#ثَلّاثَونَ_دقيِقةمٌنَ_اَْلّعشق ♥🔥
#لّلّگٍاَْتٍبة:
#Baya Al-rohban ♥🔥
#الّجُزء_اَْلّثَاَْنَيِ…&
_________
تاني يوم بصباح جديد …&
بيصحى مهند بيقوم وهو عم يتمدد ع التخت بيركي ضهرو وبيتجلس ليصحصح …
مهند: شو هالصباح اليوم بعدين ليش هيك الهوا برا تقول خريف
بيسكت شوي وبيرجع بقول.
مهند: هههه شبني مو نحنا خريف هلق هفف احسن شي انزل اشرب قهوة لانو راسي رح يفجر …
بيتنهد وبقوم وبيحمل حالو بياخد دوش وبيبلس تيابو وبجهز حالو على التمام وبينزل …
ام عمار : لك يسعدلي هالصباح يا امي
مهند بابتسامة: ههه ويسعدلي صباحك
ام عمار: تعال شراب قهوتك
مهند: ليكني اجيت بس وين الباقي
ام عمار: هلق بيجو
مهند بيطلع بالساعة بلاقي لسا بكير كتير
مهند: ييي كيف هيك صار
ام عمار: شو
مهند: قايم ع التمرين وبس ارجع بشرب القهوة
ام عمار: لك ابني تعال قعود بلا هالتمرين اليوم
مهند: لا مابقدر بدي اطلع لانو اذا يوم واحد ما طلعت بتعود وبتقل مروتي
ام عمار: ييي
عمار: صباحوو
مهند وام عمار: صباح النور
مهند: قعود شراب القهوة مع امك قايم بدل وطالع ع التمرين
عمار: اوف بعد هالشياكة بدك تبدل
مهند: بسيطة يلا رايح
بيقوم من جنبون وبيطلع بيبلس بجامة رياضة ووبيوصل السماعات بأذنيه وبيبلس بوطو وبياخد المي معو وبينزل …
هلا: ماشالله شو هاد لك اخي وين منطلق من الصبح
مهند: بس ولك حاج مألسة من الصبح تضربي بهالصباح شو حلو
الكل: هههه
ابو عمار: والله مابعرف شلون داير امور الشغل انت
مهند: اوف ليش
ابو عمار: انشالله هيك بتتعامل وبتكون رايق
عمار: لا سمحلي جاوبك ابي وقلك شي
ابو عمار:شو
عمار: مهند ما بتعرفو برا من كتر مو بالشغل صارم ومن كتر مالو هيبة
بيرمي المخدة عليه مهند وبقلو …
مهند: يا تافه انا هيبة وين ما رحت بس القريبين هيك
ابو عمار: لك دخيل رب يلي بيفهم
مهند: يخليلنا ياك اصلا مابعرف شو رح تعملو من دوني لو ماني موجود
الكل: هههه
مهند. : يلا طالع
الكل: الله معك
بيحمل حالو وبيطلع برا البيت وهو عم يركض وبضل يبعد ويعمل تمارينو متلو متل كل هالعالم الصبح …
ام عمار: الله يحميه
الكل: امين
عمار: والله عنجد شو بدكون بالحكي يا هيك الشباب يا بلا طبعا متلي ومتل اخي مو امي
الكل: هههه
ام عمار: الله يسعد قلبكون يارب
عمار :الله يسلمك
دلع: شو بدك تروح اليوم
عمار: اي والله طالع بس هو يوم واحد وبكرا الصبح برجع
ابو عمار: ليش هالمرة بدك تنام برا يعني ع غير العادة
عمار: والله مضطر هالمرة يلا هو يوم
ام عمار: الله يسهلك يارب
عمار: الله يسلمك يلا بخاطركون
الكل : الله معك
بيطلع برا البيت متجه لشغلو ……
هلا: اليوم جاي مجد المسا
الكل: اهلا وسهلا فيه
هلا: امي بدي اعملو ل مجد شي طيب
ام عمار: متل شو
دلع: شوو رايك نعمل هي الاكلة يلي بينحط فيها فريز وشفناها مبارح ونحن عم نقلب باكلات الحلو
هلا: والله جبتيها كتير شكلها حلو تساعديني نجربها
دلع: اي انا يلي بساعدك قومي
هلا: يلا
بقومو بلشو يعملو ويخلطو باكلة الحلو ……
عند ميلا …………&
فايقة ميلا وعم تقدم الضيافة ل جيرنانهون
ميلا: تفضلي خالة
ام مهدي: يسلمو حبيبتي
ام وليد: يسلميلي المذوقة
ميلا: تسلمو كلكون ذوق
بتقدمها وبترجع بتقعد احتراما للضيوف …
ام ميلا: اي والله شفت كيف هيك صار فيها لهل بنت
ام وليد : الله وكيلك هاد يلي صار شو انقهرنا عليها
ام مهدي: بس من ايديها
ميلا : بلا مقطوع لحديثكون خير شو صاير ومين البنت
ام مهدي: بنت ابو احمد السمان الله يصلحو موقع بنتو بالبير
ميلا: عنجد
ام مهدي: اي والله بس الله يرحمها المخلوقة كانت من خيرة البنات
ميلا: شو السبب
ام مهدي: اول شي ما بحب البنات وتانيا من امها يلي بتضل تحشي براسو ع البنت وخطية البنت مالها صوت وبتسمع الكلمة ومنيحة بس كل ام مفكرة حالها بالضغط ع البنت بتكون يعني عم تربيها
ميلا: اتدايقت من يلي صار وقالت …
ميلا: ماما ميرنا عندك اذا بدك شي انا طالعة جيب دفتر واخدة ميمي ع الدكتور
ام ميلا: من هلق
ميلا: اي امي هي المكتبة بعيدة شوي لهيك بدي اطلع من هلق وبدي شوف الدكتور لهيك
ام ميلا: لا تطولي
ميلا: ماشي
بتحمل حالها وبتبلس وبتطلع برا البيت ……
ام وليد: ما بتجوزي بنتك؟
ام ميلا : والله لو عليي زوجتا بس مابعرف شو صايرلها عم ترفض
ام وليد: عادي كلنا بالبداية حكينا هيك احكي معها واذا بتزوجيها دغري باخدها لاخي شب عذابي وغير شكل
ام ميلا: والنعم منك ومن اخوكي انشالله بحكي معها وبشوف ابوها وبصير خير
ام وليد: لا تنسي ماشالله بنتك ما ناقصها شي و1000شب بيتمناها
ام ميلا : الله يسلمك
بيقعدو يكملو حكيون ويحكوو عن هاد وهاد وشو صار هي وجارتها ……

بعد ما طلعت ميلا برا البيت ماشية على هالطريق مخنوقة من يلي سمعتو وشاردة عم تفكر ………
ميلا: يالله شو هالبرادة يلي عند هالاب كيف هيك بتموت بنتو ولسا مكمل طبيعي بس والله الدنيا ما بتوقف ع حدا بس عنجد حرام كيف امها ضغطت عليها والله يا خوفي اعمل متلها لهل بنت اذا بضلو ينقو كرمال المينا الله يرحمها. ع كل حال ماحدا بياكل غير نصيبو …
ضلت ماشية بين هالنسمات الباردة. الجو الرطب وهالعالم المشية ويلي عم تلعب رياضة كل شخص عايش على مزاجو
بتبقى صافنة طول عالطريق وعم تطلع بالارض وحاملة ميمي بين ايديها
عم يركض والعرق عم يتصبب من جبهتو وشعراتو يلي نازلة خصل منها على وجهو ومكمل ركض…
لحظة من التفكير بانها تخلص من هالحياة راودتها ل ميلا ومكملة بطريقها بدون ما ترفع راسها
وفي سيارتين جايين من طريقين مختلفين بعكس بعض…
بينتبه مهند وهو عم يشرب مي ل يكمل تمرينو …
مهند: هديك البنت ليش هيك منزلة راسها لو ترفعو تعرف حالها وين ماشية …
بضل مركز نظرو عليها بأمل تنتبه وين ماشية بس للاسف ضلت متل ما هي
بلحظة قربو السيارات وهي عم تمر وتمشي براحتها ونسيانة حالها ع الاخير …
مهند : في شي مو طبيعي لازم لحقها هي مجنونة اذا ما انتبهت بتروح فيها …
بيركض معتصم والسيارات عم تزمر بضربها بكتفو لتوقف ع الرصيف وتنتبه …
بتفتل ميلا لتشوف يلي ضربها وبتشد بايديها ع ميمي وبتمسك فيها …
ميلا : اه مين هاد …
مهند: يعني عفوا منك بس ليش هيك ماشية بنص الطريق ع شوي كنتي رحتي فيها
ميلا: ها رحت فيها
مهند: (بيرفع حاجب وبنزل التاني وبيضم حواجبو لبعض وبقلا) :اي كنتي رحتي فيها فيكي شي
ميلا: لا ابدا شكرا الك
مهند بحس في شي مو صح فيها بيقلا …
مهند: ممكن نمشي شوي لو سمحتي
ميلا: اسفة بس انا ما بمشي مع حدا ما بعرفو
مهند: بعرف هالشي ومحترم عاداتكون وانا مابقبل بس معليش خلينا نمشي انا حاس في شي مو صح موجود فيكي
ميلا: بتطلع فيه وبتستغرب وبتعتقدو يمكن دكتور او هيك شي بتقلو…
ميلا: وكيف عرفت
مهند: من عيونك
بتسكت ميلا ووسط كل همومها بتركز بكلماتوو …
بيمد ايدو وبيطلع الكرب تبعو وبقلا …
مهند: هي الكرت تبعي ايمت ما حبيتي تحكي مشكلتك جاهز اسمعك
ميلا: شو يلي بخليك تعرض كرتك عليي وواثق اني رح حاكيك
مهند: انا بحب اسمع غيري بس انتي فيكي شي وانا واثق عيونك عم تحكي كل شي ولعلمك العيون بتحكي
ميلا: طيب بتشكرك هلق بالاذن
مهند: اذنك معك
بتمشي خطوتين بيندهلا من جديد بتلتفت عليه …
مهند: شو اسمك
ميلا: (بتبسم ل صوتو المريح وبتقلو) :ميلا
مهند: اتشرفنا انا مهند
ميلا بابتسامة: وانا اكتر
مهند: ديري بالك ع القطة يلي معك لتهرب
ميلا: هه طيب
بيكمل طريقو وهو مبتسم وهي كذلك الامر …
مهند: سبحان يلي خلقها الله يحميها لاهلها يارب بس رغم اني بحكي كتير اشخاص وبسمعون الا انو هالمخلوقة في بعيونها شي بتمنى تتصل …
بكمل تمرينو للرجعة للبيت …
بعد ما راحت جابت الدفتر خطر ببالهاا …
ميلا: كتيرر منيح هالشخص بس الغريب انو من نظرة عيني فهمني شو هالانسان هاد
بترفع الكرت وبتطلع عليه عدة مرات وبتتذكر شكلو وبتبتسم
بتضبو وبتكمل طريقها ع العايدة كرمال ميمي وبعدها بتتجه للبيت كرمال ما تصير مصيبة…
-----------------
بيدخل على البيت بعد ما خلص تمرين …
ام عمار: شو خلصت
مهند: اي خلصت شو راح عمارر
ام عمار: اي راح
مهند: لكن انا رايح جهز حالي كرمال اطلع تأخرت
ام عمار: خليك اذا ماعندك شي بتفطر وبتطلع على القليلة …
مهند: لا معليش بدي اطلع بكون عندي شغل كتير
وبدي التقي بالشب يلي بعتلي ياه عمار شوف شو بدو بفطر بالشغل او بتغدى حسب الوقت
ام عمار: اي الله يوفقك
مهند: يلا بالاذن
بيطلع مهند على غرفتو وبياخد دوش وبيطلع بيبلس بنطال ابيض وقميص نيلي وبسرح شعرو وبرش من عطرو وبضب غراضو وبينزل ……
مهند: يلا بدك شي امي قبل ما اطلع
ام عمار: جاي خطيب اختك اليوم حاول تجي بكير مو حلوة يجي وما يلاقيك لا انت ولا عمار
مهند: اي تكرمي امي
ام عمار: الله يرضى عليك
مهند: يلا سلام
ام عمارر: الله معك …
بيطلع من البيت وبيركب سيارتو وبيتجه للمينا على مكتبو ……
قاعدين عم يخترعو بالمطبخ هلا ودلع …
دلع: هههه لك يا هبلة هي بالاول
هلا: لك لا ليكي شو حطو اول شي
دلع: والله مابعرف كيف بدها تطلع هالاكلة
هلا: عنجد وانا حاسستا ما رح تطلع زابطة
دلع: سمعي خلي هدول للزينة وخلينا نحطا بالفرن لنشوف شو بصير معنا
هلا: هههه ع القليلة اذا ما نجحت الوصفة بينجح الشكل
دلع: ههههه ياااه تخيلي بعد كل هاد وبالاخير ما تطلع الطعمة زابطة
هلا: بلا ما نتشائم خلينا نشوف كيف رح يطلع هالانجاز معنا

دلع: قولتك
بيقعدو ينطرو الاكلة لتصير وهنن بين ضحك على الشي يلي عملوه …
بعد ما وصلت للبيت …
دخلت ولقت ام وليد وام مهدي عندون فاتت …
ميلا: مرحبا
ام ميلا: طولتي
ميلا: لا امي بس قلتلك المكان بعيد شوي وبتعرفي مو هينة فوتة الدكتور …
ام ميلا: خير عمليلنا قهوة
ميلا.: اي ماشي
بتدخل بتحط الدفتر بغرفتها وبتضب الكرت بقلب الدفتر وبتحط ميمي لترتاح من الابر …
وبتحمل حالها وبتنزل بتدخل تعمل قهوة وهي صافنة بالشب يلي شافتو تلقائيا بتتراودها بسمة خفيفة…
ميلا: اسمك مهند بس انا ليش عم فكر فيك ههه يمكن لانو اول مرة بحس في حدا بيسالني شبك او فيكي. شي او لاني محتاجة مين يسألني… هفف احسن شي اخد القهوة قبل ما تعيط …
بتحط القهوة ع الصينيية وبتحط المي والكاسات وبتطلع تضيفهون …
ميلا: تفضلي خالة
ام وليد: يسلمو حبيبتي
ميلا: الله يسلمك
ام مهدي: دخيل قلبك شكرا حبيبتي
ميلا: العفو
وبتضيف امها وبتجي لتروح …
ام وليد: وين رايحة حبيبتي خليكي قعدي معنا
ميلا: ها خالتو لا مافي داعي انتو كملو حديثكون
ام وليد : معليش قعدي
بتطلع ام ميلا فيها وبتعطيها نظرة انها تقعد بتفهم عليها ميلا وبتقعد …
بتحط الصينية وبتقعد بينهون ...
ام وليد: اختي بعد اذنك انا حابة احكي ميلا حتى لو صار او ما صار نصيب بينا …
بتستغرب ميلا اول شي وبتفهم قصدها …
ام ميلا: خدي راحتك
ام وليد: حبيبتي انا كنت عم قول لامك بدي اخدك النا شو رايك
ميلا: خالتو ما رح اكذب عليكي ماني مفكرة بالزواج او لسا بكير
ام وليد: ما بصير يا بنتي هي سنة الكون وليش حتى ما تفكري ماشالله عنك مو ناقصك شي
ميلا: هه مو ناقصني شي بسيطة معليش خالتو انا هيك مرتاحة ويلي بدك تاخديني الو الله يبعتلو الاحسن
ام وليد: بس يا بنتي مو حلوة تبقي عند اهلك بكرا العالم بتصير تجيب سيرتك انو عانس.ومن هالحكي
ام مهدي: والله حكي ام وليد صح
ميلا بتنتفض بس تسمع هالحكي وبتمسك اعصابها وامها عرفت رح تجن بس تسمع هيك دغري عطتها زورة وحكت امها دغري
ام ميلا: (بتغمز ام وليد وبتقول) :معليش ام وليد لسا بكير ع هالحكي خلص متل ما قلتلك انا بتصرف
ام وليد: طيب خير انشالله
انا لازم امشي
ام مهدي : وانا كمان
ام ميلا: خليكون بكير
ام وليد: بكير من عمرك خيرها بغيرها انشالله
ام ميلا: اي اهلا وسهلا
بتودع ام ميلا ضيوفها وبتفوت بتلاقي ميلا بقمة من عصبيتها …
ميلا: (بانفعال) :امي ليكي هي من هلق ومن الاخير هالمخلوقة اذا بدي شوفها بدي قلعها
ام ميلا: انتي بعقلك ليش شو حكت المخلوقة
ميلا: لك كيف بهون عليكي تخليها تحكي هيك معي لهدرجة مستخفة بمشاعري
شبك امي شبك ليش هيك
ام ميلا: لا يعلى صوتك ميلا ولا تخليني جن عليكي بسيطة
ميلا: لا مارح خليكي تجني ولاشي بالاذن منك طالعة لغرفتي
ام ميلا: تعالي لهون حاكيني
ميلا:شو بدك تحكي امي اكتر من يلي انحكى عنجد مابعرف شو قلك انتي اكتر شخص شفتو ما بيهتم بالوقت يلي بدو بمشاعر حدا وبالوقت يلي مابدو ما بيهتم
ام ميلا: مارح رد ع حكيك بس المسا النا حكي تاني ومنشوف كلمة مين بدها تمشي فكرتي حالك كبرتي وماحدا بيقدر يصدك ع مهلك نحنا منعرف مصلحتك اكتر منك ………
ميلا: (رح تموت من يلي صار) متل مابدك كلو خير بس لقلك كل شي بصير لبعدين ماني مسؤولة عنو
ام ميلا: اي منشوف
بتطلع ميلا ع غرفتها وبتدخل وهي مخنوقة ومتدايقة ومو عرفانة وين توجه ولا شو تعمل فاتت اخدت دوش وطلعت لبست واتسطحت وهي عم تبكي …
ميلا :لك حتى بهي حتى بهي يالله ماني متزوجة ع كيفكون والله لو هالشي بدي ادفع تمنو عمري كلو مستعدة اخد حدا واقبل فيه مين ما كان ولا اخد ع رايكون ومتل مابدكون مابدي مابدي
بتكمل حيرتها وبكاها وهي متسطحة وطول النهار ما طلعت من غرفتها ………
ام ميلا: اه عنجد هم البنات للمات
ميرنا: ماما والله حرام ميلا كتير زعلانة
ام ميلا: بتزعل هلق بكرا بس تتزوج وتعرف انو اخترنالها الصح بتقول ياريتني ما بكيت
ميرنا: امم
ام ميلا: ساعديني انتي التانية حاج لسا كل وحدة فيكون بدها واسطة لترد والله لو ماني قدكون لتخربو الدنيا
ميرنا :هلق هاد يلي طلع معك
ام ميلا: اشتغلي احسن ما عصب عليكي انتي التانية
بكملو تحضير الاكل قبل ما يجي ابوهون …
وصل ونزل من سيارتو وصفها بكراج المينا ……
دخل ع المينا وهو عم يتنفس من الهوا والموج عم يتحرك
بيدخل لمكتبو وبحط غراضو وبينده ل جمال …
مهند: جمال يا جمال
بيفتح الباب وبيدخل …
جمال: نعم يا بيك
مهند: شوفي شي جديد صاير باليوم يلي غبتو …
جمال: اي عنا كم سفينة طلبو ينزلو بضاعتهون عنا وعنا زبون بدك تشوفو من طرف عمار بيك اخو حضرتك
مهند: اي ممتاز هلق شيلي قصة لبضاعة للمسا ودخلي الشب

جمال: متل مابدك
بيقعد ورا مكتبو وبينطر ليدخل لعندو الشب…
بيدق الباب
مهند: ادخل …
جمال: تفضل استاذ
ابو سعد: شكرا
جمال : العفو استاذ بدك شي تاني
مهند: فنجانين قهوة ع كيفك
جمال: تكرم بس شو بتحب القهوة
ابو سعد: سادة
جمال: ماشي
بيطلع جمال ليجيب القهوة …
مهند: اهلين استاذ تفضل استريح
ابو سعد: شكرا
مهند:(بنيرة جدية) :اي استاذ ممكن نفوت بالمووضوع يلي جاي حضرتك مشانو
ابو سعد: اي اكيد انت بتعرف انو بالمينا مخالفات ومن هالاشكاليات والضرائب
مهند: اي صح هالحكي
ابو سعد: وانا جاي اعرض عليك صفقة بتستفاد انت وبستفاد انا
مهند: هالحكي ما بهم شو المقصد والمطلوب
ابو سعد: انا رح اعمل عقد معك وكل شي بضاعة بتنزل بتنزل عندك بالمينا وانا بجيب قاطرات بينقلوهون للمستودعات
مهند: (بنظرة استفسار) شو نوع البضاعة؟ ؟
بيدخل جمال وبيضيفهون القهوة وبيطلع …
ابو سعد: بضاعة عادية تياب البسة
مهند: وغير هيك شو الضمان ما تنزلو شي ضمن البضاعة انت بتعرف طبيعة الشغل وادارة المينا مو شي سهل
ابو سعد: استاذ مهند انا ابو سعد واسال عني وين ما بدك وهون بتعرف
مهند: مافي شك البضاعة انو ساعة بتنزل بالعادة
ابو سعد بالليل حسب ما توصل البواخر
مهند: طيب وين كنتو تنزلو قبل ما تجي تعرض عليي هالعرض
ابو سعد (بلبكة) : ها، اي كنا نزلها ب مينا بعيد واكتشفنا المينا هاد وطلع اقرب النا من المكان يلي كنا ننزل فيه
مهند: (عم يتطلع عليه ومو مرتاح بس كمل معو) :طيب ماشي
ابو سعد: وهاد كل شي شو قلت
مهند: مهلني يومين وبردلك خبر.
ابو سعد : متل ما بدك هي كرتي اعمل يلي بدك ياه وناطر منك خبر
مهند: ماشي
ابو سعد: يلا بالاذن منك
مهند: اذنك معك
بيطلع ابو سعد من عندو وبيقعد مهند مع حالو يفكر بكلامو…
مهند: انو معقول هيك بس انو اول مرة بتردد من شخص بدو ينزل عنا بضاعة …
بينده ل جمال …
جمال: نعم يا بيك
مهند: جمال سمعني بدي كل معلومات عن ابو سعد يلي دخل هلق لعنا
جمال: حاضر يا بيك
مهند: جمال بدي المعلومات خلال 24ساعة يكونو عندي
جمال: امرك يا بيك
مهند: وجيبلي بطريقك الوراق بدي دقق فيون
جمال : حاضر
بيقعد ورا مكتبو وببلش شغل ……
-------------------
بيمر الوقت وميلا قاعدة بغرفتها …
بيوصل ابوها ع البيت بيدخل بغسل وبيقعدو ع الغدا …
ابو ميلا: شو ميلا وينها مابدها تتغدى
ام ميلا: ميلا بغرفتها
زعلانة
ابو ميلا:ليش شو صاير
ميرنا: خالتو ام وليد وام مهدي كانو عنا الصبح
ام ميلا :انتي كملي اكلك مافي داعي تحكي
ميرنا: حاضر
ام ميلا: خلينا نخلص اكل ومنحكي
ابو ميلا: بسيطة
بيكملو اكلهون وبخلصو وبروحو بيقعدو بالصالون بعد ما ضبو السفرة …
ابو ميلا: وهي خلصنا شو صاير
ام ميلا: شوف اليوم ام وليد حكتني ب موضوع ميلا
ابو ميلا: ليش شبها ميلا
ام ميلا: مافيها شي بس ام وليد حكت معي وطالبة ايديها
ابو ميلا: اي لكن شو صاير مع ميلا
ام ميلا: رفضت دغري قدام المخلوقة وانت بتعرف بنتك مو صغيرة ومافي ولا عذر لنرفض هالجماعة
ابو ميلا: بس مافينا نجبرها
اذا البنت ما بدها
ام ميلا: مو نجبرها بس بنتك عم تكبر وموقفة حياتها ليش كلو بسبب هداك الحدث
ابو ميلا: بسيطة نادولي ميلا
ام ميلا: ميرنا نادي لاختك
ميرنا: حاضر
بتطلع ميرنا بتدق الباب وبتفوت لعند ميلا بتلاقيها قاعدة وصافنة وبحضنا ميمي …
ميلا: شو في
ميرنا: بابا بدو ياكي تنزلي بدو يحكي معك
ميلا: يلا نازلة
بتطلع ميرنا وبتروح لغرفتها وبتنزل ميلا لتحت لعند ابوها …
ميلا :اي بابا
ابو ميلا: قعدي بنتي بدي احكي معك
بتقعد ميلا قبال اهلها ليحكو معها …
ابو ميلا: بنتي اطلعي فيني انا ابوكي قليلي شبك شو زاعجك
ميلا: ولاشي
ام ميلا: احكي قليلو ليش رفضتي الصبح بوجه المخلوقة
ميلا: هي ما بتعرف تحكي
ابو ميلا: معليش اهدي بابا قد ما كان ردة فعلك ما بصير هيك
ميلا: بابا يلي بيسمعون بقول قاعدة ع قلبون كلون بدون يخلصو مني
ابو ميلا :لا ياعمري لا تحكي هيك اسمعي بنتي انتي لساتك بداية عمرك ودراسة ماعم تدرسي وبتضلي بهالبيت خلص مو صار لازم تاخدي خطوة وتتقدمي بحياتك
ميلا: ابي انا هيك مرتاحة ومابدي اتجوز
ابو ميلا: بس يا ابي هالشي ما بصير صح هالحكي الله يرضى عليكي فكري بالموضوع هالناس منيحين ومافي منهون
ميلا: معليش ابي انا مابدي
ام ميلا: لك بنتي مافي صبية بعمرك بيتقدملا شب ما بترضى شبك انتي
ميلا: انا هيك
ابو ميلا: طيب رح اجي معك وقلك نحنا مو دايمينلك قد ما ضليتي عنا وعدا عن هيك شوفيها اذا بتوافقي وبالخطبة اذا ما اتفقتو خلص بتتركو
ميلا: ………
ابو ميلا: يا بنتي الله يرضى عليكي نحنا ما عم نجبرك نحنا طالبين الستر وكل البنات على هالطريق وبالاخير قد ما طولو عند اهليون بدون يتزوجو لهيك يا بنتي فكري بالموضوع ومتل ماقلتلك اذا ما اتفقتو خلص بتتركو وكأن شيئا لم يكن

ام ميلا: كلام ابوكي مزبوط
ميلا: انشالله
ابو ميلا: فكري ع مهلك بنتي هاد قرارك بالاخير
ميلا: اممم
ام ميلا: طيب طلعي ع غرفتك وشوفي قرارك هيك احسن
بتقوم ميلا وبتطلع لغرفتها……
ام ميلا: هلق بتتوقع ترضى
ابو ميلا: البنت حالتها تعبانة مابدي اجبرها والدنيا قسمة ونصيب
ام ميلا: متلها متل كل البنات بس مو قاهرني غير بسبب هداك يلي صار هيك صار بالبنت
ابو ميلا: بتهون انشالله الا ما تنسى بعدين شبك انتي اطلعي ع بنتك كيف حالتها همك ترضى كرمال ما تخجلييها لام وليد
ام ميلا: انو…
ابو ميلا: بس بكفي انا طالع ع الغرفة
ام ميلا: ماشي …
بيطلع ابو ميلا ع غرفتو بيرتاح وام ميلا بتقعد تفكر كيف بدها تحل هالمشكلة …
-------------------
بخلص شغلو وبيخلص النهار وهو راجع على الطريق وسايق سيارتو وحاطت على غنية وعم يردد معها وهو صافن…
مهند: يا مالي عليا نظري
حرام لغيرك نلتفت انا
…………
يا مالي عليا نظري
حياتي في بعدك تمت
مش حياة …
بيمرق بخيالو طيف ميلا وهو واقف على الاشارة والسيارات عم تنطر يتغير لون الاشارة من الاحمر للاخضر …
مهند(بحط ايديه وبيركي راسو وبيتطلع للمكان يلي شافها فيه وبقول بنفسو وبيحكي) …
مهند: هالبنت من وراها شي انا مابعمري صادفت شخص الا وطلع وراه شي مستحيل بعيونها كان في حزن وتعب كتير ………
معقول ما تتصل وتحكي بس انا ليش كتير حاببها تتصل
بشيل ايدو من تحت راسو وبيرجع بيطلع لقدام …
مهند: اكيد لانو حسيت فيها شي
بتفتح الاشارة وبيكمل على البيت وهو كانو في غصة بداخلو …
بالبيت ………&
ام عمار: شو مجد طمنا ابني كيفون اهلك
مجد :والله كلون بخير داعيين بسلامتكون
ابو عمار: كيف شغلك انشالله بخير
مجد :اي والله الحمدالله كل شي تمام
داليدا: ثو عم تثاوي عنا انت
دلع: داليدا لك تعالي لهون
مجد :هههه تركيها صغيرة شو بفهما
ام عمار: وين هلا
دلع: ولله يا مرة عمي حتمت عليي اني ما ساعدها بتزيين هالاكلة قال هي بدها مجد يدوقها ويحكم بالشكل والطعم
مجد: ههه ليش شو عم تعمل
ام عمار: من لما قلتلا بدك تجي وهي مصرة تعملك شي اكلة حلو طيبة ف دخلت هي و دلع بلشو يحضرو وهي النتيجة قدامك لهلق ماشفنا شي
الكل :هههههه
بيوصل مهند: لعندون على البيت وبصف سيارتو وبيدخل …
مهند: مساالخير
الكل : مسا النور
مهند: كيفك صهر
مجد: والله بخير مشتقلك
مهند: الله يسلمك يلا طالع بدل جاي
مجد: اي
مهند: بالاذن
الكل: اذنك معك
بيطلع مهند وهو طالع على غرفتو بيلمح حدا بالمطبخ
مهند: غريبة معقول هلا بالمطبخ …
بروح باتجاه المطبخ وبوقف. عند الشباك بشوف اختو عم تحط الاكلة وتجهزها …
مهند: كيفك هلا
هلا: اهلين اخي شو صرت هون
مهند: اي شو عم تعملي
هلا: عاملة اكلة حلو يلا بدل تيابك وتعال دوق كرمال تحكم
مهند: وانتي الصادقة رح ناكل على الفضلة لانو بعرف هالاكلة ل مجد مو النا
هلا: هلق بلا جنان عاملتا للكل ومن بينكون مجد
مهند: بس ولك شو هي بلا جنان عيب عليكي
هلا: ههه اسفة اخي بس عم امزح
مهند: ههه طيب يلا رح بدل وانزلك
هلا: ماشي
بيطلع على غرفتو بيدخل بروح باتجاه الخزانة بطلع بجامة مريحة بتناسب الجو وبيدخل ببدل وبغسل وبزبط اوضاعو وبيبلس بياخد نفس وبينزل لعندون
هلا: هه يلا قعود لجيب للكل يدوق ويحكم
الكل: هههه
مهند: الله يستر
دلع: سلفي هلق بتقتلنا هلا
مهند: تجرب على مجد مو علينا
دلع: ههه قولتك
بتجي هلا وحاملة الصينية بتضيف الكل وبترجع الصينية وبتجي …
هلا: هلق مابعرف كيف بدها تطلع بس بتمنى تكون طيبة تفضلو كلو والله لا يخجلني
مجد: اكيد طيبة
هلا: شكرا حبيبي بس يلا دوق لنعرف اذا عنجد هيك
مجد :يلا
ببلش الكل يدوق اول لقمة والتانية
هلا بتحط ايديها على عيونها وبتقول …
هلا: شو بسرعة قولولي
مهند: نزلي ايدك عن عيونك
هلا بتنزلها شوي شوي وعم تطلع فيه نظرة انو اذا طيبة ولا لأ
هلا: شو
مهند: شو صهر
مجد: لك تسلملي مرة عمي على هالخلفة شو بتجنن وك انا قديشني محظوظ فيكي يا مجنونة لك الطعمة بتاخد العقل
مهند: احم احم
الكل: هههههه
مهند: احترمو العذابية شوي
مجد: خلص اخطب ولحالك بتقول معي حق
مهند: هه الله كريم
بيقعدو الكل حوالين بعض ومبسوطين عم يحكو وسهرانين …
بعد ما طلعت لغرفتها بعد يلي سمعتو ………
بتروح على الممكتب يلي عندها بالغرفة وعليه كلوب فيو ضو بتقعد وبتصير تلعب فيه تطفي وتشغلو تطفي وتشغل وهي عم تفكر …
ميلا: ليش بدي وافق اذا مابدي ياه معقول مستثقلين مني …لا.لا مستحيل هدول اهلي بس…
ليش هيك بتعاملني امي ساعة بحسها رفيقتي وساعة بحسها مدري كيف شو السبب يا ترى …
وشودخل العالم لحتى يحكو عليي اذا انا ببيت ابي كلو منو كلو منو هو السبب هو السبب

بتصير تبكي وهي عم تتذكر يلي مرت فيه قبل سنتين …
ميلا: انا ماعد اقدر اتحمل ضغط اكتر من هيك انا بدي دكتور نفسي انا ماعم اقدر اتنفس بدي اطلع من هالمككان بدي اطلع ماحدا عم يفكر فيني رح جن كلو بدو مصلحتو
مليت مافيني كون ضحية للمرة التانية على التوالي لازم روح من هالمكان لازم شوف دكتور اي دكتور نفسي يعرف حالتي يا اما ينقلوني على مشفى
بتحط ايديها على محور راسها ومو قدرانة تتحمل ضغط التفكير والتذكير يلي عم تمر فيه وعم تهز براسها لفوق وتحت …
ميلا: لا لا مستحيل مافيني ليش ماعم تصدقوني
فجاة بتدفش الكتاب الصغير يلي جابتو ووقع على الارض وشافت الكرت
بلمح البصرر بتهدى بتمسح بايديها وجها بتشرب مي وهي عم تشهق من البكي وبتنزل بتضب الغراض يلي وقعتون …
ميلا عم تشيل غرض غرض وبتحمل الكرت بين ايديها وبتقرا وبتقول …
ميلا :مهند الجابري
بتحط الغراض على المكتب وبتخلي بايديها الكرت وبتتسطح وبتضل تطلع فيه
ميلا: شو انت كمان يا ترى ليش عطيتني الكرت معقول اذا حكيت تساعدني بس مو مبين انك دكتور من الكرت
بتطلع على الساعة بتلاقي الوقت متاخر وبتقول …
ميلا :بلا ما خبص اصلا انا هلق تعبت ولازم نام كرمال اعرف حل مصيبتي
بضل الكرت بين ايديها وهي عم تتقلب وتفكر كيف شافتو وكيف بعدها عن السيارات هيك حتى تغفى على الاخير وكلو هاد وميلا بحضنا وبتنام هي وياها سوا ………………………
خلصت سهرة مجد عندون …
مهند: تاني مرة ركز باللعب عيب ضل خسرك كل مرة قدام اختي
مجد :هههه اصلا انا بطل بعيونك اختك كيف ما كنت
مهند: واثق والله
هلا: هو حبيبي وبطلي كيف ما كان
مهند: اي الله يهني سعيد بسعدية
الكل :هههه
ام عمار: الله يهنيكون ويحميكون ع قبال ما افرح فيكون كلكون وشوف ولادكون
الكل: الله يسلمك
مجد: يلا انا لازم امشي عندي شغل بكرا ولازم لحق نام وفيق
هلا: يا قلبي ياريت تبقى
مجد: والله لو ماعندي شي بضل بس بتعرفي عرسنا ما ضللو وبدي لحق
هلا: معك حق الله يرزقك
مجد: يخليلي قلبك
ببوس راسها ……
مجد: يلا عمي مرة عمي بدي امشي بدكون شي
ام عمار: سلامة قلبك ابني
ابو عمار: الله معك ابني سلم على اهلك
مجد: الله يسلمك يلا بخاطركون يا جماعة
الكل: الله معك
بيروح مجد بعد ما ودع الكل.
هلا: يلا وانا طالعة ارتاح
ام عمار: اي روحي اصلا ماعنا شي لتبقي قاعدة
هلا :وهو هيك
ابو عمار: دلع وانتي كمان بنتي خدي بنتك وطلعو ارتاحو
دلع: ماشي عمي
بيطلعو ليرتاحو بغرفهون …
ام عمار: شبك امي
مهند: لا ابدا مافي شي
ام عمار: مو عاجبني وضعك
مهند: لا تحطي ببالك شوية تعب بالشغل هيك
ام عمار: بس نظرتك مو مريحتني
مهند: لا امي لا تحطي ببالك قلتلك شوية تعب
ام عمار: اي الله يهدي سرك
مهند :الله يسلمك طيب انا طالع لغرفتي
ام عمارر: ماشي ابني
مهند: تصبحي ع خير ماما
ام عمار: تلاقي الخير
بيطلع مهند لغرفتو بيتسطح ع تختو وبيرن موبابلو …
مهند: اي مهيار
مهيار: كيفك
مهند :ماشي حالي وانت
مهيار: تمام شبك فيك شي
مهند: لا
مهيار: لك وينك مو مبين من الصبح الشباب سألو عنك
مهند: ليش ما اتصلو مازال سألو
مهيار: وك شبعرفني كل واحد عندو ببلوة بتسوى حياتو اصلا منيح منعرف انو نحنا رفقات
مهند: هه قولتك
مهيار: حبيب كرمال يلي اتفقنا عليه
مهند: منشان اليخت
مهيار: اي
مهند :خلص مر لعندي بكرا وشوف اليخت يلي بناسبك وتكرم عينك
مهيار: دخيل ربك اي ساعة
مهند: تعال بعد الضهر لانو مشغول الصبح بالصفقات
مهيار: طيب بعد الضهر بمر لعندك
مهند: ماشي وانا ناطرك
مهييار :ماشي بس ما قلتلي وين مو مبين من الصبح لا صوت ولا صورة
مهند :بالشغل وهلق بالبيت كان عنا خطيب اختي
مهيار: اي الله يوفقهون يارب
مهند: الله يسلمك
مهيار: طيب بشوفك بكرا ومنحكي انشالله
مهند: ماشي حبيب انشالله
مهيار: يلا تصبح على خيرر
مهند: تلاقي الخير
مهيار: باي
مهند :باي
بسكرو الخط مع بعض …
بيرحع بيتسطح مهند وخيال ميلا مرافقو …
مهند :يالله على هالبنت ليش حاسس حالي لازم دور عليها مابعرف معقول ضعفت قدامها …هفف لك شو هالجنان تبعي بس يمكن لانو زعلت عليها مو اكتر من هيك بلا ما زيد بالتفكير احسن ما صير فكر. وعنجد دور عليها
رح حط راسي ونام والصباح رباح …
بيحط راسو وبيغفى بعد ما اتقلب
ل تعب وغفي من
التفكير فيها…………… ……………………

…

يتبع، ،،،،،،،،،،،،،،،،،،،،،،،،،،،✨

#ثَلّاَْثَونَ_دقيِقةمٌنَ_اَْلّعشق♥🔥
#لّلّگٍاَْتٍبة:
#Bayan Al-rohban♥🔥
#اَْلّجُزُء_اَْلّثَاَلّثَ…&
________
فلاااش باااك //////
ميلا: ماما شو اجا ماهر
ام ميلا: ييي مو هلق حكيتي معو لساتك
ميلا: ههه يالله كيف هيك نسيت
ام ميلا :مابعرف سالي حالك
ميلا: ع كل حال طالعة جهز حالي رايحة مشوار معو
ام ميلا: شو ماعندو شغل
ميلا: (بخجل) لا قلي اليوم فاضي وبدو يطلعني مشوار لانو مشتقلي
ام ميلا: اي الله يهنيكون يا امي
ميلا: ماشي يلا طالعة جهز حالي
ام ميلا: ماشي
بتطلع على غرفتها بتفوت وهي مبسوطة بتقعد علي التخت وبتحط الدفتر بحضنا وبتصير تكتب بدفترها التاريخ و الوقت انها طالعة مع ماهر …
ميلا: يالله قديش عم تكبر بعيني يا ماهر ما اتوقعتك هيك عنجد طلعت غير الكل …
بتتنهد وبتقوم لتلبس بتفتح خزانتها. وبتطلع منها فستان لون حديدي منقط بدوائر صغيرة سودة لعند الركبة مع خفافة ناعمة بتترك شعرها مفرود ع ضهرها وبتحط قوس ناعم وبتطلع بالمراية وبتبتسم بهالاثناء بيرن موبايلها…
ميلا: هي اكيد بكون ماهر
بتروح لترد ع الموبايل بتفتح خط …
ميلا: اي يا خطيبي وزوجي
ماهر: هههه زوجك وماني درايان
ميلا: اذا مابدك عادي هلق بروح بلاقي مين يتزوجني بس بالاول طلق بما انا لسا ع البر ومخطوبين
ماهر :لك بدفع عمري كلو ولا بطلق ولا بتركك
ميلا :كل هالقد متعلق فيني
ماهر: طلعت عيوني وانا حبك وماتردي عليي وليكك هلق عم تحاكيني بعد ما حنيتي
ميلا: هههه اي نصيبي معك شو اعمل
ماهر: بكرا شوفي بس نتزوج والله حياتنا لتصير احلى واحلى
ميلا: المصيبة اذا اتزوجنا انت بتضل مقيدني
ماهر: شو ما بدك تسمعي كلمتي
ميلا: امري لالله بحاول رد
ماهر: ههه بعدين منحكي بهالامور شو صرتي جاهزة
ميلا: يعني ضل ضب غراضي وانزل
ماهر: اي ،،،،،،،لا لا لا لا للالااااااااااا
وفجأة ما حسو الا وشي خبط وماعد طلع صوت لماهر ابدا
ميلا: (بقلق) :ماااهررر ماهررر رد عليي وووينك
وفجاة اتسكر الخط وماعد طلع اي صوت من عند ماهر …
بترمي الموبايل من ايديها وبتنزل بسرعة لعند امها وهي عم تبكي
ميلا: يا امي ياامي كرمال الله وووينك رد عليي
ام ميلا وابو ميلا بيطلعو ع صوت بنتون
ابو ميلا: شو صاير
ام ميلا: شبك
ميلا: (وهي عم تبكي وترجف) :يا امي مابعرف شو صرلو مابعرف شو صرلو كنت عم حاكيه وفجاة اتسكر الخط وصوت ضرب وسيارات امي كرمال الله بدي ماهر
ابو ميلا: ياحول الله
ام ميلا: اهدي بنتي طولي بالك
ميلا :شو اهدى وطول بالي بابا انا بالزور ل لقيت نصي كرمال الله جيبو
ابو ميلا: يا بنتي طولي بالك رايح ع الشرطة لنشوف شو رح يصير
قبل ما يطلع ع الشرطة اجاه اتصال…
ابو ميلا: الو
غريب: هههههه
ابو ميلا :عفوا مين
غريب:(بصدى صوت وروهاة ) شو اوضاع العيلة
ابو ميلا: (بصوت مهزوز ):ميين احكي
ام ميلا وميلا عم يبكو وميلا رجليها ماعد حملوها
ميلا: (بصعوبة عم تاخد نفس من البكي) :ابي شوو كرمال الله احكي
غريب: سلملنا ع بنتك وقلها الخطيب راح
ابو ميلا (بصوت عالي) :لك مييين انت ولك احكي
غريب: نحنا اخدنا تارنا وهيك اتعادلنا والعمر لبنتك دير بالك عليها
ابو ميلا: انا بفرجيكون لك عم تعزي انشالله بقبرك
غريب: لا تخبص منشان ما انهيك متلو
بيفتح سبيكر ليسجل الرقم والكل عم يسمع …
بيطلع صوت من السبيكر وبقول …
مجهول: سكررر يا ابو سعد
بتسمعو ميلا وامها ………
غريب: يلا
ابو ميلا: يا واطي ولله لادبحك واشرب من دمك انا بفرجيك
غريب: يلي بيطلع بايدك ساوي برجلك دقينا لنعزيك بس شاووو
بيسكر الخط فجاة …
ابو ميلا: يا واطي بس اه
ميلا: لا يا بابا احكيلي شوفيه كرمال الله
ابو ميلا وضهرو مكسور ع يلي عم يصير مع بنتو …
ميلا: يا بابا كرمال الله دق دق ع حدا نعرف وينو
ماعد قدرت تتحمل يلي صار مسكت التليفون وهي ايديها عم ترجف:
وعم… يرن …يرن …
ميلا: الو الو
الممرضة: الو
ميلا: (بلهفة مترددة) :ماهر ماهر الو الو.
الممرضة:عفوا منك يا انسة صاحب هالرقم حالتو خطرة ودخلوو ع العمليات هلق
ميلا بتسمع هيك واعصابها بتفرط ع الاخير بتوقع ع ركبها وبتقلا …
ميلا: كرمال الله اسم اسم المشفى
الممرضة: مشفى *بشارع ****
ميلا بتسكر الخط بوجه الممرضة وبتقوم وبالزور حاملة حالها …
ام ميلا: (عم تبكي) : لك يا بنتي وين رايحة بهالحالة
ميلا: لازم روح لازم روح ماهر ناطرني لازم كون جنبو
ابو ميلا: بنتي بسرعة طيب اهدي رح اخدك بس لبسي شي تاني غير هاد
ميلا بتهز راسها وبتطلع مستعجلة بتدخل ع الغرفة مو شايفة قبالها بتبدل يلي لابستو وبتنزل بسرعة لعند اهلها ……
ميلا: يلا يلا
ابو ميلا: يلا بنتي
ام ميلا: انا رح ابقى بالبيت كرمال ميرنا ما تبقى لحالها …
ابو ميلا: ماشي

بيطلعو من البيت وهنن مستعجلين بيركبو السيارة وبشغلوها وبيمشوو ……
ميلا: كرمال الله بابا سوق بسرعة
ابو ميلا: يلا يلا
عم يسوق وهو مرتبك ليقدر يوصل للمشفى وميلا انفاسها متأهبة عم تطلع وتنزل دقات قلبها واصلة للمليون ……
بالمشفى…&
كياس الدم عم تفوت وتطلع ع الغرف بسبب الحادث الكبير يلي صار وراحت مئات الناس في واغلب المتضررين يلي كانو بوسط الزحام ……
بغرفة العمليات عم يحالو يوقفو النزيف …
الدكتور: بسرعة بسرعة هاتو شاش
الممرضة: هي دكتور
عم يحط الدكتور الشاش عالجرح وعم يحاول يوقفو …
الدكتور: ياربي يوقف شو قصة هالنزيف هاد يارب
بضلووقت طويل عم يعطو ويحطولو كياس دم وللاسف النزيف لا وقف ولا قدرو يسكروا الجرح عدا الاضرار والجراح التانية الموجودة. بجسدو ……
بتوصل ميلا بعد عدة دقائق ……
بتوقف السيارة بكراج المشفى وبتنزل هي وابوها وبيدخلو مأسرعين لداخل المشفى ……
ميلا: (مصفرة الوجه من الخوف) :لو سمحتي لو سمحتي في حادثة صارت بنص المدينة بدي شب اسمو ماهر دقيت وقالولي بالعمليات……
الممرضة: اي صح هلق كانو عم يدخلولو كياس دم ع العمليات
ميلا: بس بأنو طابق وانو غرفة لو سمحتي
الممرضة: هو بالطابق التاني اخر الكاريدور هلق اجو اهلو
بتترك الممرضة هي وابوها وبيطلعو بسرعة ع الطابق والعالم نازلة طالعة
ويلي عم يبكي ويلي طالع من غرف العمليات وميت بتوصل لاخر الكاريدور وبتشوف امو واخوه …
بتروح لعندون هي خايفة ودموعها ع خدها وابوها عم يحاول يضبط اعصابو كرمال بنتو وقلبو عم يتقطع عليها ………
ميلا: كرمال الله مرة عمي
ام ماهر: (ببكي) :اه يا بنتي ماهر ماهر
ميلا: يا مرة عمي وينو كرمال الله خليون يطلعووه
اخوه واقف ع جنب وحاطت ايدو ع عيونو وعم يبكي
ابو ميلا: قديش الهون جوا بالعمليات
ام ماهر (ببكي) :والله مابعرف نحنا وصلنا الخبر من هون وحملنا حالنا واجينا بسرعة
ابو ميلا: حسبي الله ونعم الوكيل
بضلو واقفين برا والمشفى مقلوبة قلب والكل متوتر وعلى اعصابو
بغرفة العمليات …
الممرضة: يا دكتور يادكتور المريض ماعد اخد نفس وقلبو دقاتها انخفضت
الدكتور: بسرعة جيبولي جهاز الانعاش والصدمات بدي اعملو صدمات كهربا
الممرضة: يلا
ببلشو يركضو بجيبو الاجهزة وبيوصلولو ياها
الممرضة: دكتور الجهاز شغال
الدكتور :بسرعة رفعولي ياه اعلى درجة
الممرضة: حاضر دكتور
بيمسك جهاز الكهربا وببلش يعملو صدمات كهربائية لتعتدل دقات قلبو…
الدكتور:(بخوف وقلق وتوتر) يلا يلا اعتدلو بسرعة
وبضلو يكررو عدة مرات …
وبعد عدة محاولات ماعد استجاب نبضو ل صدمات الكهربا
الممرضة: دكتور وقف نبض المريض ع الاخر
بيترك كل شي من ايدو الدكتور …
وبيرجع الدكتور التاني بجرب …
الدكتور2: لسا في امل خلينا نحاول مرة تانية بلا ما تيأس بسرعة هاتو الجهاز
الممرضة: يا دكتور النزيف ماعم يوقف
اتربطت ايدين الدكاترة جوا والنزيف ماعم يوقف والنبضات ضعفت وماعد استجابت للصدمات الكهربائية …
بيحطو كل شي الدكاترة من ايديهون وبيحملو وهنن يأساننين وبيطلعو لبرا العمليات. بعد ساعتين من محاولة انقاذوا … …
ابو ميلا: اجا الدكتور …
بيطلعو كلون ناح الباب تبع العمليات وبشوفو الدكاترة كيف يأسانين وزعلانين على يلي صار …
بيلتمو الكل حواليه…
ميلا: دكتور كرمال الله طمنا يا دكتور شوو
ام ماهر: احكي دكتور ابني شو وضعو
شادي: (اخوه ل ماهر) :يا دكتور احكي نطفت قلبنا
الدكتور: (بيأس) الباقية بحيااتكون والاعمار بيد الله عملنا كل شي بيطلع بايدينا لننقذو ونوقف النزيف بس للاسف جسمو تعب ونبضات قلبو ماعد استجابت للصدمات الله يعوضكون………
بيسمعو الخبر وبينهارو الكل ع الاخر …
ميلا:(بصراخ وبكي) لاااااااااا ماهرررر
وبيغمى عليها
وام ماهر بتنهار بعد يلي سمعتو واخوه بينكسر ضهرو بروحة سندو وابو ميلا بيتحسر ع يلي صار وبفوتو الكل بحالة صدمة متب الحلم مر عليهون يلي صار……
بيمر يومين بعد هالحادثة ودفن ماهر …
ابو ميلا: وين ميلا
ام ميلا: ياحسرتي عليها بغرفتها ماعم ترضى تتقبل حدا ولا تشوف حدا …
ابو ميلا: لا اله الا الله حسبي الله ونعم الوكيل بيلي كان السبب
ام ميلا: امين
ابو ميلا: حكى معي شادي وقال
ام ميلا: شو قال
ابو ميلا: قال ماعد يقعدو هون طالعين لبرا امو منهارة وقرر ياخدها لعند اختو يلي برا ويعملو العزا هنيك لانو اهليتون كلا برا …
ام ميلا: يا حول الله الله يصبر قلبهون …
ابو ميلا :امين …اكلت ميلا ولا شو
ام ميلا :بالزور قبلت تاكل لقمتين الصبح
ابوميلا :طالع شوفها …
ام ميلا: ماشي
بيحمل حالو ابوها وبيطلع لعندا …
بيوصل لعند الباب بدق عليها …
ابو ميلا: ميلا بنتي
بيرجع بدق مرة تانية دق ………دق……دق ……
ماردت بيدخل لعندا بلاقيها معلقة حبلة بدها تشنق حالها بفوت دغري بنزلها…

ابو ميلا: لك ميلا صحيانة ع حالك بنتي اطلعي فيني
ميلا: (ببكي) شو فيه اكتر من هيك حياة حلوة بتاخد ايمت ما بدها وبتعطي هيك ايمت مابدها …
ابو ميلا: يا بنتي برضاي عليكي الله يرضى على اسمك بس فهميني شبك شو صايرلك
ميلا: (ببكي ودموع غزيرة) بابا راح راح يلي كنت اعمل كل شي منشانو
ابو ميلا: يا بنتي هيك نصيبو
ميلا: (بقوة) :لا مو هيك نصيبو ابي كنا طالعين مشوار فجاة هيك بح راح بلمح البصر
ابو ميلا: يابنتي وكلي الله وكلي الله.
ميلا: (بشهقات متتالية) :بابا بدي ياه بدي روح لعندو ابي بدي ماهر كرمال الله خدني لعندو يا ابي
منشان الله يا بابا
وبتنهار بالبكي بحضن ابوها بيضمها ابوها وبصير يبكي معها …
بعدة مدة وهي تبكي …
ابو ميلا: قومي بنتي قومي الله يهدي سرك قومي يا عمر ابوكي
ميلا:(ببكي ونشوقة) : هئ هئ.
ابو ميلا قومي ارتاحي نامي شوي الله يرضى عليكي
بيسطحها ابوها بتختها وهي عم تبكي وبيغطيها وبيقعد يقرأ قرآن وعم يلمس على راسها وبضلو ع هالحالة لتغفى …
بينزل ابوها لعند امها…
ام ميلا: شو
ابو ميلا: اه حرقت قلبي الله يحرق يلي كان السبب
ام ميلا: امين الله يجعلو كيدو بنحرو
وبضلو ع هالحالة وميلا ماعد اتقبلت حدا وصارت تخاف تقرب من حدا وتتعلق فيه يقوم يروح وماعد قدرت تطلع مشاعرها من يوم الحادثة لليوم كبتت على مشاعرها والخوف من حدا يتقربلها وهيي تتقرب من حدا صنع عندها حالة من الهلع والرعب ليتركها ويروح ويرجع ينعاد السيناريو ذاتو …………
بااااااااك///////////
قاعدة ع هالشباك وهي عمم تتذكر يلي مر عليها من سنيتن …
ميلا: يالله دخيلك انت شايف وعارف يلي عم يصير يارب عطيني حل لهل المشكلة وطلعني منها والله ياربي بموت اذا بصير معي هيك …
بتحمل حالها وبتبلبس وبتنزل لعند اهلها…
ميلا: صباح الخير
ام ميلا: بكيررالدنيا قريب العصر صارت
ميلا: عادي يلي هو المهم صبح
ميرنا: شو وين ميمي
ميلا: بدي اخدها ضل عندها ابرة بدي اعطيها ياها عند الدكتور ورجعها
ام ميلا: لك شو بدكون بوجعة هالراس ما كنت اعرف
ميلا: ياريت كل وجع هالراس هيك بالمناسبة وينو بابا
ام ميلا: اجا اتغدى من شوي وطلع يرتاح
ميلا: بسيطة انا رايحة واخدة ميمي معي ما بطول بمر ع الدكتور بعطيها الابرة وبرجع …
ام ميلا: طيب روحي بس قبل كل شي فكرتي بموضوع ام وليد
ميلا: كل شي الو وقت بدي روح هلق منشان ما اتاخر بالرجعة
ام ميلا:طيب روحي لنشوف شو اخرها
بتفتل ميلا وبتطلع للغرفة بتلبس جاكيت ابيض خفيف وبنطال اسود وبوط وبتترك شعرها نازل وبتحطلو حبسة صغيرة بتضب غراضها بالشنتة.
ميلا :ميمي ميمي تعالي حبيبي وينك
بتجي ميمي وهي عم تنوي لعندا …
ميمي: مياو مياو
ميلا :ياعمري انتي تعالي والله ياريت الكل متلك
بتشيلها بين ايديها بتبوسها وبتحطا بالقفص المخصص الها وبتحملها وبتحمل غراضها وبتنزل…
ميلا :انا رايحة
ام ميلا: لبسي شي احسن هيك بيسفقك الهوا برقبتك ليكي كيف مبينة
ميلا: معليش امي انا بحب الهوا والجو نوعا ما مو سيئ
ام ميلا: طيب حبيبتي متل مابدك ديري بالك
ميلا: ماشي
بتطلع ميلا من البيت وبتروح لعند الدكتور……
ببيت مهند………&
عمار: شو مهند ما خبركون ايمت راجع
ام عمار: ع قولتو انو عندو كم شغلة بمكتب المينا وقبل ما يجو بيجي
عمار: لا واضح كتير ليش ابنك هاد بينمسك لك امي كلنا منعرف مهند
هلا: حاج تحكي عليه حرام اكيد عندو شغل بخلصو وبيجي بعدين مطوليين ليجو ونشوف العروس
دلع: والله مابعرف مهند اذا بيقبل يتزوج هيك لانو مبين عليه بس يقول لاقولي عروس لاتزوج بيحكيها بملل
هلا: ستي ما علينا خليون يشوفو بعض اذا عجبتو دغري منطلبها للبنت شو خسرانين
دلع: قولتك …
ابو عمار: ضل ناقصكون شي انا وصيت ع باقي الغراض
ام عمار: لا مو ناقص شي كل شي جاهز وبس يوصلو كمالة الغراض بكملوون هلا ودلع لانو اخر شي بدنا ياهون لبعد الاكل
ابو عمار: اي تمام
عمار: انا رايح شوف كم شغلة مهمين بدي مشيون بشغلي لبين ما يكون مرق الوقت
ام عمار: اي امي
دلع: لكن رايحة طعمي داليدا وجهزها كرمال ما تنق بس يجو الضيوف
ام عمار: بتعملي زينة العقل بنتي
دلع :ماشي
هلا: واناطالعةشوف شو بدي البس واعمل انتي وابي ارتاحو لانو ماضل شي عنا
ام عمار: اي بنتي
بيطلعو كل واحد ليعمل متطلباتو ويشوف اشغالو واعمالو ……
واقفين برا المينا والهوا عم يلعب لعب والموج عم ياخد مسراه …
مهند: شوف يلي بناسبك لخلي الشباب يزبطولك ياه
مهيار: والله مابعرف شو رايك بهداك
مهند: هلق قديش عدد الموجودين لاعرف لاقيلك طلبك
مهيار: يعني فيك تقول حوالي ال10 او12 بنت
مهند: حلوو الحكي معناها شايف هداك اليخت
مهيار: انو منن
مهند: هداك قبل اخر واحد من الصف هداك
مهيار: يلي عليه اشارة من فوق

مهند: ايواا ياعيني عليك هاد
مهيار: والله حلو ها
مهند: تعال تشوفو ولا خلي لوقت الحفلة بتشوفو كيف صار لانو هلق بكون فيه الف شغلة
مهيار: اذا هيك ممتاز معناها حبيب اعتمدنا ع هاد امرني
مهند: لا يا رجل طول بالك خلص هاد اليخت والحفلة يلي رح تصير فيه يعتبر هدية مني ومنك مساهمة لفرح اختك
مهيار :مهند بس والله مابصير هالحكي
مهند: عيب عليك يا رجل اختي اختك شبك خلص انهي هالسيرة
مهيار: لك عيني ربك
مهند :ولو تكرم عيونك
مهيار: الله يكرمك
مهند: عندك شي ولا ضالل لنعرف شو بدنا نعمل
مهياار: لا رح امشي هلق لنشوف شو بدي اعمل وكمل التحضيرات يادوب لحق
مهند.:اذا هيك مارح عطلك
مهيار: طيب بالمناسبة شبك مو عاجبني وضعك
مهند: ولا شي والله بس متكركب من شخص بأمور الشغل وبدي فوت اقرأ الملف لانو وصلتني المعلومات عنو
مهيار: ليش ما ارتحتلو
مهند: بين وبينك يا صاحبي لاوالله
مهيار: لا تقبل خلص صرفو
مهند :اليوم رح احكي عمار واعرف من وين جايبلي هالشكيلة وبعدها بفكر
مهيار: الله يختارلك الخير يا صاحبي
مهند:الله يسلمك
مهيار: يلا انا رايح بالليل منحكي مع الشلة ومنشوف سوا مخططات بكرا
مهند: انشالله
مهيار: يلا بخاطرك
مهند: الله معك
بيحمل حالو مهيار بعد ماشاف امور اليخت وبكمل دربو ليشوفو شو بدو يعمل بباقي التحضيرات …
مهند بضل واقف برا وعم يطلع لبعيد وسارح بهالموج والبحر ……
خلصت من عند الدكتور وماشية ع رصيف المينا وسارحة بنسمات الهوا الباردة وماشية بخطواط هادية والنسيم عم يتغلل بشعرها ويلعب فيه …
بتوقف مكان ما بتقعد بالعادة وبتحط القفص جنبها وبتدلي رجليها لبرا حفة الرصيف تبع المينا وبصيرو على موج البحر وبتقرب ميمي منها وبتقعد تحكي …
ميلا :شوفي يا ميمي انتي رفيقتي الوحيدة من يوم ورايح ماعد بدي حدا غيرك احكيلو واول شغلة رح نبلش فيها اني احكيلك عن هالمكان يلي صار جزء ما بيتجزأ جواتي شايفة يا ميمي هالبحر كلو يلي قدامك هاد راحتي بكل شي بعملو بشكي ببكي بفرح بضحك كل شي……
وبتضل مستمرة…………… بالحكي مع ميمي ومندمجة معها بكل حواسها وروحها يلي عم تحكي رغم انها حيوان صغير الا انها. شافت الراحة فيه……
بيجي ليفوت بينتبه وهو عم يدور وجهو انو في حدا قاعد ع حافة المينا……
مهند: (بعلامات استفهام ظاهرة على وجهو) :مين هالبنت يلي هنيك
بيطلع حواليه بنادي لواحد من الشباب يلي بيشتغلو بالمينا …
مهند: نورس يا نورس
بيجي نورس لعندو…
نورس: اي مهند بيك
مهند: مين هالبنت يلي هنيك بتعرفا
نورس: اي يا بيك هي البنت ع طول بتجي بتقعد هون واغلب الاوقات ع طول هون بتضل
مهند: اي ليش بتعرف السبب انت
نورس: لا ابدا. مابعرف بس ع طول بتجي
مهند: طيب روح لشغلك انا بتصرف
نورس :حاضر يا بيك
بيروح نورس لشغلو وبيطلع مهند وبقول …
مهند: كاني شايف هالوجه …
بينزل من جهة اليخت وبكمل شوي شوي وببطئ ليوصل لعندها وبس وهو عم يمشي ويقرب لعندها وعم يقول بينو وبين حالو: غريب اول مرة بعرف حدا بيجي بيقعد عنا بالمينا مين هي …
بيوصل لعندا وهي بتكون فاتلة راسها لجهة البحر……… بتحس في حدا بتلفت بكون هو وراها وبتطلع فيه وهو بس يشوفها بيتفاجأ فيها…
مهند: هي انتي
ميلا: (بلبكة) :اه اي انا كان بدي امشي
مهند: خليكي قاعدة
بينزل وبيقعد جنبا وبدلي رجليه متلها وبقلا…
مهند: شو سمعت عنك بتضلي تتردي لهون
ميلا: هو بصراحة اي انا بجي لهون كتير
مهند: حلو كتير شو هالصدفة هي
ميلا: ليش انت بتجي لهون
مهند: انا مسؤول عن هي المينا بالكامل
ميلا :حلو كتير
مهند: ما قلتيلي شو بتجي بتعملي عنا
ميلا :هيك والله بجي برتاح هون ف بجي اغلب الوقت
مهند: معناها رح نشوفك كتير عنا وتشوفيني كتير
ميلا: امم
بيسكتو شوي وبضلو يطلعو بالبحر بيكسر حاجز الصمت مهند وبقول …
مهند: كان اسمك ميلا مو هيك
ميلا :(وهي صافنة ):اي
مهند: ليش ما اتصلتي هداك اليوم اتوقعتك تحكي
ميلا: ليش كنت ناطر اتصالي
مهند: بصراحة مو قصة ناطر بس كان عندي فضول اعرف عنك
ميلا: اول مرة بشوف شب هيك بحب يعرف مشاكل غيرو يعني العفو منك شو يلي بيدفعك لتعرف
مهند: هلق يمكن تستغربي بس انا من نظرة ممكن اعرفك اذا بتحكي الصدق او لا او ممكن نبرة كلامك تخبرني انك مو بخير ببساطة لهيك دغري بحاول اعرف
ميلا: حلو هالشي بس يلي بدو يحس لازم ينحس فيه
مهند بيصفن بالكلمتين يلي قالتون وبيقلا …
مهند: بصراحة انتي اول شخص بيقلي هيك
ميلا :ليش مو مزبوط هالحكي
مهند: اكيد صح طيب بدي قلك شي
ميلا :اي تفضل
مهند: تعطيني رقمك
ميلا: ليش في شي
مهند: انا حابب كون شي بالنسبة الك انا شايف بعيونك كسر وانا حابب اجبرو
ميلا: (عيونها بعيونو) :بس انت مانك مجبور تجبر
مهند: مابتعرفي يمكن صير مجبور

ميلا: كيف يعني
مهند: بعدين بتعرفي بس شورايك تعطيني رقمك اعتبريني رفيقتك
ميلا: ههه لا بالمرة صير ابي
مهند: بكون كتير منيح
ميلا: طيب سجل عندك
مهند:يلا
بيطلع من جيبتو الموبايل وببلش يسجلو
ميلا: وهي رقمي عندك
مهند: شكرا الك والله بس بالمناسبة بدي قلك شي
ميلا: اي تفضل
مهند: ضحكتك كتير حلوة لا تمحيها وحرام تبقي كابتة هيك جواكي انا صح ما صرلي بعرفك وهي تاني مرة منشوف فيها بعض بس حاسس حالي بعرفك من سنين بهالدقيقتين يلي قعدناهون هون حسيت اني بعرفك من زمان ………
بتطلع فيه وبكلامو كيف عم يحكيه بيلامس اوتار قلبا هالكلام وكانو عرفان وجعها بتتنهد وبتقلو …
ميلا: شكرا لكلامك انت شخص مريح الله يسعدك بحياتك
مهند: العفو امين وياكي يارب
ميلا: يلا لازم امشي
مهند: ماشي
بيقومو من مكانوهون وبوقفو قبال بعض
مهند: فرصة سعيدة اني اتعرفت ع شخصية متلك……
وبمد ايدو قبالها
بتطلع فيها وفيه وبتمد ايديها وبتسلم عليه للحظة حسو اتنيناتهون بكهربا مشت بجسمهون وشعور جديد عم ياخد مكانو …
ميلا: وانا كمان يلا بالاذن
مهند: اذنك معك
بتترك ايديه بخفة وهداوة وبتفتل ضهرها بتحمل القفص تبع ميمي وبتمشي وهي سارحة بهالدقايق …
بيضل واقف مكانو عم يطلع عليها كيف مشت وراحت وبضل ع هالحالة لتختفي عن انظارو …
مهند: كل تفاصيل هالبنت عم تشدني هفف
احسن شي ضب وروح ع البيت لنشوف الضيوف …
بيفتل ضهرو وبيروح لمكتبو بياخد ملف ابو سعد وبضب غراضو وبكمل للبيت……
بيحل المسا وبتحل تفاصيلو معو …
ابو وسيم: شايف بالله يا صهري
ابو عمار: هههه اي والله
هلا: مرة خالي شو رايك بفنجانين قهوة بس حبابة انتي بتعرفي عمليلي الطوق هاد هدية من مجد
مرة ابو وسيم :هههه عم تستغليني وانا موجودة
هلا : له يا مرة خالو ولو
مرة ابو وسيم:طيب هاتي وفرجينا فنجانين القهوة
هلا: من عيوني
هبة (بنت ابو وسيم) :عمتي ماشالله عليها بنت عمار ما خلت شي برا ع حالو
ام عمار: ههه اي ماشالله حركة هي
هبة: اي والله
ام عمار: بعدين حليانة يا هبوش صايرة قمر
هبة: شكرا عمتي كلك ذوق
ام عمار : الله يسعدك
هبة: ويسعدك عمتي
وسيم: لا يا زلمة والله ما بصير شو هالغش هاد
عمار: غشاش بعينك
وسيم :بدينك هلق شوف ليجي مهند هو الوحيد يلي ماعندو غش
عمار: صدقت
لحظات وبفوت مهند لعندون …
مهند: مسا الخير
الكل: مسا النور
مهند: كيفك مرة خالي شلونك خااال
ابو وسيم: اهلين بشيخ الشباب
مهند: ع راسي يا خال
مرة خالو: اهلين حبيبي
بيدخل بسلم عليهون وهو الهيبة لابستو لبس وخلقانة الو بكل حركة وكلمة بيحكيها …
مهند: كيفك وسيمو
وسيم: والله انك ابن حلال هلق كنت عم هدد اخوك فيك
مهند: هه تركلياه هلق انا وياك عليه
عمار: يا خاينين منك الو
مهند: ههه
بوصل لعند هبة وبقول …
مهند: كيفك هبة
هبة (بحركات خجل) :الحمدالله وانت
مهند: تمام الحمدالله
ام عمار: يلا امي بدل تيابك وتعال الاكل جاهز
مهند: يلا ما بطول بالاذن
الكل: اذنك معك
بيطلع مهند ع غرفتو بحط غراضو وبيدخل يتحمم …
ام عمار: هلا امي يلا جهزولنا السفرة انتي ودلع
هبة :وانا رح ساعدون
ام عمار: متل مابدك حبيبتي …
بقومو الصبايا وببلشو بحضرو السفرة
ام وسيم: مشالله على مهند الله يحميلك ياه كيف صاير
ام عمار: الله يسلمك يارب شباب بتصير الله يخليلك هبةو وسيم وتفرحي فيون
ام وسيم : الله يسلمك …
بخلص حمام وبيبلس كنزة وبنطال مريحين خرج قعدة وبسرح شعرو وبحط من عطرو وبقول …
مهند: الله يعطينا خير هالقعدة يارب
بينزل لعندون ……
عمار: شو اجيت
مهند: لا رحت
عمار : مهند وسيم عم يقلي جوعان
مهند : وانت الصادق انت الجوعان
وسيم: هههه كشفك
مهند: اخي وبعرفو
وسيم: حلال عليك والله
ابو عمار: يلا يا جماعة تفضلو ع السفرة
الكل : يلا
بقومو الكل بيقعدو ع الاكل وبسمو بالله وببلشو اكل وكل مين ملتهي بصحنو الا مهند بيشرد شوي بعقلو ويتذكر ميلا ويرجع يكمل اكل …
والوقت عم يمرق بجو العيلتين ……
بعد ما وصلت ميلا ع البيت بدلت تيابها وقاعدة عم تطعمي ميمي …
ميرنا: وجعها الدكتوور
ميلا: يعني بس المهم اخدت اللقاح
ميرنا: اي والله
ميلا: وينا ماما
ميرنا: كانت قاعدة هي وابوكي
ميلا: خير ليش في شي
ميرنا: ب ب (بتتلبك ميرنا وهي وتحكي)
ميلا: احكي شبك متلبكة وفايتة ببعضك
ميرنا: بصراحة كانو عم يحكو بموضوعك تبع ام ووليد
ميلا:استغفر الله العظيم اي وشوقالو
ميرنا: ماما حاببتك تتزوجي كرمال تأمن عليكي وبنفس الوقت كرمال ما يضل حدا يقول ليش بنتك ما اتزوجت بس بابا بدو ياكي تبقي ع راحتك بغض النظر انو هو شبه مقتنع بحكي امك
ميلا: يالله ع هالشغلة يعني شو اعمل اقبل فيه وانا ماني رغبانة فيه ماحدا عم يفهم شي عليي انا بحاجة وقت بدي اقضيه مرتاحة مابدي اتزوج وضل مقيدة وعدا عن هيك مافيني خلي حدا يتقرب مني

ميرنا: اختي طولي بالك ولاقي حدا يفهمك انا معك لا تقبلي الا وانتي مقتنعة بهالشخص اذا ما كان يفهمك خلص ينمحقو يزعل يلي بدو يزعل ولا تزعلي انتي
ميلا: بسيطة اختي بسيطة كل شي الو حل خلي ميمي عندك هالليلة انا بدي اطلع نام
ميرنا :خليكي سهرانة ماصرلك ساعة راجعة
ميلا: اذا بضل قاعدة وبسمع حكي اكتر بينهز بدني اكتر خليني اطلع ومابحلها غير ربك
ميرنا: اي والله
ميلا :يلا تصبحي ع خير
ميرنا: وانتي بخير
بروحو كل مين لغرفتو وبيتسطح
بتدخل لغرفتها بتتتمدد ع تختها وبتصير تفكر …
ميلا: شو اعمل اذا اتزوجت هالشخص وماني مقتنعة فيه رح صير انجبر اعمل شي انا مابدي وبنفس الوقت اهلي بدون ياني اطلع من يلي انا فيه شو الحل يا ترى والله مليت انا لا بدي نوصل لمرحلة مانقدر نقرر ولا نعمل شي وبنفس الوقت محتاجة حدا يرضى فيني وبقراراتي سواء صح او غلط او هاجر هفف
وبتضل ع هالحالة وهي عم تفكر ومو قدرانة تنام………
بعد ما خلصو اكل وقعدو والوقت مر عليون بلمح البصر قاعدين كلون سوا وهنن هيك عم ياخدو بالحكي ويعطو …
ام عمار: اي هي الصمدية جبلي ياها مهند ابني
ام وسيم :والله حلوة مزوق والله
ام عمار: بيعرفني بحب هالشغلات بيجبلي كل فترة بس يصحلو
ام وسيم: يخليلك ياه يارب
ام عمار :الله يسلمك
دلع: والله حلو هاد الفستان
هلا :اي حلو شو رايك هبة عطينا رايك
هبة :اي والله حلو بس شو المناسبة حتى تجيبي هيك فستان
دلع: متل مابتعرفي قربت حفلة زواج مجد وهلا ولسا في كم غرض ماجبناهون لهيك عم نشوف ع هالنت
هبة: اي الله يوفقكون يارب
هلا: الله يسلمك حبيبتي ع قبالك
هبة: الله كريم
وسيم: وحياة امي عم قلك هالحكي جد
مهند :لو بتطق راسك بالسقف ماني مصدقك
عمار قالب ع ضهرو من الضحك
عمارر: ههههههه ياااا لك عم تحلف بامك
وسيم: ينعن والله جننتوني هببةةةة
بيطلعو عليه كيف عم يعيط
هلا ودلع: ههههه شبو
هبة: ههه مدري
وسيم: لك هبة يا هبلة وينك
هبة :لك شبك عم تعيط
وسيم: قوليلون ماعم يصدقو اني اخدت المركز الاول بالسباحة بالنادي
بيطلع فيها مهند وبأشرلا انو تقول لا بمعنى الحكي مو صح بتفهم عليه هبة وبتضحك …
هبة :هههه وانت الصادق اخدت الاولى من تحت
بيضحكو الكل عليه كيف صار شكلو …
الكل: هههههه
مهند: لك حتى اختك هيك عم تقول ف لا عتب علينا
وسيم: يالله شو اعمل
مهند: ولاشي خلص
ابو وسيم: يلا صار لازم نمشي
ام عمار: خليك اخي وين بكير لسا السهرة بأولها
ابو عمار: اي والله بكير
ابو وسيم: بكير من عمركون بس والله عنا شوية شغلات ولازم ننزل بكير ونحل الوراق مع المحامي
ابو عمار: اذا هيك حقك
ام عمار : طيب اخي متل مابدك
ام وسيم: يلا يا هبة يا وسيم
وسيم: يلا جايين
بقومو الكل بجهزو حالون وبقول وسيم وهو رايح …
وسيم: يلا بخاطركون بس مابقى اجي لعندكون
عمار: ههههههههههه
بيطلع الكل ع ضحكة عمار يلي عبت البيت
مهند: الله لا يعطيي شيطانك عافية يا عمار فضحتنا
صار الكل يضحك عليون 😂😂
وسيم: ماشي يا عمار انت واخوك
عمار: ههههه
هلا: راحت عليك ابن الخال
ابو وسيم: هههه يلا حاج انت وياه تفضلو لعنا صهري
ابو عمار: انشالله
بيودعو بيت ابو وسيم وبيدخلو لجوا البيت ودغري عمار ببلش حكي …
عمار: اي مهندو يلا حبيبي قلي انشالله استفدت شي من هاللمة الحلوة
مهند: لا ما استفدت شي
ام عمار: لك ليش والله البنت ماعليها حكي
مهند: بلشو دحشوها بأنفي ماقدرت كل ما اطلع فيها مااقدر اتخليها تصير مرتي انا معتبرها متل هلا ودلع مرة اخي
عمار: يا حبيبي ع الشغلة
هلا: طيب فكر شو خسران
مهند: لا مارح فكر ولا وجع راسي بهالامور بس لقيتو او لقيت بتزوج غير هيك هي انا متل ما انا
دلع: لك سلفي لتكون حاطت عينك ع شي بنت حتى ما قدرت تحسب هبة غير متل اختك
عمار: في طيرة وما عنا علم اعترف
مهند :يييي ما اهضمكون امي خليون يحلوو عنيي هاا
هلا:ههههه طاللع يفكر بالطيرة حقوو
مهند: اف منكون حلو عني تضربو ما بتنعطو وجه باي امي
الكل.:هههه
ام عمار :الله معك
بيطلع لغرفتو يرتاح ……
ابو عمار: وهي ما استفدنا شي
ام عمار: بسيطة نصيب
هلا: اي والله
عمار: يلا حاج بكفي تعبنا اليوم قومو نرتاح
ام عمار: اي والله بدها راحة اليوم متعب
ابو عمار :اي والله
بيطلعو الكل لغرفهون ويرتاحوو …
قاعدة لحالها مالة بغرفتها وافكار عم تاخدها وتجيبها وهي ضايجة …
ميلا: شو اعمل طيب شو الحل مابقدر اقبل وانجبر ع شي بعرف حالي مارح اقدر اتعايش معو وبنفس الوقت مابدي زعل اهلي هففف مليت يالله شو هالمصيبة يارب تنحل معي بقى واخلص من كل هالموضوع …
بتتروادها افكار وبتصير تتذكر كيف مهند. مد ايده وسلم عليها بتمسك. كف ايدديها وبتضمهون لصدرا وبتبسم وبتقول ……
ميلا: والله هالشخص وكتير حسيتو بيفهمني يالله شو اعمل ليش هيك كل ما بقول مابدي قرب من حدا بعد ماهر يالله شو غاية هالشخص يلي بطريقي حطيتو والمصيبة اني ارتحت من كلامو يارب عطيني خير …

بهالاثناء بتسمع موبايلها رن …
ميلا: ايوا ومين هاد يلي بدو يتصل بهالوقت مافي بالعادة…
بتروح بتشوف بتلاقي رقم غريب ……
ميلا: لمين هالرقم يا ترى …
بتفتح المكالمة وبترد …
ميلا. :الو
بيسمع صوتها وبتزداد دقات قلبو وبيسرح شوي بجمال صوتها ونغمتو يلي اهتزت اوتارو فيها وبقلا ……
مهند: مرحبا
ميلا: اهلين
مهند: كيفك
ميلا: عفوا مين
مهند: ماعرفتي صوتي
بتصفن ثواني بنبرة الصوت ودغري بيجي ببالها مهند …
ميلا: مهند ……
مهند: اي
ميلا :اهلين
مهند: فيكي
ميلا: خير في شي
مهند: هو بصراحة حبيت اسمع صوتك وقلك تصبحي ع خير
ميلا هالكلمتين كانو رح يهدوها هد
ميلا:(برجفة) امم وانت بخير
مهند: الخير يصيبك باي
ميلا: باي
بيسكر الخط مهند مابيعرف ليش هيك عمل
مهند: يالله كاني خبصت هلق بتستغرب البنت معقول غلطت بس والله مو بايدي ماعم اقدر عم حسها ملازمتني بكل دقيقة هفف اصعب 30دقيقة مضو اليوم مابعرف شو الحل ليش هيك عم يصير معي كركبتني هالبنت ……
بيوصلو اشعارر من الكروب ورفقاتو عم يحكو بيطلع عليه بيقفلو وبضل متسطح عم يفكر فيها ويتقلب ليقدر ينامم ويستسلم ل الليل ………
ميلا: يا ترى شو بكون بدو اذا ما صرلي. بعرفو معقول هو متلي عم يحس، ،لا لا مستحيل هو وين وانا وين ياربي هالخربطة ليش هيك مليت انا وتعبت بدي نام اذا بضل هيك عم حاكي حالي ممكن جن احسن شي نام والصباح رباح ……
بتتسطح بتختا وبتضل تفكر باتصال مهند وكلماتو يلي دقت جراس قلبها المقطوعة وبلشت تحس بنبض جديد بلش يسري فيها وبعد عنان ومعارك من التفكير يلي صارت معها غفيت …………………………

يتبع، ،،،،،،،،،،،،،،،،،،،،،،

#ثّلَأّثّوِنِ_دِقِيِّقِةّمَنِ_أّلَعٌشٍقِ ♥🔥
#لَلَګأّتّبِةّ:
#Bayan Al-rohban ♥🔥
#أّلَجِزِّء_أّلَرأّبِعٌ…&
_______
بصباح اليوم التالي ……
قاعد مهند عم يشرب قهوة بغرفتو …
مهند: هفف كيف راح عني شوف هالملف العجيب تبع ابو سعد احسن شي انزل شوف عمار ونحكي فيه…
بيقوم مهند بيحمل حالو وبينزل ل تحت…
مهند: صباح الخير
ام عمار: صباح النورر
مهند: شو وينو ابي
ام عمار: قاعد برا بالجنينة
مهند: اي شو بعدون نايمين
ام عمار: خطي تعبانين من مبارح
بيطلع عمار وبينزل لتحت ولسا النوم بعيونو …
عمار: صباح الخير
مهند وام عمار: صباح النور
عمار: شو فايق مبين
مهند: شو شايف
ام عمار: تشرب قهوة
عمار: اي بشرب
ام عمار يلا لكن رح اعمل قهوة تشرب مهند
مهند: اي بشرب فنجان لانو كنت عم اشرب بغرفتي …
ام عمار: اي يالله خير
مهند: عمار صحصح شوي اخي
عمار: ها شو
مهند: ابو سعد ملفو معي
عمار: اي شو يعني
مهند: انا ماني مرتاحلو وعدا عن هيك ملفو مافيو شي
عمار: اخي شبك شو هالوسواس هاد دايما شك بالعالم
مهند: مو شك اخي بس مو عاجبني. وهاد شغل مو لعب …
عمار: اخي سمعني اذا بتضل هيك مابتشتغل وانت واعي وفهمان يعني صدقني هي شكوكك مالها داعي
مهند: بسيطة ع كل حال لنشوف انا رح احكيه وخلي يشتغل واذا شفت هيك هيك رح وقف الشغل معو دغري من غير شي ماني مرتاحلو
عمار: اي تمام هيك
مهند: بس من وين ناكلشي ياه
عمار: من الشباب رفقاتي سمعت عنو وعن شغلو بس والله ماعندي خبر اذا منيح او لا لانو ماني قاعد معو ولا بعرف شكلو حتى …
مهند: امم يلا بسيطة. هلق منشوف شو بدنا كل شي محلول …
بتجي ام عمار وبتعطيون القهوة …
مهند: يسلم ايديكي ماما
عمار: شكرا
ام عمار: اهلين امي
عم يشربو القهوة وساكتين بتقول ام عمار …
ام عمار: مهند
مهند: مممم
ام عمار: حاكيني
مهند: شو
ام عمار: شبك امي وين صافن
مهند: ها هون معك امي
ام عمار: شو فهمني شو هالصفنات هي
عمار: عشقان
مهند: بس ولك عمار
ام عمار: ياريت عشقان والله لزوجك ياها
مهند: الله كريم امي
ام عمار: انشالله
مهند: طالع لغرفتي بدي جهز حالي
ام عمار: مابدك تفطر
مهند: مالي نفس
عمار: وانا قايم روح بفطر بشغلي
ام عمار:طيب حبايبي متل مابدكون
بيطلع كل مين لغرفتو…
بيدخل مهند لغررفتو بيرمي ملف ابو سعد ع التخت وبصير يدور ع موبايلو …
مهند: وين الموبايل هفف
بيرفع المخدة بلاقيه تحتها …
مهند: بدك واسطة لتصير هون ولاقيك
بيرفع موبايلو وبيدخل بيطلع ع اسم ميلا وتلقائيا بيبتسم وبيتصل ……
مهند: يلا ردي ……
بضل ناطرها لترد …
بتسمع شي عم يهز …
ميلا وينو الموبايل هاد …بتدور وبتلاقيه …
ميلا: مهندد! !!!
ميلا: غريب شو بدو من الصبح ..افتح ولا ما افتح ..
بتفتح الخط وبتقول …
ميلا :الوو
مهند: صباح الخيرر
ميلا: صباح النور
مهند: كيفك
ميلا:(بلبكة) الحمدالله وانت
مهند: انا ..انا منيح بسماع صوتك
ميلا بتسكت ومابتعرف شو ترد …
مهند: شو فايقة بكير
ميلا: امم يعني
مهند: فيكي شي
ميلا: لا ابدا
مهند: لكن ليش فايقة بكير في شي ببالك
ميلا: لا تاكل هم عادي
مهند:طيب انا طالع لشغلي هلق اذا قدرتي تجي لل مينا تعالي انا موجود فيها منقعد ومنحكي
ميلا: شوف هو بصراحة انا ماني متعودة هيك اطلع وقابل شباب
مهند: لا لا تفهميني غلط وعدا عن هاد انا حالك اعتبري حالك لحالك ولا تفكري شي بنية سيئة
ميلا: طيب انت ليش هيك مهتم فيني لهدرجة رغم مابتعرفني
ولا بتعرف شي عني غير الظاهر وبتعاملني وكانك بتعرفني
مهند :طيب اهدي هالاسئلة انا رح جاوبك عليها انا تاخرت لازم روح لشغلي اذا اجيتي للمينا بخبرك بكل شي
ميلا: انشالله
مهند: علميلي اذا جاي كرمال رتب اموري
ميلا :طيب انشالله
مهند: بدك
ميلا: لا سلامتك
مهند: طيب باي
ميلا: باي
بيسكر الخط مع ميلا وبياخد نفس بجهز حالو وبينزل لشغلو ……
بعد ما سكرت المكالمة …
ميلا: يالله شو بدو يخبرني شو ببالو لهل الشخص يلا ببين معنا اليوم …
بتتنهد وبتنزل لعند اهلها …
ميلا: صباح الخير
اهلها: صباح النور
ميلا: وين ميمي
ابو ميلا: عند ميرنا بالغرفة
ميلا: اي طيب انا رايحة شوفها
ابو ميلا: تعالي قعدي بنتي بعدين بتشوفيها بدي احكي معك شوي
ميلا: اي بابا خير شو في
بتقعد قبال اهلها …
ابو ميلا :فكرتي بيلي حكيناه
ميلا: منشان ام وليد
ابو ميلا: اي
ميلا: بابا انا افكاري مخربطة معليش تتركوني براحتي شوي وانا لحالي بجي بحكي
ام ميلا: يعني لايمت الجماعة ناطرين خبر منا
ميلا: امي لو سمحتي خلص بهاليومبن بردلك خبر
ابو ميلا:طيب بابا خدي وقتك وفكري
ميلا: انشالله
ابو ميلا: يلا انا رايح لشغلي
ام ميلا: طيب ماشي
ابو ميلا: اذا بدكون شي حاكوني
ام ميلا :انشالله
ابو ميلا: يلا سلام

الكل: الله معك …
بيروح ابو ميلا ع شغلو وبضلو هنن بالبيت …
بيرن الارضي …
ام ميلا: الو
مريم:كيفك خالة
ام ميلا: اهلين حبيبتي تمام وانتي
مريم: الله يسلمك يارب الحمدالله بخير
ام ميلا: اي الحمدالله
مريم :خالة ميلا عندك
ام ميلا: اي بدك ياها
مريم :هو بصراحة حابة اخدها ونروح
ام ميلا:خير لوين
مريم: امي سمحتلي اطلع اتمشى وحابة اخدها معي بتغير جو
ام ميلا: من هلق نطرو للعصر بتطلعو …
مريم: لا معليش حابين نطلع هلق رياضة وهيك بما انو الجو حلو
ام ميلا: والله مابعرف
مريم:خالتو حبابة خليها تطلع معي ما منتاخر
ام ميلا :طيب تعالي لبين هي ما تكون جهزت حالها بتطلعو …
مريم: طيب خالتو ما بتاخر …
ام ميلا: ماشي حبيبتي
مريم: يلا سلام
ام ميلا: الله معك …
بتسكر الخط معها وبتقول ل ميلا…
ام ميلا: هي مريم قال بدها تطلعي تتمشي معها
ميلا: هلق
ام ميلا :اي قال ليكها جاي اذا بدك تروحي لبسي لبين ما تكون اجت واذا لا خلص خليكي بالبيت وقليلا مو قدرانة
ميلا: اممم، ،، خلص بطلع معها شو وراي هيك هيك ماعندي شي
ام ميلا: متل مابدك بس ديري بالكون ولا تتاخرو
ميلا: طيب ماشي …
بتطلع تجهز حالها بتلبس بجامة مريحة خرج طلعة لبرا وبتجدل شعرها بشكل خفيف وبتنزل خصل ناعمة من الغرة ع وجها وبتلبس بوطها وبتاخد موبايلها بتنزل ……
بتوصل مريم وبتدق الباب بنزلة ميلا ……
ام ميلا :هي اجت مريم
ميلا: يلا ليكني طالعة لعندها …
ام ميلا: ماشي
ميلا :يلا بخاطرك امي …
ام ميلا: الله معك
بتطلع ميلا لعند مريم …
مريم: كيفك
ميلا: منيحة بس شو جاي ع بالك التماشية من الصبح بعلمي مابتحبي تطلعي الصبح ووتتمشي
مريم: اضطريت هالمرة
ميلا: خير شوفي ليش
مريم: هلق بحكيلك بس نبعد شوي عن هون
ميلا: ماشي متل مابدك
بيمشو هنن وعم يدردشو ………
وصل ل مكتبو حط غراضو وقعد ورا مكتبو وعم يلعب باصابعو …
مهند: اي ليش حتى ما قلا انا لازم حاكيها اليوم اذا اجت وافهم منها كل شي هاد احسن حل
بيرن موبايلو …
مهند: اي كنان
كنان: شو حبيب وين غاط
مهند: والله بالشغل وين بدي كون مثلا …
كنان :شبعرفني سآل حالك وين انت هلق
مهند: بالشغل
كنان: قوم تعال نازلين ع القهوة
مهند: لا مو خرج هلق لانو بدي اشرف ع اليخت تبع مهيار عيد ميلاد اختو
كنان: خلص سلمو للشباب وتعال انت
مهند: لا وعدتو للشب انا بتكفل مابصير
كنان: ييي علينا يعني ايمت منشوفك مثلا هي النا كم يوم لا شفناك ولا عرفنا شي عنك
مهند: اي روق وهدي يلا انشالله بلكي بكرا منلتقي او بتجو لعندي ع المينا منشم هوا
كنان: طيب ماشي انشالله معناها منضل ع موعدنا …
مهند: ماشي انشالله
بيخلص مكالمتو وبيطلع يأشرف ع تزيين اليخت وكيف التحضيرات عم تتم …
ام عمار: اي لانو قلب الام دليلها مهند مو عاجبني
هلا: يا امي والله مافيي شي خلص طولي بالك صدقيني لو في شي بيحكي
دلع: صح كلامها ل هلا
ام عمار: بسيطة الا ما تبين بالاخير
هلا: تماما
ام عمار: شوبدنا نطبخ اليوم
هلا: مابعرف
دلع: وانا كمان
ام عمار: عملو بيتزا او ووصو عليها من برا اذا مابدكون تساووها انتو
دلع: لا منعملها انا وهلا منتسلى
ام عمار: اي معناها بس يصير الوقت بلشو تحضير فيها
هلا: ماشي
وبضلو قاعدين عم يدردشو ليجي الوقت يبلشو بتحضير الغدا ……
ميلا: يعني بس بدي افهم شو هالمكان
مريم: هي المتسودعات يلي ورا هي المينا
ميلا: شو جايبنا لهون نحنا
مريم: انا جاي بدي شوف شخص
ميلا: اي عم قول والله مالك بالعادة تقليلي نطلع نتمشى بهالوقت
مريم: شو بدي اعمل مالقيت وقت اطلع فيه غير هيك ولحالي مارح يرضو قلت باخدك معي
ميلا: تاني مرة لا تجيبيني ع هيك مسخرة انا ماني من هالنوع
مريم: طولي بالك ولو منضل رفقات يعني شوفيها اذا فدنا بعض
ميلا: اي مو بهيك شغلات
مريم:شو يعني هلق
ميلا: انا طالعة ع المينا خلصي شوفتتك هي ولحقيني
مريم: خليكي واقفة معي شو خسرانة
ميلا: لا تجننيني قلتلك هالحركات مابحبا وعم سايرك وقلك لحقيني بعد شوي بتتركك وبروح ع البيت
مريم: طيب ماشي خلص انطريني عند المينا وبجي لعندك
ميلا: ماشي سلام
مريم: الله معك
بتروح مريم تشوف تقابل حبيبها وميلا بتطلع ع المينا ……
ميلا: هالمسخرة والله لو بعرفك جايبتيني لهيك مابوصل معك بس بسيطة
بتضل واقفة وانفها بيقلب احمر من الهوا البارد وعم تطلع بالبحر ……
بينتبه مهند لوجودها وبيعرف انو هيي طبعا لانو ماحدا بيجي لهون الا غيرها وكل المينا بتعرف هالحكي ……
مهند: غريبة ما قالتلي انها جاي رح روح شوفها ……
مهند: شباب كملو يلي فهمتكون عليه شوي وبرجع
الشباب: حاضر يا بيك
بيتركهون وبينزل من اليخت وبكمل لعندها ومابتحس الا ع شخص واقف جنبا …
مهند: شو مبين هون
ميلا: اي شو عرفك اني هون

مهند: حسيت فيكي
ميلا وهي عم تتطلع ع البحر ….
ميلا: اي بسيطة
مهند: ليش ما دقيتلي انك جاي
ميلا: ماني لحالي معي حدا
مهند: بالله ومين
ميلا: رفيقتي بس راحت تشوف حبيبها وانا فكرت طالعين نتمشى تركتا تخلص وبتجي لعندي …
مهند: اي منيح معناها معنا وقت نحكي فيه …
ميلا :شو بدنا نحكي
مهند: تشربي شي سخن
ميلا: لا يسلمو مابدي عذبك
مهند: عذابك راحة تعالي نتمشى لتجي رفيقتك منكون حكينا شوي
ميلا: امم طيب
بيجيبو كاسات قهوة وعم يشربوها ويتمشو …
ميلا: اي ماقلتلي شو بدك تحكي
مهند:(برجولة ومنطق ثابت) شوفي بصراحة ومن الاخير انا مابعرف لف ودور ابدا انا حابب اتقدملك شو رايك
بتطلع فيه ميلا وعلى جرأتو بالكلام بتتلبك وبتقلو…
ميلا: شو يلي خلاك تتقدملي بهي السرعة
مهند: مابعرف بس يلي بعرفو انك صرتي ليلي ونهاري تفكير ومفكرتي اي شي فيكي مابتمرق دقيقة الا ما بفكر فيكي
ميلا: بس انت ماصرلك بتعرفني يومين او تلاتة ومعدودين ع الاصابع المرات يلي شفنا بعض فيوون …
مهند: انا هالحكي كلو بعرفو شوفي يابنت الناس انا شخص مر عليي كتير بنات اشكال الوان ومن مختلف الانماط والشخصيات بس ولا بنت عبت عيني وانتي الوحيدة يلي حسيت براحة معها سواء بالكلام وغيرو
ميلا: شوف هالحكي بعز عندي بس انت فيك تتعايش ولنكون صريحين اكتر فيك تتعايش مع شخص عندو ماضي او عندو عقدة هي من الاخير انا عم جاوبك
مهند: شوفي هالكلام ماضي وغيرو عقد مابهمني لانو كلو مع الوقت بروح وانا بعرف انتي بأعز الوقت محتاجة لشخص يكون معك مو عليكي وانا رح قلك ياها مستعد اتحمل عقدك وكل شي فيكي انا مستعد اتحملو
بتسكت ميلا بعد ماسمعت هالكلام ……
مهند: شوفي فكري انا مابدي اضغط عليكي بس رجاء فكري بالموضوع وصدقيني كل شي الو حل …
ميلا :طيب ماشي
وبضلو عم يتمشو وكل واحد فيوون ساكت …
بتطلع ميلا لبعيد وبتشوف مريم عم تلف تجاههون
ميلا :انا لازم امشي اجت رفيقتي
مهند: طيب ماشي
ميلا :شكرا ع القهوة
مهند: العفو انا ناطر جوابك
ميلا: انشالله خير …
مهند: انشالله
ميلا :يلا باي
مهند: الله معك
بتروح ميلا لعند مريم وبيطلع هو ع شغلو بعد ماشافها غابت عن نظرو …
مريم: وينك وين كنتي الي شوي عم دور عليكي
ميلا :هون كنت
مريم: طيب ماشي
ميلا: شو خلصتي
مريم: اي خلصت
ميلا: اي انشالله خير معناها
مريم: انشالله هاد الشب بدو يتقدملي والنا سنيتن منحب بعض
ميلا :اي الله يهنيكون ويسعدكون معناها …
مريم: الله يسلمك يارب
ميلا: معناها خلينا نرجع ع البيت …
مريم: يلا امشي …
بيكملو ع البيت وكل مين بفوت لبيتو ……
بيجي المسا وبيحمل معو اوقاتو …
مهند: اي مهيار وينك كلو تمام وع كيفك صار
مهيار: يسلم ايديك مهند عذبتك معي
مهند: لا ولو تكرم
مهيار: وانا خلصت كل شي ليكني رح جيب اختي من لصالون واجي لعندك رفقاتها. انا عطيتون العنوان شوي وبصيرو عندك
مهند: ماشي انا بالمينا هلق بس يوصلو بطلعهون ع اليخت لبين ما توصل …
مهيارر: ماشي مسافة الطريق وبكون عندك
مهند :ماشي
مهيار: الو اي اختي شو خلصتي
سحر: اي اخي بس يالله منك شو بدي احتفل لحالي وبمطعم لو رفقاتي معي غير
مهيار: يلا بسيطة طلعي ليكني واقفلك برا طلعي
سحر: يلا …
بتطلع سحر من الصالون وهي لابسة ومتجهزة وبتركب بالسيارة مع اخوها …
مهيارر: اي شو هالجمال سحورة
سحر: هههه
بضل عم يضحك اختو ليوصولو لل يخت …
سحر: بحياة امك جايبني لهون
مهيار: سمعي ونزلي اريحلك
سحر: يي علينا
بينزلو من السيارة وبقلا …
مهيار: غمضي عيونك وامشي معي
سحر: ايوا شوفي كمان
مهيار: هلق بتعرفي
بتغمض عيونها وبتضل ماشية معو وهو ماسكها ورفقاتتها كلون مجتمعين معها وواقفين جوا اليخت ومهند واقف قبال مهيار بيوصل لعند اليخت وبتطلع اصوات اغاني عالية وصوت العاب نارية وشغلات عم تطقطق بشيل ايدو عنها وبقلا …
مهيار: كل عام وانتي بالف خير يا عمري كل عام وتضلي مجننتيني بالبيت ومشيبة راسي بنقك
سحر عم تطلع وعيونها عم يدمعو وبتضم اخوها وبتقول …
سحر :يخليلي ياك يارب يا احلى اخ
مهيار: ياعمري
مهند بيتقدم وبسلم عليها وبعايدها
سحر: تسلم كلك ذوق مهند
مهيار: تفضلي هاد اليخت اليوم رح تحتفلي فيه كل الليل وهاد تلبية امنية انو يصرلك عيد ميلاد بالبحر وبفضل مهند قدرنا نعملك ياه
سحر: ياي عنجد احلى خبر بسمعو شكرا اخي شكرا مهند
مهند: ولو كم اخت عنا
سحر: 🥺🥺
مهند: في قبطان معكون رح يضل لتخلصو احتفال برجعكون تفضلي رفقاتك عم ينطروكي
سحر: ماشي
بتطلع باليخت وببلش اليخت يبعد وبتبلش الحفلة وهنن مبسوطين …
مهيار: يسلم ايديك مهند عنجد بتشكرك من كل قلبي
مهند: ولو يا رجل انت اخي
مهيار: يخليلي ياك
مهند: رايح ولا بدك تقعد

مهيار: اذا مابدك تروح بضل منتسلى شوي
مهند: طيب تعال نقعد نحكي
مهيار: يلا
بيروحو بيقعدو وبصيرو يحكو …
مهيار: مهند اسالك سؤال
مهند: اي احكي
مهيار: شبك يا رجل والله وضعك مو زابط ابدا
مهند: اي صح اني ماني زابط بالمرة
مهيار: طيب احكي لنساعدك شبك نحنا اخوة
مهند: شوف انا اليوم طلبت بنت للزواج
مهيار: شووو وايمت ومين هي
مهند: بنت التقيت فيها شفت الراحة فيها انت بتعرف انا بعمري ما ارتحت لحدا بس ماني قدران احكي كمية الدفا يلي حسيتون بعيونا حتى كل شي فيها عم يجذبني
مهيار: حلو هالحكي بس من وين شفتا
مهند: التقيت فيها ع الاشارة وكانت رح تضربا سيارة وحكيت معها ومن يومتا ماعم اقدر انساها رجعت التقيت فيها هون بالمينا سالت الشباب عنها طلعت بتتردد لعنا كتير ع المينا رجعت قعدت معا وحكيت واليوم اخدت قراري اني بدي ياها
مهيارر: طيب شو راي البنت فيك
مهند: مابعرف اصلا ماصرلي كم مرة شايفها بس انا ماني قدران بعد عنها حسيت حالي لقيت شي فاقدو بعد ماشفتا بس
مهياار: بس شو
مهند: قالتلي انو هي متعقدة من شي بس ماخبرتني عليه وقالتلي عندا ماضي بس ماني قدران فكر بشي غير انها توافق ع طلبي
مهيار: معقول انت مهند البنات داخو السبع دوخات وماكانو يسحروك بنت وحدة شفتا يا دوبك تلت مرات تصير هيك وتخليك تفكررفيها
مهند: شو شايفني بلا قلب
مهيار: مو هيك بس انت كنت تحاكي كتير عالم بنات وشباب وتطلعهون من يلي هنن فيه والشي يلي كنت تعملو رغم مانك مجبور توجع راسك فيه بس كنت تساعد كتير عالم بس لقلك شي
مهند: اي شو قلي عم اسمعك
مهيار: انا براي تعرف مشكلة البنت لازم قبل ما تتقدملا يمكن مشكلتا مافييك تطلعا منا
مهند: انا قلتلا مستعد كون معها ع اي شي بدها ياه المهم هي تكون راضية وبالصبر بصير كل شي
مهيار: حلو الحكي بس هالمخلوقة يلي رح تصير مرتك انت ممكن اوقات تعصب بالنهاية قد ما كان عندك بال طويل لتفهم وتساعد بس رح يجي يوم وتلاقي التعامل معها صعب فكر منيح الشغلة مو لعبة
مهند: مابهمني لو شو ما كان انا بدي ياها ومستعد ساعدها وكون معها ع اي شي بدها ياه ورح كون كل شي الها لتحس حالها انو معها حدا وهي بأمان معي
مهيار: والله مابعرف شو بدي قلك اتكل ع الله مابصير غير يلي ربك رايدو باالاخير الله يختارلك الخير
مهند: الله يسلمك يارب يلابسيطة
مهيار: شو بتحس بس تشوفها
مهند: بحس حالي عايش
مهيار: لهدرجة وعيان شو عم تحكي
مهند: انا كنت غايب عن الوعي قبل ما شوفها انا شفتا وبلشت حس انو حياتي الها طعم كتير حلو هالشعور بيجي فجاة وبخليك تفكر بشي بعمرك مافكرتو
مهيارر: يا رجل والله شهيتني كون بدالك
مهند: هههه الله يبعتلك
مهيار: امين
مهند: (بيتنهد وبيحكي وعيونو عم تلمع وكلمات حادة) :صدقني مستعد اخسر كل شي المهم اربحا
مهيار: هي مو صفقة لتربح وتخسر
مهند: بالنسبة الي هاد تحدي مع الوقت والعقل ولازم اعمل اي شي لتكون الي
مهيارر: اي اذا نيتك صح ف بتوصل
مهند:اكيد انشالله
مهيار: انشالله
بيطلعو ع الساعة وبلاقوها تاخرت …
مهند: ييي كيف هيك تاخرت ع البيت
مهيار: يي اي والله وانا عندي دوام بكرا
مهند: طيب الصبح بشوفك مع الشباب او منشوف شو بصير معنا اذا التقينا
مهيارر: ماشي
بقومو بسكرو وبياخدو غراضون وبيطلع كل واحد. فيون لبيتو …
قاعدة بغرفتها وصافنة لحالها بالحكي تبع مهند وعم تقول بنفسها …
ميلا: يالله كيف هيك شو اعمل مثلا خايفة اعمل شي واندم عليه
ياربي دخيلك خايفة روح لعند اخوها لام وليد اندم وما يتحملني ولايفهمني وخايفة اترك مهند قوم اندم لانو هو قلي انا معك ومستعد اتحملك كيف ما كنتي يارب دخيلك…
شو الحل والله احترت والله حيرني شو اعمل …
لازم فكر واخد قراري وبكرا دقلو ل مهند واحكي معو رح نام والصباح رباح مابدي فكر اكتر من عدا شي ماعم اقدر وقف عن التفكير
غير لما نام…
بتقوم بتحط حالها بتختها وبتتضل تتقلب ل تنام …
بيوصل ع البيت بلاقي البيت فاضي الا امو ناطرتو …
مهند: شو ليش فايقة لهلق
ام عمار: انشغل بالي عليك وماقدرت نام
مهند: امم طيب هي شفتيني طلعي ارتاحي بلا تتعبي اكتر
ام عمار :امي احكيلي شبك شوف حالك والله ياما تراك صافن وعم تفكر
او مشغول بالشغل احكيلي وجعك
مهند: طولي بالك ماما كل خير انشالله انتي لا تعبي حالك ولا تفكري انا في موال براسي بدي اعملو وبس نجح لحالي بتشوفيني اجيت لعندك وحكيتلك شبني
ام عمار: اممم الله يهدي بالك يا امي طيب مابدك تاكل
مهند: والله مالي نفس كنت قاعد مع مهيار وشربنا لهيك مالي نفس للاكل
ام عمار: طيب امي دير بالك ع حالك الله يهدي سرك احسن شي
مهند: الله ييسلمك يارب يلا طالع ع غرفتي و انتي ارتاحي كمان
ام عمار: طيب ماشي يلا تصبح ع خير

مهند: وانتي بخير
بودع امو وكل مين بروح لغرفتو …
بيدخل لغرفتو حط غراضو وبدل تيابو واتسطح يفكر وهو حاطت ايدو تحت راسو وقاعد .......
مهند: اي وبعدين بقى معك معقول نايمة بهالوقت بس خلص رح اتركا تفكر من هون ل يومين اقل شي لازم حاكيها وافهم منها وانشالله خيرر …
بيتسطح وبضل يفكر ل ينام والليل ياخد مجراه ويمر …………....
تاني يوم المسا …&
ام ميلا: شو يا ميلا مافكرتي
ميلا: مبلى بدي قلك شي قبل ما نحكي بموضوع المرة ونوافق او لا
ام ميلا :اي قولي
ميلا: انا في شخص بدو يجي يزورنا
ام ميلا : ومين هالشخص
ميلا: انا قررت اتزوج بما انو ماضل حل قدامي بس مارح اخد حدا من الجيران رح يجي شب ويتقدملي وكتير اكابرر وابن حلال
ام ميلا: ومين هالشب يلي بدك تتزوجيه
ميلا: شافني شب وابن حلال واخلاقو منيحة ومافي منو وبيفهمني اهم شي شفتو بالطريق وبعدين شفتو كذا مرة صدفة وفاتحني بالموضوع وهو ناطر مني رد لهيك خلص مابدي اقبل باخوها ل ام وليد
ام ميلا: مابعرف شو بدي قلك خلي يجي وهون ببين عنا يا منقول اي يا لا واذا الك نصيب فيه مابروح
ميلا: ماشي خير انشالله
ام ميلا : احكي معو خلي يجي ومنشوف شو الله بيسر
ميلا: ماشي
بتطلع ع غرفتها وبتقعد تفكر شو بدها تحكي معو وشو ممكن تقلو …
ابو ميلا: الحمدالله انو اقتنعت وخلص البنت اذا مرتاحة لهل الشب مافي مشكلة بالنهاية ببين معنا شو معدن الشب من قعدتو ومنطقو …
ام ميلا: اي والله لكن رح حاكي ام وليد وقلا انو مافي الكون نصيب عنا
ابو ميلا: بتعملي زينة العقل …
بتحمل التليفون وبتدق ع ام وليد …
ام ميلا: الو مرحبا
ام وليد: اهلين ام ميلا
ام ميلا: طمنيني عني انشالله بخير
ام وليد: والله الحمدالله بخير وانتي
ام ميلا :الله يسلمك يارب والله تمام
ام وليد: تفضلي قليلي
ام ميلا: هو مابعرف شو بدي قلك بس الدنيا قسمة ونصيب بالاخر والبنت ماوافقت بالنهاية بنتي مو اول بنت بترفض والشهادة لالله اخوكي شب بينرفع فيه الراس بس مافي نصيب والله يبعتلو الاحسن يارب ويختارلو الخيرر
ام وليد: ولايهمك ام ميلا الدنيا قسمة ونصيب
ام ميلا: انشالله هالشي ما يأثر على علاقتنا
ام وليد: لا طبعا بس نحنا حبينا ناخد بنتك لاخي لانو كنا عم ندور ع عروس لاخي وشفت بنتك وخطرت ببالي بس مافي مشكلة لا تاكلي هم
ام ميلا: تسلميلي يارب يا ام وليد انشالله بفرحتك ب باقي الشباب يارب
ام وليد: الله يسلمك يارب
ام ميلا: تفضلي ام وليد
ام وليد: انشالله منتشرف وانتي تفضلي
ام ميلا: انشالله يلا بدك شي
ام وليد :لاوالله سلامتك
ام ميلا: الله يسلمك الله معك
ام وليد: اهلين ام ميلا الله معك …
بتسكر الخط بعد نا نهت الموضوع عند ام وليد ع خير …
وبتروح ترتاح.
ميلا بغرفتها بتمسك موبايلها وبتتصل …
ميلا(دقات قلبها عم تطلع وتنزل بقوة وعم ترجف)
قاعد مع الشباب مهند بشوف وبلاقي ميلا بياخد الموبايل …
عماد: لوين
مهند: شوي وراجع
عماد: ماشي
بيستغرب من اتصالها وبرد.
مهند: الو
ميلا: كيفك مهند
مهند: بس اسمع صوتك بصير بخيرر دايما
ميلا :طيب انا حابة قلك شي بخصوص يلي حكينا فيه …
مهند: اي اكيد تفضلي
ميلا: بس قبل كل شي انت لساتك عند كلامك
مهند: اكيد وقلتلك معك ع المرة قبل الحلوة
وكل شي سوا منحلو انشالله
ميلا: انا فكرت بالموضوع وحكيت لاهلي واهلي قالولي بدون يشوفوك وانت بتعرف هالعادات………
مهند (بحس الفرحة بلشت تاخدمكانها …):بفهم من كلامك انك موافقة
ميلا: (بصوت يادوب مسموع) :اي انا فكرت بالموضوع بس لازم نتفق انا وياك ع كم شغلة لازم نحكي فيون …
مهند:اكيد رح نحكي ونتفق ونحل كل الامور سوا بس المهم انتي مفكرة واخدة قرارك
ميلا: انشالله خير ع كل حال ببين معنا بس نحكي ونتفق
مهند: طيب. ماشي ع كل حال بكرا بناسبكون
ميلا: مافي مشكلة اهلا وسهلا فيك
مهند: ماشي انشالله بكرا بكون عندكون ورح اجي لحالي لاتعرف ع اهلك
واهلك يتعرفو عليي
ميلا: طيب انشالله خير
مهند: خير يصيبك
ميلا :طيب بدك شي
مهند: لا سلامتك
ميلا: باي …
بسكر الخط معها وهوفرحان وبفوت لعند رفقاتو وبقول …
مهند (مبتسم) :باركولي شباب
الشباب: خير
مهند: قررت اخطب
كنان: اي روووح
مهيار: هههه يسعد دينك الف مبرروك
عماد: ياعيني الف مبروك بس كيف هيك صار
مهند: بكرا بخبركون بكل شي انا هلق لازم روح ع البيت وبشوفكون بس زبط اموري
ومنحكي بكل شي بدكون ياه
كنان: ايوا لسا ما خطبت وهيك فايت ببعضك
الشباب: ههههههه
مهند :انت ماعندك لا شغلة ولا عملة غير تتمسخر
وتقفل علينا
عماد: خلص تركو جفاف بغياب الحبيبة
مهند :هههههه حقووو
مهيار: هههه شايف بالله
مهند :يلا رايح شباب انا
عماد: لا تنسى الحلوان
مهند :ولا يهمك والله لحليكون احلى حلوان انشالله…

كنان: اي رح نشوف
مهيار: هههه اي
مهند: ماشي يلا سلامات
الكل: الله معك …
بيحمل حالو وبيروح ع البيت
وسايق بسرعة بس بدو يوصل …
هلا: امي
ام عمار :شو رايك بهاد الطقم مجد عم ياخد راي فييه
ام عمار: اي والله حلو
هلا: معناها رح قلو عليه احسن ما يقعد يفصل
وومن هالحكي…
ام عمار: اي اريحلو
هلا: وهو هيك
ما بحسو ع مهند غير فايت لعندون وهو ضحكتو ما عم تفارقو …
ام عمار: ايوا انشالله بتضل مبسوط شو صاير معك
مهند: ابنك قرر يتزوج ولاقى بنت احلامو يا امي
عمار: ههههه شو عم يصير هون
مهند: انت سكوت سمعي ماما
ام عمار: خير قلي
مهند: ليكي انا بدي اتزوج لابقى تعذبي حالك وتدوري
انا رح اخدكون تخطبولي هاالاسبوع……
ام عمار :ايوا بس مين البنت
مهند: بنت شفتا وارتحت الها بدي اخطبا
دلع: ههه شو فيلم
مهند: هلق مو بدكون تزوجوني
الكل :اي
مهند: معناها جهزولي حالكون بكرا انا رايح شوف اهلها واتعرف عليون
ويتعرفو عليي وبعدها باخدكون ومنخطبها رسمي للبنت
ام عمار: اي الله يوفقك يا امي ويكملا معك وتضلك مبسوط هيك وفرحان
مهند :انشالله يارب
هلا :كيف شكلا
دلع :شو اسمها
مهند: بلشنا تحقيق مارح قلكون شي بكرا بس اخدكون بتشوفوها وبتتعرفو عليها……
هلا: ييي منك
مهند: هلق طالع ارتاح عندي شغلات كتير بكرا
ابو عمار: خليك سهران معنا
مهند: لا بدي اطلع ارتاح هيك
ابو عمار: ماشي
مهند: يلا سلام
الكل :الله معك
بيطلع لغرفتو وهو مبسوط بيرمي غراضو ع البيرو وببدل تيابو وبيتسطح وبصيرر يفكر …
ميلا: ما احلى هالشعور والله لعيشك يا ميلا معي احلى عيشة صدقيني لطلعك من كل عقدك ومن كل شي قاسي
مريتي فيه بحياتك بس يارب
كملها معنا يارب ……بصير يتقلب وبيذكر يتصل ب
ابو سعد …
مهند: يييي كيف راح هيك عن
بالي ونسيت اتصل فيه رح دقلو وخبرو …
بيرفع تلفونو وبيتصل فيه …
مهند: الو
ابو سعد: اهلين
مهند :شو اخبارك ابو سعد
ابو سعد: والله بخيرر
مهند: بكرا تعال لعندي ع المينا لنتفق ع كل شي
ابو سعد: انشالله خير
مهند: انشالله انت تعال وما بتكون غير رضيان وانا رضيان
ابو سعد :انشالله
مهند: يلا بدك شي
ابو سعد: لا سلامتك
مهند: الله يسلمك يلا باي
ابو سعد: الله معك
بيسكررالخط مع ابو سعد وبيتسطح بضل يفكر
شو رح يصير لقدام معو وكيف رح تمشي الامور. وبضل هيك ل ينام ………....
ميلا: يااا معقول يا الله يكون نصيبي بالاخر معو يارب
لا تضرني باختياراتي يارب انت بتعرف انا قديش
مريت بظروف صعبة يا رب لا تحملني
فوق طاقتي يارب
اذا هالشي خير الي خليه
واذا هالشي
شر يارب اصرفو عني
بتحس
بارتياح جواها وبتقعد تتذكر كيف مرت الاوقات
وكيف هيك صدفة خلت ينخلق نصيب بينها
وبين شخص ما شفتو الا كم مرة وبضل هيك …
عم تفكر بشي يفائلها
ميلا :لازم احكي معو بكرا
بس يجي لعنا بقعد معو وبخبرو بكل شي اولها عن اخرها بدو يعرف
يعرف مني ولا مني غيري
وهلق احسن شي قوم نام …
وبتجي لتنام بيجيها اتصال …
ميلا :الو
مريم: كيفك
ميلا: منيحة
مريم: شو نايمة
ميلا :لا بس كنت بدي نام والله
مريم :طيب بس بدي قلك
تعالي لعندي بكرا انا حابة اقعد معك ونحكي شوي
ميلا: طيب لشوف شو الله بيسر معي بلكي اجي
مريم: طيب حبيبتي مارح اتاخر عليكي روحي ارتاحي
ميلا: ماشي حبيبتي
مريم :بدك شي
ميلا :سلامتك
مريم: الله يسلمك يلا باي
ميلا :الله معك حبيبتي
بتسكر الخط
وهي مستغربة من كلام واتصال مريم بس ما بتاخد
ولا بتعطي فيه وبتحط راسها
وبتنام بعد تفكير وتعب
نهار كامل …………………………………………

يتبع، ،،،،،،،،،،،،،،،،،،،،،،،،

#ثّلَأّثّوِنِ_دِقِيِّقِةّمَنِ_أّلَعٌشٍقِ ♥🔥
#لَلَګأّتّبِةّ:
#Bayan Al-rohban ♥🔥
#أّلَجِزِّء_أّلَخَأّمََّس…&
_______
فايق بكير هيك والبسمة مرافقتو عم يطلع هيك حواليه ويقول…
مهند: بعمري ما كنت اعرف شو هالاحساس ولا كنت اعرف كيف العالم بتعيشو
بس انا هلق صرت متاكد اجمل ثلاثين دقيقة كانو هداك الصباح لما شفتا وبعدتا عن الطريق سبحانك يارب ما اقوى حكمتك لما بدك تجمع شخصين كيف بتخلق بينهون الصدفة. …
بيرن موبايلو……
مهند: الو
كنان: كيفك حبيب
مهند: منيح وانت
كنان: الحمدالله سماع كنت عم فكر
مهند: ههه شو عم تفكر
كنان: شو رايك تخطب هاليومين بدنا نفرح يا رجل ملينا من السنغلة
مهند: ليش وين حبيبتك مدري خطيبتك
كنان: هاليومين هي نازلة ومنشوف شو بدنا نعمل
مهند :اي بسيطة
كنان: اي شوقلت
مهند: لنشوف اول شي لروح شوف العالم وبعدين منحكي بأمور الخطبة
كنان: انا عم قلك منشان تفكر لانو بدنا نفرح
مهند: هاد يلي هامك
كنان: فوق ماني رفيق منيح عم فكر بمستقبلك …
مهند: اي والله بهي حقك حقك ع راسي لا تواخذنا
كنان: اي منيح عرفت انو حقي ع راسك
مهند: بس ولك كنان يلا قحط من هون بدي روح عندي شغل يا دوبني لحق
كنان: اممم رايح لعندون اليوم
مهند: اي بدي روح لعندون وبدي مر زبط شوية امور بالشغل
كنان: طيب اذا لحقت وخلصت ع بكير مر لعنا ع القهوة
مهند: طيب انشالله لشوف
كنان: طيب يلا سلام
مهند: الله معك …
بسكر المكالمة معو وبقول…
مهند: مخلص الشب ولا شوي عقل براسو
بيتنهد وبيدخل بياخد دوش وبيبلس تيابو وبينزل لعند اهلو …
مهند: صباح الخير
الكل: صباح النور
ام عمار: تعال فطار ليك الاكل جاهز
مهند: يلا
بيقعدو كلون ع سفرة الاكل وهنن عم ياكلو……
عمار: شو مشاريعك اليوم
مهند: طالع ع الشغل بعدين رايح ع بيت الخطيبة المستقبلية انشالله
عمار: ههه شو لحالك
مهند: اي لحالي انا حابب روح لحالي اول مرة ليعرفوني واعرفون ونحكي
ابو عمار :خود عمار معك
مهند: لا مابدي بس وقت نطلبا باخدكون كلكون ومنروح
هلا: اخي يعني خلص نويت
مهند: اي طبعا اكيد ماني عم العب
ام عمار: اي الله يوفقك ويسر امرك يا امي
مهند: الله يسلمك
عمار: مهند هون ناوي تسكن بالبيت مو هيك
مهند: لا
ام عمار: ليش امي البيت كبير وانت عندك غرفة ومو ناقصك شي
مهند: معليش امي انا بدي استقل لحالي هيك احسن بدي اتحمل مسؤولية مابدي ضل هيك
عمار: والله انا ما فكرت متلك
مهند: منيح منك بتعرف البيت انت
هلا: ههه اي والله بس اخي والله بتتونس معنا خليك هون
مهند: حدا قلك اني اذا سكنت لحالي رح اقطعكون
هلا: لا
مهند: خلص معناها بسكن لحالي وبصير نجي لعندكون
ابو عمار: والله يا ابني مابعرف شو بدي قلك بس هيك صعبة عليك دغري
مهند: لا تاكل هم ابي كل شي الو حل
ابو عمار: اي الله يوفقك
مهند: الله يسلمك
ام عمار: يلا بسيطة امي انشالله بتهون المهم راحتك
مهند: امم انشالله
بيكملو اكلون وبيخلصو……
مهند :يلا امي انا طالع لشغلي …
الكل: ماشي
مهند: :بخاطركون
الكل: الله معك …
بيطلع مهند لشغلو …
عمار: غريب ياالله مهند بدو يطلع لحالو رغم هو يعني مابحب يطلع ويسكن ببيت اذا ما كنا موجودين
ابو عمار: ابني مو كل الشباب بتحب تسكن مع اهلها بعد الزواج وهاد حقو مافييك تمنعو
عمار: اي صح بس هيك يعني بكرا هلا من غير شر
بتروح ع بيت زوجها والبيت بيفضى اكتر اذا طلع
ام عمار: صح كلامك رغم اني بتمنى ما يطلع من
عندي بس مهند
مصيبتو عنيد وبضل مصر
على رأيو وما بحب اي شخص يناقشو بأمر هو مقتنع فيه …
هلا: صح كلامك ماما يلا معليش
الله يختارلو الخير بعدين قد ما بعد وحب يسكن لحالو الضفر ما بيطلع من اللحم
ابو عمار: اي والله صح كلامك
دلع: صحيح قديش ضل ل عرسك هلا
هلا: هلق هي الاسبوعين
دلع: يييي يالله والله اتعودت عليكي بكرا اذا طلعتي ما بلاقي حدا اتسلى معو
هلا: بعينك الله حتى انا هيك رح يصير فيني
دلع: يلا معليش المهم الله يتمملك ع خير يا عمري
هلا: الله يسلمك دلعي
ام عمار: معناها قومو نزلو ع السوق شوفو شو
ناقصكون غراض لسا ما جبتوها وتعالو
دلع: شو هلا
هلا: اي والله مننزل لسا في كم غرض ما جبتون
دلع: معناها قومي نضب ونلبس وننزل شو
هلا: اي يلا قومي
دلع: ماشي
ام عمار: خلو داليدا هون لا تاخدوها وتتلبكو فيها هنيك وعجقة وهيك
دلع: والله مرة عمي بخاف تعذبك
ام عمار: لا ما بتعذبني انتو زبطولي ياها وبتضل عندي
دلع: ماشي معناها دوبنا نلحق نخلص
وننزل
ام عمار: اي
بيطلعو كل مين لشغلو
عمار: وانا طالع لشغلي
ام عمار: ماشي ابني
عمار: يلا بخاطركون
الكل: الله معك …
قاعدة ميلا عم تشرب نسكافيه …
بتجي ميرنا لعندها وميمي معها.
ميرنا: شو قاعدة لحالك