_سكرت الخط و قلبي عم يخفق....طلعت بالورقة منيح وحست حالي حفظتها...عنوان سكنها و عنوان شغلها
حسيت حالي رح نط من الفرحة و مالي مسدق انو واخيرا عرفت وينها
قمت بدلت تيابي بسرعة و جهزت اموري للسفر
بس قبل ماسافر رحت لعند امي لاخد رضاها و اطلب منها تدعيلي_

باسل:امي...صرلي سنين ناطر هاللحظة..دعيلي اي

مرفت:خليني روح معك و اتعرف عليها للي اخدة عقلك

باسل:لا امي الطريق طويل و بخاف عليكي انتي كمان تعبانة...اول ما وصل رح اتصل لهون و خبرك...انتي بس دعيلي

مرفت:قلبي وربي يرضو عليك...الله معك ياعمري...الله معك!

_طلعت من عند امي...و بلش مشواري لعند همسة
المسافة بعيد وطويلة...قريب ال8 ساعات بالسيارة
يعني رح اوصل بالليل و اليوم صعب شوفها...مومعقول روح على بيتها بالليل!
بلكي كانت متزوجة...او عايشة عند حدا...لامابدي سببلا احراج...رح نام الليلة بفندق و بكرا من الصبح رح روح على شغلها احسنلي
حاسس بالفرحة عم تمشي بعروقي...كلي متشنج...وقلبي عم يدق بسرعة رهيبة...ياترى كيف صارت بعد هالسنين
اكيد لساتها حلوة!
ياترى لساتها بتحبني....ياترى سامحتني...الف سؤال و الف فكرة عم يخطرو ببالي و الف شعور عم عيشهن!_

______________

رزان/اليوم وصلت عصام عالمصح النفسي...كانت حالتو كتير صعبة و اثر عليي بشكل كبير
اديش صعب الانسان يخسر كل شي وفجأة!
ابنو و مرتو و حياتو كلها انخطفت منو بطرفة عين
و الاصعب...انو هو صاحب المسؤولية...وهو اللوم كلو بيقع عليه!
ماتحلى بالصبر و لا التروي...سرق بنت من حبيبها و جبرها تعيش ضمن اطارو هو و بس
يمكن كل الغلط من عصام بالاساس....يمكن همسة و باسل ماغلطو
صح باسل عيشني بوهم 4سنين...بس كمان هو حاول يحبني و ما اذاني و لا اساء الي ابدا
بعد كل شي صار....انا لسا ماكرهتو...بس صعب عليي كتير اني سامحو_
#يتبع

الجزء السابع
7
همسة:الو...كيفك ريتا...انا سبقتك عالمحل...لاتتأخري اليوم عطلة و بيجي زباين كتير...اوك باي

أملي:ماما....خديني مشوار

همسة:ياعمري مليتي معك حق...هلأ بس تجي خالة ريتا منتركها هون و منروح مشوار

املي:ليكي!!!....بياع الغزلة...عطيني مصاري اشتري حبابة!

همسة:ماما...بخاف عليكي

املي:ستنين ادام الباب

همسة:طيب....خدي هي مصاري وروحي يلا

_كلها حيوية و نشاط..مابتعرف تقعد ولاتهدا..رح تجنني هالبنت...لحقتها و وقفت جنب باب المطعم لانطرها بينما تشتري_

باسل/رحت لبيتها و مالقيتها...معناها هيه بالشغل...و انا جاية باتجاه المطعم...لمحت بنت صغيرة عم تشتري من عرباية غزل البنات...بتشبه همسة كتير...نفس شعرها المكزبر...و نفس خدودها الحمر و نفس ابتسامتها الحلوة
بدون شعور حسيت رجليي اخدوني الها!_

باسل:مرحبا ياحلوة!

املي:مين انت؟

باسل:(نزلت لمستوى نظرها)حزري

املي:امممم.....انت بابا؟؟؟

باسل:ههههه....مين قلك؟

_حطت اصبعها الصغير على عيوني و ابتسمت_

املي:ماما قالت...انو عيون بابا متل الشمس و انت عيونك متل الشمس

باسل:هههههه...شوكمان؟

_تلمست شعراتي بكف ايدها و انا مستسلم ادام سحرها_

املي:و انو شعرات بابا ناعمين...انت شعراتك ناعمين

باسل:امممم...ماقالتلك شو اسمو بابا؟

املي:هأ

باسل:طيب...تعالي لنحكي معها و نفهم مين انا

_حملتها و مشيت باتجاه المطعم وكانت همسة واقفة مع بنت تانية...مغيرة شكلها كتير...شعرها صاير اشقر و سابل و طويل...و نحفانة عن اخر مرة شفتها
بس مع هيك...لساتها همسة اللي عشقها قلبي_

باسل:مرحبا!

همسة!!!!!

باسل:مو انتي ام هالبنوتة الحلوة؟

همسة/وقف عقلي لما شفتو ادامي!!...ماقدرت احكي ولاعبر بكلمة وحدة...بس نذهلت..كيف جاية و حامل املي كمان...قلبي تسرع و الدم تجمع بوجهي و حسيت بحرارة لفحتني...هيه نفسها...حرارة الشمس بعيونو/

باسل:شو ماتزكرتيني؟

همسة:باسل؟؟شو جابك لهون...بقصد كيف عرفت مكاني!

باسل:(ابتسم)قلب العاشق دليلو

املي:يعني بابا اسمو باسل!!!واو

ريتا:همسة ليش ماخبرتينا انو ابو املي جاية لهون!
مرحبا انا ريتا صديقة همسة...بعتقد هيه حكتلك عني

باسل:هههه....اهلا...انا باسل

همسة(بارتباك)ريتا باسل مو....

ريتا(مقاطعة)مو ...مو شو؟؟ كنتي بدك تخبي علينا موهيك!!...فكرك تنفدي من امي انتي وياه...والله يا اخ باسل امي قايمتلك زفة مرتبة لانك تارك همسة لوحدها هيه و أملي

باسل(مستغرب)....معلش...بتموني انتي و الوالدة

ريتا:بيظهر كترت حكي...طيب هموسة انتي اجازة اليوم خدي زوجك و بنتك و روحو مشوار تسلو

باسل:رفيقتك معها حق....انا مشتاق لعيلتي

همسة:(بلعت ريقي وطلعت فيهن هنه التنين كيف طنجرة و لقت غطاها)طيب...تفضل لنروح مشوار

املي:ياااي...رح نروح مشوار انا و بابا!!...بابااا انا كتير بحبك

باسل/و انا حاملها...قربت و باست خدي و حضنتني
شعور غريب انضاف للالف شعور اللي حاسسهن
تصرفات هالبنت خلقت فيني شي مابعرفو..انا كنت بعرف اني بعشق امها....بس الظاهر اني رح اعشقها الها كمان و يكون الها نصيب بقلبي!/

_بالمطعم_

باسل:شو حطيتي أملي بقسم الرعاية؟

همسة:اي نعم...و انا بدي افهم شو لحقك فيني

باسل:شتقتلك!

همسة:باسل شيلنا من هالحكي انت متزوج ومافي داعي تنخرب عيشتك

باسل:طلقت انا و رزان

همسة:لك ليش!!!

باسل:لاني شتقتلك
لانو عم شوفك بكل مرا بتمرق ادامي...عم اتخيل طيفك كل يوم عم يزورني...لانك مالكة قلبي و عقلي و افكاري و مافيني كون مع غيرك او لغيرك

همسة:والحكي الي سمعتو منك اخر مرة!!وقت عملت حالك الرجل السعيد مع خطيبتك!

باسل:هههههه....فيكي تقولي جدبتها كرمال رزان

همسة:هلأ شو بدك!

باسل:بدي ياكي....بعدين تعي لهون انا بيحقلي اسأل كمان...كيف مخبرة بنتك اني ابوها!

همسة:و انت مين قلك!

باسل:عيون بابا متل الشمس...شعرات بابا ناعمين..شو كل هاد..بفهم انك عم تتغزلي فيني ادام البنت!

همسة(بارتباك)ايييي موهيك..هيه بتسأل عن ابوها كتير ومابعرف كيف قلتلا هالحكي

باسل:بس عصام مو هيك...يعني كنتي عم تحكي عني؟

همسة:اي....عندك مانع؟

باسل:ابدا...تغزلي فيني براحتك

همسة(ابتسمت و برمت وجهي عنو بس هو فاجئني ومسك ايدي وغير نبرة صوتو)

باسل:انا مستعد كون اب لبنتك...صدقيني رح عاملها احسن من أي اب اتجاه بنتو

همسة:القصة موهيك!

باسل:القصة اني بحبك...و انك بتحبيني...تعالي نطوي صفحة الماضي و نفتح صفحة جديدة...نكون فيها نحنا و املي...انا مابدي شي بالدنيا غير تكوني ملكي
انا تعذبت كتير ببعدي عنك...وجرحت رزان كتير بالكلام الي قلتلا ياه...لاني كنت عم عيشو...انا بدي ياكي ملكي
والله العظيم بعشقك....قلبي ماعاد يتحمل فراقك

بعرف اني غلطت لما تركتك اول مرة و تاني مرة بس انتي لما تعرفي الحقيقة رح تعذريني
اول مرة ضحيت بمشاعري و مشاعرك و تاني مرة عملت نفس الشي كرمال ناس تانيين ماكنت بدي زعلهن
بس هلأ مستعد زعل الدنيا كلها و مازعلك!
انا بدي ياكي...ومارح اتخلى عنك مهما كان الثمن
ومارح ابعد عن
دربك شو ماعملتي

همسة_____

باسل:شوقلتي؟

همسة:خليني فكر....الموضوع متعلق ببنتي ومصلحة بنتي قبل مصلحتي انا و مشاعري انا

باسل:مارح تلاقي اب احسن مني لبنتك

همسة:بس أملي عندها اب...وهو عايش

باسل:اوعك تفكري بيوم من الايام تخبريها انو هو ابوها
خليها بلا اب احسن ماتعرف انو عصام ابوها

همسة:ااااه

باسل:لاتتنهدي...امنيني على حالك و على بنتك وشوفي كيف انا قد الامانة

همسة:باسل....انت اكتر حدا كرهتو بحياتك هو زوج امك
مستعد تلعب هالدور؟؟

باسل:اول شي باسل بيموت لما بتقولي اسمو...وتاني شي انا مارح كون زوج ام....رح كون اب...وجربيني

_ميلت راسها و ابتسمت و طلعت فيني بعيون عم تلمع
نظرة كتير عميقة...نظرة ضيعتني و نستني مين انا_

همسة:عطيني مهلة لبكرا

باسل:متل مابدك

همسة:طبعا....لكن متل مابدك!

باسل:بحبك

همسة:(ابتسمت و اكتفيت بالصمت...مالي متجرأة انطقها
خايفة من الي جاية...وخايفة من بكرا...بس اكتفيت باني اتأمل عيونو...واغرق بدفاهن وحنيتهن...مع اني كنت مجروحة منو كتير...بس تنازلت عن زعلي و عن جرحي
مقابل ابتسامتو وبس!)
_بنفس الليلة_

باسل:يلا حبيبتي فوتي نامي وبكرا بجي بشوفك

املي:بابا لاتتاخر بكرا اي

باسل:حاضر ياعيون البابا(طلعت بهمسة و قلبي تعلق ببنتها)..بدك شي؟

همسة:سلامتك...تصبح على خير

_هميت لامشي و انزل عالدرج..بس باب الجيران انقذني لما انفتح و ظهرت ريتا_

ريتا:يييييي....جارنا وين رايح بهالوقت!

همسة:شبكي ريتا شو بدك بالزلمة انتي؟

ريتا:بس ماتكون مارح تنام ببيتك!

باسل:مممبلا...مبلا بس كنت بدي جيب غرض و راجع

ريتا:اي يلا...رح فوت سلي همسة بينما تجي انت

همسة:حبيبتي انا متسلية فوتي على بيتك

ريتا:شبكي همسة...فوتي لنعمل شاي بينما يجي زوجك بدي اتعرف عليه يوه!

همسة:فوتي...تفضلي

_بعرف اديش همسة منغاظة هلأ....بس انا الفرحة مو سايعتني ابدا...نزلت عالشارع و جبت قالب كيك و رجعت لبيت همسة_

ريتا:يييي ياجارنا ليش تجيب كيك همسة بتعمل اطيب منو بكتييير

باسل:أملي كان عبالها...شو وينها؟

همسة:نامت

باسل:بهالوقت!مو بكير!

ريتا:تسلملي همسة منظمة بكل شي...يعني املي كل يوم بتنام بهالوقت...ماقلتلي جارنا شو بتشتغل؟

باسل:انا شيف جنرال

ريتا:اهااا....يعني انت معلم همسة الطبخ...والله الزباين عم يطير عقلهن بشغلها

باسل:والله؟؟ماحكتلي..اي انا علمتا

همسة:حبيبتي ريتا انا حطيتلك حصتك من الكيك انتي و امك...يلا فرقينا مشان بكرا تصحي بكير على شغلك

ريتا:ايوا....معك حق والله انا قليلة زوق كيف نسيت انو الزلمة جاية من سفر بدو يرتاح ببيتو...يلا خاطركن

همسة:الله معك حبيبتي رح وصلك عالباب

_وصلت ريتا و رجعت للاقي باسل متمدد عالكنبة وعامل حالو غفيان_

همسة:يلا هلأ قوم لاتعمل حالك نايم

باسل:الله يخليكي والله تعبان مبارح مانمت كل الليل وانا عم فكر فيكي...خليني نام هون...بعدين هلا بتكون ريتا ناطرتني عالباب..موحلوة يشوفو زوجك طالع ينام برا البيت

همسة:والله!صدقت الكذبة؟

باسل:اذا بدك مستعد هلأ اتزوجك

همسة:اي بلا حكي فاضي...رح جبلك غطا وخليك تنام....بعين الله هالليلة

باسل:الله يخليلي حبيبتي الحنونة!

_رحت وجبتلو غطا و غطيتو فيه....كان غرقان بالنوم و ماوعيان لشي....قلبي حنلو...متل العود لما يحن عالوتر
ومتل الام لما تحن لابنها...وكأن قلبي و قلبو بينهن حبل متين...مكتبلو ماينقطع بيوم اد ماطال....مسحت على دقنو...وعلى خدودو..وعلى عيونو...الحب اللي بقلبي تجاهو مو طبيعي..ومارح اقدر خبيه كتير
مسكت ايدو....وسندت راسي عالكنبة...وغفيت!_
باسل/صحيت الصبح لقيتها غفيانة جنبي....حسيت براحة حقيقية لمجرد وجودها جنبي...مسدت على شعرها الناعم...وبطرف اصبعي تلمست خدها حتى صحيت/

باسل(بهمس و ابتسامة)صباح الخير

همسة(ابتسمت ابتسامة عريضة)صباح النور...نمت هون كأني

باسل:مكانك الصح...جنبي

همسة:يلي كانت اخدتو وحدة تانية

باسل:وحياة عيونك...ماكانت تنام جنبي وعلى ايدي...كنت كل يوم اتركها تنام و اهرب لتاني غرفة و الصبح اعمل حالي صحيت قبلها

همسة:ههههه

باسل:في كتير شغلات و حكي محتفظ فيهن الك

همسة:(اخدت نفس عميق)متل شو

باسل:متل اني بهواكي

همسة:و انا بحبك كتير

باسل:لكن لازم نتزوج...حاجتنا

همسة:خايفة

باسل:ماتخافي و انا معك

همسة:و أملي و أبوها

باسل:املي مقتنعة اني ابوها...وحرام ترجعي تحرميها منو مرة تانية...الطفل بهالعمر كتير بحاجة ابوه

همسة:رح تقدر تواجها بالحقيقة شي يوم؟

باسل:اذا اضطريت بقدر....بعدين مين حتلاقي حدا يحبك قدي؟

همسة:ولاحدا

باسل:ولاتنسي...انو صار عمرك26 سنة...شوي تانية بتعنسي ها

همسة:وانت صرت 36

باسل:انا ببقى شب اد ماكبرت

همسة:معك حق...بتبقى شب.....و بتبقى اخد عقلي

باسل:معقول اديش صعب الواحد يحصل على لحظة متل هي؟

همسة:شايف

باسل:والله لحظة بتسوا العمر كلو

همسة/قرب مني...وغلغل ايدو جوات شعري...حسيت بنفسو عم يقرب اكتر و انا تلبكت وماعاد اعرف شو اعمل
غمضت عيوني...و استسلمت الو...وبنفس اللحظة دخلت املي/

أملي:بابااااا

باسل(بصوت واطي)مالقيتي تجي الا هلأ!

همسة:هههه

باسل:تعالي ياروح البابا تعالي

_ركدت لحضنو و عانقتو و انا بقيت عم اتفرج عليهن
باسل معو حق...مافي اب احسن منو لبنتي_

باسل:اليوم بنوتي عندا روضة موهيك

املي:اي...لما ارجع رح تكون هون؟

باسل:اكيد حبيبتي مابقا بعد عنك انا

املي:ياااي....يلا ماما حضري فطور الي و لبابا

همسة:اي موتكرم عيونكن...تدللو وبس انتو التنين

باسل:قومي نغسل وجهنا يلا

_حملت املي و غسلتلا وجها...ماتوقعت اني حس باحساس الابوة تجاه طفلة مو مني ولا بتقربلي حتى
بس هالبنت عندها سحر...عندها براءة بتخلي اي حدا يوقع بحبها...تماما متل امها...ومن بعد ماراحت املي لروضتها...فضيت لهمسة...كانت واقفة بالمطبخ وعم تجلي...ارتكيت عالباب و تكتفت و تأملتها وقلبي من جوا فرحان فيها_

باسل:انو اديش لابقتلك الامومة!

همسة(ابتسمت)احلا دور بالعالم

_قربت منها و حضنتها وهيه عاطيتني ضهرها_

باسل(بنبرة حنونة)ياترى احلا من دور حبيبتي؟

همسة:باسل لاتخجلني

باسل(غلغلت بشعرها و شميت ريحتها الي مشتقلها كتير)

همسة(بخجل)باسل!

باسل:(بهمس)مشتقلك كتير

همسة:خلص بقا خجلتني

_برمتها لعندي ومسحت على خدها و قلبي رح يطلع من مكانو_

باسل:انا مافيني اصبر....ماعاد عندي صبر...بدي نتزوج فورا"

همسة:وشغلك؟

باسل:شبو شغلي؟

همسة:انا مافيني ارجع لهديك المدينة..مافيني كون مع عصام بمكان واحد

باسل:اي؟؟

همسة:يعني.....يا بتبقى هون وبتروح كل فترة بتطمن عالشغل....او...منسافر برا البلد ومنأسس مطعم انا وياك

باسل:حطيتيني بموقف صعب

همسة:فيك ترجع لشغلك وتطل عليي كل كم يوم

باسل:انا بدي اتزوجك مشان ابقى معك و اشبع منك...كيف بدك ياني اتركك و روح

همسة:مابقدر ارجع....عصام اذا شاف املي رح ياخدها مني!

باسل:رح سجلها على اسمي

همسة:لو كان...تحليل صغير بيثبت انها بنتو

باسل:طيب خلينا نخبرو احسن مانهرب...ويجي هو يشوفها كل فترة

همسة:معقول شتت نفسية بنتي بهالشكل!

باسل:ااه...مين قلك تخبريها اني ابوها!

همسة:انا ماخبرتها...هيه بس شافتك طابقت الصورة بخيالها مع صورتك و استنتجت انك ابوها

باسل:انا بدي كون ابوها...ومارح اتخلا عنها لواحد مختل متل عصام...و بدي كون زوجك....وحبيبك...وكل شي بحياتك...وكرمال عيونك بس...رح اترك كل شي و اهرب معك....رح ارجع و بيع المطاعم مع طاقم العمل تبعهن و بيع بيتي و جيب امي لهون بينما رتب امور سفرنا و رح طالعك من البلد كلها

همسة(ابتسمت من قلبي و مالقيت حالي الا حضنتو بكل قوتي...من زمان انا بحاجتو....بحاجة ضهر يحميني من الزمان...و باسل...هو السند وهو الضهر...هو قوتي الي بحتمي فيها...هو كل شي...ومافي شي قبلو و لافي شي بعدو هو البداية وهو النهاية..هو حبي الاول و الاخير
والوحيد....بنفس اليوم رجع باسل لمدينتو....غاب عني 10 ايام...كترت فيهن اسئلة املي عنو كتير...وصرنا كل يوم نحكي معو صوت و صورة...وبعد هالعشر ايام رجع لعندي...هو وامو...استأجر بيت اكبر من بيتي و اخدنا انا واملي لنعيش معهن..كرمال نرتب امور زواجنا و تسجيل املي على اسم باسل)

مرفت:معقول تتزوجو هيك بدون عرس!

باسل:امي...انا مين الي بهالدنيا غيرك انت و همسة...مافي حدا بيهمني غيركن..مالي شايف داعي للعرس طالما النتيجة انو نكون تحت سقف واحد

مرفت:متل مابدك حبيبي المهم شوفك مرتاح البال

باسل:الله يخليلي ياكي يارب!

همسة:انا جاهزة باسل

باسل:يلا لكن عنا شغل كتير

مرفت:الله معكن حبيبي

همسة:ماما اذا عذبتك املي
فورا اتصلي و برجع انا

مرفت:ماتاكلي هم حبيبتي

باسل:يلا همسة...بخاطرك امي

مرفت:الله معكن

_ركبنا بالسيارة و رحنا لننهي تثبيت زواجنا وتسجيل املي...ونحنا بالسيارة وقف باسل عالاشارة و عكست اشعة الشمس على عيونو حسيت قلبي داب بمكانو و انا عم طلع فيه_

همسة:حبيبي

باسل:عيونو

همسة:لاتخلي الشمس تجي على عيونك

باسل(ابتسم)ليش حبي؟

همسة:مشان عقلي يبقى بمكانو مو اكتر

باسل:هههههههه....خلص حاضر

_حط نضارات على عيونو وشغل اغنية و كملنا بطريقنا للمحكمة وهو عم يغني_

طلع بعيوني شوف
اديش قلبي ملهوف
صعب اوصفلك بحروف
شوبحبك!
وتحققو احلامي
انت معي وادامي
و ادام الناس كلا انا ملكك
انا ملكك
ادام الناس كلا انا ملكك
شدني غمرني من الفرحة قلبي
واقف ناسي انو يدق
اذا معك مابكون انا مابدي كون
و اذا حدك مابعيش
هلأ بدي مووت
________________________________

همسة:بغمضة عين كل شي صار مثالي والحياة الي كنا نحلم فيها تحققت...صح واجهنا صعوبات كتير
بس الحلاوة مابتجي الا بعد مرار كتير و الصبر اخرتو حلوة
املي كبرت بحضن اب مافي متلو ولاحسسها بيوم انها مو بنتو...رغم انو صار عنا غير املي 3 ولاد...بس هيه بقيت اخدة الحصة الكبيرة بقلب باسل
شغلنا اللي اسسناه و تعبنا فيه قطفنا ثمرتو و قدرنا نأمن حياة كريمة لولادنا
امير....جود....عمر
وجودي معو هو اكبر نعمة...حبو الي و غيرتو عليي من نسمة الهوا....حتى من ولادنا هو بيغار عليي
بيحسسني اني طفلتو المدللة...رغم العمر الي مرق علينا
دائما...لون الشمس بعيونو....قرص العسل...ولون المغيب
هاد السحر اللي فيهن...بيرجعني بنت 18 سنة...عشقانة صاحب هالعيون

باسل:لما برجع بذاكرتي للماضي...مابشوف غيرها..بكل خطوة هيه معي...بوجودها او بغيابها هيه حاضرة معي
الزوجة المثالية اللي بيحلم فيها اي رجل
العثرات اللي طلعو بطريقنا خلو حبنا اقوا و امتن من اي وقت
ومافي شي يخليني ممتن اكتر من وجودها بحياتي
و وجود الشمعات ال3 الي جابتلي ياهن عالدنيا
وبتبقى املي على رأسهن...لانها لوماكانت بنتي بالدم..فهيه كانت و رح تبقى بنت قلبي
حصولي على همسة...بمثابة حصولي على السعادة بحد ذاتها...ومافي شي ممكن يكدر هالسعادة مهما كان
وهيه من وقت ولدتها امها الي...ومسجلة على اسمي
ورح تبقى هيك حتى نموت سوا...وحتى بالاخرة هيه الي لوحدي

عصام:اما انا....عانيت بالمصح النفسي كتير حتى قدرت اتخطى كل شي و ارجع وقف على رجليي بمساعدة رزان طبعا...خطوة بخطوة كانت معي ومافيني انكر فضلها عليي....بظرف سنة رجعت لشغلي و لبيتي...و حاولت كتير اني لاقي همسة بس ماقدرت...وبعد سنين سمعت انها تزوجت باسل و طلعو برات البلد و صار عندهن 4 ولاد....بوقتها كان عمري 45 سنة...قررت اني كمل حياتي و اسس عيلة جديدة...قبل كل شي رجعت لبيت اهلي و صالحتن بعد هالقطيعة الطويلة و طلبت من امي تخطبلي....وبالفعل خطبتلي قرايبتنا و تزوجنا و عايشين متفاهمين...خلفت منها ولدين متل القمر
مابنكر اني بلحظات بحن لهمسة..بس بذكر حالي اني خطفتها من باسل..وهيه ماكانت الي من الاصل...حاولت كتير فتش و اسأل عن ابني الي كانت حامل فيه بس بدون نتيجة وماحدا بيعرف شي
يمكن يكون مات قبل مايشوف النور...بالنهاية..كل واحد فينا حصل على نهاية مناسبة....و انا بعتبر حالي سعيد مع زوجتي و ولادي و الماضي صفحة وتسكرت للابد!

رزان:لما بقرأ ملفات هال3 اشخاص...بكتشف اديش عندهم نقاط و منحنيات مشتركة و متشابهة بحياتهن
ال3 ربيو بدون اهل....ال3 هربو من اقدارهن...ال3 عانو كتير و داقو اشد انواع البؤس...من زاويتي و كطبيبة نفسية بشوفهن مظلومين بس كل واحد بطريقة
حتى باسل رغم زواجي منو و حبي الو
بس هو كان مظلوم معي...وما بندم للحظة اني تركتو
لاني بعرف انو هو عايش افضل حالاتو مع همسة
وخاصة انو صار عندهن 4 ولاد
اوقات بشك انو في واحد من هالاولاد هو ابن عصام
بس بحتفظ بشكي لنفسي و مابفكر اني خرب عليهن عيشتهن...لانهن تعبو كتير لقدرو يحصلو على بعض
انا قدرت انسى باسل ووجودو وكمل بحياتي و اتزوج
لدرجة مابحس انو هو كان عقبة بحياتي بيوم من الايام
بس غريب....انك تشوف نفس القصة عايشينها 3 اشخاص

#انتهت

بداية القصة 💜

رأيكن بالقصة🧚‍♀👇
@Stories_3_bot

قصة جديدة: #قلبي_بيده

قراءة ممتعة🌸🙈

#قصة #قلبي_بيده
للكاتبة: #مايا_الحجازي
القسم الأول
{القصه الها حقوق وبقلم حدا تعب وسهر عليها بتمنى من كل شخص عم يقرأها يعتبر هالشي وأي حدا بيحاول يشيل إسمي عنها ما راح سامحو أبداً في شي إسمو دايركت فوتو عليه اطلبوها مني طلب وأنا بقرر إزا فيك تنشرها عندك أو لا}
بقلمي:مايا الحجازي
بسام:لا تفكري انو ممكن أنساها بزواجي منك عم تفهمي..ولا تفكري إنو ممكن أي مرأة تعوض مكانه إكرام بقلبي
شغف:اي ومين حكالك أنو أنا جيت لعوض مكانه حدا أنا متلي متلك مجبورة على هالزواج ويمكن أكتر
بسام:أنا سايرت بابا وماما بحكم إنهن أصحاب وجيران أهلك وأسمعيني شغف أنا ما بشوف فيكي زوجة
شغف:أي وأنا معتبرتك متل أخي
بسام:أي بكون أريح وهي أخر مرة بسمحلك تشيلي صورة إكرام من هون
رجعها بقوة
شغف:ما شلتها أبداً كنت إمسح مكانها وبس
بسام:ما تحركيها فهمتي
رفع لحرام ونزل تحتو وغمض عيونو كنت لسى واقفه عم أخد نفس من هالجدال الطويل العريض المشكلة أننا ربينا سوى وأنو حظرت عرسك بس مشان أهلو يخلصوه من حزنو وأهلي من محبتهن فيه قررو يزوجونا بس ولا بأي شكل ممكن نقرب من بعض أنا كل ليلة بحمل لمخدة وبروح بغفى بالصاله والصبح برجعهن للغرفه ومافيني ما مثل أني مستقرة بلعكس على طول مبسوطه تمددت بمكاني وشغلت التلفزيون كنت متابعه فيلم مصري قديم والصبح بصحى على صوت فيروز أي الأخ بسام مغرم فيها والسبب أكيد إكرام مشغل سيكارة وعم يدخن وبأيدو فنجان قهوة ..عاطل عن العمل أو أخد إجازة مفتوحة الله أعلم إيمتى بيرجع لدواموا شعراتوا منكوشين وملفلفين كان حلو قبل الحادثة بس هلأ كل يوم عن يوم عم يختلف الهم عم ياخد من عمرو بدون ما يحس ودقنو عاطيتو عمر أكبر من عمرو تجلست من الكنبايه والقيت نظرة أخيرة عليه رتبت الصاله وقبل البس تيابي أندق الباب طبعاً بسام ما بيفتح أبداً لهيك أضطريت إرجع البس قميص النوم
شغف:مين
سهيلة:أنا المدام بعتتني
فتحتلها كانت صبيه بعمر لتلاتين بتشتغل ببيت حماي وكل جمعة حماتي بتبعتها لتساعدني
سهيلة: ما كون صحيتكن
شغف:لا أبداً تفضلي
سهيلة:راح بلش بالفطور
شغف:متل ما بدك
رجعت للغرفه طالعت بنطلون أسود وبلوزة بيضا وربطت شعري ذيل حصان وأخدت موبايلي حطيتو ب جيبتي ورحت لشوف سهيلة شو عم تعمل بلشت تحضير قهوة الي
شغف:أحسب حسابك
سهيلة:أنا سبقتك
شغف:متل ما بدك
'أخدت فنجاني وقعدت بالصاله لمحتو لساتو واقف وبنفس المكان وكأنو عايش بفيلم ما بدو يصحى منو حضنت لمخدة وحطيت على برنامج صباحي بيهتم بالأبراج ما بأمن فيهن بس بتسلا مو أكتر بيصحى من شرودو على صوت رنة موبايلو كان قبالي ع الطاولة بس ماني مستعدة حتى اطلع فيه إجى ودغري حملو
بسام:أهلين جود ..أي من زمان ..ليش شو في لا مالي نفس فيك تروح لحالك..قلتلك معاد حبيت هيك مؤتمرات ولو كان خلص باي
رماه ع الطاولة ودخل ل الغرفه بسرعه مو من عوايدو يرتب حالو بيضل بالبيجامه نفسها كل لنهار ونادراً ما شوفو لبس شي جديد
سهيلة:يلا مدام لفطور جاهز
شغف:ماشي
دقيت باب الغرفه عليه ورحت قعدت على طاولة السفرة
سهيلة:راح بلش بغرفتكن
شغف:بس ما تشيلي صورة المرحومة إكرام
سهيلة:ليش
شغف:أمسحي تحتها وأرجعي رجعيها دغري
سهيلة:حاضر مدام
إجى بسام قعد قبالي وبدون ولا كلمه بلش بالأكل كنت كل شوي أطلع فيه وقت شبع اخد كاسه الشاي بأيدو وشغل السيكارة ع الواقف وراح للصاله ضبيت الاكل ورحت لشوف سهيلة هلأ مخلصة مسح وترتيب اطمنت على صورة إكرام أي مو ناقصني بهدلة كمان اليوم راحت لتنظف الصاله '
وبلشت بنفض الغبرة
سهيلة:سيد بسام فيك ترتاح بمكان تاني
بسام:هون مرتاح كتير
سهيلة:أنا بقصد مشان الغبرة وأنو
بسام:أزا مو عاجبك لا ترتبيها
سهيلة:..
جابت سطل المي وبلشت مسح الارض وكل شوي
سهيلة:فيك ترفع رجليك بس شوي
بسام:اوف وبعدين معك
سهيلة:بس ثواني
رفعهن ع الطاولة وتكتف مو عاجبو وبعد ما خلصت دغري راحت للحمام عم تتأفف منو طلعت حاملة تياب الو
سهيلة:مدام اغسلهن
بسام:لا اتركيهن
سهيلة:بس
بسام:اتركيهن
سهيلة:متل ما بدك بتحبو أعمل طبخه معينه ع الغدا
شغف:اعملي حراق بأصبعو
بسام:انا ما بحبها
شغف:شو بتحب لكن
بسام:اي شي بس مو هالاكلة
سهيلة:خلص راح اعمل شيش برك
شغف:اي كتير منيح
دغري حمل حالو وراح ل غرفتو وسكرها وأنا 'ساعدت سهيلة بكم شغله وأخر شي توقعتو زيارة من بيت حماي النا راحت سهيلة تفتح وانا ضليت واقفه وقت شفتهن اتظاهرت أني مبسوطة
شغف:أهلين والله نور البيت
حماتي:منور بصحابو كانو حماتنا بتحبنا وصلنا بوقت الغدا
شغف:بتشرفونا بأي وقت أهلين عمي
عمي:أهلين فيكي
صلاح:كيفك شغوفة
شغف:ههه أهلين صلوحه
صلاح:هلا هيك دلعي

شغف:لكن دلعي شغوفه
براءة:كيفك وليه
شغف:مشتاقتلك كتير
طبعاً انا وياها كتير رفقات من الروح للروح غمرنا بعض
براءة:شو وينو بساموو
شغف:اه هلا بندهلو تفضلو ع الغدا
فتحت دغري عليه الباب
شغف:بيت عمي هون
بسام:شو شايفيتني أطرش
شغف:لا بس فكرتك ما معك خبر
بسام:الي بيسمعهن بيفكر جايين مداهمه
شغف:والاكل جاهز يلا
بسام:يلا
كان متسطح وتعبان كتير سكرت بقله حيلة صفنت شوي بوضعو ولأيمتى هيك راح يبقى كانو ناطرينا بالصاله
شغف:ليش هون قاعدين شو ما راح تتغدو معنا
عمي:سبقناكن تهنو
شغف:لا ما بيصير
طلع بسام ولعيون كلها عليه مو مبدل تيابو ولا حتى مشط شعراتو
عمي:شو نايم لهلا دكتورنا
بسام:لا مو نايم تفضلو ع الغدا
حماتي:لا نحن شبعانين
ما جادلهن أبداً راح لياكل خجلت من تصرفو
صلاح وبراءة اطلعو ببعض وحماتي وعمي زعلو
شغف:عنجد ما بيصير هيك
حماتي:تهني حبيبتي
شغف:متل ما بدكن
رحت للمطبخ وعصبت عليه
شغف:هاد أستقبال بتستقبل فيه أهلك ما شفت كيف وقفت حماتي وأنت طنشتها
بسام:..
شغف:مو حرام عليك كسرت خاطرها
ما تحرك بس رفع عيونو الحادة وزورني ورجع كفى اكلو
شغف: اعمليلهن عصير
بلشت بالاكل
شغف:ما عجبك كلامي
بسام:كلك على بعضك مو عاجبيتني
شغف:اي بالناقص
بسام:شغف راسي راح يتفجر اطلعي منو
شغف:..
ما بعرف كيف الي نفس بالاكل شبعنا سوى ورحنا لعندهن قعد بدون اهتمام رجل على رجل وحضن لمخدة استناول الريمونت وبلش تقليب محطات ضربو صلاح على رجلو بيمزح معو
صلاح:شو وينك يا زلمه
بسام وين شايفني
صلاح:بعرف هون بس بقصد عن مباراة مبارح راحت عليك
بسام:مين فاز
صلاح:كمان ما حضرتها هون
بسام:نمت بكير
براءة:مع انو مستحيل تروح هيك مباراة عنك
بسام:راحت ومشي الحال
عمي:مجيد مبارح اتصل فيني
بسام:والله
عمي:اي نازل وبدو يفتح مستشفى واول ما سألني عنك أنت
بسام:..
حماتي:بسام
بسام:شو
حماتي:شبك مو على بعضك من أسبوع شفنا ضحكتك وين راحت
ما عندو جواب تنهد وطنش الكل
صلاح:أي شغف خانم معاد شفناكي متل قبل
شغف:شوفه عينك من البيت للمرسم والعكس
براءة:اي وايمتى موعد المعرض
شغف:مو هلا لسى بكير
براءة:ايمتى رايحه للمرسم عبالي شوف أخر اللوحات
شغف:بكرى منروح ما ورانا شي
براءة:يا سلام متحمسة كتير
بسام:اتحمسي لشي بيخصك
براءة:أنا وشغف واحد
بسام:هع
عمي:كيف أبوكي
شغف:تمام بيسلم عليكن
بسام:وين شفتيه
شغف:بحكي معو على طول
حماتي:شو ما نويتو تزوجوه ل رامي
شغف:بس تنوو تزوجو صلاح
صلاح:ههه لا أنا ما بدي العب وحدك ترجع راضي
براءة:أول عن تالي راح تتزوج مو معقول تضل عزابي
صلاح:لوقتها بتفرج بس خلال تجارب غيري طلع الزواج هم وغم وبتعرفو ليث مسميه بطيخ
عمي:هه ليش بقى
صلاح:يا بتطلع حمرا يا اما بيضا وبلا طعمه
حماتي:ههه
واضح تعجرفو ع الكل ما ضحك ولا بين سنو وكأنو عم بتأفف ليروحو على بكير
حماتي:شو حبيبي بدك تضلك بالبيت
بسام:وين بدي روح
عمي:ع المستشفى لدوامك
بسام:ما الي نفس
صلاح:لكن ليش درست ست سنين وعزبت حالك
بسام:هيك أنا حر
براءة:لا أنت مو حر انت عم تعاقب حالك على شي ما دخلك فيه
بسام:انتي ما خصك
حماتي:خلص براءة
براءة:لا مو خلص الي بيشوفك بيفكرك مريض نفسي
بسام:أي أي أنا مريض
عمي:براءة هاد أخوكي لكبير عيب
براءة:العيب الي عم يعملو ومو بس عيب حرام صرلها متوفيه سنتين ولساتو على نفس الحاله ما ناقص إلا يموت وراها
حماتي:شو هالحكي خلص براءة
براءة:لا تحكولي خلص احكولو إلو هاد الشي ما بيجوز ولو بيحبها عنجد ل إكرام كان أستمر
بسام:خلص اخرسي
وقفت وهو وقف وحماتي خافت يضربها اخدتها على جنب
حماتي:خلص براءة
بسام:ما بسمحلك تجيبي سيرتها ابداًا
براءة:ما راح جيبها ابداً ومعاد بدي فوت هالبيت صرت اطلع صايبني اكتئاب من عندك ما بعرف كيف متحملتك شغف
اخدت الشنته وطلعت بسرعه ضربت وراها الباب وهو زعل وراح ل غرفتو وانا اعجزت واسيهن بكلمه
عمي:شبها بنتك
حماتي:زعلانه مشانو
صلاح:مع انو على طول بينتهي حوارهن هيك بس براءة ما بتوب
حماتي:ما بدنا نخلص من لعنة إكرام
عمي:هي مو لعنة هو الي مصمم يضل هيك شو أول رجال بتموت مرتو
صلاح:يسطفل بابا حكينا معو وعالفاضي وع أساس زوجتوه ليستقر من جديد وهي النتيجه
حماتي:إلا ما الله يهديه ويرجع بسام القديم .
عمي:يلا نحن صار لازم نمشي
شغف:خليكن
صلاح:لا تأخرنا هلأ بتكون براءة تحت كلنا اجينا بسيارتي
شغف:طيب ماشي
صلاح:بكرى زورينا مع براءة
شغف:اي انشالله
ضلت حماتي للأخير اطلعت فيني بحزن
حماتي:حاولي تروقيه
شغف:انشالله
حماتي: والله كان أحن واحد فينا بس ما بعرف شو صرلو
شغف:بتهون
حماتي:ديري بالك عليه
شغف:اي حاضر
''راحت سهيلة معهن الجو الكئيب ما بطلع منو الا بالمرسم بيتي لدرجه حزين وبس عرف انهن راحو طلع يسهر ع البلكون هلا حول على أغاني أم كلثوم وسيكارة ورا سيكارة وبنفس الوضع وانا عم اتفرج واتحسر على حالي وعليه حتى وهو صافن مو طبيعي مرة يبتسم ومرة يزعل ومرة يمسح على شعرو الوضع بالبيت مو طبيعي ابداُ رحت للغرفة أخدت لحرام

ولمخدة وتمددت ع الكنبايه وغمضت عيوني ونزل صوتو عليي متل الرعد كنت على وشك النوم
بسام:في غرفه نامي فيها
شغف:هون تعودت
بسام:أنا حكيت نامي بالغرفه
شغف:اتركني مرتاحة
كنت عم احكيه ونص على نص نايمه
بسام:ازا بلاقي اعند منك بدي ادبح حالي
شغف: اكتر من هيك
بسام:شو عم تتمسخري
شغف:لا ابداً هاد الجد
بسام:انتي ما بتتجادلي ابداً
راح ل غرفتو وسكر الباب تزكرت يوم عرسو والمواقف الي صارت قبل يتجوز إكرام كان لطيف معي كتير أي والله ضحكتو كانت بوحدة وعلى طول هو صاحب النكته والمزح لك شو الي صار فيه ليش هيك انقلبت حياتو والأحلى من هيك عايشه معو بصفتي مرتو وهو مو راضي يطلع من حزنو الصبح وقت اصحيت كنت متكسرة على شوي الي عم يدق الباب راح يكسرو استغربت من بسام معقول ما صحي وقفت ورا الباب
شغف:مين
جود:انا
''طبعا ما عرفتو بس حدا قاصد بيتنا فتحت من الباب شوي لأني لسى ببجامه النوم"
شغف:مين حضرتك
جود:بسام هون
شغف:اي ثواني بس
خليت الباب مردود شوي ورحت ل غرفتو دقيت كتير وفتحت كان عم يلبس لبلوزة وزورني
هي بدل صباح الخير
شغف:في حدا بدو اياك
بسام:اي فوتيه
شغف:وانا هيك بالبيجامه
بسام:اي ما بياكلك
شغف:اطلع انت وكمل لبس عندو
بسام بصوت عالي: جود تفضل البيت بيتك
وفوق كل هاد الصاله قبال غرفتنا سكر باب البيت وانا عنجد انزعجت
بسام بصوت عالي:كيف قهوتك
جود:بتسلم عليك
بسام:ههه أمانه
جود:دخيل هالضحكه
طلع وانا لسى عم اتفرج عليهن كيف سلمو على بعض
بسام:شو صباح ولا احلى من هيك
جود:بلا شفت ما احلاني
بسام:كيف قهوتك
جود:ههه والله متل ما قلتلك
بسام:هه شغف يا شغف
شغف:شو بدك
بسام:اعملي تنين قهوة سادة
شغف:اي حاضر انا
''سكرت باب غرفتي وبدلت تيابي ورحت اعمللهن القهوة ضيفتهن مو شايفني ابداً وعم يتسايرو
جود:اي والله هاد الي صار
بسام:شبو هو التاني هي غلطه لا تغتفر
جود: مو هون المشكلة كان مو حيلا مريض المستشفى لدرجه انضج والشرطه اكتر من الممرضين والدكاترة وهلا كتب تعهد وسحبو منو الشهادة'
بسام:له له والله اسماعيل ما بيستاهل
جود:اي والله منعزل هلا متلك
بسام:ههه انا هيك مبسوط
جود:اي شايفلك اي وليش ما حضرت المؤتمر
بسام:انا
جود:هئ خيالك
بسام:من كل عقلك
جود:اسمعني بسام انا مو مشان شي بس عنجد مو هيك
بسام:..
جود:يعني عم تدفع بالمستشفى متلك متلنا وبدون ما تداوم خلص بيع حصتك فيها
بسام:..
جود شبك انخرست جاوبني
بسام:ما بعرف
جود:بعدين منظرك صاير غير شكل ههه
بسام:شبو ولاه
جود:ازا بتفوت لعند مريض بغيبوبه بيصحى خوف
بسام:ههه اي بعرف بس نفسي ماتت معاد في شي مستاهل
جود:لا بلعكس الحياة ما وقفت
بسلم:انا ما بدي اياها تمشي كل يوم عم اتزكر الحادثه
جود:اي شايفلك صحيح مجيد راجع
بسام:متلي متلك سمعت
جود:بيع حصتك الو
بسام:شو بدك بحصتي هو جاي ليأسس شي جديد
جود:كفو والله بتحس بيلبقلو النجاح
بسام:فكني منو
جود:ههه اي فكيتك
'كنت عم اتسمع عليهن من بعيد عبالي افهم ليش بس بيضحك ل جود افندي
جود:انا ماني زعلان عليك على قد مو زعلان على هالمسكينه ههه بربك ما بتخاف
بسام:شبني
جود:شو شبك والله كانك طالع من القبر بكفاله
بسام:جود عصبت ها
جود:ههه اي والله يعني نعملها اي زبط حالك وحياة حواجب ستي هالبيجامه من سنه عليك
بسام:وبعدين معك اه
جود:ههه براحتك المهم انا مرتب حالي ما حكيتلك انو جابو دفعه ممرضات اما شو يا بسام شقفه
بسام:انت ما بدك تبطل هالعادة
جود:اي شو اعملك لكن ..تروح معي مشوار
بسام:لا ما بدي
جود:احكيلي لوين
بسام:وين ما كان ما بدي
جود:شه حالف يمين تموت هون
بسلم:انت صاير كرار كتير
جود:عههه طيب قهوتك انشربت وانا تاخرت عندي مرضى ناطريني بشوفك
بسام:اي ماشي
جود:ازا رحنا لعند اسماعيل بتروح
بسام:لا سلملي عليه
جود اه وقلو اني بسلم عليه
بسام:ههه اي روح من وشي
جود:قلو عيونو
بسام:خلص جود بربك
جود:ههه بخاطرك
بسام:اي ما حدا ناطرك
''ضحكو سوى لعمى يخرب بيتو كيف ضحك ولا كانو بسام الحزين الي معيشني على اعصابي هون اخدت الفناجين وحطيتهن بالمطبخ والمسا اتصلت فيني براءة كنت مجهزة حالي لنروح للمرسم وهيك راح اخلص منو نص لنهار البست بنطلون وقميص وبوط عملت مكياج ورتبت البيت قبل اطلع ورحت لغرفتو لشوفو
شغف:بسام
بسام:خير
شغف:بدك شي قبل روح
اشر بايدو بمعنى روحي
شغف:اطلبلك غدا
بسام:لا شو يعني ما الي لسان يطلب
شغف:جيبلك شي معي
بسام:لا
شغف:براحتك يلا باي
طلعت وسكرت باب البيت مجرد اني اتنفست براتو شفت الحياة انزلت لتحت كانت براءة ناطريتني بسيارتها
شغف:كيفك
براءة:اهلا
شغف:كنتي اطلعتي واشربنا قهوة
براءة:لا دخيلك معاد بدي شوف جوزك

شغف جوزي ههه يعني مو اخوكي
براءة:لا مو اخي
شغف:ههه
براءة:بس عبالي افهم كيف بتتصبحي وبتتمسي بوشو اه
شغف:ههه حرام عليكي والله بسام حباب
براءة:معك
شغف:عهه لا ولوو حتى انا بعصب عليي بس شو نعملو
براءة:يسطفل هو حر كل واحد عقلو براسو بيعرف خلاصو ..ع المرسم دغري
شغف:اي اكيد
براءة:خلينا نتغدا بالاول
شغف:براحتك
'وصلنا لمطعم على طول منتردد عليه طلبنا الغدا وتسلينا شوي ورحنا للمرسم كان بالحارات القديمه ببيت عربي فتحت بمفتاحي ريحه التينر والالوان طالعه منو ومع هيك انا بتنفس هون بشوف حالي بالمرسم بفرغ عن سلبياتي وبقدم شي حلوو كتير باقي عليي خمس لوحات لكفي المعرض
براءة:اف هالريحه
شغف:هه اطيب ريحه
براءة:اي طبعا ست شغف بتتنفسي الوان
شغف:متل ما انتي بتعزفي كمان
براءة:ههه وحدة بوحدة
شغف:اي راح اعملك قهوة
برءاة:لا انتي بطالعيها تقيله انا بعملها
حطينا الشناتي على طرف البحرة هي راحت للمطبخ وانا دخلت للغرفه الي برسم فيها شغلت الضو وتفقدت اللوحات وشوي ندهتلي من ارض ديار
براءة:شغف يلا القهوة جاهزة
'مايا الحجازي'اشربناها تحت شجرة الياسمين وهالبيت بيعنيلي بشكل كبير هو ورته من اهل ماما طلبتو منها ليصير مرسم وما ردتني ابدا قضيت فيه طفولة كتير حلوة كان الي هون رفقات كتار بس كل وحدة اختفت ب مطرح بعد ما خلصنا فرجيتها على اخر اللوحات وكتير اعجبت فيهن هي اول حدا بيشوف اللوحات وبيتابعني اول باول ع الساعه تمانيه اطلعنا من البيت قفلتو وتمشينا بمشي بطيء لسيارتها الحارة بليل بتضج سياح وزوار وقت قطعنا بيتنا استغربت
شغف:وين اخديتني
براءة:بدك تسهري معي
شغف:بس
براءة:لا تبسبسي وليه هلا بتكون عمرانه ببيت اهلي
شغف:طيب بس ما بدي اتاخر على بسام
براءة:لا تزكريني فيه طيب انتي ما تشغلي سيارتو حرام مصفوطه ع الفاضي
ما عندي جواب او شوبدي خبرها
شغف:بتسدءي مفتاح السيارة مخبيه بالدرج نفسو الي بيحوي صور اكرام وحتى غرفه نومها مقفولة متل ما هي بتيابها وما بخليني حتى افتحها وعلى طول هو بيتفقدها
براءة:بيني وبينك هاد مرض
شغف:بس لو نحن فقدنا حدا منحبو كتير منعمل اكتر من هيك
براءة:هي جوز عمتي بعد وفاتها بشهرين كان متجوز وروحي شوفيه بيطلع بسام ابوه بالشكل
شغف:هو معك حق بهي بس بحس انو في شي غامض مخلي بسام بهيك حاله
براءة:اي وهو هيك بتعرفي السر بيكون مع مجيد
وهون انا انصدمت
شغف:شو دخل مجيد
برءاة:اه لا بس انو هني رفقات ما بتتزكري
شغف:اي بتزكر بس يعني ليش سر
براءة:لا ما قصدت بتعرفي هون فاتح محل كنافه شو رايك نجيب
شغف:متل ما بدك
'مايا الحجازي'نزلت وجابت حلويات وصلنا لبيت حماي من فوتتنا انبسطت فينا حماتي وصلاح كان عم يتابع مباراة تركها واجى يسهر معنا هو وصاحبو وابن جيرانو ليث وانبسطو بالكنافه كتير كانت سهرة كتير حلوة ضحكت لشبعت على صلاح وليث وبراءة
ليث:وين بسام
صلاح:بالبيت
ليث:والله الي زمان ما شفتو معقول من وقت توفت مرتو.
صلاح:ليش هو من وقتها طلع من البيت
ليث:يعني ما بيزوركن
حماتي:لا ابدا
ليث:شه وعنجد ما بيداوم
عمي:لا بس بيدفع مصاري وبيستلم راتبو
ليث هه كيف زبطت معو
عمي:لولا جود ما بيطلعلو شي بس ابن حلال هالجود بيني وبينك لازمو سفرة توعيه
ليث:لا انت السادء لازم حدا يمرض منكن ليرجع طبيعي
حماتي:لا ما بيتأثر من فترة اسعغو ابوه ولا اهتم
ليث:الله يكون بعونكن عنجد صعبه بسام اهم واشطر دكتور ينهي حياتو بعد وفاه مرتو لا هيك كتير
براءة:لا كتير ولا قليل الي من ايدو الله يزيدو
حماتي:براءة
براءة:كلمه الحق بتزعل الكل
عمي خلص بابا
شغف:انا صار لازم امشي
صلاح:انا بوصلك يلا ليث
ودعتهن واطلعت مع صلاح وليث كانو ماشيين حد بعض وانا وراهن
صلاح:تعال معي
ليث:لا مافي داعي
صلاح:لتسليني ويمكن نروح نكفي السهرة بالقهوة
ليث:طيب متل ما بدك
''اطلعت ورا وطول الطريق صافنه بس عم اسمع احاديثهن المختلفه عن الموبايلات وشغلهن نزلت وما راح الا لشافني دخلت للبيت فتحت بمفتاحي ريحه الدخان عشقانه كل المكان تأففت عنجد ورحت للبلكون فتحت بابو طفيت التلفزيون لمشغل ع الفاضي ورحت للمطبخ ابدا مافي اي شي معقول لهلا بلا اكل رحت ل الغرفه دقيت اكتر من مرة وكالعادة ما رد فتحتها ما كان موجود يمكن بالحمام بدلت تيابي بسرعه واطلعت بوشي للحمام دقيت كتير اي مافي حدا
شغف:بسام..بسام
بلشت دور عليه وما بقي الا غرفتها وقفت قريبه منها ريحه الدخان عم تطلع من هنيك فتحت
بهدوء عتمه لدرجه شغلت ضو خفيف كتير وهلا شفتو كيف نايم على التخت قربت اكتر تحت ايدو البوم صور وفي الها شال كمان حدو وفي صور على جنب فيها كتير وجوه وكانو ل بسام ورفقات الجامعه اطلعت فيه دقات قلبي تسارعت مسحت على شعرو وشفت فيه بسام القديم بسام المشاكس ابو الضحكه العاليه كان يموت بالالعاب الناريه وبيموت بروحه الملاهي بتزكر مرة جبر حماتي وعمي يركبو معو بقطار الموت 😂لحد هلا بضحك وقت اتزكر فصولو الناقصه '

شغف:انت ما بتستاهل تكون بهيك حاله يا حرام كيف دفنت حالك وراها ارتعبت وقت فتح عيونو وهو ارتعب مني سحبت ايدي واخجلت وقفت بدون ما حس
تجلس بتعب
بسام:شو عم تعملي عندك
بلش يلملم الصور ويخبيهن
شغف:دورت عليك وهون شفتك
بسام:اي اطلعي لبرا بسرعه
اطلعت دغري وشوي طلع وقفلها وحط المفتاح بجيبتو
شغف:لعمى شو الي بينك وبينها كان لحتى هيك مخلص الها بعد موتها ما بيقبل يطلع فيني وبيكرهني بفكرني فرضت حالي عليه او كنت بحبو وهلا حصلت عليه بيكفي انو معتبرين بعض اخوات
بسام:تعالي نامي بالغرفه
شغف:لا انا تعودت
بسام:ازا هيك راح تضلي راح جهزلك غرفه
شغف:لا تعب حالك
''انا ما بدي غرفه انا بدي يقتنع نغفى سوى حد بعض متل اي تنين متزوجين ازا بكون الي غرفه لحالي ولا يمكن يفكر فيني ولو شوي
بسام:انا بنام هون
شغف:مافي داعي
بسام:تسطفلي
دخل للغرفه وخلا الباب مفتوح اخدت لمخدة ولحرام وفرشت وغمضت عيوني
......
''روتين يومي غسلت بسرعه و رحت للغرفه كان لساه نايم اخدت فستان طويل وجاكيت جلد الو و رحت البست بالحمام ورجعت عملت بسرعه مكياج وتسريحه خفيفه البست الكندرة واطلعت من البيت قبل يصحى وقفت تكسي وبوشي ع المرسم اشربت قهوتي هنيك ووصيت صاحب المطعم على سندويسه فلافل وعملت كاسه شاي شغلت اغاني فيروز وسيكارة لروق اعصابي وبلشت ب لوحه جديدة حبيت تكون لوحه رمادية لاني عايشه بحزن كبير رسمت بقلبها ظل وشوية مربعات بيضا بالشكل بتشبه بسام وهونايم مبارح حسيت على فتح باب المرسم مسحت ايديي بسرعه و رحت لشوف كان رامي وجيانا اختي '
شغف:اهلين والله
رامي اهلين فيكي شو بلاقيكي هون
شغف:دورتو عليي
جيانا:لا توقعنا انك هون
شغف:اي تفضلو
قعدنا وكالعادة لازم اسال عن اهلي
شغف:كيف بابا وماما
جيانا:ههه تركناهن عم يتناقرو
شغف:على شو
جيانا:بابا عم يحكي ل ماما كبرانه وماما حردانه منو
شغف:هه الله يصلحكن بتتركوهن متخانقين
رامي:ههه يسطفلو بيتصالحو اي كيفك انتي وكيفو بسام
شغف:الحمد الله
جيانا وين لا حس ولا خبر
شغف:شوفه عينك هون وهون بين المرسم والبيت
رامي وايمتى معرضك صرت واعد فيه تلت رباع رفقاتي
شغف:ههه بتشرفو والله بس باقي عليي خمس لوحات ويمكن يزيدو
رامي ههه اي عال والله من سنه ما بيخلص
شغف:لا ولوو انا متحمسه هالفترة اي كيف خطرت ع بالكن
جيانا:ملينا هو اليوم باجازة وانا ما عندي شي مهم واقترحت عليه نزورك
شغف:لكن منتغدا سوى
رامي:اي اكيد ببيت اهلي
شغف:امم عزيمه
رامي:اي هيك شي
وشوي انفتح باب المرسم ضلينا عم نطلع لوقت شفنا براءة
براءة:ههه توقعت في عندك حدا
جيانا:يي اهلين والله
سلمو عليها وهي انبسطت فيهن
رامي زمان والله ما شفناكي
براءة:مشغولة
جيانا:بشو دخلك
براءة:بالحياة مو اكتر
قعدنا نتساير ونضحك نسوني ليش اجيت والتهيت معهن وبالاخير رجعت مع رامي وجيانا قعدت بالمقعد الخلفي كنت عم فكر ب بسام معقول لساتو بلا فطور لاتصل فيه طول لحتى رد
شغف:كيفك
بسام:اهلين
شغف:افطرت
بسام:اي
شغف:بدك شي
بسام:لا
شغف:باي
دغري فصل الخط
رامي:شو مطول جوزك بحدادو
جيانا:النسوان ما بتعمل عمايلو
رامي:ازا الواحد فقد امو وابوه وولادو واعز ناسو ما بيعمل حداد سنتين يعني بتضل حسرة بس ما بيدفن حالو وهيك يعمل
شغف: .
جيانا:شغف لازم تحاولي فيه
رامي:اي صح اعملي الي عليكي
شغف:كيف
رامي:هلا انا بدي علمك لرجال طول بعرض بيروح بشربه مي ازا مراة ضحكتلو ودلعتو
شغف:شو بدي دلع فيه
رامي:جربي ما بتخسري بعدين بيضل جوزك والله امنيتي شوفو برا البيت
تنهدت ب تعب
جيانا:اي والله اسمعي من رامي وحاولي تلفتيه يمكن ينساها
شغف:ماعندي جراة او ..
رامي:لك احكي ماني غريب
شغف:هو ما بدو يعطيني مجال لنكون متزوجين
جيانا:ولو كان تقربي اكتر
شغف:اي مافيني بخجل بعدين شو راح يفكرني
رامي:ما بفكركك شي واسمعي حاولي فيه مرة وتنتين وازا ما رضي وضليتو هيك اتركيه قلك على شي
جيانا دفشتو وزورتو
شغف:شوفي
رامي خلص ولاشي
شغف:لا بدك تحكي
جيانا:لا مافي شي عنجد
شغف:يا بتحكي يا اما بتنزلني
رامي ما بتزعلي
شغف:لا
رامي:مبارح ماما وبابا حكو بموضوعك يعني ازا بدك تضلي معو هيك بدهن يطلقوكي
شعف:شو لعب ولاد صغار الزواج بيكفي رفضت واصرو على هالزواج
رامي ما فكرنا هيك قلنا بكرة بيروق وبيعقل وبيرجع لوضعو
شغف:انا ما بتركو وبعدين تعودت عليه هيك
وصلنا لبيت اهلي سكرنا ع الموضوع برا انبسطت بشوفتهن وهني كمان فرحو فيني مر الوقت بسرعه ما حسيت فيه حكينا بكلشي الا عن بسام والمسا اطلعنا نتمشى بالحارة متل ايام زمان يمكن ردتلي روحي من جديد كان يوم حلو بامتياز ورجعني رامي ع البيت
شغف:نزلني عند محل الحلو
رامي:انا بجيبلك شو بدك
شغف:لا انا بدي اختار
'مايا الحجازي'نزل معي اشتريت حلويات شوكولاته وعصير طبيعي وشوية مكسرات ووصلني رامي ونزل معي كالعادة شغلت الضو وريحه الدخان لدرجه اليوم قاتلة رغم اني بشرب بس بدايقني ريحتو طبعا بشرب بدون علم اي حدا بمرسمي

شغف:ارتاح
رامي:شو وينو
شغف:لروح شوفو
فتحت عليه باب الغرفه كان نايم رحت ركض للمطبخ شفت المطبخ مافيو حتى كاسه شاي
شغف:شو بدو ينتحر يعني
رجعت لعندو قربت منو ارتحت وقت تنفس بس هاد مو وضع ابدا عملت قهوة وقعدت عند رامي
رامي:شو نايم
شغف:اي
رامي:انتي بتنامي هون
شغف:أي
رامي:ما بعرف شو احكي
شغف:تعودت
رامي:وبيت حماكي بيعرفو
شغف:لا ولا حتى ماما ولا بابا بس انت مين خبرك
رامي:جيانا حكتلي
شغف:اخ منها
رامي:بلا صارحيني مرتاحه هيك
شغف:اي مرتاحه
رامي:الله يصلحو ويهديه
شغف:امين
رامي:يلا انا راجع هلا امك بتعملي مشكلة
شغف:عهه طيب ماشي
رامي:ديري بالك على حالك ومتل ما قلتلك حاولي تتقربي منو انتي
هزيت براسي ودعتو وقت اتخيلت اني اتقرب منو كزت نفسي كتير بدلت تيابي وحطيت لمخدة ورميت كل همومي وغفيت
....
'ما حبيت اصحى بس صوت دقات الباب خلتني اتجلس
شغف:اف ما يفتح الافندي وبعدين معو
شغف:مين
صلاح انا
شغف:لحظه بس
دغري اخدت لحرام ولمخدة رميتهن بالغرفه ورحت فتحتلو
صلاح:صحيتك
شغف:لا عادي
صلاح وين جوزك
شغف:نايم
صلاح:عال كتير منيح
بدون ما يستأذن حتى مني راح لغرفه النوم وسكر وراه رحت بسرعه لشوف شو لحكايه
صلاح:اصحى خلصني..بسام
بسام:اوف شو بدك من عند بكرة الصبح
صلاح:العمر الك
بسام:مين مات
صلاح دفتر العلامات
بسام:جاي تهز بدني
صلاح:لا ولوو بس رايح لجيب مجيد مو حلوة بدونك
بسام:اعتقني لوجه الله وروح
صلاح:له انت حبيبي واخي وسندي اعتقك ليش
بسام:صلاح مشان الله
صلاح:لك انت ما بتقرف من حالك عندك مراة وهيك ريحتك
بسام:صلاح
صلاح:اي ازعل اضرب راسك بالحيط ريحتك بشعه بسام كتير روح اتحمم لك مشط دقنك بدها تخفيف صاير بتشبه اهل الكهف
بسام:ليش انت شفتهن
صلاح:ههه لا والله بس كانك واحد منهن
بسام:صلاح
صلاح:امانه عليك تحمم بدل تيابك خفف من دقنك لا تحلقها والله مو وضع هاد
بسام:انا حر
صلاح:وقت تكون عايش لحالك ما بتحسب حساب للمسكينه هديك يعني كيف قبلانه تنام حدك ما بعرف بعدين ما بدايقها وقت تبوسها
بسام:اوووف وبعدين معك
صلاح:طيب براحتك انطرك
بسام:لا
صلاح:الاجتماع ببيت عمي
بسام:..
صلاح:راح مر واخد شغف
بسام:مبروكه عليك
صلاح:ههه كلها
بسام:اي خدها مشان الله ما بعرف ليش حطيتوها بخلقتي
صلاح:الله عليك
بسام:يلا انقلع
صلاح:رايح يلا بشوفك انشالله تكون بدلت تيابك لاني قرفت من شوفتك هيك
يمكن ضربو بشي بس صلاح فرط ضحك رحت للمطبخ واجى لعندي
صلاح:جهزي حالك راجع اخدك
شغف:لا ما بدي
صلاح:شو بكيفك
شغف:مو مشان شي بس وقت روح من البيت بسام ما عم ياكل شي من مبارح بلا اكل
وكانو انصدم
صلاح:الله يصلحو بس لا تطبخي راح وصي على اكل
شغف:ماشي
صلاح:راح سكر وراي
شغف:اشرب القهوة معي
صلاح:لا غير مرة مجيد شوي وبيوصل
'راح وسكر وراه وانا لاحظت انو بسام اخد معو تياب وفات ع الحمام واخيرا رحت للغرفه فتحت الشباك وبلشت تنظيف ومسح واخدت كلشي تياب الو بدها غسيل وبلشت شغلي ضل ساعه بالحمام توقعتو يطلع مخفف دقنو بس طلع متل ما هو بشعرو المنكوش ودقنو الكثيفه بس الحمد الله لبس بيجامه تانيه دخل للغرفه اخد باكيت الدخان وموبايلو وراح للبلكون (نطرتك سنه ويا طول السنه رسمت على المشاوير يا هم العمر يا دمع الزهر يا مواسم العصافير،)عم يسمع فيروز
عملت القهوة ضيفتو وكانو بعالم تاني ما مشط شعواتو نشفو وهني منكوشين صفنت بعيونو العسليات ملامحو الحلوة بدون ما شوف الدقن والشعرات
بسام:خير ليش عم تطلعي
شغف:اه..لا ولاشي
ابتسمتلو
بسام:..
شغف:نعيما
بسام:..
شغف:حابب اعملك شي ع الغدا
بسام:الي بيريحك
شغف:مبارح جبت حلويات حطلك
بسام:لا
قعدت قبالو على الطاولة كان منزل رجليه ضليت عم اطلع بعيونو في شي بدي احكيلو اياه وخجلانه وهو ما بعد نظرو عني
شغف:طيبة القهوة
بسام:بس تقيله
شغف:ههه حتى انت
بسام:مين حكالك غيري عنها
شغف:براءة
بسام:هي بلا زوء
شغف:وانا بلا زوء
بسام:مين جاب سيرتك ليش مصرة تندحشي بحياتي شغف انا فهمان عليكي الي ببالك ما راح يصير افهمتي
شغف:....
بسام:انا حرمت على حالي النسوان
شغف:.....
#يتبع

#قصة #قلبي_بيده
للكاتبة: #مايا_الحجازي
القسم الثاني
''وقفت تركتو معصب ورحت كفيت شغلي عملت دوش مرتب ومن تعبي غفيت ع الكنبايه وقت اصحيت كان صوت صلاح برا عم يتجادلو عند الباب
صلاح اويها وبسام تحمم ...اويها وناقص يحلق دقنو اويها والي ما بيصلي ع النبي
بسام:خلص صلاح
صلاح والله فرحان فيك
بسام:شو هاد
صلاح غدا جاهز
بسام:معزب حالك
صلاح:اي مافي تفضل جاي شاركن
بسام:اي فوت اهلا وسهلا
ولا كانو انا غفيانه وانا عم اتجلس دخلو للصاله خجل شوي صلاح
صلاح:شو نايمه هون
شغف:ما حسيت
صلاح:لكن انا بفرد الاكل
الحقتو للمطبخ
شغف:هات عنك
صلاح:حطي صحون شو تحمم جوزك
شغف:ههه
صلاح:انا بفرجيه بدي ربيلك اياه
شغف:ههه
صلاح:الله يعينك عليه والله لو محلك لانجلط
وقت دخل بسام سكتنا قعد من تم ساكت وبلش بالاكل
صلاح:اي صحيح سالت عنك ماما
شغف:عنجد
صلاح:أي بتحكيلك بكرة في سهرة مشان براءة لازم تكوني
شغف:اي انشالله
صلاح:لا تتاخري ومو تيجي بايديكي
شغف:ههه شو قصدك
صلاح:يعني بطريقك جيبي كيك اي شي
شغف:شحاد ومشارط
صلاح:لك مو مشاني مشان براءة
شغف:اي ههه
صلاح:زود بساموو
بسام:..
اخد كاسه العصير وراح بدون ما يحكي شي اطلعنا ببعض تنهد ب تعب
صلاح:والعمل
رفعتلو كتافي
صلاح:ما عم نام الليل كل وقتي عم فكر كيف فينا نطالعو من هالمصيبه
شغف:..
صلاح:شغف انتي متل اختي ما بدي تزعلي مني او تفكري انو نيتي عاطلة
شغف:كيف
صلاح:يعني ما تتركيه هيك ضلي عم تتقربي منو الها سنتين متوفيه يعني ما بدها كل هاد ازا تقربتي منو راح تلغيها
شغف:..
صلاح:شوية اهتمام منك الو راح تلفتيه لو عمل حالو مطنش
شغف:
حسيت انو الحق عليي بس ما عندي الجرأة قرب منو لو شوي
شغف:ما بعرف شو احكيلك..بس بسام حاطت حواجز بيناتنا
صلاح:شو بكيفو
شغف:لكن بكيف مين
صلاح:لا تردي عليه يعني لو بكون بلا احساس حسسيه على طول بتنامي بالصاله صح
شغف:اه..لا
صلاح:لا تنكري يعني واضحه علاقتكن كتير جامدة.
شغف:..
صلاح:على كلا حاولي فيه
شغف:انشالله
ساعدني بضب الاكل ورحنا لعند بسام كان صافن بعالم تاني وصلاح ما تركو ضل عم يضرب فيه وهداك بدون احساس
صلاح:مبارح اسهرتلك بالقهوة سهرة غير شكل..اي صحيح بسلم عليك مجيد .
بلش يهز برجلو
صلاح:عاملين الك مفاجئة
ما اهتم وكانو ما عم يحكي معو
صلاح:انا بدي روح وصوني
شغف:سلامتك
صلاح:الله يسلمك
ودعتو وسكرت الباب كلام صلاح منطقي شوي بس خجلي من بسام كبير وقفت اتفرج عليه كيف فيني قرب منو وهو كانو حيط ولي بخاف يصدني بطريقه صعبه جبت لحرام ولمخدة وحطيتهن البست بيجامه نوم لونها رمادي وتمددت ع الكنبايه وحطيت ايدي تحت راسي وهو ما مهتم او معبرني لهيك اغفيت
.....
بلشت اتقرب منو رغم الجمود الي معيشني فيه على طول مبتسمه بوشو وعلى طول عم اضحكلو وعم جاكرو اي بدي فرجيه شغف المجنونه هي وصيه صلاح ورامي وجيانا عم يحكولي تقربي منو لهيك بعد ما اطلعت من الحمام البست فستان للبيت لونو ابيض مشطت شعري ورحت لعندو ع الصاله كان حزين وكئيب وحاطت على قناة بتغم القلب دغري اخدت الريمونت وقلبت لمحطه على مسلسل
بسام:ليش قلبتي
شغف:لانو هون احلى
بسام:يعني واضحه اني مندمج بالاخبار
كيف بتقلبي عن محطه انا متابعها
شغف:لانو ببساطه حابه كمل مسلسلي مو ملاحظ اني كل يوم بحضرو
سحبو مني بطريقه همجيه وانا ما تحملت رجعت بدي اسحبو منو
بسام:ممنوع تقلبي عن لمحطه
شغف:بدي كفي المسلسل واعرف شو صار فيه
بسام:وانا بدي اعرف الاخبار هون
شغف:ما بهمني في تلفزيون بغرفتك روح احضر
بسام: شغف لا تجادليني
قلب عن لمحطه وحط رجل على رجل
وانا انقهرت عنجد هلا وبنفس الوقت ما راح استسلم رجعت اخدتو
بسام:ممنوع تغيري لمحطه
شغف:لا بدي بدلها
بسام:شغف
شغف:بسام
بسام:لسى بتجاكر فيني
شغف:مو مجاكرة انا متابعه وهي النشرة بيرجعو يعيدو فيها الاخبار
رجعت ع المسلسل وشكلو عصب وقف بدو ياخدو مني بالزور كنت حاضنتو ضل عم يحاول يفكو مني وانا عم دافع عنو كانو ابني مو ريمونت وضل هيك لحتى سحبو اي طبعا رجال انا بدي اقدرلو تنفست بغضب ورحت لعند التلفزيون وقفت قبالو وتكتفت
شغف:بدي شوف كيف بدك تتفرج
بسام:المهم اسمع
ابتسم وحط رجل على رجل طبعا انا انسحرت بس اخفيت هالشي وبكبسه زر طفيتو
بسام:شغليه
شغف:لا
بسام:شغليه
شغف:شو بدك تعمل
بسام:يا ويلك ازا ما بيشتغل
شغف:بدك تضربني
بسام:لا
وقف واجى لعندي
بسام:ولك بتفكريني من جيلك عم تجاكريني
شغف:انت بلشت
بسام:كيف بلشت وانتي الي بلشتي فيني
شغف:لا باين انك عم تناقر وهي مو طريقه تسحب مني الريمونت
بسام:بلا كيف بدي طولو وانتي حاضنتيه
كان بدو يشغلو بالكبسه سحبت الوصله كمان

بسام:😅مو ناوية ع الخير شكلك
شغف:صح شو عرفك
سندت ظهري ع الحيط ورفعت رجل كمان
بسام:ههه بدك تبعدي ولا لا
رفعتلو حواجبي
بسام:ع فكرة هلا بطلت بدي احضر اخبار وحتى مسلسلك بيكون خلص بس بدي افهم شو اجى عبالك لتجاكريني
شغف:ههه للامانه مليت ومافي غيرك جاكرو
بسام:ماشي هالمرة انتي الي انتصرتي بس بتشوفي يا شغف
تركني وراح
شغف:اوووف منو شو عنيد بس هي مبادرة انو ابتسم وضحكتو يا ترى كم خطوة باقي علي لطلعو من حالتو هههه والله انا غريبه عجيبه سدءت حالي وعم عيش الدور
طلع من الغرفه معو باكيت جديد عم يفتحو وراح للمطبخ عمل كاسه نسكافيه ورجع للبلكون مد رجليه وبلش يتامل الجو كلو وانا شغلت التلفزيون اتفرج على باقي المسلسل كنت لاحظ عليه كل شوي عم يطلع فيني بس ما اهتميت عم خطط لشي اكبر يا انا يا إكرام وطبعا وقت يندق الباب بسام ما بيتحرك ولا بيهتم وكانو مانو عايش بالكون رحت وشفت مين
ماما:حبيبتي
غمرتني ع اساس مشتاقه وطبعا بابا ورامي وجيانا
شغف:تفضلو
دخلو وشافو بسام
بابا:كيفك صهري
بسام اهلين
دغري وقف واجى سلم وقعد وانا قعدت حدو
رامي:شو صاير تنام بكير
بسام:مين حكالك
رامي:اجيت اسهر عندك حكتلي شغف نايم
بسام مو على طول
ماما:صهري بدي اسالك
بسام:تفضلي
ماما:هلا انا عم حس بدوخه على طول وبترافقني لوقت النوم شو ممكن تكون
بسام:والله حسب في تحاليل وفي تشخيص
ماما:طيب انصحني بشي دكتور شاطر
رامي:له هي ضربه ل بسام ما هو دكتور
بسام:في الدكتور جود ببعتك لعندو بس ايمتى بدك تروحي
ماما:كتير مدايقه منها عادي بكرة
جيانا:وانا على طول بحس بديق بالنفس
رامي:ههه هي اعراض الموت
بسام:بتشربي دخان
جيانا:هه لا شو دخان
بسام:يمكن بتتحسسي من ريحه معينه
جيانا:اي والله بس شم ريحه اي بارفان هيك وما عدا ما بوقف عطس
بسام لكن لازم تبعدي عن العطر كلو
رامي طيب وانا مدام الكل مريض
بسام:هات لشوف شبك
رامي:اخ قلبي
بسام:هه شبو
رامي عشقان بنت مو معبرتني
بسام:ههه والله بدك الصراحه هاد مو اختصاصي
رامي:لكن اختصاص مين
بسام:اختصاصك انت
بابا:عشقان لكن
ماما:يمكن بتعرف شو انك تقيل دم لهيك مو معبرتك
جيانا:منيح اعترفت ماما
رامي:ما بلشت قصتي معها لتنتهي
شغف:هه كانو قلبتوها عيادة
بسام ليش ادايقتي
شغف:بكره كل المرض لانو
بسام:اه اي
ماما:كيفها امك وابوك
بسام:مناح
بابا:بدنا نعمللهن زيارة بكرة
جيانا اي اكيد راح تكونو
شغف:اي منكون
رامي وانت بسام ما تنسى
بسام:اي
تركتهن ورحت لاعمل ضيافه ورجعت شفت بسام سارح واهلي عم يتبادلو احاديث مشكلة وصلت لعندو
اشرلي بمعنى اقعد
بابا:كيف شايف طبخ شغف
بسام:والله منيح يعني ازا بتعدلو كمان شوي بيصير اسمو اكل
شغف:ليش شو اسمو هلا
بسام:تخبيص
شغف:هلا هيك
ماما:هي مو فالحه بالطبخ ولا بشغل البيت
جيانا:من هيك بليناك فيها
رامي:ههه يا حرام يا شغف لكن بشو فالحه
بابا:بالرسم
بسام:حتى بهي مو كتير
شغف:عنجد
بسام:اي يعني وقت شفت الك رسمه من شي كم سنه كانت بتضحك وبلا معنى
ماما:بس هلا عم تجهز لمعرض اكيد متحمسلو
بسام:ليش راح احضر
بابا:مو معقول انت جوزها وراح تكون سندها هنيك
بسام:لا مافيني
شغف:ليش مين عزمك
ماما:شغف شو هالحكي
بسام:بدك تسمحيلي مرت عمي شغف لسانها طويل وبتعصب عليي يعني هي اصغر مناقرة بتصير
بابا:له يا شغف
بسام:مع انو على طول بحترمكن وبحبكن بس شغف اثبتتلي انها بلا مربى
شغف:انا بلا تربايه
بسام:اي يعني كلمه الحق بتزعل
شغف:بتعرف مين الي بلا تربايه انت
بابا وماما:شغف
شغف:امبلا ما بيحترم حد واولهن اهلو
بسام:هاد الشي بيرجعلي
ماما:لا ترد عليها الله يقصف عمرها
شغف:بلا شو يعني هلا كحلتيها بدل ما تحكيلو ربيتها ع الغالي
بابا:شغف خلص بابا
شغف:لا مو خلص
رامي:شبكن يا جماعه اكيد بسام عم يمزح
بسام:لا ما بمزح وهي هيك نبرتها وكلامها وكاني مو جوزها
شغف:لك خليني ساكته مشان الله
بسام:امانه تحكي
شغف:..
بسام:اي بتعاملني كاني ولد عندها وبتتولدن كتير يعني من الاخر ما بتنفع بنوب
جيانا:هههه والله نهفه هلا شغف مولدنه
ماما:انا بفرجيكي
وكاني شفت ابتسامه لمعت على وشو
وزبط قعدتو واسترخى
ماما:انا شادة ظهري فيها وعلى طول بهت جيانا ورامي بحكيلهن شغف وشغف طلعتي هيك
بابا:خلص الك عليي ربيها من اول وجديد
بسام:والله يا ريت
شغف:لاا لحد هون وبس
وقفت ورحت للغرفه لعمى ما اقل ادبو وما اصغر عقلي نطرت شوي ورجعت حاملة العصيرر
رامي:شو مو ع اساس حردتي
شغف:لا
جيانا:لكن وين رحتي
شغف:حكيت مكالمه
بابا:على كلا بكرة تعالي لبيت حماكي
هزيت براسي
رامي:وانت بسام
بسام:انشالله
بطلت جادلهن بس هو حقق مرادو وعصبني وتبهدلت قدامو بس بفرجيك يا بسام ما بكون اسمي شغف ازا ما انتقمت منك وما سدءت ايمتى راحو ولولا العيب والحيا ما طلعت وراهن وسكرت بسرعه ورجعت للغرفه البست بيجامه وحاملة لمخدة ولحرام تمددت وريحت راسي منو

...
تاني يوم من الصبح جهزت حالي والبيت ومعاد بدي اطبخلو ابدا مع انو ما دقت اطيب من طبخي بس انا بفرجيه وجهزت حالي المسا لروح لبيت حماي بين التردد والتشجيع رحت دقيت باب غرفتو
شغف:ما بدك تروح
بسام:لا
شغف:طيب وصلني
بسام:ليش خايفه تنخطفي
شغف معجبيني كتار
بسام:ههه
شغف:طيب مشان حماتي مو مشاني
بسام:لا هيك اقتنعت روحي
شغف:بدك تلبس يعني
بسام:ههه لا بدي نام
نزل لتحت لحرام مع انو الدنيا على وشك غروب لازم يخاف عليي بس مو قابضني كلي على بعضي اخدت الجاكيت و رحت لحالي لبيت حماي بتكسي وصلت لهنيك'مايا الحجازي' وكانو اهلي سابقيني الضحك والمزح عنجد شي بيخلي القلب يفرح جيانا وبراءة حد بعض ورامي وصلاح يعني لمه مو ناقصها الا بسام
حماتي:شو وين بسام
شغف:نايم
بابا:من هلا
شغف:اي والله
عمي:والله نحن ظلمناكي معو
شغف:لا عادي بعدين ما حدا جبرني
ابتسمت ل ماما وبابا
قعدت عند جيانا وبراءة على ضحك ومزح
براءة:بتعرفي شغف
شغف:شو
براءة:مجيد طلب ايدي
شغف:لا مو معقول
براءة:وربي ليش مستغربه
شغف:انو ايمتى
جيانا:ما غيرو ابو عيون ملونه
براءة:اي هو
جيانا:تتهني هه ورفيق بسام
براءة:هون المشكلة رفيق اخي
شغف:ههه
السهرة ما خليت من فصولنا الناقصه ببعض وذكرياتنا وصورنا القديمه وبعد ما خلصنا اطلعنا لبرا البيت نتمشى كلنا وصلاح رجعني للبيت وفات معي كمان
صلاح:شو وينو
شغف:بيكون نايم
صلاح:انا رايح لعندو
دخل للغرفه وسكرها وانا وقفت اتسمع
صلاح:لك حاجتك نوم اصحى
بسام:شو بدك
صلاح:انت كيف بتسمح لحالك تيجي مرتك لحالها ع البيت
بسام:مين راح ياكلها
صلاح:ما حدا بس شوفيريه التكاسي مو كلها ولاد حلال
بسام:هلا جاي معها مشان هيك
صلاح:اي والله كرجل شرقي بغار على اي بنت بعرفها ومرتك صغيرة مو كبيرة لازم ترافقها بكل مشاويرها لازم تغار عليها من النسمه
بسام:ههه امانه
صلاح:أي عنجد متل ما كنت تغار على اكرام
بسام:لا تقارن هي بهي عم تفهم
صلاح:ليش بقى
بسام:شو جاب لجاب هديك انا بحبها وراح ضل حبها وانشالله موت لحتى ما اتركها لحالها
صلاح:طيب ازا هيك طلقها
يسام:..
صلاح:عنجد بتستاهل واحد احسن منك بعدين حرام عليك عم تهملها وهي عم تتحملك
بسام:اها عم تشكيلك مني
صلاح:لا بتعرف ما بسمع منها'مايا الحجازي' اي كلمه عاطلة عنك حتى بدافع عنك رغم انك ما بتستاهل عنجد بسام احسم امورك واتركها حرام
بسام:تروح من هلا لبيت اهلها لك ما جبرتها هي فرضت حالها عليي
صلاح:فكرتك رجال
بسام:يا سيدي انا ما بنفع خدها لبيت اهلها فهمها احكيلها بسام ما بدو اياكي
صلاح:..
بسام:وما بتعمل عدة طلاق انا ما قربت منها
صلاح:شو لجديد يعني
بسام:لا ولاشي بس لتعرفو وفهم ابوك وامك وامها وكل الكون انا ما بشوف فيها مراة لقرب منها
صلاح:عنجد كنت اخد عنك فكرة غلط وهلا صلحتها بتستاهل كلشي صار معك
بسام:اي منيح كتر خيرك انقلع ولا بقى تفوت لغرفتي وخدها معك مبروكه عليك
صلاح:شو يعني مبروكه هي تاني مرة بسمعها
بسام:شايفك معجب فيها بطلقلك اياها
صلاح:لا عنجد درجه مرضك زايدة عن حدها لو بتستحي وفيك شوية شرف ما بتعرض مرتك على اخوك
بسام:صلاح انقلع لبرا
قعدت بالصاله ع اساس ما اسمعت بس وين بدي ودي وشي منو ابتسملي وقت شافني
صلاح:يلا تصبحي على خير
شغف:خليك منشرب قهوة
صلاح:لا والله غير مرة..شغف
شغف:نعم
صلاح:ازا حابه بوصلك لبيت اهلك شو رايك
شغف:ههه لا والله هون مرتاحه
صلاح:طيب شو ما اعتزتي او بدك تروحي لاي مشوار بس علميلي بكون عندك
شغف:تسلم
طلع وسكر وراه انفجرت من البكي دغري ما تحملت ولا كلمه كانو اكبر مني وتقال على قلبي كتير غمضت عيوني عبالي اهرب منو من كل المكان عم اندم ع الساعه الي جمعتنا سوى لك ليش اقبلت بهي المهانه كرامتي بالارض وهو مو حاسس غير باكرام وكيف فيه يوفي الها وعم يعرضني على اخوه لهدرجه بلا'مايا الحجازي' احساس ونخوة معقول ازا بخبر ماما وبابا يقبلو بالكلام هاد
وقت طلع من الغرفه مسحت دموعي بسرعه وتمددت ع اساس تعبانه
بسام:فوتي بدلي تيابك
شغف:لا هيك مرتاحه
بسام:طالعلك اياها
شغف:لا
بسام:تعالي نامي صعبه النومه عندك
شغف:لا ارتاح انت
بسام:انا عندي فيلم بدي احضرو
شغف:احضرو
بسام:راح ازعجك
شغف:لا ما بنزعج
بسام:لك روحي نامي بغرفتي
شغف:لا خلص انا هون مرتاحه ازا بدك تحضر فيلم احضرو بغرفتك
بسام:لا هون المكان اشرح .
راح للمطبخ واجى حامل كاسه منيح ما راح شوفو قعد قبال التلفويون وانا غطيت وشي لنام واصوات الفيلم شي روعه صريخ وقتال رفعت شوي لشوف ويا محلى الصوت كان بيحكي عن مصاصي الدماء غطيت عيوني دغري
شغف:ولي شبو هاد منشرس اليوم الاحسن روح ونام بغرفتو تجلست دغري

بسام:شو مو عرفانه تنامي
شغف:الصوت عالي
بسام:اي بعرف
شغف:طيب رايحه لنام
بسام:..
دخلت للغرفه كانت عتمه تهيئلي كم منظر من الفيلم شغلت الضو دغري ورحت اخدت بيجامه ع اساس بدي نام سكرت الباب وبدلتها وطفيت الضو بس ما اقدرت دغري شغلتو وفتحت الباب كلو تمددت ب تعب وشوي ارتحت بس ما راح من بالي ولا اي منظر اول مرة بشوف لقطات لفيلم رعب كيف عم يحضرو ولي ليروح يتحول لوحش ويقتلني باين كتير مضغوط مني لفيت ايدي حوالي رقبتي 😓لا شو موت قتل بستاهل موته احسن من هالموته
تجلست والقيت نظرة عليه ابدا متل الوحش هو ودقنو وشعراتو اصلا الوحش بخاف منو وقت تحرك رجفت وغطيت وشي وغمضت وبلشت انسى الموضوع غصب عني واتخيل رسوماتي وكيف راح يكون المعرض حلو وبيجن 😅راح يطير العقل وراح اعزم عليه كل رفقاتي وجيرانهن راح خليه يضج ناس وبراءة راح تعزم كم رفيقه الها صحفيه خليهن يكتبولي مقال عادي ولو بالواسطه المهم انشهر يارب ينال اعجاب الجميع وبالاخص بسام 😁يا عيني كيف راح خليه يلبس بدله وبدي خففلو دقنو غصب عنو ويروح معي ونتمشى سوى ونتناقش واااخ يارب حقق حلمي كتير متحمسه'مايا الحجازي' راح يكون مميز هاليوم اكيد بحضور اهلي وكل الناس انطفى التلفزيون ما خطرلي يجي ينام بالغرفه الا وقت سكر الباب اخدت وضعيه المتجمدة وضليت مغمضه رفع لحرام ونزل تحتو اكيد انا ما بعنيلو ليطلع فيني ازا اخد فكرة عني مندحشه مدري فارضه حالي عليه شو مفكرني بايرة وهو ستر عليي اصلا لو ما بتليت فيك كنت هلا اسعد وحدة وربي 😴كمان شوي حاولت اسرق نظرة عليه كان بسابع نومه ☹يخرب بيتك تاثر بالفيلم لو شوي معقول ما بخاف اي شي طبيعي فاقد احساسو مستحيل يخاف او حتى يفكر فيه بالو مشغول بالمرحومه عم يفكر بايام زمان وكيف حبو بعض وتزوجو🤔اصلا ما سمعت بقصه حب بيناتهن ويوم خطب اكرام كلنا استغربنا فجاة خطب وزواجو ولا اسرع من هيك وكمان بلشت احسب كم شهر دام زواجهن وبالعلامه طلعت حامل دغري 😂ويومها ماما وحماتي ضلو عم يتهامسو ورامي وصلاح نشرو عرضو ل بسام ايه قبل كان كلشي حلو هلا كلشي مزيف ومو حلوو مصطنع وبالزور عم نضحك يا ترى قبل موت اكرام شو كنت بعني ل بسام لازم اسألو وكيف صار يشوفني بعد الزواج ازا هو كرهان اهلو كمان هيك غفيت وانا عم اسرح بطفولتي مع بسام والصبح كنت كتير مرتاحه تحركت اي ما وقعت متل كليوم كانت المساحه كبيرة عملت كم حركه رياضيه ولفيت على الجنب التاني
شغف:لك انا ع التخت🤔لك امبلا مبارح نمت هون بالعلامه كنت خايفه فتحت عيوني شوي شوي ولي بسام عم يطلع فيني غمضت بدون اهتمام ومنيح دقات القلب ما بتنسمع
بسام:صح النوم
رجعت اطلعت فيه بدون نفس
بسام:لا تخافي ما باكلك لو نمتي جنبي
شغف:..
بسام:هون النومه اريح صح
شغف:اي مو كتير
بسام:طيب كليوم نامي هون ما بزعجك
شغف:كتر خيرك
بسام:ليكون بدك ازعجك
شغف:لا ابدا مالي نفس بشي
تجلست قبل اغرق اكتر بعيونو نزلت رجليي واسترحت من النومه

شغف:معقول شو وقح 😒ليكون بدك ازعجك😏 لعمى ما اقل ادبك لك وين كنت مخبي كل هالحقد اخ ما بنسالو بهدلتي قدام اهلي حكالهن بلا مربى يعني شو شاف من قله ادبي ما بعرف تجلس وانا وقفت دغري نطرتو لطلع وطالعت اواعي بدلت تيابي بسرعه'مايا الحجازي' ورحت عملت قهوة الي والو قعد هو ع البلكون وانا اشربتو بالمطبخ كنت عم اصفن واتزكر كل كلمه جارحه بس عم طنش مجرد اني عم اتخيلو بازمه نفسيه مدتها عمر كامل راح اقضيه معو وفوق منها دقه الباب خلت الفيلم يكمل نقزت بس رحت لافتح
شغف:مين
جود:انا
فتحتلو
شغف:اهلين تفضل
جود:اكيد بسام هون
شغف:شو عرفك
جود:خههه
شغف:ههه تفضل
وقت شافو ع البلكون راح لعندو دغري
جود:بعرف اجيت بوقت غير مناسب
بسام:له يا زلمه كيف بوقت غير مناسب انت بتشرف ايمتى ما حبيت
جود:تسلم كنت قريب من هون وقلت بزورك اي كيفك
بسام:مبسوط شوفه عينك
جود:ما سالتني عن قهوتي
بسام:ههه كيفها
جود:بتجنن
بسام:ههه اي يعني مافي شي مهم
جود:امبلا ما بعرف من وين ابدا
بسام:شو الموضوع
جود:مبارح فقدنا مريض بتخدير كامل
بسام:كيف
جود:رغم انو الدكتور ما سمح بالعمليه بس الدكتور جهاد هو الي دخلو للمريض
بسام:كيف هيك بيعمل
جود:ما بعرف وبعد تحاليل اكتشفنا انو شارب قهوة قبل العمليه
بسام:الله يرحمو
جود:اي بسام..انا جيت مو بس لخبرك المشفى مستواه متراجع يعني فقدنا اهم دكتورين انت واسماعيل و
بسام:لا تكفي انا نفسي ماتت معاد بدي كل هالشغله
جود:بس نحن بحاجتك الناس بحاجتك بسام
بسام:شو مافي غيري
جود:بس حرام هالخبرة والشطارة يندفنو هيك عنجد بسام انا كل يوم بتخيلك فايت على مكتبك وعم تجهز حالك لعمليه جراحيه
المشفى كلو تبدل بعد ما تركتو

بسام:..
جود:بترجاك فكر بالموضوع نحن كلنا بحاجتك لك وين بسام الي بيعطي امل للكل كم مرة فقدنا مريض واطلعت تواسيهن'مايا الحجازي' وتخبرهن البقاء لله وانو كلنا ع هالطريق اه هلا وقفت هون
بسام: .
جود:ازا بتحبها وبتعزها ترجع لناسك لاهلك لمرضاك نحن بحاجتك
بسام:معاد تخيلت حياتي ترجع ولا حتى ادخل للمشفى عم حاول جود كل يوم الصبح بصحى وبتخيل حالي عم اجهز لروح المشفى بس عجزان اعمل اي شي ماني قدران اخطي برا البيت خطوة بخاف اي بخاف .
جود:لايمتى
بسام:ما بعرف يمكن اطلع من هالبيت محمل
جود:بعيد الشر عنك
بسام:اشتقت لبيت اهلي للشارع للناس بس في شي جواتي مات انتهى وكل يوم عن يوم بحس انو شغله اطلع من البيت مستحيله
جود:طيب اوعدني ترجع حاول اكسر هالخوف بمشوار لو صغير انا فهمان عليك بسام انت معك حق بشي وغلطان بشي
بسام:بفكر بس ما بوعدك
'مايا الحجازي'قدمتلو القهوة وبلشت بترتيب الصاله عم فكرب كلام جود كيف منطقي وبنظرات بسام الو عملت لفطور شاركنا جود وبعدها اعتذر ودع بسام وراح وفكري انو يتغير او ياثر فيه هالكلام دخل للغرفه وسكر 😒وبعدين معك لعمى خلصنا بقى وارجع لوضعك القديم والله بكون مبسوطه منك وعادي رجعني بعدها لبيت اهلي ما بتفرق والمسا طلع بنفس الشكل والشعرات وتمدد 'مايا الحجازي'على الكنبايه
شغف:يعني شوفي عذاب اكتر من هيك لازم يغير جو لازم
حط ايديه تحت راسو وعم يطلع بالساعه اخ بس منو
شغف:بدك تتغدا
بسام:متل ما بدك ان طبختي مناكل
شغف:مع انو طبخي مو طيب
بسام:ما قلت مو طيب
شغف:قلت تخبيص شو بتفرق عن الي مو طيب
بسام:بتفرق
شغف:اي واضح راح اطلب شاورما
بسام:اي اطلبيلي بلا توم
شغف:وكيف زبطت معك
بسام:انتي هيك احكيلو
شغف:وشو بدك معها
بسام:ببسي ويكتر بطاطا
شغف:ليش ما تطلب انت
بسام:بطلت بدي
شغف:لا لا راح اطلب
'مايا الحجازي'اتصلت ب المطعم وطلبت الغدا وجهزت كاسات للعصير وقعدنا ننطر سوى وما سدءت ايمتى وصلو رحت بسرعه فتحت وحاسبتو ومن ريحتها باين طيبه اعطيتو الي بلا توم وانا نزلت بالوجبه اممم شي بشهي وهيك تمت العملية بنجاح وهو شبع واسترخى من جديد
شغف:بتعرف منيح ما بتسمن
بسام:ليش منيح ما فهمت
شغف:يعني اكل ونوم اكل ونوم لازم تتحرك
بسام:اي انا بس تفلي بركض
شغف:والله😂وين
بسام:شو دخلك انتي بدك تعملي شاي
شغف لا
بسام:اي بالناقص انا بعملو
شغف:احسب احسابي
وقف واطلع فيني كان رايح للمطبخ
بسام اوامر تانيه
شغف:خليه حلو
بسام:اي حاضر
بعد ما راح فرطت ضحك عليه رجع متل المؤدبين وحط الصينيه قدامي وانا صبيت الي والو وشغلت التلفزيون وحطيت رجل على رجل خليتها قدامو دغري طبعا لرجلي هيك هيك انا بلا مربى
شغف:يلا باقي خمس دقايق ع المسلسل
بسام:الي بيسمع مسلسل بيسدء هاد اسمو سخافه
شغف:لا بلعكس حلوو
بسام:شو حلاه بعدين انشالله بتفكري المجتمع التركي مجتمع حب ورومانسية
الحديث كان مسلي لدرجه اهتميت بس بدون ما اطلع فيه عم قلب بالمحطات
شغف:لكن شو اسمو هاد
بسام:هاد المظاهر بس المجتمع التركي مجتمع عملي اكتر بهمو الاقتصاد كتير هع ولاقي تفاعل من جمهور عربي فاشل
شغف:والله انا منو عليي بحب التركي كتير مو محتوى بس اشخاص يعني في عندهن ممثلين ولا احلى من هيك اشتهيت شوف هون عنا هيك شباب
بسام:اي لنشوف متل بناتهن بتشوفو متل شبابهم
شغف:انت شو خصك بالموضوع التهي بحالك ولا تتفرج
بسام:شو بلاقيكي انطمزتي سبحان الله كلكن بتحبو النكد
شغف:ييي يقبر قلبي ما احلاه مراد دخيل طلتو ع الشاشه
بسام:اي شوي شوي على عيونك
شغف:وانت شو دخلك هدول عيوني
بسام:..
شغف:ايه والله ما بقول غير نيالها ل حياة عليه
بسام:عههه عنجد العقل زينه
شغف:بدي جهزلو لوحه واهدي اياها
بسام:اي هو مو فاضي الا الك
شغف:انا بتفضالو بكفي
بسام:اي ههه والله نهفه ما فكرتك هيك
شغف:شو مفكرني لكن
بسام:عم اكتشفك طلعتي مخبيه بتيابك
شغف:شو بتقصد
بسام:لا قبل كنتي مبينه انك موزونه وغير عن جيانا وبراءة ولا بهمك المظهر هيك على اساس بس للامانه صدمتيني
شغف:كيف
بسام:شو كيف ما انا عشت معك فترة لبسك وشغلك وحكيك كلو مو زابط
شغف:اممم وكيف بدك كون
بسام:والله فكرت عندك زوء طلعتي مهملة كتير ومو نظيفه
وهون انا جن جنوني ونزلت رجلي لقاتل معو
شغف:شو شفت من وساختي اه
بسام:شو شعراتك من اسبوع ما تحممو
شغف:بلا بلا شوفو مين عم يحكي الي بالشهر ليغسل وشو
بسام:اي اي لا تسكري ع السيرة
شغف:اي طالع طالع حقدك
بسام:مو حقد ابدا بس سبحان مغير الاحوال
شغف اي والله سبحانو
بسام:وغير هيك مو نظيفه ع البيت وشغلك من قفى الايد يعني لو بستعمد وبشتغلو بكون اريح
شغف:لا بدك تسمحلي فيها انت عنجد بلا زوء
بسلم:كلك نظر