دخلت على الحمام وبلشت تبكي بقلب محروق على حب حياتها بعدها مسحت دمعها وضبطت مكياجها وطلعت لبرا وبلشو الضيوف بيتعشو لاكن كانت عيون سند بتلاحق سوار بكل مطرح بتروحو وبعد مخلصو قدمو العصير والحلو وكان مدير الشركه بيلقي بكلمته وسوار واقفه خلفو وسند كان بيتاملها وكان قلبو بيعتصر من الالم لانو مو قادر بيحكي معها او بيضمها لصدره وبيستنشق ريحتها الي مشتاقلها كثيرررر
انتبه سند على سوار انها كانت تبتسم وبتطلع لآأخر القاعه لف وجهو ونتبه على شب بيلوح بأيدو لسوار كان نفسو يقوم يكسر راسو خلص المدير كلمته وبلشت الموسيقى وبلشو المعازيم بلرقص وسوار وقفت مع احمد وسالتو ليه اتأخر فحكالها انو مرق لعند والدها وطمن عليه وطلب من الممرض بيبقى عندو لحتى بيروحو وطلب انها ترقص معو وسحبها لنص القاعه وبلشو رقص كانت بتنظر لعيونو وهي خجلانه وهو كان نفسو بيطير فيها لسما وخبيها من عيون الموجودين الي تركو رقصهم وبلشو بينظرو الهم والكل بيجمع انهم اجمل ثنائي بهاي الحفله الا شخص واحد كانت الغيره عم تاكلو اكل وتمنا انو مالقيها ولا شافها بحضن شخص ثاني خلصو رقص والكل زقفلهم وسوار بلشت بتعرف احمد على مدير الشركه وزملائها لحد موصلت لعند طاولت سند
سوار : احم احم مرحبا هاد سند بيك ومدامته صاحب اكبر معرض سيارات بلبد واخو رفيقتي ايام الدراسه
احمد بيسلم عليهم : تشرفت بمعرفتكم
سند وهو بينظر لسوار بعصبيه : ونحنا اكثر
هبه : ممم عرفينا على هل شب شكلو طاير عقلو فيكي
سند مسك الكاسه الي في ايده وبلش بيضغط عليها وعيونو مثل الدم
احمد ابتسم ومسك سوار من خصرا وقربها لاألو :انا خطيبا وهي عقلي مو بس طاير فيها انا تعديت مرحلة الحب والعشق انا في اخر مرحله الي هي الهيام 😍
هبه بتنظر لسند: اوووووه تعلم منو كيف الحب
سند طقت الكاسه الي في أيدو وجرحتو: شكلو فاضي للقص الي مالا داعي
هبه :ولي جرحت ايدك
احمد : ايه فاضي حد بيشوفها وما بيتحرك قلبو 😡
سوار مسكت ايد احمد وهمستلو: منشاني لا تجادلو
نظر الها بحنيه: تكرمي.. انا بدي استناكي برا اعتذري من مديرك والحقيني .. عن اذنكم وتشرفت بمعرفتكم
انتبه المدير على سند انو بينزل من ايده دم فطلب من سوار انها تعقملو اياها واخذتو على غرفة مخصصه للاسعافات الاوليه وهبه بقيت بقاعة الاحتفال
سوار وجها احمر : تفضل اجلس على الكرسي لحتى اعقملك اياها
سند ماتمالك اعصابه حظنها بكل قوتو ونزلو دموعه : مشتاقلك كثيررر وكيف الك قلب تتركيني طول هاي المده اااااه ااااااه مو مصدق اني ضامك لحضني وعم استنشق عطرك
سوار استسلمت لحظنو وكانت بتحس بدفا وبلشو ادموعها بينزلو : اتركني بترجاك اتركني (كان نفسها انو ما بيرد عليها ويبقى حاضنها طول العمر)
سند: مممم لسا ما شبعت من ريحتك
دفشتو عنها لاكنو مسكها مع خصرا وبينظر بعينيها : ماشتقتيلي
سوار بتحاول بتفلت حالها منو :سند اصحا مالك انت كنت جزء من الماضي وانا زمان تخطيت حبك
سند وهو بيلعب بشعرا : كذابه عيونك بيحكو غير هيك
بتضربو بكعبها على رجله لحتى قدرت تفلت منو : صندوق الاسعافات حدك عقم جرحك لوحدك
كانت بدها تطلع برا الغرفه شافت هبه واقفه عند الباب وتنظر الهم بحقد وغضب
سوار بتحاول تبرر :هبه بترجاكي اسمعيني
صرخت فيها صوت : انت اسكتي
سند قرب لعند هبه وسحبها لجوا الغرفه : طمني صوتك وانتي بتحكي
هبه : واخيرا عرفت الصبيه الي ماخذه عقلك ...(وهي بتأشر باصبعتا على سوار ) هاي الي بلا قيمه واخلاق الي نزلت راس بيها على الارض لك مالها اصل ولابنت عز وجاه
ماحست الا كف حامي نزل على خدا
سوار وايدها على ثمها بتشهق : ليش عملت هيك
هبه وايدها مكان الكف : انا بتظربني منشان هيك وحده لونها مو رخيصه كان ماكانت بحظنك قبل دقائق
بيجي صوة من ورا زي الرعد هز الحيطان من قوتو : شو عم تحكي هاي
سوار غمضت عيونا من خوفها
بيقرب احمد وبيمسك هبه مع ايدها : انتي شو عم تحكي انتي وحده كذابه
هبه :فلت ايدي ليش بتحاسبني انا روح حاسب حبيبت القلب تظرب انت وياها وتركتهم وطلعت
احمد التفت على سوار وكانو عيونو شاعله نار : بدك تحكيلي شو قصدها هاي
سوار وهي تبكي: احمد والله انها فاهمه غلط ووالله ماعملت شي
غمض عيونو وبلع ريقو واخذ نفس : انا مصدقك بس انتي شو شغلك مع الاخ لحتى كنتم لحالكم
قرب سند ووقف بينو وبين سوار : هبه صادقه حبيبتك كانت بحظني لكنو غصب عنها ..قبل مابيكمل كان احمد ضاربو بكس ووقعو على الارض وبلش في ضرب وسند ماسكتلو بلش بيردلو الضرب حاولت سوار بتفكهم عن بعض لكن ماقدرتلهم وبلشت بتنادي على اي حدا بيفكهم وسمعها شبين واجو فكو بيناتهم
سند: والله لخليك تندم على البوكس يا كلب

احمد وهو بيتفلت: والله لشرب من دمك لك كيف تقرب عليها والله لقتلك ياحقر
الشباب طلعو سند برا وبقيت سوار مع احمد الي انجرح من عند عينو قربت لحتي تمسحلو الدم بعدها عنو وقام ومسكها من ايدها وروحها معو
اما سند بقي بسيارته بيستنا فيهم لما بيطلعو لحتى بيلحقهم وبيعرف بيت سوار
كان احمد بيسوق وهو معصب وسوار كل مابدها تحكي كان بيسكتها وصلو لبيت دخلت سوار على شقتهم واحمد دخل لبيتهم وشافتو امو
ام احمد: ييييي مالك يا امي
احمد : ولا شي
ام احمد : كيف ولا شي وانت الدم بينزل من عند عينك
احمد : ييييه منشان الله كلو جرح صغير مو مستاهل كل الي بتعملي
ام احمد : طيب شو سبب الجرح اكيد مقصوفة الرقبه الها ايد فيها
احمد : ماما خلص انا مو فاضي لتحقيقك اتركني تركها ودخل لغرفته وقعد على طرف السرير وشلح الكرافه ولحشها بعصبيه وحط ايدو على راسو : يارب ساعدني ماعم صدق الي سمعتو سوار بحظن سند طيب ليش ااااااخ راسي بدو ينفجر
اما سند انبسط كثير بس عرف وين ساكنه ورجع على بيته الي كانت تستنا في هبه ومجهزا حالها لطوشه كبيره
سند : استغفر الله العظيم من الاخر حلي عني مالي خلق احكي معك
هبه: بلا انا بدي افهم انا مو مرتك كيف هيك تظربني كف وتتركني بروح لحالي ولا كلو منشان خاطر ست الحسن والجمال
سند بيأفأف: بقلك اسكتي ولا بتشوفي شي مابيعجبك تركها ومشي
هبه:هههههههه اما خطيبها شب حليوه وكلو رجوله اكيد هاد الشب الي تركتك منشانو ههههههه
سند فقد اعصايو رجع لعندا وضربها وطلب منها تطلع برا البت
ورجع طلع من البيت ونام ليلتها بفندق
#يتبع
.......
#سوار
بقلم #امينه
الجزء التاسع
ورجع طلع من البيت ونام ليلتها بلفندق.. ودخل الجناح الي حجزو ومدد جسمو على السرير
سند : اف وبعدين معك يا هبه من لما تزوجتك وانتي منكده علي عيشتي ياااارب تصبرني لاني ماعم اقدر اتحملها اكثر من هيك.. غمض عيونو وبلش بيرجع بذاكرتو لما ابو ومرتو امل كانو بيقنعو في انو بيتزوج هبه
ابو سند: اسمعني منيح زواجك منها عمل انساني والبنت بتحبك بجنون
سند : بابا بترجاك لعاد تفتح معي الموضوع مره ثانيه انا مابدي اتزوج وانت بتعرف منيح اني بحب واستحاله ارضا بأنثى غيرا
ابو سند : ايه وينا حبيبت القلب.. خمس سنين وانت مابتعرف عنا شي لو انها بتحبك كان تواصلت معك ...يا ابني اكيد هلا متزوجه وعندها ولاد
امل : سند بترجاك توافق هبه موشايفه غيرك وهي مريضة قلب وبأي لحظه بتموت بترجاك حققلها امنيتا بزواج منك قبل مابتموت هيك هيك ميته وبعد موتا كمل حياتك والله معروفك ما بنسا انا واهلي بترجاك توافق
سند : ياربي ليش انا لتحبني ليش
ابو سند : يا ابني وافق منشان خاطر امل وخواتك
سوار وهو مغلوب على امرو : موافق
فتح عيونو وطلع بسقف : اه يا سوار لو ماهربتي ماكان وصلنا لهون
..............
في منتصف اليل بتسمع سوار خبط على الباب بتقوم مفزوعه وخايفه
ابو سوار : مين بدو يجينا بنص اليل
سوار : مابعرف افتح الباب
ابو سوار بصوت عالي : مين على الباب
احمد : انا احمد افتحو الباب
بتركض سوار بتفتح الباب
سوار : احمد شو في لحتى جاي بنص اليل
احمد : عمي تسمحلي احكي مع سوار برا
ابو سوار :خير يا ابني شو الموضوع المهم الي مابيتأجل لصبح ... واذا بدك تحكي معها ادخل لجوا
أحمد : عمي بدنا نحكي بسياره موضوع مهم و وعد اول مخلص بجبلك اياها لباب البيت ... امشي سوار خلصيني
انزلت معو وقعدنا بسياره
سوار : احكي شو بدك
احمد (ماسك مفاتيح السياره وبيحرك فيهم ) سوار انا لما قررت اني اخطبك ما هتميت لماضيكي لانو مابيعنيلي الي بيعنيلي انو من لحظة مانكتب اسمك على اسمي انا مسؤل عن تصرفاتك وانا بعرف كثيرر منيح انك مابتحبيني حاربت امي والدنيا منشان أخطبك ...كنت بحكي لحالي بس تتعرف عليك وتعرف قديش تعشقها اكيد راح تعشقك وانا من وقت خطبتنا وانا كنت احميكي واوقف معك ووقفت معك ضد امي لاني بعرفك قلبك طيب وما بتأذي حدا .... انا من اول مروحت وانا بدي الاقي مبرر للي حصل اليوم بدي تفسير وبدي الصدق اهم شي الصدق
سوار وراسها بالارض : قبل ما بحكي انت حابب تسمعني وتصدقني ولا حكمت علي وبس بدك تسمع ايش الي صار
سند مسك ايدها : انا حابب اسمعك لاني بعرفك منيح وعارف انو في شي غلط
سوار : بدي احكيلك كل شي بتمنا تسمعني للاخر وما تقاطعني (حكتلو عن كل شي من لحظة مانخطفت للحظة اجتماعهم اليلله )
احمد كان بيسمع وبينظر الها مو مصدق انو كل هل شي مرقت في
سوار : هي كل حكايتي وانت حر اذا بدك تصدق او تكذب
احمد : يعني منذر لمسك وسند حاول اغتصابك وطلعتي بتحبي ههههههههههههههه

سوار : ليش تضحك بضن الموضوع مابضحك
احمد خبط ايدو على تابلو السياره مرات متتاليه وكان بيصرخ ... سوار خافت من ردت فعلو ولتصقت بلباب
احمد مسكها من كتوفا وبلش بهز فيها : جاوبيني انا شو بلنسبه الك
سوار تبكي :........
احمد : بقلك جاوبي
سوار : انت خطيبي
احمد : بس .. انتي ما بتحبيني
سوار: خايفه منك بترجاك تهدا
احمد: حراام عليكي كل الحب الي بقلبي الك ماحسيتي في لك كنت اشتهي ضمك لصدري او بوسك واحملك مثل اي ثنين خاطبين بس كنت بدي احافظ عليكي ...احكي شي مره غصبتك على شي
سوار :لا . بترجاك اتركني
احمد : مابتركك الا لما بتقوليلي انك بتحبيني ولا لا
سوار: ......
احمد تركها : امشي معي لحتى وصلك عباب بيتك
وهما طالعين على الدرج
سوار تمسك ايدو: انت وعدتني انك تسمعني للاخر
التفت عليها وعيونو فيها حزن
سوار : انا محكيت اني بحبك ولا اني بكرهك احمد انا بس بدي شويت وقت مو اكثر وانا متاكده من اختياراتي وبعرف اني اخترت الشخص المناسب الي بكمل معو حياتي بس اعطيني شويت وقت
احمد : انتي لسا بتحبي سند
سوار وهي بتطلع بعيونو : انا وسند مو لبعض واوعدك اني اتجنبو اذا شفتو
احمد تنهد : ماشي
بلش بدو يكمل مشي لكن سوار سحبتو وحضنتو استغرب من تصرفها لكنو ماقدر يقاومها حظنها بقوه رفعت سوار عيونها في فطبع اول قلبه له على ثمها
ام احمد بصوت عالي : شو بتعملو انت وياها بدكم تبوسو بعض ادخلو لجوا مو عدرج البنايه
احمد: امي وطي صوتك لتصحي اهل البنايه
ام احمد : وانتي يا فلتانه شو بتعملي بنص اليالي برا بيتكم ..طبعا ابوكي مشلول وانتي فلتانه على حل شعرك
سوار : الله يسامحك يمرت عمو
احمد : امي اطلعي على البيت انا لاحقك
طلعت امو بعد ما سمت بدني وصلني لعند الباب وباسني على خدي ودخلت البيت وهو طلع على بيتهم .........
ثاني نهار قامت سوار كالعاده بتجهز فطور والدها وترتب البت بس حست انو والدها تعبان وجسمو مرتخي وسرحان
سوار: بابا حبيبي بيوجعك شي
والدها: مابعرف بحس بصعوبه بتنفس بنتي الحقيني ااااخ قلبي
ركضت على بابا وبلشت افرك ناح قلبو لكنو فقد الوعي جبت الكلونيا وحاولت صحي لكنو ماصحي بلش جسمي بيرجف واجري بيخبطو ببعض مابعرف كيف فتحت الباب وطلعت لعند شقة احمد وبلشت خبط على الباب فتحت ام احمد
ام احمد : خير لكان جاب الغلا .....مالك ليش شكلك هيك
سوار تبكي : عمتو الحقيني بابا مابعرف شبو
ام احمد : ايه شو بعملو روحي اتصلي بلاسعاف اااف
سوار : حرام عليكي هلا موقت نقار ... ااااااحمد ااااااحمد
اجا احمد على صوتها ولما شافها بلمنظر جن جنونو وعرف منها الي صار وبسرعه اتصل على الاسعاف واخذو على المشفى ودخلو غرفت الطوارئ ....احمد حاضن سوار وبيهدي فيها وقبالا ام احمد وهي بتعلك بتطلع عليهم من فوق لتحت ومو عاجبا وبعد بمده بيطلع الطبيب وبخبرهم انو فقد المريض والبقاء لله وسوار تسمع الطبيب من هون وتنجن وتبلش بتخط بلحيط وبتصرخ باعلى صوتها ....اتكفل احمد بكل مراسم الدفن وبيت الآجر وعملو عزا كأنو عندو ولاد وكان السند لسوار وحاول بيطلعها من حالت الحزن الي دخلتها ونجح ..... وسند بس وصلو الخبر كان جانن بدو يشوف سوار وبيطمن عليها لكنو ماقدر بيجي على العزا وبعد مرور شهر طلب من لين انها بتزو سوار وبطمنو عليها وصلها لتحت البنايا وحكالها بأي طابق ساكنه طلعت لين وطرقت الباب وفتحتلها سوار وبس دققت فيها عرفتها وحظنو بعض وهنا بيبكن
لين : خلص ولو بيكفي بكا
سوار : مو مصدقه انك عندي
لين : شكلي بدي ابقا واقفه على الباب
سوار : من قد ماانا مشتاقتلك انسيت اقلك تفضلي
دخلت لين وعملت قهوة وبلشنا حكي لحتى اخذنا الوقت
لين : يييي ادي الي قاعده
سوار : ههههه اخذنا الحكي
لين : انا تأخرت لازم اروح هلا
سوار بزعل : لا ولو خليكي والله ماشبعت منك
لين : مابقدر هلا ولادي بيروحو من المدرسه وسند بيستنا فيا تحت
سوار : سند تحت
لين : ايه هو الي طلب مني اجي لعندك لانو ناطف قلبو لحتى بيطمن عليكي ياحرام كان نفسو بيوقف جنبك بهيك ضرف بس خاف انو بيسببلك مشاكل مع خطيبك
سوار بحنيه: طمني اني منيحه والحمدالله مؤمنه بقضاء الله ..ووو(سكتت)
لين : كملي ليه سكتي
سوار : ممم كيفو وكيف صحتو
لين تبتسم : تعبان ومهموم
سوار بفزع: ليه بيوجعو شي
لين : لا بس اكتشف انو هبه ضحكت علي لحتا بيتزوجها
سوار : كيف يعني
لين: هاد يا ستي ....(وحكتلها كيف اقنعو بيتزوجها لانها مريضه) وبعد وفاة والدك بمده كان قاعد على البلكونه بلعتمه وهبه مو منتبها انو موجود اعتقدت انو طلع بيسهر برا البيت فسمعها وهي بتحكي مع حدا وفهم من حكيا انها ضحكت علي وعلى اهلا واقنعتهم انها مريضه لحتى تزوجه

سوار وايديها على ثمها : ييي علي شو عمل بس سمعها
لين بتنهيدا: طلقها لانو من لاول مابدو ياها وقبل اكم يوم خلفت وجابت بنت بتجنن سماها سوار وهي ماقبلت تاخذها وزتتها علي وهلا البنت عند امي وهو كل يوم يبقا عنا لحد مانام وبيروح على شقتو
سوار بتضحك: سماها على اسمي
لين : سوار سند بحبك اكثر مما تتصوري
صوت ام احمد بيعبي المكان
ام احمد : بتخوني ابني وبتحبي واحد ثاني ..طول عمري بحكيلو البنت هاي مابتنفعك سمعتها مو منيحه لانها كانت السبب برحيل ابوها من الحاره ومابيرد علي اه مانتي ساحرا
سوار : عمتو شو الحكي الي بتحكي في
ام احمد ضلت تردح وتصرخ وسوار تهدي فيها وطلبت من لين تروح قبل مابيوصل احمد وبشوف سند تحت ...وماسكت امو لحتى وصل احمد وحكتلو شو سمعت من سوار ورفيقتها احمد نظر لسوار نظرت توعد وطلب من امو انو تتركهم لوحدهم لكن مارضيت وضلت تزن قوق راسو لحتى يفسخ خطبتو منها لكنو ماسمع كلامها واخذ سوار وطلع برا البيت وبلش بيمشي بشوارع هو وسوار وكان في بعقلو الف علامة استفهام وبقي ساكت وسوار جنبو نفس الشي وبعد بمده
سند: بدي تختاري يا بنتزوج بكرا واذا ماوافقتي بدي افسخ الخطبه لانو بعرف انك مابتحبيني والقرار الك
سوار : بتحكي عنجد احمد اسمعني
احمد :اسكتي بكفي تلعبي بمشاعري انا مستعد استناكي العمر كله لو في بصيص امل انك تحبيني... اسمعي يابنت الحلال انا بدي ياكي زوجه لا الي بأراتك واذا مابدك راح قدر موقفك وعد مني ببقى جنبك وما بتخلا عنك
سوار وهي تبكي : ااااانا
سند : استني سوار
التفت احمد وسوار على مكان الصوت
احمد درجة حرارتو وصلت المليون : كيف تتجرأ وتلحقنا
سند بيمشي لناحيتهم : اعذرني ما كان قصدي اني الحقكم بس كنت خايف على سوار لتوقع بمشكله بسببي منشان هيك الحقتك لحتى بررلك الي صار
قام احمد ومسك سند من جاكيته : شو الي بدك ياه ..اتركني اعيش انا وسوار مع بعض بترجاك اتركنا
سوار : سند الله يخليك روح من هون خلص اطلع من حياتي
سند : احكيلي انك بتكرهيني وانتي بتنظري بعيوني وقتا راح اطلع من حياتك
احمد ترك جاكيت سند وطلع بسوار لحتى تجاوب
سوار كنت مابحب اني انحط بهيك موقف اني قرر بين قلبي وعقلي
احمد : جاوبي
سوار نظرت لسند وبلشو دموعا بينزلو مثل الشلال : اناااا ب ك ..... (وبلشت تبكي بصوت عالي ونزلت على الارض وكملت حكيا )مابقدر قوالها مابقدر..... سند انا بحبك بحبك
سند بدون وعي ركض لعندا وحظنها وهو بيبكي اما احمد كان مصدوم تركهم ومشي وبعدها فسخ خطبتو وتمنالها السعاده مع سند الي كانت الفرحه مو وسعاه ....
...............
بيوم فرح سند وسوار
سند كان متألق برجولته الطاغيه وسوار بقمة جمالها ونوعمتها بفستانها الابيض ...ونعملها عرس مثل ليالي الف ليله وليله ...وبعد اتتهاء الفرح اخذها سند على الفندف ودخلو على الجناح الي حجزو
سوار بتضرب بكتفو : نزلني
سند بيلف فيها: مو مصدق انك صرتي ملكي ...يااااااه واااااخيرا"
سوار : هههههههههه
نزلها وقرب عليها ومسكها من خصرا : ممممم شو رأيك بشلحك الفستان
سوار بخجل : مممم لا تحاول تعملا والا بنتحر
سند : هههههه ولي بتعمليها
وهيك تزوج سند وسوار وعاشو بحب لحتى بلش ينظرب في حبهم المثل ...وسوار ربت بنتو وحبتها كانها بنتها ووبعد مدة طويله من العلاج حملت وخلفت صبي بيجنن .... اما هبه تعرفت على رجال كبير بلعمر مقرش تزوجتو ونسيت اذا كان الها بنت اما لين فكانت متزوجه من زين الشب الي من عيلتهم وخلفت صبيان ثنين وبنت ....اما احمد فعد ما فسخ الخطبه بقي واقف جنب سوار وكان بيتوعد لسند لذا بيوم بزعلها راح بيلاقي بوجهو وما قدر بحب غيرها اما امو صابتها جلطه وانشلت مثل ماكانت تتشمت بابو سوار
........
سند : سواااااار
سوار : نعم بابا
سوار : نعم حبيبي
سند : يييي شو هل ورطه لازم غير اسم واحده منكم
سوار الصغيره: بابا انا بحب اسمي غير اسم ماما
سوار : طيب انتي سميني
سوار الصغيره : ممممم حبيبت بابا
سند وسوار :ههههههه
سند : اي شو رايك ياسوار الصغيره انتي واخوكي اخذ ماما منكم شوي
قرب من سوار وحملها
سوار : مجنون نزلني موقدام الاولاد
سند غمزلا : ممممم نتفاهم جوا 😉
#النهايه

بداية القصة 🤍🌸

رأيكن بالقصة🧚‍♀👇
@Stories_3_bot

قصة جديدة : #سلاسل_متشابكة

قراءة ممتعة"🌸♥️

#سلاسل_متشابكة
#الجزءالاول
بوحدة من المدن الراقية صفت سيارة فيها بنت قدام وحدة من أكبر الشركات أخدت البنت نفس عميق وزفرتو كمحاولة منها تخفف التوتر فتحت الباب ونزلت وهي عم تتطلع ع مبنى الشركة
شالت نظاراتها وسكرت باب السيارة وهي لسا صافنة بذكرياتها
وجوه..أحداث..أصوات..مشاعر..توتر..قلق..خوف.. كل هالشغلات كانت عم تعصف جواتها وعم توّلد جواتها حالة غريبة
عقدت حواجبها وحطت نظارتها جوا شنتايتها وبلشت تمشي بثبات بكعبها العالي يلي زاعجها ومو متعودة عليه والمكياج التقيل يلي مغيرلها ملامحها وخانقها وبطقمها الرسمي..
أول ما فاتت الكل كان مستغرب ومشدود لهالبنت العشرينية يلي اول مرة بشوفوها كان فيها شي جذاب يمكن عيونها العسلي الجذابات يلي عم يلمعوا ذكاء وثقة او بشرتها الحنطية المميز يلي عم يزيدها جاذبية مع شعرها المصبوغ بني وعم يتطاير على كتفها وأخيراً بعد طريق طويل بالنسبة الها وصلت للمكان يلي جايتلو
كان موجود سكرتيرة حلوة بأول عمرها عم تشتغل ع اللابتوب يلي قدامها أول ما سمعت صوت كعبها التفتتلها
شذى :لو سمحتي السيد هاشم موجود؟
السكرتيرة :عفواً مين حضرتك؟! يعني عندك موعد سابق معو؟
شذى :لاء مافي موعد مسبق
السكرتيرة :معناها بتأسف كتير مافيني أفوتك
شذى :طيب
قامت لترجع بس طلعت ع السكرتيرة شافتها رجعت لشغلها فاتجهت ع المكتب وفتحت الباب وفاتت
السكرتيرة :عفواً يا آنسة مابصير هيك شو عم تعملي
كانت شذى واقفة بأول المكتب وعم تطلع ع الشخص يلي بارك ورا المكتب
كره..حقد.. وجع..رجفة
كل هالشغلات تجمعوا جواتها وهي متبسمرة عند الباب و محافظة ع ملامحها هادية
اطلع هاشم في هالبنت الغريبة يلي أول مرة بشوفها وفي شي جذبو الها وضل يطلع فيها
السكرتيرة :آسفة كتير يا بيك ما بعرف كيف فاتت هيك وأنا قلتلها ممنوع
طلع فيها للسكرتيرة واشرلها بايدو تطلع هزت براسها وطلعت وماضل حدا بالمكتب غير هنن التنين
ساد الصمت للحظة وهنن عم يطلعوا ع بعض
هالرجال يلي بارك ع الكرسي صار عمرو بأواخر الخمسينات
الشعر الأبيض كان معبي راسو ، كان طويل وصحتوا منيحة ولابس طقم رسمي بس شالح الجاكيت الفوقاني..
رفعت ايدها ع شعرها المموج ورجعت خصلة لورا أدنها وحكت بكل أكابرية
شذى :بعتذر كتير منك ع التصرف اللي بدر مني بس أنا ضروري أحكي معك ، الموضوع كتير حساس ومهم
أشرلها بإيدو وهو عم يسكر الملف يلي بين إيديه منشان تبرك
حركت اجريها وبركت وحطت الشنتاية بحضنها
هاشم وعيونوا عم تتفحصها :شو بتحب الآنسة الامورة نشربها؟
شذى بابتسامة صفرة :مافي داعي مالي مطولة
هاشم :موضوع مهم ومالك مطولة صار عندي فضول أعرفه
شذى :طيب متل ما بتحب بس بدي منك تضل هادي وتسمعني للأخير
هاشم :هاتي لاشوف آنسة ..؟
شذى :هلق خليني احكيلك وبعدها بقلك اسمي
هاشم باستغراب :طيب
شذى :احم.. ههه انا بنتك
هاشم :عفواً ؟
شذى :متل ما سمعت
هاشم :شو هالسخافة هلق عملتي كل هالبلبلة حتى تحكي هالكذب والسخافة
شذى :لازم تكون صبور وتسمع
هاشم :اسمع انك بنتي ههه بالله من وين جيتي لتكوني نزلتي من السما ومو دريان
شذى وهي عم تتصنع الثقة :تقريباً ما توقعت ردة فعلك هي وخصوصي إنك صاحب علاقات متعددة
هاشم :شو هالكذب إنت شو عم تخبصي بعدين..
شذى بمقاطعة وبنظرات تحدي :جيسي بذكرك هالاسم بشي؟
سكت هاشم شوي وبعدها نطق
هاشم باستنكار :لاء
شذى :لااا رح نزعل من بعض هيك ارجاع بذاكرتك 23سنة لورا تذكر مرة أمريكية حلوة كنت على علاقة معها صراحة بجوز ما تتذكر لاني ماشاء الله علاقاتك كتيرة
هاشم :ما بسمحلك بهيك اتهام باطل وبعدين انت شلون بتعرفيها وشو بدك منها؟!
شذى :منها ما بدي شي لاني الله يرحمها راحت وتركتني بس منك بدي كتير
هاشم :هلق بدك تضلي تحكي هيك احكي كل شي عندك مو فاضيلك
شذى بثقة :طيب خلينا رايقين لأني هلق رح احكيلك حكاية مو حلوة بالنسبة الي إنت قلتها أنا نزلت عليك من السما وعم قلك إني بنتك اكيد ما جيت من العدم
هاشم بمقاطعة :اذا ما بتحكي كلمة مفيدة طالب البوليس يشحطوكي
شذى بكره :أعصابك بابا أعصابك
هاشم وهو عم يكز على أسنانو :انا ماني أبوكِ وانت شكلك ما بتفهمي
شذى :خلص رح احكي روق القصة بلشت من23سنة جيسي البنت الامريكية تعرفت على شب وقدر يخطف عقلها وقلبها ويلي هو انت وصارت بيناتكم علاقة رغم انك كنت متزوج وبظن عندك ولاد كانت تحكيلي عنك وانو وضعك كان عادي حتى انت كنت عادي ومتزوج ما بتعرف شو حبت فيك خنت مرتك معها وضليتوا على علاقة فترة منيحة ، كل ما تقلك خلينا نتزوج تتهرب وتتحجج حتى لو بالسر ماكنت ترضى صح؟
هاشم بغضب :انت شو عم تخبصي حاج كذب
شذى :ياريتو كذب كنت ما اجيت على هالدنيا

هاشم :روحي كفي بلاكي عني أنا رجال والي مكانتي شلون جاية تتبلي علي بهالحكي
شذى :حبتك كتيير كتييير بس انت كان كل همك تقضي وقت مع بنت حلوة متلها رح اختصر لأني شايفة أعصابك ما عاد تتحمل ، كنت أنا نتيجة هالعلاقة حملت أمي فيني وأول ما عرفت فرحت وخافت بنفس الوقت كانت بتعرف إنك رح تخليها تأجهضني وإنك بحياتك ما رح تكون معها منشان هيك قررت تخفي هالشي وترجع لبلدها وهي حاملة بين أحشائها شي منك
حبها إلك خلاها تضحي بكل شي بحياتها حتى تكبرني وتشوف شي منك دائماً حوليها جابتني على هالدنيا وسمتني ليانا حلو هالاسم ما؟! الإسم يلي بتحبوا صح؟!
كانت دائماً تتمنى أطلع بشبهك وليكني طلعت بشبهك ههه كانت كل ما تطلع فيني تتذكرك رغم إنها كانت بتعرف إنك نسيتها
كان هاشم صافن وعم يتسمع ع كل حرف عم تقولوا وخلايا جسمو عم ترتعش كلامها وتّرو صار يفكر اذا حكيها صح مستحيل حدا يعرف كل هالشي وكلامها كلو منطقي
هاشم :اي يعني شو هلق شو بدك؟؟
شذى :بدي أنفذ وصية أمي
هاشم :جيسي ماتت؟!
شذى :هههههههه لا تقلي زعلت عليها هاه ما بصدق غريب والله
هاشم :شو كانت وصيتها؟!
شذى :وصتني أجي لعندك أرجع ع البلد يلي حبتك فيو أخليك تتعرف علي وتسجلني على إسمك؟ أنعرف مين أنا وقت ينذكر إسمي قدام حدا يعرفني ، اكمل دراستي هون وأعيش معك مع إنو مو حابة كتير هاه بس شو بدي اعمل
هاشم :اي.. وبعدين لهلق مافي شي بأكدلي إنك بنتي
شذى :ههه كل هالحكي والتفاصيل ما اثبتتلك؟! والله كانت امي حافظة طباعك منيح
هاشم :شو قصدك
شذى :قبل ما تختفي أمي أخدت منك شعرة ومن أول ما ولدت عملت تحليل DNA فيك تشوفو وتتأكد إنو من22سنة معمول
فتحت شنتايتها وحطت التحليل قدامو أخدو وبلش يتاكد من حكيها
شذى :واذا لسا عندك شكوك تفضل
وطالعت من شنتايتها عينة دم وكرت
شذى :فيك تتاكد بنفسك هادا دمي قدامك اعمل يلي بدك ياه وتأكد شلون ما بدك وبس تخلص هادا كرتي فيك تتواصل معي وانظبط الأوراق وأصير بنتك عن جد وقدام الكل
هاشم :بس أنا ماني مستعد أخرب سمعتي وحياتي منشانك كيف رح برر للناس مين انت؟! أنا ماني مستعد أخرب شي حتى أعترف فيك
وقفت شذى وابتسامة ساخرة على وجهها وطالعت نظاراتها ووقفت بثقة
شذى :مع الاسف بعدها الفضيحة بتصير أكبر ورح نضطر للأسف نوصل للمحاكم ولا تفكرني ما بفهم بهيك شي لا لا معك ليانا طالبة سنة رابعة حقوق يالله تشاو يا....بابا
تحركت وهي راسمة إبتسامة نصر على وجهها بعد ما خلت هاشم يتعرق من التوتر وضل شارد بمكانها
وأخيراً وصلت للسيارة وزفرت أنفاسها وكأنما حمل وانزاح عنها وقالتلو للشوفير يوصلها ع البيت وهي اتصلت بحدا
مجهول :بشري
شذى :كلو تمام التمام
مجهول :اكيد؟؟ما شك بشي او سأل كتير
شذى :هو يسأل وانا اجاوب واسألتو كلها رديت عليها بطريقة منطقية متل ما خططنا
مجهول :وكيف شفتيه
شذى :انا بقول الخطة رح تنجح أكيد عرفت أمثل عليه تمام وشفتوا اقتنع هلق ضل الباقي عليكن
مجهول : تمام خلص نحن منعرف شغلنا
سكرت الخط ووصلت ع بيتها وأول شغلة شلحت الكعب وشالتوا بايدها وطلعت ع الدرج وفتحت باب بيتها وفاتت بسرعة وتطلعت ع المراية
شذى :ياربي دخيلك هدول شو عاملين فيني مين أنا جد طالعة بشبه نساء الاعمال بس شو بدنا بالحكي بيلبقلي يييييي ياربي حاسة وجهي رح يختنق بهالميكب وين المزيل الله يقرفن كيلو بودة و مكياج مشكل ملون حطولي آآآآه لك شلون الواحد بيرتاح بهالتياب
بلشت تمسح مكياجها كلو ولبست ونزلت ع الجامعة
________
توجهت ع الطاولة يلي باركين عليها بنت وشب
كانو التنين باركين عم يحكوا وأول ما شافوها عملوا حالهن ملتهيين بهواتفهن
شذى :مرحبا شباب
...ماحدا رد
شذى :شبكن ردو
...
شذى :هلق أمانة هيك؟ لك حرام عليكن بدل ما تدعموني
نور :امممم اي الحق علينا
شذى :لك ليش هيك عم تعملوا أمجااااد رد علي
أمجد :أول شغلة لا تمطيها تاني شغلة جد مالنا حق ما نرد عليك لأني نحن رحنا متل الهبلان مع عالم لعند عالم وشكّينا حالنا بالمشاكل وألف قصة مااا؟
شذى :لك يا عيني يا روحي هادا حقي أنتو بتعرفو شقد عانيت (كملت والحزن بلش يتخلخل بين كلماتها) نحن قضينا كل حياتنا بالتعتير بسببو وهو وين عايش بعز ولااا لك تخيلوا قال ما بيعترف فيني بخاف ع سمعتو الحقير
نور بحدة :شذى
شذى : لك حقير وواطي كمان لك اشو مارح أعمل فيو قليل
أمجد :هه مارح تحسني تعملي شي ..لك قصتكن مبينة متل عين الشمس مارح تظبط
شذى :ههههه لا تضحكني لك انتو ما شفتو كيف كان عم يطلع وكيف العرق صار يشر منو وأنا عم أحكي معو إذا بكرى ما بشلحو كل مصرياتو وبزتو متل الكلب متل ما زتنا ما بكون اسمي شذى
نور :لك انا ماني عارفة ليش عم تتعبي حالك وكل هاللفة والدورة ليش من الأول ما بتشتكي عليه وخلصنا

شذى :مين قلك القانون بجبلي حقي؟ كل شي عندو نظامي مافيني أرجع مصارينا ..القانون ما بيعتمد ع حكيي وحكيك
أمجد :شذى طلعي نحن خايفين عليك يلي عم تعمليه غلط ورغم هيك أجينا لعندك انا ونور حتى ما نتركك لحالك عفنا أهلنا وغيّرنا كل حياتنا منشانك بس انت كل هالناس ما بتعرفيهن كيف هيك بتتعاملي معهن في بمخك شي؟
شذى وعيونها دمعو :هالناس يلي ما بعرفهن كانو أحسن منو أربع سنين وهنن يساعدونا أنا وأمي وما يخلونا نحتاج شي كانو أحن علينا منو يلي نحن من لحمو ودمو
قامت نور لعندها وضمتها
نور :خلص يابنتي خلص نحن معك ما هيك أمجد؟
أمجد :..
نور :أمجاااااااد
أمجد :ورصاص ايه؟ وحاج تقولي أمجاد بفكر حالي بنت
شذى :ليش انت شو؟
أمجد :وجاااع ان شاء الله قومي انت وهي ع محاضراتكن يلا
نور :لاااع أمانة دكتور المحاضرة كتير غلييييظ قلعني هديك المرة لأني فاتحة المسلسل بمحاضرتو
شذى :تؤ تؤ تؤ شو لئيم ما بتستاهلي ابداً
أمجد بانفعال :لك انت ما بتشبعي مسلسلات لك يقصف عمرهن بالمحاضرة يا آنسة فاتحة لك بالمحاضرة؟؟؟ لك خربولك عقلك والله خربوه
نور :لك اييييه شبكن انبحتو
شذى :وعصييييه خلص امشي اعزمكن
أمجد :لوين يا مهون
شذى :ع الاكل
أمجد :ومحاضرتك يا آنسة انت التانية انت ونور ع محاضراتكن يلا
شذى :أمجد الله يخليك والله تعبانة مالي قدره بعزمك ع حسابي انت وهي يلي نص أختك ع شاورما وبيتزا هاه
نور :باطلة ومحولة ساعة يلي أمي رضعتو
أمجد :ييي استني رح موت قالولك رح اقتل حالي لو ماكنتي اختي؟ لك انا اصلاً وقت الناس بتسألني مين هي بقلهن رفيقتي
نور :هه انا احياناً بقلهن ما بعرفو يعني اذا بقول رفيقي بكون عملتك شي شغلة
شذى :هههههه لك خلصونا بعدين بتتبروا من بعض امشو هلق
أمجد :بس هالمرة... المحاضرة يلي بعدها رح تحضروها هااه
نور وشذى :هااه
________
منرجع للمكان يلي بلشنا منو بشركة اوزديمير
كان بارك ع مكتبو وحاطت راسوا بين ايديه وعم يفكر بالمصيبة يلي طلعتلو هالمصيبة يلي رح تقلب حياتو واحتمال تضر سمعتو رفع سماعة الهاتف بتثاقل ودق ع المخبر حتى يجوا ياخدوا دم منو ويعملوا تحليل
______
ببيت راقي فتح الباب وفات ع مهلو حتى ما تنتبه امو بس دقائق وسمعوا امو عم تناديلو
هبه :أحمد
أحمد :نعم
هبه :انت ايمت جيت؟ وليش ما ندهتلي احطلك أكل ؟
أحمد :ما حبيت أتعبك والوقت تأخر
هبه :لا حبيبي معلش هلق رح احطلك أكل عبين ما تغير وتنزل لعندي لأني لاازم نحكي
أحمد :ماشي
طلع أحمد ع غرفتو وراحت هبه ع المطبخ تعمل أكل بعد دقائق نزل أحمد وبرك يسليها وهي عم تعمل أكل
هبه :أحمد كيفو هاشم؟
احمد :ما بعرف
هبه :شلون يعني ما بتعرف هادا ابوك ولا حدا غريب؟
احمد :....
هبه :شايفتك سكتت.. ياماما شو ما كان بضلو أبوك وما بصير هيك يعني إذا اخترت تعيش معي خلص بتنساه ولا كأنما عندك أب
أحمد :أنتِ بتعرفي كيف علاقتي في أبي وبتعرفي اني ضليت معك لاني مابحسو اصلاً أبي هو ما كان يهتم فينا واهملنا قبل طلاقكن كتير لك الحق عليه مو علي
هبه :إبني الله يرضى عليك لاتقسى بعرفك حنون وشو ماصار بيني وبينو بضلو أبوك وإذا بدك تضل هيك رح أزعل منك هااه
احمد :ماشي متل مابتريدي يا ست الكل❤
________
بعد اسبوع
شذى :ولك نور ولييييييك فلتينييي
نور :مااابفلتك لتشلحي بنطرونييييي
شذى :ماااا رح اشلحوو إنت دائما بتلبسيليي غراضي ولاذكرك آخر مرة لبستي بوطي الأبيض رجع لونو أسود
نور :هو اصلاً كان وسخ ما دخلني اذا إنت مأنشحة ما بتنضفي غراضك
شذى بشهقة :هيييييييه انا مأنشحة ياكركمة
أمجد :ولك بس بس حاااج خناااق صرعتونااا لميتوا علينا الحارة
شذى :قلها لهالدبة تفلتني
نور :انا دبة وليك جردونة ..أمجد قلها تشلح بنطروني هالحرامية والا رح تصير صلعة قريباً لاني رح نتفلها شعرها
شذى :لك العماا أنا حرامية؟! سامعها ولاا وبتهدد كمان الآنسة المصون مفكره خفت
أمجد :لك بااااس بسسسس صرعتوني جننتوني لك انا عايش مع ضراير شي لك لسا فوق ما الطب مجنني اجيتوا انتو تسطفلوا انا رح آكل البيتزا(كمل وهو عم يتمسخر عليهن ويحكي بصوت بناتي) وانتو ضلوا تخانقوا ع البنطلون والروج ومدري شو
بعد هالكلمات يلي نطقها أمجد فكوا البنات بعضهم وهجموا عليه بكم عضة وقرصة وشوية حركات من جونسينا حسنوا ياخدوا الأكل ويمسكوا تلت رباع البيتزا وشلفوا الباقي لأمجد وبركوا كلن ياكلوا ع الأرض
رن هاتف شذى وطلعوا المتصل وأول ما شافو أمجد كش وصار يطلع بشذى
أمجد :ردي ردي ع باب المصايب
شذى :لك أمجاااااد خلصنا صار ألف مرة حكينا بالموضوع
مسكت هاتفها وردت
المجهول :الو

شذى :اهلين حازم
حازم :كيفك ان شاء الله منيحة
شذى :اي تمام شوفي عندك
حازم :عندي الشغل بلش
شذى :وانا جاهزة اشو صار؟
حازم :يعني اشو رح يصير متل مو مخطط بالضبط
شذى :هه كأنما هالهاشم رح يوقع وما حدا يسمي عليه
حازم :ولوو مو نحن وراك ولك رح نخليه يصير بسابع أرض
شذى :ان شاء الله شو الخطوة يلي بعدها
حازم :استني منو اتصال وجهزي حالك واذا ما دق خلال يومين روحي انت لعندو وهزيلنا ياه هز واذا بدك رح ابعتلك مصاري تشتري غراض وترجعي تروحي عند الكوافيرة
شذى :لا مافي داعي عم استخدم المصاري يلي بالبنك
حازم :معلش رح احولك وتبعزقي فيهن بس اشتغلي منيح
شذى :أكيد لا توصي
حازم :تمام يلا سلام
شذى :سلام
نور :شووو صار
شذى بفرح :رح صير بنت هاشم
نور :اااخ منك بس لأشوف لوين آخرتك
أمجد :آخرتها يكشفها ويعمل فيها البلاوي السودة لك هنن مفكرين بخطتهن الفاشلة هي رح يحسنو يضحكو عليه ويقشطوا مصرياتو
شذى :حاج تقول فاشلة مالك شايفها ماشيه متل الصلاة ع النبي ورح تنجح وحاج تستخفوا فيني لك الزلمة أصغر التفاصيل وأدق الشغلات عملها وأخد بالو منها كل شي محسوب ع الليبرة
أمجد : اوف رجعنا للبداية نفسي أسلخك كف يطيرك ويصحيك لك شذى انت فايتة بلعبة خطيرة مع عالم مجهولة لمكان وسخ وبدك مننا ما نخاف عليك
نور :انت بتعرفي شو بصير فيني بلاكي انت روحي وقلبي وحياتي لك أمانة حاج بطلي من هاللعبة
شذى :ههههههههه حلوة هي اشو مفكرة لسانا عم نلعب بالحارة ووقت بدنا منقول ستوب
أمجد :ههههه سبحاان الله مين الضراير يلي كانو من شوي عم ينتفوا بعض
شذى ونور :أمجاااااد
أمجد :🙂
_______
بعد أربع أيام كانت شذى (ليانا) باركة بمكتب هاشم وع وجها ابتسامة مشرقة حتى تغيظ هاشم يلي كان حاطت العقدة بين عيونو وبارك
هاشم :فيني أعرف سبب زيارتك هي يلي مالها طعمة
شذى بدلع مستفز :لاا بابي يعني انا قلت أكيد يا بنت أبوك اشتقلك مالك غير تحملي حالك وتروحي تشوفي اش اخبارو بما انك ما بعتلي أجي بالله كيف هالمفاجأة
هاشم :حاج سخافة شدي حنكك واحكي متل العالم والخلق
شذى :ههه طيب انا جيت أشوف اش طلع معك يعني يااا بابي كأنما أخد معك الموضوع زيادة والنتيجة وطلعت
هاشم :وانت اشو عرفك
شذى :ههه لا هي سر بعدين بقلك ياه
هاشم :هلق انت ليش جاية بالضبط حاسك جاية تعصبيني وتروحي
شذى :خلص رح بلش بالجد احم احم
هاشم :تفضلي احكي خلصيني
شذى :اي المهم ايمت حابب يا سيد بابا تعترف فيني لاني أنا مليت واذا مليت بتعرف اشو بصير؟؟
هاشم :....
شذى :لك اسألني اشو بصير شبك خود واعطي
هاشم :لياناا
شذى :انا إذا مليت بصير بدي شي أتسلا فيو ومافي شي بسليني أكتر من الفضايح ولسا وقت الناس تبلش تلت وتعجن فيو ويحكوا اشكال ألوان وأنت سمعتك بتصير بالأراضي ياا لطيييف قديش رح آكل بوشار وأضحك وأنبسط
زفر هاشم بضيق ورجع يطلع بشذى يلي وترتلو اعصابو استمر الصمت لدقايق بعدها
هاشم :تمام
شذى :اي شو طلع معك بعد هالصفنة يا حجي
هاشم :حاج تحكي هيك بهالاسلوب لاني بحس فيو قلة أدب
شذى :بما إنك أبي مقبولة منك هلق عطينا الزبدة لك حجي
هاشم :استغفر الله بس ليك آخر هالأسبوع يوم الخميس رح أعمل حفلة هون بالشركة ورح أعزم عليها ناس كتير ورح عرفهن على انك بنتي من مرتي التانية ويلي كنت منفصل عنها وانك كنتِ عايشة مع امك برا البلد حتى ما الناس تتوسع بالموضوع أكتر
شذى :بصير بتعرف.. خرج تكتب سيناريو بيطلع معك شي ظريف
هاشم :أسلوبك هادا عم يستفزني بطلي أحسن الك
شذى :لااا بلشنا من الأول بدك تتحكم فينا طلع فيني منيح أنا طول عمري عايشة حرة وعم أعمل يلي براسي ف لا تتوقع مني أعمل شي منشان حدا
بلشت ملامح الغضب تنرسم ع وجه هاشم يلي صار شكلو بخوف عن جد
شذى :خلص بتأمر آخر الأسبوع رح أجي ع الحفلة وما رح أعمل شي غير اني أصير بنتك روق خلص ..خلص قايمة أروح وين غراضي هااه ليكن السلام عليكم حجي بس ماقلتلي أي ساعة؟
هاشم وهو عم يكز ع سنانو :10
شذى :تمام
طلعت شذى من المكتب وللصدفة شافت أحمد (ابن هاشم) جاي ع مكتب أبوه ابتسمتلو بطريقة لطيفة لفتت نظر أحمد لدرجة بعد ما صارت وراه التفت لجهتها وطلع لعلو يعرف مين هالبنت بس ما طلع معو شي وكمل ع مكتب أبوه وأول ما شافو ابوه قام لعندو وضمو بحب كبير
هاشم :اهلا وسهلا نورت الشركة اش صاير بالدنيا حتى أحمد بيك جاي وزايرنا
احمد :ولا شي بس قلت صرلي زمان مو شايفك
هاشم :تعى ابرك ولا شو رأيك نطلع نتغدى؟
احمد :لا معلش جاي شوي أشوفك وأطلع
قاطع حديثهم دخول السكرتيرة بعد ما دقت الباب
السكرتير :هاشم بيك بخصوص البنت يلي من شوي
هاشم بمقاطعة :هاتي لأشوف شو طلع معكن

السكرتيرة :البنت اسمها ليانا عمرها 22 كانت عم تدرس بأمريكا محاماه أمها إسمها جيسي أمريكية من تلت شهور ميتة وليانا أول مرة بتجي ع البلد من شهر ولسا ماسجلت بالجامعة حتى تكمل دراستها
هاشم :طيب وين عايشة وشو عم تعمل بحياتها
السكرتيرة :للاسف يا بيك أول مرة أجت ما حسنا نلحقها ونعرف وين عايشة فاتت ع بناية وبعدها اختفت وسألنا عنها قال مافي حدا بالبناية بهيك اسم
هاشم وهو صافن :ماشي ارجعي ع شغلك
احمد :شو مين هالبنت وليش كل هالمعلومات عنها
نزل هاشم راسو وملامحوا تغيرت وزفر بضيق
هاشم وهو صافن :هالبنت ما بعرف اشو بدي اقلك غير انها مصيبة جايه من السما هيك بدون اي مقدمات اجت وطلعت بنتي
ضل احمد صافن بأبوه وهو حاسس خلايا مخو وقفت لأني انصدم وما عاد عارف يفهم او يفسر الكلام يلي طلع من ابوه ضلوا دقايق ساكتين بعدها قام أحمد وطلع عايف هاشم عم يطلع ع مكانو بحسرة
_______
من أول مافاتت ع البيت وهي شامة ريحة طيبة وريحة اكلة بتحبها مع صوت نور وامجد
شذى :دخيل الله ريحة هالنضافة غييير شكل والله منيح عندي نور غير هيك بحياتي ما كنت شميتها بهالبيت
توجهت لعندن ع المطبخ ووقفت ع الباب وشافتن متجمعين حولين طنجرة الملوخيه وعم يتخانقوا كالعادة حتى ما انتبهو عليها
أمجد وهو مادد إيدو حتى ياكل من الطنجرة :ولك خليني دوقها غرف قلبي والله
نور وهي عم تضربوا ع إيدو بعصبيه : شيلها لمكسورتك كم مرررة بدي أقلك وأفهمك وأنا عم أطبخ ما بتجي بتنقور من الطنجرة.. لك بتعرف ما تشر عليها لأحممك فيها
أمجد :لك يخرب بيتك شو إنك شرنة صرلك ساعة حابستيني وانت عم تعزلي وتنضفي لك البلاطات شوي تانيه كنت رح تقلعيهن لتمسحي تحتهن لك الشراشف المخدات كلووو شلتيه ع الغسيل خزانتي عفتي فيها كم غرض خجلاً مني والباقي كلوو ع الغسيل لك تقولو شايفتني مأنشح
نور وهي مكتفة ولاوية تمها :اي ريحتهن كانت طالعة والوسخ آكلهن أكل بعدين هي شذى بدها بهدلة قدها وطولها كيف كانت عايشة بهيك بيت معفن ما بعرف والله لو جاية أمي هيك فجأة لهون كانت أغمي عليها من.. لك اييييييددددك
أمجد وهو عم يمثل القهر والزعل :لك حتى وانت عم تردحي عينك علي شكيتك لله بس ما ضل غير توقفيني بالزاوية ع رجل وحدة لك حراام طعميني لك انا طالب طب ممسوح فيني الأراضي وفوقها سنة خامسة يعني لا بعرف مبلش ما بعرف خالص لك رأفي بحالي شوي من شغلي للدراسة ومن الدراسة للبيت ولسا حاويكِ انتِ وهديك الشاضومة يلي الله أعلم بأي مشكلة شاكة حالها وفوق كل هاد سنغل مسنغل ما حدا طاسس بخلقتي ولك ااااااخ ولسا انتِ جاية تعذبيني وتجوعيني
قربت شذى وهي كمان بلشت تمثل الحزن حتى تنفد من بهدلة نور
شذى وهي عم تشوبر :ايهأ ايهأ والله حالك بتأسي هالحياة عم تعجب فيك..آآآه من هالحياة ظااالمة مافيها رحمة ولا لحمة ولك حتى نور طلع مو مكترة لحمة للطبخة
أمجد :ورجيني اي والله ولك نور وين اللحمة ان شاء الله شفطتيها وانت عم تطبخي
نور :شرفتي ست الحسن شرفتي يا روحي يا قلبي ان شاء الله بقبرك ع هالمنظر ولك اشو هالوجه المطروش ولا لبس الأكابر عم تحاولي تصيري خلق يا بعدي وجاية تطبطبي ع هالاخ المسكين يلي جنني ولك ماحدا حاسس بحدا كلو همو حالو شكينا الظلام لله بس مو
أمجد :اي هلق اشووو خلصونا ديناصورات بطني بلشت تجعر
شذى :نور يا قلبي يا روحي يا معلاقي انت.. رفيقتك رح تفرط جوع بيرضيك أفرط
نور :اي بيرضيني
بعد ما خلصوا مناقرات وبهادل و و و و و وأخيراً بركوا اكلو وخلصو
أمجد :اي ما قلتيلنا شو صار معك
شذى :الحجي تلحلح والخميس رح يعملي حفلة يعترف فيني ك بنتو
نور :خديني معك والله طقت روحي
أمجد :اي منشان نكون بوحدة نصير بتنتين اسكتي وانضبي
شذى :خلص لا تزعلي بنزلك معي ع السوق وبتشتري فستان وبتختاري كمان الي
أمجد :وأي ساعة حفلتكم ان شاء الله؟
شذى :قلي ع العشرة بالشركة
أمجد :وانت متوقعة أوافق أخليك تروحي وع العشرة يا سلام وترجعيلي ع ال12 متل ساندريلا اي والله حلووو كتير
شذى :لاء شو رأيك كنت أقلو والله يا بابا أمجد ما بخليني أطلع بعد التمانة من البيت
نور :هلق انت كمان الساعة عشرة والدنيا مو أمان و ما رح تكوني انت وهاشم لحالكم رح يكون في أوبة رجال أعمال والذي منو يعني مو متل كل مرة منبعتك ونحن مأمنين
شذى :طيب شو أعمل أكيد حازم رح يبعت حماية او شي
أمجد :اي انا هادا حازم ما بوثق فيه ما في روحة
شذى :بلا غلاظة ما ضل غير تروحوا معي
أمجد :🙂
نور :🙂
شذى :لا تطلعوا هيك بهالابتسامة يلي مبين خراب الدنيا من وراها
أمجد :شذى رح احكي من الأخير انو انتِ يشهد الله علي وانت اكيد بتعرفي متلك متل نور انت طحشتي طحشتك بهالعالم ومالك رايحة تطلعي غير يا هالك يا مالك ونحن من صغرنا مع بعض كل مشاكلنا مع بعض بحياتي ما تركتكن لحالكن هلق كمان ما رح أتركك خلص فتتي هالفوتة أمرنا لله رح نفوت معك ويلي بصير عليك بصير علينا

شذى :لك أمجد انا ما..
أمجد بمقاطعة :ولا كلمة شذى خلص انت رديتي علي شي وقت قلتلك يا شذى لا تروحي تعمليلي لاااااع بدي اطلع مصراتنا من بين عيونو ولك يا شذى حاج جنان بكرى رح تندمي تعمليلي متل الكلب الجعاري لاااااع بكرى بتشوف اش رح اعمل يا..
شذى بمقاطعة :لك خلص فهمت الله يصبرني بس فوتو برجلكن اليمين لنشوف لوين رح نوصل
نور بحماس :يعني أبلش أجهز حالي؟
زفر أمجد بضيق وتطلع فيهن بعدها ابتسم
أمجد :جهزوا حالكم شوية أكشن بهالحياة ان ما ضرت ما بتفيد.

#سلاسل_متشابكة
#الجزءالثاني
#بقلم_شذى
بعد ثلاث أيام
بلشت شذى تعتاد ع الملابس الرسمية وع حياتها الجديدة كانت زارعة ابتسامتها الفاتنة ع شفافها لدرجة باينه غمازتها بعد ما حكت مع السكرتيرة حسنت تفوت ع مكتب أحمد أول ما شافها أحمد فايته ع مكتبو مع هديك الابتسامة انتابو شعور غريب متل هالبنت الغريبة
شذى :شو مافي اهلا وسهلا بأختي
وتقدمت بخطواتها وبركت قدامو وهي عم تتطلع فيه
شذى :بعرف يمكن ما صار الوقت لنتعرف او أقدم حالي بشكل مناسب بس بتمنى لقدام تصير بيناتنا علاقة أخوه حلوة ولذيذة
أحمد :هه واثقة من حالك كتير جد ما بعرف اش رح أحكي معك فايته وما شاء الله ابتسامتك لعند دنيك وجايه بدك استقبلك وآخدك بالأحضان وابلش أبكي وأقلك وينك يا أختي من زمان!!
شذى :هههه لا مو لهدرجة من الدراما بس يعني أنا عايشة طول حياتي بدون أخوات وهلق عم ألتقي بأخي لأول مرة ومتحمسة وحابة كتير شعور يكون عندي أخ كبير بس كني أخي مغرور حبة بس مالك متل ابي
أحمد :ولا رح كون متلو وأما بالنسبة إلك ما بعرف أنا تجاه ابي ما بحس بشي كيف بدك ياني أحس تجاهك بمشاعر الاخوة؟!
شذى وهي مكشره :هلق هيك الله يسامحك بس ما كنت متأملة هيك وبعدين شو عاملك أبوك حتى كل هالشي مالك هاضمو؟
أحمد :اشياء ما دخلك فيها
شذى :لك ليش ما عم تفتح مجال للحديث معي
أحمد :مالي مستعد أعمل شي منشان وحدة كانت نتيجة خيانة أبي لأمي نتيجة نزوة رخيصة من أبي وهلق جاية بكل ثقة وعم تحكي
بعد ما خلص حكيو عرف من تعابير وجه شذى يلي بين فيها الإنكسار ومن ابتسامتها يلي اختفت شو خبص
أحمد :أنا..
شذى بمقاطعة :معلش أنا يلي آسفة كنت مفكرتك شخص منيح..واعي..مثقف..كنت مفكرة رح لاقي هون سند وأخ..دائماً كنت أسمع الناس كيف تحكي ع اخوانها وأنا ...خلص إنسى ..قبل ما أمشي حابة بس قلك ع شغلة *الواحد ما بيختار اهله ولا الطريقة يلي بيجي فيها ع الحياة ولا المكان يلي موجود فيه*..فكرك أنا كتير مبسوطة بنظرة الناس يلي مافرقت كتير عن نظرتك! بالفعل المجتمع عندكن هون متخلف..بس يا خسارة خاب أملي
قامت وحركت اجريها لتطلع وقف أحمد وراح لعندها
احمد :استني وقفي شوي
تجاهلتو وكملت طريقها وهو قام لحقها لعند الباب ومسكها من ايدها
أحمد :جد آسف كتير ما بعرف اش صرلي أنا ماهيك بالعادة بس جد أنت شي جديد وغريب ومالي عارف كيف أتعامل معك
شذى :عادي ولا يهمك متل ما فتت رايحة أطلع حتى ما وجع راسك
احمد :معلش لا تحكي هيك خلص ماهي بينات الأخوة
شذى وهي رافعة حواجبها :هلق صرت أختك بعد ما خبصت وخلصت؟
أحمد :خلص لا تحمليها زيادة لازم يكون في تسامح بين الاخوات
شذى :خلص أقنعتني رح تجي ع الحفلة يوم الخميس ما؟
أحمد :ما أظن مابدي أكون بشركة أبي وبحفلتو
شذى :لك أمانة منشاني يعني رح أكون لوحدي ومابعرف حدا تعى معي مو أنت أخي حبيبي أمانة
احمد :ههههه جد انت غريبة شكلنا رح نكون أصدقاء وأخوات لذيذين ع قولتك رح حاول أجي
شذى :تمام
فتحلها الباب لتطلع وشاف السكرتيرة عم تلعب بهاتفها وحوليها للمكتب مكركب وفي قشر بسكوت
احمد :شو هاد أنا كم ألف مرة بدي أنبهك ما عاد تفهمي يلا ضبي غراضك وعدي ع المالية خدي حسابك والله معك
السكرتيرة :أستاذ أنا..
أحمد :ما عاد أسمع تبريراتك صار حكيت كتير أنا من أول ما بلشتي قلتلك النضافة والشغل أهم الشي بس انت ما حطيتي ع بالك وهلق من غير مطرود
قامت السكرتيرة تجمع غراضها وهي باين عم تشتموا بقلبها وطلعت بكل غرور
شذى :حرام ليش هيك قاسي كتير مع موظفينك
أحمد :عيفيها بتستاهل..وبعدين أنا إنسان جدي كتير بشغلي وبمحيطي العام ..اوووف هلق صار لازم جيب وحدة جديدة ..لك النضافة والشغل بهمة كتير صعب هالطلبين
شذى :هههه انت كمان كل همك النضافة؟
أحمد :لك لكا هادا منظر مكتب
شذى :هلق بتعرف شغلة؟ في عندي وحدة بعرفها بتحب النضافة حتى موسوسة فيها وكتير جادة بشغلها وكمان عم تدرس لغة انكليزية
أحمد :بالله جد بكون ممنونك والله
شذى :بس ما بعرف اذا بتشتغل
أحمد :حاولي أقنعيها صار مغير أكتر من خمس سكرتيرات ولا وحدة عم تعجبني
شذى :طيب لأشوف
______
قاعد حازم بالكافيتيريا لحالو وماسك هاتفو وعم يبتسم متل الأهبل ومبين مبسوط كتير إجت شذى وبركت وهو لساتو ع حالتو
شذى :الوووو نحن هنا عبرنا
كشر حازم وطلع فيها
حازم :ساعة لتوصلي
شذى :وساعة لترد الله عليم مين آخدلك عقلاتك وعم يخلي ضراسك تبان
حازم :يعني اكيد اكيد مو إنت
شذى :اي طبعا لأني ما باخد عقلات خربانين
حازم :رح اتعدى هالنقاش المعت والعقيم وننتقل للشغل
شذى :فيك تقول كلو تمام رحت عند هاد أحمد صح بالأول عصلج شوي بس بعدين حسيت أموري معو رح تكون تمام

حازمر:متل ما قلتلك أحمد شخص منيح مع عيلتو وجدي مع الباقين بس كمان ذكي بدك تنتبهي منيح
شذى :لا تخاف أنا مأتقنه الدور منيح لدرجة أنا عم أتأثر بحالي آآآه ولك بتعرف والله حياة هالليانا صعبة منيح ماهي موجودة أصلاً
حازم :شو بدنا نعمل اضطرينا نخليك تنتحلي شخصية وحدة مو موجودة بالعالم أصلاً
شذى :اي شيلنا من هالسيرة واعزمني ع شي والله عم أتعب وانا أدور وأكذب صرت كل ما أكذب أكره حالي جبلي أكل أقل الشي ببسط معدتي
حازم : والله الواحد مابيعرف شلون مأمن فيك عندك عقل طفلة عليها لمسة غباء نفسي أشوفك أعرف شلون هاشم وابنو ما كشفوك
شذى :ههه ضحكتني لك أنا عم فكر أقلب من الحقوق للتمثيل قد ما طلعت شاطرة فيو وبعدين لا تستخف بذكائي أبدا في جواتي تس صغيرة بطالعها وقت بحتاجها
قطع حديثهم رنت هاتف حازم يلي أول ما شاف التسم جهز حالو لمصيبة ورد
حازم :قبل ماتحكي شو عامل آردام هالمرة.....استغفر الله بس رح اجي الله ياخدو هو ومشاكلو لأرتاح
شذى :شو هالمرة كمان
حازم :كالعادة آردام ماعم يعرف كيف ينكش مصايب ليجيب آخرتو
شذى :خلص روح الله يكون بعونك صار نفسي أشوف هالآردام قد ما بطالعلك ضغطك
حازم :والله بلالك هالمعرفة أنا أخوه ونفسي أطالعو من حياتي

________
بيوم الحفلة البنات كانو مبلشين لبس من ساعتين وأمجد بارك وكل ما يقولولو إلبس ما يرد
خلصوا لبس وطلعوا عند أمجد ..كانت شذى شذى ونور معتمدين لبس فخم بس بسيط وحلو
شذى :لك يا أمجد هلق رح أتأخر بسببك لهلق ما لبست صرلنا ساعتين منقلك البس
أمجد :لك إيه بفهم
قام جاب جاكيت طقم سودة لبسها فوق بلوزتو البيضة والبنطرون الأسود وعدل شعرو وخلص وطلع بياخد العقل
طلعت نور وشذى في بعضهن وهنن مصدومين ومنغاظين
أمجد :كيف بالله مو طالع شغلة هههههه يالله خلينا نعيد القواعد
نور :لك قرفتنا حياتنا وأنت تعيدهم طول الأسبوع خلص
أمجد :ابلعيها وإذا ما بتسمعي الكلمة عايفك هون
نور :يلعن هالسنة يلي بيننا يلي عم تخليني أحترمك
شذى :سنة ونص
أمجد :هلق يلا بنات منعيد... أول قاعدة؟
نور وشذى بحماس :لاااا تتتحمسوااا
أمجد :ع هالحالة ضلوا بالبيت
شذى :لك خلص بس نوصل لهنيك بروح الحماس
أمجد :طيب تاني قاعدة؟
نور وشذى : برضو لااا تتحمسوا
أمجد :القاعدة التالتة؟
نور وشذى :لا تحشروا حالكن بشي ما بخصكن
أمجد :وضحكة الرقاصة؟
نور وشذى :منحبسها لو رح نفطس
أمجد :وكهننا وكيدنا؟
نور وشذى :ما منطالعون لو نفقع
أمجد :والشباب؟
نور وشذى :ما منلزق فيهن ولا نكرش ع حدا لو نضل لحالنا بهداك المستنقع
أمجد :وهالقواعد؟
نور وشذى :مارح نطبق منها شي لو ع القمر تطلع
عقد أمجد حواجبو وجحرهن بعيونو
شذى :قصدنا رح نطبق منها كل شي
نور :هههههه اي صح
أمجد :فكرت..وشذى فكري قبل ما تحكي لا تجيبيلنا أم العيد بنص الحفلة عقلاتك يلي ع قدك استخدميها شوي ..ونور مو كل واحد ضرب حِرف كتفك بالغلط تجيبيه وتلعني أسلافوا نحن تعلمنا الدفاع عن النفس اذا حدا تعرضلنا هون باسنطبول مو لحتى نتعرض للناس نكرهها حياتها ضبي عصبيتك شوي واستخدمي شي اسمو الصبر بس هالمرة
نور :عم تظلمني بحكيك
شذى :وعم تستخف بقواي العقلية كمان
أمجد :انا ماعم قول شي من فراغ كلو شايفو قدامي لا تخلونا نفتح الدفاتر..وكمان حاولوا ما تقربوا ع بعض كتير لأني أنت لحالك عاقلة ومؤدبة وانت كمان نفس الشي بس وقت تجتمعوا سوا شياطين الأرض كيف بتطالعوهن من جواكن ما بعرف الأدب والإحترام تبعكن بيتبخر بتصيروا اخطر من العصابات
نور بحزن :انت دائماً ظالمنا
شذى :والله نحن مافي مننا
أمجد :طبعا مافي منكن بالخراب والمشاكل مو بشي تاني..خلصونا إمشو قدامي
اجت سيارة خاصة أخدت شذى وأمجد ونور ركبو بسيارة أمجد وراحوا
_________
بالحفلة..

كانو مجتمعين رجال وسيدات الاعمال من أفخم الطبقات..أول مافاتت شذى ع الحفلة بلشت توزع ابتسامات وهي بطريقها متوجه لعند أحمد..بعدها بشوي فاتو أمجد ونور وبركوا لحالهن ع طاولة
عند أحمد
شذى :شكراً كتير لأنك ماخيبت ظني واجيت
احمد :العفو حسيت انها خطوة حلوة بما أننا أخوات
شذى :جد شعور حلو هلق انت رح تصير تخاف علي وتهتم فيني وكل ما تشوفني مكتأبة بتجي تراضيني وبتجبلي أكل وشوكولا ويلي بدي ياه وكل ما ملل بتوديني ع بلد نروح نسيح وننبسط
أحمد : مابعرف مين ضحكان عليك وقايلك إني الفانوس السحري إذا بمرة بشوفك مرة بالأسبوع بكون أخ مثالي
شذى :لك ليش خيبت آمالي يا حيف كنت متأملة كتير ع هالحالة الناس يلي بالشارع بشوفهم أكتر منك
احمد :مادخلني أنت عندك أفكار مغلوطة وأحلام وردية زيادة
كشرت شذى وراحت عند هاشم يلي كان عم يراقبها هي وأحمد ومتفاجئ

هاشم :شو كنت عم تعملي مع أحمد؟
شذى :أخوي شو بدي أكون عم أعمل معو يعني عم أحاول أبني علاقة الأخوة بيناتنا
هاشم :انت كيف خليتيه يجي ع الحفلة؟
شذى :رحت لعندو واقنعتو وبعدين يعني أنت كمان تلحلح شوي عرفني ع عالمك ع شغلك أنا ماعاجبني هيك لساتني عم حس حالي غريبة
هاشم :هادا يلي كان ناقصني والله شو عندك أوامر تانية ست ليانا بتحبي كمان اعملك تمثال قدام الشركة وأخلي الموظفين ع الرايحة والجاية يضربولو تحيه
شذى :ليك هلق فيني أترك الحفلة الرائعة المملة وأرجع من محل ما أجيت بعد ما أكون خربت كل شي وراي فعاملني منيح لما أطفش
هاشم :مو وقتوا هالحكي تعي معي نحكي مع هالناس وأخلص
شذى :لاااا أول الشي لازم تلاقيلي شغلة بالشركة أنا إنسانة بحب أعتمد ع حالي وأشتغل وأكسب من تعبي تاني شي بدي تسكنني معك بالبيت حياة الفنادق قرفتها تالت شي بدي..
هاشم بمقاطعة :خلص فهمت فهمت كل شي بدك ياه رح يصير الناس بلشت تضوج
طلعوا ع مكان عالي شوي وانطفت الأضواء وتسلط ضوء على هاشم يلي التفت الكل عليه ليعرفوا سر هالحفلة
هاشم :اهلا وسهلا بالكل..يمكن أغلبكن مستغرب سبب هالحفلة..أنتو بتعرفو انو انا دائما بحب تكون حياتي الشخصية بعيدة عن العمل والصحافة ومابحب حدا يعرف عنها بس اليوم غير لأني رح عرفكن ع بنتي ليانا
وأشر لشذى حتى تطلع لعندو وأول ما وصلت عانقها وبعدها حاوطلها خصرها وهي مبتسمة وعم تحاول تخفي قرفها وكرهها الو وتطلع فيو وتقول بقلبها العما شو كذاب وبتعرف تصف حكي
هاشم :اكيد ما بتعرفو بس ليانا بنتي من مرتي التانية يلي منفصل عنها من زمان كتير وهي كانت عايشة مع أمها ومن قريب رجعت ع البلد وهلق رح تعرفكن ع حالها
ابتسم ابتسامة صفرة واعطى المايك لشذى يلي تلبكت وما عرفت اشو تحكي وكانت عم ترسلوا نظرات قاتلة بعيونها
شذى :ءءأ..مسا الخير يا جماعة بحب اتشكركن ع جيتكن اللطيفة..و...و كمان بتشرف بمعرفتكن ..متل ما قال بابا انا أجيت ورح أستقر هون وكمان رح أشتغل بشركة بابا وان شاء الله بصير بيناتنا بيزنس حلو بالأيام..وشكراً مرة تانية
نزلت شذى وراحت باتجاه طاولة أحمد وهي عم تطلع ع أمجد ونور وتزورن وهنن عم يحاولو مايفرطو ضحك وعم يتهامسو ويطلعو عليها وع العالم
أحمد :ههههه كيف بس أبوك كتير شاطر بالحكي والترقيع
شذى :مابدي أحكي وأغلط عليه بضل أبي لك كيف هيك بيحرجني قدام الكل تقولو بدو ينتقم مني
أحمد :لسا الخير لقدااام أنت هلق شكيتي حالك بشركتو ورح تسكني معو و انت لسا مو متخيلة شقد رح تنبسطو سوا لتقومو بنص الليل ترقصو دبكة وخصوصي هيك وإنت مالك مستفزة إلا شوي وهو كتير رايق وصبور شو أحكيلك لأحكيلك رح تنبسطي كتير
شذى :لك يااا لطيييف شقد بتزخ زخ طاقة ايجابية وبتعرف تواسي ولك من كتر ما حمستني ع العيشة مع أبوك مشتهيه أروح أسكنلي بشي زريبة أهون
قاطع حديثهن رجال أشقر بالتلاتينات مبين الغرور من ملامحه الحادة وعم يطلع ويبتسم سلم على شذى وبسلها ايدها وبعدها أحمد يلي كان شادد ع ايدو وعم يطلع فيو بغل
أحمد :أمير بيك شرفتنا كتير بحضورك
أمير بغرور :شي أكيد حضوري بشرف..بس ما كنت بعرف انو عندك أخت حلوة وجذابة متل الآنسة ليانا من قبل
أحمد :متل ما قال الوالد كانت مسافرة مع أمها وهلق رجعت
بلشت أغنيه هادية والكل بلش يقوم يرقص مع بعض
أمير :مدموزيل بتسمحيلي بهالرقصة؟
ومد ايدو لشذى يلي توترت شوي وكانت بدها تحكي بس أحمد سبقها
احمد :عفوا منك بس حابب أرقص مع أختي صرلي زمان ومشتقلها
سحب شذى للنص حتى بدون ما يستنى رد أمير يلي عافو عم يكز ع سنانو بينما أحمد ارتسمت ع وجهه ملامح النصر
شذى :شبو هداك المغرور ما ارتحتلو ابداً وليش باين ما بتطيقو بعض
أحمد :هاد أمير شاداوغلو أكتر إنسان مريض نفسي ومتعجرف لدرجة
شذى :هالشي واضح بس ليش كل هالشي شادد ع حالو ونافش ريشاتو المنتوفين
أحمد : متل ما قلتلك واحد ما بينطاق وفوق كل هاد عندو أملاك كتير ورثها عن أبوه يلي ما كان أحسن منو وكأنما بازقو بزق لابنو وهلق هو مستلم الساحة بالتجارة وتقريباً مو بس أنا مابحبو أغلب أصحاب الشركات ما بطيوقوه لأني أي شي بدو ياه بياخدو لو بدو يتفق مع الشيطان ليساعدو
شذى :يالطيف جد هاد من كتر الغرور عقلاتو طاقين
احمد :حاولي قدر الإمكان لا تقربي عليه ولا تجي بشي يخصوا لأني نهايتك بتكون من أوخم ما يكون...هو بس الله يستر ما يكون حط عينو عليك
شذى باستغراب :أناااااا ليش
احمد :هيك منشان يجاكرني وإنت ما شاء الله عنك اليوم كل العيون عليك
شذى :وإنت شو عاملو
احمد :انا مو عامل شي بس هو واحد مدود شافني فتحت شركة أزياء فتح ومو بس أنا أي شركة بتفتح وبتكون ناجحة بيفتح متلها وبينافسها وأكيد واحد متلو بتعرفي كيف أسلوبو حتى ياخد يلي بدو ياه

هزت شذى براسها وطلعت عليه شافتو ماسك كاس الخمر وعم يبتسم ويطلع عليها بنظرات مريبة
______
بعد يومين
ببيت شذى كانت باركة هي ونور وعم يدرسو
نور :اوووف طقت روحي ايمت رح أتخرج بقى
شذى :لسا عنا فصل كامل
نور :شكراً ع تذكيرك الرائع يلي بمحلو
شذى :ولو اهلا وسهلا
رن تلفون شذى برقم غريب طلعت في الهاتف وردت
أحمد :مرحبا
شذى :عفواً مين معي؟
أحمد : من كم يوم كنتِ عندي وهلق مالك عرفانتني
شذى :أحمد صح؟
أحمد :هاه منيح في أمل منك...اي ماقلتيلي شو صار بالسكرتيرة يلي رح تبعتيلي ياها
شذى :يييي بتعرف الموضوع راح عن بالي
أحمد :ولايهمك بس اتصلت أذكرك
شذى :خلص المسا بردلك خبر
أحمد :تمام
فات أمجد عندهن وبرك معهن طبعاً أمجد كان بارك بجناحو يلي عبارة عن غرفة منتفعاتها وكان يقضي وقتو بالدراسة
نور لشذى :مين كان هاد؟
شذى بتوتر :هه ههه هادا أحمد ابن هاشم
أمجد :وشو بدو هادا كمان
شذى :سلامتكن..امم نور إنت مو كنت عم تدوري ع شغل
أمجد :شامم ريحة تخبيص
شذى :حاسة الشم عندك ياها مااا شاء الله تقول آخدها من عند شي كلب
نور :نورينا لنشوف عادي تعودنا مابقى مننجلط
شذى :هلق أنا وقت رحت عند أحمد...
أمجد :اييه..
شذى :كان محتاج سكرتيرة لأني فصل يلي كانت عم تشتغل ولحسن الحظ الحلو كنت أنا هنيك وقلتلو في وحدة ممكن تصير
أمجد بشك:واكيد هالوحدة مو نور صح
شذى :ههه هلق عرفت إنك فتت طب مو بالواسطة
نور :وشو بيشتغل هاد أحمد
شذى :عندو شركة أزياء وموضة وهيك قصص
أمجد :ومفكره إني رح وافق؟
شذى :مو من كم يوم قلت خلص رح نفوت كلناا بهالقصة وأنا قلت بخلي نور تشتغل عندو منو بتراقبو ومنو بكون دبرتلها شغلة وهي من شوي قالتلي ملانة
نور :تمام عجبتني الشغلة موافقة أشتغل
أمجد :بس أنا مو موافق
نور :شذوذ كيف هالأحمد حكيلي عنو
شذى :لا تخافي هو شخص منيح ومارح يأذيك ولا بيشبه هاشم ابداً
نور :تضربي مين قلك خايفه هههه قال أنا أخاف قال
أمجد :كأنما قلت لاء
نور :وانا مخي بترجم كلمة لاء اي
أمجد :نووور
شذى :روق والله هو شخص منيح ومو متل هاشم وأنا ما برمي نور ع خطر
أمجد :نفسي بس أعرف إنت وتخبيصاتك لوين رح توصلونا
شذى :للقمة للقمة وبكرى بتشووف
أمجد :بس يا شذى يلي بيطلع للقمة وبطلع لفوق بتنقرف رقبتو وبتصير وقعتو بتكسر أكتر
ما بتعرف شذى نهاية طريقها ولا بتعرف كيف روح الإنتقام إنزرعت فيها حتى كيف واثقة من نفسها ومقتنعة بيلي عم تعملو بدون ما ترد ع تنبيهات حدا..هي مو هيك بس ماعم تعرف كيف صارت
________
المسا ببيت هاشم كان قاعد وصافن وشارد بالعدم لحالو بهالبيت الكبير..قطع شرودوا حدا كابس ع الجرس وماعم يشيل ايدو عنو نفخ بإنزعاج وقام ليفتح لأني الخدامة كانت رايحة..وأول ما فتح الباب طلعت شذى قدامو و بابتسامتها العريضة ع وجهها ومعها شناتيها طلع فيها باستغراب وهو عاقد حواجبو
شذى :شو ما انبسطتت بجيتي بتعرف أنا قلت يعني حاج يا بنت أكيد أبوك اشتقلك وخجلان يقلك تعي اسكني معي..قلت مالي غير أضب غراضي وأروح اطب عليه أشوف شو عم يعمل أكيد أكيد بكون نااطف قلبك علي مو
كانت عم تحكي وتشوبر وهاشم بس قاعد بيراقبها باستغراب
شذى :شو مافي تفضلي..يالله ع كل حال البيت بيتي مافي داعي تعزمني وهي فوتة بس ابعتلي حدا يشيل الشناتي
هاشم ببرود :مافي حدا شيلين لحالك واطلعي لفوق نقي شي غرفة وابركي فيها
شذى :وقف وقف رح أنحرق من حرارة الشوق عندك ومشاعرك الفياضة يلي شوي تانيه بغرق فيها هلق هيك..بس يلا مقبولة منك لازم أطلع نام بكير مو تناسني وتروح ع الشركة لحالك وتتركني
هاشم :كمااان رح تلحقيني ع الشركة
شذى :اكيد لكا يوم الحفلة وقت إنت هيك خبط لزق عطيتني المايك منشان أحكي شو قلت يالله تصبح على خير دادي
طلعت شذى تاركة وراها هاشم عم يسب ويلعن بقلبو
_________
فايتة ع الشركة والحماس باين ع وجهها سألت ع مكتب المدير وتوجهت لعندو دقت الباب وسمعت الموافقة لتدخل..أول مافاتت كان شب أبيض بآخر العشرينات بارك لابس طقم ومشغول بالأوراق قدامو..مصفف شعرو البني الغامق بأناقة لافته طلعت ع حذاؤه كان نضيف وعم يلمع والمكتب من حوليه مرتب بشكل كتير حلو..رفع راسو لتبان عيونو وتضل نور صافنة فيو..اتطلع احمد بهالبنت يلي أول مرة بشوفها كانت لابسة بنطرون جنز و قميص سماوي وخفافة بيضة ورابطة شعرها الأسود لورا ومنزلة غرتها الناعمة ع وجهها الحنطي زادتها جاذبية بس اكتر شي ملفت فيها سحبة عيونها الوساع يلي زايدينهن رموشها السود فتنة وجمال
أحمد :عفواً يا آنسة بس إذا جاية منشان تشتغلي موديل ف نحن طالبين وحدة طولها فوق ال170مو بالستين
نور :لا أنا أجيت منشان أشتغل سكرتيرة شذى قالتلي ع...

احمد :شذى؟؟مين شذى هي
نور :ش..لاا لاا اسفة متوترة شوي خربطت الآنسة ليانا تفضل هي السي في تبعي فيك تشوفها
أحمد :اممم إسمك نور بايسال 22سنة آخر سنة أدب انكليزي..مشتغلة من قبل يا نور؟
نور :لا هي أول مرة
أحمد :تمام شوفي لأكون صريح معك من الأول أنا صار غيرت سكرتيرات كتير ومافي وحدة عجبتني..إذا بدك مايكون مصيرك متلهن لازم بس تركزي ع شغلتين أول شي لازم ألاقي جهدك بالشغل تاني شغلة نحن بشركة أزياء وموضة يعني أناقة ورتابة مابحب الفوضى ابداً
نور :تمام شغلات سهلة
أحمد :ان شاء الله تكون سهلة وفي شغلات تانيه لقدام بخبرك فيها هلق فيك تستلمي المكتب يلي قدام مكتبي وتباشري شغل رح ابعت حدا يفهمك طريقة الشغل
هزت نور راسها وراحت حطت غراضها ع المكتب وهي عم تنقل عيونها بفضول بينما أحمد كان عم يراقبها من البلور وهو مستغرب
أحمد :جد لسا في بنات بتلبس بهالبساطة؟ لا كعب ولا مكياج؟
______
قاعد على تختو وعم يحكي مع حدا ع الهاتف طلع ع الساعة شافها قربت ع ال1
حازم :يلا لازم تنامي بقى
...:عم تقلعني ياحيف هلق هيك الوواحد بيتعامل مع بيستو
حازم :لاني نحن رفقات لازم دير بالي عليك بكرى بتجي بتقوليلي طلع تحت عيوني صرت بشعة شوف وبتلبش تفتحي حنفياتك
...:الحق ع يلي بيشكيلك أصلاً تضرب من بين الرفقة
حازم :اي أضرب روحي نامي هلق
...:ايتاش زعلت
حازم :شوفو النكدية لك ليش نحن بينا زعل روحي تصبحي على خير
...:اي رايحة رايحة لا تدفش
طفى حازم هاتفو وضل صافن بالسقف..كان تايه..في شي جواتو واجعو..بس يلي بيعرفو مشتقلها كتييييير قلبو ما عاد يتحمل غيابها...وفوق كل هالشي عم يتعذب ويعذبها معو..ياترى رح يلتقي فيها شو رح يصير هالسنين كلها مرت ومافي شي عم يصير لإيمت بدو يضل صابر
________
عدا شهر ع نفس الروتين شذى تداوم بالشركة مع هاشم وعلاقتهم نوعاً ما منيحة وبعدها تقريباً كل يوم تروح تشووف أمجد ونور وكمان أحياناً تزور أحمد وصار في بيناتهن علاقة أخوة كتير حلوة
أحمد ونور كتير مرتاحين بالشغل مع بعض وأخدو وجه ع بعض...

طالعة من الفيلا مأسرعة وبتمها قطعة توست عليها مربى وعم تلبس قندرتها العالية يلي بلشت تتعود عليها..أول ما فاتت ع السيارة طلعت بهاشم يلي كان عم يحاول ما يبهدلها
شذى :طب شو أعمل راحت علي نومه
هاشم:هادا يلي بدو يسهر للصبح وعندو تاني يوم شغل وجامعة
شذى:انا والله ما بستاهل كل هاد الضغط ، انا بستاهل انباس واتدلل بس يلا معلش أنا بدي أكون سترونج وّمِن
هاشم:حسبيا الله بس امشي ابني امشي

بغرفة الإجتماعات كانت شذى عم تحضر كل شي
شذى لحالها :هوووه خليك ريلاكس كل شي رح يكون منيح ورح تكسبي المناقصة حازم رح ينتفني أصلاً إذا بعد كل هالشرح والتحضير ما بربحها
بلشت قاعة الإجتماع تمتلي برجال الأعمال والتجار...كانت شذى باركة بالكرسي جنب هاشم وأول ما فات أمير صابها متل القشعريرة من نظراتو المريبة وابتسامتو المقرفة
شذى بقلبها :كمل النقر بالزعرور لك أنا ما كان ناقصني غير هالعاهه لتكمل معي...لك الله وكيل منظرو مؤذي للعين
أمير :آنسة ليانا
شذى :....
أمير :يا انسة
شذى :عفوا عم تحكي معي؟
أمير :هههه ليش في غيرك ليانا هون
شذى :ليانا؟؟ااه أي والله كنت شاردة شوي
شذى بقلبها :لك أنا لسا ماعم أنتبه ع اسمي منيح
أمير :خير ليانا بشو شاردة
شذى بقلبها :وحمى تسلق بدنك إلهي ليانا هيك حاف لا آنسة ولا هم يحزنون هادا من هلق دابقني وشكلو حطني براسو ويا فرحتي وياهناي
أمير :يعني عندك مشكلة بالاستيعاب والفهم ولا انت قصاداً ما بتردي بسرعة
شذى :لا أستاذ أمير الحمد الله استيعابي بيتوزع ع بلد واذا بدك كمان بعطيك منو شوي بس تعبانة شوي وراسي واجعني
شذى بقلبها :الواااه الواااه العين تطرقك إلهي لك أنا ما كان ناقصني غير حمار أشقر متلك يجي يتفلسف علي ويقلي عندي نقص بالاستيعاب
رسم أمير إبتسامة صفرة وطلع فيها بغل
أمير :خلينا نبدأ يا جماعة
شذى بهمس :هه اليوم رح نشهد خسارتك الساحقة

بعد ساعة
كانت شذى عم تضب الأوراق وعم تطلع بأمير نظرات شماته وهو بارك وهادي فجأة تحول هدوءه لنظرات مريبة ماحسنت شذى تفسر معناها..قام من كرسيه وراح باتجاهها وكل هاد تحت أنظار هاشم يلي كان عم يبتسم ويطلع عليهن
أمير :شو هاد آنسة ليانا طلعتي شاطرة كتير ومالي خبر
شذى بغرور :ههه هو أنا لسى كان فيني أخلص أسرع بس بتعرف كنت تعبانه واستيعابي وفهمي كانو ضعاف ع قولتك المره الجاية ان شاء الله بورجيك مواهبي التانية
أمير :هههه لا مارح يكون في مرة تانية..أما بالنسبة لمواهبك فأكيد رح تكوني موهوبة بالخسارة الساحقة قدامي
طلعت فيو شذى نظرة شماتة وغرور وراحت وقفت عند هاشم وتجاهلتو
شذى :بابي عطيني مفتاح السيارة
أخدت المفتاح وراحت ع شركة أحمد

في الشركة
كانت نور ملتهيه بالأوراق واللابتوب يلي قدامها.. أول ماسمعت صوت كعب عم يقرب رفعت راسها لتكتشف انو صاحبة هالكعب هي شذى جايه لعندها وعم تتغندر بمشيتها ورافعة راسها
نور :شوو يااه لابق للشرشوحة مرجوحة ولأبو بريص قبقاب..شو سر هالزيارة يلي باين في من وراها إن
شذى :اليوم لك مافي شي رح يحسن يعكر مزاجي لاني ربحت اليوم مناقصة غير شكل
نور :بالله ياحبيبي الست شذى صدقت حالها بيزنز
شذى :لك هس بدك تفضحينا ليااانااا لياانا بعد أنا واياك معرفتنا سطحيه ببعض احترميني شوي
نور :رح تجي اليوم لعنا وبورجيك الإحترام ع أصولو
شذى :اي لازم أجي لأني حااااسة هاااه في عندي إحساس خطير إنو إحداهُن بلشت تتطور علاقتها بأحدهم يلي هلق بشوفو
نور بخوف :لك ضبيه للسانك جوا حلقك ريتو ماابيطلع إلهي لك آخرتي أنفضح ع إيدك من وين عم تخرطي آآآه
شذى بجكر :لا تدبحيني دخيلك ع كل حال أنا فايتة عند أخوووي
نور :ريتك ما تطلعي
دقت شذى الباب وفاتت
شذى :مررحباا يا حلو
قام أحمد لعندها وهي حضنتو
أحمد :اي شو هالمفاجأة الحلووة هي الله يستر شو في من وراها
شذى :له عيب عليك أنا دائماً بسأل عنك بس انت ما بيلبقلك يكون عندك أخت متلي أصلاً يصحلك أخت دائماً مبتسمة وفرفوشة ونغشة متلي
أحمد :ياخي خلص إنت مفضلة ع راسنا هاتي لاشوف شو عندك وشو جايبة
شذى :جاايبتلك حلوان انتصاري
أحمد :ياا لطييف..ليش ع مين انتصرتي ليكون حررتي القدس ومالي دريان
شذى :هااه قريباً بتصير وحدة من إنجازاتي العظيمة..بس أنا اليوم انتصرت ع هداك ابو عقدة أمير
أحمد :شوو شووو شوو
شذى :اشبك علقت أخبطك بلكي بتشتغل
أحمد :ليانا أبركِ واحكيلي من الأول شو مخبصة
شذى :هههه عيب تقول ع إنجازاتي تخبيص
وبركت شذى حكتلو
أحمد :تعي تعي بسم الله أرقيك لك شو هالذكاء جد ما شاء الله ما شاء الله من عين الحساد استني أدق ع الخشب كمان
ميلت شذى راسها ودقت ع خشب المكتب طلع فيها أحمد ومسح وجهو وهي لسا عم تبتسملو هيك🙂
أحمد :ليانا أختي طلعي أنا مو قلتلك بعدي عن أمير لك أمير شخص مو منيح لك خلي بينك وبينو ألف كيلو متر والله منشانك لك الله عليم هلق بأي طريقة عم يفكر يبعتك فيها ع سابع أرض وإنت جاية ومبسوووطة وجايبتيلي حلو كمان
شذى :اي جايبتلك سوار الست بالفستق الحلبي وبالفستق العادي اي واحد بتحب
أحمد :لياااناااا شو عم أحكي
شذى :والله فهمت خلص آسفة ما كان لازم أقرب منو وابرك اجاكرو واردلو جوابات
أحمد :كماااااان يا حبيبيييي لك أبوك وين لك كيف بخليك
شذى :ييييي أبوك كان طاير عقلو
أحمد :بكرى وقت أمير يطيرلك راسك و يكرهك حياتك بتفهمي أكتر لك هادا لك مابعرف اش أحكيلك عنو
شذى :خلص إذا شفتو مرة تانيه بحاول أصلح الوضع
أحمد :لااا لا عاد تقربي عليه لا من قريب ولا من بعيد اذا بتشوفيه بتغيري طريقك كلوو
شذى :ماشي
أحمد :عطيني هلق هالحلو نزلتيلي السكر
شذى :امسك
أخد أحمد الحلو من شذى وصار ياكل لحالو
شذى :مو ناوي تطعميني يعني
أحمد :ع انجاازك العظيم
زورتو شذى وأخدت شنتايتها وأجت تطلع
أحمد :لك وين رايحة ليكون زعلتي
شذى :شو رأيك؟
أحمد :اي منيح ضلك زعلانة حتى ما ترجعي تخبصي مرة تانية
بلشت شذى تمشي وهي مكشرة وعم تخبط الأرض تخبيط وطرقت الباب وراها ومشت شافتها نور وخافت تسألها اشبها وبلشت تطلع عليها وتتمسخر ع حالها شلون اجت وشلون راحت
_________
بكافتيريا كان بارك شب جذاب وحلو أبيض بعيون سودة وشعر أسود وكعادتو ع الهاتف أجت شذى وبركت مقابيلو وطلبت قهوة ع بين ما حازم يشيل راسو من الهاتف
حازم :ايييه بما إنك جايه وعم تورجيني وجهك معناها بحت صوتي ماراحت ع الفاضي
شذى :اي اطمن إنت هادا يلي هامك انوو صوتك راح وإنت عم تعيد وتثقل
حازم :بما انك رابحة المناقصة ليش معصبة
شذى :لأني رحت عند الأستاذ أحمد وإذ به يزفني بهدلة أطول من برج إيفل
حازم :وليش بقى
شذى :منشان هداك البطيخ الحمار الأشقر امير
حازم :ليش إنت شو عملتيلو لأمير
شذى :ماعملت شي هو اجا يتثاقل علي وانا يعني هيك شوي عصبت واستفزيتو
حازم :بسم الله الرحمن الرحيم من منبري هذا بقلك الله لا يعطيك عافية وعظم الله اجرنا وأحمد بدو تحية ع فعلتو
شذى :لااااا جد أنا في حدا اليوم داعي علي في مؤامرة كونية عم يتخططلها حتى تنزعولي يومي طب مو إنت قلتلي أعمل هيك
حازم :بس إنو أذكرك أنا وقت عطيتك كل شي بتحتاجيه حتى تربحي المناقصة نحن كنا عم نعمل هيك حتى هاشم يثق فيك وتجيبيلنا الأوراق يلي بدنا ياهن ونخلص هالشغلة مو حتى تروحي تتفاخري قدام امير بذكائك الاصطناعي
شذى :نفختو معلاقي والله لك ندمت ع الساعة يلي فكرت فيها اطس بخلقة هداك الحمار خلص والله فهمت