Stories 📖

#الجزء الثامن

زفار:فيكي شي؟

زيزفون:لا ليش

زفار:هادية ع غير العادة

زيزفون:لا ابدا مافي شي

رأفت:زعلانة مني صح

سكتت زيزفون وماجاوبت رأفت ابتسم بحنية قرب لعندها ومسك اديها كان عم يحكي بهمس عم يسمعو زفار وزيزفون بس

رأفت:كنت بعرف انو مو غلطك بعرفك اكتر من حالك بس يلي صار بالمطبخ كان رح يشعل جو العيلة مفكرة زفار كان ح يسكت مارح يقدر يواجه امو ويهينها قدام العيلة وح تكون كل الفشة فيكي ويلي بيكرهك رح يشمت هيك لاني اخوكي امرتك وهاد الشي مافيه شماتة وهي حماتك متل امك لا تزعلي مني بس مابدي جو العيلة يتوتر تمام زيزفون انتي استسلمتي ودخلتي حالك بهالمتاهة نحن مو بمسلسل واحداثو تمشي بسلاسة خلص انتي هون صرتي كنة حاولي تتأقلمي مع الوضع رح يكون صعب بالبداية بس صدقيني ح تبلشي تتعودي اهلك تخلو عنك وانا مو دايم بتبقالك عيلتك هون كوني اسرة مع زفار جيبو اخوات لرفيق عملو عيلة زفار مابيكرهك هي فترة ملتئم بسبب الوضع يلي حطيتيه فيه قدام الناس بالضيعة ولما تنتسى القصة رح ينسى معهن والزمن كفيل يداوي كلشي مابقلك رجعي ع ايطاليا لعند مين؟بتعرفي انو بيتي مفتوح الك وبعرف المحبين كتار بس يومين شهرين سنتين وبعدين صدقني هالعيلة رح تكون ملجأك اختي وانا هون معك رح اجي زورك كل فترة وجيب ساجدة فهمتيني

زيزفون يلي كانت عم تبكي هزت براسها وهو ابتسم ومسح دموعها

سليمة:شو صرلكن ساعة عم تتهامسو

رأفت:قال زيزفون بكرة ح تعمل رز بحليب للكل وانتو مابتعرفو ما اطيبو يلي بتعملو

سلزار:نفسها طيب ع الاكل انا بشهد ماشفتو عشا اليوم شو طيب

رفيق بحماس:صح ماما اكلها طيب كتير اطيب من اكل تيتة

سليمة بغيظ:ولى هلا مابقى عجبك اكلي

رفيق حط ايدو ع تمو والكل ضحكو كانت ساجدة نازلة من الدرج قام لعندها رأفت وجابها لقدام زفار

رأفت:زفار ساجدة بدها تقلك شي

زفار:مابدي اسمع اي شي

رأفت:لازم تسمعها عطيها فرصة

اتطلع فيها زفار وهي منزلة راسها وماحكى ورافت اشرلها براسو

ساجدة قعدت ع ركبها قدام زفار وهو اتطلع فيها كانو عيونها مليانين دموع

ساجدة بخفوت:اخي انا اسفة
سكتت شوي ورجعت كفت بعد مابلعت ريقها

ساجدة:انا بعرف اني غلطت ضعفت يمكن بس صدقني انا بحب هالعيلة انت ربيتني بعرف عم تقول ضيعان الترباية بس صدقني انا كنت صغيرة وكنت مابعرف انو هو خبيث فكرتو بحبني بكل براءة متل ما انا بحبو

بللت شفافها وكفت

ساجدة:مابدي اطلع من هالبيت وانت زعلان مني اتفقنا انا ورأفت ازا قدرنا نتأقلم رح نكفي مع بعض انا طالعة عروس من هالبيت مابدي اطلع بدون بركاتك لهالزواج

مسكت ايدو وباستها قرب زفار وباس راسها وطلع لفوق هي طمرت راسها بالكنباية مكان ماكان قاعد وبلشت تبكي بنحيب وصوت عالي

زيزفون لحقت زفار والعيلة كانو عم يهدو ساجدة تحت
فتحت الباب كان عم يشلح قميصو احمرو خدودها وخجلت وهو اتطلع فيها

زفار:ازا جاي تحكي معي بخصوص ساجدة مابدي اسمع

زيزفون:زفار صدقني كلشي بلش ينحل وعم يصير تمام خليها تطلع مبسوطة من البيت وتقدر تكفي حياتها براحة لا تخلي بالها مشغول فيك
بعرف شعورك ومقدرتو كتير منيح بس مانو حل

اتطلع فيها ومارد اتسطح ع التخت

زفار:مو كنتي معصبة وعم تتجاهليني شو هلا ؟

زيزفون:ولساتني بس هالشي مابيعني انو خلي الامور تسوء

زفار:بدي افهم ليش هيك عم تتصرفي

زيزفون:لانو يلي حكاه رأفت صح عيلتي الاولى خربت وهلا هي العيلة هي عيلتي مابدي ياها تخرب
انا رايحة نيم رفيق ماخليتو ينام بكير فكر بكلامي

طلعت من الغرفة وهو صفن بالباب هي نزلت لتحت واخدت رفيق يلي كان نعسان كتير

فاتت ع الغرفة كان قاعد ع التخت وقدامو اللابتوب وقميصو كان بالارض انحنت وجابتو طوتو وفاتت ع الحمام حطتو بسلة الغسيل وطلعت بيجامة من الخزانة حطتها ع التخت واخدت بيجاما الها وفاتت ع الحمام اتطلع زفار بالبجامة واتنهد
انفتح باب الحمام وطلعت زيزفون شافت زفار مبدل بس مو لابس كنزة البجامة بلعت ريقها وقعدت ع طرف التخت وكانت عم تزبط مكانها خبطت ايدها بعضلاتو جمدت بارضها وبللت شفافها واتطلعت فيه كيف عم يتطلع فيها نزلت ايدها بسرعة وخبت حالها تحت الغطا وهو ابتسم ابتسامة خفيفة

كانو واقفين وراها ع المراية وهي لابسة فستان دهبي فستان تقليدي نزلو من الدرج كانو كاتبين الكتاب بس حبو يطلعوها من البيت بفستان تقليدي وقفو ع الباب كانت عم تبكي حضنت سليمة وبعدين رشيدة كانت عم تحضنهن وحدة وحدة وصلت لعند زفار قرب منها وحضنها وهي انهارت بحضنو

زفار:الله معك الله يكتبلك السعادة والخير رأفت انسان منيح بتمنى تكوني خير الو

قربت زيزفون وبايدها هدية عطتها لساجدة

زيزفون:كنت بدي اعطيها لاختي بس ماصار فرصة ع القليلة عطيتك خطيبها

ضحكت ساجدة وحضنت زيزفون قرب رأفت وحضنها كانت عم تبكي عطتو اسوارة وهو عرفها كتير منيح

رأفت:زيزفون بترجاكي

زيزفون:انا يلي بترجاك متل ما اتفقنا حطها هنيك

2.2K views°•Ꭹᗩᖇᗩ ᔑᎩ°•🌸, 21:33