وائل: ان شالله الموت لااعدائك ، خلص كرمالي
جنى:......
وائل: قومي معي حاجتك بقا لازم تنامي
جنى: مو قدرانة
وائل: مو ع كيفك يلا تعي
اخدها على تختها
وغطاها وقعد جمبها
لحتى نامت ،
طفالا الضو وضل قاعد جمبها للصبح
____
الصبح
كانت ميرا قاعدة بغرفتها وعم تبكي
اندق باب غرفتها
مسحت دموعها وقالت : تفضل
دخل لعندها بلال وكان هو التاني مو منيح
ميرا: هاد انت
بلال: اي انا
قرب لعندها ولاحظ انو عيونها مورمين من البكي
بلال: ليش بكيانة !؟ حدا حاكي معك شي ؟
ميرا: لا😖
بلال:شبك لكن
ميرا: عجبك يعني يلي عملو اخوك بجنى
بلال(بحزن): اكيد لا ،
ميرا: كيف اجا من قلبو ،لا وكلو كوم والحكي الي حكاه عليها كوم ،، لك ليش ليش. والله جنى مابتستاهل ،
بلال: ماعم اقدر اتخيل انو هاد يلي مبارح خرب الدنيا بيكون اخي قصي،
ميرا: لك مابخاف يجي حدا يحكي عليي متل ماحكا ع جنى
بلال: هاد اخوكي جانن ،
ميرا: الله يسامحو نزع علاقتنا ببيت عمنا هلق بيكرهونا
بلال: لا اطمني. مارح يكرهونا نحن شو دخلنا
ميرا: كيف شو دخلنا نحن اخواتو
بلال: حتى لو ، نحن مادخلنا ب يلي عملو
ميرا: ياترا وين بيكون هلق
بلال: خايفة عليه؟
ميرا: لك كيف ماخاف عليه هاد اخي بيضل
بلال:،معلش لاتخافي ،قصي مانو صغير وبيدبر حالو
قامت من مكانها
ومشيت بخطوات بطيئة
ميرا: انا رايحة شوف جنى ،
بلال: ستني رايح معك
_____
بغرفة زيد
وائل: مابدك تروح تشوف اختك
زيد: انا لساتني معصب وهي مو ناقصها وهلق بس شافتني رح تبلش ،ف خليها لتهدا احسن
وائل: اي قوم بلا مياعة بتلاقيها حلوة منك ،
زيد: مابدي
وائل: زيد مابعرفك قاسي ، قوم الله يرضا عليك
زيد: ترا ازا حكت شي بيزعج مارح اسكت ها. عقلي وبتعرفو
وائل: اي بعرفك بهيم 🙂
مسكو من ادنو وشدو بقوة
زيد: كم مرة قلتلك لاتطول لسانك ولاه
وائل: بدي طولو مادخلك، قوم شوف اختك يابلا احساس
زيد: خلص رايح ،لاتتغالظ من الصبح مالي ناقصك
وائل: هلق روح
زيد: لك خلص بروح نضب
وائل: ايوا هيك بدي ياك
زيد: لك يخرب بيتك ممشيني ع كيفك ،وانا الي ماحدا بمشيني ع كيفو
وائل: بس انا بمشيك😂😌
زيد: اي لانو ع راسك ريشة ياحقير 😒 انا بفرجيك ، ازا مابضبك
وائل:اي حاج علاك قوم عند اختك يلا
زيد: خلص رح روح صرعتني
وائل: يلا قوم قدامي
وقف قدامو ومدلو ايدو
وائل: يلا هات ايدك
زيد: هففف لك خلص بروح لحالي
وائل: بدك تروح معي وهالدقيقة
زيد(بعصبية): طيب طيب لك الله ياخدك ان شالله
وقام من محلو
وائل: والقايل حبيبي لان مابقدر بلاك
زيد: لاماناقصني حتى بالقبر لتاخدني معك
وائل: طبعا طبعا بدي ضل كابس ع نفسك بالحياة وبالممات😁
زيد: اي تلملم بلا مااكبسك قتلة ،هلق
وائل: 😂
_____
كانت جنى بغرفتها
رن تلفونها
قرأت اسم الاستاذ حسام
فتحت الخط
حسام: كيفك جنى
جنى: اهلين استاذ
حسام: تمام ، طمنيني عنك ،مبارح مااجيتي عالشغل ،نشغل بالي
جنى: سامحني استاذ هالفترة مابقدر اجي تعبانة كتير، مارح اقدر اشتغل وحتى لو شتغلت مارح يطلع شغل حلو
حسام: ولايهمك ، انتي بس رتاحي ، وان شالله عمرو الشغل
جنى:يكتر، خيرك استاذ ، اقل شي بس هالاسبوع ، لبين ماارتاح شوي
حسام: خدي راحتك ،بس حطي ببالك ، بس تخلصي استراحتك بدك تقعدي معي وتفهميني كل شي ، ماشي؟
جنى: ماشي ان شالله
حسام: طيب سلام نتبهي عحالك، واي شي بتحتاجيه انا جاهز
جنى: شكرا الك استاذ مابدي غير سلامتك
حسام: باي
جنى: باي ،
وسكرت الخط وبعدها ندق باب غرفتها
جنى: تفضل
دخلو زيد ووائل لعندها
واول ماشافت زيد حطت راسها بالارض
قرب زيد لعندها وقعد جمبها

زيد: بعرف انك زعلانة مني ،بس انا والله مالي ذنب بشي، انا كان قصدي خير لما خبيت عنك ، يااختي ياروحي انتي ، انا بعرف قديش بتحبيه لهداك الكلب ، فكرت انو شورح يصير فيكي ، ازا عرفتي ، ماكنت بعرف انو رح يصير هيك وتكشفيه لحالك ، وليكك هلق كشفتيه انتي ،شوفي شو عملتي بحالك ،
جنى: ....
زيد: هلق هيك يعني بدك تضلي ساكتة وماعم تحكي معي ،
اطلع بوائل وغمزو انو يحكي
وائل: خلصنا بقا جنى ،زيد شو دخلو لتزعلي منو
جنى: دخلو انو خبا عليي
زيد(وهو عم يحاول يمسك اعصابو): جنى حبيبتي روحي عيوني ، كم مرة بدي عدلك ليش ماحكيت ، لك قلت لحالي بحكي معو بيني وبينو بلكي بيفهم حكي ، بس ماصرلي ،شو كفرت.
جنى: اي كفرت
زيد: اي طيب الي بيكفر الله بيسامحو ،وانتي مابتسامحي ، لك شبك جنى حاسس حالي عدوك مو اخوكي ، خلصنا بقا فرطيا انا اسف وحقك ع راسي
جنى: مابدي
زيد: هلق هيك ، وبيهون عليكي ازعل 😒🙁
جنى: اي بيهون متل ماهان عليك تشوف اختك عم ينضحك عليها

زيد: لا اله الا الله ، وائل حكيلك كلمة احسن مايطلع خلقي عليك وعليها ها
وائل: جنى شبك ولو مابعرفك هيك ،اخوكي عم يعتزر منك
جنى: وانا مابدي اقبل
وائل: لا بدك تقبلي ، مو عكيفك
جنى: لا ع كيفي ،خلص تركوني بحالي انت وياه.
زيد: هلق هيك يا جنى ،كل هالقد انا هين عندك ،الله يسامحك بس
جنى: روح من وجهي
قرب لعندها واخدها لحضنو بحنية
زيد: طيب خلص ولو. ،ماني رايح لحتى تسامحيني منيح هيك
جنى: مابدي
زيد: لا بدك ،موانا اخوكي الكبير ،والي بضل بدللك وبضحكك كتير 😏🙁
جنى: حل عني
زيد: قوليلي سامحتك بحل عنك
وائل: خلصينا بقا جنى بضربك ها
جنى: اي ضروب
وائل: لا حبيبة قلبي انتي مابضربك ، بس فرطيا بقا
زيد: انا اسف والله ماعاد خبي شي عنك ،بس خلص بقا فضيها سيرة
جنى: ....
زيد: قوليلي سامحتك
جنى: خلص الله يسامحك
زيد: من قلبك قطتي ،
جنى: من قلبي
زيد: حلفي انو من قلبك
جنى: ييي علينا قلتلك من قلبي خلص مسامح
زيد: يعني مو من ضفرك 😂😂
جنى(بعصبية): زيد شايف ناقصني زناخة 😔حل عني
زيد: لك والله انا بدي ضحكك ضحكي ولو والله مابيستاهل تبكي مشانو
جنى: ماني عم ابكي مشان حدا ، عم ابكي على حالي
زيد: لاتبكي كرمال شي انتي مابيلبقلك الزعل ، لك اطلعي ع وجهك كيف صار ، مو حرام هالعيون الحلوين يبكو
جنى: 😔مو باايدي
زيد: لااباايدك وبدك تنسيه لهداك الجحش يخرب بيتو كيف كنتي متحملتيه
وائل: متل ما رشا متحملة زناختك😂😂
زيد:😏 ع فكرة بايخ
وائل: مو ابيخ منك
زيد: على اساس انت انظم ياابن تهاني ، لنشوف بكرا مين رح يتحملك ، يانسونجي 😒
وائل:😌 لاتخاف بتتحملني ، ياابن عاصم
زيد: اي بكرا منشوف
وائل: اي ستنا وشوف سردين بيك
زيد: كون سردين احسن ماكون منسون ، مامخلي بنت من شري ، لعما ضربك في رقم بنت بالكرة الارضية مو معك
وائل: وانت ليش غيران سردين😏
زيد: انا غيران اعوذ بالله من شو بدي غار ، عندي رشا بكل البنات
وائل: اي فهمنا انك وفي متل ال .... ،ولا مابدي احكي عيب بتضل اكبر مني
زيد: اه يامحترم 😏 ماعرفتك ،
وائل: 😒 سردين
زيد: منسون
وائل:سردين
زيد: منسون
كانت عم تتطلع فيهن كيف عم يتناقرو متل الولاد
نست وجعها وصارت تضحك عليهن
اطلعو عليها ، وفرحو لما شافو ضحكتا
زيد: اي ها شفتي مااحلاها ضحكتك يقبرني الي خلقك
وائل: لك احلا جوجو بكل الدنيا
جنى: لك غصب عني ضحكتوني،مابتوفرو ولا وقت حتى تتناقرو ،
زيد: اي ولو اصلا نحن كنا عم نعمل هيك مشان نضحكك
جنى: محتالين
وائل: شباب انا جوعان شو رايكن تستحو ع حالكن ، تعزموني ع شاورما
زيد: شاورما من الصبح!
وائل: صبح شو الساعة ١٢ الضهر
زيد: بالله وليش ماانت تعزمنا
وائل: طيب خلص انا عازمكن بس قومو ميت جوع
زيد: تضرب شو بتحب بطنك
وائل: خلصوني
جنى: مابدي روح انا روحو لحالكن
زيد: ازا انتي مارحتي انا مابروح
جنى(بعصبية): خلص ولو شايفيني الي نفس لشي ،
زيد: منفتحلك نفسك لاتعندي ها بلا مااكبسك كف
وائل: يلا جوجو بلا عناد ، ازا مارحتي انا مارح اكل اليوم ابدا
جنى: اي لاتاكل تسطفل
وائل: وبيهون عليكي ضل جوعان😥
جنى: ماحدا عم يقلك لاتاكل
زيد: يخرب بيتك 😳 ماعندك جنس الحنية،بدك تتركيه بلا اكل بس مشان ماتروحي
وائل: جنى قومي بلا غلاظة
جنى: يالله مابدي 😠😔
زيد: يلا بقا حاج دلال ،
وائل: نحن هلق طالعين ، ومعك عشر دقايق تجهزي حالك. وازا مابتنزلي بتروحي معنا بديني يا جنى ماعاد حاكيكي🙂
جنى(بملل): طيب خلص حاضر رح جهز حالي غيرو 😥
وائل: عم نستناكي لاتتاخري
طلعو من عندها وهي قامت
لتجهز حالها
غصب عنها اطلعت ع حالها عالمراية، كان وجها كتير شاحب وعيونا مورمين من البكي
للحظة حست بالشفقة عحالها ، قديش تغيرت بهاليومين. كيف كانت وكيف صارت
لبست تيابها وحطت شوية مكياج
ونزلت مع اخواتها
يلي كانو كل الوقت عم يحاولو ينسوها يلي صار والصدمة يلي اكلتها ، بس ماكان في شي عم ينفعها
مو بالسهولة رح تقدر تنسى الي صار ،
______
بالقصر
كان بلال واقف قدام غرفة امو
وماعم يتجرأ يدخل
دق الباب وايديه عم يرجفو
سمحتلو بالدخول
ولما دخل
وشافتو
دارت وجها عنو
علا: شو بدك
بلال: امي انا اسف ، بس
انتفضت من محلها ووقفت قدامو
تصرخ فيه
علا: بس شوو ولاك شو ،لك لعما مااوقحك ، لك عم تشهد ضد اخوك ، لك انت مابتستحي !؟
بلال: امي انا شهدت مع الحق ، جنى بنت عمي ، والحكي الي حكاه ابنك عليها والله مابينحمل ، حطي حالك محل اهلها ، يجي حدا ويتهم بنتك هيك تهمة ، شو بتعملي؟
علا: لك شو ماكان يكون مابصير تصف معهن ، ياواطي
بلال: لك كيف ماصف معهن ، بالله جنى شو بتفرق عن اختي ميرا ، مو التنتين عرضي وشرفي ،بدك اسمع ابنك عم يحكي شروي غروي عنا ، وضل ساكت ، اي لاماما مستحيل ، انا الي مابرضاه لااختي كمان مابرضاه لبنت عمي

علا: لك بسببك اخوك تقلع ، لو ضليت ساكت ماكان صار هيك ،
بلال: تقلع بسبب غبائو ، وحقارتو
رفعت ايدو وضربتو كف
واطلعت فيه وكأنها بدها تاكلو بسنانها
علا: تاني مرة مابتحكي عااخوك هيك ، بلا ماقص لسانك
بلال: عم تضربيني ؟؟
علا: لك وبكسر راسك ولاه
بلال: اي ماشي ،مارح احكي معك شي لانك امي وبتموني ، خليكي واقفة بصف ابنك ، لشوف شو رح ينفعك
علا: انقلع من وجهي ولاه ،
بلال: اي رح انقلع ،
طلع من عندها وهو معصب ومقهور،
وسكر الباب بقوة،
علا: الله يلعنك قليل ترباي ،
لكن ولاد السيد عاصم ، ممشينو ع كيفهن ،اي بس شو عليه ،والله لربيكن كلكن ،ياكلاب ..
--------------------+
يتبع.....

تكملة البارت ٤
بغير مكان
وائل: شو وينك صرلك كم يوم غايبة
غريس: والله كنت مريضة ،لهيك ماقدرت اطلع من البيت
وائل: قلتلك 😒 رح تمرضي
غريس: اي ولو المهم عملت الشي الي بحبو
وائل: طيب وكيف صرتي هلق
غريس: لا الحمدلله احسن
وائل: الحمدلله ع سلامتك
غريس: الله يسلمك مسيو وائل
وائل: 😳 كانك نسيتي شي
غريس(مستغربة): شو؟؟
وائل: شوقلتي اخر شي عيدي؟
غريس : الله يسلمك مسيو وائل 🙄
وائل: اي اي هون نسيتي شغلة ،مستحيل ماتقوليا ،
انتبهت انها ماحكت كنيتو
وفرطت ضحك
غريس: 😂😂 اي اي فهمت عليك
وائل: غريبة هالمرة ماحكيتي اسمي كامل😂
غريس: حبيت اختصر وائل نصر الدين😂
وائل: رجعنا😒
غريس: طب حيرتني ولو😂😂
وائل: وائل حاف احلا منك
غريس: امرك وائل حاف😀
وائل: هههه يابنت مالك حلة انتي
غريس: طيب هلق بالله بالله ،احكي الصراحة
وائل: شو
غريس(بمزح): هالجنينة هي بلاي مو حلوة ما
اطلع فيها بطريقة غريبة ،وتلبك وفات ببعضه
وهي نتبهت عليه
غريس: شبك🙄 ،
وائل: اي الصراحة مو حلوة 😊
غريس: عنجد؟
وائل: اي والله يابطة الك فقدة ،
غريس: حتى تعرف 😌 اني حبابة وطيوبة ومافي مني ، وبدخل عالقلب بسرعة
اطلع فيها بمحبة وقرصها من خدودها
وائل : هههه لك يخليلي البطات لااجلك
غريس(بنرفزة): اي وجعتني 😖
وائل: اسف 🙂😂
وفجأة مرقت من جمبهن بنت
لما شافت وائل اجت لعندو
مجهولة: .مرحبا بيبي
وائل(متلبك: ياهلا
مجهولة ؛ كيفك شو اخبارك ياعمري
وائل: انا تمام منيح😐
مجهولة: ليش ماعدت شفتك شو كانك نسيتني
وائل: لاوالله بس هالفترة مشغول شوي

اجت قعد جمبو وحطت ايدها ع كتفو
وكانت غريس عم تتطلع فيهن ومستغربة
البنت كانت عيونو ماعم تشيلا عنو
بس هو كان كل همو تحل عنو وتروح ، وكانت عيونو ع غريس
قعدت شوي الصبية
بعدين قامت باستو وودعتو وراحت ،
وغريس عم تتطلع عليها بنظرة استفهام
غريس: يعني انت طول مانك قاعد ! وحدة رايحة وحدة جاية! كم بنت بتعرف يازلمة 🙂🙄
وائل(متلبك): لامو كتير🙃
غريس: مو كتير ، اي الكرة الارضية كلها بتعرفك ،
وائل: اي شبعرفني الله خالقني محبوب شو اعمل
غريس: ومين هي الي هلق اجت
وائل: زميلة قديمة
غريس: زميلة قديمة 😂😂 وكانت بدها تقعد بحضنك ع شوي تانية 😒
وائل: لك ايي 😁 ولو مشيها
غريس: اي مشيناها 🙄
وائل: شو رايك اعزمك على قهوة
غريس: اي ليش لا المنيحة بدها مشورة؟
وائل: لا😅
غريس: طيب يلا قوم لكن
وائل(بمزح): بس انتي بتدفعي الحساب
غريس: بالله شو 😅🙄 ولشو اخدتك معي بروظة مثلا
وائل: اي تبروظي فيني شو عليه😂
غريس: اي امشي بلا سقالتك
وائل: تعي نمسك ايدين بعض مشان يفكروني مرتبط 😂🙂 مايقربو عليي
غريس: اها 😏والله
وائل: اي
غريس: لك والله ازا انا وعيلتي كلها منمسك ايديك رح يلحقوك😂😒
وائل: لك اي ولو بيحبوني 😂😂
غريس: اي امشي خلصني ،
وائل: هاتي ايدك
غريس: مصر يعني
وائل: اي احلا
غريس: طيب ماشي
مسكو ايدين بعض ومشيو
كان هو طول الطريق ماعم يشيل عيونو عنا ،
وهي ،كانت طول الطريق عم تحكي ، وهو بس عم يسمعها وماعم ينطق ب ولا حرف
كان عم يغرق فيها بدون مايحس ع حالو
وبدون مايحسب حساب لااي شي ...
________
باليوم التاني
بالقصر
اندق الباب
راحت الخدامة وفتحت
كان شب من هدول يلي بوصلو طلبات
باايدو باقة ورد احمر كبيرة
الشب: مرحبا
الخدامة: ياهلا
الشب: هون بيت الانسة بسمة؟
الخدامة: اي نعم امرني؟
الشب: هدول الوردات الها ممكن تسلميها ياهن
الخدامة: اي حاضر
عطاها الوردات وراح
كانت طالعة تسلمهن لبسمة
شافها وائل ووقفها
وائل: وقفي رجاء
الخدامة: نعم استاذ
وائل: :لمين هالوردات🤔
الخدامة: مبعوتين للاانسة بسمة
وائل:🤔 بسمة 😳 ؟
الخدامة: اي استاذ
وائل: فرجيني لشوف
اخد منها الوردات وبلش يتفحصهن
شاف كرت بقلب الورد
شالو وفتحو
وصار يقرا شو مكتوب فيه: مالقيت شي احلا من الورد عبرلك فيه عن اعجابي فيكي ، انسة بسمة
انتي احلا والطف بنت شفتها بحياتي
وبتمنا تفتحيلي قلبك ..
ايمن
وائل(بضحك): اه يافارة الطحين اه ، ايامك والله ، ورد احمر ،ومعجب ، والله لجننك😂😂
وفجأة كانت نازلة بسمة
وشافته شايل الوردات
بسمة(بنظرات سخرية): شووو ابو نضارة 😒 من مين هالوردات
وائل: 😂😂😂😂 هدول من ايمن
بسمة(مستغربة): ايمن😂🤔🤔مين
وائل: ايمن معجب فيني😂😂 حتى شوفي شو كاتبلي ،
عطاها الكرت وبلشت تقرأه ،
وعرفت انو الوردات الها ومن ايمن
تلبكت وخدودها صارو حمر
وائل: له له 😂😂 لك شبك قلبتي بندورة
بسمة: وائل مااغلظك 🙂
وائل: مين هاد ايمن وليه😂😒

بسمة: مادخلك🙂
وائل: له 😏 هلق هيك
بسمة: اي هيك
وائل: بس شكلك معذبتيه كتير للمسكين😂 لكن طالعة حلوة لاابن عمك 😂
بسمة: اي هات الوردات حاج سقالة
وائل: عطيني وحدة
بسمة: مافي 😒
وائل: بس وردة امانة😂
بسمة: هدول الي 😊 ماخرج
وائل: لك وحدة ماابخلك😏
طالعت وردة وحطتلو ياها على ادنو
بسمة: قحط بقا
وائل(بضحك): ياعمري قديش مزوقة هالوردة رح خبيها بقلبي 😍 😂😂
جن جنانها منو وحطت الوردات عالارض وبلشت تضربو وهو يضحك
وائل: بتموني حبيبتي 😂😂 ضرب الحبيب زبيب
بسمة: هات الوردة ولاه مابتستاهل ،
وائل: انا بحبك اكتر من ايمن 😂😂😂 حبيني الي
صارت تضربو بقوة اكتر وهو 😂 بكل برودة اعصاب عم يضحك ويحرق دمها
وائل: لك بحبك لو بتموتيني
بسمة: لك يحبك برص يامنسون يا نص جدبة ،
وائل: لك حاج تضربي وليه فارة 😂عم امزح والله بحب احرق دمك😂😂
بسمة: مزحك سقيل متلك
وائل: لك خلص وليه 😂😂
مسكلا ايدها وبعدها عنو وقعدها
وقام ظبط تيابو وشعرو
وائل: يالطيف شو متوحشة😒 خربطيلي اللوك تبعي
بسمة: بتستاهل🙂
قعد جمبها وهو فارط ضحك
وائل: لك يخرب بيتك 😂😂😂 شو انا وحش ، لحتى بتكرهيني هالقد😏
بسمة: مابكرهك بس انت بتضل تتساقل عليي🙁
وائل: لاني بحبك 😍😝
اطلعت فيه بعصبية
وكانها بدها تخنقو
وائل: متل اختي 😂😂😂
بسمة: 😏 اي تحبك العافية وانا بحبك
وائل: عنجد😍
بسمة: متل اخي😂😂😂
وائل:‘ 😂😂😂
وائل: جد مين ايمن
بسمة: مارح قلك🙂
وائل: امانة ولو
بسمة: مابدي قلك يلا بالاذن ابو نضارة
تركتو ومشيت
وائل: لك وين رايحة تعي قليلي مين ايمن
بسمة( من بعيد،): مادخلك ،التهي بحالك ابو نضارة
وائل: اي ماشي يافارة انا بفرجيكي
طلعت هي وهو بلش يحكي مع حالو
وائل: 😂😂شوعليه ، ازا مابهلكك مابكون وائل ،قال ايمن قال
__
دخلت بسمة ع غرفتها وصارت تتصفن بالوردات وتنسيقتهن اللطيفة
كانت كتير فرحانة فيهن
بسمة: يالله بجننو😍😍 قديش زوقو حلو ، اول مرة حدا بيبعتلي ورد ، معقول يكون عنجد بيحبني ،
اي بس والله مو معقول ، ماصرلو شي بيعرفني كيف حبني،
ياالله مابعرف ماعم تدخل بمخي 🙂
لك بس الوردات بجننو 😍
قربتهم منها وصارت تشمهن وتستنشق عطرهن
بحب ،غمضت عيونها وصفنت.
___
مرق فترة عاابطالنا
وتطورات كتير كانت عم تصير بحياتهن
ايمن كان كل الوقت عم يهتم ببسمة ،
كان كل يوم يحطلا ورد عالسيارة تبعها
ويلحقها وين ماتروح ويساعدها بكل شي
بس هي كانت عم تشوف حالها عليها وتبينلو انو مو مهتمة ،رغم انها بلشت تميل لاالو ،
اما وائل ، فكان عم يتعلق بغريس ويحبها اكتر من قبل ، صار باليوم يلي تغيب فيه عنو ، يحس بشي ناقصه ، حتى رفقاته البنات طنشهن ،
والكل لاحظ انو متغير وصاير واحد تاني .
قصي كان لسا مختفي وماحدا بيعرف شي عنو لحد اليوم ،
بالقصر
كانت الساعة حوالي ال ٩ المسا
كان زيد بحديقة القصر عم يشتغل عالابتوب
اجت بسمة لعندو وكانت متلبكة
بسمة: مسالخير زيد
ترك الابتوب واطلع عليها
زيد: اهلين بيسة
بسمة: بدي احكي معك شوي معلش؟
زيد; ياسبحان الله منين هابط عليكي هالادب انتي واخي ،ماشالله عليكن ،اي قعدي كلي اذان صاغية
قعدت جمبو وهي ملبكة وماعم تقدر تحكي
زيد: شبك ؟
بسمة: مافي شي
زيد: طيب شو كان بدك تحكي
بسمة: يعني مابعرف كيف بدي بلش
زيد: لك وجع احكي
بسمة: من فترة تعرفت على شب ، هو خريج فنون ، بس بيجي لعنا عالجامعة كتير ،
اول مرة شفتو كان جاي عالموتور ومأسرع، وطرطشني بالميات😐 تقاتلت معو ،واعتذر مني وهيك ،
ومن وقتا صرت شوفو كل يوم بالجامعة،و صرنا نقعد سوا ، ونحكي عن الدراسة وتعرفنا ع بعض ،وهيك ،
ومافي كم يوم ، بيجي بيعترفلي قال شو هو معجب فيني ،
زيد(بضحك): ايمن؟؟
بسمة(بصدمة): شو عرفك فيه😳
زيد: هههههههههه ، سالي حالك لمين عطيتي وردة هديك المرة 😂😂
بسمة(بعصبية): وائل قلك ما😠
زيد: لك ياخاينة تف. بتحكي لوائل وانا مابتحكيلي
بسمة: بس انا ماحكيتلو لاابو نضارة😏
زيد: لكن شو عرفو 😂
بسمة: هو قد ماحشري اخد الورد من الخدامة وقرأ الرسالة😒 وعرف اسمو ، بس انا ماحكيتلو شي هالسلال 🙂
زيد: 😂😂😂 هلق شيلينا من هالغبي ، وكمليلي عن ايمن
بسمة: وقت عترفلي انو معجب فيني انا ماصدقتو ،وفكرتو عم يكذب ، وصرت اضحك عليه
زيد: شو عرفك عم يكذب بلكي الشب صادق
بسمة؛ لانو مافي كم يوم اجا قلي ، معقول بهالسرعة حبني
زيد: اي ليش لا بتصير
بسمة: اي مابصدق
زيد: اي لا صدقي ،انا هيك من اول ماشفت رشا،حبيتا😂😍 ،بيوميتا كنا بعرس،ابنو لصادق بيك ،وعينك تشوفني اول ماشفتا انو عاد استحي وشيل عيوني عنها الله وكيلك دبقتا ، وامي نتبهت عليي 😂😂 قضتها عم تبهدل فيني

بسمة: وهيك بهالسرعة حبيتا😆
زيد: لاموقصة حبيتا بس عجبتني وارتحتلا
وبعدين بلشت حبها
لما تعرفت عليها
بسمة: طيب يعني ايمن ماعم يكذب
زيد: هلق انا ماني قاعد بقلبو للزلمة ، مابعرف ازا صادق او لا ، بس الانسان من افعالو ببين ازا بدو يتسلا ولا عنجد حابب
بسمة: كيف يعني
زيد: هلق قليلي ، لما بيشوفك كيف بيتصرف ؟
بسمة: مابعرف بحسو متلبك وفايت بالحيط ،
زيد: اي؟
بسمة: وبيتعامل معي بااحترام ، وبيهتم فيني وبساعدني بكل شي ، المرة الماضية كان في زعران عم يدايقوني ،لما شافهن هجم عليهن وصار يتخانق معهن مشاني ،مع انو هو مابيتخانق مع حدا ،ولابيعمل مشاكل ، بس كرمالي 😐 عمل هيك
زيد: وشو كمان؟
بسمة: انا كل الوقت عم اتناشف معو ،وهو رغم هيك راكض وراي ،
زيد: طيب الو حركات هيك ولا هيك مع البنات؟
بسمة: لا بالعكس محترم كتير ، حتى احيانا براقبو من بعيد ، كيف عم يتعامل مع البنات ،معاملتو كتير طبيعية ومحترمة
زيد: طيب وانتي شو بتحسي اتجاهو ؟
تلبكت وخجلت ونزلت راسها
بالارض وسكتت
زيد: شووو
بسمة: انو مابعرف
زيد: شلون مابتعرفي🙄 شرحيلي
بسمة: مابعرف ، لما بشوف اهتمامه بنبسط كتير
وابدا مابتدايق ، بس انو شو بحس تجاهه مابعرف جد كل الي بعرفو انو برتاح لما شوفو
زيد: طيب وهو كيف شكلو حليوة؟
بسمة: بدك الصراحة اي 😍 بيشل
زيد: ايووا 😉 وصفيلي ياه
بسمة: اشقراني وعيونو كل شوي لون😂😍 وطويل وشعرو 🙁 اشقر وطويل شوي صغيرة ،.
بيجنن يازيد ماشالله عليه
زيد: يعني عاجبك؟
بسمة:لك ايي عم قلك بيجنن 😍
وفجأة وائل صار بيناتهن
وائل: احلا مني 😏؟
زيد: يخرب بيتك انت من وين جيت
وائل: من السما نطيت
بسمة: اي احلا منك سيد وائل😒 وبكتير كمان
وائل: لا والله فشرتي مافي احلا مني انا 😎
بسمة: لااحلا منك وايدو مراية الك كمان
وائل: يخرب بيتك 😒 لك جامليني شوي
بسمة: مابدي😒
زيد:بربك فرجينا ياه ماعندك صورة الو
بسمة: لاماعندي بس بطالعلك صورتو من الفيس
زيد: طيب فرجينا
بسمة: موبايلي مامعي طالعو من عندك
زيد: طيب شو اسمو عالفيس بوك
بسمة: ايمن محمود
وائل:حط خلينا نشوف هالتحفة 😒
بسمة: هس انت ماتحكي يافساد 😏
كتب زيد عالفيس اسم ايمن وبلشو يدورو ع صفحتو
بسمة: ليكا ليكا هي صفحتو
دخلو ع صفحتو وبلشو يتفرجو على صورو
وهنن مصدومين 😮😮
زيد: عنجد هاد هو 😮😮
بسمة: اي 😊
زيد: والله حليوة ليش الكذب
وائل : 😳 هلق هاد شب وانا وانت شباب بشرفك زيد 😳
بسمة: ههههههه 😂😂😂
زيد اطلع بوائل مستغرب وضربو
زيد: يخرب بيتك ليش شبنا نحن ولاه😳
وائل: مافينا شي ،بس الواحد يحكي الحقيقة حتى لو جارحة💔 الزلمة احلا مني
بسمة(بغرور): اي لحتى تعرف😌
وائل: والله تتهني يافارة الطحين ، شب متل الوردة، بيشبه مهند شاد اوغلو
زيد: اي هيك والانسة عم تشوف حالها عليه 😑
وائل: وليش وليه😳
زيد: قال شو مفكرة عم يضحك عليها ،
وائل: لاعمو لا راحت موضة هالشغلات 😂 هلق كلو عم بيحب ، حتى انا الله وكيلك😂😂
زيد(بصدمة): شووو انت حابب؟؟ 😳😳
وائل: انا حابب😳 مين حابب؟؟
زيد: مابعرف انت عم تقول كلو عم يحب حتى انا😳
انتبه وائل ع حالو انو زلق بالحكي وحاول يصلح غلطو😂
وائل: لا لا قصدي انو ماعاد حدا تسلا هالايام حتى انا بطلت هالشغلات😨 ماقصدي حابب
زيد(بشك): اكيد هيك قصدك؟
وائل: لك اي شو بدو يكون لكن
زيد: مابعرف انت ادرى😒
وائل:‘ اطمن مافي شي ، المهم خلينا نرجع الك بيسة
بسمة:شو؟
وائل: ليش يعني مفكرتيه عم يكذب
بسمة: اي لانو لسا ماصرلي كم يوم بعرفو قلي انو معجب فيني
وائل: اي وين الغلط؟
بسمة : مدري كيف بهالسرعة حبني
وائل:‘الزلمة ماقلك حبيتك ، الزلمة قلك اعجبت فيكي ،وماغلط بس كان غلطو انو تسرع بااعترافو.
بسمة: وشو بيفرق الحب عن الاعجاب
وائل:بيفرق
بسمة: وشو الفرق بقا
زيد: تفضل شرحلها 😂
وائل: الاعجاب هو اول خطوة بالحب ،
مع الايام بزيد وبيتحول لحب ، يعني هو وقت اعترفلك كان لسا بااول خطوة ،
بسمة: اهااا فهمت عليك
وائل: اي الحمدلله عالسلامة
بسمة: يعني قولتك مابيكون عم يكذب!
وائل: لامانو مضطر يكذب ، البنات اكتر من الهم عالقلب مالقا غيرك يعني
بسمة؛،يعني هلق شو اعمل ، قلولي
زيد:خليكي عم تتناشفي معو ازا ضل لاحقك معناها بيحبك
وائل:لك لا شو تتناشفني لاتردي عليه هاد اخي اجدب ، ازا ضليتي عم تتناشفي بتطفشيه
زيد: مع احترامي لرئيك، يلي متل وجهك ، بس بحب قلك غلطان، ازا بيحبها. مابيطفش
وائل: والله ازا ضلت عم تعاملو بجقارة بدو يطفش، ويصيبو عقدة نفسية
زيد: مابيطفش ازا بيحبها
وائل: لابيطفش
زيد: لامابيطفش

وائل: مبلا
زيد: لا
عصبت بسمة منهن وصرخت بوجهن
بسمة: خلصوني انت وياه شواعمل
زيد: تناشفي
وائل: لا لاتتناشفي ،هاد زيد بدو يطفشلك ياه
زيد: طيب انا عندي فكرة
بسمة(بملل): هات لنشوف
زيد: منعمل طرة ونقش
على رأيي مين تمشي ، ازا طلعت طرة بتمشي ع رأيي وازا نقش ع رأيي ابو نضارة
وائل: وانا موافق
بسمة: خلصوني عملو🙂
طالع زيد من جبيتو عشر ليرات وفرجاهن ياها
وائل: منين حاكشها هي😂😂
بسمة: شكلا مرت عمو عاطيتو ياها خرجية😂
زيد: تضربو عندي ياها من لما كنت صغير 😂🙂
وائل: يلا خلصني رميها
رماها لفوق ونزلها على ايدو
زيد(بخيبة): نقش😐
وائل: الله حيو ، شوفي كيف الله مابدو يضرك لوسمعتي لزيد كان طفش🙄
بسمة: طيب خلص رح امشي على رأيك وافردها معو شوي
زيد: شوي مو تندلقي😏،
بسمة: هاد انت الي بتندلق😒،
وائل: يلا ها شدي همتك بدنا نسمع اخبار حلوة
بسمة: ان شالله ،
قطعت حديثهن الخدامة : استاذ وائل واستاذ زيد وانسة بسمة ، الست نجوى بتقلكن تفضلو عالعشا
زيد: شرفو امر عسكري ،من جناب الكومندان 🤣
وائل: التهيت بالحديث معكن ونسيت اني جوعان 😂
زيد: يخرب بيتك شو مفجوع ، شو صايرلك ليش دوم جوعان
بسمة: انا بقلك ليش
زيد؛ ليش
بسمة: ع قد مابيركض ورا البنات😂😂
زيد: ههههه اي والله وارد
وائل(بحزن): بتضلو تظلموني😪 والله ماعم اركض ورا حدا
،
طلعو عالعشا
وبعد ماتعشو وخلصو
اجتمعو الكل بالقاعة
وكانو سهرانين وعم يحكو ويمزحو
زيد: ابو سمرة ممكن سؤال
سامر: تفضل
زيد:شو اكتر شي بتندم عليه بحياتك
سامر غمزو لزيد وقلو: اكتر شي بندم عليه، اني صارعندي بنت اسمها بسمة
بسمة (بزعل): بالله اي ومين قلك تخلفني
سامر: غلطة يابابا
بسمة: اي ماشي 😔 هلق بطلع من حياتك كلها وبريحك مني
وائل(بضحك): لاتزعلي فارة ، تعي انا بتجوزك وبخلصو منك
سامر: فكرة حلوة بتكون فضلت ع راسي
بسمة: ابو نضارة نضب ، 😒،
وائل: اي ماشي😂
عاصم : هلق انتو كل ماقعدنا بدكن تستلموها للبنت ، شو عملتلكن بسمة والله مافي منها
بسمة: شايف ياعمو😔 بضلو يدايقوني
سامر: لانها مشيبتني من اول مااجت عالدنيا
عاصم: عااساس انت انظم كنت ، 😏 اسكوت بلا مااحكيلهن ع فصولك الناقصة
نجوى: اي اخوك نسي حالو كيف كان 😅.نسي انو كان مجنني ومشيب راسي
سامر: يلا ستلموني انتو كمان ،

وفجأة بنص الحديث
قطع حديثهن صوت قصي : مسالخيرياجماعة
كلهن صارو يطلعو عليه
مستغربين من دخلتو المفاجئة
خصوصي انو ماكان لحالو
____

يتبع ......

#الحب_الاسطوري_
البارت ٥
بقلم: شرقية الهوى
نجوى: مين هي يلي معك
قصي: قلنا مسالخير تيتة
ركضت علا لعندو وحضنتو
بلهفة
علا: الحمدلله ع سلامتك ياحبيب قلبي، شغلتلي بالي عليك
قصي: الله يسلمك ماما يخليلي ياكي

كانت جنى عم تراقبو وهي ساكتة والدمعة بعيونها
وهو كان عم يطلع عليها بحقد
قصي: انسيت عرفكن ،
اشر باايدو على الشخص يلي كان معو يلي هو سيلا
قصي:سيلا مرتي
كلهن صارو يطلعو ببعض مستغربين ، اما جنى ماتحملت تضل واقفة وعم تسمع ، حملت حالها وركضت على غرفتها ، ولحقتها بسمة ،،
نجوى: مرتك؟
قصي: اي مرتي ، ليش مستغربة🙂،
نجوى: شي حلو استاذ قصي ، بتتجوز لحالك وبدون ماتشاور حدا ،وكانو ماعندك كبير
قصي: والله ياتيتة ، الكبير قلعني من بيته ،ورماني برا. وماسئل عني ، ليش لااسألو او ارجعلو
نجوى: اها اي حقك
قصي: طبعا
نجوى: وليش رجعت
قصي: له ياام عاصم ، شو هي ليش رجعت ، ماهاد البيت بيت جدي ، والبيت الي ولد فيو ابي وعاش ، فيه ، كيف مااجي عليه 🙂
نجوى: بس انا منعتك انك تجي عليه رح تعصي اوامري؟
قصي: اي رح اعصي اوامرك ،بدك تسمحيلي يعني ، مابكفي سكتي عن دم ابي ، وماحاسبتي يلي قتلته؟ كمان بدك تتحكمي فيني !؟ لا ست نجوى لا ، انا اخر واحد بحقلك تتحكمي فيني وتفرضي اوامرك عليي ، لانو شوماعملت لسا الي عندك كتييرر
سكتت الست نجوى وماحكت شي
كانت بس واقفة وعم تفكر بكلامه
وعم تحس بالحسرة وحرقة القلب
قصي: شو مافي مبروك 🙄
ياجماعة ، الي ساعة واقف انا والمخلوقة ، وماسمعت منكن مباركة😏
علا: ريتو الف مبروك ياروح امك
قصي: الله يبارك فيكي امي
قربت لعند سيلا وسلمت عليها
علا: مبروك حبيبتي
سيلا: الله يبارك فيكي طنط
اطلعت علا على ميرا وبلال
علا: شو مابدكن تجو تباركو لااخوكن؟
اجو ميرا وبلال لعند قصي وسلمو عليه
ميرا: الف مبروك اخي الله يسعدكن
بلال: مبروك اخي
قصي: ياحبايب قلبي يخليلي ياكن ،

علا: يلا قصي، خود مرتك وطلاع ع غرفتك ، رتاحو
قصي: اي امرك امي ، يلا سوسو تعالي
اخد مرتو وطلعو لفوق ولحقتهن علا كمان ،
العيلة كلا كانت مكركبة
ومزعوجة ، من يلي صار
عاصم: امي انتي شلون بتسمحيلو يحكي معك هيك؟
نجوى: شو بدي قلو يعني ، معو حق بكل شي حكاه ،مافيني لومو
سامر: ومزال بتعرفي معو حق ،ليش ماسلمتيها لفتون للشرطة ، ؟
سفرتيها لبرا البلد ، وتركتيلها حريتها ، ام غيرك ،بتعلق مشنقتها باايدها🙂
نجوى: سامر بكفي بقا الموضوع هاد سكرنا عليه من زمان .
سامر: معناها ماتدايقي لما حفيدك يتحكم فيكي ويمشيكي ع كيفو ، تحملي . وحقو شو ماعمل ، لان معو حق ، تيتم من لماكان عمرو ٨ سنين
ودم ابوه راح هدر 🙂 مابينلام .
نجوى: خلص بقا وجعني راسي ،انا طالعة ارتاح
تركتهن بسرعة وطلعت ،
وع وجها علامات الانزعاج والقهر
_______
بغرفة جنى
كانت عم تبكي بحضن بسمة
وبسمة عم تحاول تهديا
جنى: شفتيها ، كيف شكلا ، لك شو عجبو فيها شو يلي فيها احلا مني بس بدي افهم
بسمة: معلش ياقلبي ، اصلا هي و كتيرة عليه، ياعمري انت جوهرة. ومو اي حدا بيقدر يحصل عليكي ،
جنى: لك رح جن رح جن ماعم اقدر اتحمل شوفو مع غيري
بسمة: تؤبري البي خلص، والله مابيستاهلك ،لك ضفرك بيسواه ،هو وهديك الشرشوحة مرتو ، لابقين لبعض اصلا.الطيور على اشكالها تقع
جنى: يالله دخيلك ، كيف قدر ينساني ،كيف قدر يحب غيري ، معقول كل هالايام كبها ، مشان وحدة متل هي
بسمة: خلص بقا جوجو مشان الله حاج تبكي بقا
جنى: ماعم بقدر 😔😔
بسمة: خلص ياقلبي امانة خلص.
______
باليوم التاني
تهاني: شو ماما ليش مانزلت فطرت مرضان شي؟
وائل: تعبان شوي
تهاني: ياعمري شبك
وائل: مافي شي لاتشغلي بالك بس راسي شوي عم يوجعني ،ماكان الي نفس عالاكل
تهاني: سلامتك ابني
وائل:امي بدي اسالك سؤال
تهاني: اسأل امي ،
كان متلبك ومتردد
صفن شوي وقلا
وائل: ازا شي نهار انا جيت وقلتلك ، اني حابب بنت من غير دين ، وبدي اتزوجها ، شو بتكون ردة فعلك ،
استغربت تهاني من سؤالو
وبنفس الوقت حست بالقلق
تهاني: ليش امي ،؟ حابب وحدة من غير دين؟😕
وائل: لا لا ماما موهيك ، بس انا عم اكتب مسلسل فيو هيك قصة ،البطل بيحب وحدة من غير دينو ، ف صار عندي فضول اعرف، انتي لو محل امو شو بتعملي
تهاني: ياخوفي ياوائل تكون انت هالبطل🙂
وائل: لك لا لا مافي هيك شي ،
تهاني: ان شالله يكون مافي شي
وائل: ماقلتيلي ، شو بتكون ردة فعلك
تهاني: اكيد برفض
وائل: وليش بقا😐
تهاني: لانو لامن توبنا ولامن ديننا ، كيف رح نقبلها كنة ، لك وحتى لو نحن قبلنا اهلها مارح يرضو
وائل: وليش لحتى مايرضو

تهاني:‘ مافي حدا بجوز بنتو لحدا من غير دين ،متل مانحن مامنرضا كمان هنن مابيرضو
وائل: طيب ازا الشرع ، حلل للشب يتزوج من غير دينو ، ليش انتو لترفضو
تهاني: لانو مو من عادتنا وتقاليدنا نجوز ولادنا لحدا من غير ديننا
وائل: طيب عطيني سبب مقنع اكتر 😐 ماقتنعت بهالسبب
تهاني(بملل): يووو وائل ديقتلي خلقي ، لشو هالاسئلة الي بلا طعمة
وائل: ولاشي مجرد فضول
تهاني: ابني الله يرضا عليك ، ازا في ببالك وحدة من غير ديننا ،شلي ياها من راسك 🙂 انا ماناقصني كون بواحد صير بتنين ، بكفيني اخوك،وعنادو ع رشا
وائل: لاامي مافي شي من يلي ببالك كم مرة بدي قلك
تهاني: حكيك عم يخليني شك انو في هيك شي🙂
وائل: لا اطمني
تهاني: اي طيب ، يلا انا بدي روح ، وانت خدلك حبة مسكن ونام شي ساعة ، بلكي بيرتاح راسك
وائل: اي حاضر ام زيد بتأمري
تهاني: مايؤمر عليك ظالم ، عليك العافية حبيبي
وائل: الله يعافيكي
طلعت من عندو وسكرت الباب
وهو ادايق ونزعج من جواب امو على سؤاله
حط ايدو ع راسه وبلش ينفخ بملل
وائل: ياحبيبي ، هي مافي شي وهيك ، كيف لو تعرف انو جد حابب مسيحية ،لك شوبدي اعمل بهالمصيبة، المشكلة حبيتا وتعلقت فيها ، يالله شوبدي ساوي ،
نفض الافكار السودا من راسه وصار يحكي مع حاله
وائل: اي يرفضو ليشبعو ، مارح رد ع حدا ، شوهاد ولو كل شي عندهن عادات وتقاليد ،هففف معقدين
_____
بمكان تاني
كانو قاعدين عالسيارة من برا وعم ياكلو بوظة
رشا: كأنك ستعجلت عليها ، لسا برد ولو
زيد: انا بحبا هلق،
رشا: رح يهرو سناني 😬
زيد: يي شو منعنعة كلي وسكتي بلا مااضربك 😏
رشا: زيد حبيبي ، شبك كل شي عندك ضرب 🙄
زيد: عم امزح ولو ،
رشا: لااسترجي تكون عم تحكي جد🙄
زيد: لا😌 مو حرام يلي متلك ينضرب😊
رشا: اي 😏قلت لحالي
زيد: لك تقبري قلبي اي
رشا: بعيد الشر عنك ياروحي ،
وفجأة رن تلفونها
وكان مكتوب عالشاشة اسم خالد ،
شاف الاسم زيد وحمرو عيونو
زيد: شو بدو هاد😠
رشا: مابعرف بجوز بدو يسال عن شي
ضغطت عالزر الاحمر وفصلت بوجهو
زيد: لي فصلتيلو ؟
رشا: شو بدي فيه ماني فاضيتلو هلق
زيد: وشو شاغلك😏 🙄
رشا(بحب): انت ، شاغلني 😍
زيد: ايوا مشان هيك فصلتي يعني🙄
رشا: اي مشان هيك لكن شو
زيد(باانزعاج): مدري
رشا: زيد حبيبي شبك ولو
زيد: مافي شي
رشا: طيب ليش قلبت خلقتك🙂
زيد: هيك
ورجع رن تلفونا من جديد
وكمان كان تلفون من خالد
رشا(بعصبية): لا اله الا الله
زيد: كانه اخد وجه زيادة🙂 حتى عم يدق كل شوي
رشا: لااخد وجه ولاشي
زيد: طيب ردي عليه🙂
رشا: لا مابدي رد مو فصلتلو ليش عم يدق
زيد: بلكي في شي مهم
رشا: ويكون مابدي رد
كان زيد مدايق من تلفونات خالد.
وحاسس بالغيرة منو ، بس سكت وماحكا شي حتى مايتخانق معها ،
رشا: شبك
زيد: مافي شي
رشا: حبيبي معقول عم تغار من شقفة شب مابيسوا ضفرك ، بربك ولو
زيد: ماغرت
رشا: اي واضح حبيبي🙄
زيد:🤐
رشا: خلص بقا زيد والله ماعندي اغلا منك
زيد: اي
رشا: لك شو ايي؟؟
زيد: ولاشي
قربت لعندو وضمتو
رشا: ياعمري والله مافي حدا اغلا منك ع قلبي ، معقول عم تغار من واحد متل هاد ،
زيد: ليش هاد شو بيفرق عن غيرو ،مانو شب يعني !
رشا: مبلا بس مابيعنيلي شي ،مجرد شخص بيدرس صحافة ، حب يقعد معي وياخد مني معلومات ونصائح بخصوص هالمجال.، يعني فيك تقول متل طالب عندي عم اعطيه درس خصوصي
زيد: ايوا بس هيك!
رشا: لك طبعا هيك شو بدو يكون في يعني
زيد: مابعرف ، عااتصالاتو المتواصلة مبين اخدين وجه ع بعض كتير ،
رشا: شو هالحكي حبي مافي شي من هالشي
زيد: لكن ليش كل مابكون معك بيتصل فيكي 🙂
رشا: اي شبعرفني ،هو غليظ وبيسال كتير
زيد: ايوا😒
رشا: خلص بقا ولو ، الله يلعنو منيح 🙂
زيد: اي منيح🙂
رشا: هههه دخيلو الي بغار انا
زيد: 🙄 ان شالله يارشا تكوني عاطيتي وجه ، والله لموتك
رشا: زيد 😳 كل حكيك عن القتل والضرب ، شبك ولو، بحسك زعيم مافيا ، مو 🙂 صحفي
زيد:😂😂 تخيلي كون زعيم عصابة
رشا: 😂😍 جبل شيخ الجبل
بلش يخشن صوتو ويحكي
متل جبل
زيد: ماتهكليه للهم ، رح اتزوجك غصب عن الكبير والصغير ، وربي بحرق الارض كرمالك ،
رشا(بضحك): اي رميها ع الله 😂😂
زيد: 😆😆 شلوني معك بالله بعرف قلدو؟
رشا: لك وانت احلا منو
زيد: يلا ها ضحكي عليي بكلمتين🙂
مسكتو من قميصو وصارت تضربو
رشا: لك تضرب شو مابقلك مابخلص منك ، ياغليظ يانكدي
زيد:😂😂😂 لك يقبرني العصبي انا ، اصلا انا عن قصد بعمل هيك لعصبك ، بحبك وانتي معصبة🙂😍
رشا: لك اخ منك ازا مابدك تجبلي الجلطة 😤
زيد: هههه بعيد الشر ريتا الجلطة لخالد😏

رشا؛ 😂😂لك حرام عليك
زيد: يحرم جلدو عن عضمو 😒
شدتو من شعرو ومن دانيه وصارت تطلع فيه بيحب
رشا: لك بحبك رغم انك جلطة
زيد: غصب عنك بدك تحبيني مو بكيفك😒
رشا: ههههه دخيل الي خلقك انا
_______
بمكان تاني
حسام: انا كتير نبسطت انك قبلتي عزيمتي ع فنجان القهوة شكرا الك
جنى: العفو استاذ ،ماعملت شي
حسام: طيب طمنيني ، كيفك انتي شو اخبارك
تنهدت وعيونا دمعو
وابتسمت ابتسامة حزينة : الحمدلله منشكر الله
حسام: اي. مابدك تحكيلي مين هاد الشب يلي شفناه هديك الليلة!
جنى؛ مبلا رح احكي ،
بلشت جنى تحكيلو لحسام كل قصتها مع قصي
وهو كان قاعد عم يسمعها بااهتمام
____
بالجامعة
كانت بسمة بالمحاضرة ، وطلعت
وهي نازلة ، من القاعة
بتطلع حواليها بتلاقي لوحة مرسومة فيها صورتها بكل مكان
كانت مصدومة ومستغربة ،
شافت رفقاتا راحت لعندهن بسرعة لتسالهن
بسمة: مرحبا غايز
لبنى: هلا بيسة 😊
بسمة: مين معلق صورتي عالحيطان؟؟؟
لبنى(بضحك) : سمعو سمعو قال يعني مابتعرف😏😂😉
اياس: اي لكن عاملة حالها متل الاطرش بالزفة
بسمة: هلق بلا زناخة جد مين معلق رسمتي ! عالحيطان ؟
لبنى: اي مين بدو يكون يعني في غيرو !؟
بسمة:،مين؟
اياس : جدبيها كمان امانة، يعني مين في غيرو العاشق الولهان 😂
بسمة: ايمن؟
اياس: لك اي ايمن 😂😂 لكن مين
لبنى: لك تضربي شو حوبة ، لك نشفتي قلبو للشب حرام عليكي ،لك صاححلك شب ادب وجمال واخلاق ،وحابك وشاريكي ،ولسا عم تتكبري! عنجد حوبة
اياس: اي حوبة وهبلة🙂
بسمة: هلق لاتستلموني انتو التنيين تركوني بحالي 🙁
اياس: ولييه ، بقص ايدي ، ازا ماغرقانة فيه لقراقيط دانك ، بس عم تشوفي حالك عليه🙂
لبنى: لك يخرب بيتك شو سلالة
بسمة: موقصة عم شوف حالي عليه ، بس خايفة اتعلق فيه ويطلع كذاب
لبنى: اي لاكذاب ولاشي ، الشب مافي منو ،مامعقول يطلع منو هيك حركات ،
اياس: بعدين يلي بدو يتسلا مابيعمل هالحركات ، على عين كل العالم 🙂 ،لو جد كذاب ،كان اهتم فيكي ، بدون مايشتلق حدا ، اي هاد الجامعة كلا عرفت انو غرقان فيكي
بسمة: يعني قولتكن ماعم يكذب!؟
لبنى: مابظن
اياس: ولاانا
اطلعت بسمة عالرسمات يلي معبين ،الحيطان وابتسمت وعيونا عم يلمعو ،وقلبها عم يدق
بسمة: بس بتعرفو ،كتير حلوين😍الرسمات ،عنجد رسام شاطر هالاايمن
لبنى: اي شايفة ، لك نيالك يابسمة ،الله يطعمني متل ماطعمك
بسمة: ههههه ان شالله واحسن
لبنى،: اخخ لك رضيانة بواحد ، بيملك نص جمال وادب الاستاذ ايمن. 😍😍
بسمة(بغيرة)؛ اي وليه ستحي حاج تمدحي فيه 😏
اياس: شو غرت ياحلو😉
بسمة(بخجل): انو😊😊 اي
لبنى: هههه يامحتالة ، ميتة فيه وعم تعملي حالك مابتحبيه
بسمة(بغرور): اي خليني تقل حالي شوي عليه شو مابيطلعلي😎
لبنى: لا بيطلعلك😂😂 ست الحسن
_____
عند حسام وجنى
حسام(مصدوم): لعما كل هالشي طلع منو؟!
جنى(بحزن): اي شايف
حسام: يخرب بيتو مااحقرو ،اسف يعني بعرف بيضل ابن عمك، بس الشي الي عملو كتير فيو وطاوة وقلة اصل !
جنى: هاد يلي صار
حسام: طيب وانتي هلق شو ناوية تعملي؟
جنى: مابعرف
حسام: قلك شي، احسن شي نسيه
جنى:‘ انساه ، لك كيف بدي انساه ، ماقلتلك انا وقصي ، كنا نحب بعض من نحن وصغار
روحي متعلقة فيه كيف بدي انساه كيف
حسام: بتنسيه ، لما يجي الشخص الي يعوضك عنو ،ويحبك ويصونك
جنى: هه من كل عقلك رح ارجع امن لحدا ؟
حسام: اي بتأمني ليش لا ، شو كل اصابعك متل بعض؟
جنى: لا ابدا
حسام:خلص معناها ،مابصير تسكري قلبك ،وتبقي عايشة على اطلالو للسيد قصي، ماليكو هو تزوج وماسأل عنك ،
جنى: معك حق ، بس الموضوع بدو وقت
حسام: لا بدو وقت ولاشي ،
جنى: ...
حسام: انسة جنى ممكن سؤال ؟
جنى: تفضل
كان متوتر وملبك كتير
بس قرر يقوي قلبو وينطق
حسام: انتي شو رايك فيني؟
جنى(مستغربة): كيف يعني من اي ناحية؟!
حسام: من كل النواحي
جنى: وليش هالسؤال ؟
حسام: جاوبيني هلق
جنى: انو انت شخص منيح ومحترم وابن عالم وناس وانا كتير بحترمك
حسام: طيب عال ازا جيت وطلبت ايدك بتوافقي ؟
جنى (بصدمة): شو؟؟؟
حسام: متل ماسمعتي، شو بتوافقي؟
جنى: يعني مابعرف شو بدي قلك ،انت فاجئتني
حسام: لاتتفاجئي ،انسة جنى سمحيلي قلك شي ، انا من زمان معجب فيكي ،بس مابعمري تجرأت اعترفلك ،وانا صدقيني ماكنت بعرف انك كنتي بتحبي ابن عمك ورح تخطبو ،بس لما هلق حكيتيلي ، انا زعلت من كل قلبي عليكي لانك مابتستاهلي ،يصير فيكي هيك، بس بنفس الوقت ،فرحت لانو كان في حدا بطريقي وراح ،ف سمحيلي ازا بتوافقي، جيب اهلي واجي اطلبك من اهلك ،
جنى: طيب بهالسرعة وهالسهولة؟ ماانا قلتلك لساتني طالعة من علاقة جديد ، يعني مو خرج ارتباط هلق ابدا

حسام: وليش مو خرج ،
جنى: لاني مارح اقدر انساه بهالسهولة
حسام: بتنسيه صدقيني ،انا بعمل كل شي لنسيكي ياه
جنى: مارح تقدر
حسام: بقدر ،انتي بس وثقي فيني وفتحيلي قلبك
جنى: ....
حسام: شو ليش سكتي ؟
جنى: مابعرف
حسام: طيب عطيني كلمة
جنى: تركني فكر
حسام: فكري قد مابدك ، وانا رح كون ناطرك ، عااحر من الجمر
جنى: طيب ماشي ،انا صار لازم امشي
حسام: الله معك نتبهي عحالك ، وانسي ولاتهتمي لشي ،
جنى: ان شالله ، يلا بخاطرك شكرا عالقهوة
حسام: الله معك
دارت ضهرها ومشيت وقفها صوتو: جنى
جنى: نعم؟
حسام: بتمنى ماتظلميني، وتفكري منيح ، لاني جد انا كتير رايدك ومتمنيكي ،
ابتسمت ابتسامة خفيفة وهزتلو براسو علامة موافقة
ومشيت ،
حسام(بقلبه): يارب توافق يارب
_______
بالجنينة
كان ماسك تلفونو وعم يتصل فيها
فتحتلو الخط
غريس: الو
وائل؛ كيفك بطة
غريس: تمام كيفك انت
وائل: صرلك يومين غاطة قلت اطمن عليكي ، شو وينك انتي ليش ماجيتي لامبارح ولا اليوم
غريس:مبارح كنت مشغولة ، شوي، واليوم احد بتعرف بالكنيسة وهيك
وائل:،طيب ازا هيك معلش ، انا خفت تكوني تعبانة لاسمح الله
غريس: هههه لك لامافيني شي متل القردة
وائل: تضربي لاتقولي عن حالك هيك
غريس: طيب ماشي😁 ، شو وين انت على مقعدك
وائل: كااان مقعدي ، صار مقعدنا يابطة
غريس: هههه لاولو ، تنازلتلي عن شقفة منو يعني
وائل: تنازلتلك عنو كلو كمان
غريس: افف من وين جايك هالكرم كلو
وائل: من يوم يومي كريم انا😊
غريس: المهم انت هنيك؟
وائل: اي طبعا ، نطرتك ماجيتي😐،
غريس: قلتلك شو عندي اليوم لهيك ماجيت ، بعدين دخيلك ارتاح مني شي نهار شو بصير
وائل: لامابدي ارتاح منك ،اصلا مو حلو هالمقعد بلاكي
غريس: والله وكيف كنت تقعد قبل ماتعرفني ،!
وائل: كنت اجدب وغبي ،منيح هيك
غريس: ولشو هالحكي يعني
وائل: عااساس مابتعرفي يعني؟😒
غريس(مستغربة): لا مابعرف ؟🤔
وائل: اي بسيطة لتجي وشوفك منحكي
غريس: مع اني صار عندي فضول ، بس ماشي ،بكرا بشوفك وبشوف شو قصتك،
وائل: اكيد جاية بكرا!؟
غريس: اي اكيد
وائل: غريس ازا مابتجي بقوصك🙂
غريس: لك لا يخرب بيتك شو تقوصني😨 خلص بجي😂
وائل: ناطرك لكن🙂
غريس: ماشي باي هلق ،ماما عم تندهلي
وائل: باي نتبهي على حالك
غريس: اوك ماشي باي
سكرت الخط وراحت وهو كان متنرفز منها
وائل: مااغباها ، ماعم تفهم عليي 🙂
ماشي ياغريس شوعليه .
____
باليوم التاني
واقف قدام المراية
وعم يظبط حالو
لبس تيابو ورش عطر وبلش يظبط شعرو
كان متوتر كتير وعم يحكي مع حاله
وائل: ياترى شو بدها تكون ردة فعلها ، ياترى هي بتحبني ، اكيد بتحبني انا حااسس ومتاكد ،
هففف ولو واخيرا رح شوفها ،صرلي تلات تيام ماشفتها ،عم اشتقلا كتير
كان زيد واقف ع باب الغرفة وصافن فيه
وهو مو حاسس بوجودو ابدا
قرب لعندو وهو مصدوم وصار يتطلع فيه بعصبية وشراسه
وائل: شبك ولاه😕 ليش عم تطلع هيك
زيد:...😠😈
وائل: لك وضريب شبك، بعدين ايمتا دخلت انت؟
زيد: ياترى بتحبني اكيد بتحبني من عند هالمشهد الرومنسي الرائع🙂
وائل(بخوف): يخرررب بيتك سمعتني😨😨
زيد: اي سمعتك😠😠
وائل: هاد نص بدي اكتبو بالمسلسل عم قولو حتى احفظو😨😨
زيد: ولاه ،اطلع فيني منيح ،شايفني هندي شي؟؟!
وائل: لا😐
زيد: في ع راسي نقطة حمرة شي؟
وائل: كمان لا😪
زيد: لكن ليش عم تلف وتدور،!؟ نص بالمسلسل قلتلي ، اي والله لااكبسك قتلة ، اعملك حديث الصحافة والاعلام ياكلب ياكر ياحيوان
هجم عليه وصار يضربو ويخربلو شعرو😂😂
زيد: حابب من ورا ضهري ياقليل الزوق ،وعم تخبي عليي
وائل: بسس زيد امانة الا شعري 😪😨
زيد: الا شعرك ما ، بسيطة ياابن تهاني شو عليه
كان في قنينة مي شالها وضربو فيها وصار ينكشلو شعرو اكتر😂
وطبعا وائل مااستسلم كان عم يقاومو ، بعدو عنو ودفشو عالارض
وائل: يخرب بيتك مااقواك،
رجع اجا لعندو ومسكو من رقبتو
زيد: احكي ولاه مين هي يلي مشتقلا
وائل: جكارة فيك مارح احكي ،شيل ايدك عني
زيد: مارح شيلا لتحكي ، ويلا
وائل: لك يخرب بيتك رح تموتني ،شيل ايدك
زيد: مافي مارح شيل لتحكي
بلش وائل يقرصو من ايدو ويدفشو عنو، بس زيد كان عم يتحمل ويقاوم😂😂 وماكان يبعد عنو
زيد: احكي ياواطي
وائل: بشرفك زيد بلا هالمزح ،لك رح تموتني، انا اخوك ،
زيد: منيح عترفت انك اخي ،ازا اخي ليش مخبي عني😒
وائل: لك مافي شي ينحكا لانو
تركني بقا
وفجأة دخلت لعندهن امهن
لقتهن واحد ماسك برقبة التاني
والتاني ماسكو من شعرو ،
شهقت وحطت ايدها ع تمها
صارو يطلعو عليها
تهاني: لك شو عم تعملو انت وياه

وائل: امي قولي لاابنك. بدو يقتلني
قربت لعندهن وبعدت زيد عن وائل
ووائل بلش يسعل
تهاني: لك شوهاد زيد ليش عم تضرب اخوك
كنت رح تروحو
وائل: اي لانو قليل زوق
زيد: واحد متلك قليل زوق برجعلك ها 😏
تهاني: لك شوفي انت وياه ،كل مابدي ادخل لعندكن بدي لاقيكن دابحين بعض !؟ شبكن ، والله مالكن صغار الي على قدكن تجوزو وصار عندهن ولاد
زيد: امي كناعم نمزح 😊
وائل: اي وضريب الك ولمزحك اي😒
زيد: سد حلقك ولاه 😒
تهاني: لك امي برضايي عليكن كم مرة قلتلكن هالمزح ، لابقا تمزحوه، لك مابتحسبو حساب ،وانتو عم تتولدنو هالولدنة ،واحد منكن يصيبو شي،
زيد : امي ماعملتلو شي🙂
تهاني: لك كيف ماعملتلو شي داقق بخوانيقو. كنت روحتو ، لو صرلو شي لاسمح الله شوكنت عملت بحالك
زيد(بمسخرة):ييي كنت بكيت كتير😢 😂
وائل: شايفة امي شايفة ،كان بدو يقتلني وانا بعز شبابي ، ملا اخ😪
تهاني: عااساس انت انظم سيد وائل😒 مانك اعقل منو😒
وائل: امي شوعملت شوفت عينك هو يلي كان عم يخنقني،
زيد: بتستاهل ،امي هاد ابنك عشقان وماعم يحكيلي😒
تهاني: شو عشقان؟😳 ومين هي يلي عشقانها؟
وائل: لاتصدقي امي كذاب هاد، مافي شي من هالشي ،
زيد: لاماني كذاب
وائل: لاكذاب لاتصدقيه امي
زيد: لاوالله كذاب 🙂
تهاني: لك بس بقا انت وياه لسا قلي لقلك ،امي برضاي عليكن ، مزح الايد هاد بتبطلوه ،لاتجننوني ، حاج كبرو بقا
وائل: امرك ماما
زيد: تكرمي
تهاني: كل مرة بتحكو هيك😒
زيد: لا هالمرة جد خلص
تهاني: طيب لنشوف ، يلا انا نازلة وانت كمان زيد روح البس ونزول ع شغلك
زيد: اي بتأمري ست الكل
طلعت امهن من الغرفة وبسرعة رجعو هجمو ع بعض وصارو يضربو بعض
وائل: ياحقير بدك تفضحني قدام امك
زيد: ماحدا قلك تخبي علي ،بدي افضحك اي
وائل: اي والله لموتك ياسردين
زيد: اي،لنشوف مين يلي رح يموت التاني
رجع زيد مسك وائل من رقبتو
ووائل صار يدفشو عنو
وهيك لحتى واحد منهن اجت ايدو عالكوميدينا ،ووقع قنينة العطر يلي كانت عليها ونكسرت
بعدو عن بعض وصارو يطلعو بالارض
وبعدين اطلعو ببعض وفرطو ضحك
وائل: لك ياكر هاد عطري المفضل😂😪
زيد: 😂😂ماحدا قلك تجبرني اضربك
وائل: اخ فرط قلبي ، عين امك تشوف الارض 😆
زيد: بالله بلا زناخة ولاه 😒 حكيلي شو قصتك ، لعما ضربك انا مابخبي عليك شي ابدا😒
وائل: لك تضرب والله لااحكيلك ، بس خليني شوف شو وضع البنت، شو رايها فيني
زيد: طيب مين هي؟
وائل: مابتعرفا
زيد: مو وحدة من رفقاتك يعني😂😂
وائل: لاا لا هي غير
زيد: كيف يعني غير 🤔
وائل: غيرهن كلهن ، مالها من هدول البنات المدلوقات ،هيك كيف شو احكيلك عنها مابعرف ، بس جد هي غير الكل.
زيد؛ حلوة🤔😉
وائل: مانها فائقة الجمال ، بس انا بنظري هي احلا بنت ، يازلمة عليها وجه عم ينقط براءة ،لك هيك لما بتطلع فيها مابعرف شو بحس ،
زيد: شو؟
بلش يحكي عنها ويشوبر باايديه
وكانو عيونو عم يلمعو
وزيد صافن فيه وبتعابير وجهو وهو عم يحكي عنها
وائل: اول مابشوفا بحس بالامان ، هاد الامان يلي بتحسو لما تكون امك جمبك ، قلبي بصير يرقص من الفرح ، لك بصير بسمع دقات قلبي ،يازلمة احيانا بخاف لاتسمع صوتهن😂 هي ،
زيد: يخرب بيتك غرقان لاادانك😳 انت وائل انت؟
وائل: اكيد انا وائل مو خيالي 🙂
زيد: لا جد ماعم اعرفك😳
وائل: اي تعرف 😌 ، لك حزير مين بتشبه
زيد:مين مارلين مونرو
وائل: لك لا يقطع عمرك
زيد: مين؟
وائل: نسخة عن اختك زينة الله يرحمها
زيد: عنجد😍😳
وائل: اي والله
زيد: ماعندك صورة الها ؟
وائل: طبعا عندي سرقتا من صفحتا عالفيس😂😂
زيد: بربك فرجيني
وائل: بفرجيك بس مو هلق للمسا، لانو هلق انا ،تاخرت بدي روح مواعدها ،بدي،شوفها
زيد: هلق ماباخرك فرجيني 🙂
قام قدام المراية ورجع يزبط تيابو وشعرو
وائل: بعدين
زيد: هلق حباب
وائل: نقلع ع شغلك تاخرت
وانا رايح يلا سلام
طلع من الغرفة ولحقو زيد
زيد: طيب قلي شو اسمها ،
وائل: قلت بعدين
زيد: لك تعا لهون ،
مشي وراح ومارد عليه
زيد: لك تضرب ياوائل انا بفرجيك ،
يالله رح طق بدي اعرف ،
لروح ع شغلي احسن شي🙂
_____
وصل وائل
على مكانهن المتعودين يقعدو عليه ولقاها عم تستناه
وائل:كيفك بطتي
غريس: شو متطورة الامور معك ،بطتي !؟
وائل: اي شوفيها ، واحلا بطة كمان ، يالطيف شو عم افقدلك ، لابقا تغيبي ولو
غريس: كل يلي غبتهن يومين
وائل: ازا بتغيبي دقيقة بفقدلك
غريس ؛ يالطيف كل هاد شو قصتك وائل ، !؟!؟
وائل: على اساس مابتعرفي يعني ما🙂
غريس: اي لا مابعرف شو بدي اعرف
وائل: حاجتك كذب 😒 عرفانة بس مطنشة😪
غريس: لك كذب شو عن شو عم تحكي وائل ، ماعم افهم عليك ،

بدون اي مقدمات ولااي شي دجلها ياه دج
وائل: 🙂 غريس انا بحبك
بينت على وجها علامات الصدمة
وتغير لونها وعيونها حمرو ودمعو،مانطقت ب ولا حرف ، وبسرعة حملت حالها ومشيت
وائل: لوين رايحة؟؟؟
ماردت عليه وضلت ماشية بطريقها
قام هو ولحقها
وائل: غريس ستني وقفي
ضلت مطنشتو لحد ماهو وصل لعندها وقطع طريقها
وائل: عم ناديلك ليش ماعم تردي ؟؟؟؟!!!
غريس: بعد من طريقي وائل
وائل: شبك ؟ ليش تركتيني ورحتي،؟
غريس: مادخلك بعد من طريقي
وائل: لامارح بعد ، شبك بس قليلي !؟
غريس(بعصبية): مافيني شي عم قلك بعد من طريقي
وائل: بتحبيني
غريس(بصراخ): وائل بلا حكي فاضي بعد من طريقي بدي روح
وائل: مابدي جاوبيني ، بتحبيني؟
غريس: لا
وائل: كذابة
غريس: لك وائل حل عني مو ناقصتك
وائل: لا مارح حل عنك ، غريس انا بحبك وبعرف انو انتي كمان بتبادليني نفس المشاعر
غريس: اه بالله وشو عرفك،؟
وائل: احساسي عم يقلي ،
غريس: احساسك غلط
وائل: لامو غلط ،انتي يلي عم تكذبي ، بس عيونك فاضحتك ،
غريس: ماشالله صاير عم تقرا العيون كمان
وائل: وبعرف ليش عم تتهربي مني
اطلعت فيه بعصبية وصرخت بوجهو ودموعها عم ينزلو ع خدودها
غريس: مزالك بتعرف ،ليش جاي عم تقلي ، ليش عم تعذب حالك معي ، خلص كان خلي مشاعرك بقلبك ، ولاتحكي فيها ،
وائل: ولي لحتى مااحكي فيها ،شو الي بيمنع ؟
غريس: الي بيمنع انو انا وانت مو ظابطين لبعض ،ومستحيل نكون لبعض كمان
وائل: وليش بقا؟ بس لانو كل واحد منا من دين 🙂 لك شو دخل الدين ، الحب مابيعرف لامسلم ولامسيحي ،
غريس: وانت برأيك اهالينا رح يقبلو بعلاقتنا ؟
وائل: اكيد لا ، بس هنن شو دخلهن
غريس: كيف شو دخلهن لاتجننني وائل
وائل: اي مادخلهن ، طالما نحن منحب بعض وبدنا بعض مافي حدا بيقدر يفرقنا لا الدين ولا الاهل ولا العادات والتقاليد
غريس:بس انا مابقدر
وائل: ليش مابتقدري ليش؟
غريس: وائل مشان الله تركني بحالي
وائل: لا مارح اتركك ،انا بدي ياكي لو شوماكان التمن
غريس: وانا مابقدر ،عن اذنك بعدلي بدي روح
وائل: غريس ستني ماخلصت
غريس(بصراخ): واائل خلص بقا ، بعد من طريقي
استسلم وبعد من طريقها
وتركها تمشي
مشيت وهي يادوب ماسكة دموعها
طلعت ركض من الجنينة وهي عم تبكي
ورجليها ماعم يحملوها
غريس: ياربي دخيلك كيف هيك صار ، لك انا كيف علقتو فيني وعلقت حالي فيه بدون ماحس ،ياريتني سمعت كلام ماما وبعدت عنو ،
انا كنت مفكرة ، انو بس انا يلي حاببتو، طلع هو كمان ، ياربي دخيلك شواعمل بحالي ،
اما هو ف كان كتير مقهور قعد
على مقعد الحديقة ومسك راسو
وائل: يالله شو بدي ساوي ، طلعت هي كمان رافضة الفكرة، لك يلعن حظي ، طول عمري صايع ، لما جيت بدي حب انرفض ، ليش هيك ياربي ..
______
بمكان تاني
كان زيد بمكتبه
هو ورشا
فجأة دخلت زميلتهم بالشغل : استاذة رشا ، المدير طالبك
رشا: طالبني انا؟؟ شوبدو؟
_: مابعرف
رشا: طيب هلق بروح لعندو
زيد: شو بدو منك هاد؟
رشا: شبعرفني بنئزني قلبي لما يبعت عليي😂😨
زيد: طيب روحي شوفي شبو ورجعي
رشا: قوم روح معي خايفة
زيد: 😂 بلا مياعة وليه ،طلبك لحالك ، روحي شوفي شبو
رشا: ماشي🙂
طلعت من المكتب وراحت ع مكتب المدير
وهي طلعت بلش تلفونها يرن
راح زيد ليشوف مين المتصل
لقا اسم خالد😐
اتدايق بس ترك التلفون عم يرن وقعد
رجع رن مرة ومرتين وتلاتة
وصار يبعت مسجات
بعدها زيد مل ، وراح فتح الخط
واول مافتحو
خالد: الو شو حبيبتي ، لي ماعم تردي، شكلو لسا هاد الغليظ الدبقة زيد جمبك ،شتقتلك بدي شوفك ،شبك روري ليش ماعم تردي عمري ، الو
وينك، روري لاتنسي اليوم موعدنا الساعة ٩ عندي بالبيت ، مشتقلك كتير
سمع هالحكي وحس كأنو حدا ضربو على راسو
رجليه ماعاد يحملوه وماعاد يتوازن
وقع الموبايل من ايدو
وكان لسا الخط مفتوح وخالد عم يحكي
حط ايديه على دانيه
وغمض عيونو
وصار يصرخ
زيد: لا لا اكيد يلي سمعتو غلط
مستحيل ، مستحيل.، لاااااا مستحيل
اجت رشا وشافتو بهالحالة ستغربت
قربت لعندو وهي قلقانة حطت ايدو ع وجهو وقالتلو:شبك حبيبي ؟؟
اطلع فيها بحقد وعيونو مدمعين
مسكها من ايدها وشال الموبايل وسحبها وراح لبرا المجلة
وهي موفهمانة شي
رشا: زيد شبك لوين اخدني ، وقف زيد بس فهمني شبك
زيد: ....
رشا: لك زيد قلي شوفي يتبع...

تكملة البارت 5
ضل ساحبها لحتى وصلو لجنينة صغيرة
قريبة ع مكان شغلهن
كانت الجنينة فاضية ومافيها حدا
دفشها وقعدها عالكرسي
وفتح موبايلا وفرجاها المسجات يلي مبعوتين من خالد
كان كلو كلام غزل
وشغلات عيب 🙂
وباعتلا صورة
كانو قاعدين بالكافتيريا
وحاطت ايدو عاايدها
وكاتبلها
عم استناكي لاتنسي تجي المسا
لعندي
قلبي دايب عليكي

كانت مصدومة من الشي يلي عم تقرأه
وماعم تعرف شو بدها تحكي
رشا: ز ززيد انت اكيد مانك مصدق شي ما؟؟
زيد: ....
رشا: حبيبي ،هالحكي مافي شي منو. هاد بجوز غلطان مخربط مابعرف ،بس هالحكي مو صح والله موصح ،وحياتك عندي موصح
زيد( صرخ فيها مقاطع) : بسسسسس خرسي ، مابدي اسمع صوتك
لاتحكيييي ولاكلمة ،، لكك انا هلق ازا بقتلك مو قليل لا ، لك ياقليلة الشرف يابلا اخلاق ، انا مقضيها خناق مع اهلي مشانك ،وانتي عم تحبي وتعشقي وتفلتي ،لك انتي ماعندك دم؟؟؟ ماعندك شرف ،لك شو انتي شو يالله دخيلك انا ماعم صدق ، ماعم صدق انتي يطلع منك هيك شي
رشا: زيد وحياتك مابعرف شي عن هالمسجات ،
زيد: لكك حاج تحلفي بحياااتي ، لك يبعتلك حمى،لك انا شو عملت معك. بشو اذيتك حتى تخونيني بهالطريقة البشعة، لك رشااا انا صرت عم اقرف منك ، لككك تفوو عليكي
قربت لعندو وحطت ايدها ع تمو
رشا: بكفيي زيد بكفيي ماعم اتحمل اسمع هالكلام منك ،لك يامجنون انا ماخنتك، انا بحبك والله بحبك والله
بكل قوتو بعدها عنو ودفشها عالارض
زيد: حاااج تحلفي، وحدة قليلة ادب ،الله يلعنك ،شو كرهتك ، بكرهكك وليي بكرهك ،روحي الله لايسامحك،ان شالله بتدوقي يلي دوقتيني ياه ، ياواطية ،ليكي وليه اوعككك تفرجيني وجهك او تدقيلي او شي ، لانو والله العظيم ازا بشوفك مرة تانية رح خلص عليكي
رشا؛ لك يااريت ياريت تخلص عليي اهون عليي من الحكي يلي عم اسمعو منك
زيد(بحقد): مابوسخ ايديي بوحدة متلك ،،
تتهني انتي والسيد خالد، لاتنسي تروحي الليلة لعندو،وقليلو بيسلم عليك زيد. وبيقلك لاتأمنلي ،انا وحدة واطية وخاينة ...

تركها ومشي بسرعة
بدون مايسمعلا او يعطيها فرصة تحكي
ماعم تصدق يلي صار
كيف صار هيك. وليش ،كيف بلحظة حبيبها تركها، وحياتها نقلبت فوقاني تحتاني
عيونها ماعم يوقفو بكي
ورجليها ماعم يحملوها ،
ليش هيك عمل فيها خالد وشو مصلحتو ياترا؟؟
_____
ماشي بسيارتو وماعم يشوف بعيونو
عم يبكي متل الطفل لصغير. يلي فقد امو
حمل تلفونو واتصل بوائل
ماكان في رد ،
فتح الواتساب وبعتلو تسجيل صوتي
زيد: وائل وينك ، بدي شوفك ضروري انا كتير بحاجتك،
بعت المسج لوائل ،وشافو مارد
تزكر انو هو بيكون بالجنينة بهالوقت
راح دغري لعندو
نزل من سيارتو ودخل عالحديقة
شافو من بعيد
قاعد وراسه بالارض وايديه على راسو
قعد جمبو ، واول ماحس وائل بوجودو
قلو بغصة
وائل: رفضتني ،
زيد: طلعت عم تخونني ،
شال ايديه من ع راسو واطلع بزيد بصدمة
وائل: مافهمت؟؟؟
زيد(بحرقة قلب ): رشا طلعت عم تخونني
وائل: زيد انت فهمان ع حالك شو عم تحكي؟؟
هزلو براسو انو اي
وقلو: شفت كل شي بعيني ، وسمعت باادنيي
وائل: لك شو شفت؟؟؟ شو سمعت احكي ،
انهار بالبكي وصار يصرخ
زيد: لككك عم تخونني. وقت كنت قلك مابتحبني كنت تتهمني ، اني عم افهما غلط ، بس لاا طلع احساسي بمحلووو ،رشا مابتحبني ،رشا بتحب غير حدا. لا وعم يطلعو سوا وعم يلتقو عندو بالبيت ،يعني رشااا وحدة فلتانة. عم تفهم عليي وائل رشاا فلتانة
وائل(بصدمة): لااااا زيد انت جنيت نظامي، حبك الها عمى ع قلبك. وعملك واحد مجنون، حبيبي ،منين عم تجيب هالتخريف ،؟ رشا مستحيل تكون هيك
زيد: لكككك لااا هييي هيك انا شفت كل شي بعيني
وائل(بصراخ): لككك شو شفت احكيي ،
بلش زيد يحكي لوائل ع يلي صار
ووائل كان مو مصدق يلي عم يسمعو،
صار يضرب ع راسه ويقول
وائل: لا ياربي لا ،ماعم صدق ، في شي غلط مستحيلل مستحيل هالحكي
زيد: ياريت فيني كذب عيوني
وائل: دخيلك ياربي مصيبتين سوا، مابكفي انا كمان انت ،
زيد: ليش شبك انت
وائل: ماقلتلك انها رفضتني
زيد: وليش بقا
وائل(بحزن): بسبب الدين
زيد: الدين،؟؟
وائل: اي غريس مسيحية. بس انا واثق انها بتحبني واثق. حتى كلامها كان بيدل على انها كمان بتحبني ،
زيد(بغصة): ياالله ليش انا وانت مالنا حظ
وائل: حبيبي زيد طول بالك، انت، يمكن تكون فهمان الموضوع غلط
زيد: لك حاج تقليي فهمان غلط حاج ،عم قلك شفت الرسائل بعيني، وصورتها معو بالكافيه واتصل مكالمة وفتحت الخط صار يقلا انو ليش ماعم تردي الدبقة زيد جمبك لاتنسي مو عدنا المسا،
شوو بدك اكتر لسا شووو ،
وائل: والله مابعرف شو بدي قلك

زيد: لكك ليش عملت فيني هيك ليش، انا بشووو غلطت معها، ازا مابتحبني ليش ماتركتني، ليش تكسرني بهالطريقة البشعة
وائل: زيد والله ماعم صدق ماعم تدخل بمخي، لك رشاا !!؟؟ والله مابتتصدق، رشا بتحبك ، قديش صار بيناتكن مشاكل وضليتو مع بعض
زيد معقول بعد كل شي تخونك مابصدق مابصدق
زيد: لككك لاتجننني ،عم قلك شفت كل شييي وسمعت ،ليه ماعم تفهم
وائل: طيب اخي طول بالك، بالناقص منها ، انت شيخ الشباب ، بكرا الله بعوضك
زيد: اخ بس اخ الله لايسامحها ، والله واالله كان بدي اقتلها، بس قلبي ماطاوعني، مااجا من قلبي ،
انا عم حس بشعور بشع كتيررر. عم حس بشعور الشفقة ع حالي لك انا صرت استحقر حالي ، لاني امنتلها وسلمتها قلبي ، لك كيييف كيف هيكك شلون بيجي من قلبها تعمل فيني هيك؟؟ وانا يلي حبيتا من كل قلبي كنت مستعد اعطيها روحي. وقلبي وكل شي بملكو بس تضل معي ، لك ياااما متخانق مع امي وابي كرمالها ،واخر شيي تطلع عم تخونني،مابتحبني، ليش هيكك؟؟ ليش هيك اخي ليش؟؟
كان عم يحكي هالكلام وعم يرجف
ويبكي متل الولد لصغير اخدو وائل لصدرو وحاول يهديه
وائل: اهدا اخي اهدا كرمال الله ،لاتعمل بحالك هيك ، شد حيلك انت رجال شبك ، الرجال مابيبكو
زيد: لكك اخ بس مو باايدي، لك انا نخنت ،اخي طلع عم ينضحك عليي ،كنت عايش بكذبة كذبة كبيرة ، طلعت مسخرة ومضحكة ، وبتقلي رجال ، لك التعن ابو رجولتي
وائل: لك انت رجال وشيخ الشباب ،وتاج عالراس،
له ياابو الزوز له ،دموعك غالية ، ومابصير تنزل على شي رخيص ،
زيد اخي حبيب قلبي ،انا باخد القوة منك ، كلهن وقت يسألوني عن سبب نجاحي وشهرتي بهالسرعة هي ،بقلهن بفضل الله واخي ،انت سندي ونصي التاني ، انا لو ماانت تقويني كنت ولاشي ، واحد تاني. ماالو اي قيمة ، انت بس مصدر الطاقة والقوة الي لاامي ولاابي ولااختي ، انت وبس ،
وائل مابيسوى شي لوما عندو اخ اسمو زيد، بقا مشان هيك لاتضعف اخي ، لاتضعف لاني ازا ضعفت رح اضعف وضيع انا ..
رفع راسو واطلع فيه وعيونو منطفية
زيد: للااسف مصدر قوتك نقتل مات من جوا نطفا خلص
وائل: مو زيد يلي بينطفي كرمال حدا مابيستاهل ،
زيد غالي غالي كتير ومابيبكي ع حدا رخيص ، خلص اخي ببوس ايدك خلص ، والله قلبي مو متحمل ، حاج تبكي ، والله مافي شي بيهدني غير زعلك ، لك شبك انا بعمري ماشفتك بهالحالة هي ، مشان الله رحمني .
زيد: ياريتني متت قبل ماشفت يلي شفتو
وائل: بعيد الشر ريتو الموت لااعدائك ،
قوم معي قوم خلينا نروح عالبيت ، انت تعبان ولازم ترتاح
زيد: لا لا مابدي روح عالبيت موطايق شوف حدا
وائل: طيب اخي وين بدك اخدك باخدك بس المهم ترتاح
زيد: ارتاح كيف بدي ارتاح ؟؟؟
وائل: خلص قوم معي ، خلينا نروح عالبيت وبلكي بكرا منطلع على بيتنا بالضيعة ،منقضي فيه يومين ، لبين ماترتاح
وازا بالبيت سألو عنك ، بقلهن انك مريض
زيد: ..
وائل: شو موافق ؟
زيد: ماشي
وائل: يلا قوم معي
____
رجعت عالبيت
وهي منهارا ومحطمة بكل معنى الكلمة
دخلت ع غرفتها وسكرت الباب ع حالها
ورتمت ع تختها
وصارت تبكي بصوت عالي وتصرخ
رشا: ليش هييييك ياالله ليش ، ليش بعدتو عني بهالطريقة هي ، ياريتني متت ولاصار الي صار،
لك شو بدي اعمل ،كيف بدي خليه يصدق كيف بدي اقنعو ، اني مظلومة، دخيييلك يارب والله الظلم بشع بشع كتير،
حملت تلفونها وصارت تتصل بخالد
لتفهم منو عن موضوع الرسائل
كان عم يطلعلا انو الرقم غير موضوع بالخدمة
رمت التلفون وصارت تصرخ،: لككك ياااحقير ياااكلب ، ياابن الحرام،الله لايوفقك ياخالد الكلب. الله يحرق قلبك متل ماحرقت قلبي، الله يحرمك من اغلا شي عندك متل ماحرمتني اغلا شي عندي، ياابن الحرااام
_____
بمكان تاني
كان خالد ماسك موبايل وعم يعمل مكالمة
خالد: الو اي ياخانم، الخطة نجحت والي بدك ياه صار متل ماامرتي واحسن .
ياترا مين يلي عم يحكي معها؟؟
وهل ياترا الها علاقة بقصة زيد ورشا؟؟؟
_____
بالليل
كان وائل بغرفته
صافن بيلي صار بينو وبين غريس اليوم
حمل تلفونو واتصل فيها
طلعتلو السكرتيرة ،: الرقم المطلوب مغلق او خارج التغطية
وائل(بعصبية): يلعنن مسكرة موبايلا، شو بدي اعمل انا هلق ،
حس بدوخة وبوجع راس مو طبيعي
فتح الدرج وطالع مسكن وشربه
اندق باب غرفتو
وائل: تفضل
فتحت الباب جنى ودخلت
جنى: بدي احكي معك بموضوع فاضي؟
وائل: ضروري؟
جنى: اي ضروري
وائل: اي حبيبتي فوتي
قربت لعندو وقعدت جمبو حستو مو ع بعضه
جنى:،شبك حبيبي فيك شي؟ صاير معك شي؟ ،من وقت ماجيت حسيتك مو منيح
حتى عالعشا ماتعشيت منيح،
وائل: لاعمري مافي شي بس راسي عم يوجعني وتعبان شوي

جنى: ياقلبي سلامتك ،
وائل؛ الله يسلمك جوجو
جنى: طيب وزيد ليش مااجا تعشا
وائل:‘ اختي زيد مرضان مانو قدران ياكل شي
جنى(بقلق): ولي على قلبي شبو
وائل:كريب اختي ،بتعرفي الجو عم يتغير ،جباري يعني.
جنى: ياقلبي هلق بس نخلص بروح بشوفو ،
وائل: اي اختي شوكان بدك تقوليلي؟
جنى(متلبكة): مابعرف منين بلش
وائل: احكي شوفي
جنى: انت بتعرفو لمديري ؟ الاستاذ حسام؟
وائل: اي بعرفو شبو؟
جنى: اليوم عزمني ع فنجان قهوة ، وطلب مني فهمو ، شوقصتي مع قصي، بتعرف لانو شاف كل شي بعينو هداك اليوم
وائل: اي؟
جنى: المهم بعد ماخلصنا،حكي ،عرض عليي الزواج
وائل(مستغرب): جد عم تحكي؟
جنى: اي
وائل: وانتي شوقلتيلو؟
جنى: قلتلو بدي فكر ، انت شو رايك فيه؟
وائل: والله انا مابعرفو عز المعرفة. بعرفو من بعيد، والزلمة ماشفت منو الا الخير وعمك سامر دائما بيمدح فيه وبااخلاقو ، بس رأيي مو مهم المهم رأيك
جنى(بغصة،): مابعرف😐
وائل: شو مابتعرفي؟؟ بدك ترفضيه للزلمة؟
جنى: انت بدك ارفضو ؟
وائل: طبعا لا، ليش ترفضي بقا، الزلمة ماناقصو شي وشاريكي وداخل من الباب، ليش ترفضيه ،وتروحي من ايدك؟ كرمال قصي الكلب؟ لسا مستنية شي منو؟
جنى(بحزن): لا مو مستنية شي، بس مو بسهولة بنساه
وائل: لابتنسيه
جنى: اي شو الشغلة شوربة ،
وائل: لامو شوربة، بس لما رح يجي الشخص الصح الي يصونك ويدير بالو عليكي ،مو بس رح تنسي قصي، رح تنسي عيلتو كلا وتنسي انك حبيتيه اصلا
جنى: لاتبالغ وائل
وائل: ماعم بالغ صدقيني هاد الي رح يصير، بس الشغلة بدها ارادة ووقت
جنى: مابعرف يعني هلق شواعمل
وائل: هلق انتي حرة بالنهاية هي حياتك ،بس نصيحة مني ازا الشب رايدك لاتروحيه من ايدك، انسي وفتحيلو قلبك
جنى: ان شالله خير
وائل: ان شالله حبيبتي ،الله يريح بالك ويبعتلك ايام حلوة
جنى: يخليلي قلبك ابو اللول
____
بعد نص الليل
بشركة العيلة
قصي: شو بدنا نعمل هلق عطيني فكرة
سيلا: بدي ملفات وعقود استلام البضاعة يلي بتشتروها
قصي: شو بدك فيهن؟
سيلا: بدي اطلع عليهن
قصي: هلق بجبلك ياهن
سيلا: سمعني منيح شو بدي اعمل
نحن رح نشتري بضاعة تالفة
ونحطها بالمعمل بين البضاعة السليمة ،
وهون انت رح تعمل
حركة تكشف انو في بضاعة تالفة ،
وبهالحركة رح يصير في سين وجيم وتحقيق ،وهون رح ياخدو البضاعة ويحللوها ليتاكدو ازا كانت المواد فاسدة
ونحن هون شو رح نكون عاملين؟
قصي: شو
سيلا: رح نكون حاطين البضاعة التالفة من فوق
والسليمة من تحت
ولازم تكون التالفة اكتر من السليمة ،
مشان ازا عملو تحليل للمواد تطلع معهن انو كلها فاسدة ومنتهية الصلاحية
قصي: والبضاعة السليمة؟ وين بدي روح فيا؟؟ المستودع مليان
غمزتو بخبث وقالتلو
سيلا: ولو قصي انت احق فيها ، بيعها وحلال عليك حقها
قصي: ماهي هون مشكلتي كيف بدي بيعها بدون ماحدا يحس عليي

سيلا: بسيطة ولو مندبرها انا وانت ،
هلق عمامك شو رح يشوفهن انك عم تبيع منها
ماانت المدير وانت الراس الكبير
قصي: والله معك حق ، يخرب بيتك شو داهية
سيلا: هههههه اي لكن بيبي لكن ،حتى تعرف مين متزوج ، وفي شغلة تانية
قصي: شو
سيلا: رح نخفي الاوراق الي مكتوب فيها كمية المواد المستلمة وقديش سعرها
ونحط اوراق جديدة فيها كمية اقل بكتير وسعر اقل بكتير
هييك التهمة بتثبت ع عمامك انو عم ينهبوها للست نجوى
قصي(بخبث): ههههه وساعتها يلا باااي او بااااي
سيلا: هههه انا ماشي ليك يلا باي😂😂
قصي: بس بلكي نكشفنا
سيلا: لاتخاف مامننكشف ،خطرت ببالي فكرة خطيرة
قصي: هاتي لشوف
سيلا: البضاعة مو موجودة بالقبو؟؟
قصي: اي؟؟
سيلا : والقبو الو مخرج تاني غير الشركة ما؟
قصي: اي الو باب تاني هاد ماحدا بيدخل منو مسكر
سيلا: عز الطلب ،
نحن كل يوم متل هلق
رح نجي عالقبو
منجيب شبين معنا يحملو البضاعة
ومنطالع البضاعة من باب القبو
قصي: حلو حبيت
سيلا: وكل ما منطالع بضاعة مندخل بدالها بضاعة تالفة
وهون البضاعة رح تكون مختومة ومأرخة بتاريخ استلام البضاعة القديمة ، ساعتها انت بتطلع منها متل الشعرة من العجين، ليش؟؟
قصي: هه لانو البضاعة هي موجودة من قبل مااتعين مدير
سيلا: ياااعيني عليك ،وساعتها مين رح ياكلها؟؟
قصي: ههههههه ابو سمرة واخوه عاصم ،مين يعني
سيلا: برافوووو
قرب لعندها وهو عم يضحك بكل حقارة
وحط ايدو ع كتفها
قصي: قلتلك من قبل ليش بحبك
سيلا: لاني بنت حرام 😈
قصي : ايواا ياعيني عليكي ،لك انا بموت بو لاد الحرام ، بعشقهن عشق ،مع اني ابن حلال مصفى والله😂😂😂
سيلا:: ههههه بتعرف بشك انك ابن حلال
قصي: لااطمني ابن حلال ، بس بنكهة ابن الحرام😂😂😂

سيلا: عجبتني هي
ضربو ايديهن باايدين بعض وصارو يضحكو بصوت عالي
قصي: لك اهليين شريك
سيلا: اهلين بزوجي وقرة عيني 😁😁😈
_____
باليوم التاني
وائل: امي انا وزيد بدنا نطلع على بيتنا بالضيعة كم نهار
تهاني(مستغربة): ليش شوفي؟
وائل: امي شمة هوا. وزيد كمان مريض ،بلكي هنيك بيتحسن على جو الضيعة
تهاني: اي لامافي ، بينشغل بالي عليه
وائل: امي شو بدو يصرلو يعني انا معو
تهاني: انت مارح تدير بالك عليه متلي
وائل: له ياام زيد ،شلون يعني مارح دير بالي عليه، رح حطو بعيوني ،
تهاني:،مابعرف بينشغل بالي عليكن
وائل: امي بشرفك ليش لينشغل بالك شو نحن رايحين عالحرب ، ولاشايفتينا ولاد صغار
تهاني: مابعرف ،انا مابتطمن ازا مانمتو بالبيت
وائل: امي ببوس ايدك ،خوفك الزايد علينا خففيه ، والله. نحن مالنا صغار،
تهاني: طيب قديش رح تضلو
وائل: يعني كم يوم
تهاني: كم يوم بالظبط😐
وائل: شغلة اسبوع شوي اكتر
تهاني: لاحبيبي اسبوع وزيادة يوم مافي🙂🙂
وائل: طيب امرك توتة خانم
تهاني: شو هي توتة 😏
وائل: امي هاد دلع اسمك
تهاني: لك شو دلع مادلع مفكرني بنت عشرين😏 نضب ماما
وائل: لك انتي ست الصبايا ، والله ليش مفكرة حالك كبيرة
تهاني: اي ضحاك عليي لقلك😏 مافي تضلو نهار زيادة عن الاسبوع
وائل: له ياتوتة هلق انا عم اضحك عليكي الله يسامحك بس 😁
تهاني: قلنا بلاها هي توتة🙂
وائل: 😅طيب خلص امرك ست الكل ،
____
بالجامعة
كان ايمن قاعد لحالو ومهموم
وعم يفكر شو لسا بدو يعمل حتى تحن عليه بسمة
ايمن(بقلبه): ياربي شو ساوي انا قديش شفت بنات عنيدين، بس اعند منها ماشفت ،لك ماضل شي ماعملتو، كيف بدها تقتنع اني بحبا. الله يسامحك بس يابسمة ،
وبلحظة خطرت بباله فكرة
وقف على حيلو
وقال: حلوووة ، اكيد هيك رح تقتنع ،
خليني روح ظبط الوضع قبل ماتجي ،،،،،
قولكن شو رح يعمل؟؟؟؟
_____
بعد ساعتين
وصلت بسمة عالجامعة
وكانت طالعة مستعجلة عالقاعة ،
واول ماوصلت عالقاعة
كانو البرادي مسكرة وعتمة
اشتغلت موسيقى رومنسية واضواء حمرة
وبالون احمر وورد
مفروش بكل مكان
الطلاب بمقاعدهن
عم يتطلعوها عليها وهي عم تتطلع فيهن وبالمكان مستغربة
بسمة: شوووعم يصير؟؟؟
وفجأة بيطلع ايمن من بين الطلاب
وبيجي لعندها وباايدو ميكرفون
بيطلع فيها بكل حب وهي بتكون مصدومة ب يلي عم يصير
بينقل ايمن نظرو للجمهور وبيرفع المايكرفون وبيحكي
ايمن: سمعوني كلكن شو بدي احكي، انا ايمن محمود. شايفين هي البنت
وبيأشر على بسمة
ايمن: هي البنت ، انا بحبا ،اول مرة بجي فيها عالجامعة ،الله حطها بطريقي، كانت هي اول حدا بشوفو من بين كل الناس يلي بيدرسو هون ،
اول مااجت عيني بعينا ،حسيت بطعم الحياة
مع اني كنت مسكر ع موضوع الحب ، ومالي ناوي حب حدا، بس هي البنت ، كانت متل السحر، بظرف كم يوم خلتني حبها وحس حالي بعرفا من سنين ،
بس هي ماعم تصدقني مفكرتني عم اضحك عليها
كان عم يحكي وعيونو عليها عم يبرقو متل النجوم
وهي كانت عم تتفرج عليه وقلبا عم يرقص من الفرح
ايمن: وانا اليوم جيت لبيناتكن ، ووقفتلكن المحاضرة، بس كرمال تكونو شاهدين عالشي يلي رح احكيلا ياه هون،
انسة بسمة ، انا بحبك وبعشق، وبدي ياكي تفهمي انك خطفتي قلبي من اول مرة شفتك فيها، وماعم اكذب ومالي مصلحة اكذب ،وهي عم قلك قداام الكل، وحامل المايكرفون مشان الناس يلي برا القاعة كمان يسمعو،
سمحيلي كون بحياتك ،وصدقيني مارح تندمي، انا مارح خيب املك ،
اطلع عالطلاب وقلهن
ايمن: اشهدو ياناس انا بحب بسمة وبموت فيها، وازا شي نهار زعلتها او خيبت املها، انا رح اسمح لكل الموجودين هون يجو يبزقو بوجهي
الكل صارو يضحكو
وهي حطت ايدها ع تمها وصارت تضحك
اطلع فيها بكل حب وقلها
ايمن: شو انسة بسمة ، بتقبلي كون حبيبك،؟!
هزتلو براسها وهي عم تضحك
وقالتلو: اي بقبل 😊😊
رفع راسو للسما وتنهد وقال: واخيرا ياربي
قرب لعندها واخدها لصدرو
وهي كانت ملبكة وخجلانة وفرحانة بنفس الوقت مشاعرها كلها ملخبطة ببعضها
الكل صار يصفقلهن ويصفر
ويقولولهن: تتهنو يارب
بسمة لاايمن: خلص بقا ستحي يااجدب😊
ايمن: انتي الي جبرتيني اعمل هيك،قدام الكل، ان شالله صدقتي هلق
بسمة(بدلع): شوي
ايمن(متعجب): شووي؟؟😕 اقتل حالي؟
بسمة: لا 😅
ايمن: بحبك وليه عنيدة
بسمة: لاتقول وليه😏
ايمن: خلص اسف 😁
_____
بعد تلات تيام
ببيت الضيعة
عم يندق الباب
قام وائل من محلو وراح فتح الباب
وائل(مستغرب): هاد انتي شوجابك
جنى(بنظرة عتب(: بتجو لهون ومابتخبروني ، ولابتجيبوني معكن،! بعدين شو هي شو جابك !؟ قول اهلا وسهلا

وائل: اي اهلا وسهلا ، تفضلي دبة
دخلت
وصارت تتلفت يمين شمال ،
جنى: وينو زيد؟
وائل: قاعد عالتراس
جنى: هلق بشرفك موعيب عليك، بتحكي لبسمة ونور ب يلي صاير مع زيد والي مابتحكيلي 😞
وائل: حقك عليي بس بوقتا كانت الشغلة تازة وزيد مو ناقصو، وانتي اكيد لو عرفتي رح تروحي لعندو وتفتحي معو الموضوع
جنى : طيب كنت قلي لاتروحي لعندو مابروح
وائل: لك انا كنت بدي خبرك تاني نهار، بس كنتي بالشغل ونحن سافرنا، خلصينا بقا لاتعمليلي ياها قصة
جنى; ولي على قلبي زعلان كتير ما؟
وائل: زعلان وبس لك انا بعمري ماشفت زيد بهالوضع هاد، عكل حال طلعي لعندو شوفي.
جنى(بحزن): ياعمري يازيد والله حاسة فيه، الله لايسامحا لهديك العقربة
وائل: امين
-------------------
متسطحة بتختها
وعيونها بالسقف، الدموع صارو قرينها، من لما فترقو هي وياه، وضعها كان مو احسن مو وضعو ابدا،
وجها شاحب وعيونها مورمين
جسمها صار نحيل، تلات تيام، كبروها مية سنة،
دخلت لعندها اختها يارا. ومعاها اكل وقعدت جمبها ومسكتلا ايدا
يارا: حبيبتي رشا، بكفي بقا حاج تبكي، لك قومي تطلعي ع حالك شوفي وجهك كانو عمرك ستين سنة،
رشا:-------
يارا:طيب قومي كلي كم لقمة
رشا:تركيني يارا مابدي شي
يارا:طيب بصير هيك الك تلات تيام بلا اكل
رشا: ويصيرو عشر تيام عادي بلكي بموت😔
يارا(بعصبية):شو هالحكي بعيد الشر عن قلبك
رشا: شرر؟ ليش شوفي شر اكتر من يلي صار
يارا:طولي بالك حبيبتي بكرا ان شالله بتتصالحو وبترجعو
رشا: نرجع؟ لك مستحيل كيف بدو يرجعلي بعد الي صار، لك زيد صار بيكرهنيي عم تفهمي شو يعني بيكرهني؟ لك ماعم اقدر انسا الطريقة الي كان عم يحكي معي فيها لما شاف الرسائل ماعم اقدر. تمنيت يخنقني ولايقلي الي قالو. بس حقو ومابلومو اي حدا محلو رح يحكي هيك واكتر، بس الله لايوفقو ابن الحرام خالد. لك بس افهم ليش هيك عمل، انا بشو اذيتو يالله يارا رح جن
يارا: قلك شي؟
رشا: شوو
يارا: بلكي زيد لانو ماعم يقدر يقنع اهلو فيكي، فصار بدو حجة ليتركك وعمل هالتمثيلية هو وخالد لحتى يصرلو سبب تتركو
اطلعت فيها بصدمة وصفنت شوي
رشا: انتي مجنونة شي؟
يارا: ليش
رشا: زيد مستحيل يعمل هيك شي،
يارا: بعمرك ماتوثقي بحدا الثقة العمياء، كل انسان بتقولي مابيعمل هيك، بيطلع هو اكتر حدا بيعمل هيك
رشا(بصراخ): لا لا لا الا زيد، ساليني انا ماحدا بيعرفو قدي، لك زيد بيحبني كتير، شايفة قديش انا بحبو؟ لسا هو بيحبني اكتر بكتير مستحيل يئذيني بهالطريقة هي لا يارا بربك لابقا تحكي هالحكي
يارا: طيب لكن هاد خالد شو مصلحتو يخرب بينك وبينو!!
رشا: مابعرف هاد الي مجنني، والله يا يارا والله ازا بشوفو يمكن اشرب من دمو، يمكن اكلوو بسناني هالحقير ابن الحرام، خربلي حياتي
يارا:طيب خلص حبيبتي انسي كل شي ولابقا تفكري بشي
رشا: انسى؟ ؟!!! كيف بدي انسى!! بهالسهولة، بكب اربع سنين حب؟ هيك وكأنو ماكانو؟
لك كيف بدي انسا شكلك انتي مابتعرفي كيف كنا انا وياه
لك انا ماكنت نام الا لااسمع صوتو
باليوم الي ماكنت اسمع فيه صوتو قبل مانام مااقدر اغفى ، لك نحن منشتغل سوا، بنفس المكتب طول اليوم وجهي بوجهو
باليوم يلي كان مايجي فيه عالشغل، كنت حس حالي ناقصني شي
كيف بدي انساه كيف، كيف بدي انسا الضحكات والخناق والمشاكل، كيف بدي انسا حنيتو وخوفو عليي ولا غيرتو، لك كان بيغار عليي من نسمة الهوا، لك هدول اربع سنين يايارا اربع سنين حب
لك انا الي بيني وبين زيد مابيتسمى حب
الي بيننا اكتر بكتيرر
مافي اي كلام او وصف بهالدنيا بيوصف كمية الحب الي بيناتنا
يارا: ياعمري انتي، طيب شو بدك تعملي
رشا:ماابعرف مابعرف شو بدي اعمل ، لك حتى وائل يلي كان يصالحنا كل ماكنا نتخانق، 😞 ماعاد رد عليي،
يارا: طيب حاولي اتصلي فيه رجعي،
رشا:لك شو بدي قلو؟
يارا: اشرحيلو يلي صار
رشا: اكيد مارح يرد ولا رح يصدقني
يارا:جربي
رشا: طيب
حملت الموبايل واتصلت على رقم وائل
كان قاعد مع زيد وجنى تركهن وطلع لبرا البيت
ورد عليها
وائل: انتي ماعاد تفهمي😠 لك عم تتصلي فيني وماعم رد فهميا لحالك
رشا: وائل سمعني ببوس ايدك
وائل: لك شوبدي اسمع يخرب بيتك شوبدي اسمع، لك كل شي عملتيه ولسا الك عين تتصلي فيني، ليكون مفكرة صالحكن متل كل مرة، غلطانة كتير، لك حمدي ربك لساتني مامسحت فيكي الارض
رشا(تبكي): وائل والله الي صار انا مالي ذنب فيه ومابعرف شي عن الرسائل بشو بدي احلفلك لتصدق
وائل: لك لاتحلفي بشي، مارح كذب اخي وصدقك انتي، ليكي وليه ازا بترجعي بتتصلي لهون مارح يصير خير، هالرقم بتنسيه نهائيا،عم تفهمي
رشا:وائل مشان الله بس سمعني خليني اشرحلك

وائل:لكك شو بدك تشرحيليي زيد شاف كل شي بعينو، يعني واضحة القصة، ف مافي داعي تبرري وتعملي افلام وتمثيليات، وليكي اوعك تفكري زيد هلق عم يبكي عليكي، غلطاانة زيد مابيبكي كرمال حدا رخيص ، ومافي حدا بيكسرو. بقا نضبي ولاعاد تدقي لهون فهمانة، ؟
سكر الخط بوجها. ورما التلفون عالكنبة
اما هي ف وقع التلفون من ايدها ورجعت تبكي من اول وجديد
يارا:شبك شوقلك؟
رشا: قلتلك مارح يصدقني لك ماتركلي مجال احكي،
قربت لعندها يارا وضمتها
وصارت تمسحلا ع شعرها
يارا:خلص حبيبتي سلمي امرك لاالله، بكرا الا ماتظهر الحقيقة.
رشا: كيف بدها تظهر كيف، خلص يارا، شكلي انا خسرتو لزيد للاابد، ياالله ماعم صدق ليش هيك صار فينا، ليش فترقنا ليش، والله حرام الي صار حرام وظلم
يارا: خلص ياقلبي بكفي رح تموتي حالك
رشا:لك يااريت ياريت موت والله جاي عبالي قوم موت حالي
يارا; شو هالحكي رشا، بعيد الشر عن قلبك، اهدي ياروحي اهدي، الا ماتنحل نشالله
---------------------------------
يتبع........

#الحب_الاسطوري
البارت ٦
بقلم: Amina thhan(شرقية الهوى)
مرق شهر على فراقنا انا وياه
ولحد الان عم حس متل كأنو هلق تركنا ،
نفس الوجع
نفس الحرقة مافي شي عم ينقص بالعكس عم يزيد اكتر ،الوقت عم يمرق بطييئ كتير ،والايام
كل يوم اسوأ من يلي قبلو ،
صورتو ماعم تفارق بالي رغم كل محاولاتي انو انسى
كل مابطلع بالمراية بشوف انعكاس وجهو
كل مابجي لحط راسي عالمخدة صوتو بيرن براسي
هو كان اغلا شي بحياتي
كان النفس الي بتنفسو
دنيتي كلا كنت شوفها من عيونه
كان كل شي حلو بحياتي
الي قال انو ماحدا بيموت ع فراق حدا مابيفهم شي
الفراق متل الموت ،
بس الفرق بيناتهن
انو لما نموت روحنا بتطلع مرة وحدة
بس لما نبعد عن يلي منحبهن ،باليوم بتطلع روحنا الف مرة،
ياالله شو شتقتلو ، شتقت لضحكتو غلاظتو عليي حنيتو غيرتو ،عصبيتو،شتقت اتخانق معو
شتقت لكل التفاصيل الحلوة الي كنا نعيشها مع بعض ، ياريت لوفيني رجعو ياريت لوفيني انقذو وانقذ حالي ، ياريت بس بقدر رجع لحظة وحدة من الماضي يلي عشتو معو ياريت بتنفع هالكلمة.......
كتبت هالكلمات عالدفتر ودمعتا غرقت الورق
سكرت الدفتر وقامت تروح ع شغلها
حست حالها تعبانة ومانها قادرة تروح
حملت موبايلا وعملت تلفون
رشا: مرحبا امل ، زكاتك طلبيلي اجازة مرضية من المدير ، تعبانة كتير ومو قدرانة اجي ،طيب شكرا، باي
_____
بعد مرور شهر
واخر التطورات لاابطالنا
جنى وافقت عالزواج من حسام
واليوم هو يوم خطبتهن
قصي مفرعن بالشركة وعم يخطط وينفذ هو وسيلا عالمخفي
وائل كان كل هالمدة عم يتصل بغريس وهي ماعم ترد عليه ،
بسمة وايمن عايشين قصة حب متل روميو وجولييت
زيد. عم يحاول يطلع من الصدمة ويحاول ينسى الي صار، وبعد الحادثة قدم استقالتو من محل شغلو ونتقل لغير مكان،
كان واقف قدام مرايتو وعم يظبط حالو ليطلع ع شغلو
انتبه عحالو انو نحفان ومتغير وكبران دقنو طويلة ووجهو شاحب
زيد: لاايمتا بدي ضل هيك انا يعني ، على شو زعلان؟ على وحدة خانت حبي الها، لا مالازم ضل ضعيف ومكسور ، مو زيد يلي بينكسر، لازم فرجيها اني مو مهتم ولاسائل فيها. صح انا بحبا ومستحيل انساها، بس كرامتي فوق كل شي ،
حمل حالو وطلع من الغرفة
وراح على غرفة الست نجوى
دق الباب سمحتلو بالدخول
زيد: كيفا ام عاصم
نجوى(باابتسامة): اهلا بحبيب قلبي
قعد جمبها ومسك ايدها
زيد: شو كيف رضاكي علينا
نجوى: عال العال
زيد: اي الحمدلله هاد المطلوب
نجوى:الله يرضا عليك ياتيتة وعلى اخواتك
زيد: يخليلنا ياكي
نجوى: حاسة في بتمك حكي!
زيد(متلبك): الصراحة اي
نجوى: شوفي
كان قلبو من جوا عم يحترق وصعب عليه ينطق يلي بدو ينطقه بس قوا قلبو وحكا
زيد: تيتة انا بدي اتزوج مانك ناوية تخطبيلي
نجوى(مستغربة): اخطبلك؟ مو على اساس مابدك تتزوج ع زوقي
زيد: غيرت رأيي
نجوى: يعني مابقا بدك رشا؟؟؟
زيد: لا مين رشا، انا خلص تركتا وشلتا من بالي
نجوى: زيد عم تحكي جد ؟
زيد: اي جد
نجوى : وكيف قتنعت هيك، عملت الف معركة كرمال نجوزك ياها
زيد: كنت حيوان. وهلق رجعت لااصلي 🙂 شوبهمك ليش غيرت رأيي ، انتي بدك العنب ولاتقاتلي الناطور
نجوى: لاطبعا العنب
زيد: خلص لكن ، ايمتا بدك تزوجيني
نجوى: مستعجل!!
زيد: اي بدي اتزوج حاج. عزوبية
نجوى: اي طيب، بس خلينا نخلص من موضوع اختك، وبعدين منحكي بموضوعك
زيد; بنت مين رح تخطبيلي

نجوى: بنتو لمنذر بيك،
زيد; مين هاد مابعرفو
نجوى: هاد يلي ابنو توفا السنة الماضية بالسرطان، شبك ماانت رحت عالتعزية نسيت!
زيد; اي تذكرت،
نجوى: عندو بنت بتجنن حلاوة وادب وعلم
هي دكتورة اطفال متخرجة جديد،
انا متاكدة بس تشوفها رح تعجبك
شايفتكن كتير مناسبين لبعض
زيد: خير نشالله، الله يقدم الي في الخير
نجوى: امين، الله يفرحني فيك وبااخوك، وشوف ولادكن قبل ماموت
زيد: الله يطول بعمرك تيتة
نجوى: وشو مشان اخوك مابدو يقتنع بقا بفكرة الزواج
والله حابة افرح فيكن سوا واعملكن عرس مشترك
زيد: والله مابعرف تيتة تسطفلي منك الو بهالموضوع
نجوى: رح ارجع افتح معو الموضوع، بس انت كمان قنعو احكي معو بلكي منك بيسمع
زيد: ان شالله تيتة،
نجوى:لك احلا ابوعاصم
زيد (بقلبه):لكن هلق صرتي تحبيني، كان بدك اترك رشا، وصار يلي بدك ياه، اخ بس .

---------------------------------
بغرفة وائل
كان قاعد على كرسيتو وشابك ايديه ببعض
وصافن ،
دقت الباب جنى وفاتت معصبة
التفت عليها مستغرب
وائل: شبك! ليش فايتة هيك!
حدا قلك انو غرفتي ساحة معركة!
جنى: ننننن 😕 مهضوم كتير
وائل: شبك وليه؟
جنى: انا شبني ولاانت واخوك ، لك ستحو عحالكن، قولو اليوم خطبة اختنا