رأيكن بالقصة🧚‍♀👇
@Stories_3_bot

قصة جديدة : #بناتي

"قراءة ممتعة" 🌸♥️

قصة #بناتي
#القسم_الأول
بقلم: #مايا_الحجازي
كنت ع الآخر مستوية معاد فيني الوجع عم يزيد وعم صب عرق صحيح هاد رابع بطن بس كتير كتير صعب اصعب من كل ولاداتي كانت ماسكه ايدي ماما وفوق راسي حماتي وانا عم اطلع بالسقف وعم اسمع كلام الدكتورة ""خدي نفس يلا اكبسيي هيك لحتى سمعت صوت البيبي وغبت عن الوعي فقت بعد ساعه بعالم تاني اسمو شو جبت انا شو جبت بنت ولا صبي يارب يكون صبي كرمال مروان يفرح ناطر هالفرحه من شي سبع سنين من اول ما تجوزني........... امي مو مبينه وانا بالغرفه لحالي واذ بطل عليي صبيه قمرة بتجنن بتشتغل ممرضه بالمشفى
هديل:شو جبت انا
الممرضه:الحمد الله ع سلامتك مدام
هديل:تسلمي شو جبت
الممرضه:جبتي بنوته متل القمر
ولي فقعت براسي غص قلبي من هالكلمه وغمضت عيوني
الممرضه:كم ولد عندك
هديل:معي تلت بنات وهي الرابعه
الممرضه:الحمد الله كلو نعمه والاهم الخلقه التامه
هديل:اي والله
فاتت ماما ومبتسميتلي
ماما:ياروحي كيف صرتي وطلت حماتي ولي على هالخلقه ولا هالكشرة
حماتي:شو كيفك كنتي مبروك ما اجاكي تربى بعزك ودلالك
هديل:بوجود ابوها انشالله
حماتي:اي انشالله ...جوزك برا حابب يباركلك شخصياً
هديل:اي
راحت لتندهلو وقربت ماما وهمستلي"لا تردي عليها وتزعلي بعدين بتزعل بيت ام ولادك ومعااد تظني "
ابسمتلها وبس طل مروان رفرف قلبي صحيح كان مبتسم بس هو عم يتصنع الفرحه انا بعرفو ناطف قلبو على صبي قرب مني ومسكلي ايدي وطبعلي بوسه على جبيني
مروان:الحمد الله ع سلامتك
هديل:تسلم
مروان:انشالله ما عزبتك هالزعرة
هديل:لا عادي
مروان:شو حابه تسميها
هديل:على راحتك حبيبي
حماتي:سميها ختام ...بلكي الله بيختمها ومعاد تشوفهن يا ابني
مروان:شو هالحكي ماما
هديل:سموها الي بدكن اياه
ماما:يلا انا معاد فيني اتاخر ع البيت برجع المسا
حماتي:وانا كمان رايحه لشوف كنتي ام نصر لتروح تولد وتجيبلنا صبي وانا مو عندها
تركونا وراحو وانا غمضت على اساس بدي نام
مروان:اما شو هالبنوته يا هديل بتجنن نسخه عنك تمها منمنم وعيونها باين انهن وساع وبدها تطلع نعومه متلك
هديل:عنجد مروان
مروان:اي يا روح مروان ما بدك تشوفيها
هديل:امبلا
مروان:راح شوف الممرضه لتجيبلك اياها
كلامو خلا قلبي يفرح مع اني حاسه بالشفقه وكلام حماتي سم بدني رغم اني تظاهرت بعدم الاكتراث تجلست شوي شوي دخل مروان وبعد الممرضه وهي حاملة البنوته وحطتها حدي
وتأملتها عيوني ضحكو بس شفتها شعرها غزير وناعم ومتل ما حكالي نعومه كتير مع انو طوال فترة الحمل وهنن يحكولي فيني صبي الدكاترة واختبارات حماتي الي بس هيك الله رايد جابلي مروان اكل جاهز واجت ماما وحماتي لعندي كنت عم حضر حالي لاطلع من المستشفى البست قميص لعند الركبه اسود وبنطلون ابيض مريح ولفيت شاله على راسي واجى مروان ساعدني بلبس الحفايه والجاكيت رغم انو مو برد بس ماما اصرت انو البس كرمال الهوى وقال بيضر ع النفسه اطلعنا بسيارة مروان ماما كانت حاملة البنت وحماتي متل القرفانه ما سدءت ايمتى وصلت ع البيت نزلت ومشاني مروان لباب البيت واستقبلوني بناتي هالة لكبيرة.هبةالوسطانيه.هيا الاصغر.وهنن عم يركضو ومبسوطين
هالة:شو تاخرتو ماما
هبة:شو جبتيلنا اخ ماما
حماتي:لا حبيباتي صرتو اربعه
مروان:يلا شو بدنا نضل ع الباب
فاتت ماما اخر شي كانت غرفتي جاهزة تمددت بتختي وماما اعتنت بالبنت واجو البنات ليشوفو اختهن
هالة:ماشاء الله
هبة:صغيرة صح ماما
هديل:ههه اي يا قلبي صغيرة
هيا:مين احلى انا ولا هي
هديل:كلكن بتجننو
مروان:انا رايح لسكر الورشه وراجع ارتاحي حبيبتي
هزيتلو براسي وتمددت منيح استرخيت
ماما:ازا بدك فوتي ع الحمام
هديل:لا ماما فتت بالمشفى
حماتي:تتعشي كنتي
هديل:لا مرت عمي مافي داعي تغديت
ماما:لا لازم تتعشي كمان كرمال الحليب وراح بعملك القرفا انا
تركتني ماما وراحت والبنات لحقوها وهنن عم يسالوها شو بدنا نسميها وحماتي قربت من البنت وتأملتها وتاملتني
حماتي:سبحان الله كلها اياكي
هديل:...
حماتي:هه...على اساس صبي
هديل:هيك الله راد
حماتي: وهلا عنجد صرتي ام البنات
هديل:كلو من الله
حماتي:ليكي لتكوني بالصورة انا ابني بدي جوزو من هون لاخر السنه لا تعمليلي فيها المظلومه ايوا
هديل:مبروك حماتي سلفن من هلق الله يباركلك فيه
حماتي:ولي على قلبي اكيد راح ليفضي عن بالو وتحجج بالورشه من ساعه سكرها لانو
هديل:...
اجت ماما وسكتت حماتي
ماما:شو ما صحيت هالزعرة
هديل:لا نعسانه
حماتي:هي كسلانه متل امها
ماما:بلعكس عندي هديل اشطر شي مافي متلها
حماتي:شي طبيعي شاطرة بكلشي
ماما:يلا حبيبتي راح بتركك ترتاحي اشربي كاسه هالقرفا وانا راح شق عليكي قبل روح

هديل:بدك ترجعي ع البيت
ماما:اي والله ابوكي وحداني عادل راح لبيت حماه ومافيني اتركو اكتر
اشربت الكاسه وامي اخدت البنات لتنيمهن وحماتي عملت اتصالاتها عندي ما خلت حدا ما خبرتو انو ولدت وجبت بنت وهي عم تلوي شفافها يمين وشمال نزلت لتحت الغطا وغمضت يمكن تزوق على دمها وتروح وبالفعل انقلعت بعد جهد جهيد وكانها راحت من كل البيت كمان شوي اجت لعندي ماما قعدت حدي ومسحتلي على جبيتي وخدودي
هديل:لساتك هون
ماما:لا رايحه....البنات نامو لا تشيلي همهن وصيت هالة فيهن انا من طلوع الضو بكون عندك وابوكي اتصل بدو يطمن عنك كنتي غفيانه بكرى منزورك اي حبيبتي
هديل:اجى مروان
ماما:فات ليتحمم ديري بالك على الامورة لا تخليها تبكي
هديل:ولا يهمك هي الرابعه ههه متعودة
ماما:الله يهدي سرك يا بنتي يلا بدك شي
هديل:سلامتك
قبل تطلع دخل مروان ودعها عند الباب وراحت كان عم ينشف شعرو من المي ولبس بيجامه النوم وابتسملي
هديل:وين كنت
مروان:بالورشه
هديل عنجد
مروان:والله..وين بدي كون
هديل:...
مروان:شو الحلو ما صحي
هديل :ههه الله وكيلك بسابع نومه
مروان:دخيل هالتم لمسمسم اي
هديل:هههههه
مروان:امي طولت هون
هديل:اي
مروان:دايقتك بشي
بقلبي اي والله حرقتلي قلبي
هديل:لااا حماتي مافي منها
مروان:اي ماشي ...انتي كيفك هلا
هديل:الحمد الله....مروان انت زعلان شي
مروان:ههه ليش
هديل:حاسستك زعلان
مروان:اه فهمت قصدك لا يا عمري لا تحطي ببالك كلو من الله
هديل:بس لا تحكيلي مبسوط ما بسدءك
مروان:هلا كنت ناطر الصبي اكيد بس يعني الله ما راد انتحر خلص انا راضي بقسمتي
هديل:عنجد
مروان:اي والله ...بعدين حدا بشوف هالوش البريء وبيزعل منو
هديل:الله يخليلي اياك يارب
مروان:نامي يا روحي ولا تشغلي بالك بخرافات العجايز هلا الزعرة بتستلمك بنص الليل
هديل:ههه
مدلي ايدو ونمت على صدرو ريحني كلامو شوي وحسسني انو لساه بحبني ازا تفكيرو هيك ضل منيح بس ازا حماتي عبتلو راسو راح يتغير مروان وبعرفو .
الصبح كنت سامعه صوت كركعه بالمطبخ اكيد هي ماما مروان لساتو نايم وتزكرت انو البنت لساها بلااسم يا ترى شو راح يسميها لو صبي بدون تفكير كان سماه احمد بس لانها بنت مو ببالو اي اسم تجلست من مكاني وطالعت للبنوته اواعي كانت مفتحه عيونها وعم تعمل حركات رياضيه تقبر قلبي ما احلاها اطلعت بعيونها ولمستلها شعرها الناعم قلبي كان عم يرقص وعلى شوي كنت راح باكلها كنت عم مطيلها ايديها
هديل:دخيلو لصغير اي......نشيطه متل البابا انتي لساتك بلا اسم يا صغيرة .....بكرة هيا راح تموت غيرة منك انت ضرتها راح تاخدي دلال ابوكي
صحي مروان على صوتي وانا عم حاكي البنت فرك عيونو واطلع فيها مسكلها ايدها وباسها
مروان:ههه دخيلو انا...اكلها لك هديل
هديل:ههه لا شو تاكلها حرام عليك
مروان:يا قلبي انا هدول حبيباتو لمروان
هديل:الله يخليك سند الهن
مروان:ويخليلي امهن الحلوة
هديل:ههه
مروان:شو زمان صاحيه
هديل:اي شو بدنا نسميها
مروان:الي بدك اياه
هديل:يعني ما كنت تحبلك وحدة وحابب تسميها على اسمها
مروان:ههه لا ...خلص سميها انتي
هديل:خلينا نسميها جوري
مروان:لا مو حلو جوري اختاري شي احلى
هديل:قمر
مروان:اممم اي قمر ليش لا
هديل:بس ما تحكي لحدا انو انا اخترت الاسم
مروان:هه حاضر
كان عم يتأمل لصغيرة وانا كنت عم اتأملو الو شعراتو منكوشات ولساتو نعسان
مروان:في حركه بالمطبخ
هديل:بتكون ماما
مروان:لروح شوفها لكن وجاييكي
تركني وراح وانا حطيت قمر بسريرها مشطت شعري وقعدت بتختي شوي ورجعلي مروان كان عم يطالع اواعي الو
هديل:رايح ع الورشه
مروان:بعد لفطور
هديل:البنات صاحيين
مروان:اي
خلص لبسو بسرعه مشط شعراتو لطوال وما خليتو يحط بارفان كرمال قمر ودغري ابتسملي راح للمطبخ ورجع معو لفطور كنت مبسوطه فيه وشفت البنات واقفين عند الباب من لكبيرة للصغير
هالة:نفوت
هديل:يا عمري اكيد
هبة:تيته قال انو انتي تعبانه
هديل:لا انا هلا صرت منيحه بشوفتكن
هيا:انا جوعانه
مروان:تعالي كلي
قربو وقعدو قبالي ومروان ما رضي الا ليلقمني بايدو هالة وقفت حد سرير قمر وهي عم تضحكلها وهبة وهيا مراقباتني بعيونهن الحلوين دقت ماما الباب رغم انو مفتوح
هديل:فوتي ماما
مروان:يعطيكي العافيه مرت عمي
ماما:الله يعافيك
مروان:عم نعزبك معنا
ماما:ولو شو انتو غريبين
اجت وشافت قمر وضحكتلها على صوت دقه الباب ودغري هبط قلبي باين انها حماتي راحت ماما تفتح شوي طلت علينا كان مروان عم يعطيني كاسه الحليب
حماتي:صباح الخير
مروان:اهلين ماما
حماتي:شو كنتي كيفك وكيف البنت انشالله ما عزبتك
هديل:لا الحمد الله وانا منيحه
حماتي:اي شو سميتوها

مروان:قمر
حماتي:بالفعل انها قمر ..شو كيفكن يا بنات
هالة:الحمد الله تيته
حماتي:وهبوشتي كيفها
هبة:منيحه تيته
حماتي:شو يامو مانك رايح لشغلك
مروان:لا رايح بتوصوني بشي
هديل:سلامتك
مروان:ادللي يا روحي
هديل:عنجد ما بدي غير سلامتك
مروان:يلا لكن انا رايح اي شي بدكن اياه اتصلو فيني ببعت الاجير
ماما:خود ورقه المشفى كرمال تسجلها
مروان:منيح انك زكرتيني
ودعني ببوسه وغمزة وحماتي تنهدت بعمق ودعها ببوسه على ايدها وطلع من البيت ماما اخدت البنات لتفطرهن وحماتي قعدت تتأمل قمر
حماتي:ما شاء الله صحانه
هديل:فتحت عيونها
حماتي:الله يحميها بدها تطلع حلوة
هديل:...
حماتي:شو مروان نام عندك
هديل:لكن وين بدو ينام
حماتي:لا بس سؤال
هديل:ام نصر ما ولدت
حماتي:عم تطلق ع الخفيف لا اليوم لا بكرة
هديل:الله يقومها بالسلامه
حماتي:امين
اخدت حماتي لفطور وطلعت ورجع اندق باب البيت والظاهر انو سلفاتي هدول منى ومريم ودغري فاتو لعندي وعيونهن عم تبرق شماته فيني ابتساماتهن واضحه
منى:الحمد الله ع سلامتك ومبارك ما جبتي سلفتي
هديل: تسلمي
مريم:شو انشالله ما تعزبتي
هديل:لا الحمد الله
منى:شو سميتوها
هديل:قمر
قربو لعندها واطلعو فيها مريم فتحت عيونها ومنى اطلعت فيها ودغري ابتسمت بخبث
منى:لمين طالعه حلوة
مريم:مشالله امورة ونعومه
هديل:اي
منى:الله يحميها
حماتي:شو كنتي عبالي كنت تطلقي
منى:اي عم يروح ويرجع الوجع
مريم:شو هديل قال ولادة طبيعيه
هديل:الحمد الله
منى:وعنجد بدون ولا قطبه
هديل:اي الحمد الله
مريم:لكن متل حظي اااخ
منى:خدي مني
حماتي:البنت ولادتها اسهل من الصبي انتو جربتو ..اما هديل كل ولاداتها سهلين لانهن بنات
وهون فرطو ضحك على اساس نكته وانو هنن جابو صبيان بشطارتهن بلعت الغصه وانا على فراشي نفخت قلبي ووجهت راسي للقبله "الهي وانت جاهي تنتقملي منهن الله يفرجيني فيكن يوم لا ابيض ولا اسود"
فاتت ماما وبدخلتها ضيفتهن وكملو احاديثهن على هي معها سبع بنات وهي تمانيه وفلان اجاه توم بنات وانو هنن امهات الصبيان وبس منى عندها تلات صبيان ومريم بنت وصبيين انتهت لزيارة هي والمسا اجو اخواتو ل مروان البنات هبة وعلا وولادهن وحماتي ما فارقتني وبالليل اجى اخي عادل ومرتو وابنو وبابا سهرت معهن وانا مبسوطه حكيات عادل بجننو وكلام بابا مريح واجى مروان وكملت السهرة وبعدها راحو كانو البنات نايمين مروان شيك على كل البيت واجى لعندي تمدد واطلع فيني
مروان:اشتقتلك
هديل:ههه من انو ناحيه
مروان:من كل النواحي
هديل:هيك لكن
مروان:اي والله
هديل:سجلتها
مروان:اي يا قلبي
هديل:بتحبني
مروان:بعشقك بتنفسك انا
هديل:ههن طيب ليش
مروان:هيك الله زرع حبك بقلبي وبحبك بدون مقدمات
هديل:الله يحبك
مروان:هدولتي
هديل:يا روحها
مروان:دخيل روحك
هديل:شو بدك
مروان:بدي تضلي رفيقت دربي
هديل:اي اكيد حبيبي
غمرتو وكنت حاسه براحه نفسيه كلامو بيطمني وبحسسني بوجودي وغلاتي عندو .
قمت من فراشي بعد ١٠ ايام لانو ماما معاد فيها تترك بابا وانا تحسنت وروتين يومي كنت انزل لعند بيت حماي وكنت روح اطمن على سلفتي منى بعد ما صار عندها اربع صبيان ويا لطيف حماتي بس تشوفني انا وبناتي داخلين لعندهن وهي هنيك تصلي على النبي وتحاوطهن من عيوني ويا ويلها ازا وحدة من البنات ضربت شي ولد كانت تجن ع الاخر عندها ولاد ابنها خالد خط احمر كنت اسكت وطنش على مبدأ لا تشيلي بقلبك يا بنت حضرت منى القهوة وقعدنا نشربها على رواق لولاد عم يلعبو مع بعضهن بناتي وولادها وانا حاطه قمر بحضني وهي ابنها امير وحماتي متل البومه كل ما جبنا سيرة تدخل بكلامها شوي وطلع صوت لعياط تبع لولاد حطيت قمر ورحت لشوف كانت هبة وناصر عم يتضاربو هنن جيال بيناتهن بس يوم فكيانهن بعد ما طالع نص شعرها بأيدو ما رضيت احكي بس بهدلتها وبهدلتو وهون ادخلت حماتي
حماتي:وليه مقصوفه الرقبه ليش ضاربه ابن عمك
هبة:هو شد شعراتي
هالة :وعضها كمان
حماتي:ممنوع تضربيه
منى:حصل خير وانت لابتلي فيك يا مشكلجي
حماتي:انو خير وبنات هديل عاملات عصابه
هديل:بس بناتي
حماتي:وفي غيرهن شرانيات اه
هديل:حرام عليكي والله انهن مؤدبات
حماتي:شو ادبهن روحي شوفي بنات هبة ولا ولاد علا ما شاء الله
منى:خلص عادي حصل خير
حماتي:هديل بتضبي بناتك عن ولاد ابني ها
هديل:حاضر ...يلا يا بنات بدنا نمشي نحن
منى:يووه لوين يمين عظيم ما بتروحي ....بعدين انتي ببيتي شبكي
هديل:خلص غير مرة
حماتي:ليكون زعلتي ام البنات
هديل: لا ما زعلت يلا هالة البسو برجليكن
لحقتني منى استناولت بنتي ومشيت
منى:لا تزعلي بترجاكي انتي ببيتي ما بيصير تروحي زعلانه
هديل:بشو احلفلك ماني زعلانه

منى:طب خليكي على شو مستعجلة ليكو البيت درجتين
هديل:بدي حضر الغدا ل مروان بدو يبعت الاجير ياخدو
منى:اكيد
هديل:اكيد
اطلعت ماني شايفه قدامي ضليتني عم سبح واستغفر لطلعت للطابق الرابع شقتي يعني نحن ساكنين ببناية وحدة ملك ل عمي دخلت وسكر الباب
هديل:هالة خدي اخواتك وروحي تفرجي ع التلفزيون
هالة:حاضر ماما
بقلبي:الله يحميلي اياكن ويفرحني فيكن يارب"
توضيت وصليت الظهر وقرأت قرآن على نومه قمر وبلشت بتحضير الغدا وكنت عم استرجع تقليعتي من حماتي من بيت سلفي ايه شو عليه يا هالة ما بكون اسمي هديل ازا ما بفرجيكي بس مو هلا لبعدين والله ساعه نحس وقت شفتك واجيتي تطلبيني واخ وقت سما مروان هالة على اسمك تمنيت موت وما اتخيل حالي عم اندهلها باسمك بس شو اعمل وهبة سماها على اسم عمتها وهيا على اسم حبيبتو القديمه خلصت تحضير غدا على صوت فتح الباب ودغري وقفت ورحت استقبلتو كان مليان شحم وزيت لانو عندو ورشه تصليح سيارات عيونو تعبانين وباين عليه هلكان
هديل:يعطيك العافيه
مروان:الله يعافيكي
هديل: الاكل جاهز
مروان:جاي لاتغدا هون وحضريلي للشغيلة اكل كمان
هديل:من عيوني
راح ليغسل ايديه وانا ندهت للبنات حطينا الاكل ع الطاولة وسمينه بالله وبلشنا اكل
هالة:بابا
مروان:عيونو
هالة:تيته بهدلتنا
مروان:ليش
هالة:وقلعت ماما
مروان:شو هالحكي...شو هديل شو صاير
هديل: لا ترد عليها
هبة:ناصر شد شعري بابا وعضني هون بأيدي
مروان :هاتي لشوف
قربت ايدها على عيونو وشاف اثار العضه
مروان:وين كنتي عن البنات اه
هديل ...
هالة:تيته قلعت ماما كمان
مروان:اطاولتي على ماما وليه
هديل:لااا اعوذ بالله
مروان:لنشوف يا هديل
هديل:...
هالة:ماما ما دخلها
مروان:احكيلي لشوف
هالة:تيته حكت ل ماما ام البنات وكمان هددتها ازا لسى منتخانق مع ولاد عمي خالد مع انو هنن ضربونا وببيتهن
مروان:بسيطه
هديل:هدول ولاد مروان لاترد عليهن
مروان:وين كنتي عنهن انتي....شاطرك بطق الحنك تاني مرة لا تغيبي عنهن افهمتي
هديل:حاضر
خلص اكلو ودغري اخد الاكل للشغيلة وراح
هديل: بدي قصلك لسانك ايه
هالة:ليش شو حكيت
هديل:خلص على نصتك
كملتلهن اكلهن وضبيت المطبخ وقعدت بالصاله اتفرج على مسلسل رن تلفوني واخدتو
منى:اي كيفك
هديل ماشي حال
منى:حاسستك زعلانه
هديل:ههه لك لا
منى:انا اسفه وانو ببيتي صارت التقليعه
هديل:لا عادي ولا يهمك
منى:تعالي نسهر اليوم ببيت حماي
هديل:انشالله
سكرت معها سمعت صوت قمر عم تبكي ودغري رحت لغرفتي اهتميت فيها لحتى غفيت وانا غفيت حدها
بعد ما اجى مروان تحمم ولبس بنطلون بيجامه لونو اسود وبلوزة بيضة مفصله عضلاتو حط ايديه بجيبتو وقعد ع الكنبايه شغل سيكارة وباين انو حردان جوزي وبعرفو حضرتلو الشاي ورحت لعندو ناولتو الكاس ودغري حطو ع الطاولة
هديل:اشرب الشاي
مروان:احكيلي بالاول
هديل:عن شو
مروان:ليش متخانقه مع ماما
هديا:خناقه شو الله يصلحها هالة كبرت الموضوع كل القصه انو هبة وناصر متضاربين وهيك بس
مروان:وكيف قلعتك ماما
هديل:لا ما قلعتني ولا شي هي هالة جدبة
مروان:هديل امي مراة كبيرة صحتها على قدها بدي منك ما تزعليها عم تفهمي
هديل:ولو حبيبي مو بيناتنا وامك هي امي
اخد الكاسه وشف منها
هديل:نروح نسهر ببيت حماي..عزمتني منى
مروان:اممم ماشي جيبي جاكيت البيجامه
ضليتني بأواعي البيت قميص للركبه وبنطلون جينز لفيت شاله على راسي والبست شحاطه البيت وهو حمل قمر ونزلنا طبعن البنات نايمين
كنا عم ندردش شوي والتقينا ببيت سلفي توفيق ومريم مرتو ومعهن حسن ابنهن وكملنا سوا
توفيق:يعني حاسبت الشغيلة اليوم
مروان:اصرو عليي
توفيق:عم قول ليش شدو الهمه
مروان:بيني وبينك تعبو
توفيق:شفتهن انا
وصلنا لبيت عمي ودغري حماتي انبسطت بشوفت اولادها وبكون كزابة ازا ما تخيلت حالي متلها ولادي شباب ازا الله طمعني وداخلين عليي مع ولادهن ونسوانهن كان عمي عم يتفرج على نشرة الاخبار نزلو لعند ايدو وباسوها وانحن عملنا متلهن وتمركزنا كل وحدة لزقت بجوزها وبعد السؤال عن الاحوال بلشت السهرة انا ومريم حضرنا السهريه بدون ولا كلمه انا بموت منها وهي بتكرهني اجت منى هي "معاهم معاهم عليهم عليهم "اجتمعو كلهن وقعدنا قعدة مرتبه مزح الاخوة مع بعض
مروان:اي خالد خففلي من الاكل كرشك كبران
توفيق:اي والله
خالد:احلى ولا انت شايف حالك بعضلاتك
منى:جوزي بيجنن هو وكرشو
مروان:ههه مافي حدا غريب الله يعينك عليه
خالد:تضبضب واحكي متل العالم
عمي:اخوك لكبير هاد احترمو
خالد:حاضر بابا
مروان:وانت توفيق بربك ما بدك تحلق شواربك
توفيق:متضايق منهن
مروان:ههه اي والله
خالد:وليش تحرك شعورك تجاهن الحمد الله مربي دقن مافي متلها انت
مروان:لا خليني وحيد بهاد الشي توفيق عم يجاكرني فيها
حماتي:ههه تقبروني والله البيت بمناقرتكن احلى
مريم:اي عمي "بتقصد عن مروان"ما بدك تعطي توفيق اجازة
مروان:ههه ليش
مريم:مواعدني بطلعه ع البحر وقال لتوافق انت
مروان:روح مين ماسكك

توفيق:مو ماسكني بس ما معي
عمي:شو مروان
مروان:ما دخلني بدخلو هو عم يستلم زباين على كيفو وانا وخالد شوفت عينك ع النص
توفيق:بس
خالد:شو بس
توفيق :مروان وعدني
مروان:وعدتك ازا منضل سوى ايد وحدة مو كل واحد جيبه تسطفلو وانا عندي عيله ومستلزمات
خالد:بس مروان انت متل ابي ايدك دهب عم تلم لم
حماتي:بسم الله عليكن الله يحميكن شو هالحكي
كلنا ضحكنا عيوني عم يبرقو ل مروان مهيوب وماسكهن واحد واحد وقاعد رجل على رجل ومافي حدا بجمالو وشخصيتو صحيح خالداشقر بس مروان اهيب عيونو وساع وعسليه واطول واحد فيهن وجسمو رياضي وكل ملامحو رجولية
مريم:يعني مافي روحه
مروان:ههه شو المطلوب مني
مريم:شويه مصاري
مروان:حاضر بكرى خود وروح بس اعتقني انت ومرتك
مريم:اي ها الله يخلينا اياك يا عمي
حماتي:الله يخليكن لبعض
عمي:اي مروان خبرني عن الشغل
مروان:تمام متل ما بتعرفو واحسن
عمي:الله يرزقك
مروان:بس في شوية حسابات انت تاركهن
عمي:اي بعرف خلص خليهن مسجلين وانا بتصرف
راحت منى لتعمل القهوة ولحقتها مريم بس انا ضليتني حد جوزي اصلن احاديثهن بتختلف عني واكيد بكون في شي بخص جوزي او بخصني رجعو وهنن حاملين صحون حلو والقهوة
حماتي:ايه الله يعطيكن العافيه
#يتبع

#قصة #بناتي
#القسم_الثاني
بقلم: #مايا_الحجازي
اخدلي مروان فنجاني وغمزني مدري شو الها داعي بس شكلها ليغيض حدا ابتسمتلو وكل شوي يضيفني حلو رغم اني مو زيادة مع الحلويات عيون حماتي انحولو وهي مركزة علينا وتتنهد كل شوي مريم دفشت جوزها ليحس على دمو وهو ما عبرها وكان غرقان بالصحن وخالد عمل شوية تقليدات مننا
عمي:مشالله عنها هالقمر اسم على مسمى
مروان:حلوة يعني
خالد:ماشاء الله بتجنن
توفيق:ما بتشبهك مروان لا تسدء حالك
هديل:بلعكس انا شايفه انها بتشبهو
توفيق:بتشبهك الك
مريم:لا يوه من وين لوين البنت احلى
مروان:ومرتي حلوة
خالد:ههه خلصنا ولو كأنك عريس جديد اه ولا اجى الليل
مروان:ههه فشرت واحد متلك بيتودد لمرتو
منى:ههه لا تحكي هيك
حماتي:الله يزينهن بالصبي
عمي:الله كريم
حماتي:احم احم...بس انا ناوية على جازة الصبي هالمرة...شو رأيك هدول
هديل:متل ما قلتلك اخر مرة حماتي
حماتي:ايه شو عليه
مروان:شو حاكيه لامي
هديل:هي بتعرف
مروان:ليكون شي ما بيسوى
حماتي:لا حكتلي الله يباركلك فيه
مروان:ايوا يعني بالناقص
هديل:لا مين حكا هيك
عمي:خلص ام مروان اقصري الشر وانت لا تطلع بمرتك هيك
مروان:حسابك بالبيت انا بالناقص مني
توفيق:ايه وبعدين معكن
مريم:ليش في احلى من البنات
زورها جوزها ما بطيق يسمع بأسم البنات
مريم:ولولاد كمان
عمي:كلو نعمه
حماتي:بس انا بدي شوف ل مروان صبي
مروان:الله كريم
دقيقه صمت كل واحد مشغول بفكرو وانا عم اطلع بالكل حسابك بالبيت يا مروان انا تتزاورني قدام هالعقارب
عمي:يوم الجمعه جهزو حالكن لسيران
مروان:انشالله
عمي:مابدي ولا اي اعتراض
مريم:اكيد في حدا بيعترض على راحه البال
مروان:يلا هديل خلينا نمشي
دغري وقف وانا وقفت وحملت قمر
عمي:وين
حماتي:خليكن كمان
مروان:لا عندي نزلة ع الورشه بكير
حماتي:الله يسرلك
توفيق:ونحن كمان يلا مريم
حمل ابنو وخالد ومنى قررو يمشو طلعنا كلنا مع بعض مروان تشاهم وحمل قمر عني وكفينا وانا عم راقب مشيتو وعم يتمختر
مروان:دخيل قمورت بابا ...ييي ما تبلا هالنظرة ولا هالبسمه
خالد:طول بالك ههه
مروان:شي يوم راح باكلها
توفيق:ههه هنن البنات الهن جو حتى بالبيت
ودعونا بيت سلفي خالد ونحن كفينا مع بيت سلفي وفاتو لبيتهن وطلعنا انا ومروان على شقتنا وسكرنا هالباب دخلت ع البنات غطيتهن منيح وعملت دوش سريع كان ناطرني منيم قمر وعم يتسلا بتلفونو كنت عم جهز بيجامه لالبسها
مروان:تعالي متل ما انتي
هديل:هلا باخد برد
مروان:تعالي قلتلك
كنت لافه المنشفه على حالي قعدت حدو ع التخت
مروان:اشتقتلك
هديل:اي وانا كمان
مروان:هديل انا بحبك
هديل:شو المناسبه
مروان:بس هيك لزكرك....ما ببدلك بنسوان الكرة الارضيه افهميها...وقت تنجاب سيرة جوازتي لازم دافعي عني وعن حبك الي مو تسكتي وهي الله يباركلك ويهنيكي بابنك ما بتنحكى تعتبر بالناقص انا بالناقص مني
هديل:مو هيك بس كنت هلا جاية من المشفى
مروان:خلص تسطفل تحكي متل ما بدها
هديل:وازا تجوزت
مروان:هالحكي سيبك منو
هديل:حاضر
باسلي ايدي وغمرني....انا بعرفو بينغاض من برودي بفكرني ما بحبو بس الفرق بيني وبينو هو بعبرلي عن كلشي بحسو اتجاهي اما انا ما بحكيلو نص الي بحكيه لهيك دايمن بيحس بالنقص او انو انا ما بحبو .
حسيت على مروان عم يصحيني وقمر عم تبكي ما كنت قدرانه ارفع راسي
مروان:هدولتي يلا....لك البنت عم تبكي
هههه..يلا حاجتك نوم راح يأدن الفجر...انا اسف بعرف اني سهرتك بس كنت مشتاقلك يلا هديل حاجتك كسل البنت
هديل:يلا يلا
تجلست بمكاني فركت عيوني واخدت البنت
مروان:رايح لاعمل دوش وروح مع بابا واخواتي ع المسجد
هديل:الله معك

...
سيران يوم الجمعه كان بيجنن بمزرعة عمي لولاد عم يلعبو ويسبحو ونحن ملتهيين بتجهيز الاكل وحماتي عم تهتم ب امير وقمر والشباب على الشوي وعمي عم يقرأ بالجريدة ودايما مروان بيدخل جو المزح وكل شوي يمسك واحد من سلافي ويبلش فيه ضرب او يرميه بالمسبح وحماتي بس تضحك وعمي يبتسملهن هيك لحتى بلشنا بالاكل كان عم يلقمني وانا عم طعمي البنات وبعد هالغدا لمدلل راحو ليقطفو شوية فواكه عزلنا سوى انا ومنى بس مريم كانت عم تتمهيص هون وهون وتروح لعند جوزها تمزح وتضحك ليطلع الشغل من نصيبي انا ومنى بدلت للبنات اواعيهن ورحنا مع مروان نتمشى حامل هيا على كتافو هي حبيبة قلبو وانا كل شوي انغزو ليحس على حالو مو غيرة من بنتي بس بغار من الي سماها على اسمها قضينا وقت حلو تصورنا كتير صور عفوية وبعد ما عتمت العين جهزنا حالنا ورجعنا ع البيت سوى كل عيلة بسيارة .
.......

كرهي للمحيط الاجتماعي كان كل يوم عم يزيد المعاملة والنفاق والتمييز بين ام البنات وام الصبيان وكل هاد عادي بالنسبه الي بس انو يوصل الموضوع حدا يمد ايدو على بناتي ومين جوزي هون معاد اتحملت اجى وقت الغدا كان ماسك هالة وعم يضرب فيها ويشحطها شحط ما بتلقى كفين منو بسرعه رحت اركض على صوت صريخ وعياط البنت لحشها بوشي

هديل:شوفي
مروان:شو طالعها لبرا البيت هي
هديل:راحت على بيت جدها
مروان:لا يا ستي ما كانت ببيت جدها
هديل:وين كنتي
هالة:والله يا ماما رحت لبيت جدي
مروان:وليش نصر كان معك
هالة:وقع دبدوبو ونزل ليجيبو لهيك نزلت معو واطلعنا ع البيت
مروان:لا ما طلعتي ع البيت كنتي مع نصر تحت درج البنايه
هديل:ولاد وعم يلعبو
مروان:لا مو ولاد اساليها
هديل:استغفر الله العظيم شو هالحكي
مروان:والله ازا بيصير لوحدة منهن شي لطلقك يا هديل
هديل:روق وشو هالحكي هدول صغار ما بيفهمو مو عيب هالحكي مروان انت شفتهن عم يعملو شي غلط
مروان:ما شفتهن في مين شافهن
هديل:شو هالحكي
مروان:ضبيها وما بدي اسمعلك ولا اسمعها نفس
ضميتها وبعدها اطلعت فيها
هديل:شو هالحكي الي حكا بابا شو كنت عم تعملي مع نصر
هالة:والله يا ماما نزلنا جبنا الدبدوب وبس والله شاهد علينا
كانت عم تحلف وكأنها بنت كبيرة دموعها مغرقين خدودها وعيونها مليانين حزن عم تشهق ضميتها وسدءتها بس ابصر مين بدو يحط العيب ببنتي
هالة:وكمان ضرب نصر طالع الدم من تمو وبدون سبب
هديل:ولي هلا بدها تعلق بين الاخوة
دخلتها لغرفتها ودخلت عليه ع الحمام كان عم يتحمم
هديل:كيف ضارب ابن اخوك ...
مروان:ما دخلك
هديل:ما بيصير هلا بفكروني انا ورا هالشغله
مروان:الي بيفتح تمو معي بدي حط رجلي بحلقو
هديل:اتاكدت انت من لولاد
مروان:ما بدي والله لربيهن واحد واحد
هديل:ليش ضارب لولاد انت شفتهن
مروان:قلتلك لا هديل انقلعي لبرا انقلعي
اطلعت ماني شايفه بعيوني ودغري على تلفون مروان فتحتو وشفت قائمه الاتصالات واول ما شفت رقم مريم جن جنوني يعني هي ناوية على تشويه سمعه بنتي لك هدول ولاد ما بيفهمو بلي حكا مروان كان دمي عم يفور ويغلي استحملت كتير
طلع من الحمام ونتر بوشي
مروان:طالعيلي اواعي
هديل:ليش مريم متصله فيك
مروان:هاتي تلفوني
هديل: ليش احكيلي
مروان:ما دخلك
هديل:هي ورا هالشغله صح
مروان:اعطيني التلفون هديل
رميتو بالارض وتركتو عم يصرخ عليي اخدت شاله واطلعت بسرعه وضربت باب البيت وراي ونزلت على بيت مريم كنت عم خبط بدون وعي اعصابي عم ترجف بدي بهدلها وهلا
فتحت واول ما شافتني انخطف لونها
هديل:وليه واطيه عم تتهمي بنتي بالعاطل يا عاطلة
مريم:ماني فهمان شي
هديل:لا وحياة عيونك فهمانه كلشي بس بعيدة عن عيونك تشوهي سمعتي وسمعتهن
اجى جوزها بسرعه واطلع فيني
توفيق:شوفي هديل
هديل:اسأل مرتك متصله على مروان وحاكيتلو حكي ما بيسوى عن نصر وعن هالة ضارب ابن اخوه رايح يموتو وبنتو كمان كرمال وحدة واطيه
مريم:احترمي حالك
هديل:ما خليتيلي مجال لا احترمك ولا احترم حالي ومن بناتي مريم لا تقربي
توفيق:مريم شو هالحكي
بنزلة مروان كان عم يكمل لبس قميصو
مروان:هديل ع البيت
هديل:لا ماني رايحه لاعرف على شو ناوية هالكلبة
طلعو بيت سلفي وحماتي وعمي اجو على صوت صرخينا توفيق دفش مريم لجوا البيت وعصب ع الاخر ومروان انفعل بزيادة
خالد:شو الي صاير ما فهمنا ليش ضارب الولد مروان
مروان:بدي ربيه وربيك كمان
هديل:الولد والبنت مو عاملين شي مروان هي مريم متصله فيه وحاكيتلو هالحكي
مريم:انا لو ما شفتهن وانا راجعه من الدكانه ما كنت حكيت
عمي:شو شفتي
مريم:ييي والله بخجل احكي
حماتي:احكي شو شفتي
توفيق:احكي مريم
مريم:كانو عم يعملو شغله مو منيحه
منى:شو هالشغله ابني صغير وشو بفهمو بالشغلات هي
خالد:لا الظاهر مريم جنت على حالها بالكلام هاد
توفيق :والله يا مريم ازا هالحكي بيطلع مو صحيح لتطلقي
مريم:اي اسألو لولاد
منى:من ساعه عم اترجاه ليحكي حكالي نزلنا نجيب دبدوب واجى عمي مروان وضربنا
عمي:كل واحد على بيتو يلا
هديل:قبل روح بدي قلك شي...خليتها قبالي وبزقت بوشها قدام الكل حطت ايدها على وشها واطلعت اركض على بيتي انفضت لحكايه ونامت بارضها والمسا خبرني مروان انو مريم متصله فيه وبعد يوم واحد بنت مريم سهى حكت انو ماما لا راحت ع دكانه ولا شي يعني حبكت كزبه حاربناها انا ومنى وكل واحد انبضب ببيتو وجوزها لحد هلا مو طايقها على هالعملة .
...........
انجمعنا ليتصلح الوضع بتكرهني نظرة حقدها واضحه ولجاكرها نزلت ع السوق واشتريت من احلى واغلى لتياب الي وللبنات جبت قميص بيمزع العقل زهري فاتح وبنطلون ابيض وشالة زهرية وبتلمع لمع اتمكيجت وكانو اليوم عندي حفله والبنات لبستهن ونزلنا لبيت حماي طبعن كانو بالشغل حماتي لاحظت انو لابسه جديد وحسيتها انغاضت كنا مبسوطين وعم نحكي مريم رجعت علاقتها ب منى وانا ضليتني محايدة وهيك عم نحكي من سيرة ل سيرة ومزح وضحك شوي وكالعادة لولاد تعالقو مع بعضهن وبأخر مرة اتهموني اني اقوى وحدة وانو انا حتى جوزي ما بيقدرلي رحنا لنشوف شو صاير كان ابن مريم صوتو عم يبكي طالع لاخر الدنيا ما كان في غير هالة وهو ودغري مسكتها لتنتقم مني

مريم:شبو الولد اه
هالة:وانا شو بعرفني
مريم:قال شو بعرفها مو انتي ضاربتيه الولد عم يبكي من طيب خاطرو
هالة تركتها وراحت
حماتي:شو في
مريم:هالة ضاربه الولد وعم تنكر
ما سكتت وحطت عقلها بعقل البنت لصغيرة ومسكتها من بلوزتها وفتحت عيونها الي بيخوفو بوش البنت
مريم:والله ازا تاني مرة بتمدي ايدك على ابني لاكسرلك اياها
حماتي :خلص مريم
مريم:لا مو خلص
هالة:هو وقع من ع التخت
مريم:كزابه انتي دفشتيه والله لاكسرلك ايدك يا شرنه
هالة بلشت تبكي من التهديد راضيتها وما رضيت وهديك اخدت ولادها بدها تروح وهالة طلعت ع البيت جهزت حالي انا كمان لروح نادتلي منى
هديل :شوفي
منى:بدي قلك مريم ديري بالك منها عم تحضرلك لمصيبه
ما رديت عليها قبل اطلع اسمعتها عم تحكي مريم مع بنتي
مريم:والله لخليكي انتي وامك تندمو على كلشي وازا بشوف زوالك والله لامحيكي
طلعت وتركت البنت عم تصرخ وتندهلي اخدتها واطلعت على شقتي كان قلبي عم يرجف مو خوف منها بس ما بحب شوف بنتي خايفه من شي حدا ومكسورة راضيتها بشويه اكلات طيبه دخلت لبرد قلبي بحمام بارد وانا عم اتحمم دعيت عليها ما بعرف شوخطرلي بس قلبي كان عم يغلي غلي "الله ينتقم منك يا مريم يا بنت خولة الهي بتشوفي اسود يوم بحياتك الله يكسرلك خاطرك متل ما كسرتي خاطر هالطفله "
البست قميص النوم وتمددت بتختي وغفيت.
حسيت على صوت مروان عم يندهلي رجعت كملت نومتي لحد ما اجى لعندي
مروان:نايمه...لك البنات مخربين كلشي في بالبراد
تجلست بدون نفس
هديل:اضربهن شو وراك
مروان:ليش عيونك منفخه
هديل:من النوم
مروان:اي ..واضح مع مين لخناقه
هديل:بتعرف تحل عني
مروان:ههه قومي انقلعي اعمليلي اركيلة وفنجان قهوة والحقيني
عملت متل ما بدو بعد ما نظفت ورا البنات وخليت هالة تنيمهن وقمر شغلتلها موسيقى هادية قعدت انا وياه ع البلكون
مروان:حل عنك انا
هديل:هههه
مروان:يعني مو كافي اسمي المحكوم كمان بتكبري بالحكي عليي
هديل:...
مروان:على كلن ما بزعل منك صحيح ما ادريتي
هديل:بشو
مروان ...بدنا نأجر الشقه الي فوق
هديل:اوف لمين ..
مروان:من طرف ماما
هديل: غريب عمي مستحيل يرضى وبعدين اخر مرة انفتح الموضوع بهدل الكل قال ما بدو يسكن غريبين معنا بالبنايه
مروان:اقنعتو امي وخلص
هديل:اي كتير منيح
حرق اخت النفس اغلب الوقت عم نحكي حكي عادي وبعدها نعست انا انسحبت قبلو لروح نام بس دغري لحقني
من الصبح اجت حماتي نزعت علينا الصباح راح مروان على شغلو وقعدت بالبيت عندي افطرت
حماتي:هديل الك ولا للديب
هديل خسى الديب
حماتي:قلك مروان عن اجار الشقه
هديل:اي اكيد ما بخبي عني شي
حماتي:لكن بدي منك انتي تشطفيها وتنضفيها
هديل:اي حاضر
حماتي:بتعرفي مريم حامل ومنى دوبها ولادها وانا هون بهتم ببناتك
هديل:على عيني وراسي انتي بتامري
ابتسمتلي اجت ورشه دهان الظهر ع الشقه ضلو يومين يدهنو وتالت يوم خلصو مروان ما وافق اني اشطفها لحالي بس حماتي اصرت راح ع الشغل وحماتي قعدت مع البنات اخدت معي عدة التنظيف وبلشت بالمطبخ والحمام وبعدها الغرف الباقيه وقبل خلص اجت مريم ناتعه بطنها قدامها وعم تضحك بسبب وبلا سبب ومنى كل شوي تزورها قلبي خفق بقوة بدون اي سبب كملت تنظيف وسكرت الشبابيك والباب ونزلنا كان مروان جايب غدا جاهز وراجع للورشه بدلت للبنات اوعيهن وبدون ما حس نمت اصحيت تقريبن الفجر كان مروان نايم وبدون ما يتغطى غطيتو ورجت شقيت ع البنات وقت دخلت على الغرفه اطلعت باواعي مروان كانو بالارض معقول كان بشي سهرة جينز غامق وقميص ابيض وجاكيت رسمي وكندرة لساتها عم تلمع قربت منو شخيرو واصل للسما حطيت ايدي تحت راسي ونمت
....
تاني يوم من الصبح كان عمليه نقل العفش ع الشقه الي فوقنا وقفت ع البلكون نزلو طقم كنبايات فخم وغرفه نوم ملكيه بتجنن وسجاد من الغالي واغراض مطبخ كتيرة يعني شي روووعه ما مليت وانا عم اطلع وقلت الله يرزقنا حضرت طنجرة يبرق عزمت عليها حماتي وعمي كانت حماتي مزهزهة وعمي مبسوط والمسى اجى مروان سهر معهن رحت لاعمل قهوة وكانو عم يتهامسو ومن دخلتي سكتو ما سدءت ايمتى راحو
هديل:شو كنتو عم تحكو
مروان:موضوع سري
هديل ما بدك تحكيلي
مروان:لا
هديل:وين سهرت مبارح
مروان:والله رجعت وشفتك غرقانه بالنوم والبنات كل وحدة مرميه بجهة نيمتهن بغرفتهن ورحت اسهرت عن عياش
هديل:اه عياش
مروان:ليش زعلانه
هديل:لانو ما حسيت فيني وقت نظفت الشقه لحالي
مروان:هي اول مرة امي بتطلب منك طلب وبعدين جبت غدا جاهز كرمالك وامي اهتمت بالبنات
هديل:اي ارجعت لقيت البيت مكركب وقمر ريحتها طالعه لو تركتهن لحالهن اريح او جبت امي كانت حطتهن بعيونها
مروان :حاجتك حكي حاجتك ياويلي ما اطول لسانك بتحكي عن جمهور

هديل:هيك لكن
تركتو ينقبر ينفلق حطيت راسي وعملت حالي نايمه بس الا ما اعرف شوفي او على شو ناوي يا مروان وازا الموضوع فيه جوازة لاخليك تندم لاخر يوم بحياتك وانا هديل بتشوف
دموعي غرقو المخدة بدون ما حس شو بدي اتزكر منك لاتزكر تحكمك فيني اول تلت سنين من زواجنا وقت كنت تنصف مريم وتصف معها ضدي ولا وقت تكون رايحه شي مشوار وترجع تلاقي بيتها وغرفتها نظيفين بوقتها كنا ساكنين ببيت واحد ولا وقت تتركني ابكي بالبيت وتروح تتمشى معها لانو جوزها خانقها وتعملي فيها السلف لمنيح اخ شو بدي اتزكر لك مروان.
#يتبع
......

#قصة #بناتي
#القسم_الثالث
بقلم: #مايا_الحجازي
الظاهر انو نام بالصاله ما رضي يروح ع الورشه وصى اخواتو فيها وضل قاعد ناطرني لصالحو انا طنشتو رتبت البيت خليتو يلمع وجهزت لفطور والقهوة الو وصحيت البنات مشطتلهن ورتبتهن وقعدنا نفطر وانا عم لقمهن حدة وحدة
مروان:اعتبريني اي شي
هديل...
مروان:...صالحيني
هديل:ما زعلتك
مروان:كمان
هديل:اي
مروان:بسيطه يا هديل
هديل:بدك تتجوز
مروان:مين حكا
هديل:...حاسه
مروان:لا تحسي لكن
هديل:بدي قلك ازا بدك تتجوز طلقني من هلا
مروان:ههه
هديل:اي بدي روح شوف حياتي وراح بتركلك بناتك هون
مروان:هلاصرت متجوز
هديل:لتكون بالصورة
مروان:اخر شي بتحلمي فيه هو الطلاق
هديل:مو بكيفك
مروان:بدك تتجوزي
هديل:مو ضروري بس طلقني ازا نويت تتجوز
مروان:هههه
شبع وتمدد بالصاله من جديد وطلب اركيلة نظفت المطبخ وقعدت لاعب قمر بالصاله لجاكرو ما اهتم كان رواق بس زعلان مني انا المسا غاب شي ساعه ورجع كنت عم اغلي غلي ما بعرف شو الخطه بس زواجو راح يتم للافندي وقفت على شباك الغرفه عم فضي عن بالي شوي فتح الباب ماقبلت اطلع فيه اجى وحاوطني من خصري
مروان:وين الحلو شارد
هديل:بالدنيا
مروان:اممم انا ما بهون عليي زعلك
هديل:...
مروان:عنجد.زعلانه مني
هديل:بالاول احكيلي على شو عم ترسم
مروان:ههه يا عمري انا الزعلان والشارد
هديل برحمه الغوالي
مروان:هلا اليوم شو التاريخ
هديل:٢٥
مروان:وبعد ساعه
هديل:٢٦
مروان:شوبيعنيلك هاد اليوم وهاد الشهر
هديل انا بعرف انو عيد زواجنا
مروان:فكرتك ناسيتو
هديل:وانا هيك فكرت انك ناسيه
مروان:طيب جهزي حالك لنروح نحتفل
هديل:ههه عنجد
مروان:اي ولا تخافي ماما جاية لعند البنات يلا الساعه ١١ صارت
ضميتو وبوستو ودغري جهزت حالي البست فستان احمر طويل وجاكيت اسود ولفيت شاله وتمكيجت على اخر طراز وهو كمان لبس بنطلون ابيض وبلوزة سودة وجاكيت رسمي اجت حماتي وصيناها بالبنات وضحكتلنا "روحو وانبسطو"كنت طايرة من فرحتي فتحلي باب السيارة وهي اول مرة بيصالحني من وقت اعرفتو رحنا لمطعم فخم بيجنن طلبلي عشى وعصير وبعدها انطفت الاضوية كان طالب قالب كيك مكتوب عليه تاريخ زواجنا (واغنيه)
" كل عام وانت حبيبي "
"كل عام وانت بخير "
"كل عام وانت نصيبي"
"مهما بالدنيا يصير"
كنت طايرة بالسما وبس قطعنا الكيك الكل سفئلنا قدملي خاتم عليه الماسه بيجنن لبسني اياه وهيك قضينا ليلة من احلى ايام العمر حكينا وضحكنا ومزحنا كالعادة ونسيت ليش تزاعلنا من اصلو ومن بكير صحي على غير العادة تحمم وجهز حالو ع الاخر ودعني انا والبنات كل وحدة بوسه وسألهن شو بدهن بس يرجع وكل وحدة طلبت شغله بلشت بتنظيف غرفتي ورتبت اواعيه الي بالخزانه كويتلو القمصان ومسحت ورتبت غرفه النوم وبعدها عملت فطور افطرنا سوى سكتت قمر بحدود النص ساعه وبعدها رتبت الصاله ومسحت ارضها والحمام وحسيتو يوم النظافه العالمي رتبت كمان غرفه البنات ورتبت اواعيهن كلها كنت عم اسمع صوت اغاني فرح وتوقعت يكون لابن جيرانه خاطب من سنه البنات راحو يتفرجو من البلكون على زحمه السيارات وانا دخلت للمطبخ لبلش تعزيل وتنظيف اجت لعندي هالة اعطتني تلفون البيت وشفت رقم موبايل مريم هزيت راسي خير اللهم اجعلو خير رديت بكل برود
هديل::اهلين مريم
مريم:كيفك هدول
هديل: ماشي حالي
مريم:ليكي انا بتعرفيني شو بحبك وبعزك لهيك حابه باركلك
هديل:بشو
مريم:بجوازة مروان
هديل:هههه بعيدة عن عيونك
مريم:هههه اسمعي بعد عشر دقايق رايحين ع الصاله اطلعي اتفرجي من البلكون
تسارعت دقات قلبي وبلشت اخد نفس تركت الخط مفتوح ورحت اركض ع البلكون ومجرد شفت مروان لابس طقم ومتجهز وحماتي واخواتو الشباب وابوه حدو وشوي من عماتو خالاتو صدقت شو حكت اطلعت فيني من حد سيارة جوزها وشاورتلي بأيديها وطلعو موكب زفه العريس
هالة:عرس مين ماما
هديل:...
هبة:ليش ما عزمونا
هديل:...
حسيت على هالة عم تهزني بقوة ايديي عم يرجفو ما استوعبت الا والدموع مغرقه خدودي
هيك يا مروان ....هي اخرتها تعمل فيني هيك تتجوز كرمال تجيب صبي يحمل اسمك طب ليش ما خبرتني ليش ما قلتلي لك لييييش ليييش بدي افهم
بلشت اصرخ بكل صوتي"ليييش اه ليششش ليش كلكن غدارين خليتني اشطف ونظف شقه زواجك شقه ضرتي يا مروان عيشتني مبارح اخر ليله بحياتي كسرتني بميلاد زواجنا
هالة:ماما....ماما شبكي شوفي
هديل:افرحي يا قلبي زغردي اليوم عرس ابوكي
رجعت للمطبخ وقفت ع المجلى بكل عصبيه وتوتر شلت الكاسات وبلشت اخبط فيهن هون وهون هبة وهالة وهيا مصدومين وعم يبكو رفعت راسي للسما ودعيت عليهن:الله لا يكملها معك يا مروان يا ابن هالة الله لا يتمم فرحتك "

صرخت بالبنات صوت وراحو يركضو على غرفتهن دخلت لغرفتي وبلشت ضب اواعيي سكرت الشنته والبست ورحت لعند البنات حملت قمر ومشيتهن وراي نزلت دغري ووقفت تكسي على حارة علا بنت حمايي وقفت التكسي
هديل:شوي وبرجعلك لا تروح
ضل واقف يستناني حملت قمر ل هالة ودقيت الباب
هديل:انا رايح مشوار امي ديري بالك على اخواتك اي وقولي ل عمتك علا نحن ضايفين عندك بس اليوم
ودغري رحت لتكسي وقلتلو على عنوان بيت اهلي ليوصلني لهنيك علا من كم يوم عملت عمليه اكيد ما راحت للعرس لانو هي قيصريه وهي راح تعرف الموضوع بعد شوي اتصلت فيها واتاكدت انو البنات بامانتها وسكرت بوشها وصلت لبيت اهلي حاسبت صاحب التكسي وما بعرف كيف كنت عم جر حالي لاوصل دقيت الباب بعصبيه فتحتلي مرت اخي واستغربت من الشنته وقفت بنص الصاله قدام ماما وبابا واخي عادل
ماما:اهلا يا قلبي...شو وين البنات
هديل...
بابا:خير ليش حاملة هالشنته
عادل:لك شوفي وقعتي قلبي ليش عم تبكي
هديل:مروان....مروان اليوم عرسو
عادل:شو
ماما:شو هالحكي فهمينا
حكيتلهن شو صار وشو السبب وليش انا هون
ماما:يييي والله مو خبرية
عادل:وين بناتك
هديل ببيت عمتهن علا
بابا:وانتي شو جاية تعملي عندي
هديل:شو شو جاية اعمل معاد بدي اياه بدي اطلق
بابا:شو
هديل:اي والله معاد اقعدلو بالبيت ولا ثانيه انا خلص معاد بدي اياه
ماما:هاد موحكي وبناتك
هديل:يسطفل بناتو هو لكن انا يتجوز عليي ليجيب صبي
بابا:حقو الطبيعي
هديل:بلا شو...يعني انت معو
بابا:انا مع الحق
هديل:بس مو يغدرني ويتجوز بالسر وتتصل فيني سلفتي لتقهرني انا والله ما برجعلو
بابا:على كيفك لانو
هديل:لكن على كيف مين
بابا:بدك ترجعي مطلقه
هديل:اي مو احسن ما نزل عليي ضرة
بابا:ولا يقولو بنت ابو عادل مطلقه
هديل:ما هاممني غير نفسي وكرامتي
بابا: كرامتك عند جوزك وهلا احملي غراضك وروحي خدي بناتك وانضبي ببيتك
هديل:وازا قلتلك ماني راجعه
ماما:طولو بالكن
بابا:بغضب عليكي ليوم الدين
هديل:مو احسن ما تسود حياتي معو
بابا:المراة بتنعاب ازا اطلقت ما عندي بنات لا يحردو ولا يطلقو
هديل:انا ما عندي غير هالقرار وراح اطلق وبدي اتنازلو عن البنات وكلشي
بابا :مدامني عم اتنفس انا بقرر مصيرك
ماما:روء ابو عادل
هديل:انا رايحه لارتاح بغرفتي
وقف بابا واجى لعندي ورفعلي دقني بأيدو
بابا:عم تتحديني يا بنت
هديل:لا مين حكا بس انا مروان ومعاد بدي اياه
بابا:انا قلت بدك ترجعي ....خدي شنتتك وانقلعي من هالبيت
هديل:مستحيل
بابا:عادل رجع اختك على بيتها
هديل:لا بابا انا ما بدي
بابا:عم تكسريلي كلمتي
تفاجئت بقوة الكف الي نزل على وشي فتحت عيوني مصدومه من الي صار ومن ضربه بابا الي اشرلي باصبعو على باب البيت
بابا:انقلعي من مطرح ما اجيتي
مسحت دموعي بسرعه واخدت شنتايتي كنت ناوية هج لمطررح مافيه ناس
بابا:عادل وصلها
هديل:ما بدي منكن شي
ضربت باب البيت وراي وشوي فتحو عادل وهو عم يلبس قميصو منيح ويركض وراي
عادل:هديل وقفي هديل
ما رديت عليه وضليتني عم امشي لحتى مسكني من كتافي واخد الشنته عني
هديل:روح بربك اتركني
عادل:شو اتركك
قرب مني وضمني لصدرو وما بعرف كيف فرطت بحضنو حسيتو سندي بالمصيبه هي
هديل:اتجوز يا عادل كرمال الصبي ...اخ يا خيي كسرني كسرني مروان
عادل:روقي يا عمري اهدي وحدي الله
هديل:الله ينتقم منو
عادل:لجوزك
هديل:اي لضراب السخن الهي بشوف فيك يا مروان يوم عصيب
عادل:هش....اسكتي عم تدعي على ابو بناتك
هديل:الله يلعن ابوه على ابوهن
عادل:ههه ما اطول السانك
مسحلي ادموعي ورجع ضمني
عادل:ربك كبير فوق ما بيروح عندو مثقال ذرة سلمي امرك الو واشكي همك الو بترتاحي
هديل:يا ويلي انا شو صار فيني
حط ايدو على كتفي ومشينا سوى
عادل:يا روحي لا تزعلي من بابا هو بدو مصلحتك مو مشان شي كرمال بناتك لازم تتحملي بكرى انت بتطلقي وهنن بضيعو يمكن تتحكم فيهن مرتو او يرميهن على امو او على سلفاتك مو حرام كل وحدة احلى من القمر واطيب من العسل يرتمو بدون ام كرمال واحد متل مروان وازا بتفكري بابا ضربك او قلعك ما بدو اياكي بتكوني غلطانه بابا بدو مصلحتك وازا ضاقت فيكي الدنيا هي انا وهاد بيتي مفتوح الك ولبناتك كلي رغيف وارمي عشرة اي
هديل:ما توقعتو بالقسوة هي
عادل:هاد بابا من يوم يومو
هديل:ومصيبتي يا عادل
عادل:انا معك وكل العيلة معك لا تخافي وانا بعرفك حربوقه وبتحسبيها منيح ما بدك مين يعلمك وخليه هو بالعسل هلا لبعد العسل دوقيه البصل
هديل:بكرهو الله يلعنو
عادل:هلا بدي اخدك مشوار
بالفعل وصلنا ل جنينه بتجنن اشترالي فنجان قهوة وقعدنا نحكي روقلي اعصابي ابن اللذين خلاني اضحك ضحكني غصب عني وما يحكيلي غير هالوش ما بتليق فيه الا الضحكه شلق علينا الناس وبعدها اخدنا البنات من بيت علا وارجعنا على البيت كان حامل قمر وماسك هيا من ايدها طلب غدا جاهز وظل معي لحتى صارت الدنيا غروب اطلعنا اتفرجنا على سيارات العيله وهي عم تسفط وكانهن هلكانين من الدبكه والرقص ومروان لا هو ولا سيارتو الهن اثر اكيد

بشي اوتيل عم يقضي ليلة الدخله
عادل:لا تنهمي
هديل:ياريت فيني
عادل:الله كبير بكرى بتنطفى نارك شوي شوي هلا الجرح لساتو جديد
هديل:بس معاد بدي اياه طردتو من فكري ومن قلبي
عادل:شو يعني
هديل:اي بموت وما بضل معو
عادل:خلص بتنحل شو بدك انتي
هديل:روح اخي انا منيحه بتكون مرتك وابنك اشتاقولك
عادل:واترك هدولتي معصبه
هديل:ههه خلص عنجد روح
عادل:بالاول بدي شوفك منيحه عنجد
ما تركني سهرنا ع مسلسل مصري بعد ما نامو البنات ودعني غمرني من جديد وهلا حسيت شو يعني سند واخ
عادل:اتحممي ونامي لا تفكري بشي خلص
هزيتلو براسي وراح قفلت باب البيت نطرتو لحتى طلع من الحارة مسحت اخر دمعه كنت بدي كسر كل البيت واحرقو ما اقدرت بلشت استغفر ووحد الله وكل ما اتزكر انو هلا مروان مع وحدة غيري تشعل النار من جديد بقلبي تحممت والبست قميص نوم قعدت على طرف التخت اتزكرت ليلة مبارح "اتاريه كان يودعني وهو بيعرف هي اخر ليلة متل باقي المتزوجين طلعت شيطان يا مروان بتخوف والله الله لا يبارك بهديك الساعه وقت طلبتني ووافقت كانو نص شباب الحارة معجبين فيني ما ارضيت غير بخلقتك اه لو تجوزت عاصم هلا دكتور قد الدنيا ومرتو كلاس فوق مو متلي مهمومه بالبيت والبنات ووعم كافح لجيب ل مروان صبي وبالاخير شو هه اكلت خازوق مرتب ولا عيناكي يا هديل وقت تزوجتيه ونص الحضور معجبات مروان القديمات وكلهن حسدوني قال شو اخدت زينه شباب البلد لانو معروف على مستوى عالي اهم مكنيكي هون ....تزكرت ترتيبي الو واهتمامي بمظهرو وبأناقتو فتحت خزانتو وبلشت ارمي كلشي فيها رميت كل علب البارفان تبعو بالارض وبلش دعوس فيهن وامزع الي بقدر عليه قلبت غرفتي لفش قهري بس كانت الشرارة عم تشعل اكتر رحت دغري البست توب الصلاه واخدت شوية مازوت وكبريته بدي احرق الشقه الي فوق ولو بدي انحبس من وراه بس صوت تلفون البيت وقفني ارجعت تشجعت خطرلي يكون مات اوحماتي ماتت رميتهن من ايدي ورحت اركض لرد
هديل:هاد انتي
ماما:شو كيفك
هديل: ااااه ماني منيحه ابدن
ماما:بعين الله
هديل:اخ يا امي راح موت راح انفجر
دخلت لغرفتي وانا عم احكي معها واشكيلها
ماما:لا تزعلي من ابوكي
هديل:زعلانه من حظي وبس
ماما:هلا روقي بعرفك واعيه وفهمانه انا ماني معو بالكلام هاد ولازم خبرك انو بدو يتجوز مو هيك بالسر بس كمان حقو بدو صبي
هديل:كان صبر الله كريم
ماما:كل لرجال هيك يا قلبي
هديل:الله يلعنهن الله يمحيهن
ماما:لا هديل ..ما بيصيررهالحكي
هديل:حلي عني
ماما:خلص استغفري وصلي بترتاحي
سكرت الخط ورحت اتوضيت وصليت عشر ركعات وحسيت انو قلبي برد شوي دموعي غرقو سجادة الصلاه قرات جزء من القرآن وفتحت شباك غرفتي فات منو نسمات هوى باردة قشعر بدني منها ركيت راسي على طرف الشباك وبلشت اتأمل القمر كان كامل بأبهى حلة والنجوم مزينين حواليه تنهدت واخدت نفس لاطرد الطاقه السلبيه مسحت دمعتي بسرعه وتخيلت مروان مع مرتو ايه الهي بتشوف العجايب الليلة ريتها تفرجيك قيمتك يا رجال ماصحيت على حالي الا وشب عم يشاورلي من بلكونهن بلعت رقي وهبط قلبي من الخوف كان قريب مني شايفه ملامحو شوي ولابس قميص داخلي ومستند بأيديه على حفه البلكون ورجع اشرلي مرة تانيه بعدت نظري عنو واتاكدت انو لابسه منيح ما رديت عليه للحظات فكرت خون مروان بس اتراجعت انا مو متلو خاينه .
ما اقدرت ارجع لمكاني كان لازمني تغيير جو
كفيت سهرتي على شباك الغرفه وكل شوي يخطرلي عمل شيطاني نفذو مع مروان تزكرت ليلة عرسي كنت كتير مبسوطه ما كنت متوقعه انو توقع على راسي بس ليش هيك بالسر معقول خايف مني ولا هو متأكد من ردة فعلي وانو راح اطلب الطلاق ومستحيل يطلقني بسهولة مروان وبعرفو حتى ما اتصل ولا حكى مع البنات .
.......
من بكير زارتني ماما انصدمت بشوفه البيت مكسر بس فكرتني ارتحت وانطفت النار الي جواتي هي رتبتو انا كنت متمددة وكل شوي اغفى ما قدرت نام طول الليل وحتى الشب ظل سهران معي ههههه يمكن فكرني عم طبقو ونسني لشو الكزب جابتلي ماما كاسه ليمون لتهدا اعصابي بس ما اهديت كنت عم انزف بقلبي ع البطيء فطرت البنات وجهزت الغدا الي والهن وراحت والمسا اجت سهرت مع بابا واخي ومرتو بيت حماي لا حس ولا خبر حقهن وتاني يوم اتصلت فيني علا
علا:بدي تسامحيني
هديل:اف ليش بقى
علا:اجت لعندي ماما واخدتني لنخطب ل مروان
هديل:اي
علا:استغفر الله العظيم ما بعرف شو كمان احكي
هديل:شو في كمان
علا:على اساس انو انو...انا مرتو ل مروان استغفر الله للعظيم
هديل:يا عيب الشوم بس وكنتي حامل صح وبدك تولدي ما خفتي من رب العالمين انا مو كرمال جوازتو ينباع بالعزا بس لانك كزبتي وانحطيتي بمكان مرتو وانتي بالفعل اختو
علا:والله هددتني ما تعتب باب بيتي وتغضب عليي
هديل:وانتي اغضبتي رب العالمين
علا:سامحيني امانه
هديل:مابعرف مين بدي سامح ولا مين على كلن مسامحه
علا:تعالي زوريني
هديل:اي انشالله
#يتبع

#قصة #بناتي
#القسم_الرابع
بقلم: #مايا_الحجازي
سكرت بوشها الخط وهي يعتبر تالت يوم على زواجه مروان غرقان بالعسل مو مبين والبنات صارو مية مرة سأئلين عليه هيك لحتى انقضى هالأسبوع اندق باب البيت ورحت اركض لافتح وطلعت بوشي امل رفيقت الطفولة والدراسه جاية وبتمها في حكي غمرنا بعض
امل:كيفك هدوول
هديل:ماني منيحه
امل:ادريت وجاية مشانك
هديل:فوتي
قعدنا بالصاله وجهزت القهوة ودغري فاتت بالموضوع
امل:الله يصلحو على هالعملة
هديل:اخ يا امل
امل:على كلن جاييكي بالاخبار
هديل:احكي
امل:الي اعرفتو انو عمرها ١٦ سنه
وانا شهقت)...وبالعلامه حماتك شايفيتها بالحديقه عم تلعب تخيلي طفولية لدرجه وامها عندها عشر صبيان وهي وحيدة عليهن عيونها ملونه وشقرا وطويلة
هديل :اي وشو كمان
امل:مبارح ها كانت حماتك عند جوزك ودغري اخدت العروس ع الدكتورة
هديل:كمان
امل:وازا الله ما بدو يكزبني حاكيتلها انو رحمها طفولي وهلا مو مستعدة للحمل
هديل:اي الله كبير...شو عرفك انتي
امل:وحياتك كلو بالصدفه انا وقت اسمعت من جارتنا عم تخبر ماما بكل هاد دغري اجيتك وقلت بتبرد شوي من نارها
هديل:اي وشو كمان
امل:اول شي متل ما بحكيلك ما راح ينسجم معها فرق بيتهن كبير بالعمر وبكل شي وانشالله ما بتظل معو
هديل:بس هيك تعود بكرى بيرجع يتجوز
امل:يمكن بس بدي قلك شي مهم
هديل:نفختي قلبي
امل:لا تهملي حالك البسي من احلى اللبس واهتمي ببشرتك ومكياجك واناقتك كرمال ازا شافك يعرف قيمتك اما ازا شاف انو هي احلى ما راح يندم على جوازتو وبيحط الحق عليكي تزبطي
هديل:هههه لك انا معاد بدي اياه
امل:عنجد
هديل:اي والي باعك بالفول بيعو بالقشور...وكمان معاد بدي منو يقرب عليي اصلن انا بقرف
امل :هههه عنجد
هديل:لكن يعاشر وحدة ويرجعلي فشر
امل:عقلك لساتو بمحلو ....والله وبتعرفي تفكري بس يمكن ما يطاوعك
هديل:مافي شي اسمو غصب
امل:يمكن
حكيتلها شو عملت وكيف قضيت هديك الليلة وكانت عم تواسيني وبعدها اطلعنا ع البلكون نشوف الجو
هديل بتعرفي....يومها في شب ظل سهران على بلكون بيتهن ويشاورلي ههههه زكرني بالزعرنه ايام التاسع
امل:ومين هاد
هديل:يمكن من ولاد جيرانه ساكن بالبنايه الخلفيه
امل:بأنو طابق
هديل:الرابع
امل:يييي يبعتلك الهنا هاد بيت عاصم الدكتور
هديل:عاصم عاصم...ما غيرو
امل:اي هو ما عرفتيه
هديل: ملامحو بعيدة وما بيشبه عاصم القديم
امل:اي هاد هو واجى من اميريكا مع مرتو وولادو
هديل :يوه وجاي ليسكن هون
امل:ههه اي
هديل:يسطفل ما الي فيه الي بمصيبتي
امل:وجوزك لساتو حلو متل ما بعرفو
هديل:لا بشعان
امل:ههه من غيظك منو
هديل:اي بربي راح موت قهر
امل:بتهون يا قلبي ولسى ما اتصل
هديل:لا حس ولا خبر ...دخلك وين هو
امل:باوتيل فخم هون
هديل:اي ريتو يتفجر فيه
امل:الله يلعنك على هالدعوة
هديل:اخرسي وليه
امل:مجنونه
ظلت عندي وعلى اخبار بنات صفي وبعدها راحت حسدتها لانها ما تجوزت ولساتها مدللة بيت اهلها وانا كبرت مية سنه من هم البيت والبنات وهلق هم ضرتي لجديدة ولي شو راح تتحملي لك هديل ولسى العمر بأولو
.......
اسمعت صوت زغاريد المسا ودغري وقفت ع البلكون لاتفرج شو صار شفت سيارة مروان انصفت باب البناية ونزل منها ومعو عروستو الفرفورة قلبي وقع وقت شفت ايديهن مشبوكين ببعض وحماتي ما هديت وهي عم تزغرد ومعها مريم وكانو اول مرة بيتجوز وفوق كل هاد صارت ترش عليهن ورد ورز فاتو ع البنايه وعيوني مافارقوه لابس قميص كحلي وبنطلون بيج وطالع شيك ع الاخر مخفف دقنو كتير ومحددها ورافع شعراتو مغير قصه شعرو مخفف من ورا ومن فوق لساتهن بنفس الطول بس طالع بيشل على قد مو حلو ومرتو لابسه فستان ابيض وفوقو جاكيت جينز ولابسه شالة بيضه وباين انها عنجد حلوة دغري دخلت على غرفه البنات وشفتهن نايمين كل وحدة بجهة زبطت نومتهن قفلت البيت منيح ودغري فتت لملم جروحي بغرفتي كانت النار خامدة بس هلا شعلت من جديد بعد ما شفت ضحكتو وانبساطو وضرتي لجديدة يا شماتت الاعداء فيني دفنت حالي تحت لحرام وسكرت على نفسي وعلى صوت البكي بس قلبي كان عم يصرخ اكيد حماتي محظرة وليمه لوصلتو وانا وبناتي هون ما حدا سأل عننا ولا حدا طيب خاطرنا منهن شكيتكهن لواحد احد .
حسيت على صوت مفاتيح البيت مسحت دموعي ومثلت على حالي دور النايمه شو جاي يعمل عندي هاد كرهانتو وازا بلمحو بدي اقتلو الله يلعنك الله لا يكملها معك وقت انفتح باب غرفتي قلبي وقع بيوم عرسي ما خفت هيك اتسكر الباب وصوت خطواتو عم تقرب ودموعي زادو من هاللحظه كيف بدو يشوفني مكسورة انا وعدت حالي كون قويه مسحت دموعي شوي شوي وحطيت وشي بالمخدة كان عم يقرب لناحي قعد من الصوب التاني

مروان:هديل. ..هدولتي...بعرف انك صحيانه
ما اقدرت احكي ولا حتى اتنفس
مروان:اشتقتلك
بعد عن راسي لحرام كان عم ينزلو شوي وبعدها بعد شعري عن وشي
كان نفسو قريب مني كتير طبعلي بوسه على خدي
مروان:هديل خلينا نحكي ..لتعذريني اسف والله
"بقلبي...اعتذارك وسخ متلك تركتني اسبوع وانا عم فور واغلي كنت راح انجلط ليلتها جنيت وانت ما حسيت فيني وكنت راح تكون السبب بموتي"
مروان:يلا جاي لاخدك معي ونروح نتعشى ببيت اهلي
وهون معاد فيني فرطت وبلشت اشهق من البكي وحسيت النار عم تنفذ من وشي ومن اطرافي
مروان:لا تبكي ...هديل بترجاكي خلص
حطيت ايديي على وشي كان عم يبعدهن
مروان:بس كلمه حاكيني احكي اي شي سبيني اضربيني اعملي الي بدك ياه لا تضلي ساكته
"ما كنت قدرانه افتح تمي بحرف واحد"
مروان:فتحي عيونك اطلعي فيني لا تبكي هديل بترجاكي خلص
بعدت ايديه عني وحطيت لمخدة على وشي
مروان:ما بروح الا لنحكي مشتاق لنفسك ولصوتك والله انت اغلى واحلى مراة بحياتي ...سايرت امي شو اعمل ...وانتي اكيد بدك اخ لبناتك
"بقلبي:بس بناتي هدول بناتك كمان"
مروان:انت مفكرة اني بعتك لا انا اشتريتك ما اقدرت خبرك انا ما بحب اكسر خاطرك
"يكسر خاطري ...كسرني مية سنه لقدام دبحني وسيح دمي قدام كل الكون بسببو تقلعت من بيت اهلي ولولا ما بابا ضربني كنت هلا عندو وبدي اطلق ولسى بدي اطلق
مروان:يلا لا تزعليني منك خلينا نروح نتعشى بابا بدو يشوفك
ما رديت عليه كان عم يحكي مع حالو وبعدها بعد لمخدة عني ورفعني لعندو وبعد ايدي عن وشي ورفعلي راسي
مروان: شبكي....لهدرجه ..ليكون حالفه يمين ما تشوفيني
فتحت عيوني شوي شوي كانو عيوني عم يحرقوني
مروان:هدول لدموع انا سببهن لاتفكري انا تجوزت وخلص انسيتك او بعتك انتي الاصل وراح بتضلي هيك ومكانتك بقلبي لا سارة ولا غيرها بتمحيها والله انتي الاولى بقلبي وعقلي وروحي انت بكلشي الاولى.....انا ما اتصلت فيكي لانو بدي شوفك ونحكي وكنت اطمن عليكي وع البنات عن طريق امي
ما بعرف ليش ضحكت لا فرطت ضحك عليه
مروان:ليش عم تضحكي...هديل انتي منيحه
هديل:امك....وين شافتنا
مروان:هي خبرتني انك منيحه وانو البنات كمان مناح وانو ما قطعتكن ولا يوم
هديل:من هداك اليوم ما شفت حدا فيهن لا ابوك ولا امك ولا اخواتك ولا اي حدا من هداك اليوم وانا والبنات عم نموت حرقولي قلبي على قد ما سألو عنك من هداك اليوم وقمر مرضانه بتعرف انو لولا اخي عادل كانت راح بتموت
مروان:شبها
هديل:صابها ابو صفار والدكتور الي اخدها عليه عادل بهدلو وحكالو لولا ستر الله كان صابها مرض بعقلها يا حنون انت...مروان بترجاك تتركني وروح او خليني انا روح
مروان:كل هاد صار بغيابي
هديل:كتير هامينك نحن كتير قلبك علينا ...مشان هيك تركتني احترق هون ورحت...... مشان هيك....... قتلت بقايا روحي خليتني دوق الصبر والسم خليتني اندم على كل ثانيه قضيتها معك.....طلقني مروان مشان الله
مروان:مو وقت هالحكي هاد
هديل:ايمتى وقتو لكن
مروان:انتي معصبه هلا
هديل:لا انا راح ضل معصبه لحتى طلقني
مروان:هلا خلينا نروح نتعشى ببيت اهلي
هديل:روح تسمم لحالك انا تعشيت
مروان:هلا هيك
هديل:مروان اتركني او قلك انقلع ولهون لا تيجي والله برمي حالي وما بسأل لا عنك ولا عن بناتك
مروان:انا بدي نام عندك
هديل:بعيدة عن عيونك انك تلمسني او تقرب مني انا مستغني عن خدماتك وماني بعازة شي وازا بتحاول تقرب لا تلوم الا حالك
مروان:لك شبكي هديل شو صرلك انا مو اول رجال بيتجوز
هديل:انا ما دخلني اول اخر انا كرامتي بالدنيا نفسي اهم من الجميع ذليتني وخليتني اتحمل كلشي لحالي اكيد مانك الاول بس انا مو متل غيري حطها قاعدة وامشي عليها (ا.نا.مو.متل.غ.ي.ر.ي)
مروان:لايمتى يعني
هديل:لموت انا او انت تموت
وقف وراح لخزانتو وشاف اواعيه مقلوبه ورماني بكم نظرة متلو وقحين طالع بيجامه فكرو يراضيني ازا ترك عروستو واجى يقضي ليلة معي بدل اواعيه واخد تلفونو واتصل ب مرتو يمكن
مروان:ماني جاي ع العشى..اي خبري ماما....طيب ماشي سلام
رجعت لمكاني قعدت وحطيت ايدي على خدي
نزل هو لتحت لحرام وحط ايدو تحت راسو
مروان:كبري عقلك هديل والله انتي ما الك غيري...انا اسف من غيابي بس امي هيك بدها وقلتلي لا تشيل هم هديل والبنات بعيوني
هديل:طب ليش ما عزمتني والله هبة من اول ما سمعت صوت اغاني الفرح من بيت حماي بلشت ترقص وحكتلي ليش ما انعزمنا والله زمان ما حضرنا فرح بتسدء من لما تجوز عادل اخي.....اكيد انبسطت ورقصت ودبكت ...كان في حضور اسمعت
مروان:...
هديل:هالة بس الي حاسه فيني وبتعرف شو يعني نزلت عليي ضرة بس اول ما يجيك صبي راح تفرح ...قليله راح يجيها اخ يسندها انا ما حدا سندني غير عادل بالمصيبه هي

مروان:خلص هديل
هديل:ليش خلص لا بدي احكي
مروان:طيب احكي
هديل:الك عليي يا مروان فرجيك العجايب من هون لحتى طلقني
مروان:طلاق مافي...مافي طلاق
هديل:وانا وراك بدك طلقني
مروان:بقتلك وبدفنك بأيديي وما بخليكي تطلقي
هديل:لنشوف كلمه مين راح تمشي
مروان:ما اشتقتيلي
هديل:لا..الفترة هي الي تركتني احترق فيها حطمت شعوري وقتلت مشاعري وحرقت حبي الك ومو بس هيك شوهت كل لحظه جمعتنا
مروان:خلص نامي
هديل:اي لكن بدي نام
اخدت مخدتي ورحت لغرفه البنات حطيت فرشه ارضيه وحملت قمر ونمت معهن بعد ما قفلت الغرفه وبدو ينقلع الله لا يسرلو
....ما نمت وما بظن انو مروان نام ريحه
دخانو عبت البيت بس ما اهتميت انا محيتو من حياتي وخلص لازم اتأقلم على هالحياة بدي كرهو بحالي الموت اهون عليي من انو خليه يفكرني رخيصه وماني اول وحدة بس لفرجيه كيف بكونو النسوان .
......
اسبوع كامل نام عندي وبنفس الوضع ما قصرت ع البيت لا تنظيف ولا اكل كلو اعملو ومن احسن ما يكون وبضرتي ما اجتمعت بس اسمعو عم يحكي معها وبعد الاسبوع راح لينام عند لجديدة بعد ما حماتي اجت واخدتو لعندها وانا دغري رحت ضبيت اواعيه بشنته وطالعتهن لقدام بيتو الي فوقنا ولحشتهن عند الباب ونزلت هي ليتاكد انو معاد الو رجعه لعندي وبالفعل هاد الي صار معاد اجى الا ليشوف البنات وانا بالفترة هي اقعد بالمطبخ جبت فرشه جديدة لغرفتي وهديك كبيتها وشراشف بتجنن وبدلت لمخدات واواعيي كلهن بدلتهن واشتريت جديد وغيرت ديكور غرفه البنات وجبتلهن اربع تخوته ودهنت الغرفه باللون الزهري هدول احلى شي صار بحياتي وكل خميس انزل ع السوق مع البنات واشتريلهن العاب واواعي صرت البس على اخر طراز بس اكيد مو مشلح شي احلى عبايات طويلة بس غاليه ومشكوكه شك الماس شالات بتجنن وسكربينات عاليه ومكياج كريمات بارفان وكلو هاد لجاكر سلفاتي وحماتي وضرتي ولشعل النار جوات مروان كنت عم العبها صح نظراتو الي كانت عم ترجملي كلشي بداخلو كنت لابسه بنطلون جينز وبلوزة حفر سودة مسشورة شعري وفارديتو على طولو ومنزلة غرة ولابسه بوط زهري اندق باب البيت ورحت لافتح
هديل:مين
مروان:انا
احترت البس ولا ضل هيك وقلت لا بفتحلو فتحتلو اجت عيني بعين ضرتي ودغري قلبت خلقتي
مروان:شو مافي تفضل
تنهدت بصوت مسموع
هديل:لا فوت
بعدت عن الباب لدخلو سوى
سارة:كيفك
هديل:ماشي حالي
مروان:شو وين حبيباتي
هديل :بغرفتهن عم يلعبو
سكرت الباب ومشيت وراهن كان مروان عم يستنشق شي مع اني مو طابخه تنهد وابتسملي ما فهمت عليه دخل على غرفه البنات ومعو مرتو وهجمو عليه البنات وهنن عم يصرخو"بابا ...بابا"
وقفت اتفرج عليهن وبعدها حمل هيا وقعدنا بالصاله
مروان:هي حبيبة قلبي...وين قمر
هديل نايمه
سارة:بتشبهك كتير
مروان:حلوة يعني
سارة:ههه بتجنن
حملتها وبلشت تبوس فيها وانا طردت فكرة اني غار عليه
مروان:شو طبختي اليوم
هديل:في عنا اكل من مبارح
مروان:راح بطلب عشى لكن
هديل مافي داعي مو جوعانين
مروان:على راحتك ...شو مافي قهوة
هديل: امبلا فيه ثواني وبتكون جاهزة
وقفت على حيلي حطيت غرتي ورى ادني ورحت لاعملو القهوة عيونو ما فارقتني ورجعت وانا حاملة الصينيه كانهن تناقرو هيك حسيت وشها انقلب وهو تغير شوي ضيفتهن وقعدت قبالهن لراقبهن
مروان:روحي بابا العبي
راحت هيا وانا قعدت رجل على رجل حملت فنجاني وبلشت شف
ومروان حمل فنجانو شم ريحه القهوة قبل يدوقها وقت شف منها عجبتو ودغري ابتسملي حسيتو بدو يرجع الامور بس ما يحلم
سارة:شو حماتي ما بتزورك
هديل:لا
سارة:عم تحضر لولادة سلفتي مريم
بقلبي:الله لا يقومها بالسلامه:
مروان:اي يمكن تولد
سارة:الدكتورة حكتلها لازم تولد بطلق اصطناعي
هديل:اف ليش
سارة:يمكن تعبانه او ابصر شو صاير معها
هديل:يمكن
سارة:ليش ما بتزوريني...حكالي مروان عنك وعن رتابتك ونظافتك وحلاوتك كمان
هديل:منيح
مروان:متل ما حكيتلك طلعت
سارة:اي واحلى كمان
هديل:شكرا
سارة:انا حابة انو نصير رفقات انا وانتي
هديل:متل ما بدك
سارة:لهيك عازمتك على غدا بكرى انتي والبنات
هديل:منتشرف
مروان:اي هيك بكون احسن ..وعلى فكرة اكلت راسي وهي تحكيلي روح لعندها لهيك يوم عندك ويوم عندها
هديل:لا مافي داعي لساتك عريس خد راحتك ولا تهكلي همي انا مرتاحه هيك
سارة:بس ما بيصير هيك
هديل:لا بيصير مسامحه فيه
سكتنا وانا اخدت الجهاز وبلشت قلب بالقنوات ما عجبو كلامي ويمكن نزل عل راسو متل المي الباردة اتجمد بعدها وبعد نص ساعه راحو سكرت باب بيتي عشيت البنات ونيمتهن ورحت لغرفتي ما اقدرت اقعد ولا ارتاح كنت مشوشه من زيارتو وكلام ضرتي بس يمكن لانها صغيرة ما بتعرف شو يعني ضرة البست توب الصلاه وفتحت شباك الغرفه ووقفت متل هديك المرة عيوني اتعلقو على بلكون بيت عاصم كان الضو مطفي وشوي اشتغل وطلع مع مرتو ضليتني لبعد نص ليل عم راقبهن وحسدتهن انو مبسوطين وانها عايشه مع جوزها بدون ما تشاركها وحدة عليه
#يتبع

#قصة #بناتي
#القسم_الخامس
بقلم:#مايا_الحجازي
كنت مبسوطه لانو معزومه ببيت ضرتي بدي شوف بيتها وكمان حابة شوف مروان كيف عايش معها هو رومنسي من زماان فكيف مع هي الشقرا وحابة دوق طبخها وعلى شو راح تعزمني بس ما اكدت العزيمه على كلن الظهر بطلع انا والبنات مو اقل منها مو انا نظفت بيتها والله يومها تكسرت ونمت بدون ما حس على حالي يلا مو لغريب بيت جوزي فطرت انا والبنات وبدلتلهن اواعيهن وجهزتهن للمشوار وانا تحممت والبست بنطلون ابيض وبلوزة لفوق الركبة لونها اصفر ولفيت شالة صفرا وطبعن تمكيجت وعدلت مزاجي بفنجان قهوة كانت الساعه وحدة ونص لبست البنات برجليهن واطلعنا تمشايه كانو مبسوطين وهالة تحكي ل هبة انو نحن رايحين لبيت ابوهن التاني دقيت الجرس وعلى شوي كنت راح روح بس اسمعت صوتها
سارة:يلا يلا جاية
فتحتلي وابتسمتلي
سارة:يا مية اهلا وسهلا نور البيت
سلمت عليها وفتت واستغربت الصاله مقلوبة قلب كلها قشر فستق حلبي وكاسات عصير وقهوة على الطاولة جاكيت مروان على جنب
سارة:يبعتلي حمى ما بعرف كيف رجعت نمت ونسيت العزيمه ومن شوي لصحيت والبيت لساه مكركب هي اول مرة هيك بيصير معي وبلشت تلم بالاواعي وتنظف قعدت على طرف الكنايه وكل ما راحت واجت وهي تتحجج شغلت للبنات على قناة اطفال خطرلي كيف قضو السهرة اكيد متأخرين لهيك نامت وطولت
هديل:مروان ما افطر
سارة:اه....ما حسيت عليه وقت راح للشغل
هديل:ساعدك
سارة:لا اعوذ بالله خليكي مرتاحه
شفتها عم تدحش بالاغراض وترتب بسرعه ملهوفه هاله حطت ايدها عل تمها وابتسمت وهبة قلدتها وانا ضحكتلهن رجعت حاملة صينيه فيها كاسات حليب وغابت شي نص ساعه بالمطبخ كانت لساها بقميص النوم وبعد ما ركبت الغدا راحت لتجهز حالها وقت فتحت غرفتها كانت مقلوبة قلب يالطيف والاواعي على قد الغرفه ممدودين بعد ساعه لطلعت انا مليت بس شو بدي اعمل طلعت تركض ع المطبخ ويمكن ناسيه شي ع النار رحت لشوف ازا بدها مساعدة
هديل:ساعدك بشي
سارة:بتعرفي احترقت صينيه اللحمه ياربي شو اعمل
هديل:عادي مو مشكلة
سارة:عنجد
هديل في جاج عندك
سارة:اي في
هديل:طيب اعملي جاج وهي كبيها برا للقطط
سارة:هو هيك
بلشت بتركيب الجاج وانا صفطت عليها الجلي الي لساه بمكانو وقلت يلا حرام صغيرة وملهوفه ع الشغل وبعدها قعدنا سوى نتساير حسيتها طفولية كتير
هديل:ما ولدت مريم
سارة:مبارح راحت ع الدكتور على اساس بكرى
هديل:اي منيح
سارة:يا حرام اخوها مريض
هديل:ييي عنجد
سارة هو وحيد صح
هديل:اي وحيد
سارة:الله يكون بعونهن
هديل:بشو مريض
سارة:بكليتو يمكن
هديل ايه الله يشفيه
سارة:هديل فيني اسالك
هديل:اي اسالي
سارة:انت عاجبيتو لمروان كتير دائما بيحكيلي لو انك متلها شو اعمل لصير متل ما بحب
هديل:ههه طاوعيه بكلشي
سارة:هيك يعني بس
هديل:اي هيك
بعد ما خلصنا هالحديث راحت للمطبخ وشوي وندهتلي
هديل:شوفي
سارة:نازلة لبييت حماي شوي ومعاد الا يوصل مروان حركي الشاكرية
هديل: اي حاضر من عيوني
شردت وانا عم حرك الشاكرية انا هوايتي الطبخ مو كل الطبخات بتزبط معي واحيانا كتير بخربط بس كمان بيطلع طبخي طيب كيف حماتي غلطت وعلمتني الطبخ بس لشو الكزب سبقتها بكتير طبخات اول سنتين من زواجي قضيتهن بس تعليم ع الطبخات الي بيحبها مروان بس شو كلو راح ع الفاضي كرمال صبي باعني اخ منو وهلا عايش ولا على بالو والو خاطر يعدل بيني وبين هالمقوصه سارة معقول هي بريئه هيك بس حبابة ع الاكيد وغير هيك كانت حفرتلي حفرة كبير ولا انا هديل على سن ورمح .
صوت باب البيت انفتح تعبت وانا بنفس الوضع والبنات عم يلعبو بالغرفه الي جوات البيت حطيت ايدي على خصري وتنهدت وما حسيت الا ومروان لافف ايديه على خصري ومحاصرني
هديل:نقزتني
مروان:ههه افتكرتيني جني يعني
هديل:لا مافكرتك شي
كان قلبي عم يدق بسرعه
هديل:بعد عني
مروان:اشتقتلك
كان عم يستنشق ريحتي
مروان:يالله شو بحبك دخيل ريحتك
هديل:بتعرف اني هون
مروان:ما توقعتك تيجي بعرفك عندك كبرياء بس وقت دخلت البيت قلبي رقص وحسيت انك هون وريحتك الله على ريحتك عم تفح بكل البيت
هديل:حاجتك تحكي...دايقتني بعد عني
ما رد عليي واكيد كلو شحم وزيت ريحتو بينزين كمان وضل عم يقرب مني لحتى باسني
هديل:روح خلصنا بقى
مروان:بموت انا بعصبيتك
هديل:اجت سارة يلا روح
مروان:مرتي انتي ما حدا الو عندي
هديل:بعد عني.......
قلتلك انا ما بدي منك شي
مروان:لايمتى يعني
هديل:لحتى موت ...لك هلا بتوقع الطنجرة عليي روح
كانت سارة بالمطبخ ما تزحزح طفيت ع الطنجرة وحاولت بعد انا وهديك وقفت مصدومه وبعدها ضحكت ضحكه صفرا
سارة: مروان اجيت
مروان:انتي شو شايفه

سارة:اعطيني عنك هديل
هديل:لا خلص غليت
سارة:عزبتك معي
هديل:لا عادي
ضربت مروان بكوعي على صدرو وبعدها بعد عني
سارة:ههه روح بدل اواعيك
مروان:بدي اتحمم
سارة:اه...يييي نسيت سخنلك المي
مروان:ليش انتي ايمتى بتتزكري شي
هديل:راح سخنلك مي
مروان:ماشي
طلع معصب من المطبخ وانا اهتميت بحمامو وهي كملت تحضير العشى وكانت عم توزع الاكل ع الطاولة بعد ما تحمم ولبس بيجامه وقعدنا ع السفرة وكان عم يتأمل البنات وبحضنو هيا بلشنا بالاكل الشاكرية مالحه والرز كمان مو مستوي وبعد كل لقمه مروان يهز براسو مو عاجبو هيك لشبعنا اخد معو البنات وانا لحقت ضرتي لساعدها شفت لدموع متجمعين بعيونها
سارة:ما عجبو الاكل
هديل:...لا ماشي حالو
سارة:لا انا بعرفو ...بدو اياني بيوم وليلة صير واتصور كل شوي بهتني
هديل:طولي بالك
همستلها"كل لرجال هيك"
فات علينا وابتسم وغمزني
مروان:شو صاير في اسرار عليي
هديل:لا مو هيك
مروان:عمليلي شاي
هديل:انا
مروان:اي وتعالي اقعدي معي بدي اياكي
سارة:خلص روحي انا بكمل
هديل:بساعدها ومنيجي
مروان:شو حكيت انا
سارة:خلص روحي ما ظل شي
هديل:طيب ماشي
عملت الشاي وهو راح وشوي ولحقتو حطيتلو الكاسه وكنت بدي روح مسكلي ايدي وخلاني اقعد حدو
هديل:حرام خليني ساعدها
مروان:ههه
هديل:...
مروان:كنتي تلفي بيت اهلي وبيتنا بساعه ويضل نظيف وكنتي تطبخي وتجلي لاكبر العزايم يعني هالكم صحن راح يتعبوها
هديل:بس
مروان:شو بس....بدي احكيلك شغله
هديل:اخد راحتك معي انت
مروان:ببيتي
هديل:وهداك بيتك
مروان:بس هداك انتي صاحبتو وست البيت فيه
هديل:...
بعد ما خلصت اجت لعنا بابتسامتها وكانها بكيانه قعدت معنا ولاعبت قمر ومروان انشغل بتلفونو شوي ونطق
مروان:يا لطيف
هديل:خير شوفي
دغري وقف واخد جاكيتو
وقفنا سوى وندهتلو
هديل:شوفي مروان
مروان:اخوها ل مريم توفى
انصعقت وقلبي وقفت دقاتو بدون اي صلة بس الجمله هي بتوجع القلب شهقت وحطيت ايدي على تمي وضليتني واقفه
سارة:ييييي يا حرام يا مريم
هديل:جاية معك انا
بسرعه نزلنا حطيت البنات بالبيت وكملت مع مروان وسارة صوت صريخها لحالو شل حركتي ما اقدرت فوت ع البيت ضليتني برا وسارة ضلت حدي وشوي حماتي وعمي وخالد ومنى اجو طبعاً مروان فات والباقي فاتو وانا دخلت اخر وحدة كانت بالارض قاعدة وعم تضرب على وشها جوزها ماسكها وعم يهديها ومروان كمان عم يحاول يوقفها على حيلها كانها مو شايفه بعيونها وعم تولول"ولييي والله ما النا غيرو وحيدنا ياربي اخدتو"
مروان:وكلي الله كلنا على هالطريق
حماتي:كرمال الي ببطنك خلص حرام عليكي
عمي:مشيئه رب العالمين
توفيق:جننتي لولاد يا مريم
ما سكتت وشوي وغابت عن الوعي على قد ما ضربت على وشها حملها مروان وتوفيق وبلشو يصحوها حماتي جان جنونها على الي ببطنها وولادها عم يصرخو بدون وعي على امهن وبعد ما صحيت انصدمت من جديد بطلت تبكي بس استوعبت شو صار
مريم:بدي امي بدي روح واسيها
توفيق: الطريق طويل وين بدنا نروح
مروان:انا بكرى براسي بوصلك
مريم:بدي روح هلا ....بدي شوفو
كيف مات ...والله ما كان فيه شي من يومين
حماتي:ربك هيك رايد
مريم:ولي ولي عليك يا اخي والله ما شاف شي من حياتو
منى:حاجتك مشان الي ببطنك
مريم:خلص خلص ...مابدي حدا انتو جايين لتشمتو فيني
مروان:الموت ما فيه شماته
مريم:امبلا مرتك شماته
مروان:لا حول ولا قوة الا بالله ادعيلو الله يرحمو
مريم:لا تقول الله يرحمو ما مات ما مات
خالد:يمكنها تعبانه او مو مسدءة خلوها ترتاح
مريم:الله ينتقم منكن
عمي:شو هالحكي يا مريم
مريم:اي اي هي من دعاويكن بتكرهوني والله بتكرهوني
توفيق:خلص اهدي
مريم:خلي هديل تنقلع انا ما بدي شوفها اكيد شمتانه انا حاسه انو قلبها عم يضحك وفرحانه بمصيبتي
خالد:ليش شوفي بينك وبينها
حماتي:روحي هديل
هديل:الله يصبر قلبك ويهدي سرك
مريم:انقلعي
طلعت من البيت ولحقتني سارة وهي عم تبكي وانا دموعي كمان ما هديو تخليت انا بمكانها وجن جنوني وبقلبي بلشت ادعي"يارب احميلي سندي واحفظلي عادل ومروان وابي"
سارة:لا تزعلي
هديل:لا عادي
طلعنا على بيتي وضلينا انا وسارة عم نبكي اخوها كان مؤدب لدرجه شوي واتصلت فيني ماما
ماما:صحيح هالخبر
هديل:اي والله
ماما:انقهرت عليه وعلى امو
هديل:ونحن كمان
ماما:الله يصبرهن يارب كيفها سلفتك
هديل:يييي الله لا يفرجيكي
ماما:وحتى عادل زعل عليه
هديل:يلا كلنا على هالطريق
بعد نص ساعه اجى مروان لونو تغير وباين عليه الزعل
سارة:شو صار
مروان:سكتت الله يكون بعونها
سارة:شو دخل هديل ما فهمت
مروان:ما بتحبها من زمان
سارة:ليش شو عاملة معها
هديل:ماعملت معها شي الله وكيلك
وبقلبي انا يمكن دعيت من قلب محروق بس كمان هاد قضاء وقدر شو دخل دعوتي انا

مروان:خلص سكرو هالسيرة
سكتنا وبعدها فتت لنيم البنات وكل شوي قلبي يهبط وقت اتزكر هالخبر وفوق كل هاد منظرها ما بروح من بالي الله لا يحطني بمكانها يمكن مروان وسارة راحو وانا دخلت لغرفه نومي استريح شوي شغلت قرآن لتهدا نفسي ومسكت المسبحه وبلشت استغفر .
بنص الليل اجت سيارة اسعاف ع الحارة وتوقعت يكون علينا وبالفعل اتصلت ب مروان وكانو كلهن ببيت توفيق ونقلوها على المشفى بعد ما نزفت بالبيت وش الصبح اجى مروان لعندي من المشفى وخبرني انو توفى الجنين الي ببطنها وانها لساتها بخطر بكيت من جوات قلبي وحتى مروان كان زعلان كتير والظهر اجتمعنا عند حماتي وكانت عم تبكي على ابن ابنها وتحكي ل توفيق موتت ابنك كرمال اخوها وعمي بهدلها ل حماتي وبعد ما طلعت من المشفى اخدها على بلد اهلها هي وولادها وراحو عمي وحماتي وسلافي ورجعو المغرب كنا مجموعين ببيت حماي وعملنالهن اكل رجعو مسكرة الدنيا بوشهن كالعادة اجتمعو بالصاله وكل واحد ساكت من جهة وانا ومنى وسارة واقفات حد بعض
منى:الاكل جاهز
سارة:كلولكن لقمه
هديل:هلا بيبرد الاكل
حماتي:يلا جايين
قعدنا ع السفرة وكل واحد عم يحرك بالصحن بدون نفس
منى:كيف صارت مريم
عمي:منيحه
حماتي:الله يكون بعونهن
هديل:امها كيفها
حماتي:اخ الله لا يدوقنا هاللوعه يارب
عمي:امين شايف مروان وشايف خالد من اليوم وبالرايح بدي ديرو بالكن على حالكن انت مروان شغلك تقيل وخطر وانت خالد كمان
مروان:الي كاتبو الله بدو يصير
حماتي:ولو انتو عيوني الي بشوف فيهن لا تطفولي نظري
خالد:وكلو الله
كل وحدة مننا تعلقت عيونها على جوزها رجعنا الاكل متل ما هو وشوي كل وحدة اخدت ولادها وراحت مروان حمل معي هيا وسارة قمر كملنا سهرتنا ببيتنا ونحن ساكتين وكل شوي مروان يشغل سيكارة
سارة:انا بدي روح
مروان:وانا جاي معك...هديل اتاكدي من الغاز والكهربا منيح اي
هديل:خلص ولا يهمك
....
شهر كامل ونحن مكركبين وبالزور لطلعت مريم من حالتها كانت حاقدة عليي تتزاورني وما تحكي معي ابداً وانا طنشتها ما الي عندها شي تسطفل توبت ادعي على حدا وندمت كتير وبعد كل صلاه ادعيلو ل مروان بالرزق وبطولة العمر انا الغريب وازعلت عليه فكيف اقرب الناس الي وطبعاً وضعي مع مروان متل ما هو كتير يحاول يصلح الوضع وانا احكيلو روح لعند ضرتي يمكن الله يطعمك الصبي وهو يروح زعلان من عندي كانت غلاتي تزيد عندو الرجال بيحب المراة لتقيله والي ما بتركض وراهن ووقت يشوفونا قاتلين حالنا عليهن بيبطلو يهتمو.
طبقت بنتي قمر السنه مشاكل مروان مع سارة زادت عن حدها وصارت تحرد كل اسبوع ببيت اهلها ومروان ينام ببيتو لحالو وانا ما حبيت ادخل فيهن ودريت من حماتي انها كانت حامل وبيومها رجعها مروان ع البيت كانت عم تحاول تقهرني حماتي وتحكيلي راح يجيه الصبي باقرب وقت
وانا كمان صرت استنى متلهن واصلن قلبي برد كتير وكل البلد بيعرفو انو نزل عليي ضرة كرمال الصبي اي انشالله بيصير عنجد ابو احمد مروان حنون وقلبو ابيض بيستاهل كل خير سهرت ببيت اهلي يومها ورجعت متأخرة طبعاً وصلني عادل للشقه بيت حماي كان هادي هدوء تام ...بيت خالد ضجه وصوت منى عم تدعي على حالها ولادها مجننينها اطلعت ب عادل وعادل اطلع فيني واضحكنا وكملنا وقدام باب بيت توفيق صوت توفيق ومرتو عم يتصارخو"توفيق:لا كلمتي وبس الي بدها تمشي "مريم:لا ما تحلم فيها يا توفيق"كمان كملنا ونحن عم نضحك شقتي كانت اهدى شي حطينا البنات بمكانهن وعزمتو على فنجان قهوة تسايرنا وضحكنا وبعدها راح وانا كمان حطيت راسي ونمت والصبح اتصل فيني عادل على التلفون الارضي جاي ليعطيني موبايلي نسيتو عندهن وبالفعل عملت ترتيبه للبيت على نومه البنات البست فستان زهري فاتح طويل ولفيت شاله بيضة وكنت متمكيجه وانزلت لتحت غير جو كانت الساعه تمانيه كنت حاسه اني راح صادف مروان سمعت صوت خطواتو سكرت الباب وعملت حالي مو مهتمه
مروان:هديل...صباحو
هديل:اهلين مروان
كان قميصو مو مكوي يالطيف كيف هيك لابسو انا بعرفو بيهتم بلبسو ولو للشغل كنت دايما اغسلو اياه واكويه لونو اسود ولابس بنطلون للشغل كأنو مو مغسول من سنه
مروان:شو لوين
هديل:عادل ناطرني تحت
كملنا سوى ويالله شو مشتاقه اطلع معو لو مشوار صغير
مروان:خير في شي
هديل:اه...لا شغله ناكته
كان عادل ناطرني ولساه عادل ما بيحكيه وبيحترمو متل قبل سلم عليه سلام ناشف
هديل:يسلمو
فتح باب سيارتو مروان
مروان:صحيح قبل انسى عادل
عادل:خير في شي
مروان:تعال لعندي ع الورشه صاحيتلي سيارة نظيفه متل ما بتحب وسعرها مناسب شو رأيك
عادل:اه...ما بعرف
مروان:طيب اطلاع لوصلك
عادل:ماشي
انبسط عادل ودعني ببوسه وراح مع مروان