمبها
كريستين: حكيلي لشوف انتي اليوم وين كنتي ؟
غريس: بالجنينة وين بدي كون
كريستين : ومين هاد الشب يلي وصلك اليوم ، وليش ليوصلك ،بعدين ليش كنتي راجعة وتيابك مليانة مطر، كنتي عم تمشي تحت المطر؟
غريس: امي خلصتي ؟
كريستين: جاوبيني ،
غريس: امي كل القصة ومافيا انو كنت بالجنينة والدنيا مطرت حبيت امشي تحت المطر وانا طالعة من الجنينة شافني هالشب ،يلي هو صديقي واصر يوصلني عالبيت
كريستين: زميلك وبدو يوصلك عالبيت ؟ ماقتنعت
غريس: امي قلتلك صديقي
كريستين: وشو اسمو هاد صديقك ولامرة شفتو 😏
غريس(بملل): وائل اسمو
كريستين: وهو متلنا مسيحي ولا مسلم؟
غريس: مسلم
كريستين(بعصبية): متاكدة صديقك؟
غريس: امي اييي
كريستين: لتكوني بتحبيه وليه ؟ احكي شوفي بينك وبينو
حطت ايدها ع وجها وصارت تعطس
وبعد ماخلصت : ماما مافي شي بيني وبينو قلتلك صديقي وبس
كريستين: شوفي وليه هاد الشب ماعاد بدي شوفك ماشية معو فهمانة ، انا ماناقصني وجع راس وسم بدن ،
غريس: لك امي ليش شوعملك الشب ،
كريستين : ماعملي شي ، بس الله اعلم شو بيعمل بالايام الجاية ، غريس انا مابدي تنعاد قصة خالتك ،فهمي عليي امي. هالشب بتبعدي عنو.
غريس: لك ياامي والله مافي شي بيني وبينو مجرد صديق عادي
كريستين(بصراخ): غريس لاتجننيني ، الشب بتبعدي عنو وبس ، والا والله بمنعك تطلعي برا البيت
غريس(بعصبية،): :اي لا هاد الناقص بس تحبسوني بالبيت ، مابكفي ماعندي رفقة مقربين ، ولااخوة ولاحدا كمان ناقص تمنعوني اطلع برا البيت،
حاولت كريستين تهدي شوي وتحكي معها بحنية
قعدت جمبها وضمتها
كريستين: ماما حبيبتي هدي. والله انا مشانك اناخايفة عليكي ، خايفة شي ابن حرام يضحك عليكي متل ماضحك هداك الشب على خالتك ، ياعمري انتي انا ماعندي غيرك ،وبخاف عليكي ،
غريس: امي انا اول شي ماني صغيرة لينضحك عليي ، ،تاني شي الشب مافي بيني وبينو شي لي ماعم تفهمي عليي
كريستين: ان شالله يكون مافي شي ان شالله ،
غريس: اطمني مافي شي ،
____
الساعة ١ بالليل
بعد ماخلصت سهرتها
طلعت من الفندق
الي كانو سهرانين
مع مديرها وزملائها بالشغل
راحو كل الزملاء وضلت هي والمدير
جنى: شكرا استاذ حسام كانت السهرة بتجنن
حسام: ولو ياجنى ماعملت شي
جنى: يلا تصبح على خير بدي حاول ارجع اتصل بالشوفير ، يجي ياخدني ، اتصلت فيه اكتر من مرة ماعم يرد !
حسام: لامافي داعي انا بوصلك
جنى: لااستاذ شكرا مابدي عذبك ، والوقت تاخر
حسام: له ياجنى لتكوني مامأمنتيلي !
جنى:لا استاذ مو هيك الله يسامحك بس انا مابدي اخرك اكتر
حسام: لك له شو تأ خريني ، مابالاساس طريقي من طريقك ، بعدين مابتركك تستني الشوفير هون لحالك بالليل

جنى: بس
حسام: بلا بس يلا تعي ، ولاتتصلي بالشوفير
جنى(بااستسلام): طيب
طلعو بالسيارة وكان حسام عم يشغل السيارة
فجأة شافت قدامها منظر
تمنت لو ماتت الف مرة قبل ماتشوفو
تبسمرت باارضها وبلشت ترجف
الكلام ماعاد يطلع منها
ودموعها بلشو يكرجو ع خدودها
جنى: لحظة استااذ
_______
يتبع........

#الحب_الاسطوري_
البارت ٤
بقلم: شرقية الهوى
متسطح بتختو
وراسو للسما
وصافن بدنيا تانية
ماعم تفارق بالو صورتها
كلامها وجها البريئ وعفويتا
صوتها عم يرن باادنيه
من بين كل البنات يلي بيعرفهن بحياته ، هي بس الي علقت بباله
وماعم يقدر يفسر ليش
وائل: يالله شو صرلي ، ليش ماعم اقدر شيلها من راسي ، هففف طار النوم من عيوني ،
حاول ينفض الافكار من راسو ويحاول ينام
ماقدر ،
قام وشغل الابتوب وبلش يكتب على امل يتعب وينام
____
عند جنى
كانت لسا مصدومة ب يلي شافتو
نزلت من السيارة وهي رجليها ماعم يحملوها
وراحت لعنده
وكان حسام لاحقها
كان قصي قاعد عالسيارة من برا هو وسيلا
وكانو متل السكرانين عم يتمايعو ع بعض ويضحكو
وقفت قدامو والدموع ماعم تنشف من ع خدودها
وكان هو لسا مو منتبه
جنى: تتهنا قصي افندي ، لابقين لبعض كتير !!!
اطلع فيها وهو مصدوم ومتمني الارض تنشق وتبلعه
قصي(بصدمة): ج ج جنىىى!؟؟
جنى: اي جنى جنى اي تفاجئت مو؟؟ معك حق والله ، انا اسفة قطعتلك موعدك الغرامي ، كمل حبيبي كمل ياواطي ياندل
قصي: جنى بلا طولة لسان انتي فهمانة غلط
جنى: والله ؟ اي لااقنعتني والله
سيلا: :مين هي بيبي
قصي: مادخلك
جنى: قلها مين انا ليش خجلان؟
انتبه قصي انو حسام مع جنى
اطلع فيه بقرف وقلها
قصي: هاد مين ، وشوعم تعملي معو!
جنى: اه والله هاد الي هامك انت؟
قصي(بصراخ): سالتك جااااوبي مين هالحقير ، ولاصحي اي تذكرت هاد مديرك الزبالة
حسام: احترم حالك بلا ماابتلي فيك 😠
قصي(بسخرية): والله هلق انت بدك تبتلي فيني ؟ ههههههه لا زلمة والله
حسام: زلمة غصب عنك
قصي: اي تضبضب تضبضب ، بلا مادعوسك تحت رجليي
هجم حسام على قصي وبلش يضربو
وقصي كان عم يحاول يدافع عن حالو
بس كان حسام اقوى
وجنى كانت عم تحاول تبعدو عنو
جنى: استاذ حسام تركو مشان الله
حسام: لك مالك سامعة شوعم يحكي ، لااطلع بروحك ياحشرة
جنى(تبكي)؛ لااستاذ حسام كرمال الله خلص تركو ببوس ايدك
قصي: عم تمد ايدك ياابن الكلب ، والله لموتك
قام قصي وخلص حالو من بين ايديه وصار يضرب حسام وحسام يردلو الضرب
وهيك لحتى جنى نهارت و بلشت تصرخ
جنى: لكككك خلصص خلاااااص ، بس انت وياه
بعدو عن بعض وصارو يتطلعو فيها
قربت بهدوء لعند قصي
واطلعت فيه بحقد
جنى: يالله قصي ماعم صدق ،هاد انت انت تعمل فيني هيك ، لككك كل شي توقعتو الا انك تخوني ،ليش ؟ ليش بس فهمني شو عملت معك.
قصي: ....
جنى: انت وااحد حقير ، تفي عليك ، لو اني حبيت كلب كان اشرفلي
قصي( بصراخ): جنى بكفيي قلتلك فهمانة غلط
جنى: لكككك حاج كذب حاج كل شي شفتو بعيني ، وبتقلي فهمانة غلط لك انا بكرهك بكرهك قصي
تركتو وركضت كان بدو يلحقها
بس حسام منعو ودفشو عالارض
ولحق جنى
طلعو بالسيارة
وهي كانت كتير منهارا
كان حسام عم يراقبها وقلبو عم يحترق عليها
حسام: طولي بالك انسة جنى هدي ، حرام عليكي رح تروحي حالك من البكي
جنى؛ مو باايدي يااستاذ مو باايدي
حسام: طيب مين هاد فهميني بس !!!
جنى: مو قدرانة مو قدرانة ببوس ايدك وصلني عالبيت
حسام: طيب طيب بس هدي حاج تبكي بقا ،
عم السكوت بيناتهن كمل طريقو وكان طول الطريق عم يتطلع فيها وقلبو عم يوجعو عليها
مين هاد؟ وليش عم تبكي كل هالقد كرمالو؟ معقول بتحبو؟ اسئلة كتير براسه ماعم يلاقيلا جواب
____
بصباح اليوم التاني
كانت بسمة
بالجامعة
قاعدة على احدى المقاعد برا
من بعيد كان جاي ايمن
شافها وركض لعندها
وهو ملهوف
ايمن: صباح الخير انسة بسمة
بسمة: هلا صباح الخيرات
ايمن: كيفك
بسمة: تمام وانت
ايمن: منيح
بسمة: شو بدك تضل واقف ! قعود
ايمن؛ اي صح نسيت
قعد جمبها عالمقعد وكان كتير متلبك
انتبهت بسمة انو مو طبيعي
بسمة: شبك؟
ايمن ؛ اه ؟ لا ولاشي
بسمة: لكن لي متوتر؟
ايمن: انا ؟ اي ، لا 🙄
بسمة: لك شو اي لا شو حزيرة هي؟ جد شبك
حاول يخفف شوي من توترو ويبين طبيعي
ايمن: لا مافي شي بس اليوم ماني نايم منيح ، لهيك مصيف😅
بسمة: لا ازا هيك حقك😂
انتبه انها حاطة نضارات
ايمن: شو اليوم نضارات ، بس مايكون عيونك فيهن شي لاسمح الله
بسمة: لك لا مافيني شي ،بس هدول اجوني هدية 😂، ليش مو لابقيلي؟؟
ايمن: لك لا بالعكس بتجنني ، بس خفت يكون صاير معك شي
بسمة: لامافي شي نظري عشرة ع عشرة
ايمن: ومن مين هالهدية
بسمة: ابن عمي غليظ ، بيلبس نضارات طبية ، فاانا بضل بعيرو فيهن مشان استفزو بس ،قام جبلي هدول 😂 حتى صير متلو 😆
ايمن: ايوا😅 هيك لكن ، بس كتير طالعة كيوت فيهن
بسمة(بثقة): ماانا فيهن وبلاهن كيوت😎

ايمن(بنظرات اعجاب): اي اكيد ماشالله عنك ،
بسمة: شو شو بدك تعلمني اليوم؟
ايمن: هلق انتي هون بس رسم ما؟
بسمة: اي بس رسم
ايمن: يعني مابتعرفي تنحتي تماثيل؟
بسمة: لا ، لي انت بتعرف
ايمن: طبعا 😎 وبعطيكي فكرة ازا بدك
بسمة: حلو كتير ،😍اي موافقة
ايمن(بنظرة اعجاب): عيونك الحلوة
بسمة: تسلم كلك زوق😊
كان عم يتطلع فيها ويتامل جمالها الفتان
عيونها وتفاصيل وجها
غمازاتها لما تبتسم
وعم يدوب فيها اكتر واكتر
وبدون مايفكر قلها
ايمن:ممكن سؤال
بسمة: تفضل
ايمن: انتي مرتبطة؟
بسمة(مستغربة): انوو؟؟ ليش هالسؤال
ايمن: جاوبيني بليز
بسمة: لا ماني مرتبطة
ايمن: طيب ازا حدا اجا وقلك اني معجب فيكي ، شو بتكون ردة فعلك؟
بسمة؛ :انو مابعرف🙄😕
ايمن: طيب جاوبيني
بسمة: انو شبعرفني حسب الشخص ازا لهفلو قلبي ، هلق ليش كل هالاسئلة
كان كتير متلبك
وعم يطقطق اصابعو اطلع فيها
والخوف بعيونو
وتجرأ وقلا
ايمن: انسة بسمة انا معجب فيكي
اطلعت فيه وهي مستغربة ومصدومة بنفس الوقت
صفنت لثواني
وتدريجيا صارت تضحك
وهي يتطلع فيها مستغرب من ردة فعلها
ايمن: حكيت شي بضحك؟😕😕
بسمة(تضحك): كتيير صراحة
ايمن: وشو الشي الي بضحك🙂
بسمة: هههههه دخيلك ياربي موقدرانة وقف ضحك
ايمن:😐
وقفت ضحك وصارت تحكي بجدية
بسمة:لك يابني ادم ، الواحد وقت بدو يكذب هيك كذبة ،اقل شي بيستنا شهرين لككك شهر مو كم يوم، لك انت غبييي شيي ، شايفني بنت صغيرة لتضحك عليي 😏 يخرب بيتك الهي قال معجب قال
ايمن: اي بس انا ماعم اكذب انا فعلا معجب فيكي
بسمة: ههههه بشرفك حاج تضحكني ،لككك من وين لوين معجب ،شو انت مابتفكر ، لك لسا ماصرلك بتعرفني كم يوم. لحقت!
ايمن: اي لحقت انا من وقت شفتك اعجبت فيكي ،لهفلك قلبي هيك من الله ، وانا بني ادم مابقدر خبي، هيك بحب دج الحكي دج
بسمة(بمسخرة): دج قلتلي 😂😂😂 يالله دخيلك
ايمن: ممكن اعرف ليش الضحك🙂
بسمة: اي لانو مابتتصدق ، لك ماصرلك بتعرفني كم يوم كم يوم ياربي كم يوم😂😂😂
ايمن: لو كنت متعرف عليكي عالنت وقايلك هالحكي ، كان معك حق ماتصدقي وتفكريني عم اضحك عليكي ، بس انا شفتك شخصي ،واول ماشفتك عجبتيني ،ولما صرت اقعد معك ، حبيت ثقتك بحالك وطريقة حكيك ،ونشديت لاالك اكتر ، مابعرف يمكن انا متسرع ، بس يلي عم قولو هو ناتج عن شعور حقيقي عم حس فيه ،ومانو كذب ابدا
بسمة: مابعرف ماعم اقتنع ،
ايمن: مو مضطرة تقتنعي هلق ، فكري بالموضوع ،وبتمنا تفكري منيح ، وانا رح كون ناطر جوابك
اجت لتحكي ،قاطعها
ايمن: ماتحكي شي هلق ، فكري وبس ، سلام انسة بسمة
راح من عندها وهي كانت لسا مصدومة
اطلعت فيه وراقبتو وهو عم يروح
ورجعت تضحك
بسمة: ههههه شو هالمجنون هاد ، الله يشفيه بس
___
بالشركة
واقفة ع بعد ٦ امتار عنو
وعم تتامل من بعيد
وجهو يلي مستحيل تنساه ،حتى لو بعد الف سنة
عم تبكي بحرقة ،بدها تروح لعندو بس بتخاف
بتخاف من ردة فعلو اكتفت انو تضل عم تشوفو من بعيد
كان هو (سامر):وقصي عم يعملو كشف عالموظفين
راح سامر وضل قصي مكانه وبالصدفة نتبه لفتون
كانت عم تلف ضهرها لتطلع من الشركة
استغرب من وجود فتون هون
خصوصا انو اول مرة بيشوفها بالشركة ومابيعرف عنا شي
قصي: عيسى.
عيسى: امور استاذ
قصي: مين هديك المرة بتعرفا
ومالو باايدو عليها
عيسى: لا اول مرة بشوفها ليش استاذ
قصي: وضعها مو طبيعي
عيسى: بدك راقبها واعرفلك مين بتكون؟
قصي: ياريت
عيسى: تكرم استاذ فورا
راح عيسى وصار يراقب فتون
وقصي كان واقف مكانو عم يتسائل
قصي؛ مين هي ياترا ،والله مارتحتلا
هه مع انها حلوة يخرب بيتا
_______
بالجنينة
كان وائل قاعد متل العادة وبحضنو الابتوب
شالو حطو جمبوه وكان حاسس بالملل
وائل: هففف ،وينا هي كمان ، اليوم تاخرت ، معقول تكون مرضت ،غبية قلتلا رح تمرضي 😐كيف بدي اعرف وينها،
سكت شوي وقعد يستنا
استنا اكتر من ساعة ومااجت
وائل: ياالله شكلها مارح تجي ، لك انا كيف ماخطرلي اخد رقم موبايلها ،الله ياخدني مااغباني كمان ،احسن شي روح وقف قدام بيتها، بلكي بتطلع
قام وقف كان عم يلملم اغراضه ، للحظة خطر عباله
وائل: لعما انا ليش مهتم فيها كل هالقد🤔 شوصايرلي ،ولييي ليكون😑😑😑، لا لا بعيد الشر ، يمكن لانو تعودت عليها تجي تقعد معي لقيتلا فقدة ،اي اي اكيد
كانت مارقة بنت من جمبو
شافتو عم يحكي مع حالو بلشت تضحك عليه
وائل: خير 🙄 في شي بضحك
البنت: 😂😂 استاذ شو صايرلك والله مابعرفك مجنون عم تحكي مع حالك؟ !!!
انتبه وائل انو كان عم يحكي مع حاله تلبك وعصب من كلام البنت
وائل: وانتي شودخلك روحي من هون احسن ماسم بدنك

البنت: ولييي على قلبي كل شي منك حلو ابو اللول يئبرني السايكو
وائل(بصراخ): روحي من هون وليه 😠 لعما ضربك
البنت: اي رايحة ليش معصب
وائل: اي قحطي ، مادخلك
راحت البنت وهي فارطة ضحك
اما هو: لعما شو هالزمن هاد ، البنات عم يلطشو الشباب،يخرب بيتا قال سايكو😐،
وانا شو صايرلي عم احكي مع حالي كمان🙂
____
بمكان تاني
زيد: شو حبيبتي اليوم منطلع بعد الشغل
رشا: لا حبيبي مابقدر
زيد: ليش بقا🙂🙂🙂
رشا: عمري في شب بيدرس صحافة ، من كم يوم اجا لعندي وطلب مني انو اقعد معو لنحكي شوي عن هالمجال ،وفيدو شوي ،وانا ماحبيت خجلو
زيد: اي وشو يعني؟
رشا: اتصل فيني مبارح ووعدتو بعد ماخلص شغل نلتقى بالكافتيريا
زيد(بعصبية): وبدك تقابليه لحالك؟
رشا: اي طبعا
زيد: لامافي 🙂بدي روح معك
رشا: حبيبي شو تروح معي ، وين مابدي روح بدي اخدك🙄😂
زيد: اي عندك مانع
رشا: طبعا ، انا رايحة اقعد معو بشغل مو لطق حنك، انت شو اخدك معي
زيد: هيك بدي روح 😏
رشا: غيران😊
زيد: اي غيران 🙂
رشا: لك يقبرني الي بغار انا. لك اهبل ، انا ماببدلك بالكون كلو ،معقول يعني تغار من شقفة واحد مابعرف قرعة ابوه
زيد: اي بغار 🙂 من ابوكي بغار كمان
رشا: زيد حبي ،كن الله يوفقك، كلها كم جلسة ،
زيد: لسا كم جلسة رشاا لاتجننيني🙄
رشا: زيد الشب كسر نفسو ومابدي خجلو ، شوفيا ازا افدتو شوي
زيد: ياويلك ازا بتعطيه وجه
رشا: اطمن مارح اعطيه
زيد; بتدقيلي وقت تخلصي
رشا: امرك
زيد: 🙂 ومابتتاخري
رشا: لك باامر عيونك انا بس روق
زيد: وياويلك ازا بترجعي بتقعدي مع حدا🙂
رشا(بعصبية): ولكك خلص جننتني ، مارح عيدا
زيد: انضبي ماترفعي صوتك بوجهي
رشا: وانت لا تعطي اوامر😐
زيد: بدي اعطي وبدك تنفذي 😏
رشا: بالله شو😒😳
زيد: اي ليكون ماعاجبك
رشا: اي لاعاجبني كتير😒
زيد: ايوا هيك بدي ياكي😌 ، مسطرة همشيكي مسطرة😆😏
رشا: يالطيف مااقواك. بس حفيد نجوى ، طبيعي تكون هيك🙂
زيد:بالعكس لسا انا مسالم😂😂
رشا: الله يجيرنا من الاعظم 🙄
_____
بالقصر
متسطحة بتختها
ومغطية راسها
وماعم تقدر توقف بكي ،
كل وجع الدنيا اجتمع بقلبها
كيف الشخص الي عطتو كل مشاعرها ، كيف بعد حب هالسنين كلها بيجي من قلبو يخونها
ماعم تقدر تنسى المنظر ، لما كانت سيلا بحضنو وبنص الشارع وعم يضحكو ويتمايعو
ماعم تقدر تنسى ولا توقف بكي ،

قامت من تختها وفتحت الدرج ،
طالعت صورة الها والو
اطلعت فيه بحرقة وبلشت تشقها
جنى: حقيرررر حقيرر قصي ، بكرهك واااطي
كبتها بالارض وبلشت تدعس عليها
______
اجا الليل
واجتمعو الكل عالعشا
وبعد ماخلصو قعدو كلهن
بقاعة القصر
الست نجوى: بماانو كلكن هون ، بدي خبركن شي
زيد متل العادة فورا نكش وائل
زيد: فرمان من مولانا الوالي😂
وائل: لعما ضربك خراس هلق بتبهدلنا
عاصم: تفضلي امي ،
وجهت نظراتا لقصي وجنى
الست نجوى: انا قررت انو خطبة قصي وجنى الجمعة الجاي ، مارح نعمل حفلة كبيرة، بس المقربين ، ومنعوضا بالعرس ،ان شالله ، شو رايكن
وائل لزيد بهمس: ياحبيبي هلق هالمعاق رح يصير صهري😂😂
زيد: بيني وبينك انا ماني مرتاح لهالجوازة ، وفي شي انا عرفتو ولازم خبرك فيه ، بس ماصرلي ،الفترة الماضية ،وحتى كان بدي افتح الموضوع مع قصي
وائل: شوفي شغلت بالي؟
زيد: هلق ليخلص المؤتمر بحكيلك😑
وائل: طيب ماشي ،،

عاصم : انا ماعندي مشكلة امي
تهاني: الله يقدم الي فيه الخير
نجوى: وانتي ياعلا
علا: وانا ماعندي مانع ع خير نشالله
سامر: الله يتمم ع خير 😍
اطلعت على قصي وجنى لقتهن مو عبعضهن التنين
نجوى: وانتو ياعرسان ماسمعنا صوتكن ،
قصي اطلع بجنى وضحك ضحكة صفرة
قصي: اكيد ماعندي مانع تيتة ، الجمعة الجمعة
اطلعت فيه جنى بحقد وقالتله
جنى: واثق من حالك سيد قصي
قصي(بغرور): اكيد
نجوى: شوفي جنى؟
جنى: تيتة انا ماني موافقة نعمل الخطبة
الكل اطلعو بجنى مستغربين
نجوى: ليش تيتة عندك شي مهم ؟ منااجلها عادي
جنى: لا تيتة انا مابدي نعمل خطبة بالاصل
الكل انصدم بكلامها وصارو عيونهن عليها،
اما قصي فخاب ظنو ، كان مفكر رح تقبل فيه رغم كل شي شافتو عقد مانو مغرور
نجوى: ههه اكيد عم تمزحي مشان توقعي قلبو لقصي ماهيك
قصي: اي تيتة اكيد حفيدتك وبتعرفيا لما تتغالظ
جنى: لاماعم امزح تيتة ، انا مابدي قصي
نجوى:اف وليش بقا شو يلي غير رايك
تهاني:شبك بنتي شوصرلك؟
اطلعت جنى بقصي
والدموع بعيونا
جنى: اسالوه الو
نجوى: عم نسالك الك شبك لي ماعاد بدك ياه؟
جنى: قلتلكن ساالوه الو خلي يقلكن ليش مابدي ياه

اطلعت نجوى بقصي لقتو متلبك ووجهو مابيتفسر
نجوى: شو ياقصي شو القصة
قصي: مافي شي
زيد بهمس : لعما مبينة القصة كبيرة
وائل: اي والله ياترا شوفي
زيد: بس مايكون يلي ببالي
وائل:؟؟؟؟
نجوى: كيف مافي شي ماجنى عم تقول نسالك
حيرتونا
جنى: مستحي يحكي تيتة طبعا شو بدو يقول. مالو عين
انتفض قصي من محلو
وبلش يصرخ عليها
قصي: بالله مستحي؟؟ ، مستحي ولا ماعم احكي لااستر عليكي ، بس شكلك ياخانم انتي مابدك تستري عحالك ،وطالما بدك احكي تكرم عينك رح احكي،
جنى(بصدمة): تستر عليي؟ شو بدك تستر عليي؟ شو عاملة ليش انا ليش ؟؟؟؟
قصي: له نسيتي حالك ياشريفة مبارح مع مين كنتي ، يالطيف شو كنتي مقرفة ،
انتفض زيد من مكانه وصرخ
فيه
زيد: هي هي انت ، شو عم تخبص ؟؟ شو شايف على اختي لحتى عم تحكي هيك؟
قصي(ببرود): اي هدي هدي معتز 😏
زيد: قصي بلا مسخرة احكي
قصي:سئال اختك الطاهرة مع مين كانت بالليل وبحضن مين
اطلعت جنى فيه بصدمة
وماعاد يطلع معها الحكي ،
هجم زيد على قصي ولحقو وائل
زيد: لك احترررم حالك واعرف شوعم تحكي
قصي: عرفان شو عم احكي ومنيح كتير ، اختك فوق مابدي استر عليها ، جاية عم تحكي
واخيرا تدخل وائل
هجم عليه ومسكو من قميصو
وائل: ولاه حقير انا متحملك وساكتلك بلكي بتنضب بس شكلك ماعاد تفهم ، شو شايف ع اختي لحتى بدك تستر عليها
قصي: اي هدي ابو شهاب ماكنت بعرفك حمش كل هالقد ، ازا كل هالقد زلمة روح ضب اختك الفلتانة
الكل صارو يصرخو عليه
ووائل مسكو من رقبتو بدو يخنقو
وائل(بصراخ): لك ازا مابتنضب دابحك باارضك ، لاتحكي حكي اكبر منك احسن مادعوسك ،
نجوى(متدخلة): وائل
التفت لعندها والشرار عم يطلع من عيونو
نجوى: تركو
وائل(بصراخ): مالك سامعتيه شو عم يخبص ؟؟
نجوى(بعصبية): قلتلك تركو
زيد: تيتة ازا هو مابيبتلي فيه انا بدي ابتلي فيه
نجوى: زيد خلص انت التاني ،وائل بعد عنو
شال ايديه من ع رقبة قصي وحاول يهدي اعصابو
قصي: ابضايات والله😏
وائل: غصب عنك ولاه
زيد: انت ماعاد تستحي لحتى امسح فيك الارض
نجوى(بصراخ): لك خلص بقااا ، خرسو

زيد: تيتة انا لسا ماعملت شي كرمالك بس ، لولاكي كان هلق لحقته باابوه ، لك مانك سامعتيه شو عم يخبص؟!!
نجوى: سامعته ، ومحترمة مشاعرك ،بس مو هيك الامور بتنحل ، قعود انت واخوك
زيد: لك تيتة بس هالحكي كبير كبير كتيررر
نجوى: خلص عم قلك قعود
زيد: امرك 🙂
نجوى: وانت وائل يلا قعود
وائل: لامعلش مرتاح هيك 🙂
نجوى: عم احكي معك قعود
عاصم: خلص ابني عم تقلك ستك قعود
وائل: ماشي ، بس ازا لسا بطول لسانو رح دعوسو برجليي
قصي(بمسخرة): ههههه سبع ابن العم
نجوى(بصراخ): قصي خرااس بقا وقعود عاقل
قصي: اي رح اقعد
قعدو كلياتن والست نجوى
بلشت تستجوبهن : هاتو لشوف شو القصة ، جنى شو هالحكي يلي عم يحكيه قصي
جنى(تبكي): تيتة انتي صدقتيه؟ لهالحقير الوسخ
قصي: انتي الوسخة وليه
عاصم(متدخل): ولك قصيي صرلي ساعة ساكتلك لاتخليني خليهن يدبحوك حترم حالك
قصي: ماعم احكي شي غلط ،
جنى: انت واحد كذاب وواطي،،الله يعلنك ، بابا ماما تيتة زيد وائل ،كل يلي هون سمعوني ،وماتخلوه يقاطعني ،
الكل: عم نسمعك
جنى: هالحقير الواطي مبارح لما خلصت السهرة مع رفقاتي والمدير ، اتصلت بشوفير ليجي ياخدني اكتر من مرة ماكان عم يرد عليي ، اضطريت اطلع مع الاستاذ حسام بحكم انو طريقو من طريقي
وانا وطالعة بالسيارة مابشفلكن الا هالكلب الحقير ،
(واشرت باايدها على قصي ،،،
قاعد على سيارتو ومعو بنت شوارع ، حاضنها وعم يتضحكو متل السكرانين ،ويتمايعو، بنص الليل
قصي: كذابة ماحدا يصدقها ،هي يلي كانت مدري شو عم تعمل هي ومديرها ، وحدة فاجرة عم ترمي بلاها عليي ،
جنى(بصدمة): لك لعما مااحقرك لعما قلبت السحر عالساحر ،ياجماعة والله مافي شي بيني وبين الاستاذ حسام ، روحو سالوه حتى
قصي: هه لاصادقة انتي وياه عرفتي مين تشهدي 😂😏
زيد بعصبية: تيتة ازا مابتخرسيه قايم ادبحو مانك سمعانة شو عم ياكل هوا
نجوى: قصي بكفي قلة ادب ، ضب لسانك وحاج تخبص
قصي: قلة ادب ،؟ هلق صار يلي بيحكي الحق قليل ادب
هجم زيد على قصي وصار يضربو
زيد: لك حق شو حق شو ، انت الغلطان وعم تتهم اختي ياقليل الشرف ، لك لعما بعيونك ، ماعندك ناموس ،لك بنت عمك ياحقير عم تحكي عليها هالحكي
هجمت علا ع زيد وصارت تشدو عن ابنها
علا: بعد عنو ،بكسر ايدك ازا بتمد ايدك عليه
زيد: انتي مادخلك ،مانك سامعة شو عم يحكي .ولاعاجبك الحكي
علا: لو مانو شايف عليها شي ماحكا هيك
زادت عصبية زيد دفش قصي عالارض
وبلش يصرخ
زيد: لك انتييي شو ، مابتخافي حدا يحكي هيك ع بنتك ، ابنك الحقير هو الغلطان وانا المرة الماضية شفتو بعيني ، طالع من الديسكو مع بنت ليل ، وكنت بدي افتح معو الموضوع بس ماصرلي ، وازا مالك مصدقة ، ليكو بلال هو كان معي وشاف كل شي، شو بلال احكي قلهن الي عم احكيه كذب ؟

كان بلال ساكت ومتلبك
ومحتار باامرو
قصي: شي حلو بدك تشهد اخي ضدي
زيد: بدي شهدو بالحق
قصي: :انت وبلال اكذب من صرمايتي
زيد: لك انضب احسن ماارجعلك لعما بعيونك مااوقحك ،
اطلع ببلال وقلو: شو بلال مابدك تحكي ؟
بلال: .....
زيد: بلال انا مقدر وضعك بعرف انو قصي اخوك ،ومحترم مشاعرك ، بس اخوك هو الغلطان بيرضيك الحكي يلي حكاه على اختي
بلال كان بس ساكت وعم يطلع بقصي
وكان قصي عم يغمزو انو مايحكي شي
زيد: لاتضل ساكت احكي
نجوى: احكي تيتة لاتخاف ، مزبوط يلي عم يحكيه زيد؟
بسمة: بلال بعرفك صاحب حق ، شبك احكي ولو ، عاجبك الحكي يلي طالعو ع جنى؟
بلال : لا😞
زيد: لكن احكي ،يلي شفتو
واخيرا بلال حسم قرارو
وقرر يحكي
قام من محلو ووقف قدام قصي
بلال: انا اسف اخي ،بس انت غلطان ، وانا بعمري ماوقفت مع الغلط ضد الحق. جنى بنت عمي ، من لحمي ودمي ،وسمعتا من سمعة اختي ، مابرضا تحكي عليها يلي عم تحكيه ،
اطلع فيهن كلهن وحكا
بلال: مزبوط المرة الماضية كنا انا وزيد سهرانين برا البيت وشفنا قصي. ، مع بنت اللهم عافينا ،
قصي: هههه حلوة القصة خرج تصير مسلسل قديش اخدت معكن وقت😏
علا(بصراخ): بلال طلاع من وجهي مابدي شوف وجهك بهالبيت عم تفهم
عاصم: ليش عم تقلعيه لانو حكا الحق !؟
علا: حق شو هاد بيكون ابنك ، محفظو شو يحكي
زيد: بالله. ليش انا شو بعرفني انو رح تصير هالقصة ، ؟!
علا: والله مابعرف ،بتكون متفق انت واختك
جنى(تبكي): لك الله لايسامحك لاانتي ولاابنك ، انا وقت طلعت مع المدير طلعت بعلم الكل ، لو بدي اعمل شي ماكنت خبرت حدا
علا: خرسي وليه ، حاج تلفي وتدوري ،
نجوى(بصراخ'): خلص بقا
قامت من محلها وقربت لعند قصي
وعيونا عم يقدحو شر ،
لثواني ضلت عم تطلع فيه
وفجأة ضربتو كف قوي علم اصابعها ع وجهو
نجوى: ياحيف بس ياقصي ، لك انا كل شي كبيتو ، الا انك الفت حكي على بنت عمك ،هاد مارح انساه ابدا ،
قصي(بعصبية): لككك انا ماعم الف شي هييي الحقيقة
نجوى: خررااااس ، ونقلع لبرا هالقصر، مابدي شوف وجهك هون ،
يلاااا،
قصي: اي طالع ، اصلا انا مابشرفني ضل هون ،
طلع وهو معصب
ومو شايف قدامو
وقف عالباب وصرخ
قصي: رح تندمووو ، مو قصي يلي بيتقلللع
،
جوا
علا: ليش قلعتييه ليش ، بدال ماتقلعي هالحقيرة
نجوى: علا ضبي لسانك وطلعي من وجهي ، احسن ماقلعك ورا ابنك ،انا لساتني ساكتلك 🙂لهلق
علا: بالله وليش ساكتة تفضلي قلعيني كمان،
نجوى:ساكتة كرمال ولادك ، وكل عمري ساكتة كرمال ولادك 😏 ولابتحبي ذكرك ياست علا
تلبكت علا وحطت راسها بالارض ، وكانو الست نجوى ، ماسكة عليها ممسك
رفعت راسها وهي مقهورة وقالتلا
علا: لا مانسيت ،
حملت حالها وطلعت على غرفتها والحقد والغل عم ينقطو من عيونا ،
علا(بقلبها): الك يوم يانجوى ،منتحاسب.
تحت
كانت
جنى قاعدة وماعم توقف بكي

وبلال وميرا واقفين على طرف وخجلانين من عملت اخوهن الي بتسود الوجه ،،
جنى : ماعم اقدر صدق كل هالحقارة تطلع منو ،لك ليش ليش انا شو عملتلو ،
تهاني: معلش ماما ، بالناقص منو ، طولي بالك حبيبتي ،
جنى: يالله رح جن ، لك كيف هيك ، قلب القصة عليي ، يخرب بيتو لك مااوطاه
زيد: خلص بقا منيح الي كشفتيه ،طولي بالك وحاج تبكي ، كرمالو ،
جنى(بصراخ): انت ماتسمعني صوتك ابدا ، مانك احسن منو
زيد(بصدمة): ليش انا شوعملت😳
جنى: شو عملت ما؟ مابتعرف ، كنت بتعرف انو عم يخونني ، وساكت ،ليش ماحكيتلي ،ليش ماحذرتني ،
زيد: انا كنت بدي احكي معو بالموضوع بيني وبينو بلكي بيفهم وبيزوق ، بدون ماخليكن تتركو ، لاني بعرف حضرتك قديش بتحبيه ،وازا تركتو شو رح يصير فيكي ، ف قلت بحاكيه وازا فهم حكي ، منسكر عالموضوع بدون مايصير مشاكل
جنى: ها والله ، وبدك تتستر عليه كمان برافو زيد
زيد: لا مابدي استر عليه بس مابدي دمرك ،حضرتك بتموتي فيه لهالحقير
جنى: مابدك تدمرني وتخليني مخدوعة. مع واحد متل هاد شي حلو والله ، بينشد الضهر فيك ،
زيد(بعصبية): جنى لاتطالعي جنانك عليي ، انا مو ناقصني برضاي عليكي ،
جنى: منيح يلي الف هالقصة عليي ، لولا هيك كان حضرتك ماتنومست حكيت
زيد؛ لك جنىى لاتجننيني ،لسانك لاتطوليه. لاتخليني طالع جناني كلو عليكي ، بعرف مو ناقصك ، نضبي بقا ، قلتلك شو كنت بدي اعمل
جنى: اي طالع جنانك صير ابضاي عليي ،
زيد: استغفرالله بس ،
تهاني: خلص انت وياه ، حاج نقار، شايفين الوقت مناسب
زيد: سكتي بنتك لكن ،
وائل: خلصنا زيد شبك ، شايف اختك ناقصها
زيد: اخيي هيي يلي بلشت ،
جنى: اي بدي بلش لانك غلطان ، وعم تتستر ع واحد كذاب
زيد(بصراخ): لك اختي انتي ليش مابتفهمي، ليش ، انا ماسترت عليه كرمال جمالو ولا لاني بحبو او عشقانو ، لك انا كرمالك ، قلت بحاكيه بالزوق، لك شو كان بدك ياني اعمل؟ افضحو!؟ شو كان رح يصير فيكي !

جنى: والي صاير فيني هلق احسن !
زيد: شو بعرفني رح تكشفيه ،بعلم بالغيب انا!؟ جنى سكتي كرمال الله
عاصم: خلصنا بقا انت وياها ،راسي مو متحمل حكي كمان، فضوها سيرة ،وائل خود اختك ع غرفتها ،وانت زيد طلاع على غرفتك ،
حاج صراخ وقلي لقلك ، راسي رح ينفجر .
زيد: امرك بابا
وائل: يلا جنى تعي حاجتك اليوم انتي
نجوى: قبل ماتطلعو،
زيد، وائل: شو في ؟
نجوى : سمعوني كلكن ، سيرة قصي ،بدها تتسكر هلق ، ومابدي ترجع تنفتح ، مو ناقصني وجع راس وعي ، قصة صارت وقصي اخد جزائو ،
وهلق كل واحد ، ع غرفتو تاخر الوقت ، وانا راسي وجعني ،
الكل: اي متل مابدك.
____
ببيت فتون
دخلت فتون على غرفة ايمن
كان لسا سهران
ومبين عليه مو ع بعضه
فتون: شو حبيبي ، ليش لهلق مانمت
ايمن: موجايني نوم
فتون: اف ليش بقا
ايمن: مافي شي
فتون: ايمن ماما عم تخبي عليي
ايمن: مافي شي مدايق شوي
فتون: طيب من شو ياروحي
ايمن: ولا شي انسي
فتون(بضحك): شكلك اليوم ماشفتا لبسمة😉😅
ايمن: مبلا شفتا🙁
فتون: طيب لي زعلان ياعمري
ايمن: قلتلا اني معجب فيها
فتون: جد😳
ايمن: اي
فتون: وشو قالتلك؟
ايمن: صارت تضحك عليي ،
فتون: تضحك عليك ليش؟؟ يصحلا اصلا واحد متلك
ايمن: فكرتني عم اكذب وبدي اتسلا معها ،
قال الي بدو يحب مابيحب بهالسرعة هي ،
فتون: ايوا ،ازا هيك ختلف الحكي ،
ايمن: بس هي ضحكت عليي
فتون: حبيبي انت تسرعت، لو كنت مستني شوي ماكان صار يلي صار ،اقل شي كان تعرفتو ع بعض اكتر وتعودتو ع بعض
ايمن: مابعرف خفت تروح من ايدي ، بنت متل القمر ، وانا مالي صبر
فتون: ياروحي انت ، معلش روق ،مابتعرف الايام شو مخبيتلك
ايمن: ماما بس انا حبيتا وبدي ياها ، وبدي خليها تحبني ،
فتون: ان شالله ياعمري ، رح تحبك انا متاكدة ،بس الشغلة بدها وقت
ايمن: وكيف بدي خليها تحبني
فتون: الاهتمام حبيبي. البنت بتحب الشب يلي بيهتم فيها يلي بحسسها انو هي كل شي بالنسبة الو
ايمن: ان شالله تحبني لانو ازا ماحبتني بدي موتا
فتون:😳 شو هالحكي لك امي شو تموتا ماتموتا ، مابعرفك مجرم
ايمن: امي مابتحمل شوفا مع غيري🙂 بحبا
فتون: ان شالله ياامي مابتكون الا الك ، ماتزعل
ايمن: ان شالله كتريلي من هالدعوات ماما
فتون: ان شالله ياامي الله ينولك مرادك ،
قرب لعندها وانحنا عاايدها وباسها واطلع بعيونا بيحب
ايمن: ويخليلي ام ايمن 😍😘
فتون(وهي عم تمسح ع راسو):ياعمري انت
______
بالقصر
كانت جنى قاعدة عم تبكي
وكانو جمبها بسمة ونور ووائل عم يهدوها
وائل: وليه هبلة عم تبكي عليه شقفة مصروع، لك انا اصلا كنت مستغرب شو عاجبك فيه
جنى: ماكنت بعرفو حقير ، كل هالايام وانا مخدوعة فيه
بسمة: ياعمري طولي بالك ، بكرا الله بيعوضك بااحسن منو ،
رفعت راسها واطلعت ببسمة بتساوؤل
جنى: يعوضني؟ ليش انا عاد امن لحدا ؟
وائل: وليش ماتأمني ، ليش كل الشباب متل هداك الكلب ، لعما بقلبو ، اقسم بالله لو ماتيتة قالتلي اتركو كنت دفنتو الليلة جمب ابوه ، الحقير الوسخ ، قاعد عم ياالف قصص ،
نور: يقطع عمرو لا وواثق من حالو ،مبالو مارح ينكشف
بسمة: جوجو حبيبتي خلص بقا والله مابيستاهل ضفرك
جنى: ماني قدرانة وقف بكي ، مو باايدي
وائل: حبيبتي جنى خلص بقا ياعيوني رح تروحي حالك من البكي ، حاج بقا
جنى: ....
بسمة: وائل خلص روح نام انت ، انا بهديا
وائل: لك كيف بدي نام وهي هيك ، ليش عاد يجيني نوم
بسمة: معلش جنى عندي ، خلص لاتاكل هم
وائل: خلص خدي نور وروحو نامو انا اذا ماضليت معا رح يضل بالي مشغول
بسمة: طيب وزيد بدك تتركو لحالو ؟
وائل(مستغرب): ويضل لحالو شو بدو يصرلو ،بسمة شكلو النعس اثر عليكي ، روحي نامي
بسمة: لك تضرب ، قصدي بكون معصب ماحدا غيرك بهديه ،
وائل: خلص الصبح بشوفو ، مارح اقدر نام بغرفتي رح يضل بالي عند جنى ،
بسمة: طيب ع راحتك تصبح ع خير
نور: تصبح ع خير وائل
وائل: وانتو من اهلو
طلعو بسمة ونور
وهو سكر الباب وقعد جمب جنى واخدها لحضنو
وائل: ياروحي انتي والله بس لاامسكو لخلص عليه ،مو حرام هالعيون يبكو ،
جنى: رح طق يااخي رح طق ، ان شالله بموت
وائل: بعيد الشر عنك ياروحي اوعك تحكي هيك ، لك والله انا كان بدي ابتلي فيه ، لولا ستك ، هي يلي وقفتني ،
جنى: لاوهداك اخوك كان بيعرف وماحكا ، شو كرهانتو الله يلعنو
وائل: بس جنى ،هاد اخونا الكبير ، عيب تحكي هيك ،بعدين معو حق ،، هو قال لحالو بلكي ازا حكيتو بيزوق ع دمو.
ماكان بدو يحكي مشان ماتوصلي ليلي انتي عليه هلق ،شو انتي مجنونة ،لك زيد عندو ياكي بالدنيا
جنى: مابعرف مابعرف ، الي بعرفو اني لازم موت

وائل: ان شالله الموت لااعدائك ، خلص كرمالي
جنى:......
وائل: قومي معي حاجتك بقا لازم تنامي
جنى: مو قدرانة
وائل: مو ع كيفك يلا تعي
اخدها على تختها
وغطاها وقعد جمبها
لحتى نامت ،
طفالا الضو وضل قاعد جمبها للصبح
____
الصبح
كانت ميرا قاعدة بغرفتها وعم تبكي
اندق باب غرفتها
مسحت دموعها وقالت : تفضل
دخل لعندها بلال وكان هو التاني مو منيح
ميرا: هاد انت
بلال: اي انا
قرب لعندها ولاحظ انو عيونها مورمين من البكي
بلال: ليش بكيانة !؟ حدا حاكي معك شي ؟
ميرا: لا😖
بلال:شبك لكن
ميرا: عجبك يعني يلي عملو اخوك بجنى
بلال(بحزن): اكيد لا ،
ميرا: كيف اجا من قلبو ،لا وكلو كوم والحكي الي حكاه عليها كوم ،، لك ليش ليش. والله جنى مابتستاهل ،
بلال: ماعم اقدر اتخيل انو هاد يلي مبارح خرب الدنيا بيكون اخي قصي،
ميرا: لك مابخاف يجي حدا يحكي عليي متل ماحكا ع جنى
بلال: هاد اخوكي جانن ،
ميرا: الله يسامحو نزع علاقتنا ببيت عمنا هلق بيكرهونا
بلال: لا اطمني. مارح يكرهونا نحن شو دخلنا
ميرا: كيف شو دخلنا نحن اخواتو
بلال: حتى لو ، نحن مادخلنا ب يلي عملو
ميرا: ياترا وين بيكون هلق
بلال: خايفة عليه؟
ميرا: لك كيف ماخاف عليه هاد اخي بيضل
بلال:،معلش لاتخافي ،قصي مانو صغير وبيدبر حالو
قامت من مكانها
ومشيت بخطوات بطيئة
ميرا: انا رايحة شوف جنى ،
بلال: ستني رايح معك
_____
بغرفة زيد
وائل: مابدك تروح تشوف اختك
زيد: انا لساتني معصب وهي مو ناقصها وهلق بس شافتني رح تبلش ،ف خليها لتهدا احسن
وائل: اي قوم بلا مياعة بتلاقيها حلوة منك ،
زيد: مابدي
وائل: زيد مابعرفك قاسي ، قوم الله يرضا عليك
زيد: ترا ازا حكت شي بيزعج مارح اسكت ها. عقلي وبتعرفو
وائل: اي بعرفك بهيم 🙂
مسكو من ادنو وشدو بقوة
زيد: كم مرة قلتلك لاتطول لسانك ولاه
وائل: بدي طولو مادخلك، قوم شوف اختك يابلا احساس
زيد: خلص رايح ،لاتتغالظ من الصبح مالي ناقصك
وائل: هلق روح
زيد: لك خلص بروح نضب
وائل: ايوا هيك بدي ياك
زيد: لك يخرب بيتك ممشيني ع كيفك ،وانا الي ماحدا بمشيني ع كيفو
وائل: بس انا بمشيك😂😌
زيد: اي لانو ع راسك ريشة ياحقير 😒 انا بفرجيك ، ازا مابضبك
وائل:اي حاج علاك قوم عند اختك يلا
زيد: خلص رح روح صرعتني
وائل: يلا قوم قدامي
وقف قدامو ومدلو ايدو
وائل: يلا هات ايدك
زيد: هففف لك خلص بروح لحالي
وائل: بدك تروح معي وهالدقيقة
زيد(بعصبية): طيب طيب لك الله ياخدك ان شالله
وقام من محلو
وائل: والقايل حبيبي لان مابقدر بلاك
زيد: لاماناقصني حتى بالقبر لتاخدني معك
وائل: طبعا طبعا بدي ضل كابس ع نفسك بالحياة وبالممات😁
زيد: اي تلملم بلا مااكبسك قتلة ،هلق
وائل: 😂
_____
كانت جنى بغرفتها
رن تلفونها
قرأت اسم الاستاذ حسام
فتحت الخط
حسام: كيفك جنى
جنى: اهلين استاذ
حسام: تمام ، طمنيني عنك ،مبارح مااجيتي عالشغل ،نشغل بالي
جنى: سامحني استاذ هالفترة مابقدر اجي تعبانة كتير، مارح اقدر اشتغل وحتى لو شتغلت مارح يطلع شغل حلو
حسام: ولايهمك ، انتي بس رتاحي ، وان شالله عمرو الشغل
جنى:يكتر، خيرك استاذ ، اقل شي بس هالاسبوع ، لبين ماارتاح شوي
حسام: خدي راحتك ،بس حطي ببالك ، بس تخلصي استراحتك بدك تقعدي معي وتفهميني كل شي ، ماشي؟
جنى: ماشي ان شالله
حسام: طيب سلام نتبهي عحالك، واي شي بتحتاجيه انا جاهز
جنى: شكرا الك استاذ مابدي غير سلامتك
حسام: باي
جنى: باي ،
وسكرت الخط وبعدها ندق باب غرفتها
جنى: تفضل
دخلو زيد ووائل لعندها
واول ماشافت زيد حطت راسها بالارض
قرب زيد لعندها وقعد جمبها

زيد: بعرف انك زعلانة مني ،بس انا والله مالي ذنب بشي، انا كان قصدي خير لما خبيت عنك ، يااختي ياروحي انتي ، انا بعرف قديش بتحبيه لهداك الكلب ، فكرت انو شورح يصير فيكي ، ازا عرفتي ، ماكنت بعرف انو رح يصير هيك وتكشفيه لحالك ، وليكك هلق كشفتيه انتي ،شوفي شو عملتي بحالك ،
جنى: ....
زيد: هلق هيك يعني بدك تضلي ساكتة وماعم تحكي معي ،
اطلع بوائل وغمزو انو يحكي
وائل: خلصنا بقا جنى ،زيد شو دخلو لتزعلي منو
جنى: دخلو انو خبا عليي
زيد(وهو عم يحاول يمسك اعصابو): جنى حبيبتي روحي عيوني ، كم مرة بدي عدلك ليش ماحكيت ، لك قلت لحالي بحكي معو بيني وبينو بلكي بيفهم حكي ، بس ماصرلي ،شو كفرت.
جنى: اي كفرت
زيد: اي طيب الي بيكفر الله بيسامحو ،وانتي مابتسامحي ، لك شبك جنى حاسس حالي عدوك مو اخوكي ، خلصنا بقا فرطيا انا اسف وحقك ع راسي
جنى: مابدي
زيد: هلق هيك ، وبيهون عليكي ازعل 😒🙁
جنى: اي بيهون متل ماهان عليك تشوف اختك عم ينضحك عليها

زيد: لا اله الا الله ، وائل حكيلك كلمة احسن مايطلع خلقي عليك وعليها ها
وائل: جنى شبك ولو مابعرفك هيك ،اخوكي عم يعتزر منك
جنى: وانا مابدي اقبل
وائل: لا بدك تقبلي ، مو عكيفك
جنى: لا ع كيفي ،خلص تركوني بحالي انت وياه.
زيد: هلق هيك يا جنى ،كل هالقد انا هين عندك ،الله يسامحك بس
جنى: روح من وجهي
قرب لعندها واخدها لحضنو بحنية
زيد: طيب خلص ولو. ،ماني رايح لحتى تسامحيني منيح هيك
جنى: مابدي
زيد: لا بدك ،موانا اخوكي الكبير ،والي بضل بدللك وبضحكك كتير 😏🙁
جنى: حل عني
زيد: قوليلي سامحتك بحل عنك
وائل: خلصينا بقا جنى بضربك ها
جنى: اي ضروب
وائل: لا حبيبة قلبي انتي مابضربك ، بس فرطيا بقا
زيد: انا اسف والله ماعاد خبي شي عنك ،بس خلص بقا فضيها سيرة
جنى: ....
زيد: قوليلي سامحتك
جنى: خلص الله يسامحك
زيد: من قلبك قطتي ،
جنى: من قلبي
زيد: حلفي انو من قلبك
جنى: ييي علينا قلتلك من قلبي خلص مسامح
زيد: يعني مو من ضفرك 😂😂
جنى(بعصبية): زيد شايف ناقصني زناخة 😔حل عني
زيد: لك والله انا بدي ضحكك ضحكي ولو والله مابيستاهل تبكي مشانو
جنى: ماني عم ابكي مشان حدا ، عم ابكي على حالي
زيد: لاتبكي كرمال شي انتي مابيلبقلك الزعل ، لك اطلعي ع وجهك كيف صار ، مو حرام هالعيون الحلوين يبكو
جنى: 😔مو باايدي
زيد: لااباايدك وبدك تنسيه لهداك الجحش يخرب بيتو كيف كنتي متحملتيه
وائل: متل ما رشا متحملة زناختك😂😂
زيد:😏 ع فكرة بايخ
وائل: مو ابيخ منك
زيد: على اساس انت انظم ياابن تهاني ، لنشوف بكرا مين رح يتحملك ، يانسونجي 😒
وائل:😌 لاتخاف بتتحملني ، ياابن عاصم
زيد: اي بكرا منشوف
وائل: اي ستنا وشوف سردين بيك
زيد: كون سردين احسن ماكون منسون ، مامخلي بنت من شري ، لعما ضربك في رقم بنت بالكرة الارضية مو معك
وائل: وانت ليش غيران سردين😏
زيد: انا غيران اعوذ بالله من شو بدي غار ، عندي رشا بكل البنات
وائل: اي فهمنا انك وفي متل ال .... ،ولا مابدي احكي عيب بتضل اكبر مني
زيد: اه يامحترم 😏 ماعرفتك ،
وائل: 😒 سردين
زيد: منسون
وائل:سردين
زيد: منسون
كانت عم تتطلع فيهن كيف عم يتناقرو متل الولاد
نست وجعها وصارت تضحك عليهن
اطلعو عليها ، وفرحو لما شافو ضحكتا
زيد: اي ها شفتي مااحلاها ضحكتك يقبرني الي خلقك
وائل: لك احلا جوجو بكل الدنيا
جنى: لك غصب عني ضحكتوني،مابتوفرو ولا وقت حتى تتناقرو ،
زيد: اي ولو اصلا نحن كنا عم نعمل هيك مشان نضحكك
جنى: محتالين
وائل: شباب انا جوعان شو رايكن تستحو ع حالكن ، تعزموني ع شاورما
زيد: شاورما من الصبح!
وائل: صبح شو الساعة ١٢ الضهر
زيد: بالله وليش ماانت تعزمنا
وائل: طيب خلص انا عازمكن بس قومو ميت جوع
زيد: تضرب شو بتحب بطنك
وائل: خلصوني
جنى: مابدي روح انا روحو لحالكن
زيد: ازا انتي مارحتي انا مابروح
جنى(بعصبية): خلص ولو شايفيني الي نفس لشي ،
زيد: منفتحلك نفسك لاتعندي ها بلا مااكبسك كف
وائل: يلا جوجو بلا عناد ، ازا مارحتي انا مارح اكل اليوم ابدا
جنى: اي لاتاكل تسطفل
وائل: وبيهون عليكي ضل جوعان😥
جنى: ماحدا عم يقلك لاتاكل
زيد: يخرب بيتك 😳 ماعندك جنس الحنية،بدك تتركيه بلا اكل بس مشان ماتروحي
وائل: جنى قومي بلا غلاظة
جنى: يالله مابدي 😠😔
زيد: يلا بقا حاج دلال ،
وائل: نحن هلق طالعين ، ومعك عشر دقايق تجهزي حالك. وازا مابتنزلي بتروحي معنا بديني يا جنى ماعاد حاكيكي🙂
جنى(بملل): طيب خلص حاضر رح جهز حالي غيرو 😥
وائل: عم نستناكي لاتتاخري
طلعو من عندها وهي قامت
لتجهز حالها
غصب عنها اطلعت ع حالها عالمراية، كان وجها كتير شاحب وعيونا مورمين من البكي
للحظة حست بالشفقة عحالها ، قديش تغيرت بهاليومين. كيف كانت وكيف صارت
لبست تيابها وحطت شوية مكياج
ونزلت مع اخواتها
يلي كانو كل الوقت عم يحاولو ينسوها يلي صار والصدمة يلي اكلتها ، بس ماكان في شي عم ينفعها
مو بالسهولة رح تقدر تنسى الي صار ،
______
بالقصر
كان بلال واقف قدام غرفة امو
وماعم يتجرأ يدخل
دق الباب وايديه عم يرجفو
سمحتلو بالدخول
ولما دخل
وشافتو
دارت وجها عنو
علا: شو بدك
بلال: امي انا اسف ، بس
انتفضت من محلها ووقفت قدامو
تصرخ فيه
علا: بس شوو ولاك شو ،لك لعما مااوقحك ، لك عم تشهد ضد اخوك ، لك انت مابتستحي !؟
بلال: امي انا شهدت مع الحق ، جنى بنت عمي ، والحكي الي حكاه ابنك عليها والله مابينحمل ، حطي حالك محل اهلها ، يجي حدا ويتهم بنتك هيك تهمة ، شو بتعملي؟
علا: لك شو ماكان يكون مابصير تصف معهن ، ياواطي
بلال: لك كيف ماصف معهن ، بالله جنى شو بتفرق عن اختي ميرا ، مو التنتين عرضي وشرفي ،بدك اسمع ابنك عم يحكي شروي غروي عنا ، وضل ساكت ، اي لاماما مستحيل ، انا الي مابرضاه لااختي كمان مابرضاه لبنت عمي

علا: لك بسببك اخوك تقلع ، لو ضليت ساكت ماكان صار هيك ،
بلال: تقلع بسبب غبائو ، وحقارتو
رفعت ايدو وضربتو كف
واطلعت فيه وكأنها بدها تاكلو بسنانها
علا: تاني مرة مابتحكي عااخوك هيك ، بلا ماقص لسانك
بلال: عم تضربيني ؟؟
علا: لك وبكسر راسك ولاه
بلال: اي ماشي ،مارح احكي معك شي لانك امي وبتموني ، خليكي واقفة بصف ابنك ، لشوف شو رح ينفعك
علا: انقلع من وجهي ولاه ،
بلال: اي رح انقلع ،
طلع من عندها وهو معصب ومقهور،
وسكر الباب بقوة،
علا: الله يلعنك قليل ترباي ،
لكن ولاد السيد عاصم ، ممشينو ع كيفهن ،اي بس شو عليه ،والله لربيكن كلكن ،ياكلاب ..
--------------------+
يتبع.....

تكملة البارت ٤
بغير مكان
وائل: شو وينك صرلك كم يوم غايبة
غريس: والله كنت مريضة ،لهيك ماقدرت اطلع من البيت
وائل: قلتلك 😒 رح تمرضي
غريس: اي ولو المهم عملت الشي الي بحبو
وائل: طيب وكيف صرتي هلق
غريس: لا الحمدلله احسن
وائل: الحمدلله ع سلامتك
غريس: الله يسلمك مسيو وائل
وائل: 😳 كانك نسيتي شي
غريس(مستغربة): شو؟؟
وائل: شوقلتي اخر شي عيدي؟
غريس : الله يسلمك مسيو وائل 🙄
وائل: اي اي هون نسيتي شغلة ،مستحيل ماتقوليا ،
انتبهت انها ماحكت كنيتو
وفرطت ضحك
غريس: 😂😂 اي اي فهمت عليك
وائل: غريبة هالمرة ماحكيتي اسمي كامل😂
غريس: حبيت اختصر وائل نصر الدين😂
وائل: رجعنا😒
غريس: طب حيرتني ولو😂😂
وائل: وائل حاف احلا منك
غريس: امرك وائل حاف😀
وائل: هههه يابنت مالك حلة انتي
غريس: طيب هلق بالله بالله ،احكي الصراحة
وائل: شو
غريس(بمزح): هالجنينة هي بلاي مو حلوة ما
اطلع فيها بطريقة غريبة ،وتلبك وفات ببعضه
وهي نتبهت عليه
غريس: شبك🙄 ،
وائل: اي الصراحة مو حلوة 😊
غريس: عنجد؟
وائل: اي والله يابطة الك فقدة ،
غريس: حتى تعرف 😌 اني حبابة وطيوبة ومافي مني ، وبدخل عالقلب بسرعة
اطلع فيها بمحبة وقرصها من خدودها
وائل : هههه لك يخليلي البطات لااجلك
غريس(بنرفزة): اي وجعتني 😖
وائل: اسف 🙂😂
وفجأة مرقت من جمبهن بنت
لما شافت وائل اجت لعندو
مجهولة: .مرحبا بيبي
وائل(متلبك: ياهلا
مجهولة ؛ كيفك شو اخبارك ياعمري
وائل: انا تمام منيح😐
مجهولة: ليش ماعدت شفتك شو كانك نسيتني
وائل: لاوالله بس هالفترة مشغول شوي

اجت قعد جمبو وحطت ايدها ع كتفو
وكانت غريس عم تتطلع فيهن ومستغربة
البنت كانت عيونو ماعم تشيلا عنو
بس هو كان كل همو تحل عنو وتروح ، وكانت عيونو ع غريس
قعدت شوي الصبية
بعدين قامت باستو وودعتو وراحت ،
وغريس عم تتطلع عليها بنظرة استفهام
غريس: يعني انت طول مانك قاعد ! وحدة رايحة وحدة جاية! كم بنت بتعرف يازلمة 🙂🙄
وائل(متلبك): لامو كتير🙃
غريس: مو كتير ، اي الكرة الارضية كلها بتعرفك ،
وائل: اي شبعرفني الله خالقني محبوب شو اعمل
غريس: ومين هي الي هلق اجت
وائل: زميلة قديمة
غريس: زميلة قديمة 😂😂 وكانت بدها تقعد بحضنك ع شوي تانية 😒
وائل: لك ايي 😁 ولو مشيها
غريس: اي مشيناها 🙄
وائل: شو رايك اعزمك على قهوة
غريس: اي ليش لا المنيحة بدها مشورة؟
وائل: لا😅
غريس: طيب يلا قوم لكن
وائل(بمزح): بس انتي بتدفعي الحساب
غريس: بالله شو 😅🙄 ولشو اخدتك معي بروظة مثلا
وائل: اي تبروظي فيني شو عليه😂
غريس: اي امشي بلا سقالتك
وائل: تعي نمسك ايدين بعض مشان يفكروني مرتبط 😂🙂 مايقربو عليي
غريس: اها 😏والله
وائل: اي
غريس: لك والله ازا انا وعيلتي كلها منمسك ايديك رح يلحقوك😂😒
وائل: لك اي ولو بيحبوني 😂😂
غريس: اي امشي خلصني ،
وائل: هاتي ايدك
غريس: مصر يعني
وائل: اي احلا
غريس: طيب ماشي
مسكو ايدين بعض ومشيو
كان هو طول الطريق ماعم يشيل عيونو عنا ،
وهي ،كانت طول الطريق عم تحكي ، وهو بس عم يسمعها وماعم ينطق ب ولا حرف
كان عم يغرق فيها بدون مايحس ع حالو
وبدون مايحسب حساب لااي شي ...
________
باليوم التاني
بالقصر
اندق الباب
راحت الخدامة وفتحت
كان شب من هدول يلي بوصلو طلبات
باايدو باقة ورد احمر كبيرة
الشب: مرحبا
الخدامة: ياهلا
الشب: هون بيت الانسة بسمة؟
الخدامة: اي نعم امرني؟
الشب: هدول الوردات الها ممكن تسلميها ياهن
الخدامة: اي حاضر
عطاها الوردات وراح
كانت طالعة تسلمهن لبسمة
شافها وائل ووقفها
وائل: وقفي رجاء
الخدامة: نعم استاذ
وائل: :لمين هالوردات🤔
الخدامة: مبعوتين للاانسة بسمة
وائل:🤔 بسمة 😳 ؟
الخدامة: اي استاذ
وائل: فرجيني لشوف
اخد منها الوردات وبلش يتفحصهن
شاف كرت بقلب الورد
شالو وفتحو
وصار يقرا شو مكتوب فيه: مالقيت شي احلا من الورد عبرلك فيه عن اعجابي فيكي ، انسة بسمة
انتي احلا والطف بنت شفتها بحياتي
وبتمنا تفتحيلي قلبك ..
ايمن
وائل(بضحك): اه يافارة الطحين اه ، ايامك والله ، ورد احمر ،ومعجب ، والله لجننك😂😂
وفجأة كانت نازلة بسمة
وشافته شايل الوردات
بسمة(بنظرات سخرية): شووو ابو نضارة 😒 من مين هالوردات
وائل: 😂😂😂😂 هدول من ايمن
بسمة(مستغربة): ايمن😂🤔🤔مين
وائل: ايمن معجب فيني😂😂 حتى شوفي شو كاتبلي ،
عطاها الكرت وبلشت تقرأه ،
وعرفت انو الوردات الها ومن ايمن
تلبكت وخدودها صارو حمر
وائل: له له 😂😂 لك شبك قلبتي بندورة
بسمة: وائل مااغلظك 🙂
وائل: مين هاد ايمن وليه😂😒

بسمة: مادخلك🙂
وائل: له 😏 هلق هيك
بسمة: اي هيك
وائل: بس شكلك معذبتيه كتير للمسكين😂 لكن طالعة حلوة لاابن عمك 😂
بسمة: اي هات الوردات حاج سقالة
وائل: عطيني وحدة
بسمة: مافي 😒
وائل: بس وردة امانة😂
بسمة: هدول الي 😊 ماخرج
وائل: لك وحدة ماابخلك😏
طالعت وردة وحطتلو ياها على ادنو
بسمة: قحط بقا
وائل(بضحك): ياعمري قديش مزوقة هالوردة رح خبيها بقلبي 😍 😂😂
جن جنانها منو وحطت الوردات عالارض وبلشت تضربو وهو يضحك
وائل: بتموني حبيبتي 😂😂 ضرب الحبيب زبيب
بسمة: هات الوردة ولاه مابتستاهل ،
وائل: انا بحبك اكتر من ايمن 😂😂😂 حبيني الي
صارت تضربو بقوة اكتر وهو 😂 بكل برودة اعصاب عم يضحك ويحرق دمها
وائل: لك بحبك لو بتموتيني
بسمة: لك يحبك برص يامنسون يا نص جدبة ،
وائل: لك حاج تضربي وليه فارة 😂عم امزح والله بحب احرق دمك😂😂
بسمة: مزحك سقيل متلك
وائل: لك خلص وليه 😂😂
مسكلا ايدها وبعدها عنو وقعدها
وقام ظبط تيابو وشعرو
وائل: يالطيف شو متوحشة😒 خربطيلي اللوك تبعي
بسمة: بتستاهل🙂
قعد جمبها وهو فارط ضحك
وائل: لك يخرب بيتك 😂😂😂 شو انا وحش ، لحتى بتكرهيني هالقد😏
بسمة: مابكرهك بس انت بتضل تتساقل عليي🙁
وائل: لاني بحبك 😍😝
اطلعت فيه بعصبية
وكانها بدها تخنقو
وائل: متل اختي 😂😂😂
بسمة: 😏 اي تحبك العافية وانا بحبك
وائل: عنجد😍
بسمة: متل اخي😂😂😂
وائل:‘ 😂😂😂
وائل: جد مين ايمن
بسمة: مارح قلك🙂
وائل: امانة ولو
بسمة: مابدي قلك يلا بالاذن ابو نضارة
تركتو ومشيت
وائل: لك وين رايحة تعي قليلي مين ايمن
بسمة( من بعيد،): مادخلك ،التهي بحالك ابو نضارة
وائل: اي ماشي يافارة انا بفرجيكي
طلعت هي وهو بلش يحكي مع حالو
وائل: 😂😂شوعليه ، ازا مابهلكك مابكون وائل ،قال ايمن قال
__
دخلت بسمة ع غرفتها وصارت تتصفن بالوردات وتنسيقتهن اللطيفة
كانت كتير فرحانة فيهن
بسمة: يالله بجننو😍😍 قديش زوقو حلو ، اول مرة حدا بيبعتلي ورد ، معقول يكون عنجد بيحبني ،
اي بس والله مو معقول ، ماصرلو شي بيعرفني كيف حبني،
ياالله مابعرف ماعم تدخل بمخي 🙂
لك بس الوردات بجننو 😍
قربتهم منها وصارت تشمهن وتستنشق عطرهن
بحب ،غمضت عيونها وصفنت.
___
مرق فترة عاابطالنا
وتطورات كتير كانت عم تصير بحياتهن
ايمن كان كل الوقت عم يهتم ببسمة ،
كان كل يوم يحطلا ورد عالسيارة تبعها
ويلحقها وين ماتروح ويساعدها بكل شي
بس هي كانت عم تشوف حالها عليها وتبينلو انو مو مهتمة ،رغم انها بلشت تميل لاالو ،
اما وائل ، فكان عم يتعلق بغريس ويحبها اكتر من قبل ، صار باليوم يلي تغيب فيه عنو ، يحس بشي ناقصه ، حتى رفقاته البنات طنشهن ،
والكل لاحظ انو متغير وصاير واحد تاني .
قصي كان لسا مختفي وماحدا بيعرف شي عنو لحد اليوم ،
بالقصر
كانت الساعة حوالي ال ٩ المسا
كان زيد بحديقة القصر عم يشتغل عالابتوب
اجت بسمة لعندو وكانت متلبكة
بسمة: مسالخير زيد
ترك الابتوب واطلع عليها
زيد: اهلين بيسة
بسمة: بدي احكي معك شوي معلش؟
زيد; ياسبحان الله منين هابط عليكي هالادب انتي واخي ،ماشالله عليكن ،اي قعدي كلي اذان صاغية
قعدت جمبو وهي ملبكة وماعم تقدر تحكي
زيد: شبك ؟
بسمة: مافي شي
زيد: طيب شو كان بدك تحكي
بسمة: يعني مابعرف كيف بدي بلش
زيد: لك وجع احكي
بسمة: من فترة تعرفت على شب ، هو خريج فنون ، بس بيجي لعنا عالجامعة كتير ،
اول مرة شفتو كان جاي عالموتور ومأسرع، وطرطشني بالميات😐 تقاتلت معو ،واعتذر مني وهيك ،
ومن وقتا صرت شوفو كل يوم بالجامعة،و صرنا نقعد سوا ، ونحكي عن الدراسة وتعرفنا ع بعض ،وهيك ،
ومافي كم يوم ، بيجي بيعترفلي قال شو هو معجب فيني ،
زيد(بضحك): ايمن؟؟
بسمة(بصدمة): شو عرفك فيه😳
زيد: هههههههههه ، سالي حالك لمين عطيتي وردة هديك المرة 😂😂
بسمة(بعصبية): وائل قلك ما😠
زيد: لك ياخاينة تف. بتحكي لوائل وانا مابتحكيلي
بسمة: بس انا ماحكيتلو لاابو نضارة😏
زيد: لكن شو عرفو 😂
بسمة: هو قد ماحشري اخد الورد من الخدامة وقرأ الرسالة😒 وعرف اسمو ، بس انا ماحكيتلو شي هالسلال 🙂
زيد: 😂😂😂 هلق شيلينا من هالغبي ، وكمليلي عن ايمن
بسمة: وقت عترفلي انو معجب فيني انا ماصدقتو ،وفكرتو عم يكذب ، وصرت اضحك عليه
زيد: شو عرفك عم يكذب بلكي الشب صادق
بسمة؛ لانو مافي كم يوم اجا قلي ، معقول بهالسرعة حبني
زيد: اي ليش لا بتصير
بسمة: اي مابصدق
زيد: اي لا صدقي ،انا هيك من اول ماشفت رشا،حبيتا😂😍 ،بيوميتا كنا بعرس،ابنو لصادق بيك ،وعينك تشوفني اول ماشفتا انو عاد استحي وشيل عيوني عنها الله وكيلك دبقتا ، وامي نتبهت عليي 😂😂 قضتها عم تبهدل فيني

بسمة: وهيك بهالسرعة حبيتا😆
زيد: لاموقصة حبيتا بس عجبتني وارتحتلا
وبعدين بلشت حبها
لما تعرفت عليها
بسمة: طيب يعني ايمن ماعم يكذب
زيد: هلق انا ماني قاعد بقلبو للزلمة ، مابعرف ازا صادق او لا ، بس الانسان من افعالو ببين ازا بدو يتسلا ولا عنجد حابب
بسمة: كيف يعني
زيد: هلق قليلي ، لما بيشوفك كيف بيتصرف ؟
بسمة: مابعرف بحسو متلبك وفايت بالحيط ،
زيد: اي؟
بسمة: وبيتعامل معي بااحترام ، وبيهتم فيني وبساعدني بكل شي ، المرة الماضية كان في زعران عم يدايقوني ،لما شافهن هجم عليهن وصار يتخانق معهن مشاني ،مع انو هو مابيتخانق مع حدا ،ولابيعمل مشاكل ، بس كرمالي 😐 عمل هيك
زيد: وشو كمان؟
بسمة: انا كل الوقت عم اتناشف معو ،وهو رغم هيك راكض وراي ،
زيد: طيب الو حركات هيك ولا هيك مع البنات؟
بسمة: لا بالعكس محترم كتير ، حتى احيانا براقبو من بعيد ، كيف عم يتعامل مع البنات ،معاملتو كتير طبيعية ومحترمة
زيد: طيب وانتي شو بتحسي اتجاهو ؟
تلبكت وخجلت ونزلت راسها
بالارض وسكتت
زيد: شووو
بسمة: انو مابعرف
زيد: شلون مابتعرفي🙄 شرحيلي
بسمة: مابعرف ، لما بشوف اهتمامه بنبسط كتير
وابدا مابتدايق ، بس انو شو بحس تجاهه مابعرف جد كل الي بعرفو انو برتاح لما شوفو
زيد: طيب وهو كيف شكلو حليوة؟
بسمة: بدك الصراحة اي 😍 بيشل
زيد: ايووا 😉 وصفيلي ياه
بسمة: اشقراني وعيونو كل شوي لون😂😍 وطويل وشعرو 🙁 اشقر وطويل شوي صغيرة ،.
بيجنن يازيد ماشالله عليه
زيد: يعني عاجبك؟
بسمة:لك ايي عم قلك بيجنن 😍
وفجأة وائل صار بيناتهن
وائل: احلا مني 😏؟
زيد: يخرب بيتك انت من وين جيت
وائل: من السما نطيت
بسمة: اي احلا منك سيد وائل😒 وبكتير كمان
وائل: لا والله فشرتي مافي احلا مني انا 😎
بسمة: لااحلا منك وايدو مراية الك كمان
وائل: يخرب بيتك 😒 لك جامليني شوي
بسمة: مابدي😒
زيد:بربك فرجينا ياه ماعندك صورة الو
بسمة: لاماعندي بس بطالعلك صورتو من الفيس
زيد: طيب فرجينا
بسمة: موبايلي مامعي طالعو من عندك
زيد: طيب شو اسمو عالفيس بوك
بسمة: ايمن محمود
وائل:حط خلينا نشوف هالتحفة 😒
بسمة: هس انت ماتحكي يافساد 😏
كتب زيد عالفيس اسم ايمن وبلشو يدورو ع صفحتو
بسمة: ليكا ليكا هي صفحتو
دخلو ع صفحتو وبلشو يتفرجو على صورو
وهنن مصدومين 😮😮
زيد: عنجد هاد هو 😮😮
بسمة: اي 😊
زيد: والله حليوة ليش الكذب
وائل : 😳 هلق هاد شب وانا وانت شباب بشرفك زيد 😳
بسمة: ههههههه 😂😂😂
زيد اطلع بوائل مستغرب وضربو
زيد: يخرب بيتك ليش شبنا نحن ولاه😳
وائل: مافينا شي ،بس الواحد يحكي الحقيقة حتى لو جارحة💔 الزلمة احلا مني
بسمة(بغرور): اي لحتى تعرف😌
وائل: والله تتهني يافارة الطحين ، شب متل الوردة، بيشبه مهند شاد اوغلو
زيد: اي هيك والانسة عم تشوف حالها عليه 😑
وائل: وليش وليه😳
زيد: قال شو مفكرة عم يضحك عليها ،
وائل: لاعمو لا راحت موضة هالشغلات 😂 هلق كلو عم بيحب ، حتى انا الله وكيلك😂😂
زيد(بصدمة): شووو انت حابب؟؟ 😳😳
وائل: انا حابب😳 مين حابب؟؟
زيد: مابعرف انت عم تقول كلو عم يحب حتى انا😳
انتبه وائل ع حالو انو زلق بالحكي وحاول يصلح غلطو😂
وائل: لا لا قصدي انو ماعاد حدا تسلا هالايام حتى انا بطلت هالشغلات😨 ماقصدي حابب
زيد(بشك): اكيد هيك قصدك؟
وائل: لك اي شو بدو يكون لكن
زيد: مابعرف انت ادرى😒
وائل:‘ اطمن مافي شي ، المهم خلينا نرجع الك بيسة
بسمة:شو؟
وائل: ليش يعني مفكرتيه عم يكذب
بسمة: اي لانو لسا ماصرلي كم يوم بعرفو قلي انو معجب فيني
وائل: اي وين الغلط؟
بسمة : مدري كيف بهالسرعة حبني
وائل:‘الزلمة ماقلك حبيتك ، الزلمة قلك اعجبت فيكي ،وماغلط بس كان غلطو انو تسرع بااعترافو.
بسمة: وشو بيفرق الحب عن الاعجاب
وائل:بيفرق
بسمة: وشو الفرق بقا
زيد: تفضل شرحلها 😂
وائل: الاعجاب هو اول خطوة بالحب ،
مع الايام بزيد وبيتحول لحب ، يعني هو وقت اعترفلك كان لسا بااول خطوة ،
بسمة: اهااا فهمت عليك
وائل: اي الحمدلله عالسلامة
بسمة: يعني قولتك مابيكون عم يكذب!
وائل: لامانو مضطر يكذب ، البنات اكتر من الهم عالقلب مالقا غيرك يعني
بسمة؛،يعني هلق شو اعمل ، قلولي
زيد:خليكي عم تتناشفي معو ازا ضل لاحقك معناها بيحبك
وائل:لك لا شو تتناشفني لاتردي عليه هاد اخي اجدب ، ازا ضليتي عم تتناشفي بتطفشيه
زيد: مع احترامي لرئيك، يلي متل وجهك ، بس بحب قلك غلطان، ازا بيحبها. مابيطفش
وائل: والله ازا ضلت عم تعاملو بجقارة بدو يطفش، ويصيبو عقدة نفسية
زيد: مابيطفش ازا بيحبها
وائل: لابيطفش
زيد: لامابيطفش

وائل: مبلا
زيد: لا
عصبت بسمة منهن وصرخت بوجهن
بسمة: خلصوني انت وياه شواعمل
زيد: تناشفي
وائل: لا لاتتناشفي ،هاد زيد بدو يطفشلك ياه
زيد: طيب انا عندي فكرة
بسمة(بملل): هات لنشوف
زيد: منعمل طرة ونقش
على رأيي مين تمشي ، ازا طلعت طرة بتمشي ع رأيي وازا نقش ع رأيي ابو نضارة
وائل: وانا موافق
بسمة: خلصوني عملو🙂
طالع زيد من جبيتو عشر ليرات وفرجاهن ياها
وائل: منين حاكشها هي😂😂
بسمة: شكلا مرت عمو عاطيتو ياها خرجية😂
زيد: تضربو عندي ياها من لما كنت صغير 😂🙂
وائل: يلا خلصني رميها
رماها لفوق ونزلها على ايدو
زيد(بخيبة): نقش😐
وائل: الله حيو ، شوفي كيف الله مابدو يضرك لوسمعتي لزيد كان طفش🙄
بسمة: طيب خلص رح امشي على رأيك وافردها معو شوي
زيد: شوي مو تندلقي😏،
بسمة: هاد انت الي بتندلق😒،
وائل: يلا ها شدي همتك بدنا نسمع اخبار حلوة
بسمة: ان شالله ،
قطعت حديثهن الخدامة : استاذ وائل واستاذ زيد وانسة بسمة ، الست نجوى بتقلكن تفضلو عالعشا
زيد: شرفو امر عسكري ،من جناب الكومندان 🤣
وائل: التهيت بالحديث معكن ونسيت اني جوعان 😂
زيد: يخرب بيتك شو مفجوع ، شو صايرلك ليش دوم جوعان
بسمة: انا بقلك ليش
زيد؛ ليش
بسمة: ع قد مابيركض ورا البنات😂😂
زيد: ههههه اي والله وارد
وائل(بحزن): بتضلو تظلموني😪 والله ماعم اركض ورا حدا
،
طلعو عالعشا
وبعد ماتعشو وخلصو
اجتمعو الكل بالقاعة
وكانو سهرانين وعم يحكو ويمزحو
زيد: ابو سمرة ممكن سؤال
سامر: تفضل
زيد:شو اكتر شي بتندم عليه بحياتك
سامر غمزو لزيد وقلو: اكتر شي بندم عليه، اني صارعندي بنت اسمها بسمة
بسمة (بزعل): بالله اي ومين قلك تخلفني
سامر: غلطة يابابا
بسمة: اي ماشي 😔 هلق بطلع من حياتك كلها وبريحك مني
وائل(بضحك): لاتزعلي فارة ، تعي انا بتجوزك وبخلصو منك
سامر: فكرة حلوة بتكون فضلت ع راسي
بسمة: ابو نضارة نضب ، 😒،
وائل: اي ماشي😂
عاصم : هلق انتو كل ماقعدنا بدكن تستلموها للبنت ، شو عملتلكن بسمة والله مافي منها
بسمة: شايف ياعمو😔 بضلو يدايقوني
سامر: لانها مشيبتني من اول مااجت عالدنيا
عاصم: عااساس انت انظم كنت ، 😏 اسكوت بلا مااحكيلهن ع فصولك الناقصة
نجوى: اي اخوك نسي حالو كيف كان 😅.نسي انو كان مجنني ومشيب راسي
سامر: يلا ستلموني انتو كمان ،

وفجأة بنص الحديث
قطع حديثهن صوت قصي : مسالخيرياجماعة
كلهن صارو يطلعو عليه
مستغربين من دخلتو المفاجئة
خصوصي انو ماكان لحالو
____

يتبع ......