الصائغ : وعليكم السلام اهلين ابني ..

ينار : لو سمحت بدي بيع هالدهبات ..

الصائغ : تكرم .. اي اختي شو قلتي ..

سالي : طيب طيب .. رح بيعن كلن بس.. سحبت طوق ذهب ناعم عليه الماسة صغيرة : هاد رح خليه ..

الصائغ : متل ما بدك .. تفضلو ارتاحو هون بينما جهز المصاري ومشي الزبون ..
اي ابني هدول بيوزنو ****

ينار : ممتاز .. عز الطلب ..

الصائغ : والله من حظك انه هالذهب غالي وتقيل ..

تنهد ينار : ذهبات امي الله يرحمها ... لو ماني مضطر بعمري ما ببيعهن ..

الصائغ : الله يفرج يا ابني هو بقي حدا مو مضطر ..

اجاه اتصال ل ينار .. ترك كل شي وركز معه

ينار : بعدك آخدة موقف مني

سناء : ينار قلتلك يلي بيناتنا انتهى .

ينار : يعني تخليتي عني ؟

سناء : انت يلي تخليت

ينار. : بعمري ما بتخلى عن يلي بحبن ..

سناء : ينار لو سمحت .. قلتلك اليوم غراضك بيوصلوك .. لو سمحت طلقني .. لانه اجاني خطابين .. وبتعرف ما بجوز ابقى على ذمتك ..

ينار : هيك لكن .. لك عالاقل احترمي اني لسا خطييك وكاتب كتابي عليك قبل ما تستقبلي خطابين .. و عكلن غراضي مسامحة فيهن وانت طالق .. بتمنالك حياة سعيدة ست سناء ..

اتطلعو نارين وسلوى بحزن على حالة هالشب وهو تغير لونه وعصب منها ..

الصائغ: تفضلي يا اختي هي مصاريكي كاملين بهاد الكيس وانت ابني تفضل ..

سالي : يعطيك العافية ..
اجو ليطلعو من المحل لما داخت نارين واجت لتوقع بالارض .. بس في حدا مسكها وثبتها ..

سالي : نارين .. ناريي ناريي شبك مشان الله ردي عليي

ينار وهو ماسك نارين : اهدي لو سمحتي .. جيبولنا مي يا شباب أحسن مو قاعدين عم تتصفنو فينا ..

ركض واحد جاب مي ورشو على وجه نارين لحتى صحصحت ولاقت حالا بين ايدين ينار ..

تدراكت الوضع ووقفت بسرعة بس رجعت داخت ..

ينار. : وقفي شوي شوي يا آنسة مشان ما تدوخي

نارين : شكرا الك غلبتك ..

ينار : لا اعوذ بالله ..

طلعو وقعدو يوقفو تكسي بس ما حدا كان يستجيب .. اتصل ينار بمكتب التسكي وطلب سيارة ..
شوي ووصلت السيارة .. بس هو ما ركب .. فتحلن الباب وقلن : تفضلو

سالي : لا اخي طلبتها الك ..

ينار. : لا والله طلبتها الكن .. ومشان الآنسة ما تضل واقفة كتير لانها تعبانة
تبسمت نارين من اهتمامه وقالت : يعطيك العافية فعلا تعبت .. بس ما بركب اذا ما ركبت معنا .. يعني انت كمان لايمتا رح تستنى ..

ينار : خلص متل ما بدكن ..

ركب ينار قدام وسالي ونارين ورا ومشيو على عنوان بيت نارين .. نزلت سلمت المفتاح واخدت المصاري وطلعو وينار لسا معن بالسيارة ..

سالي : هيي عم احكي معك .. كانه مو هاد طريق البيت ..

نارين : هيي يا افندي يا سيد .. عم نحكي معك .. مو من هون عنوان البيت ..

ينار : شو عم يصير ..

نارين : بيتنا مو من هون .. عم ياخدنا من غير طريق ..

ينار : شبك ماعم تحكي .. عم يقولولك الصبايا مو من هون البيت ..

فجأة وقف السيارة ونزل منها وبلش يشحط فيهن برا السيارة بدو يسرق المصاري يلي معهن ...

نزل ينار بسرعة وضربه بوكس على وجهه ولحقه ببوكس تاني ..وبوكس تالت افقده وعيه ..

نارين : انت منيح

ينار هز براسو وسأل : انتو مناح صبايا ! انا آسف كله بسببي

سالي : لا لا انت شو دخلك .. انا رح اتصل بعمر يجي بس هاد شو بدنا نعمل فيه ..
ينار : خليه ملحوش بمكانه ..

نارين بلهفة : بلكي بلغ عليك ..

ينار : ههههه ما رح يقدر يعمل شي .. اصلا انا طالع بالليل

نارين مندفعة : لوين ؟ انتبهت لحالا وقالت : آسفة بس انو .. يعني .. هيك ..

ينار : ههههه صراحة .. مسافر رح اهرب ..

نارين : عنجد

ينار : اي والله

نارين : ونحنا كمان ..

ينار : سبحان الله شو هالصدفة الحلوة وتبسّم
#يتبع

الجزء الرابع

رجع ينار عالبيت لقا أخوه ضابب الغراض وعم يستناه وامورن صارت جاهزة للسفر

"ينار "

بعد ماشفت أخي ضابب غراضنا وبيتنا فاضي حسيت بوجع بقلبي صحيح مانو بيتنا وهو بيت آجار بس بتضل ذكرياتنا فيه بعد مازرت قبر أمي وأبي مبارح وودعتن عرفت شو يعني الوداع يعني حتى قبرت مابقا فيني زورو وهي أقل شي كنت سكت شوقي لالهن فيه صحيح رح روح بس حامل ذكرياتن بقلبي وحامل حب البلد فيه كمان هالشي مابيختلفو فيه تنين بضل بلدنا وروحنا فيه بتبقى عالقة

"يمان "

مابعرف شلون اوصف شعوري هاللحظة نطرتا من زمان بس وقت حان موعدها ماحسيت بهداك الشعور الحلو حسيتا شي عادي لسبب ما حاسس حالي مارح فارق هالبلد .....

*•~~~~~~~•*~~~~~~~

طلع تامر من البيت ليتفقد الوضع برا ..

رجع بعد شوي وقلهن يطلعوا لانه مافي حدا ..

سعد : انا رايح مشوار وبلتقي فيكن عند ابو ضرغام الساعة 12 بالليل

تامر : وين رح تروح ؟

سعد : مشوار

سارية : وانا كمان .. بس رح اجي بالوقت ..

تامر : لكن مارح ابقى لحالي مع ابو ضرغام .. رايح لمكان كمان ..

ودعوا بعض وطلعوا ..

بعد ساعة .. عند سعد .. كان قاعد وحاضنها بين ايديه وهي عم تبكي ..

سعد : حاج تبكي حبيبتي مشان الله ..!

: كيف ما بدك ياني ابكي وانت جاي هلأ تقلي انك مسافر آه ..
طيب وانا ؟ ما فكرت فيني ابدا اهئ اهئ

سعد : يا سلوى يا حبيبتي ، بكرا بس روح ع المانيا وجهز حالي فورا رح جيبك لعندي..

سلوى : هههههههه هي اذا اهلي وافقو

سعد ضمها اكتر لياخد منها القوة والصبر ..

اما عند سارية فكان قاعد عند قبر امه وهو عم يحكيلا كل شي صاير

سارية : بتعرفي يا امي ، انا رح اترك البلد وسافر .. او بالاصح .. رح اهرب .. مو هاين عليي اتركك يا امي ..
مو هاين عليي اترك شامي ..
انا هون خلقت وبهالحارات كبرت .. هون اهلي وعزي وبلدي
هون انت ، انت يلي تعبتي عليي وربيتيني .. انت يلي ما انحنيت لحدا لحتى تربيني وما نحتاج لحدا ... بس انا لهلأ محتاجك يامو .. وين رحتي وتركتيني وين ..
بقي قاعد وعم يشم تراب قبر امه ويودعها ..

اما عند تامر ف كان قاعد متدايق على جبل قاسيون

تامر : ااااخ يا شام .. آخر أيامك معتمة كتير .. ما كنت هيك يا شامي .. انت كنت الضو لكل سوريا .. ليش عتمت بيوتك ليش
ليش هر ياسمينك .. ليش راحو ولادك .. ليش انكتب علينا نتركك هيك ليش ..
رح اشتقلك يا شامي .. رح اشتاق اجي انا ومتدايق لهون .. وقف وصرخ .. وانت تسمعيني .. رح اشتاق اجي اشكيلك ع رفقاتي و اشكيلك ع اوجاعي .. رح اشتاقلك يا شام ..

الساعة 11:00 وصل سعد والتقى ب سارية اتصلو ب تامر بس لاقو موبايله خارج التغطية ..

سعد : بما انه معنا لسا ساعة خلينا نروح نجيبه

سارية : بتعرف وينه ليش ؟

سعد : وين بده يكون .. بمكانه المعتاد ..

راحو سعد وسارية على جبل قاسيون وكان تامر هنيك قاعد على الحفة وعم يتفرج على الشام ..

حط سعد ايده على ضهر تامر وحكا : رح نرجع صدقني ..
شامنا بحاجتنا ورح نرجع ..

سارية : والله منظر الشام ما بينتسى ابداً ..

تامر ضحك من وسط دموعه : طيب شو رأيكن بشغلة ما تنسينا آخر يوم النا هون بحياتنا ..

سعد و سارية : شو ؟

تامر : شاورما من عند البيك

سعد : اووووه .. اجت بوقتا ..

سارية : اااخ يا تامر .. بعد كل شي الك نفس تاكل ..

تامر : ورانا رحلة طويلة .. ويمكن هي تكون آخر شغلة مناكلها من هون ..

راحو اشتروا الشاورما وقعدو ياكلو فيها وبقلوبهن الف غصة وغصة ..
بس هاد الحال والله اعلم بالاحوال

~~~~*•~~~~~*•~~~~~~

"أبكيك يا وطني أم أنت تبكيني الجرح فيك ولكن نزفه فيني "
اقتباس *
"تغريد"
الدمار اللي صار نحنا دفعنا تمنو حتى المادي رغم انو مارجعنا بنيناه بس كان تمنو غالي كل نظرة عليه بترجع بتفتح جرح جديد بعمرو مابيندمل من هون لمليون سنة لقدام الشغلات اللي عشناها مستحيل نقدر ننساها او نتخطاها اللي صار نخر عضامنا وعشعش فيها وأثر بقلوبنا
قلوبنا !!! اخ اصلا ماضل عنا قلوب لأن اللي صار ماخلا عنا قلب سليم يمكن نشرولنا دوا بالهوا لنتفسو حتى يغير تركيبتنا لنقدر نتحمل لأن مستحيل الانسان الطبيعي يقدر يتحمل كلشي عم يصير اليوم رح ودع أهلي وبيتي اللي ربيت فيه وكل ذكرياتي الحلوة والبشعة رح ودع حياة كاملة عمر كامل رح ودعو اليوم لأخطي اول خطوة بطريق المجهول ودعت أمي وأبي وعيلتي ورفقاتي كلن بهديك اللحظة مافيني أوصف شعوري لأني كنت مغيبة تماما عن الواقع الألم كان أكبر من أنو ينحكى وشو لسا ناطرني مابعرف بس اللي بعرفو أني رح التقى بحبيبي اللي ياما حلمت أني كون جنبو وماسكة ايدو وعم نكفي حياتنا سوا متأكدة ناطرتني أيام حلوة و أكيد مارح انسى أهلي وبلدي اللي هو وطني وانتمائي يمكن شي يوم ارجع ألتقي فيه والمس ترابو وان شاء الله هاليوم مايكون بعيد

⁦________________•°*⁩⁦*･゜

"رواء "
اليوم آخر يوم إلي ببيتي اللي جمعني مع أجمل انسان ب هالكون هالبيت اللي حيطانو شهدو عالحب اللي بنيناه واللي كمل بوجود أحلى شي صار معي بكل عمري توأمي تيم وتميم اللي ملّو عليي حياتي وعوضوني عن أمي وأبي اللي توفو من لما كنت صغيرة عازز عليي اترك وامشي بس لو كان في خيط صغير يربطني ب هالمكان كنت تمسكت فيه أكيد

"طاهر "
ياما كانو يحكولنا ونحنا صغار أنو الوطن هو أمنا التانية كيف هلأ بدي أترك أمي وسافر حاسس روحي رح تبقى هون وجسدي هو اللي رح يطلع متل طلوع الروح تماما تركتي للبلد بس مجبور لازم ضحي لعيش عيلتي عيشة أفضل كلشي بهون طالما عيلتي بجنبي ومرتاحين رح نرجع شي يوم أكيد مرجوع الابن لحضن أمو

•~•°°~~~~~•°°~~~
"نارين "

أحسن شي رح اعملو اني رح اهرب دايما كانو يحكو انو الهروب مانو حل بس بحالتي انا هو الحل الانسب هالبلد خسرتني كتير خسرتني اغلى ناس ع قلبي يمكن بالبعد مارح انساهن لانهن شي اقوى من انو ينتسى بس رح يكون اسهل عليي كفي حياتي بعيد عن الذكريات البشعة

"سالي"

كلام نارين عن أهلي رجعني سنين لورا حابة كتير روح شوفن وودعن لان يمكن مايصرلي فرصة غير هلأ بس ماعندي الجرأة والقوة أنا خزلتن ووجعتلن قلبن حطيتن بموقف بشع بهروبي بس هنن كمان ماخلولي حل تاني ماكانو يحبو عمر اللي هو هلأ كل حياتي احلى شي بالسفر انو رح يكون جنبي وين مارحت ح تكون الاماكن حلوة طالما اللي بتحبو ح يكون معك

"عمر "

سنين وانا قاوم فكرة السفر مابقدر أبعد عن البلد روحي معلقة فيها متل السمك اللي مابعيش بدون المي هيك انا مافيني عيش بلا الشام بس ااخ رح يضطر السمك يقتل روحو ويهاجر راجعين ياشام راجعين ولو بعد الف سنة انطرينا وكوني بخير

ودعو ابطالنا الشام بحرقة وغصة بالقلب مستحيل تنمحا كل العمر ليبلشو حياة جديدة ياترى ح تكون حلوة متل ماهنن راسمين ولا كيف ح تكون حياتن تابعو معنا لنشوف شو ح يصير سوا
#يتبع

الجزء الخامس

"ينار"
ع طريق المجهول ماشيين صحيح نحنا منعرف لوين رايحين بس مامنعرف شو ممكن يواجهنا كتير سمعنا عن طرق التهريب وخطورتا بس يحكو مجرد اشاعات وهلا رايحين برجلينا نجرب اتفقنا مع ابو ضرغام وحكالنا نستناه بمنطقة *** في كتير عالم رح تستنا بهي المنطقة لنطلع بالباصات ونروح عالحدود

"نارين "

النا ساعة عم نستنا هون في كتير ناس معقول كل هدول مسافرين مين ضل بالبلد لكان حتى الشب اللي ساعدني موجود هون شو اسمو يييي هو حتى على اسمو ماحكا بس شكلو كتير محترم وشهم ..

"سالي "
رحت ع بيت اهلي لودعهن بس ..
مالقيت حدا مع الاسف ..
كلهن رايحين .. سالت الجيران قالولي انهن طلعو من شهرين .. وماحدا بيعرف لوين
______________________

بعد انتظار وقت منيح والناس اتكسرت من التعب بين وقفة وقعدة مو مريحة اجت الباصات اللي رح تنقلن

ابو ضرغام :يلا ياجماعة اطلعو كلكن عالباصات خلونا نمشي

ابوضرغام : لك على مهلكن ليش هيك عم تدفشو بعض اطمنو كلكن رح تطلعو مارح اترك حدا

طلع الكل بالباصات ومشيت فيهن

شوفير الباص : باين عليكن متوترين شبكن خليكن ريلاكس رح شغللكن أغاني لتروقو

شغل الاغنية كانت "موطني "

الشوفير :لا لا هي رح تنعسكن بزيادة بلاها رح شغل غيرا

"يا طير سلملي ع سورية
ع ألب ودعتو بأراضيّا
بلادي الحنوني كل ما صليّت
بطلب ياربي تضل حاميا

سلّم ع حمص وبرج صافيتا
ع ألعة الحصن ومرمريتا
وع دير الزور وعالقامشلي
وعلى مية الحمّي وعلى جبلي
على إدلب وحرني وداريا

سلم عالحواش وع تنورين
وع ميسلون ومسعدة وبئين
تين السبيل ومحردة وبلودان
بصرى وحماه ومعرة النعمان
على تدمر و آشيّة

سلّم على النبك وعلى يبرود
وع صيدنايا وعلى جيرود
وع بانياس ومنبج وعفرين
جسر الشغور و أزرع وشلئين
وعالسويدا والدير عطيّة

سلّم عالغوطة وع صحنايا
ع دمر ودوما وسرغايا
عالرستن وطرطوس والحفّي
ع تل كلخ أرواد وصلنفني
عين المريدي وميّتا وفيّا

يا شام يا شام ما بأدر حنيني أوصفو
سر المحبي الناس كلها بتعرفو
ألبي...ألبي على نسمات هالغوطة ربي
وإلا ع حبك عيوني ما غفو

سلّم على الرقة وحلب والغاب
وعلى طوف شلالات تل شهاب
ومشتل حلو ومصياف وضعمرة
وعاللادئية وع رأس شمرا

عالشام حب الألب سوريّة

ياطير سلملي ع سوريّة وع ألب
ودعتو بأراضيّا بلادي الحنوني كل
ما صليّت بدعي ياربي تضل حاميّا"

هالغنية فتحتلن جروحاتن اللي لسا مااندملت والكل حزن ونكس راسو واللي دمعت عيونو طلّع فيهن ينار شاف الكل حزين ف حكى

ينار : معلم أنت حدا دافشك علينا ولا عاطيك مصاري لتذكرنا ولا الشغلة اجتهاد شخصي بهي الغنية بدك تروقنا شوف كيف قلبت الباص مأتم هلأ
الشوفير : ليش شو عملت أنا
ينار : سلامة فهمك نحنا تاركين البلد هلأ ليكون عندك علم ها قلت بخبرك بس
الشوفير : طيب طيب سماع هي الغنية لفارس كرم

"الله يلعن بي الغربه شو سوت بحالي

مره ومرمرتلي قلبي وسرقت مني الغالي

النا بنسافر سنتين وبنرجع عالضيعه

ضاع العمر وبعده حسين ما خلص هالبيعه

ويلي_ويلي_ويلي

الله يعين الي عنده عيله

عايش عالشمعه مهموم عم يتحمم بالكيله"

ينار : لا حول ولا قوة الا بالله اخي بطلنا نسمع أغاني ونروق ياريت تتركنا نقعد بهدوء وبس وبصوت واطي العما على هالعلقة

¶¶|•♪••••••♪••♪•¶¶¶¶
#يتيع

الجزء السادس

¶¶|•♪••••••♪••♪•¶¶¶¶

بعد فترة زمنية ........

الشوفير : تفضلو نزلو وصلنا
تامر تمتم لرفقاتو : كأنو مكتوب مسبح ال * ولا أنا مو شايف

سارية : لا صح اللي قريتو هاد شكلو مخربط بالعنوان من وقت طلعنا معو وانا شاكك انو عقلو مو تمام

سعد للشوفير : معلم انت شكلك مخربط نحنا مو كروب سياحي مابدنا نتفسح ونغير جو
قبل مايحكي الشوفير ويرد عليه وصل ابو ضرغام

ابو ضرغام : ماتواخذوني ياجماعة اتاخرت عليكن بس كان لازم وصل العالم التانيين ع اماكنن

عمر : شو هالمكان ابو ضرغام شوف لوين جابنا الشوفير

ابو ضرغام : بس الشوفير مو مخربط هون رح تقعدو وترتاحو بينما ننطلق

طاهر : بالمسبح ؟؟؟

ابو ضرغام : اي بالمسبح واطمنو جواتو في غرف فيكن ترتاحو فيهن من السفر وشوي رح جبلكن غدا تتغدو ووقت يصير الطريق تمام مننطلق تفضلو ارتاحو هلأ
دخلو كلن لجوا بالفعل كان في غرف ومجهزة ومطبخ كمان صحيح شكلو ماكان كتير مقبول لكن بيفي بالغرض

*___________*****_________

لما صار المساء بعد ماجاب ابو ضرغام العشا اجتمع الكل على سفرة وحدة وبلشو ياكلو ويتعرفو على بعض..

"تامر"
انا تامر عمري 29 سنة .. ربيت بالميتم بدون اهل .. الشام كانت امي يلي ربتني .. ضمتني الها وعطتني حبها وحنانها .. لهيك عازز علي اتركها كتير ..
التقيت قبل سنتين بسارية يلي عمره 27 توفت امه من كم سنة وتعرّف علينا بالصدفة وقعدنا سوا وسعد متل اخي الصغير .. بخاف عليه من النسمة الطايرة عمره 25 سنة بس بتحسوه اوعى من هيك بكتير .. وكان ناوي يخطب حبيبته سلوى ..
نكشه سعد بايده والكل صار يضحك عليه كيف خجل ..

_ صارو متل اخواتي الصغار وبحس انو من واجبي دير بالي عليهن .. سكنا سوا ببيت صغير على قدنا .. كنا يوم نشتغل وعشرة لا .. سعد كان دائما يقنعنا نطلع بس انا كنت ميبس راسي .. بس آخر فترة الأمور تعقدت .. فلقيت احسن حل .. هو الهرب ..

"ينار"
انا ينار .. عمري 28 سنة .. الحرب ما خلتلي غير اخي يمان ..
حط ايده على كتف يمان وأردف ..
عمره 23 سنة .. اطلع عليه وضحك .. هو السبب بأني اطلع لهون .. والا انا بحياتي ما كنت فكر اترك بلدي...

بس لشوف اخي فرحان بهرب من الدنيا كلها كمان ..

كانت عم تطلع عليه نارين وهو اتطلع عليها والتقت نظراتن .. بس سرعان ما خجلت وزاحت نظرها عنه وقلبها عم يدق ..

كمل نيار حكي .. كنت خاطب .. وفسخت ... بلشو يسألوه ليه بس ما جاوب حفاظاً على مشاعر يمان .. لانه ما عرف انه بسبب الطلعة فسخ اخوه ..

"عمر "

انا اسمي عمر بكون اسمي عمري بالنسبة ل سالي هههه
عمري 29 سنة أشّر على تامر وحكا .. بقدك ..

حبيبتي ومرتي سالي عمرها 25
تزوجنا من خمس سنوات بس الله ما طعمنا ولاد لهلأ ..

اهلي توفو بالحرب .. واهل سوسيتي مسافرين ..

طالعين مع ناري .. نارين بعمر سالي 25 مع الاسف استشهدو كامل اهلها من كم يوم .. هي بتكون جارتنا وقريبة جداً مننا ..
قررنا نطلع سوا ..
وهي نحنا هون ..

"طاهر "

انا اسمي طاهر ..
عمري 30 سنة متزوج من اجمل امرأة بالكون .. اطلع برواء وحكا ..
رواء .. يلي روت روحي وقلبي ..
وجابتلي اجمل توأم بالكرة الارضية ..

تيم وتميم .. اشر عليهن وهنن بحضن امهن .. هي تيم وهي تميم ..
اطلع الكل فيه مستغربين كيف قادر يميز بينهم ..
بس ضحكت عليه رواء وقالتله ..
هاد تيم وهاد تميم .. مو دايما بتصيبها يا طاهر ..
ضحك الكل عليه وهو صار يضحك معن ..

بعد ما هديو رجع كمل .. وهي جارتنا تغريد .. مخطوبة وطالعة لعند خطيبا .. طلعنا كلنا سوا بما انها جارتنا وبتضل معنا احسن ...

•••¶¶¶¶¶||||•••

بعد شوي من الأحاديث والتعريف اجا ابو ضرغام
ابو ضرغام : كيفكن شباب ان شاء الله عجبكن الاكل وارتحتو بالقعدة

طاهر : الحمد لله بس ايمتا الطلعة مو حابين نبقى هون كتير معنا عيالنا ومو ظابطة نضل هيك سوا
ابو ضرغام : والله الطلعة اتأجلت يومين كمان عم نستنا جماعات لتجي وهاد الرجال النشمي وعيالو ح يبقو معكن كمان
عمر: ليش نستنى ؟ نحنا مااتفقنا هيك جايين نطلع فورا مو هيك عاساس
و بلشو الشباب يضوجو ماعجبن الحكي
ابو ضرغام : طولو بالكن ياشباب مابصير هيك الشغلة مو سهلة لازم ننطر الجماعة لتكمل وتطلعو كلكن سوا روقو شوي اذا سمحتو
ينار : رح ننطر ونشوف بس مو اكتر من يومين
ابوضرغام : ان شاء الله خير هلا رح اترككن ترتاحو يلا السلام عليكم

دخل الرجال هو وولادو ومرتو وقعدو معهن بعد ماسلمو كان باين عليه كتير متدايق ومو
عاجبو شي

بعد فترة قصيرة قرر طاهر يستجوب هالغريب شو الشي اللي مدايقو ومعكر عليه

حط ايدو طاهر ع كتف الرجال وحكا : شبك أخي شكلك كتير مهموم بتحتاج شي فيني ساعدك بشي نحنا
حسن : اخ شو احكي لاحكي انا قصتي قصة
عمر : تفضل اخ شو كان اسمك بلا صغرة
حسن : اسمي حسن ٤٠سنة من الشقا والتعتير ..
عشت منن ١٢سنة مع اربع ولاد بشقا اكبر ..

عمر : باينتك كتير متعذب حكيلنا اذا ماقدرنا نساعدك منخفف عنك..

حسن : هاد ياسيدي انا كنت مسافر نظامي وطالع بالطيارة ولادي كل يوم يحكو عن أحلامهن بطلعة الطيارة كيف ح يطيرو بالجو فكرت فيها وقلت احسن من شقا التهريب وصعوبتو مع الولاد خليني بيع شقفة هالارض وطالعلن جوزات وسافر انا وياهن ..

سعد : اي وطالعتلن ؟

حسن : اي طالعتن ..

سارية : لكن شو عم تعمل هون

حسن : بدكن القصة من اولها ولا النهاية بس

نارين : لا احكيلنا انا بحب اعرف التفاصيل

انتبهت ع حالها كيف اتسرعت وحكت نزلت راسها بخجل وسكتت

حسن : طيب اسمعو
انتو بتعرفو لما بدك تطالع الجوازات لازم يكون الشخص حاضر فكل يوم انتع العيلة كلها وروح ع دائرة الهجرة والجوزات وهنيك بتشوف العالم كأنو يوم المحشر بالزور لاقدر حط رجلي

سارية : اي وبعدين

تامر: تحمس سارية هههه

حسن : اي المهم واقفين على هالدور شي عشر ساعات ليصير دوري أول يوم وأول ماصار دوري اطلع الموظف بالاوراق نظرة تفحصية قلي الصورة الشخصية لزوجتك لازم تكون بخليفة ملونة هي الخلفية البيضة مو مقبولة ..
رجعت عدلت الصورة كان خالص الدوام...
تاني يوم من بكير رحت كان قدامي شي خمسين شخص وكأنو بنامو هناك يازلمة وقفنا متل النهار اللي قبلو كل هاد وعيلتي معي لما صار دوري اطلع هيك قلي وين الطابع ** مو موجود بدونو مابعملك الوراق قلتلو دبرها من هون او من هون يازلمة قلي اسف وراقك بتصير مو قانونية ..
رجعت فتلت الدنيا على هالطابع لجبتو ب الف ليرة تخيل طابع هالقد قدو بالف وبدي جيب لكل الوراق كل هاد وقلت معلش المهم تمشي امورنا رجعت متل المرات اللي قبلها ووقفت انا وصلت قلتلو طمني ان شاء الله وراقي نظامية وقانونية وماضل شي قلي تمام التمام بس بدك تروح تدفع للبنك المصاري وترجع والبنك بهداك الوقت كان مسكر ..

نطرت لتاني يوم نزلت عالبنك دفعت ورجعت انا وصلت لعندو ختملي الوراق ومشاني قلت لحالي اجاني الفرج رحت عالموظف التاني لازم الولاد ييصمو والكل يبصم اطلع ع بنتي الصغيرة قلي مو هي نفسا البنت اللي بالصورة ياابن الحلال هي هي بنتي نفسا لا لا.. مو هيي انا احلف وهو يحلف قلي بالصورة قاصة شعرها وهون طويل لازم تصورها صورة جديدة ..
وماسمعتلكن الا هداك الصريخ ومرتي بلشت تتطلق اسعفتا عالمشفى ومن عجقتي فيها ضيعت الوراق واساسا المولود الجديد بدو جواز كمان حلفت ماارجع عيدا وبالناقص من هالجوازات حطيت اللي فوقي واللي تحتي عليهن وماطلعو وغير تعبتي وقررت اطلع تهريب ب هالمصاري يمكن اهونلي من الشنططة ..

طاهر : بعينك الله لك اخي مافي حدا مو متعذب ان شاء الله هلأ منطلع كلنا سوا وبما انو تعرفنا عليك كلنا صرنا مسؤولين عن بعض
عمر : اي اكيد صحيح ماالنا غير كم ساعة منعرف بعض بس نحنا ولاد بلد وحدة واخوة باذن الله مالنا غير بعض وخصوصا ب طلعتنا ع الغربة ان شاء الله رح نبقى سوا
الكل : ان شاء الله
#يتبع

الجزء السابع
7
..
بعد فترة بلشو الشباب يضوجو من القعدة وكتير ملو

ينار : خير شبكن شباب ليش هيك ضايجين كلهن يومين ومنطلع صبرتو كتير اصبرو شوي هلأ كمان

سارية : صبر شو عاجبك هالمكان حاسس ريحتو طالعة وهالشباب اللي طالعة فايتة اشكالن مو مريحتني

سعد : معك حق يومين والله كتار شو بدنا قاعدين هيك وكيف بدنا ندبر امورنا وننام

تامر : لك ايي والله قرفان نام ع هدول الله عليم شو بكون معبا فيهن حشرات
سمعهن شخص من بعيد وقرب لعندن

مجهول : معك حق من يومين شفتلك بنت اسعفوها منن وطلع فيهن حشرة قرصتا

تامر : صرلا شي ؟

مجهول : لا الحمد لله اسعفوها

يمان : وانت بدك تسافر تهريب كمان

مجهول : لا انا بشتغل مهرب

يمان : عنجد انت كمان

مجهول : اي في انا ورفقاتي هون طالعين الليلة كمان سكت شوي وقال شو رأيكن تطلعو معنا

يمان : وابو ضرغام شو بدنا نقلو

مجهول : هههه ابو ضرغام هاد شغلتو ناكتة وماخرجو يطالعكن ليكو بلش يمطمط ع يومين وتلاتة بكرة بصيرو شهر وهو تارككن هون ..

تامر : معك حق شكلو مو طالع بايدو شي لهيك رح اطلع معك انا مابدي استنا

مجهول : ماشي بس طريقي كتير صعب ومافيني أخد غير الشباب لان في ركض وزحف وكذا اذا حدا من البنات بتقدر اهلا وسهلا بس طريق كتير خطر..

ينار : لا البنات مابتقدر نحنا بس رح نطلع معك والتفت لعند عمر وطاهر وحسن وحكا ماتواخذونا شباب اتفقنا نبقى سوا بس مافينا نضل ان شاء الله منلتقى بالمانيا

مجهول : يعني كلكن مع بعض لاتشيلو هم في رفيقي هون بيعرف طريق تاني بياخدكن منو اذا بدكن وبتلتقو ع حدود المانيا شو قلتو

عمر : موافقين

مجهول : طيب هلا بخبرو يجي لعنكن يلا شباب جاهزين

سارية وتامر وسعد وينار ويمان سوا : جاهزين
طلعو الشباب بعد ماودعتو رفقاتن ومشيو بطريق صعب مابيعرفو شو ناطرهن فيه ..

●○●○●○●○●

بعد ما طلعو الشباب وراحو .. مر وقت لا طويل ولا قليل لما دخل واحد ..

مجهول : اممم نارين وين ؟

وقفت نارين وحكت انا ..

مجهول : قرب منها ووشوشها بادنها .. انا من طرف الدكتور **** اذا بدك هلأ بقدر طالعك من هون ..

نارين : عفوا ليش بس انا ؟ بعدين انا طالعة مع رفيقتي وزوجا ..

مجهول : امممم مو مشكلة منطلع نحنا وياهن سوا ..
سمعت انكن ضايجين لانكن رح تتأخروا هون .. وهي مجموعة شباب طلعت .. خليني طلعكن من هون قبل ما يجي ابو ضرغام
..
يلا رتبو غراضكن مشان نطلع

حكت نارين لسالي وعمر ورتبو غراضهن وطلعو معه ..

♡♡♡♡◇♡♡♡♡

عالطريق ..

كانو عم يركضو نارين وسالي وعمر وبنتين كمان طلعو معهن ما بدهن يستنو بعد اقناع وجهد كبير للمهرب...

ركضو مساحة منيحة وبعدين ارتاحو شوي تحت الشجر...

رجعو وقفوا وركضو كتير ..
لبلشو يسمعوا صوت حدا عم يمشي غيرن ..
تخبوا ورا شجرة عريضة عمرها مئات السنين .. وقلهن المهرب انه هي الشرطة ..

المهرب ..

اسمعوني منيح .. هي الشرطة .. اذا نكمشنا بتعرفو مصيرنا .. مالازم تطالعو اي صوت .. وقت قول ٣ بتركضوا كلكن على هاد الطريق .. خمس دقايق ركض بتوصلو على مستودع ادخلو عليه واستنوني ..

عمر : انت وين رايح؟

المهرب : انا راجع جيب دفعة تانية واجي .. متى ما وصلتو على المستودع فانتو صرتو بأمان ..

يلا واحد .. تنين .. ثلاثة .. ركضو ..

ركض عمر وسالي ونارين وماري وسامية ..

والمهرب استنى شوي عند الشجرة لاجاه واحد ..

..: معلم الامور كلها تمام

المهرب : تمام تمام هلأ هدول رايحين عالمستودع .. اتصل بجماعتنا وقلهن يجهزو حالن .. شب واربع صبايا سكت شوي وقال : متل فلقة القمر ..

بعد ركض تواصل خمس دقايق فقط .. وصلو على مستودع كبير كتير وصرلو مهجور وقت طويل ...

اول ما فاتو ايد ماسكة محرمة عليها مخدر .. نحطت على انف كل واحد منهن .. وراحو الخمسة مغمى عليهن ..

بعد وقت طويل .. ساعات ..

فتحو الشباب عيونهن .. تامر .. سعد .. سارية .. ينار .. يمان ..

كانو بالمستودع المهجور نفسه ..
بس شو صار ؟

خليكن معنا لنعرف بلعبة شو وقعو ابطالنا ..

~◇~◇~◇~◇~◇~

تامر : ينعنن .. لك مين مربطنا هون شو عم يصير

ينار : ااخ راسي .. اخر شي بتذكره انه جابنا المهرب لهون ..

سارية : قصدك دلنا لهون واجينا برجلينا ..

سعد : بتقصد انه هاد فخ ؟

يمان : مين اله مصلحة يخطفنا ..

تامر : كلشي وارد شباب .. مين هاد يلي نازل راسو ماعم اعرف ميز وجهه وليش لهلأ ما صحي متلنا ..

سارية : معقول ميت؟

ينار : تف من تمك شو ميت بعيد الشر .. الشب ما اجا معنا .. معناها اجا بعدنا وخدروه بعدنا ولهيك لسا ما صحي ..

بعد شوي صحي عمر على صوت وتوتة حده .. رفع راسه وبلش يفتح عيونه ويغمضن لتوضح الرؤية امامه ..

سعد : لك مو هاد عمر يلي تعرفنا عليه بالمسبح ..

يمان : هو بذاته .. عمر .. عمر سامعني ..

عمر : آخ دايخ كتير .. شو صار وين انا انتو ليش هون ..

بعد ما حكو القصة لعمر ..

عمر : لعماا .. لك .. هدول ضحكو علينا .. شو بدنا نعمل هلأ .. المشكلة انو في اربع صبايا

كلهن : شوووو

عمر : طلعت انا ومرتي ونارين وصبيتين كمان

نيار بعصبية : ولاد هالحرامم !

سعد مد ايديه قدامه وبلش يفرك مكان الربط .. اتطلع الكل عليه مستغربين كيف فك ايديه بهالهدوء ..

سعد : شو نسيتو اني متدرب منيح ..

سارية : فكنا لكان شو عم تستنى ..

قرب سعد وفك سارية

لما بلش يقرب صوت منهن رجعو سعد وسارية بطلب من تامر وعملو حالن مربوطين ..

حكا تامر ..
تامر : وهلأ لمتى بدنا نستنى هيك ..

مجهول : مارح تستنى كتير ..

الشخص يلي فات هو نفس الرجال يلي هربهن ومعه الرجال يلي هرب عمر والصبايا ..

عمر : وين مرتي والبنات يا كلبب

يمان : شو بدكن مننا ؟؟؟

المهرب 1: اممممم .. مد ايده وبلش يأشر عليهن ويقول : واحد .. تنين .. تلاتة .. اربعة.. خمسة ..

هممم خمس قلوب .. عشر كليات .. ٥ اكباد .. عشر عيون

سعد : لكك شو عم تخبص انتت

عمر : لك احكي انطقق

نيار : شو عملتو بالبنات ..

المهرب 1 : لسا ما خلصنا ..
بمين بدنا نبلش .. امم شو رأيك نبلش فيك يا حمش .. اشر على عمر .. ومنه ما بتضل تفكر زيادة عن اللزوم بمرتك ..

عمر : لك حاج تخبصص واحكي شو رح تعمل متل الرجال ..

المهرب 1: انتو وقعتو بايدينا لحالكن .. وما حدا سما عليكن ..
نحنا مو مهربين .. نحنا .. هههههههههه تجّار أعضاء .. وهاد مستودعنا ..

سارية : يعني ابو ضرغام تضحك علينا .. وهو متفق معكن بس عأساس ما بتعرفوه وما بتحبوه ؟

المهرب 1: لا .. هيك بتشك بابو ضرغام .. الله يسامحك .. ليش نحنا هربناك قدامه ؟ لا .. يعني هلأ بكون جانن ليلاقيكن .. ههههههه .. متل كل مرةة ..

يمان : لك انتو شوو . ما بتخافو الله انتتو ..

المهرب 1: اخرس ولا تخليني بلش فيك .. بعدين منوجع قلبه لاخوك هههههههههه ..

عمر : مرتييي ويناا .. انطق يا حقير شو عملت بمرتي ..

المهرب 2: لك ولا شي شبك عم تخانق دبان وجهك .. بكونو عم يتجهزوا يؤبروني وحدة وحدة ويطلعو على قبري ان شاء الله ..

ينار : لك خرااااس يا وااااطي

عمر : عم ي ي تجهزوا ؟ ل ليش؟

المهرب 2: شو انك طشمة .. ليش يعني .. رح نشغلن شغل خطير .. فتح ايديه وعمل قوصين وقال اهلا بهم في دار الدعارة ..

عمر : يا حقييييييييير .. والله اذا بتنمس شعرة من مرتي او من الصبايا لادبحك باديي ..

المهربين : عههههههههههههههههه هههههههههههههه هههههههه وينن ايديك ورجيني ياهن ههههههه

بلش عمر يحاول يفك حالو وهو عم يسبهن بأبشع الالفاظ بس بدون جدوى ..

بعد شوي وصل الدكتور وسعد وسارية عم يتفقو بعيونن على خطة يأنقذوا فيها رفقاتن ويطلعو من هون يأنقذوا البنات ..

♧◇♧◇♧◇♧◇♧

عند الصبايا ..

فتحو عيونهن وهنن بغرفة وحدة كلهن بس مو مربطين وفي تلات صبايا غيرهن ما بيعرفوهن ..

سالي : و و وين نحنا ..

وقفت نارين وبلشت تشوف المكان يلي هنن فيه .. غرفة مهترئة قديمة كتير .. سقف من الارميد ..

لحظة .. هاد المستودع مطرح ما دخلنا ..

بس شو صار فينا ؟

سالي : عمر وينه .. وقفت سالي عند الباب وحاولت تفتحه بس عبث ..

بلشت تبكي والبنات يبكو معها ..

ماري : وين نحنا !! شو جابنا لهونن

سامية : لو ما اصريتي ما نستنى ما كنا صرنا بهالحالة ...

نارين : وشو معرفكن ما يكون نفسه ابو ضرغام ورا هالشغلة ..

مجهول : اوووف اوووف

مجهول ٢: اهئ اهئ .. رجعوني خلص ماعاد بدي سافر ..

مجهول ٣: خلص حبيباتي صبروا .. ما بعد الضيق الا الفرج ..

نارين : انتو كانه ما كنتو معنا ؟

مجهول ١: لا ما شفتكن .. نحنا كنا رايحين مع ابو الخناجر .. وصلنا على مسبح .. جابلنا اكل وراح يأمن الطريق .. اجا واحد قلنا انه من طرفه ورح يوصلنا هو وطلعنا معه .. رحنا على مستودع واول ما فتنا في حدا خدرنا .. وهي نحنا هون ..
بالمناسبة انا لينا وهي رفيقتي ميرنا وهي جارتنا سيلينا ..

سالي : يعني بهالوضع ما بعرف شو احكي اهئ .. انا سالي ..

نارين : وانا نارين ..

ماري : انا ماري وهي سامية اهئ اهئ ..

لينا : تشرفت بمعرفتكن كلكن .. اول شي لازم نكون اقوياء كتير لنقدر نهرب من هون .. بس لازم نعرف مين محتجزنا هون وليشش؟

بهاللحظات انفتح الباب وفاتو المهربين .. وقالو نفس الحكي للبنات .. يلي بدورهن بلشو يبكو ويصرخو ..

ركضت سالي لعند المهرب وبلشت تضرب فيه وتخرمشه باضافرها .. وساعدوها الباقي وهجمو عليهن كلهن بالضرب والخرمشة والعض..

المهرب: يل** ***

المهرب ٢ اشر على سالي وحكا : جهزي حالك انت اول وحدة رح تروحي .. يآ حلوة ..
طلعو بسرعة وسكرو الباب وقفلوه وهي بلشت تصرخ عليهن ليرجعوا بس مافي اي رد ..

■□■□■□■□■

بهي الاثناء عند الشباب ..
ولما راحو المهربين لعند البنات .. بقي الدكتور لحاله ...

جهز الطاولة والاغراض واجا فك عمر وبدون ما ينتبهو ضربه ابرة مشان ما يتحرك كتير ..

بلشو الشباب يصرخو بس ما حدا عم يرد عليهن ..
استغل سعد انه الدكتور وقف وضهره الهن ..وقف عالسريع حمل الكرسي وراح من ورا الدكتور وضربه بالكرسي يلي كان معه .. وسارية ركض لعند نيار ويمان وتامر يفكهن ..

ضربة الكرسي ما كانت قاتلة .. وقف الدكتور وبلش يتصارع مع سعد ويضربه .. وكان رح يموته لو ما وصلت ايد سعد لابرة اخدها وشكها برقبة الدكتور ..
ثواني ووقع بالارض .. مغمى عليه ..
رجع سعد لورا وحكا .. انا صرت قاتل !!

قرب سارية منه وضمه وتامر جس نبضه وحكا : بعده عايش .. بسبع رواح متل القطة تطمن ..

حكا ينار : ولو كان مات .. انت انقذت خمس اشخاص يعني احييت خمس ارواح .. بحييك ع شجاعتك ..

يمان : يلا اخي لازم نطلع قبل ما يرجعو ولاد الحرام ..

قرب ينار من عمر وحكا .. يبدو انه الدكتور مخدره .. عمر . عمرر..
بلش يصحى عمر لما رشو على وجهه مي .. بس ضل دايخ ..

طلعو الشباب عالسريع ..

تامر ساند عمر وينار وسارية راحو من طرف المستودع يشوفو اذا في حدا وسعد ويمان من طرف ..

كانو راجعين المهربين من الطرف التاني للمستودع لما شافهن يمان ..

يمان : جايين من هاد الطرف ..

نيار : لكن طريقنا من هون .. بسرعة شباب ..
قرب سارية وسند عمر مع تامر ومشيو من الطرف المعاكس ل المهربين .. التقو ب رجالين وضربوهن ووقعوهن بالارض .. ركضو لوصلو عالطرف التاني من المستودع الكبير .. لاقو غرفة فيها انارة خافتة عم تضوي وتطفي ..

قرب ينار من الباب واتطلع من خزقة الباب .. شاف بنات ما بيعرفهن ..
بس فجأة وقف حدا بيعرفه منيح ..
نارين ..!
صرخ ينار .. البنات هون .. بسرعة خلينا نطالعهن قبل ما يلاحظو اختفائنا ..
قرب ينار وحاول يكسر الباب هو وسارية وسعد ويمان عم يحرسو الاطراف ..
كل هروبن ما اخد دقايق .. فتح الباب ينار وهنن كانو خايفين ومتجمعين ع بعضن .. لما شافت نارين ينار تلقائيا ركضت عليه وضمته ..
هي تاني مرة بأنقذها .. او يمكن التالتة .. حكتله كلمتين بس .. شكراً منقذي ..
ساعدت سالي لتطلع لانه كانت دايخة وقالبة معدتها .. وطلعو باقي البنات كلهن ..

سالي : عمرر .. ركضت لعنده وضمته وهو ضمها باشتياق وخوف اكبر ...

تامر : بسرعة لازم نهرب بكونو لاحظو هروبنا ..

حاولو يرجعو من نفس الطريق يلي اجو منه بس من العتمة خربطو وسلكو طريق غير ..

عمر : لك نحنا وين صرنا مابقا نعرف نوصل

ينار : شكلنا مارح نوصل ضيعنا الطريق ..

نارين : كلو من ولاد ال ** شو بدنا نعمل هلأ ..

سارية : ليكو ليكو في عالم جايين من هنيك تخبو تخبو بسرعة
تخبو كلن ورا شجيرات صغار وهنن عم يرجفو من الخوف والبرد سوا ..

مجهول ١: لك وين اختفو وين كلو من غبائك منك الك كيف بدنا نلاقيهن هلأ ب هالعتم معقول يكونو عرفو يرجعو ..

مجهول ٢: اذا رجعو لعند ابو ضرغام مصيبة وبكون انتهينا

مجهول ٣: قال رحنا لعند المعلم فرحانين اول مرة منلقط صيدة مرتبة قمنا اتبهدلنا وراحت الصيدة وحتى البنات اللي كانو اخدوهن ماضل شي ..

مجهول ١: لازم نرجع بسرعة نخبر المعلم ونهرب قبل مايوصللنا ابو ضرغام ..

وراحو يركضو من نفس الطريق اللي اجو منو بعد مااطمنو الشباب انو الطريق مافي حدا طلعو ورجعو يحاولو يندلو ع طريق الرجعة

••~~~~~~~~~~~~••

بلشت خطوط الفجر تطلع وهنن لسا عم يمشو... تعبو كتير والبرد فتفت عضامهن فترة وجيزة وبلشو يسمعو صوت لوشة نسوان وولاد.. انفرجت اساريرهن حتى لو مابيعرفو ابو ضرغام هدول العالم بس عالاقل يوصلوهن عمكان في بيوت وعالم وصلت الجماعة لعندن وسالي فورا تعلقت بمرة عجوز

سالي : دخيلك ياخالتي ساعدينا اكيد انتي بتعرفي الطريق
عمر : طولي بالك عالحجة سالي خليها تفهم علينا
الحجة : خير يابنتي انتو كمان كانو ماسكينكن الجندرما التركية ؟

سالي : شو هي الجندرما التركية؟ خالتي هدول تجار الاعضاء ؟؟

الحجة : لا هدول متل الشرطة عنا بيمسكو العالم وبرجعوهن مابخلوهن يكملو الطريق
نارين : ياريت هيك اللي صاير معنا
الحجة : خير شو صاير معكن ماهاد اخطر شي ممكن يحصلك هون قعدو استريحو واحكولنا.. تعال حج ابو مرعي انت وابنك تعال نقعد ونستريح شوي
قعدو معهن وحكولن كلشي
الحجة : الحمد لله اللي سلمكن منن انا بعرفو لابو ضرغام الحين بوصلكن عندو كيف بتتركو وبتفضلو تروحو مع غيرو انا هلأ رايحة لعندو لاطلع عن طريقو لان سمعت هو اكتر شخص ممكن يفيدني هون واشطر واحد..
سالي : نصيبنا طيب خالتي انتو وين كنتو وراجعين من هاد الطريق

ام مرعي (الحجة) : كنا مسجونين عند الجندرما التركية مبارح كنا نحاول نطلع من هاد الطريق بس مسكونا بنصو وسجنونا للصبح وقالولنا نرجع

نارين : يعني اللي بيمسكو بيسجنو

ام مرعي : لا يابنيتي بس ليلة وحدة مابتخوف وبيتركونه الصبح انا انسجنت تلات مرات ويطالعوني فورا بس يحجزونا ويرجعونا ع بلدنا
نارين : انتي سورية خالتي ؟

ام مرعي : نص سورية ونص عراقية عشت بالعراق ٢٠سنة ومن رجعت لسورية صارت الحرب واريد اطلع للعراق لان انحجزت بسوريا ومابقا قدرت اطلع ..

يمان : هاد ابنك

ام مرعي : لا ابن بنيتي امو وابوه توفو بالحرب وانا وجدو تكفلنا فيه

الكل : الله يرحمهن

ام مرعي : تعيشون خلونا نمشي حاج جلوس..

مشيو مسافة منيحة لفترة نص ساعة وكانو واصلين وابو ضرغام جانن عليهن ليش راحو بدون مايخبرو بس لما خبرو شو صار معهن هدي شوي ..

ابو ضرغام : انا بعتت جماعتي للمكان اللي حكيتولي عنو بس مالقو حدا ..
ينار : شكلن هربو لان هيك كانو يحكو..
ابو ضرغام : لوين بدن يهربو يعني اول عن اخر رح نلاقيهن المهم انتو هلا كلو واستريحو وجهزو حالكن لبكرة المسا وشدولي همتكن ومعنوياتكن وانتو كمان حجي كلكن رح تطلعو سوا باذن الله .. وهي انتو كنتو كبش الفدا .. اتطلع عالكل وحكا .. مشان ما تأمنو لحدا تاني مرة ..
#يتبع

الجزء الثامن
8

نامو الكل من التعب وقسمو الغرف غرفة للرجال وغرفة للنساء بقيو نايمين كل اليوم وصحيو المسا مصحصحين مو قدرانين ينامو ..

ابو ضرغام : ماشاء الله على هالجمعة الحلوة شكلكن اليوم ماحتنامو

حسن : لا والله نمنا كل اليوم لان بالليل محدا نام

ابو ضرغام : هيك افضل سهرو اليوم ونامو بكرة الصبح مشان تسهرو وقت الطلعة هي جبتلكن الغراض اللي وصيتوني عليها لازمكن شي تاني لسا

طاهر : سلامتك ابو ضرغام يعطيك العافية

ابو ضرغام : الله يعافيك اي شي بدكن ياه حاكوني يلا السلام عليكم
الجميع : وعليكم السلام

كان ابو ضرغام جايبلن شوية اكلات وفواكه للسهرة واكلات طيبة للولاد
بقيو سهرانين سوا يحكو ويضحكو كأنو بيعرفو بعض من زمان طويل..

هالحرب متل مافرقت ناس بالمقابل جمعت ناس كمان
رجعو الصبح افترقو وراح كل حدا ع غرفتو لينامو اجا المسا وحان الوقت اللي يطلعو فيه

ابو ضرغام : يلا ياجماعة جاهزين
الجميع : اي جاهزين

ابو ضرغام : يلا طلعو بالباصات لكان
طلعو بالباصات اللي وصلتن ع منطقة جنب الحدود

ابو ضرغام : مابقا فيها السيارات تمشي اكتر مابدنا يشوفنا العكسر التركي فيه مجموعة شباب رح تروح تدليكن عالطريق توصلو بالسلامة
بلشو يمشو ب هالطريق كان بالبداية شجر كثيف من العتم مو معروف شو هو فجاة وقفوهن وحكا شي من المهربين
المهرب : رح نقعد هون شوي لبينما يصير الطريق سالك هنيك في عسكر تركي عالساعة ١٢ بيتبدلو وبوقت التبديل نحنا منمشي
قعدو عالتراب كلن كانو اكتر من ١٠٠شخص بين ولاد ونسوان وشباب الولاد يضوجو شوي بس يسكتوهن بس البرد تمكن منن
واحد من الشباب همس للمهرب : مافينا نشعل نار نتدفا والله جمدنا من البرد

المهرب : لا اوعكن بدكن ننكشف لا ضو ولا صوت ولا اي شي حتى سيكارة ماتشعلو

ضلو هيك قاعدين حتى بدون حكي واذا بدن يحكو من البرد مو قادرين يفتحو تمن
مضو ساعتين وصارت الساعة ١٢

المهرب : يلا جهزو حالكن بدنا نمشي وديرو بالكن الولاد تبكي فورا بيمسكونا

مشيو كلن ورا بعض متل العسكر الطريق قدامن من كتر العتم مو مبين وقعت نارين وصرخت اخ رجلي

المهرب : لك بلا صوت قلتلكن ساعدوها لتوقف
قربو الشباب منها ليوقفوها بس ينار ماسمحلن وهو ساعدها ومسك ايدها وصار يمشيها معو رغم الوضع اللي هنن فيه بس عيونن كانت تحكي قصص ..

صحي ابن حسن الصغير من النوم وبلش يبكي واهلو يحاولو يهدو بس ماكان يهدا

المهرب : لك سكتو سكتو هيك ١٠٠شخص رح يتضرر بسببكن
سمع الصوت العسكر التركي واجا لعندن
كانو العساكر كتير مناح ف طلبو منهن يرجعو بهدوء بدون مايحكوهن شي

رجعو خايبين من نفس الطريق لنفس المسبح اللي كانو قاعدين فيه ونامو من بردن وتعبن
اجا الصبح لعندن ابوضرغام

تامر : بعد كل هالعذاب والقعدة بالبرد هيك منرجع مو عاساس الطريق مضمون
طاهر : بالفعل حتى غطا مافينا ناخدن معنا لان الطريق صعب لك الولاد رح تمرض هيك

ابو ضرغام : طولو بالكن ياشباب انتو مفكرين الطلعة هيك مو من اول مرة بتظبط بدكن تجربو مرة ومرتين وتلاتة الا مايتيسر طريقكن سالو الحج ابو مرعي كم مرة حاول

ابو مرعي : اي والله ياشباب هي الي هون ست شهور عم حاول فيهن ناس كتير دخلت قبلي وانا ماتيسرت الشغلة حظ بدكن تطولو بالكن

تامر : لنشوف اخرتا

ابو ضرغام : طيب ريحو حالكن هلأ وانا عم شفلكن طريق تاني اضمن من هاد تطلعو منو فجأة وهو عم يحكي داخت سالي ووقعت بالارض

قربو البنات وعمر من سالي ..
بس بعدتهن ام مرعي ورجعتن لورا ..

ام مرعي : بعدو انا بشوف شبها ... اتطلعت لاقت الشباب كلها بالغرفة ..
صرخت فيهن صوت : لك انتو ما تستحون .. برا على السريع .. في عجية هني ...

طلعو وهنن عم يفوتو ببعضن من الخجل ..

ام مرعي : نارين ي بنية .. جيبيلي بصلة ..

طلعت نارين وجابت بصلة ..
ورجعت ..
قربت البصلة من انف سالي وفتحت سالي عيونها ..

ام مرعي : مابيها شيء .. نزل ضغطها ..

الحمد لله عسلامتج ي بنية ..
من كم يوم مصابج ذا ؟

سالي : صرلي يومين عم دوخ و معدتي عم تقلب ..

ام مرعي بصوت واطي : لولولوليشش

سالي : شوفي ؟؟

ام مرعي : بإذن الله يبنية انت حامل ..

سالي : شوووو .. حطت ايدها ع تمها وبلشت تبكي ...

والبنات حواليها عم يهنوها وعمر والشباب برا عم يغلو ويفورو بدهن يعرفو شو صار ..

طلعت ام مرعي وهي زعلانة ووجها ما ببشر ..

ام مرعي : طول بالك ي ولدي .. كله لخير .. انت لازم ترضى بقضاء ربنا ..

عمر : ش شو قصدك ؟

ام مرعي اشرتله ليفوت ويشوف بعينه وهي عم تلعب بأعصابه لعب ..

دخل رامي لجوا لقاها نايمة متل الملاك ..
قرب منها وفكر انها ودعت ..

عمر وهو عم يبكي : ا انا ما الي غيرك .. انت كنت كل دنيتي .. مين بدو يلقي عُمَري هلأ ؟

مين بده يحضنني وينسيني وجع الدني .. مين بده يدللني ويطبخ الاكلات يلي بحبا ويطعميني بايده ..
انا كنت طالع معك .. لانه بدك .. هلأ ماعاد الي مكان غير الشام ..
بيتك وذكرياتك ...

قلتيلي نطلع بلكي الله بيرزقنا ولد .. حتى هي ما كملت .. ليش ياربي ليش ..

سالي : مين قال ما كملت ..

عمر : ساليي .. قرب منها وضمها بكل حب وشوق .. رجع بعد عنها وهو عم يتذكر آخر كلمة قالتلو ياها ..
ش شو ؟ شو يعني مين قلك ما كملت !!

سالي انت ..
انت ..

سالي هزت براسا ودموعها عرض خدودها : اي عمري .. انا حامل .. حطت ايديها ع بطنها ..
هون في ابننا او بنتنا ..!

عمر ضم سالي : بدي ياها بنت بتشبهك !

سالي : بالله .. بدي ياه صبي .. بيشبهك وبيشبهو عيونو عيونك ..

عمر : بنت ..

سالي : لا صبي ..

عمر : يووه بنت

سالي : صبيي

عمر : لا تعصبيني ..
#يتبع

الجزء التاسع
9

سالي: واذا عصبت شو بتعمل؟

عمر : اممممم قرب منها وبلش يكركها وهي عم تضحك وتبعده عنها ..

سالي : لك خلص خلص استسلمت ..

عمر: يعني شو ؟

سالي : يلي بيجي مم الله يا محلاه ..

عمر : اي يلا لكن طالع فرح الشباب بكونو قاعدين على نار ..

ساالي: مااشي .

طلع عمر وخبر الكل انه مرته حامل والكل فرحان لعمر وعم يزلغط..

نارين : بس عمر .. ! هلأ سالي كيف بدها تطلع؟

عمر: شو كيف بدها تطلع ..

ام مرعي : تقصد انها حامل والركض خطر عليها ..

عمر : اي والله كيف نسيت هالشغلة .. فات عمر لعند سالي هو وام مرعي ونارين رواء وتغريد ..

عمر : سالي رح نرجع ..

سالي : شووو .. كيف يعني رح نرجع ..

عمر : انت حامل .. ما بواتيك الركض والبرد ..

سالي حطت ايدها عبطنها : بالعكس .. انا مو مستعدة ارجع .. هلأ صرح حاسمة امري اكتر انه روح .. رح اتحمل كرمال ابننا عمري .. ابننا مارح يكون اله حياة هون ...
بعدبن لوين بدنا نرجع آه ؟ هو بقي مكان نقعد فيه ؟ ما بيتنا وبعناه وغراضنا وكل شي .. !
عمر نحنا ما بقي النا مكان هون ..

نارين : يا عمري كيف رح تتحكلي تركضي وانت حامل ؟

اندق الباب ودخلت وحدة وعرفت عن حالها .. : انا الدكتورة وسام .. اذا بتسمحولي لبرا مشان افحص سالي ..

طلعو لبرا وبقي عمر وام مرعي جوا ..

وسام : حامل شهر ونص .. حملك صعب لانه اول مرة ولانه تأخر ..
لازم تنتبهي على حالك منيح ..

عمر : طيب دكتورة بتعرفي هلأ نحنا طالعين ع طريق تهريب.. فينا نكمل ولا منرجع ؟

وسام : فيكن تكملو .. بس لازم تنتبهولا كتير كتير وتديروا بالكن ع اكلها اهم شي ..

عمر : طيب .. شكرا كتير دكتورة ..
طلعت الدكتورة وسام ورجعوا فاتو الصبايا ..

سالي : قال بقدر روح .. بعدين انا ما بقدر اترك نارين لحالا ..

نارين : الله يخليلي ياك..

^%^%^%^%^%^%^%^

صار المسا ورجعو لمو أغراضهن ليطلعو ..

فات ابو ضرغام وحكا : هي جبتلكن منوم .. يا جماعة يلي عندن ولاد ياخدوه ويشربوهن منه ..
شفتو شو صار فينا المرة الماضية ..

اخدو الدوا وشربو ولادهم منه ..
حمل طاهر تيم ورواء تميم ..
والشباب ساعدو حسن بولاده وعمر كان ساند سالي ..

ابو ضرغام : اليوم رح نغير الطريق .. نص رح يروح معي ونص مع ابو الخناجر ..

رح نلتقي بعد ربع ساعة ع طريق الساعة .. عنا جبل رح نمشي عليه .. الجبل حافة .. تحت في نهر .. اذا حدا وقع يعني راح فيها .. وما منقدر نشغل أي ضو مشان ما ننكشف ...
جاهزين !

الكل : جاهزين .. افترقو وراحو ابطالنا كلهن مع ابو ضرغام والمجموعة التانية راحو مع ابو الخناجر ..

شوي يمشو على الهسي وشوي يركضو وشوي يرتاحو ..
لوقت وصلو على طريق الساعة ..
استنو اقل من خمس دقايق لوصلو جماعة ابو الخناجر ..

ابو ضرغام : هلأ رح تجو ورايي من هون واحد واحد وبهدوء .. تمسكو ببعض منيح وامشو على الحرف مشان ما توقعو ..

مشي ابو ضرغام على حرف الجبل والكل مشي وراه وآخر واحد مشي وراهن هو ابو الخناجر ..

قطعو الجبل وركضو مسافة طويلة وبعدين وقفو ليرتاحوا شوي ورا الشجر !

فجأة بلشو يسمعوا صوت صريخ وعياط وصوت اطلاق نار ..

طلع يمان من ورا الشجرة العريضة وفاتت الرصاصة الطايشة قريب قلبه ..

ينار ركض لعنده وسنده : يمان يماان انت منيح قلي اخي انت منيحح

يمان : منيح .. منيح انا ...

التفتو الكل ورجعو يتطلعوا لما شافو الجندرما ماسكة مجموعة من المهربين يلي راجعين من تركيا ع سوريا وعم يعذبوهن ..

قربت الجندرما لعندن وطلعوهن كلهن على ساحة .. بعد ما كان المهرب منبه عليهن ما يجيبو سيرته ..

وقفو كلهن بهالساحة وقلوبهن عم ترجف وعيونهن عم تبكي ..

الجندي : Siz ne yapıyorsunuz burada ؟

اتطلعو كلهن ببعض وماحدا فهم شي ..

اشر الجندي لواحد من المهربين مشان يترجملهن ...

المهرب : عم يسألكن شو عم تعملو هون ..

ماحد جاوب ..

الجندي صرخ : Ne yapıyoorsunuz burda dediim ..

المهرب : جاوبوه شو عم تعملو .. رجع سألكن ..

تامر : بدنا ندخل على تركيا ..

ساله الجندي براسه ل المهرب ..

المهرب : Türkiye'ye girmek istiyorlar ..

الجندي : Hmmm

قرب من تامر وحكا ..
Niye? Sizin bir ülkeniz yok mu ?

المهرب : عم يسالكن ليش انتو ماعندكن دولة ..

سارية : قله ماعاد عنا ..

المهرب : artık yok ..

الجندي : Bize ne ؟
ha bize ne ? niye bizim ülkemize geliyirsunuz ...

المهرب : عم يقلكن هنن شو دخلهن ليش عم تجو ع دولتن ..

سكت الكل وما حدا جاوب ..

راح الجندي قطع جزع من الشجرة .. وحط المهربين يلي كمشوهن... وبلش فيهن ضرب بكل مكان بجسمن .. وهنن عم يصرخو .. الولاد بلشو يصحو ويضوجو والبنات بلشو يبكو وماحدا قادر يعمل شي ..

الجندي : Eğer bir daha burdan girmeye kalkarsanız .. çok fena olacak ..bunlar gibi olacaksınız..

نكش واحد من المهربين يلي الدم كان معبي وجهه ..وقله يترجم ..

المهرب :عم يقول اذا مرة تانية حاولتو تجو من هون رح يصير فيكن متلنا ..

وقفن الجندي وضربن مرة تانية فش كل غله فيهن ..

الجندي : şimdi burdan yürüyeceksiniz , geldiğiniz yerden gideceksiniz ..

المهرب : هلأ رح تروحو من هون نفس المكان يلي اجيتو منه ..

بلشو يضبو حالن ويتراجعو بالعكس ...

بقيو العساكر وراهن وهنن ماشيين على بركة الدم يلي طلعت من المهربين بعد ما خربطو وجوههن ..

رجعو ع نفس الطريق ووصلو على حفة الجبل ..

الجندي : yürü ..yürü..

مشيو بسرعة وهنن عم يكتمو شهقاتن ودموعهن .. وهنن خايفين يوقعوا على النهر .. متمسكين ببعض وعم يحاولو يساندو بعض ...

ب نقطة ما .. رجعو الجنود الاتراك وكملو لحالهن لوصلو عالمسبح .. فاتو وكلهن فرطو من البكي وهنن عم يهدو بعض .. ..

نارين سندت سالي ونيمتها وراحت جابتلا عصير مشان تشرب ...

بعد شوي اجا ابو ضرغام وحكا ..
هي جبت الدكتور ليمان وينه ؟

اتطلع الكل ببعض وبلشو يدورو بعيونن على يمان ..

نارين : ينار .. ويمان ؟
يا جماعة هدو شوي .. حتى شاف ينار ويمان !!

الكل : لاا ..

نارين : كيف لاا .. يمان مصاب ووينار مختفيين .. وين بدن يكونو راحوو ..

تامر : قومو شباب ندور عليهنن ..

طلعو الشباب مع ابو ضرغام ودوروا عليهن بكل مكان بس مافي اي اثر ..

■□■□■□■□■

"نارين"
هي تالت مرة رح نطلع شو مستنينا فيها مامنعرف ...منا اللي مل ورجع ومننا اللي اتدمرت نفسيتو من اللي صار اصلا كلياتنا صرنا مو نحنا هالكم يوم عن عمر بحالو وينار
اه من ينار مفقود هو واخوه ومالقينا لهلأ..

معقول يكونو مسكوهن الجندرما واخدوهن !!!؟ مليون سؤال عم يدور بتفكيرنا كلنا وخصوصا أنا ماكنت بعرف اني حبيتو لينار غير لما فقدتو
..
صارت الساعة ١٢ طلعنا ومشينا..

فجأة شفنا ضو من بعيد ابو الخناجر قال هي الجندرما بسرعة تعو من هون بلشنا نمشي بسرعة كبيرة والولاد نايمين بين ايدينا

نزلنا من عالجبل لتحت النزلة كانت كتير صعبة وخصوصا بالعتم بتحس حالك ح توقع ع وجهك واخيرا حكالنا اقعدو هون خلونا نستنا
قعدنا تحت شجر الزيتون وارتكينا عليه واتلملمنا ع بعض الكل نام من التعب والبرد ماحسينا غير ع صوت اذان الصبح

ابو الخناجر : يلا ياجماعة قومو بدنا نكمل طريقنا

بلشنا نمشي بس بعزيمة صفر كانت ارواحنا شبه ميته وحتى اجسادنا عم تمشي بالاجبار

○•○•○•○•○•○

ب هالزمن مابقي شي اسمو احلام..
ولا دفتر امنيات تكتب عليه امنياتك وتحققها صار كلشي يمشيلك حياتك ع كيفو..
متل ماجينا ومقررين نطلع فكرنا انو طريق ممدود قدامنا ومنطلع فيه ماكنا منعرف انو كل هالشغلات ح تصير معنا..

بلشت خيوط الشمس تنرسم بالسما والطريق صار واضح وبينشاف شفنا من بعيد شخص قاعد قدام قبر ومنزل راسو وسمعنا صوت بنت عم تصرخ يناااااار كانت نارين رفع راسو ينار ووقف ركضت لعندو نارين وحضنتو

نارين : انت بخير .. انت عايش خوفتني عليك كتير ..
بعدت عنو شوي ومسكت وجهو بايديها بترجاك مابقا تبعد عني ا ا ا انا بحبك ينار اكتشفت اني بحبك ..
مافيني عيش بلاك انت اللي بقيتلي بهي الدنيا مابقا تتركني ورجعت حضنتو وقالت مابقا تتركني ..

بعدها عنو ينار شوي وقال مستحيل اتركك..
نحنا التنين مابقيلنا غير بعض يانارين ..
انا خسرت وصية ابي وامي خسرتا وماقدرت حافظ عليها..

الكل دمعو عيونو وصار يبكو ونارين رجعت حضنتو اجا عمر لعندن وحكا بتسمحيلنا نسلم ع ينار بقا ..

بعدت عنو شوي شوي وهي مو قادرة تتركو ..

قرب عمر من ينار وحضنو وعزاه باخوه..
بعدو الشباب قربو واحد واحد وعزوه كان شكلو بقطع القلب
ابو ضرغام : ربنا كان رحيم فينا وعما بصر الجندرما وصم ادانيهن عنا ولا كان بسبب صوت نارين انكمشنا اليوم وانت ينار احكيلنا كيف صرت هون وكيف بعدت عن الجماعة ..

ينار : بعد ما اتصاوب اخي وقع بالارض وانا قعدت جنبو اطمن شوفي بنفس الوقت اللي اجا فيه الجندرما واخدكن بس ماانتبه لوجودي لاني كنت جنب اخي بالارض وتنيناتنا لابسين اسود غص لما حكا :
يمان ماقدر يتحرك حاولت كتير ساعدو يقوم ماقدر ونزف دم كتير ضليت كتير ابكي فوق راسو لان جسمو ماتحمل وكان الرصاصة بصدرو ف م..م.م.ات مو قدران اوصفلكن اديش قلبي محروق عليه..
هاد الغالي وصية الغاليين انا كيف رح اقدر عيش بلاه مين الي غيرو هلأ ياربي ..

ابو ضرغام : هدي حالك ياابني وشد حيلك هاد قدر ربنا وقضائو بدك تعترض عليه ..

ينار : اللهم لا اعتراض بس يمان كان ابني قبل مايكون اخي بايدي هدول حفرتلو القبر..
ودفنتو بايدي اللي اتملو من دمو

ابو ضرغام : الله يرحمو طيب ليش دفنتو هون ليش مارجعت ..

ينار : كنت قاطع الامل اني اقدر ارجع واخي يضل كل هالوقت بدون دفن وانت بتعرف اكرام الميت دفنو اضطريت اقبرو هون

ابو الخناجر : مابدي قاطعكن بس نحنا مضطرين نمشي مابقا فينا نتأخر اكتر من هيك صار الصبح والجندرما هلأ بتبلش تنتشر لازم نمشي بسرعة ..
#يتبع

الجزء العاشر و الأخير ..
10

مشيو ومشي ينار معن وايدو بايد نارين ماقبلو يتركو بعضن لحظة...
كل الطريق كان مرتفعات وجبال الشباب تطلع وتساعد البنات ليطلعو وحتى المهربين يساعدوهن ليقدرو يطلعو لان الطريق كتير وعر وصعب

ابو الخناجر: وقفو استريحو هون شوي لنكمل مشي بعد شوي ..

بلش المهرب يصورن ويقول انو وصلنا كان عدد كتير كبير ..

تامر : يعني هلا خلص وصلنا
ابو ضرغام : فيك تقول هيك شي مابقي شي قليل جدا جدا بس تقريبا خلصنا ..

ابو الخناجر : يلا ياجماعة لنكمل

اجا قدامن منحدر ع شمالو ويمينو اشجار سرو كبار والظاهر انو هالطريق عاملينو المهربين برجليهن لانو مو مبين طريق ابدا منحدر كتير صعب وعالي نزلو منو وبالزور ماسكين حالن مايوقعو

ابو الخناجر : يلا شباب شدو همتكن اسرع شوي

سارية : اسرع من هيك مافي غير تدعكلنا ونخلينا ننزل كر بهاد المنحدر حاسس ركبي فرطو

سعد : اي والله اتكسرت الا شوي

ابو الخناجر : بتتعبو شوي هلأ وبترتاحو بعدين
خلص المنحدر اللي كان صعب وطويل وقعدو الشباب كلن بالارض

سالي : انا مابقا قادرة كمل لسا في جبال قدامنا ولا خلص
ابو الخناجر : بقي جبل واحد وطريق رئيسي وهو الأخطر وبعدا اعتبرو حالكن صرتو بتركيا يلا مامعنا وقت نستريح امشو
طلعو هالجبل وارواحن واجسادن عم تتطلب الرحمة والراحة...
طريق شاق ومتعب وطويل لو كان مكتوب عليهن عقاب كان اسهل من هالطريق

ابو الخناجر : هون ياشباب قدامنا هداك الطريق الرئيسي بعدو ح نكون صرنا بتركيا والمهرب التركي عم يستنانا هنيك بس في شغلة لازم نركض بسرعة على هاد الطريق والا ح ننكمش وكل عذابكن هاد ح يكون عالفاضي

الشباب ركضت وقطعت الطريق بس اكتر النسوان ماقدرت تركض وتقطعو من تعبا وخصوصا اللي معن ولاد وبالفعل كان في سيارة عم تنتظرن بس فجأة سمعو صوت رصاص وكلاب عم تركض اجت الجندرما التركية وبلشت العالم تركض لتهرب منن لما شافو المهرب التركي تركو كل العالم ولحقوه الو ..
ابو الخناجر وابو ضرغام جمعو العالم اللي اجت معهن وخلوهن يمشو بعكس الطريق اللي راحو منو وكأنو هالحركة خدعة من المهرب التركي عشان يلحقو. والناس تنفد شاف شادر (كيس نايلون كبير) اللي بيستخدمو الناس للزيتون رفعو وقلن دخلو دخل اكبر عدد من الناس تحتو في ناس ركضت بالاتجاه التاني ياقدرت تهرب يا انمسكت محدا بيعرف ..

استخدم ابو ضرغام كل الشوادر الموجودة ليخبي الاشخاص تحتا قدر يخبي تقريبا اربعين شخص والباقي مابيعرف عنن شي بقيو مكبوسين متل المخلل تحت الشوادر قريب الساعة ونص او الساعتين ..
أمنو انو الجندرما راحت من المنطقة واتصلو ع سيارات تانية تنقلن اجو السيارات اطلعو المهربين شوي شوي مالقو حدا رفعو الشوادر وقالو بسرعة اركضو لعند السيارات بدون ماتطلعو لورا لازم نطلع قبل مايجو الناس يقطفو الزيتون

ركضو كلن عالسيارات وكان في عيلة متخبية تحت الشجر اخدوها معهن

اطلعت نارين عالساعة كانت ٩:٣٥
نارين : واخيرا صرنا بتركيا أكيد مابقا في خطر يعني هلأ نجحنا .

ابو الخناجر : اي مبروك نجحتو

ابو ضرغام : لسا بدن يطلعو عالمانيا والطلعة هلا مباشرة مأمنة

سالي : يعني لسا رح نتعب عمر ابنا انا خايفة كتير اخسرو مابدي اخسرو وصارت تبكي

ابو ضرغام : للاسف مافينا نستنا عم يقولو جاية اسبوع عواصف والبحر مستحيل ينطلع فيه بهيك اوقات واليوم كتير مناسب والوضع منيح والبلمات مأمنة اذا مابدكن ع راحتكن

الكل : لا بدنا خلينا نتعب هلأ بس رح نرتاح ان شاء الله بالاخر

ابو الخناجر : معلم خدنا عالشط فورا... هنيك بترتاحو شوي وبتاكلو ومنتيسر
..
وصلهن عالشط الا تغريد اللي كان خطيبا بتركيا وعم يستناها وصلها لعندو وأول ماشافتو كان حامل بايدو باقة ورد وعم يستناها ركضت فورا وحضنتو اتعلقت برقبتو وهو حملها وصار يدور فيها فرحتن ببعض ماكانت بتنوصف كل الموجودين دمعت عيونن من شوفتن نزلها وباسها من جبينها وعطاها باقة الورد قربتها من انفها وشمتا مسكو بايدين بعض ومشيو ليكملو مشوار حياتهن سوا ايد بايد

منرجع لعند الشباب جابولهن اكل وتمددو عالرمل ع شاطئ البحر من التعب كانت الشمس دافية غسلت شوي من برد الليل اللي عانو منو كان كل واحد فيهن صافن بالسما وعم يتذكر اللي مر فيه عند العصر اجو كتير ناس وبلشو المهربين ينفخو البلمات تجهيزا للانطلاق

ابو الخناجر : يلا ياجماعة قربو لهون بلشو البسو هي الستر الواقية ولبسو الولاد منها كمان

لبسو الكل الستر وصارو يطلعوهن عالبلم
ينار : ابو ضرغام مو شايف انو البلم صار عليه كتير عالم هيك رح نغرق
ابو ضرغام : مضطرين نطالع كل العالم مافي مكان يروحو عليه والبلم الاخير طلع مبخوش لهيك رح نوزعن ع كل البلمات الباقية ماعنا حل تاني يلا شخص تاني كمان تعا انت لحالك طلاع هون اي يلا جهزو حالكن وتوكلو عالله بامان الله توصلو بالسلامة متل ماوصيتكن بتسلمو حالكن للبوليس وهو بيتولى اموركن

مشي البلم ب هالبحر المجهول بلشو شوي شوي يبعدو عن اليابسة حتى ماعد بينت ابدا صار البحر محيط فيهن من كل الجهات وبلش الشمس تسحب خيوطا من السما والبحر تعلى موجاتو أكتر فجأة انقلب الجو كلو اتحولت السما لغيوم سودا بتوحي بقدوم عاصفة قوية

عمر : سبحان الله كيف هيك تحول الجو فجأة
سالي : صار كتير بخوف انا كتير بردانة عمر
عمر : قربي مني لدفيكي
قربت منو اكتر ولفها لحضنو مشان تدفى
الولاد كتير ضاجت وبردت وصارت تبكي الاهالي ضامين ولادهن ليعطوهن الدفئ بس رغم هيك هالشي ماكفا كان البرد شي قاتل
رواء : ياربي تميم حرارتو كتير مرتفعة ياطاهر انا خايفة عليه كتير ووجهه متحسس كتير وكله حبوب ..

طاهر : يالله عنجد جسمو متل النار ماحدا معو دوا ياجماعة
الكل كان جوابو لأ ماحدا حسب هيك حساب اصلا .

رواء : قلبي عم يوجعني ياطاهر ابني عم يروح مني رح يروح الولد

طاهر : مشان الله استعجل اديش بدنا لسا لنوصل

الرجال السايق البلم : مابعرف شكلي ضيعت الطريق

طاهر : لك شلون يعني ضيعت الطريق مو انت عطول بتجي منو هلا عجبك تضيعو

الرجال : يااخي انا متلي متلك هي اول مرة بطلع بس بعرف سوق البلم ولانه مامعي مصاري كمل للمهربين خلوني سوق واطلع ببلاش

طاهر : حسبي الله ونعم الوكيل فيكم حسبي الله ونعم الوكيل فيكم ..
بلش تميم يزرق حاولو يعملولو كمادات بس مااستفادو منها اي شي وماكانت تعطي نتيجة سكت الطفل ومابقا يبكي ..

الكل استغرب وخاف ل بلشت تصرخ رواء : تميم ابني فيق مشان الله فيق لك قوم ابكي ابكي ولاتسكت ابدا ولا مارح عصب او اتدايق فيق ابكي لاتنام لسا بكير ياماما لاتنام تمممييييييم صرختا دوت بالبحر كلو بكت كل الموجودين مأصعب فقدان الضنا متل فقدان الروح لا فقدان الروح أصعب من فقدان الضنا

بلشت الغيوم تتجمع بالسما أكتر والجو شوي شوي يصير عاصفة أكتر والموج يعلى وكأن الدنيا كلها زعلت ع غياب تميم

الرجال السائق : ياجماعة الجو صار الابحار فيه صعب كتير رجاء اللي معو اي غرض يرمي بالبحر
واحد من الموجودين : كيف بدك مننا نرمي غراضنا
الرجال : مين اهم ارواحكن ولا غراضكن اي شي بترمو ممكن يخفف شوي عن البلم واذا بترمو الطفل اللي
قرب طاهر منو ومسكو من ياقة قميصو
طاهر : انت شو عم تخبص بدك ترمي ابني

الرجال : ماتواخذني يااخي والله ماقصدي بس الحي ابقى من الميت هلأ وهو مات الله يرحمو
طاهر اقتنع شوي
رواء : مستحيل مستحيل ارمي ابني انتو جنيتو يعني
بلشو الرجال والنسوان الموجودين يتمتمو

_يعني نغرق كلنا مشان ماترمي ابنا اذا خلص مات الله يرحمو

_مااختلفنا الضنا غالي بس هو توفى واولادنا احق انها تعيش

_ اذا غرق بكون بسببن ولد وتوفى زعلنا كلنا عليه بس هاد قدرو

طاهر : رواء حبيبتي ابنا توفى خلينا
رواء : طاهر انت من كل عقلك عم تحكي لك هاد ابنك كيف ممكن تتخلى عنو هيك
طاهر : بس ياحبيبتي هو توفى خلص انا مو قادر اعملها بس شفتي الناس وخلينا ننقذ ابنا التاني عالاقل

رواء : لا مستحيل يعني مستحيل

يأس طاهر من المحاولة معها وراح وقف شوي مع الشباب
نيمت رواء تيم و تميم بحضنا من خوفها انهن ياخدو منها ويرمو بالبحر
بعد مدة الاكترية نامو ورواء ماقدرت تقاوم النعس اكتر ونامت

رجعو حكو الشباب مع طاهر عشان يرمي ابنو بالبحر وكأنه هالملاك الصغير صار عدوهن وهو اللي متقل البلم عليهن كلن اتفقو ينفذو الحكم الاجرامي مع بعض
طلع طاهر بالولد اللي نايم بحضن أمو طالب منها الدفئ والآمان حملو شوي شوي حتى ماتحس عليه أمو اطلع فيه ونزلت دمعة حرقت خدو
طاهر : سامحني يابابا مضطر أعمل هيك أكيد رح نلتقى بالجنة
باسو بوسة طويلة على جبينو البارد ورماه بالبحر
طاهر : ياربي سامحني
حاول ينام كتير ماقدر وصورة ابنو مافارقت مخيلتو حتى غفي من كتر تعبو
صحي الصبح على صوت مرتو
رواء : ابني لك وين ابني وين رحتو باابنيييي ابنييييييي تميم
اطلع على ابنو التاني لقاه لونو ازرق بلع ريقو بصعوبة من هول اللي خطرلو
طاهر : بس ليكي تميم نايم
رواء : هاد مو تميم هاد تيم
طاهر : بعصبية حادة انتي شو عم تحكي انتي مابتميزي بيناتن هاد تيم تميم مات
رواء : انتي رمييتو بحروف متقطعة ...ر..م..ي..تو بال..بح.ر ص..ح
طاهر : لا يااااااربي انا قتلت ابني بايدي
رواء : صارت تضربو ع صدرو لك قتلت ابني حرمتني ابنييييي بدي ولاااااادي
وهي عم تحكي غابت عن الوعي ..

وطاهر قعد بالأرض وعم يطلع بايدين ومافي ع لسانو غير كلمة انا قتلت ابني بايدي ..

بحالة هالانهيار بلشو الناس يلمحو باخرة من بعيد حلاوة الروح خلتن ينسو طاهر ورواء واللي صار كلو وبلشو يصرخو حتى يسمعوهن ..
سمعهن خفر السواحل وقرب من عندن طالعوهن بالباخرة وكتير تعذبو لقدرو يطالعو طاهر اللي حاول يرمي حالو بالبحر اكتر من مرة اما رواء فكانت بحالة اغماء وماقدرو يصحوها

••••¶¶¶¶¶•¶•¶¶¶¶♪•♪¶¶¶¶¶¶¶

وصلو اخيرا على البلد اللي عانو من الويلات حتى يقدرو يوصلولا حطو كل عيلة بكامب وسجلو اسمائن عندن وعطوهن شوية حرامات والبسة حتى يمشو حالن فيهن مبدأياً

طاهر
الصدمة بوفاة ولادو التنين وخصوصا انو قتل ابنو بايدو خلتو يفقد عقلو وحطو بمصح يتعالج ورفقاتو دائما بروحو ي
بزوروه بس ماعم يتحسن ابدا

¶¶___________________¶¶

رواء

دخلت بغييوبة ست شهور وكانت رافضة الحياة كليا وحتى بعد ماصحيت كانت فاقدة النطق ومابتقدر تحكي وكل ماشافت طفل بتبكي كتير وبصيبا انهيار عصبي بيستدعي دخولها المشفى وجمعية تكفلت فيها وبعلاجها ع أمل شي يوم تتعافى

¶¶___________________¶¶

تامر وسارية وسعد قدرو يطلعو من الكامب ويلاقو شغل بعد شهرين بس من قعدتن فيه بقيو سوا متل ماتعاهدو يكونو دوما
سعد خطب سلوى من اهلها وهنن وافقو واتفقو بس تطلعلو الاقامة فورا يعمللها لم شمل لتطلع لعندو ويكفو حياتن سوا

¶¶_______________¶¶

سالي وعمر صار عندن توأم صبي وبنت طلعو من الكامب اكيد واستقرو صحيح مانسيو اللي صار معهن بس الحياة ماشية سواء رضينا او لا ولساتن على تواصل مع اللي تعرفو عليهن كلن وسالي لقت اهلها بالمانيا وصالحتن ورجعو متل الأول ..
¶¶__________________¶¶

حسن وعيلتو بعدو بالكامب ماقدر لهلأ يلاقي شغل يكفي هو وعيلتو المنحوس منحوس لو حطولو مية فانوس مو قادر يمشي امورو بأي مكان بس عايشين والله ساترها معن ب هالكم قرش اللي عم يطالعن

¶¶_______________¶¶

ينار ونارين اتزوجو وتنيناتن عم يأسسو حياتهن مع بعض التنين عم يشتغلو ليقدرو يعيشو وينسو اللي صار الشي اللي بيناتن مو بس حب مشترك حتى وجعن مشترك تنيناتن بقيو لحالن ب هالحياة

"نارين"

هالحرب متل ماأخدت مننا عطتنا اكيد اللي اخدتو مو بسهولة بينتسى بس اللي راح راح وهاد نصيبنا بس كمان لو ماهالحرب ماكنت تعرفت على ينار اللي هو كل حياتي مافيني اتخيل عيش حياتي بدونو مابقول أني نسيت أهلي ومابقول انو الحرب شي منيح بس ينار هو اللي خلا حياتن تكون منيحة وهو اللي خلا عيوني ماتشوف غير الشي المنيح

"ينار "

كل ليلة بطلع عالقمر وبشوف اهلي امي ابي واخي يمان اخي الغالي كل ليلة بسمعو بقلي كون مبسوط بحياتك لارتاح انا هاد قدرو انو يرتاح من هالدنيا ويروح لعند الرحمن الرحيم فينا وفيه لو ما هو ماكنت تعرفت ع نارين الانسانة العظيمة الجبارة مافي بقوتها بكل الكون هي اللي بتمدني بالقوة والطاقة لكمل هالحياة سوا عم نتخطا اللي صار معنا وعم نحاول ننسى شي اسمو حروب أكيد مامننسى بلدنا بس ماكان بايدنا اللي صار نحنا كنا مسيرين مو مخيرين .....

النهاية كان فيها الفرح وفيها الحزن ناس كتير خسرناها بسبب الحرب ناس كتير اتضررت مابقي حدا ماعاش شي مؤلم مابقيت عيلة مافقدت غالي ....شباب مالحقت تفرح بأهاليها وتفرح بشبابها وأهالي ماقدرت تفرح بولادها وسندها ..أطفال ماقدرو يعيشو طفولتن ..أحلى أيام عمرنا ماكانت احلى أيام الحرب أخدت ملامحنا وروحنا معها وراحت سرقت الفرح والأمل كانت سارقة .. حرب سارقة ..؟
...
النهاية ..

من الكاتبات : هي القصة مزيج من الواقع والخيال .. احتوت على قصص واقعية وقصص خيالية .. انجمعت مع بعض لنبينلكن صعوبة الامر ..
ناس كتير فقدت ارواحها .. وكملت .. مشيت .. لانه عم تدور عالأمن والامان يلي انفقد ..
وناس لسا عم تحاول ..!
يا ترى شي يوم رح يرجعوا ابطالنا لبلادهن .. ولا انكتب عليهن يعيشو عمرهن
كله بعيد ..
بعيد كتيير عن وطنهن .. ويموتو فيه ؟
الله اعلم ..
#النهاية

بداية القصة 💜

رأيكن بالقصة🧚‍♀👇
@Stories_3_bot

قصة جديدة : #شيلا

"قراءة ممتعة" 🌸♥️