غريس: ليش كل الي بالجنينة بيعرفوك
وائل:هيييي علينا ، اي كلن بيعرفوني منيح هيك
غريس: ليش مين انت ؟
وائل(بملل): انا وائل نصر الدين
غريس: يييي عنجد 😍😍😍 انت وائل نصر الدين !؟؟
وائل: اي
غريس: ههههه اي ماعرفتك😂😂😂 ،

وائل عصب وطلع الدم لراسو وع شوي رح يشد شعره😂😂
وائل: ياربي دخيلك على هالنهار، عيني انتي حدا مسلطك عليي!؟
غريس: لا
وائل: لكن حملي حالك وروحي من هون ،
غريس: اوكي
وائل: يلا ازا سمحتي
غريس:ماشي رح امشي
قامت لتمشي حملت شنطايتها وقالتله: باي وائل نصر الدين
وائل: باي 🙂
مشيت كم خطوه
وهو قعد وتنهد
طالع الابتوب وقعد بدو يكتب
رجعت اجت
وقعدت جمبو
اطلع فيها
وائل: ليش رجعتي؟
غريس: عم دور على قلمي
وائل: اوكي لاقيه
غريس: شفلي ياه جمبك
وائل: مافي شي جمبي
غريس: طيب مو مشكلة رح روح
وائل: عالسريع الله يوفقك
غريس: باي
وائل(بملل): بااي😑
مشيت كم خطوة
رجع اطلع بالابتوب وبلش كتابة
رجعت اجت
وائل(بعصبية): وبعدين معك انتيي؟؟
غريس(بدلع): خليني اقعد هون واالله مابدايقك
وائل: لك انتي شو انتي
غريس: انا بنت😂😂
وائل: من بين كل هالمقاعد ماحليلك تقعدي غير هون ، !!!
غريس: شبعرفني حبيتو لهالمقعد بلييييز وائل نصر الدين 😢
وائل: ياعمي حلي عني
غريس: امانة والله مابدايقك ، بس بفتح كتابي وبقرا 🙂 كتير حبيت المقعد لاتخجلني كرمال ام وائل نصر الدين ☺
وائل: اسمها ام زيد 🙂
غريس: طيب كرمال ام زيد نصر الدين
وائل: لاحول ولاقوة الا بالله ، والله انتي شكلك مارح تحلي عني ،قعدي خلصيني ،امري لاالله ، بس لانك ذكرتي الوالدة
غريس: يييي يخليلك ياها
قعدت جمبو وطالعت كتابها وبلشت تقرا وهو بلش يكتب
بعد شوي صارت تبكي
اطلع فيها مستغرب
وصار عندو فضول يعرف شبها
وائل: شبك ؟؟؟
غريس: 😭😭
وائل: لك ليش عم تبكي
غريس: مات البطل 😭
وائل: انو بطل؟
غريس: بطل الرواية😭😭
وائل: مشان هيك فتحتي عزا!؟ 🙂
غريس: اي اي كتير تأثرت
وائل: لاحول ولاقوة الا بالله العمر الك
غريس: عم تتمسخر؟
وائل: لكن بربك عم تبكي لانو مات بطل الرواية ،
غريس: انو تأثرت انت مابتتأثر؟
وائل: لااكيد لاني متعود
غريس: متعود ؟ على شو ؟؟
وائل: متعود على هيك شي لاني انا بكتب روايات
ف عادي مابتأثر
بهيك شي
غريس(بفرح): عنجد بتكتب روايات!؟؟
وائل: اي كتبت٥ روايات والفت كتابين ،
وكتبت مسلسل
وهلق عم اكتب مسلسل تاني
غريس: حلووو 😍 وشو رح تسميه
وائل: لسا ماقررت
غريس: بس كتير حلو انك بعدك بهالعمر
وبرصيدك ٥ روايات وكتابين ومسلسل 😍 وهلق عم تحضر التاني ماشالله
وائل: اي شايفة انا شطور زيادة
غريس: الله يوفقك ،
وائل: تسلمي
غريس :ع فكرة انا بقرا كتير روايات وعشقي القراءة
وائل: حلو وو
لامرة ماقريتي شي لا الي؟
غريس: لا الصراحة
وائل: مع اني معروف صرت ، وفي اخر روايتين الي كتير نشهرو
غريس: وشو اسمهن ؟
وائل: وحدة اسمها
الاستجابة، واخر وحدة اسمها رحيل السمراء ،
غريس: والله التانية باين عليها حلوة
وائل: حلوة كتير تعبت فيها
غريس: يمكن لانو انا مابقرا شي عربي كتير مابعرفك ، انا دائما بقرا روايات اجنبية نادرا لااقرا عربي .
وائل: معقول ازا هيك
غريس: طيب ممكن طلب!؟
وائل: تفضلي
غريس: ممكن اقرا رواياتك
وائل: اي ليش لا ، تكرمي ، بكرا بجبلك كتابين
غريس(بفرح): عنجد
وائل: اي
غريس: يعني مافيها غلاظة
وائل: الك ساعة بتتغالظي عليي وقفت عالروايات لامافيا غلاظة
غريس(بزعل): الله يسامحك هلق انا غليظة!؟
وائل: كتييير
غريس: طيب ماتواخذني ، بس كنت مالة
حبيت اتسلا مو اكتر ، انا وحيدة لااهلي وماعندي اخوات ، لهيك كل مابشوف حدا باخد وبعطي معه كتير ، بس شكلي كتير غليظة عم كون ، انا اسفة
وائل(بشففة): انا اسف ماقصدت زعلك بس
غريس: لاعادي حقك ماانا يلي اتطفلت عليك ،
وائل: :لك لا يابنت الحلال ، مو هيك قصدي ،
غريس: مو مشكلة ، رح امشي ، اسفة عالازعاج
حملت اغراضها ولفت ضهرها لتمشي
ماهان عليه تروح زعلانة
وائل: وقفي ياصبية
اطلعت فيه بدون ماتحكي شي
وائل: انتي شو اسمك ؟
غريس: غريس
قام لعندها واطلع فيها بحنية
وائل: تعالي قعدي كنت عم امزح
غريس: لا شكرا مابحاجة شفقة انا
وائل: بس هي مو شفقة
غريس: لكن شو
وائل: ولاشي انا ارتحتلك بس
غريس: لا شكرا ماني فاضية
وائل: بلا غلاظة تعالي قعدي
غريس: مابدي
وائل: قعدي بلا مااضربك
غريس:😳 بالله شو استرجي
وائل: لا مابمد ايدي ع بنت تعي قعدي بلا عناد
غريس: ....
وائل: خلصيني قعدي
قعدت عالمقعدت وهو اجا وقعد جمبها
وائل: قلك شي وماتفهميني غلط

غريس: قول
وائل: انتي بتشبهي اختي كتير
غريس: عنجد ؟
وائل: اي عنجد
غريس:شو اسما اختك
وائل: زينة
غريس: الله يخليلك ياها
وائل(بحزن): للااسف عطتك عمرها
غريس: عنجد؟
وائل: اي
غريس: الله يرحمها ، من ايمتا ميتة
وائل: اخخخ بس ، ماتت من ٥ سنين كان عمرها ١٧ سنة
غريس: ياعمري صغيرة 🙁وكيف ماتت؟
وائل:قصة طويلة وبتوجع الراس بلالك ياها
غريس: لاعادي احكي
وائل: مالي حابب فتح مواجع الله يوفقك بلاها
غريس: شكلك كنت تحبها كتير
وائل: بس حبها ، كنت شوف الدنيا من عيونا ، كنت مسميها عصفورتي ، هي كانت اصغر وحدة فينا ومدللة عند الكل ،
غريس: العمر الك ولااخواتك الباقين واهلك يارب
وائل: شكرا الك ،
غريس:😊
وائل: انتي مسيحية ؟
غريس: اي كيف عرفت ؟
وائل: من اسمك
غريس: اها صح
____
نزلت من سيارتها وبطريقها لتدخل عالجامعة
والارض مليانة مي مطر
فجأة بيمرق موتور مأسرع وبيطرطشها بالميات😂😂
بسمة(بعصبية): لعمااا بعيونك شو مابتستحي
اطلعت لوراها شافت شب طويل واشقراني
وعيونو ملونين
وشعرو لااخر رقبتو
كان عم ينزل من الموتور
ايمن: انا اسف والله مو بقصدي
بسمة راحت لعندو وهي معصبة وخبطتو على ضهرو
بسمة: وين بتنصرف هي ياافندي ، شوف كيف وسختلي تيابي ،
اطلع فيها بدو يعتزر منها
لسا مانطق الكلمة صفن لما شاف قدامه بنت
بيضا بعيون بنية
وغمازات وشامة على دقنها
وشعر كيرلي
بسمة: شبك ليش هيك عم تتطلع 😑 خرست!؟
ايمن:....
بسمة: شو رايك خليهن يصادرولك الموتور
ايمن وهو صافن بعيونا : اي
بسمة: يعني ماعندك مشكلة!؟😳
ايمن: اي
بسمة: لك شووو ايي انت اجدب كانو
ايمن: اي
بسمة: لك وضرييب رح اشتكي عليك وسختلي تيابي تضرب😠😠
واخيرا صحي عحاله من الصفنة وقلا
ايمن: لا شو تشتكي عليي طولي بالك ياانسة والله مو بقصدي اسف
وبسمة: وانا شو ستفدت هلق من اعتزارك تيابي توسخو ، من سواقتك الواو
ايمن(بمزح)؛ وانتي الله يصلحك ضروري تلبسي ابيض لسا ماصيفنا🙄
بسمة:😳 تعا كمان علمني شو البس مااغلظك😏
ايمن: طيب شبك ليش معصبة!🙂 مشيلنا ياها الله يوفقك
بسمة: وكيف بدي فوت عالجامعة !؟ بهالمنظر هاد
ايمن: بسيطة روحي عالبيت وغيري تيابك ، ازا بدك انا بوصلك 🙄
بسمة: بدك توصلني عالموتور😏
ايمن: اي شوفيها !؟
بسمة: مابدي بخاف
ايمن: مابيخوف ،ولاشي انتي بس تمسكي منيح
بسمة: هئ
ايمن: يلا ياانسة خليني كفر عن ذنبي ماتخجليني
بسمة: طيب ماشي ، بس ازا بتسوق بسرعة ياويلك😠
ايمن: لا مابسوق بسرعة اطلعي
بسمة: 🙄 مو لتطلع انت اول
ايمن: اه عفوا يلا
طلع عالموتور وهي اجت لتطلع وراه
ايمن: هاتي ايدك
بسمة:😒
ايمن: لك شبك طلعي بقا
عطته ايدها وهي مو طايقته
وطلعت وراه عالموتور
كان هو كتير مبسوط
بس هي كتير متجاكرة منو😂
بسمة: خلصني امشي
ايمن: اي امرك
______
بالجنينة
وائل: قلتيلي انك وحيدة ما !؟
غريس: اي للااسف
وائل: ماعندك رفقات؟
غريس: عندي وماعندي
وائل: كيف يعني؟
غريس: يعني عندي بس من بعيد لبعيد
وائل: حلو علاقة سطحية يعني
غريس: هيك شي
وائل: دخيلك احسن
غريس: وانت كم اخ عندك
وائل: عندي تنتين زيد اكبر مني وجنى اصغر مني ، وزينة يلي توفت
غريس: حلو الله يخليكن لبعض ،
وائل: شكرا
غريس: واخواتك دارسين!؟
وائل: اي طبعا ، زيد صحفي ، وجنى مصممة ازياء
غريس: واو عنجد !؟ يعني زيد نصر الدين اخوك!؟
وائل: اي اخي بتعرفيه!؟
غريس: اي بعرفو 😍 كتير بحب مقالاتو
وائل: اي تحبك العافية ، طلعتي بتعرفي اخي ومابتعرفيني 🙂
غريس: ههههه لك شوبعرفني قلتلك مابقرا روايات عربية
وائل: بتدرسي انتي
غريس: انا متخرجة معهد تمثيل
وائل: عنجد يعني ممثلة
غريس: مع وقف التنفيذ
وائل: عجبتني هي😂😂😂
غريس: انو متخرجة ومتفوقة 😂 بس لهلق ماصحتلي فرصة مثل
وائل: ليش بقا 🙂
غريس: نصيب
وائل: حطيلك شي واسطة 😂
غريس: لامابحب🙂
وائل: اي بس هلق كلو ماشي هيك
غريس: اي واذا مابحب🙂
وائل: طيب كيف بدك تشتغلي لكن
غريس: شبعرفني خليها لربك ، بكرا الا مايجي يوم وحدا يتزكرني بشي دور محترم
وائل: ستي الله يوفقك
غريس: شكرا
____
بعد سنين طويلة من الفراق
رجعت للمكان يلي كانو يقعدو فيه هي وياه
مقعد الجامعة يلي كانت محفورة عليه كل ذكرياتهن سوا ، اول لقاء ، اول مرة اعترفلا بحبو
كتير تفاصيل وقصص وحكايا كانت عهالمقعد هاد
وقفت قدامه وبلشت تتامله وتبكي بحرقة
قربت وقعدت عالمقعد
لتدور ع حرف اسمها واسمو يلي كانو محفورين عالمقعد
كان في حروف كتير محفورة
يمكن كانو لعشاق بعدهن
ضلت تدور لحتى لقت حرفها وحرفو

صارت تتاملهن وتلمسهن وتبكي ، وترجع فيها الذكريات الحلوة
اصواتهن لسا بدانها
الضحكات والدموع
حتى الخناق كلو بذاكرتها
فلاش بااك: سامر: بكرا بس نتزوج شو بدنا نسمي ولادنا
فتون: انا بسمي الصبي وانت بتسمي البنت
سامر: وشوبدك تسمي ابني !؟
فتون: رح سميه ايمن بحب هالاسم
سامر: يعني انا رح كون ابو ايمن
فتون: اي😊
سامر: معناها انا رح سمي بنتنا بسمة
فتون: حلو الاسم
سامر: مو احلا منك
فتون: يالله شو بحبك وبخاف بعد عنك
بااااك
فتون(تبكي): ياترا سميتها بسمة ولا بعد الي صار كرهت الاسم، يالله شو شتقتلك ، الله لايسامح الي كان السبب ،
_____
المسا بالقصر
علا: حبيبي بدي خبرك خبرية رح تفرحك
قصي: خير،ماما ، شوفي
علا: ستك بدها ترفعك لمدير الشركة
قصي: عنجد!؟😍
علا: اي هي اليوم خبرتني
قصي: يالله ماني مصدق واخيرا
علا: ليش انت حكيت معها بهالموضوع؟
قصي: اي من فترة حكيت معها وقالتلي تكرم ، بس لما شفتها ماحكت بالموضوع قلت معناها بطل بدها
علا: لااطمن بدها اليوم رح تحكي مع عمك
قصي: كتير منيح
علا(بخبث): شو ناوي تعمل ،
اطلع فيها بنفس نظرات خبث وضحك
قصي: هيهييي ناوي اعمل كتيرررر ، انتي قعدي بس وتفرجي كيف ابنك رح يصير الكل بالكل بالشركة ،
علا: بس انا بدي اكتر من هيك بكتير
قصي: وانتي شو بدك
علا: انا مابيرتاح خاطري ، لحتى ستك تعملك وكالة عامة بكل املاكها وتسجل هاد القصر بااسمك واسم اخواتك
قصي(بدهشة): صايرة احلامك كبيرة ام قصي 😂
علا: ليش لحتى ماتكون كبيرة ، مابكفي انكن تيتمو صغار ، لازم تعوضكن
قصي(بحزن):انتي برايك هالاملاك كلها رح تعوضنا عن ابونا
علا: لا ، بس كمان انتو نظلمتو مابكفي دم ابوكن راح هدر
قصي: انا ازا في شي بخليني احقد على تيتة ، هو انو مااخدت بتار بابا
علا:لكن كانت خايفة من الفضيحة
كل همها ماتنفضح وينحكا عليها
قصي: انا لو بتعطيني الدنيا مارح سامحها عهالنقطة هي ، لك انا بس لو اعرف مكانها لهديك المرة حتى اشرب من دمها ، بنت الحرام
علا: الله كريم امي الله كريم
_____
بحديقة القصر
كان قاعد لحاله ومهموم وعم يفكر
كيف يقنع اهله ب البنت الي بحبها
اجت لعندو بسمة
بسمة: مسائو زيد
زيد: بسمة الله يوفقك تركيني لحالي
بسمة:😳 لعما اقل شي قلي مسالنور
زيد(بملل): مسالنور 😑 ممكن ضل لحالي!؟
بسمة: شبك ولو بيسة انا كمان مابدك تشوفني 🙄 تضرب صحي ،
زيد: بيسة انتي بتعرفي معزتك عندي بس مدايق كتير ماالي خلق لااي شي
بسمة: طيب انا شو ذنبي 🙁 ازا هنن رافضين يزوجوك الي بتحبا ، بالعكس انا معك مالي معهن
زيد: عنجد؟
بسمة: لك طبعا ، انا معك وانت مانك غلطان ابدا ،
زيد: بس انتي مابيطلع باايدك شي
بسمة: اي بكفي الدعم المعنوي هههه😂
زيد: اخ بس
قعدت جمبو وحطت ايدها ع كتفو
واطلعت فيه بنظرة عجز
بسمة: سلامتك🙁
زيد: هي ستك بكل شي متحكمة فينا ، حتى بدها تزوجنا ع كيفها ،شوهالعيشة هي ولو
بسمة: بس بتعرف😀
زيد: شو
بسمة: عجبتني مبارح لما وقفت بوجه الكل كرمال رشا😍
زيد: شو بدي اعمل لكن بدك خليهن يبعدوني عنا ، والله مابيحلمو اتركا
واذا بيتبرو مني مابتجوز غيرها
بسمة: يقبرني الوفي ، الله يخليكن لبعض ومايفرقكن😪
زيد: كتريلي من هالدعوات بيسة 🙂💔
رفعت ايديها وصارت تدعي من كل قلبها
بسمة: روح يازيد ياابن ، شوكان اسمها امك 😂😂؟
زيد: 😂💔 ماعاد تعرفي اسم مرت عمك تهاني
بسمة: اي اي تهاني ، روح يازيد ياابن تهاني ، الله يجعل رشا بنت ؟؟ شو اسم امها
زيد: 😂😂😂ضروري يعني
بسمة: لك اي اي
زيد: سمر
بسمة: الله يجعل رشا بنت سمر من نصيبك ، وان شالله مابتقبل ولابنت غيرها فيك
ولابيقبل ولاشب غيرك فيها.، ولو وقفو بوجهك ، تتسكر كل البواب بوجهن لحتى يروحو لحالهن ويخطبولك ياها
وازا جبروك على غيرها
مايجيك ولاد منها
وتروح تتزوج رشا
وتجيب منها ١٠ ولاد
يارب استجبلي ولو كان لساني طويل وبحكي كتير ومعلقة الناس ببعضها ومو مخلية حدا مو متنمرة عليه ،
بس مو مشاني مشان هالمسكين زيد 🙁🙁💔💔 والله حرام قطعلي قلبي
دخيلك يارب استجبلي
وهو كان عم يطلع فيها وفارط ضحك
بسمة: ليش عم تضحك😳
زيد: يخرب بيتك موتيني ضحك والله مالي نفس
بسمة: الله ياخدك شو يلي بضحك 🙄😏
زيد: لك شو صرلك ساعة عم تعدي وتصفي😂😂
بسمة: اي مشان تطلع الدعوة بتضرع اكتر 🙂🙁💔
زيد: ياهيك التضرع يابلا 😂😂والله انتي نهفة

بسمة: لك دخيل هالضحكة من زمان ولو والله مابحب شوفك زعلان
زيد: اخ يابيسة اخ
بسمة: سلامتك من الاخ ،
زيد: والله بموت فيها ومافيني عيش بدونها،
تنيناتنا ميتين ببعض مو حرام يفرقونا

بسمة: حرام 😪 بس ان شالله مابتتركو
وبتكونو لبعض يارب
زيد: يارب الله يسمع منك
بسمة: بتعرف شهيتني حب😪
زيد: حبي مين ماسكك😆
بسمة: لسا ماحدا خرط مشطي ، بعدين انا بدي ياه يحبني متل ماانت بتحب رشا واكتر
زيد: مابظن في حدا بيحب على قد ماانا بحبا لرشا
بسمة:يالله كل هالقد بتحبو بعض 😪
زيد: اي واكتر ، نحن بتحسينا مخلوطين ببعض
بسمة: الله يجمعكن مع بعض😪
زيد: ويبعتلك حدا يحبك متل مابدك واكتر
بسمة: بدي حب متلكن🙁 انا
زيد: بسم الله من عينك لاتصيبينا عين
بسمة: تضرب صحي😏
زيد:عم امزح والله 🤣
______

يتبع....

#الحب_الاسطوري_
تكملة البارت ٢
بقلم:Amina Thhan
قاعد وحاطت ايديه ورا راسه
وصافن
صورتها ماعم تفارق باله
عم يتزكرها ويبتسم
اجت فتون ومعها القهوة
اطلعت فيه مستغربة
فتون: القهوة ايمن
ايمن: .....
فتون:🙄 ايمن؟؟
ايمن:......
فتون: حسبي الله لك شبو الولد جن ، لك ايمن عم احكي معك !
ايمن: هاا عم تحكي معي امي؟
فتون: لا مع حالي شايف في حدا غيرنا بالبيت ؟😒
ايمن: اسف مانتبهت
فتون: شبك بشو شارد
شال ايديه من ورا راسو وتربع😂
وصار يحكيلا
ايمن: امي اليوم شفت بنت اما شو بنت ملاك امي ملاك
فتون: 🙄 هلق مشان هيك صرلي ساعة بحكي معك وانت بغير دنيا
ايمن: مو باايدي امي اخدتلي عقلي لو تشوفيا ، بتقول للقمر قوم لااقعد محلك ، اخ ياقلبي
فتون: ومين هالبنت بقا يلي اخدت عقلك كل هالقد
ايمن: مابعرف بس كانو هي بتدرس فنون جميلة
لما وصلت عالجامعة طلعت بوجهي وطرطشتا مي بالموتور😂😂 وسختلا تيابا قامت عصبت عليي وبهدلتني😂😂
فتون: هههه بتستاهل كم مرة قلتلك سوق منيح ، حلوة هيك بنت تطرقك بهدلة
ايمن: لك بتمون ياريت كل دقيقة تبهدلني 😍 اخ بس
فتون: لك ايمن شبك مابعرفك مدلوق هيك😒 نضب ماما
ايمن: مو باايدي ياامي جننتني بجمالا ، لك بس لو تشوفيا
فتون: ماما ايمن دير بالك ، ترجع تحب وتتعلق بحدا مو ناقصني انا لك امي انا لبين مانسيت هديك الي مابتتسما نشف قلبي ، ترجع هلق تتعلق بحدا تاني ببوس ايدك ماناقصنا
ايمن(بعصبيىة): امي ضروري تجيبيلي سيرة هديك الي مابتتسما هلق ؟ بعدين بدك ياني عيش عااطلالها
فتون: لا ياماما مو هيك بس انا خايفة عليك ياروحي ، مابدي ترجع تتعلق بحدا ويكسرك
ايمن،: مو كل العالم متل هديك ، ماتخافي مابرجع بنكسر نشالله
فتون: ان شالله ياعمري ، الله يكتبلك الخير
ايمن: يخليلي ياكي يااحلا ام
_____
بالقصر
كانت الست نجوى قاعدة مع ولادها
عاصم وسامر
وعم تخبرهن بقرارها الجديد
نجوى: سمعوني منيح انت وياه
الي بدي احكيه بدي ياكن تاخدوه بصدر رحب
لاني انا بعرف شو عم اعمل
عاصم؛ خير امي شوفي
سامر: احكي عم نسمعك
نجوى: انا سلمت ادارة الشركة لقصي
بينت على وجوهن اثار الدهشة والانزعاج بفرد وقت
عاصم: امي انتي عم تحكي عنجد؟
نجوى: اي عنجد
عاصم: بس امي كيف هيك ، لك قصي ولد هاد بدو يعرف يدير الشركة؟
نجوى: بسلامتك انت وسامر انتو بتعلموه وبترشدوه وبتشرفو عليه
عاصم: بس امي هيك مابصير ، نحن تعبنا بهالشركة كتير ، لك انا من وقت وعيت عهالدنيا عم اشتغل بهالشركة وانا الي كبرتا ووقفتا ع رجليها اخر شي تروح الادارة لقصي ، مو حكي هاد والله مو حكي
نجوى: ليش هو كمان ماتعب فيها
ولاابوه الله يرحمو ! ؟
عاصم: امي قصي قديش صرلو بالشركة ؟ خمس سنين ؟؟ من وين لو ين تعب ، شو عمل بهالخمس سنين،
كانو وائل وبسمة برا عم يسمعو من ورا الباب 😂
بسمة(بهمس): وائل ازا قلت شي مابتبهدلني
وائل: احكي
بسمة: 😐 هي تيتة بلشت تخرف
وائل: يخرب بيتك😂😂😂 خرسي لاحدا يسمعك
بسمة: يسمعو🙂 شو هالقرار الزفت هاد
وائل: من ناحية زفت زفت كتير
لكن ابي وعمي يتعبو اخر شي هداك الاجدب ياخد كل شي عالبارد المستريح
بسمة:😐شايف بالله
وفجأة شافهن زيد
زيد:😳 شو عم تعملو هون
وائل: هششش وطي صوتك يخرب بيتك
بسمة: تعا سماع قرار ستك الجديد
قرب هو التاني لجنب الباب وصارو يتسمعو
نجوى: الي بدي قولو انا بدو ينسمع وانا مابتراجع عن كلمتي ،
عاصم: امرك امي كلامك عالعين والراس
نجوى: شو ياسامر ماسمعنا رئيك
سامر: وشو بدك برأيي ازا كلمتك هي يلي بدها تمشي ، خلص الي بتشوفيه عمليه
نجوى: كتير منيح ،
برا
زيد بهمس : شو قرار الي اخدتو مافهمت منيح ؟
وائل: قال قصي صار مدير الشركة
زيد: انو شركة/؟🙄🙄🙄
وائل(بسخرية): شركة الكولا يلي بدهن يفتحوها🙂 مشان نشرب كولا ونقدر نهضمك
بسمة حاطة ايدها ع تمها وعم تضحك 😂
زيد: بلا غلاظة وائل 🙄
وائل: ياغبي شركة العيلة يعني انو شركة شبك ؟
زيد: بشرفك؟؟؟😳،
وائل: نعم😐
زيد: لا هي ستك 🙂 ولا اقلك مارح احكي بتضل امو لاابي
بسمة: هههه اي انا حكيت قبلك
وفجأة طلعو سامر،وعاصم من الغرفة
وشافوهن
الشباب اخدو وضعية اعمل نفسك ميت😂😂😂
كل واحد اجا بدو يروح بطريق
عاصم: انتو شو عم تعملو هون؟
زيد: مااامماماعم نعمل شي
بسمة:😨 كنا جايين نخبركن انو
سامر: انو شو😠
عاصم:😒 انتو مابتبطلو هالعادة مو عيب تتسمعو علينا
لك صرتو كبار لعما
وائل: لا بابا ماعم نتسمع ولاشي
زيد: لحظة لحظة ، بابا انا لابحب لا لف ولادور
شفنا تيتة طلبتكن لحالكن على غرفتها
قلنا لحالا معناها في شي ونشغل بالنا ، شو فيها ازا اطمنا🙂

عاصم: لك ابني بدكن تتطمنو بتجو بتسألونا بس نخلص ، مو توقفو ورا البواب
وائل: هاد الي صار😐
بسمة: اي مالنا صبر 🙂 الصراحة نستنا
سامر: وان شالله اطمنتو 🙂
بسمة:....🤐
وائل:.....🤐
زيد:🤐🤐
عاصم: روحو نامو روحو تضربو
بسمة: مشيها عمو ، والله حبينا نطمن عليكن 😪
وائل: بعدين شو هالقرار الي طالعة فيه تيتة 🙂
عاصم؛ كانك واقف قدام غرفتها !!؟ روح نام مالي ناقصك انت التاني.
وائل: اي امرك🙂ابو زيد تصبح ع خير
زيد: تصبح ع خير بابا
عاصم: وانتو من اهلو
سامر: وانتي بيسة روحي نامي كمان يلا حاج مشاكل
بسمة: اي من عيوني بابي،
قربت لعندو وباستلو راسو
بسمة: تصبح ع خير ،
تصبح ع خير عمو
سامر وعاصم: وانتي من اهلو ،
وطلعت على غرفتها
سامر: شايف بالله على هالبنت 😐
عاصم: شايف عااساس ولادي احسن😆
سامر: هههه يلا دخيلك خليهن ، مانحن لما كنا شباب كنا افظع منهن
عاصم: ليش حاسب حالك ختيرت انت
سامر: بسمة😂شيبتني قبل اواني
عاصم: هههه والله مافي غير هالبنت طلعت من خرجك ،روح نام روح ، لنشوف للصبح شو بدنا نعمل بهالبلوة الجديدة(قصي)
سامر(باانزعاج): لاتذكرني😐،
الست نجوى سلمت ادارة الشركة لقصي
الشب يلي مابينوثق فيه
قولكن شو رح يصير ،؟
وشو المصايب يلي رح يعملها قصي؟؟
____
بعد منتصف الليل
قاعد بالديسكو وباايدو سيجارتو
صوت الاغاني كتير عالي وناس عم ترقص
وهو قاعد عالطاولة لحالو
وصافن
فجأة بتجي بنت
لابسة فستان اسود قصير وحاطة مكياج جريئ
سيلا: مرحبا ياحلو
قصي بدون مبالاة: قعدي
سيلا: اسفة تأخرت عليك بيبي
قصي: مو مشكلة
سيلا: شبك؟ بشو صافن ،
قصي: في براسي شغلة ومافي غيرك بيساعدني فيها
سيلا: اي احكي بيبي انا كلي فداك
عندك شي بدو تزوير؟
اطلع فيها باابتسامة صفرا
وقرصها من خدها
قصي: لك دخيل ام السوس انا ، لك انا ليش بحبك ؟
سيلا(بمياعة: ليش ؟
قصي: لانك بنت حرام ، وبتلقطيها عالطاير
قلبت لورا وصارت تضحك بصوت عالي
ضحكة رقاصة😂
واطلعت فيه وقالتلو
سيلا: بتعجبني صراحتك لك ازعر 😚
قصي: 😉 بس صراحتي
سيلا: كلك ع بعضك بتعجبني
قصي: يقبرني ربك ، شو بدنا نضل قاعدين هون؟ مابدنا نروح
سيلا: لوين بدنا نروح
قصي: ولو🙄 على بيتك يعني لوين
سيلا: ههههه اي منروح ليش لا بتنور بيبي
قصي: لك دخيلو انا ، يلا قومي ،

مين هي البنت ياترا
وشو بدو منها قصي؟

___
بصباح اليوم التاني
راحت بسمة على جامعتها
كانت داخلة من باب الكلية وبالصدفة طلع بوجها ايمن ،
اول ماشافتو تنكرزت منو
اما هو فات ببعضه وتخربط 😂 وبطل يعرف يحكي
بسمة: هاد انت😏
ايمن: ل ل لا اي انا ،كيفك😊
بسمة: من الله بخير😏😊
ايمن: لساتك زعلانة مشان المرة الماضية
بسمة:🙂
ايمن: انا اسف مو بقصدي 🙁
بسمة: مو مشكلة😏 بس ياويلك ازا بتعيدا
ايمن: لا لا اكيد مارح عيدا ،
بسمة: يلا عن اذنك
ومشيت بطريقها
ايمن: لحظة ياانسة ‘
التفتت لعنده
بسمة: نعم؟
ايمن: انتي شو اسمك
بسمة: ليش؟؟
ايمن: ولاشي هيك 🙂
بسمة:انا بسمة😊
ايمن(باابتسامة): تشرفنا وانا ايمن
بسمة: اي اهلا وسهلا.
ايمن: فيني اعزمك على قهوة؟
بسمة: لا ماني فاضية
ايمن: شوي بس مابأخرك
بسمة: ييي قلتلك مابقدر😳
ايمن: خليني اعتزرلك للمرة الاخيرة 😊
بسمة: ياسيدي قبلت اعتزارك بدون فنجان القهوة
ايمن: طيب انتي ليش هيك ماتخجليني 🙁
وقفت تفكر شوي
بعدين قالتلو
بسمة: طيب ماشي تفضل مارح خجلك 😊
ايمن(بفرح): اي هيك ها😀 يلا تفضلي
اخدها وراحو على كافتيريا الجامعة
قعدو على طاولة وطلبو قهوة
قعد ايمن قدام بسمة وبلش يتأملها
انتبهت هي انو عم يطلع فيها
وحرجتو
بسمة: خير في شي؟
ايمن: لا☺
بسمة: فكرت😏
ايمن: انتي بتدرسي فنون ما؟
بسمة: اي هي اخر سنة الي وانت
ايمن: انا مخلص فنون بدبي
بسمة: حلو وليش عم تجي عالجامعة لكن
ايمن: انا ولدت وربيت بدبي وراجع جديد ع البلد وماعندي رفقة هون ابدا
ف بجي عالجامعة لااتعرف ع الناس هون
وشوف كيف عم يدرسو شو عم يعملو
بسمة: وتضرب معلمية عليهن 🙂
ايمن: لا الله يسامحك شو اضرب معلمية ، يعني بساعدهن شو فيها
بسمة: مافيها شي بالعكس. بس انا بحب اتغالظ😁
ايمن: اي عادي تغالظي عحسابك 😊
بسمة:.....
ايمن:اي
بسمة: شو؟
ايمن: انتي عندك اخوات
بسمة: اي عندي نور وليث
ايمن: الله يخليكن لبعض
بسمة: شكرا وانت؟
ايمن: ماعندي ، انا وحيد امي ومدللها😁 واكبر ولادها واصغرهن واحلاهن
حطت ايدها ع تمها وصارت تضحك بنعومة
وهو كان عم يدوب اكتر 😊😁 فيها
بسمة: هههه كل هدول
ايمن: اي هي هيك بتقلي 😂
بسمة: اي نيالك بتضل مدلل عند امك وابوك

ايمن: بابا متوفي😥
بسمة: عنجد🙁؟
ايمن: اي للااسف ميت من لما كان عمري ١٠ سنين
بسمة:الله يرحمو اسفة 🙁
ايمن: لك لاعادي ولو ، الله يسلمك ويخليلك الوالد ازا عايش
بسمة: اي عايش يقبر قلبي مجننتو 😂 انا واخواتي
ايمن: هههه ليش بقا
بسمة: نحن عايشين بقصر مع تيتة امو لبابا
كلياتنا، نحن وبيت عمي واولادهن
وكلنا شباب وصبايا ،دائما عم نعمل فصول ناقصة ببعض
😂😂😂 لهيك بابا دوم معصب وطالع جنانو مننا
ايمن: 😂😂 الله يعينو بس ،
بسمة: هههه امين
ايمن: بس بتعرفي ،
بسمة: شو
ايمن: حلو انو يكون عندك عيلة كبيرة
اخوات وولاد عم اقرباء ، تتسلي معهن تحسي انو الك سند بهالدنيا ، مابعرف يمكن لانو انا ماعشت هالشعور بحب عيشو
بسمة: ليش ماعندك اقرباء
ايمن(بحزن): لا للااسف ،
امي كان عندها اخت وتوفت ومن وقت توفت حملت حالها وسافرت ع دبي ، وهنيك تعرفت ع بابا وتزوجته، بابا كمان كان وحيد
وانا جيت عالدنيا ماعندي لااخوة ولاولاد عم ولاولاد خالة ولا حدا🙁💔
بسمة: عنجد🙁 كل هالقد انت وحداني
ايمن: اي والله ، كان عندي شوية رفقة بدبي ، بس جينا لهون ماعاد اقدر شوفهن
بسمة: ابوك اماراتي؟
ايمن: لا سوري بس كان مقيم بالامارات الله يرحمه
بسمة: امين🙁
ايمن: ف مشان هيك انا بجي عالجامعة ، لحتى يصير عندي رفقة😁💔مو مشان اضرب معلمية😥
بسمة: هههه هلق مسكتها عليي🙂
ايمن: اي لانك عم تظلميني
بسمة:هههه ييي عليي خلص اسفة
صار يتطلع فيها بااعجاب اكتر
وحط ايدو ع خدو بدون مايحس وصفن فيها
ايمن: عادي بتموني
اطلعت فيه مستغربة بتصرفاته الغريبة
وحكت بقلبها
بسمة: شبو هاد، شو صرلو،
____
بمكان تاني
فاديا: جنى الاستاذ حسام قال بدو ياكي
جنى: ماقلك شو بدو ؟
فاديا : لا
جنى: طيب
قامت من ورا مكتبها وراحت لعند المدير
دقت الباب
ودخلت لعندو
قاعد على كرسيتو ولافف ضهرو
جنى: اي استاذ طلبتني
بسرعة لف كرسيه لعندها
وقام لعندها ووقف وهو متلبك وعم يطلع فيها بطريقة غريبة ، خلاها تشتلق عليه
حسام: اهلين جنى تفضلي قعدي
قعدت عالكرسي يلي جمب الطاولة وهو قعد قدامها
وعيونو عليها
حسام: كنت حابب اخد رأيك بهالتصميم
طالع دفتر الرسم وفرجاها رسمة التصميم
جنى: حلو كتير موديلو مميز بس ليش مالو لون؟
حسام: بدي انتي تختاريلو اللون
جنى: اممم هيك تصميم حلو عليه النيلي او الخمري بيطلع كتير روعة
حسام: انتي هيك بدك؟
جنى: انا هيك رأيي
حسام: طيب اعتمدي نيلي ولا خمري ،
جنى: التنين حلوين 😅
حسام: اكيد مارح نحط اللونين😄
جنى: طيب خلينا عالنيلي
حسام: متل مابدك
جنى: استاذ ازا ببالك اي لون تاني حطو مالتصميم الك
حسام: لو بدي حط لون من عندي ماكنت سالتك
جنى: طيب 😊
حسام: اه صح ونسيت خبرك
جنى: شو
حسام: في مصمم اجنبي جاي لعنا عالبلد
وانا بدي اعزمو عالعشا ، وصراحة حابب كتير عرفو عليكي ، لانك موهوبة وشاطرة بلكي بتستفادي منو اكتر وبتنمي قدراتك
جنى(بفرح): عنجد استاذ 😃 ومين هو المصمم هاد ؟
حسام: لاهي مفاجأة
جنى: يالله كتير متشوقة🙂
حسام: معلش ليجي بتعرفي مين
جنى: طيب شكرا كتير استاذ
حسام: لا ولو ماعملت شي انتي كتير غالية ومميزة،
وبحب كتير شغلك وووو كتير .....
سكت وتلبك وماعاد يقدر ينطق
جنى: شو ؟
حسام: وكتير بحب اصرارك ، الله يوفقك انسة جنى
جنى: شكرا الك استاذ ، فيني روح هلق ؟
حسام: خليني اطلبلك قهوة
جنى: لا شكرا استاذ عندي ضغط شغل
حسام: بالتوفيق
كان طول القعدة عم يطلع فيها نظرات اثارت شكوكها
حتى نبرة صوتو وهو عم يحكي معها كانت غريبة ولينة ، وكان معها غير من مع كل الموظفين
قامت. من الكرسي واجت لتطلع
وقفها صوتو
حسام: جنى
جنى: لسا بدك شي استاذ ؟
كان بس عم يطلع فيها
ومحتار شو يحكي
نسي حاالو ونسي الي بدو يقولو لما اطلعت فيه
حسام: لا بس كنت بدي قلك انو موعدنا بعد بكرا
جنى: تمام استاذ
طلعت من عندو وهي عم تتسائل بينها وبين حالها عن نظراتو الغريبة الها
وصلت على مكتبها وقعدت على كرسيتها
فاديا: شبك بشو صافنة؟
جنى: مابعرف اليوم حسيت نظرات الاستاذ حسام مو طبيعية
فاديا: هههه اليوم بس حسيتي؟!
جنى: شو قصدك؟ مافهمت
فاديا: لك هبلة من زمان نظرات الاستاذ حسام مو طبيعية ، معقول ماكنتي تلاحظي؟؟
جنى: انو مدري مانتبهت ، بس اليوم مابعرف كانت نظراتو مدري كيف
فاديا: 😂😂😂 لك تروحي خنق الهي ، الشركة كلها حاسة ومشتلقة انو الاستاذ حسام معجب فيكي ومكتر وانتي اليوم لسا لحسيتي انو نظراتو غريبة😂😂😂
جنى(مستغربة): استاذ حسام معجب فيني انا🙄؟
فاديا:اي انتي ليش شو ناقصك
جنى: اي لامابظن

فاديا: فعلا جدبة لك وقت بتكوني قدامو عيونو مابشيلا عنك ،
جنى: مدري ، ستي ويكون معجب شو اعملو ، انا بحب ابن عمي وعن قريب رح نخطب
فاديا: دخيلك عم تبدلي الاستاذ حسام بقصي الاجدب
جنى(بعصبية): وليه لاتقولي عن قصي اجدب يقبر قلبي نشالله ، لو بلف الدنيا مابلاقي متلو
فاديا: ييي عليكي 😏 هلق صح قصي حليوة مااختلفنا ، بس قدام الاستاذ حسام مابيعود ببين
جنى: دخيلك انتي والاستاذ حسام😒 انضبي عزيزتي بلا ماقوم اضربك
فاديا: خلص سكتنا يبعتلك 😂 شو مكيودة
جنى: قال ماببين قال😏
____
بالجنينة
قاعد على مقعده وعم يكتب
وفجأة صارت قدامو غريس
غريس: صباحو حضرة الكاتب
رفع راسو واطلع فيها باابتسامة
وائل: ياهلا والله ب غريس تعالي قعدي
غريس(بحماس): جبتلي روايات😍،؟
وائل: اي جبتلك تعي قعدي لاتوقفي بوجهي،
اجت وقعدت جمبو
ولفت رجل ع رجل وسندت راسها باايدها على حرف المقعد
غريس: يلا يلا طالع لشوف
وائل: هههه لك شبك طولي بالك لحتى خلص هالسطر
غريس: ييي انت مابتشبع كتابة
وائل: وانتي مابتشبعي قراءة ؟ 😅
غريس: ع فكرة بكره حدا يجاوبني بسؤال 🙂
وائل: طيب حقك علينا انسة غريس
غريس: مو مشكلة استاذ وائل نصر الدين
وائل: يابنت بحسك انستي بالمدرسة ، ليش بتناديني بااسمي الكامل خلص وائل وبس
غريس: هئ انا بحب انده بالاسم الكامل ، وازا بدك ندهلي انت بااسمي الكامل مابتدايق 😁
وائل: عااساس كتير بعرف اسمك الكامل😒
غريس: اسمي غريس حداد
وائل: شو بتقربك ديانا حداد 😅
غريس: ههههه ع فكرة قديمة النكتة😒
وائل: اي ولو عم نتغالظ شو بس انتي تتغالظي🙂
غريس:🙂 اي خود راحتك وائل نصر الدين 🙂
وائل: اي اهلين بغريس حداد 😆
غريس: بلا هضامة عطيني الروايات
وائل: ييي عليكي شو نقاقة
طالع من شنطايتو كتابين
وعطاها ياهن
لفت نظرها عنوان رواية اسمها رحيل السمراء
فتحت الرواية وقرأت شو مكتوب بالمقدمة
غريس: اهداء الى من رحلت عن عيني ولم ترحل من قلبي ،
مين قصدك؟؟
وائل: اختي يلي ماتت ،الرواية عنها
غريس: طالما الشغلة فيها رواية معناها القصة كبيرة😪💔
وائل: كبيرة وبس ، بس توصلي لنهاية الرواية بتعرفي كل شي
غريس(بحزن): كل هالقد الفراق صعب
وائل: صعب وبس تخيلي هيك شعورك وانتي عم تحسي انك عم تفقدي شي منك ، حدا عم يبترلك ايد او رجل. او عم يقلع عينك ، وانتي بدون مخدر مابتموتي من الوجع ؟
غريس: اكيد
وائل: انا هيك كان شعوري لما راحت 💔
غريس: يلا في عندك زيد وجنى الله يخليلك ياهن يارب
وائل: امين 😪 والله ازا بصير لحدا فيهن شي يمكن افقد عقلي ،
غريس: كل هالقد متعلق فيهن
وائل: واكتر بكتير بالاخص زيد والله مابقدر عيش بلاه ولاثانية
نصي التاني هاد
غريس :نيالهن اخواتك عليك قديشك حنون
وائل: شايفة😅 انا مشكلتي قلبي مشرشح زيادة
غريس: اي مافي احلا من هيك لشو القسوة
وائل: بس كمان مو حلوة الطيبة الزيادة
غريس: هي حلوة بس مؤذية ، الانسان الطيب اخر شي طيبتو بتئذيه
وائل: صح حكيتي الي بقلبي
غريس(بثقة): لحتى تعرف مع مين قاعد😌
وائل:هههههه اي على عيني انسة غريس
______
بمكان تاني
كانو رشا وزيد قاعدين بالكافيتريا
وكان زيد طول القعدة ساكت وماعم يحكي
رشا: شو حبيبي بدك تضل ساكت وقالب خلقتك🙂يعني ،
حاول يخفي زعلو
ويبين طبيعي
ويتصنع الابتسامة
اطلع فيها وقلها
زيد: لا ماني قالب خلقتي ولاشي
رشا: زيد انا رشا اكتر وحدة حافظتك وفهمانتك بصم قد ماحاولت تخبي انك مدايق رح اكشفك ، ف لا تحاول
زيد: ...
رشا: شبك ياعمري شو الي مزعلك
زيد: مافي شي
رشا: هلق هيك عم تخبي عليي؟
زيد: لاحبيبي ماعم خبي عنجد مافي شي.
رشا: لاعم تخبي زيد ازا مابدك تحكي شبك رح قوم روح
زيد: خلصنا بقا رشا لاتعصبيني قلتلك مافي شي ،
رشا(بخيبة): حكيت مع اهلك مشاني ورفضو ماهيك ؟
نزل راسو بالارض وماجاوب ب ولا كلمة
رشا: ماانا قلتلك لاتحاول معهن
رفع راسو واطلع فيها بعصبية
زيد: لا بدي حاول وبدهن يقتنعو مو بكيفهن🙂 منيح
رشا: لك كيف يعني مو بكيفهن ياحبيبي هدول اهلك ، اهلك يلي ربوك وكبروك بدك تعاندهن كرمالي ، لك مين صرت انا ، خلص يازيد نحن مالنا لبعض ، نساني ودور عالبنت يلي بتناسب اهلك ،
اطلع فيها نظرة كلها قهر ودار وجهو للطرف التاني
زيد: شكلك انتي مابتحبيني مابدك ياني وعم تحطي اهلي حجة
رشا(بصدمة): زيد بربك ولو ، بلا صغر عقل
زيد: اي مزبوط انا عم صغر عقل
رشا: اي عم تصغر عقل لكن شو هي مابتحبيني ومابدك ياني ، لكن ليش انا معك ، ليكون عم اتسلا
زيد: انتي ادرى
رشا(بحزن): انا هلق مارح احكي شي ، لانك مدايق ومعصب 😐 وماعم تعرف شو عم تحكي

عصب وخبط ايدو عالطاولة
زيد: لا عم اعرف شو عم احكي وكتير ، رشا انتي مابتحبيني ، انا هاد يلي عم حسو ، انا المتمسك فيكي وانتي بس بدك ياني اتركك ، وحاطة اهلي حجة ، ولامرة حسستيني انك مصرة عليي متل ماانا مصر عليكي ،
كان صوتو عالي
شوي ، خلا الناس يلي قاعدين ينتبهو عليه
رشا: زيد وطي صوتك نحن بمكان عام 😠 والعالم صارت تتطلع فينا
زيد: اه بالله اي خليهن يتطلعو مابهمني
رشا: زيد بلا جنان
زيد: مو من حقي جن ما ، علقتيني فيكي وطلعتي مابتحبيني. كل شي توقعتو الا انك تطلعي كذابة
تجمعو الدموع بعيونها
وصار يطلع منها الكلام بصعوبة
رشا: انا كذابة ؟!!
زيد اي انتي كل هالايام عم توهميني انك بتحبيني ، بس طلع كلو حكي
رشا: لك حكي شو ياغبي انا بتنفسك. بس انا كل قصدي انو مابدي تزعل اهلك ، مابدي تعاديهن
بسببي ، وانت فهمتا اني مابدي ياك ، غبي ،عنجد غبي زيد
زيد: اي غبي صح ، غبي لان عم وقف بوجهن كرمالك وانتي مو هامك
رشا: لك زيد لاتجنني ،والله هلق بقوم بموت حالي ،
كيف بدي فهمك بااي طريقة اني بحبك وبموت بدونك ، بس انا مابدي تزعل اهلك ، لك كيف شو اعمل لتفهمني
زيد: لاتعملي شي خلص.
رشا: :اي مارح اعمل شي ، ازا انت ،زيد يلي بيعرفني اكتر من حالي ،عم تفكر فيني بهالطريقة ، معناها خلص مافي داعي برر واشرح خليك مفكرني كذابة ، وانا ماعاد فرجيك وجهي ابدا
زيد: اي وانا كمان ماعاد تشوفيني رح ريحك مني ، وبكرا بحكي مع المدير ينقلي مكتبي حتى ريحك مني ومن قرفي
رشا(بقهر): بكرهك زيد بكرهك عم تفهم
زيد: اي عادي مابينتي ع حقيقتك
لفت ضهرها ومشيت بسرعة
وهي عم تبكي
وهو حاسب وطلع
معصب
ركب بسيارتو وصار يسوق بسرعة
رن تلفونو
شاف عالشاشة اسم وائل
فتح الخط: اي وائل
وائل: وينك ولا زنخ
زيد: بجهنم
وائل: 😂😂 وبجهنم في تغطية لحتى رديت عليي
زيد: وائل مالي رايق ابدا ازا بدك شي احكي مابدك شي لحتى سكر
وائل: لك شبك ولاه😐 شو حكيت لحتى نزعجت
زيد: اخي هيك انا واحد نفسية ومابتحاكا منيح ،
انشغل باله وائل من اللهجة يلي كان عم يحكي فيها زيد
وائل: زيد شبك اخي شو صاير معك 😳 ليش معصب
زيد: اخي هيك عقل مزاج الك عندي شي
سكر الخط بوجهو ،
وهو نشغل باله اكتر
وائل: لعما شبو هاد ، متحيون اليوم
رجع حمل التلفون واتصل فيه
فتح الخط وصار يصرخ بوجهو
زيد: وائل حل عني ممكن قلتلك ماني رايق لهضامتك
وائل: لك يابهيم شبك بس قلي ، ليش معصب
زيد: مادخلك
وائل: زيد بشرفك عم تخبي عني هلق
زيد: خلصنا بقا وائل حل عني
وائل: لا ماحزرت بدي اعرف شبك وينك انت ؟
زيد: انا بالطريق عم سوق
وائل: وين بالطريق؟ قلي بدي اجي لعندك
زيد: لاتجي مابدي شوف حدا
وائل: مو على كيفك وربي مابحل عنك ورح ضل دقلك لتقلي شبك ،لعما ضربك اخوك انا ، من ايمتا بتخبي عليي.
زيد: خلص لاقيني بجنينتك محل مابتقعد بتكتب
وائل: ماانا هنيك تعال لعندي
زيد: يلا جاي
وائل: عم استناك لاتتاخر
زيد: ماشي خلص
وائل: اضوي
سكر الخط وبعد كم دقيقة كان عندو
وصل لعنده وكان مبين عليه انو مانو منيح
قعد جمبو عالمقعد
زيد: كيفك
وائل: مشتقلك🙄😏 والله
زيد: اي شكرا
وائل: لك واطي شبك
زيد(بعصبية): وائل كاني اخوك الكبير وعيب تحكي معي هيك
وائل: عيب ؟ من ايمتا في بيني وبينك رسميات ،
زيد: ....
وائل: قلي لشوف شبك
زيد: .مافي شي
وائل: لافي شي احكي شبك ، زعلان مني شي ؟
زيد: ليش بدي ازعل شو عامل ليش
وائل: ماني عامل شي بس عهالحيونة يلي عم تعاملني فيها فكرت قاتلك ابوك
زيد: لامانك قاتل حدا بس انا معصب من شغلة
وائل: وازا معصب من شغلة بتفش خلقك فيني وبتسكر بوجهي لعما شو بتصير بهيم لماتعصب
زيد: والله انا هيك ماعجبك الحيطان كتار
وائل: لك الله يلعنك شوحمار ، بس بدي افهم امي على شو متوحمة فيك
زيد: وائل ماني متحمل كلمة ها بقوم بدعوسك قلتلك لاتتهاضم
وائل(بملل):هففف ،طيب قلي متزاعل انت ورشا
زيد: .....
وائل: متزاعلين ما؟
زيد: اخي اي متزاعلين مبطخين رتحت هلق
وائل: اي قول هيك من الاول لعما ضربك نشفت دمي ، ليش متزاعلين
زيد:....
وائل: لك لاتضل ساكت احكي فش خلقك
زيد(بحزن): مابعرف رشا تغيرت ماعاد تحبني ، بس بدها تتهرب مني كل مابفتحلا سيرة زواجنا بتحط اهلي حجة، هداك اليوم قلتلا انو بدي فاتح اهلي بالموضوع قالتلي لاتحكي معهن لانو مارح يرضو وحقهن ولاتزعلهن، واليوم نفس الشي ، حسستني انو هي مابدها ياني ، وشو بتقلي هي مابدها ياني اخسر اهلي بسببها
وائل: مشان هيك يعني؟
زيد: اي مشان هيك ، كنا بالكافتيريا تخانقنا ،
واخر شي طلع معها قال هي بتكرهني وماعاد بدها تفرجيني بوجها

وائل: هي هيك قالتلك؟
زيد: اي
وائل: اي بتكون انت طالعتا من تيابا ، انا اكتر واحد حافظك لما تكون مجحش😂😒 بتصير مابتنطاق ،
زيد: هلق هاد الي طلع معك يكتر خيرك سيد وائل
وائل: تضرب ولا ، بس ياحبيبي يازيد، المخلوقة ماعم تقلك هيك لانها مابتحبك ، هي قصدها انو مابدها ماما وبابا يزعلو منك كرمالها
البنت مابدها يصير حساسيات بسببها لانو هي ادرى بوضعها وبتعرف انو اي حدا مكان بابا وماما رح يرفض يزوج ابنو لوحدة مابتجيب ولاد ، يعني البنت ماغلطت
زيد: بس انا فهمتا الف مرة انو مابهمني وضعها ، بدال ماتوقف معي بتصف مع اهلك
وائل: رشا بنت اصل ،وماعم يجي من قلبها يصير مشاكل بينك وبين اهلك ،بس انت لانك غبي ، فكرتها عم تقول هيك لانو مابتحبك ، لك بشرفك بضميرك ، قلي انت في بنت بتتحمل زناختك ؟ ازا ماكانت بتموت فيك ، ولا عقلك لما تعصب ، يخرب بيتك بتقلب واحد تاني وحش بتخوف ، نسيت هديك المرة لما تخانقتو قديش سمعتها حكي بسم البدن ، اقسم بربي لو انا مكانها مابرجع بقلك مرحبا ، ومع هيك سامحتك ورجعتو سمنة على عسل ، لك ياما انا شايف بعيني خناقاتكن ، وجنانك لما تعصب عليها ، لو وحدة تانية مابتتحمل هالجنان كلو ، كان تركتك من زمان ، لك انا انا اخوك من لحمك ودمك وقت بتعصب بشتهي موتك ،
لازم اهلها هنن الي يرفضوك. مو اهلي يلي يرفضوها ، الخلفة من الله ، بس الجحشنة والعقل التنح هاد اجتهاد شخصي ،
زيد: هاد يلي طلع معك سيد وائل😒يكتر خيرك
وائل(بضحك):لك عم يجي عبالي قلك يلعن ابوك ، بس المشكلة ابوك هو ابي😂😂ماخرج 😂
نسي عصبيتو وابتسم
وائل: اي هيك ها يقبرني ربك ، روق ولو والله مانك حلو وانت معصب
زيد(بحزن): تعبان لك اخي مانك شايف الي عم يصير معي اهلك وستك من طرف ورشا من طرف
وائل: طول بالك حبيبي ، الا مايجي يوم ويقتنعو ،
زيد:لك ايمتا ايمتا بس فهمني
وائل: ليفرجا ربك ، ويقسملكن تكونو لبعض ، اهم شي هلق تروح تصالح رشروش ، وبعدها كل شي الو حل
زيد: مابظن ترضا
وائل: بالله شو معفس لحتى متاكد انها مارح ترضا😒
زيد: قلتلا انها كذابة وصرخت عليها قدام الناس
وائل: لك يخرب بيتك من حالك ، خلص قوم معي انا بحلها ، اصلا هي بتعرف جحشنتك بس تجحش
زيد: لك لعما بعيونك مابتفهم انت ؟ انا اكبر منك ياتافه
وائل: تكون جدي انا اخوك وبمون وبكسر راسك عم تفهم ،
زيد: جسمك عم يحكك على قتلة لك اخي ؟
وائل: اذا هالشي بيريحك وبتفش خلقك تفضل ، ضروب
زيد: بريحني كتير ، بس مو هون قدام العالم حفاظا على كرامتك وسمعتك قدام العالم
وائل: ياحبيبي شو محترم ، اي قوم قدامي مشان تصالح رشا
زيد: خلص خليها لبكرا
وائل: اي لا والله مابنام اليوم ازا ماتصالحتو قوم قدامي ولاه
زيد: خلص لاتدبقني لسا المشكلة تازة مارح ترضا هلق
وائل: لا بترضا عكفالتي
زيد: لا مابترضا
وائل: لا بترضا بس من شافت السمار الخارق الي عندك 😆 بتدوب وبترضا
زيد: عم تتمسخر يعني؟ بقوم بكسرلك نضاراتك
وائل: لك 😂😂حاطت حطاطك من نضارتي انت وهديك فارة الطحين بنت عمك ، لعما
زيد: لانك شايف حالك
وائل: انا شايف حالي ؟ وين ماشايف شي 😂
زيد: معلش لاتقلدني😒
وائل: لك يلعن ابو عدوينك قوم بقا خليني صالحكن انت والبطيخة
زيد: لاتقول عنا بطيخة؟
وائل: ليش سبيتا يعني🙄 بطيخة في احلا من البطيخة؟ لونها احمر وحلوة ، احسن منك اصلا ضايعة فيك ياسمك 😂😂 سمك بني
زيد: دخيل شقارك انا😒
وائل: تسلملي اخي كلك زوق ، يلا خلصني ستحي ع دمك وقوم لعند البنت يخرب بيتك حاسسها حبيبتي مو حبيبتك ،
زيد: مابدي
مسكو من قميصو وسحبو غصب عنو عالسيارة
وائل: بس تكون الشغلة ع كيفك قول مابدي
فتح باب السيارة ودخلو بالقوة 😂
وطلع يسوق السيارة ،
زيد: بتكون مقهورة كتير هلق مارح ترضا
وائل: انت لاتتدخل
زيد: يخرب بيتك مااوقحك حبيبتي الا حبيبتك مابدي صالحها هلق شو دخلك انت
وائل: دخلني
زيد: الله ياخدك اي
وائل: وياخدك
______
بمكان تاني
قصي: عملت المستحيل حتى اجي شوفك، استلمت الادارة وبكرا بصير كل الحمل عليي ، مابقدر شوفك منيح
جنى: ياعمري كتير فرحتلك
قصي: يعني مالك زعلانة لاني اخدت مكان ابوكي
جنى: لاولو ليش ازعل ، شوانت وشو بابا.
قصي: اي بس حسيت اخواتك متدايقين😒 كلمة مبروك ماطلعت منهم
جنى: لاحبيبي ماحدا متدايق ، بس زيد متدايق مشان قصتو مع رشا، مشان هيك ماعم يحكي مع حدا ولاعم يتدخل بااي شي بالبيت ،
قصي: اي والسيد وائل😒 حاج تبرريلهن ، واضحة انهن متدايقين ،
جنى: عمري خلص شيلنا منهن ، نحن جايين نشوف بعض مو نقعد نحكي عااهل البيت
قصي: معك حق حبيبتي اسف ،
جنى(بحب): اي قلي مانك مبسوط لانو بدنا نخطب عن قريب

قصي: مبسوط وبس طاير عقلي انا ، يقبرني الي خلقك انا ، بكرا بس صرتي ع زمتي جكارة بااخواتك ، رح نقضيها انا وانتي طلعات. ،يخرب بيتهن كابسين ع نفسي ،😒
جنى: هههه😂😂 لك رجعنا لااخواتي ،شو عامليلك لحتى كل هالقد متدايق منهن
قصي: لانو 🙂 ماعم اخد راحتي معك مشانهن ، لكن هنن معلش يتمعشقو ، هداك زيد دائما مع رشا ماحدا بيحكي معو شي ،
ولا التاني ابو نضارة ، من بنت لبنت
هنن مسموح بس انا لا
جنى: هههه معلش حبيبي انا اختهن بالنهاية وبيخافو عليي
قصي: بيخافو مني 😒 ليش انا وحش ليكون
جنى: لاياعمري مو هيك ،بس كل الاخوات هيك ،
انت مابتخاف ع ميرا؟
قصي: مبلا
جنى: اي خلص لكن شفت شلون
قصي: اي بس انا غير ، انا ابن عمهن ، وبيعرفوني بحبك من لما كنا ولاد ، يعني مستحيل ائذيكي ، ، بس هنن هيك انانيين مابحبو الا حالهن🙂
جنى: لك تقبر قلبي ريتك ، لك انا بموت فيك عم تفهم ، خلص روق ماضل شي ومنصير لبعض ، هداك الوقت مابيعودو يتدخلو .
مسك ايدها واطلع فيها بحب
قصي: يوم المنى لما تكوني ملكي ، جنى انا بعشقك
جنى: وانا كمان ياحبيب قلبي
وفجأة رن تلفون
قصي
حمل التلفونو وشاف اسم المتصل
وتلبك وفات ببعضه فصل الخط وحاول يبين طبيعي
جنى: لي مارديت حبيبي؟
قصي(باابتسامة): تلفون من الشغل حياتي ، بعدين برد
جنى: طيب بلكي في شي مهم
قصي؛ ماعندي شي اهم منك ياحبيبتي ،
جنى: دخيل قلبك ،
حمل التلفون مرة تانية
وبلش يكتب مسج ،
لاترجعي تتصلي هلق ماني فاضي ، بس كون فاضي انا بتصل فيكي ،
وعطاها ارسال وسكر التلفون
مين هي ياترا ؟؟؟
___
يتبع ......

#الحب_ الاسطوري_
البارت ٣
بقلم شرقية الهوى
واقفين تحت بيتا
والجو ربيعي مشمس
والشمس حدة
وائل: اتصل فيها قلا تنزل
زيد: مارح ترد اتصل انت
وائل: شو بدي قلها نزلي حتى صالحكن انتي واخي؟
زيد: اصلا ازا سمعت بسيرتي مارح تنزل قلها عاوزك ضروري
وائل: اتصل انت بتلاقيها حلوة منك
زيد: لامابدي شو بدي قلها
وائل: ماعاد تعرف شو بدك تقلها ياغبي ،
زيد:بكل الاحوال مارح ترد اتصل فيها انت احسن
وائل: امري لاالله
حمل تلفونو واتصل فيها
طلعلو مغلق او خارج التغطية
زيد: شو ؟
وائل: مغلق😐 او خارج التغطية
زيد(بزعل): ياعمري بتكون زعلانة كتير هلق
وائل: اه والله ؟ منيح حسيت ع دمك ،
زيد: وائل مو ناقصني ها تركني بهمي
وائل: شو بدنا نعمل هلق
زيد:خلينا نستنا شوي
وائل: هون تحت الشمس!؟‘
زيد: خايف لاينتزع بياضك اطمن مابصرلك شي
وائل: لك لا يقطع عمرك ، بس الشمس كتير حدة
لانقوم ناكل ضربة شمس
زيد: دخيلك شو بتخاف ع حالك امشي نطلع بالسيارة نستنا مفكر الدنيا صيف لتضربك الشمس لساتنا بااول اذار
وائل: لك يخرب بيتك ازا عحالي ماخفت بدي خاف عليك وضريب اي الشمس حامية
زيد: ياحرام طلاع بالسيارة لاتموت من الشمس يادلول المامي ،تضرب شو منعنع
وائل: سد بوزك ولا مدود ،
زيد: على شو بدي دود على نضاراتك
وائل: هي النضارة الي ماعاجبتك مخلية كل الصبايا يلحقوني 🙄😏
زيد: اي مفكرينك مثقف😂 مابيعرفوك تيس يجو لعندي انا بحكيلهن😂😂
وائل: انا تيس ياغبي ؟
زيد: تيس ومكتر 😂😂 قال خايف ياكل ضربة شمس وضريب 😂😂 شو بسكويت ،
وائل: ماشي عمول وكتر ياابن عاصم
زيد: 😂 اي ماشي ياابن تهاني 😂😂صعي شلونا امك تهاني دخيل قلبها شو حلوة
قرب لعندو وحطلو راسو تحت باطو
وائل: مابدك تبطل قلة زوق وزناخة ولاه
زيد(فارط ضحك): لك تقبرني امك مااحلاها حكيلي معها خلي تعطيني بوسة
وائل: لك استحي ولاه بموتك
زيد: ياربي دخيلك فرطت😂😂😂😂 لك هي امي كمان يابهيم ، شبك دخلت بالجو 😂😂😂 زيادة
بعد وائل عن زيد وصفن شوي وتنيناتهن فرطو ضحك
زيد:تضرب مااتفهك😂😂😂،
وائل: يازلمة للحظة نسيت انك اخي😂😂😂 بفور دمي وقت بسمع حدا عم يحكي عاامي
زيد: يقبرني الحمش😂😂😂😂
من بعيد كانت جاية رشا لمحتهن واقفين قدام البيت لفت ضهرها بدها تروح
وائل : ستني رشا
ضلت ماشية بطريقها وماردت عليه
ركد لعندها ووقف بطريقها
وكان زيد عم يراقب من بعيد
رشا: خير شو بدك
وائل: وليش عم تحكي بنشافة ؟😏 اطلعي منيح انا مو زيد انا وائل 😐
رشا: اي بعرف ماني عميا
وائل: فينا نحكي شوي
رشا: بشو بدنا نحكي ماعندي شي احكيه
وائل: وليه ، انتو بدكن تجيبولي الجلطة انتي وهاد الغبي اخي ، انا ماعندي شغلة غير صالحكن انتي وياه
رشا: ماحدا عم يطلب منك تصالحنا
وائل: اي بدي صالحكن غصب عنك وعنو منيح هيك ست رشا
رشا: لا مو منيح ، ومابدي صالح حدا انا ، بعدين ليكو يخزي العين عنو ماناقصو شي ضحكتو لورا دانو 😒
وائل: لك تضربي اي ، ماحلك تحفظيه لزيد ، بتعرفي انتي صح بس يكون معصب مابخلي لحالو صاحب ، بس مافي اطيب من قلبو
رشا: هو ماخلا للصلح مطرح ، بعد كل هالحب يلي حبيتو ياه اخر شي بطلع كذابة ؟ هلق انا هيك ياوائل؟
وائل: لك ياعيني انتي بتعرفي وقت يعصب بيعفس كتير ، بعدين والله حرام المسكين من وين بدو يلاقيها ليلاقيها اهلي من طرف وانتي من طرف ومانو عرفان شو يعمل
رشا(بحزن): ماانا قلتلو لاتزعل اهلك كرمالي فكرني مابحبو ، هاد حكي بربك وائل،؟ لك هاد اخوك جانن عالخالص ، شو مفكرني ماعندي قلب ولااحساس. لك انا بموت فيه الحب الي حبيتو ياه ماحدا رح يعطيه ياه لو بعيش مية سنة ،بس انا ظروفي صعبة. ماخرج كون الو ،ومن اول ماحسيت حالي رح اتعلق فيه كنت عم اهرب بس هو كان عم يمنعني اني بعد عنه ، شو اعمل قلي موت حالي لريحو وارتاح ،
وائل: لا شو تموتي حالك ، بعدين مين بدو يتحمل زناختو لهاد السمكة😒 اخي
رشا: ....

وائل: خلص روقينا ام الرور يلا تعي معي
رشا: لو بدو يراضيني كان اجا هو بس مابدو
وائل: لا بدو بس مستحي وجهو اسود منك 😁
رشا: 😏
وائل: خلص تعي امشي معي
رشا: مابدي
وائل: مو على كيفك
سحبها من ايدها بالغصب واخدها لعندو
وقفت قدامو وضمت ايديها
ودارت وجها عنو
وهو كان حاطت راسو بالارض
وائل: سمعوني انتي وياه هلق هالدقيقة ها ازا مابتتصالحو سالخكن لكل واحد كف متل فراق الوالدين 🙂
رشا: ....
زيد:.....
وائل: تعا ولاه سردين هلق بدك تجي تبوس راسها وتعتزر ،
كان زيد عم يطلع بوائل ورشا وماعم يتحرك
وائل غمزو لزيد ،
وزيد واخيرا تحرك وقرب لعند رشا
وباس راسها

زيد: انا اسف حبيبتي حقك على راسي. كنت معصب وماحسيت عحالي شو خبصت، سامحيني.
رشا حاطة راسها بالارض والدمعة بعينها
وماردت عليه
زيد: بدك تضلي زعلانة يعني ، طب شو اعمل لترضي اضربو لوائل ؟😅
رفعت راسها وحكتو بعصبية
رشا: وشو دخلو وائل ضروب حالك 😒😠
وائل: شايفة شايفة على هيك اخ
زيد: طيب خلص روقي ولو
رشا: شو بدك مني مو انا كذابة
زيد: لك ريتو نقطع لساني قبل ماقلك هيك والله كنت معصب حقك على راسي حبيبتي انتي روقي كرمالي
رشا: مابدي
زيد: كرمالي عم قلك 🙁
رشا: مو انا مابحبك كيف عم تقلي كرمالي😏
زيد: خلصنا ولو عصبت وحكيت هيك. لاتزيديها عليي
رشا: هي اخر مرة بتحكي معي هالحكي ، والله يازيد ازا بترجع بتحكي معي هيك ، رح اختفي وماتعود تحلم تشوفني
وهي اخوك شاهد ، تزكر منيح شوقلت وائل
وائل: خلص ع كفالتي ماعاد يعفس هالتعفيس بس فرطيها بقا
رشا: كرمالك بس رح افرطها
وائل: دخيل عينك ياام الرور
زيد(بعصبية): بالله كرمالو وانا صرلي ساعة بقلك كرمالي وماكنتي ترضي🙂
رشا: اي خليك ساكت لولا وائل ماجيت اعتزرت مني 🙂فورا
وائل: اي والله جبتو شحط😂 🤐
زيد قرص وائل انو يخرس 😂
وائل: قصدي انو كان خايف ماترضي لهيك🙂
رشا: ايوا😒
وائل: يلا انا بدي امشي عندي شغل ،
زيد: الله معك 🙂حبيبي
وائل؛ قلي بدي تخلص مني🤓
زيد؛ تيسر اخي الله معك
وائل: بخاطرك رشا ،
اطلع بزيد وقلو : انت مابتستاهل 😒
رشا: 😂😂الله معك ابو اللول
زيد: اي نقلع يقطع عمرك
وائل: حسابك بالبيت 🙂
زيد: اي بلط البحر نقلع ولاه
وائل: اي مقلوع
كانت رشا عم تطلع فيهن وتضحك
راح وائل وضلو زيد ورشا لحالهن
زيد: يخرب بيتو شقد معلاق ، على قولة الحلبية😆
رشا:😂😂 اي بس بضل احسن منك😒
زيد: هلق هاد النص جدبة احسن مني اي ماشي الله يسامحك
رشا: الله يسامحنا جميع
زيد: تعي نروح نشرب شي
رشا: مشان ترجع تعصب قدام العالم ؟
زيد: خلص ولو شي وصار ، قلتلك انا اسف وحقك ع راسي
رشا: اي 😏
قرب لعندها وحضنها وقلها
زيد: بتحبيني ؟
رشا: سئال حالك🙁
زيد: انا عم اسألك الك😏
رشا: بتعرف اني بحبك وبموت فيك ، بس مصر تعمل مشاكل 🙂
زيد: فار دمي لاني كل مابفتحلك الموضوع بتقوليلي اهلك
معهن حق
رشا: شو بدي قلك مثلا كسور كلمة اهلك وتعا تزوجني
زيد: لا بس حسسيني انك متمسكة فيني ، من اول علاقتنا انا يلي راكد وراكي وانتي عم تهربي
رشا: انت بتعرف ليش كنت عم اهرب ف مافي داعي نضل نحكي بالموضوع خلص بقا سكر عالسيرة ، ماصرلو ١٠ دقايق اخوك مصالحنا🙂 مافي داعي يضل راكد عم يصالح فينا
زيد: اي سكرت😏
رشا: شو بكرهك لما تكون معصب😒
زيد: 😒اي نضبي نضبي بلا ماموتك
رشا: 😒 ازا كنت زيد عملا
زيد(بحب): لا مابعملا تقبري قلبي مابسخا فيكي
رشا: ايوا🙂
زيد: خلص بقا وليه مشي قدامي حاج حكي فاضي
رشا: مابقدر تاخرت عالبيت هلق بينشغل بالهن
زيد: مابأخرك يلا تعي مو ع كيفك
سحبها من ايدها وصار يغنيلا
زيد: مسطرة حمشيكي مسطرة يلا وليه دبة قدامي
رشا: مااغلظك تضرب 😒
زيد: قداامي بلا حكي فاضي
______
ع المقعد
يلي كانو يقعدو عليه
ايام زمان
كان في شي عم يسحبو لهنيك
اول ماوصل كان عم يحس بغصة كبيرة
زكريات بتوجع واقع مر
نفرض عليه ومابيقدر يغيرو
قعد عالمقعد وحط ايدو على راسو
وصار يفكر
سامر: انا شو جابني لهون بعد كل هالسنين ، من اول ماافترقنا ماجيت لهون مرتين. هلق شو جابني بعد هالسنين ، معقول حنيتلا طيب ليش حتى حن لوحدة متلها وحدة قتلت اخي ، وحدة كنت مفكرها بتحبني. طلع كلو كذب ،
كانت معيشتني بوهم، وينها هلق ياترا ، ياترا هي بتندم ع يلي عملتو معي ،
متل ماانا بندم لاني حبيتا ،
ليش كل هالسنين انا يلي عم اتعذب لحالي
وهي عملت عملتها وراحت ،
ياريت لو بقدر انساها بقا
وعيش حياتي
لك ليش عم بقدر؟
24 سنة كنت مفكر حالي رح انساها فيهن
لقيت حالي عم انسا حالي وانسا كل شي وماعم اقدر انساها
مع انها قتلتني.
يلعن ابو هالدنيا
مرتي يلي بتحبني ومستعدة تموت كرمالي
انا ماعم اعطيها هالحب
وبالمقابل عم اتعذب كرمال وحدة كسرتني ،
ظالمة هالدنيا كتير ،
بس بحمد ربي انو عوضني بولادي. يلي عندي ياهن بالدنيا كلا ،
وليليان كمان بنت اصل ، بس انا يلي ماعم اعرف قيمتا ، الله يلعني شو حقير ،
قعد شوي وصفن بالدنيا
وبعدها حمل حالو وركب سيارتو وراح عالقصر
طلع ع الغرفة كانت ليليان قاعدة وباايدا مو بايلا
سامر: مسالخير،
اطلعت فيه بطرف عينا ماعطتو اهتمام كتير
ليليان: مسالخيرات
سامر: كيفك
ليليان: تمام كيفك انت
سامر: انا منيح ،، شو الولاد وينهن ماشفت حدا

ليليان: بسمة عند رفيقتا ونور وليث عم يدرسو
سامر: وانتي ليش قاعدة لحالك كنتي قعدي مع سلايفك اتسلي
ليليان: ماحدا منهن فاضي ، ام زيد برا البيت
وعلا بتعرفني مابتفق انا وياها عقلا جامد
سامر: طيب وهلق شو عم تعملي ؟
استغربت من اهتمامو الزايد الي على غير العادة
ليليان(بفضول): شبك سامر ؟ فيك شي؟
سامر: لا شو بدو يكون فيني
ليليان: مدري
سامر: ليليان بدي قلك شي
ليليان:🙄 قول
سامر: انا اسف
ليليان: على شو ؟
سامر: على كل شي ، على كل الايام الي عيشتك فيها بمرار وكل الوجع الي تسببتلك فيه. انا بعتزر ع كل مرة اهتميتي فيني فيها ورديتلك الاهتمام ببرود ،
دمعو عيونو وتغيرت نبرت صوتو
سامر: بدي اعترفلك بشي يمكن انتي بتعرفيه ، بس هي اول مرة بعترفلك فيه ،مو لحالك كنتي كل هالسنين عم تتعذبي وتعطي مشاعرك لشخص مو سائل فيكي ، انا كمان كنت متلك عم اتعذب كرمال وحدة مابتستاهل ربع الحب يلي حبيتها ياه
الحب من طرف واحد بشع وقاسي ياليليان ، وماتفكري انو ماكنت حاسس فيكي ،انا حاسس فيكي وعم دوق نفس الوجع ويمكن اقسى ، بس ماكان طالع باايدي شي
لاعم اقدر انسى ولاعم اقدر افتحلك قلبي
وريحك وارتاح
كانت عم تتطلع فيه ودموعها عم ينزلو لحالهن
دارت وجها عنو وقالتلو بغصة
ليليان: سنين وانا مشعلتلك اصابعي العشرة حتى ارضيك ، وبكل مرة كان يخيب ظني ، ماشفت معك نهار حلو ، لك حتى ولادنا ، يمكن تعقدو من مشاكلنا ، كنت بعد كل خناقة معك روح لعندهن لشوفهن لاقيهن مغطين راسهن وعم يبكو ، كنت شوف الحسرة بعيونهن لما يطلعو على عاصم ومرتو كيف عايشين وكيف انا وانت عايشين ،
طفولتهن عاشوها وهنن محرومين
دفا العيلة ، صح انت حنون عليهن ومو منقص عليهن شي ، وانا كمان حنونة عليهن
بس هنن كان ناقصهن نكون انا وانت حنونين على بعض ، وللااسف هالشي ماحصلو عليه
برمت وجها لعندو وقالتلو
ليليان: انا من عندي مسامحتك سامر، بس روح اطلوب السماح من ولادك ، لاتطلبه مني
سامر: انتي مافي منك ليليان ، وبعترف انو كل شي مشاكل صارت بسببي ، بس صدقيني من هلق رح تشوفي سامر جديد ، سامر القديم خلص راح
انسيه وانسي كلشي اذى اجاكي منو
وصدقيني رح عوضك عن كل الايام البشعة الي عشتيا معي ،
ليليان: تاخرت كتير ياسامر اجيت تحكي هالحكي بعد ماقلبي مات وماعاد استنا منك شي
سامر: ماتاخرت ولاشي لسا الحياة قدامنا ،
ليليان بكفي حقد ومشاكل خلينا نعيش حياتنا بقا
ليليان،: انت كل هالسنين مانسيت ،رح تنسا هلق؟
سامر: حتى لو مانسيت بتجاهل كل شي كرمالك اقل شي سمحيلي حاول
ليليان: مابظن ينفع
سامر: بينفع بس انتي عطيني فرصة
لاتسكريا بوجهي ، سمحيلي صلح غلطي
ليليان: ماتاملني وتخيب املي ياسامر ، انا تعودت على هالوضع تركني على ماانا عليه
سامر: مارح خيب املك وثقي فيني
ليليان: .....
سامر: شوو ؟
ليليان: مابعرف
سامر: خلص بقا ام ليث انسي
ليليان(بنظرة عتب):: مفكر كل شي بينتسى بهالسهولة
سامر: لااكيد ، بس مع الايام بنسيكي
ليليان: لنشوف
سامر: يعني شو مسامحتيني؟
ليليان: قلتلك اني مسامحتك ،ازا الولاد بسامحوك
سامر:الولاد بس يشوفونا كيف عايشين رح يسامحوني لحالهن انا بعرف
ليليان: اي طبعا لانو بيحبوك رغم كل شي 😏
سامر: وهلق رح خليهن يحبوني اكتر😊
ليليان : ان شالله
سامر: يعني صافي يالبن؟
ليليان(باابتسامة): صافي
قعد جمبها واخدها لحضنو وحسسها بحنيتو لااول مرة ،
كانت من جوا كتير فرحانة انو بعد كل هالعذاب حس فيها وقرر يحاول يعمل شي كرمالها
سامر: احلا ام ليث بكل الدنيا
ليليان: يخليلي ياك يارب
____
بمكان تاني
كان بلال قاعد بغرفته وباايده
ساعة بناتية كتير حلوة
وشيك
ماسكها وعم يتأملها
بلال: رح تعجبا ياترا
دخلت لعندو ميرا
على غفلة وسمعتو
ميرا: مين هي يلي رح تعجبا؟
بلال (بعصبية): لككك ميرا الف مرة قلتلك دقي الباب قبل ماتفوتي
ميرا: وليش بقا😠 مشان ماشوف شوعم تخطط ما
بلال: اختي حبيبتي قلة زوق انك تدخلي ع غرفة حدا بدون ماتدقي
ميرا: اي انا مافايتة ع غرفة حدا فايتة ع غرفة اخي 🙄😏
بلال: بالله شو استرجي دخلي ع غرفة قصي بدون ماتدقي😏 لااشوف
ميرا: لا ولي قصي 😨 مابينعلق معو
بلال: ايوا شفتي شلون😏 مستوطية حيطي
ميرا: الله يسامحك هلق انا هيك
انتبهت عالساعة يلي باايدو
وفنجرت عيونا فيها
ميرا: لمين هالساعة ولاه😍😳
بلال: حلوة😌؟
ميرا: لك شلل 😍😍 لمين هي الي ؟
بلال: اي لا مو الك😏
ميرا(بزعل): اي مو حلوة لكن 😒🙁
بلال: بلا غلاظة ولو حلوة ولا لا؟
ميرا: حلوة بس لمين هي
بلال: لبسمة
ميرا: بالله 😒اي وشو المناسبة 🙂

بلال: جدبة نسيتي انو بكرا 10/3 ؟🙄
ميرا؛🤔🤔 عنجد ليش شوفي بهالتاريخ
بلال: بكرا عيد ميلادها
ميرا: ييي اي والله راح عن بالي 🙁😮 منيح ذكرتني
بلال: اي مشان هيك جبتلا الساعة
ميرا(بشك): بس مشان هيك😏😉
بلال(متلبك): اي لكن مشان شو
ميرا: بلبل 😉😉
بلال: اي ولو شبك😶😰
ميرا: اعترف بس لانو عيد ميلادها😉
بلال: لك اي بس لان هيك 🙂
ميرا: اكيد
بلال: حلي عني يا
ميرا: اي ماشي🙂 بس ازا مابتجبلي متل هالساعة رح موتك ايي
بلال: خلص بجبلك احلا منا كمان ، بس حلي عني
ميرا: حل عنك😏 مو ، نيالك يابسمة عهالدلال🙄🙂
بلال: ميرا بلا تلميح وحكي فاضي مافي شي من الي ببالك
ميرا:والله كذاب 🙂
بلال: لاماني كذاب
ميرا: ورحمة بابا كذاب منيح هيك
بلال: ميرا حلي عني ولو لعما مااغلظك
ميرا؛ اي ماشي😎 بس كذاب
بلال: طيب كذاب ، روحي من وجهي
ميرا: عم تقلعني😏 ماشي يابلال
طلعت من عندو وهي عاملة حالها معصبة
وخبطت الباب
بلال: غليييظة 🙂🙄
رجع يتأمل الساعة ويحكي مع حالو
بلال: بس طالما عجبتا لميرا رح تعجبا لبسمة كمان ، ان شالله يارب تحبها😍🙁
_____
المسا على سفرة العشا
كانو الكل مجتمعين
عالاكل
وكانو الكل عم يلاحظو لااول مرة انو سامر متغيرة معاملتو مع ليليان
زيد نكش وائل وهمسلو
زيد:شو قصتو عمك اليوم 🙄 كانو عم يدللها لمرت عمك
وائل: اي والله على غير العادة
زيد: شو القصة ياترا
وائل: الله اعلم ، بس بتعرف انا بدالها مابعطيه وجه
زيد: لكن شو بتعمل
وائل: انو كل هالايام ناشف معها شوفها نجوم الضهر من برودو ، هلق هبطت عليه المحبة
زيد: لك تضرب صحي ، الله اعلم شو صاير بيناتهن لحتى هيك متغيرين ،بعدين الله يوفقهن ليش مزعوج انت
وائل: ماني مزعوج بالعكس 🙂 الله يهنيهن ، بس مرت عمك جدبة من الاخر 😂
زيد: من هالناحية معك حق 😂
وائل: ابصر بشو ضحكان عليها😂😂😂 وهي متل الهبلة مبسوطة
زيد: 😂😂😂 يخرب بيتك ستلمتا للمخلوقة 😂 ،
وبالناحية التانية كانو نور وبسمة قاعدين وحالهن حال زيد ووائل
نور: بسمة مانك ملاحظة ابوكي متغير مع امك
بسمة: اي والله ياترا شو القصة
نور: شو بدو يكون يعني
بسمة: هالتغيير مو لاالله
نور: بلكي بيكون حس على حالو انو ظلمها🙁 وتغير معها
بسمة: مع اني مابظن هيك بس الله يسمع منك
نور: ان شالله يارب🙁 والله حلوين وهنن هيك اطلعي فيهن
بسمة: اي والله ، الله يحننهن ع بعض 🙁
انتبهت
الست نجوى عليهن
وعصبت
نجوى: نور
التفت نور لعندها وهي خايفة
نور: نعم تيتة😵
نجوى: قومي قعدي جمب زيد 🙂
وانت سيد وائل تعال قعود جمب بسمة
وائل: ليش تيتة ؟ 😐
نجوى: لاني مليون مرة فهمتكن وتوتة وحكي فاضي عالسفرة مابحبو انا ، وماعاد فهمتو
وائل: اي تيتة كان عم يخبرني شي مهم 🙂
نجوى: اي قوم قعود جمب بسمة بلا حكي فاضي
بسمة: وليش تقعدي هالمنسون جمبي🙂 يعني😢
نجوى: مشان تتعلمي انتي واختك كمان تتركو الاكل وتفتحو احاديثكن عالسفرة ، لك مليون مرة فهمتكن انتو الاربعة حكي فاضي ووتوتة وبروتة بلا ، بس عبس ، يلا وائل روح لجمب بسمة
زيد: طولي بالك تيتة هلق بدك تقعدي هي الهبلة نور جمبي اي والله بتسدلي نفسي😏
نجوى: ازا قعدت بسمة بدالها مارح استفاد شي 😠 اما نور بعرفكن مابتتفقو لهيك
وبسمة ووائل نفس الشي ، يلا وائل روح محل ماقلتلك
وائل(بخبث): امرك ست الكل😈
كان من قلبو شمتان ببسمة لانو بدو يقعد جمبها 😂 ويزعجها راح قعد جمبها ونور راحت لجمب زيد
وائل: كيفك وليه😂😂 فارة الطحين 😈
بسمة: من الله بخير😒 هفف يا
زيد(بمزح): ازا بتحكي كلمة خابطك كف فهمتي وليه 😏
نور: 🙄 استرجي
عاصم(بضحك)؛ والله ياامي عرفتي شو تعملي ماقصرتي فيهن ،
سامر: اهلين والله بصهري وائل اي من زمان تعا قعود جمب خطيبتك
بسمة(بعصبية): بابا 😡
سامر: ولك اي شو حكينا😂😂
نجوى: خلص بقا كملو اكل بكفي حكي
جنى: قبل كل شي بدي خبركن شي
نجوى: تفضلي حبيبتي
جنى: تيتة من بعد اذنك انتي وبابا وماما ، بكرا المسا مديري عازمني على عشا انا وكم شخص من شركتنا ، عازم مصمم ازياء اجنبي ، وبدو يعرفنا عليه ، فااذا بتسمحولي بدي روح
عاصم: ومين رايح معكن
جنى؛ مابعرف مين بالاسم ، بس بعرف انو مو لحالنا بقا شو رايك
نجوى: بالنسبة الي ماعندي مشكلة ازا حابة تروحي بقا سالي ابوكي وامك
جنى: شو بابا وماما
عاصم: خلص روحي ازا حابة
جنى: اي كتييير حابة 🙁😍
تهاني: وانا كمان ماعندي مشكلة روحي حبيبتي
جنى(بفرح): يخليلي ياكن يارب😍😍.
كان قصي حاسس بالغيرةو ماحكا شي
على امل مايسمحولا تروح
بس قرر يخرج عن سكوتو
قصي: وشو بتستفادي ازا رحتي يعني😏
جنى: بستفاد كتير ، الاستاذ حسام بدو يعرفني عالمصمم ،عم يقول انو هو كتير شاطر ، وانو لازم اتعرف عليه لااستفاد من خبرتو بمجال الازياء
قصي: ليش حضرتك ناقصك خبرة لحتى تستفادي من خبرتو😐
جنى: اي طبعا ناقصني كتير الانسان لازم يضل يتعلم ،

عاصم: شو ابن اخي لسا البنت ماصارت خطيبتك وبلشت بدك تفرض شخصيتك عليها😅
قصي: لا عمي مجرد سؤال عم اسألو لاعم افرض شخصيتي ولاشي🙂
وائل بهمس لبسمة: ياحبيبي هاد ابن عمك صدق حالو صار بدو يتدخل بحياتا 🙄 لجنى
بسمة(بسخرية): هههه 🙄قال يعني هو كمان مسؤول عنها ، مااغلظو ولو
وائل: ع فكرة انتي اغلظ لسا😂
بسمة: وانت اغلظ منا تنيناتنا😏
وائل: اي ولو عم امزح، بس انتي تقوليلي منسون 😏 وابو نضارة
بسمة: اي لانك فعلا منسون 😏 وضررريييب ،
____
ببيت فتون
فتون: شوماما بلاقيك مبسوط اليوم
ايمن: مبسوط وبس ، لك طاير عقلي من الفرح
فتون: ان شالله ع طول بس شو السبب فرحني معك ياقلبي
اطلع فيها بحماس وبلشو يلمعو عيونو
ايمن: اليوم شفتا
فتون: لمين؟؟
ايمن: للبنت يلي طرطشتا بالميات😂😂😂😍😍
فتون: اه ، نشالله ماتكون بهدلتك ،
ايمن: هلق هي كانت لسا مدايقة ،بس انا اعتزرت. منها وحزري شو
فتون: شو
ايمن : عزمتا على فنجان قهوة ، وقعدنا حكينا شوي
فتون: جد؟
ايمن: اي😍
فتون: ايمونة حبيبي كانك مهتم بالبنت زيادة
ايمن: اي وشوفيها ماما ، البنت عجبتني ورتحتلا وحابب اتعرف عليها
فتون: بس حبيبي انا خايفة عليك
ايمن: اي لاتخافي ولاشي ،مو كل اصابعك متل بعض ،شبك ام ايمن خليني كملك
فتون: طيب كمل ياروحي
ايمن: 😍 اسمها بسمة وبتدرس فنون وهي اخر سنة الها😍 لو تشوفيها قديش لطيفة ، بتجنن ماما بتجنن
لما سمعت اسم بسمة تزكرت سامر
وصفنت شوي
وهو كان عم يحكي وهي مو منتبهة
ايمن: ماما انتي معي؟
فاقت من صفنتها وقالتلو
فتون: اي ماما معك كمل
ايمن: وقلتلا ازا بتحب ساعدها بشي انا جاهز ، وقالتلي انو اي😍 يعني رح شوفها كل يوم من هلق ورايح ، يالله ياامي بتطير العقل ، انا شفت كتير بنات بس بجمالها ولطافتها ماشفت
كل شي فيها حلو ، عيونا وجها ، ولاشعرها ياويلي بيشل 😍
فتون(بضحك): لك ابني شو صرلك جنيت حبيبي😂 شو بعمرك ماشايف بنات
ايمن؛ شايف بس مو بجمالا
فتون: طيب صلي عالنبي قول ماشالله ليقوم يصرلا شي للبنت من عينك 😂🙄
ايمن: الله يسامحك ماما هلق انا بدي صيبا بالعين
فتون: لك امي العين الها حق ، الك ساعة بتمدح فيها ، بلكي طرقتا عين للبنت
ايمن: لا بعيد الشر ان شالله انا ولاهي 🙁
فتون: لك بعيد الشر شو هالحكي ،ماما ايمن مابعرفك خفيف هيك ،لك لسا هي تاني مرة بتشوفا للبنت بهالسرعة حبيتا
ايمن: من اول مااجت عيني بعينها عشقتها منيح هيك ، وقولي عني شو مابدك😒🙂
فتون: طيب بلكي البنت مخطوبة
ايمن: مانا لابسة محبس😌
فتون: بلكي حابة
ايمن(بعصبية): امي حاج تسكريا بوجهي 😐😑خليني فرحان
فتون: ههههه طيب طيب ، الله يهديك بس
---------------------
يتبع..

تكملة البارت ٣
بصباح اليوم التاني
بالجنينة
اجا على مقعدو ولقاها قاعدة مستنيتو ولافة رجل ع رجل
وائل: صباح الخير
غريس: صباح الخيرات
وائل: شو بلاقيكي سابقتيني اليوم
غريس: اي اي ، كان بدي اتشكرك عالروايتين😍😍
وائل: افف ليش خلصتيهن
غريس: اي خلصتهن
وائل: بهالسرعة😳
غريس: لكك اييي قراتن من الجلدة للجلدة
وائل: حلو ونشالله عجبوكي ،انسة غريس
غريس: بيجننو ، يعطيك العافية مبدع انت ،
وائل: شكرا هاد من زوقك يابطة
غريس(بعصبية): شوهي بطة شايفني سمينة 😠
وائل:هههه لك لا مو هيك ، بس هاد يلي طلع معي بعدين في احلا من البطة؟
غريس: اي ماعجبتني 🙂
وائل: طيب وزة
غريس: كمان مو حلوة😠
وائل: طب شو بدي قلك حيرتيني
غريس: الي اسم 🙂 ليش الالقاب
وائل: انا مافيني بلا الالقاب ، تخيلي عندي بنت عمي ، مسميها فارة الطحين
استغربت وبلشت تضحك
غريس: يبعتلك 😂😂 لك ليش هالاسم
وائل: اي لانو جد فارة الطحين ، بتنكش المشاكل من تحت الارض ، وعشق قلبها الفتن 😁🙂
وبتضل بتناقرني
غريس: اي وهيك بكون اسمها فارة الطحين😂😂
وائل: اي طبعا، 😂
غريس: وليي يامحلا البطة جمب هي😂😂
وائل: شفتي شفتي😂،
غيرت تعابير وجها وبلشت تحكي بجدية
غريس: بدي اسالك
وائل: تفضلي بطة
غريس: اختك نقتلت قتل ؟
وائل(بغصة): اي للااسف
غريس: طيب كيف هيك ، ماعرفتو مين يلي قتلها؟
وائل: الي عرفناه انو هي شبكة تجارة اعضاء خطفوها واخذو اعضائها وقتلوها وبعد فترة في شخص لقا جثتها بمكب نفايات💔
غريس(بحزن)؛ الله يرحمها يارب انا اسفة بضل بزكرك فيها
وائل: مانسيتا لتزكريني فيها هي طول الوقت بالبال والقلب
غريس: قلتلي المرة الماضية انها بتشبهني
وائل: اي كتير ، وقت عم شوفك عم حسها كانو هي قدامي
غريس: افف كل هالقد ، طيب ازا عندك صورة الها فرجيني ياها تشوقت شوفا
وائل: اي طبعا عندي ،تكرمي
طالع موبايلو وحط على صورة الها
كانت فعلا بتشبها كتير
اخدت الموبايل منو وصارت تتاملها لاحظت الشبه الفظيع بينها وبين اختو
غريس: يااا😳 ، الي قال انو الله بيخلق من الشبه اربعين ماغلط ، مو معقول كانها انا قبل كم سنة
وائل: شفتي انها بتشبهك
غريس: 😂😂 بتعرف صرت شك انو اهلي اهلي 😂😂💔
وائل: 😆😆 يعني معقول تكوني اختي 😂😂
غريس(بمزح): 😂 كانك متأثر بالافلام الهندية
وائل:😂💔💔اي والله كنت احضر كتير
غيرت لهجتا واطلعت فيه بجدية
غريس: ياسيدي الله يرحما وياخدلا حقها ويصبركن ع غيابها
وائل: تسلميلي يارب😊 ويخليكي لااهلك
غريس: شوبدك تعطيني اقرا
وائل: لك يخرب بيتك ماجبتلك شي معي
غريس: ليش 🙂
وائل: شو بعرفني😂 بدك تخلصيهن بسرعة ماكنت حاسب هالحساب
غريس: طيب ايمت بدك تجبلي
وائل: ايمت مابدك جاهز انا
غريس: طيب ميرسي وائل نصر الدين
وائل: العفو غريس خانم🙂
كانت والغيوم عم تتجمع بالسما
في غيمة كبيرة وسودة
ونسمات الهوا عالية
اطلع وائل عالسما وابتسم
وائل: ليكي هديك الغيمة مااحلاها
غريس: سودة شو الحلو فيها
وائل: الحلو فيها انو مليانة مطر ،
وخير
غريس: بهي معك حق ، بس نحن البشر دوم منحكم عالشي من شكلو البراني
وائل: انتي لحالك انا ماني هيك😁
غريس: بالله شو🙄
وائل: اي والله
صفنت فيه لثواني
بدون ماتحكي،وباالاخر
غريس: وائل انت مرتبط؟
وائل(بنظرة استفهام): سؤالك غريب ، بس رح جاوبك
غريس: تفضل
وائل: لا ماني مرتبط ،
غريس: معقول شب بعمرك وبمكانتك مو مرتبط
وائل: اي شو. الغريب يعني
غريس: الغريب انو عندك معجبات كتير معقول قلبك مادق لولا وحدة منهن
وائل: اي معقول
غريس: مو معقول شو مسطم😂😂
وائل: لك لامسطم ولاشي ، بس عم استنا البنت الي تعبيلي راسي.
غريس: اي شوهي اركيلة لتعبيلك راسك😂😂
وائل: مو هيك😂 بس انو كيف بدي اشرحلك🤔
انو هي البنت يلي قلبي يلهفلا. . ارتاح الها لحديثها حس بالحرية معها وماخاف من شي ابدا ، حس انو نهاري ناقص بدونها ، البنت يلي لما اطلع فيها حس بالامان ،
بلش يطلع فيها بطريقة غريبة وعيونو بلشو يلمعو وهو عم يشرحلا
وائل: فهمتي عليي كيف؟
غريس: فهمت 😁 الله ينولك مرادك
وائل: تسلمي بطة
غريس: طيب من قبل ماحبيت؟
وائل: مبلا حبيت بس من زماان كتير
غريس: ايمتا يعني
وائل: بالبكلوريا 😂تخيلي
غريس: اف ولهلق ماحبيت
وائل: هلق حبيت وماحبيت
غريس: وكيف هي 🤔
وائل: يعنيي مجرد اعجاب بس ،وماستمرت العلاقة ،
غريس: طيب ليش تركتو انت وتبع البكلوريا
وائل: ازا بقلك مابتصدقي😨😢
غريس: بصدق قول
وائل: الغبية سرقتلي قلمي وقت الامتحان😂😟😟
اطلعت فيه بصدمة وقالتلو
غريس: كانو احيانا بتحل عليك الزناخة بربك ولو🙄🙄😳

وائل: 😂😂 سامحيني ورتانها من اخي
غريس: هلق جد ليش تركتو
وائل(بخيبة): هي تركتني مو انا تركتا
غريس: اف ليش
وائل: لك انا كنت شب طايش ومن بنت لبنت ،
مع اني كنت بحبا والله ، بس مدري ليش دائما هاملها ، ملت بالاخير وتركتني ، حاولت كتير رجعها لاني جد كنت حبها من قلبي بس ماكانت ترجع
المسكينة تحملتني كتير، بس وحياة امي لما تركتني حسيت بقيمتها ، وصرت اترجاها لنرجع بس ماكانت ترجع بس بالاخر ستسلمت ، لانو جد انا مابستاهلها توجعت كتير بسببي ، هي وين وانا وين ،
غريس: طيب وهي وينها هلق ؟
وائل: تزوجت وصار عندها بنت وصبي ، وياحزرك شو سمت ابنها 😌
غريس(بمسخرة): وائل😏😅 اكيد
وائل: اي😌 على قد ماكانت تحبني ماقدرت تنساني ، من شي سنتين شفتها ، وطلبت منها تسامحني ، مدري حسيتها غصت اول ماشافتني
غريس: كل هالقد مأثر فيها
وائل: اي والله الظاهر كتير مأثر
غريس: ذكرتني بغنية مأثر فيي وبعيني
وائل: ع فكرة غنيتي المفضلة
غريس: جد؟
وائل: اي ،
غريس: شو رايك غنيلك ياها
وائل : ياريت والله😍
صفنت بالجو وبلشت تغني شوي شوي
غريس: مأثر فيي وبعيني شوي شوي عليي
ساكن فيي وحواليي وبقلبي وبروحي ،
لامابدي منك وردة بدي بالحنية
كانت حبات المطر الربيعي عم تنزل
وهي عم تغني ،
وصوتها اختلط بصوت المطر والرعد
كان وائل صافن فيها وعم يراقبها
وعم يحس بشي غريب
ماعم يقدر يوصفو ،
خلصت الغنية ،
وقالتلو
غريس: شوف المطر مااحلاه 😍
وائل: مو احلا من صوتك
غريس(باابتسامة): عنجد عجبك؟
وائل: بجنن ،
غريس : يالله الجو شلل شو رايك نمشي تحت المطر 😍
وائل: اي اكيد مابقول لا 😊
قامت ومدتلو ايدها
غريس: يلا قبل مايوقف
عطاها ايدو بحنية ومشي معها تحت المطر
كانت متل الطفلة معو ، عم تركض تحت المطر وتضحك،
وكان هو عم يتأمل بساطتها وبرائتها وعفويتا
ويبتسم بدون مايحس
كان في شي عم يشدو الها متل المغناطيس
وقفت بعيد عنو وفتحت ايديها تحت المطر وهي عم تضحك
غريس: وائل نصر الدين ليش واقف مكانك تعال
كان متبسمر باارضو وماعم يشبع تأمل فيها
غريس: يلا تعال شبك جمدت
راح لعندها وعطاها الجاكيت يلي لابسو ، وغطاها فيه ،
وائل: حاجتك بقا خلينا نروح هلق بتمرضي
غريس: بشرفك ولو بالعكس هالمطرات دوا
وائل: لادوا ولاشي تعي معي لوصلك ع بيتك.
غريس: هههه لك شو انا بنت صغيرة لتوصلني ،
وائل: لانو ازا ماوصلتك رح تضلي هون يلا معي ، عالسيارة
غريس: وسيارة كمان مابدي بدي ضل عم امشي
وائل: لك بس بقا يابنت حاج مشينا ، تعي معي لوصلك
غريس: مابدي 🙁
وائل: بلا عناد يلا تعي معي ،
غريس:طيب خلص روح انت ازا بدك
وائل: لامابروح ازا ماوصلتك ،
غريس(بااستسلام): ياالله منك ،
وائل: يلا معي عالسيارة
___
بالقصر
تهاني: شو ليش مارحت عالمجلة اليوم
زيد: مالي نفس 🙂
تهاني: ليش ماما فيك شي؟
زيد: اي فيني🙂
تهاني(بقلق): ولي على قلبي ،شبك ياماما شوعم يوجعك
زيد: شو عم يوجعني؟ عم يوجعني رشا 🙂 عرفتي شوعم يوجعني
تهاني(بعصبية): هييي علينا زيد مابقا نخلص من هالسيرة لسا رشا رشا
زيد: امي لك مشان الله حسي فيني انا ابنك ابنك لك انا بحبا للبنت مو باايدي بحبا بعشقا ،، وبدي ياها ، بدال ماتساعديني عم توقفي بوجهي
تهاني: لك ياامي والله انا ماعندي مشكلة مع البنت بالعكس البنت كتير محترمة، بس انا مشكلتي انها مابتجيب ولاد 😪😪
زيد: لك امي ، لاتجننيني بموت حالي ها ، لك هي شو ذنبها ، لك هاد شغل الله ،
تهاني: ياامي بعرف شغل الله لااعتراض ع حكمو ، بس انا بدي احفاد. مو معقول زوجك ياها واقعد اتحسر انو ماعندي احفاد
زيد: يالله بس امي الي بسمعك بيقول انا وحيد ،لك عندك جنى ووائل خلي يخلفو لحتى يعبولك البيت ،
تهاني: حتى لو خلفو ، بضل بيحترق قلبي على ولد الك
زيد: طيب وشو الحل
تهاني: الحل انك تنساها
زيد: لاهي مستحيلة مااما ، انا يابقنعكن برشا يااما مارح اتزوج يعني هيك هيك مارح تشوفي ولادي 🙂
تهاني: زيد لاتجننني ،رشا مو الك فهام بقا
زيد: لا الي ووالله ازا بتروح لغيري مابسامحكن منيح 😐💔
تهاني: بالله
زيد: اي والله
تهاني: لك ياابني ياعمري انت ، والله لو اضمن انها بتجيب ولاد عشرين بالمية لزوجك ياها، بس المخلوقة عاقر. وهي اطلقت لهالسبب هاد
زيد: طيب ياامي شو بيضمنلك ازا تزوجت غيرها يجيني ولاد منها ، شو بيضمنلك اطلع انا مابجيب ولاد🙂 انتي بتعلمي بالغيب؟
تهاني: لامعاذ الله ، شوهالحكي امي تف من تمك
زيد: مابدي تف يارب ازا مابتجوزها اطلع مابجيب ولاد هيك بس جكر
تهاني(بصراخ): لك بلا جنان شو هالدعاوي
زيد: حتى تعرفي قديش محروق قلبي

تهاني: لك سلامة قلبك ياروحي ،والله حاسة فيك بس مابيطلع باايدي شي ،
زيد: لا مالك حاسة فيني ، لوحاسة فيني كنتي رحتي خطبتيلي ياها باايدك
تهاني: لك اخ منك اخ بقلك تيس بتقلي حلبو لك زيد لاتضيق خلقي
زيد: امي طيب بلكي هي مافيها شي وجوزها تاهمها هالتهمة
زيد: لاتسرح بخيالك كتير مافي هيك شي
زيد: طيب شو عرفك ، طيب فرضي تجوزتها وبعد كم شهر طلعت حامل
تهاني: اي حاج تحلم.
زيد: لك امي ليش عم احلم انتي اكرم من الله
تهاني: لا ، بس الواحد يفكر بالمنطق
زيد: طب عم تسكريا بوجهي من كل النواحي
تهاني: زيد لاتعصبني خلص هالبنت بتنساها وبس
انتفض من مكانه
بقهر وقلا
زيد: اي لا مارح انساها، حطي ببالك واحد غيري كان اخدها خطيفة ، بس انا ماعم اعمل هيك لاني مابدي زعلكن انا بدي اخدها براضاتكن ، وبالاخر رح ترضو ورح اتزوجها ، مافي مجال تاني🙂
تهاني: لك شو معنى هالحكي عرفان حالك شو عم تخبص انت
زيد: اي عرفان وكتير
تهاني(بعصبية): زيددد روح من خلقتي ، مابدي سمعك كلمتين سم بدنك ،نقلع
زيد: انتو هاد الشاطرين فيه ،كل مابدي افتح هالموضوع زيد نقلع
تهاني: عم قللللك روح من وجهي
زيد: اي رايح ، بس برجع بزكرك انا يابتجوز الي بحبا ، يااما رح ضل اعزب
طلع من عندها وهو مزعوج
وسكرب الباب بقوة
تهاني(بعصبية): لك شو هالولد هاد رح يجبلي الجلطة ، شو اعمل بحالي انا .
_____
قدام بيت رشا
كانت راجعة من المجلة
وعم تقرب ناح بيتها
في شب واقف من بعيد كان عم يراقبها
حمل تلفونو واتصل
مجهول: ليكها اجت بس شفتني قربت ناحها بتشوف شغلك ،
وسكر التلفون وراح لعندها
مجهول: مرحبا ياخانم
كانت مستغربة منو لاانها لااول مرة بتشوفو
رشا؛ ياهلا؟؟
مجهول: انا اسمي خالد بدرس صحافة واعلام ،سنة اولى
وانا بقرا مقالاتك وكتير بحب طريقتك واسلوبك ،
وحابب اقعد معك لااستفيد من خبرتك ازا مافيها احراج
رشا: اي اهلا وسهلا ، بس انت شايف الوقت مناسب هلق؟ ماشايف المطر !
خالد: مبلا شايف ، فهمتيني غلط انا ماقصدي هلق ، ممكن اخد رقمك ، ووقت يكون الوقت مناسب ، بتصل فيكي ، وباخد منك موعد
رشا: اي مافي مشكلة ، سجل عندك
طالع موبايلو وصار يكتب الرقم
وفي حدا من بعيد كان حامل موبايلو
وعم يصورهن
خالد: شكرا استاذة رشا
رشا: ولو اهلا وسهلا ،
___
بالقصر
الساعة ٩ بالليل
اليوم عيد ميلاد بسمة وسكان القصر حبو يعملولا مفاجأة
كانو الكل مجتمعين حد المسبح
الخدم عم يجهزو الطاولة
وولاد عمها عم يعلقو الزينة
زيد؛ هلق قلة ناس يزينو بهالقصر. لحتى نحن عم نزين
نور: يااجدب ازا نحن زينالها المكان احلا😏 بتلاقيلها طعمة اكتر بتحس بمحبتنا الها
زيد(بمسخرة): ايووواافحمتيني يافصعونة
نور: ماانت من يوم يومك مفحم شو الجديد😂
كان بلال باايدو قطعة زينة وقعت من ايدو وفرط ضحك
كان ضحكتو عالية والها صدى
اما زيد فكان عم يطلع بنور هي النظرة😐
زيد: بلال يقطع عمرك عهالضحكة ، وانتي فصعونة عم تتمسخري ع سماري ما ، لك اي يصحلك واحد متلي. في احلا من السمر يامكيودة 😐
نور:😂😂 اي ولو عم نلطف جو
زيد: تضربي شو سقيلة 😒
ميرا: لك شتغلو بقا خلونا نخلص
زيد: اجت السيدة ملعقة تعطينا اوامر ،
ميرا: تضرب يعني شو بصير ازا ستعجلتو هلق بتجي بسمة
نور: اي لامن هالناحية اطمني
بلال: لك صح نور وين بسمة
نور: اتفقت انا ورفيقتا انو تلهيا عندها
لبين مانخلص
زيد: صايرة عم تشغلي مخك لك نور مابك شي
نور: لكن شايفني متلك بلا مخ 😏😂
بلال: ههههههه قوية هي
قرب لعندها ومسكلا خصلة من شعرها
زيد: شوقلتي وليه😒
نور: 😂😂تركني بربك لاتخربلي شعراتي
زيد: انا بلا مخ 😏
نور: 😂😂
زيد: احكي انا بلا مخ😏
نور: مابعرف😂 اسألهن
زيد: شباب انا بلا مخ ؟
ميرا: الصراحة اي 😜😝
زيد: حتى انتي وليه شم قرين
ميرا: 😜
بلال: فعلا بلا مخ😂
زيد: يخرب بيتكن كلكن عليي ، وائل تعا حكيلك كلمة دافع عني ،
التفت لعند وائل لقاه قاعد ورافع راسو للسما وصافن ،
قرب لعندو وهو مستغرب
وقف قدامو وبلش يلوح باايدو
زيد: وائل😳
وائل: ....
زيد: ولاه بشو صافن😳😳
ووائل بدنيا تانية
قرب لعندو وشال النضارات من ع عيونو
قطعلو صفنتو
وعصبه
وائل: زيد يقطع عمرك اي
زيد: ولاك تافه😳😳 بشو صافن
وائل: وانت شو دخلك 😒
زيد: انا شو دخلني😳 اضربك؟
وائل: زيد بلا غلاظة يرضا عليك تركني مروق 🙂
زيد: ايوا وشو الي مروقك كل هالقد
وائل: لك مافي شي شو بدو يكون في
من بعيد بلال : الله اعلم ابن العم هاد اخوك وائل عشقان
زيد:😳؟شوو
وائل: الله اعلم يابلال بدي اضربك الله اعلم
زيد: عنجد عشقان ولا🙄🙄

وائل: زيد حل عني انت كمان
بلال: مبلا عشقان 😂
وائل: اه والله وشلون استنتجت استاذ بلال اني عشقان؟
بلال: شفتك لما جيت😉 اليوم وتيابك مبللة بمية المطر ، كنت عم تمشي تحت المطر ياضرسان
وائل(متلبك): اي واذا مشيت تحت المطر بكون عشقان تضرب مااغباك
زيد: كنت عم تمشي تحت المطر؟
وائل: اي كنت عم امشي شوفيا انت كمان😒
زيد: 😳مع مين
وائل: لحالي 😐
زيد: بدون كذب😏

واخيرا تدخلت ميرا
وقفت وصارت تشوبر باايديها وتدبل بعيونا وتحكي بمياعة😂
ميرا: اي بتكون شي معجبة اجت لعندو وقالتلو
مرحبا مو انت وائل نصر الدين ،ياااي انا كتير معجبة برواياتك والشغلات الي بتكتبا ، وكتير بحبك.، بلييييز ممكن ناخد سيلفي ماتخجلني
كانو عم يراقبوها وفارطين ضحك على حركاتا 😂الي بتمثل كتير بنات لما يشوفو حدا مشهور
ميرا: وبعد مااخدو السيلفي ، بلشت الدنيا تمطر ،
بتكون قربت لعندو ودبلتلو بعيونا
ياي متر (مطر)
مسيو وائل بليييز خلينا نمشي سوا تحت المتر ماتخجلني، 😂😂قام وائل داب وماحب يخجلها بتعرفو قلبو كبير 😂😂ومشيو سوا ،ماضروري يكون عشقان ولو
زيد: اي واهم شي المتر😂😂😂
وائل:😂😂😂لك يبعتلك حمى ياميرا، نضبي وليه سيدة ملعقة
ميرا: ييي نشالله عدويني😐😂
نور: خلصونا هلق شتغلو قربت توصل بسمة
وائل: على سيرة بسمة جبتلا هدية😂 غير شكل😂
الكل: شو هي؟‘
وائل: هلق بتعرفو ،
، يلا خلونا نخلص
بلشو يجهزو كل الزينة
وخلال نص ساعة خلصو
والمكان صار كتير حلو
ورد وزينة وبوالين بكل مكان
وعالطاولة انواع كتيرة من الحلويات
قالب الكيك شوكولاه
ومحطوط عليه موديل ريشة والوان
وفوقو شمعة رقم٢١
الكل كانو مجتمعين
وعم يستنو بسمة توصل
ماعدا قصي وجنى
الاضواء بالقصر كلها مطفاية
وصلت بسمة ومعها رفيقتها
وكانت مستغربة ليه مافي ضو
بسمة: ييي مقطوعة الكهربا يعني. ليش مافي ضو🙄
رفيقتها: شبعرفني ادخلي هلق
شغلت ضو موبايلا
وعند ماوصلت لمكان الحفل
اشتغلت الاضواء
والموسيقى
وبلحظتها تذكرت انو اليوم عيد ميلادها
الكل: كل سنة وانتي سالمة بيسة
بسمة(بفرح): يامحتالين وانا عم قول ليش مافي كهربا😊
زيد: مابعرفك خرفانة هالقد، نسيانة انو اليوم عيد ميلادك
بسمة: اي والله😁😍
وائل(بحماس: يلا تعي حاج تدللي خلصينا بدنا ناكل كيك
زيد: ابو كرش😂😏هاد يلي هامك .
احتفلو وقطعو الكاتو
وبلشت الفقرة الاحلا فقرة توزيع الهدايا
كانو واقفين قريب من بسمة
قرب سامر لعند بسمة واطلع بالكل
سامر: لحظة انا بدي بلش قبل الكل 🙂 انا ابوها😒
الكل: تفضل
قرب لعندها وباس راسها وطالع من جيبتو مفتاح
سامر: كل سنة وانتي سالمة حبيبة بابا ، قد ماتقلت الهدية مابتعادل غلاوتك عندي انتي واخواتك لا والله
بسمة: يخليلي ياك ياحبيبي بس مفتاح شو هاد بابا؟
سامر: حزري😁😎
صفنت شوي واطلعت فيه وهي مصدومة وفرحانة
بسمة: مرسم؟ 😍😍
سامر: برافو بابا😊 هاد مفتاح مرسمك
يلي رح تصيري ترسمي فيه وتعلقي رسوماتك وفنونك يافنانة
قربت لعندو وضمتو وهي فرحانة
بسمة: دخيل قلبك شو بحبك شكرا الك بابا😍😍😍
سامر: مبسوطة !
بسمة: كتيرر لك تقبر قلبي ،بتعرف شو اول لوحة رح علقها 😍
سامر: شوو
بسمة: صورتك 😍
سامر: حبيبة قلبي ،
واجا دور امها
طالعت هديتا وعطتها ياها
وضمتها
ليليان: كل سنة وانتي سالمة ياقلبي
بسمة: وانتي سالمة ياروحي 😍 الله يخليلي ياكي
فتحت هدية امها واذا بتكون ساعة بتشبه الساعة يلي كانت مع بلال ،
اول ماشافها نصدم وتغيرت تعابير وجهو
بسمة: شكرا ماما بتجنن😍
ليليان: حبيبتي مافي شي من قيمتك
نور: يلا مين الي بعدو انا صار عندي فضول اعرف الهدايا
وائل: لحظة لحظة دوري انا
سامر: هات لشوف اتحفنا صهري😂😂
بسمة: بابا 😠😳 حتى هلق؟
راح لعند بسمة وعطاها الهدية
وائل: كل سنة وانتي سالمة فارة ان شالله العمر كلو تضلي مملية هالقصر وعم تعملي مشاكل
بسمة: شكرا ابو نضارة 😁
ضحك وعطاها الهدية تبعو
فتحتها وتفاجأت انو كانت الهدية نضارة متل يلي هو بيلبسها
الكل فرطو ضحك
حتى هي
وائل: ان شالله تكون عجبتك😂😂
بسمة: مااتفهك😂😂
وائل: هاي جبتلك ياها مشان ماتضلي تتمسخري ع نضاراتي
بسمة: شكرا 😂😂😂 الك يامنسون
زيد: لبسيها امانة 😂
وائل: لا والله ماحدا بلبسك ياها غيري
قرب لعندها وحطلها ياها
كانت لابقتلا كتير
وائل: والله لبقتلك
اطلعت بحالها بالمراية كانت كتير لابقة ع شكل وجها ،
بسمة: اول مرة بشوف حالي بالنضارة الطبية😍 شكرا ابو نضارة
وائل: بس هي مانها طبية متل يلي معي ،هي عادية
بسمة: بس كتير حبيت شكلي فيا😍
وائل: معناها لابقا تتمسخري عليي😏