لاريس: طبيعتي هيك ، شو اعمل
قصي: لهيك ما بحب الابيض
لاريس: عفواً!
قصي: اي الابيض بيعلّم عليه فوراً ، واكبر مثال انتي هههه
لاريس انزعجت: بهالسرعة اخدت وش؟
قصي: لتكوني زعلتي!
لاريس زبطت الملفات: موضوع تافه مابزعل مشانو
قصي: واضح
لاريس: طلع من راسي ها
قصي: اي اشتغلي بأتقان لكن
لاريس: وليش هيك عم تحاكيني بأمر
قصي: مديرك ، لا تنسي
لاريس: والصداقة وين اختفت؟
قصي: صداقة شو ونحن مامدينا ايد الصداقة لسا
لاريس: اي بالناقص
قصي كتم ضحكتو: بسرعة بتفوري انتي!
لاريس: لا ، بس يلي بيغلط بحقي مابسكتلو
قصي: حتى لو صديق
لاريس: وينو هالصديق ماعم شوفو
قصي مد ايدو: قدامك
لاريس زورتو ورجعت عينا عالاوراق
قصي انزعج وقعد ع مقعدو ، لحظات واجو الوفود
بلشو بالاجتماع ، ولاريس بالاول كانت متوترة شوي من هالاجواء ، بس بعدين فاتت بالجو وانبسطت
لاريس: عم يقولو انو حتى لو الربط بين الشركتين عرضنا للخسائر مافينا نتراجع إلا لما يتمو ال١٠ سنين ، يعني مدة العقد
قصي: بنعرف بكل هاد ، وما ممكن نتعرض للخسائر نحن واثقين من حالنا ومنون
لاريس: نحن ندرك كل هذا ، ونحن واثقون جدًا من النجاح
جون المدير: حسناً إذاً ، دعونا ننهي الأمر سريعاً
ليو النائب: هذه العقود للتوقيع
لاريس: عم يقولو بدنا نخلص الامرو هون بسرعة ، وهالعقود كرمال التوقيع
قصي: تمام ونحن لهيك رح نضل هالاسبوع بالاوتيل لنخلص كلشي بسرعة ، وناوليهون العقود الخاصة بشركتنا
لاريس: ونحن في عجلة من أمرنا ، وهذه عقودنا
وقعو وحكو كتير بمواضيع الشغل وكيفية العمل عليه بهالأسبوع وخلصو من الأجتماع ، قصي صار يحاكي ابوه ويوصلّو كل المعلومات اللازمة
ركا قصي راسو من ورا عالكرسي وتنهد: رح نتعب كتير
لاريس: بعرفك بتحب شغلك
قصي: ما اختلفنا
لاريس: اممم ، وايمت رح تبلشو بتكبير الشركة
قصي: خبرت ابي بالموضوع ورح يتعامل مع معهدين للبناء لهالشغلة
لاريس: والموظفين والاجهزة اللازمة؟!
قصي اتطلع فيها وضحك: ههههه اصبري شوي انتي شبك متسرعة
لاريس: بحب اتطمن بالنهاية انا عم اشتغل بهالشركة
قصي: بس نخلص شغلة التكبير بنفكر بالباقي ريحيلي مخك وفكري بس ب يلي بين ايديكي
لاريس ما عجبا كلامو: تعبانة وبدي روح ع غرفتي
قصي: اذنك معك
لاريس: بس ما استأذنت
وطلعت ع غرفتا
قصي: لك لاريس ، شو صرلك
ماردت عليه وكملت طريقا
قصي مع حالو: الله يصبرني عليها ، اي والله ماعم افهما
حمل حالو وطلع كمان ع غرفتو يرتاح شوي
تحمم وغير تيابو ونام
لاريس بغرفتا بدلت تيابا، اشتاقت لموبايلا فتحتو وصارت تتفتل فيه ، بعد ساعتين بتسمع صوت الباب اندق
بتشوفو من فتحة الباب وبتفتح الباب
لاريس: قصي! في شي؟
قصي كان عم يتطلع عالجهة التانية وع صوتا التفت عليها ، اتطلع فيها وحس لسانو انربط ، شعرا المسبول كلو نازل ع كتافا وبيجاما بنفجسية فاتحة عليها ورود بيضة
بس كل هدول ما لفتو انتباهو بقدر ما لفت انتباهو ايديها وزندها الابيض الناعمين هي اول مرة بيشوف هيك ، ماسبق وشافا لابسة نص كم ، وكانت قريبة من الحفر
لاريس: قصي!
قصي: ليش لابسة هيك
لاريس: عفواً
قصي: بقصد انو الدنيا شتة بتبردي
لاريس: بالغرفة شغال المكيف لهيك
قصي: طيب جهزي حالك
لاريس: لشو؟
قصي: لشي سهرة .. بتحبي؟
لاريس: لا شكراً
قصي: لك لاريس ، للشغل اتجهزي للشغل
لاريس: قصي بربك ، شغل شو والساعة ٩
قصي: بدنا نشتغل ليل نهار ماني جايبك لهون لتنامي
لاريس: اي تمام بس لشو تعصب وتحاكيني هيك
قصي شاف نادل عم يقرب من الغرفة ، مابيعرف شو صرلو ، دفش لاريس للغرفة وهو دخل وسكر الباب
اتطلع فيها كانت مصدومة من حركتو وبنفس الوقت معصبة ، توتر كتير تصرفو غريب كان ويلي ماعم يفهمو هو السبب يلي خلاه يعمل هيك
قرب منها لاريس دفشتو عنها بصعبية: بعددد عني ، انت عنجد مجنون
قصي: ا انا اسفة لاريس ماكنت بقصد
لاريس: ماكنت بتقصد شووو؟ انت عنجد تصرفاتك غريبة ، لك انت مين مفكر حالك لتتصرف معي هيك وتحاكيني ع مزاجك ها
قصي: طيب شو ماحكيتي معك حق
لاريس: طلع من الغرفة
قصي: وانتي معي
لاريس: اطلع بالحسنة احسن ما افتحلك الباب انا
قصي: طيب اهدي انتي
لاريس: مادخلك ، وطلعع ، وانا هلا بدي ارجع عالبيت ولاقي مين تساعدك
قصي عصب: مو بكيفك لاريس ، انتي هلا تابعة لألي ومارح تطلعي من الفندق إلا اذا انا سمحتلك
لاريس حطت عينا بعيونو وزورتو
قصي كمان اتطلع بعيونا ومثل العصبية ، بس من جوا شعورو مختلف تماماً ، بيعشق هالنظرة منها ، نظرة القوة والبرود وعدم الاستسلام كلو مختلط ببعضو ، عم يسلبو عقلو منو ، تمنى يضل يتطلع فيهون
لاريس: ماممكن اخضعلك ، بس لأني بحب دايماً اتقن بشغلي رح ضل
قصي: شو ماكان السبب يكون المهم رح تضلي معي لنخلص

لاريس: طيب بدي جهز حالي ، اطلع
قصي: عم استناكي برا ، ما تتأخري
بعد حوالي ربع ساعة فتحت لاريس الباب
قصي: شو جهزتي
لاريس: شو شايف
قصي: ليكي لاريس ، بجقارة لاعد تحاكيني فهمتي
لاريس: انا حرة وماحدا دخلو فيني وكيف عم احكي
قصي: ايه حذرتك
وتوجهو ع غرفة مخصصة للشغل فيه
#يتبع

#هلاك_العشق
#الجزء_الخامس
كل الملفات والاحهزة اللازمة كانو عالطاولة ، اخدو مطرحون وصارو يشتغلو
قصي: ناوليني الملف يلي عندك
لاريس ناولتو ياه وهي مندمجة باللابتوب
:: السيد ليو بعت ايميل
قصي: شو عم يقول فيه
لاريس: عم يقول انو بهالوقت الراهن لازم نوقف شغل المرشدين السياحيين
(اتطلعت فيه) ليش توقفوهون مافهمت
قصي: بعتيلو ونحن هيك كنا عم نفكر
لاريس: لحظة بس انا مافهمت!!
قصي: بعتيلو بفهمك
لاريس بعتتلو واتطلعت فيه عم تستنى جوابو يلي لازم يريح بالا
قصي: من هون لنخلص ربط الشركتين بيكون من الاحسن نوقف شغل المرشدين هلا ، بس المرشدين مو الشركة كلا ، لأن كلشي رح يفوت ببعضو ، ونتلبك بين راحة السياح وكيفية العمل عالربط هلا
لاريس: ولأيمت رح يستمر هالشي
قصي: ماتخافي بعرف مدى حبك لشغلك ، خلال اسبوعين العمل بيرجع متل سابق عهدو واحسن إن شاءالله
لاريس: طمنتني
قام قصي عمل اتصال مع ابوه ونقلّو اخر الأخبار ، لأن لازم يكون بدراية بكلشي عن يصير ، ورجع قعد ع مقعدو
قصي: وليكك كسبتي حالك بجيتك معي ، مو احسن ما تضلي قاعدة بالبيت بهالاسبوعين
لاريس: ...
قصي: متعشية انتي
لاريس: لسا
قصي: طيب طالعي راسك من هاللابتوب وخدي استراحة لبين مايجي الاكل ونتعشا
لاريس: طيب بس شوي
طلب قصي الاكل واكلو ، والصمت سيد المكان ، لاريس ماكانت تفتحلو تما بحرف بشي برات الشغل ، وكان واضح زعلا منو لسا ، وقصي كان حابب انها تحكي بس التزم بالصمت
كملو شغل لحتى صارت ١١ ونص واستسلمو بسبب التعب
قصي سكر الملف: اووف خلصنا لليوم حاج تعبنا
لاريس كتمت تثاوبا سكرت اللابتوب وضبت الملفات والقعود وصفتون بشكل مرتب ، وقصي عم يتطلع فيها ، كتير عاجبو ترتيبا واسلوبا بالشغل وحركاتا وردات فعلا الخفيفة الحلوة
نزلو خصلات شعرا ع وشا وهي رجعتون ورا اذنها ، دار وشو عنها وابتسم بهدوء
لاريس حست بشي نزل من انفا لمستو بأصبعا كان دم ، هون اتطلع فيها قصي ، استناولت المحرمة وحاولت توقف الدم
قصي بقلق وقف: ليش انفك عم ينزف
لاريس: عادي ماصار شي
قصي: بس انو الانف ينزف بيكون في ألو اسباب
لاريس: بعرف شو بتقصد ، بعيد الشر عن روحي .. بس انا وراثة من المرحوم ابي بالشتة كانت تصير معو كتير
قصي: طيب نزلي راسك غلط ترفعيه
لاريس: بعرف ، بدي روح عالحمام
راحت وقصي كان قلقان عليها ، طولت شوي نقر عالباب
:: انتي منيحة طمنيني
لاريس: اي اي بس الدم ماعم يوقف
قصي: تعي طلعي اخدك عالمشفى ، لاريس ، ليش ماعم تردي
شوي وطلعت قصي قرب منها ، وهي بعدت
:: لا تقرب مني
قصي: طيب تمام ، بس طمنيني عنك
لاريس: إن شاءالله موت مابقى تدخل فيني
قصي: شو عم تخبصي انتي!
لاريس: اي عم خبص ، لهيك التزم حدودك من اليوم وطالع
قصي عصب: انا حذرتك بهالطريقة ما تحاكيني
لاريس: مين انت لتجي وتقلي كيف احكي ها
قصي: لا تخبصي اكتر
لاريس: انا لأن تساهلت معك شوي ، شفت حالك لوين وصلت ، ولا لأن عم اشتغل معك مفكرني نسيت؟! ، انت كلمالك عم تتمادا
قصي اتطلع بعيونا: لاريس ، روحي من وشي
لاريس رمقتو بنظرات قوية وطلعت ، مامتعودة ع هيك اسلوب من أيّ حدا ، هالشي بينرفزا وعدم خضوعا لأي حدا بخليها ماتتحمل شي
قصي مسح بأيدو ع جبينو: بدا تجنني بتصرفا المتناقض ، شي بقول لينت وبالثانية التانية بلاقيها تحولت
بيضلو ع هالحالة لمدة يومين حكيون بيختصر بس بالشغل
ببيت ابو قصي . . .
سكر ابوه الخط
:: ناديلي روز
نجلاء: خير! في شي
جبران: بالاول ناديلا
نادلتا نجلاء وقعدو قدامو
روزانا: خير بابا ف شي؟
جبران: كلو خير إن شاءالله ، في جماعة طالبين ايدك
روز: طالبين ايدي!
نجلاء: مين بيكونو
جبران: واحد من جماعة صاحبي حسين ، هلا حسين كان عالخط وقال اذا في مجال يجو الجماعة ولا لا
نجلاء: وشو قلتلون
جبران: شو بدي قول يعني ماقلت شي ، بالنهاية القرار ل روز اذا بدا تنخطب هلا ، شو بابا شو بتحبي جاوب الجماعة
روز: والله يابابا مابعرف
جبران بمزح: في حدا بقلبك هيك ولا هيك وحابة تتزوجيه
روز: هههههه الله يسامحك بابا ، انا شو خلصانة من الدراسة لأتورط بالحب
جبران: الجماعة عم يستنو ها
روز: خليهون يجو ، اذا كان في نصيب ماحدا بيقدر يوقفو
نجلاء: الله يقدم يلي فيه الخير
روز: بس بابا .. قصي مانو هون
جبران: مافي شي رح يصير بغياب قصي
اتصل ب صاحبو وعطاهون موعد يكون قصي موجود فيه بالبيت
تاني نهار . . .
سدرا: وينو قصي بيك لهلا ما اجا
لاريس: والله مابعرف ، لحظة لأتصل فيه
كان عم يدور عالملف مضيعو وماعم يلاقيه ، لشاف موبايلو عم يرن لما شاف اسما رد فوراً
كانت بعيدة عنون وعم تحكي: قصي وينك لهلا الجماعة عم يستنو
قصي: لك الملف مضيعو وماعم لاقيه

لاريس: كيف مضيعو
قصي: رح جن وانا عم دور عليه
لاريس: طيب طيب انا جاية لعندك
لاريس استأذنت وطلعت لعند قصي ، فتحلا الباب ودخلو لجوا ، ريحتو معبية الغرفة
لاريس: وين حطيتون اخر مرة
قصي: بالدرج هون
لاريس دورت: طيب تذكر يمكن حاطتو بغير مكان
قصي: قلبت الغرفة وماعم لاقيه
لاريس اتطلعت فيه وابتسمتلو: طيب اهدى ولا تتوتر
قصي بأبتسامتا الهادية هي بينسى حالو ، قدرت تخدرو بهالنظرات صار ماعد عم يتحرك ، إلا عيونو عم يراقبوها كيف عم تتحرك بالغرفة وهي عم تدور عالملف
ونبضات قلبو متسارعين
قصي بقلبو: مابدي ارجع لنفس اغلاطي ، خايف حبك وبعدا اخسرك ، ما بحياتي حبيت حب صادق ، مابدي افرط فيكي انتي فيكي شي غير كل البنات ، لاريس عم حبك وعقلي رافض هالشي انا بصراع هلا
لاريس: لقيتو لقيتو
قصي فاق ع حالو: وين
لاريس: كنت حاطتو جوات الملفات التانية
قصي: اوووف ياه والله نسيت حالي
لاريس: طيب خلينا نمشي كتير تأخرنا
قصي قاطعا: مارح نطلع من الغرفة إلا وانتي رفيقتي
لاريس: هههههه قصي بربك الجماعة عم تستنى وانت هون بدك تحكي بالصداقة
قصي: يروحو بستين داهية ، انتي الاهم هلا
لاريس بأبتسامة سحرتو: طيب موافقة
قصي مد ايدو واتطلع بعيونا الشهل ، بالزور عم يسيطر ع حالو ماضيعف قدامون ، مسكت ايدو وحس بعروقو انتفضت لوصلت لقلبو ، ليشعر انو قلبو اعلن استسلامو وصار ينبض بقوة
نظرات عيونا هلا كانو هاديين كتير ، تمنى هاللحظات ما يخلصو ، بس بقلبو في خوف من هالحب
لاريس حست بمكسة ايدو هي مختلفة كلُياً عن ايّ مرة مسك ايدا فيه ، للحظة حست انو شد ب قضبة ايدو ع ايدا حست بألم شوي ، وفكت ايدا من ايدو
:: اوك وهي تصاحبنا واخيراً
قصي: هههه امشي
بيتوجهو عالقاعة
ليو: لاريس
ماكمل كلامو ودخلت صبيو ، كانت تقول للقمر قوم لأقعد محلك ، بنت حلوة من ناحية الجمال والرشاقة والطول
الكل اتطلع فيها ، وقف جون وخبرون انو هي بنتو ، وانو اجت لتكمل الشغل عنو ، وهو رح يرجع لأن صاير امر طارئ
قصي انزعج: شو هالمهزلة ، شو نحن عم نلعب هون كانو يخبرونا اول
لاريس حكتلو بهمس: بعرف موقفون غلط ، بس اهدى ولا تتهور
قصي: هاد استمو استهتار
جون: كان ينبغي أن نعلمكم بالأمر ، لكن ما حصل كان مفاجئ
لاريس: عم يعتذرو ويقولو كلشي صار فجأة
قصي: شو جاوبون يعني ، خلولي مجال ليش
لاريس: قصي قلتلك روق ، انا رح اتصرف
:: نحن لا نحب تصرفٌ ك هذا ، لكن لا بأس وارجو أن لا يتكرر ذلك مرة اخرى
ليو بأحراج: نشكر تفهمكم
بلشو الاجتماع وجون كان مهتم لأمر ليزا انو تفهم طريقة العمل معون ، خلص الاجتماع وجون توجه عالمطار
ليزا كانت عم تطلع بقصي ، انعجبت بشخصيتو ورجوليتو ، والاحلى هنن عيونو ونبرة صوتو الضخمة الجذابة
:: حسناً ، لقائنا كان سيئاً نوعاً ما . . لكنني سعيدة في العمل معكم
لاريس: عم تقول اول لقاء كان سيء وفرحانة بالعمل معنا
قصي: منيح
لاريس: ويسعدنا ذلك
قصي: استأذن من حضرتك
راح وطلب لاريس وسيدرا يلاحقوه
لاريس: انت بتعرف انكليزي؟
قصي: عالخفيف
لاريس: اها
قصي: سيدرا ، انتي شغلك لليوم خلص فيكي ترجعي
سيدرا: طيب يابيك بالأذن
لاريس: ليش هيك كان ردك ع ليزا؟
قصي: بسبب تصرفون ، حاسس حالي ندمت بتعاوننا معون مو معقول كمية استهتار اليوم
لاريس: اممم
قصي: شبك
لاريس: بس البنت حلوة ، اي حدا بيتمنى يكون محلك ويشتغل معا
قصي ابتسم بسخرية وقف واتطلع فيها: مفكرتيني قصي يلي شفتيه من كذا شهر
لاريس: ماحكيت شي انا
قصي: بس لمحتي
لاريس كتمت ضحكتا: قصي بربك لسا اليوم تصاحبنا بلا مشاكلك معي
قصي: حاج تبلي ماسبق وتمشكلت معك
لاريس: صح ، كنت زعلانة ٣ تيام من الجني ما!
قصي تذكر هداك اليوم قلبو انتفض وابتسم بدفى: طيب بتقبلي عزيمتي عالغدا
لاريس: اكيد ميتة جوع
قصي: هههه خسى الجوع
نادر بالمدرسة ، كان واقف مع شلتو بمكان بعيد عم تجمع الطلاب
نادر: ماضل معكون دخان!
....: لحقت تدمن عليهون ههههه
نادر: لك مو ادمان بس طيبين شو اعمل
....: طبب ما تشتري لحالك؟
نادر: خايف حدا من اهلي يشوفو معي
....: طيب خود بس صير لشتري لحالك ، بالزور عم جيب حقون
نادر: طيب ماشي اخر مرة ، عطيني يلا
اخد سيكارتين وبعدا اخد المنعش ليقضي ع ريحة الدخان ورجعو عالحصص
بعد كل التعب والسهر نالو يلي بمرادون ، وتم ربط الشركتين ببعض ، واخيراً طلعو من الفندق وتوجهو عالشركة ، دخلو ع غرفة جبران ولاريس توجهت ع مكتبا
جبران برحب فيهون بحرارة وهو فخور بأنجاز ابنو
ليزا بطبيعتا تقيلة ومانها من البنات الخفيفة
جبران خبرون انو رح تصير حفلة بهالمناسبة وطلب من قصي ياخدا جولة بالشركة
تفتلو بالشركة وبكل الاقسام ، لوصلو لناح مكتبة لاريس المكتب مكشوف مانو مغلق ، الكل عم يتطلع ب ليزا وبجمالا ، إلا قصي عينو ع لاريس يلي كانت عاطيتون ظهرا وعم ترتب الاوراق عالرف

لا قلبو وعقلو ولا عيونو راضيين يتطلعو بغيرا ، التفتت لاريس وشافتون قصي تقدم لعندا وطلب تروح لعند ابوه
خلصو التجول وليزا رجعت عالفندق لترتاح ، طلع قصي من مكتبو وشاف لاريس كانت لابسة جاكيتا وكانت بدا تطلع ، بس وقفت ورجعت حطت ايدا ع انفا ، تقدم منها بسرعة
قصي طالع محرمتو من الجاكيت: خدي المحرمة
لاريس: شكراً قصي ، لازم روح عالحمام
قصي: امشي
راح معا طلب تشلح جاكيتا ووقف قدام الحمام ، هالمرة تأخرت اكتر من المرة السابقة مرق حوالي ال٢٠ دقيقة ، نقر عالباب
:: لاريس انتي منيحة ، فيني فوت ، كرمال الله ردي ، ليكي رح فوت ها
بعد تردد كبير فتح الباب ودخل لجوا
شاف وشا صاير شاحب ومصفر ودموعا ع خدا ولسا النزيف ماعم يوقف ، قلبو هبط من خوفو عليها
قصي: ليش الدم ماعم يوقف
لاريس: مم ما مابعرف مابعرف
قصي حط الجاكيت من ايدو وقرب منها ورفع شعراتا عن وشا
:: ليش البكي من شو خايفة
لاريس برجفة: من الدم بخاف من الددم الكتيرر ، شوف كيف عم ينزل وكأنو قطع لحم
قصي سحبا فوراً لصدرو ومسح ع شعراتا: هسس خلص ماعد تطلعي بالدم
راسا ع قلبو ومن خوفا عم تبكي ، كيانو عم يحس برجفة جسما ، والدم ماعم يرضى يوقف ، شد عليها وقلبو عم يتقطع من جوا
لحتى حس انو جسما عم يرتخي بين ايديه بخوف بعد راسا شوي شوي ، كانت فاقدة وعيا مغمضة عيونا متل الملاك ونص وجها كلو دم
بؤبؤة عينو توسعت شعورو بهاللحظة ما بينوصف وكمية الخوف والرجفة يلي صايبة قلبو عليها
طبطب ع وشا: لاريس فتحي عيونك ، لاريسسس ، بترجاكي ماتوقفيلي قلبي عليكي
حملا بين ايديه بجسما الصغير قدام جسمو ، وشدا ع قلبو بقوة تمنى يدخلا لجوات قلبو ومايسمح يصرلا شي ، ركض فيها عالسيارة وكل يلي شافوهون مصدومين
حطا بالسيارة من ورا وساق بأسرع مافيه ، ماعم يصدق ايمت يصل عالمشفى حاسس الطريق ماعد عم يخلص وعم يردد بينو وبين حالو
:: اللهم لا نسألك رد القضاء بل نسألك اللطف فيه ، اللهم لا نسألك رد القضاء بل نسألك اللطف فيه
وضل ع هالحالة لوصلى عالمشفى ، رجع حملا بين ايديه ومارضي يحطا عالنقالة ركض فيها لعند الدكتور فوتا عالغرفة وسطحا عالتخت ، معالم وجهو كانت كافية تبين مدى ضعفو بهاللحظة
بقلبو عم يردد: يارب ترجعلي ياها سالمة يارب
الدكتور: النزيف ماعم يوقف ، تعي حطيها ع ركبتك لنقدر نوقفو
قصي:انا انا بعمل هيك
الدكتور: طيب
قعد جنبا قصي وسطحا من بطنا ع ركبتو واخد المحارم وسكرلا انفا من فوق
الدكتور: كون منتبه وحريص انو تما ما يتسكر كرمال ما ينقطع عنها التنفس
قصي: بنتبه عليها بعيوني وقلبي
الدكتور علقلا السيروم
قصي: فقدت دم كتير صرلا حوالي النص ساعة ع هالحالة
دكتور: واضح هالشي ومرتك مقاومتا كبيرة ، وهالسيروم يلي يعطي جسما كلشي خسرتو ، بس كون حريص ع تنفسا
كلامو للدكتور اعطاه احساس حلو تمنى لو انها عنجد مرتو
بقلبو: وعد عليّ لخليكي تصيري مرتي ، متل ما خليتيني حبك هيك بدون ما حس ع حالي . . رح اتزوجك كمان
اجت الممرضة سحبت منها دم ليعملو التحاليل
قصي بأيدو التانية مسح ع شعرا: ياقلبي وعمري انتي بفديكي بروحي وما يصيبك شي ياروحي ياملاكي
الممرضة بقلبا: والله لو كل الرجال متلك كانت الدنيا بخير
بعد حوالي ربع ساعة وقصي ع هالحالة وقف الدم ، سطحا ع ظهرا بمساعدة الممرضة كرمال السيروم وجلس مكان راسا منيح ، وقعد قداما وهو ماسك ايدا وعم يتطلع فيها
عم ينجرف ورا قلبو هلا ، اخد كم خصلة من شعراتا وشمون بعمق ، متل السجين يلي شم ريحة الحرية بعد وقت طويل من الحبس
شعورو متناقض تماماً يفرح انها بين ايديه وعم يتنفس من ريحتا ، ولا يزعل لأنها بهالحالة
بعد مدة منيحة بلشت تفتح عيونا بس فرحتو ما اكتملت حس انها بدها تستفرغ اخد السلة يلي كانت جنب السرير وحطا قداما واستفرغت
رجع راسا عالسرير
لاريس: عطشانة بدي مي
قصي رفع راسا شوي شوي وشربا المي ، وقف ورجع مددا مسك وشا بين ايديه وهو منحني عليها شوي
:: خوفتيني كتير عليكي
لاريس عم تحاول تفهم تصرفاتو بس من التعب ماعم تقدر
:: الحمدلله منيحة انا
قصي ماقدر يقاوم حالو بالرغم من معرفتو بردة فعل لاريس مسبقاً ، بس نزل راسو وباسا من جبينا بحب
:: بفديكي بروحي
لاريس مصدومة كتير ، قلبا نبض بقوة بس بخوف ، مابدا قصي يحبا اصلاً مابصير يحبا ، بعدت راسا شوي وغمضت عيونا مثلت انها نامت بس كرمال ما تطلع بعيونو وتواجهوو
قصي بعد عنها شوي ، فات الدكتور
:: مافاقت لسا
قصي قام وقرب من الدكتور: امبلا ، بس استفرغت ، دكتور خبرني لاريس فيها شي؟
الدكتور: لا اتطمن مافي شي بيخوف
قصي: لكن ليش استفرغت! وشوف حالتا كيف
دكتور: صدقني لو في شي بخبرك ومابخبيك ، والاستفراغ شي طبيعي وبتكون متأثرة بالبرد كمان

وهدول التحاليل كنت جاية فرجيك ياهون ، كلو طبيعي الحمدلله ويلي عم يصير معا جينات وراثية
قصي: ما معقول كل مرة يصير فيها هيك ما! مافي علاج لهالشي
دكتور: انا بقدر خوفك ع مرتك
لاريس كانت عم تسمع لأنها مو نايمة ، وعند هالكلمة شدت قبضة ايدا عكس قصي يلي عشق هالكلمة وبكل مرة بيفرفح قلبو فيها
كمل الدكتور: بس مافي للوراثة أيّ دوا ، بس الدوا بأيد المريض وهو انو يكون حريص ع نفسو ، وصفتلا فيتامينات ودوا رح يخفف سيلان الدم من انفا بس علاج مافي
ولازم تكتر من الاكلات يلي بتحتوي عالدم متل الاكباد وما إلى ذلك
قصي: ماشي دكتور رح التزم بكل تعليماتك ، وصحتا بتسمحلا نغادر المشفى هلا؟
دكتور: اي طبعاً بس تفيق
قصي: شكراً الك
الدكتور: العفو واجبي
طلع الدكتور ليضلو لاريس وقصي وكل مين بصراع بداخلو ، لاريس متمنية يلي طلع من قصي يكون بس بدافع الخوف وانو ما يكون في مشاعر بقلبو تجاها
والسبب هو حقيقتا يلي الكل ماعم يتقبلا ومفكرة قصي كمان متلو متل غيرو بنفس التفكير
وقصي قلبو هلا لأتطمن عليها ، ومتأكد من مشاعرو مليون بالمية انو بيحبا حب صادق ، لو كان شاكك بحبو كان مستحيل يظهر هالشي حتى لو بالغلط ، ماعم يسمح لحالو يفرط فيها وهي القريبة من قلبو
بعد مدة لاريس فتحت عيونا بالرغم من استيقاظا ، وتصرفت طبيعي وكأنو ماكانت بوعيا وقت يلي قصي باسا ، عم توهم حالا انو كان كلو بدافع الخوف
قصي: الأميرة النايمة واخيراً فاقت
لاريس: ماتواخذني والله بس بحب النوم
قصي: هههه الحمدلله ع سلامتك ، وطلع متل ما قلتي كلو وراثة
لاريس: اي كنت قلك وماكنت تصدق
قصي بمزح: فكرتك بتخافي من الدكاترة
لاريس: لا بخاف من يلي اسمائون قصي
قصي: رح حاول اهضما
لاريس: ايمت فينا نطلع!
قصي: اذا بدك هلا فينا
لاريس: ياريت
بالسيارة ، قصي: بهالبرد عازمك ع اكباد لتاكلي اصابيعك وراها
لاريس:مو جوعانة ، واصلاً السيروم كان مغذي
قصي: خرسي وبلا عنادك هالمرة
لاريس: ألي عم تحكي خرسي
قصي: اي الك بسبب عنادك شوفي شو صار معك
لاريس: بس يلي معي وراثة!!
قصي كان بدو يقلب الكلام لصالحو: ايي خلصنا حاج تحكي
لاريس كتمت ضحكتا ، وصلو كان مطعم صغير قعدو طلبو اكباد وكباب وبلشو اكل
لاريس: فعلاً كتير طيبين هون
قصي: صحتين ، تعي نلعب سباق عالاكل
لاريس بصدمة: سباق! وعالاكل! وهون قدام هالناس
قصي: شو بدك بالناس انتي
لاريس: بلا جنانك قصي
قصي: بلا عقلنتك لاريس
لاريس: ههههههه بربككك
قصي: لك اي مو كلشي بالعقل حلو مرات الجنان بيعطي للحياة لذة ، ولا خايفة ع برستيجك ما يخرب
لاريس: اهاا عم تتحداني كأنك ، طيب موافقة
قصي: يلا لكن
بلشو ياكلو وطريقة اكلون لفتت انتبه بعض الناس ، بس هنن ابداً ما اهتمو عم ياكلو وهنن عم يضحكو
رفعت عيونا لاريس واتطلعت فيه
رموشو الطوال وعيونو الكبار السود ، ولحيتو يلي زايدتو جمال وجاذبية اكتر من اول مرة شافتو ، وعروق ايدو البارزة
لاريس بقلبا: انت بكل هالشخصية وجاية عم تسابقني عالأكل ، عنجد انك غريب وتصرفاتك مو معقولة
خلصو سباقون وقصي هو يلي ربح وصحن لاريس كان باقي فيه شوي ، وكان هدفو من هالمنافسة انو لاريس تاكل كتير لترجع طاقتا يلي خسرتا
لاريس: هههه مبروك
قصي: من الاول كنت عرفان رح اربح
وطالع صوت من تمو بدون قصد ، وهي ضحكت حاولت تمسك حالا كرمال ما تحرجو بس ماقاومت
:: اسفة اسفة ههههههه بس مو معقول انت
قصي: اي لا تحسسيني وكأني جاية من الفضاء ، ع اساس ما بتصير معك
لاريس: ههههه طقو خواصري
قصي كان مستمتع بضحكتا ، خلصو وباصرار كبير منو وداها ع بيتا
تاني نهار كان الجمعة ، وبهاليوم اتفق جبران مع الخطابة انو يجو يزوروهون
قصي بغرفتو كان عم يحاكي لاريس كتابة ويتطمن ع وضعا ، حط الموبايل من ايدو وحاسس حالو مشتقلا ، قام تجهز ليستقبلو الضيوف
اجو الضيوف وقعدو مع بعض ، دخلت روزانا كانت خجلانة كتير بس بنفس الوقت عاطية لشخصيتا كمان مكان ومو مخلية الخجل يسيطر عليها
ضيفتون برقة مختلطة بخجل وقعدت معون
ابو جاد: ياجماعة سبب جيتنا معروفة ، لهيك بدون إطالة بالموضوع ، ناويين ع سنة الله ورسولو عليه الصلاة والسلام نطلب ايد بنتكون لأبني جاد
جبران: انتو ناس اكابر وبحسب ونسب ، واكيد بيشرفنا ، بس بالأول بدي الولاد يتعرفو ع بعض والقرار بيبقى لبنتي
ابو جاد: والنعم منك والله
بعد كلام طلبو يطلعو جاد وروز يقعدو لحالون ، طلعو عالبرندة وروز عم تفرك ايدا ببعضون
جاد: امم انا جاد ، وعمري ٢٨ خريج كلية اقتصاد
روز بقلبا: لو طالبب بالمدرسة مابيعرف عن حالو هيك
:: وانا روز عمري ٢٣ عم ادرس رابع سنة اختصاص تخدير باقيلي سنة وبتخرج
جاد: ريحي ايدك شوي لشو كل هالخجل
روز: لا والله بس هي اول مرة بتزوج لهيك

جاد حب ينفحر من الضحك بس تماسك بقوة ، عرف انها متلبكة وهيك طلع الحكي معا ، وروز بس حست ع حالا تمنت تنشق الارض وتبلعا
بيخلصو قعدتون بتطلب روز تفكر منيح بالموضوع وبعدا تقول قرارا
بيجي يوم الحفلة ، لاريس بتختار فستان اسود من القماش القاسي شوي محير ومن تحت فيها نفشة هادية فردت شعراتا مع فير خفيف ومكياج هادئ ، وقصي بيلبس ك عادتو طقم رسمي
وليزا بتلبس فستان احمر ع كتافا طرف مكشوف وطرف لا ، ومن تحت منفوش مع شق عريض من طرف وهي لأنها حلوة ما كترت مكياج
بيستقبلو الضيوف جبران وقصي ، وواضح ع عينو عم يستنى حدا ، لحتى دخلت ليزا ومعا ليو
ماكان صعب ع جمالا انو تخطف الانظار حتى نظرات قصي ، استقبلوهون بحرارة وقصي رافقون ع طاولة مخصصة لألون
اتطلع نظرة سريعة عالباب وسرعان ما رجع اتطلع ، ليحس بطبول قلبو عم تقرع ، اميرة قلبو دخلت لجوا
بأبتسامة ساحرة وشخصيتو الحلوة تقدم منها ، كلما يقرب كلما قلبو بينبض اقوى وعم يغرق بعيونا اكتر
يلي فيهون الحدة والبرود يلي عهدون بعيونا من اول مرة شافا فيه ، وابتسامة باردة ، هالشي عم يجذبوه اكتر
قصي: هلا صار فيني قول نورت الحفلة
لاريس: شكراً
قصي: شوفة حال ولا عزة نفس!
لاريس: كبرياء
قصي رفع حاجب بأبتسامة: توقعتا منك
واخدا عالطاولة يلي موجودة عليها ليزا ، كانت عائلتو كلها موجودة ، انضمت لاريس وسلمت عليهون
جبران: كيفك لاريس ، انا برجع بكرر شكري الخاص لمساعدتك لألنا
لاريس: العفو كان واجبي
روز بهمس ل قصي: اخي ، هي الاجنبية شو حلوة
قصي: بعرف ماني اعمى
روز: معقول ما حركت شي بقلبك
قصي: لا
روز: كل هالجمال!! اي انا بنت وعشقتا
قصي: انا عشقان وحدة تانية
روز اتطلعت ع لاريس: قصدك لاريس صح! عيونك عم يلمعو ، بس والله هي كمان حلوة كتير
قصي: وبتعرفي مين بتكون لاريس!
روز: لا والله!!
قصي: نفسا انجلينا جولي تبعيت الشنتة
روز فتحت عيونا ع اوسعون: عم تمزححح
قصي: هسس لا تفضحينا
روز: شو صغيرة الدنيا ، يعني انت لأنك حبيتا لما رجعت شنتي منها لهيك شغلتا بشركتنا!
قصي: لا ابداً ، من وقتا ماعد التقينا بس بالصدفة اشتغلت بشركتنا واخدت قلبي ولساتا ما بتعرف ، بس اصحك تفضحيني فهمتي
روز: سرك ببير
قصي: وإن شاءالله بيرك يكون فاضي
روز: هههههههه الله عليك
عم يتطلع عالبنتين واقفين سوا جنب بعض ، بس كل جمال ليزا ماعم يقدر طفي لهفتو ع لاريس ، عم يحاول يقنع حالو ليزا احلى بس قلبو رافض
عم يحاول يتضحك ع قلبو ، ويمحي مخاوفو من هالحب بس ماعم يقدر ، حاببا ل لاريس من قلب ورب
ليو بنظرات اعجاب: لاريس ، تبدين في غاية الجمال
لاريس: اشكرك على اطرائك الجميل
قصي ملامحو تغيرت والغيرة سيطرت ع قلبو ، قعدو عالطاولات وتقصد يقعد جنب لاريس
بلشو بفقرة الرقص ونص المعازيم صارو يرقصو
روز: وانت لها ، هي فرصتك
وقف وليزا فكرت رح يعرض عليها الرقص ، بس وقف قدام لاريس ومد ايدو
:: بتقبلي برقصة؟
لاريس: اكيد
راحو لنص الساحة ، وليزا عم تراقب بعيونا رجوليتو ، بس ما استمرت لوقت طويل ليو عرض عليها الرقص
قصي مسك ايدا وبالأيد التانية حطو ع خصرا ليروح فوراً لعالم تاني ، لاريس بلعت ريقا وسكرت اصابيع ايدا ع ايدو والأيد التانية حطتو ع كتفو ، وقلبا عم ينبض خايفة من هالقرب يوديها عالمحظور ومتوترة شوي عم تحاول تكتم هالتوتر بس خدودا احمرو شوي
قصي بنظرات وابتسامة ساحرة: تخلي عن كبريائك هلا شوي لأن ما رح ينجرح
لاريس: مشان يكون في حدود
قصي: برأيّ الرقص هو الشي الوحيد يلي لازم ما ينحطلو حدود
لاريس:ليش!
قصي قرب من اذنها بهدوء اخد نفس من ريحة شعراتا ولاريس غمضت عيونا لتحس برجفة خوف صابت قلبا
وحكا: لأن الرقص شي متل الخيال ، كلما استسلمتيلو كلما حسيتي بروحك انتعشت ، خلي كل جزء وتفصيل من تفاصيل جسمك ترقص لا توقفي بوش سعادة قلبك مهما حياتك كانت صعبة ومعقدة
بعد راسو واتطلع بعيونا كانت شاردة بكلماتو ، ما هي إلا لحظات وابتسمت وقالت
:: يمكن معك حق ، يمكن كون عم بالغ وانا عم حط حدود لكلشي ، بدي اطلع من هالاشتباكات
قصي: وانا رح كون معك
وبلش يفتلا بين ايديه ويرقصا ، بطريقة مختلفة عن رقص الكل ومميز وبنفس الوقت رقيق ومو صاخب
لاريس عم تتمايل بين ايديه ومستمتعة بكل لحظة
قدر ببساطة ما تخيلتها لاريس يخليها تطلع من عالما وتفوت بعالم تاني كلو مزهر
وشوي شوي صارت تضحك من نص قلبا وقصي ابتسامتو عبت وشو وهو عم يشوفا هيك
فتلا بأيدو لحتى صارت تفتل من حالا ، وترك ايدا شوي شوي وعم يتطلع ع ملاكو كيف مبسوط ، عم يرجع لورا خطوة خطوة وشوي شوي
وقف بعيد شوي ومخليها تكمل هاللحظات ، حاسس بروحو عم يرقص معا
لاريس عم تدور مع انغام الموسيقى ورافعة راسا شوي ، سعادتا هلا مو عاطيتا لحدا

فجأة حست بأيد تسللت عخصرا والايد التانية مسك ايدا وارتضدمت بحضنو ، كان قصي ماعد قدر يقاوم اكتر بدو يكسر كل الحواجز ويحظا فيها
رقصا مرة ، وحناها من ظهرا ع ايدو وهو انحن عليها ، العيون تلاقت والقلوب انتفضت والف شعور وشعور عم ينحكى بجوات كل حدا منون
#يتبع

#هلاك_العشق
#الجزء_السادس
قصي وهو عم يشدا من خصرا: انا بحبك
لاريس انصدمت حست بمي متلجة انصب عليها
كمل قصي: بحبك وبدي ياكي
لاريس رعشة وصابت جسما ، مجرد تفكير كان عم يخوفا كيف وتحول لحقيقة ، طلعت من ايدو وهي لسا مصدومة
:: قصي انت شو عم تحكي
قصي: مو انا هاد قلبي
لاريس تلاشت الفرحة كُلياً عن وشا وقلبا حبت تصرخ تعمل أيّ شي بس المهم تمنع هالشي انو يصير ، بس مافيها ، حست المكان صار ضيق وعم يحبس عنها التنفس تراجعت خطوة خطوة وعيونا عم يحكو الف شغلة دارت ظهرا وطلعت ركض من الحفلة
قصي مافهم شي ولا فهم ردة فعلا هي لحقا لبرا
كانت رح تركب سيارتا مسكا من زندا واخدا لمكان بعيد عن الانظار
:: ليش هربتي! شو صار لتتصرفي هيك لاريس
لاريس: قصي اتركني روح بترجاك
قصي: مستحيل خليكي ، لازم اعرف سبب ردة فعلك هي
لاريس: شووو بدك تعرف شو
قصي: مابتحبيني! معقول ما تحرك فيكي شي تجاهي؟
لاريس: لااا ، لا لأن اساساً كلو غلط هالحب ما بصير ينخلق
قصي عصب: ليش ما بصير ها جاوبيني بتحبي غيري مثلاً! لك احكي ليش ما بصير
لاريس: لا ما بحب غيرك ، بس فهمني انسى هالحب وتركني بحالي
قصي حرك راسة بالنفي: مستحيل انسى ، ومستحيل خليكي تروحي بعد ردة فعلك الغريبة هي بدي اعرف سببا
لاريس اتطلعت بعيونو شو تجاوبو ، تجاوبو انها بنت حرام! لتستنا منو الخذلان متل ما تعودت! بس كبريائا منعا لهيك ضلت ساكتة
قصي بهداوة: شو السبب انك ترفضيني
لاريس: وشو السبب اني اقبل فيك
قصي: كلشي ، انتي بتعرفي وانا بعرف انو فيني كلشي ممكن يخليكي تحبيني
لاريس دارت وشا ع طرف وغمضت عيونا
قصي: لاريس عم قلك اني بحبك ، انا بحبك وبدي ياكي لقلبي
لاريس اتطلعت بعيونو: طيب هات قلي وينو هالحب
قصي: شو
لاريس: وينو هالحب ، لك اصلاً ليش الحب موجود شي!
قصي: اي موجود
لاريس: لا هي خدعة ، مافي حب ، هو بس مجرد كم كلمة بتركبوها ببعض وبتسموها حب
قصي: الحب شعور ، شعور قوي بيراود الانسان بنحس فيه بروحنا وكيانا ليسكن بالقلب
لاريس: قصي خلاااص بترجاك
قصي: لا مو خلص مافي شي بيخلص إلا اذا انا كان بدي
لاريس: فالنفترض اني بعرف الحب ، من كل عقلك مفكر رح اقبل فيك وانا يلي كنت شاهدة ع اخر قصة حب لألك
قصي: توقعت هالكلام منك
لاريس: وانا متوقعة التاريخ يعيد نفسو معي
قصي: شو قصدك
لاريس: تتسلا فيني لمدة وبعدا تنتهي صلاحيتي
قصي بعصبية وصراخ: لك شايفتيني غبي شي لاريس!
معقول ارجع ارتكب نفس الغلط وعلق قلب بريء فيني واتركو ، لك انا غبي شي لحتى فكر عيد نفس الشي معك انتي بالذات! انا ماني مراهق متهور ، وفيني افرط بالكل إلا فيكي
لاريس: شو يلي بيثبتلي!
قصي: كلشي ، يلي عم يصير هلا لازم يكون اكبر اثبات ، لك ليزا حتى البنات بيعشقوها من جمالا ، بس ماقدرت تحرك شي فيني وكلو لأنك مسيطرة عليي لاريس
يمكن الله بعتا بس كرمال اتأكد من مشاعري واعرف انو يلي عم حسو تجاهك مو مشاعر عابرة
لك لاريس بالرغم من معرفتك بعلاقتي وتفكيري وتوقعت رفضك ، إلا انو تركت كبريائي ع جنب بس لأكسبك
لاريس حطت ايدا ع اذنا: بسسسس خلاااص
قصي شال ايدا عن اذنا: ليش عم تسكري اذانك ها ، كل هالقد الحب تقيل ع مسامعك
لاريس: لك مابصيررر مابصير
قصي: لسا عم تقول ما بصير لسا عم تقول ما بصيررر
لاريس دموعا صارو ينزلو قعدت ع ركبتا ، مابحياتا توقعت توقع بهيك موقف ، موقفا هلا كتير بشع والابشع شعورا يلي حاسستو ، كانت حاسة بتصرفات قصي الغريبة ، بس كانت تضل تكذب ع حالا
عم تفكر تخبرو السبب ، بس شو تخبرو وكيف وبأي طريقة! ، مافي شي عم يجي قدام عيونا غير انو قصي بعد معرفتو بالحقيقة كيف رح يتركا ، وبأي نظرة رح ينظرلا
هالشي عم يخليها تضعف اكتر وما تتجرأ وتخبرو
قصي اجا وقعد قداما رفع حنكا بهدوء ومسح دموعا
:: اسف قسيت عليكي وصرخت ، بس والله لأني بحبك
لاريس: ...
قصي: بحبك ومابدي اخسرك مابدي تروحي من بين ايديّ ولا لأي سببٍ كان
وحبي الك حقيقي اقسم بالله العظيم حبي الك حقيقي . . اطلبي روحي بعطيكي
لاريس: حبك بيتحدى كلشي؟
قصي: مو بس بيتحدى وبيقوى ع كلشي كمان
لاريس: ايمت لحقت تحبني هيك
قصي: هيك اسئلة ما بتنسأل للمحبوب ، بس افتيحلي قلبك لخليكي تحسي متل ماعم حس انا تجاهك
نزلت دمعة من عيونا ع وشا يلي اكلو البرود: بس انا ما بحبك
هالكلمة عم توجع قلبو مد ايدو مسح دمعتا: بستناكي للموت ، بس اعطيني أمل واحد بالمية انو ممكن تحبيني وبستنا ماعندي ايّ مشكلة
لاريس دارت وشا شوي ووقفت ع حيلا: مابعطيك ولا حتى سالب واحد بالمية
قصي وقف: مستعد اتغير مشانك
لاريس: لا تحبني هيك لااا تحبني
قصي: تأخرتي
لاريس: قصي بترجاك انا خلص مشانو ل الله
قصي: رح اتعب معك كتير ، بس لو ضل بعمري يوم رح اخدك وتصيري لألي تذكري كلامي منيح

تركا وتوجه عالحفلة تركا بصراع جديد انخلق جواتا ، كل المشاكل والتعقيدات يلي بحياتا ما بيكفو لتزيد عليها الحب كمان
حملت روحا يلي صارت اتقل من الجبل ركبت سيارتا ورجعت عالبيت
التقا قصي ب روز يلي كانت واقفة وسمعت كلشي
:: اسفة اخي مو قصدي التنصت ، بس طريقة خروجكون من الحفلة جبرتني القحكون
قصي تنهد
كملت: ليش هي تصرفت هيك ، لشو هالردة الفعل ، وعن انو صبية كنتو عم تحكو
قصي: القصة طويلة بعدين بالبيت بحكيلك
دخلو وكملو الحفلة بس قصي عالمو مختلف تماماً عن هالحفلة
لاريس من جوا كلو خراب وفراغ وفوضى ومن برا انسان قاسي ، كانت سناء قاعدة ونادايا عم تجهز حالا لترجع ع بيتا
ناديا: رجعتي بكير بنتي
لاريس: تعبت وحبيت ارجع
ماحكت كلمة مع سناء وسناء نفس الشي ، تقدمت لتصب كاسة مي ، بس وقعت الكاسة من ايدا
ناديا: ماصار شي هلا بنظفو
لاريس اتطلعت بقطع هالقزاز المكسور متل روحا تماماً ، بس يلي شاغل بالا هلا انو الكل انتبه للقزاز المكسور وماحدا انتبه ع رجفة ايديها يلي بتعكس يلي بقلبا
توجهت ع غرفتا زتت حالا عالتخت ، هي حرفياً وصلت لدرجة الانهيار
نظرات عيونا ثابتين ع مطرح وماعم يتحركو ، حابة تصرخ تكسر تخرب الدنيا وتبكي . . بس روحا ماعم تساعدا
ماتوقعت قدام هالحب يلي عم تدعي انها ما بتعرفو تضعف هالقد
قصي بالبيت ابداً ماعم يفكر بالاستسلام بالعكس ، رغبتو وحبو ألها اقوى من رفضا وعنادا ، دخلت لعندو روز
:: طول الحفلة وموضعكون شاغل بالي
قصي: مفكرتني مراهق وماعم حبا حب صادق
روز: هيك من عند الله!
قصي: لا ، لما تبدلت شنتتك مع شنتتها وقتا سالي كانت تزعجا بالمكالمات وحكتا ع اساس انها انا ، وانهت العلاقة ، وشو يلي دفعا تعمل هيك مابعرف يمكن من عصبيتا
المهم تواجهنا انا وسالي واحرجتني بالشركة وانا رحت ع اساس عاتبا ل لاريس ، هي حولت كل القصة لصالحا واعترفتلا انو كنت عم اتسلى مع سالي مو اكتر
روز: اممم مين محلا رح تفكر هيك
قصي: بس حبي لألها مو لغاية والله ، انا بحبا من قلبي بدي ياها تصير لألي
روز: بدك تتزوجا!!
قصي: لو بأيدي هلا بتزوجا
روز: طيب تأكد اكتر من مشاعرك
قصي: والله تعبت وانا عم حاول مع قلبي انو يلتفت لغيرا
روز: طيب لا تستسلم ابداً لكن وضل حاول معا
قصي: بس يلي ماعم افهمو ليش لتتصرف هيك ، معقول بتخاف من الحب!
روز: وارد ، ومن كلاما واضح ماتلقت هيك حب بحياتا او يمكن عندا عقدة مع الحب
قصي: رح فكلا هالعقدة واقتحم قلبا
روز: إن شاءالله خير ، لا تتعب حالك كتير بالتفكير ومتأكدة رح تصير لألك
قصي: امين يارب
روز: واذا كان بدك مساعدتي انا جاهزة
بعد لحظات صمت روز كان في بتما حكي بس مترددة وهو بالموقف
قصي: بئي هالبحصة
روز: لا مافي شي
قصي: ههههه عرفت
روز: اي ماحبيت ازعجك واحكي ، بس بما انك فتحت الموضوع خبرني شو صار معك
قصي: استخرتي ربك!
روز: اكتر من مرة ومتوكلة عليه
قصي: ليكي انا درست وضعو منيح وماضيه ابيض ومافيه نقط سودا و الله اعلم
روز: دخيل الانتربول انا ، اي وشو بتنصحني
قصي: الله يقدم يلي فيه الخير ، بس انا حاببتو للشب وآدمي كتير
روز: يعني وافق!
قصي: قلبك شو عم يقلك
روز: مابعرف ، رح ارجع استخير الليلة وبكرى بعطي قراري للبابا
قصي مسك راسا وباسا بلطف: ياوردة بيتنا انتي ، لو بأيدي مابزوحك لتضلي معنا
روز دمعو عيونا: قصي بترجاك انت بتعرفني حساسة وفوراً ببكي
قصي قرص خدا بخفة: نهاية كل بنت انو تتزوج ، بس لما تكوني مبسوطة بحياتك الزوجية هيك بنكون اخدنا حقنا
روز: إن شاءالله اخي ، لحتى بكرى الله كريم
قضي مسحتلا دموعا ، شوي وطلعت من عندو
تاني نهار ، لاريس مجهزة حالا وقاعدة عالسرير وعم تهز رجلا ، مابدا ترجع تواجهو بس عملا عم يستناها
سلمت امرها لربا ونزلت لتحت ، لتفطر بالاول

سناء: شركتنا تعرضت لخسائر كبيرة ، عندك علم؟
لاريس: مابيهمني
سناء: لهيك سحبتي حصتك من المناقصة صح!!
لاريس: انا حرة
سناء: عمك جن لما عرف بهالموضوع ، ومارح يتركلك ياها بالامر الهين
لاريس: اعلى ما بخيلو خليه يركبو
ناديا لاحظت برود لاريس اليوم اكتر من ايّ يوم مضى
سناء: ايه كوني جاهزة ل يلي رح ستناكي لكن
لاريس غمضت عيونا بقوة وفتحتون حطت الملعقة من ايدا وقامت طلعت من البيت
هالخراب يلي هي فيه ما ناقصا كلام سناء كمان
بيكون في عندا رحلة مع السياح ، بتفوت ع مكتبا بتاخد الاوراق اللازمة وبتنجبر تروح ع غرفة قصي مع السياح
بتنقر عالباب وقصي كان عرفان انها هي ومستني جيتا ع نار
بيدخلو لعندو ولاريس ابداً ماعم تطلع بعيونو
رحلة السياح رح تكون شهر ، قصي حس حالو من هلا اشتقلا كيف مارح يشوفا من هون لشهر ، انقهر تمنى لو يحط وحدة تانية محلا

وقعو عالأجراءات اللازمة وطلعو
قصي: لاريس خليكي شوي
لاريس مابدا تضل لهيك مشيت قصي قام بسرعة تقدم لعندا ومسكا من ايدا وسكر الباب
لاريس: خليني اطلع
قصي: مافي لحتى انا اسمحلك
لاريس: لتكون ولي امري لحتى كلشي لازم يكون بأذنك
قصي: ماتحاكيني هيك
لاريس: تفضل شو بدك
قصي: بتعرفي منيح وبلا غشمنتك
لاريس شدت ع قبضة ايدا:
قصي: طيب رح ارجع عيد كلامي ، انا بحبك وبدي ياكي ورح ضل قولا لأخر نفس فيني
لاريس: مافيك تجبرني ع هالحب
قصي: وانا ما بدي ياه غير برضاكي
لاريس: اي لا تستنى عالفاضي لكن
قصي: رح استنى ورح تصيري لألي مافي شي رح يوقف بوشي
لاريس: بس ما بحبككك
قصي: طيب ليش ماعم تطلعي بعيوني اذا هيك ، كرمال ما اكشف كذبك يعني؟
لاريس كانت رح تفتل لتطلع قصي مسكا من معصم ايدا وطالع اسوارة من جيبتو ولبسا ياه
لاريس: شو عم تعمل ولشو هاد
قصي: هدية مني لتضل تذكرك فيني طول هالرحلة
لاريس: بشلحو بكل بساطة
قصي: متاكد متل ماني شايفك قدام عيوني انك مارح تقدري
لاريس: اااخ وجعتلي ايدي
قصي ما انتبه وهو عم يشد ع ايدا: انا اسف مانتبهت
لاريس نترت ايدا من ايدو
قصي: هالبعد يلي رح يصير بيناتنا بتمنى فيه تفكري بعلاقتنا ، رح اشتقلك كتير واستنى رجعتك ع احر من الجمر
لاريس: اعتبر هالحب غيمة سودة مضت عليك وخلصت
قصي: لا هالحب هو انتي وانتي بتكوني قلبي وروحي
لاريس كلمالا عم تخاف اكتر من هالحب ، استجمعت حاولت تطلع بعيونو ، بعد تحدي بينا وبين نفسا شوي شوي رفعت عيونا واتطلعت بعيونو
لأول لحظة جسما كلو انتفض غمضت عيونا بقوة ، مابدا تنجرف اكتر
شعرت ع قصي عم يقرب منها فتحت عيونا وبعدت عنو بسرعة
قصي: ليش عندك كل هالخوف؟
لاريس: ماعندي الجواب
قصي: خايف اخسرك
لاريس: توقع كلشي
قصي: طيب ارجعي اتطلعي بعيوني لأخر مرة قبل ما تروحي
لاريس: مابدي
قصي عصب مسكا من كتافا وهز فيها
:: لك بدك تجننيني انتي شي؟ شي بتقولي مابصير هالحب وشي بتقولي مافيكي ، وليش مافيكي ها
لاريس دموعا نزلو ماعم تقدر تتماسك ، مافيها تحكي لهيك عم تسمح لدموعا ينزلو
قصي: لاااا تبكي لا تبكي
لاريس غمضت عيونا بقوة حاسة حالا اضعف من انو تطلع فيه
قصي مسك حنكا بلطف: اتطلعي بعيوني ، بعيون الشخص يلي مستحيل تلاقي حدا يحبك متلو
لاريس قلبا صار ينبض بقوة كبيرة فتحت عيونا شوي شوي ، اتطلعت بكل معالم وجهو
انفو المرسوم ولحيتو يلي زايدتو وقار ملامحو هلا مختلطة بين القاسوة والحنية
لوصلت لعيونو ، اتطلعت فيهون بتحب عيونو وبنفس الوقت قشعر بدنا ، دموعا صارو ينزلو وهي ماعم تبكي
قصي مسح دموعا: حبيبة قلبي انتي ، انا بموت بس كرمال هالنظرات لا تحرميني منون بترجاكي
(رخى ايدو ع كتافا ومسح عليهون بحنية) هالشهر كلو قدامك ، بدي ترجعيلي وفي بقلبك لهفة عليّ اوك
تركا وبعد عنها شوي ، لاريس حاولت تستجمع قطع روحا يلي تلاشو بين ايديه وقدام نظراتو وحنيتو
هالشي خلاها تتوجع اكتر ، هالحب عم يتوجه للشخص الغلط ، وحتماً رح يموت هالحب عن قريب ، كل هاد عم يدور بفكرا ل لاريس
طلعت من عندو واخدت السياح وتوجهو لعند السيارات قبل ما تدخل شافت قصي عم يتطلع فيهون من شبك مكتبتو ، ركبت ومشيت السيارة
احساسو بشع ببعدا عنو بس هيك احسن كرمال لاريس تفهم مشاعرا
صارو الايام يمرقو ، والتفكير مستحوذ عليهون
وبشكل يومي قصي بيبعتلا رسايل ، ومرات هي بتشوف ومابترد هالشي بخليه يجن
هو فعلياً محروق حرق ع غيابا الشوق عم يدبحو وبضل يتطلع ب صورتا يلي اخدا من بروفايلا
وهي تقريباً كل ليلة بتنام عم تبكي ع رسايل قصي بتضل تعيد قرايتون بعيون مدموعة لتنام بدون ما تحس ع حالا
يوم عن يوم عم تطلع من تحت سيطرت حالا لتوقع بالمحظور ، عم تحاول تبعد فكرة انها تحبو من بالا ، بس كلامو بضل يتردد صداه ع مسامعا
والاسوارة ماقدرت تشلحو بتضل كل شوي تطلع فيه وتلمسو بأيدها
عم تحاول تبعد عن لهيب هالحب بس كل مرة بترجع لنفس النقطة لتعرف انها عم تمشي بدوامة دائرية ، ونقطة النهاية نفسا نقطة البداية
هالشي عم يخليها تنهار اكتر ، تضيع ، تضعف ، تخسر حالا
وقصي فكر يستغل هالبعد ويحاول لأخر مرة انو يتأكد من مشاعرو بس فشل ، مستعد يدفع دم عمرو لياخدا لقلبو ، مرات بيحس انها بلشت تحبو ومرات بيحس بالعكس
شعورا متناقض لدرجة كبيرة
عم تخلي قصي يرتفع عن الارض وينزل لتحت بنفس الوقت
واخيراً اجت اللحظة المنتظرة ، لحظة اللقاء
قلوب التنتين عم تنبض ، والانفاس متسارعة ، التوتر مسيطر عليهون
اول لحظة التقت عينو بعينا ، كان شعور فظيع هو بنفسو ماكان عرفان بشو حاسس بالضبط
ولاريس ابتسمتلو فرحت بشوفتو بعد كل هالمدة ، قوت قلبا وتقدمت منو ، حاسة حالا شتاقت لهالملامح وهالعيون

ابتسامتا عم تسحرو مدت ايدا وهو رفع ايدو ومسك ايدا ، كان ناطف قلبو ع انو يلمس ايديها الناعمين
:: كيفك صديقي
قصي تلاشت ابتاسمتو شوي شوي بهالكلمة ، صديقي؟ كيف يعني صديقي! طيب والمشاعر والحب معقول مافكرت فيهون
شد ع قبضة ايدا وحكا
:: مشتقلك كتير حبيبتي
لاريس بلعت ريقا: طيب انا تعبت من الطرقات
قصي: وانا كمان تعبت
لاريس فهمت عليه وغشمت حالا: اي عم تتعب حالك كتير بالشغل هيك مابصير
قصي: انتي بتعرفي منيح شو عم اقصد
لاريس: اذا لساتك بالبداية وتعبت كيف رح تكون النهاية ، فظيعة ما
قصي لسا كان ماسك ايدا وشدا لعندو بقوة لتختفي بيناتون المسافة
:: تعبت من هالشهر يلي غبتي عني فيه ، تعبت من الشوق وانا ماعم اقدر شوفك ، تعبت من التفكير انو شو رح يكون قرارك تعبت وانا عم احترق تعبتتت
لاريس كانت عم تحاول تكتم انفاسا المتسارعة ، ريحة عطرو عم تتغلغل لشرايين قلبا ، عم تحاول تطالع عينا من عينو ماعم تقدر ، مشتاقة لهالعيون
كلشي عم ينقلب ضدا حتى قلبا
لاريس بصوت واطي: مافي شي بينحل بهالطريقة
قصي: عطيتك مجال هالهشر كلو
لاريس: طيب بس بعد شوي الكل عم يتطلع
قصي تنهد ، بهالتنهيدة انفاسون اغتلطت ، بعد عنها وكملت كلاما
:: خلينا نروح من هون ، في وادي بحب روحلو لما كون بهالحالة
قصي: انو حالة
لاريس: حالة التشتت ، بس بتمنى طول الطريق نضل ساكتين
قصي: طيب موافق ، دليني عالمكان
طلعو بسيارتو وفعلاً ماحكو ولا حرف طول الطريق ، بعد ساعة ونص وصلو عالوادي ونزلو من السيارة
لاريس اخدت نفس عميق من هالطبيعة ومشيت لقدام
بعد لحظات صمت طويلة
قصي: شو مارح تريحيلي قلبي
لاريس: لا تتوقع مني الراحة ابداً
قصي: ماعم افهم عليكي شي ، لشو لتضخمي الامر لهالدرجة ها
لاريس: ماعم ضخم شي بس عم حاول بعدك عني
قصي: انتي ناوية تموتيني يعني؟
لاريس: لا تفكر انو لما اقبل اعطيك قلبي رح ترتاح صدقني رح يصير العكس رح تتعب
قصي: وانا قبلان
لاريس: قصي انا عم اترجاك ترجي انك تبعد روحك من انو تحترق
قصي: لشو ناوية انتي فهميني
لاريس: حبي رح يدمرك ، انا والله ماني اهل للحب ، انت لساتك ببداية طريقك بعد عني بيكون احسن الك والي
قصي انا محظورة من الحب ، رح تقتل حالك وتقتليني ونحن عايشين
قصي: لك انتي ذاتاً عم تقتليني لاريس ، عيونك وابتسامتك ونظراتك وكلشي فيكي عم يقتلتي ، لك شو جاية عم تحكي لخاطر الله
لاريس: نحن جواتنا مليان خراب لهيك مابيصير نكون مع بعض
قصي: لا تشمليني معك ، انتي بس يلي جواتك كلو خراب ، وهالخراب محولك لوحدة انانية ، وهالانانية واصلتك لدرج انك تخربي كلشي حواليكي
لاريس اتطلعت فيه بصدمة
كمل كلامو: هي هي حقيقتك
لاريس: انا مستعدة اعمل مكلشي لبعدك عني وحتى اني مستعدة اترك الشركة
قصي ضحك شوي شوي عليت صوت ضحكاتو لتطالع صدى بهالوادي
:: عم تجدبيها عليّ لك لاريس ، الشركة مافيكي تتركيها إلا لما يخلص عقدك معنا ، وبخصوص قلبي حتى لو رحتي لسابع ارض رح يلحقك
لاريس اتطلعت قداما: قصي من الاخر ، انا ما بحبك
قصي مسك ايدا بقوة ورفعو وسحب كمام الجاكيت
:: لكن ليش لهلا محافظة ع هالاسوارة بأيدك
لاريس: مو لشي بس حبيتو وخليتو بأيدي
قصي نتر ايدا بقوة وصرخ: كذااابة انتي وحدة كذابة
لاريس صرخت كمان: شايفتي صغيرة لتقلي كذابة
قصي: لك حاجتك بقى اطلعي من هالبواب لاريس ، مفكرتيني ماشفت اللهفة بعيونك اول ما وصلتي ، وهلا ماعندك الجرأة تطلعي بعيوني بس كرمال ما تضعفي
لاريس كلماتو خلت عيونا يدمعو: مو صح
قصي: لك حاااجتك كذب وتنثيل حاااج
لاريس بكيت وبصراخ حكت: لك مااابدي حبك ماكان بدي هالشي قصي والله العظيم ماكان بدي ، عملت وحاولت كتير اني ما قرب منك وبعدك عني
لأن بعرف رح أتأذى وأأذيك ، انا والله ماني انانية متل ماعم تقول
عندي خوف فظيع ماممكن تتوقعو وانا عم اوقع بحبك هيك
لك ايي اي انا كذابة وانا فعلاً بحبك ، بس خايفةةة كرمالو ل الله افهمني خايفة
لهيك بدي نبقى نحافظ ع صداقتنا لأن بعرف هي الطريقة الوحيدة لنحافظ ع بعض فيها ، بس بالحب رح نضيع رح نتعب
قعدت ع ركبتا: انا ما بحياتي انكسرت غير لما ابي توفى ومن قتى عم اسند حالي بحالي بعون الله
بس هلا حاسة حالة اضعف البشر ، عم اضعف قدامك خايفة ارجع انكسر من هالحب معك ، بترجاك ما تمتنحني قصي ، انا بحبك بس بدي تبعد عني
انت ما بتستحق تعيش مع وحدة متلي
قصي فرحان كتير بأعترافا بس صدمتو اكبر
لاريس البنت الباردة والصلبة هلا اضعف من انو تواجهو بحقيقة قلبا
حكالا بهدوء
:: رح ضل قرب منك ، حبي اكبر من انو عقلك يستوعبو
حتى لو كنتي ماكنتي الخير لألي بختار الشر لأنك فيه ، انا برفض هالحياة مسبباتو اذا ماكنتي معي ولأبي لاربس

كلامو كان متل الملح عالجرح صارت تشهق ، وصوت شهقاتا كانو متل السهام عم توقع ع مسامعو ، قعد ع ركبتو قداما واخدا لحضنو وشد عليها
:: بفني روحي وحياتي قبل مافكر اني اكسرك او اجرحك ياروحي انتي
لاريس بادلتو الحضن بقوة متل وكأنها بالبحر عم تغرق ومتمسكة بغصن هو الشي الوحيد يلي ممكن يأنقذا من الغرق
عم تشهق وهو باس راسا ومسح ع شعراتا
لاريس: لازم بعد عنك ، لازم اتركك ، مابصير نحب بعضنا
عم تقول هيك وتحضنو بأقوى مافيها ، وكأنو عظامون رح تدخل ببعضا
عم تتمسك فيه بالوقت يلي لازم تبعد عنو
قصي عم يشهد ع هالتناقض ، بس ماممكن يتركا
لاريس: خايفة انا يلي اكسرك
قصي: مارح يصير هيك شي ، بوعدك
لاريس عم تغرق فيه وقصي مغمض عيونو وقلبو ع شوي رح يطلع من محلو
عم يشدو الحضن ع بعض وكأنو هو الاوكجسين ليعيشو ، ماحدا منون راضي يترك التاني
بعد مدة منيحة وهنن عم يحاولو يرتوو من بعض ويتنفس كل حدا ريحة التاني ، رخو ايديهون شوي شوي ليتطلعو بعيون بعض
لاريس بقلبا: لاريس! انتي بتعرفي شو عملتي؟ بتعرفي بأي داهية زتيتي حالك ، وقصي شو ذنبو لتكسريه
اكيد لما يعرف حقيقتي رح ينحرح مارح يرضى ياخد وحدة اجت عن طريق الحرام
طلعت من حضنو وقف وحكت: قصي ، عم اغلط انا غلطت بحقك بترجاك تسامحني
قصي وقف بأستغراب: بشو غلطتي مافهمت
لاريس: انا سوداوية وما بصلح للحب ، انا بحب الموت متل ما انت بتحب الحياة
قصي ابتسملا: حبيتك غصباً عني حاولت قاومك بس ماقدرت ، لو بأيدي كنت اعتزلت عن حبك وعشقك وكانت وصلت معي انو العنك كلما تذكرتك ، بس انا غرقان فيكي
لاريس: انا وحدة بائسة ومابعمري عرفت للفرحة مكان ليش لتفوت معي ع عالم الظلام
قصي: اذا مانجحت انو طالعك من ظلامك ع نوري ف قبلان بالظلام وانا معك
لاريس عم تطلع فيه بقلبا عم تحكي
:: حاولت معك كتير وضليت مصر انك تضل معي ، وانا جد بحاحة هيك حب بحياتي
بدي اعرف معنى الحب وعيشو ، وانت يلي رح تعيشني ياه قصي ، يصير يلي بدو يصير بدي اعرف عيش وافرح
قرب منها قصي: بدي منك تحطي ايدك بأيدي وتوعديني ما تتركيه ابداً
لاريس استسلمت لقلبا خلص: انت الشخص يلي قدرت ع مقاومتي ، وكسرت كل الحواجز يلي كنت عم حطا ، بوعدك ضلني ع حبك طالما اني عايشة
قصي من فرحتو راح لراس الوادي وصرخ بأعلى مافيه والصدى عم يتردد
:: لااريسس انا بحبككك ، وبوعدك اني ما بيوم اتخلى عنك وعن حبي لألك
انا بعشقك عشق يابنت ، ياربي انا بشكرك وبحمدك كتير يارب
لاريس ضحكت بصوت عالي وهي عم تشوفو هيك قصي التفت عليها قرب منها وباس جبينا
:: كل جزء من هالوادي صار شاهد ع حبي لألك
لاريس: بتعرف هالوادي من اماكني المفضلة
قصي: محلاه مايكون وهون بلشت قصتنا
لاريس: ههههه اكيد بس في غير سبب كمان
قصي: اكيد في ذكرة لكن بتخص هالمكان!
لاريس: اكيد ، مافي شي بصير من المفضلين بدون ذكرى ، كنا انا والمرحوم ابي كلما الشتوية تصير بأواخر اوقاتا لنهاية الربيع نتردد لهون
وياما كنا نشكي همومنا لبعض ، بس بعدين تركني وراح وصرت اجي لهون واحكي واشكي همومي لحالي
قصي: سنة الله ، الله يرحمو
لاريس: امين (واتطلعت بعيونو) وكمان متل ماقلت هون بلش حبنا
قصي ابتسملا: تعي نقعد شوي
قعدو حد بعض
قصي: اي كنتي تقعدي بحضني
لاريس: هههه بربك
قصي: بمزح ، طيب هاتي خبريني ليش لحتى اول ما اجيتي قلتيلي صديقي بتعرفي بهالكلمة خليتيني انهار
لاريس: اول شي مابدي صداقتنا تنضر
قصي: وتاني شي!
لاريس: بصراحة ، فكرت مشاعرك كانو مجرد مشاعر عابرة ومؤقتة وفكرت ببعدي عنك بتكون انتهت هالمشاعر
قصي: ماني بلا كرامة لحط حالي بهيك موقف بس كرمال مشاعر مؤقتة
لاريس: الانسان شو بدو يعرفو مشاعرو مؤقتة ولا لا ، دايماً البدايات حلوة
قصي: كنت بعرف حبي الك صادق لاريس ، كلشي بقلبي كان جديد نبضاتو ، جنونو ، شوقو ، لهفتو .. كلشي كان جديد
لاريس ابتسمت واتطلعت لقدام واستتشقت الهوا ، وهو غرق بلون عيونا يلي سحروه وهنن ممزوجين بلون الشمس
قصي: بتعرفي شو اكتر شي بعشقو فيكي؟!
لاريس: اممم لا
قصي: برودك
لاريس: غريب ، دايماً بلقي الانتقاد من برودي!
قصي: انا حبيتو قبل كلشي ، برودة ملامحك ومواقفك والاحلى برودة وحدة عيونك يلي عم شاهدون هلا
لاريس مامتعودة ع هيك كلام وخدودا احمرو شوي
كمل كلامو: انا حبيتك بسيئاتك قبل محاسنك
لاريس: اذا قلتلك مابعرف شو رد بتتمسخر عليّ شي
قصي: ههههههههه لا بس بعلمك
لاريس: لك صحي تركت الشركة وجاية قاعد جنبي هيك وابوك متقاعد عن الشغل
قصي: لا ماشاءالله معلوماتنا عم توصلك اول بأول
لاريس: شو هو سر يعني!
قصي: ماتاكلي هم شي كلشي محلول بس الاهم هو انتي
لاريس: حاج والله عم تخجلني

قصي: اي وعم استمتع بخجلك هاد ، كتير حلوة وانتي خجلانة
لاريس: لا تتسى نحن رفقات كمان ما تحول كل الكلام لغزل
قصي: ههههههه لا حول ولا
بقيو هنيك لوقت طويل ورقررو يرجعو قبل ما تعتم العين
طول الطريق ولاريس شاردة ، قصي مد ايدو ليمسك ايدا هي جفلت وبعدت ايدا
قصي: شبك لاريس ، مانك مرتاحة معي يعني
لاريس: لا مو هيك
قصي: طيب بيكون كلشي جديد عليكي ورح اعطيكي راحتك
#يتبع

#هلاك_العشق
#الجزء_السابع
بيوصلو عالشركة ، بتتوجه لاريس ع مكتبا عندا كم ورق بدا تخلصون قبل ما ينتهي الدوام ، وقصي بيتوجه ع مكتبتو
سيدرا: في عندك ضيوف قصي بيك
بيدخل قصي ، وبيشوف روز قاعدة ع كرسيه وجاد قاعد عم يصورا
روز وافقت عليه وخلال الشهر يلي راح انخطبو
قصي: مين مخبركون انو هون مكان للتصوير
جاد انحرج منو واتطلع ب روزانا بتهديد: اكيد مابتحب عرفك ع اختك
قصي: لا لا ممنون
روز: ههههه مو ناقص غير تعملولي كفين
قصي: ماعاش يلي يرفع ايدو عليكي
روز: وين كنت سيدرا خبرتني من قرابة الظهر مانك مبين
قصي: كان عندي شغل مهم برات الشركة ، بس شو جايبكون لعندي
جاد: مدري شبها روز اليوم كانت بصلتا محروقة لتشوفك
قصي: اممم
روز: تعي اقعد محلك اخي
قصي راح قعد جاد اجاه اتصال واضطر يرجع عالبيت
روز: كنت معا صح؟
قصي: اي
روز: شو صار معكون
قصي: صار الكتير بس هي رح تصير مرت اخوكي قريباً
سمع نقرات عالباب سمح بالدخول كانت لاريس
:: ماكنت بعرف بوجودك هون ، بس في عندي اوراق لازم قصي يوقع عليهون
روز: لا منيح اجيتي اصلاً كان بدي شوفك واتعرف عليكي
قصي: ناوليني الاوراق
قربت لعندو وحطتون قدامو
قصي بهمس: ما احلى ريحتك
لاريس: هون وقع هون
قصي: ناوليني القلم
لاريس: ليكو عندك
قصي: هاد جف ماضل فيه حبر
لاريس عطتو القلم: تفضل
تقصد يلمس ايديها شال القلم وفجأة وقف قصي لتصطدم لاريس بصدرو وتستنشق عبير ريحتو يلي خلت قلبا يصير فراشات
وهو مبتسم
:: ماانتبهت
لاريس بعدت: لا ماصار شي
شلح جاكيتو: حاسس جو الغرفة صاير حار
روزانا: لا جو الغرفة حلو
قصي: عنجد! طيب ليش حاسسو حار
روز: يمكن من حرارة الحب ماهيك لاريس!
لاريس: ليش هو بيحب حدا!
روز: ههههه لكن وليكا حبيبتو واقفة قدام عيوني
لاريس: بهالسرعة انتشر الخبر
روز: لا بس قصي مابيخبي عني شي
لاريس: رح تغاري اذا قلتلك بعرف اشيا عن اخوكي اكتر مما انتي بتعرفي!
روزانا: سبحان ماتغيرتي بأول مرة كمان حكيك معي كان جقر
لاريس وقصي ضحكو سوا لأن تذكرو هالكلمة قصي دايماً بيحكيلا ياها
روز: حكيت شي بيضحك!
لاريس: لا ، بس طريقة حكيّ هيك مو بأيدي
روز: امممم
لاريس: طيب لسبب معرفتك بعلاقتنا كان بدك تتعرفي عليّ يعني ، هو انا كمان حبيت اتعرف عليكي عن قرب
روز: في وحدة مابتحب تتعرف ع مرت اخوها المستقبلية
لاريس تشردقت قصي ناولا المي
وحكت: لا لسا بكير ع هالكلام
قصي: ليش بكير مافهمت! مابدك تصيري لألي يعني
لاريس بتتلبك: لا امبلا طبعاً بدي
قصي: لكن شو المانع حبيبتي
لاريس بقلبا: انت مابتعرف حقيقتي وبدك تتزوجني! علاقتنا مبنية عالخداع مافيني وصلا عالزواج ودمرك ودمر حالي
:: بدي نعطي بعضنا وقت شوي
قصي: لشو الوقت ونحن بنحب بعض ورايدين بعض
حست بخقنة وطلعت من المكتبة والشركة كلا
قصي حاول يوقفا ماسمعت منو ، قام لحقا وروز معو وفي ببالون ألف سؤال ، ركبت سيارتا وساقت بسرعة وهو كمان ساق بسرعة
لاريس شافتو من المراية عم يلحقا ، غصتا ملت قلبا ودموعا خنقوها
بس فجأة صرخت لما شافت قناني زجاجية فيها نار عم تنزت ع سيارتا ، ووحدة اخترقت الزجاج الامامي للسيارة واجا عالكرسي يلي جنبا
صرخت والخوف تسلل لجوات قلبا
كل هاد وقصي وروزانا عم يشوفو والصدمة سيد الموقف ، كمية الخوف هلا كانت فظيعة
قصي صار يصرخ ويضرب ايدو عالدركسيون: لك لاريسسسس وقفي السيارة وانزلييي
بس لاريس ماكان فيها توقف كانت عالطريق السريع
الرهبة تلبست فيها متل التوب ، عم ترجف وعيونا عم يدمعو
:: يارب يارب تساعدني يارب
قصي: ياااارب تحميها وتنقذا ياااارب ، لك حاولي توقفييي
دعس عالبنزين وسيارتو صارت مقابيل سيارتا نزل الشباك وصار يصرخ
:: لك لاريييييس وقفي السيارة ع جنبببب لك وقفييييي
لاريس عم تصرخ وتبكي: مابقدر مابقدررررر السيارات مسرعة هيك رح اتسبب بكتير حوادث
فجأة نزلت قنينة تانية وكانت قريبة من مكان الوقود
صرخت وهي عم تقول الأية
::(وأفوض امري إلى الله إن الله بصير بالعباد)
قصي جنو جنانو
:: لك كرمال الله وقفي ولا تموتيني لك السيارة رح تنفجرر
لاريس اتطلعت بالمراية لورا كان في كذا سيارة وراها
اتطلعت ع قصي من الشباك وعم تبكي
:: اسفة قصي ، الظاهر هي نهايتي بس انا بحبك من نص قلبي والله
غمضت عيونا وهي عم تبكي بقهر فتحت عيونا ع قنينة تانية اجت عالكرسي يلي ورا ، والنار شوي شوي عم تاكل السيارة
قصي كان رح يفقد عقلو ودموعو نزلو ع خدودو والغضب والخوف مسيطرين عليه عروقو كلها بارزة
:: يااارب ماتاخدا مني يارب
ودعس عالبنزين وصار ينبه السيارات يلي قدام سيارتا انو يفسحو الطريق ويبعدو عن الطريق
وفعلاً كل السيارات توجهت عالطرف التاني
ويلي قداما كمان وقفو السيارات

قصي صرخ: لااااريس صار فيكي توقفيي ، كرمال الله وقفي
لاريس بلعت ريقا وبأيديها يلي عم يرجفو مدت ايدا وسحبت ممسك الفرام لورا وادعست عالفرام برجليها
السيارة اخدت منحنى شوي ع اثر الوقوف المفاجئ
فتحت الباب ونزلت اول ما حطت رجلا عالارض وقعت جسما ما تحمل كمية الخوف ، بس ساعدت حالا وركضت لبعيد
قصي اخد جنب عالجهة الفاضية يلي سيارة لاريس واقفة فيه ونزل بلهفة كانت رح تدبحو وروز نزلت ووقفت عند السيارة وهي عم تبكي
لعندا وهو حاسس ماعد يعرف يوصل لعندا ولاريس عم تركض لناحو ، وصلو لعند بعض وضمو بعض ولاريس استسلمت لخوفا وقعدت ع ركبتا وهي بأحضانو وعم تبكي
عم تحكي برجفة: ق ققصي شفت ششو عملو فيني اااخ
قصي باس راسا ودموعو عن ينزلو من عيونو يلي فيها حدة وضعف وغضب كبير
:: ماممكن اسمح يصرلك شي ياعمري ماممكن ، والله لأمسك يلي ورا هالشي ووادفنو بأيديّ
لاريس شدت ضمتا: بترجاك ما تتركني خايفة كتير
لسا هيك سمعو صوت انفجار كبير هزلون كيانون هز ، لاريس صرخت بقوة وراسا ع قلبو وهو غمض عيونو بوجع كبير بسبب صرختا
لاريس: بدون يموتوني بدون يموتوني
قصي: مين هنن شاكة بحدا؟
لاربس: ماابعرف بس خايفة
قصي: هسس مارح تموتي لطالما اني عايش ، قومي معي تعي
وقف هي فاقدة طاقتا لتقوم ، حملا بين ايديه وهي تمسكت برقبتو
بهاللحظات حس انو حياتو بلا قيمة ومعنى بلاها ، شدها لقلبو وهو عم يتوجه لسيارتو
:: افتحي السيارة روز
روز: اي اي يلا
حطا عالكرسي ورا واجو سيارات الشرطة والاسعاف والاطفاء
قصي: مو بكير عالاطفاء ليوصل؟ ع شوي كانت البنت راحت فيها
الشرطي: لو سمحت اهدى ، ووينا صاحبة السيارة
قصي: ليكا هون قاعدة ، بس وضعا ما بيسمح لتاخدوها عالمخفر
الشرطي: نحن بنعرف بشغلنا اكتر
سألوها كم اسئلة وبما انو وضعا مو بحاجة للمشفى خلوه ينصرف
لاريس: قصي مابدي روح عالبيت هلا
قصي: لكن وين بتحبي اخدك
لاريس: ايّ مكان بس مو ع بيتنا
روز: بس انتي تعبانة وبحاجة راحة
لاريس: البيت يلي مافيه ام واب مافيه راحة
قصي: بس بدي اعرف مين ألو مصلحة بموتك
روز: مانك شاكة بحدا لاريس؟
لاريس بعد لحظات تفكير: لا ابداً
ممكن تنزلني عند البحر
بعد ساعتين بترجع لاريس عالبيت بعد ماتودع قصي وروزانا
سناء: اهلين لاريس
لاريس ببرود: اول مرة بتستقبلي رجعتي! شو السبب ياترى
سناء: عم حاول اعمل حالي منيحة معك
لاريس بعدم قناعة: اذا هيك منيح
ناديا: ليش تأخرتي لأجيتي عالبيت بنتي ووينون غراضك
لاريس: عملت حادث وغراضي راحو
ناديا شهقت: ياربي دخيلك حادث شو
لاريس اتطلعت بسناء: حدا كان ناوي انو يموتني بس الله انقذني
سناء: وليش هيك عم تطلعي فيني وكأني انا يلي كنت ورا هالحادث
لاريس: بس ماحكيت شي انا!
بعد مرور ايام
جاد: لك روز لا تجننيني وخبريني مين هاد
روزانا: اقسم بالله صديق الطفولة من ايام المدرسة مو اكتر
جاد: اذا صديق الطفولة ليش ليبعتلك مسجات ها
روزانا: لك شوفيا حب يتطمن عني بعد كل هالسنين
جاد صرخ: لك ولساتا عم تحكي
روزانا: حبيبي اهدى وماتكبر الموضوع هيك
جاد: لك هو اصلاً كبير جاية عم يبعت رسايل وبالليل لخطيبتي وهو عم يسترجع ذكرياتو معا
روزانا: الموضوع مانو مستاهل تحكي فيه هيكككك
جاد: امبلا مستاهل طالما اني انزعجت بسببو معناها مستاهل
روزانا: لك شو هالتعقيد كلو جاد هلا هيك بدي اقضي حياتي معك
جاد: مو عاجبك إن شاءالله
روزانا: جااااد خلصنا استهدى بالله
جاد: مابدي استهدي واحكي انتي بتحبيه شي!
روزانا بصدمة: شوو
جاد: عم اسألك جااوبي
روزانا: ماتوقعتك هيك ابداً ، كرمال مجرد مسج صرت تشك فيني! معقول!
جاد: مانو شك ماااانو شك بس بجن اذا حدا قرب منك او حاكاكي كلمة بجن
روزانا: جاد ، خطبتنا ماصرلا غير شهر وخلال هالشهر صار تالت مرة عم نتخانق ع اشيا تافهة
جاد: شو يعني
روزانا: يعني قصدي واضح ، تفكيري وتفكيرك ماعم يتطابقو ولازم نفسخ خطوبتنا
جاد: شو بكيفك الشغلة
روزانا: اي بكيفي مافيني ارمي حالي هالرمية وانا بعرف تفكيرنا ماعم يتطابق
جاد: خرسييييي ولاعد تحكي
روز: ماعد رح احكي لأن اساساً ماعد رح يكون في شي بينا لنحكي
جاد: هاد اخر حكي عندك؟
روزانا: للأسف اي ، بالاذن
دموعا خنقوها اخدت شنتايتا والتفتت لتطلع ، جاد ماتحمل انها تتركو ، راح لعندا واخدا لحضنو بسرعة وهو عم يمسح ع راسا
روز حاولت تفلت حالا وهي عم تبكي
:: خلص تركني تركنننني
جاد: مستحيل انا بحبك وماممكن اتركك
روزانا: الحب مو كلشي التوافق الفكري اهممم
جاد: هسس الحب هو كلشي
روزانا صارت تضربو ع صدرو: خلص ماعد بدي ياك ، انت شخص شكاك وبتحب الخناق كتير
جاد: اقسم بالله ماني هيك وبوثق فيكي اكتر مما بوثق بحالي ، بس بغار وحق الله بغار عليكي حتى من خيالك

روزانا: لكن ليش لتجرحني هيك
جاد بعد ومسك وشا بكفوف ايديه وحكا بهدوء
:: انا اسف انا غبي لأني عم خلي هالملاك ينزلو دموعو بسببي ، بس بغار انتي بنت كلّك اخلاق وادب وحلوة ومحجبة ، بكل صفاتك هدول اخدة قلبي لو بأيدي بحبسك جوات قلبي لحتى ماحدا يشوفك
روز: بس هيك مابصير جاد
جاد: بصير وحياتك بصير انتي حلالي هلا ومن حقي غار ع شي بيخصني وبيخص قلبي
روز: غيرتك هي عم توديك للخراب ، عم احكيلك وبررلك وماعم تصدقني
جاد: والله عم صدقك بس غيرتي عم تعميني
روزانا: وبس قلك انو بدي اتركك بتصحى ع حالك مثلاً؟
جاد حط اصبعتو ع شفايفا: هسسس هالكلمة لاعد تطلع من تمك
روزانا: بس
جاد باسا بحب وحنية ، بعد لحظات بعد عنها
:: انا كتير اسف حبيبتي بس بترجاكي ماترجعي وتعيدي هالكلمة عم تموتيني فيها ، وبوعدك صير سيطر ع غيرتي وغضبي
روزانا: بتحبني؟
جاد ضما لقلبو: وبموت فيكي كمان ، وانتي؟
روزانا: وانا بحبك كتير ومابتخيل حالي بدونك
جاد: ياويل قلبي انا ، اذا بدك استخيري الله اذا زواجنا لازم يتم ولا لا
روزانا: خايفة تبعد عني
جاد: اذا ماكنت الخير لألك فمابدي اتزوجك وشوفك عم تبكي قدامي ، استخيري حبيبتي
روزانا: مع اني استخرت كتير قبل ما اقبل فيك بس معلش برجع بستخير
لاريس: سيدرا عطيني باخد القهوة عنك
سيدرا: اوك
نقرت عالباب ودخلت
:: قهوتك جاهزة
قصي بأبتسامة: ومعها حبيبتي اووه
لاريس حطتو عالطاولة وقعدت
قصي: في شي كأنك مزعوجة
لاريس: نوعاً ما
قصي: من شو
لاريس: عم اسمع همسات بين الموظفين عني وعنك
قصي: شو عم يحكو
لاريس: انو بنحب بعض وهيك
قصي: ههههه ويحكو ليش مزعوجة انتي
لاريس: هو حكيون ما بيهمني بس الاشاعات عم تضايقني شوي
قصي: انو اشاعات
لاريس:انو عم وقعك بحبي بس كرمال اخد الحصة الاكبر من الشغل
قصي ضحك بصوت رجولي: يا الله شو بحبو البربرة هالموظفين
لاريس: توقعتك تعصب
قصي قدام وقعدم قداما: ليش قدام هالعيون بتذكر مين انا لعصب
لاريس: مجنون بربي
قصي: بس السؤال يلي عم يدور بمخي وماعم لاقيلو سؤال هو ردة فعلك قبل الحادثة ع كلام روزانا
لاريس تلاشت ابتسامتا
قصي: ماقصدي ذكرك بهداك اليوم
لاريس: من حقك تسأل وتعرف ، بس انا ماني جاهزة للزواج هلا
قصي: مافهمت ليش مانك جاهزة
لاريس: مابعرف
قصي: مانك واثقة فيني يعني؟
لاريس: امبلا
قصي: مابتحبيني؟
لاريس: طبعاً بحبك
قصي: لكن شو العائق ، اذا قلنا عمرك ف انتي هلا بعز عمر الزواج
لاريس: بعرف ، بس كل هدول مو هنن الاسباب
قصي اجا وقعد قداما: لكن شو هو ، افتحيلي قلبك
لاريس توترت كتير: لا مافي شي انسى
قصي: كيف يعني انسى
لاريس: خلصنا قصي بس صير جاهزة للزواج بخبرك
قصي: شو هالغموض كلو لاريس ، انا صديقك قبل ماكون حبيبك قوليلي شو السبب
لاريس: بترجاك خلص لا تضغط عليّ اكتر من هيك
قصي: انتي شايفة حالك وتصرفاتك كيف معي لاريس ولا لا؟ انتي بتعرفي ولا لا؟
لاريس قامت: عندي شغل بدي كملو
مشت كم خطوة قصي مسكا من ايدا ورجعا لنص المكتب
:: خلصنا بقى ، بيكفي بكل مرة بتتهربي من اسألتي بدون جواب
لاريس عم تتهرب من نظراتو: لأن ماعندي جواب
قصي: كذابة ، لأن عندك بس عم تتهربي
لاريس: لو عندي ليش لأتهرب
قصي: يمكن لأن جوابك تقيل او مانو جواب سهل
كلامو لقصي عم يضربو بنص الوجع عيونا بلشو يدمعو عم تحاول تقاوم بس عم يصعب عليها
قصي صرخ: لك لاااا تبكي لا تبكي ، بس جاوبي وبس
لاريس نزلت عيونا: شو جاوب شووو ، بترجاك تركني خلص
قصي: لا مو هالمرة لاريس ، جاوبي ليش مابدك نتزوج هلا لطالما بتحبيني
لاريس حست حالا رح تختنق فتلت حالا من بين ايديه وتوجهت لعند الشباك لتاخد هوا ، قصي راح لعندا مسك زندا بقوة وفتلا لعندو
:: احكي ولا تجننيني احكييي
لاريس انهارت بالبكي: مااافيني مافيني
قصي: لسا بتقول مافيني لسل بتقول مافينييي لك ليش مافيكي ليييش
لاريس: لأن الجواب اقسى من انو قلبك وعقلك يتحملوووه
قصي: بتحمل احكي يلا يلاااا
لاريس: لك قصي انا بنت حراام بنت اجت عن طريق الحراااام ، هاد هو جوابي ع كل اسالتك
هو اكل صدمة عمرو ترك ايدا وهو مو مصدق يلي سمعو ، نظرات عيونو لحالا فية تعبر عن مدى صدمتو
بعد عنها خطوة خطوة لورا ، هي قعدت عالارض غطت وجها وبكيت بكل مافيها
قصي: ليش خبيتي عني هيك حقيقة
لاريس: حاولت خبرك ماقدرت
قصي: ليش ماقدرتي؟ كرمال انانيتك؟ كرمال تشوفيني مكسور قدامك متل روحك يلي مكسورة من حقيقتك
كلامو كان كافي ليذلا
:: ما قلتلك بسبب ردة فعلك هي ، كنت عرفانة متلك متل الكل رح تزتني لما تعرف حقيقتي
قصي: ماتوقعتك هيك ابداً انانيتك لوين وصلتك ووصلتني ، الجرح يلي سببتيلي ياه ماممكن انساه طول عمري
عطاها ظهرو: لاريس طلعي من هون طلعي ولاعد تفرجيني خلقتك ابداً

لاريس: قصي عنجد بدك تتركني
قصي: لكن بدك اتزوج بنت... (وغص بكلامو) لاريس اطلعي بسرعةة احسن ما اغلط فيكي
لاريس ما حست غير بأيدين عن يهزوها فاقت من الكابوس يلي تخيلتو ، كان قصي قاعد ع ركبتو قداما ومبين عليه ادي خايف
:: حبيبتي انا اسف ماكنت بعرف اذا ذكرتك بهداك اليوم رح يصير فيكي هيك
لاريس عم تطلع فيه نظرات غريبة
بقلبا: كان كابوس ، كنت عم اتخيل مو اكتر قصي ما بيتركني مابيعملا
قصي قام وضم راسا لقلبو: لا تخوفيني عليكي هيك بترجاكي
لاريس: شو هو السبب يلي ممكن يخليك تتركني
قصي: ولاسبب مافي سبب ممكن يخليني اتركك
لاريس: بتوعدني
قصي: بوعدك يانفسي انتي بوعدك
لاريس: ممكن تضمني بقوة ، انا بحاجتك هلا
قصي وقفا وضما لقلبو بهداوة ومسح ع راسا
لاريس: انا بحبك
قصي: عيديها
لاريس غمضت عيونا وهي غرقانة بريحتو: انا بعشقك
قصي: انا مافي كلام بيوصف مشاعري لألك
لاريس: دقات قلبك عم تخبرني يلي لسانك ماعم يقدر يقولو
قصي: ههههه عنجد
لاريس: امممم
بقلبا: في انسان بيحصل ع هيك حب وبيضيعو من ايدو؟ اكيد لا ، الامان والراحة والملجأ كلون انت بالنسبة لألي قصي
:: انا قبلانة نتزوج
قصي طالعا من حضنو واتطلع فيها وفرحتو مو واسعتو
:: شو شو قلتي
لاريس بأبتسامة: موافقة نتزوج
قصي: يااا الله ادي فرحتيني
لاريس: بس مو هلا خلي كلشي ياخد مجراه لحالو
قصي: وانا موافق المهم قبلتي ، وما نعمل الخطبة هلا؟
لاريس: لا حبي بحب كلشي يكون ع مهل
قصي باس جبينا: لو تعرفي ادي فرحتيني
:: شو رأيك بعزيمة عالعشى الليلة ونعزم جاد وروز
لاريس: موافقة
"أرْمي بنَفسي في قاع الجحيم وأنا على درايةٌ تامة بإنَ روحي سَتحترق وتتقطع إِرباً . . لكنّهُ الحُب"
بسهرة المسا ، بتلبس فستان من الصوف الخفيف طويل وعليه كنزة تانية صوف فضفاضة ، بتعمل شعرا فير مع مسكرة وحمرة
وبتطلع لتلاقي قصي عم يستناها جنب سيارتو ، بتتقدم منو
:: من ايمت انت هون
قصي اكلا بعينو وهو عم يتطلع ع جمالا وجسما
:: لشو كل هالجمال ولي
لاريس هي اول مرة بتشوفو بدون طقم رسمي ، لابس كنزة صوف مختلصة بين الابيض والرمادي بقبة واسعة وعضلاتو بارزة فيها ، وجينز غامق
:: وانت مغير اللوك
قصي: مو حلو؟
لاريس: ماعد حابة نروح عالمطعم
قصي: بتغاري؟
لاريس: مو من حقي؟
قصي: اممم
لاريس تقدمت منو: شو
قصي داب بنظراتا: موافق ، خلينا نضل لحالنا لأشبع من هالنظرات وهالابتسامة
لاريس ضربتو بخفة ع كتفو: يخرب بيت سنتك شو انك خفيف
قصي طرقا ضحكة رجولية وهي ابتسمت
:: في وحدة بتقول هيك لحبيبا ولي مجنونة
لاريس: اي مين قلك انا متل غيري
قصي: لك يخرب بيت جمالك ها
لاريس بحلقت عيونا: جمالي مدمرك ما
قصي: هههههههه ليش هيك عملتي عيونك
لاريس: ردة فعل هههه
قصي راح فتحلا الباب: تفضلي
لاريس تقدمت لتركب
:: وقفي شوي خليني شم ريحتك
لاريس فتلت راسا كان كتير قريب منها نظرات العيون كان عالم تاني ، اتطلعت بكل معالم وجهو بأبتسامة وركبت ، سكر الباب وهو ركب محلو وساق
وصلو عالمطعم وصادفو جية روز وجاد بنفس اللحظة ، كانو كمان كتير انيقين بتيابون
سلمو ع بعض ودخلو
اول لحظات مرقو بصمت ، طلبو الاكل
جاد: بصراحة فرحتلك قصي ، عقبال مانفرح بعرسكون
قصي مسك ايد لاريس: إن شاءالله قريباً
روزانا: يعني قررتو
لاريس: قررنا عالمدى البعيد
روزانا: بتتذكري اول مرة التقينا كيف كانت وهلا نحن عم نحكي بموضوع زواجك من اخي
لاريس: هههه طبعاً
جاد: كيف كانت
قصي: خدا نصيحة مني ، موبايلك لا تخليه مع روز بالمرة بس تتسوقو
جاد: شو دخل
روز: هيهييي علينا شو عملنا فتحنا هالموضوع
لاريس: غيرولنا السيرة ، ايمت عرسكون
روزانا: بس اتخرج ، بقالي بس هالسنة اختصاصية تخدير
لاريس لاحظت ع قصي تغيرت ملامحو وهو عم يتطلع قدامو ، كانت صبية عم تطلع فيه ، حست بنار شعلت جواتا لأن توقعت هالبنت مين تكون
:: مين هي
قصي: مين؟
لاريس: قصي جاوب هي سالي؟
قصي: انسيها حبي
لاريس: ليش لكن تأثرت بشوفتا
قصي: بالعكس والله بوجودك ولا حتى بغيابك مافيني اتطلع ع بنت غيرك
لاريس قامت: حبيبي ممكن تجي نتمشى شوي
قصي: اكيد
بتمشي حدو وهي عم تتغنج فيه وهو عم يتماشا معا وسالي عم تطلع ، تقصدت لاريس تلوي كاحلها وقصي مسكا
لاريس: تمسك فيني منيح حبيبي حاكم بلاك عم اوقع
قصي كاتم ضحكتو: ماتخافي حبيبتي
طلعو لبرات المطعم
لاريس: الجو حوا بيخنق الواحد
قصي: اممم الجو ومو الناس الموجودة؟
لاريس: اي نعم من الناس ، المهم انت بتدخن شي؟
قصي بصدمة: بتدخني انتي؟
لاريس: اي
قصي: شووو
لاريس: بمزح بمزح وانت؟
قصي: لا الله ماحببني بهيك شغلات
لاريس: جاية عبالي دخن
قصي: سكريلي تمك اي
لاريس: وحدة ما بتأثر
قصي: لاريسسس

لاريس: طيب اركيلة
قصي: لاريس اقسم بربي اذا بسمع قربتي من هالشغلات لطربق الدنيا فوق راسك فهمتي
لاريس: طيب خلص ماشي ، طيب بدي بوظة
قصي: هلا بنفوت لجوا وبنطلب
لاريس: لا بدي اكلو معك هلا بهالبرد
قصي: لا حول ولا
مسك ايدا وراحو عالماركيت كان قريب من المعطم لهيك راحو مشي فاتو اشترو بوظة وطلعو
جاد: وينك طولتي
روزانا: انا وصبية حكينا بالحمام واخدنا الحكي
جاد: من ناحية بكره اجتماعيتك هي
روز: كيف ماكان بتضلا احسن من الانطوائية
جاد: طيب لاعد تغيبي عني هيك بشتقلك
روزانا: هههه روميو كمان ماكان متلك
جاد: شو بس روميو بيعرف يحب
روزانا: يقبرني انا
جاد: وينون اخوكي ولاريس طولو
روزانا: لاريس شافت سالي حبيبتو السابقة هون وانزعجت وطلعت
جاد: شو اذا لقيتي حبيبتي السابقة هون
روزانا: ليش كان في عندك؟
جاد: في شب ماعندو سوابق مع البنات!
روزانا: شايف عالسكين يلي بأيدي
جاد: هلا هي غيرتك؟
روزانا: لان نابعرف غار واذا غرت بقتل
جاد: ياباطل
روزانا: مانك مصدق
جاد: امبلا والله
قصي: وهي خلصنا البوظة شي تاني؟
لاريس: لحظة ضل شوي وبخلص
قصي: هاتي لساعدك
لاريس بعدت ايدا: لا مافي داعي بحب طعم الفستق
قصي: ههههه طماعة
لاريس: خراس
قصي: شو تفضلتي؟
لاريس: قلت تعى خلصو معي ليش شو سمعت انت
قصي: اي هاتي لكن
قرب منها ومسك ايدا ونزل راسو اكل لقمة منها وتلذذ: امممه طعمتا غير شكل لأن شفايفك لمسوها
لاريس احمرو خدودا ، رفع راسو شوي ومن رقبتا بين انها كاتمة انفاسا ، غمض عينو بعد عنها شوي قبل ما يتهور
كمل كلامو: ارجعي حطي شفايفك عليها لأرجع دوقون
لاريس ضربتو ع كتفو: شو انك ما بتستحي عنجد
قصي ضحك بقوة: شو بحب خجلك المختلط بقوتك يابنت
لاريس ابتسمت واكلت من البوظة ، خلصت ودخلو لجوا
لاريس: روزانا شبك؟ صايرلك شي
لاريس: لا ابداً
قصي: لكن ليش هيك قالبة خلقتك
جاد: هههههههه كنت عم العب بأعصابا مو اكتر ، بعدين وين رحتو يازلمة ع شوي كنت رح قوم دور عليكون
قصي: كنا عم نتمشى شوي
لاريس دورت بعيونا ع سالي مالقتا هون ارتاحت
جاد: طيب لنطلب اكل
طلبو اكل ، لاريس انفا رح ينزف فوراً شالت محرمة
:: شوي وبرجع
قصي: انفك عم ينزف؟
روزانا: اقعد قصي رح قوم الحقا
خمس دقايق ورجعو
قصي بقلق وقف: طمنيني
لاريس: ماعد عم يطول متل الاول لا تخاف
قصي سحب الكرسي: تعي اقعدي
لاريس: انا كتير محرجة منكون ياجماعة
جاد: لا عادي المهم تكوني منيحة
قصي مسك ايدا وابتسملا: خلص انسي
تاني نهار ، قاعدة لاريس عم تفطر ببدلة النوم ، بتجيها رسالة بتقتحو بيكون قصي
:: مشتقلك مافيني شوفك اليوم؟
لاريس ابتسمت: لا
قصي: صرت اكره يوم الجمعة
لاريس: ههههه مجنون ، ماتحكي هيك الجمعة مباركة
قصي: الله يبارك علينا لكن
لاريس: طيب احط عن سمايي بدي اعرف افطر
قصي ضحك من قلبو: لك ردودك بدها تقتلني
دخلك ايمت رح يجي هاليوم يلي رح نفطر فيه بغرفتنا
لاريس: مابعرف
قصي: الجو حلو اليوم شو رأيك نروح جولة عالأحصنة! بتحبيهون؟
لاريس: عندك خيل؟
قصي: اي
لاريس: ليش ماكنت تقلي ، بعتلي العنوان لأجي
قصي: انا بجي باخدك
لاريس: بفضل اجي لحالي
قصي بعتلا الغنوان س
سناء: خلصتي حكي؟
لاريس: عفواً!
سناء: عندي خبر بدي خبرك ياه
لاريس: خير إن شاءالله
سناء: انا بكرى مسافرة عالأمارات لعندي اختي شي شهر ، وماخبرتك غير لفرحك شوي
لاريس: تمام ابقي سلمي عليهون
بتقوم بتتحمم وبتطالع تيتب تكون خرج لركوب للخيول (لفو الصورة) بتترك شعرا مفرود ومسبول بتحط مسكرة واحمر شفاه احمر وبتطلع
قصي: كيفك تحسينو
تحسين: ياهلااا وينك يازلمة ماعد شفناك
قصي: مشاغل الدنيا
تحسين: مشاغل الدنيا بتخليك تنسى جبل (الخيل)
قصي: وينو ماعم شوفو
تحسين: بمخدعو تعى لنطالعو
توجهو واول ماشاف قصي صار ينط ويطالع اصوات
قصي قرب وحط ايدو ع راسو: مشتقلي؟ وانا كمان مشتقلك كتير
تحسين: بتحب جهزلك ياه
قصي: اي ياريت
تحسين: تكرم
بيحهزلوه ياه وقصي ركبو ومسح بأيدو ع راسو
:: يلا فرجينا همتك بعد كل هالغيبة يلاااا
صار الخيل يركض ، وقصي ماسك الحزام بايد وحدة
لسا عيك ولاريس بتصل بتصف سيارتا وبتشوف قصي عالخيل
سرحت فيه وابتسمت ، مو معقول ادي عاطيتو كاريزما هالحصان ، بنظاراتو بملامحو وشخصيتو وطريقة ركوبو للخيل
وكيف الهوا عم تداعب شعراتو (لفو الصورة) هالشي اخدلا قلبا نزلت من السيارة وحطت نظاراتا
قصي شافا وقال بصوت عالي
:: تحسين افتح الباب للخيل
فتحو وهو توجه لعند لاريس وهو عالخيل
#يتبع

#هلاك_العشق
#الجزء_التامن
لاريس كانت مرتكية عالسيارة من ورا ، هو بس وصل لعندا مد ايدو
:: هاتي ايدك
لاريس ابتسمت وحطت ايدا بأيدو ، ورفعا وقعدا قدامو
لاريس: هههه حركة حلوة
قصي بأيد كان ماسك الحزام وبالايد التانية فتل وشا لعندو وشلح نظاراتا
:: لا تخبي هالعيون ورا هالنظارات ، مشتقلون وبدي شوفون
لاريس مستمتعة بنبرة صوتو الجذابة وهو قريب منها
:: بالمناسبة الخيل ما ألو اسم!
قصي: جبل اسمو جبل
لاريس حطت مسحت بأيدا ع راس الخيل: اسم ع مسمى ماشاءالله كتير ضخم ولونو الاسود عاطيتو حقو من اسمو
قصي: اي لااا هيك مابصير بدك تخليني غار من الخيل انا ماتغزلتي فيني هيك
لاريس: ليك قصي انا بحياتي كلها ماتخالطت غير مع رجالين ، الاول ابي والتاني هو انت ، والحكيات الرومنسية ماكتير شاطرة فيهون
قصي: ايواه ، والمعنى؟
لاريس: يعني لا تقعد تتخيل ....
فجأة جبل صار يترنح من مكانو ، لاريس ماكانت متمسكة منيح وع شوي كانت رح توقع
قصي مد ايدو ع خصرا ومسك فيها ، وهي تمسكت بكتافو
وبنبرتو الحادة صار يحاكي الخيل
:: جبلللل اهدى شو صرلك
لاريس: ليك هنيك في افعى
قصي: توقعت حركتو مو عن عبث
ركل الخيل برجلو شوي وهو ماسك لاريس ، الحصان مشي لوصل ع باب المزرعة
بصوت قوي نادا: يا تحسييين تعى لهون
لاريس بحركة عفوية حطت ايدا ع اذنها
قصي: صوتي زعجك؟
لاريس: لا بس انطرشت
تحسين: في شي قصي بيك
قصي: من ايمتى مارشيت السم حولين المزرعة
تحسين: كل اسبوع مرة برشو ، ليش في شي
قصي: لقينا افعى قريب من هديك السيارة
تحسين: طيب ماتاكل هم
راحو لبعيد وتحسين عم يحاكي حالو
:: غريب! مو بالعادة يجيب حدا يشوف جبل وما بحياتو خلا حدا غيرو يركبو ، ايه الله يسمعنا الاخبار الطيبة عن قريب
الخيل عم يركض بأنحاء المزرعة وشعرات لاريس عم يتطايرو لورا لتختلط ريحة شعراتا بالهوا وهنن عم يدخلو لأحشاء اوردة قصي
هي مبسوطة وهو نظراتو مثبتة عليها
لتحس بريحة انفاسو الساخنة قريب من رقبتا ، قشعر بدنا وابتسامتا تلاشت شوي شوي بسبب نبضات قلبا يلي سيطرو ع كيانا
قصي ماعم يقاوم رقتا وانوثتا وجمالا ، نزل راسو وشم ريحة رقبتا
لاريس دابت من خجلا وبعدت راسا شوي: قصي
قصي: همم
لاريس: معليس بدي انزل
قصي تنهد من جواتو ليكتم نبضاتو: ليش ، مليتي يعني
لاريس: لا ، بس..
قصي: خايفة مني قربي؟
لاريس: خايفة من مشاعرك
قصي: مستحيل اخذلك ، مانك واثقة فيني
لاريس: امبلا واثقة ، بس المشاعر ما بتعرف بأي لحظة بتنجرف ، طيب مافي خيل تاني!
قصي: لشو!
لاريس: كرمال نتسابق
قصي مشي بالخيل لعند مخادع الاحصنة
نزل ومسكا من خصرا ونزلا لتحت ، شلخ نظارتو لتشوف عيونو السود برموشو الطوال
هي شدت ع قبضة ايدا بتوتر ومشيت قدامو
قصي: انو واحد بتحبي تركبي
لاريس: لمين كل هدول
قصي: كلها النا ، انتي اختاري وما عليكي
لاريس: امممم هاد الابيض
قصي راح بنفسو طالعو وجاب الاحزمة وجهزلا ياه ، ولاريس عم تراقبو كيف عم يروض الخيل ويحاول يجهزو
خلص وقربت هي ومدت ايدا ، الخيل بالاول ترنح بس ضلت تمسح بأيدا ع راسو
كل حدا منون ركب عالخيل ومشيو لنص ساحة السباق ، وصارو يتسابقو ، لاريس فتحت ايديها وهي مبتسمة والهوا عم يداعب شعرا
قصي: لك رح توقعي ما تعملي هيك
لاريس: ما تخاف منتبهة
بقيو لفترة وهنن عالخيول
قصي وهو عم يتنفس بسرعة: ماتوقعتك بكل هالمهارة
لاريس: كيف شفتني
قصي: دمار ركوبك كان دماار
لاريس: هههه
.
قصي: ما بتعرفي بالرومنسية لكن
لاريس: لا
قصي: خليني علمك
لاريس: لا شكراً مابدي اتخرج
قصي: يعني ضامنة تخرجك!
لاريس: انت فايت بكذا علاقة وصاير معلم بالشغلة مو حيلا
قصي: قصدك علاقات عابرة
لاريس: شو ماكانو
قصي: مابتنزعجي من هالكلام؟
لاريس: امبلا طبعاً ، بس هاد ماضيك وابداً مو حاضرك او مستقبلك لأتخانق واتمشكل معك ، إلا اذا ماكنت عم تمثل عليّ
قصي: تمثيلية شو الله يرضى عليكي
لاريس: ههههه عم امزح معك بس من كل عقلك مفكر لو بعرف انو حبك مو صادق كنت قبلت فيك!
قصي: يمكن هالحب اكتر شي صادق مرق عليّ
يلا خلينا نرجع عبيت المزرعة مانك جوعانة
لاريس: امبلا
.
قاعدين عم ياكلو جوا بالصالة
.
قصي: غريب! هي اول مرة بتحكيلي ياها
لاريس: اي حط حالك محلي ، فيك تقضي ع شغل احلامك بس كرمال واقعك!
قصي: للأسف انا هيك عملت
لاريس:عم تمزح صح!
قصي: ابي طلب مني غبر الاختصاص يلي بدي ياه كرمال الشركة
لاريس: ع انو اهتصاص كنت ناوي
قصي: طيار ، انقهرت كتير بالاول بس بعدين تقبلت واقعي
لاريس: عسى أن تكرهوا شيئاً وهو خيرٌ اكم
قصي: حاسس ما تلقيت الخير من هالشركة غير لما اشتغلتي عنا ، انتي الخير يلي الله كاتبو من نصيبي
لاريس: شو اذا كنت الشر!