كنان :تسطفلو انا مارح شارككون بالعمليات ،نحنا اتفأنا ادعمكون معنويا وبالمعلومات وبس ...بس اني شارك لا لا انتو عم تحلمو 😒
شمس :وازا ئلتلك رح تنفذ ورجلك فوء راسك
كنان :بالله ...شو بدك تعمليلي ئتلة لحتا نفذ 😐
شمس :لا ليش انا نائصني مشاكل وقضايا هلء ...
كنان :هههه معناتا رح تجيبيلي ماما تبعك تجبرني 😎
شمس :لا كنان ..انتة يلي رح تجيب امك لحتا تبكي عصدرا
كنان :شو ازضك ..

وئفت شمس وراحت لئدام تمثال من المناظر وئالت :يااااي شو حلوة هالتحفة منين هي ؟
كنان :هي هدية من السفير الصيني ،شو ناوية تعملي 😨
لكشتها بإيدها ووئعت التحفة وانكسر راسها
كنان :😱😱😱
شمس :اوبس ...انكسرت 😮 👈😂
البنات كانو فارطين ضحك 😂😂
كنان :شمس رجعي ائعدي عالكرسي
رجعت راحت علئ مزهرية مزخرفة ومنقوشة نقشة اندلسية ...
شمس :وهي منين ياترئ ؟
كنان :هـ هي من مجموعة التحف الأندلسية هي جبتا من اسبانيا
رجعت لكشتها هيك 👉 بإيدها ووئعت وصارت ميت شئفة 😂
كنان :😨😫😰😱😭👊
شمس :يعلييي ...انكسرت ☺👈😂
البنات :😂😂😂😂😂

رجعت راحت علئ تحفة تالتة وئربت عليها ...
شمس :وهي بتجنن من وين ياترئ ؟؟
كنان :خلص خلص ماشي الحال ... بعمل متل مابدك بس ببوس ايدك بعدي عن التحف 😣
شمس :اي هيك ها مابتجي اللا بالعين الحمرا 😏
كنان «بئلبو »:العمئ شواللي خلاني اتهور وجيبها لعندي 😭

#يتبع....

#عصِاَْبة_بنَاَْتٍ,,,,🌸

#الجزء_الُتاسع....

بعد ما اخدو موافئة كنان عالخطة تبعهم .. بلشو يجهزو امورهن ... وكانو البنات مشغولين
أما شمس ضلت عم تفكر بأمها .. وطلعت عالحديقة ئطفت وردة من شجرة وتربعت عالعشب وصفنت بالوردة ... 🌹

كان كنان عم يحط اخر لمسة عتيابو وأخد ئزازة العطر ورش علئ حالو ...طل من الشباك وشاف شمس ... ومالئا حالو غير نزل لعندا ... وئف وراها وحط ايديه بجياب بنطلون البدلة وسألها
كنان :بشو عم تفكري ؟
شمس :معئول ماما خانت ؟
كنان :مابستغرب ... الخيانة ماشية بدم جنس حوا ... 😒
التفتت عليه واتطلعت عليه من فوق لتحت ورجعت زاحت نظرها عنو
كنان :ليكون ماعجبك
شمس :بتعرف ... وانا بعتبر كل الرجال انذال
كنان :اووف .. ما ابوكي رجال
شمس :اصلا بعد البابا بالنسبة الي معد بعتبر في رجال ...صرت اكره جنس ادم كلو لأنو كلون انذال 😏
كنان :اي بس مو كل اصابعك متل بعض
شمس :والله !! بدك تقنعني انو مو كل الرجال انذال
كنان :اي يعني ازا شفتي نذالة من شخص واحد بيصيرو الكل مو مناح ؟
شمس :طيب انتة ليش بتكره حنس حوا ؟
كنان :لأنو ..
وبعدين دارت براسو الئصة وفهم انو شمس عم تحاول توصلو فكرة انو مو كل اصابعو متل بعض ...
صفن فيها وهية ئاعدة وعم اتطلع عالوردة اللي بإيدها وشعرا الناعم اللي كان عم يتمايل مع نسمات الهوئ ❤
كان عم يتأملها وئلبو من جوا عم يرجف ...
شمس :ليش سكتت ؟
كنان :لا بس بعدني عند موقفي ...
شمس :هههه شكلا اللي كنت بتحبها طعمتك خيبة أمل مرتبة
كنان :ماكنت بحبها
شمس :ومعئول خلتك تكره كلشي اسمو نسوان ؟
كنان :الخيانة صعبة شمس ...
شمس :مزبوط ...الخيانة لما تجي من شخص بتحبو رح تكون أصعب .. بس بما انك ماكنت بتحبها المفروض ماتحمل المسألة كل هاد ...لأنو بجوز هية كمان ماحبتك .... ااااخ العادات والتقاليد ياما دمرت ناس
كنان :شو ازضك ؟
شمس :زواج المصالح ... بس كرمال سفقة او تنتين ... الزواج بحجة السترة ... لازم البنت ماتحب لأنو عيب ... لازم البنت ماتطلع لأنو عيب ...لازم البنت ما تتنفس لأنو عيب .. مجتمع اتبع سياسة العيب ونسي الحرام ... ربطو حرية البنت بكلمة عيب ... وكأنو البنت مصيبة كبيرة. وعار ونزلت عراسهم وبنفس الوئت بيستضعفوها و بياخدو حئها بحجة انها بنت ...

كنان :وشو دخل حديثك هاد بموضوع الخيانة ؟
شمس :بعدين بتعرف ..

وئفت شمس وئالت :رح تطلع لعند عامر ؟
كنان :اي ... رح اتصل فيه بالاول
شمس :ياريت تخلينا بالصورة أول بأول ..
كنان :هههه والله حاسس حالي بشي عصابة لـ جيمس بوند
شمس :بس لازم تحذر بتصرفاتك ئدامو .. لحتا ماتبين انك عم تضحك عليه

مشيت اتجاهو ووئفت ئبالو مباشرة ...
شمس :انا بتشكرك لأنك عم تساعدنا
كنان :بكير عالشكر
شمس :بالنسبة الي ... انتة ساعدت و لو بكلمة ...تفضل هي عربون شكر 💗
وعطتو الوردة اللي كانت بإيدها ... وابتسمتلو وفاتت لجوة وهوة ضل وائف مكانو وصافن بالورة اللي بإيدو .. وحسها كنز وئدر يتملكو 😍

اتصل كنان بـ عامر وطلب يشوفو ...وبالفعل صلح علاقتو معو بنفس اليوم وعزمو علئ حفلة للصلح ...

أخيرا إجا المسا وكان كنان ئاعد وناطر البنات برة لحتا يخلصو لبس ...
كنان :اوووف ساعتين بس لحتا يجهزو حالهن

وبالغرفة ...
شمس :ميرا انتي ويمنئ وشهد اليووم لازم نخلص فهمتو
ميرا :بس نحنا ما اتفأنا هيك ...كنان بالزور لحتا ئبل يساعدنا😓
شمس :حبيبتي انا ما خصني بـ كنان ... بتستدرجي لحتا توصلي لعند ورشة أبو الجود وهناك رح كون ناطرتكون مع ابو الجود
شهد :بركي حدا حس علينا ؟
شمس :لا محدا رح يحس ...
يمنئ :بنات ئلبي مو متطمن ... 😦
شمس :اهدووو مارح حدا يحس ولا حتئ عامر واتطمنو انا حابكتها .. رح خلي يوقع وهوة عم يضحك ويلعب 😏
ميرا :شو ناوية تعملي 😨
شمس :بس تصيرو بالورشة بتعرفو

وسمعو صوت كنان عم يحكي :ماااخلصتو ؟
شمس :يالله طلعو ...
طلعو من الغرفة وتفاجأ كنان بكمية الترتيب والأناقة تبع البنات ...
كنان :ياسلام والله بترفعو الراس بس شهد ...
شهد :انا الشوفير 😏
كنان :اي فهمت 😂
اتطلع بـ شمس اللي كانت لسا بتيابها
كنان :كأنك مو رايحة مع الصبايا !
شمس :لا لأنو انا لسا ما اجا وئت شغلي
كنان :اي معناها رح اسبئكون انا وبتلحئوني ... وانتي شمس
شمس :نعم
كنان :يستر عولاياكي لا تئربي عالتحف 😅
شمس :حط رجليك وايديك بمي باردة 😏

طلع كنان بالأول و طلعو الصبايا بعدو مباشرة وتوجهو علئ المكان اللي رح يجتمعو فيه ...

وصل كنان وركن السيارة عند باب بار .. ودخل لجوة ووصلو الكرسون علئ الطاولة اللي حجزها وئعد ينطر بـ عامر ... وبعد شوي وصل عامر
كنان :اهلا وسهلا ...خفت ماتلبي دعوتي
عامر :له يا سيد كنان ... انا ما بحب زعل شريك متلك
كنان :تفضل ...
ئعد كنان وطلب مشروب وئعدو يحكو ... بهالوئت كانو شهد وميرا ويمنئ وائفين وصافنين بباب المحل ...
ميرا :هلء ما لئا يدعي اللا عهيك مكان !؟ 😦
يمنئ :ولي انا مابحب فوت علئ هيك أماكن 😓

شهد :هدو
يمنئ :طيب ازا شافنا داخلين عمكان متل هاد شو رح يفكر فينا ؟
ميرا :بجوز دعا عهيك مكان لأنو عامر بيك الو علئ هيك محلات ولو كان داعي عمطعم عادي ماكان رح يئبل الدعوة
شهد :معناتا توكلو عالله وفوتو .. وخلينا عاتصال

دخلو ميرا ويمنئ عالمحل واستئبلهم الكرسون ...
ميرا :عفوا في حجز بإسم سوزان الساحر
الكرسون :اي طبعا ...تفضلي ياخانم ...اهلا وسهلا ..

وصلهم علئ طاولتن اللي كان حاجزها كنان بجنب طاولتو ...
ئعدو ميرا ويمنئ وشافهن عامر ...
كنان :خير عامر بيك ؟
عامر :هي الست سوزان اللي ئاعدة وراك ؟
التفت كنان وئال :مبلا ...شو جابها عهيك مكان ؟
عامر :شو ماكان السبب. . صدفة حلوة.
وئف عامر وراح لعند ميرا ويمنئ ...
عامر : مرحبا ست سوزان
ميرا :هااي مسيو عامر شو هالصدفة الحلوة 😊
عامر :فعلا صدفة حلوة ... خير ست سوزان انشالله مو صاير عليكي شي
ميرا :لا خير
عامر :بس وعدتيني نطلع نجتمع علئ غداء عمل وخلفتي بموعدك ودئيتلك كتير يومها مارديتي عليي
ميرا :اه هداك اليوم ..انا بعتزر كتير مسيو عامر ...اجاني ضيوف من سويسرا وخليت روز تلغيلي كل مواعيدي
عامر :طيب عندك مانع اعزمك علئ طاولتي وعرفك علئ شريكي
ميرا :اوك ...
وئفت ميرا وراحت عطاولة عامر وسلمت علئ كنان وئعدت ...
كانت ميرا ئاعدة بالصدر علئ كنبة وعامر بجنبا ويمنئ عجنبا التاني ...

أما شمس غيرت تيابها وهية طالعة شدتها صورة لـ كنان كانت معلئة بصدر الصالة كان طالع فيها شبه الأمرة وشخصية كتير 😍

ئربت عالصورة وئالت :لو مابتكره جنس حوا كان رح يكون النا كلام تاني .. بتعرف شوبيصير لئلبي بس شوفك ... والله شكلك مابتعرف اصلا انا مارح ئلك ولا رح ئلك ... انتة ليش هيك حليوة لهالدرجة اه 😒

نزلت راسها وئالت :ههه هي اخرتك ياشمس تحكي مع صورة 😒

طلعت من البيت وئفت تكسي وركبت

أما بالبار ...
همست يمنئ :ميرا بدي روح عالحمام
ميرا :طيب بس ما تتأخري

وئفت يمنئ وراحت عالحمام اما ميرا ضلت تاخد وتعطي مع عامر ...
وكنان ئاعد ولا كأنو لازمة 😂
رن تلفونو واستأزن وراح يحكي عجنب ...
كنان :اي شمس
شمس :انشالله كلشي ماشي تمام ؟
كنان :عحسب مالي شايف ميرا مسيطرة كليا عالجو ...
شمس :اي تمام ...
كنان :وينك انتي ؟
شمس :اه ...بـ بالبيت
كنان :بس في ضجة حواليكي
وفجأة سمعها عم بتصرخ :انتبه يابني ادم ...وفصل الخط فجأة 😦
كنان :شمس الووو شو صار معك ؟
رجع حاول يدئلها يطلع خارج التغطية ... وبلش ئلبو يغلي ...
كنان :شو صرلا ... 😨
بلش صوت الموسيقئ يعلا وهوة عم يحاول يرنلها وطلع لبرة البار ... وشافتو شهد ... اجت لعندو وسألتو :خير استاز كنان انشالله مو صاير شي ؟
كنان :شهد بدي اسألك ،انتو شو كنتو مخططين ؟
شهد :اه ...شبدنا نخطط يعني ..اللي اتفئنا عليه
كنان :وشمس وين كانت رايحة بهالوئت ؟
شهد :....
كنان :شمس عملت حادث سير يا شهد خبريني وين كانت رايحة
شهد :حادث ... شمس 😰
كنان :شهد ركزي معي وينهاااا
شهد :كـ كانت طالعة لعند أبو الجود 😦
كنان :مين هاد ابو الجود ؟

أما جوا .. طلعت يمنئ من الحمام هريبة بعد ماشافت عجايب 😂 «مارح ئلكون شو شافت حزروها لحالكون »
وهية طالعة خبطت بحدا وكأنها خبطت بحيط ... واختل توازنها وكانت رح توئع لما مسكها من ايدها وشدها عليه .. رفعت راسها واتفاجأة بـ كريم ...
كريم :هي انتي ؟
يمنئ:....😦😦
كريم :شو عم تعملي هون ...مع مين جاية ؟
يمنئ :انا...انا جاي لحالي
كريم :لحالك اجيتي عهيك مكان ؟ والله شكلك اول مرة بتجي لأنو الجية عهيك أماكن لازم تكون مع شلة 😉
يمنئ :اي ...مـ ما. انا بـ بعرف لهيك قررت امشي 😟
كريم :لا شو تمشي ..لسا الحفلة بأولها تعالي ...
ومسكها من ايدها وأخدها عطاولة البار الكبيرة وئاعدها وئعد جنبا ...
كريم :بتعرفي انسة يمنئ ... بصراحة كنت بدي اعتزر منك عالفصل اللي عملتو معك مبارح ببيت اخي جمال
يمنئ :مافي مشكلة اساسا انا نسيانة الموضوع
وبلشت تتلفت حواليها ...

أما ميرا لاحظت غيبة كنان ويمنئ وبلشت تتلفت حواليها
ميرا «بئلبا »:العمئ وينون هدول وليش تركوني لحالي مع هاد 😓
عامر :اي ست سوزان
ميرا :اه...اي شو
عامر :يعني لحد الآن ما اتعرفنا عبعض بشكل أقرب
ميرا :مافهمت 😟
ئرب عليها وصار بلزئا
عامر :يعني شو رأيك تئبلي عزيمتي عغدا بمزرعتي 😉
ميرا :اي اكيد جاي الأيام وبجي بزورك بمزرعتك مسيو عامر

وبرة كان كنان لسا عم يحاول يرن ...
شهد :ماردت ؟
كنان :لا ...
رجع حاول يرن كمان مرة وأخيرا حدا رد
كنان :وينك شمس ؟
...:عفوا انا مو شمس ... صاحبة التلفون بالمشفئ
كنان :بالمشفئ !!؟ ليش ؟ 😨
شهد :😦😦
...:البنت ئرايبتك ؟
كنان :اي احكي
....:العوض بسلامتكون ،الله يرحمها ...ياريت تجو تتعرفو عالجثة
كنان :شوووووو
#يتبع....

#عصِاَْبة_بنَاَْتٍ,,,,🌸

#الجزء_العاشر....

اما جوا كانت يمنئ عم تحاول تهرب من كريم بأي طريقة ...
كريم :تفضلي انسة يمنئ
يمنئ :شوهاد ؟
كريم :كوكتيل ... هاد مشروبي المفضل هون
يمنئ :اي ازا كوكتيل ماشي بشرب ...

انشغل كريم بجوالو اما يمنئ من نشفان حلئها وتوترها شربت كل الكاسة بشفة وحدة ...😂
رجع التلفون عجيبو واتطلع فيها ...
كريم :انتي شربتي الكاسة كلها بشفة وحدة ؟؟ 😥
كانت يمنئ عم اتطلع بالكاسة ونظرها معد مستقر وحست بعدا بدوخة وصارت تشوف التنين اربعة والأربعة تمانة 😂
كريم :بتحبي اطلبلك كمان كاسة ؟
يمنئ :اي بدي وحدة تانية لو ...سمحت
كريم :اي تكرمي .. لك روني جبلي كاسة كوكتيل تانية للصبية ...

طلع كنان بسيارتو بدون وعي وطلعت معو شهد وراحو بوجهن عالمشفئ نسيانين يمنئ وميرا وهنن مو مسدئين انو شمس ماتت 😢 💔
كنان «بقهر »:معئول تكون عنجد ماتت !
شهد :مو مسدئة ... مستحييل 😭

اما بالبار كانت يمنئ عم تشرب وكريم عم يحاكيها ...
كريم :بتعرفي انسة يمنئ من لما شفتك بمكتب اخي كنان وسمعت صوتك حسيت حالي بعرفك من زمان ... حسيت حالي سمعت صوتك ئبل هالمرة ...

بلشت يمنئ تضحك
كريم :ليش عم تضحكي ؟
يمنئ :انتة غـ ـبي شي .. كيف سمعتني وانتة نايم 😂
كريم :ههه انتي سكرتي ؟
يمنئ «عم تحزء واتطلع عالكاسة اللي بإيدها » :هـاد الكوكتيل بشو معمول ؟
كريم :هاد كوكتيل مشاريب ،شو كنتي مفكرتي ؟
انفجرت ضحك وئالت :ههه لك و اناااا يلي كنت مفكرتو تفاااح وبرتقال ونجاص وخوخ ويانسون 😂😂
كريم :لا انتي عنجد سكرتي 😦

حملت ميرا جوالها وحاولت ترن علئ كنان .. بس ماكان يرد ...
وشافت جزدان يمنئ بجنبا ...
ميرا : تفضل مسيو عامر هالكاسة من ايدي 😊
ورجعت ميرا انشغلت بـ عامر ...

وصلو كنان وشهد عالمشفئ وفات كنان ركيد لجوة وسأل موظف الريسيبشن ...
....:اي مزبوط. اجتنا حالة اسعاف كبيرة ئبل شوي
كنان :طمنا
....:عم يئولو في صبية مخطرة وشوفير التكسي كمان حالتو حرجة وفي حالتين وفاة ...
انهارت شهد وبلشت تبكي
شهد :ياربي. ليييش 😭
كنان :اهدي شهد خليني اتأكد. .. عفوا معك اسماء حالات الوفاة ؟
...:لا والله بدك تسأل الدكتور يلي استلمون عالاسعاف ...

ركد كنان عالاسعاف لحتا يتأكد ... وأخيرا لئ وسأل علئ شمس
الدكتور :حالتين الوفاة كانت لشب وصبية كانو راكبين بالسيارة المتضررة ..
شهد :معئول يكونو شمس وابو الجود 😢
كنان :ممكن شوف الجثث لحتا اتأكد
الدكتور :مافي داعي ..عطيني الاسم بس
كنان :شمس... الصبية اسمها شمس 💔
الدكتور :اه معناتا انتو عم تسألو علئ الصبية يلي كانت راكبة مع شوفير التكسي. .. لاهي بعدا عايشة بس لسا فائدة الوعي ...

ارتاح ئلب كنان ونزلت دمعتو وحس كأنو جبل وانزاح عن صدرو ... اما شهد ئعدت بالأرض وخي عم تبكي وتحكي :يييا الله انحلو ركبي من الرعبة .. الحمدلله ياربي شمس ما ماتت ماا مااتت 😭
ئعد كنان عركبو ورفع شهد عن الارض ...
كنان :اهدي شهد ..لك طلعت عايشة ما ماتت ... اهدي لا تبكي ...

بلش كريم يفئد السيطرة علئ يمنئ يلي سكرت عالآخر ...
كريم :انسة يمنئ حاج تشربي ...ومد ايدو عكتفها
يمنئ :شييل ايدك ...لكك انتة مممااابتستحي 😡
كريم :والله مو ازضي .. ياربي شو اعمل هلء😓
وبلشت تعلا الأغاني ويمنئ بلشت تميل راسها يلي كانت حانيتو وشعرا الطويل اللي كان مغطي كل وجها وعم يميل مع راسها وهية عم تتمتم بكلمات مو مفهومة...
كريم :انسة يمنئ خليني وصلك عالبيت
بعدتلو ايدو ولوحتلو وهي بعدا حانية راسها ...
كريم :لااا هيك مابيصر ...ثواني رايح وراجع لاتروحي...
راح كريم لمكان هادي بعيد عن الضجة ورن علئ اخوه جمال ...
جمال :ههه لا حبيبي كروم هنن رجعو عبيتون مبارح
كريم :طيب بتعرف وين بيتون ؟
جمال :لا والله ماخطرلي اسأل شموسة
كريم :وينك انتة ؟
جمال :انا بالاستيديو .. عندي جلسة تصوير .. اما شو جاييني موديل بيفلج 😍
كريم :اي تتهنئ ..باي

سكر كريم الخط ورجع عمكان ماترك يمنئ بس ما لئاها ...
كريم :وين راحت ؟؟ 😓
بلش يتلفت حواليه وشافها عم ترئص بنص الساحة وفي شباب محاوطينها وعم يلمسوها بطريقة مستفزة .. ولعت النار بئلب كريم وركد عالساحة ودفش عنها الشباب ومسكها من ايدها. وشدها
....:هييي شومانك شايف
كريم :ليش مين ئلك اني شايفك اصلا ..
...:طيب تروك الصبية بحالها ...
كريم :هي البنت بتخصني وازا بتئرب منها بتكون حكمت عحالك بالموت 😡

رجع مشي وهوة جاررها من ايدها وطلعها برا البار ...
نترت يمنئ ايدها وئالت :ليييش طلعتني ..بدي ارجع لجوة
كريم :يمنئ اصحي وتعالي دليني وين ساكنة خليني وصلك
يمنئ :ممم وين ساكنة انا ؟؟
كريم :ههه يمنئ انا عم بسألك هالسؤال ..وين بيتك ؟
بلشت تمشي وهية عم تتلوئ من كتر مالها سكرانة
يمنئ :اي اي رايـ..ـحة عالبيت ،ياااااي لييش هيك الاضوية هههه
كريم :لك من كل عئلك ،
رجع ركد وراها ومسكها ...
كريم :لك حتئ انك مو بوعيك .. شكلك اول مرة بتشربي ؟

مسكها وحطها بسيارتو ...
كريم :وين اخدك حكيلي بس
يمنئ :خدني ليييك لعنيييك طفل صغييير ..هئ ههه معك علكة شعراوي 😂
كريم :هههه جد ئلبتي وائل كفوري ... يمنئ ردي عليي وينون رفئاتك ؟
يمنئ :رفئاتي ؟ مينن ؟ازضك حسن صبي... ومئصوفة الرئبة ... وإم راس
كريم :هههههههه انتي بتناديلون هيك ؟؟ طيب انتي شو بدلعوكي
يمنئ :بدلعوني...شو بدلعوني ...بيبي العصابة 😂
كريم :العصابة 😂 لااا انتي عنجد نهفة
وشغل السيارة ومشي فيها
اما بالمشفئ سمحو أخيرا لـ كنان وشهد يفوتو لعند شمس ...
كنان :الحمدلله وضعها تمام
شهد :الحمدلله ماتأزت ..
صفنت شهد شوي وئالت : البنات ... استاز كنان نحنا نسينا البنات 😓
كنان :لك اي والله ...ليكي طلعي رني علئ ميرا وخبريها انو تلغي كلشي اوئلك روحي جيبيون لهون ... خدي هي مفتيح السيارة

اخدت. المفاتيح منو وطلعت وضل هوة لحالو جنب شمس ...
صفن بوجها ومسكلا ايدها وئال :مو معئول شو خفت اليوم ... حسيت روحي رح تطلع مني بس سمعت كلمة العوض بسلامتكون ...سدئيني شمس حسيت وكأنو سكين شكت بنص ئلبي 😢

اتصلت شهد علئ ميرا اللي كانت يدوبها ئدرانة تتحمل غلاظة عامر بعد ماخلتو يسكر عالآخر ...
ميرا :كييف ؟؟
شهد :اي ميرا ...تركي هالمضروب وطلعي انتي ويمنئ من البار ليكني جاي اخدكون عالمشفئ
ميرا :بس يمنئ مو معي وفكرتا طلعت مع كنان 😓
شهد :لا ماكانت معو ...ميرا ئومي وجيبيها وطلعي ...

وئفت ميرا ومسكها عامر من ايدها وهوة مدووخ. ..
عامر :ويين رايحة خـ..ـليكي ئاعدة جنبي
ميرا :لك تركلي ايدي
حملت ميرا جزدانها وجزدان يمنئ وبلشت اتدور عليها بالبار الكبير بس بدون فايدة ...
ميرا :ياربي دخيلك وين راحت هي 😓؟

وبسيارة كريم ...
يمنئ :أخصمك أه أسييبك لااا وجوا الرووح حتفضل حبيبي النا بهواااه اخصمك اااه هههههاي 🎶
كريم :ههه اي ست نانسي اي اهدي شوي وحاج شخلعة هلء بشوفنا شي شرطي وبخالفنا 😂
يمنئ :ماشي براحتك ياخي مصلحتك وشوف ازااي انا هئلئ راحتك هههه 😂 🎶
كريم :طيب ميريااام ما انتي ئلئتيلي راحتي عنجد 😂
بلشت تحزء وتلعي منافسها وبينت عليه كأنها رح تستفرغ ...
كريم :شو بدك 😨
يمنئ :ممممم اممممم
كريم :بدك تستفرغي ؟😱
بلشت تأشرلو لحتا يصف عجنب ...صف علئ جنب وهية طلعت بدون وعي واستفرغت كلشي ببطنها 😂😂 اما هوة كان وائف وعم يضربلا عضهرا وبلشت هوة كمان منافسو تلعي منها 😂
كريم :شو خلصتي ؟
يمنئ :وووااااااع ئرف 😣
كريم :ايشوووو تغديتي اليووم 😖
يمنئ :فـ فاصولية 👆
ورجعت تستفرغ 😂 كان كريم عم يلعن الساعة يلي اخدها من البار وركبها بسيارتوو 😂

طلعت ميرا من البار وبلشت اتدور عليها عالباب بس عبث ماكانت تلائيلها أثر ...وصلت شهد وسألتها عن يمنئ
ميرا :مااا لئيتا ...شهد انا كتيير خايفة عليهاا 😢
شهد :طب تعالي نرجع نفتل عليها فتلة بجوز نلائيها ...ورجعو فاتو عالبار...

رجع كريم شربها مي وطلعها بالسيارة ورجعت تغنيلو 😂
يمنئ :يللي بدو يتحدا هي الحارة مين ئدا ...هئ 🎵
كريم :اي هدي عكيييد مو محرزة 😂
يمنئ :وليييش هيك عم تحكي ممعييي ...انتة مابتعرف مع مين عم تحكي ؟
كريم :مع ميين بالله ؟
يمنئ :أنا أنا..«وبلشت تغني ».أنا يلي بحبك وحدي انا انا يلي بريدك ليا انااااا ..هئ 🎶
كريم :انطربت نانسي خانم 😂
يمنئ :كيفك ... ؟
كريم :... شو كمااان
يمنئ «عم تغني » :كيييفك انتة انشالله منيح ،بعدك متزكرني منيح. هئ 🎶
كريم :هههههه رجعت مريام 😂
يمنئ :لك صحيييح انتة مو متزكرني بس انا متزكرتك منيييح ...
كريم :اي اي متزكرتيني
يمنئ :بالعلامة كنت حليوة كتييير وانتة نااايم 😍
صفن كريم شوي وضرب بريك ...
كريم :ليش وين شفتيني نايم ؟
يمنئ :شوخصك شغلة مابتخصك انتة ...بس جد كنت امور وبتزكر لما... وئعت انا وايااك حسيت بعضلاتك الكباار 😍
كريم :وئعت انا واياكي ؟ يمنئ لتكوني مشبهة عليي !
يمنئ :ههه لا لا متأكدة كنت انـ...ـتة هئ
#يتبع

#عصِاَْبة_بنَاَْتٍ,,,,🌸

#الجزء_الحادي_عشر....

صفن كريم شوي وضرب بريك ...
كريم :ليش وين شفتيني نايم ؟
يمنئ :شوخصك شغلة مابتخصك انتة ...بس جد كنت امور وبتزكر لما... وئعت انا وايااك حسيت بعضلاتك الكباار 😍
كريم :وئعت انا واياكي ؟ يمنئ لتكوني مشبهة عليي !
يمنئ :ههه لا لا متأكدة كنت انـ...ـتة هئ كأنو سيارتك هي جديدة ؟

ورمت راسها عكتفو وهية عم تتمتم بكلام مو مفهوم وتنغم وتغني..وحاول يحاكيها او يفهم منها ماكانت تستجيب الو ...
كريم :يا حبيبي ...كملت معي وين روح فيها ؟ والله ازا باخدها عالبيت امي لتعلء مشنئتي وعشئة كنان كمان مابيمشي الحال ..التاني عئلو ترس وجمال مو بالبيت ...
فكر وصفن شوي وخطرت عبالو فكرة ...

أما بالمشفئ كان كنان صافن بوجه شمس اللي شبه الملاك...رفع ايدو وبلش يمسدلا خصلات شعرها الناعمة ❤
وشافها عم تفتح عيونا بعد ايدو بسرعة وسعل ... صفي نظرها وأول شخص شافتو كنان ...
شمس :كـ كنان !
كنان : اي كيف صرتي ؟
شمس :شو صار ..ووين انا ؟
كنان :بالمشفئ ...شفتي شو بيصير بيلي بيكزب
شمس :شو ازضك ؟
كنان :خلص ماتاكلي هم .. لاتتعبي حالك ..
وصفنو بعيون بعض ...
وفجأة انفتح الباب ودخل ابو الجود بسرعة.وهوة عم يلهت ووجهو اصفر
ابو الجود :شمس ... الحمدلله ياربي لييكك عايشة ... الحمدلله عسلامتك
شمس :ليش ؟
ابو الجود :لما شفتك اتأخرتي رنيتلك طلعتلي وحدة حكتلي انك متي ...يخربيتها رعبتني رعبة يمكن بحياتي ما احلم شوف جود بعدا 😒
كنان :مين حضرتك ؟
ابو الجود :انا اخوها انتة يلي مين ؟
كنان :انتة ابو الجود ؟
ابو الجود :اي محسوبك ابو الجود
كنان :اهلا وسهلا اتشرفت بمعرفتك ... انا اسمي كنان وبكون صديق الانسة شمس
*-------------------*
كان ئاعد بالسينما وعم بتابع فلم لما رج موبايلو بجيبو ...حملو وشاف رقم ابو رد وصار يحكي بالهمس ...
وائل :اي ابي
عامر :وينك ياحيووااان
وائل :بالسينما ...انتة يلي وينك وليش في ضجة حواليك ؟
عامر :اي تعال.. تعال خدني من هوون مافيني سوء سيارة
وائل :ابي انتة سكران ؟ طيب ئلي وينك وانا بجي باخدك
عطا عامر الموبايل للكرسون ورما راسو عالطاولة ...
وائل :اي اي جاية فورا ...
سكر التلفون ووئف وصار يطلع من صف كراسي السينما
وائل :عن ازنك بس ...اسف...اسف ... بعتزر منك ...لوسمحت ....اسف 😅
واخيرا طلع من قاعة السينما بعد ما كلو مية مسبة 😂😂
--------------*
ميرا :شو شهد ؟
شهد :فتل راسي وانا دور عليها ...
ميرا :وهلء ؟ ولي بركي ضحكان عليها شي شب واخدها 😓
شهد :شو مفكرة يمنئ هبلة ليئدر يتضحك عليها حدا ...
صفنو شوي هنن التنتين واتطلعو ببعض وبعدين حكو سوا :اي هبلة بتعملا 😒
--------------*

وصل كريم علئ فندق ونزل هوة ويمنئ وحجز غرفة ووصلها عليها ... كانت يمنئ عم تمشي وراخية كل حالها علئ كريم ... فتحلو العامل باب الغرفة وعطا المفتاح وراح بعد ما اخد اكرامية ....
كريم :هي وصلنا يمنئ
رفعت راسها وهية لسا عم تنغم وتغني 😂
وئاعدها عالتخت وانحنئ وشلحها كندرتا ولفتو نظرو كعاب رجليها الناعمين ... وبلش يتمايزهم وهوة عم يتلمسهم بحنية. ...
صحي علئ حالو ووئف
كريم :ليكي انا رايح ... انتي نامي وبس تصحصحي بتروحي علئ بيتك ...
يمنئ :لااا ترووح وتتركني ...لـ لحالي ...انا انا بخااف 😢
كريم :بس انا متطر روح
بلشت يمنئ تتسند عالتخت والكوميدينا ووئفت ئبالو ...
يمنئ :انا انا... والله بخاف نام لحالي ... جيبلي شهد تنام...جـ جنبي
كريم :شهد! ! هي رفيئتك صح ؟
يمنئ :اي ...
ورجعت داخت وحطت راسها عصدو وتمسكت بئميصو و وئالت :انا دايخة ... راسي كتييير عم يفتل 😣
اما كريم عم يحاول بقدر الإمكان انو يتجاهل شعورو بالإنجذاب الها واغرائها اللي من غير ارادتها الو ...
رفع ايدو ولفها من خصرها بلطف وشدا عليه ورفع ايدو التانية وحطا علئ خدها وبلش يتأمل بعيونها العسليات الكبار وبلش يئرب عليها وبدون. اذن منها باسها عشفايفها وضاع باللحظة ... بلش يتلمس خدها الناعم ورئبتها بشفايفو وهوة عم يحاول يشبع رغبتو الئوية فيها وهية مستسلمة بين ايديه ...❤
ئدرت يمنئ اخيرا توعئ شوي وتحكي :بس بكفـ...ـففي الله يوفئك بعد عني ..لا لا تعمل هييك فيني
كريم :بس انتي ... بتجنني
يمنئ :انا ..انا صح تربيت .. بـ بـميتم بس بس والله انا نضيفة
كريم :.....
وهمستلو بإدنو :الله يوفئك لاتعمل معي هييك ،الله يوفئك خليني نضيفة
انصدم كريم وبعد عنها وهية عم تترجا وشافها عم تبكي وهية ماسكة ئميصو بقبضة ايدها بئوة وعم تترجا وتتمتم بكلام مو مفهوم ...ولام حالو عهالشي ... وئعت عركبها وغابت عن الوعي ...حملها وحطها عالتخت وغطاها وضل ئاعد جنبا وهوة عم يتزكر اخر كلمة حكتها «خليني نضيفة »
كريم :شو كريم،وصلت فيك الوقاحة لتفكر تعمل هيك شي مع بنت مالا وعيانة عشي
-----------------*
وصل وائل عالبار ونزل من سيارتو ووئف ئدام الباب وصفن شوي
وائل :اي ... اخرتي جيب ابي من هيك محل ... الله

يصلحك بس
كان رح يفوت لما شاف شهد وميرا طالعين من الباب ...
وائل :حسن صبي !!
مرت من ئدامو واتزكر شغلة ورجع ركد وراهن ...
وائل :يااا انسة لو سمحتي
التفتو عليه هنن التنتين ...
وائل :كيفك ...
شهد :انا ؟
وائل :اي ... شكلك ماتزكرتيني
شهد :لا والله .. مالي فاضيتلك هلء
ورجعت بدها تمشي
وائل :كنت بس بدي اسألك عن شمس ...
وئفو ميرا وشهد واتطلعو ببعض ورجعو التفتو عليه وراحو لعندو
شهد :انتة منين بتعرف شمس ؟
وائل :انا بكون ...بكون اخوها ...
انصدمو شهد وميرا و صفنو فيه
ميرا :شمس ماعندا اخوة انتة واحد كزاب 😒
وائل :لاوالله ماعم كزب ... انا وشمس تربينا سوا وبعلامة شوفو ...
وورجاهم صورة كان حاططها بجزدانو بتجمعو مع شمس وشب تاني ..
شهد :انتة منين بتعرفها ؟
وائل :انا بكون ابن جوز امها ... وتربينا سوا
ميرا :اااه
وائل :وينها ،بس حابب شوفها في شي ضروري حابب احكي معها
شهد :اي بس شمس ... بالمشفئ
وائل :بالمشفئ ؟😳 ليش شو صار معها ؟
وحكتلو شهد شو صار مع شمس...
وائل: طيب خدوني لعندا
ميرا :بس نحنا لازم نلائي يمنئ 😓
شهد :مبلا ... رفيئتنا مفئودة وبدنا ندور عليها
وائل :جربتو تسألو عليها ؟
ميرا :لا ..اصلا مين بدنا نسأل ،ماحدا بيعرفها
وائل :الحئوني ...
دخل وائل عالبار ولحئو شهد وميرا وراح عالطاولة الكبيرة وسأل اللي بيضيف مشاريب. ..
وائل :مرحبا حبيب ..
روني :ياهلا
وائل :بدي اسألك ..شفتلنا شي صبيةةةة ...
شهد :صبية صغيرة شعرا بني طويل ولابسةةةة ...
ميرا :لابسة فستان لونو بيج فضفاض لعند الركبة ...
روني :العفو بس البار مليان بنات بهالمواصفات ...
ميرا :بعرف بس هالبنت بالزات ماالها علئ هيك اماكن ... 😦
روني :ماتزكرتا 😏
طلع وائل مصاري وحطون عالطاولة وئال :وهلء ؟
روني :ممم اي اي هلء تزكرتا .. هالبنت حتئ انها بيضة وعندا شامة بخدها الشمال
ميرا :ايوا هي هية
روني :اي شفتا ئاعدة مع شب هون وبعلامة طلبلا كوكتيل مشاريب ...
شهد :وبتعرف هالشب ؟ اكيد بكون زبون للمحل
روني :جد هوة زبون بس زاكرتي عم تخوني هالكم يوم 😏
رجع وائل حط مصاري عالطاولة وئال :اسم هالزبون ...
روني :ايها هلء انتعشت زاكرتي ..اسمو كريم سيف الدين ..شفتو اخدها وطلعو من البار
ميرا :كريم سيف الدين ؟!!
شهد :هاد ...
اتطلعو ببعض وئالو :كنان ..
وائل :شو صرلكون ؟
طلعو شهد وميرا من البار بسرعة ورنو عموبايل كنان بس موبايلو كان بالسيارة مع شهد ...
شهد :موبايلو هون بالسيارة 😓
ميرا :معناتا خلينا نطلع عالمشفئ بسرعة ...
شغلت شهد السيارة وشدت فيها عالمشفئ ولحئهم وائل بسيارتو ...
أخيرا وصلو وفاتو بسرعة عغرفة شمس ...
شهد :تفضل يا استاز ئوم معي
كنان :انا ؟
ميرا :اي انتة ،خود موبايلك ورن لأخوك خلي يرجع يمنئ
ابو الجود :ليش وينا يمنئ
ميرا :الأفندي اخو للسيد كنان ضحك علئ يمنئ وخلاها تسكر وأخدها معو ابصر لوين
كنان :لك انتو متأكدين من هالحكي ؟
شهد :الكرسون تبع البار مالو مصلحة يكزب ..
شمس :وانتو وين كنتو عنها ؟
شهد :انا وكنان انشغلنا فيكي ،وميرا انشغلت بعامر والأخ استفرد بـ يمنئ
ميرا :استاز كنان ... مشان الله ئول انو اخوك متلك ومانو ازعر ... مشان الله
شمس :كنان انتة ضامن انو اخوك مايأزي يمنئ ؟
كنان :...😓
ابو الجود :يعني راحت البنت ؟ ليييش ساكت

نزلت شمس عن التخت ووئفت وئربت علئ كنان وبسرعة مسكتو من جاكيتو ولزئتو بالحيط ...
شمس «بنبرة تهديد »:بتعرف ازا اخوك بمد ايدو علئ يمنئ او بيأزيها ... رح بيد عيلتك كلها عن بكرة ابيها ... عم تفهم
كنان :اخي مانو حقير لهالدرجة
ميرا :معناتا اتصل عليه وئلو خلي يرجعها

اخد الموبايل ورن علئ كريم ... بس ماكان يرد عجوالو ...
كنان :ماعم يرد
شمس :رن علئ جمال او علئ امك ... رن علئ اي حدا ... المهم توصلو ...
طلع كنان من الغرفة و بلش يعمل اتصالاتو ... اما وائل وصل عغرفتها وئبل مايفوت سمعن عم يحكو ...
شمس :والله ازا صار ليمنئ شي بحياتي مارح سامح حالي
ميرا :خلص شمس انشالله مابصرلا شي ،بعدين انتي ليش تحملي حالك المسؤولية ...المفروض هية كانت تكون حذرة
شمس :كيف ماحمل حالي مسؤولية ...لوما دفشتكون عهيك شغلة ماكانت يمنئ انفئدت 😢
شهد :طولي بالك شمس
شمس :خلص انا معد بدي شي ...لعد بدي انصب علئ عامر ولعد بدي حئي منو ..انا هلء بدي يمنئ ترجع سالمة ... 💔
ووئعت عركبها وغطت وجها بإيديها وبلشت تبكي

وائل :تنصبي علئ ابي ؟ هههه شوكنتي عم تعملي وشوكنت عم فكر فيكي ...

ئربو عليها شهد وميرا وبلشو يهدوها ... رجع ئرب ابو الجود ورفعها من ايدها وحطوها عالتخت ...
ابو الجود :اهدي شمس ...انا متأكد انها بخير
شمس :كلشي كان بدها اياه انها تعيش بكرامة وتشتغل شغل بالحلال ... وهلء كلشي بدها اياه رح يصير ...بس ترجع ...بس ترجع

دء الباب وانفتح وفات عليهون وائل ...
وائل :الحمدلله عسلامتك شمس
شمس :.... من ايمت و انتة هون
وائل :يمكن من لما بطلتي تنصبي علئ ابي
رجع كنان عالغرفة وئال :

اتصلت علئ امي وئالت انو مارجع عالبيت لسا ...ورجعت دئيت علئ جمال وحكالي انو ماشافو
وشاف الكل ساككت ...
كنان :خير ؟ مين الأخ ؟
وائل :ومو انتة السيد كنان سيف الدين ..شريك عامر بيك ؟
كنان :اي بزاتو ...مين حضرتك ؟
وائل :انا ابنو .. «ووجه الحكي لـ شمس » شو شموسة لهالسبب ابي ملحوش بالبار ومطفي من كتر مالو سكران ؟؟
شمس :.....
وائل :بشو كنتي عم تفكري ؟
شمس :ئلك شو كنت عم فكر ...كنت بدي خلي ابوك عالحديدة...كنت بدي ندمو عالساعة يلي فكر. يضحك علئ ماما فيها... بدي دفعو تمن هالأربع سنين يلي اتشردت فيون ... 😡
وائل :اي لئوي تشدي عحالك ليطئلك شي عرق ... 😏
شمس :وائل لاتجرب تستفزني لأنو رح تشوف شي مارح يعجبك 😡
وائل : انا برأيي انتي تسكتي وما تختبري صبري لأنو رح تصير مجزرة ازا تعالئنا مع بعض 😒

شهد :الك من لما دخلت وانتة مو عاجبك حدا ،من البداية ابوك يلي اخد شي مو من حئو
وائل :مابنكر انو اخد شي مو الو ... بس ياريت ياشمس تفكري ...مو كلشي بيملكو ابي ملكك
شمس :بعرف ..بدي يدوء الشعور اللي دوئني اياه...
وائل :انا حكيت مع ابي بهالخصوص ... وحكالي انو هوة مجرد وكييل وما اخد شي .. بعلامة المستندات والورئة تبع التوكييل اللي محتفظ فيها ..وهوة عمل هالحركة لحتا امك متتتكبر عليه وانتي ماتضيعي مصاري ابوكي
شمس :بس انا سمعتو بإدني .. وسمعت امي عم تترجا لحتا يرجعلي حئي...ابوك كزب عليك لحتا يبيض صفحتو ئدامك ... هههه وائل اعترف ابوك حرااامي
وائل :حرامي !؟؟ هههه شوف مين عم يحكي ..فينك تئليلي وين كنتي خلال هالفترة ياخانم وشو كنتي عم تشتغلي ؟...
ميرا :هلء بعدين بنحكي هالحكي ...خلينا نلائي يمنئ ولكل حادث حديث ساعتها ...

ابو الجود :ميرا معها حق.. سيد كنان لو سمحت رجاع رن لأخوك ...

وبالفندق.. كان كريم لسا ئاعد جنب يمنئ وصافن فيها وعم يرائبها وهية نايمة وهوة مفتون بجمالها .. 😍
كريم :سبحان الذي خلئلك هالوش ... افففف ليش هيك الدنيااا شووب
طلع من الغرفة ونزل علئ سيارتو ..وركبها
كريم :يالله بس تصحئ بترجع عبيتها ...
اتطلع عالمراية ولمح عشفايفو شوية روج علئان من لما باسها 🙈
حط كريم اصبعتو عشفايفو ومسح الروج... واتزكر. اللحظة يلي خلتو يضعف ئدامها و يعمل شي ماكان بدو يعملو ورجع حس برعشة بكل جسمو وئلبو اللي عم يئللو رجاع لعندا ... ❤
كريم :افففف شو صرلي اليووم ،شبنا كريم شوهي اول بنت بتبوسها ،ما انتة مأضيها تصاحب بالبنات وتعمل اكتر من هيك معهن ،اشمعنئ هالبنت متمني ترجع تعمل هيك معها ؟
وشاف موبايلو عم يرن ورد بسرعة :اي اخي
كنان :اي الحمدلله عالسلامة يا افندي منيح اللي اتزكرت ترد ...
كريم :خير اخي ليش معصب ؟
كنان :اسماع ولا كلب معك ساعة مابترجع يمنئ رح اتصل بالشرطة وئول انك خاطفها فهمت 😡
كريم :شـ شو عرفك انو يمنئ معي 😨
كنان :لك الله لايعطيك العافية ...انتة بتعرف شو عملت ...لك انتة ناوي تفتح بواب جهنم علينا 😡
اخدت شمس الموبايل من ايد كنان وصارت تحكي :مو ساعة معك .. معك ربع ساعة مو اكتر ...يمنئ مابتكون مخلوئة ئدامي رح اجي واحرئك حرء فهمت ولا حيوان والله يطعمك تكون ازيها او مادد ايدك عليها ساعتها لازم تئرا الفاتحة علئ روحك ...يالله رح بلش عد
كريم :ولي ...اي اي جاية ..بس لوين ؟ 😓
شمس :علئ بيت اخوك كنان ...

وسكرت شمس التلفون بوجه كريم ...
كريم :ايوا ،العمئ علئ هالتهديد ومين هي كمان !😦
رجع نزل من السيارة وطلع علئ الغرفة ...
---------------*
ميرا :ااففف الحمدلله خلصنا
شمس :لا ماخلصنا ... خلينا نطلع من هون وشوف كنان ازا عنجد اخوك غلطان مع يمنئ ...
كنان :والله فهمتا رح تحرئي حرء... والله لحتا احرئلك ايا بإيدي ماشي 😅

كانو طالعين لما ابو الجود وئف شهد وأخدها عجنب ...
ابو الجود :شهودة ليكي .. بدي اطلب منك طلب ..
شهد :ابشر ابو الجود
ابو الجود :والله مو عرفان منين بدي بلش ..كتيير خجلان 😅
شهد :شبك يازلمة شد حالك
ابو الجود :ميرا ...
شهد :شبها ؟
ابو الجود :ممكن توصلي هي الورئة لـ ميرا
شهد :ايوا .. شو ابو الجود ...ناوي تعملني عاخر الزمان مرسال غرام بينك وبين الست ميرا 😂
ابو الجود :خلص ازا مابدك بلاها 😒
شهد :لك خلص هاتها وماعليك ...اعتبرا وصلت 😉

راح ابو الجود ..اما البنات طلعو مع كنان علئ بيتو وهنن ناطرين كريم ...

كان لسا كريم عم يحاول بكل الطرق لحتا يصحيها ... وهية ماكانت تصحئ
يمنئ :ما مادخلني
كريم :شو مادخلك يمنئ ئومي وديكي رح ينخرب بيتي من وراكي 😯
يمنئ :لا تحبسووني ...انا مو حرمية
كريم :عنشو عم تحكي ؟
صحيت أخيرا يمنئ وبس شافت كريم ئاعد جنبا عالتخت ..انتفضت من مكانها وئالت :ششوو عم تعمل ؟ ششو بدك مني
كريم :والله مابدي شي ..
يمنئ :شو صاار ؟ ووين انا 😢
كريم :ممم انتي بالفندق لأنك شربتي ودختي ومائدت اعرف عنوانك لهيك جبتك لهون ...وئبل ماتسأليني ماصار شي بيناتنا ..والله مائربت عليكي
يمنئ :شربت ؟
كريم :وسكرتي وصرتي تحكي شروي غروي
يمنئ :شو

حكيت 😨
كريم «بخباثة »:كلشي ... يمنئ كلشي
يمنئ :....
كريم :ليش سكتي ؟
يمنئ «عم تبكي »:والله غصبعنا اشتغلنا هالشغلة ...
كريم :اهدي واحكيي ..
هديت اخر شي وبلشت تحكي...
يمنئ :لقيطة ...اول كلمة مكتوبة بملفي يلي بالميتم .. تربيت وكبرت فيه ..كبرت عالاهانات والضرب والحرمان ... مربيتنا كانت شخص ئاسي واحلا كلمة تحكيلنا اياها يا اولاد الحرام ومن بعدا المعلمات ... لما صار عمري 16 سنة بعتني مدير الميتم علئ مطعم مع كم بنت عأساس ننضف ونعزل وبس ونرجع عالميتم بعد مانئبض اجرتنا ...صرنا هونيك عرفنا انو المدير باعنا لصاحب المطعم وانو نحنا شغلنا كان غير ...مابنعرف شي وصارو ينضفونا ويلبسونا فساتين متل اللي بلبسوهم بالكباريهات وبنفس. الليلة اخدو بنت من البنات وبس رجعت كانت غير رجعت عم تبكي وفي كدمات عجسمها ولما سألناها حكتلنا انو هدول بدن يشغلونا بالدعارة وانو اللي اخدوها لعندو اغتصبها ...خفنا واتفأنا نهرب وبالفعل زبطت معنا وهربو البنات من المطعم بس انا مسكوني وشفت نهايتي رح تئرب ... وشفت شمس وشهد وميرا وهنن عم بوقعو علئ اوراق علئ اساس شغل عادي ... وبعد ماراحو سمعت مدير المطعم بيحكي انو هي البنات جهزو ووقعو ومعد الن حجة يتراجعو او يتمنعو ..ئدرت دبر حالي واهرب ووصل الهن وخبرتن شو رح يصير فيهن ... وماتوقعتن يتفئو مع انن ماكانو بيعرفو بعضون وئدرنا نحنا الأربعة نهرب بفضل شمس وافكار ميرا وضلينا مع بعض وبعد فترة رجعنا كلنا علئ المطعم بس رجعنا لحتا نحصل الاوراق اللي خلاهم صاحب المطعم يوقعوهم ... ههه مائدرنا نوصل للأوراق لهيك قررنا نحرء المطعم وبالفعل حرئنا وماضل منو المخبر وبعد فترة سمعنا انو صاحبو فلس ..حاولنا نشتغل بكلشي بس مائدرنا مامعنا شهادات ولا اي شغل بناسبنا نحنا الأربعة ..لهيك قررنا نسرء لحتا نعيش وانتة كنت ضحية من ضحايانا ... 😭
كريم :انتو يلي ...😟
يمنئ:مشان الله ماتخبر عنا ... مابدي انحبس 😭
كريم :ئومي رجعك لعند رفئاتك وبعدين بنحكي بهالموضوع ...😐

كان كريم لسا مصدوم من يلي حكتو يمنئ ولسا مو مسدء انو ممكن 4 بنات ممكن يطلع منهن هالشي كلو ...

#يتبع....

#عصِاَْبة_بنَاَْتٍ,,,,🌸

#الجزء_الثاني_عشر....

وائل :لا مانك حرة
شمس :وائل ... رح اعمل اللي براسي ولا انتة ولا ابوك رح تمنعوني
كنان :شمس اهدي بتعرفي انو وائل بيئدر يحبسك
وائل :فهمها هالحكي 😏
شمس :ازا طلع بإيدك اشتكي ولا تأصر 😒
وائل :اي بشتكي خايف منك لأنو

همست شهد لـ ميرا :انتي شايفة انو نحنا رح نروح فيها من ورا شمس
ميرا :وشو العمل
شهد :انا برأيي نشتكي نحنا علئ شمس وكنان ووائل ونحكي انو هنن العصابة يلي عم ينصبو ونهرب نحنا وننفد بجلدنا 😂
ميرا :اي انا ماعندي مانع بركي بنخلص من هالمناقشة الحامية اصلا نحنا شو دخلنا بمشاكلهن العائلية 😂
وطئوها ضحكة بصوت عالي

اتطلعت شمس عليهن بعصبية ... ولما شافوها هيك سكتو.
اخيرا سمعو صوت الجرس وراحت ميرا لحتا تفتح ... وطلعت يمنئ بوجها ...
ميرا :اجت يمنئ ياجماعة 😍
وضمتا ...وفات كريم وراها ... وراحو كلن عليها ومسكتها شمس وضمتا وبعدت عنها وبلشت تفتلها مكانها وتتفحصا وهية عم تسألها :ازاكي شي ؟ مد ايدو عليكي هالحيوان ؟
يمنئ :لا شمس والله مافيني شي
شمس :اي منيح ...
وتركتا وراحت وئفت مئابيل كريم ...
شمس :برافو عليك ...
وضربتو بوكس عبطنو وبس انحنئ رجعت ضربتو. بوكس تاني عدئنو وهوة. اختل توازنو ووئع بالأرض. .
كريم :هي رجعتا ليش ضربتي ؟
شمس :هي لأنك اخدتا ...انتة مين ازنلك تاخدها ؟
كريم :لأنها...
وصفن كريم شوي بوجه شمس ورجع حكا :انتي ... !!هلء اتزكرت ويين شفتك
شهد :يا لهوييي انفضحنااا 😲
شمس :انا شو ؟
ميرا :لسا ئاعدة عم تسأل الهبلة 😨
كنان :ووين شفتا ..
اتطلع كريم بـ يمنئ وشافها كيف خايفة وكانت عم اتطلع فيه وتترجا بنظرتها لحتا مايحكي
كريم :لا يمكن مشبه عليها ...

بنفس الليلة كانو البنات ئاعدين بالغرفة لحالهم وشمس عم تروح وتجي بالغرفة وهية متوترة ...
شهد :خلصنا لك شمس لاتحمليها هالئد بعدين حاج تفتلي حولتينا 😁
شمس :كيف ماحملها ووائل صار عندو خبر بكلشي ... بس بدي افهم ليش عامر حكالو انو هوة مجرد وكيل ؟ ليش هوة عم يحكي شي وامي عم تحكي شييي انا رح ينضرب مخي من هالئصة 😣
ميرا :انا بئلك شو استنتجت ...
شهد :احكيلنا يافطحل زمانك 😕
ميرا :بجوز عامر ما اخد ممتلكات ابوكي .. بجوز هنن لسا بإسم امك وعامر مجرد وكيل عليهن بس
شمس :عالأساس اجيتي بشي جديد ... ما انا فكرت بهالشغلة ... بس المشكلة انو من اربع سنين سمعت امي عم تترجا لحتا يرجعهون عإسمها وهوة عم يهددها يرميني ويرميها بالشارع ازا اتفلحصنا شو بتستنتجي من هالحكي ؟
ميرا :معناتا عامر كزب علئ وائل
شهد :اكيد ...محلا ويئلو انا سرئت املاك شاهر بيك 😂
يمنئ :بنات الله يوفئكون طفو هالضو ونامو راسي بعدو عم يفتل وتعبانة خيرات الله 😣
ميرا :اي حبيبتي يمنئ طالعين ،يالله شموسة خلينا نروح ننام وبكرة بيفرجها الله ...

كانو بدن يطلعو لما نادت شهد لـ ميرا
ميرا :اي شهد
طلعت الورئة وعطتا لـ ميرا وئالت :هي من ابو الجود طلب مني سلمك اياها بالإيد 😉
ميرا :اه ..طـ طيب يسلمو
اخدت ميرا الورئة وخبتا ولحئت شمس عالغرفة
ميرا :شو كأنك ولعتي سيكارة وجددتي السهرة ؟
شمس :مو جاييني نوم
ميرا :معناتا طلعي شربيها برة انا بتدايئ من ريحة الدخان 😌
شمس :الله يرحم ايام كنتي اتدخني باكيتين باليوم 😂
ميرا :الله تاب عليي والحمدلله 😂😂
ضحكت شمس وطلعت من الغرفة ... اما ميرا طلعت الورئة وئعدت عالتخت وفتحتها وهية ملهوفة تشوف محتواها ... كان محتواها «جميلة أنتي گ وردة نبتت بين الصخور .. ملاحظة :أنا بحبك ... فادي أبو الجود » ❤

ابتسمت ميرا وحطت الورئة عصدرها وئالت :أخيرا اعترفت ❤
حملت جوالها وطلعت رقمو وضلت فترة عم تفكر ترن او لا وأخيرا قررت ورنت ... ورد عليها بسرعة :الو
ميرا :كيفك ابو الجود
ابو الجود :صرت منيح بس اسمعت صوتك ❤
ميرا :شوهي يلي باعتها ؟
ابو الجود :انشالله ماتكوني زعلتي
ميرا :لا بس...
ابو الجود :بس شو ... ميرا ازا مفكرة بفارء العمر اللي بيناتنا سدئيني انا مو كبير عمري 36 بس وازا خايفة اني كون متجوز ...لا انا ماتجوزت وهاد. اللقب كان يناديلي فيه شاهر بيك ابوها لـ شمس ...
ميرا :لا مو ازضي ابو الجود ...انا بصراحة ئاطعة عهد علئ حالي ما خلي رجال يختلي فيني طول مالي بعيدة عن اهلي 😔
ابو الجود :اااه فهمت عليكي ... بس بركي مارجعتي لعند اهلك ...رح تضلي طول عمرك بدون جواز
ميرا :اللي الله كاتبو انا رضيانة فيه ...انا غلطت وهربت مع شب كنت مفكرتو رح يسعدني بس الله عاقبني وشنططني لأني غضبت اهلي 😢
ابو الجود :بس انتي بشر وكل بني ادم بيغلط نحنا مو ملائكة
ميرا :صح ...بس غلطة الشاطر بألف ... انا قررت عاقب حالي اني ما ادخل الحياة اللي بتتمناها كل بنت واني عيش وحيدة بئية حياتي هيك رح يكون العقاب العادل الي 😔
ابو الجود :وازا ئدرتي ترجعي لعند اهلك بتئبلي تتزوجيني ❤
ميرا :....
ابو الجود :ميرا جاوبيني ،ازا ئدرت رجعك عند اهلك بتوافئي تتزوجيني ؟
ميرا :

اي ... بوافق اتزوجك ❤
انبسط ابو الجود وئلبو طار من الفرحة وئال :بحبك ميرا ...والله اني بحبك ومستعد اعمل المستحيل كرمالك ❤
حست ميرا بألبا رح يطلع من مكانو 😍
ميرا :انا بدي نام تصبح علئ خير
ابو الجود :وانتي بألف خير ... حبيبة ألبي 😍

سكرت ميرا الخط وحست حرارة جسمها ارتفعت وئلبا معد هدي جواتها وكانت مبسوطة خيرات الله 😍
----------------*
كانت شمس ئاعدة عالبرندا وعم تدخن سيكارة ورا التانية وهية عم تفكر : اي وبعدييين ... اففف شكلا خطتنا كلها مارح تزبط ومارح ائئدر حصل غير وجع الراس ...اصلا اللي صار اليوم والرعبة اللي اكلناها علئ يمنئ خلتني فكر مليون مرة بالئصة ااااخ يارااسي 😣
رمت السيكارة من ايدها وفاتت ... كانت طالعة عالغرفة لما شافت باب غرفة مفتوح وضو خفيف شغال فيها ...
ئربت شوي شوي وشافت حدا عم يلكبش ورا المكتب ومو مبين عليها ... فاتت وبلشت تمشي شوي شوي لحتا وصلت وفجأة مسكت هالشخص من ئميصو من ورا وئالت :مسكتك يا حرااامي 😠
.....:لككك لاااا والله ماني حرااامي 😱
شمس :مييين لكان 😡
شغل الضو وئال :اااناااا كناااان شبك 👈😂
تركتو وسعلت سعلة خفيفة
شمس :يي اسفة فكرتك حرامي 😅
كنان :يخربيتك هي تاني رعبة باكلها اليووم 😣
وئعد عالكرسي
شمس :انتة الحق عليك ...شو كنت عم تعمل بالعتمة 😒
كنان :اجيت اخد شغلة من مكتبي وراجع عغرفتي ...
شمس :اي معناتا تصبح علئ خير
كنان :وشو اللي مصحيكي لهلأ ؟
شمس :كنت عم فكر ... كنان انا قررت بطل هالشغلة ...بكرة رح نرجع عبيتنا
كنان :ليش ؟ عم تحكيلي هيك لحتا اترككون بحالكون ؟
شمس :لا موهيك ...خلص اللي صار اليوم بكفي ،يمنئ انفئدت وابصر شو كان صار فيها وانا كنت رح روح فيها .. ولا تنسئ ازا انكشفنا كمان رح ننحبس كلنا ...وبعدين مافي اي طريقة ائئدر حصل شي منو
وئعدت علئ كرسي
كنان :مزبوط ...بس معئول بهالسرعة فئدتي الامل
شمس :اصلا ماكان في امل من البداية. .. وهلء بما أنو وائل كشف الئصة معناتا خرب كلشي كنا مخططينو ... ومارح نئدر نستفيد شي من المحاولة 😪

كنان :ماتوقعتك ضعيفة لهالدرجة ... يعني من لما عرفتك وشفت فيكي البنت الواثقة من حالها . الئوية يلي مابتخاف من حدا ..الـ ..
وسكت ومارضي يكفي
شمس :الـ شو ؟؟
كنان :انسي ... اليوم الصبح حكيتيلي كلام غريب ...
شمس :زكرني
كنان :لما كنا عم نحكي عن الخيانة وانتي غيرتي الموضوع وصرتي تحكي بالعادات والتقاليد ...
شمس :اااه ههه لا انا ماغيرت الموضوع ،انا كنت عم ناقشك بصلب الموضوع ..
ئعد مئابيلها وشبك ايديه ببعض ..
كنان :شرحيلي
شمس :ئلتلك انو مجتمعنا اتبع سياسة العيب ونسي الحرام ... انا كان أزضي عن اللي بخونو نفسون واللي حواليهم بتفكير متخلف ... الخيانة ياكنان مو بالضرورة تكون لبنت حبت علئ حبيبها او زوج خان مرتو ...الخيانة في منها كتير انواع وبعتئد في اسباب معروفة بالنسبة النا ... بس في اسباب ازا ئعدت تفكر فيها رح تشوف انو الخيانة تصدرت الموضوع ،متل الأهل اللي بيرمو ئطعة من روحهم تحت مسمئ البنت عار لحتا تتسجل بالميتم لقيطة اي يمنئ اهلا خانوها وهية لسا باللفة ومن بعدا مدير الميتم اللي باعها لمطعم بتاجر بالبنات ... متل الأب اللي بربي بنتو عمبدأ انا ماعندي غيرك وبحط براسها انها ممكن تصير شب شهد ابوها ضحك عليها وخلاها تحلم باليوم اللي تصير فيه شب خيانة للذات ... متل الأهل اللي كتمو علئ نفس بنتن ولما عرفو انها حبت ئامو عليها الحد وخوفوها لحتا تركتون وهربت مع اول فرصة تاحت الها مع اول شخص شافتو بطريئها ولو ماكانت ئد حالها كان ضحك عليها ..كان رح ياكلها لحم ويرميها عضم اي هي ميرا ... متل الأم اللي سلمت رئبة بنتا لواحد همو يحط راسها تحت رجلو ويجردها من كرامتها بس لحتا ماتضل عايشة بدون رجال او حدا يحكي عليها ارملة .. اقتنعت اني ماغيرت الموضوع ..اقتنعت انو عاداتنا خانونا فيها .. وفهموها غلط وطبئوها غلط
كنان «ابتسم »:مو معئول كل هاد كاتمتي بئلبك ؟
شمس :واكتر بس شو بينفع الحكي ،انا اسفة طولت عليك ...
كنان :يعني خلص مارح تكفي ؟
شمس :لا لهون وبكفي ... بالإزن
وئفت شمس وكانت بدها تطلع لماسمعت كنان بيناديلا ...التفتت عليه بسرعة
شمس :اي كنان
وئف وراح اتجاهها ووئف ئبالا :انتي جد بدك تروحي بكرة
شمس :مافي شي ئعد مشانو
كنان :ابدا ؟
ركزت شمس بعيونو اللي كانو عم يلمعو وركزت بنبرة صوتو الجدية ... وئلبا من جوا معد ئدرت تهدي ❤
كنان :شمس بدي اسألك سؤال وياريت تجاوبيني عليه بدون اي لف ودوران
شمس :تفضل
كنان :شو... شو بتحسي لماتكوني معي ؟
اتفاجأة بسؤالو وحاولت تخترع حكي لحتا تنفد حالها من الجواب ...بس كنان كان مسيطر عليها بنظرتو الساحرة اللي ضيعتها وهية بعدا وائفة مكانها 😍
كنان :شمس ردي ليش سكتي ؟
تمالكت حالها وحاولت تتركو وتمشي بس هوة بحركة فاجأها لما مسكلا ايديها التنتين ولزئها بالحيط ...
شمس :كنان انتة جنيت ،تركلي ايديي
بس كنان كان عم يتأمل عيونها العسليات الكبار ومسحور فيهون ..

. ❤
شمس :شوف كنان انا انا بضرك والله تركني
كنان :بس لسا ماجاوبتيني
شمس :ماني مجبورة جاوبك .. ليك رح عد للتلاتة مابتبعد عني رح خليك تندم
كنان : ....
صفنت شمس بعيونو وبلشت تعد بهمس :واحد...تنين ...
كنان :تلاتة ...
وئرب وطبعلا بوسة عشفايفها خلاها تنسئ انها كانت عم تتحضر لتضربو ...وبلش يتركلا ايديها بهدوء وينزل ايديه علئ خصرها وبعد عنها أخيرا وهمسلا :أنا بحبك ❤
ورجع خطوتين لورا وهوة ناطر ردة فعلها ...
كنان :شو ؟
شمس :....
كنان :اي بحبك شمس ... شو ردك ؟

#يتبع....

عصِاَْبة_بنَاَْتٍ,,,,🌸

#الجزء_الثالث_عشر....

كنان :اي بحبك شمس ... شو ردك ؟
شمس :ط طيب بعد شوي كمان لحتا جاوبك
بعد كنان كمان خطوتين لورا
شمس :انتة مائلتلي انك بتكره جنس حوا كلو شوعدا مابدا ؟😒
كنان :انتي ... وبعدين انا حبيتك وهاد الشي مو بإرادتي
شمس :اه ... مزبوط حب لا ارادي
ابتسمت شمس وضربتو علئ ركبتو بإجرها وركدت لعند الباب ...😂
مسك ركبتو وبلش يتوجع وينط مكانو... 😂
كنان :اااخ اااخ اااخ ...اعتبر هي موافئة ؟
اتطلعت شمس وابتسمت وئالت :لا اعتبر هي الضربة كرمال البوسة يلي اخدتا مني بدون اذن 😜
وطلعت من المكتب ...

وصلت شمس عالغرفة وفاتت وهية مو مسدئة اللي صار ... كيف ئدر كنان يخليها متل طفلة بين ايديه 😍

تاني يوم ببيت عامر كان وائل ئاعد وعم يفكر يحكي لأبو ... وئطعتلو سلسلة أفكارو ام شمس
ام شمس :تفضل ابني
وناولتو فنجان شاي
وائل :يسلمو خالتي ...
ام شمس :وائل انتة ماعرفت شي عن شمس ؟
وائل :مبلا ... شفتا مبارح
ام شمس :وليش ماجبتا ... والله ئلبي محروء لشوفتها 😢
وائل :ئبل مااحكي اي شي او خبرك وينها ... خالتي بدي تفهميني كيف ابي اخد الأملاك اللي كتبلك اياهون جوزك ؟
ام شمس :اه ... ما يعني...لـ ليش بدك تعرف ؟😟
وائل :لأنو شمس هربت لما عرفت انو عطيتي كلشي املاك لأبي وهية هلء عم تحاول ترجع كلشي عم تفهمي عليي خالتي ؟
ام شمس :بس انا ما كتبتلو شي ...
وائل :شلون ماكتبتيلو شي ...خالتي بس فهميني ابي غصبك توقعي عأوراق بيع شراء وللا وقعتي من حالك ؟
ام شمس :....
وائل: ياخالتي لا تضلي ساكتة ،حكيلي بركي ائئدر ساعدك ..وبعدين انتي بحياتك مارح تشوفي وجه شمس بدون ماتعرف الحقيقة
ام شمس :هية هيك حكتلك ؟
وائل :اي
ام شمس :خلص رح ئلك ... ابوك وابوها لشمس كانو شركة وابو شمس كان يعتبر عامر متل اخوه ... لما مرض ابو شمس وبلش بعلاجو مسك عامر كلشي شغل عن ابو شمس واستلم هوة ادارة الشركات وطبعا بتوكيل من شاهر ولما ئربت اخرة شاهر كتب وصيتو وطلعها المحامي بعد وفاة ابو شمس بأربع شهور بس الوصية خفاها المحامي ونكر بعدا بوجودها ..
وائل :وشو كانت وصيتو ؟
ام شمس :كان شاهر كاتب كل ثروتو لورثائو الشرعيين اللي هية شمس بس عامر والمحامي اتفئو يخفو الوصية وضل عامر موكل عن هالأملاك لحد الآن وازا ماظهرت هالوصية رح يضل كلشي لأبوك وكمان اللي طلعلي الي خلاني وقع علئ بياض واخدون
وائل :وليش ضليتي ساكتة علئ هالحكي ! يعني ابي لسا ماممتلك شي من ممتلكات شمس ؟
ام شمس :لا طبعا بعدو مجرد وكيل بس لا انا ولا شمس بنئدر انطالبو بشي من هالأملاك لأنو ابوك مأتمن عليهون اما اللي طلعولي صارو بإسمو فهمت عليي
وائل :اي فهمت... يعني لازم تلتئئ هالوصية لحتا تسقط الوكالة عن ابي
ام شمس :مبلا ..بس لاتحكي لأبوك اني حكيتلك والله بطلئني وبرميني بالشارع 😢

----------------*
كانو البنات عم يوضبو اغراضن بعد ما حكتلن شمس انها رح تتخلئ عن هالشغلة وهنن ماحكو ووافئو بسرعة ...
لما اجا كريم ...
كريم :كيفك اخي
كنان :اهلين كريم ... مالك بالعادة تكون صاحي هلء
كريم :لكك اي ..اجا عبالي جيب فطور ونفطر سوا 😁
كنان :اه نفطر سوا ! حط عينك بعيني ولا ازعر انتة اجيت لهون كرمالي وللا كرمال البنات اللي عندي 😒
كريم :اي اي اكيد مو كرمالك رح كون صاحي هلء ...وينون ؟
كنان :فوت يبليك بئتلك شو نسونجي 😂

كانو لسا البنات عم يوضبو اغراضهن لما شافو يمنئ صافنة ..
كانت يمنئ عم يجيها لمحات عن ذكريات لما باسها كريم وحاول يغويها وهية دايخة
يمنئ بئلبا :شو هالزكريات ،بجوز كنت عم بحلم ،اوووف من مبارح وانا عم حاول اتزكر اللي صار وماعم بئدر اتزكر غير شكل متل ميزان وهلء عم تجيني هي التخيلات 😧

واخيرا صحيت عحالها بعد ماسمعت شمس بتناديلا
يمنئ :نعم
شمس :الله ينعم عليكي الي ساعة بناديلك وين كنتي شاردة ؟
يمنئ :لا ماكنت شاردة 😓
شهد :كيف ماكنتي شاردة .. احكي وين كان عئلك ؟
يمنئ :والله ولا بمكان
شمس :حالتك مو عاجبتني
ميرا :يمنئ حبيبتي انتي .. كريم وين اخدك مبارح ؟
يمنئ :مـ مااخدني عمكان 😟
شمس :وليئ هيك متلبكة ؟ احكي ولا تخجلي كريم مد ايدو عليكي ؟ ازاكي شي ؟ احكي بركي نئدر نساعدك
يمنئ :لا والله ماعمللي شي ... ودمعت عيونا
شهد :خلص بنات موشايفينها دمعت وشوي تانية بدها تبكي ازا ضغطو عليها ...تضربي انتي وهالعادة يمنئ اي 😂

وسمعو صوت الباب عم يدء
راحت شمس وفتحتو وطلع كنان بوجها .. وصفنو بعيون بعض 😍
كنان :صباح الخير
شمس :صباح النور ..
كنان :ايوا انتي ماكنتي عم تمزحي مبارح لما ئلتي انكون راجعين عبيتكون
ميرا :اكيد شمس مابتمزح بهيك شغلات ..
كنان :طيب تركو من ايديكون وتعالو نفطر ... اخي اجا وجاب معو فطور كامل ....
شمس :جمال ؟
كنان :لا كريم ... يالله تعالو خلينا نفطر سوا ئبل ماتمشو

طلع كنان ولحئو البنات ماعدا يمنئ اللي كانت حاسة انو رجليها معد حملوها وخافت ...
رجعت شمس عالغرفة وئالت :يمنئ مابدك تجي

هزت يمنئ براسها وطلعو البنات وشافو كريم مجهز الأكل عالطاولة وناطرهن .. وبس شاف يمنئ ضحك وورجاها انو هوة مهتم ... ئعدت يمنئ عالطاولة وانتبهت علئ ئميصو اللي كان لابسو انو كان مفتوح من عند الصدر ولابس سنسال مو مبين الحرف تبعو ... وبلشو ياكلو وضلت يمنئ اتطلع عالسنسال لحتا اخيرا بين عليها الحرف تبعو ...كان ميزان 😳
يمنئ :ميزااان ؟؟
صفنو كلون فيها واتفاجأو بتصرف يمنئ
شهد :شبكي ياهبلة ؟
يمنئ :مـ مافي شي ..انا شبعت ... الحمدلله
وئامت من عالطاولة وطلعت عالحديقة ...

وبهالوئت رن جرس الباب وراح كنان وفتحو وطلع بوجهو وائل ...
وائل :كيفك سيد كنان ..شمس هون ؟
كنان :اممم اهلا وسهلا تفضل...

فات ولماشافتو شمس وئفت وئالت : شو جابك يابعدي 😒
وائل :اجيت لحتا نحكي
شمس: بشو ... مو علئ اساس بدك تخبر عني وبدك تحبسني
وائل :لا ...انا اجيت خبرك اني لئيتلك طريقة لحتا ترجعي املاك ابوكي علئ اسمك
شهد :عنجد ?
شمس :اصحكون تسدئو هاد بدو يودينا كلنا عالسجن 😡
وائل :وشو مصلحتي دخلكون عالسجن ؟
شمس :اولا لحتا تبري البابا تبعك ...تاني شي انتة مالك مصلحة تخسر هالأملاك اللي سرئها ابوك ورح يورتكون اياها الك ولأخوك من بعدو 😏
وائل :والله صحيح انا شلون مافكرت هيك ،يمكن لأنو مالي مادي متلك ! شمس انتي مادية ومن لما عرفتك وانتي بتحبي المصاري ومستعدة تعملي اي شي لحتا تحصليها 😏
شمس :مابنكر حبي للترف ،بس عالئليلة ماسرئت شي مو الي
كان كريم عم يشرب مي لما سمعها عم تحكي هالكلمة وفجأة اجتو الضحكة ورشئ كلشي مي كان بتمو وبلش يسعل ويضحك سوا 😂
ميرا :شو صرلك ؟
كريم :مافيي شي ... كملي كملي حكيك 😂

وائل :عكل حال انا عرفت كل الحقيقة من امك وعرفت انو ابي هوة مجرد وكيل علئ هالأملاك وابوكي يلي سلمو الوكالة ياشمس

اتفاجأو الكل من كلامو
شمس :وابي ليش لحتا يسلم ابوك الوكالة ؟
ئعد وائل وخبر كلشي عرفو عن هالئصة
شهد :يعني عالحالتين ابوك عم يفكر ياخد كلشي 😂
وائل :في فرء... انتي ياشمس كنتي ظالمتي ،وابي لما خفا وصية ابوكي فهاد مشان مصلحتك
شمس :اي مشان مصلحتي ... ولما كنت روح لعندو عالشركة يسلط عليي السيكيوريتي لحتا يضربوني ولما كنت طالبو بحئي يئعد يتمسخر ويئلي ماالك عندي شي ...كل هاد مشان مصلحتي ؟
وائل :رح يجي يوم وتعرفي الحقيقة ... بس هلء لازم نجيب الوصية
شمس : بكون ابوك والمحامي حرئوها ولا مين شاف ولا مين دري 😒
كنان :بتسمحولي ادخل ...بس مابظن المحامي غبي لهالدرجة لحتا يحرء مستمسك متل هاد علئ عامر بيك .. وبما انو نفسو الدنية وطمعو خلا يخفيها فأكيد رح يكون عندو نسخة عنها ليئدر يبتز فيها عامر لحتا يحصل كم ئرش من ورا هالئصة لأنو بيعرف انو ازا هالورئة بانت عامر رح يخسر وكالة شركات شاهر بيك الله يرحمو ...
ميرا :مزبوط ...كلام السيد كنان فيو وجهة نظر

كان كريم وشهد ئاعدين وساكتين وعم يتابعو الحديث الخطير بإهتمام بالغ وواضح ويهزو براسهن ...
همس كريم لـ شهد :هنن عنشو عم يحكو بالزبط ؟😕
شهد :والله ازا انتة فهمت كلمة انا فهمت ،خلص انتة خليك ساكت وعميل حالك فهمان عليهن 😂

أخيرا اقتنعت شمس انو وائل بدو مصلحتا ومابدو اياها تنضر او تفوت السجن او حتئ يضر ابوه ... وبنفس اليوم أخد شمس وطلعو علئ المحامي يلي كان متوكل قضية ارث ابو شمس...

وبالمكتب ...
وائل :كيف يعني مافي وصية ؟
المحامي :مافي وصية ... السيد ابو شمس ئبل مايموت ماكتب وصية
شمس :هاد الحكي كزب وانا ماباكل فيه ...هلء بدك اتطلعها بالزوء وللا اجي اعمللك اللازم خليك اتطلعها بالزور 😡
وائل :هدي شمس ... بس مدامة شاهر بيك حكتلي غير هالحكي وانو كان فيه وصية طلعت بعد اربع شهور من وفاة شاهر بيك ورجعت اختفت ... فيني اعرف ليش بدك تخفيها ؟
المحامي «بلبكة » :ئلتلكون مااافي وصية ..يعني جبلكون وصية من بيت ابي لحتا ترتاحو ...
وئفت شمس وبلشت ترفع بكمام ئميصها وهية عم تحكي :شكلوو مو ناوي يجيبها بالزوووء
وائل :شو بدك تعملي يامجنونة 😳
وراحت لعندو لورا الطاولة ورفعتو من جاكيت بدلتو 😂✌
شمس :اسماع يامحترم .. ازا مابتطلع هالوصية متل ما الله خلئك رح اضربك ضرب دخلك خمسين سنة بغيبوبة بعدا عم تفهم 😡
المحامي :لك انتي عم تتعدي عليي بمكتبي ..والله لأرفع عليكون دعوة تعدي
راح وائل مسك شمس وبعدها عن المحامي ..
شمس «بعصبية »:ايدك وماتعطيك ... وحطا حلئة بإدنك ... وحياة ربك مالي مفارئتك 👊
وائل :سمعت بيت الشعر هاد ... رح تصير تشوفو بمنامك 😂
ومسك شمس وئلا :خلينا نمشي يالله

طلعو من عند المحامي ووائل كان فرطان ضحك 😂
شمس :اي اتضحك .. اصلا هاد اللي شاطر فيه انتة 😒
وائل :رح نجيب الوصية اتطمني وحطي رجليكي وايديكي بمي باردة ..
شمس :شو ازضك ؟
وائل :انتبهتي انو هالمحامي حاطط خزنة ورا
شمس :وشو يعني ؟
وائل :ولو شموسة بعرفك بتلئطيها عالطاير. . يعني هوة لاتاجر ولا رجل اعمال. .. لحتا يكون عندو خزنة بمكتبو
شمس :اااااه 😮
وائل :اممممم 😉
وضربو

كفوفهن ببعض وهنن عم يضحكو 😂

«ئولتكون بشو كان عم يفكر وائل ؟ »
-------------------*
وببيت كنان ... كانو البنات مجهزين الشناتي تبعاتون وناطرين شمس لحتا ترجع مشان يرجعو عبيتون ...ولما شاف كريم يمنئ راحت عالمطبخ لحئها ...
كانت عم تشرب مي لما لفت واتفاجأت فيه
حطت الكاسة من ايدها ومشيت بس هوة مسكلا ايدها وثبتها ...
يمنئ :شـ شو لسا بدك 😓
كريم :ئديش عمرك ؟
يمنئ :19 ليش عم تسأل ؟
همسلا كريم :بدي منك شي ..
يمنئ :شـو هوة ؟
كريم :بدي اياكي تكوني رفيئتي
يمنئ :مافهمت كيف يعني ؟
كريم :يعني اتضللي جنبي عطول وانا بالمقابل رح اعطيكي اللي بدك اياه ...
يمنئ :انتة اكيد مجنون ...تركلي ايدي خليني اطلع😦
كريم :مو انتي ئلتيلي انك تربيتي بميتم ...اعتبريني اتبنيتك ..رح سكنك بأحلا شئة ورح جبلك احلا تياب ويلي بدك اياه بيصير
يمنئ :وشو بدك بالمقابل ؟
كريم :تكوني صاحبتي ... اكيد فهمتي عليي انتي سمعتي عن المساكنة ؟
يمنئ :شو شايفني بنت فلتانة لحتا اعمل هيك شي ؟
كريم«باستفزاز » :بكفي انك تربية ميتم يعني لقيطة ... عادي 😏
انصدمت يمنئ وصفنت بعيون كريم وبعد شوي فاجئتو بكف علئ وجهو
يمنئ :انتة ...انتة واحد حيوان 😢
وكانت بدها تمشي لما رجعها لورا ولزئها بالمجلئ وكمملا تمها وئرب عليها ولزء جبينو بجبينها وهمسلا :بتعرفي انو لسا ما خلئت اللي ضربتني بس انتي معليش مئبولة منك ... انا يا يمنئ ماعم بطلبو منك طلب ولا عم باخد ازنك ... انا عم بأمرك أمر وبدك تنفذي غصبن عنك مو بكيفك ... بتعرفي ليش ؟
بلشت يمنئ تبكي وتهز براسها برعبة
كريم :يمنئ ازا بدك تنفدي وتنفدي رفئاتك من السجن بتنفذي يلي ئلتلك عليه وانتي وضميرك بئا ... وعفكرة دخييل رب هالشفاف اللي عليكي بجننو وطعمتون بتشهي
توسعت عيون يمنئ لأنو كريم اكدلا كلشي ذكريات عم تخطر عبالها
تركها وبعد عنها وئال :فكري منيح
وطلع ورئة من جيبو وحطا بإيدها
كريم :هاد رقمي ..بس تقرري رنيلي اوك
وغمزها وطلع من المطبخ ... تاركها وراه عم تبكي وتلوم حالها لأنها حكت 💔

#يتبع.....

#عصِاَْبة_بنَاَْتٍ,,,,🌸

#الجزء_الرابع_عشر....

رجعت شمس عبيت كنان وحكتلن كلشي صار معها ومع وائل ... 
شهد :يعني ما استفدتي شي ... خلص معناتا مالك نصيب بهالأملاك ...بدك نصيحة حبيبك ابو الشوش يلي هوة انا طبعا شيلي هالئصة من راسك 😌 
ميرا :بصراحة شموسة هي اول مرة شهد بتحكي كلام منطقي بلالك هالشغلة وانسي عامر واللي خلفوه وخلينا نرجع لحياتنا 😪
يمنئ :اي اي شموسة خلينا نرجع عبيتنا الله يوفئك 😓
شمس :اي اي اي شبكون تضربو من بين الصحبة كيف بتحطمو معنويات البني ادم 😒 
كنان :لك شمس بكفي انسي هالئصة والتفتي لحياتك ... وفكري فيها بطريئة مختلفة 😉
شمس :اممم شكلي عايشة بين ناس مابفكرو غير بحالون وبيحكو لمصلحتن بس 😒 
كنان :اي اي كرمال مصلحتي عم بحكي .. شمس حبيبتي بكفي انا خايف الحئك عالحبس كمان 😂
الكل :حبيبتك !!!؟؟؟؟ 😳😮
اتفاجأو كل الموجودين بكلمة حبيبتي اللي طلعت من كنان واتطلعو كلن فيه هيك 😳
شمس :كأنك رفعت الكلفة ؟ انا لسا ماعطيتك جواب عفكرة 
كنان :بس رح تعطيني اياه وانا متأكد انك رح تئبلي 😍
شهد :استنو استنو وفهمونا شو عم يصير هوون ؟
ميرا :انتو التنين بتحبو بعض ؟😕
شمس :هوة... مو انا اصلا 😒
كنان :اي بحبها وعفكرة هية كمان بتحبني بس عم تكابر لحتا ماتعترف 😌
شمس :اي خلص سكر عالئصة هلء بعدين بنحكي فيها 
وبلشت تطلع فيه وتبتسم ❤
شهد :يعني صارو تنتين خسرتن ومو ضالل غير يمنئ ... الله يسامحكون وانا يلي كنت ناوية اتجوزكون بس اصير شب 😭👈😂 
وائل :اي طول بالك ابو الشباب... الدنيا ئسمة ونصيب 😂 

كنان :طيب شو ناوية تعملي هلء ؟
شمس :رح نعمل سطو مسلح علئ مكتب المحامي 😂 
ميرا :هلء عنجد احكي 
وائل :هههه هلء كلام شمس مزبوط بس بدون عنف 
كنان :جنو الجماعة 😵
شمس :اكيد بدون عنف .. بس خلص هلء بما اني عرفت كلشي. ... بكفيني عرفت الحقيقة ... المهم امي ماطلعت خاينة وبابا كان كاتبلي كلشي عامر مجرد وكيل والحق اللا مايرجع لصحابو بيوم ... 
وائل :دخيلو المتسامح ...
شمس :مين ئلك اني مسامحة ابوك ...بس انا مالي مصلحة ورط حدا بئصصي ...ميرا... يمنئ ...شهد ... كنان ... وائل ...وابو الجود كلكون وئفتو جنبي وساعدتوني وبظن لهون وخلص 
شهد :يعني خلص اسطورة عصابة بنات رح تخلص ؟
شمس :ههه اي بس صحبتنا مارح تخلص 
يمنئ :«بئلبا وهية مئهورة» :اتأخرتي بقرارك شمس ... ااخ بس لو بئدر احكي وشو بدي احكي 😢

كان كنان بيطلع بشمس تطليعات كلها اعجاب ... ومسكلا ايدها 
كنان :هاد الكلام اللي كنت حابب اسمعو ... بس مانسيتي شي ؟
شمس :متل شو ؟
ميرا :ولو شموسة السيد كنان ناطر جوابك 😉
خجلت شمس واحمرو خدودها 
شهد :يالله شموسة 
وائل :شو ماكان جوابك الله يكون بعونو 😂
شمس :خلص بكفي ...جد انكون مابتنعطو وجه 😒
كنان :طيب جاوبيني ...رسيني علئ بر 
شمس :خلص بعدين كنان 
كنان :ماحزرتي مابنطر لبعدين 
شمس :اوووف منك 
كنان :شو بنات اعتئها وللا لا 
الكل :احكي احكي احكي 😂 
صرخت شمس :خرسووووووووو 
وئفت وراحت لعند كنان وهية معصبة وئالت :اي اي بحبك ارتحت افف منك شو بتحكي 😤
كنان «بصدمة »: اه... اي ارتحت بس لا تضربيني 
وائل :تم التصوير بنجاح ... 😂😂 
شهد :يخربيتك هيك الواحد بيعترف بحبو لحدا 😂 
ميرا :منيح اللي عشت وشفت هاللحظة التاريخية 
ضلو يتمسخرو عليها وعلئ اعترافها الو اللي مالو مثيل 😂✌
--------------------*
اتصل المحامي علئ عامر وحكالو اللي صار ...
عامر :ابني وائل ؟وليش عم يسأل عن الوصية ...أصلا هوة شو عرفو بوجود وصية ؟
المحامي :بالظاهر مدامتك حكتلو ... وبنت شاهر بيك الله يرحمو كانت معو وهددتني 
عامر :ههه يعني شمس مصرة ترجع ميراث ابوها 
المحامي :حئها ... اعطيهم الوصية ؟
عامر «ابتسم »:لا حابب اتسلا شوي فيهم 😂 
المحامي :مافهمت أزضك عامر بيك 
عامر :شاهر الله يرحمو بزمناتو كان يئلي ياعامر بالصفقات لاتعطي موافئتك بسرعة لحتا مايحسوك مهزوم وضعيف ... شغلنا متل ساحة معركة الواحد فيها لازم يبئئ ئوي وجبار ومايورجي ضعفو لـ منافسو ... 
المحامي :الله يرحمو. .. بس ليش مابدو شمس تورت ئبل الـ 25 ؟ 
عامر :كان بدو اياها تندعك وخاصة انو مالو غيرها ماكان بدو اياها تضيع حالها وتشوف انو معها مصاري وتستهتر وخاصة انو بيعرف بنتو شو هية ... ازا شمس اخدت الورتة من وئتا كانت رح اتضيعها وتخسرها كلها علئ هبلها 
المحامي :مو معئول شو انو كان يفكر لبعيد ... 

-----------------* 
المسا رجعو البنات علئ شئتهن وهنن عم بفكرو كيف رح يشتغلو ... 
شهد :وهلئ ؟ رح نرجع لشغلتنا الئديمة ؟ 
يمنئ :لا مشان الله بلاها 😣 
ميرا :....
شمس :....
سكتو كلون وضلو ئاعدين شي نص ساعة بدون كلام ...
يمنئ اللي كان تهديد كريم الها عم يتردد براسها وهية عم تفكر بطريقة لحتا تخلص حالها منو بدون مايتهور ويخبر عنن وقررت تحكي للبنات لما سبئتها ميرا وئالت :بنات ابو الجود طلب ايدي 
شمس :عنجد ؟
يمنئ :.....
شهد :والله كنت

متوقعة 
شمس :وانتي شو رأيك ؟
ميرا :انا... بصراحة كنت متمنية يطلع فيني 
يمنئ :يعني رح تتزوجو ؟
ميرا :انا مابدي ارجع عشغلتنا الئديمة ...انا بدي اتجوز وعيش حياة عادية 😔 
شمس :اي الله يهنيكي ... جد فرحتلك من كل ئلبي 
شهد :وهي انتي شمس اكيد كنان مارح ينطر ورح تتزوجو بسرعة. .. اساسا مافي مانع يخلي ينطر ... 
شمس :اممم بتعرفو بنات انا جد بحبو ❤ 
يمنئ :الله يهنيكي شموسة 
شهد :معناتا انا رح طلع شوفي معي مصاري ودور عدكتور شاطر لحتا بلش 
ميرا :تبلشي بشو ؟
شهد :ولو ... بدي اعمل عملية التحويل وصير شب .... وئت صير شب رح كمل دراستي وبعيد عن هون وابدا حياة جديدة ... صح رح اترككون بس رح ضل اتواصل معكون ورح ضل اتزكر احلا ايام عشناها مع بعض ... 
كانو البنات بيحكو بجدية وبمستئبلهن اللي ماكانت يمنئ متوقعتو وانو ازا ما ضحت رح يضيع كلشي كانو عم يخططولو .. 
شمس :شهد هالمرة انا عم بحكي جد ... انا بتمنالك كلشي خير وانشالله كلشي بتتمني يتحقق 
ميرا :وانتي يمنئ ؟
كانت يمنئ شاردة وعيونا مدمعين وئلبا مكسور 
ميرا :يمنئ 
يمنئ :اه شو بدك ؟
ميرا :شو رح تعملي بعد ماكلو حدة فينا تمشي ؟
يمنئ :عم فكر اشتغل بشي صالة افراح 
ميرا :اي حلو .. 
-----------------*
بنص الليل وعلئ طلة علئ جبل كان كريم راكن حالو عسيارتو وهوة ماعم يئدر ينسئ اي شي بخص يمنئ ..عيونا العسليات وشعرا البني الأملس الطويل بشرتها الناعمة شفايفها الكرزيات حتئ صوتها وطريئة غناها لما كانت سكرانة كان عم يتزكرها ومرة يضحك ومرة يبتسم وئلبو جواتو عم حاسو عم ينط جواتو ❤ 

وفجأة رن جوالو وحملو وشاف رقم غريب... 
رد :الو 
محدا رد عليه .. رجع حكا :الوو سامعيني ؟
...:اي ..انا يمنئ 
بس رجع سمع صوتا انبسط ودمعو عيونو...تمالك حالو وئال :اي يمونة ...انشالله تكوني فكرتي 
يمنئ :سيد كريم انا بترجاك ...تركنا بحالنا والله نحنا بطلنا هالشغل وكل وحدة فينا بدها تشوف حياتها 
كريم :ههههه اي يعني مابدك 
يمنئ :اخوك كنان بحب شمس يعني عم يفكر فيها بطريقة جدية انتة بهون عليك تزعل اخوك منك ؟
كريم :لا طبعا ما بهون عليي فيه ..بس لما يعرف حقيقة رفيئتك شمس اكيد رح يترككها عن طيب خاطر 😏
يمنئ :لا لا تحكيلو 
كريم :معناتا ليش عم اتدخلي حالك ببواب ؟
يمنئ :بترجاك والله انا مو ...
كريم :مو من البنات اللي عم فكر فيها ولانك فلتانة ... يمنئ انا كنت واضح معك من االبداية... ئلتلك بدي خليكي جنبي رفيئتي صاحبتي بدي تسكني معي وازا بدك اياني كون صريح اكتر معك بدي تنامي جنبي عتختي بدي راسك تحطي عكتفي فهمتي وللا فسرلك اكتر 
يمنئ «عم تبكي »:بكفي ببوس ايدك حاج تحكي ... لك انا مريت بمشاكل ازا مريت انتة بنصها رح تنهار رح تموت حالك لانك مارح تتحمل اللي انا اتحملتو من ضرب واهانات وكلام بيكسر الصخر عئد ماكان ئاسي. . ماحدا بهالدنيا وئف معي وجنبي غير رفئاتي شمس وشهد وميرا ... هنن ربوني هنن ئووني وزرعولي ثقتي بحالي بعد ماكنت خسرانتها وهلء انتة جاي لحتا تخليني اخسرها للمرة التانية 😣💔 
كريم :ازا بتحبيون لهالدرجة بتنفديون من السجن وبتضحي كرمالون 
يمنئ :ليش مصرر اتدمرني 😢
كريم :....
يمنئ :انا بعترف انو نحنا غلطنا وانا بعتزر منك نيابة عنن كلن بس انا بترجاك تركني بحالي ... خليني عيش محترمة ونضيفة. . مشان الله 💔 

كانت ترجيات يمنئ بالنسبة لـ كريم وهوة سامع صوتها المهزوز مع بكاها سكاكين بتئطع بألبو ... 
كريم :بدي شوفك.. عالتلفون ماعم بفهم عليكي 
يمنئ :ايمت ؟
كريم :هلأ 
يمنئ :الساعة 1بعد نص الليل شو مطلعني من البيت هلأ ؟ ممكن تأجلا لبكرة 
كريم :لا مابأجلا ... عطيني عنوان منطئتك وانا رح انطرك ئريب منها ...
عطتو العنوان وسكرت الخط ..
يمنئ :شو اللي عم بعملو بحالي 😣 

كانو البنات بسابع نومة لما لبست يمنئ وطلعت من البيت .... رن عليها كريم وخبرها انو وصل عمنطقتا ...

كان ناطرها جنب سيارتو وملهوف وئلبو مشتاء يشوفها ❤ 
وأخيرا بانت عليه... وهية ماشية اتجاهو حس مع كل خطوة عم تمشيها حرارتو عم ترتفع درجة ودئات ئلبو عم تزيد. ❤

وئفت ئبالو وئالت :هي اجيت .. 
كان صافن بعيونها العسليات اللي كانو مغرئين بالدموع وساكت ...
يمنئ :ما طلعت من البيت بهالوئت لحتا اسمع سكوتك ... سيد كريم بتـ....
وئبل ماتكفي كلمتها فاجأها لما ضمها علئ صدرو ولفها بكل مشاعرو وهية مصدومة ...بس بنفس الوئت كانت حاسة بدفا وأمان ونسيت انو هالشخص نفسو يلي عم يهددها ويبتزها ... 

يمنئ بصوت هادي :بعد عني لو سمحت 
كريم :....
بلشت تتفلت منو وهوة بعدو ضايع بدفا صدرا ...
يمنئ :ببوس ايدك تركني 
بعد عنها وبلش يحكي بثقة
كريم :طول عمري بصاحب بنات يمنئ سدئيني عرفت بنات علئ عدد شعر راسي ...بس بحياة عمري ماحسيت معهون هالاحساس اللي حسيتو معك 
يمنئ :....
كريم :من لما عرفتك وانتي طاغية علئ كل تفكيري ...شو عملتيلي ليش ماعم بئدر انساكي ؟ليش ماعم بنسئ طعمة شفايفك ؟ليش ماعم بنسئ دفاكي و حركاتك ؟...وصوتك بيضل عم برن براسي

هههه اي انا يمكن جنيت بس ...بس من لما عرفتك معد عبت عيني ولا بنت بهالدنيا معك بس....حـ حسيت بأنو الي ئلب ... ههههه شو صرلي ...اي انتي احتليتي كل تفكيري .. يمنئ انتي بشو زايدة عن هالبنات ؟ بشوووو ؟ ححتئ اني عرفت بنات احلا منك عفكرة ...وو بنات فيون جاذبية اكتر منك هه بدي بدي تحكيلي انتي شو مو بنت يعني ؟ مو بشر ؟ انتي متأكدة انك بشر ؟ احكي ليش ساكتة ؟

ضلت صافنة فيه وهوة عم يحكي ...كان كريم يحكي احيانا مخربط وعم يضحك علئ حالو وهوة عم يفتل ويروح ويجي ئدامها بس كلامو كان واضح انو طالع من ئلبو ❤ 
رجع ئرب عليها ومسكها من كتافها وبلش يهزا :انتي شو عملتي فيني ،انا ماعم نام الليل وانا فكر فيكي يمنئ 
يمنئ :اهدا كريم 
كريم :ماابدي اهدااا ،انا انا ... ليش بدي اياكي تضلي جنبي ؟ ليش حاابب نيمك عكتفي ليش حاسس جسمي محتاج الك مشان الله جاوبيني يمنئ 
يمنئ :فكر بعئلك ...ليش ؟
كريم :...
دبلت ايديه عن كتافها وكان بعدو بيطلع بعيونها 
كريم :بحبك ! هههههههه بحبك اي هي الكلمة اللي كنت مضيعها بحبك هاد الجواب اللي كنت عم دور عليه هههه العمئ شو اني غبي 
ولف وطلع بسيارتو وهوة عم يضحك وراح تارك يمنئ وراه بعدا مصدومة منو ومن تصرفو وحستو عنجد ضايع ...❤ 

رجعت يمنئ عالبيت وسكرت الباب وراها وركنت ضهرا عالباب وهية عم تفكر بـ كريم وبكلامو ...هوة ماكان بدو يأزيها هوة مابدو اياها تبعد عنو ❤

اما كريم كان عم يسوء وهوة لسا عم يضحك علئ حالو. ...
كريم :بحبك ... هي هية الكلمة ؟ بحبك ؟عنجد انا بحبها 
-----------------* 
تاني يوم الصبح بكير صحيت شمس ولبست تيابها وغافلت الكل وطلعت ورنت علئ وائل. .. 
وائل «عم بيتاوب »:اي شموسة 😪
شمس :صباحو ابو اللول
وائل :صباح الخيرات ... شو وين صرتي ؟
شمس :انا بالطريق ... ليك انا رنيت علئ ابو الجود وئلي انو الوضع جهز والزلمة استوا من الرعبة 😂 
وائل :هههه والله صحبتك يا ام المشاكل مارح تودينا الا عالسجن 😒
شمس :ليك وائل لا تجبببن هلأ ،ماسدئت اللئمة وصلت للتم 
وائل :هههه لا ما جبنت اطمني ..والله لما شفتك عم تحكي مبارح بكل قناعة انا سدئت والله 😂
شمس :ئال قناعة ئال ... حلم بليس بالجنة اسكتلو 😏

تئابلو اخيرا وراحو علئ ورشة ابو الجود ... 
ابو الجود :منيح ماتأخرتو .. نحنا لازم نتركو ئبل ماحدا يشتلء عغيابو 
شمس :اي ماتاكل هم كل شغلتنا 5 دئايئ 

عطاهن ابو الجود مراييل متل اللي بيلبسوهم المكانسيانيين وحطو أقنعة عوجوهن ودخلو تلاتتن عالورشة وسكرو الغلق وراهن ومسكو ابو الجود ربطو وحطولو ئماشه علئ عيونو وئاعدو علئ كرسي جنب واحد ئاعد ومكتف ومحطوط كيس ئماش أسود علئ راسو وشغلو كاميرا ئدامو 

وأخيرا رفعو الكيس عن راسو ... وهوة رفع راسو وانصدم فيين لأنو كانو لابسين أقنعة متل اللي بيلبسوهن بالحروب 😂 
وائل «بصوت خشن »: كيفك استاز ؟
كانو مكممين تمو بئماشة ...
شمس :«بصوت خشن »:انتة لحد الآن مابتعرف ليش جايبينك وشو المصيبة يلي عاملها حضرة المحامي المحترم 
بلش يهز براسو برعبة 
وائل :صارو مصايبك كتيرة وبصراحة اجتنا الأوامر انو نصفييك 
انصدم المحامي وتوسعو عيونو ،وبلش يطلع حواليه وشاف جنبو ابو الجود مربط ومعصوب العيون ... ودب الرعب بئلبو زيادة 

ئربت شمس لمستوا راسو وئالت :يالطيف شوفي الك اعداء 😏 
وائل :اللي بدو يتورط بقضايا مالو فيها هيك رح يكون مصيرو ...😏

حسو وائل وشمس انو لازم يزودوها عليه ...
شمس :انا رح صفي اللي جنبو لأنو هي جزات اللي بدو يتلاعب بمعلمينا 😏 

وطلعت شمس سكين متل اللي بحملوها الجزارين ومسكت ابو الجود من شعرو وئالت :الله أكبر ...سبحان مين حلل دبحو 😱
ومرئت السكين علئ رئبتو لحتا نفر الدم كلو عالمحامي 😨😱 
وائل بئلبو :الله لايوفئك انا ارتعبت 😱 👈😂

حسو وائل وشمس انو المحامي عملها تحتو من الرعبة اللي اكلها 😂😂 
وبلش يبلعط محلو عالكرسي 
شمس :صار دور هالسخلة ...😈
وائل :استنا شوي ... شو رأيك نحكيلو شوي عن مصايبو اللي عاملها ..
شمس :اي يالله حرام يموت بدون يعرف السبب 😏 

حمل وائل مجموعة ملفات وبلش يحكي :قضية الدكتور سائد اللي اتسبب بموت تلات ارباع مرضاه نتائج أخطاء طبية .. قضية الست عفراء اللي اتهمت بقتل زوجها بعد اكتشافها لخيانتو ..قضية السيد رامز اللي اختلس من شركتو 60 مليون دولار؟ العمئ ازا الحكي صحيح ..المهم ..قضية وصية شاهر بيك اللي تركها وانتة وعامر خفيتوها لحتا تكوشو علئ ميراث الانسة شمس بنت شاهر بيك ... اكمل وللا بكفي ؟ 
بلش المحامي يبكي ويهز براسو .. 
وائل :رح نشيل الئماشة عن تمك لحتا تعطينا تفسير..بس ازا بسمع صراخك رح ادبحك بدون شفئة فهمت 😡 

شال الئماشة عن تمو والمحامي كان عم ياخد نفسو بصعوبة ... 

المحامي :انا بحياتي ما أزيت حدا ،مشان الله تركوني والله عندي عيلة 
شمس :ويلي عندو عيلة بيعمل عمايلك ؟
المحامي :شو عملت ...هدول ناس رفعو قضية علئ الدكتور سائد بعد ما مات تحت ايدو بنت صغيرة نتيجة خطأ طبي

ومو بس هالعالم الدكتور سائد شخص مستهتر بحياة البشر ...ومشان قضية المدام عفراء ..انا عم دافع عنها لأنو تهموها ظلم جوزها كان عندو كتير أعداء وهية انظلمت وئت كان عايش وانظلمت لما مات ... ومشان قضية السيد رامز المختلس فهوة حرامي. وكان لازم ياخد جزاتو لأنو عض الايد اللي انمدتلو وشالتو من الحضيض وهوة شو عمل سرء هداك المبلغ من اللي شغلو ...
شمس :كفي ليش سكتت ؟
المحامي :ومشان قضية الوصية تبع شاهر بيك ... انا خفيتها علئ حسب وصيتو ... الوصية مو مجرد ورئة الوصية الها كمالة وهوة تسجيل بصوت شاهر بيك وازا بتحبو بسمعكون اياه 
وائل :هوة عندك ؟
المحامي :طبعا عندي ...
وائل :طب ليش عامر موكل عن هالأملاك بدال ام شمس ؟
المحامي :ئلتلكون هي وصية شاهر بيك ،عامر بيك مجرد وكيل موكل مجبر لحتا تبلغ الانسة شمس سن الـ 25 وبعدها بس بتبين هالوصية يعني انا وعامر بيك مجبرين انو نمشي عحسب هالوصية ... 
شمس :أملاك شاهر بيك بإسم مين انكتبت ؟
المحامي :بإسم وريثتو الوحيدة الانسة شمس ..وما رح تستلم هالأملاك الا بعد بلوغها الـ 25 اما ئبل فما الها حق حتئ اتطالب بنئل وكالة 

كانت شمس عم تسمع وهية مصدومة ،طول الوئت واللي هية فيو بسبب أبوها ... 
وائل :كلامك اتسجل كلو ..هاد الحكي يلي حكيتو المزبوط وللا عم تألف من عندك ؟
المحامي :مالي مصلحة ألف حكي من عندي 
شمس :طيب ليش ماحكيتو ؟
المحامي :....
شالت شمس القناع عن وجها وراحت عند المحامي ومسكتو من جاكيتو 
شمس :مزال الحكي مخطط من ابي ليش ماحكيتو ؟ ليش عامر خبا هالئصة مزالو مابدو ياخد شي 
المحامي :وانا سألت نفس السؤال لعامر بيك وئلي انو انتي لازم تكرهي لازم تكون الك ارادة وماتتعلمي تستسلمي وخاصة انك كنتي كتير طايشة وبايعتيها ومو هامك حدا وأخلائك سيئة وكنتي عطول تشوفي عامر انو شخص سيئ وهوة مو هيك ،يا انسة شمس عامر هوة اللي رباكي بوئت كان ابوكي مشغول وحتئ لما مات ابوكي عامر ضل يسندك بدون ماتحسي وكلشي كنتي بتعملي معو خبرو وحتئ صاحب المطعم اللي خلاكي توقعي علئ أوراق شغل اجباري ... عامر كان ورا افلاسو مو حرئك للمطعم انسة شمس ... وحتئ لما حاولتي تحتالي عليه انتي ورفئاتك بإسم سوزان الساحر كان بيعرف ..كان بيعرف كل الاعيبك ومع هيك سكت وما عطا اي ردة فعل غير انو جاراكي بلعبتك ... 

رفع ابو الجود راسو وفك حالو وشال العضبة عن عيونو ووئف .. 
ضلت شمس مصدومة ووائل حالو من حالها ... 
شال وائل القناع وئال :هالحكي صحيح وللا انتة عم تبيض صفحتو ئدامنا ؟
المحامي :فكرو فيها منيح انا كيف عرفت بكل تحركاتك انسة شمس ؟

ابو الجود :نحنا بنعتزر منك استاز .. بس نحنا كان لازم نعمل هيك كرمال شمس... 
فك ابو الجود المحامي ...
المحامي :انسة شمس انا بعرف انو انتي مصدومة ...حابب ئلك الوصية موجودة ازا بتحبي تاخديها بس... الوكالة رح اتضل بإيدين عامر بيك لحتا انتي تبلغي 25 سنة يعني عحسب حساباتي بعد تلات سنين ... انا برأيي تفكري بمستئبلك منيح وتكملي دراستك الجامعية ..عالئليلة رح تكوني جاهزة تستلمي شركة ابوكي من بعد عامر بيك...
-----------------*

كانت يمنئ ئاعدة عالبلكونة وهية شاردة ... 
طلعت ميرا وئالت :صباحوو يمونة 
يمنئ :....
ميرا :شفتي شمس اليوم ،غريبة صحيت ومالئيتا جنبي 
يمنئ :.... 
ميرا :ماصحيت شهد ؟
ضلت يمنئ شاردة وانتبهت عليها ميرا 
ميرا :يمووونة شبك الي ساعة بحاكيكي 
يمنئ :اه...والله ما انتبهتلك اسفة 
ميرا :والله وضعك مو عاجبني ..
يمنئ :شو ازضك ؟
ميرا :من لما اخدك كريم هداك اليوم وانتي صايرة تشردي كتير وعطول مو معنا 
اجا ليمنئ رسالة علئ جوالها وفتحنتا واتفاجأة ...
كانت من كريم وكان باعت «بحبك »❤ 
ابتسمت يمنئ وسكرت جوالها وحطتو ورجعت شردت 

ميرا :لااا اكيد فيه شي ...وليه اتطلعي فيني 
اتطلعت يمنئ بـ ميرا 
ميرا :معئول عيونك عم يلمعو ومبسوطة لهالدرجة انتي عشئانة وليه 😍؟
يمنئ :انا !؟ ليش مبين عليي ؟
ميرا :مين ؟ احكي 
يمنئ :بعدين بتعرفو 😊

#يتبع...

#عصِاَْبة_بنَاَْتٍ,,,,🌸

#الجزء_الخامس_عشر_والأخير .

كانت شمس ئاعدة ولسا عم تحاول تستوعب اللي حكا المحامي ...
وائل :شموسة هي عرفتي الحقيقة .. بظن انو معد في شي يخليكي اتضلي بعيدة عن امك وحتئ مافي سبب تكرهي ابي ..
شمس :بس ليش بدو اياني اكرهو ؟ كنت عطول روح عالشركة وهينو بكلام جارح وكنت اسأل حالي ليش ماكان يرد عليي ؟ والسيكيوريتي يلي كانو يعلئو معي عباب الشركة ماحاول يبدلون او يتمادو عليي ...كنت عطول اضربون ...كان عم يحميني بالسر وهوة علئ عيون العالم انو هوة اللي سرئني ؟

وبلشت شمس تتزكر كيف كان يعاملها لما كانت طفلة ..كيف يحملها ويلعبها ...ولما كان يشتغل مع ابوها يئعدو مع بعضون وتفوت عليهم شمس عم تركد وتنط عضهر عامر وهوة يلاعبها ،وحتئ لما مات ابوها ماتركهون وضل وائف جنبون الها ولأمها وتجوز امها لحتا يئدر يحميهن من اللي حواليهن ... وكيف كان يعصب علئ وائل وحسان ولادو لما كانو يدايئوها ويزعلوها ... مسحت دمعتها

وائل :يشو عم تفكري ؟
شمس :وائل ،بدي اطلب منك طلب ،لا تخبر ابوك وتئلو انو نحنا عرفنا كلشي ... ممكن
وائل :اي ولاتخافي انا طلبت من المحامي مايحكي لأبي انو خبرنا شي

هزت براسها ووئفت وئالت :انا بدي ارجع تعال وصلني
ركبو بالسيارة ومشيو ...
--------------------*
صحيت شهد وراحت غسلت وجها وغيرت تيابها وراحت عالبلكونة. .
شهد :صباحو صبايا
ميرا :صباح الورد ابو الشباب
شهد :بشو عم تحكو ...
يمنئ :بشغلات بنات ،اكيد مابتهمك 😏
شهد :ايوا بلشنا من هلء ؟😒
ميرا :بدك تطلعي عالدكتور ؟
شهد :اي .. رايحة هلء شوفو
يمنئ :متأكدة من هالخطوة ؟
شهد :انا مو بس متأكدة ...اصلا ماني مسدئة صير شب
ميرا :رح نشتئلك
شهد :ليش وين رايحة انا ؟
يمنئ :اصلا بس تتحولي لشب انا رح بطل نام جنبك 😌
شهد :ايوا ...هههه عادي بتجوزك وبخليكي تنامي جنبي غصب عنك 😂
يمنئ :اي حبيبتي شهودة مشي الحال أصلا
ميرا :شو ازضك وليه يمنئ ؟
يمنئ :كريم بحبني...
شهد :وانتي ؟
يمنئ «بلبكة »:مابعرف
ميرا :شلون مابتعرفي ..شوفي كيف عم تحكي عليه وانتي مبسوطة 😌
شهد :تتهني ..
وئفت ولفت بدها تمشي وهية متدايئة ولاحظو عليها البنات ...
ميرا :شهد ..
شهد :نعم
ميرا :شبك ؟
شهد :سلامتك مافيني شي ...انا رايحة عالدكتور
يمنئ :شهودة
شهد :لبئي تناديلي شهودة ... بس تزبط واتحول رح غير هالاسم ... رح يصير اسمي اسم شب ورح غير حياتي معد تصبري لحتا اتحول ؟

اتفاجئو يمنئ وميرا وحاولو يفهمو شو صرلا بس شهد كانت مئهورة
ميرا :طب ليش تغير مزاجك فجأة
اتطلعت شهد بـ يمنئ وئالت :مافي شي .. بس كنت مخططة لشي وغيري اجا خربو 💔
ولفت وفاتت لجوة ...

ميرا :يمنئ اجا ببالك اللي عم فكر فيه ؟
يمنئ «بصدمة » :وهية ليش لحتا تفكر بجدية لهالدرجة ..بعدين حتئ لو اتحولت مفكرتيني رح اعتبرها شب ... لككك هي شهد رفيئتي يلي ئاسمتا كلشي ... بالغرفة والنومة عالتخت حتئ اني كنت غير تيابي ئدامها ليش ماكانت تحكيلي انها بتطلع عليي بعين. ..
اخدت نفس وكملت حديثها :مجنونة ازا كانت مفكرة هالعملية رح تخليني انسا شو كانت ؟

كانت شهد وائفة ورا الباب وعم تسمع كلام يمنئ وهية متدايئة من كلامها الجارح 😢

طلعت شهد من البيت وشافت شمس ووائل نازلين من السيارة ... ئربت عليهون
شهد :وين كنتي شمس ؟
شمس :رحت زور امي ..وين رايحة ؟
وائل :مرحبا حسن صبي 😁
شهد :اهلين وائل .. كيفك
وائل :الحمدلله
شمس :مائلتيلي وين رايحة ؟
شهد :عالدكتور
وائل :خير انشالله مافيكي شي ؟
شمس :لامافيها غير عرء طاقق براسها
شهد :شمس خلص...
وائل :ليش ؟ شوفي
شمس :الخانم بدها تعمل عمليه تحولها لشب 😒
وائل :واو هههه عنجد وللا مزح !
شهد :لا مو مزح .. انا رايحة عن ازنكون
شمس :الله معك
مشيت شهد ...
شمس :اي وائل مابدي ارجع وصيك ،لاتجيب سيرة لأي كان عن اللي صار اليوم
وائل :ئلتلك ماتاكلي هم ..يالله انا بدي روح
-----------------*
وصلت شهد عالمشفئ وراحت عالدكتور وطلب منها فحوصات شاملة ومن هون بلشت رحلة شهد كرمال عملية التحويل...
-----------------*
بعد ساعتين كان كنان ئاعد بالمكتب لما سمع صوت صراخ بنت بمكتب السكرتيرا وفجأة انفتح الباب ودخلت أسما ...
كنان :اسما ؟ انتي شو جابك لهون ؟
اسما :اجيت شوفك ..حبيبي
كنان :هههه حبيبك ؟ شوجنيتي
اسما :لا ليش بكون مجنونة ازا زرت حبيبي
وبلشت تئرب عليه وتلزء فيه وحطت ايدها علئ صدرو والايد التانية لفتا علئ خصرو
صرخ كنان :اسما بعدي عني ...
اسما :ليش مو كنت تحب ئرب عليك بهالطريئة ؟
كنان :اسما انا عم حذرك مابدي اتصرف تصرف يأذيكي وماني مستعد وسخ ايديي ومد ايدي عليكي لأني ئرفان منك ..بعدي عني من حالك
اسما :ئرفان مني ؟

بعدت عنو وئالت :مين بتكون ؟
كنان :مين
اسما :البنت يلي ئعدت عندك يومين مع رفئاتها. .. شوفي بينك وبينها ؟
كنان :مادخلك
اسما :اها ... اوك
واتطلعت عليه تطليعة خبيثة وئالت :باي بيبي
وارحت...
-----------------*
مر اسبوع